← Library

Amphitruo

Perseus Latin · Perseus Latin · 1,409 sections

1. prologue.pr.101

   nam cum Telobois bellum est Thebano poplo.

2. prologue.pr.102

   is prius quam hinc abiit ipsemet in exercitum,

3. prologue.pr.103

   gravidam Alcumenam úxorem fecit suam.

4. prologue.pr.104

   nam ego vos novisse credo iam ut sit páter meus,

5. prologue.pr.105

   quam liber harum rerum multarum siet

6. prologue.pr.106

   quantusque amator sit quod complacitum est semel.

7. prologue.pr.107

   is amare occepit Alcumenam clam virum

8. prologue.pr.108

   usuramque eius corporis cepit sibi,

9. prologue.pr.109

   et gravidam fecit is eam compressu suo.

10. prologue.pr.110

    nunc de Alcumena ut rem teneatis rectius,

11. prologue.pr.111

    utrimque est gravida, et ex viro et ex summo Iove.

12. prologue.pr.112

    et meus pater nunc intus hic cum illa cubat,

13. prologue.pr.113

    et haec ob eam rem nox est facta longior,

14. prologue.pr.114

    dum cum illa quacum volt voluptatem capit;

15. prologue.pr.115

    sed ita adsimulavit se, quasi Amphitruo siet.

16. prologue.pr.116

    nunc ne hunc ornatum vos meum admiremini,

17. prologue.pr.117

    quod ego huc processi sic cum servili schema:

18. prologue.pr.118

    veterem atque antiquam rem novam ad vos proferam,

19. prologue.pr.119

    propterea ornatus in novom incessi modum.

20. prologue.pr.120

    nam méus pater intus núnc est eccum Iuppiter;

21. prologue.pr.121

    in Amphitruonis vertit sese imaginem

22. prologue.pr.122

    omnesque eum esse censent servi qui vident:

23. prologue.pr.123

    ita versipellem se facit quando lubet.

24. prologue.pr.124

    ego servi sumpsi Sosiae mi imaginem,

25. prologue.pr.125

    qui cum Amphitruone abiit hinc in exercitum,

26. prologue.pr.126

    ut praeservire amanti meo possem patri

27. prologue.pr.127

    atque ut ne, qui essem, familiares quaererent,

28. prologue.pr.128

    versari crebro hic cum viderent me domi;

29. prologue.pr.129

    nunc, cum esse credent servom et conservom suom,

30. prologue.pr.130

    haud quisquam quaeret qui siem aut quid venerim.

31. prologue.pr.131

    pater nunc intus suo animo morem gerit:

32. prologue.pr.132

    cubat complexus cuius cupiens maxime est;

33. prologue.pr.133

    quae illi ad legionem facta sunt memorat pater

34. prologue.pr.134

    meus Alcumenae: ílla illum censet virum

35. prologue.pr.135

    suom esse, quae cum moecho est. ibi nunc meus pater

36. prologue.pr.136

    memorat, legiones hostium ut fugaverit,

37. prologue.pr.137

    quo pacto sit donis donatus plurimis.

38. prologue.pr.138

    ea dona, quae illic Amphitruoni sunt data,

39. prologue.pr.139

    abstulimus: facile meus pater quod volt facit.

40. prologue.pr.140

    nunc hodie Amphitruo veniet huc ab exercitu

41. prologue.pr.141

    et servos, cuius ego hanc feró imaginem.

42. prologue.pr.142

    nunc internosse ut nos possitis facilius,

43. prologue.pr.143

    ego has habebo úsque in petaso pinnulas;

44. prologue.pr.144

    tum meo patri autem torulus inerit aureus

45. prologue.pr.145

    sub petaso: id signum Amphitruoni non erit.

46. prologue.pr.146

    ea signa nemo hórum familiarium

47. prologue.pr.147

    videre poterit: verum vos videbitis.

48. prologue.pr.148

    sed Amphitruonis illic est servos Sosia:

49. prologue.pr.149

    a portu illíc nunc cum lanterna ádvenit.

50. prologue.pr.150

    abigam iam ego illum advenientem ab aedibus.

51. prologue.pr.151

    adeste: erit operae pretium híc spectantibus

52. prologue.pr.152

    Iovem et Mercurium facere hístrioniam.

53. 1.1.153

    Qui me álter est audácior homo aút qui confidéntior,

54. 1.1.154

    iuventútis mores qui sciam, qui hoc noctis solus ambulem?

55. 1.1.155

    quid faciam nunc, si tres viri me in carcerem compegerint?

56. 1.1.156

    inde crás quasi e promptaria cella depromar ad flagrum,

57. 1.1.157

    nec causam liceat dicere mihi, néque in ero quicquam auxili

58. 1.1.158

    nec quisquam sit quin me malo omnes esse dignum deputent.

59. 1.1.159_160

    íta quasi incudém me miserum hómines octo válidi caedant:

60. 1.1.161_162

    ita peregre adveniens hospitio publicitus accipiar.

61. 1.1.163

    haéc eri immodéstia

62. 1.1.164

    coegit, me qui hoc noctis a portu ingratiis excitavit.

63. 1.1.165

    nonne ídem hoc luci me míttere potuit?

64. 1.1.166

    opulénto homini hoc servitús dura est,

65. 1.1.167

    hoc mágis miser est divítis servos:

66. 1.1.168

    nóctesque diésque assiduó satis superque est

67. 1.1.169

    quód facto aut dícto adeost ópus, quietus ne sis.

68. 1.1.170

    ípse dominus díves, operis ét laboris expers,

69. 1.1.171

    quódcumque homini áccidit libére, posse retur:

70. 1.1.172

    aéquom esse putát, non reputát laboris quid sit.

71. 1.1.173

    nec aéquom anne iníquom imperét cogitábit.

72. 1.1.174

    ergo ín servitúte expetúnt multa iníqua:

73. 1.1.175

    habéndum et ferúndum hoc onúst cum labóre.

74. 1.1.176

    Satiúst me queri íllo modó servitútem:

75. 1.1.177

    hodié qui fuerim líber,

76. 1.1.178

    eúm nunc potívit patér servitútis,

77. 1.1.179

    hic qui verna natus est queritur.

78. 1.1.180

    Sum véro verna vérbero: num número mi in mentém fuit,

79. 1.1.181

    dis advenientem gratias pro meritis agere atque alloqui?

80. 1.1.182

    ne illi edepol si merito meo referre studeant gratiam,

81. 1.1.183

    aliquem hominem allegent qui mihi advenienti os occillet probe,

82. 1.1.184

    quoniam bene quae in me fecerunt ingrata ea habui atque inrita.

83. 1.1.185

    Facit ille quod volgo haud solent, ut quid se sit dignum sciat.

84. 1.1.186

    Quod numquam opinatus fui neque alius quisquam civium

85. 1.1.187

    sibi eventurum, id contigit, ut salvi poteremur domi.

86. 1.1.188

    victores victis hostibus legiones reveniunt domum,

87. 1.1.189

    duelló exstincto maximo atque internecatis hostibus.

88. 1.1.190

    quod multa Thebano poplo acerba obiecit funera,

89. 1.1.191

    id vi et virtute militum victum atque expugnatum oppidum est

90. 1.1.192

    imperio atque auspicio eri mei Amphitruonis maxime.

91. 1.1.193

    praeda atque agro adoriaque adfecit populares suos

92. 1.1.194

    regique Thebano Creoni regnum stabilivit suom.

93. 1.1.195

    me a portu praemisit domum, ut haec nuntiem uxori suae,

94. 1.1.196

    ut gesserit rem publicam ductu imperio auspicio suo.

95. 1.1.197

    ea nunc meditabor quo modo illi dicam, cum illo advenero.

96. 1.1.198

    si dixero mendacium, solens meo more fecero.

97. 1.1.199

    nam cum pugnabant maxume, ego tum fugiebam maxume;

98. 1.1.200

    verum quasi adfuerim tamen simulabo atque audita eloquar.

99. 1.1.201

    sed quo modo et verbis quibus me deceat fabularier,

100. 1.1.202

     prius ipse mecum etiam volo hic meditari. sic hoc proloquar.

← Previous · Next → — showing 101–200 of 1,409

Perseus Latin. CTS URN phi0119.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.