← All works

Digest23

Latin Library (medieval and later) · Justinian · The Latin Library · 1,208 sections

1. 201

   Gaius 2 ad l. iul. et pap.

2. 202

   Simulatae nuptiae nullius momenti sunt.

3. 203

   Dig. 23.2.31

4. 204

   Ulpianus 6 ad l. iul. et pap.

5. 205

   Si senatori indulgentia principis fuerit permissum libertinam iustam uxorem habere, potest iusta uxor esse.

6. 206

   Dig. 23.2.32

7. 207

   Marcellus 1 ad l. iul. et pap.

8. 208

   Sciendum est libertinum, qui se ingenuo dedit adrogandum, quamvis in eius familia ingenui iura sit consecutus, ut libertinum tamen a senatoriis nuptiis repellendum esse.

9. 209

   Dig. 23.2.33

10. 210

    Marcellus 3 ad l. iul. et pap.

11. 211

    Plerique opinantur, cum eadem mulier ad eundem virum revertatur, id matrimonium idem esse: quibus adsentior, si non multo tempore interposito reconciliati fuerint nec inter moras aut illa alii nupserit aut hic aliam duxerit, maxime si nec dotem vir reddiderit.

12. 212

    Dig. 23.2.34pr.

13. 213

    Papinianus 4 resp.

14. 214

    Generali mandato quaerendi mariti filiae familias non fieri nuptias rationis est: itaque personam eius patri demonstrari, qui matrimonio consenserit, ut nuptiae contrahantur, necesse est.

15. 215

    Dig. 23.2.34.1

16. 216

    Papinianus 4 resp.

17. 217

    Ream adulterii, quam vir iure mariti postulavit, non prohibetur post abolitionem uxorem denuo ducere: sed et si non iure mariti ream postulavit, iure contractum matrimonium videbitur.

18. 218

    Dig. 23.2.34.2

19. 219

    Papinianus 4 resp.

20. 220

    Inter privignos contrahi nuptiae possunt, etsi fratrem communem ex novo parentium matrimonio susceptum habeant.

21. 221

    Dig. 23.2.34.3

22. 222

    Papinianus 4 resp.

23. 223

    Filiam senatoris nuptias libertini secutam patris casus non faciat uxorem: nam quaesita dignitas liberis propter crimen patris auferenda non est.

24. 224

    Dig. 23.2.35

25. 225

    Papinianus 6 resp.

26. 226

    Filius familias miles matrimonium sine patris voluntate non contrahit.

27. 227

    Dig. 23.2.36

28. 228

    Paulus 5 quaest.

29. 229

    Tutor vel curator adultam uxorem ducere non potest, nisi a patre desponsa destinatave testamentove nominata condicione nuptiis secuta fuerit.

30. 230

    Dig. 23.2.37

31. 231

    Paulus 7 resp.

32. 232

    Libertum curatoris puellae prohiberi oportet uxorem eandem ducere.

33. 233

    Dig. 23.2.38pr.

34. 234

    Paulus 2 sent.

35. 235

    Si quis officium in aliqua provincia administrat, inde oriundam vel ibi domicilium habentem uxorem ducere non potest, quamvis sponsare non prohibeatur, ita scilicet, ut, si post officium depositum noluerit mulier nuptias contrahere, liceat ^ libeat^ ei hoc facere arris tantummodo redditis quas acceperat.

36. 236

    Dig. 23.2.38.1

37. 237

    Paulus 2 sent.

38. 238

    Veterem sponsam in provincia, qua quis administrat, uxorem ducere potest et dos data non fit caduca.

39. 239

    Dig. 23.2.38.2

40. 240

    Paulus 2 sent.

41. 241

    Qui in provincia aliquid administrat, in ea provincia filias suas in matrimonium collocare et dotem constituere non prohibetur.

42. 242

    Dig. 23.2.39pr.

43. 243

    Paulus 6 ad plaut.

44. 244

    Sororis proneptem non possum ducere uxorem, quoniam parentis loco ei sum.

45. 245

    Dig. 23.2.39.1

46. 246

    Paulus 6 ad plaut.

47. 247

    Si quis ex his, quas moribus prohibemur uxores ducere, duxerit, incestum dicitur committere.

48. 248

    Dig. 23.2.40

49. 249

    Pomponius 4 ex plaut.

50. 250

    Aristo respondit privignae filiam non magis uxorem duci posse quam ipsam privignam.

51. 251

    Dig. 23.2.41pr.

52. 252

    Marcellus 26 Dig.

53. 253

    Probrum intellegitur etiam in his mulieribus esse, quae turpiter viverent volgoque quaestum facerent, etiamsi non palam.

54. 254

    Dig. 23.2.41.1

55. 255

    Marcellus 26 Dig.

56. 256

    Et si qua se in concubinatu alterius quam patroni tradidisset, matris familias honestatem non habuisse dico.

57. 257

    Dig. 23.2.42pr.

58. 258

    Modestinus l.S. de ritu nupt.

59. 259

    Semper in coniunctionibus non solum quid liceat considerandum est, sed et quid honestum sit.

60. 260

    Dig. 23.2.42.1

61. 261

    Modestinus l.S. de ritu nupt.

62. 262

    Si senatoris filia neptis proneptis libertino vel qui artem ludicram exercuit cuiusve pater materve id fecerit, nupserit, nuptiae non erunt.

63. 263

    Dig. 23.2.43pr.

64. 264

    Ulpianus 1 ad l. iul. et pap.

65. 265

    Palam quaestum facere dicemus non tantum eam, quae in lupanario se prostituit, verum etiam si qua ( ut adsolet) in taberna cauponia vel qua alia pudori suo non parcit.

66. 266

    Dig. 23.2.43.1

67. 267

    Ulpianus 1 ad l. iul. et pap.

68. 268

    Palam autem sic accipimus passim, hoc est sine dilectu: non si qua adulteris vel stupratoribus se committit, sed quae vicem prostitutae sustinet.

69. 269

    Dig. 23.2.43.2

70. 270

    Ulpianus 1 ad l. iul. et pap.

71. 271

    Item quod cum uno et altero pecunia accepta commiscuit, non videtur palam corpore quaestum facere.

72. 272

    Dig. 23.2.43.3

73. 273

    Ulpianus 1 ad l. iul. et pap.

74. 274

    Octavenus tamen rectissime ait etiam eam, quae sine quaestu palam se prostituerit, debuisse his connumerari.

75. 275

    Dig. 23.2.43.4

76. 276

    Ulpianus 1 ad l. iul. et pap.

77. 277

    Non solum autem ea quae facit, verum ea quoque quae fecit, etsi facere desiit, lege notatur: neque enim aboletur turpitudo, quae postea intermissa est.

78. 278

    Dig. 23.2.43.5

79. 279

    Ulpianus 1 ad l. iul. et pap.

80. 280

    Non est ignoscendum ei, quae obtentu paupertatis turpissimam vitam egit.

81. 281

    Dig. 23.2.43.6

82. 282

    Ulpianus 1 ad l. iul. et pap.

83. 283

    Lenocinium facere non minus est quam corpore quaestum exercere.

84. 284

    Dig. 23.2.43.7

85. 285

    Ulpianus 1 ad l. iul. et pap.

86. 286

    Lenas autem eas dicimus, quae mulieres quaestuarias prostituunt.

87. 287

    Dig. 23.2.43.8

88. 288

    Ulpianus 1 ad l. iul. et pap.

89. 289

    Lenam accipiemus et eam, quae alterius nomine hoc vitae genus exercet.

90. 290

    Dig. 23.2.43.9

91. 291

    Ulpianus 1 ad l. iul. et pap.

92. 292

    Si qua cauponam exercens in ea corpora quaestuaria habeat ( ut multae adsolent sub praetextu instrumenti cauponii prostitutas mulieres habere), dicendum hanc quoque lenae appellatione contineri.

93. 293

    Dig. 23.2.43.10

94. 294

    Ulpianus 1 ad l. iul. et pap.

95. 295

    Senatus censuit non conveniens esse ulli senatori uxorem ducere aut retinere damnatam publico iudicio, quo iudicio cuilibet ex populo experiri licet, nisi si cui lege aliqua accusandi publico iudicio non est potestas.

96. 296

    Dig. 23.2.43.11

97. 297

    Ulpianus 1 ad l. iul. et pap.

98. 298

    Si qua calumniae iudicio damnata sit ex causa publici iudicii et quae praevaricationis damnata est, publico iudicio damnata esse non videtur.

99. 299

    Dig. 23.2.43.12

100. 300

     Ulpianus 1 ad l. iul. et pap.

← Previous · Next → — showing 201–300 of 1,208

The Latin Library (thelatinlibrary.com), via CLTK's latin_text_latin_library mirror. Public Domain Mark 1.0: no copyright. Licence: Public Domain Mark 1.0. Source.