Shenoute A22

Coptic literature (Coptic SCRIPTORIUM) · 556 sections

a22.YA421-428:34
ⲁⲗⲗⲁ ⲉϥⲉϣⲱⲡⲉ ⲛⲁⲛ ⲛⲟⲩϫⲁϫⲉ ⲉⲧⲃⲉⲡⲛⲟⲩⲧⲉⲉⲡⲉⲛⲥⲟⲛ ⲡⲉ
But let him be an enemy for us because of God, though he is our brother.
a22.YB307-320:34
ϯϫⲱ ⲙⲙⲟⲥ ⲛⲏⲧⲛ ϫⲉⲛⲧϩⲉ ⲉⲧⲉⲟⲩⲃⲟⲧⲉ ⲙⲡϫⲟⲉⲓⲥ ⲡⲉ ϣⲓ ⲥⲛⲁⲩ
a22.YB307-320:35
ⲁⲩⲱ ⲉⲛⲛⲁⲛⲉⲟⲩⲙⲁϣⲉ ⲁⲛ ⲛⲕⲣⲟϥ ⲙⲡⲉϥⲙⲧⲟ ⲉⲃⲟⲗ ·
a22.YB83-96:35
ⲉⲧⲃⲉⲟⲩ ⲉⲧⲉⲧⲛⲉⲓⲛⲉ ⲉϩⲣⲁⲓ ⲉϫⲱⲧⲛ ⲛⲟⲩⲥⲛⲟϥ ⲙⲛⲟⲩϩⲁⲡ ϣⲁⲉⲛⲉϩ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲙⲡⲁⲛⲧⲟⲕⲣⲁⲧⲱⲣ ·
a22.ZC301-308:35
ϫⲉⲙⲛⲗⲁⲁⲩ ⲙⲙⲟⲛ ⲛⲁⲱⲛϩ ⲛⲁϥ · ⲁⲩⲱ ⲙⲛⲗⲁⲁⲩ ⲙⲙⲟⲛ ⲛⲁⲙⲟⲩ ⲛⲁϥ ·
a22.YB67-80:35
ⲁⲩⲱ ⲛⲧⲛϣⲱⲡⲉ ⲙⲙⲉⲥⲧⲉ ⲛⲛⲁϩⲣⲁϥ ·
a22.YA293-300:35
ⲡⲁⲓ ⲅⲁⲣ ⲡⲉ ⲛⲟⲩⲱϣ ⲙⲡⲛⲟⲩⲧⲉ ⲡⲉⲧⲛⲧⲃⲃⲟ · ⲉⲧⲣⲉⲛϣⲱⲡⲉ ⲉⲛⲟⲩⲁⲁⲃ ⲛⲁϥ · ⲁⲩⲱ ⲛⲧⲛⲙⲉⲣⲉⲛⲉⲛⲉⲣⲏⲩ ⲕⲁⲧⲁⲧϩⲉ ⲛⲧⲁϥϩⲱⲛ ⲉⲧⲟⲟⲧⲛ ⲕⲁⲧⲁⲛⲉⲅⲣⲁⲫⲏ
a22.YA421-428:35
ⲁⲩⲱ ⲛⲧⲉⲓϩⲉ ϣⲁⲣⲉⲡⲙⲁⲓⲛⲟⲩⲧⲉ ⲟⲩⲱⲛϩ ⲉⲃⲟⲗ ⲙⲡⲉϥⲟⲩⲱϣ ⲧⲏⲣϥ ⲉϩⲟⲩⲛ ⲉⲡϫⲟⲉⲓⲥ ϫⲉⲁϥⲙⲉⲣⲓⲧϥ ⲉϩⲟⲩⲟ ⲉⲡⲉϥⲥⲟⲛ · ⲁⲩⲱ ⲛϩⲟⲩⲟ ⲉⲡⲉϥⲉⲓⲱⲧ ⲙⲛⲧⲉϥⲙⲁⲁⲩ ·
And in this way the God-loving one reveals his entire love for the Lord that he has loved Him more than his brother and more than his father and mother.
a22.YB307-320:36
ⲧⲁⲓ ⲟⲛ ⲧⲉ ⲧϩⲉ ⲟⲩⲃⲟⲧⲉ ⲙⲡⲛⲟⲩⲧⲉ ⲡⲉ ⲡⲉⲧⲟ ⲛϩⲏⲧ ⲥⲛⲁⲩ ϩⲛⲧⲉϥϩⲩⲡⲟⲙⲟⲛⲏ ·
a22.YA421-428:36
ⲟⲩⲛⲟϭ ⲅⲁⲣ ⲙⲙⲛⲧⲧⲉⲗⲓⲟⲥ ⲧⲉ ⲉⲧⲣⲉⲡⲣⲱⲙⲉ ϣⲱⲱⲧ ⲉⲃⲟⲗ ⲙⲙⲟϥ ⲙⲡⲉϥⲥⲟⲛ ⲏ ⲡⲉϥϣⲏⲣⲉ ⲏ ⲧⲉϥϣⲉⲉⲣⲉ ⲏ ⲡⲉϥⲉⲓⲱⲧ ⲏ ⲧⲉϥⲙⲁⲁⲩ ⲏ ϭⲉⲗⲁⲁⲩ ⲛⲣⲱⲙⲉ ⲛⲧⲁϥ ⲉⲧⲃⲉⲡⲛⲟⲩⲧⲉ · ϩⲟⲧⲁⲛ ⲉⲩϣⲁⲛⲣⲛⲟⲃⲉ ⲉⲡⲉⲛⲧⲁϥⲧⲁⲙⲓⲟⲟⲩ ⲉⲧⲉⲡⲛⲟⲩⲧⲉ ⲡⲉ ·
For it is a great perfection for a man to cut himself off from his brother or his son or his daughter or his father or his mother or any other person of his for the sake of God, when they sin against the One who created them, God.
a22.ZC301-308:36
ⲉϣⲱⲡⲉ ⲅⲁⲣ ⲉⲛϣⲁⲛⲱⲛϩ ⲛⲛⲁⲱⲛϩ ⲙⲡϫⲟⲉⲓⲥ · ⲉϣⲱⲡⲉ ⲟⲛ ⲉⲛϣⲁⲛⲙⲟⲩ ⲉⲛⲛⲁⲙⲟⲩ ⲙⲡϫⲟⲉⲓⲥ ·
a22.YB83-96:36
ⲉϣϫⲉ ϩⲉⲛϭⲟⲗ ⲇⲉ ⲛⲉ ⲛϣⲁϫⲉ ⲉⲧⲉⲧⲛϫⲱ ⲙⲙⲟⲟⲩ
a22.YA293-300:36
ⲁϣ ⲡⲉ ⲡⲥⲃⲃⲉ ⲙⲡϩⲏⲧ ⲏ ⲟⲩ ⲧⲉ ⲧⲙⲛⲧⲁⲧⲥⲃⲃⲉ ·
a22.YB67-80:36
ⲟⲩⲇⲉ ⲙⲡⲣⲧⲣⲉⲛⲟⲃϣ ⲛⲛⲉⲧⲟⲩⲁⲓⲧⲉⲓ ⲙⲙⲟⲛ ⲙⲙⲟϥ · ⲕⲁⲧⲁⲛⲕⲁⲛⲱⲛ ⲉⲛⲧⲁⲛⲉⲛⲉⲓⲟⲧⲉ ⲕⲁⲁⲩ ⲛⲁⲛ ⲉϩⲣⲁⲓ ⲕⲁⲧⲁⲡϣⲓ ⲙⲛⲧⲁϩⲟ ⲉⲣⲁⲧϥ ⲙⲛⲉⲛⲥⲱⲙⲁ ϫⲉⲛⲛⲉⲛϣⲱⲡⲉ ϩⲱⲥ ⲣⲉϥⲕⲁⲧⲁⲫⲣⲟⲛⲉⲓ ⲛⲛⲉⲛⲉⲣⲏⲩ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲛⲧⲉⲡϫⲟⲉⲓⲥ ⲕⲁⲧⲁⲫⲣⲟⲛⲉⲓ ⲙⲙⲟⲛ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲙⲡⲉⲙⲧⲟ ⲉⲃⲟⲗ ⲙⲡⲉϥⲁⲅⲅⲉⲗⲟⲥ ·
a22.ZC301-308:37
ⲉϣⲱⲡⲉ ϭⲉ ⲉⲛϣⲁⲛⲱⲛϩ ⲉϣⲱⲡⲉ ⲉⲛϣⲁⲛⲙⲟⲩ ⲁⲛⲟⲛ ⲛⲁⲡϫⲟⲉⲓⲥ ·
a22.YB67-80:37
ⲙⲡⲱⲣ ⲟⲛ ⲉⲧⲣⲉⲛϣⲃⲟⲩⲟⲛ ⲉⲟⲩⲟⲛ ϩⲛⲟⲩⲙⲛⲧⲣⲉϥϫⲓϩⲟ ϩⲁⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ · ⲉⲓⲧⲉ ϩⲛⲛⲉⲛϣⲱⲛⲉ · ⲉⲓⲧⲉ ϩⲛⲛⲉⲛⲙⲧⲟⲛ ⲉⲛϣⲱⲡⲉ ⲁⲛ ϫⲉⲛⲛⲉⲡϫⲟⲉⲓⲥ ⲉⲓⲣⲉ ⲛⲁⲛ ⲕⲁⲧⲁⲛⲉⲧϩⲛⲛⲉⲛϩⲏⲧ
a22.YA293-300:37
ⲛⲉⲧϣⲟⲟⲡ ⲛⲟⲩⲟⲉⲓϣ ⲛⲓⲙ ϩⲛϩⲉⲛⲙⲛⲧⲛⲁϣⲧϩⲏⲧ ⲙⲛϩⲉⲛⲙⲛⲧⲛⲁϣⲧⲙⲁⲕϩ · ⲙⲛϩⲉⲛⲙⲛⲧⲛⲁϣⲧⲉⲓⲙⲉ ⲙⲛϩⲉⲛⲙⲛⲧⲁⲧⲥⲃⲱ · ⲙⲛϩⲉⲛⲙⲛⲧⲁⲧⲥⲱⲧⲙ ⲙⲛϩⲉⲛⲙⲛⲧⲟⲩⲁϩⲓϩⲏⲧ ⲙⲛϩⲉⲛⲙⲓϣⲉ ⲙⲛϩⲉⲛϯⲧⲱⲛ ⲙⲛϩⲉⲛⲕⲱϩ ⲙⲛϩⲉⲛⲙⲟⲥⲧⲉ ⲙⲛϩⲉⲛϫⲱϩⲙ ⲙⲛϩⲱⲃ ⲛⲓⲙ ⲙⲡⲟⲛⲏⲣⲟⲛ ⲛⲧⲟⲟⲩ ⲛⲉⲧⲟ ⲛⲁⲧⲥⲃⲃⲉ ϩⲙⲡⲉⲩϩⲏⲧ ⲙⲛⲛⲉⲩⲕⲉⲙⲁⲁϫⲉ ⲕⲁⲧⲁⲛⲉⲅⲣⲁⲫⲏ
a22.YA421-428:37
ⲁⲩⲱ ⲟⲩⲛⲟϭ ⲙⲙⲛⲧϫⲱⲱⲣⲉ ⲧⲉ ⲉⲧⲣⲉⲡⲣⲱⲙⲉ ⲙⲉⲣⲉⲛⲉϥϫⲓϫⲉⲉⲩⲉ ⲉⲧⲃⲉⲡⲛⲟⲩⲧⲉ ⲁⲩⲱ ⲛϥϣⲗⲏⲗ ⲉϫⲛⲛⲉⲧⲡⲏⲧ ⲛⲥⲱϥ ⲉⲧⲣⲡⲉⲧϩⲟⲟⲩ ⲛⲁϥ ⲁⲩⲱ ⲉⲧⲃⲉⲡⲛⲟⲩⲧⲉ ⲛϥⲥⲙⲟⲩ ⲉⲛⲉⲧⲥⲁϩⲟⲩ ⲙⲙⲟϥ ⲉⲧⲣⲛⲟⲃⲉ ⲉⲣⲟϥ ·
It is a great strength for a man to love his enemies for the sake of God and pray for those who pursue him that do harm to him for the sake of God and bless those who curse him and sin against him.
a22.YB83-96:37
ⲛϫⲓⲟⲩⲉ ϫⲉⲛⲉⲧⲉⲟⲩⲛⲧⲟⲩⲣⲱⲙⲉ ⲙⲙⲁⲩ ϩⲣⲁⲓ ⲛϩⲏⲧⲛ ⲛⲧⲟⲟⲩ ⲛⲉⲧⲟⲩⲛⲁϥⲓ ⲡⲉⲩⲣⲟⲟⲩϣ · ⲏ ⲛⲧⲟⲟⲩ ⲛⲉⲧⲟⲩϥⲓ ⲙⲡⲉⲩⲣⲟⲟⲩϣ ·
a22.YB307-320:37
ⲁⲩⲱ ⲛⲁⲛⲉⲟⲩⲣⲱⲙⲉ ⲁⲛ ⲛⲕⲣⲟϥ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ·
a22.YB83-96:38
ⲉⲓⲉ ⲉⲧⲃⲉⲟⲩ ⲉⲧⲉⲧⲛⲣⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲉⲧⲉⲧⲛϫⲱ ⲙⲡⲉⲧⲉⲛϥϣⲟⲟⲡ ⲁⲛ ·
a22.YB307-320:38
ⲁⲩⲱ ⲙⲛⲡⲉⲧⲥϩⲟⲩⲟⲣⲧ ⲉⲡⲉⲧⲥⲟⲡⲥ ⲙⲡⲛⲟⲩⲧⲉ
a22.YA421-428:38
ⲁⲩⲱ ⲧⲁⲓ ⲧⲉ ⲧϩⲉ ⲛⲧⲁϥϫⲟⲟⲥ ϫⲉⲙⲁⲣⲉⲡⲉⲕⲥⲟⲛ ϣⲱⲡⲉ ⲛⲁⲕ ⲛⲟⲩϩⲉⲑⲛⲓⲕⲟⲥ ⲙⲛⲟⲩⲧⲉⲗⲱⲛⲏⲥ ⲉⲧⲃⲉⲡⲛⲟⲩⲧⲉ ϩⲟⲧⲁⲛ ⲉϥϣⲁⲛⲣⲛⲟⲃⲉ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ·
This is what He meant by 'Let your brother be for you a gentile and tax collector for the sake of God if he sins before the Lord.'
a22.YA293-300:38
ⲛⲉⲧϣⲟⲟⲡ ⲇⲉ ⲛⲟⲩⲟⲉⲓϣ ⲛⲓⲙ ϩⲛⲟⲩⲑⲃⲃⲓⲟ ⲙⲛⲟⲩⲙⲛⲧⲣⲙⲣⲁϣ · ⲙⲛⲟⲩⲙⲛⲧϩⲁⲣϣϩⲏⲧ ⲙⲛⲟⲩⲁⲅⲁⲡⲏ ⲙⲛⲟⲩⲙⲛⲧⲣⲉϥϫⲓⲥⲃⲱ ϩⲣⲁⲓ ϩⲛϩⲩⲡⲟⲧⲁⲅⲏ ⲛⲓⲙ · ϩⲓⲙⲛⲧⲥⲧⲙⲏⲧ ⲛⲓⲙ ϩⲓⲙⲛⲧϣⲁⲩ ⲛⲓⲙ ·
a22.YB67-80:38
ⲛϥⲧϭⲁⲉⲓⲟⲛ ϩⲱⲥ ⲣⲱⲙⲉ ⲉϥⲡⲁⲣⲁⲃⲁ ⲙⲛϩⲁⲡ ⲙⲛⲟⲣⲫⲁⲛⲟⲥ ⲙⲛⲧⲉⲭⲏⲣⲁ ⲙⲛⲛϣⲙⲙⲟ ϫⲉⲙⲛⲙⲛⲧⲣⲉϥϫⲓϩⲟ ϩⲁϩⲧⲏϥ ·
a22.ZC301-308:38
ⲉⲧⲃⲉⲡⲁⲓ ⲅⲁⲣ ⲁⲡⲉⲭⲣⲓⲥⲧⲟⲥ ⲙⲟⲩ ⲁϥⲱⲛϩ ϫⲉⲉϥⲉⲣϫⲟⲉⲓⲥ ⲉⲡⲉⲧⲙⲟⲟⲩⲧ ⲙⲛⲛⲉⲧⲟⲛϩ ·
a22.ZC301-308:39
ⲉⲧⲃⲉⲡⲁⲓ ϩⲙⲡⲧⲣⲉϥϫⲟⲟⲥ ϫⲉⲡⲛⲟⲩⲧⲉ ⲡⲁⲛⲉⲧⲙⲟⲟⲩⲧ ⲁⲛ ⲡⲉ ⲁⲗⲗⲁ ⲡⲁⲛⲉⲧⲟⲛϩ ⲡⲉ · ⲉϥϫⲱ ⲙⲙⲟⲥ ϫⲉⲡⲛⲟⲩⲧⲉ ⲡⲁⲛⲉⲧⲙⲟⲟⲩⲧ ⲁⲛ ⲡⲉ ϩⲛⲧⲡⲟⲣⲛⲓⲁ · ⲙⲛⲡⲥⲱⲱϥ · ⲙⲛⲡϫⲓⲟⲩⲉ · ⲙⲛⲡϭⲟⲗ · ⲙⲛⲡⲁⲛⲁϣ ⲛⲛⲟⲩϫ · ⲙⲛⲡⲙⲓϣⲉ · ⲙⲛⲡϯⲧⲱⲛ ⲙⲛⲡⲕⲱϩ · ⲙⲛⲡⲙⲟⲥⲧⲉ · ⲙⲛⲧⲙⲛⲧϫⲁϫⲉ ⲙⲛⲧⲙⲛⲧⲁⲡⲓⲥⲧⲟⲥ · ⲙⲛϩⲱⲃ ⲛⲓⲙ ⲙⲡⲟⲛⲏⲣⲟⲛ ·
a22.YA421-428:39
ⲡⲉⲕϫⲁϫⲉ ⲇⲉ ϩⲱⲱϥ ⲉⲧⲣⲛⲟⲃⲉ ⲉⲣⲟⲕ ⲛⲅⲙⲉⲣⲓⲧϥ ⲁⲩⲱ ⲛⲅⲥⲙⲟⲩ ⲉⲣⲟϥ ⲉⲧⲃⲉⲡⲛⲟⲩⲧⲉ ·
Your enemy too, who sins against you, love him and bless him for God's sake.
a22.YB307-320:39
ⲉϥⲟ ⲛⲁⲧⲥⲱⲧⲙ ⲛⲥⲁⲡⲉϥⲛⲟⲙⲟⲥ ·
a22.YB83-96:39
ⲉⲧⲉⲧⲛⲥⲱⲟⲩϩ ⲛⲏⲧⲛ ⲉϩⲟⲩⲛ ⲛⲟⲩϩⲁⲡ ϣⲁⲉⲛⲉϩ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲉⲧⲛⲁⲕⲣⲓⲛⲉ ⲙⲡⲧⲏⲣϥ ·
a22.YB67-80:39
ⲉⲧⲃⲉⲡⲁⲓ ⲙⲡⲣⲧⲣⲉⲩⲁⲡⲁⲧⲁ ⲙⲙⲟⲛϩⲛⲟⲩⲙⲛⲧⲣⲉϥⲣϩⲁⲗ ⲛϭⲓⲡⲥⲁⲧⲁⲛⲁⲥ ⲉⲧⲣⲉϩⲟⲓⲛⲉ ⲛϩⲏⲧⲛ ⲙⲉⲣⲉⲛⲉⲩϣⲏⲣⲉ · ⲙⲛⲛⲉⲩϣⲉⲉⲣⲉ ⲏ ⲛⲉⲩⲥⲛⲏⲩ ⲏ ⲛⲉⲩⲉⲓⲟⲧⲉ ⲏ ϭⲉⲗⲁⲁⲩ ⲛⲣⲱⲙⲉ ⲛⲕⲁⲧⲁⲥⲁⲣⲝ ⲛⲧⲁⲛ ⲉϩⲟⲩⲛ ⲉⲛⲟⲣⲫⲁⲛⲟⲥ ⲙⲛⲛϣⲙⲙⲟ ⲉⲧⲉⲙⲛⲧⲟⲩⲣⲱⲙⲉ ⲙⲙⲁⲩ ϩⲣⲁⲓ ⲛϩⲏⲧⲛ · ϫⲉⲛⲛⲉⲡϫⲟⲉⲓⲥ ⲟⲡⲛ ϩⲱⲥ ϣⲙⲙⲟ ⲛⲛⲁϩⲣⲁϥ · ⲁⲩⲱ ϩⲱⲥ ϫⲁϫⲉ ⲙⲡⲉϥⲙⲧⲟ ⲉⲃⲟⲗ ·
a22.YB67-80:40
ⲉⲧⲃⲉⲡⲁⲓ ⲥⲉⲧϭⲁⲓⲏⲩ ⲉⲙⲁⲧⲉ ⲛⲛⲁϩⲣⲙⲡⲛⲟⲩⲧⲉ ⲛϭⲓⲛⲉⲧⲉⲟⲩⲛⲧⲁⲩ ⲙⲙⲁⲩ ⲛϩⲉⲛϣⲏⲣⲉ ⲏ ϩⲉⲛϣⲉⲉⲣⲉ · ⲏ ϩⲉⲛⲥⲛⲏⲩ · ⲏ ϩⲉⲛⲥⲱⲛⲉ · ⲏ ϩⲉⲛⲉⲓⲟⲧⲉ · ⲉⲓⲧⲉ ⲉⲓⲱⲧ ⲉⲓⲧⲉ ⲙⲁⲁⲩ · ⲉⲓⲧⲉⲗⲁⲁⲩ ⲛⲕⲁⲧⲁⲥⲁⲣⲝ ⲛⲧⲁⲩ
a22.YA421-428:40
ⲁⲛⲟⲛ ⲇⲉ ϩⲱⲱⲛ ⲉⲥⲛⲏⲩ ⲉⲛϩⲟⲥⲟⲛ ⲉⲛⲟ ⲛⲕⲟⲓⲛⲱⲛⲟⲥ ⲙⲛⲛⲉⲛⲉⲣⲏⲩ ⲁⲛⲟⲛ ⲛϣⲏⲣⲉ ⲛⲟⲩⲣⲱⲙⲉ ⲛⲟⲩⲱⲧ ⲉⲧⲉⲡⲛⲟⲩⲧⲉ ⲡⲉ ·
We too, brothers, inasmuch as we are partners with each other, we are the children of a single man, God,
a22.YB307-320:40
ⲉⲧⲃⲉⲡⲁⲓ ⲉⲩϣⲁⲛⲡⲣϣ ⲛⲉⲩϭⲓϫ ⲉϩⲣⲁⲓ ⲉⲣⲟϥ ϥⲛⲁⲕⲧⲉⲡⲉϥϩⲟ ⲉⲃⲟⲗ ⲙⲙⲟⲟⲩ ·
a22.ZC301-308:40
ⲁⲩⲱ ⲧⲁⲓ ⲧⲉ ⲧϩⲉ ⲉⲛⲧⲁϥϫⲟⲟⲥ ϩⲛⲛⲉϥϣⲁϫⲉ ⲛϭⲓⲡϫⲟⲉⲓⲥ ⲓⲏⲥⲟⲩⲥ ϫⲉⲡⲛⲟⲩⲧⲉ ⲡⲁⲛⲉⲧⲙⲟⲟⲩⲧ ⲁⲛ ⲡⲉ · ⲁⲗⲗⲁ ⲡⲁⲛⲉⲧⲟⲛϩ ⲡⲉ ϩⲙⲡⲧⲃⲃⲟ · ⲙⲛⲧⲙⲛⲧⲡⲁⲣⲑⲉⲛⲟⲥ · ⲙⲛⲧⲙⲛⲧϣⲁⲩ · ⲙⲛⲧⲇⲓⲕⲁⲓⲟⲥⲩⲛⲏ · ⲙⲛⲧⲙⲉ · ⲙⲛϩⲱⲃ ⲛⲓⲙ ⲛⲁⲅⲁⲑⲟⲛ ·
a22.YB83-96:40
ⲉϣϫⲉ ⲁⲛⲟⲕ ⲣⲱ ⲡⲉ . ⲏ ⲉϣϫⲉ ⲡϩⲗⲗⲟ ⲡⲉ ⲉⲛⲉⲓⲣⲉ ⲛⲧⲉⲓⲛⲟϭ ⲛⲃⲟⲧⲉ ϩⲣⲁⲓ ϩⲛⲛⲥⲩⲛⲁⲅⲱⲅⲏ ⲙⲡϫⲟⲉⲓⲥ ⲉⲧⲉⲧⲛⲕⲁⲧⲁⲗⲁⲗⲉⲓ ⲛⲥⲱⲛ ⲛϫⲓⲟⲩⲉ ϫⲉⲛⲥⲉϭⲱϣⲧ ⲁⲛ ⲛⲥⲁⲗⲁⲁⲩ ⲉⲓⲙⲏⲧⲓ ⲉⲛⲉⲧⲉⲟⲩⲛⲧⲟⲩⲣⲱⲙⲉ ⲙⲙⲁⲩ · ⲏ ϫⲉⲟⲩⲧⲉ ⲣⲱ ⲛⲥⲉϭⲱϣⲧ ⲁⲛ ⲛⲥⲁⲗⲁⲁⲩ ϩⲛⲟⲩⲥⲟⲟⲩⲧⲛ . ⲉⲓⲉ ⲛⲧⲉⲧⲛϩⲉⲛⲣⲉϥⲕⲁⲧⲁⲫⲣⲟⲛⲉⲓ ⲛϩⲟⲩⲟ ⲉⲣⲟⲛ ·
a22.YB83-96:41
ϫⲉⲥⲟⲡ ⲙⲉⲛ ⲧⲉⲧⲛⲙⲁⲕⲁⲣⲓⲍⲉ ⲙⲙⲟⲛ · ⲥⲟⲡ ⲇⲉ ⲟⲛ ⲧⲉⲧⲛⲥⲱϣϥ ⲙⲙⲟⲛ ⲉⲙⲁⲧⲉ ⲛϫⲓⲟⲩⲉ ⲛⲥⲁⲟⲩⲥⲁ ⲙⲁⲩⲁⲧⲧⲏⲩⲧⲛ ·
a22.YA421-428:41
ⲁⲩⲱ ⲁⲛⲟⲛ ⲛϣⲏⲣⲉ ⲛⲟⲩⲙⲁⲁⲩ ⲛⲟⲩⲱⲧ ⲉⲧⲉⲧϩⲓⲉⲣⲟⲩⲥⲁⲗⲏⲙ ⲛⲧⲡⲉ ⲧⲉ ⲕⲁⲧⲁⲛⲉⲅⲣⲁⲫⲏ ·
and a single mother, heavenly Jerusalem, according to the Scriptures.
a22.YB307-320:41
ⲁⲩⲱ ⲉⲩϣⲁⲛⲧⲁϣⲉ ⲛⲉⲩⲥⲟⲡⲥ ⲛϥⲛⲁⲥⲱⲧⲙ ⲁⲛ ⲉⲣⲟⲟⲩ ⲕⲁⲧⲁⲛⲉⲅⲣⲁⲫⲏ ·
a22.ZC301-308:41
ⲁⲩⲱ ⲛⲉⲧⲛⲁⲁϩⲉⲣⲁⲧⲟⲩ ⲉϫⲛⲛϣⲁϫⲉ ⲙⲡⲉⲓϫⲱⲱⲙⲉ · ⲉⲧⲣⲉⲩϥⲓ ⲙⲡⲉⲩⲣⲟⲟⲩϣ ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ ·
a22.YB67-80:41
ⲛⲥⲉⲑⲃϣⲟⲩ ⲉⲧⲉⲛⲟⲣⲫⲁⲛⲟⲥ ⲙⲛϩⲉⲛϣⲙⲙⲟ ⲉⲙⲛⲧⲟⲩⲣⲱⲙⲉ ⲙⲙⲁⲩ ϩⲣⲁⲓ ⲛϩⲏⲧⲛ ·
a22.YB307-320:42
ⲁⲛⲁⲩ ⲇⲉ ϫⲉⲉϣⲱⲡⲉ ⲁⲛⲟⲛ ⲛⲉⲧⲟⲩⲣⲛⲟⲃⲉ ⲉⲣⲟⲛ ·
a22.YA421-428:42
ⲙⲏ ⲁⲣⲁ ϭⲉ ⲉϥⲥⲟⲧⲡ ⲛϭⲓⲡⲉⲛⲉⲓⲱⲧ ⲙⲛⲧⲉⲛⲙⲁⲁⲩ ⲉⲛⲧⲁⲩϫⲡⲟⲛ ⲁⲩⲱ ⲉⲁⲩⲥⲁⲛⲟⲩϣⲛ ⲕⲁⲧⲁⲥⲁⲣⲝ ⲛϩⲟⲩⲟ ⲉⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲛⲉⲓⲱⲧ ⲁⲩⲱ ⲧⲉⲛⲙⲁⲁⲩ ⲛⲁⲙⲉ ·
Our father and mother who gave birth to us and nourished us in the flesh, are they better than our true father and mother?
a22.ZC301-308:42
ⲏ ⲛⲧⲟϥ ⲧⲉⲛⲟⲩ · ⲉⲩⲉⲟⲩⲱϣⲃ ⲛⲥⲉϫⲟⲟⲥ ϫⲉⲡⲛⲟⲩⲧⲉ ⲡⲛⲟⲩⲧⲉ ⲟⲩⲟⲛ ⲛⲓⲙ ⲉⲧⲛⲁϩⲱⲡ ⲛⲛϣⲁϫⲉ ⲙⲡⲉⲓϫⲱⲱⲙⲉ ·
a22.YB83-96:42
ⲁⲩⲱ ⲙⲡⲉⲛⲉⲛⲧⲁⲛⲃⲟⲟⲣⲟⲩ ϩⲛⲟⲩⲑⲙⲕⲟ ϩⲣⲁⲓ ⲛϩⲏⲧⲛ ϫⲟⲟⲥ ⲛⲁⲛ ϫⲉⲉⲛⲧⲁⲛϫⲓⲧⲟⲩ ⲛϭⲟⲛⲥ ϩⲛⲟⲩ · ⲏ ϫⲉⲉⲛⲧⲁⲛⲕⲁⲧⲁⲫⲣⲟⲛⲉⲓ ⲙⲙⲟⲟⲩ ϩⲛⲟⲩ · ϫⲉⲕⲁⲥ ϩⲱⲱⲛ ⲉⲛⲛⲁⲣϩⲙϩⲁⲗ ⲙⲡⲉⲛⲛⲟⲃⲉ · ϫⲉⲁⲛⲟⲛ ϩⲉⲛⲧⲁⲗⲁⲓⲡⲱⲣⲟⲥ ⲛⲉⲃⲓⲏⲛ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ · ϫⲉⲙⲡⲁⲓ ϩⲙⲡⲉⲛϩⲏⲧ ⲁⲛ ϩⲟⲗⲱⲥ ϩⲟⲗⲱⲥ ·
a22.YB67-80:42
ⲟⲩⲃⲟⲧⲉ ⲛⲉ ⲡⲁⲓ ϩⲙⲙⲁ ⲛⲧⲉⲓϩⲉ ⲉⲧⲣⲉⲛⲉⲧⲉⲟⲩⲛⲧⲁⲩⲣⲱⲙⲉ ⲙⲙⲁⲩ ϣⲓⲃⲉ ⲛϩⲉⲛϣⲙⲙⲟ ⲙⲛϩⲉⲛⲟⲣⲫⲁⲛⲟⲥ ⲛϩⲟⲩⲟ ⲉⲛⲉⲩⲕⲁⲧⲁⲥⲁⲣⲝ ⲛⲧⲁⲩ ϩⲛⲟⲩⲙⲛⲧⲣⲉϥϫⲓϩⲟ · ⲉⲓⲧⲉ ϩⲛⲧⲉϩⲣⲉ · ⲉⲓⲧⲉ ϩⲛⲧϩⲃⲥⲱ · ⲉⲓⲧⲉ ϩⲙⲛⲉⲩϣⲱⲛⲉ · ⲉⲓⲧⲉ ⲉⲩϣⲱⲛⲉ ⲁⲛ · ⲉⲓⲧⲉ ϩⲛϭⲉⲗⲁⲁⲩ ⲛϩⲱⲃ ·
a22.ZC301-308:43
ⲏ ⲛⲥⲉⲥⲕⲁⲛⲇⲁⲗⲓⲍⲉ ⲛⲟⲩⲁ ⲉⲃⲟⲗ ϩⲛⲛⲉⲓϣⲁϫⲉ ⲧⲏⲣⲟⲩ ·
a22.YB83-96:43
ⲉϣϫⲉ ⲉⲛⲟ ⲛϫⲟⲉⲓⲥ ⲉⲩϣⲏⲣⲉ ϣⲏⲙ ⲏ ⲉⲩϣⲉⲉⲣⲉ ϣⲏⲙ ϩⲛⲟⲩϩⲧⲟⲣ ϩⲣⲁⲓ ⲛϩⲏⲧⲛ · ⲙⲁⲗⲓⲥⲧⲁ ⲇⲉ ⲟⲩⲛⲟϭ ⲛⲣⲱⲙⲉ ⲙⲛⲟⲩⲛⲟϭ ⲛⲥϩⲓⲙⲉ ·
a22.YA421-428:43
ⲡⲁⲓ ⲉⲛⲧⲁϥϫⲡⲟⲛ ϩⲣⲁⲓ ϩⲙⲡⲉϥⲥⲛⲟϥ ⲉⲧⲟⲩⲁⲁⲃ
The One who gave birth to us with His holy blood [
a22.YB67-80:43
ⲉⲧⲃⲉⲡⲁⲓ ϩⲁⲣⲉϩ ⲉⲣⲱⲧⲛ ⲉⲙⲁⲧⲉ ⲉⲧⲙⲧⲣⲉⲧⲉⲧⲛϣⲓⲃⲉ ⲛϩⲉⲛⲕⲁⲧⲁⲥⲁⲣⲝ ⲛⲧⲉⲧⲏⲩⲧⲛ ⲉϩⲉⲛϣⲙⲙⲟ ⲙⲛϩⲉⲛⲟⲣⲫⲁⲛⲟⲥ · ⲉⲙⲛⲧⲟⲩⲣⲱⲙⲉ ⲙⲙⲁⲩ ϩⲣⲁⲓ ⲛϩⲏⲧⲛ
a22.YB307-320:43
ⲉⲩϣⲗⲏⲗ ⲇⲉ ⲟⲛ ⲉⲣⲟⲛ ⲛⲧϩⲉ ⲙⲡⲛⲟⲩⲧⲉ ·
a22.ZC301-308:44
ⲉⲣⲉⲡϫⲟⲉⲓⲥ ⲉⲓⲛⲉ ⲉϩⲣⲁⲓ ⲉϫⲱⲟⲩ ⲙⲡⲥⲁϩⲟⲩ ⲧⲏⲣϥ ⲉⲧⲥⲏϩ ϩⲛⲛⲉⲅⲣⲁⲫⲏ ⲧⲏⲣⲟⲩ · ⲁⲩⲱ ⲉⲧⲥⲏϩ ϩⲙⲡⲉⲓ ϫⲱⲱⲙⲉ ⲉⲩϣⲟⲟⲡ ϩⲓϫⲙⲡⲕⲁϩ ·
a22.YB307-320:44
ϫⲉⲉⲛⲉⲧⲛⲛⲁⲁⲡⲉⲭⲉ ⲛⲛⲉⲧⲥⲟⲡⲥ ⲙⲙⲟⲛ ⲉⲩⲛⲉϫⲕⲁϩ ⲉϩⲟⲩⲛ ϩⲙⲡⲉⲛϩⲟ ·
a22.YB67-80:44
ϫⲉⲟⲩⲛⲟϭ ⲛⲃⲟⲧⲉ ⲧⲉ ⲧⲁⲓ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ·
a22.YB83-96:44
ϩⲱⲥ ⲉϣϫⲉ ⲉⲛⲭⲣⲱ ⲛⲁⲩ ϩⲛⲟⲩⲉⲝⲟⲩⲥⲓⲁ ⲛⲛⲉⲡⲛⲟⲩⲧⲉ ϫⲟⲟϥ ·
a22.YB307-320:45
ⲙⲏ ϩⲛⲟⲩϭⲱⲛⲧ ⲛⲧⲛⲛⲁϭⲱⲛⲧ ⲁⲛ ·
a22.YB83-96:45
ⲁⲗⲗⲁ ⲡⲁⲓ ⲙⲙⲁⲧⲉ ⲡⲉⲧⲕⲟⲗⲁⲍⲉ ⲙⲙⲟⲛ ϩⲙⲡⲉⲛϩⲏⲧ ⲉⲧⲣⲉⲛⲣϩⲙϩⲁⲗ ⲛⲛⲉⲛⲉⲣⲏⲩ · ⲕⲁⲧⲁⲧⲉⲛⲧⲟⲗⲏ ⲙⲡⲁⲡⲟⲥⲧⲟⲗⲟⲥ · ϫⲉϩⲛⲧⲁⲅⲁⲡⲏ ⲙⲡⲉⲛⲛⲁ ⲁⲣⲓϩⲙϩⲁⲗ ⲛⲛⲉⲧⲛⲉⲣⲏⲩ ·
a22.YB67-80:45
ⲁⲩⲱ ⲡⲉⲧⲉⲓⲣⲉ ⲛⲛⲁⲓ ϥⲛⲁϣⲱⲡⲉ ⲛⲁⲕⲁⲑⲁⲣⲧⲟⲥ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲡⲉⲕⲣⲓⲧⲏⲥ ⲙⲛⲟⲣⲫⲁⲛⲟⲥ ⲙⲛⲛϣⲙⲙⲟ ⲙⲛⲟⲩⲟⲛ ⲛⲓⲙ ⲉⲧⲉⲧⲛⲛⲁϫⲓ ⲙⲛⲉⲩϩⲟ ϩⲛⲗⲁⲁⲩ ⲛϩⲱⲃ · ϫⲓⲛⲟⲩϩⲱⲥ · ϣⲁⲟⲩⲙⲟⲩⲥ ·
a22.ZC301-308:45
ⲁⲩⲱ ⲉⲣⲉⲡϫⲟⲉⲓⲥ ⲙⲟⲩⲣ ⲛⲧⲟⲣⲅⲏ ⲙⲡⲉϥϭⲱⲛⲧ ⲉϩⲟⲩⲛ ⲉⲣⲟⲟⲩ ϩⲙⲡⲉϩⲟⲟⲩ ⲛⲧⲟⲣⲅⲏ ⲛϥⲛⲟϫⲟⲩ ⲉϩⲣⲁⲓ ⲉⲧⲉϩⲣⲱ ⲛⲕⲱϩⲧ ⲉⲧⲙⲟⲩϩ ϩⲛⲟⲩⲛⲟϭ ⲛⲥⲁⲧⲉ
a22.ZC301-308:46
ⲕⲁⲧⲁⲛⲉⲅⲣⲁⲫⲏ ϩⲉⲛⲣⲱⲙⲉ ⲉⲩⲛⲕⲟⲧⲕ ⲁⲛ ⲥⲉⲛⲁⲥⲱⲧⲙ ϩⲛⲟⲩϭⲉⲡⲏ ⲉⲛⲉⲧⲙⲟⲩⲧⲉ ⲉⲣⲟⲟⲩ ·
a22.YB67-80:46
ⲙⲁⲗⲓⲥⲧⲁ ⲇⲉ ϩⲛⲧⲉϩⲣⲉ ⲙⲛⲧϩⲃⲥⲱ ⲏ ϩⲙⲡⲉⲩϣⲱⲛⲉ · ⲏ ⲛⲧⲟϥ ⲉⲛⲥⲉϣⲱⲛⲉ ⲁⲛ · ⲁⲩⲱ ⲡⲉⲧⲛⲁϣⲃⲧⲟⲩ ⲉϩⲉⲛⲕⲁⲧⲁⲥⲁⲣⲝ ⲛⲧⲁϥ ϩⲁϩⲧⲏⲛ ⲏ ϩⲁⲧⲛⲧⲩⲏⲧⲛ ⲛⲧⲱⲧⲛ ϩⲛⲗⲁⲁⲩ ⲛϩⲱⲃ ϫⲓⲛⲟⲩϭⲟⲡ ⲉⲕⲟⲩⲓ ⲙⲙⲟⲟⲩ ϣⲁⲟⲩⲉⲗⲁϫⲓⲥⲧⲟⲛ ⲙⲛⲕⲁ ⲉϥⲥⲟϣϥ · ⲉⲓⲧⲉ ϩⲉⲛⲕⲁⲣⲡⲟⲥ ⲛϣⲏⲛ · ⲉⲓⲧⲉ ϩⲉⲛⲡⲟϭⲗⲉ ⲛⲟⲩⲟⲧⲉ ·
a22.YB83-96:46
ⲁⲩⲱ ⲧⲁⲓ ⲧⲉ ⲧϩⲉ ⲉⲧⲉϩⲛⲁⲛ ⲁⲛ ⲉⲑⲙⲕⲉⲗⲁⲁⲩ · ⲏ ⲉⲗⲩⲡⲉⲓ ⲛⲗⲁⲁⲩ ϩⲁϩⲧⲏⲛ · ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ ·
a22.YB307-320:46
ⲁⲩⲱ ⲛⲁϣ ⲛϩⲉ ⲉⲛϥⲛⲁϭⲱⲛⲧ ⲁⲛ ⲉⲣⲟⲛ ⲛϭⲓⲡⲛⲟⲩⲧⲉ ⲉⲛϣⲗⲏⲗ ⲉⲣⲟϥ ·
a22.YB67-80:47
ⲙⲁⲗⲓⲥⲧⲁ ⲇⲉ ⲟⲩⲛⲉϩ · ⲏ ⲟⲩⲏⲣⲡ ⲏ ⲟⲩϩⲛⲁⲁⲩ ⲉϥⲡⲟⲥⲉ · ⲁⲩⲱ ϣⲁϩⲣⲁⲓ ⲉⲩϣⲟⲧ ⲙⲛⲟⲩⲡⲣⲏϣ ⲙⲛⲛⲟⲩⲟⲓ ⲙⲛⲟⲩϩⲏⲃⲥ ϩⲙⲡⲉⲩϣⲱⲛⲉ ⲁⲩⲱ ⲡⲉⲧⲛⲁϣⲓⲃⲉ ⲛϩⲉⲛⲕⲁⲧⲁⲥⲁⲣⲝ ⲛⲧⲁϥ ⲉϩⲉⲛϣⲙⲙⲟ ⲙⲛϩⲉⲛⲟⲣⲫⲁⲛⲟⲥ ϩⲛⲟⲩⲙⲛⲧⲣⲉϥϫⲓϩⲟ ϩⲛⲛⲁⲓ ⲉⲛⲧⲁⲛϫⲟⲟⲩ ⲙⲛⲛⲉⲧⲧⲛⲧⲱⲛ ⲉⲣⲟⲟⲩ ⲧⲏⲣⲟⲩ · ⲉϥⲉϣⲱⲡⲉ ⲉϥⲥϩⲟⲩⲟⲣⲧ ⲛⲛⲁϩⲣⲁⲙⲡⲛⲟⲩⲧⲉ ⲙⲛⲛⲣⲱⲙⲉ
a22.YB83-96:47
ⲉⲓⲙⲏⲧⲓ ⲛⲉⲧⲛⲁϯϭⲱⲛⲧ ⲙⲡⲛⲟⲩⲧⲉ ϩⲛⲧⲉⲩⲙⲛⲧⲁⲧⲥⲱⲧⲙ ⲙⲛⲧⲉⲩⲙⲛⲧⲁⲧⲥⲃⲱ ⲉⲧⲣⲉⲩϯⲧⲱⲛ ⲉϩⲟⲩⲛ ⲉϩⲣⲁϥ ⲙⲡⲛⲟⲙⲟⲥ ⲙⲡϫⲟⲉⲓⲥ ⲙⲛⲛⲉϥⲉⲛⲧⲟⲗⲏ ⲉⲧⲣⲉⲩϫⲱⲕ ⲉⲃⲟⲗ ⲛⲛⲉⲩⲟⲩⲱϣ ⲛϩⲏⲧ ⲉⲧϩⲟⲟⲩ · ϩⲛϩⲉⲛϩⲃⲏⲩⲉ ⲙⲡⲟⲛⲏⲣⲟⲛ ·
a22.ZC301-308:47
ⲁⲩⲱ ⲛⲉⲧⲛⲕⲟⲧⲕ ⲟⲛ ⲉⲕϣⲁⲛⲟⲩⲁϩⲙⲉⲕ ⲉⲣⲟⲟⲩ ⲉⲕⲱϣ ⲉⲃⲟⲗ ⲥⲉⲛⲁⲧⲱⲟⲩⲛ ϩⲁⲡϩⲓⲛⲏⲃ ·
a22.YB307-320:47
ⲁⲩⲱ ⲟⲛ ⲉⲛⲛⲟϭⲛⲉϭ ⲙⲙⲟϥ ϩⲣⲁⲓ ϩⲛⲛⲉⲛϩⲃⲏⲩⲉ ⲧⲏⲣⲟⲩ ⲉⲧϩⲟⲟⲩ ·
a22.YB67-80:48
ⲉⲧⲃⲉⲡⲁⲓ ⲙⲡⲱⲣ ⲉⲧⲣⲉⲩⲁⲡⲁⲧⲁ ⲙⲙⲟⲛ ϩⲛϩⲱⲃ ⲛⲧⲉⲓⲙⲓⲛⲉ ⲉⲧⲣⲉⲛϣⲓⲃⲉ ⲛϩⲉⲛϣⲙⲙⲟ ⲙⲛϩⲉⲛⲟⲣⲫⲁⲛⲟⲥ ⲉϩⲉⲛⲕⲁⲧⲁⲥⲁⲣⲝ ⲛⲧⲁⲛ ϩⲛⲗⲁⲁⲩ ⲛϩⲱⲃ ϩⲛⲟⲩⲙⲛⲧⲣⲉϥϫⲓϩⲟ · ⲉⲧⲣⲉⲛϥⲓ ⲡⲉⲩⲣⲟⲟⲩϣ ⲏ ⲉⲧⲣⲉⲛⲇⲓⲁⲕⲟⲛⲉⲓ ⲛⲁⲩ · ⲏ ⲉⲧⲣⲉⲛϭⲱ ϩⲁⲧⲏⲩ ϩⲙⲡⲉⲩϣⲱⲛⲉ ⲉⲙⲡⲟⲩⲧⲁϣⲛ ϫⲉⲛⲛⲉϥϭⲱⲛⲧ ⲉⲣⲟⲛ ⲛϭⲓⲡⲉⲛⲧⲁϥⲧⲁⲙⲓⲟⲛ ·
a22.YB307-320:48
ⲧⲛⲛⲁϫⲟⲟⲥ ⲇⲉ ϫⲉⲁϩⲁϩ ⲛⲛⲉⲧⲟⲩⲁⲁⲃ ⲁⲡⲉⲭⲉⲛⲛⲉⲧⲥⲱϣ ⲙⲙⲟⲟⲩ ⲉⲩⲛⲉϫⲕⲁϩ ⲉϩⲟⲩⲛ ⲉϩⲣⲁⲩ
a22.ZC301-308:48
ϩⲉⲛⲣⲉϥⲙⲟⲟⲩⲧ ⲇⲉ ⲛⲧⲟⲟⲩ ⲉⲩϩⲏⲡ ϩⲁⲡⲉⲥⲏⲧ ⲙⲡⲕⲁϩ ⲏ ⲉⲩⲛⲏϫ ⲉⲃⲟⲗ ϩⲛⲛⲉⲙϩⲁⲁⲩ ⲛⲥⲉⲛⲁⲥⲱⲧⲙ ⲁⲛ ⲉⲩϣⲁⲛⲙⲟⲩⲧⲉ ⲉⲣⲟⲟⲩ ϩⲛⲟⲩϭⲟⲙ ϩⲛϩⲉⲛⲙⲏⲏϣⲉ ⲛϣⲁϫⲉ ·
a22.YB83-96:48
ⲛⲁⲓ ⲛⲧⲉⲓⲙⲓⲛⲉ · ⲛⲥⲉⲛⲁϫⲓⲧⲱⲧ ⲛϩⲏⲧ ⲁⲛ ⲉⲩⲛϩⲉⲛⲕⲟⲟⲩⲉ ⲗⲩⲡⲉⲓ ϩⲛϩⲉⲛⲁϣⲁϩⲟⲙ · ⲉⲧⲃⲏⲏⲧⲟⲩ ·
a22.ZC301-308:49
ⲁⲗⲗⲁ ⲛⲁⲙⲉ ⲙⲟⲅⲓⲥ ⲛⲥⲉⲁⲓⲥⲑⲁⲛⲉ ϩⲛⲧϩⲁⲏ ⲛⲥⲁⲗⲡⲓⲅⲝ ϩⲙⲡⲉϩⲟⲟⲩ ⲉⲧⲟⲩⲛⲁⲥⲁⲗⲡⲓⲍⲉ ⲛⲧⲉⲛⲉⲧⲙⲟⲟⲩⲧ ⲧⲱⲟⲩⲛ ⲉⲩⲟ ⲛⲁⲧⲧⲁⲕⲟ ·
a22.YB67-80:49
ⲛϥⲡⲱϩⲧ ⲙⲡⲉϥⲥⲁϩⲟⲩ ⲉϩⲣⲁⲓ ⲉϫⲱⲛ · ⲛⲧϩⲉ ⲉⲛⲧⲁϥⲥϩⲟⲩⲣ ϩⲁϩ ⲛⲗⲁⲟⲥ ⲉⲧⲃⲉⲛⲉⲓϩⲃⲏⲩⲉ ⲛⲧⲉⲓⲙⲓⲛⲉ ·
a22.YB83-96:49
ⲟⲩⲇⲉ ⲛⲥⲉⲛⲁⲛⲁⲩ ⲁⲛ ⲉⲣⲁϣⲉ ⲛⲧⲉⲡⲛⲟⲩⲧⲉ · ⲉⲩⲛϩⲉⲛⲕⲟⲟⲩⲉ ⲙⲟⲕϩ ⲛϩⲏⲧ ϩⲛⲟⲩⲑⲙⲕⲟ ⲉⲛⲁϣⲱϥ ⲉⲧⲃⲏⲏⲧⲟⲩ ·
a22.YB307-320:49
ⲁⲩⲱ ⲉⲁⲩⲙⲉⲩⲧϩⲁϩ ⲛϩⲏⲧⲟⲩ ⲉⲩⲥⲙⲟⲩ ⲉⲣⲟⲟⲩ ⲉⲩⲱϣ ⲉϩⲣⲁⲓ ⲉⲡⲛⲟⲩⲧⲉ .
a22.YB307-320:50
ⲉⲧⲙⲧⲣⲉϥⲱⲡ ⲉⲣⲟⲟⲩ ⲙⲛⲛⲟⲃⲉ ⲉⲛⲧⲁⲩⲁⲁⲩ ⲛⲁⲩ ·
a22.ZC301-308:50
ⲛⲧⲉⲓϩⲉ ⲟⲛ ⲧⲉϩⲉ ⲛⲣⲱⲙⲉ ⲉⲩⲛⲏⲫⲉ ϩⲛⲧⲉⲥⲡⲟⲩⲇⲏ ⲉⲃⲟⲗ ϩⲓⲧⲛⲧⲁⲓⲥⲑⲏⲥⲓⲥ ·
a22.YB67-80:50
ⲛⲁⲓ ⲉⲛⲧⲁⲡⲟⲩⲁ ⲡⲟⲩⲁ ⲟⲃϣϥ ⲉⲡⲉⲧϩⲓⲧⲟⲩⲱϥ ϩⲣⲁⲓ ⲛϩⲏⲧⲟⲩ ϩⲙⲡⲉϥϣⲱⲛⲉ ⲁⲩⲱ ϩⲛⲧⲉϥⲑⲗⲓⲯⲓⲥ ⲁⲩⲱ ϩⲙⲡⲉϥϭⲣⲱϩ · ⲁⲩⲱ ϩⲛϩⲱⲃ ⲛⲓⲙ ·
a22.YB83-96:50
ⲁⲩⲱ ⲕⲁⲧⲁⲧϩⲉ ⲉⲧⲉⲙⲛϭⲟⲙ ⲉⲧⲣⲉⲟⲩⲣⲱⲙⲉ ⲛⲇⲓⲕⲁⲓⲟⲥ ⲉϥϩⲁⲣⲉϩ ⲉⲡⲛⲟⲙⲟⲥ ⲙⲡϫⲟⲉⲓⲥ ϫⲓⲧⲱⲧ ⲛϩⲏⲧ ⲉⲃⲟⲗ ϩⲓⲧⲟⲟⲧⲟⲩ ⲛϩⲉⲛⲣⲱⲙⲉ ⲛⲣⲉϥⲣⲛⲟⲃⲉ ⲉⲩⲡⲁⲣⲁⲃⲁ ⲙⲡⲛⲟⲙⲟⲥ ⲙⲡϫⲟⲉⲓⲥ ·
a22.ZC301-308:51
ⲙⲛⲧⲙⲛⲧⲙⲁⲓⲛⲟⲩⲧⲉ ⲥⲉⲛⲁⲥⲱⲧⲙ ϩⲛⲟⲩϭⲉⲡⲏ ⲉⲛϣⲁϫⲉ ⲉⲧⲟⲩⲁⲁⲃ ⲛⲧⲉⲡⲉⲛϫⲟⲉⲓⲥ ⲓⲏⲥⲟⲩⲥ ⲉⲃⲟⲗ ϩⲓⲧⲛⲛⲉⲧϯⲥⲃⲱ ⲛⲁⲩ ϩⲛⲧϩⲟⲧⲉ ⲙⲡϫⲟⲉⲓⲥ · ⲁⲩⲱ ⲛⲉⲧⲟⲩⲁⲙⲁϩⲧⲉ ⲙⲙⲟⲟⲩ ⲛⲟⲩⲕⲟⲩⲓ ϩⲓⲧⲛⲧⲃϣⲉ ⲙⲛⲡⲧⲱⲙ ⲛϩⲏⲧ ·
a22.YB67-80:51
ⲛⲁⲓ ⲇⲉ ⲉⲓϫⲱ ⲙⲙⲟⲩ · ϫⲉⲕⲁⲥⲉⲛⲛⲉϩⲟⲓⲛⲉ ϩⲣⲁⲓ ⲛϩⲏⲧⲛ ϩⲁϩⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ ⲣⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ϩⲙⲛⲉⲓϩⲱⲃ ⲙⲡⲟⲛⲏⲣⲟⲛ ⲉⲙⲁⲧⲉ ⲉⲧⲉⲧⲁⲓ ⲧⲉ ⲧⲙⲛⲧⲣⲉϥϫⲓϩⲟ ·
a22.YB83-96:51
ⲟⲩⲧⲉ ⲛⲧⲟⲟⲩ ϩⲱⲟⲩ ⲟⲛ ⲛⲉⲧⲡⲁⲣⲁⲃⲁ ⲙⲛϭⲟⲙ ⲉⲧⲣⲉⲩϫⲓⲧⲱⲧ ⲛϩⲏⲧ ⲉⲃⲟⲗ ϩⲓⲧⲟⲟⲧϥ ⲛⲟⲩⲣⲱⲙⲉ ⲛⲇⲓⲕⲁⲓⲟⲥ ⲉϥϩⲁⲣⲉϩ ϩⲉⲛⲛⲟⲙⲟⲥ ·
a22.YB307-320:51
ⲁⲗⲗⲁ ⲁⲛⲁⲩ ϩⲱⲱϥ
a22.YB307-320:52
ϫⲉⲁⲡⲛⲟⲩⲧⲉ ϫⲟⲟⲥ ⲉⲧⲣⲉⲩϫⲓⲕⲃⲁ ⲙⲙⲟⲟⲩ ⲛⲟⲩⲏⲣ
a22.YB83-96:52
ⲧⲁⲓ ⲟⲛ ⲧⲉ ⲧϩⲉ ⲁⲛⲟⲛ ⲧⲏⲣⲛ ⲙⲛϭⲟⲙ ⲉⲛⲉϩ ⲉⲧⲣⲉⲡⲛⲟⲩⲧⲉ ⲙⲛⲡⲉϥⲭⲣⲓⲥⲧⲟⲥ ⲓⲏⲥⲟⲩⲥ · ⲙⲛⲛⲉϥⲁⲅⲅⲉⲗⲟⲥ ⲙⲛⲛⲉϥⲡⲉⲧⲟⲩⲁⲁⲃ ⲧⲏⲣⲟⲩ ⲧⲱⲧ ⲛϩⲏⲧ ⲉϩⲣⲁⲓ ⲉϫⲱⲛ ⲉⲛϣⲁⲛⲡⲁⲣⲁⲃⲁ ⲛⲛϣⲁϫⲉ ⲛⲛⲉⲅⲣⲁⲫⲏ · ⲙⲛⲛⲉϥⲉⲛⲧⲟⲗⲏ ⲧⲏⲣⲟⲩ ·
a22.YB67-80:52
ⲉⲧⲣⲉⲛϣⲓⲃⲉ ⲛϩⲉⲛⲕⲁⲧⲁⲥⲁⲣⲝ ⲛⲧⲁⲛ ⲉϩⲉⲛϣⲙⲙⲟ · ⲙⲛϩⲉⲛⲟⲣⲫⲁⲛⲟⲥ · ⲉⲙⲛⲧⲟⲩⲣⲱⲙⲉ ⲙⲙⲁⲩ ϩⲣⲁⲓ ⲛϩⲏⲧⲛ ·
a22.ZC301-308:52
ⲛⲉⲓⲕⲟⲟⲩⲉ ⲟⲛ ⲉⲩϣⲁⲛϯⲥⲃⲱ ⲛⲁⲩ ⲛⲟⲩⲥⲟⲡ ⲁⲩⲱ ⲥⲛⲁⲩ ⲉⲃⲟⲗ ϩⲛⲛⲉⲅⲣⲁⲫⲏ ϩⲓⲧⲛⲛⲉⲧⲣϩⲙⲙⲉ ⲙⲙⲟⲟⲩ ⲥⲉⲛⲁⲥⲁϩⲱⲟⲩ ⲉⲃⲟⲗ
a22.YB307-320:53
ⲁⲩⲱ ϫⲉⲉⲩⲉⲉⲓ ⲉϫⲱⲟⲩ ⲛⲟⲩⲏⲣ ⲛϭⲓⲛⲉⲥⲛⲟⲟϥ ⲛⲛⲉⲛⲧⲁⲩⲙⲟⲟⲩⲧⲟⲩ ·
a22.YB67-80:53
ⲉⲧⲃⲉⲡⲁⲓ ⲙⲡⲣϣⲃⲟⲩⲟⲛ ⲉⲟⲩⲟⲛ ϩⲣⲁⲓ ⲛϩⲏⲧⲧⲏⲩⲧⲛ ϩⲛⲗⲁⲁⲩ ⲛϩⲱⲃ · ⲏ ϩⲛⲗⲁⲁⲩ ⲛϩⲛⲁⲁⲩ ϫⲉⲛⲛⲉⲡⲛⲟⲩⲧⲉ ϭⲱⲛⲧ ⲉⲣⲱⲧⲛ ·
a22.YB83-96:53
ⲟⲩⲇⲉ ⲁⲛⲟⲛ ϩⲱⲱⲛ ⲟⲛ ⲉⲛϣⲁⲛⲟⲩⲱϣ ⲉϫⲛⲛⲉⲛⲛⲟⲃⲉ ⲛⲟⲩⲟⲉⲓϣ ⲛⲓⲙ · ⲙⲛϭⲟⲙ ⲉⲧⲣⲉⲛϫⲓⲧⲱⲧ ⲛϩⲏⲧ ⲉⲛⲉϩ ⲉⲃⲟⲗ ϩⲓⲧⲙⲡⲛⲟⲩⲧⲉ ·
a22.YB67-80:54
ⲁⲗⲗⲁ ϥⲓ ⲡⲣⲟⲟⲩϣ ⲛⲧⲟϥ ⲛⲛⲉⲧⲛⲉⲣⲏⲩ ϩⲛⲟⲩϩⲟⲧⲉ ⲙⲛⲟⲩⲥⲧⲱⲧ ϫⲉⲕⲁⲥ ⲉⲣⲉⲡϫⲟⲉⲓⲥ ⲥⲙⲟⲩ ⲉⲣⲱⲧⲛ ⲛϥⲁⲩⲝⲁⲛⲉ ⲙⲙⲱⲧⲛ ϩⲛϩⲱⲃ ⲛⲓⲙ ⲛⲁⲅⲁⲑⲟⲛ ·
a22.YB83-96:54
ⲉⲣⲉⲡⲛⲟⲩⲧⲉⲙⲛⲡⲉϥⲭⲣⲓⲥⲧⲟⲥ ⲓⲏⲥⲟⲩⲥ · ⲙⲛⲛⲉϥⲁⲅⲅⲉⲗⲟⲥ ⲙⲛⲛⲉⲧⲉⲛⲟⲩϥ ⲧⲏⲣⲟⲩ ⲛⲉ ⲙⲟⲕϩ ⲛϩⲏⲧ ⲉϩⲣⲁⲓ ⲉϫⲱⲛ ·
a22.YB307-320:54
ⲛⲧϩⲉ ⲉⲛⲧⲁⲥⲟⲗⲟⲙⲱⲛ ⲛⲇⲓⲕⲁⲓⲟⲥ ϫⲓⲕⲃⲁ ⲙⲡⲁⲓ ⲉⲧⲙⲙⲁⲩ
a22.YB83-96:55
ⲉϣϫⲉ ⲟⲩⲛϩⲟⲓⲛⲉ ⲇⲉ ϩⲣⲁⲓ ⲛϩⲏⲧⲛ ⲉⲩⲣⲁϣⲉ ⲛⲛⲟⲩϫ ⲉⲩⲛ ϩⲣⲁⲓ ϩⲛⲛⲉⲩⲙⲛⲧϣⲁϥⲧⲉ · ⲉⲣⲉⲡϫⲟⲉⲓⲥ ⲓⲏⲥⲟⲩⲥ ⲙⲛⲛⲉϥⲁⲅⲅⲉⲗⲟⲥ ⲙⲟⲕϩ ⲛϩⲏⲧ ⲉϩⲣⲁⲓ ⲉϫⲱⲟⲩ ⲉⲩϣⲟⲟⲡ ϩⲛⲛⲉⲩⲡⲁⲣⲁⲃⲁⲥⲓⲥ ·
a22.YB307-320:55
ⲉⲛⲧⲁϥⲛⲉϫⲕⲁϩ ⲉϩⲟⲩⲛ ϩⲙⲡϩⲟ ⲙⲡⲉϥⲉⲓⲱⲧ ·
a22.YB67-80:55
ⲟⲩ ϩⲱⲱϥ ⲧⲉ ⲧⲙⲛⲧⲣⲉϥϫⲓϩⲟ ⲉϣⲱⲡⲉ ⲉⲣϣⲁⲛϩⲟⲓⲛⲉ ϩⲁϩⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ ϯⲗⲁⲁⲩ ⲛϩⲛⲟ ⲛϩⲟⲩⲟ ⲛⲗⲁⲁⲩ ⲛⲣⲱⲙⲉ ϩⲣⲁⲓ ⲛϩⲏⲧⲛ ⲭⲱⲣⲓⲥⲛⲉⲧⲕⲏ ⲛⲁⲩ ⲉϩⲣⲁⲓ ⲉⲙⲡⲟⲩⲧⲁⲙⲟⲓ ⲛϣⲟⲣⲡ ⲉⲩⲣⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ·
a22.YB83-96:56
ⲉⲓⲉ ⲛⲁⲓ ⲛⲁⲙⲉ ⲛⲉ ⲛⲣⲉϥⲣⲛⲟⲃⲉ ⲉⲧⲣⲟⲟⲩⲧ ⲉⲩϭⲟⲟⲗⲉ ⲙⲡⲉⲩϫⲓⲛϭⲟⲛⲥ ⲙⲛⲧⲉⲩⲙⲛⲧϣⲁϥⲧⲉ ·
a22.YB307-320:56
ⲁⲩⲱ ⲛⲧϩⲉ ⲉⲛⲧⲁϥϫⲟⲟⲥ ⲛϭⲓⲡⲉⲛϫⲟⲉⲓⲥ ⲓⲏⲥⲟⲩⲥ ⲉⲧⲣⲉⲥⲛⲟϥ ⲛⲓⲙ ⲛⲇⲓⲕⲁⲓⲟⲥ ⲉⲁⲩⲡⲁϩⲧϥ ⲉⲃⲟⲗ ϩⲓϫⲛⲛⲕⲁϩ ·
a22.YB67-80:56
ⲁⲩⲱ ⲧⲁⲓ ⲧⲉ ⲧⲙⲛⲧⲣⲉϥϫⲓϩⲟ ·
a22.YB307-320:57
ϫⲓⲙⲡⲉⲥⲛⲟϥ ⲛⲁⲃⲉⲗ ⲛⲇⲓⲕⲁⲓⲟⲥ ϣⲁϩⲣⲁⲓ ⲉⲡⲉⲥⲛⲟϥ ⲛⲍⲁⲭⲁⲣⲓⲁⲥ ⲡϣⲏⲣⲉ ⲛⲃⲁⲣⲁⲭⲓⲁⲥ ⲉⲓⲉϩⲣⲁⲓ ⲉϫⲛⲛⲣⲉϥϩⲱⲧⲃ ⲉⲧⲙⲙⲁⲩ ·

Coptic SCRIPTORIUM, corpus shenoute.a22 (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.