Shenoute A22

Coptic literature (Coptic SCRIPTORIUM) · 556 sections

a22.YA517-518:1
[…..]ⲉⲁ ⲙⲕⲁϩ [.....] ⲉⲙⲁⲧⲉ [.....]ⲩⲟ
... pain ... very ...
a22.YB67-80:1
ϫⲉⲛⲉⲛⲙⲟⲧⲛ ⲡⲉ ⲙⲛⲡⲙⲁ ⲉⲛⲧⲁⲛⲉⲓ ⲛϩⲏⲧϥ ·
a22.YB83-96:1
ⲉⲓⲙⲉ ϩⲣⲁⲓ ⲛϩⲏⲧⲛ ϩⲁϩⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ ϥⲓ ⲡⲣⲟⲟⲩϣ ⲛⲛⲉⲩϣⲏⲣⲉ · ⲙⲛⲛⲉⲩϣⲉⲉⲣⲉ · ⲙⲛⲛⲉⲩⲥⲛⲏⲩ · ⲙⲛⲛⲉⲩⲉⲓⲟⲧⲉ · ⲏ ϭⲉ ⲗⲁⲁⲩ ⲛⲕⲁⲧⲁⲥⲁⲣⲝ ⲛⲧⲁⲩ · ⲛϩⲟⲩⲟ ⲉⲛⲟⲣⲫⲁⲛⲟⲥ ⲙⲛⲛϣⲙⲙⲟ ⲉⲧⲛϩⲏⲧⲛ ·
a22.ZC301-308:1
ϩⲟⲟⲩⲧ ⲉⲓⲧⲉ ⲥϩⲓⲙⲉ ⲉⲩⲉⲉⲓ ⲉϩⲣⲁⲓ ⲉϫⲱⲟⲩ ⲉⲃⲟⲗ ϩⲓⲧⲙⲡⲛⲟⲩⲧⲉ ⲛϭⲓⲛⲉⲓⲥⲙⲟⲩ ⲧⲏⲣⲟⲩ ⲟⲛ ⲛⲓⲙ ⲉⲧⲛⲁⲕⲱⲗⲩⲉ ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ ·
a22.YB251-52:1
ⲉϩⲟⲩⲛ ϣⲁⲣⲟϥ ⲉⲛⲉϥⲥⲩⲛⲁⲅⲱⲅⲏ ⲉⲧⲟⲩⲁⲁⲃ .
a22.YA311-316:1
ⲁⲩⲱ ⲉⲛⲛⲁⲧⲁⲩⲟ ⲉⲡⲉⲥⲏⲧ ⲙⲡⲙⲁ ⲉⲛⲉϥⲟⲩⲏϩ ⲛϩⲏⲧϥ ⲛⲧⲛϣⲣϣⲱⲣϥ ϣⲁϩⲣⲁⲓ ⲉⲛⲉϥⲥⲛⲧⲉ ⲉⲧⲙⲧⲣⲉⲣⲱⲙⲉ ⲟⲩⲱϩ ⲛϩⲏⲧϥ ϣⲁⲉⲛⲉϩ ⲉϥⲛⲁϯϫⲣⲟⲡ ⲙⲡⲉⲧϩⲓⲧⲟⲩⲱϥ
a22.YA309-310:1
ⲉⲩⲛⲁϫⲁϩⲙⲟⲩ ⲕⲁⲧⲁⲗⲁⲁⲩ ⲛⲥⲙⲟⲧ ⲉⲓⲧⲉ ⲉⲩϩⲓⲡϣⲙⲙⲟ ⲉⲓⲧⲉ ⲉⲩϩⲛⲧⲥⲩⲛⲁⲅⲱⲅⲏ
... they will be defiled in every way, whether they are abroad or whether they are in the community.
a22.YB245-46:1
ⲧϩⲉ ⲉⲧⲟⲩⲟ ⲙⲙⲟⲥ ϩⲱⲥ ⲧⲃⲛⲏ ⲛⲁⲧⲙⲉ ·
a22.YA421-428:1
ⲣⲙⲏ ⲉϩⲣⲁⲓ ⲉⲩⲃⲁⲩⲕⲁⲗⲓⲟⲛ ⲏ ⲉϩⲣⲁⲓ ⲉⲩϣⲟϣⲟⲩ ⲉϩⲣⲁⲓ ⲉϭⲉⲗⲁⲁⲩ ⲛϩⲛⲁⲁⲩ ⲉϥⲧⲛⲧⲱⲛ ⲉⲛⲁⲓ ⲉⲙⲡⲟⲩⲟⲩⲉϩⲥⲁϩⲛⲉ ⲛⲁϥ ϩⲓⲧⲙⲡϩⲗⲗⲱ ⲉⲓⲙⲏⲧⲓ ⲡⲙⲁ ⲛⲛⲣⲱⲙⲉ ⲉⲧϣⲱⲛⲉ ⲙⲙⲁⲧⲉ ⲙⲛⲛϩⲗⲗⲟ ⲁⲩⲣϩⲁϩ ⲛⲣⲟⲙⲡⲉ ⲁⲩⲱ ⲛⲉⲓⲕⲟⲟⲩⲉ ⲉⲧⲣⲉⲩϣⲓⲛⲉ ⲛⲧⲟⲟⲧϥ ⲙⲡϩⲗⲗⲟ
... if one urinates into a vessel with a narrow neck or jar, into any other vessel like these, without having been ordered by the elder, except for the place of those who are very ill and the elders of advanced years and these others, he is to ask the elder.
a22.YA303-04:1
ⲟⲩⲧ ⲏ ⲟⲩⲥϩⲓⲙⲉ ϩⲣⲁⲓ ⲛϩⲏⲧⲛ ⲉⲩⲛⲁⲛⲉϫⲙⲟⲟⲩ ⲉϫⲛⲧⲉⲩⲁⲡⲉ ⲉⲧⲣⲉⲩⲉⲓⲱ ⲉⲃⲟⲗ ⲙⲡⲉⲩϩⲟ ϩⲛⲟⲩⲉⲡⲓⲑⲩⲙⲓⲁ ⲉⲧⲣⲉⲩⲕⲱ ⲛⲁⲩ ⲙⲡⲣⲣⲡⲙⲉⲉⲩⲉ ⲙⲡϥⲱ ⲛⲧⲉⲩⲁⲡⲉ · ⲉⲩⲙⲛⲧϣⲟⲩϣⲟ ⲙⲛⲟⲩⲡⲁⲑⲟⲥ ⲛϩⲏⲇⲟⲛⲏ ·
a22.YA293-300:1
ϩⲓⲡϫⲁⲓⲉ ϩⲙⲡⲏⲓ ⲙⲡⲁⲉⲓⲱⲧ ⲉⲧⲣⲁⲙⲉⲧⲁⲛⲟⲉⲓ ϩⲁⲡⲁϣⲁⲓ ⲛⲛⲁⲙⲛⲧϣⲁϥⲧⲉ ·
a22.YB307-320:1
ⲉⲧⲃⲉⲡⲁⲓ ⲙⲛⲟⲩⲥⲓⲁ ϭⲉ ⲛⲁϣⲱϫⲡ ϩⲁⲛⲉϥⲛⲟⲃⲉ ϫⲉⲛⲛⲉϥⲙⲉⲧⲁⲛⲟⲉⲓ
a22.ZC301-308:2
ⲏ ⲟⲛ ⲧⲉⲛⲟⲩ ⲉⲧⲙⲧⲣⲉⲩⲱϣ ⲛⲛϣⲁϫⲉ ⲧⲏⲣⲟⲩ ⲉⲧⲥⲏϩ ϩⲣⲁⲓ ϩⲙⲡϫⲱⲱⲙⲉ ⲉⲧⲙⲙⲁⲩ ⲏ ⲛⲉⲧⲥⲏϩ ϩⲛⲧⲉⲓⲉⲡⲓⲥⲧⲟⲗⲏ ⲙⲛⲛⲕⲟⲟⲩ ⲛⲧⲁⲛⲥⲁϩⲟⲩ ·
a22.YA517-518:2
ⲉⲙⲕⲁϩ ⲛⲓⲙ ⲉϥϩⲣⲁⲓ ϩⲓϫⲱⲓ ·
to every pain which is down upon me.
a22.YA309-310:2
ⲁⲩⲱ ⲟⲩⲟⲛ ⲛⲓⲙ ϩⲣⲁⲓ ⲛϩⲏⲧⲛ ⲉⲩⲣⲛⲟⲃⲉ ⲏ ⲉⲩⲛⲁⲣⲛⲟⲃⲉ ϩⲛⲟⲩϩⲱⲡ ϩⲁϩⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ ⲁⲩⲱ ⲛⲥⲉⲧⲙϫⲉⲡⲛⲟⲃⲉ ⲛⲧⲁⲩⲁⲁϥ ⲉⲩⲉⲉⲓ ⲉϩⲣⲁⲓ ⲉϫⲱⲟⲩ ⲛϭⲓⲛⲉⲓⲥⲁϩⲟⲩ ⲧⲏⲣⲟⲩ ⲉⲧⲛⲁⲧⲁⲗⲉⲡⲣⲟⲥⲫⲟⲣⲁ ⲇⲉ ⲟⲛ ⲉϩⲣⲁⲓ ϩⲛϭⲉⲗⲁⲁⲩ ⲙⲙⲁ ⲙⲡⲉⲛⲕⲱⲧⲉ ϩⲛⲟⲩϯⲧⲱⲛ ⲉⲩⲟ ⲛⲕⲟⲓⲛⲱⲛⲟⲥ ⲛⲙⲙⲁⲛ ⲏ ⲛⲧⲟϥ ⲉⲩⲟⲩⲏϩ ϩⲓⲧⲟⲩⲱⲛ ⲉⲩⲟ ⲛⲕⲟⲓⲛⲱⲛⲟⲥ ⲛⲙⲙⲁⲛ ⲁⲛ
And anyone among us who sins or will sin in secret before us or before you too and does not tell of the sin that they committed, may all these curses come upon them, and also who offers up sacrifices in any other place around us in strife while he is an associate of ours or also dwells with us
a22.YA303-04:2
ϥⲥϩⲟⲩⲟⲣⲧ ⲛϭⲓⲟⲩϩⲟⲟⲩⲧ ⲏ ⲟⲩⲥϩⲓⲙⲉ ϩⲣⲁⲓ ⲛϩⲏⲧⲛ ⲉⲩⲛⲁⲉⲓⲱ ⲉⲃⲟⲗ ⲛⲛⲉⲩⲟⲩⲉⲣⲏⲧⲉ ⲕⲁⲕⲱⲥ ϩⲛⲟⲩⲉⲡⲓⲑⲩⲙⲓⲁ · ⲏ ⲉⲩⲛⲁϫⲱⲕⲙ ⲛϫⲓⲟⲩⲉ ϩⲛⲟⲩⲙⲟⲟⲩ ⲏ ⲉⲩⲛⲁⲧⲁϩⲥⲟⲩ ⲛϫⲓⲟⲩⲉ ϩⲛⲟⲩⲛⲉϩ · ⲙⲡⲟⲩϫⲛⲉⲡϩⲗⲗⲟ ⲛϣⲟⲣⲡ ϩⲁⲧⲏⲛ ⲏ ⲁϫⲛⲧϩⲗⲗⲱ ϩⲁⲧⲉⲧⲏⲩⲧⲛ
a22.YB251-52:2
ⲉⲧⲣⲉⲧⲛϣⲱⲡⲉ ϩⲛⲡⲃⲓⲟⲥ ⲙⲛⲁⲅⲅⲉⲗⲟⲥ ·
a22.YA293-300:2
ⲁⲩⲱ ⲡⲁⲓ ⲡⲉⲧϩⲙⲡⲁϩⲏⲧ ϫⲉⲕⲁⲛ ⲉϣⲱⲡⲉ ⲛϯⲛⲁⲣⲙⲡϣⲁ ⲁⲛ ⲛⲛⲁⲩ ⲉⲡϫⲟⲉⲓⲥ ⲛϩⲟ ϩⲓϩⲟ ϩⲛⲟⲩⲱⲛϩ ⲉⲃⲟⲗ ϩⲙⲡⲙⲁ ⲉϯⲛⲁⲃⲱⲕ ⲉⲣⲟϥ ϫⲉⲁⲛⲅⲟⲩⲣⲱⲙⲉ ⲛⲣⲉϥⲣⲛⲟⲃⲉ
a22.YB245-46:2
ⲁⲗⲗⲁ ⲡϫⲟⲉⲓⲥ ⲛϣⲛϩⲧⲏϥ ⲙⲛⲁⲏⲧ ⲉϥⲉⲣⲟⲩⲛⲁ ·
a22.YB307-320:2
ⲁϣ ⲧⲉ ⲧⲙⲉⲧⲁⲛⲟⲓⲁ ⲛⲥⲁⲧⲣⲉⲛⲥⲁϩⲱⲛ ⲉⲃⲟⲗ ⲛⲕⲣⲟϥ ⲛⲓⲙ ϩⲓⲙⲛⲧⲁⲧⲥⲱⲧⲙ ⲛⲓⲙ ⲧⲛⲟⲩⲛⲉ ⲛϩⲱⲃ ⲛⲓⲙ ⲉϥϩⲟⲟⲩ ·
a22.YA421-428:2
ⲁⲩⲱ ⲉⲣϣⲁⲛⲟⲩⲁⲛⲁⲅⲕⲏ ϣⲱⲡⲉ ⲉⲧⲣⲉϩⲓⲟⲛⲉ ⲣⲭⲣⲉⲓⲁ ⲛϩⲱⲃ ⲛⲧⲉⲓϩⲉ ϩⲣⲁⲓ ⲛϩⲏⲧⲛ ⲉⲧⲣⲉⲩⲥⲣⲣⲁⲧⲟⲩ ⲉϩⲣⲁⲓ ⲉⲗⲁⲁⲩ ⲛϩⲛⲁⲁⲩ ⲛⲧⲉⲓⲙⲓⲛⲉ ⲉⲧⲃⲉⲧⲁⲛⲁⲅⲕⲏ ⲛⲟⲩⲡⲗⲏⲅⲏ · ⲏ ⲟⲩϫⲣⲟⲡ ⲉⲁϥϣⲱⲡⲉ ϩⲓⲧⲟⲩⲉⲣⲏⲧⲉ ⲛⲟⲩⲁ ⲉⲙⲛϭⲟⲙ ⲙⲙⲟϥ ⲉⲙⲟⲟϣⲉ ⲉⲉⲓ ⲉⲃⲟⲗ ⲉⲩⲉϫⲛⲉⲡϩⲗⲗⲟ
And if it is necessary for some among us to use anything of this sort, to defecate into vessels of this sort through necessity or physical incapacity or hindrance to the foot making him unable to walk, they are to ask the elder.
a22.YB67-80:2
ⲉⲩⲉⲣϣⲙⲙⲟ ⲉⲣⲟⲛ ⲛⲕⲉⲥⲟⲛ ϫⲉⲁⲩⲕⲱⲧⲉ ⲛⲥⲁⲧϩⲉ ⲛϯⲥⲗⲁⲁⲧⲉ ⲛⲛⲉⲩⲥⲛⲏⲩ · ⲁⲩⲱ ⲉⲧⲣⲉⲩϯϫⲣⲟⲡ ⲛⲁⲩ ϩⲛⲧⲉⲩϩⲩⲡⲟⲧⲁⲅⲏ ⲙⲛⲧⲉⲩϩⲩⲡⲟⲙⲟⲛⲏ ·
a22.YA311-316:2
ⲛⲉⲧⲛⲁⲡⲱⲧ ⲇⲉ ⲟⲛ ⲛⲟⲩⲟⲉⲓϣ ⲛⲓⲙ ϩⲣⲁⲓ ⲛϩⲏⲧⲛ ⲉϫⲙⲡϩⲗⲗⲟ ⲛⲥⲉⲃⲱⲕ ⲉⲣⲁⲧϥ ⲛϩⲉⲛⲉⲡⲓⲥⲕⲟⲡⲟⲥ ⲁϫⲛⲧⲱϣ ⲉⲧⲣⲉⲩⲧⲁⲗⲉϭⲓϫ ⲉϫⲱⲟⲩ ϩⲛⲟⲩϯⲧⲱⲛ ⲉⲩⲉϣⲱⲡⲉ ⲉⲩⲥϩⲟⲩⲟⲣⲧ ⲉⲃⲟⲗ ϫⲉⲡⲥⲱⲧⲙ ⲥⲟⲧⲡ ⲉϩⲟⲩⲉ ⲉⲧⲣⲉⲛⲉⲧⲙⲙⲁⲩ ⲧⲁⲗⲟ ⲉϩⲣⲁⲓ ⲛϩⲉⲛⲡⲣⲟⲥⲫⲟⲣⲁ ϩⲛⲟⲩⲙⲛⲧⲁⲧⲥⲱⲧⲙ ⲙⲛⲟⲩⲙⲛⲧⲁⲧⲥⲃⲱ
a22.YB83-96:2
ⲉⲓⲉ ⲡⲉ ... ⲉⲛⲛⲁⲓ ....... ϩⲁ ........ ⲛ ....... ⲛⲁ .... ϣⲱⲡⲉ ⲛⲃⲟⲧⲉ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ·
a22.YB251-52:3
ⲛⲧⲉⲧⲛϯ ⲛⲟⲩⲕⲁⲣⲡⲟⲥ ⲉⲛⲁϣⲱϥ ⲕⲁⲧⲁⲧϩⲉ ⲉⲧⲥⲏϩ ·
a22.YA309-310:3
ⲁⲩⲱ ⲡⲉⲧⲛⲁⲧⲁⲗⲉⲡⲣⲟⲥⲫⲟⲣⲁ ⲉϩⲣⲁⲓ ϩⲛϭⲉⲗⲁⲁⲩ ⲙⲙⲁ ⲙⲡⲉⲛⲕⲱⲧⲉ ϩⲛⲟⲩϯⲧⲱⲛ ⲉⲓⲙⲏⲧⲓ ⲉϩⲟⲩⲛ ϩⲛⲛⲉⲛⲥⲩⲛⲁⲅⲱⲅⲏ ⲡⲙⲁ ⲉⲧⲉⲣⲉⲛⲉⲥⲛⲏⲩ ⲧⲏⲣⲟⲩ ⲥⲟⲟⲩϩ ⲛϩⲏⲧϥ : ⲙⲛϩⲣⲁⲓ ϩⲙⲡⲧⲟⲡⲟⲥ ⲙⲡⲉⲛⲉⲓⲱⲧ ⲡⲙⲁ ⲉⲧⲉⲣⲉⲧⲉⲕⲕⲗⲏⲥⲓⲁ ⲛϩⲏⲧϥ ϩⲓⲡϫⲁⲓⲉ ⲉⲩⲉϣⲱⲡⲉ ⲉⲩⲥϩⲟⲩⲟⲣⲧ
And whoever offers up a sacrifice in any other place around us in strife, except in our community, the place in which all the brothers are gathered, the location of our father, the place in which the congregation is in the desert, may they be cursed.
a22.YA421-428:3
ⲁⲩⲱ ⲭⲱⲣⲓⲥⲛⲁⲓ ϩⲉⲛϣⲏⲣⲉ ϣⲏⲙ ⲏ ϭⲉⲗⲁⲁⲩ ⲛⲣⲱⲙⲉ ⲉⲩϣⲁⲛⲥⲣⲣⲁⲧⲟⲩ ⲉϩⲣⲁⲓ ϩⲛⲗⲁⲁⲩ ⲛϩⲛⲁⲁⲩ ⲛⲧⲉⲓⲙⲓⲛⲉ ⲉⲩⲉϣⲱⲡⲉ ⲉⲩⲥϩⲟⲩⲟⲣⲧ
Apart from these, children or anyone else, if they defecate into any vessels of this sort, let them be accursed.
a22.ZC301-308:3
ⲏ ⲛⲧⲟϥ ⲛⲉⲧⲛⲛⲁⲥⲁϩⲟⲩ ϫⲓⲛⲡⲟⲟⲩ ⲛϩⲟⲟⲩ · ⲁⲩⲱ ⲛⲉⲧⲛⲁⲕⲱⲗⲩⲉ ⲉⲧⲙⲧⲣⲉⲩⲟϣⲟⲩ ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ ·
a22.YA517-518:3
ⲉⲧⲃⲉⲛϣⲉⲉⲣⲉ ⲇⲉ ϣⲏⲙ ⲛⲧⲁⲛⲥⲱⲧⲙ ⲉⲧⲃⲏⲏⲧⲟⲩ·
But for the little girls which we have heard about,
a22.YA303-04:3
ϥⲥϩⲟⲩⲟⲣⲧ ⲛϭⲓⲟⲩϩⲟⲟⲩⲧ ⲏ ⲟⲩⲥϩⲓⲙⲉ ϩⲣⲁⲓ ⲛϩⲏⲧⲛ ⲉⲩⲛⲁϯ ⲙⲡⲉⲩϩⲏⲧ ⲉⲩϩⲟⲉⲓⲧⲉ · ⲏ ⲉⲩⲣϣⲱⲛ · ⲏ ⲉⲩⲡⲣⲏϣ · ⲏ ⲉⲩⲕⲗⲁϥⲧ · ⲏ ⲉⲩⲧⲟⲟⲩⲉ ⲉⲧⲣⲉⲩⲧⲁⲙⲓⲟⲟⲩ ⲛⲁⲩ ⲕⲁⲗⲱⲥ ⲉⲩϫⲱ ⲙⲙⲟⲥ ϫⲉⲛⲟⲩⲛⲛⲉ ⲁⲩⲱ ⲉⲙⲡⲉⲟⲩϣⲱϣ ⲛⲟⲩⲱⲧ ϣⲱⲡⲉ ⲛⲁⲩ ϩⲓⲟⲩⲥⲟⲡ ϫⲓⲛⲟⲩⲛⲟϭ ϣⲁⲟⲩⲕⲟⲩⲓ ·
a22.YB245-46:3
ⲙⲛⲟⲩⲟⲛ ⲛⲓⲙ ⲉⲛⲧⲁⲩⲃⲱⲕ ⲉⲣⲁⲧϥ ⲉⲧⲡⲓⲥⲧⲉⲩⲉ ⲉⲣⲟϥ ϫⲉⲁⲩⲧⲁⲩⲉ ⲡⲉϥⲣⲁⲛ ⲉⲛⲉϩ ·
a22.YB83-96:3
ⲁⲩⲱ ⲉⲩⲥϩⲟⲩⲟⲣⲧ ⲙⲡⲉⲙⲧⲟ ⲉⲃⲟⲗ ⲛⲓⲏⲥⲟⲩⲥ ·
a22.YB307-320:3
ⲛⲁⲓ ⲇⲉ ⲙⲛⲛⲉⲧⲧⲛⲧⲱⲛ ⲉⲣⲟⲟⲩ ⲧⲏⲣⲟⲩ · ⲛⲉⲧⲱϣ ⲙⲙⲟⲟⲩ ⲙⲛⲛⲉⲧⲥⲱⲧⲙ ⲉⲣⲟⲟⲩ · ⲏ ⲛⲉⲧϯⲥⲃⲱ ⲛϩⲉⲛⲕⲟⲟⲩⲉ ⲛϩⲏⲧⲟⲩ ·
a22.YA311-316:3
ⲟⲩⲟⲛ ⲇⲉ ⲛⲓⲙ ⲉⲧⲛⲁⲙⲟⲟϣⲉ ⲕⲁⲧⲁⲛⲕⲁⲛⲱⲛ ⲉⲧⲕⲏ ⲛⲁⲛ ⲉϩⲣⲁⲓ ⲛⲛⲉⲗⲁⲁⲩ ⲛⲣⲱⲙⲉ ⲉϣⲫⲑⲟⲛⲉⲓ ⲉⲣⲟϥ ⲉⲛⲟϫϥ ⲉⲃⲟⲗ ⲉⲓⲧⲉ ⲉϥϩⲓⲡϫⲁⲓⲉ ⲙⲡⲉⲛⲕⲱⲧⲉ ⲉⲓⲧⲉ ⲉϥϩⲛⲧⲥⲩⲛⲁⲅⲱⲅⲏ ⲛⲙⲙⲁⲛ ϩⲁϩⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ
a22.YA293-300:3
ⲁⲗⲗⲁ ϯⲛⲁⲁⲅⲱⲛⲓⲍⲉ ⲉⲧⲣⲁⲥⲉⲓ ⲙⲙⲟϥ ϩⲓϫⲙⲡⲕⲁϩ ϩⲛⲟⲩϩⲱⲡ · ⲉⲛϩⲟⲥⲟⲛ ⲉⲛϥⲕⲱⲗⲩⲉ ⲛⲗⲁⲁⲩ ⲁⲛ ⲟⲩⲧⲉ ⲁⲛⲟⲕ ⲟⲩⲧⲉ ⲗⲁⲁⲩ ⲛⲣⲱⲙⲉ ⲉϥⲙⲉⲧⲁⲛⲟⲉⲓ · ⲏ ⲉϥⲛⲁⲙⲉⲧⲁⲛⲟⲉⲓ ⲁⲩⲱ ⲉⲓϣⲁⲛⲃⲱⲕ ϣⲁⲣⲟϥ ϥⲣⲱϣⲉ ϩⲛⲛⲉϥⲙⲛⲧϣⲁⲛϩⲧⲏϥ ⲉⲧⲣⲉϥⲣⲟⲩⲛⲁ ⲙⲛⲧⲁⲙⲛⲧⲉⲃⲓⲏⲛ ·
a22.YB67-80:3
ⲉⲧⲃⲉⲡⲁⲓ ⲛⲁⲓ ⲛⲧⲉⲓⲙⲓⲛⲉ ⲛϩⲉⲛⲕⲟⲟⲩⲉ · ⲉⲩϣⲁⲛϯϭⲱⲛⲧ ⲙⲡⲛⲟⲩⲧⲉ ϩⲁϩⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ · ⲙⲁⲣⲛϣⲁⲧⲟⲩ ⲉⲃⲟⲗ ⲙⲙⲟⲛ ⲉϣⲱⲡⲉ ⲛⲥⲉⲛⲁ ⲙⲉⲧⲁⲛⲟⲉⲓ ⲁⲛ ⲙⲛⲛⲥⲁⲧⲣⲉⲛϯⲥⲃⲱ ⲛⲁⲩ ⲛϩⲁⲡ ⲛⲥⲟⲛ ·
a22.YB83-96:4
ⲡⲁⲓ ⲉⲛⲧⲁϥⲛ..ⲁ ⲡϣⲙⲙⲟ · ⲙⲛⲡⲣⲙⲛϯⲙⲉ · ⲙⲛⲟⲩⲟⲛ ⲛⲓⲙ ϩⲓⲟⲩⲥⲟⲛ ·
a22.YB251-52:4
ϫⲉⲕⲁⲥ ⲉϥⲉⲥⲙⲟⲩ ⲉⲣⲱⲧⲛ ⲛϭⲓⲡϫⲟⲉⲓⲥ ⲡⲛⲟⲩⲧⲉ · ϫⲉⲛⲧⲱⲧⲛ ϩⲱⲧⲧⲏⲩⲧⲛ ⲁⲧⲉⲧⲛⲥⲙⲟⲩ ⲉⲣⲟϥ ⲁϫⲛⲕⲣⲟϥ · ⲕⲁⲧⲁⲧϩⲉ ⲉⲧⲉϣⲁⲩⲥⲙⲟⲩ ⲉⲣⲟϥ ⲛϭⲓⲛⲁⲅⲅⲉⲗⲟⲥ ⲉⲧⲟⲩⲁⲁⲃ ·
a22.YA293-300:4
ⲙⲟⲛⲟⲛ ⲧⲁⲓⲧⲉ ⲧϩⲉ ⲉϣⲁⲓϣⲗⲏⲗ ϩⲙⲡⲁⲏⲓ ⲉⲓⲉⲝⲟⲙⲟⲗⲟⲅⲉⲓ ⲛⲛⲁⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ · ⲉⲓϫⲱ ⲙⲙⲟⲥ ⲉⲓⲣⲓⲙⲉ ϫⲉⲙⲁⲣⲓⲙⲡϣⲁ ⲛⲛⲁⲩ ⲉⲣⲟϥ ϩⲙⲡⲙⲁ ⲉϯⲛⲁⲃⲱⲕ ⲉⲣⲟϥ ⲁⲩⲱ ⲙⲁⲣⲉϥⲕⲟⲗⲁⲍⲉ ⲙⲙⲟⲓ ϩⲛⲟⲩⲕⲱϩⲧ
a22.YA309-310:4
ⲡⲉⲛⲕⲱⲧⲉ ⲇⲉ ⲡⲉ ϫⲓⲛⲡⲉⲓⲁ ⲉⲧⲙⲡⲉⲙϩⲓⲧ ⲛⲧⲕⲱⲙⲏ ⲛⲧⲣⲓⲫⲓⲟⲩ ϣⲁⲛϩⲏⲧ ⲉⲡⲉⲓⲁ ⲉⲧⲙⲡⲣⲏⲥ ⲙⲡⲏⲓ ⲙⲡⲉⲛⲉⲓⲱⲧ ⲛϩⲗⲗⲟ ⲁⲡⲁ ⲡϣⲟⲓ ⲡⲙⲁ ⲉⲛⲉϥϣⲟⲟⲡ ⲛϩⲏⲧϥ ⲛϣⲟⲣⲡ ϩⲓⲡϫⲁⲓⲉ .
Our area is from the valley to the North of the village of Atripe to the valley which is to the South of the home of our father the elder Apa Bishoy, the place in which he first lived in the desert.
a22.YA421-428:4
ϥⲥϩⲟⲩⲟⲣⲧ ⲛϭⲓⲡⲉⲧⲛⲁⲧⲱϣ ⲛⲟⲩϩⲱⲃ ⲉϥⲟ ⲛⲛⲟⲃⲉ ⲉⲡⲉⲧϩⲓⲧⲟⲩⲱϥ ϩⲛⲟⲩⲙⲛⲧⲣⲉϥϩⲓⲗⲁ
The one who ordains a sinful deed against his neighbour in deceitfulness is accursed.
a22.YA303-04:4
ϥⲥϩⲟⲩⲟⲣⲧ ⲛϭⲓⲟⲩϩⲟⲟⲩⲧ ⲏ ⲟⲩⲥϩⲓⲙⲉ ϩⲣⲁⲓ ⲛϩⲏⲧⲛ ⲉϥⲛⲁϫⲓⲡϩⲟ ⲛϩⲉⲛⲕⲁⲧⲁⲥⲁⲣⲝ ⲛⲧⲁⲩⲉⲧⲣⲉⲩϣⲃⲧⲟⲩ ⲉϩⲉⲛϣⲙⲙⲟ · ⲙⲛϩⲉⲛⲟⲣⲫⲁⲛⲟⲥ ⲛϩⲣⲁⲓ ⲛϩⲏⲧⲛ ⲉⲓⲧⲉ ϩⲛⲧⲉϩⲣⲉ ⲉⲓⲧⲉ ϩⲛⲧϩⲃⲥⲱ ⲉⲓⲧⲉ ϩⲛϭⲉⲗⲁⲁⲩ ⲛϩⲛⲁⲁⲩ ⲉⲓⲧⲉ ϩⲛϭⲉⲗⲁⲁⲩ ⲛϩⲱⲃ ·
a22.YA517-518:4
ϫⲉⲥⲉⲛⲁⲡⲱⲧ ⲉϩⲟⲩⲛ ⲉⲛⲉⲩⲉⲣⲏⲩ ϩⲛⲟⲩⲱϣ ⲛⲥⲁⲣⲕⲓⲕⲟⲛ ·
that they ran to each other in a desire of flesh.
a22.YB245-46:4
ⲁⲩⲱ ⲁⲩⲣ ⲟⲩ ⲛⲉⲧⲛⲁⲛⲟⲩϥ ⲉⲡⲉϥⲣⲁⲛ ⲙⲡⲉϥⲙⲧⲟ ⲉⲃⲟⲗ ⲛⲟⲩϩⲟⲟⲩ ·
a22.ZC301-308:4
ⲏ ⲟⲛ ⲧⲉⲛⲟⲩ ⲉⲩⲉⲉⲓ ⲉϩⲣⲁⲓ ⲉϫⲱⲟⲩ ⲛϭⲓⲛⲉⲓⲥⲁϩⲟⲩ ⲧⲏⲣⲟⲩ ·
a22.YB307-320:4
ⲁⲩⲱ ⲛⲧⲟⲟⲩ ⲉⲩⲡⲁⲣⲁⲃⲁ ⲙⲙⲟⲟⲩ ⲧⲏⲣⲟⲩ · ⲛⲁⲓ
a22.YB67-80:4
ⲙⲏⲡⲟⲧⲉ ⲛⲧⲉⲡⲛⲟⲩⲧⲉ .. ⲁⲧⲙⲉ ..... ϩⲟϥ ϫⲉⲛⲙ ... ϩⲙⲙ ..... ⲉⲧⲟⲩ .... ϩⲱⲃⲥ ⲉⲃⲟⲗ ϣⲛⲙ ..... ⲛⲉⲛⲉ ....
a22.YA311-316:4
ⲉϣⲱⲡⲉ ⲇⲉ ⲉϥϣⲁⲛⲉⲓ ⲛϭⲓⲟⲩⲕⲁⲓⲣⲟⲥ ⲛⲧⲉⲡⲛⲟⲃⲉ ϭⲙϭⲟⲙ ⲉϩⲣⲁⲓ ⲉϫⲛⲛⲉⲧⲟⲩⲏϩ ϩⲙⲡⲉⲓⲙⲁ ϩⲙⲡⲕⲁⲓⲣⲟⲥ ⲉⲧⲙⲙⲁⲩ ⲉⲧⲃⲉⲧⲱⲙ ⲛϩⲏⲧ ⲉⲧⲛⲁⲉⲓ ⲉϩⲣⲁⲓ ⲉϫⲛⲟⲩⲟⲛ ⲛⲓⲙ ⲉⲧⲛⲁⲡⲁⲣⲁⲃⲁ ⲛⲛⲉⲛⲧⲟⲗⲏ ⲉⲧⲕⲏ ⲛⲁⲩ ⲉϩⲣⲁⲓ · ϩⲣⲁⲓ ϩⲓⲡⲉⲓϫⲁⲓⲉ ⲡⲁⲓ ⲧⲉⲛⲟⲩ ⲉⲧⲛⲛϩⲏⲧϥ ·
a22.YB307-320:5
ⲛⲧⲉⲓⲙⲓⲛⲉ ⲉϣⲱⲡⲉ ⲉⲩϩⲟⲟⲩⲧ ⲛⲉ ·
a22.YA309-310:5
ⲟⲩⲟⲛ ⲇⲉ ⲛⲓⲙ ⲉⲧⲛⲁⲟⲩⲱϩ ϩⲓⲧⲟⲩⲱⲛ ⲉⲩⲉϣⲱⲡⲉ ⲉⲩⲙⲏⲣ ⲉϩⲟⲩⲛ ⲉⲛⲕⲁⲛⲱⲛ ⲉⲧⲕⲏ ⲉϩⲣⲁⲓ ⲛⲛⲉⲥⲛⲏⲩ ⲧⲏⲣⲟⲩ ⲉⲧⲥⲟⲟⲩϩ ⲉϩⲟⲩⲛ ϩⲓⲟⲩⲥⲟⲡ
Anyone who is to live among us, may they be bound by the law which is laid down by all the brothers who are assembled together.
a22.YA517-518:5
ⲙⲁⲧⲁⲙⲟⲓ ⲉⲧⲃⲏⲏⲧⲟⲩ ϩⲛⲟⲩⲱⲣϫ ϫⲉⲉⲓⲉⲉⲓⲙⲉ
Tell me about them assuredly, that I may know
a22.YB67-80:5
ⲁⲩⲱ ⲙ... ⲉⲧⲣⲉⲛϯ .. ⲉⲣⲟⲟⲩ ϫⲉⲛⲉⲛⲥⲛⲏⲩ ⲛⲉ · ⲏ ϫⲉⲛⲉⲛϣⲃⲉⲉⲣ ⲛⲉ · ⲏ ϫⲉⲛⲉⲛϣⲏⲣⲉ ⲛⲉ ⲉⲧⲙⲧⲣⲉⲛⲛⲟϫⲟⲩ ⲉⲃⲟⲗ ϩⲙⲡⲏⲓ ⲙⲡⲛⲟⲩⲧⲉ ⲉⲩϣⲁⲛⲣⲛⲟⲃⲉ ⲉⲣⲟϥ
a22.ZC301-308:5
ⲟⲩⲟⲛ ⲇⲉ ⲛⲓⲙ ⲛⲟⲩⲟⲉⲓϣ ⲛⲓⲙ ⲉⲧⲛⲁⲥⲡⲟⲩⲇⲁⲍⲉ ⲉⲧⲣⲉⲩⲟϣⲟⲩ · ⲏ ⲛⲉⲧⲛⲁⲣϩⲛⲁⲩ ⲉⲥⲱⲧⲙ ⲉⲣⲟⲟⲩ ⲉϩⲁⲣⲉϩ ⲉⲣⲟⲟⲩ ⲉⲁⲁⲩ ⲉⲩⲉⲉⲓ ⲉϩⲣⲁⲓ ⲉϫⲱⲟⲩ ⲛϭⲓⲛⲉⲓⲥⲙⲟⲩ ⲧⲏⲣⲟⲩ ⲉⲧⲃⲉⲡⲁⲓ ⲟⲩ ⲙⲟⲛⲟⲛ ϫⲉϯⲛⲁϩⲱⲛ ⲉⲧⲟⲟⲧⲟⲩ ⲛⲛⲉⲥⲛⲏⲩ ⲉⲧⲟ ⲛⲟⲩϩⲏⲧ ⲛⲟⲩⲱⲧ ⲛⲙⲙⲁⲛ ⲉⲧⲣⲉⲩϥⲓ ⲡⲣⲟⲟⲩϣ ⲛⲛϣⲁϫⲉ ⲧⲏⲣⲟⲩ ⲉⲧⲛⲛⲁⲥⲁϩⲟⲩ ⲉϩⲣⲁⲓ ⲉⲡϫⲱⲱⲙⲉ ⲉⲧⲙⲙⲁⲩ ⲙⲛⲛⲉⲧⲥⲏϩ ϩⲛⲛⲉⲡⲓⲥⲧⲟⲗⲏ ⲧⲏⲣⲟⲩ
a22.YB83-96:5
ⲉϣⲱⲡⲉ ⲇⲉ ⲉⲩϭⲟⲗ ⲡⲉ ⲡⲉⲓϣⲁϫⲉ ⲉⲛⲥϣⲟⲟⲡ ⲁⲛ ϩⲣⲁⲓ ⲛϩⲏⲧⲛ ϩⲁϩⲧⲏⲛ · ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ ⲛϭⲓⲧⲉⲓⲛⲟϭ ⲛⲃⲟⲧⲉ · ⲉⲙⲛⲗⲁⲁⲩ ϩⲣⲁⲓ ⲛϩⲏⲧⲛ ϩⲁϩⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ ·
a22.YA303-04:5
ϥⲥϩⲟⲩⲟⲣⲧ ⲛϭⲓⲟⲩϩⲟⲟⲩⲧ ⲏ ⲟⲩⲥϩⲓⲙⲉ ϩⲣⲁⲓ ⲛϩⲏⲧⲛ ⲉϥⲛⲁⲟⲩⲉⲙⲗⲁⲁⲩ ⲛⲛⲕⲁ ⲛϫⲓⲟⲩⲉ ⲡⲃⲟⲗ ⲙⲡⲕⲱⲧ ⲉⲧⲕⲏ ⲛⲁⲛ ⲉϩⲣⲁⲓ · ⲉⲓⲧⲉ ⲟⲩϫⲓⲣ ⲛⲧⲃⲧ ⲉⲓⲧⲉ ⲟⲩⲧⲃⲧ ⲉϥⲡⲟⲥⲉ · ⲉⲓⲧⲉ ⲟⲩⲧⲁⲣⲓⲭⲓⲟⲛ · ⲏ ⲟⲩⲥⲟⲟⲩϩⲉ · ⲏ ⲟⲩϩⲁⲗⲱⲙ · ⲏ ⲟⲩⲧⲣⲟⲩⲁⲛ · ⲏ ⲟⲩⲉⲣⲱⲧⲉ · ⲉⲓⲧⲉ ϭⲉⲗⲁⲁⲩ ⲛϩⲛⲁⲁⲩ ⲙⲡⲃⲟⲗ ⲙⲡⲕⲱⲧ ·
a22.YB245-46:5
ⲁⲩⲱ ⲇⲉ ϩⲉⲛⲁⲧⲥⲟⲟⲩⲛ ⲛⲉ ·
a22.YB251-52:5
ⲁⲩⲱ ⲛⲧⲟϥ ϩⲱⲱϥ ⲟⲛ ⲉⲉⲧⲣⲉϥⲡⲱϩⲧ ⲙⲛⲉϥⲥⲙⲟⲩ ⲧⲏⲣϥ ⲉϩⲣⲁⲓ ⲉϫⲱⲟⲩ ϩⲛⲟⲩϭⲟⲙ ·
a22.YA421-428:5
ⲉⲙⲉϥⲉⲓⲙⲉ ⲉⲡⲱⲣϫ · ⲁⲗⲗⲁ ⲉⲧⲃⲉⲟⲩⲙⲟⲥⲧⲉ ⲉϥϫⲱ ⲙⲡⲉⲧⲉⲛϥϣⲟⲟⲡ ⲁⲛ ⲉϣⲱⲡⲉ ⲉⲩϩⲟⲟⲩⲧ ⲡⲉ ⲉϣⲱⲡⲉ ⲉⲩⲥϩⲓⲙⲉ ⲧⲉ ·
He does not know, but because of ill-feeling he says that which is not, whether a man or woman.
a22.YA293-300:5
ⲁⲗⲗⲁ ϯⲡⲓⲥⲧⲉⲩⲉ ⲉⲧⲣⲉϥⲣⲟⲩⲛⲁ ⲛⲙⲙⲁⲓ ϩⲓⲧⲛⲛⲉⲧⲛϣⲗⲏⲗ ⲛⲉⲥⲛⲏⲩ ·
a22.YA311-316:5
ⲁⲩⲱ ϩⲙⲡⲕⲁⲓⲣⲟⲥ ⲉⲧⲙⲙⲁⲩ ⲡⲉⲧⲛⲁⲟⲩⲱϣ ⲉⲡⲱⲧ ⲛⲁϥ ⲉⲡϫⲁⲓⲉ ϩⲙⲙⲁ ⲛⲓⲙ ⲉⲧⲣⲉϥⲟⲩϫⲁⲓ ϥⲟ ⲛⲉⲗⲉⲩⲑⲉⲣⲟⲥ ⲉⲃⲟⲗ ϩⲛⲛⲉⲓⲥⲁϩⲟⲩ ⲧⲏⲣⲟⲩ ·
a22.YB67-80:6
ⲙⲏⲡⲟⲧⲉ ⲛϥⲛⲟϫⲛ ⲉⲃⲟⲗ ⲙⲙⲟϥ ⲛϭⲓⲡϫⲟⲉⲓⲥ ϫⲉⲁⲛϯⲉⲟⲟⲩ ⲛⲁⲩ ⲉϩⲟⲩⲛ ⲉⲛϩⲱⲃⲥ ⲉⲃⲟⲗ ⲉϫⲛⲛⲛⲟⲃⲉ ⲏ ⲛⲉⲧⲣⲛⲟⲃⲉ · ⲏ ⲛⲉⲧⲛⲁⲣⲛⲟⲃⲉ ϩ... ⲧⲛ ϩⲁϩⲧⲏⲛ · ⲏ ϩⲁϩⲧⲛⲧⲏⲩⲧⲛ ϩⲱⲧⲧⲏⲩⲧⲛ ·
a22.YB83-96:6
ⲉⲩϥⲓ ⲙⲡⲣⲟⲟⲩϣ ⲛⲛⲉⲩϣⲏⲣⲉ · ⲙⲛⲛⲉⲩϣⲉⲉⲣⲉ ⲙⲛⲛⲉⲩⲥⲛⲏⲩ ⲙⲛⲛⲉⲩⲥⲱⲛⲉ · ⲙⲛⲛⲉⲩⲉⲓⲟⲧⲉ · ⲏ ϭⲉⲗⲁⲁⲩ ⲛⲕⲁⲧⲁⲥⲁⲣⲝ ⲛⲧⲁⲩ · ⲛϩⲟⲩⲟ ⲉⲛⲟⲣⲫⲁⲛⲟⲥ ⲙⲛϩⲉⲛϣⲙⲙⲟ ⲉⲙⲛⲧⲟⲩⲣⲱⲙⲉ ⲙⲙⲁⲩ · ϩⲣⲁⲓ ⲛϩⲏⲧⲛ ·
a22.YA309-310:6
ϥⲧⲟⲟⲩ ⲛⲥⲁⲃⲃⲁⲧⲟⲛ ⲧⲉⲣⲟⲙⲡⲉ ⲛⲁⲓ ⲉⲛⲧⲁⲡⲉⲛⲉⲓⲱⲧ ⲕⲁⲁⲩ ⲛⲁⲛ ⲉϩⲣⲁⲓ
Four Sabbaths per year, the ones which our father has set for us
a22.ZC301-308:6
ⲁⲗⲗⲁ ϯⲛⲁϩⲱⲛ ⲟⲛ ⲉⲧⲟⲟⲧⲟⲩ ⲉⲧⲣⲉⲩϩⲁⲣⲉϩ ⲉⲛⲁϩⲟⲉⲓⲧⲉ ⲉⲛⲧⲁⲓⲡⲁϩⲟⲩ ⲛϩⲁϩ ⲛⲥⲟⲡ ⲉⲁⲓⲁⲩ ⲙⲡⲟϭⲉ ⲥⲛⲧⲉ ⲉⲡϩⲁⲉ ⲉⲓⲙⲟⲕϩ ⲛϩⲏⲧ ⲉⲙⲁⲧⲉ ϣⲁϩⲣⲁⲓ ⲉⲡⲙⲟⲩ ·
a22.YA421-428:6
ϥⲥϩⲟⲩⲟⲣⲧ ⲛϭⲓⲡⲉⲧϫⲱ ⲙⲙⲟⲥ ϩⲛⲟⲩⲙⲛⲧⲣⲉϥⲧⲱϩ ϫⲉⲁⲓⲛⲁⲩ ⲉⲩⲣⲁⲥⲟⲩ ⲉⲣⲉⲛⲓⲙ ⲙⲛⲛⲓⲙ ϣⲱⲗ ⲙⲙⲟⲟⲩ ⲉⲃⲟⲗ ϩⲣⲁⲓ ϩⲛϩⲱⲃ ⲛⲓⲙ ⲙⲡⲟⲛⲏⲣⲟⲛ ⲉϣⲱⲡⲉ ⲉⲩϩⲟⲟⲩⲧ ⲡⲉ ⲉϣⲱⲡⲉ ⲉⲩⲥϩⲓⲙⲉ ⲧⲉ ·
He is accursed who says by way of confusion that he has seen in a dream how so-and-so and such-and-such destroy themselves with deeds of wickedness, whether man or woman.
a22.YB251-52:6
ⲡϫⲟⲉⲓⲥ ⲉϥⲥⲙⲟⲩ ⲉⲣⲱⲧⲛ ⲉⲧⲣⲉⲧⲛϣⲱⲡⲉ ⲉⲧⲉⲧⲛⲟⲩⲁⲁⲃ · ⲁⲩⲱ ⲉⲧⲉⲧⲛⲛⲁϩⲙ ⲉⲃⲟⲗ ϩⲛϩⲱⲃ ⲛⲓⲙ ⲙⲡⲟⲛⲏⲣⲟⲛ ·
a22.YA517-518:6
ⲁⲩⲱ ϯⲛⲁⲧⲁⲙⲱⲧⲛ ϫⲉⲉⲧⲉⲧⲛⲛⲁⲣⲟⲩ ⲛⲁⲩ ·
And I will tell you what it is that you will do to them.
a22.YA303-04:6
ⲉⲧⲃⲉⲡⲁⲓ ⲙⲡⲣⲧⲣⲉⲗⲁⲁⲩ ⲣϩⲁⲗ ⲙⲙⲟⲛ ϩⲁⲧⲏⲛ ⲏ ϩⲁⲧⲛⲧⲩⲏⲧⲛ ⲛⲧⲱⲧⲛ ⲉⲧⲣⲉⲛϫⲱϩ ⲏ ⲉⲧⲣⲉⲛⲧⲱⲡⲉ ⲉⲃⲟⲗ ϩⲛⲛⲁⲓ ϩⲟⲗⲱⲥ
a22.YB245-46:6
ⲙⲡⲟⲩⲙⲉ ⲉⲡⲟⲩⲱϣ ⲙⲡϫⲟⲉⲓⲥ ·
a22.YA311-316:6
ⲉⲧⲣⲉϥⲟⲩⲱϩ ⲛⲁϥ ϩⲓⲡⲓⲧⲟⲟⲩ ⲡⲁⲓ ⲉⲧⲣⲉϥⲧⲁⲗⲉⲡⲣⲟⲥⲫⲟⲣⲁ ⲇⲉ ⲟⲛ ⲉϩⲣⲁⲓ ϩⲙⲡⲙⲁ ⲉⲧⲉϩⲛⲁϥ ϩⲛⲟⲩϩⲟⲧⲉ ⲛⲧⲉⲡⲛⲟⲩⲧⲉ ⲉϥϯ ⲛϩⲧⲏϥ ⲉⲣⲟϥ ⲉⲧⲙⲧⲁⲗⲉⲑⲩⲥⲓⲁ ⲉϩⲣⲁⲓ ϩⲛϭⲉⲗⲁⲁⲩ ⲙⲙⲁ ⲉⲓⲙⲏⲧⲓ ⲉⲡⲙⲁ ⲛⲧⲁϥⲥⲟⲧⲡϥ ⲛⲁϥ ⲛϭⲓϫⲟⲉⲓⲥ ⲡⲛⲟⲩⲧⲉ ⲕⲁⲧⲁⲛⲉⲅⲣⲁⲫⲏ
a22.YA293-300:6
ⲁⲩⲱ ϯⲙⲉⲉⲩⲉ ϫⲉⲛⲉⲧⲁⲅⲱⲛⲓⲍⲉ ⲉⲧⲣⲉⲩⲥⲉⲓ ⲙⲙⲟϥ ϩⲓϫⲙⲡⲕⲁϩ ϩⲛϩⲉⲛϣⲗⲏⲗ ⲙⲛϩⲉⲛⲛⲏⲥⲧⲉⲓⲁ ⲙⲛϩⲉⲛⲟⲩϣⲏ ⲛⲣⲟⲓⲉⲥ ⲙⲛϩⲉⲛⲥⲙⲟⲩ · ⲙⲛϩⲉⲛⲙⲉⲗⲉⲧⲁ ⲉⲛⲁϣⲱⲟⲩ ⲙⲛϩⲉⲛⲙⲛⲧⲣⲉϥϫⲓⲥⲃⲱ · ϩⲣⲁⲓ ϩⲛϩⲩⲡⲟⲧⲁⲅⲏ ⲛⲓⲙ ⲙⲛⲟⲩⲑⲃⲃⲓⲟ ϩⲣⲁⲓ ϩⲛⲙⲛⲧⲥⲧⲙⲏⲧ ⲛⲓⲙ ⲙⲛⲟⲩⲙⲛⲧⲣⲙⲛϩⲏⲧ ⲙⲛⲛⲕⲉϩⲃⲏⲩⲉ ⲧⲏⲣⲟⲩ
a22.YB307-320:6
ⲉϣⲱⲡⲉ ⲉⲩⲥϩⲓⲙⲉ ⲧⲉ ⲉⲩⲃⲱϣ ⲙⲙⲟⲟⲩ ⲙⲁⲩⲁⲁⲩ ·
a22.YA517-518:7
ⲉⲧⲃⲉⲧⲁⲓ ⲇⲉ ⲟⲛ ⲛⲧⲁⲧⲉⲧⲛϫⲟⲟⲥ ⲉⲧⲃⲏⲏⲧⲥ
But also because of that which you said about her,
a22.YB67-80:7
ⲙⲟⲛⲟⲛ ⲛⲁⲓ ⲉⲛⲧⲁⲩⲉⲓⲣⲉ ⲛⲟⲩⲡⲟⲣⲛⲉⲓⲁ ⲙⲛⲟⲩⲥⲱⲱϥ ⲙⲛϩⲉⲛⲕⲣⲟϥ ⲉⲛⲁϣⲱⲟⲩ ϩⲣⲁⲓ ⲛϩ... ⲛⲛⲉⲩ.... ⲉⲧⲟⲟⲧⲟⲩ ⲛⲕⲉ ϭⲟⲡⲉ ⲉⲓⲉϩⲟⲩⲛ ϣⲁⲣⲟⲛ ⲉⲧⲣⲉⲩⲟⲩⲱϩ ⲛⲡⲙⲁ ⲛϩⲣⲁⲓ ϩⲛⲛⲥⲩⲛⲁⲅⲱⲅⲏ ⲙⲡϫⲟⲉⲓⲥ ·
a22.YB83-96:7
ⲉⲓⲉ ⲛⲉⲧϫⲱ ⲛⲛⲁⲓ ϩⲁⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ ⲙⲁⲣⲟⲩϣⲱⲡⲉ ⲛⲃⲟⲧⲉ ⲙⲡⲉⲙⲧⲟ ⲉⲃⲟⲗ ⲛⲓⲏⲥⲟⲩⲥ · ⲁⲩⲱ ⲉⲩⲥϩⲟⲩⲟⲣⲧ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ·
a22.YA309-310:7
ⲟⲩⲟⲛ ⲛⲓⲙ ⲉⲧϣⲟⲟⲡ ϩⲓⲡϫⲁⲓⲉ ⲙⲡⲉⲛⲕⲱⲧⲉ ⲉⲩⲉⲥⲱⲟⲩϩ ϩⲱⲟⲩ ⲟⲛ ⲉϩⲟⲩⲛ ⲙⲛⲛⲉⲥⲛⲏⲩ ⲉⲧⲣⲉⲩⲉⲓ ϩⲓⲟⲩⲥⲟⲡ ⲭⲱⲣⲓⲥ ϣⲱⲛⲉ
Anyone who is in the desert around us, may they also gather with the brothers to come together, except [if] sick.
a22.YA303-04:7
ⲟⲩⲇⲉ ⲙⲡⲣⲧⲣⲉⲛⲙⲉⲉⲩⲉ ⲉⲣⲟⲟⲩ ⲉⲡⲧⲏⲣϥ
a22.ZC301-308:7
ⲉⲧⲃⲉⲡⲁⲓ ϯⲛⲁϩⲱⲛ ⲉⲧⲟⲟⲧⲟⲩ ⲛⲛⲉⲥⲛⲏⲩ ⲉⲧⲟ ⲛⲟⲩϩⲏⲧ ⲛⲟⲩⲱⲧ ⲛⲙⲙⲁⲛ ⲛⲉⲧϣⲟⲟⲡ ϩⲛⲛⲉϩⲟⲟⲩ ⲙⲡⲁⲙⲟⲩ ⲉⲧⲣⲉⲩⲕⲱ ⲉϩⲣⲁⲓ ⲛⲛⲁϩⲟⲉⲓⲧⲉ ⲉⲧⲡⲏϩ ⲙⲡⲉⲙⲧⲟ ⲉⲃⲟⲗ ⲛⲛⲉⲧⲛⲏⲩ ⲙⲛⲛⲥⲱⲛ
a22.YA421-428:7
ⲥⲉ ⲥϩⲟⲩⲟⲣⲧ ⲛϭⲓⲟⲩⲟⲛ ⲛⲓⲙ ⲉⲧⲉⲓⲣⲉ ⲛϩⲉⲛⲕⲣⲟϥ ϩⲣⲁⲓ ϩⲛⲥⲩⲛⲁⲅⲱⲅⲏ ⲧⲏⲣⲟⲩ ⲙⲡϫⲟⲉⲓⲥ · ⲉⲧⲣⲉⲡⲛⲟⲩⲧⲉ ϭⲱⲛⲧ ⲉⲩⲛⲟϭ ⲙⲙⲏⲏϣⲉ ⲛϥⲕⲧⲟ ⲙⲡⲉϥϩⲟ ⲉⲃⲟⲗ ⲙⲙⲟⲟⲩ ϩⲛⲟⲩⲟⲣⲅⲏ ⲉⲧⲃⲉⲧⲙⲛⲧϣⲁϥⲧⲉ ⲛⲛⲉⲧⲉⲓⲣⲉ ⲛⲧⲁⲛⲟⲙⲓⲁ ϩⲛⲟⲩϩⲱⲡ ⲏ ϩⲛⲟⲩⲱⲛϩ ⲉⲃⲟⲗ ϩⲣⲁⲓ ⲛϩⲏⲧⲛ ·
They are all accursed who practice deceit in any assembly of the Lord, so that God is angry with a great many people and turns His face from them in anger because of the iniquities of those among us who practice wrongful deeds, covertly or overtly.
a22.YA293-300:7
ⲛⲧⲟⲟⲩ ⲟⲛ ⲛⲉⲧⲛⲁⲥⲉⲓ ⲙⲙⲟϥ ϩⲙⲡⲙⲁ ⲉⲧⲟⲩⲛⲁⲃⲱⲕ ⲉⲣⲟϥ ⲁⲩⲱ ⲛⲧⲟⲟⲩ ⲛⲉⲧⲛⲁⲛⲁⲩ ⲉⲣⲟϥ ⲛϩⲟ ϩⲓϩⲟ ϩⲙⲡⲙⲁ ⲉⲧⲙⲙⲁⲩ ·
a22.YB245-46:7
ⲉⲧⲃⲉⲡⲁⲓ ⲁⲣⲏⲩ ⲣⲱ ⲛⲧⲉⲛϣⲁϫⲉ ⲉⲧⲥⲏϩ ϫⲱ ⲉⲃⲟⲗ ⲉϩⲣⲁⲓ ⲉϫⲱⲟⲩ ·
a22.YB307-320:7
ⲁⲩⲱ ⲉⲩⲥⲁϩⲟⲩ ⲛⲧⲉⲩⲯⲩⲭⲏ ⲙⲙⲓⲛⲙⲙⲟⲟⲩ ·
a22.YB251-52:7
ⲁⲩⲱ ⲉϥⲉϯⲉⲟⲟⲩ ⲛⲏⲧⲛ ⲉⲃⲟⲗ ϩⲓⲧⲟⲟⲧϥ · ⲛⲧϩⲉ ⲉⲛⲧⲁϥϯⲉⲟⲟⲩ ⲛⲛⲉϥⲁⲅⲅⲉⲗⲟⲥ · ϫⲉⲛⲧⲱⲧⲛ ϩⲱⲧⲧⲩⲏⲧⲛ ⲁⲧⲉⲧⲛϯⲉⲟⲟⲩ ⲛⲁϥ ϩⲛⲛⲉⲧⲛϩⲃⲏⲩⲉ ⲉⲧⲛⲁⲛⲟⲩⲟⲩ ϩⲣⲁⲓ ϩⲙⲡⲧⲃⲃⲟ ⲙⲡⲉⲧⲛⲥⲱⲙⲁ ⲕⲁⲧⲁⲧϩⲉ ϩⲱⲟⲩ ⲟⲛ ⲉⲛⲧⲁⲩϯⲉⲟⲟⲩ ⲛⲁϥ ⲛϭⲓⲛⲉϥⲁⲅⲅⲉⲗⲟⲥ ⲧⲏⲣⲟⲩ ·
a22.YA311-316:7
ⲛⲉⲧⲛⲁϯ ⲇⲉ ⲟⲛ ⲙⲡⲉⲩⲟⲩⲟⲓ ⲉϩⲟⲩⲛ ⲉⲣⲟⲛ ⲉⲧⲣⲉⲩⲟⲩⲱϩ ⲛⲙⲙⲁⲛ ⲉⲓⲧⲉ ϩⲟⲟⲩⲧ ⲉⲓⲧⲉ ⲥϩⲓⲙⲉ ⲉⲓⲧⲉ ⲛⲉⲧϩⲓⲡϫⲁⲓⲉ ⲙⲡⲉⲛⲕⲱⲧⲉ ⲟⲩⲟⲛ ⲛⲓⲙ ⲉⲧⲟ ⲛⲕⲟⲓⲛⲱⲛⲟⲥ ⲛⲙⲙⲁⲛ ϩⲣⲁⲓ ⲛϩⲏⲧⲛ ϩⲁϩⲧⲏⲛ ⲏ ϩⲁϩⲧⲛⲧⲏⲩⲧⲛ ⲛⲧⲱⲧⲛ
a22.YB83-96:8
ϫⲉⲁⲩⲣⲛⲟⲃⲉ ϩⲛⲟⲩⲛⲟⲃⲉ ⲉϥⲕⲏⲃ ⲉⲣⲟⲟⲩ · ⲉⲩⲥⲁϩⲟⲩ ⲙⲛⲟⲩⲕⲟⲗⲁⲥⲓⲥ ϣⲁⲉⲛⲉϩ
a22.YA309-310:8
ⲟⲩⲟⲛ ⲇⲉ ⲛⲓⲙ ⲉⲧⲟⲩⲏϩ ϩⲓⲡϫⲁⲓⲉ ⲉⲛϥⲛⲁⲟⲩⲱϣ ⲁⲛ ⲉⲙⲟⲟϣⲉ ⲕⲁⲧⲁⲛⲧⲱϣ ⲛⲧⲁⲛⲉⲛⲉⲓⲟⲧⲉ ⲕⲁⲁⲩ ⲛⲁⲛ ⲉϩⲣⲁⲓ
But anyone who dwells in the desert who does not wish to go according to the manner which our fathers set down for us,
a22.YB67-80:8
ϯϫⲱ ⲙⲙⲟⲥ ⲛⲏⲧⲛ ⲛⲉⲥⲛⲏⲩ ϫⲉⲉⲓϣⲁⲛⲣⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲟⲩϩⲏⲩ ⲛⲏⲧⲛ ⲛⲉ ⲛⲛⲁϩⲣⲙ ⲡⲛⲟⲩⲧⲉ ·
a22.YA517-518:8
ⲉⲧⲣⲉⲥⲃⲱⲕ ⲉⲡⲙⲁ ⲛⲧⲁⲧⲉⲧⲛⲧⲟϣϥ ⲛⲁⲥ
to make her go to the place that you determined for her,
a22.ZC301-308:8
ⲁⲩⲱ ⲟⲩⲟⲛ ⲛⲓⲙ ⲉⲧⲛⲁⲥⲱⲧⲙ ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ ⲏ ⲟⲛ ⲧⲉⲛⲟⲩ ⲉⲛϣⲁϫⲉ ⲧⲏⲣⲟⲩ ⲉⲧⲥⲏϩ ϩⲙⲡϫⲱⲱⲙⲉ ⲉⲧⲙⲙⲁⲩ · ⲏ ⲛⲉⲧⲥⲏϩ ϩⲛⲛⲉⲡⲓⲥⲧⲟⲗⲏ ⲉⲛⲧⲁⲛⲥⲁϩⲟⲩ ⲏ ⲛⲉⲧⲛⲛⲁⲥⲁϩⲟⲩ
a22.YA421-428:8
ⲁⲩⲱ ⲟⲩⲟⲓ ⲛⲛⲉⲧⲉⲣⲉⲡⲛⲟⲩⲧⲉ ⲛⲁϩⲟϫϩϫ ⲉⲃⲟⲗ ϩⲓⲧⲟⲟⲧⲟⲩ ⲁⲩⲱ ⲛϥⲕⲱⲧⲉ ⲛⲥⲁⲧϩⲉ ⲛⲉⲓ ⲉⲉⲃⲟⲗ ϩⲛⲧⲉⲩⲙⲏⲧⲉ · ⲛⲧϩⲉ ⲛⲟⲩⲣⲱⲙⲉ ⲛⲇⲓⲕⲁⲓⲟⲥ ⲉⲁϥⲕⲱⲧⲉ ⲛⲥⲁⲧϩⲉ ⲛⲕⲱ ⲛⲥⲱϥ ⲛⲟⲩⲗⲁⲟⲥ ⲉⲧⲃⲉⲛⲉⲩϩⲃⲏⲩⲉ ⲉⲧϩⲟⲟⲩ ⲕⲁⲧⲁⲡϣⲁϫⲉ ⲙⲡⲉⲡⲣⲟⲫⲏⲧⲏⲥ ϫⲉⲛⲓⲙ ⲡⲉⲧⲛⲁϯⲛⲁⲓ ϩⲙⲡϫⲁⲓⲉ ⲛⲟⲩⲙⲁ ⲛϣⲱⲡⲉ ⲉϥⲟⲩⲏⲩ ⲛⲧⲁⲕⲱ ⲛⲥⲱⲓ ⲙⲡⲉⲓⲗⲁⲟⲥ ⲛⲧⲁⲟⲩⲉ ⲉⲃⲟⲗ ⲙⲙⲟⲟⲩ ·
And woe to those by whom God will be distressed and from whose midst He will seek for a way to come, like a just man, having sought for a way to abandon a people because of their wicked deeds, as the prophet says: Who is it that will give to me in the desert a distant dwelling place? That I may abandon this people and remain far removed from them.'
a22.YA303-04:8
ⲟⲩⲇⲉ ⲙⲡⲣⲧⲣⲉⲛⲉⲡⲓⲑⲩⲙⲉⲓ ⲉⲣⲟⲟⲩ ⲉⲧⲣⲉⲛⲕⲁⲁⲩ ⲛⲁⲛ ⲛⲧϩⲉ ⲛⲧⲁⲛⲉⲛⲉⲓⲟⲧⲉ ϩⲁⲣⲉϩ ⲉⲣⲟⲟⲩ ⲉⲛⲁⲓ
a22.YA293-300:8
ⲛⲉⲧⲟ ⲇⲉ ⲛⲁⲧⲥⲱⲧⲙ ⲛⲟⲩⲟⲉⲓϣ ⲛⲓⲙ ⲙⲙⲁⲥⲧⲛⲟⲩⲧⲉ ⲛϫⲁⲥⲓϩⲏⲧ ⲛ ⲃⲁⲃⲉⲣⲱⲙⲉ ⲛⲁⲧⲥⲃⲱ ⲛⲛⲁϣⲧϩⲏⲧ ⲛⲛⲁϣⲧⲉⲓⲙⲉ ⲛⲟⲩⲁ ϩⲓϩⲏⲧ ⲛⲁⲧϣⲡϩⲙⲟⲧ ⲉⲩϫⲁϩⲙ ·
a22.YB245-46:8
ⲉⲧⲣⲉⲩϫⲓ ⲛϩⲉⲛⲕⲟⲩⲓ ⲛⲧⲓⲙⲱⲣⲓⲁ ⲉⲃⲟⲗ ϩⲓⲧⲙⲡϫⲟⲉⲓⲥ ϩⲱⲥ ϩⲙϩⲁⲗ ⲛⲁⲧⲥⲟⲟⲩⲛ ⲁⲩⲱ ⲛϥⲛⲁⲛⲁⲩ ⲛϭⲓⲡⲁⲕⲗⲟⲟⲥ ϫⲉϩⲉⲛⲃⲗⲗⲉ ⲛⲉ ·
a22.YB251-52:8
ⲡϫⲟⲉⲓⲥ ⲉϥⲉⲥⲙⲟⲩ ⲉⲣⲱⲧⲛ · ⲁⲩⲱ ⲉϥⲉϯⲉⲟⲟⲩ ⲛⲏⲧⲛ ⲉⲃⲟⲗ ϩⲓⲧⲟⲟⲧϥ · ⲁⲩⲱ ⲉⲃⲟⲗ ϩⲓⲧⲟⲟⲧⲟⲩ ⲛⲛⲉϥⲁⲅⲅⲉⲗⲟⲥ ⲧⲏⲣⲟⲩ · ⲙⲛⲛϣⲏⲡ ⲉⲧⲟⲩⲁⲁⲃ ⲧⲏⲣⲟⲩ ⲙⲛⲟⲩⲟⲛ ⲛⲓⲙ ⲉⲧⲛⲏⲩ ϣⲁⲣⲱⲧⲛ ·
a22.YB307-320:8
ⲉⲧⲃⲉⲡⲁⲓ ⲥⲉⲥϩⲟⲩⲟⲣⲧ ⲛϭⲓⲟⲩⲟⲛ ⲛⲓⲙ ⲉⲧⲱϣ ϩⲣⲁⲓ ϩⲛⲛⲉⲅⲣⲁⲫⲏ ⲧⲏⲣⲟⲩ ⲙⲡϫⲟⲉⲓⲥ ·
a22.YA311-316:8
ⲛⲥⲉⲧⲙⲁⲡⲟⲧⲁⲥⲥⲉ ⲛⲛⲕⲁ ⲛⲓⲙ ⲉⲧϣⲟⲟⲡ ⲛⲁⲩ · ⲉⲓⲧⲉ ⲛⲟⲩⲃ · ⲉⲓⲧⲉ ϩⲁⲧ · ⲉⲓⲧⲉ ϩⲟⲙⲛⲧ · ⲉⲓⲧⲉ ϩⲟⲉⲓⲧⲉ ⲉⲓⲧⲉ ⲗⲁⲁⲩ ⲛⲛⲕⲁ ⲉⲩⲉϣⲱⲡⲉ ⲉⲩⲥϩⲟⲩⲟⲣⲧ ϫⲉⲙⲡⲟⲩϥⲓ ⲙⲡⲉⲩⲥⲧⲁⲩⲣⲟⲥ ⲉⲧⲣⲉⲩⲟⲩⲁϩⲟⲩ ⲛⲥⲁⲡϫⲟⲉⲓⲥ
a22.YA309-310:9
ⲉϣⲱⲡⲉ ⲉϥϩⲛⲛⲉⲛⲥⲩⲛⲁⲅⲱⲅⲏ ⲉⲛⲛⲁⲛⲟϫϥ ⲉⲃⲟⲗ ⲛϩⲏⲧⲟⲩ ⲉϣⲱⲡⲉ ⲟⲩϩⲟⲟⲩⲧⲡⲉ ⲉϣⲱⲡⲉ ⲟⲩⲥϩⲓⲙⲉ ⲧⲉ
if he is in our community, we will cast him out, whether it is a man or a woman.
a22.YA293-300:9
ⲁⲩⲱ ⲉⲩⲥⲟⲟϥ ϩⲛⲧⲉⲩⲥⲩⲛⲉⲓⲇⲏⲥⲓⲥ ⲉⲧⲣⲟⲕϩ ⲉⲣⲟⲟⲩ ϩⲙⲡϯⲧⲱⲛ ⲙⲛⲡⲙⲟⲥⲧⲉ ⲙⲛⲧⲙⲛⲧϫⲁϫⲉ ϩⲛϩⲉⲛⲙⲛⲧⲣⲉϥⲕⲱⲙϣ ⲙⲛϩⲉⲛⲙⲛⲧⲣⲉϥϯⲛⲟⲩϭⲥ ⲙⲡϣⲁϫⲉ ⲙⲡⲛⲟⲩⲧⲉ · ⲙⲛϩⲉⲛⲕⲣⲙⲣⲙ ⲙⲛϩⲉⲛⲙⲛⲧⲣⲉϥϭⲛⲁⲣⲓⲕⲉ ⲙⲛϩⲉⲛⲙⲛⲧϣⲟⲩϣⲟ ⲙⲛϩⲉⲛⲡⲟⲣⲛⲉⲓⲁ ⲙⲛϩⲉⲛⲕⲟⲟⲩⲉ ⲧⲏⲣⲟⲩ ⲉⲛⲁϣⲱⲟⲩ ⲙⲛϩⲱⲃ ⲛⲓⲙ ⲉϥϩⲟⲟⲩ
a22.YA303-04:9
ⲁⲩϣⲱⲛⲉ ϩⲱⲟⲩ ⲉⲛⲉϩ ⲁⲩⲱ ⲁⲩϣⲉⲡϩⲉⲛⲛⲟϭ ⲛϩⲓⲥⲉ ⲉⲙⲁⲧⲉ · ⲁⲗⲗⲁ ⲉⲧⲃⲏⲏⲧⲛ ϫⲉⲛⲛⲉⲛⲙⲟⲩ ·
a22.YB307-320:9
ⲉⲩⲉⲓⲣⲉ ⲛϩⲉⲛⲡⲟⲣⲛⲉⲓⲁ ⲙⲛϩⲉⲛϫⲱϩⲙ ⲙⲛϩⲉⲛⲥⲱⲱϥ ⲙⲛϩⲉⲛϫⲓⲟⲩⲉ ⲙⲛϩⲉⲛϭⲟⲗ ⲙⲛϩⲉⲛⲁⲛⲁϣ ⲛⲛⲟⲩϫ ·

Coptic SCRIPTORIUM, corpus shenoute.a22 (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.