Mercurius

Coptic literature (Coptic SCRIPTORIUM) · 629 sections

martyrdom.mercurius:26
ⲛⲧⲟϥ ϩⲱⲱϥ ⲛⲉϥⲣϣⲁ ⲕⲁⲧⲁⲡⲟⲗⲓⲥ ⲛⲓⲙ · ⲛⲧⲁϥⲡⲁⲣⲁⲅⲉ ⲙⲙⲟⲟⲩ ⲉϥⲃⲏⲕ ⲉϩⲣⲱⲙⲏ .
encomium.mercurius:26
ⲡⲣⲣⲟ ⲇⲉ ⲛⲧⲉⲣⲉϥⲛⲁⲩ ⲉⲧⲙⲛⲧϫⲱⲱⲣⲉ ⲙⲡϣⲏⲣⲉ ϣⲏⲙ · ⲁϥⲙⲉⲣⲓⲧϥ · ⲁϥⲕⲁⲁϥ ⲉϥⲧⲏϭ ⲉⲣⲟϥ · ⲉϥϣⲟϫⲛⲉ ⲛⲙⲙⲁϥ ⲉⲛⲉϩⲃⲏⲩⲉ ⲙⲡⲁⲗⲗⲁϯⲟⲛ ·
martyrdom.miracles.mercurius_part1:26
ⲁⲩⲱ ⲛⲧⲉⲩⲛⲟⲩ ⲁⲡⲙⲁⲣⲧⲩⲣⲟⲥ ⲕⲁⲁϥ ⲉϩⲣⲁⲓ · ⲉϫⲙⲡⲕⲁϩ · ⲁⲩⲱ ⲁϥⲧⲱⲟⲩⲛ ⲁϥⲁϩⲉⲣⲁⲧϥ · ⲛⲁⲧⲗⲁⲁⲩ ⲛⲧⲁⲕⲟ ϩⲙⲡⲉϥⲥⲱⲙⲁ · ⲟⲩⲇⲉ ⲡⲟⲗϩ · ⲟⲩⲇⲉ ⲙⲡϥⲁⲓⲥⲑⲁⲛⲉ ϩⲱⲗⲟⲥ ·
martyrdom.miracles.mercurius_part2:26
ⲙⲛⲛⲥⲱⲥ ⲁϥⲱϣ ⲉⲃⲟⲗ · ⲛϭⲓⲡⲣⲱⲙⲉ · ϩⲛⲟⲩⲛⲟϭ ⲛⲥⲙⲏ · ⲉϥϫⲱ ⲙⲙⲟⲥ · ϫⲉⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲃⲟⲓⲏⲑⲉⲓ ⲉⲣⲟⲓ · ϩⲛⲧⲉⲟⲩⲛⲟⲩ ⲛⲁⲛⲁⲅⲅⲉⲕⲏ · ϯⲛⲁⲟⲩⲱϩ ⲁⲛ ⲉⲧⲟⲟⲧ ϣⲁⲉⲛⲉϩ · ⲛⲟⲩⲟⲉⲓϣ ⲉⲓⲥⲕⲟⲧⲉⲓ ⲛⲥⲁⲗⲁⲁⲩ · ⲙⲡⲉⲧⲟⲩⲁⲁⲃ · ⲁⲩⲱ ⲉϣⲱⲡⲉ ⲉⲕϣⲁⲛⲉⲣⲡⲛⲁ ⲛⲙⲙⲁⲓ · ⲛⲅⲕⲟ ⲛⲁⲓ ⲉⲃⲟⲗ ϩⲙⲡⲉⲓϣⲱⲛⲉ · ϯⲛⲁϣⲱⲡⲉ ϩⲱⲱⲧ ⲛⲭⲣⲓⲥⲧⲓⲁⲛⲟⲥ · ⲁⲩⲱ ϯⲥⲙⲓⲛⲉ ⲛⲧⲉⲕⲥⲧⲏⲗⲏ · ϯ......ⲕ ⲧⲉⲛⲟⲩ ϩⲙⲡⲉⲕⲉⲟⲟⲩ · ⲉⲣⲉⲡⲉⲕⲕⲟⲩⲛⲧⲁⲣⲓⲟⲛ ⲧⲟⲕⲥ ⲉⲣⲟⲓ · ⲁⲩⲱ ϯⲛⲁⲥⲙⲓⲛⲉ ⲙⲡⲁⲗⲓⲙⲛ ϩⲱⲱⲧ · ⲉϥⲛⲏϫ ⲉⲃⲟⲗ ϩⲁⲛⲉⲕⲟⲩⲉⲣⲏⲧⲉ · ϩⲛⲟⲩⲛⲟϭ ⲛϣⲓⲡⲉ · ⲙⲛⲟⲩⲙⲛⲧⲁⲧϭⲟⲙ · ⲛⲧⲁⲭⲣⲩⲥⲥⲟⲩ ⲛⲧⲉⲕϩⲓⲕⲱⲛ ϩⲛⲟⲩⲛⲟⲩⲃ · ⲉϥⲥⲟⲧⲡ · ⲙⲛϩⲉⲛⲛⲱⲛⲉ ⲛⲁⲩⲉⲓⲛ ⲛⲕⲱϩⲧ · ⲉⲧⲉⲡⲉⲭⲣⲩⲥⲟⲗⲓⲛⲑⲟⲥ ⲡⲉ · ⲁⲩⲱ ⲡⲗⲓⲙⲛ ⲙⲡⲉⲕⲕⲟⲩⲛⲧⲁⲣⲓⲟⲛ · ϯⲛⲁⲧⲣⲉⲩⲧⲟⲕⲥϥ ⲉⲛⲱⲛⲉ ⲙⲙⲉ · ⲛⲁⲧⲁⲙⲁⲥ · ⲃⲟⲏⲑⲉⲓ ⲉⲣⲟⲓ ⲱ ⲡⲁϫⲟⲉⲓⲥ · ⲙⲉⲣⲕⲟⲩⲣⲓⲟⲥ ·
martyrdom.miracles.mercurius_part2:27
ⲛⲁⲓ ϫⲉⲛⲧⲉⲣⲉϥϫⲟⲟⲩ · ⲉϥⲛⲏϫ ⲉⲃⲟⲗ · ⲉϥⲟ ⲙⲡⲏϣ ⲙⲟⲩ :
martyrdom.mercurius:27
ϩⲣⲁⲓ ⲇⲉ ϩⲛⲟⲩⲟⲩϣⲏ ⲉⲣⲉⲡⲉⲥⲧⲣⲁⲧⲉⲩⲙⲁ ⲟⲃϣ ⲁϥⲁϩⲉⲣⲁⲧϥ ϩⲓϫⲛⲙⲉⲣⲕⲟⲩⲣⲓⲟⲥ ⲛϭⲓⲟⲩⲁⲅⲅⲉⲗⲟⲥ ϩⲙⲡⲉⲥⲭⲏⲙⲁ ⲙⲡⲣⲱⲙⲉ ⲛⲧⲁϥⲛⲁⲩ ⲉⲣⲟϥ ϩⲙⲡⲡⲟⲗⲉⲙⲟⲥ · ⲁⲩⲱ ⲁϥⲧⲉⲃⲥⲡⲉϥⲥⲡⲓⲣ · ⲁϥⲧⲟⲩⲛⲟⲥϥ ·
martyrdom.miracles.mercurius_part1:27
ⲛⲉⲕⲕⲗⲏⲣⲓⲕⲟⲥ ⲇⲉ · ⲙⲛⲛⲉⲧϩⲗⲟⲡⲟⲛⲟⲥ · ⲛⲉⲩⲯⲁⲗⲗⲉ ϩⲁⲧⲉϥϩⲏ ⲙⲛϩⲉⲛⲕⲁⲛⲧⲩⲗⲏ · ⲉⲩⲙⲟⲩϩ ⲙⲛϩⲉⲛⲥϯⲛⲟⲩϥⲉ ⲉⲩⲥⲟⲧⲡ : ⲙⲛϩⲉⲛⲕⲗⲁⲇⲟⲥ ⲛⲥⲧⲟⲓ · ϣⲁⲛⲧⲟⲩϫⲓⲧϥ · ⲉϩⲟⲩⲛ ⲉⲧⲡⲟⲗⲓⲥ ·
encomium.mercurius:27
ⲁⲥϣⲱⲡⲉ ⲇⲉ ⲙⲛⲛⲥⲁⲛⲁⲓ · ⲇⲉ ⲉⲣⲉⲡⲇⲓⲱⲕⲙⲟⲥⲥⲏⲣ ⲉⲃⲟⲗ · ⲁⲡϩⲉⲑⲛⲟⲥ ⲛⲃⲁⲣⲃⲁⲣⲟⲥ · ⲧⲱⲟⲩⲛ ⲉϩⲣⲁⲓ ⲉϫⲛϩⲣⲱⲙⲁⲓⲟⲥ ·
martyrdom.mercurius:28
ⲛⲧⲉⲣⲉϥⲛⲁⲩ ⲇⲉ ⲉⲣⲟϥ · ⲁϥϣⲱⲡⲉ ϩⲛⲟⲩϩⲟⲧⲉ ⲡⲉϫⲉⲡⲁⲅⲅⲉⲗⲟⲥ ⲇⲉ ⲛⲁϥ · ϫⲉⲉⲛⲉⲕⲉⲓⲣⲉ ⲙⲡⲙⲉⲉⲩⲉ ⲙⲡϣⲁϫⲉ ⲛⲧⲁⲓϫⲟⲟϥ ⲛⲁⲕ ϩⲙⲡⲡⲟⲗⲉⲙⲟⲥ ⲱ ⲙⲉⲣⲕⲟⲩⲣⲓⲟⲥ · ϭⲱϣⲧ ⲙⲡⲣⲣⲡⲱⲃϣ ⲙⲡϫⲟⲉⲓⲥ ⲡⲉⲕⲛⲟⲩⲧⲉ ϩⲁⲡⲥ ⲅⲁⲣ ⲉⲣⲟⲕ ⲡⲉ ⲉⲧⲣⲉⲕⲁⲅⲱⲛⲓⲍⲉ ⲉϫⲙⲡⲉϥⲣⲁⲛ ⲕⲁⲗⲱⲥ · ⲁⲩⲱ ⲛⲅϫⲓ ⲙⲡⲉⲕⲗⲟⲙ ⲙⲡⲉϫⲣⲟ ⲛⲧⲙⲛⲧⲣⲣⲟ ⲛⲙⲡⲏⲩⲉ · ⲡⲁⲓ ⲛⲧⲁϥⲥⲃⲧⲱⲧϥ ⲛⲛⲉⲧⲙⲉ ⲙⲙⲟϥ ⲧⲏⲣⲟⲩ . ⲁⲩⲱ ⲛⲧⲉⲣⲉϥϫⲉⲛⲁⲓ ⲁϥⲥⲁϩⲱϥ ⲉⲃⲟⲗ ⲙⲙⲟϥ ϩⲛⲧⲉⲩⲛⲟⲩ ⲉⲧⲙⲙⲁⲩ .
encomium.mercurius:28
ⲡⲣⲣⲟ ⲇⲉ ⲇⲉⲕⲓⲟⲥ · ⲙⲛⲧⲥⲩⲛⲕⲗⲏⲧⲟⲥ ⲧⲏⲣⲥ · ⲁⲩⲁⲡⲟⲣⲉⲓ ⲉⲧⲃⲉⲧⲛⲟϭ ⲛⲁⲡⲟⲣⲓⲁ · ⲙⲛⲧⲙⲛⲧⲁⲃⲟⲗⲏ ⲛⲧⲁⲥϣⲱⲡⲉ · ϩⲛⲟⲩϣⲡ ⲛϣⲱⲡ ·
martyrdom.miracles.mercurius_part2:28
ⲙⲛⲛⲥⲁⲛⲁⲓ · ⲁⲡⲁⲅⲅⲉⲗⲟⲥ ⲙⲡϫⲟⲉⲓⲥ · ϣⲁϫⲉ ⲙⲛⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϫⲉⲛⲉϩⲡⲉⲕⲕⲟⲩⲛⲧⲁⲣⲓⲟⲛ ϩⲓⲱⲱϥ · ⲉϣϫⲉ ⲉϥⲛⲁⲡⲓⲥⲧⲉⲩⲉ ⲉⲡⲉⲛⲣⲣⲟ ⲙⲙⲉ · ⲡⲉⲭⲣⲓⲥⲧⲟⲥ · ⲛⲁⲛⲟⲩⲟⲩⲣⲉϥⲣⲛⲟⲃⲉ · ⲛϩⲟⲩⲟ ⲉⲩⲇⲓⲕⲁⲓⲟⲥ · ⲉϥⲛⲁⲣⲛⲟⲃⲉ · ϣⲁⲣⲉⲟⲩⲣⲁϣⲉ ϣⲱⲡⲉ · ϩⲛⲧⲙⲏⲏⲧⲉ ⲛⲛⲁⲅⲅⲉⲗⲟⲥ · ⲉϫⲛⲟⲩⲣⲉϥⲣⲛⲟⲃⲉ · ⲉϥϣⲁⲛⲙⲉⲧⲁⲛⲟⲓⲁ ⲉϫⲛⲛⲉϥⲛⲟⲃⲉ · ⲕⲁⲧⲁⲧϩⲉ ⲛⲧⲁ · ⲡⲥⲱⲧⲏⲣ ⲧⲁⲙⲉ ⲛⲉϥⲙⲁⲑⲏⲧⲏⲥ · ϫⲉⲛϥ ⲙⲙⲁⲩ · ⲙⲁⲣⲉⲡⲕⲛⲁ ⲧⲁϩⲟϥ · ϫⲉⲟⲩⲁⲧ ⲥⲟⲟⲩⲛ ⲡⲉ ·
martyrdom.miracles.mercurius_part1:28
ⲡⲣⲱⲙⲉ ⲇⲉ · ⲛⲉϥⲟⲩⲱϣ ⲉϫⲓⲧϥ · ⲉϩⲟⲩⲛ ⲉⲡⲉϥⲏⲓ · ⲁⲩⲱ ⲙⲡⲉⲡⲇⲓⲕⲁⲓⲟⲥ ⲡⲉⲓⲑⲉ · ⲉⲃⲟⲗ ϫⲉ · ⲁⲡⲉϥⲥⲱⲙⲁ ϩⲣⲟϣ · ⲛⲧϩⲉ ⲛⲟⲩⲧⲁϩⲧϩ · ⲙⲡⲟⲩⲉϣⲕⲓⲙ ⲙⲙⲟϥ ϩⲟⲗⲟⲥ ·
martyrdom.miracles.mercurius_part2:29
ⲁⲩⲱ ⲁⲡⲡⲉⲧⲟⲩⲁⲁⲃ ⲕⲁⲁϥ ⲉⲃⲟⲗ ·
martyrdom.mercurius:29
ⲛⲧⲉⲣⲉⲡϩⲏⲧ ⲙⲡⲙⲁⲕⲁⲣⲓⲟⲥ ϣⲱⲡⲉ ⲙⲙⲟϥ · ⲁϥⲣⲡⲙⲉⲉⲩⲉ ⲙⲡϣⲁϫⲉ · ⲁⲩⲱ ⲛϥⲣϣⲡⲏⲣⲉ ⲛⲧϭⲟⲙ ⲛⲧⲙⲛⲧⲙⲁⲓⲣⲱⲙⲉ ⲙⲡⲛⲟⲩⲧⲉ · ⲛⲉⲁϥⲥⲱⲧⲙ ⲅⲁⲣ ⲉⲧⲃⲉⲧⲡⲓⲥⲧⲓⲥ ⲛⲛⲉⲭⲣⲓⲥⲧⲓⲁⲛⲟⲥ · ϩⲓⲧⲛⲛⲉϥⲉⲓⲟⲧⲉ ·
encomium.mercurius:29
ⲁⲩⲡⲟⲗⲉⲙⲉⲓ ⲛⲙⲙⲁⲩ ⲛϭⲓⲛⲃⲁⲣⲃⲁⲣⲟⲥ · ϩⲱⲥ ⲧⲉ ⲛⲥⲉϥⲓ ⲛⲧⲟⲟⲧⲟⲩ · ⲛⲧⲛⲟϭ ⲛϩⲁⲣⲙⲉⲛⲓⲁ · ⲉⲧϣⲟⲟⲡ ϩⲛⲛⲉⲩⲧⲟϣ · ⲛⲧⲉⲩⲙⲏⲏⲧⲉ · ⲙⲛⲛⲉϩⲣⲱⲙⲁⲓⲟⲥ ·
martyrdom.miracles.mercurius_part1:29
ⲁⲡⲙⲏⲏϣⲉ ⲱϣ ⲉⲃⲟⲗ · ϫⲉⲛϥⲡⲉⲓⲑⲉ ⲁⲛ · ⲁⲗⲗⲁ ⲙⲁⲣⲛϫⲓⲧϥ ⲉⲧⲉⲕⲕⲗⲏⲥⲓⲁ · ⲁⲩⲱ ⲁϥⲟⲩⲟϩϥ ⲛⲥⲱⲟⲩ · ⲁⲩϫⲓⲧϥ ⲉⲧⲉⲕⲕⲗⲏⲥⲓⲁ · ⲁⲩⲕⲁⲁϥ ⲙⲙⲁⲩ ϣⲁⲛⲧⲟⲩⲕⲱⲧ ⲉⲣⲟϥ ⲛⲟⲩⲙⲁⲣⲧⲩⲣⲓⲟⲛ · ⲕⲁⲧⲁⲡⲉϥⲙⲡϥⲙⲡϣⲁ · ⲁⲡⲉⲟⲟⲩ ⲛⲁϥ · ϣⲁⲛⲉϩⲉⲛⲉϩ ϩⲁⲙⲏⲛ ·
martyrdom.miracles.mercurius_part2:30
ⲛⲧⲉⲣⲉⲡⲉϥϩⲏⲧ ϣⲱⲡⲉ ⲙⲙⲟϥ · ⲁϥϫⲓϩⲱⲃ ⲛⲓⲙ · ⲛⲧⲁⲩϣⲱⲡⲉ ⲙⲙⲟϥ · ⲉⲡⲙⲏⲏϣⲉ ⲉⲧⲥⲟⲟⲩϩ ⲉϩⲟⲩⲛ · ⲛⲧⲟⲟⲩ ⲇⲉ ⲁⲩϯⲉⲟⲟⲩ ⲙⲡⲛⲟⲩⲧⲉ · ⲡⲁⲓ ⲉⲧⲓⲣⲉ ⲛⲛⲓϭⲟⲙ · ⲉⲃⲟⲗ ϩⲓⲧⲟⲟⲧ ⲙⲡⲉϥⲙⲁⲣⲧⲩⲣⲟⲥ ⲉⲧⲟⲩⲁⲁⲃ ·
martyrdom.mercurius:30
ⲡⲉϥⲉⲓⲱⲧ ⲇⲉ ⲡⲉⲕⲟⲣⲇⲓⲁⲛⲟⲥ · ⲁⲩⲱ ⲛⲉϥⲟ ⲙⲡⲣⲓⲙⲏⲕⲩⲣⲓⲟⲥ ⲉⲡⲉⲓⲁⲣⲓⲑⲙⲟⲥ ⲛⲟⲩⲱⲧ · ⲡϣⲏⲣⲉ ⲇⲉ ϣⲏⲙ · ⲛⲉϥⲛⲁⲣϫⲟⲩⲧⲏ ⲛⲣⲟⲙⲡⲉ · ⲛⲉⲁϥⲥⲱⲧⲙ ⲅⲁⲣ ⲉⲃⲟⲗ ϩⲓⲧⲙⲡⲉϥⲉⲓⲱⲧ ⲛϩⲁϩ ⲛⲥⲟⲡ ⲉϥϫⲱ ⲙⲙⲟⲥ ϫⲉⲛⲁⲓⲁⲧϥ ⲙⲡⲉⲧⲛⲁⲣⲙⲁⲧⲟⲓ ϩⲁⲣⲁⲧϥ ⲙⲡⲣⲣⲟ ⲛⲧⲡⲉ · ϥⲛⲁⲭⲁⲣⲓⲍⲉ ⲛⲁϥ ⲛϩⲉⲛⲛⲟϭ ⲛⲧⲁⲉⲓⲟ ⲛⲁⲧⲟⲩⲉⲓⲛⲉ · ⲁⲩⲱ ϥⲛⲁⲙⲓϣⲉ ⲉϩⲣⲁⲓ ⲉϫⲱϥ ⲛⲛⲁϩⲣⲛⲛⲉϥϫⲁϫⲉ .
encomium.mercurius:30
ⲡⲣⲣⲟ ⲇⲉ ⲇⲉⲕⲓⲟⲥ · ⲁϥⲟⲩⲉϩⲥⲁϩⲛⲉ ⲥⲟⲟⲩϩ ⲉϩⲟⲩⲛ · ⲛⲛⲟⲩⲙⲉⲣⲟⲛ · ⲙⲛⲛⲁⲣⲓⲑⲙⲟⲥ ⲧⲏⲣⲟⲩ ⲛⲛⲉϩⲣⲱⲙⲁⲓⲟⲥ · ϫⲉⲕⲁⲥ ⲉⲩⲉⲃⲱⲕ ⲉⲃⲟⲗ · ⲉⲡⲡⲟⲗⲉⲙⲟⲥ ⲉⲙⲓϣⲉ ⲙⲛⲛⲃⲁⲣⲃⲁⲣⲟⲥ ·
martyrdom.miracles.mercurius_part1:30
ⲧⲙⲉϩϥⲧⲟ ⲉⲛϭⲟⲙ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ
martyrdom.mercurius:31
ⲡⲣⲣⲟ ⲅⲁⲣ ⲉⲧⲙⲙⲁⲩ ⲛⲧⲟϥ ⲡⲉ ⲛⲧⲁϥⲧⲁⲙⲓⲉ ⲡⲧⲏⲣϥ ϩⲙⲡⲉϥϣⲁϫⲉ ·
martyrdom.miracles.mercurius_part2:31
ⲙⲛⲛⲥⲁⲛⲁⲓ · ⲇⲉ ⲁⲡⲣⲱⲙⲉ ⲧⲱⲟⲩⲛ · ⲁϥⲃⲱⲕ ⲉⲡⲉϥⲏⲓ · ⲉϥϣⲁϫⲉ ⲉⲧⲉϥⲥϩⲓⲙⲉ · ⲙⲛⲛⲉϥϩⲙϩⲁⲗ · ⲛϩⲱⲃ ⲛⲓⲙ ⲛⲧⲁⲩϣⲱⲡⲉ ⲙⲙⲟϥ · ⲁⲩⲱ ϫⲉⲛⲉ ⲙⲛⲧⲁⲁϥ ϣⲏⲣⲉ ⲙⲙⲁⲩ · ϫⲉⲟⲩⲁϭⲣⲏⲛ ⲧⲉ · ⲧⲉϥⲥϩⲓⲙⲉ · ⲙⲡⲉϥⲣⲁⲥⲧⲉ ⲇⲉ ·
martyrdom.miracles.mercurius_part1:31
ⲁⲥϣⲱⲡⲉ ⲇⲉ ⲙⲛⲛⲥⲁⲥⲁϣϥ ⲛϩⲟⲟⲩ · ⲉⲩⲟⲩⲱⲙ ⲉⲩⲥⲱ ⲛⲙⲏⲏϣⲉ ⲧⲏⲣⲟⲩ ⲛⲧⲡⲟⲗⲓⲥ · ⲉⲩⲣϣⲁ ϩⲛⲟⲩⲛⲟϭ ⲛⲣⲁϣⲉ · ⲉⲧⲃⲉⲡⲟⲩⲱⲛϩ ⲉⲃⲟⲗ · ⲙⲡⲥⲱⲙⲁ ⲙⲡⲉⲧⲟⲩⲁⲁⲃ · ⲁⲡⲉⲓⲱⲧ ⲛⲡϣⲉⲉⲣⲉ ϣⲏⲙ · ⲛⲧⲁⲡⲉⲧⲟⲩⲁⲁⲃ ϯⲡⲟⲩⲟⲉⲓⲛ ⲛⲁⲥ · ⲁϥϯⲡⲉϥⲟⲩⲟⲓ ⲉⲡⲉⲡⲓⲥⲕⲟⲡⲟⲥ · ⲁϥⲁⲓⲧⲉⲓ ⲙⲡⲃⲁⲡⲧⲓⲥⲙⲁ ⲉⲧⲟⲩⲁⲁⲃ ·
encomium.mercurius:31
ⲧⲟⲧⲉ ⲡⲣⲣⲟ ⲁϥⲧⲱϣ ⲛⲛⲟⲩⲙⲉ‐ⲣⲟⲛ · ⲙⲛⲛⲛⲁⲣⲓⲑⲙⲟⲥ ⲁϥⲙⲟⲟϣⲉ ⲉⲃⲟⲗ · ⲉⲡⲡⲟⲗⲉⲙⲟⲥⲛⲃⲁⲣⲃⲁⲣⲟⲥ ·
martyrdom.mercurius:32
ⲧⲡⲉ ⲙⲉⲛ ⲁϥⲧⲁϩⲟⲥ ⲉⲣⲁⲧⲥ ⲛⲧϩⲉ ⲛⲟⲩϭⲉⲡⲏ · ⲉⲁϥⲕⲟⲥⲙⲉⲓ ⲙⲙⲟⲥⲟⲛ ϩⲉⲛⲥⲓⲟⲩ ⲉⲩⲣⲟⲩⲟⲉⲓⲛ · ⲡⲕⲁϩ ⲇⲉ ϩⲛϩⲉⲛϩⲣⲏⲣⲉ ⲉⲛⲉⲥⲱⲟⲩ · ⲉⲩⲟ ⲛⲥϯⲛⲟⲩϥⲉ ⲉⲧⲣⲉⲩϣⲱⲡⲉ ⲛⲥⲟⲗⲥⲗ ⲙⲛⲟⲩⲧⲁⲗϭⲟ ⲛⲛⲣⲱⲙⲉ · ⲑⲁⲗⲁⲥⲥⲁ ϩⲱⲱⲥ ⲉⲧⲣⲉⲛⲉϫⲏⲩⲥϭⲏⲣ ⲛϩⲏⲧⲥ ⲁⲩⲱ ⲁϥⲕⲁⲁⲥ ⲙⲙⲁ ⲛⲥⲁⲛϣⲛ ⲛⲧⲃⲧ ·
encomium.mercurius:32
ⲁϥϫⲓⲟⲣ ⲙⲡⲉⲩⲫⲣⲁⲧⲏⲥ ⲡⲛⲟϭ ⲛⲓⲉⲣⲟ · ⲡⲁⲓ ⲉⲧϣⲟⲟⲡ ϩⲛⲛⲛⲧⲟϣ ⲛⲑⲉⲣⲙⲉⲛⲓⲁ · ⲁϥⲧⲁϫⲣⲟⲙⲡϩⲟⲧ ⲛⲃⲁⲗ ⲛⲛⲃⲁⲣⲃⲁⲣⲟⲥ · ⲁϥϭⲱ ϩⲓⲣⲛⲣⲣⲱⲟⲩ · ⲙⲛⲡⲉϥⲥⲧⲣⲁⲧⲉⲩⲙⲁ ·
martyrdom.miracles.mercurius_part1:32
ⲁⲩⲱ ⲁϥⲕⲩⲣⲓⲥⲍⲉ ⲛⲁϥ ⲛϩⲉⲛϩⲟⲟⲩ ⲛⲏⲥⲧⲉⲩⲉ · ⲙⲛⲛⲥⲱⲥ ⲁϥⲃⲁⲡⲧⲓⲍⲉ ⲙⲙⲟϥ · ⲙⲛⲡⲉϥⲏⲓ ⲧⲏⲣϥ · ⲉⲡⲣⲁⲛ ⲙⲡⲉⲓⲱⲧ · ⲙⲛⲡϣⲏⲣⲉ · ⲙⲛⲡⲉⲡⲛⲉⲩⲙⲁ · ⲉⲧⲟⲩⲁⲁⲃ ·
martyrdom.miracles.mercurius_part2:32
ⲡⲉϫⲁϥ ⲛⲧⲉϥⲥϩⲓⲙⲉ · ϫⲉⲡⲉⲧⲟⲩⲉϣⲡⲛⲟⲩⲧⲉ · ⲙⲁⲣⲉϥⲟⲩⲁϩϥ ⲛⲥⲱⲓ ·
martyrdom.mercurius:33
ⲁⲩⲱ ϫⲉⲛⲧⲟϥ ⲡⲉⲧⲛⲏⲩ ⲉⲕⲣⲓⲛⲉ ⲛⲛⲉⲧⲟⲛϩ ⲙⲛⲛⲉⲧⲙⲟⲟⲩⲧ ⲛϥϯ ⲙⲡⲟⲩⲁ · ⲡⲟⲩⲁ ⲕⲁⲧⲁⲛⲉϥϩⲃⲏⲩⲉ . ⲛⲧⲉⲣⲉϥⲣⲡⲙⲉⲉⲩⲉ ⲇⲉ ⲛϭⲓⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲛⲛϣⲁϫⲉ ⲙⲡⲉϥⲉⲓⲱⲧ ϩⲣⲁⲓ ⲛϩⲏⲧϥ ⲁⲩⲱ ⲡϭⲱⲗⲡ ⲉⲃⲟⲗ ⲛⲧⲁϥⲛⲁⲩ ⲉⲣⲟϥ · ⲁϥϣⲱⲡⲉ ϩⲛⲟⲩⲛⲟϭ ⲛⲧⲱⲃⲥ ⲁϥⲁⲣⲭⲉⲓ ⲛⲣⲓⲙⲉ ⲁⲩⲱ ⲛⲁϣⲁϩⲟⲙ · ϫⲉⲟⲩⲟⲉⲓ ⲛⲁϥ ⲁⲛⲟⲕ ⲡⲓⲣⲉϥⲣ ⲛⲟⲃⲉ · ⲉⲓⲟ ⲛⲧϩⲉ ⲛⲟⲩⲕⲗⲁⲇⲟⲥ ⲛⲁⲧⲕⲁⲣⲡⲟⲥ ⲉⲁϥϯⲟⲩⲱ ⲉⲙⲛⲧⲁϥ ⲛⲟⲩⲛⲉ ⲙⲙⲁⲩ ⲛⲧⲉⲡⲥⲟⲟⲩⲛ ⲙⲡⲉⲟⲟⲩ ⲙⲡⲛⲟⲩⲧⲉ ·
martyrdom.miracles.mercurius_part2:33
ⲁⲩⲱ ⲁϥϫⲓ ⲛⲧⲉϥⲥϩⲓⲙⲉ · ⲙⲛⲛⲉϥϩⲙϩⲁⲗ · ⲁϥⲃⲱⲕ ⲉⲣⲁⲧϥ ⲙⲡⲓⲥⲕⲟⲡⲟⲥ · ⲁϥⲃⲁⲡⲧⲓⲍⲉ ⲙⲙⲟⲟⲩ · ⲉⲡⲣⲁⲛ ⲙⲡⲣⲁⲛ ⲙⲡⲉⲓⲱⲧ · ⲙⲛⲡϣⲏⲣⲉ · ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲃ ·
encomium.mercurius:33
ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ · ⲛⲧⲁⲥⲟⲩⲱⲛϩ ⲉⲃⲟⲗ ⲛϭⲓⲧⲙⲛⲧϫⲱⲱⲣⲉ · ⲙⲡⲉⲓⲅⲉⲛⲛⲁⲓⲟⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉⲡⲓⲥⲧⲟⲥ ⲛⲁⲙⲉ : ⲁⲩⲱ ⲡⲉⲓⲡⲣⲩⲙⲏⲕⲓⲣⲓⲟⲥ ⲙⲡⲁⲣⲓⲑⲙⲟⲥ ⲛⲙⲙⲁⲣⲧⲩⲣⲟⲥ ·
martyrdom.miracles.mercurius_part1:33
ⲁⲩⲱ ⲁⲩϫⲓⲏⲏⲡⲉ · ⲙⲡⲉϥⲅⲉⲛⲟⲥ ⲛⲧⲁⲩϫⲓ ⲛⲙⲙⲁϥ · ⲉⲃⲟⲗ ϩⲙⲡⲟⲩⲟⲉⲓⲛ · ⲙⲡⲟⲩⲃⲁⲡⲧⲓⲥⲙⲁ · ⲁⲩϩⲉ ⲉⲣⲟⲟⲩ ⲉⲩⲉⲓⲣⲉ ⲛⲧⲁⲓⲟⲩϣⲟⲙⲛⲧ ⲉⲙⲯⲩⲭⲏ · ⲁⲩϫⲓⲃⲁⲡⲧⲓⲥⲙⲁ ·
martyrdom.mercurius:34
ⲉϯ ⲇⲉ ⲉϥϣⲁϫⲉ ⲛⲧⲉⲩⲛⲟⲩ ⲁⲡⲣⲣⲟ ϫⲟⲟⲩ ⲛⲥⲛⲁⲩ ⲛⲛⲉⲧⲟⲩⲙⲟⲩⲧⲉ ⲉ ⲣⲟⲟⲩ ϫⲉⲥⲉⲗⲉⲛϯⲁⲣⲓⲟⲥ · ⲙⲛϩⲉⲛⲕⲟⲟⲩⲉ ⲛⲙⲙⲁⲩⲉⲧⲣⲉⲩⲙⲟⲩⲧⲉ ⲉⲣⲟϥ ⲛⲁϥ · ⲉⲃⲟⲗ ϫⲉⲛⲧⲟϥ ⲡⲉⲧⲟ ⲛⲣⲉϥϫⲓϣⲟϫⲛⲉ ⲛⲁϥ
martyrdom.miracles.mercurius_part2:34
ⲁⲩⲱ ⲁϥⲙⲟⲩⲧⲉ ⲉⲡⲉϥⲣⲁⲛ ϫⲉⲍⲁⲭⲁⲣⲓⲁⲥ · ⲁⲩⲱ ⲧⲉϥⲥϩⲓⲙⲉ ϫⲉⲗⲉⲥⲁⲃⲉⲧ ·
encomium.mercurius:34
ⲉⲛⲉⲩⲟⲩⲣⲱⲙⲉ ⲅⲁⲣ ⲡⲉ · ⲉϥϫⲏⲕ ⲉⲃⲟⲗ ⲙⲙⲛⲧⲣⲉϥϣⲙϣⲉⲛⲟⲩⲧⲉ · ⲁⲩⲱ ⲉϥⲡⲟⲗⲓⲧⲉⲩⲉ ϩⲛⲙⲛⲧⲉⲩⲥⲉⲃⲏⲥ ⲛⲓⲙ ·
martyrdom.miracles.mercurius_part1:34
ⲙⲛⲛⲥⲁⲛⲁⲓ ⲧⲏⲣⲟⲩ · ⲉⲥⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥⲟⲩⲱⲛϩ ⲉⲃⲟⲗ · ⲙⲡⲣⲱⲙⲉ ⲛϩⲏⲕⲉ ⲛⲧϩⲉ ⲛϣⲟⲣⲡ · ⲡⲉϫⲁϥ ⲛⲁϥ · ϫⲉⲉⲧⲃⲉⲟⲩ ⲉⲕⲛⲕⲟⲧⲕ · ⲉⲕⲟ ⲛⲁⲣⲅⲟⲥ · ⲙⲡⲉⲕⲧⲱⲟⲩⲛ ⲛⲅⲡⲁⲡⲉⲧⲱⲃⲉ ⲉⲡⲁⲧⲟⲡⲟⲥ ·
martyrdom.mercurius:35
ⲁϥⲡⲁⲣⲁⲓⲧⲉ ⲉⲧⲙⲃⲱⲕ ⲉϥϫⲱ ⲙⲙⲟⲥ · ϫⲉⲡⲁⲥⲱⲙⲁ ⲟ ⲛⲁⲧϭⲟⲙ ⲁⲡⲣⲣⲟ ⲕⲁⲣⲱϥ · ⲙⲡⲉϩⲟⲟⲩ ⲉⲧⲙⲙⲁⲩ · ⲙⲡⲉϥⲣⲁⲥⲧⲉ ⲇⲉ ⲟⲛ ⲁϥϫⲟⲟⲩ ⲛⲥⲱϥ ϩⲟⲙⲟⲓⲟⲥ ⲛϭⲓⲇⲉⲕⲓⲟⲥ ·
encomium.mercurius:35
ⲉⲣⲉⲡϣⲁϫⲉ ⲙⲡⲛⲟⲩⲧⲉ ϩⲟⲗϭ ϩⲛⲧⲉϥⲧⲁⲡⲣⲟ ⲛⲁⲩ ⲛⲓⲙ · ⲛϩⲟⲩⲟ ⲟⲩⲉⲃⲃⲓⲱ ·
martyrdom.miracles.mercurius_part1:35
ⲡⲉϫⲉⲡⲣⲱⲙⲉ ⲛⲁϥ · ϫⲉⲡⲁϫⲟⲉⲓⲥ · ⲁⲅⲟⲩϩⲏⲕⲉ · ⲙⲛⲧⲁⲓ ⲣⲱⲙⲉ ⲙⲛⲧⲁⲓⲧⲃⲛⲏ · ⲟⲩⲇⲉ ⲧⲁⲡⲁⲛⲏ ·
martyrdom.miracles.mercurius_part2:35
ⲁⲩⲱ ⲛⲧⲉⲣⲉϥⲃⲱⲕ ⲉⲡⲉϥⲓⲏ · ⲁϥⲥⲟⲩⲱⲛⲧⲉϥⲥϩⲓⲙⲉ · ⲁⲥⲱⲱⲛϣⲏⲣⲉ ⲥⲛⲁⲩ · ⲛϩⲟⲟⲩⲧ ⲛⲟⲩⲥⲟⲡ ⲛⲟⲩⲱⲧ ·
martyrdom.mercurius:36
ⲛⲧⲉⲣⲉϥⲉⲓ ⲇⲉ ϣⲁⲣⲟϥ ⲁⲩϫⲓ ϣⲟϫⲛⲉ ⲙⲛⲛⲉⲩⲉⲣⲏⲩ ⲉⲡϩⲱⲃ ⲧⲉⲧⲛⲧⲙⲏⲏⲧⲉ ·
encomium.mercurius:36
ⲁⲥϣⲱⲡⲉ ⲇⲉ ⲛⲛⲟⲩϣⲏ · ⲉϥⲛⲕⲟⲧⲕ ⲛⲧⲙⲏⲧⲉ ⲙⲡⲉⲥⲧⲣⲁⲧⲉⲩⲙⲁ · ⲙⲛⲛⲥⲁⲧⲣⲉϥⲟⲩⲱ ⲉⲛϥⲉⲓⲣⲉ ⲛϥϣⲗⲏⲗ · ⲁϥⲱⲃϣ ⲛⲟⲩⲕⲟⲩⲓ ·
martyrdom.miracles.mercurius_part2:36
ⲁⲩⲱ ⲛⲧⲉⲣⲉⲯⲓⲥ ⲛⲉⲃⲟⲧ ϫⲱⲕ ⲉⲃⲟⲗ · ⲁⲥϫⲡⲟϣⲏⲣⲉ ⲥⲛⲁⲩ ⲛϩⲁⲧⲣⲉ ·
martyrdom.miracles.mercurius_part1:36
ⲡⲉϫⲉⲡⲡⲉⲧⲟⲩⲁⲁⲃ ⲛⲁϥ · ϫⲉϯⲛⲁϯ ⲛⲁⲕ · ⲛⲧⲉⲕⲣⲭⲣⲉⲓⲁⲁ ⲧⲏⲣⲥ · ⲙⲟⲛⲟⲛ ϣⲱⲡⲉ ⲛⲧⲕ ⲟⲩϩⲏⲕⲉ · ⲉⲕϩⲏⲕ ⲉϩⲟⲩⲛ ⲉⲡⲁⲏⲓ · ⲛⲅⲟ ⲁⲛ · ⲛϩⲏⲧ ⲥⲛⲁⲩ · ⲁⲩⲱ ⲕⲛⲁⲛⲁⲩ ⲉⲛⲁϭⲟⲙ ·
martyrdom.miracles.mercurius_part2:37
ⲁⲥⲙⲟⲩⲧⲉ ⲉⲡϣⲟⲣⲡ ⲙⲙⲓⲥⲉ · ϫⲉⲙⲉⲣⲕⲟⲩⲣⲓⲟⲥ · ⲕⲁⲧⲁⲡⲣⲁⲛ ⲙⲡⲉⲧⲟⲩⲁⲁⲃ · ⲉⲃⲟⲗ ϫⲉⲧⲁⲩⲁⲙⲁⲧⲉ ⲙⲡⲟⲩϫⲁⲓ ⲉⲃⲟⲗ ϩⲓⲧⲟⲟⲧϥ · ⲡⲙⲉϩⲥⲛⲁⲩ ⲁⲩⲙⲟⲩⲧⲉ ⲉⲣⲟϥ · ϫⲉⲓⲱϩⲁⲛⲛⲏⲥ · ⲉⲡⲣⲁⲛ ⲙⲡⲃⲁⲡⲧⲓⲥⲧⲏⲥ ·
encomium.mercurius:37
ⲁⲩⲱ ⲉⲓⲥ ⲟⲩⲁⲅⲅⲉⲗⲟⲥ ⲛⲧⲉⲡϫⲟⲉⲓⲥ ⲁϥⲁϩⲉⲣⲁⲧϥ ϩⲓϫⲱϥ · ⲁϥⲧⲃⲥ ⲡⲉϥⲥⲡⲓⲣ · ⲁϥⲧⲟⲩⲛⲟⲥϥ ⲉⲣⲉⲟⲩⲥⲏϥⲉ ϩⲛⲧⲉϥϭⲓϫ · ⲛⲟⲩⲛⲁⲙ · ⲉϥϯϩⲟⲧⲉ ϩⲙⲡⲉϥⲉⲓⲛⲉ · ⲉⲣⲉⲟⲩϩⲱⲛ ϩⲓⲱⲱϥ · ⲉϥⲟ ⲛⲛϣⲡⲏⲣⲉ · ⲛⲧⲉⲣⲉϥⲛⲁⲩ ⲇⲉ ⲉⲣⲟϥ · ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥⲣϩⲟⲧⲉ ⲉⲙⲁⲧⲉ ·
martyrdom.mercurius:37
ⲡⲉϫⲉⲡⲣⲣⲟ ⲛⲁϥ ϫⲉⲙⲁⲣⲟⲛⲃⲱⲕ ⲱ ⲙⲉⲣⲕⲟⲩⲣⲓⲟⲥ ⲉⲡⲛⲟϭ ⲛⲉⲣⲡⲉ ⲛⲧⲁⲣⲧⲉⲙⲏⲥ · ⲛⲧⲛⲧⲁⲗⲟ ⲛⲁⲥ · ⲉϩⲣⲁⲓ ⲛϩⲉⲛⲑⲩⲥⲓⲁ ·
martyrdom.miracles.mercurius_part1:37
ⲁⲩⲱ ⲉⲕϣⲁⲛⲧⲱⲟⲩⲛ ⲛϣⲟⲣⲡ · ⲁⲙⲟⲩ ⲉⲡⲉⲏⲃⲧ ϩⲙⲡϣⲟⲣⲡ · ⲛϩⲓⲣ ⲛⲧⲡⲟⲗⲓⲥ · ⲉⲕⲛⲁϩⲉ ⲉⲡⲉϣⲏⲣⲉ ϣⲏⲙ ⲛⲧⲁⲧⲙⲟⲩⲗⲗⲉⲥ ⲡⲁⲣⲁⲉⲓⲕⲉ ⲙⲙⲟϥ · ⲉⲃⲟⲗ ϫⲉⲁϥⲟⲩⲱϣ ϩⲓⲟⲩⲉ ⲉⲣⲟⲕ · ⲉⲧⲃⲉⲡⲁⲥⲱⲙⲁ ·
encomium.mercurius:38
ⲁϥⲟⲩⲱϣⲃ ⲛⲁϥ ⲛϭⲓⲡⲁⲛⲅⲉⲗⲟⲥ · ⲡⲉϫⲁϥ ⲛⲁϥ · ϫⲉⲙⲉⲣⲕⲟⲩⲣⲓⲟⲥ · ⲛⲧⲟϥ ⲇⲉ ⲡⲉϫⲁϥ · ϫⲉⲉⲓⲥϩⲏⲏⲧⲉ ⲁⲛⲟⲕ ⲡϫⲟⲉⲓⲥ ·
martyrdom.miracles.mercurius_part1:38
ⲁϫⲓⲥ ⲛⲁϥ · ϫⲉⲡⲉⲧⲛⲧⲟⲟⲧⲕ ⲧⲁⲁϥ ⲛⲁⲓ · ϫⲉϯⲣⲭⲣⲉⲓⲁ ⲙⲙⲟϥ ·
martyrdom.mercurius:38
ⲛⲧⲉⲣⲉϥⲙⲟⲟϣⲉ ⲇⲉ ⲛϭⲓⲡⲣⲣⲟ · ⲁⲩⲛⲟϭ ⲙⲙⲏⲏϣⲉ ⲟⲩⲁϩⲟⲩ ⲛⲥⲱϥ .
martyrdom.miracles.mercurius_part2:38
ⲙⲛⲛⲥⲁⲛⲁⲓ ⲧⲏⲣⲟⲩ · ⲁϥⲙⲟⲩⲧⲉ ⲉⲩⲣⲱⲙⲉ ⲛⲧⲩⲭⲛⲉⲓⲧⲏⲥ ⲁϥϯ ⲛⲁϥ ⲙⲙⲏⲧ ⲛⲗⲓⲧⲣⲁ ⲛⲟⲩⲃ · ⲉϥⲥⲟⲧⲡ · ⲙⲛϩⲉⲛⲛⲱⲛⲉ ⲙⲙⲉ ⲉⲩⲧⲁⲓⲏⲩ · ⲁϥⲥⲙⲛⲡⲗⲓⲙⲛ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲉⲣⲉⲡϥⲕⲟⲩⲛⲧⲁⲣⲓⲟⲛ ⲛⲧⲟⲟⲧϥ · ⲁϥⲧⲣⲉⲩⲧⲟⲕⲥϥ ⲉⲛⲱⲛⲉ · ⲛⲁⲧⲁⲙⲁⲥ
martyrdom.miracles.mercurius_part2:39
ⲁⲩⲱ ⲁϥⲧⲣⲉⲩⲥⲙⲓⲛⲉ ⲙⲡⲉϥⲗⲓⲙⲏⲛ · ϩⲱϥ ⲛⲛⲟⲩⲃ · ϩⲓⲱⲛⲉ ⲙⲙⲉ · ⲉϥϩⲁⲡⲉⲥⲏⲧ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲉϥⲡⲁⲧⲁⲥⲥⲉⲓ ⲙⲙⲟϥ ϩⲙⲡⲉϥⲙⲉⲣⲉϩ · ⲉϫⲛϩⲏⲧϥ ·
encomium.mercurius:39
ⲁϥⲟⲩⲱⲛ ⲇⲉ ⲛⲉϥⲃⲁⲗ ⲛϭⲓⲙⲉⲣⲕⲟⲩⲣⲓⲟⲥ · ⲁⲩⲱ ⲛⲧⲉⲣϥⲛⲁⲩ ⲉⲡⲁⲅⲅⲉⲗⲟⲥ ⲁϥⲣ‐ϩⲟⲧⲉ · ⲉϥⲙⲉⲉⲩⲉ ϫⲉⲟⲩⲁ ⲡⲉ ϩⲛⲙⲙⲁⲅⲓⲥⲧⲣⲓⲁⲛⲟⲥ ⲙⲡⲣⲣⲟ · ⲏ ⲟⲩⲥⲧⲣⲁⲧⲩⲗⲁⲧⲏⲥ ⲡⲉ ·
martyrdom.miracles.mercurius_part1:39
ⲁⲩⲱ ⲁϥⲛⲁϯ ⲛⲁⲕ ⲛϣⲟⲙⲛⲧ ⲛϩⲟⲗⲟⲕⲟϯⲛⲟⲥ · ⲉϥⲟⲩⲉϣⲧⲁⲁⲩ ⲛⲁⲅⲁⲡⲏ ·
martyrdom.mercurius:39
ⲡⲙⲁⲕⲁⲣⲓⲟⲥ ⲇⲉ ⲙⲉⲣⲕⲟⲩⲣⲓⲟⲥ ⲁϥⲕⲟⲧϥ ⲉⲡⲁϩⲟⲩ ⲁϥϩⲟⲡϥ ϩⲙⲡⲉⲡⲣⲁⲓⲧⲟⲣⲓⲟⲛ ·
martyrdom.miracles.mercurius_part2:40
ⲁⲩⲱ ϥⲓ ⲛⲧⲉϥϩⲓⲕⲱⲛ · ⲉϩⲟⲩⲛ ⲉⲧⲉⲕⲕⲗⲏⲥⲓⲁ · ⲙⲛⲛⲥⲁⲡϩⲁⲅⲓⲁⲥⲙⲟⲥ · ⲙⲡⲧⲟⲡⲟⲥ ⲁϥⲕⲁⲁⲥ ϩⲓⲧϩⲏ ⲙⲡϩⲓⲣⲁⲧⲓⲟⲛ · ϣⲁϩⲣⲁⲓ ⲉⲡϩⲟⲟⲩ ⲛϩⲟⲟⲩ ·
martyrdom.mercurius:40
ⲟⲩⲁ ⲇⲉ ⲁϥⲇⲓⲁⲃⲁⲗⲗⲉ ⲙⲙⲟϥ ⲛⲛⲁϩⲣⲛⲡⲣⲣⲟ · ⲉϥϫⲱ ⲙⲙⲟⲥ · ϫⲉⲡⲛⲟϭ ⲛⲣⲣⲟ ⲉⲧⲁⲙⲁϩⲧⲉ ⲁⲩⲱ ⲛⲣⲉϥϫⲣⲟ ⲛⲉⲩⲥⲉⲃⲏⲥ · ⲡⲉⲛⲧⲁⲩⲥⲟⲧⲡϥ ⲉⲃⲟⲗ ϩⲓⲧⲛⲛⲛⲟⲩⲧⲉ ⲛⲣⲉϥⲇⲓⲟⲉⲓⲕⲉⲓ ⲛⲧⲙⲛⲧⲣⲣⲟ ⲧⲏⲣⲥ ⲛⲛⲉϩⲣⲱⲙⲁⲓⲟⲥ · ⲙⲁϯⲧϩⲉ ⲛⲁⲓ ⲛⲧⲁϣⲁϫⲉ ⲛⲅⲥⲱⲧⲙ ⲉⲣⲟⲓ ϩⲛⲟⲩⲙⲛⲧⲣⲙⲣⲁϣ .
encomium.mercurius:40
ⲛⲧⲟϥ ⲇⲉ ⲁϥⲥⲟⲟⲩⲧⲛ ⲉⲣⲟϥ · ⲛⲧⲥⲏϥⲉ ⲉⲧⲛⲧⲟⲟⲧϥ · ⲉⲥⲧⲟⲕⲙ ϩⲛⲧⲉϥϭⲓϫ ⲉϥϫⲱ ⲙⲙⲟⲥ ⲛⲁϥ · ϫⲉϫⲓ ⲛⲁⲕ ⲛⲧⲉⲓⲥⲏϥⲉ ⲉⲧⲧⲱⲕⲙ · ⲉⲧϩⲛⲧⲁϭⲓϫ · ϩⲓⲧⲛⲧⲁⲓ ⲅⲁⲣ ⲉⲕⲛⲁⲡⲁⲧⲁⲥⲥⲉⲓ ⲛⲧϭⲟⲙ ⲧⲏⲣⲥ ⲛⲛⲃⲁⲣⲃⲁⲣⲟⲥ ·
martyrdom.miracles.mercurius_part1:40
ⲙⲟⲛⲟⲛ ϯⲛⲁⲕⲁⲁⲕ ⲁⲛ ⲉⲣⲭⲣⲉⲓⲁ ⲛⲗⲁⲁⲩ · ⲁⲩⲱ ⲥⲉⲛⲁⲉⲓⲛⲉ ⲛⲁⲕ · ⲛⲅⲧⲙⲉⲓⲙⲉ ϫⲉⲉⲕⲛⲁⲣⲟⲩ ⲛⲁϥ ·
encomium.mercurius:41
ⲁⲛⲟⲕ ⲅⲁⲣ ⲡⲉ ⲡⲁⲣⲭⲏⲥⲧⲣⲁⲧⲏⲅⲟⲥ ⲛⲧϭⲟⲙ ⲙⲡϫⲟⲉⲓⲥ ·
martyrdom.mercurius:41
ⲙⲉⲣⲕⲟⲩⲣⲓⲟⲥ ⲡⲉⲛⲧⲁⲧⲉⲕⲟⲩⲛⲁⲙ ⲉⲧⲁⲙⲁϩⲧⲉ ϫⲁⲥⲧϥ ⲁⲩⲱ ⲁⲕϯⲉⲟⲟⲩ ⲛⲁϥ · ϩⲛⲧⲙⲛⲧⲣⲣⲟ ⲛⲛⲉϩⲣⲱⲙⲁⲓⲟⲥ ⲙⲡⲉϥⲓ ⲛⲙⲙⲁⲛ ⲕⲁⲧⲁⲡⲉⲕⲟⲩⲉϩⲥⲁϩⲛⲉ ⲛϥⲣⲑⲩⲥⲓⲁ ϩⲙⲡⲉⲣⲡⲉ ⲛⲧⲛⲟϭ ⲛⲁⲣⲧⲉⲙⲏⲥ ⲛϥⲧⲁⲗⲟ ⲛⲁⲥ ⲉϩⲣⲁⲓ ⲕⲁⲧⲁⲡⲟⲩⲉϩⲥⲁϩⲛⲉ ⲉⲧⲁⲙⲁϩⲧⲉ .
martyrdom.miracles.mercurius_part2:41
ⲁⲩⲱ ⲥⲉϣⲟⲟⲡ ⲧⲉⲛⲟⲩ ⲉⲩⲙⲛⲧⲙⲛⲧⲣⲉ ⲛⲛϭⲟⲙ ⲙⲡⲙⲁⲣⲧⲩⲣⲟⲥ ⲉⲧⲟⲩⲁⲁⲃ · ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϩⲛⲟⲩⲉⲣⲏⲛⲏ ⲛⲧⲉⲡⲛⲟⲩⲧⲉ ϩⲁⲙⲏⲛ ⲻ:::
martyrdom.miracles.mercurius_part1:41
ⲁⲩⲱ ⲉϥϣⲁⲛϫⲛⲟⲩⲕ · ϫⲉⲧⲁⲕⲉⲓⲙⲉ ⲉⲧⲱⲛ · ϫⲉⲟⲩⲛⲗⲁⲩ ⲛⲧⲟⲟⲧ · ⲁϫⲓⲥ ⲛⲁϥ ϫⲉⲙⲉⲣⲕⲟⲩⲣⲓⲟⲥ ⲡⲉⲛⲧⲁϥⲧⲁⲗϭⲟⲕ ·
encomium.mercurius:42
ⲛⲧⲁⲓⲉⲓ ⲅⲁⲣ ⲉⲃⲟⲏⲑⲉⲓ ⲉⲣⲟⲕ · ⲙⲛⲛⲉⲕϣⲃⲏⲣ ⲙⲙⲁⲧⲟⲓ · ⲛⲁⲓ ⲉⲧⲡⲓⲥⲧⲉⲩⲉ ⲉⲡϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ·
martyrdom.miracles.mercurius_part2:42
ⲧⲙⲉϩϣⲙⲟⲩⲛ ⲛϭⲟⲙ ⲡⲓϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ
martyrdom.miracles.mercurius_part1:42
ⲛⲧⲟϥ ⲡⲉ ⲛⲧⲁϥϫⲟⲟⲥ ⲛⲁⲓ · ϫⲉⲁϫⲓⲥ ⲛⲁⲕ ·
martyrdom.mercurius:42
ⲁϥⲟⲩⲱϣⲃ ⲛϫⲓⲡⲣⲣⲟ ϫⲉⲛⲓⲙ ⲡⲉ ⲡⲁⲓ ⲡⲉϫⲁϥ ϫⲉⲙⲉⲣⲕⲟⲩⲣⲓⲟⲥ ⲡⲁⲓ ⲛⲧⲁⲕϯ ⲛⲁϥ ⲙⲡⲉϫⲣⲟ ⲙⲛⲧⲙⲛⲧⲛⲟϭ ⲛⲥⲁϥ ⲙⲛϣⲟⲙⲛⲧ ⲉⲡϩⲟⲟⲩ ⲛϩⲟⲟⲩ · ⲁⲩⲱ ⲁⲕϫⲓⲥⲧϥ ϩⲙⲡⲁⲝⲓⲱⲙⲁ ⲛϩⲟⲩⲟ ⲛⲧⲙⲛⲧⲛⲟϭ
martyrdom.miracles.mercurius_part2:43
ⲁⲥϣⲱⲡⲉ ⲇⲉ · ⲙⲛⲛⲥⲁⲧⲣⲉⲩϩⲁⲅⲓⲁⲍⲉ · ⲙⲡⲧⲟⲡⲟⲥ ⲙⲡⲉⲧⲟⲩⲁⲁⲃ · ⲁⲩⲱ ⲁⲡⲥⲟⲉⲓⲧ ⲛⲛⲓϭⲟⲙ ⲡⲱϩ · ϣⲁⲙⲁ ⲛⲓⲙ ·
encomium.mercurius:43
ⲧⲉⲛⲟⲩ ϭⲉ ϫⲣⲟ ⲛⲅϭⲙϭⲟⲙ · ⲁⲛⲟⲕ ⲅⲁⲣ ϯϣⲟⲟⲡ ⲛⲙⲙⲁⲕ ϣⲁⲡϫⲱⲕ ⲉⲃⲟⲗ ⲙⲡⲉⲕⲁⲅⲱⲛ ϩⲛⲟⲩⲉⲣⲏⲛⲏ ·
martyrdom.mercurius:43
ⲡⲁⲓ ⲇⲉ ⲟⲩⲙⲟⲛⲟⲛ · ϫⲉⲁϥⲣⲁⲧⲥⲱⲧⲙ ⲛⲥⲁⲧⲉⲕⲙⲛⲧⲛⲟϭ ⲁⲗⲗⲁ ⲁϥⲣ..ⲡⲕ ⲉⲡⲉⲓⲑⲉ ⲛϩⲁϩ ⲉⲩϣⲙϣⲉ ⲛⲛⲛⲟⲩⲧⲉ ·
martyrdom.miracles.mercurius_part1:43
ⲁⲩⲱ ⲟⲛ ⲛϥϫⲟⲟⲥ ⲙⲡⲉϥⲉⲓⲱⲧ · ϫⲉⲉⲕⲥⲟⲟⲩⲛ · ⲙⲡⲛⲁⲩ ⲛⲧⲁⲕⲁⲓⲧⲉⲓ ⲙⲙⲟⲓ · ⲁⲓϭⲉⲡⲏ ⲁⲓⲥⲱⲧⲙ ⲉⲣⲟⲕ · ⲁⲓϯⲡⲟⲩⲟⲉⲓⲛ ⲛⲧⲉⲕϣⲉⲉⲣⲉ · ⲁⲩⲱ ⲟⲛ ⲁⲓⲭⲁⲣⲓⲍⲉ ⲛⲁⲕ ⲙⲡⲉⲕϣⲏⲣⲉ ϥⲟϫ ·
encomium.mercurius:44
ⲉⲥϩⲏⲏⲧⲉ ⲉⲓ ⲡⲉⲟⲩⲟⲉⲓϣ ⲁϥⲉⲓ · ⲁⲩⲱ ⲉⲓⲥⲡⲁⲅⲱⲛ ⲡⲟⲣϣ ⲉⲃⲟⲗ ·
martyrdom.miracles.mercurius_part1:44
ⲉϣⲱⲡⲉ ⲟⲩⲛⲗⲁⲁⲩ · ⲙⲛⲧⲥ ⲟⲛ ϣⲟⲟⲡ ⲁⲣⲓ ϣⲁⲩ ⲉϫⲙⲡⲉⲕϣⲃⲏⲣ · ⲙⲙⲁⲣⲧⲩⲣⲟⲥ · ϫⲉⲡⲧⲁⲉⲓⲟ ⲛⲟⲩϣⲃⲏⲣ ⲉϫⲛⲟⲩϣⲃⲏⲣ · ⲉϥϣⲁⲛⲣϩⲟⲩⲟ · ϣⲁϩⲧⲟⲟⲩⲉ ⲡⲉϩⲟⲩⲟ ⲉⲡⲁⲓ · ⲟⲩϩⲣⲟϣ ⲡⲉ ⲙⲛⲛⲥⲁⲥⲁ ⲛⲓⲙ ·
martyrdom.mercurius:44
ⲉⲕϣⲁⲛⲛϫⲛⲟⲟⲩ ⲇⲉ ⲉⲕⲛⲁⲉⲓⲙⲉ ⲉⲡϫⲱⲕ ⲛⲛⲉⲛⲧⲁⲓϫⲟⲟⲩ ⲛⲁⲕ .
martyrdom.miracles.mercurius_part2:44
ⲁⲩⲱ ⲟⲩⲛⲟϭ ⲙⲙⲏⲏϣⲉ · ⲉⲩⲛⲏⲩ ⲉⲡⲉϥⲗⲓⲯⲁⲛⲟⲛ ⲉⲧⲟⲩⲁⲁⲃ · ⲉⲩⲟⲩⲱϣⲧ ⲉϫⲱϥ · ⲁⲩⲱ ⲛⲉⲧϣⲱⲛⲉ ⲉⲩⲁⲙⲁⲧⲉ ⲙⲡⲧⲁⲗϭⲟ · ⲉⲩⲃⲏⲕ ⲉⲛⲉⲩⲏⲓ ·
martyrdom.miracles.mercurius_part2:45
ⲛⲇⲓⲙⲱⲛⲓⲟⲛ ⲉϥⲛⲟⲩϫ ⲙⲙⲟⲟⲩ ⲉⲃⲟⲗ · ⲁⲩⲱ ⲛⲉⲩϯϩⲁϩ ⲛⲉⲓⲣⲏⲧ ϩⲓⲡⲣⲟⲥⲫⲟⲣⲁ · ⲉϩⲟⲩⲛ ⲉⲡⲉϥⲧⲟⲡⲟⲥ ·
encomium.mercurius:45
ⲙⲓϣⲉ ⲛⲧⲁⲣⲉⲕϫⲓ ⲙⲡⲉⲕϭⲟⲙ · ⲙⲉⲣⲉϣⲟⲉⲓϫ ϫⲓⲕⲗⲟⲙ · ⲉⲓⲙⲏⲧⲓ ⲛϥⲙⲓϣⲉ ⲕⲁⲗⲱⲥ · ⲁⲩⲱ ⲡⲟⲩⲟⲉⲓⲉ ⲉⲧϩⲟⲥⲉ · ⲛⲧⲟϥ ⲡⲉ ϣⲁϥϫⲓ ⲉⲃⲟⲗ ϩⲛⲛⲕⲁⲣⲡⲟⲥ ⲛϣⲟⲣⲡ ·
martyrdom.mercurius:45
ⲇⲉⲕⲓⲟⲥ ⲇⲉ ⲡⲉϫⲁϥ ⲇⲉ ϩⲁⲣⲏⲩ ⲛⲧⲁⲟⲩⲫⲑⲟⲛⲟⲥ ϣⲱⲡⲉ ϩⲛⲡⲉⲕϩⲏⲧ ⲉϩⲟⲩⲛ ⲉⲡⲣⲱⲙⲉ ⲁⲕϣⲁϫⲉ ϩⲓⲛⲁⲓ ⲁⲗⲗⲁ ⲛϯⲛⲁⲡⲓⲥⲧⲉⲩⲉ ⲛⲁⲕ ⲁⲛ ⲉⲓⲙⲏⲧⲓ ⲛⲧⲁⲉⲓⲙⲉ ϩⲛⲟⲩⲟⲩⲱⲣϫ ⲉⲧⲙⲉ ⲁⲩⲱ ⲛⲧⲁⲛⲁⲩ ⲉⲡϩⲱⲃ ϩⲛⲟⲩⲱⲣϫ ⲛϩⲟ ϩⲓϩⲟ ·
martyrdom.miracles.mercurius_part1:45
ⲉϥϣⲁⲛϯⲣϩⲱⲃ ⲛⲁⲕ · ⲁⲣⲓⲣⲉ · ⲉϥⲧⲙⲥⲱⲧⲙ ⲛⲥⲱⲕ ⲟⲩⲱⲙ : ⲛⲁⲕ ϩⲙⲡⲉⲓϣⲟⲙⲛⲧ ϩⲟⲗⲟⲕⲟⲧⲓⲛⲟⲥ · ϣⲁⲛⲉⲓ ⲛⲁⲕ ϩⲙⲡⲟⲩⲱϣⲡⲛⲟⲩⲧⲉ · ⲁⲩⲱ ϯⲛⲏⲩ ⲛⲁⲕ · ⲙⲡⲁⲧⲓⲱⲥⲕ ϣⲱⲡⲉ · ⲛⲁⲓ
encomium.mercurius:46
ⲧⲉⲛⲟⲩ ϭⲉ ⲥⲱⲧⲙ ⲛϣⲁϫⲉ ϯϫⲱ ⲙⲙⲟⲟⲩ ⲛⲁⲕ · ⲁⲩⲱ ⲙⲡⲣⲱⲥⲕⲉⲕⲧⲟⲕ ⲉⲡϫⲟⲉⲓⲥ ⲉⲡⲉⲕⲛⲟⲩⲧⲉ · ⲟⲩⲛⲟϭ ⲅⲁⲣ ⲛⲁⲅⲱⲛ ϭⲉⲉⲧ ⲉⲣⲟⲕ · ⲁⲩⲱ ⲕⲛⲁϣⲱⲡⲉ ⲛⲟⲩⲙⲁⲣⲧⲩⲣⲟⲥ ⲛϫⲱⲱⲣⲉ ·
martyrdom.miracles.mercurius_part2:46
ⲛⲉⲩⲛⲟⲩⲁⲣⲭⲱⲛ ⲇⲉ · ϩⲛⲟⲩⲭⲱⲣⲓⲟⲛ ϩⲓⲧⲟⲩⲱϥ · ⲙⲡⲙⲁⲓ ⲟⲩⲙⲁ ⲉⲩⲙⲟⲩⲧⲉ · ⲉⲡⲣⲁⲛ ⲙⲡⲁⲣⲭⲱⲛ ⲉⲧⲙⲙⲁⲩ · ϫⲉⲕⲩⲣⲓⲥ ϩⲉⲣⲙⲁⲡⲟⲗⲗⲱⲛ ·
martyrdom.miracles.mercurius_part1:46
ⲇⲉ ⲛⲧⲉⲣⲉϥϫⲟⲟⲩ ⲛⲁϥ · ⲁϥⲉⲓ ⲉⲃⲟⲗ ϩⲓⲧⲟⲟⲧϥ ϩⲛⲟⲩⲉⲣⲏⲛⲏ ⲻ·
martyrdom.mercurius:46
ⲡⲛⲁⲩ ⲅⲁⲣ ϩⲛⲛⲃⲁⲗ ϣⲁⲩⲧⲁⲛϩⲟⲩⲧϥ ⲉϩⲟⲩⲉ ⲡⲥⲱⲧⲙ ϩⲛⲙⲙⲁϫⲉ .
encomium.mercurius:47
ⲧⲉⲕⲙⲁⲣⲧⲩⲣⲓⲁ ⲅⲁⲣ · ⲛⲁⲣⲥⲟⲉⲓⲧ ϩⲛⲧⲟⲓⲕⲟⲩⲙⲉⲛⲏ ⲧⲏⲣⲥ · ⲁⲩⲱ ⲟⲩⲟⲛ ⲛⲓⲙ ⲉⲧⲥⲱⲧⲙ ⲉⲣⲟⲥ · ⲛⲁⲣϣⲡⲏⲣⲉ ⲛⲧⲉⲕⲙⲛⲧϫⲱⲱⲣⲉ · ⲛⲥⲉϯⲉⲟⲟⲩ ⲙⲡⲛⲟⲩⲧⲉ · ⲉⲧⲃⲉⲛϭⲟⲙⲙⲛⲛⲉϣⲡⲏⲣⲉ · ⲙⲛⲙⲛⲧϫⲱⲱⲣⲉ ⲛⲧⲟϥⲁⲁⲩ ⲛⲁⲕ ⲛϭⲓⲡϫⲟⲉⲓⲥ ⲡⲉⲕⲛⲟⲩⲧⲉ ·
martyrdom.miracles.mercurius_part2:47
ⲉⲟⲩⲛⲧⲁϥ ⲙⲙⲁⲩ ⲛ · ⲟⲩϣⲉⲉⲣⲉ ϣⲏⲙ · ⲙⲙⲟⲛⲟⲅⲉⲛⲏⲥ · ⲙⲡϥϫⲟϣⲏⲣⲉ ⲉⲛⲉϩ · ⲛⲥⲁⲃⲗⲗⲁⲥ ·
martyrdom.mercurius:47
ⲕⲁⲣⲱⲕ ϭⲉ ⲧⲉⲛⲟⲩ ⲛⲅⲧⲙⲧⲁⲩⲉⲕⲉⲗⲁⲁⲩ ⲛϣⲁϫⲉ ⲉⲡⲣⲱⲙⲉ · ⲁⲩⲱ ⲉϣⲱⲡⲉ ⲛⲧⲁⲕⲕⲁⲧⲏⲅⲟⲣⲉⲓ ⲙⲙⲟϥ ϩⲛⲟⲩⲫⲑⲟⲛⲟⲥ ⲕⲁⲧⲁⲧϩⲉ ⲛⲧⲁⲓϫⲟⲟⲥ ⲛⲁⲕ ⲉⲓⲙⲉ ⲛⲁⲕ ϫⲉⲉⲕⲛⲁϣⲱⲡⲉ ⲉⲕϭⲏⲡ ⲉⲩⲛⲟϭ ⲛϯⲙⲟⲣⲓⲁ .
martyrdom.miracles.mercurius_part1:47
ϣⲟⲣⲡ ⲇⲉ · ⲉⲛⲧⲉⲣⲉϥϣⲱⲡⲉ · ⲁⲡⲣⲱⲙⲉ ⲧⲱⲟⲩⲛ · ⲁϥⲙⲟⲟϣⲉ ϩⲙⲡϣⲟⲣⲡ ⲛϩⲓⲣ · ⲁϥⲉⲓ ⲉϫⲙⲡϣⲏⲣⲉ ϣⲏⲙ · ⲁϥϫⲓ ⲙⲡϣⲟⲙⲧ ⲛϩⲟⲗⲟⲕϯⲛⲟⲥ · ⲁⲩⲱ ϣⲁϫⲉ ⲛⲓⲙ ⲛⲧⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϫⲟⲟⲩ ⲛⲁϥ ϩⲙⲡϩⲟⲣⲟⲙⲁ · ⲁϥϫⲟⲟⲩ ⲛⲁϥ · ⲁϥⲃⲱⲕ ⲛϭⲓⲡϣⲏⲣⲉ ϣⲏⲙ · ⲁϥϫⲟⲟⲩ ⲙⲡⲉϥⲉⲓⲱⲧ · ϩⲛⲟⲩϩⲟⲧⲉ ·
martyrdom.miracles.mercurius_part2:48
ⲛⲧⲁϥⲕⲁⲁⲥ ⲉϩⲣⲁⲓ · ⲉⲥⲟ ⲛⲕⲟⲩⲓ ⲛⲟⲣⲫⲁⲛⲟⲥ · ⲉϥϭⲱϣⲧ ⲛⲥⲱⲥ · ϩⲱⲥ ⲉϥⲛⲁⲩ ⲉⲡⲛⲟⲩⲧⲉ ·
encomium.mercurius:48
ⲟⲩⲛϩⲉⲛⲛⲟϭ ⲛⲃⲁⲥⲁⲛⲟⲥ ⲛⲁϣⲱⲡⲉ ⲉⲩϭⲉⲧ ⲉⲣⲟⲕ · ϩⲓⲧⲙⲡⲣⲣⲟ ⲛⲁⲛⲟⲙⲟⲥ · ⲙⲛⲛϩⲉⲛⲛⲟϭ ⲛⲑⲗⲓⲯⲓⲥ · ⲁⲗⲗⲁ ϩⲩⲡⲟⲙⲟⲛⲏ · ⲁⲩⲱ ⲕⲛⲁϫⲓ ⲙⲡⲕⲗⲟⲙ ⲛⲁⲧⲁⲕⲟ ·
martyrdom.miracles.mercurius_part1:48
ⲡⲉϥⲉⲓⲱⲧ ⲇⲉ ⲛⲧⲉⲣⲉϥⲥⲱⲧⲙ ⲉⲛⲁⲓ · ⲁϥϯⲉⲟⲟⲩ ⲙⲡⲛⲟⲩⲧⲉ ⲙⲛⲡⲉϥⲙⲁⲣⲧⲩⲣⲟⲥ ⲉⲧⲟⲩⲁⲁⲃ · ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ·
martyrdom.mercurius:48
ⲉⲣϣⲁⲛ ⲛⲉⲛⲧⲁⲕϫⲟⲟⲩ ⲇⲉ ϣⲱⲡⲉ ⲉⲩⲟ ⲙⲙⲉ ⲕⲛⲁϫⲓ ⲛϩⲉⲛⲛⲟϭ ⲛⲇⲱⲣⲉⲁ ⲉⲃⲟⲗ ϩⲓⲧⲟⲟⲧⲛ · ϩⲱⲥ ⲉⲕⲟ ⲛⲟⲩϩⲏⲧ ⲛⲟⲩⲱⲧ ⲛⲙⲙⲁⲛ ⲉϩⲟⲩⲛ ⲉⲛⲛⲟⲩⲧⲉ · ⲁⲩⲱ ⲉϩⲟⲩⲛ ⲉⲛⲣⲣⲱⲟⲩ .
martyrdom.mercurius:49
ⲁϥⲕⲉⲗⲉⲩⲉ ⲉⲧⲣⲉⲩⲉⲓⲛⲉ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϩⲛⲧϯⲙⲏ ⲉⲧⲉϣϣⲉ ⲛϣⲟⲣⲡ . ⲡⲁⲓ ⲇⲉ ⲛⲧⲉⲣϥⲉⲓ ϣⲁⲣⲟϥ ⲡⲉϫⲁϥ ⲛⲁϥ ⲛϭⲓⲡⲣⲣⲟ · ϫⲉⲙⲉⲣⲕⲟⲩⲣⲓⲟⲥ ⲙⲏ ⲁⲛⲟⲕ ⲁⲛ ⲡⲉⲛⲧⲁⲓϯ ⲛⲁⲕ ⲙⲡⲉⲓⲛⲟϭ ⲛⲧⲁⲉⲓⲟ · ⲙⲛⲡⲓⲁⲝⲓⲱⲙⲁ · ⲉⲁⲓⲁⲁⲕ ⲛⲥⲧⲣⲁⲧⲏⲗⲁⲧⲏⲥ ϩⲛⲧⲙⲏⲏⲧⲉ ⲛⲛⲁⲣⲭⲱⲛ ⲧⲏⲣⲟⲩ · ⲉⲧⲃⲉⲧⲉⲕⲙⲛⲧⲣⲙϩⲏⲧ ⲙⲛⲡⲉϫⲣⲟ ⲛⲧⲁⲛⲛⲟⲩⲧⲉ ⲭⲁⲣⲓⲍⲉ ⲙⲙⲟϥ ⲛⲁⲛ ϩⲙⲡⲡⲟⲗⲉⲙⲟⲥ · ⲁⲩⲱ ⲛⲁϣ ⲛϩⲉ ⲡⲛⲟϭ ⲛⲟⲩⲱϣ ⲉⲧⲟⲩⲛⲧⲁⲓϥ ⲉϩⲟⲩⲛ ⲉⲣⲟⲕ ⲁⲕⲡⲟⲟⲛⲉ ⲉϩⲉⲛⲙⲟⲥⲧⲉ ⲉⲩϩⲟⲟⲩ . ⲁⲩⲱ ⲛⲓⲛⲟϭ ⲛⲧⲁⲓⲟ ⲁⲕⲡⲟⲟⲛⲟⲩ ⲉⲩⲗⲁⲁⲩ · ⲉⲁⲕⲕⲁⲧⲁⲫⲣⲟⲛⲉⲓ ⲛⲛⲛⲟⲩⲧⲉ ⲛⲧⲉⲓϩⲉ ⲧⲏⲣⲥ · ⲕⲁⲧⲁⲧϩⲉ ⲛⲧⲁⲩⲧⲥⲁⲃⲉⲉⲓⲁⲧⲛ ⲉⲃⲟⲗ ϩⲛⲧⲙⲛⲧⲉⲩⲥⲉⲃⲏⲥ . ⲧⲟⲧⲉ ⲡⲙⲁⲧⲟⲓ ⲛⲅⲉⲛⲛⲁⲓⲟⲥ ⲛⲧⲉⲡⲉⲭⲣⲓⲥⲧⲟⲥ ϩⲛⲟⲩⲙⲉ · ⲁϥⲕⲁⲁϥ ⲕⲁϩⲏⲩ ⲙⲡⲣⲙ ⲛⲁⲥ ⲙⲛⲛⲉϥϩⲃⲏⲩⲉ ⲕⲁⲧⲁⲡϣⲁϫⲉ ⲙⲡⲁⲩⲗⲟⲥ ⲡⲁⲡⲟⲥⲧⲟⲗⲟⲥ ⲉⲁϥϯϩⲓⲱⲱϥ ⲙⲡⲣⲙ ⲛⲃⲣⲣⲉ ⲡⲁⲓ ⲛⲧⲁⲩⲥⲟⲛⲧϥ ⲛϩⲏⲧϥ ⲕⲁⲧⲁⲡⲛⲟⲩⲧⲉ ϩⲓⲧⲙⲡⲃⲁⲡⲧⲓⲥⲙⲁ · ⲁϥⲟⲩⲱϣⲃ ⲛϭⲓⲡϩⲁⲅⲓⲟⲥ ϩⲛⲟⲩⲥⲙⲏ ⲙⲙⲛⲧⲣⲙⲣⲁϣ ⲙⲛⲟⲩⲙⲛⲧϫⲁⲣϩⲏⲧ · ϫⲉⲡⲉⲓⲧⲁⲉⲓⲟ ⲛⲧⲉⲓⲙⲓⲛⲉ ⲙⲁⲣⲉϥϣⲱⲡⲉ ⲛⲁⲕ · ⲁⲛⲟⲕ ⲅⲁⲣ ⲉϣϫⲉ ⲁⲓⲃⲱⲕ ⲉⲃⲟⲗ ⲉⲡⲡⲟⲗⲉⲙⲟⲥ ⲁⲓⲙⲓϣⲉ ⲁⲛⲟⲕ ⲇⲉ ⲁⲛ ⲡⲉⲛⲧⲁⲓϫⲣⲟ ⲁⲗⲗⲁ ⲡϫⲟⲉⲓⲥ · ⲡⲉⲛⲧⲁϥⲭⲁⲣⲓⲍⲉ ⲛⲁⲓ ⲙⲡϫⲟⲉⲓⲥ ·
encomium.mercurius:49
ⲁⲩⲣⲱⲙⲉ ⲛⲓⲙ ⲉⲧⲣⲡⲙϣⲁ ⲛϫⲱϩ ⲉⲡⲉⲕⲥⲱⲙⲁ · ⲉⲛⲁⲧⲟⲩϫⲟϥ ·
martyrdom.miracles.mercurius_part2:49
ⲁϥⲥⲱⲧⲙ ⲉⲧⲃⲉⲛϭⲟⲙ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥⲧⲱⲟⲩⲛ · ⲁϥϥⲓ ⲟⲩⲕⲟⲩⲓ ⲛⲉⲩⲗⲟⲅⲓⲁ · ϣⲁⲙⲁⲁⲃ ⲛϩⲟⲗⲟⲕⲟϯⲛⲟⲥ · ⲁϥⲃⲱⲕ ⲉⲡⲧⲟⲡⲟⲥ ⲙⲡⲉⲧⲟⲩⲁⲁⲃ · ⲁϥϣⲗⲏⲗ ⲁϥϯ ⲙⲡⲙⲁⲁⲃ · ⲛϩⲟⲗⲟⲕⲟϯⲛⲟⲥ · ⲙⲡⲟⲓⲕⲟⲛⲟⲙⲟⲥ ⲙⲡⲧⲟⲡⲟⲥ ·
martyrdom.miracles.mercurius_part1:49
ⲛⲧⲟϥ ⲇⲉ · ⲙⲡⲉϥⲁⲙⲉⲗⲉⲓ ⲉⲡⲧⲏⲣϥ · ⲁⲗⲗⲁ ⲁϥϩⲱⲕ ⲛⲛⲉϥϭⲁⲙⲟⲩⲗ · ⲙⲛⲟⲩⲙⲏⲏϣⲉ ⲛϫⲁⲓⲃⲉⲕⲉ · ⲙⲛⲟⲩⲛⲟϭ ⲛⲁⲛϩⲟⲗⲟⲙⲁ · ⲁϥⲥⲱⲟⲩϩ ⲉϩⲟⲩⲛ · ⲛⲟⲩⲁϣⲏ ⲛϩⲩⲗⲏ · ⲁϥⲧⲁⲁⲩ ⲉⲧⲟⲟⲧϥ ⲙⲡⲣⲱⲙⲉ ⲛϩⲏⲕⲉ · ⲉⲩⲧⲣⲉϥⲡⲁⲡⲉ ⲧⲱⲃⲉ ·
encomium.mercurius:50
ⲕⲁⲛ ϣⲱⲡⲉ ⲉⲩϩⲛⲛⲁⲛⲁⲅⲕⲏ ⲛⲓⲙ ⲛⲉⲩϩⲛⲟⲩⲇⲓⲕⲁⲥⲧⲏⲣⲓⲟⲛ · ⲛⲉⲩϩⲛⲟⲩⲙⲁ ⲛϫⲁⲉ · ⲏ ⲟⲩⲕⲓⲛⲇⲏⲛⲟⲥ ⲛⲧϩⲁⲗⲗⲁⲥⲥⲁ · ⲏ ϩⲙⲡⲉⲓⲉⲣⲟ · ⲏ ϩⲛⲟⲩϩⲱϫϩϫ · ⲛⲉϣⲧⲉⲕⲱⲟⲩ · ⲛϥⲣⲡⲙⲉⲉⲩⲉ ⲙⲡⲉⲕⲣⲁⲛ · ϩⲛⲟⲩⲡⲓⲥⲧⲓⲥ · ⲛϥⲉⲡⲓⲕⲁⲗⲉⲓ ⲙⲙⲟⲕ · ϥⲛⲁⲟⲩϫⲁⲓ ·
martyrdom.mercurius:50
ⲡⲗⲏⲛ ϫⲓ ⲛⲁⲕ ⲛⲛⲉⲕⲧⲁⲉⲓⲟ ⲛⲧϩⲉ ⲛⲧⲁⲕϫⲟⲟⲥ · ⲁⲛⲟⲕ ⲅⲁⲣ ⲛⲧⲁⲓⲉⲓ ⲉⲃⲟⲗ ϩⲛϩⲏⲧⲥ ⲛⲧⲁⲙⲁⲁⲩ ⲉⲓⲕⲏⲕⲁϩⲏⲩ ⲉⲓⲛⲁⲃⲱⲕ ⲟⲛ ⲉⲓⲕⲏⲕⲁϩⲏⲩ ·
martyrdom.miracles.mercurius_part1:50
ⲁⲩⲱ ⲁϥϯ ⲛⲁϥ ⲙⲡϩⲏⲩⲃⲉ · ⲉⲧⲣⲉϥⲥⲕⲁⲓ ⲙⲡⲕⲁϩ · ⲁⲩⲱ ⲧⲉϥⲉⲣⲭⲣⲓⲁⲁ ⲧⲏⲣⲥ ·
martyrdom.miracles.mercurius_part2:50
ⲁⲩⲱ ⲁⲛⲉⲕⲗⲏⲣⲓⲕⲟⲥ · ⲉⲓⲣⲉ ⲛⲟⲩⲛⲟϭ ⲛϣⲟⲡⲥ ⲉⲣⲟϥ · ϫⲉⲛⲉϩⲉⲛⲙⲁⲓⲣⲱⲙⲉ ⲛⲉ · ⲛⲉⲕⲗⲏⲣⲓⲕⲟⲥ ⲉⲧⲙⲙⲁⲩ · ⲗⲟⲓⲡⲟⲛ ⲁⲩⲥⲱ ⲛⲟⲩⲙⲏⲏϣⲉ ⲛⲏⲣⲡ · ⲁⲩⲱ ⲁⲩⲟⲩⲱⲙ : ⲛⲟⲩⲙⲏⲏϣⲉ ⲛϭⲓⲛⲟⲩⲱⲙ · ⲉⲩϯ ⲙⲁ ⲙⲡⲁⲣⲭⲱⲛ · ⲗⲟⲓⲡⲟⲛ ⲁⲩⲥⲩⲛϯⲭⲓⲁ · ⲉⲓ ⲉⲧⲙⲏⲏⲧⲉⲓ ·

Coptic SCRIPTORIUM, corpus mercurius (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.