Mercurius

Coptic literature (Coptic SCRIPTORIUM) · 629 sections

martyrdom.miracles.mercurius_part2:1
ⲧⲙⲉϩⲥⲁϣϥ ⲛϭⲟⲙ · ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ
martyrdom.miracles.mercurius_part1:1
ⲧⲙⲁⲣⲧⲩⲣⲓⲁ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲡⲉⲥⲧⲣⲁⲧⲏⲗⲁⲧⲏⲥ · ⲛⲧⲟϥϫⲱⲕ ⲉⲃⲟⲗ ⲙⲡⲉϥⲁⲅⲱⲛ · ⲉⲧⲁⲓⲏⲩ ⲛⲥⲟⲩϫⲟⲩⲧⲏ ⲙⲡⲉⲓⲉⲃⲟⲧ ⲁⲑⲱⲣ · ϩⲛⲟⲩⲉⲣⲏⲛⲏ ⲛⲧⲉⲡⲛⲟⲩⲧⲉ · ⲉⲣⲉⲛⲉϥⲥⲙⲟⲩ ⲉⲧⲟⲩⲁⲁⲃ · ⲉⲩⲉϣⲱⲡⲉ ⲛⲙⲙⲁⲛ ϩⲁⲙⲏⲛ ·
martyrdom.mercurius:1
ⲧⲙⲁⲣⲧⲩⲣⲓⲁ ⲛⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉⲥⲧⲣⲁⲧⲏⲗⲁⲧⲏⲥ ⲁⲩⲱ ⲡⲙⲁⲣⲧⲩⲣⲟⲥ ⲉⲧⲟⲩⲁⲁⲃ ⲙⲡⲉⲭⲣⲓⲥⲧⲟⲥ ⲛⲧⲁϥϫⲟⲕⲥ ⲉⲃⲟⲗ ϩⲣⲁⲓ ϩⲙⲡϩⲟⲟⲩ ⲛϩⲟⲟⲩ ⲉⲧⲉⲡⲉⲓ ⲡⲉⲥⲟⲩϫⲟⲧⲉ ⲙⲡⲉⲃⲟⲧ ⲁⲧϩⲱⲣ ϩⲛⲟⲩⲉⲓⲣⲏⲛⲏ ϥⲑ ·
encomium.mercurius:1
ⲟⲩⲉⲛⲕⲱⲙⲓⲟⲛ ⲉⲁϥⲧⲁⲩⲟϥ · ⲛϭⲓⲡϩⲁⲅⲓⲟⲥ ⲁⲡⲁ ⲁⲕⲁⲕⲓⲟⲥ · ⲡⲉⲡⲓⲥⲕⲟⲡⲟⲥ ⲛⲧⲕⲁⲓⲥⲁⲣⲓⲁ · ϩⲙⲡⲙⲁⲣⲧⲏⲣⲓⲟⲛ · ⲛⲧⲁⲩⲕⲟⲧϥ ⲉⲡⲣⲁⲛ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ϩⲙⲡⲉϩⲟⲟⲩ ⲙⲡⲉϥⲣⲡⲙⲉⲉⲩⲉ ⲉⲧⲟⲩⲁⲁⲃ · ⲉⲧⲉⲥⲟⲩϫⲟⲩⲧⲉ ⲡⲉ ⲙⲡⲉⲃⲟⲧ ⲁⲑⲱⲣ · ⲉⲁϥⲉⲅⲱⲙⲓⲁⲍⲉ ⲛϩⲁϩ ⲛϭⲟⲙ · ϩⲓϣⲡⲏⲣⲉ · ⲁⲩϣⲱⲡⲉ ⲉⲃⲟⲗ ϩⲓⲧⲟⲟⲧϥ ⲙⲡⲙⲁⲣⲧⲏⲣⲟⲥ ⲉⲧⲟⲩⲁⲁⲃ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϩⲛⲟⲩⲉⲓⲣⲏⲛⲏ ⲛⲧⲉⲡⲛⲟⲩⲧⲉ · ⲉⲣⲉⲛⲉϥⲥⲙⲟⲩ ⲉⲧⲟⲩⲁⲁⲃ ⲉⲩⲉϣⲱⲡⲉ ⲛⲙⲙⲁⲛ ⲧⲏⲣⲛ ϩⲓⲟⲩⲥⲟⲡ · ϩⲁⲙⲏⲛ ·
martyrdom.mercurius:2
ϩⲙⲡⲉⲟⲩⲟⲉⲓϣ ⲛⲇⲉⲕⲓⲟⲥ ⲙⲛⲟⲩⲁⲗⲉⲣⲓⲁⲛⲟⲥ ⲉⲩⲟ ⲛⲣⲣⲟ ϩⲛⲧⲛⲟϭ ⲙⲡⲟⲗⲓⲥ ϩⲣⲱⲙⲏ · ⲁⲩⲕⲱ ⲉϩⲣⲁⲓ ⲛⲟⲩⲇⲓⲁⲧⲁⲅⲙⲁ ⲙⲛⲟⲩϣⲟϫⲛⲉ ⲛⲟⲩⲱⲧ ϩⲱⲥⲧⲉ ⲉⲧⲣⲉⲟⲩⲟⲛ ⲛⲓⲙ ϩⲙⲙⲁ ⲛⲓⲙ · ⲑⲩⲥⲓⲁⲍⲉ ⲛⲛⲛⲟⲩⲧⲉ ⲛⲥⲉ‐ⲟⲩⲱⲧⲛ ⲛⲁⲩ ⲉⲃⲟⲗ ·
encomium.mercurius:2
ⲁⲗⲏⲑⲱⲥ ⲁⲡⲟⲩⲟⲉⲓⲛ ϣⲁⲛⲉⲛⲇⲓⲕⲁⲓⲟⲥ · ⲙⲡⲉⲓϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲕⲁⲧⲁ.... ⲁϥϫⲱⲡⲉϩⲓⲉⲣⲟⲩⲯⲁⲗⲧⲏⲥ · ⲁⲩⲱ ⲡⲉⲓⲱⲧ ⲙⲡⲉⲭⲣⲓⲥⲧⲟⲥ · ⲕⲁⲧⲁⲥⲁⲣⲝ · ⲡⲣⲣⲟ ⲛⲇⲓⲕⲁⲓⲟⲥ · ⲡϩⲩⲙⲛⲟⲇⲟⲥ ⲇⲁⲩⲉⲓⲇ ·
martyrdom.miracles.mercurius_part2:2
ⲥⲱⲧⲙ ⲟⲛ · ⲉⲧⲉⲕⲉⲛⲟϭ ⲛϣⲡⲏⲣⲉ · ⲱ ⲛⲁⲙⲉⲣⲁⲧⲉ · ⲟⲩⲉⲟⲟⲩ ⲙⲡⲛⲟⲩⲧⲉ · ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ·
martyrdom.miracles.mercurius_part1:2
ⲁⲥϣⲱⲡⲉ ⲇⲉ · ϩⲛⲧⲙⲉϩⲙⲛⲧⲥⲛⲟⲟⲩⲥ ⲛⲣⲟⲙⲡⲉ ⲛⲇⲉⲕⲓⲟⲥ ⲡⲣⲣⲟ · ⲟⲩⲁⲗⲗⲏⲣⲓⲁⲛⲟⲥ · ⲙⲛⲙⲁⲝⲓⲙⲓⲁⲛⲟⲥ · ⲉϥⲟ ⲛⲕⲁⲓⲥⲁⲣ · ⲁⲩⲱ ⲛⲁⲩⲧⲱⲕⲣⲁⲧⲱⲣ · ⲁϥⲛⲉϩⲥⲉ ⲛⲟⲩⲇⲓⲱⲕⲙⲟⲥ ⲉ ⲧⲏⲣⲟⲩ · ⲙⲛⲟⲩⲟⲛ ⲛⲓⲙ ⲉⲧϩⲟⲙⲟⲗⲟⲅⲉⲓ ⲙⲡⲉⲭⲣⲓⲥⲧⲟⲥ ·
martyrdom.mercurius:3
ⲁⲩⲱ ⲁⲩⲙⲟⲩⲧⲉ ⲉⲛⲥⲩⲅⲕⲗⲏϯⲕⲟⲥⲧⲏⲣⲟⲩ · ⲁⲩⲕⲱ ⲛⲁⲩ ⲉϩⲣⲁⲓ ⲛⲛⲉⲛⲧⲁⲩⲙⲉⲉⲩⲉ ⲉⲣⲟⲟⲩ ϩⲙⲡⲉⲓϣⲟϫⲛⲉ ⲛⲟⲩⲱⲧ · ⲁⲩⲱ ⲁⲩϩⲉ ⲉⲣⲟⲟⲩ ⲉⲩⲟ ⲛⲟⲩϩⲏⲧ ⲛⲟⲩⲱⲧ ⲛⲙⲙⲁⲩ ⲁⲩⲣⲁϣⲉ ⲉⲙⲁⲧⲉ ⲉⲩϫⲱ ⲙⲙⲟⲥ ϫⲉⲧⲛϣⲡϩⲙⲟⲧ ⲛⲧⲛⲛⲛⲟⲩⲧⲉ ⲛⲁⲧⲙⲟⲩ ⲛⲁⲓⲛⲧⲁⲩϭⲱⲗⲡ ⲉⲃⲟⲗ · ⲛⲧⲉⲓⲅⲛⲱⲙⲏ ⲛⲟⲩⲱⲧ · ⲁⲩⲱ ϩⲛⲧⲉⲓⲟⲩⲛⲟⲩ ⲉⲧⲙⲙⲁⲩ ·
martyrdom.miracles.mercurius_part1:3
ⲁϥⲧⲱϭⲉ ⲉⲃⲟⲗ ⲛⲟⲩⲇⲓⲁⲧⲁⲅⲙⲁ ⲕⲁⲧⲁⲡⲟⲗⲓⲥ · ⲁⲩⲱ ⲕⲁⲧⲁⲭⲱⲣⲁ · ⲁⲩⲱ ⲕⲁⲧⲁⲉⲡⲁⲣⲭⲓⲁ · ⲉⲧⲣⲉⲅⲉⲛⲟⲥ ⲛⲓⲙ ⲛⲣⲱⲙⲉ ϩⲓⲗⲩ..ⲉϥⲉⲑⲩⲥⲓⲁⲍⲉ . ⲛⲛⲟⲩⲧⲉ .... ... ⲏ ⲁⲩϣⲱⲡⲉ ϩⲛⲧⲟⲓⲕⲟⲩⲙⲉⲛⲏ ⲧⲏⲣⲥ · ⲙⲡⲉⲓⲟⲩⲟⲉⲓϣ ⲉⲧⲙⲙⲁⲩ ·
martyrdom.miracles.mercurius_part2:3
ⲁⲥϣⲱⲡⲉ ⲇⲉ ⲛⲧⲉⲣⲟⲩⲥⲙⲓⲛⲉ · ⲙⲡⲧⲟⲡⲟⲥ ⲕⲁⲗⲟⲥ · ϩⲙⲙⲛⲧⲥⲁⲏ ⲛⲓⲙ · ⲁⲩⲥⲙⲓⲛⲉ ⲉⲣⲟϥ · ⲛⲟⲩⲅⲁⲅⲉⲗⲟⲥ ⲛϣⲉ : ⲛϣⲟⲩⲉⲃⲉ ·
encomium.mercurius:3
ⲉϥⲱϣ ⲉⲃⲟⲗ · ⲉϥⲱϣ ⲉⲃⲟⲗ · ϩⲛⲧⲉϥⲥⲙⲏ ⲉⲧⲛⲟⲧⲙ · ⲉϥϫⲱ ϩⲛⲧⲉϥⲕⲓⲑⲁⲣⲁ ϩⲙⲡⲗⲁⲕⲧⲣⲟⲛ · ⲉⲧⲛⲧⲟⲟⲧϥ · ⲉϥϫⲱ ⲙⲙⲟⲥ · ϫⲉⲁⲡⲟⲩⲟⲉⲓⲛ ϣⲁⲛⲧⲛⲇⲓⲕⲁⲓⲟⲥ ·
encomium.mercurius:4
ⲁⲩⲱ ⲟⲛ · ϫⲉⲁⲡⲟⲩⲟⲉⲓⲛ ϣⲁϩⲙⲡⲕⲁⲕⲉ · ⲉⲛⲛⲉⲧⲥⲟⲩⲧⲱⲛ ϩⲙⲡⲉⲩϩⲏⲧ ·
martyrdom.mercurius:4
ⲁⲩⲟⲩⲉϩⲥⲁϩⲛⲉ ⲉⲕⲱ ⲉϩⲣⲁⲓ ⲛⲟⲩⲇⲟⲅⲙⲁ ⲉϥⲥⲏϩ ⲛⲧⲉⲓϩⲉ ϩⲛⲟⲩⲥϩⲁⲓ ⲛⲧⲉⲡⲣⲣⲟ ⲉϥⲥⲏϩ ⲙⲡⲉⲓⲧⲩⲡⲟⲥ .
martyrdom.miracles.mercurius_part1:4
ⲛⲁⲓ ⲛⲉ ⲉⲧⲥⲏϩ ⲉⲡⲉⲓⲡⲣⲟⲥⲧⲁⲅⲙⲁ · ⲇⲉⲕⲓⲟⲥ ⲟⲩⲁⲗⲉⲣⲓⲁⲛⲟⲥ ⲙⲁⲝⲉⲛⲧⲓⲟⲥ ⲡⲛⲟϭ ⲛⲣⲣⲟ ⲛⲁⲩⲧⲱⲕⲣⲁⲧⲱⲣ · ⲉⲧⲁⲙⲁϩⲧⲉ ⲉϫⲛⲧⲟⲓⲕⲟⲩⲙⲉⲛⲏ ⲧⲏⲣⲥ · ⲛⲥϩⲁⲓ ⲉⲃⲟⲗ ϩⲛⲧⲟⲓⲕⲟⲩⲙⲉⲛⲏ · ⲙⲛⲛⲉⲭⲱⲣⲁ · ⲙⲛⲛⲉⲡⲁⲣⲭⲓⲁ · ⲉⲧϣⲱⲡⲉ ⲛⲁⲙⲁϩⲧⲉ ..... ⲇⲉ ⲁⲛⲟⲡϥ ... ⲛⲁⲅⲕⲁⲓ...ⲟⲛ ϯ....ⲃⲓⲕⲧⲱⲣⲓⲁⲧⲁ..ⲛⲛⲟⲩⲧⲉ ⲉⲧⲧⲁⲓⲏⲟⲩⲟⲩⲟⲛϩⲟⲩ ⲉⲣⲟⲛ · ⲛⲧϩⲉ ⲉⲧⲟⲩⲣⲟⲟⲩϣ ϩⲁⲣⲟⲛ ϩⲓⲧⲛⲧⲉⲩⲡⲣⲟϩⲉⲣⲉⲥⲓⲥ ⲉⲧⲛⲁⲛⲟⲩⲥ · ⲙⲁⲗⲓⲥⲧⲁ ⲧⲛⲟϭ ⲛⲃⲓⲕⲧⲱⲣⲓⲁ ⲙⲡⲉⲓϫⲣⲟ · ⲉⲧⲟⲩϯ ⲙⲙⲟⲥ ⲛⲁⲛ ϩⲙⲡⲡⲟⲗⲉⲙⲟⲥ · ⲉⲩⲛⲟⲩϩⲙ ⲙⲙⲟⲛ ⲛⲧⲟⲟⲧⲟⲩ ⲛⲉⲛϫⲁϫⲉ · ⲉⲧⲧⲱⲟⲩⲛ ⲉϫⲱⲛ ⲕⲁⲧⲁⲕⲁⲓⲣⲟⲥ ⲉⲧⲣⲉⲡⲁⲙⲁϩⲧⲉ ⲛⲛⲉϩⲣⲱⲙⲁⲓⲟⲥ ϫⲓⲉⲉⲟⲟⲩ · ϩⲙⲙⲁ ⲛⲓⲙ · ⲉⲣⲉⲛⲃⲁⲣⲃⲁⲣⲟⲥ ϩⲩⲡⲟⲧⲁⲥⲥⲉ ⲛⲁⲛ ⲁⲛⲟ....
martyrdom.miracles.mercurius_part2:4
ⲉⲃⲟⲗ ϫⲉⲉⲣⲉϣⲟⲙⲧ ⲛⲛⲟϭ ⲛϣⲟⲩⲉⲃⲉ ⲛⲧⲉⲥⲥϩⲙⲉ ⲛⲧⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ϯⲡⲟⲩⲟⲉⲓⲛ ⲛⲁⲥ · ⲛⲧⲁⲡⲉⲥⲙⲁⲕⲁⲣⲓⲟⲥ ⲛϩⲁⲓ ϯⲡⲟⲩⲧⲟϣ · ⲙⲡⲁⲧϥⲙⲟⲩ · ⲉⲥⲙⲛⲧⲟⲩ ⲛⲟⲩⲛⲟϭ ⲛⲕⲓⲛⲃⲏⲗ ·
encomium.mercurius:5
ⲡⲉϫⲉⲡⲉⲭⲣⲓⲥⲧⲟⲥ ϩⲱϥ ϩⲙⲡⲉⲩⲁⲅⲅⲉⲗⲓⲟⲛ · ϫⲉⲧⲟⲧⲉ ⲛⲇⲓⲕⲁⲓⲟⲥ ⲛⲁⲣⲟⲩⲟⲉⲓⲛ · ⲛⲧϩⲉ ⲙⲡⲣⲏ ϩⲛⲧⲙⲛⲧⲣⲣⲟ ⲙⲡⲉⲩⲉⲓⲱⲧ ·
martyrdom.miracles.mercurius_part2:5
ⲗⲟⲓⲡⲟⲛ ⲁⲡⲛⲟⲩⲧⲉ · ⲁⲛⲟⲩⲧⲉ ϭⲓ ⲙⲡⲉϥϣⲓⲛⲉ · ⲕⲁⲧⲁⲡⲧⲟϣ ⲛⲣⲱⲙⲉ ⲛⲓⲙ · ⲁϥⲙⲟⲩ · ⲁϥⲕⲁⲟⲩⲙⲏⲏϣⲉ · ⲛⲕⲧⲏⲥⲓⲥ ⲛⲁⲥ ·
martyrdom.miracles.mercurius_part1:5
[...]
martyrdom.mercurius:5
ⲇⲉⲕⲓⲟⲥ ⲙⲛⲟⲩⲁⲗⲉⲣⲓⲁⲛⲟⲥ ⲛⲣⲣⲣⲱⲟⲩ ⲛⲁⲩⲧⲱⲕⲣⲁⲧⲱⲣ ⲁⲩⲱ ⲛⲉⲩⲥⲉⲃⲏⲥ · ⲙⲛⲛⲥⲩⲅⲕⲗⲏϯⲅⲟⲥ ⲧⲏⲣⲟⲩ ⲛϩⲣⲱⲙⲏ · ⲉⲩⲥϩⲁⲓ ⲛⲛⲉⲧⲟⲩⲏϩ ϩⲙⲙⲁ ⲛⲓⲙ · ⲁⲛⲟⲡϥ ϫⲉⲟⲩⲁⲛⲁⲅⲕⲁⲓⲟⲛ ⲡⲉ ⲉⲧⲣ ⲛⲧⲁⲙⲱⲧⲛ · ⲉⲛⲉⲧⲉⲣⲁⲛⲁⲛ ⲙⲡⲉⲛⲙⲧⲟ ⲉⲃⲟⲗ ·
martyrdom.miracles.mercurius_part2:6
ⲧⲟⲧⲉ ⲁⲩⲥⲙⲓⲛⲉ ⲛⲧϩⲁⲯⲓⲥ ⲛϣⲟⲩⲉⲃⲉ ⲉⲛⲁⲛⲁⲛⲟⲩϥ ⲉⲙⲁⲧⲉ ·
martyrdom.mercurius:6
ⲉⲡⲉⲓⲇⲏ ϩⲁⲧϩⲏ ⲛⲟⲩⲛⲟϭ ⲛⲟⲩⲟⲉⲓⲉⲓϣ ⲁⲛϩⲉ ⲉⲣⲟⲥ · ϫⲉⲛⲛⲟⲩⲧⲉ ⲛⲛⲉⲛⲉⲓⲟⲧⲉ ⲉⲧⲧⲁϩⲟ ⲉⲣⲁⲧⲥ · ⲛⲧⲉⲛⲙⲛⲧⲣⲣⲟ · ⲁⲩⲱ ⲉⲧⲭⲁⲣⲓⲍⲉ ⲙⲡⲉⲧⲛⲁⲛⲟⲩϥ ⲛⲟⲩⲟⲛ ⲛⲓⲙ · ⲉⲧϩⲁⲡⲉⲛⲁⲙⲁϩⲧⲉ · ⲉⲛⲥⲟⲟⲩⲛ ⲛⲛⲉⲩⲙⲛⲧⲣⲉϥⲣⲡⲉⲛⲛⲁⲛⲟⲩϥ · ⲙⲛⲛⲉⲩⲇⲱⲣⲉⲁ · ⲕⲁⲧⲁⲧϩⲉ ⲛⲧⲁⲩϫⲟⲟⲥ ⲙⲁⲗⲗⲟⲛ ⲇⲉ ⲁⲛⲁⲡⲟⲗⲁⲩⲉ ⲙⲡⲉϫⲣⲟ ⲉⲃⲟⲗ ϩⲓⲧⲟⲟⲧⲟⲩ ⲉϫⲛⲛϩⲉⲑⲛⲟⲥ ⲧⲏⲣⲟⲩ . ⲟⲩⲙⲟⲛⲟⲛ ⲇⲉ ⲁⲗⲗⲁ ⲁⲩⲭⲱⲣⲏⲅⲉⲓ ⲛⲁⲛ ⲛϩⲉⲛⲕⲁⲣⲡⲟⲥ ⲉⲩⲟϣ ϩⲓⲧⲛⲧⲉⲕⲣⲁⲥⲓⲥ ⲙⲡⲁⲏⲣ · ⲉⲧⲃⲉⲡⲁⲓ ⲁⲛⲕⲱ ⲉϩⲣⲁⲓ ⲙⲡⲓⲇⲟⲅⲙⲁ ⲛⲟⲩϣⲟϫⲛⲉ ⲛⲟⲩⲱⲧ ⲁⲛⲟⲛ ⲙⲛⲛⲥⲩⲅⲕⲗⲏϯⲕⲟⲥ ⲧⲏⲣⲟⲩ ϩⲛⲟⲩⲛⲟϭ ⲛⲥⲡⲟⲩⲇⲏ ϩⲱⲥⲧⲉ ⲉⲧⲣⲉⲟⲩⲟⲛ ⲛⲓⲙ ϩⲙⲙⲁ ⲛⲓⲙ · ⲛⲣⲙϩⲉ ⲙⲛⲛϩⲙϩⲁⲗ · ⲙⲙⲁⲧⲟⲓ ⲙⲛⲙⲡⲁⲅⲁⲛⲟⲥ ⲉⲧⲣⲉⲩⲉⲓⲛⲉ ⲉϩⲟⲩⲛ · ⲛϩⲉⲛⲑⲩⲥⲓⲁ · ⲛⲛⲛⲟⲩⲧⲉ ⲛⲥⲉⲟⲩⲱⲧⲛ ⲛⲁⲩ ⲉⲃⲟⲗ · ϩⲉⲛⲧⲱⲃϩ · ⲙⲛϩⲉⲛⲥⲟⲡⲥⲡ ·
martyrdom.miracles.mercurius_part1:6
ⲛⲁⲡⲁⲓⲇⲉⲩⲉ ⲙⲙⲟⲕ ·
encomium.mercurius:6
ⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ... ⲕⲛⲁⲩ ⲉ... ⲛⲁⲡⲉⲣⲁⲛⲧⲟⲛ ϫⲉⲛⲉⲕⲱ : ⲛϩⲗⲗⲏⲛ ⲙⲡⲁⲧⲕⲥⲟⲩⲛ ⲡⲉⲭⲣⲓⲥⲧⲟⲥ ⲕⲁⲗⲟⲥ ·
martyrdom.miracles.mercurius_part1:7
ⲛⲧⲉⲩⲛⲟⲩ ⲁϥⲉⲓ · ϫⲉⲉϥⲛⲁϥⲟϭϥ ⲉⲃⲟⲗ · ϩⲓϫⲛⲡⲧⲃⲛⲏ · ϫⲉⲉϥⲛⲁϩⲓⲟⲩⲉ ⲉⲡⲣⲱⲙⲉ · ⲛⲁⲣⲕⲁⲧⲏⲥ ⲛϩⲏⲕⲉ ·
martyrdom.mercurius:7
ⲉⲣϣⲁⲛⲟⲩⲁ ⲇⲉ ϩⲓⲧⲟⲟⲧϥ ⲉⲧⲥⲧⲟ ⲉⲃⲟⲗ ⲙⲡⲛⲧⲟⲅⲙⲁ ⲉⲧⲟⲩⲁⲁⲃ ⲛⲧⲁⲛⲕⲉⲗⲉⲩⲉ ⲙⲙⲟϥ ϩⲛⲟⲩϣⲟϫⲛⲉ ⲛⲟⲩⲱⲧ · ⲡⲉⲛⲕⲣⲁⲧⲟⲥ ⲕⲉⲗⲉⲩⲉ ⲉⲉⲧⲡⲡⲁⲓ ⲛⲧⲉⲓⲙⲓⲛⲉ ⲉϩⲟⲩⲛ · ⲉⲩⲉϣⲧⲉⲕⲟ ⲛⲕⲁⲕⲉ ⲛⲥⲉⲡⲁⲣⲁⲇⲓⲇⲟⲩ ⲙⲙⲟϥ ⲛϩⲉⲛⲃⲁⲥⲁⲛⲟⲥ ⲉⲩⲛⲁϣⲧ ·
martyrdom.miracles.mercurius_part2:7
ⲁⲩⲱ ⲛⲧⲏⲣⲟⲩⲥⲱⲟⲩϩ · ⲛⲙⲙⲏⲏϣⲉ ⲧⲁⲗⲟⲥ ⲉϩⲣⲁⲓ · ⲛⲕⲟⲩⲓ ⲇⲉ ⲛⲁⲉⲣⲅⲁⲧⲏⲥ · ⲡⲉϫⲁⲩ ⲛⲛⲉⲩⲉⲣⲏⲩ ⲛⲧϩⲉ ⲛⲉⲧⲥⲱⲃⲉ · ϩⲁⲙⲟⲓ ⲉϣⲱⲡⲉ ⲉⲡϩⲏⲧ · ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲧⲏⲧ ⲛⲙⲙⲁⲛ · ⲉⲕⲱⲧ ⲉⲣⲟϥ ⲛⲟⲩⲙⲁⲣⲧⲩⲣⲓⲟⲛ · ⲛϥⲧⲣⲉⲧⲉϩⲁⲯⲓⲥ ⲛϣⲟⲩⲉⲃⲉ ⲧⲁⲩⲟ · ⲅⲁⲣⲡⲟⲥ ⲉϥⲱⲧⲡ · ⲉϣϫⲉ ⲉϥⲣⲏⲧ ⲛⲧⲛⲟⲩⲱⲙ ⲛϩⲏⲧϥ ·
encomium.mercurius:7
ⲁⲩⲱ ⲛⲧⲉⲣⲉϥϩⲟⲕϥ · ⲛⲉϥⲃⲱⲕ ⲉⲃⲟⲗ ⲉⲡⲡⲟⲗⲉⲙⲟⲥ ⲛⲃⲁⲣⲃⲁⲣⲟⲥ ·
encomium.mercurius:8
ⲉϥϩⲓⲧϩⲏ ⲇⲉ ⲛⲇⲓⲕⲁⲓⲟⲥ ⲡⲣⲣⲟ ⲛⲁⲛⲟⲙⲟⲥ ϩⲱⲥ ⲡⲟⲗⲩⲙⲁⲣⲭⲏⲥ ·
martyrdom.miracles.mercurius_part1:8
ⲁⲩⲱ ⲛⲧⲉⲩⲛⲟⲩ ⲁⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲕⲓⲙ ⲙⲙⲟϥ · ⲛϩⲟⲩⲛ ⲛⲧⲕⲁⲓⲥⲉ · ⲁⲧⲙⲟⲩⲗⲉⲥ · ⲉⲧϥⲧⲁⲗⲏⲩ ⲉⲣⲟⲥ · ⲃⲱⲕ ⲥⲁⲡⲁϩⲟⲩ : ⲁⲧⲉϥⲟⲩⲉⲣⲏⲧⲉ ⲛⲟⲩⲱⲧ ⲉϣⲉ ⲉϩⲣⲁⲓ ϩⲛⲧⲥⲗⲗⲉ ⲙⲡⲉⲧⲙⲟⲩⲗⲓⲥ ⲗⲟ ⲉⲥⲡⲏⲧ : ⲛⲙⲙⲁϥ ⲉϥⲁϣⲉ ⲛⲥⲁ......ⲉⲧ ...... ⲛⲃⲗⲗⲉ
martyrdom.miracles.mercurius_part2:8
ϩⲛⲟⲩϣⲥⲛⲉ ⲇⲉ · ϩⲟⲥⲟⲛ ⲉⲣⲉⲡϣⲁϫⲉ ⲛⲏⲩ ⲉⲃⲟⲗ ϩⲛⲣⲱⲟⲩ · ⲁⲡϣⲉ ⲧⲁⲩⲟ ⲉⲃⲟⲗ ⲛϩⲉⲛⲕⲗⲁⲇⲟⲥ ⲉϥⲱⲧⲡ : ⲛⲇⲏⲅⲉⲓ ⲉⲛⲁⲛⲟⲩϥ ⲉϥⲗⲏⲕ ·
martyrdom.mercurius:8
ⲡⲉⲧⲛⲁⲥⲱⲧⲙ ⲇⲉ ⲛⲥⲁⲡⲉⲛⲡⲣⲟⲥⲧⲁⲅⲙⲁ ϥⲛⲁϫⲓ ⲉⲃⲟⲗ ϩⲓⲧⲟⲟⲧⲛ ⲛⲟⲩⲛⲟϭ ⲛⲧⲁⲉⲓⲟ ·
martyrdom.miracles.mercurius_part1:9
ⲁⲧⲙⲟⲩⲗⲉⲥ · ϫⲓ ⲛⲟⲩⲥⲙⲏ ⲛⲣⲱⲙⲉ · ⲁⲥⲱϣ ⲉⲃⲟⲗ ⲉⲥϫⲱ ⲙⲙⲟⲥ · ϫⲉⲱ ⲣⲱⲙⲉ ⲉⲧⲥⲱⲣⲙ · ⲁⲩⲱ ⲛϩⲗⲗⲏⲛ · ⲛⲁⲓ ⲛⲧⲁⲡⲉⲟⲩⲱϭⲡ ⲙⲡⲉⲩⲛⲟⲩⲧⲉ ⲛⲧⲉⲩϣ. · ⲁⲙⲏⲓⲧⲉⲛ ⲉⲃⲟⲗ · ⲛⲧⲉⲧⲛⲛⲁⲩ ⲉⲡⲙⲁⲣⲧⲩⲣⲟⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲙⲛⲇⲏⲙⲣⲓⲁⲙⲡⲉⲧⲛϣⲏⲣⲉ · ⲛⲧⲉⲧⲛⲡⲓⲥⲧⲉⲩⲉ ⲉⲓⲥ ⲡⲉⲭⲣⲓⲥⲧⲟⲥ · ⲡⲛⲟⲩⲧⲉ ⲛⲧⲡⲉ ⲙⲛⲡⲕⲁϩ ·
martyrdom.miracles.mercurius_part2:9
ⲁⲩⲱ ⲛⲧⲉⲣⲟⲩⲛⲁⲩ ⲛϭⲓⲙⲏⲏϣⲉ · ⲉⲡⲉⲛⲧⲟϥϣⲱⲡⲉ · ⲁⲩⲱϣ ⲉⲃⲟⲗ ϩⲛⲟⲩⲛⲟϭ ⲛⲥⲙⲏ · ⲉⲩϯⲉⲟⲟⲩ ⲙⲡⲛⲟⲩⲧⲉ ⲙⲛⲡⲉϥⲙⲁⲣⲧⲩⲣⲟⲥ ⲉⲧⲟⲩⲁⲁⲃ · ⲡⲁⲓ ⲉⲓⲧⲉ ⲉⲓⲣⲉ ⲛⲛⲉϭⲟⲙ · ⲙⲛⲛⲉⲓϣⲡⲏⲣⲉ · ⲉⲛⲁϣⲱⲟⲩ ·
encomium.mercurius:9
ⲉϥⲁⲙⲁϩⲧⲉ ⲛⲉⲛⲥⲟⲧⲉ ⲛⲕⲗⲟⲉϥⲛⲁϣⲱϭⲉⲛ ⲛⲃⲁⲣⲃⲁⲣⲟⲥ ⲛϩⲏⲧⲟⲩ ·
martyrdom.mercurius:9
ⲉϥϣⲁⲛⲣⲁⲧⲥⲱⲧⲙ ⲇⲉ ⲛⲥⲱⲛ ⲙⲛⲡⲉⲛⲧⲟⲅⲙⲁ ⲉⲩⲉⲡⲁⲣⲁⲇⲓⲇⲟⲩ ⲙⲙⲟϥ ⲛϯϯⲙⲟⲣⲓⲁ ⲛⲧⲥⲏϥⲉ · ⲏ ⲙⲙⲟⲩ ⲛⲉⲓⲟⲟⲩⲉ · ⲏ ⲛⲥⲉⲧⲁⲁϥ ⲛϩⲣⲉ ⲛⲛⲉⲑⲏⲣⲓⲟⲛ ⲙⲛⲛϩⲁⲗⲁⲧⲉ ·
martyrdom.miracles.mercurius_part2:10
ⲁⲩⲱ ⲁⲩⲉⲓⲛⲉ ⲉⲃⲟⲗ ϩⲛⲛⲅⲁⲣⲡⲟⲥ · ⲛϩⲟⲓⲛⲉ ⲛⲥⲡⲟⲩⲇⲁⲟⲥ · ⲁⲩⲕⲁⲁⲩ ⲛⲧⲟⲟⲧⲟⲩ ϩⲛ ⲛⲉⲩⲏⲓ : ϩⲱⲥ ⲫⲩⲗⲁⲕⲧⲏⲣⲓⲟⲛ ·
martyrdom.miracles.mercurius_part1:10
ⲁⲩⲱ ⲟⲛ ⲁⲧⲙⲟⲩⲗⲉⲥ ⲡⲱⲧ ⲛⲙⲙⲁϥ ⲁⲩⲱ ⲙⲡ... ⲉⲥⲕⲱⲧ .....
encomium.mercurius:10
ⲡⲁⲅⲅⲉⲗⲟⲥ ⲇⲉ ⲙⲡϫⲟⲉⲓⲥ · ⲁϥⲉⲓ ⲉⲡⲉⲥⲏⲧ ⲉⲃⲟⲗ ϩⲛⲧⲡⲉ · ⲁϥⲧⲁⲁⲧ ⲉⲛⲧⲥⲏϥⲉ ⲛⲁϥ · ϫⲉⲟϫⲛ ⲛⲛⲃⲁⲣⲃⲁⲣⲟⲥ ......ⲧⲁ...ⲧ ⲉϣϣⲉ ⲡⲉ ⲉⲧⲣⲉⲛⲟⲩⲟⲛϩ ⲉⲃⲟⲗ · ⲛⲟⲩⲛⲟϭ ⲛⲇⲓⲁⲑⲉⲥⲓⲥ ⲉϩⲟⲩⲛ ⲉⲣⲟⲟⲩ · ⲛⲧⲛϯ ⲛⲟⲩⲧⲁⲉⲓⲟ ⲛⲁⲩ · ⲙⲛⲟⲩⲉⲟⲟⲩ ⲕⲁⲧⲁⲡⲉⲩⲙⲡϣⲁ · ϩⲛϩⲉⲛⲥⲡⲟⲇⲏ ⲙⲛϩⲉⲛⲑⲩⲥⲓⲁ · ⲕⲁⲧⲁ ⲙⲡⲉⲧⲛⲁⲛⲟⲩϥ · ⲛⲧⲁⲩⲁⲁⲩ ⲛⲁⲛ ⲛϣⲟⲣⲡ ·
martyrdom.mercurius:10
ⲛϩⲟⲩⲟ ⲇⲉ ⲛⲉⲭⲣⲓⲥⲧⲓⲁⲛⲟⲥ ⲉⲩⲉϣⲱⲡⲉ ϩⲁϯⲁⲡⲟⲫⲁⲥⲓⲥ ⲛⲧⲉⲓⲙⲓⲛⲉ ·
martyrdom.miracles.mercurius_part1:11
ⲱⲟⲩⲏⲣ ⲱ ⲧⲉϣϣⲡⲏⲣⲉ ⲙⲛⲧⲉⲑⲉⲱⲣⲓⲁ ⲛⲧⲁⲥϣⲱⲡⲉ ⲙⲡⲉϩⲟⲟⲩ ⲉⲧⲙⲙⲁⲩ ·
martyrdom.miracles.mercurius_part2:11
ⲱ ϫⲉⲟⲩⲏⲣ ⲛⲛⲧⲁⲗϭⲟ ⲛⲧⲁⲩϣⲱⲡⲉ ϩⲛⲛⲅⲁⲣⲡⲟⲥ ⲉⲧⲙⲙⲁⲩ · ⲁⲙⲙⲏⲏϣⲉ ⲟⲩⲱⲙ · ⲁⲩⲥⲉⲓ ⲁⲩⲉⲩⲭⲁⲣⲓⲥⲧⲟⲩ ⲙⲡⲛⲟⲩⲧⲉ · ⲙⲛⲡⲉϥⲙⲁⲣⲧⲩⲣⲟⲥ ⲉⲧⲟⲩⲁⲁⲃ · ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ·
martyrdom.mercurius:11
ⲛⲉⲧⲛⲁⲥⲱⲧⲙ ⲇⲉ ϩⲱⲟⲩ ⲛⲥⲁⲡⲉⲛⲇⲟⲅⲙⲁ ⲉϥⲉϣⲱⲡⲉ ⲉϥⲟⲛϩ ϩⲛⲟⲩⲙⲛⲧⲙⲁⲕⲁⲣⲓⲟⲥ ·
encomium.mercurius:11
ⲧⲛⲟⲩⲉϩⲥⲁϩⲛⲉ ⲉⲧⲣⲉⲩⲟⲩⲱⲛ ⲛⲛⲣⲟ ⲛⲛⲣⲡⲏⲩⲉ ⲧⲏⲣⲟⲩ · ⲕⲁⲧⲁⲡⲟⲗⲓⲥ · ⲁⲩⲱ ⲕⲁⲧⲁϯⲙⲉ · ϫⲓϯϩⲣⲱⲙⲁⲛⲓⲁ ϣⲁⲣⲏⲥ ⲉⲡⲓⲗⲁⲕ · ⲙⲛⲛⲓϭⲟⲟϣ · ⲛⲥⲉⲧⲁⲗⲉⲗⲓⲃⲁⲛⲟⲥ ⲉϩⲣⲁⲓ ⲛⲛⲛⲟⲩⲧⲉ ⲉⲧⲁⲓⲏⲩ · ⲛⲥⲉⲉⲓⲣⲉⲛⲉⲩϣⲙϣⲉ ϩⲛⲟⲩⲛⲟϭ ⲛⲥⲡⲟⲩⲇⲏ ·
martyrdom.miracles.mercurius_part1:12
ⲙⲡⲉⲟⲩⲣⲱⲙⲉ ⲛⲟⲩⲱⲧ ϭⲱϩ ⲛⲧⲡⲟⲗⲓⲥ ⲧⲏⲣⲥ · ⲉⲓⲧⲉ .ⲡ · ⲉⲓⲧⲉ ⲛⲟϭ · . ⲛⲧⲟⲩⲉⲓ ⲉⲣⲁⲧϥ · ⲙⲡⲙⲁⲣⲧⲩⲣⲟⲥ ⲉⲧⲟⲩⲁⲁⲃ : ϩⲱⲥⲧⲉ ⲉⲩϩⲣⲁ : ⲛⲥⲱⲟⲩ ϩⲓⲧⲛⲟⲩⲉⲝⲟⲩⲥⲓⲁ ·
martyrdom.mercurius:12
ⲛⲧⲉⲣⲟⲩⲧⲱϭⲉ ⲇⲉ ⲉⲃⲟⲗ ⲙⲡⲉⲡⲣⲟⲥⲧⲁⲅⲙⲁ ⲙⲡⲣⲣⲟ · ⲁⲧⲡⲟⲗⲓⲥ ⲧⲏⲣⲥ ϩⲣⲱⲙⲏ ⲙⲟⲩϩ ⲛϣⲧⲟⲣⲧⲣⲟⲓϩⲟⲧⲉ ⲟⲩⲙⲟⲛⲟⲛ ⲇⲉ ⲁⲗⲗⲁ ⲛⲕⲉⲡⲟⲗⲓⲥ ⲧⲏⲣⲟⲩ ⲁⲩϣⲧⲟⲣⲧⲣ · ⲉⲃⲟⲗ ϫⲉⲁⲩⲧⲛⲛⲟⲟⲩ ϣⲁⲣⲟⲟⲩ ⲙⲡⲉⲓⲇⲓⲁⲧⲁⲅⲙⲁ ⲛⲟⲩⲱⲧ · ⲛⲁⲣⲭⲱⲛ ⲇⲉ ⲕⲁⲧⲁⲡⲟⲗⲓⲥ ⲁⲩⲟⲩⲉϩⲥⲁϩⲛⲉ ⲛⲙⲙⲏⲏϣⲉ · ⲉⲧⲣⲉⲩϫⲱⲕ ⲉⲃⲟⲗ ⲛⲛⲉⲛⲧⲁⲩⲟⲩⲉϩⲥⲁϩⲛⲉ ⲙⲙⲟⲟⲩ ⲛⲁⲩ ϩⲛⲟⲩϭⲉⲡⲏ .
martyrdom.miracles.mercurius_part2:12
ⲁⲩⲥⲱⲧⲙ ⲇⲉ ⲛϭⲓⲟⲩⲟⲛ ⲛⲓⲙ · ⲉⲧϩⲛⲧⲡⲟⲗⲓⲥ ⲙⲛⲡⲉⲥⲕⲱⲧⲉ · ⲉⲓⲧⲉ ⲕⲟⲩⲓ · ⲉⲓⲧⲉ ⲛⲟϭ · ⲁⲩⲉⲓ ⲧⲏⲣⲟⲩ ϩⲓⲟⲩⲥⲟⲡ · ⲉⲛⲁⲩ ⲉⲧⲉⲛⲟϭ ⲛϣⲡⲏⲣⲉ · ⲛϩⲟⲟⲩⲧ ⲙⲛⲛⲉϩⲓⲟⲙⲉ · ⲉⲩⲛⲏⲩ ⲉⲩⲑⲉⲱⲣⲉⲓ · ⲙⲛⲙⲡⲉⲛⲧⲟϥϣⲱⲡⲉ · ⲛⲧⲁⲡⲇⲓⲕⲁⲓⲟⲥ ⲁⲁϥ ·
encomium.mercurius:12
ⲉⲧⲙⲧⲣⲉⲗⲁⲁⲩ ⲛⲭⲣⲓⲥⲧⲓⲁⲛⲟⲥ · ⲁⲩⲱⲛϩ ⲉⲃⲟⲗ ϩⲛⲗⲁⲁⲩ ⲙⲙⲁ · ⲁⲩⲱ ⲛⲧⲉⲛⲁⲣⲭⲱⲛ ⲛⲧⲉⲡⲁⲣⲭⲓⲁ · ⲇⲓⲱⲕⲉⲓ ⲛⲥⲁⲛⲉⲓⲭⲣⲓⲥⲧⲓⲁⲛⲟⲥ ⲕⲁⲧⲁⲙⲁ · ⲉⲓⲧⲉ ⲉⲡⲓⲥⲕⲟⲡⲟⲥ · ⲉⲓⲧⲉ ⲡⲣⲉⲥⲃⲩⲧⲉⲣⲟⲥ · ⲉⲓⲧⲉ ⲁⲛⲁⲅⲛⲱⲥⲧⲏⲥ · ⲉⲓⲧⲉ ⲙⲟⲛⲁⲭⲟⲥ · ⲉⲓⲧⲉ ⲕⲟⲥⲙⲓⲕⲟⲛ · ⲉⲓⲧⲉ ϩⲟⲟⲩⲧ · ⲉⲓⲧⲉ ⲥϩⲓⲙⲉ · ⲉⲓⲧⲉ ⲙⲁⲧⲟⲓ · ⲉⲓⲧⲉ ⲡⲁⲅⲁⲛⲟⲥ · ⲉⲓⲧⲉ ⲧⲁⲝⲓⲱⲧⲏⲥ · ϩⲁⲡⲗⲟⲥ ⲅⲉⲛⲟⲥ ⲛⲓⲙ ⲛⲣⲱⲙⲉ · ⲉⲧⲃⲉⲡⲁⲙⲁϩⲧⲉ ⲛⲧⲁⲙⲛⲧⲣⲣⲟ · ⲉⲧⲣⲉⲩⲑⲩⲥⲓⲁⲍⲉ ⲛⲛⲛⲟⲩⲧⲉ ⲉⲧⲁⲓⲏⲩ ·
martyrdom.miracles.mercurius_part1:13
ⲡⲣⲱⲙⲉ ⲇⲉ ϩⲱⲱϥ · ⲙⲛⲧⲉϥⲥϩⲓⲙⲉ · ⲙⲛⲛⲉϥϣⲏⲣⲉ ⲛⲉⲩⲡⲏⲧ : ⲛⲥⲁⲡⲙⲟⲩⲗⲉⲥ · ⲁⲩϣⲧⲟⲣⲧⲣ
martyrdom.mercurius:13
ⲁⲥϣⲱⲡⲉ ⲇⲉ ϩⲙⲡⲉⲟⲩⲟⲉⲓϣ ⲉⲧⲙⲙⲁⲩ ⲁⲩⲡⲟⲗⲉⲙⲟⲥ ⲧⲱⲟⲩⲛ ⲉϫⲛⲛⲉϩⲣⲱⲙⲁⲓⲟⲥ · ⲉⲃⲟⲗ ϩⲓⲧⲛⲛⲃⲁⲣⲃⲁⲣⲟⲥ ·
martyrdom.miracles.mercurius_part2:13
ⲛⲉⲩⲛⲟⲩⲇⲁⲓ · ⲇⲉ ⲟⲛ ϩⲛⲧⲡⲟⲗⲓⲥ · ⲉⲩⲙⲟⲩⲧⲉ ⲉⲣⲟϥ · ϫⲉⲅⲁⲓⲡⲓⲟⲥ · ⲉⲩⲁⲅⲣⲓⲟⲥ...ⲡⲉ · ⲉϩⲟⲩⲛ ⲉⲣⲱⲙⲉ ⲛⲓⲙ · ⲛϩⲟⲩⲟ ⲇⲉ ⲉⲛⲉⲭⲣⲓⲥⲧⲓⲁⲛⲟⲥ ·
encomium.mercurius:13
ⲁⲩⲱ ⲡⲉⲧⲛⲁⲁⲛ ϯⲗⲉⲅⲉⲓ ⲙⲡⲁⲟⲩⲉϩⲥⲁϩⲛⲉ · ⲉⲩⲉⲡⲁⲣⲁⲇⲓⲇⲟⲩ ⲙⲙⲟϥ · ⲉϩⲉⲛⲛⲟϭ ⲛⲃⲁⲥⲁⲛⲟⲥ ⲉⲩϣⲟⲃⲉ · ϣⲁⲛⲧⲟⲩⲙⲟⲩ ·
martyrdom.miracles.mercurius_part1:14
ⲛⲙⲙⲁϥ ·
martyrdom.miracles.mercurius_part2:14
ⲁϥⲥⲱⲧⲙ ϩⲱϥ · ⲉⲧⲛⲟϭ ⲛϣⲡⲏⲣⲉ ⲛⲧⲁⲥϣⲱⲡⲉ · ϩⲛⲡⲧⲟⲡⲟⲥ ⲙⲡⲉⲧⲟⲩⲁⲁⲃ · ⲡⲉϫⲁϥ ϫⲉ · ϯⲛⲁⲃⲱⲕ ⲧⲁⲛⲁⲩ · ϫⲉϩⲉⲛⲙⲉ ⲛⲉ ⲛⲓϣⲁϫⲉ · ⲉⲧⲉⲛⲉⲓⲭⲣⲓⲥⲧⲓⲁⲛⲟⲥ ϫⲱ ⲙⲙⲟⲟⲩ · ϫⲉⲛ ⲉⲙⲟⲛ · ϩⲁⲣⲏⲩ ⲉⲩϫⲓϭⲟⲗ ·
martyrdom.mercurius:14
ⲉⲩⲧⲣⲉⲡⲉⲩⲁⲩⲉⲓⲛ ϣⲟⲃⲉ · ⲁⲩⲥⲟⲃⲧⲉ ϩⲱⲟⲩ ⲙⲡⲉⲩⲥⲧⲣⲁⲧⲓⲩⲙⲁ · ⲉⲧⲣⲉⲩⲡⲟⲗⲉⲙⲉⲓ ⲛⲙⲙⲁⲩ · ⲁⲩⲱ ⲁⲩⲟⲩⲉϩ‐ⲥⲁϩⲛⲉ ⲉⲧⲣⲉⲛⲁⲣⲩⲑⲙⲟⲥ ⲕⲁⲧⲁⲙⲁ ⲁⲩⲱ ⲕⲁⲧⲁⲡⲟⲗⲓⲥ · ⲉⲓ ⲛⲥⲉϯⲧⲟⲟⲧⲟⲩ ⲛⲙⲙⲁⲩ ·
encomium.mercurius:14
ⲧⲟⲧⲉ ⲁϥⲟⲩⲉϩⲥⲁϩⲛⲉ ⲛϭⲓⲇⲉⲕⲓⲟⲥ ⲡⲣⲣⲟ ⲛⲁⲛⲟⲙⲟⲥ · ⲉⲧⲣⲉⲡⲕⲩⲣⲓⲝ ⲱϣ ⲉⲃⲟⲗ · ϩⲛⲧⲡⲟⲗⲓⲥ ⲧⲏⲣⲥ · ϫⲉⲉⲩϫⲓ ⲉⲣⲱⲧⲛ ⲧⲏⲣⲧⲛ ⲙⲡⲗⲁⲟⲥ · ϫⲉⲉⲓⲧⲉ ⲙⲁⲧⲟⲓ · ⲉⲓⲧⲉ ⲡⲁⲅⲁⲛⲟⲥ · ⲉⲓⲧⲉ ⲅⲉⲛⲟⲥ ⲛⲓⲙ ⲛⲣⲱⲙⲉ · ⲙⲛϩⲩⲗⲓⲕⲓⲁ ⲛⲓⲙ · ϫⲉⲁⲙⲏⲓⲧⲛ ⲧⲏⲣⲧⲛ ...ⲣⲡⲉ ⲛⲛⲛⲟⲩⲧⲉ · ⲛⲧⲉⲧⲛⲧⲁⲗⲉⲑⲩⲥⲓⲁ ⲛⲁⲩ ⲉϩⲣⲁⲓ · ⲁⲩϫⲣⲟ ⲛⲧϣⲏⲩⲉ ϩⲓⲣⲙⲡⲣⲟ ⲙⲡⲣⲡⲉ · ⲁⲩⲧⲁⲗⲉ ⲑⲩⲥⲓⲁ ⲛⲁⲩ ⲉϩⲣⲁⲓ ϩⲓⲗⲓⲃⲁⲛⲟⲥ · ⲙⲛϩⲉⲛⲙⲁⲥⲉ · ⲙⲛϩⲉⲛϭⲓⲉⲓ · ⲙⲛϩⲉⲛϩⲁⲗⲁⲁⲧⲉ · ⲁⲡⲉⲥⲧⲉⲣⲉⲩⲱⲙⲁ ⲙⲟⲩϩ · ϩⲙⲡⲕⲁⲡⲛⲟⲥ ⲙⲡⲉⲥϯⲃⲱⲱⲛ · ⲛⲛⲉⲩⲑⲩⲥⲓⲁ ·
martyrdom.miracles.mercurius_part1:15
ⲁⲥϫⲓ ⲙⲡⲁⲧⲟⲩⲱⲧ ⲛⲛⲟⲩⲃ ⲉⲧⲉⲥϣⲙϣⲉ ⲛⲁϥ · ⲉϥⲟ ⲛⲡⲏϣⲉⲡ ϣⲉ ⲉⲓ ⲉⲃⲟⲗ · ϩⲛⲧⲙⲏⲧⲉ ⲛⲧⲡⲟⲗⲓⲥ · ⲉⲣⲉⲟⲩⲟⲛ ⲛⲓⲙ ⲑⲉⲱⲣⲉ ⲙⲙⲟⲥ · ⲙⲡⲉⲥⲉⲇⲱⲗⲟⲛ ·
martyrdom.miracles.mercurius_part2:15
ⲁϥⲟⲩⲉϩ‐ⲥⲁϩⲛⲉ ⲛⲉ ⲛⲧⲉⲛⲟⲩⲛ ⲟⲩϩⲙϩⲁⲗ ⲙⲡϩⲟϥ ⲡⲉ · ⲉⲧⲣⲉϥϩⲱⲕ ⲛⲁϥ · ⲛⲟⲩⲙⲟⲩⲗⲗⲥ ⲛⲥϩⲓⲙⲉ · ⲛⲗⲏⲩⲕⲟⲛ · ⲁϥⲁⲗⲉ ⲉⲣⲟⲥ · ⲡⲉϫⲁϥ ⲙⲡⲉϥϩⲙϩⲁⲗ · ϫⲉⲁⲙⲟⲩ ⲛⲧⲛⲛⲁⲩ ⲉⲡⲥⲱⲃⲉ · ⲉⲧⲉⲛⲉⲭⲣⲓⲥⲧⲓⲁⲛⲟⲥ ⲉⲓⲣⲉ ⲙⲙⲟϥ ·
encomium.mercurius:15
ⲁⲩⲱ ⲛⲉⲣⲉⲟⲩⲛⲟϭ ϣⲟⲟⲡ ϩⲛⲛⲉⲭⲣⲓⲥⲧⲓⲁⲛⲟⲥ · ⲛϣⲧⲟⲣⲧⲣ ⲉⲩⲇⲓⲱⲕⲉⲓ ⲛⲥⲱⲟⲩ · ⲉⲩϩⲓⲟⲩⲉ ⲉⲣⲟⲟⲩ · ⲉⲩⲥⲱⲕ ⲙⲙⲟⲟⲩ ⲉⲛⲉⲥⲡⲩⲗⲱⲛ · ⲙⲛⲙⲙⲁⲉⲧϩⲉⲡ · ⲉⲩⲁⲛⲁⲅⲁⲍⲉ ⲙⲙⲟⲟⲩ ⲉⲣⲑⲩⲥⲓⲁ ·
martyrdom.mercurius:15
ⲛⲧⲉⲣⲟⲩⲉⲓ ⲇⲉ ϩⲛⲧⲟⲩⲉⲓ ⲧⲟⲩⲉⲓ ⲛⲙⲡⲟⲗⲓⲥ · ⲉⲩⲥⲃⲧⲱⲧ ϩⲛⲟⲩⲥⲡⲟⲩⲇⲏ · ⲁϥⲉⲓ ϩⲱⲱϥ ⲛϭⲓⲡⲁⲣⲩⲑⲙⲟⲥ ⲛⲛⲉⲧⲟⲩⲙⲟⲩⲧⲉ ⲉⲣⲟⲟⲩ ϫⲉⲙⲁⲣⲧⲩⲥⲓⲟⲛ · ⲛⲉⲧϣⲟⲟⲡ ϩⲛⲧϣⲟⲣⲡ ⲛϩⲁⲣⲙⲉⲛⲓⲁ · ⲉⲩϩⲁⲣⲁⲧϥ ⲛⲟⲩⲧⲣⲓⲃⲟⲩⲛⲟⲥ · ⲉⲡⲉϥⲣⲁⲛ ⲡⲉ ⲥⲁⲣⲇⲟⲛⲓⲕⲟⲥ .
martyrdom.miracles.mercurius_part1:16
ⲉⲣⲉⲧⲉⲥϣⲉⲉⲣⲉ ϫⲓⲙⲟⲉⲓⲧ ⲛⲁⲥ · ⲛⲧϩⲉ ⲛⲛⲉⲧϣⲓⲧ ⲉⲥⲱϣ ⲉⲃⲟⲗ · ϫⲉⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁⲛⲁⲩ ⲉⲡⲁⲑⲃⲃⲓⲟ · ⲙⲛⲡⲁⲛⲟϭ ϣⲓⲡⲉ · ⲙⲛⲡϣⲓⲡⲉ ⲙⲡⲁⲧⲟⲩⲱⲧ · ⲛⲅⲛⲁ ⲛⲁⲓ ·
martyrdom.mercurius:16
ⲇⲉⲕⲓⲟⲥ ⲇⲉ ⲁϥⲉⲓ ⲉⲃⲟⲗ ⲉⲡⲡⲟⲗⲉⲙⲟⲥ · ⲟⲩⲁⲗⲉⲣⲓⲁⲛⲟⲥ ⲇⲉ ⲁϥϭⲱ ϩⲛϩⲣⲱⲙⲏ · ⲉϥⲇⲓⲟⲓⲕⲉⲓ ⲛⲛⲉϩⲃⲏⲩⲉ ⲛⲧⲙⲛⲧⲣⲣⲟ ·
martyrdom.miracles.mercurius_part2:16
ⲗⲟⲓⲡⲟⲛ ⲁⲩⲙⲟⲟϣⲉ · ⲙⲛⲛⲉⲩⲉⲣⲏⲩ · ϣⲁⲛⲧⲟⲩⲉⲓ ⲉⲡⲧⲟⲡⲟⲥ · ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥⲃⲟⲕ ⲉϩⲟⲩⲛⲛϭⲓ ⲡⲣⲱⲙⲉ ⲛⲟⲩⲇⲁⲓ · ⲉϥⲧⲁⲗⲏⲩ ⲉⲡⲉϥⲧⲃⲛⲏ ·
encomium.mercurius:16
ⲉⲣⲉϩⲉⲛⲛⲟϭ ⲛⲧⲁⲣⲁⲭⲏ ϣⲟⲟⲡ ⲕⲁⲧⲁⲙⲁ · ⲁϥⲟⲩⲉϩⲥⲁϩⲛⲉ ⲅⲁⲣ ⲛⲡⲧⲩⲣⲁⲛⲛⲟⲥ · ⲉⲕⲱ ⲉϩⲣⲁⲓ ϩⲓⲧϩⲏ ⲙⲙⲟϥ · ⲉⲛⲉⲓⲇⲟⲥ ⲛⲓⲙ ⲛⲕⲟⲗⲁⲥⲧⲓⲣⲓⲟⲛ ⲉⲩϯϩⲟⲧⲉ · ϫⲉⲕⲁⲥ ⲉⲩⲉⲛⲁⲩ ⲉⲣⲟⲟⲩ ⲛϭⲓⲛⲉⲭⲣⲓⲥⲧⲓⲁⲛⲟⲥ · ⲛⲥⲉⲣϩⲟⲧⲉϩⲉⲛⲥⲏϥⲉ ⲉⲩⲧⲁⲁⲧⲉ · ⲙⲛϩⲉⲛⲙⲙⲁ ⲛⲙⲕⲟⲧⲕ ⲙⲡⲉⲛⲓⲡⲉ · ⲙⲛⲛⲉϣⲁⲩⲥⲉⲕⲛⲉⲩⲣⲟⲛ ⲛϩⲏⲧⲟⲩ · ⲙⲛϩⲉⲛⲧⲟⲕ ⲛϣⲉⲧⲗⲁⲥ · ⲙⲛϩⲉⲛⲕⲟⲩⲡⲓⲥ ⲙⲛϩⲉⲛϭⲟⲣⲧⲉ ⲉⲩϫⲏⲣ · ⲙⲛϩⲉⲛⲭⲁⲗⲕⲓⲟⲛ ⲉⲩⲙⲉϩ ⲛⲗⲁⲙϫⲁⲧⲡ ⲉⲩⲃⲏⲣⲃⲣ · ⲁⲩⲱ ⲟⲛ ϩⲉⲛⲭⲁⲗⲕⲓⲟⲛ ⲉⲩⲙⲉϩ ϩⲛⲥⲏⲙⲁ · ⲁⲩⲱ ϩⲉⲛⲧⲣⲟⲭⲟⲥ ⲛⲃⲁϣⲟⲩⲣ · ⲙⲛⲡⲕⲉⲥⲉⲉⲡⲉ ⲛⲕⲟⲗⲁⲥϯⲏⲣⲓⲟⲛ ⲉⲩϯϩⲟⲧⲉ ·
martyrdom.mercurius:17
ⲡⲡⲟⲗⲉⲙⲟⲥ ⲇⲉ ⲁϥⲧⲁϫⲣⲟ ϩⲛⲧⲙⲏⲏⲧⲉ ⲛⲛⲃⲁⲣⲃⲁⲣⲟⲥ · ⲙⲛⲛⲉϩⲣⲱⲙⲁⲓⲟⲥ · ⲁⲩⲁϩⲉⲣⲁⲧⲟⲩ ⲟⲩⲃⲉⲛⲉⲩⲉⲣⲏⲩ ·
martyrdom.miracles.mercurius_part2:17
ⲡⲉϫⲉⲟⲩⲁ ⲛⲁϥ · ϩⲛⲛϣⲏⲣⲉ ⲕⲟⲩⲓ ⲛⲭⲣⲓⲥⲧⲓⲁⲛⲟⲥ · ⲉⲧⲡⲟⲛⲅⲟⲙⲉ ⲉⲡⲧⲟⲡⲟⲥ · ϫⲉⲉⲕⲃⲏⲕ ⲉⲧⲟⲡ · ⲱ ⲡⲁⲧⲛⲟⲩⲧⲉ · ⲙⲛⲡⲉⲓⲧⲃⲛⲏ · ⲉϩⲟⲩⲛ ⲉⲧⲉⲕⲕⲗⲏⲥⲓⲁ ⲙⲡⲛⲟⲩⲧⲉ ·
martyrdom.miracles.mercurius_part1:17
ⲛⲧⲉⲣⲉⲥⲉⲓ ⲇⲉ ⲉⲃⲟⲗ · ⲁⲧⲉⲥϣⲉⲉⲣⲉ ⲧⲁⲙⲟⲥ · ϫⲉ....ⲁⲅⲓⲟⲉ... ⲛⲧⲕⲁⲓⲥⲉ · ⲁⲥⲱϣ ⲉⲃⲟⲗ · ϫⲉⲡⲙⲁⲣⲧⲩⲣⲟⲥ ⲛⲧⲁϥϫⲓ ⲙⲡⲉϭⲗⲟ · ⲙⲡⲣⲣⲟ ⲡⲉⲭⲣⲓⲥⲧⲟⲥ · ⲕⲱ ⲛⲁⲓ ⲉⲃⲟⲗ ⲛⲧⲁⲡⲓⲥⲧⲉⲩ ⲉⲣⲟⲕ · ⲙⲛⲡⲉⲕⲛⲟⲩⲧⲉ · ⲡⲁⲓ ⲉⲧⲉⲉⲙⲡϣⲁ ⲁⲛ · ⲛⲧⲁⲩⲟⲡⲉϥⲣⲁⲛ ⲉⲃⲟⲗ ϩⲛⲣⲟ ⲉⲧϫⲁϩⲙ ·
encomium.mercurius:17
ⲛⲉϥϫⲱ ⲅⲁⲣ ⲙⲙⲟⲥ · ⲛϭⲓⲡⲣⲣⲟ ⲛⲁⲥⲉⲃⲏⲥ ⲉⲧⲙⲙⲁⲩ · ϫⲉⲡⲉⲧⲛⲁϯⲁⲛⲧⲓⲗⲉⲅⲉⲓ ⲙⲡⲁⲧ ⲟⲩⲉϩⲥⲁϩⲛⲉ · ϯⲛⲁⲡⲱⲣⲕ ⲛⲛⲉϥⲃⲁⲗ · ⲛⲧⲁϣⲱⲧ ⲙⲡⲉϥⲗⲁⲥ · ⲛⲧⲁⲉⲓⲛⲉ ⲉⲃⲟⲗ ⲙⲡϥⲛϩⲱⲛ : ⲛⲧⲁⲓⲟⲩⲉⲓⲥⲉⲥⲏⲃⲉ ⲛⲣⲁⲧϥ · ⲛⲧⲁⲓⲉⲓⲛⲉ ⲉⲃⲟⲗ ⲙⲡⲉϥⲁⲛⲕⲉⲫⲁⲗⲟⲥ · ⲡⲕⲉⲥⲉⲉⲡⲉ ⲇⲉ ⲙⲡⲉϥⲥⲱⲙⲁ · ϯⲛⲁⲧⲁϥ ⲉⲡⲕⲱϩⲧ ⲛϥⲁⲛϩⲁⲗⲓⲥⲕⲉⲓ ⲙⲙⲟϥ ·
martyrdom.mercurius:18
ⲛⲧⲉⲣⲟⲩⲙⲟⲩⲛ ⲇⲉ ⲉⲃⲟⲗ ⲛⲧⲉⲓϩⲉ · ⲛⲟⲩⲙⲏⲏϣⲉ ⲛϩⲟⲟⲩ . ⲟⲩⲁ ⲇⲉ ϩⲙⲡⲁⲣⲩⲑⲙⲟⲥ ⲛⲛⲉⲉⲧⲟⲩⲙⲟⲩⲧⲉ ⲉⲣⲟⲟⲩ ⲙⲁⲣⲧⲩⲥⲓⲟⲛⲉ ⲡⲉϥⲣⲁⲛ ⲡⲉ ⲙⲉⲣⲕⲟⲩⲣⲓⲟⲥ ⲁϥⲛⲁⲩ ⲉⲩⲣⲱⲙⲉ ⲛⲟⲩⲟⲉⲓⲛ ⲉϥϫⲟⲥⲉ · ⲉⲩⲛϩⲉⲛϩⲃⲥⲱ ⲉⲩⲡⲣⲉⲓⲱⲟⲩ ϩⲓϫⲱϥ · ⲁϥⲁⲙⲁϩⲧⲉ ⲛⲟⲩⲥⲏϥⲉ ⲉⲥⲧⲟⲕⲙ ϩⲛⲧⲉϥϭⲓϫ ⲛⲟⲩⲛⲁⲙ · ⲁⲩⲱ ⲛⲉϥϫⲱ ⲙⲙⲟⲥ ⲛⲁϥ · ϫⲉⲙⲉⲣⲕⲟⲩⲣⲓⲉ · ⲙⲡⲣⲣϩⲟⲧⲉ · ⲟⲩⲇⲉ ⲙⲡⲣϣⲗⲁϩ ·
martyrdom.miracles.mercurius_part1:18
ⲛⲧⲉⲩⲛⲟⲩ ⲁⲩⲗⲉⲩⲕⲟ ⲙⲙⲟⲟⲩ · ϣⲟⲩⲟ ⲉⲡⲉⲥⲏⲧ ϩⲛⲛⲉⲥⲃⲁⲗ · ϩⲱⲥ ⲉⲥⲣⲓⲙⲉ · ⲁⲥⲛⲁⲩ ⲉⲃⲟⲗ · ⲛⲧⲉⲩⲛⲟⲩ ⲁⲩⲱ ⲁⲧⲉⲥϩⲟⲣⲁⲥⲓⲥ ⲥⲙⲓⲛⲉ · ⲛⲧϩⲉ ⲛϣⲟⲣⲡ ·
encomium.mercurius:18
ⲛⲧⲉⲣⲟⲩⲛⲁⲩ ⲇⲉ ⲉⲛⲁⲓ ⲛϭⲓⲛⲣⲱⲙⲉ ⲛⲉⲩⲥⲉⲃⲏⲥ · ⲁⲩⲟⲩⲛⲟϭ ⲙⲛⲧϭⲁⲃ ϩⲏⲧ ⲧⲁϩⲟⲟⲩ · ⲁⲩⲣϩⲟⲧⲉ · ⲁⲩⲕⲁⲧⲟⲟⲧⲟⲩ ⲉⲃⲟⲗ ·
martyrdom.miracles.mercurius_part2:18
ⲁⲩⲱ ⲙⲡⲉⲡⲣⲱⲙⲉ ⲛⲓⲟⲩⲇⲁⲓ · ϭⲱϣⲧ ⲛⲥⲟϥ ϩⲱⲗⲟⲥ · ⲁⲗⲗⲁ ⲁϥⲃⲱⲕ · ⲁϥⲁϩⲉⲣⲁⲧϥ · ⲁϥϭⲱϣⲧ ⲉϩⲣⲁⲓ ⲉⲧⲑⲁⲯⲓⲥ · ⲉⲥⲟⲧⲡ ⲛⲅⲁⲣⲡⲟⲥ ϩⲓϭⲱⲃⲉ · ⲉϣϫⲉ ⲉϥⲣⲏⲧ ϩⲓϫⲙⲡⲕⲁϩ ·
martyrdom.mercurius:19
ⲛⲧⲁⲩⲧⲛⲛⲟⲟⲩ ⲅⲁⲣ ⲉⲃⲟⲏⲑⲉⲓ ⲉⲣⲟⲕ ⲁⲩⲱ ⲉⲟⲩⲟⲛϩⲕ ⲉⲃⲟⲗ ⲛⲣⲉϥϫⲣⲟ ·
martyrdom.miracles.mercurius_part1:19
ⲙⲛⲛⲥⲱⲥ ⲁⲥϭⲱⲡ ⲛⲙⲡⲏϣⲉⲡⲏϣⲉ ⲙⲡⲉⲧⲟⲩⲱⲧ · ⲁⲥⲟⲩⲟϭⲡⲟϥ ⲉϫⲛⲛⲉⲩⲉⲣⲏⲩ · ⲁⲥⲱϣ ⲉⲃⲟⲗ · ϫⲉⲁⲡⲁⲡⲟⲗⲗⲱⲛ · ϫⲓϣⲓⲡⲉ · ⲁⲡⲉⲭⲣⲓⲥⲧⲟⲥ ϫⲓⲧⲁⲉⲓⲟ ⲙⲛⲡⲉϥⲙⲁⲣⲧⲩⲣⲟⲥ ·
martyrdom.miracles.mercurius_part2:19
ⲁⲩⲱ ⲡⲉϫⲁϥ ⲛϭⲓⲡⲣⲱⲙⲉ ⲛⲓⲟⲩⲇⲁⲓ · ϫⲉⲛⲓⲙ ⲡⲉ ⲛⲧⲟϥ ϯ · ⲛⲛⲓϭⲱⲃⲉ ⲉⲛⲁⲗⲗⲟⲧⲣⲓⲟⲛ ⲉⲛⲉⲕⲗⲟⲙ · ⲉⲩϫⲓϭⲟⲗ · ⲉⲡⲉⲧⲟⲩⲁⲁⲃ · ϫⲉⲛⲧⲟϥ ⲡⲉⲛⲧⲁϥⲣⲡⲉⲓ ·
encomium.mercurius:19
ⲉⲣⲉⲡⲟⲩⲁ ⲡⲟⲩⲁ ⲡⲁⲣⲁⲇⲓⲇⲟⲩ · ⲙⲡⲉⲧϩⲓⲧⲟⲩⲱϥ ⲉⲡⲙⲟⲩ · ϩⲉⲛⲉⲓⲟⲧⲉ ⲉⲩⲡⲁⲣⲁⲇⲓⲇⲟⲩ ⲛⲛⲉⲩϣⲏⲣⲉ ⲉⲡⲙⲟⲩ · ⲁⲩⲣⲡⲱⲃϣ ⲛⲧⲙⲉ ⲛⲧⲉⲫⲩⲥⲓⲥ ⲁⲩⲱ ϩⲉⲛⲥⲛⲏⲩ ⲉⲩⲥⲱⲕ ⲙⲙⲟⲟⲩ · ⲉⲩϩⲱⲣⲃⲣ ⲙⲙⲟⲟⲩ · ⲉⲩⲡⲁⲣⲁⲇⲓⲇⲟⲩ ⲙⲙⲟⲟⲩ · ⲉⲣⲉⲟⲩⲛⲟϭ ⲛϣⲧⲱⲣⲧⲣ ϣⲟⲟⲡ :
martyrdom.mercurius:20
ϫⲓⲛⲁⲕ ⲛⲧⲉⲓⲥⲏϥⲉ ⲉⲃⲟⲗ ϩⲓⲧⲟⲟⲧ ⲛⲅⲃⲱⲕ ⲉⲃⲟⲗ · ⲉⲛⲃⲁⲣⲃⲁⲣⲟⲥ · ⲁⲩⲱ ⲉⲕϣⲁⲛϫⲣⲟ ⲉⲣⲟⲟⲩ · · ⲙⲡⲣⲣⲡⲱⲃϣ ⲙⲡϫⲟⲉⲓⲥ ⲡⲉⲕⲛⲟⲩⲧⲉ .
martyrdom.miracles.mercurius_part1:20
ⲛⲉⲥⲉⲓⲟⲧⲉ ⲇⲉ ⲛⲧⲉⲣⲟⲩⲛⲁⲩ ⲉⲡⲧⲁⲗϭⲟ ⲛⲧⲁϥϣⲱⲡⲉ · ⲛⲧⲉⲩϣⲉ · ⲉⲣⲉⲁⲩⲱϣ ⲉⲃⲟⲗ · ϫⲉⲁⲛⲟⲛ ⲭⲣⲓⲥⲧⲓⲁⲛⲟⲥ ⲉⲓⲛⲏ ⲡⲉ ⲡⲛⲟⲩⲧⲉ ⲛⲧⲡⲉ · ⲙⲛⲡⲉϥⲙⲁⲣⲧⲩⲣⲟⲥ ⲉⲧⲟⲩⲁⲁⲃ · ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ ⲡⲉⲟⲟⲩ ⲛⲁϥ · ϣⲁⲛⲉϩⲉⲛⲉϩ ϩⲁⲙⲏⲛ ·
encomium.mercurius:20
ⲛⲟⲩⲟⲛ ⲛⲓⲙ ⲉⲧϩⲟⲙⲟⲗⲟⲅⲉ ⲙⲡⲣⲁⲛ ⲙⲡⲣⲁⲛ ⲛⲓⲏⲥⲟⲩⲥ ·
martyrdom.miracles.mercurius_part2:20
ⲁϥⲟⲩⲱϣⲃ ⲛϭⲓⲡϣⲏⲣⲉ ϣⲏⲙ · ⲛⲁⲡⲧϩⲁⲣⲧⲟⲥ · ⲡⲉⲛⲧⲟϥϣⲁϫⲉ · ϫⲓⲛⲛϣⲟⲣⲡ ⲉⲧⲃⲉⲡⲧⲃⲛⲏ ⲉⲧⲉϥⲧⲁⲗⲏⲩ · ⲡⲉϫⲁϥ ⲛⲁϥ · ϫⲉⲡⲉⲧⲛⲁⲡⲁⲧⲁⲥⲥⲉⲓ ⲙⲙⲟⲕ · ϩⲓϯⲟⲩⲛⲟⲩ · ⲛⲧⲟϥ ⲡⲉⲧⲟⲩⲱⲛϩ ⲉⲃⲟⲗ · ⲛⲛⲉϣⲡⲏⲣⲉ ⲧⲏⲣⲟⲩ · ⲛⲧⲉⲩⲛⲟⲩ ⲇⲉ ⲁϥⲙⲟⲩϩ ⲛϭⲱⲛⲧ ϩⲛⲛⲛⲟϭ · ⲛⲑⲩⲙⲟⲥ · ⲁϥⲕⲁⲡⲧⲃⲛⲏ ⲉϫⲙⲡϣⲏⲣⲉ ϣⲏⲙ · ϫⲉⲉϥⲛⲁϩⲓⲟⲩⲉ ⲉⲣⲟϥ ·
martyrdom.mercurius:21
ⲡⲁⲓ ⲇⲉ ⲛⲧⲉⲣϥϣⲱⲡⲉ ϩⲛⲟⲩⲉⲕⲥⲧⲁⲥⲓⲥ ⲁϥⲙⲉⲉⲩⲉ ϫⲉⲟⲩⲁ ⲡⲉ ϩⲛⲛⲛⲟϭ ⲛⲁⲣⲭⲱⲛⲛⲧⲉ ⲡⲣⲣⲟ ⲡⲉⲧϣⲁϫⲉ ⲛⲙⲙⲁϥ :
martyrdom.miracles.mercurius_part1:21
ⲧⲙⲉϩϣⲟⲙⲛⲧ ⲛϭⲟⲙ ⲙⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ
martyrdom.miracles.mercurius_part2:21
ⲁⲩⲱ ⲛⲧⲉⲩⲛⲟⲩ · ⲁⲧⲟⲩⲣⲏⲧ ⲛⲧⲙⲟⲩⲗⲗⲥ · ⲃⲱⲕ ⲉⲡⲉⲥⲏⲧ ϩⲙⲡⲕⲁϩ · ⲛⲧϩⲉ ⲛⲟⲩⲟⲙⲉ · ⲁϥϩⲉ ⲉϫⲙⲡⲉϥϩⲟ · ⲁϥⲡⲗⲩⲅⲏ ⲙⲙⲟϥ · ϩⲛⲛⲉⲛⲛⲱⲛⲉ ⲙⲛⲛⲧⲱⲃⲉ · ⲉⲧⲛⲏϫ ⲉⲃⲟⲗ · ϩⲙⲡⲙⲁ ⲛⲕⲱⲧ ·
encomium.mercurius:21
ⲛⲉⲩⲛⲟⲩϣⲏⲣⲉ ⲇⲉ ϣⲏⲙ ⲛϫⲱⲱⲣⲉ · ϩⲙⲡⲉⲥⲧⲣⲁⲧⲉⲩⲙⲁ · ⲉⲡⲉϥⲣⲁⲛ ⲡⲉ ⲙⲉⲣⲕⲟⲩⲣⲓⲟⲥ · ⲉϥϩⲏⲕ ϩⲙⲡⲁⲣⲓⲑⲙⲟⲥ ⲛⲛⲙⲙⲁⲣⲧⲩⲥⲓⲟⲥ · ⲉϥⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ
martyrdom.miracles.mercurius_part1:22
ⲁⲥϣⲱⲡⲉ ⲇⲉ · ⲙⲛⲛⲥⲁⲛⲁⲓ ⲁⲡⲗⲁⲟⲥ ⲛⲛⲉⲭⲣⲓⲥⲧⲓⲁⲛⲟⲥ · ϣⲁϫⲉ ⲙⲛⲛⲉⲩⲉⲣⲏⲩ · ϫⲉⲙⲁⲣⲉⲛϫⲓ ⲙⲡⲥⲱⲙⲁ ⲙⲡⲙⲁⲣⲧⲩⲣⲟⲥ · ⲉϩⲟⲩⲛ ⲉⲧⲉⲡⲟⲗⲓⲥ · ⲁϩⲉⲛⲕⲟⲟⲩⲉ ⲟⲩⲱϣⲃ · ϫⲉⲁⲣⲏⲩ ⲉⲡϩⲏⲧ · ⲙⲡⲇⲓⲕⲁⲓⲟⲥ ⲡⲉⲓⲑⲉ ⲁⲛ ·
martyrdom.miracles.mercurius_part2:22
ⲁⲩⲱ ⲛⲧⲉⲩⲛⲟⲩ · ⲉⲓⲥ ⲡϩⲁⲅⲓⲟⲥ ⲙⲉⲣⲕⲟⲩⲣⲓⲟⲥ · ⲁϥⲉⲓ ϩⲛⲡⲣⲟ · ⲉⲣⲉⲟⲩⲁⲅⲅⲉⲗⲟⲥ ⲙⲟⲟϣⲉ ⲛⲙⲙⲁϥ · ⲉⲣⲉⲡⲉϥⲕⲟⲩⲛⲧⲁⲣⲓⲟⲛ ⲛⲧⲟⲟⲧϥ
encomium.mercurius:22
ⲉⲛⲉⲓⲥⲱϥ ⲉⲙⲁⲧⲉ · ϩⲙⲡⲉϥⲉⲓⲛⲉ · ⲉⲣⲉⲡⲉⲥⲧⲣⲁⲧⲉⲩⲙⲁ ⲧⲏⲣϥ ⲙⲉ ⲙⲙⲟϥ · ⲉⲧⲃⲉⲧⲉϥⲉⲡⲓⲥⲧⲏⲙⲓ
martyrdom.mercurius:22
ⲛⲧⲉⲣⲉϥϫⲓ ⲇⲉ ⲛⲧⲥⲏϥⲉ · ⲁⲩⲱ ⲁϥⲙⲟⲩϩ ⲉⲃⲟⲗ · ϩⲙⲡⲉⲡⲛⲉⲩⲙⲁ ⲉⲧⲟⲩⲁⲁⲃ · ⲁϥⲃⲱⲕ ⲉϩⲟⲩⲛ ϩⲛⲧⲉⲩⲙⲏⲏⲧⲉ · ⲁϥⲙⲟⲩⲟⲩⲧ ⲙⲡⲛⲟϭ ⲉⲧϩⲓϫⲱⲟⲩ ⲁⲩⲱ ϩⲉⲛⲕⲉⲙⲏⲏϣⲉ ⲛⲙⲙⲁϥ · ϩⲱⲥⲧⲉ ⲛⲧⲉⲡⲉϥϭⲃⲟⲓ ϩⲓⲥⲉ ⲉϥϩⲓⲟⲩⲉ ⲁⲩⲱ ϩⲓⲧⲙⲡⲉⲥⲛⲟϥ ⲉⲧⲛⲁϣⲱϥ · ⲛⲧⲉⲧⲉϥϭⲓϫ ⲧⲱⲣϭ ⲉϩⲟⲩⲛ ⲉⲧⲧⲱⲣⲉ ⲛⲧⲥⲏϥⲉ ·
martyrdom.miracles.mercurius_part1:23
ⲙⲛⲛⲥⲁⲛⲁⲓ · ⲁⲩⲁⲣⲭⲉⲓ ⲙⲙⲓϣⲉ ⲙⲛⲛⲉⲩⲉⲣⲏⲩ · ⲁⲩⲱ ⲛⲧⲉⲩⲛⲟⲩ · ⲁⲇⲓⲕⲁⲓⲟⲥ ⲕⲓⲙ ⲙⲙⲟϥ ⲙⲁⲩⲁⲁϥ · ⲁϥⲃⲱⲕ ⲉϩⲟⲩⲛ ⲉⲧⲡⲟⲗⲓⲥ ·
encomium.mercurius:23
ⲛⲉϥⲉⲑⲟⲥ ⲟⲩ ⲉⲃⲟⲗ ⲡⲉ ϩⲛⲧⲉⲭⲱⲣⲁ ⲛⲧⲕⲁⲡⲡⲁⲇⲟⲕⲓⲁ ϩⲙⲡⲉϥⲅⲉⲛⲟⲥ · ⲉⲩⲭⲣⲓⲥⲧⲓⲁⲛⲟⲥ ⲡⲉ ϫⲓⲛⲧⲉϥⲙⲛⲧⲕⲟⲩⲓ · ⲙⲛⲛⲉϥⲉⲓⲟⲧⲉ
martyrdom.miracles.mercurius_part2:23
ⲡⲉϫⲁϥ ⲛⲁϥ · ϫⲉⲉⲕⲣⲟⲩ ⲙⲡⲉⲓⲙⲁ · ⲱ ⲡⲓⲣⲱⲙⲉ ⲉⲧⲏⲩ ⲉⲃⲟⲗ · ⲡⲙⲁ ⲛⲭⲗⲓⲃⲁⲍⲉ ⲁⲛ ⲡⲉ ⲡⲉⲓⲙⲁ · ⲁⲕⲕⲟ ⲙⲡⲉⲕϩⲧⲟ ⲉⲓ ⲉϩⲟⲩⲛ · ϩⲉⲛⲛⲁⲗⲗⲟⲧⲣⲓⲟⲥ ⲛⲉ ⲛⲓϭⲱⲃⲉ · ⲙⲛⲛⲓⲅⲁⲣⲡⲟⲥ · ⲁⲩⲱ ⲛⲧⲁⲕⲉⲓ ⲉⲡⲉⲓⲙⲁ · ϫⲉⲉⲕⲉϩⲓⲟⲩⲉ ⲉⲛⲉⲧⲣϩⲱⲃ · ⲉⲡⲁⲧⲟⲡⲟⲥ · ⲙⲡⲉⲕⲣϩⲱⲃ · ⲟⲩⲇⲉ ⲙⲡⲉⲕⲕⲱ ⲛⲉⲧⲣϩⲱⲃ ·
martyrdom.mercurius:23
ⲧⲁⲓ ⲧⲉ ⲧϩⲉ ⲛⲧⲁⲩⲡⲱⲧ ⲛϭⲓⲛⲃⲁⲣⲃⲁⲣⲟⲥ · ⲁⲩⲱ ⲁⲩϭⲱⲧⲡ ϩⲓϩⲏ ⲛⲛⲉϩⲣⲱⲙⲁⲓⲟⲥ ·
martyrdom.miracles.mercurius_part1:24
ⲁⲩⲱ ⲁⲧⲙⲟⲩⲗⲗⲉⲥ ⲱϣ ⲉⲃⲟⲗ · ϫⲉⲯⲁⲗⲗⲉ ⲉⲡⲙⲁⲣⲧⲩⲣⲟⲥ ·
encomium.mercurius:24
ⲛⲟⲩϫⲱⲱⲣⲉ ⲡⲉ ϩⲙⲡⲡⲟⲗⲉⲙⲟⲥ · ⲉⲣⲉⲡⲛⲟⲩⲧⲉ ϣⲟⲟⲡ ⲛⲙⲙⲁϥ ϩⲛⲛⲉϥϩⲃⲏⲩⲉ ⲧⲏⲣⲟⲩ ·
martyrdom.mercurius:24
ⲧⲟⲧⲉ ⲡⲣⲣⲟ ⲇⲉⲕⲓⲟⲥ · ⲛⲧⲉⲣϥⲉⲓⲙⲉ ⲉⲧⲙⲛⲧϫⲁⲣϩⲏⲧ ⲙⲡⲉⲓⲣⲱⲙⲉ ⲛϫⲱⲱⲣⲉ · ⲁϥⲙⲟⲩⲧⲉ ⲉⲣⲟϥ ⲁϥϯ ⲛⲁϥ ⲛⲟⲩⲁⲝⲓⲱⲙⲁ · ⲁϥⲁⲁϥ ⲛⲥⲧⲣⲁϯⲗⲁⲧⲏⲥ ⲁⲩⲱ ⲛⲁⲣⲭⲱⲛ ⲉϫⲙⲡⲉϥⲥⲧⲣⲁⲧⲉⲩⲙⲁ ⲧⲏⲣϥ ·
martyrdom.miracles.mercurius_part2:24
ⲁⲩⲱ ⲛⲧⲉⲩⲛⲟⲩ ⲁϥϩⲟⲕϥ ⲙⲡⲉϥⲕⲟⲩⲛⲧⲁⲣⲓⲟⲛ · ⲉⲧⲙⲏⲏⲧⲉ ⲛϩⲏⲧϥ · ⲁⲛⲉϥⲙⲁϩⲧ ⲉⲓ ⲉⲃⲟⲗ ⲙⲙⲟϥ · ⲉⲛⲉⲙⲛⲗⲁⲁⲩ ⲛⲁⲩ ⲉⲡⲡⲉⲧⲟⲩⲁⲁⲃ · ⲉⲓⲙⲏⲧⲓ ⲡⲣⲱⲙⲉ ⲛⲟⲩⲇⲁⲓ · ⲛⲧⲁⲡⲉⲧⲟⲩⲁⲁⲃ ⲡⲁⲧⲁⲥⲥⲉⲓ ·
martyrdom.miracles.mercurius_part1:25
ⲁⲩⲱ ⲁⲡⲉⲓⲱⲧ ⲙⲡϣⲏⲣⲉ ϣⲏⲙ · ⲉⲧⲁϣⲉ ⲉⲧⲥⲗⲗⲉ ⲛⲧⲙⲟⲩⲗⲗⲉⲥ · ⲱϣ ⲉⲃⲟⲗ · ⲉϥϫⲱ ⲙⲙⲟⲥ · ϫⲉϯⲥⲟⲡⲥ ⲙⲙⲟⲕ ⲡⲁϫⲟⲉⲓⲥ ⲡⲙⲁⲣⲧⲩⲣⲟⲥ · ⲛⲧϩⲉ ⲛⲧⲁⲕϯ · ⲙⲡⲟⲩⲟⲉⲓⲛ ⲛⲧⲁϣⲉⲉⲣⲉ · ⲙⲁⲣⲉⲡⲉⲕⲛⲁ ⲟⲛ ⲧⲁϩⲉ ⲡⲁⲕⲉϣⲏⲣⲉ ⲙⲙⲟⲛ · ⲁϥϩⲓⲥⲉ ⲉϥⲁϣⲉ ⲉϩⲣⲁⲓ ·
encomium.mercurius:25
ⲛⲧⲉⲣϥⲛⲁⲩ ⲉⲣⲟϥ ⲛϭⲓⲡⲉⲧⲣⲓⲃⲟⲩⲛⲟⲥ · ϫⲉⲉϥⲡⲣⲟⲕⲟⲡⲧⲉⲓ ϩⲛⲧⲉϥⲧⲁⲝⲓⲥ · ⲙⲛⲧϩⲉⲝⲓⲥ ⲛⲧⲙⲛⲧⲙⲁⲧⲟⲓ · ⲁϥⲁⲁϥ ⲛⲧⲣⲓⲙⲏⲕⲓⲣⲓⲟⲥ ⲉϫⲙⲡⲉϥⲁⲣⲓⲑⲙⲟⲥ ·
martyrdom.mercurius:25
ⲇⲉⲕⲓⲟⲥ ⲇⲉ ⲉϥⲙⲉⲉⲩⲉ ϫⲉⲛⲧⲁϥϫⲣⲟ ⲉⲡⲡⲟⲗⲉⲙⲟⲥ ϩⲓⲧⲛⲧⲉⲡⲣⲟⲛⲓⲁ ⲛⲛⲛⲟⲩⲧⲉ · ⲁϥⲣⲁϣⲉ ⲉⲙⲁⲧⲉ · ⲁⲩⲱ ϩⲉⲛⲭⲣⲏⲙⲁ ⲉⲛⲁϣⲱⲟⲩ ⲁϥⲥⲁⲣⲟⲩ ⲉϫⲛⲙⲙⲁⲧⲟⲓ · ⲙⲡⲉϩⲟⲟⲩ ⲉⲧⲙⲙⲁⲩ · ⲁⲩϫⲟⲟⲩ ⲛⲛⲁⲣⲓⲑⲙⲟⲥ ⲉⲛⲉⲩⲧⲟⲡⲟⲥ ⲙⲙⲓⲛⲙⲙⲟⲟⲩ .
martyrdom.miracles.mercurius_part2:25
ⲁⲗⲗⲁ ⲛⲉⲩⲛⲁⲩ ⲉⲡⲣⲱⲙⲉ · ⲉϥⲛⲉϫ ⲉⲃⲟⲗ · ⲉϥⲟ ⲛⲁⲧⲉⲓⲙⲉ · ⲥⲉⲥⲟⲟⲩⲛ ⲁⲛ · ⲙⲡⲉⲛⲧⲟϥϣⲱⲡⲉ ⲙⲙⲟϥ ·

Coptic SCRIPTORIUM, corpus mercurius (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.