Life Eustathius Theopiste

Coptic literature (Coptic SCRIPTORIUM) · 431 sections

life.eustathius.theopiste.02:151
ⲧⲟⲧⲉ ⲁϥϭⲱⲛⲧ ⲛϭⲓⲡⲣⲣⲟ · ⲉϥⲥⲱⲧⲙ ⲉⲛⲁⲓ ⲛⲧⲟⲟⲧϥ ⲛⲉⲩⲥⲧⲁⲑⲓⲟⲥ ·
Then the Emperor was wroth when he heard these things from Eustathius,
life.eustathius.theopiste.01:151
ⲛⲧⲉⲣⲉⲡⲁⲓ ⲇⲉ ϣⲱⲡⲉ ⲁϥⲁⲓⲥⲑⲁⲛⲉ ⲉⲡⲓⲡⲉⲓⲣⲁⲥⲙⲟⲥ · ⲛϭⲓⲉⲩⲥⲧⲁⲑⲓⲟⲥ ⲕⲁⲧⲁⲧϩⲉ ⲛⲧⲁⲩϣⲣⲡⲥⲏⲙⲁⲛⲉ ⲙⲙⲟϥ ⲛⲁϥ ϫⲉϥⲛⲁϣⲱⲡⲉ ⲙⲙⲟϥ ⲁϥϣⲟⲡϥ ⲉⲣⲟϥ ⲉϥⲣⲁϣⲉ ⲉϥⲡⲁⲣⲁⲕⲁⲗⲉⲓ · ⲛⲧⲉϥⲥϩⲓⲙⲉ · ⲉⲧⲙⲧⲣⲉⲥⲣϩⲏⲧ ϣⲏⲙ ·
And when this had happened, Eusthathius perceived that there had actually come upon him the temptation (or, trial) which, according to the indications that had already been given to him, was to come upon him, and he welcomed it as such, and he rejoiced, and exhorted his wife not to lose courage.
life.eustathius.theopiste.02:152
ⲁϥⲧⲣⲉⲩⲡⲁⲣϩⲓⲥⲧⲁ ⲙⲙⲟϥ ⲛⲁϥ ϩⲱⲥ ⲡⲁⲅⲁⲛⲟⲥ · ⲛⲧⲟϥ ⲙⲛⲧⲉϥⲥϩⲓⲙⲉ · ⲙⲛⲛⲉϥϣⲏⲣⲉ ·
and he made him to withdraw from him as if he had been a pagan, he and his wife and his sons,
life.eustathius.theopiste.01:152
ⲙⲛⲛⲥⲁⲟⲩⲕⲟⲩⲓ ⲇⲉ ⲟⲛ ⲛⲟⲩⲟⲉⲓϣ · ⲁⲩⲙⲟⲩ ⲛϭⲓⲛϥϩⲧⲟⲟⲣ ⲙⲛⲛⲉϥⲧⲃⲛⲟⲟⲩⲉ ⲧⲏⲣⲟⲩ ·
And after a little while all his horses, and cattle, and sheep died,
life.eustathius.theopiste.01:153
ⲁⲩⲱ ⲛⲧⲉⲓϩⲉ ⲁϥϣⲱⲡⲉ ⲉⲣⲟϥ ⲙⲡⲉⲕⲉⲡⲉⲓⲣⲁⲥⲙⲟⲥ ϩⲛⲟⲩⲣⲁϣⲉ ·
and this temptation he also received with joy.
life.eustathius.theopiste.02:153
ⲁϥϣⲁϫⲉ ⲛⲙⲙⲁⲩ ϩⲛϩⲉⲛϣⲁϫⲉ ⲛϩⲟⲧⲉ ⲙⲛⲟⲩⲁⲡⲩⲗⲏ ·
and he spake unto them words of terror and threats of destruction.
life.eustathius.theopiste.01:154
ⲙⲛⲛⲥⲁⲛⲁⲓ ⲇⲉ ⲁϥⲉⲓ ⲉⲃⲟⲗ ϩⲙⲡⲉϥⲏⲓ ⲛⲧⲟϥ ⲙⲛⲧⲉϥⲥϩⲓⲙⲉ · ⲙⲛⲛⲉϥϣⲏⲣⲉ ⲉⲙⲛⲗⲁⲁⲩ ⲥⲟⲟⲩⲛ ·
And after these things he left his house, he, and his wife, and his sons, who knew nothing (of the reason),
life.eustathius.theopiste.02:154
ⲛⲉⲧⲟⲩⲁⲁⲃ ⲇⲉ ⲙⲡⲉⲥⲙⲉⲗⲉⲓ ⲛⲁⲩ ⲟⲩⲇⲉ ⲙⲡⲟⲩϭⲱⲧⲡ ⲉⲡⲧⲏⲣϥ ·
And the saints neither regarded them nor were they frightened at all.
life.eustathius.theopiste.02:155
ⲛⲧⲉⲣϥⲛⲁⲩ ⲇⲉ ⲛϭⲓⲡⲣⲣⲟ ⲉⲧⲉⲩⲙⲛⲧⲁⲧϭⲱⲧⲡ ⲙⲛⲧⲉⲩⲡⲓⲥⲧⲓⲥ ⲉϩⲟⲩⲛ ⲉⲡⲉⲭⲣⲓⲥⲧⲟⲥ · ⲁϥⲕⲉⲗⲉⲩⲉ ⲉⲧⲣⲉⲩϫⲓⲧⲟⲩ ⲉⲡⲉⲥⲧⲁⲇⲓⲟⲛ · ⲛⲥⲉⲕⲱ ⲉⲃⲟⲗ ⲉⲣⲟⲟⲩ ⲛⲟⲩⲛⲟϭ ⲙⲙⲟⲩⲓ ·
And when the Emperor saw their unconcern and their faith in the Christ, he commanded them to be taken to the stadium, and to be put an end to by means of a mighty lion.
life.eustathius.theopiste.01:155
ⲁϥⲁⲛⲁⲭⲱⲣⲉⲓ · ⲉⲕⲉⲧⲟⲡⲟⲥ ·
and he departed to another place.
life.eustathius.theopiste.02:156
ϩⲙⲡⲧⲣⲉⲡⲙⲟⲩⲓ ⲇⲉ ϯⲡⲉϥⲟⲩⲟⲓ ⲉϫⲱⲟⲩ ⲁϥⲁϩⲉⲣⲁⲧϥ ϩⲁϩⲧⲛⲛⲉⲧⲟⲩⲁⲁⲃ · ⲁϥϭⲱⲗϫ ⲛⲛⲉϥⲡⲁⲧ ⲁϥⲟⲩⲱϣⲧ ⲛⲁⲩ · ⲁϥⲕⲱ ⲟⲛ ⲉⲧⲉϥⲁⲡⲉ ⲉⲛⲁⲩ ⲉⲡⲉⲥⲏⲧ
And when the lion advanced to attack them he stood still before the saints, and bent his legs and worshipped them, and he laid his head also down on the ground.
life.eustathius.theopiste.01:156
ⲛⲧⲉⲣⲟⲩⲉⲓⲙⲉ ⲇⲉ ⲛϭⲓⲛⲕⲁⲕⲟⲩⲣⲅⲟⲥ · ϫⲉⲁⲩⲁⲛⲁⲭⲱⲣⲉⲓ ⲛⲁⲩ · ⲁⲩϯⲡⲉⲩⲟⲩⲟⲓ · ⲛⲧⲉⲩϣⲏ ⲁⲩⲥⲩⲗⲁ ⲙⲡϥⲏⲓ ·
And when the doers of iniquity knew that they had departed, they went by night and plundered his house,
life.eustathius.theopiste.01:157
ⲙⲡⲟⲩϣⲉϫⲡⲗⲁⲁⲩ ⲉⲡⲁϩⲟⲩ ⲉⲡⲧⲏⲣϥ · ⲉⲓⲧⲉ ⲛⲟⲩⲃ · ⲉⲓⲧⲉ ϩⲁⲧ · ⲉⲓⲧⲉ ϩⲟⲓⲧⲉ ·
and they stripped it bare, leaving nothing whatosever behind them, neither gold, nor silver, nor raiment.
life.eustathius.theopiste.02:157
ⲙⲛⲛⲥⲱⲥ ⲁϥⲉⲓ ⲉⲃⲟⲗ ϩⲙⲡⲉⲥⲧⲁⲇⲓⲟⲛ · ⲁϥⲃⲱⲕ ⲛⲁϥ ·
And afterwards he came out of the stadium and departed.
life.eustathius.theopiste.02:158
ⲛⲧⲉⲣⲉⲡⲣⲣⲟ ⲇⲉ ⲛⲁⲩ ⲉⲧⲉⲑⲉⲱⲣⲓⲁ ⲉⲧⲟ ⲛⲛⲟϭ ϫⲉⲙⲡⲉⲡⲉⲑⲏⲣⲓⲟⲛ ϫⲱϩ ⲉⲣⲟⲟⲩ ⲁϥⲁⲡⲟⲣⲉⲓ
And when the Emperor saw this great sight, and that the wild beast would not attack them, he fell into doubt.
life.eustathius.theopiste.01:158
ⲙⲛⲛⲥⲁⲛⲉⲓⲟⲥⲉ ⲧⲏⲣⲟⲩ · ⲙⲛⲛⲉⲓⲙⲕⲁϩⲛϩⲏⲧ · ⲁⲩϩⲟⲩⲟⲣⲣⲱⲟⲩ ⲛⲧⲉⲩϩⲩⲡⲟⲥⲧⲁⲥⲓⲥ ⲧⲏⲣⲥ · ⲙⲛⲛⲉⲧϣⲟⲟⲡ ⲛⲁⲩ ⲧⲏⲣⲟⲩ ·
After all these losses, and all these sorrows, they became quite destitute, for they had lost all their substance, and everything which they had.
life.eustathius.theopiste.02:159
ⲁϥⲟⲩⲉϩⲥⲁϩⲛⲉ ⲉⲧⲁⲙⲓⲟ ⲛⲟⲩⲙⲁⲥⲉ ⲛϩⲟⲙⲛⲧ ϫⲉⲕⲁⲥ ⲉⲩⲉⲛⲟⲩϫⲉ ⲛⲛⲉⲧⲟⲩⲁⲁⲃ ⲉϩⲟⲩⲛ ⲉⲣⲟϥ ⲛⲥⲉⲥⲁϩⲧⲉ ϩⲁⲣⲟⲟⲩ ·
And he commanded them to make a brazen bull, so that they might cast the saints into it and burn them.
life.eustathius.theopiste.01:159
ⲛⲁⲓ ⲇⲉ ⲧⲏⲣⲟⲩ ⲛⲧⲁⲩϣⲱⲡⲉ ϩⲓⲧⲛⲧⲉⲡⲓⲃⲟⲩⲗⲏ ⲙⲡⲡⲁⲛϯⲕⲩⲙⲉⲛⲟⲥ ·
And all these things happened through the crafty designs of the Adversary.
life.eustathius.theopiste.01:160
ⲙⲡⲉϩⲟⲟⲩ ⲇⲉ ⲉⲧⲙⲙⲁⲩ ⲛⲉⲣⲉⲡⲇⲩⲙⲟⲥ ⲧⲏⲣϥ ⲣϣⲁ ⲁⲩⲱ ⲛⲉⲩⲣⲁϣⲉ ⲡⲉ ϩⲙⲡⲧⲣⲉⲩϫⲣⲟ ⲉⲙⲡⲣⲥⲟⲥ ·
And it came to pass in those days that all the people were celebrating a festival, and they were rejoicing greatly because they had conquered the Persians,
life.eustathius.theopiste.02:160
ⲁⲩⲥⲱⲟⲩϩ ⲇⲉ ⲛϭⲓⲡⲙⲏⲏϣⲉ ⲉⲛⲁⲩ ⲉⲡⲁⲅⲱⲛ · ⲙⲛⲧⲉⲑⲉⲱⲣⲓⲁ ⲛⲛⲉⲧⲟⲩⲁⲁⲃ ·
And the multitude gathered together to see the strife, and the spectacle of the saints
life.eustathius.theopiste.01:161
ⲉⲣⲉⲡⲣⲣⲟ ⲣϣⲁ ⲛⲙⲙⲁⲩ · ϩⲛⲟⲩⲛⲟϭ ⲛⲥⲩⲛⲕⲣⲟⲧⲏⲥⲓⲥ ·
and the Emperor was celebrating the festival with them with great heartiness,
life.eustathius.theopiste.02:161
ⲉⲩϫⲓ ⲇⲉ ⲙⲙⲟⲟⲩ ⲉⲃⲟⲗ ϩⲓⲧⲛⲙⲙⲏⲭⲁⲛⲏ ⲙⲡⲟⲣⲅⲁⲛⲟⲛ · ⲉⲧⲟⲩⲛⲟⲩ ϫⲉⲙⲙⲟⲟⲩ ⲉϩⲟⲩⲛ ⲉⲣⲟϥ ·
and (the servants of the Emperor) seized them with the mechanical contrivances of the instrument for lifting them up into it.
life.eustathius.theopiste.01:162
ⲉⲛⲉⲡⲉⲧⲉϣϣⲉ ϩⲱⲱϥ ⲡⲉ ⲉⲧⲣⲉϥⲣϣⲁ ⲛⲙⲙⲁⲩ ⲛϭⲓⲉⲩⲥⲧⲁⲑⲓⲟⲥ ·
but Eustathius felt that it was not seemly for him to join them in celebrating the festival.
life.eustathius.theopiste.02:162
ⲁⲡⲙⲁⲕⲁⲣⲓⲟⲥ ⲉⲩⲥⲧⲁⲑⲓⲟⲥ ⲡⲁⲣⲁⲕⲁⲗⲉⲓ ⲛⲛϯⲙⲓⲟⲥ ϫⲉⲉⲩⲉⲕⲁⲁⲩ ⲛⲥⲉϣⲗⲏⲗ ·
And the blessed Eustathius entreated the honourable people to allow them to pray,
life.eustathius.theopiste.02:163
ⲁϥⲡⲱⲣϣ ⲇⲉ ⲉⲃⲟⲗ ⲛⲛⲉϥϭⲓϫ ⲛⲧⲟϥ ⲙⲛⲧⲉϥⲥϩⲓⲙⲉ · ⲙⲛⲛⲉϥϣⲏⲣⲉ ·
and he spread out his hands, he and his wife and his sons,
life.eustathius.theopiste.01:163
ⲉⲡⲉⲓⲇⲏ ⲟⲩⲛⲟϭ ⲡⲉ ⲛⲥⲧⲣⲁⲧⲏⲗⲁⲧⲏⲥ ϩⲛⲧⲥⲩⲅⲕⲗⲏⲧⲟⲥ ⲛϩⲣⲱⲙⲏ ⲁϥϣⲓⲛⲉ ⲇⲉ ⲛⲥⲱϥ ⲛϭⲓⲡⲣⲣⲟ ⲙⲡⲉϥϩⲉ ⲉⲣⲟϥ ·
As, however, he was a great general among the nobles of Rome, the Emperor enquired for him, but did not find him.
life.eustathius.theopiste.02:164
ⲁⲩϣⲗⲏⲗ ⲉⲩϫⲱ ⲙⲙⲟⲥ · ϫⲉⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲡⲉⲧⲉⲙⲉⲩⲛⲁⲩ ⲉⲣⲟϥ ⲛϭⲓⲟⲩⲟⲛ ⲛⲓⲙ · ⲁⲛⲟⲛ ⲇⲉ ⲁⲛⲛⲁⲩ ⲉⲣⲟϥ ⲕⲁⲧⲁⲡⲉϥⲟⲩⲱϣ · ⲥⲱⲧⲙ ⲉⲣⲟⲛ ⲧⲉⲛⲟⲩ ⲉⲛⲱϣ ⲉϩⲣⲁⲓ ⲉⲣⲟⲕ · ⲛⲅⲧⲣⲉⲡⲉⲛϣⲗⲏⲗ ϫⲱⲕ ⲛⲁⲛ ⲉⲃⲟⲗ ϩⲛⲟⲩⲙⲉⲉⲩⲉ ⲛⲟⲩⲱⲧ · ϩⲛⲧϩⲟⲙⲟⲗⲟⲅⲓⲁ ⲙⲡⲉⲕⲣⲁⲛ ⲙⲛⲧⲉⲕⲡⲓⲥⲧⲓⲥ ⲉⲧⲟⲩⲁⲁⲃ ·
and they prayed, saying, 'O Lord God of the Powers, Whom no man hath ever seen, but Whom now we see according to His wish, hearken Thou now unto us who cry unto Thee. Make Thou our prayer to be perfect with one thought, namely, the confession of Thy Name and Thy holy faith.
life.eustathius.theopiste.01:164
ⲛⲧⲉⲣⲉϥⲉⲓⲙⲉ ⲇⲉ ⲛϭⲓⲡⲣⲣⲟ ϫⲉϩⲛⲟⲩⲟⲩⲛⲟⲩ ⲛⲟⲩⲱⲧ ⲙⲡⲉⲗⲁⲁⲩ ϣⲱϫⲡ ⲛⲁϥ ϩⲛⲛⲉⲧϣⲟⲟⲡ ⲛⲁϥ ⲧⲏⲣⲟⲩ ·
And when the Emperor learned that in one hour nothing had been left to him of all his possessions,
life.eustathius.theopiste.02:165
ⲛⲅⲁⲁⲛ ⲛⲙⲡϣⲁ ⲛⲧⲛⲱⲡ ⲉⲧⲙⲁⲣⲧⲩⲣⲓⲁ ⲛⲛⲉⲧⲟⲩⲁⲁⲃ ⲛⲧϩⲉ ⲙⲡϣⲟⲙⲛⲧ ⲛϣⲏⲣⲉ ϣⲏⲙ ⲉⲧⲟⲩⲁⲁⲃ · ⲇⲟⲕⲓⲙⲁⲍⲉ ⲙⲙⲟⲟⲩ ϩⲓⲧⲙⲡⲕⲱϩⲧ · ⲁⲩⲱ ⲙⲡⲟⲩⲁⲣⲛⲁ ⲙⲙⲟⲕ ·
Make Thou us worthy to be counted among the holy martyrs, even as were the Three Holy Children, whom Thou didst try by fire and they denied Thee not.
life.eustathius.theopiste.01:165
ⲟⲩⲇⲉ ⲙⲡⲟⲩϩⲉ ⲉⲣⲟϥ ⲙⲛⲛⲉⲧⲛⲙⲙⲁϥ ·
and that neither he nor those who were with him had anything left,
life.eustathius.theopiste.01:166
ⲁϥⲗⲩⲡⲉⲓ ⲉⲙⲁⲧⲉ ⲛϭⲓⲡⲣⲣⲟ · ⲁⲩⲱ ⲧⲥⲩⲛⲅⲗⲏⲧⲟⲥ ⲧⲏⲣⲥ ⲉⲧⲃⲏⲏⲧϥ ·
he and all the nobles with him were exceedingly sorry on his account,
life.eustathius.theopiste.02:166
ⲛⲧⲉⲓϩⲉ ⲇⲉ ϩⲱⲱⲛ ϣⲟⲡⲛ ⲉⲣⲟⲕ · ϩⲙⲡⲉⲓⲕⲱϩⲧ ⲛⲧϩⲉ ⲛⲟⲩⲑⲩⲥⲓⲁ ⲉⲥⲣⲁⲛⲁⲕ ϩⲙⲡⲧⲣⲛϣⲱⲡⲉ ⲟⲛ ⲛⲟⲩϭⲗⲓⲗ ϩⲙⲡⲕⲱϩⲧ ·
In this manner do Thou receive us nnto Thyself, through this fire, as a sacrifice well pleasing unto Thee, and because we make ourselves to be also an offering by fire.
life.eustathius.theopiste.02:167
ⲉⲕⲉϯ ⲛⲟⲩϩⲙⲟⲧ ⲡϫⲟⲉⲓⲥ ⲙⲛⲟⲩⲭⲁⲣⲓⲥⲙⲁ ⲉⲡⲉⲛⲥⲱⲙⲁ ϫⲉⲕⲁⲥ ⲟⲩⲟⲛ ⲛⲓⲙ ⲉⲧⲛⲁⲣⲡⲉⲛⲙⲉⲉⲩⲉ ⲉⲩⲉϫⲓ ⲛⲟⲩⲭⲁⲣⲓⲥⲙⲁ ϩⲛⲧⲙⲛⲧⲣⲣⲟ ⲛⲙⲡⲏⲩⲉ · ⲁⲩⲱ ⲟⲛ ⲟⲩⲁⲛⲁⲡⲁⲩⲥⲓⲥ ϩⲓϫⲙⲡⲕⲁϩ ·
And Lord, do Thou grant a favour and a gift unto our bodies, so that every one who shall commemorate us shall receive a gift in the kingdom of heaven, and also a time of rest upon earth.
life.eustathius.theopiste.01:167
ⲁⲩⲣϣⲡⲏⲣⲉ ⲙⲡⲉⲛⲧⲁϥϣⲱⲡⲉ ⲙⲙⲟϥ ·
and they marvelled at what had happened to him.
life.eustathius.theopiste.02:168
ⲕⲁⲛ ⲉⲩⲕⲓⲛⲇⲩⲛⲉⲩⲉ ϩⲛⲧϩⲁⲗⲗⲁⲥⲁ ⲛϩⲛⲛⲉⲓⲉⲣⲱⲟⲩ · ⲁⲩⲱ ⲉⲩϣⲁⲛⲉⲡⲓⲕⲁⲗⲉⲓ ⲙⲡⲉⲕⲣⲁⲛ ⲉⲧⲟⲩⲁⲁⲃ ⲉⲕⲉⲧⲟⲩϫⲟⲟⲩ ⲉⲃⲟⲗ ϩⲙⲡⲉⲩⲕⲩⲛⲇⲩⲛⲟⲥ ·
And if those who are in peril on the sea, or by waters of any kind, cry unto Thy Holy Name, do Thou deliver them from their danger.
life.eustathius.theopiste.01:168
ⲧⲟⲧⲉ ⲧⲉϥⲥϩⲓⲙⲉ ⲡⲉϫⲁⲥ ⲛⲁϥ · ϫⲉϣⲁⲛⲧⲉⲟⲩ ϣⲱⲡⲉ ⲉⲛϩⲙⲟⲟⲥ ⲙⲡⲉⲓⲙⲁ ·
Then his wife said unto him, 'How long shall we sit here in this place?
life.eustathius.theopiste.02:169
ⲛⲉⲧϩⲛϩⲉⲛⲛⲟⲃⲉ ⲉⲩⲟϣ ⲉⲩϣⲁⲛⲡⲁϩⲧⲟⲩ ⲛⲁⲕ ϩⲙⲡⲉⲛⲣⲁⲛ · ⲉⲕⲉⲕⲱ ⲛⲁⲩ ⲉⲃⲟⲗ ⲛⲛⲉⲩⲛⲟⲃⲉ · ⲁⲩⲱ ⲟⲩⲟⲛ ⲛⲓⲙ ⲉⲧⲛⲁⲣⲡⲉⲛⲙⲉⲉⲩⲉ ⲙⲡⲉϩⲟⲟⲩ ⲙⲡⲉⲛⲣⲁⲛ · ϣⲱⲡⲉ ⲛⲁⲩ ⲛⲃⲟⲏⲑⲟⲥ ⲡϫⲟⲉⲓⲥ ·
And if those who are (burdened) with manifold sins cast themselves down before Thee in Thy Name, do Thou forgive them their sins. And to every one who shall commemorate us on the day (called after) our name, be Thou, O Lord, a helper.
life.eustathius.theopiste.01:169
ⲧⲱⲟⲩⲛ ⲛⲧⲛϫⲓ ⲛⲛⲉⲛϣⲏⲣⲉ · ⲛⲧⲁⲩϣⲱϫⲡ ⲛⲁⲛ · ⲛⲧⲛⲃⲱⲕ ⲛⲁⲛ ⲛⲧⲛⲕⲱ ⲛⲥⲱⲛ ⲛⲧⲉⲭⲱⲣⲁ · ⲉⲃⲟⲗ ϫⲉⲁⲛϣⲱⲡⲉ ⲛⲛⲟϭⲛϭ ⲛⲛⲉⲧⲥⲟⲟⲩⲛ ⲙⲙⲟⲛ ⁛—
Rise up, and let us take oiur sons who are left unto us, and let us depart and leave this country, because we have become the laughing-stock of those who know us.'
life.eustathius.theopiste.01:170
ϩⲛⲧⲉⲟⲩϣⲏ ⲇⲉ ⲉⲧⲙⲙⲁⲩ · ⲁⲩϫⲓ ⲛⲛⲉⲩϣⲏⲣⲉ ⲁⲩⲉⲓ ⲉⲃⲟⲗ ⲉⲧⲣⲉⲩⲃⲱⲕ ⲉⲕⲏⲙⲉ ·
And that night they took their sons and departed, and they set out for Egypt.
life.eustathius.theopiste.02:170
ⲙⲁⲣⲉⲧⲁⲡⲩⲗⲏ ⲙⲡⲕⲱϩⲧ ⲉⲧⲕⲱⲧⲉ ⲉⲣⲟⲛ ϣⲱⲡⲉ ⲛⲁⲛ ⲉⲟⲩⲉⲓⲱⲧⲉ ⲛⲙⲧⲟⲛ ϫⲉⲕⲁⲥ ⲡϫⲟⲉⲓⲥ ⲛⲛⲉⲛⲉⲛⲥⲱⲙⲁ · ϫⲱⲱⲣⲉ ⲉⲃⲟⲗ ⲛϩⲏⲧϥ ·
Let the threat of the fire which is round about us become unto us the dew of refreshing, so that our bodies, O Lord, may gain strength thereby.'
life.eustathius.theopiste.01:171
ⲛⲧⲉⲣⲟⲩⲣⲟⲩϩⲟⲟⲩ ⲇⲉ ⲙⲙⲟⲟϣⲉ ⲏ ⲥⲛⲁⲩ · ⲁⲩⲉⲓ ⲉϫⲛⲧϩⲁⲗⲗⲁⲥⲁ ·
And when they had been travelling for a day or two, they arrived at the sea,
life.eustathius.theopiste.02:171
ⲛⲁⲓ ⲇⲉ ⲉⲩϫⲱ ⲙⲙⲟⲟⲩ ⲉⲩϣⲗⲏⲗ ⲁⲩⲥⲱⲧⲙ ⲉⲩⲥⲙⲏ ⲉⲃⲟⲗ ϩⲛⲧⲡⲉ · ⲉⲥϫⲱ ⲙⲙⲟⲥ ϫⲉⲕⲁⲧⲁⲧϩⲉ ⲛⲧⲁⲧⲉⲧⲛϣⲱⲡⲉ ⲛⲁⲑⲗⲏⲧⲏⲥ ⲛϫⲱⲱⲣⲉ ϩⲙⲡⲉⲓⲃⲓⲟⲥ ·
And whilst they were saying these words and were praying they heard a voice from heaven, saying, ' Inasmuch as ye have been mighty athletes in this life,
life.eustathius.theopiste.02:172
ⲁⲧⲉⲧⲛϩⲩⲡⲟⲙⲉⲓⲛⲉ ⲉϩⲁϩ ⲙⲡⲉⲓⲣⲁⲥⲙⲟⲥ · ⲧⲉⲛⲟⲩ ϭⲉ ⲙⲡⲣⲣϩⲟⲧⲉ ⲁⲙⲏⲓⲧⲛ ⲉϩⲣⲁⲓ ⲉⲡⲉⲓⲙⲁ ϩⲛⲟⲩⲉⲓⲣⲏⲛⲏ · ⲛⲧⲉⲧⲛϫⲓ ⲙⲡⲉⲕⲗⲟⲙ ⲛⲁⲧⲧⲁⲕⲟ ·
and ye have endured patiently manifold trials, fear ye not at this present, and come ye into this place in peace. Ye shall receive an indestructible crown,
life.eustathius.theopiste.01:172
ⲁⲩϩⲉ ⲉⲩϫⲟⲉⲓ ⲉϥⲙⲟⲟⲛⲉ ⲉⲧⲙⲣⲱ ⲁⲩϣⲓⲛⲉ ⲛⲥⲁⲁⲗⲉ ⲉⲡϫⲟⲉⲓ ·
and they found a ship anchored at the quay, and they made enquiries aboiut embarking in the ship.
life.eustathius.theopiste.01:173
ⲡⲛⲁⲩⲕⲗⲏⲣⲟⲥ ⲇⲉ ⲙⲡϫⲟⲉⲓ ⲛⲉ ⲟⲩⲃⲁⲣⲃⲁⲣⲟⲥ ⲡⲉ ⲛⲁⲅⲣⲓⲟⲥ ⁛—
And the captain of the ship was a savage and brutal man.
life.eustathius.theopiste.02:173
ⲛⲧⲉⲧⲛ ⲁⲡⲟⲗⲁⲩⲉ ⲙⲙⲱⲧⲛ ϩⲛⲛⲁⲅⲁⲑⲟⲛ ⲛⲧⲁⲩⲥⲃⲧⲱⲧⲟⲩ · ⲛⲏⲧⲛ ϣⲁⲉⲛⲉϩ · ⲉⲡⲙⲁ ⲛⲛϩⲓⲥⲉ ⲛⲧⲁⲧⲉⲧⲛϣⲟⲡⲟⲩ · ⲙⲛⲙⲡⲉⲓⲣⲁⲥⲙⲟⲥ ⲛⲧⲁⲧⲉⲧⲛϩⲩⲡⲟⲙⲉⲓⲛⲉ ⲉⲣⲟⲟⲩ ⲡⲣⲟⲥⲟⲩⲕⲟⲩⲓ ⲛⲟⲩⲟⲉⲓϣ ·
and ye shall enjoy yourselves with the good thing's which have been prepared for you for ever, in the place of the suffering's that ye have endured, and the trials which ye have borne patiently and which were only for a time.'
life.eustathius.theopiste.02:174
ⲛⲧⲉⲣⲟⲩⲥⲱⲧⲙ ⲇⲉ ⲉⲛⲁⲓ ⲛϭⲓⲛⲉⲧⲟⲩⲁⲁⲃ · ⲁⲩⲡⲁⲣⲁⲇⲓⲇⲟⲩ ⲙⲙⲟⲟⲩ ⲙⲁⲩⲁⲁⲩ ϩⲛⲟⲩⲟⲩⲣⲟⲧ ⲁⲙⲙⲁⲧⲟⲓ ⲛⲟϫⲟⲩ ⲉⲡⲟⲣⲅⲁⲛⲟⲛ ⲛϩⲟⲙⲛⲧ ·
And when the saints had heard these things they delivered themselves joyfully over to the soldiers, who cast them into the brazen instrument.
life.eustathius.theopiste.01:174
ⲛⲧⲉⲣⲟⲩⲁⲗⲉ ⲇⲉ ⲉⲡϫⲟⲉⲓ ⲁⲩⲣϩⲱⲧ ·
And when they had embarked in the ship they put to sea,
life.eustathius.theopiste.02:175
ⲛⲧⲉⲣⲟⲩⲛⲟϫⲟⲩ ⲇⲉ ⲁⲡϣⲁϩ ⲙⲡⲕⲱϩⲧ ⲕⲱⲧⲉ ⲉⲣⲟⲟⲩ · ⲁⲩϯⲉⲟⲟⲩ ⲛⲧⲉⲧⲣⲓⲁⲥ · ⲉⲧⲟⲩⲁⲁⲃ · ⲧⲁⲓ ⲉⲧⲉⲡⲱⲥ ⲡⲉ ϫⲣⲟ ·
And having been thrown in the flame of fire enveloped them, and they ascribed glory unto the Holy Trinity, unto Whom victory belongeth,
life.eustathius.theopiste.01:175
ⲁϥⲛⲁⲩ ⲇⲉ ⲛϭⲓⲡⲛⲁⲩⲕⲗⲏⲣⲟⲥ ⲉⲧⲉⲥϩⲓⲙⲉ ⲛⲉⲩⲥⲧⲁⲑⲓⲟⲥ ϫⲉⲉⲛⲉⲥⲱⲥ ⲉⲙⲁⲧⲉ ϩⲙⲡⲉⲥϩⲟ · ⲁⲩⲱ ⲁϥⲙⲉⲣⲓⲧⲥ
and the captain of the ship looked upon the wife of Eustathius, and he saw that her face was beautiful, and he loved her.
life.eustathius.theopiste.01:176
ⲛⲧⲉⲣⲉϥⲡⲱϩ ⲇⲉ ⲉⲡⲉⲕⲣⲟ ⲛⲧϩⲁⲗⲁⲥⲁ · ⲁϥϣⲓⲛⲉ ⲛⲥⲁⲧⲉϥϩⲏⲙⲉ ⲛⲧⲟⲟⲧϥ ⲉⲙⲛⲧⲁϥ ⲇⲉ ⲙⲙⲁⲩ ⲉϯ ·
And when the captain arrived at the shore of the sea he asked Eustathius for his passage money, but he had it not to give to him;
life.eustathius.theopiste.02:176
ⲙⲛⲛⲥⲁⲟⲩⲕⲟⲩⲓ ⲇⲉ ⲁⲩϯ ⲛⲛⲉⲩⲯⲩⲭⲏ ⲛϭⲓϫ ⲙⲡⲛⲟⲩⲧⲉ · ⲁⲩⲱ ⲙⲡⲉⲡⲕⲱϩⲧ ϫⲱϩ ⲉⲡⲉⲩⲥⲱⲙⲁ ⲉⲡⲧⲏⲣϥ ⲟⲩⲇⲉ ⲡϥⲱ ⲛⲧⲉⲩⲁⲡⲉ ·
and after a short time they delivered up their souls into the hands of God. And the fire did not touch (or, scorch) their bodies in the least degree, nor the hair of their heads.
life.eustathius.theopiste.01:177
ⲁϥⲁⲙⲁϩⲧⲉ ⲇⲉ ⲛⲧⲉϥⲥϩⲓⲙⲉ · ⲉⲧⲃⲉⲧⲁⲓϯⲁ ⲛⲧϩⲏⲙⲉ ·
and he seized the wife of Eustathius in place of the passage money,
life.eustathius.theopiste.02:177
ⲙⲛⲛⲥⲁϣⲟⲙⲛⲧ ⲇⲉ ⲛϩⲟⲟⲩ ⲁⲡⲣⲣⲟ ⲁⲥⲉⲃⲏⲥ ⲁⲇⲣⲓⲁⲛⲟⲥ ⲉⲓ ⲉⲡⲙⲁ ⲛⲧⲁⲛⲉⲧⲟⲩⲁⲁⲃ ϫⲱⲕ ⲉⲃⲟⲗ ⲛϩⲏⲧϥ ·
And after three days the wdcked Emperor Hadrian came to the place wherein the saints had finished (their fight),
life.eustathius.theopiste.02:178
ⲁϥⲕⲉⲗⲉⲩⲉ ⲉⲧⲣⲉⲩⲟⲩⲱⲛ ⲉⲡⲙⲁⲥⲉ ⲛϩⲟⲙⲛⲧ ⲉⲧⲣⲉϥⲛⲁⲩ ϫⲉⲛⲧⲁⲟⲩϣⲱⲡⲉ ⲛⲛⲉⲧⲟⲩⲁⲁⲃ ·
and he commanded that the brazen bull should bo opened, so that he might be able to see what had happened to the saints.
life.eustathius.theopiste.01:178
ⲡⲁⲓ ⲅⲁⲣ ⲡⲉⲛⲧⲁϥϣⲟϫⲛⲉ ⲉⲣⲟϥ ⲉⲧⲙϯ ⲙⲙⲟⲥ ⲙⲡⲉⲥϩⲁⲓ ·
for he had already determined that he would not let her go with her husband.
life.eustathius.theopiste.02:179
ⲛⲧⲉⲣⲟⲩⲁⲛⲟⲩⲱⲛ ⲇⲉ ⲁⲩϩⲉ ⲉⲡⲥⲱⲙⲁ ⲛⲛⲉⲧⲟⲩⲁⲁⲃ ⲉϥⲟⲩⲟϫ · ⲉⲙⲛⲗⲁⲁⲩ ⲛⲧⲁⲕⲟ ϣⲟⲟⲡ ⲛϩⲏⲧϥ · ⲉⲩⲙⲉⲉⲩⲉ ⲇⲉ ϫⲉⲉⲩⲟⲛϩ ·
And when it had been opened they found the bodies of the saints in a perfect state of preservation, and there were no marks of destruction whatever in them, and they seemed to be still alive.
life.eustathius.theopiste.01:179
ⲁⲩⲱ ⲁϥⲱⲥⲕ ⲉϥϩⲟⲙⲟⲓⲗⲉ ⲛⲙⲙⲁϥ · ⲛϭⲓⲉⲩⲥⲧⲁⲑⲓⲟⲥ ⲁⲩⲱ ⲉϥⲥⲟⲡⲥⲡ ⲙⲙⲟϥ ⲁϥϫⲱⲣⲙ ⲟⲩⲃⲉⲛⲛⲉⲉϥ ⲛϭⲓⲡⲛⲁⲩⲕⲗⲏⲣⲟⲥ · ⲉⲧⲣⲉⲩⲁⲙⲁϩⲧⲉ ⲙⲙⲟϥ ⲛⲥⲉⲛⲟϫϥ ⲉⲧϩⲁⲗⲁⲥⲥⲁ ·
And when Eustathius persevered in arguing the matter with him, and in making supplication to him, the captain made a sign to the sailors to lay hold upon him, and to throw him into the sea.
life.eustathius.theopiste.01:180
ⲛⲧⲉⲣⲉⲉⲩⲥⲧⲁⲑⲓⲟⲥ ⲇⲉ ⲉⲓⲙⲉ ⲉⲧⲉⲩⲉⲡⲓⲃⲟⲩⲗⲏ ⲁϥⲕⲱ ⲛⲥⲱϥ ⲛⲧⲉϥⲥϩⲓⲙⲉ ⲉϩⲛⲁϥ ⲁⲛ ⲁϥϫⲓ ⲙⲡⲉϥϣⲏⲣⲉ ⲥⲛⲁⲩ ⲁϥⲙⲟⲟϣⲉ ⲛⲙⲙⲁⲩ ⲉϥⲣⲓⲙⲉ ·
And when Eustathius knew of their evil intentions he very unwillingly left his wife behind, and taking his two sons departed with them weeping,
life.eustathius.theopiste.02:180
ⲁⲩⲱ ⲛⲧⲉⲣⲟⲩⲛⲧⲟⲩ ⲉⲃⲟⲗ ⲁⲩⲕⲁⲁⲩ ϩⲓϫⲙⲡⲕⲁϩ ⲁⲩⲛⲟϭ ⲛϩⲟⲧⲉ ⲙⲛⲟⲩϣⲡⲏⲣⲉ · ⲧⲁϩⲉⲟⲩⲟⲛ ⲛⲓⲙ ⲉⲧⲁϩⲉⲣⲁⲧⲟⲩ ⲙⲡⲉⲩⲕⲱⲧⲉ · ⲁⲩⲱ ⲛⲉⲣⲉⲡⲥⲱⲙⲁ ⲛⲛⲉⲧⲟⲩⲁⲁⲃ ⲗⲁⲙⲡⲉⲩⲉ ⲛⲧϩⲉ ⲛⲟⲩⲭⲓⲱⲛ ·
And when they had brought them out and laid tbem on the ground, great awe and wonder came upon every one who stood nigh unto them, and the bodies of the saints were brilliantly white like snow.
life.eustathius.theopiste.02:181
ⲉϥⲛⲁⲩ ⲇⲉ ⲉⲣⲟⲟⲩ ⲛϭⲓⲁⲇⲣⲓⲁⲛⲟⲥ ⲡⲉⲧϫⲁϩⲙ · ⲁϥⲣϣⲡⲏⲣⲉ · ⲁⲩⲱ ⲁϥⲣϩⲟⲧⲉ · ⲁϥⲁⲛⲁⲭⲱⲣⲉⲓ ·
And the polluted Hadrian looked upon them, and he was filled with wonder, and was afraid, and he went away.
life.eustathius.theopiste.01:181
ⲁⲩⲱ ⲉϥⲧⲟⲉⲓⲧ ⲉϥϫⲱ ⲙⲙⲟⲥ ϫⲉⲟⲩⲟⲉⲓ ⲛⲁⲓ ⲛⲁϣⲏⲣⲉ · ϫⲉⲁⲩϥⲓ ⲛⲧⲉⲧⲛⲙⲁⲁⲩ ϩⲓⲧⲛⲟⲩⲣⲱⲙⲉ ⲛⲃⲁⲣⲃⲁⲣⲟⲥ ·
and he made lamentation, saying, 'Woe is me, O my sons, for your mother hath been seized by a barbarian.'
life.eustathius.theopiste.02:182
ⲡⲙⲏⲏϣⲉ ⲇⲉ ⲟⲛ ⲉⲧⲁϩⲉⲣⲁⲧⲟⲩ ⲁⲩⲱϣ ⲉⲃⲟⲗ ⲉⲩϫⲱ ⲙⲙⲟⲥ · ϫⲉⲛⲧⲟⲕ ⲟⲩⲛⲟϭ ⲡϫⲟⲉⲓⲥ ⲡⲛⲟⲩⲧⲉ ⲛⲛⲉⲭⲣⲓⲥⲧⲓⲁⲛⲟⲥ ·
And the multitude who were standing there cried out, saying, 'Great art Thou, O God of the Christians!
life.eustathius.theopiste.01:182
ⲉϥⲙⲟⲟϣⲉ ⲇⲉ ⲁϥⲁϣⲁϩⲟⲙ ⲁⲩⲱ ⲉϥⲣⲓⲙⲉ ⲁϥⲉⲓ ⲉϫⲛⲟⲩⲓⲉⲣⲟ ⲙⲙⲟⲟⲩ · ⲁⲩⲱ ϩⲓⲧⲛⲧⲁϣⲏ ⲛⲙⲙⲟⲩ ⲛⲉⲓⲟⲟⲩⲉ ·
And he went away heaving sighs and shedding tears, and he came to a river of water, and owing to the heavy rain which had fallen into it
life.eustathius.theopiste.01:183
ⲙⲡⲉϥⲉϣϭⲙϭⲟⲙ ⲉϫⲓⲟⲟⲣ ⲙⲡⲉϥϣⲏⲣⲉ ⲥⲛⲁⲩ ϩⲓⲟⲩⲥⲟⲡ ·
he was unable to swim across it with both of his sons at the same time.
life.eustathius.theopiste.02:183
ⲛⲧⲟⲕ ⲡⲉ ⲡⲛⲟϭ ⲛⲛⲟⲩⲧⲉ · ⲙⲙⲉ ⲙⲁⲩⲁⲁϥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ · ⲁⲩⲱ ⲙⲛⲕⲉⲟⲩⲁ ⲛⲃⲗⲗⲁⲕ ϫⲉⲙⲡⲉⲕⲕⲁⲡⲉⲧϩⲟⲟⲩ ⲉϫⲱϩ ⲉⲡⲥⲱⲙⲁ ⲛⲛⲉⲧⲟⲩⲁⲁⲃ · ⲁⲗⲗⲁ ⲁⲩϣⲱⲡⲉ ⲉⲩⲗⲁⲙⲡⲉⲩⲉ ⲉⲡⲉϩⲟⲩⲟ ⲉⲩⲣⲟⲩⲟⲉⲓⲛ ⲉⲙⲁⲧⲉ ϩⲛⲟⲩⲉⲟⲟⲩ ⲙⲛⲟⲩⲣⲁϣⲉ ·
Thou art indeed the only Great God, Jesus the Christ, and there is no other god besides Thee. For Thou didst not permit any harm to reach the bodies of (these) saints, nay, they have become brilliantly white and shining, and they send forth great light with glory and gladness.'
life.eustathius.theopiste.02:184
ⲣⲟⲩϩⲉ ⲇⲉ ⲛⲧⲉⲣϥϣⲱⲡⲉ ⲁⲩⲉⲓ ⲛϭⲓⲛⲉⲭⲣⲓⲥϯⲁⲛⲟⲥ ⲁⲩϫⲓ ⲙⲡⲥⲱⲙⲁ ⲛⲛⲉⲧⲟⲩⲁⲁⲃ ⲙⲙⲁⲣⲧⲩⲣⲟⲥ ⲁⲩⲕⲁⲁϥ ϩⲛⲟⲩⲙⲁ ⲉϥⲧⲁⲓⲏⲩ ϩⲛⲟⲩϩⲱⲡ ϩⲛⲧⲡⲟⲗⲓⲥ ϩⲣⲱⲙⲏ ·
And when the evening had come the Christians came and carried away the bodies of the martyred saints, and they laid them in an honourable place secretly in the city of Rome.
life.eustathius.theopiste.01:184
ⲁϥⲧⲁⲗⲉⲡⲟⲩⲁ ⲉϫⲛⲧⲉϥⲛⲁϩⲃ ·
And he took the one son on his neck,
life.eustathius.theopiste.01:185
ⲁϥⲕⲁⲡⲕⲉⲟⲩⲁ ϩⲓⲡⲉⲓⲥⲁ ⲙⲡⲙⲟⲩ ·
and leaving the other on this side of the river
life.eustathius.theopiste.02:185
ⲁⲩⲱ ⲙⲛⲛⲥⲁⲧⲣⲉⲡⲇⲓⲱⲅⲙⲟⲥ ⲁⲩⲱ ⲁⲩⲕⲱⲧ ⲉⲣⲟⲟⲩ ⲛⲟⲩⲙⲁⲣⲧⲩⲣⲓⲟⲛ ⲉⲩⲣϣⲁ ⲛϩⲏⲧϥ ϩⲛϩⲉⲛϩⲩⲙⲛⲟⲥ · ⲙⲛϩⲉⲛⲇⲟⲝⲟⲗⲟⲅⲓⲁ ⲕⲁⲧⲁⲡⲥⲱⲛⲧ ⲛⲛⲉⲭⲣⲓⲥⲧⲓⲁⲛⲟⲥ ·
And after the persecution (of them had died away) they built over them a martyrium, and they celebrated festivals therein with hymns and doxologies, according to the custom of the Christians.
life.eustathius.theopiste.01:186
ⲁϥϫⲓⲟⲟⲣ · ⲙⲡⲙⲟⲟⲩ ⲁϥⲕⲱ ϩⲓⲡⲉⲕⲣⲟ ⲙⲡⲉⲛⲧⲁϥⲧⲁⲗⲟϥ ⲉϫⲱϥ ·
he swam across the water, and left on the other side the son whom he had been carrying,
life.eustathius.theopiste.02:186
ⲉⲩⲉⲧⲣⲉⲙⲡⲙⲉⲉⲩⲉ ⲛⲧⲁⲛⲁⲡⲁⲩⲥⲓⲥ ⲉⲧⲟⲩⲁⲁⲃ ⲛⲛⲉⲓⲙⲁⲣⲧⲩⲣⲟⲥ ⲉⲧⲧⲁⲓⲏⲩ ϩⲛⲥⲟⲩϫⲟⲩⲱⲧ ⲙⲡⲉⲃⲟⲧ ⲇⲉⲕⲉⲙⲃⲣⲓⲟⲥ ⲉⲧⲉⲑⲱⲑ ⲡⲉ · ⲕⲁⲧⲁⲧⲁⲥⲡⲉ ⲛⲛⲣⲙⲛⲕⲏⲙⲉ ·
And they commemorated the holy deaths of these oflorious martyrs on the twentieth day of the month of December, which is Thoth, according to the language of the inhabitants of Egypt.
life.eustathius.theopiste.01:187
ⲁϥⲕⲧⲟϥ ⲉϫⲙⲡⲕⲉⲟⲩⲁ ·
and then turned back (to fetch) the other.
life.eustathius.theopiste.02:187
ⲧⲁⲓ ⲧⲉ ⲧⲡⲟⲗⲓⲧⲉⲓⲁ ⲁⲩⲱ ⲧⲁⲑⲗⲏⲥⲓⲥ ⲛⲛⲉⲓⲙⲁⲕⲁⲣⲓⲟⲥ ⲙⲙⲁⲣⲧⲩⲣⲟⲥ ⲉⲧⲟⲩⲁⲁⲃ · ⲫⲁⲅⲓⲟⲥ ⲁⲡⲁ ⲉⲩⲥⲧⲁⲑⲓⲟⲥ ⲙⲛⲁⲡⲁ ⲁⲅⲁⲡⲓⲟⲥ · ⲙⲛⲁⲡⲁⲑⲉⲟⲡⲓⲥⲧⲟⲥ ⲛⲉϥϣⲏⲣⲉ ⲙⲛⲁⲙⲙⲁ ⲑⲉⲟⲡⲓⲥⲧⲏ ⲧⲉϥⲥϩⲓⲙⲉ ·
Such is the history of the life and contest of these blessed and holy martyrs, that is to say, Apa Eustathius, and Apa Agapius and Apa Theopistus, his sons, and Amma Theopiste, his wife.
life.eustathius.theopiste.01:188
ⲁⲥϣⲱⲡⲉ ⲇⲉ ⲉϥϩⲛⲧⲙⲏⲏⲧⲉ ⲙⲡⲓⲉⲣⲟ ·
And it came to pass that whilst he was in the middle of the river
life.eustathius.theopiste.02:188
ⲡⲁⲓ ⲡⲉ ⲡϫⲱⲕ ⲉⲃⲟⲗ ⲛⲧⲉⲩⲁⲑⲗⲓⲥⲓⲥ ⲉⲧⲧⲁⲓⲏⲩ ⁛
Here endeth the account of their strife.
life.eustathius.theopiste.02:189
ⲟⲩⲟⲛ ϭⲉ ⲛⲓⲙ ⲉⲧⲛⲁⲣⲡⲙⲡϣⲁ ⲙⲡⲉⲩⲣⲡⲙⲉⲉⲩⲉ ⲉⲧⲟⲩⲁⲁⲃ ⲛⲥⲉⲉⲡⲓⲕⲁⲗⲉⲓ ⲙⲙⲟⲟⲩ ⲥⲉⲛⲁⲙⲁⲧⲉ ⲛⲛⲁⲅⲁⲑⲟⲛ ⲛⲧⲙⲛⲧⲣⲣⲟ ⲛⲙⲡⲏⲩⲉ ϩⲓⲧⲛⲧⲉⲭⲁⲣⲓⲥ ⲙⲛⲧⲙⲛⲧⲙⲁⲓⲣⲱⲙⲉ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲁⲓ ⲉⲃⲟⲗ ϩⲓⲧⲟⲟⲧϥ ⲡⲉⲟⲟⲩ ⲛⲁϥ ⲙⲛⲡⲉϥⲉⲓⲱⲧ ⲛⲁⲅⲁⲑⲟⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ϣⲁⲉⲛⲉϩ ⲛⲉⲛⲉϩ
Now every one who shall be worthy to celebrate the holy commemoration (of these saints), and who shall invoke them, shall receive the good things of the kingdom which is in the heavens, through the grace and love for man of our Lord Jesus the Christ, to Whom be glory, and to His Good Father, and to the Holy Spirit, for ever and ever.
life.eustathius.theopiste.01:189
ⲁϥϭⲱϣⲧ ⲁϥⲛⲁⲩ ⲉϥⲙⲟⲩⲓ ⲉⲁϥⲧⲱⲣⲡ ⲙⲡⲉϥϣⲏⲣⲉ ⲁϥϥⲓⲧϥ ⲁϥⲃⲱⲕ ·
he lifted up his eyes, and saw that a lion had seized his son, and that he was dragging him along the ground and going away with him.
life.eustathius.theopiste.01:190
ⲁⲡⲉϥⲉⲓⲱⲧ ⲉⲓⲁⲧⲟⲟⲧϥ ⲛⲥⲱϥ ·
And his father Eustathius was in despair about him;
life.eustathius.theopiste.02:190
ϩⲁⲙⲏⲛ ⁛⁛⁛ — ··· — ··· — ··· — ··· —
Amen.
life.eustathius.theopiste.02:191
ⲃⲓⲕⲧ ⲉⲗⲁⲭⲓⲥⲧⲟⲥ ⲇⲓⲁⲕⲟ ⲩⲩ ⲙⲁⲕⲁⲣⲓⲟ ⲙⲉⲣ ⲇⲓⲁⲕⲟ
Victor the deacon, the least (of men), the son of the blessed Mercurius, the deacon.'
life.eustathius.theopiste.01:191
ⲁϥⲕⲟⲧϥ ⲗⲟⲓⲡⲟⲛ ⲉⲟⲩⲛⲧⲁϥ ⲙⲙⲁⲩ ⲛⲧϩⲉⲗⲡⲓⲥ ⲙⲡⲕⲉⲟⲩⲁ ·
but he recovered himself at length, feeling that there was hope for him, for he still had the other son left to him.
life.eustathius.theopiste.01:192
ⲡⲁⲗⲓⲛ ⲟⲛ ⲁϥⲛⲁⲩ ⲉⲡⲕⲉⲟⲩⲁ ⲉⲁⲩⲧⲟⲣⲡϥ ϩⲓⲧⲛⲟⲩⲱⲛϣ ·
And again he looked, and saw that the other son was being carried off by a wolf.
life.eustathius.theopiste.01:193
ⲉⲁϥⲑⲉⲱⲣⲉⲓ ⲛⲛⲉϥϣⲏⲣⲉ ⲉⲁⲩⲁⲓⲭⲙⲁⲗⲱϯⲍⲉ ⲙⲙⲟⲟⲩ ϩⲓⲧⲛⲛⲉⲑⲏⲣⲓⲟⲛ ·
And (when) he perceived that both his sons had been carried away into captivity by wild beasts
life.eustathius.theopiste.01:194
ⲁϥⲧⲱⲗϭ ⲛⲥⲁⲡϥⲱ ⲛⲧⲉϥⲁⲡⲉ ·
he tore out the hair of his head,
life.eustathius.theopiste.01:195
ⲁϥⲧⲟⲉⲓⲧ ⲉⲙⲁⲧⲉ ϩⲛⲟⲩⲛⲟϭ ⲛⲥⲓϣⲉ ·
and wept abundantly with exceedingly great bitterness,
life.eustathius.theopiste.01:196
ⲁϥϩⲓⲧⲟⲟⲧϥ ⲉⲛⲟϫϥ ⲉⲧϩⲁⲗⲁⲥⲥⲁ ⲙⲁⲩⲁⲁϥ ·
and he was about to cast himself into the flood.
life.eustathius.theopiste.01:197
ⲁⲗⲗⲁ ⲁⲧⲙⲛⲧⲃⲁⲓⲣⲟⲟⲩϣ ⲙⲡⲛⲟⲩⲧⲉ · ⲧⲁϫⲣⲉⲡⲉϥϩⲏⲧ ⲉⲧⲣⲉϥⲉⲓⲙⲉ ⲉⲛⲉⲧⲛⲁϣⲱⲡⲉ ⲙⲙⲟϥ ·
But the loving care of God gave strength to his heart, so that it might make him to know what was to happen to him.
life.eustathius.theopiste.01:198
ⲙⲡⲉϥⲣⲡⲁⲓ ⲁⲗⲗⲁ ⲁϥϫⲓⲟⲟⲣ ⲙⲡⲙⲟⲟⲩ · ⲉⲧⲣⲉϥⲃⲱⲕ ⲉϩⲣⲁⲓ ⲉⲧⲉⲣⲏⲙⲟⲥ ·
Therefore, he did not do this (i.e. drown himself), but he swam across the river in order to depart into the desert.
life.eustathius.theopiste.01:199
ⲁⲩⲛⲁⲩ ⲇⲉ ⲉⲡϣⲏⲣⲉ ϣⲏⲙ · ⲛϭⲓϩⲉⲛϣⲟⲟⲥ ϩⲓϩⲣⲁϥ ⲙⲡⲙⲟⲩⲓ · ⲉϥϣⲟⲟⲡ ⲁϫⲛⲧⲁⲕⲟ
And when certain shepherds saw the (one) child in the jaws of the lion and that he was uninjured,
life.eustathius.theopiste.01:200
ⲁⲩϫⲟⲟⲥ ϩⲛⲟⲩⲥⲟⲟⲩⲧⲛ · ϫⲉⲡⲣⲟⲛⲓⲁ ⲙⲡⲛⲟⲩⲧⲉ ⲧⲉⲧϩⲁⲣⲉϩ ⲉⲡⲉⲓϣⲏⲣⲉ ϣⲏⲙ ·
they said with right understanding, The Providence of God is disposed to protect this boy,
life.eustathius.theopiste.01:201
ⲁⲩⲱ ⲉⲧⲃⲟⲏⲑⲉⲓ ⲉⲣⲟϥ ⲁⲩⲱ ⲉⲥⲛⲟϩⲙ ⲙⲙⲟϥ ⲛⲧⲟⲟⲧϥ ⲙⲡⲉⲑⲏⲣⲓⲟⲛ ·
and to help him, and it will deliver him from the wild beast.'
life.eustathius.theopiste.01:202
ⲁⲩⲡⲱⲧ ⲇⲉ ⲛⲥⲁⲡⲙⲟⲩⲓ ⲙⲛⲛⲉⲩⲟⲩϩⲟⲣ ·
And they gave chase to the lion with their horses,
life.eustathius.theopiste.01:203
ⲡⲙⲟⲩⲓ ⲇⲉ ⲁϥⲣϩⲟⲧⲉ ·
and the lion was afraid.
life.eustathius.theopiste.01:204
ⲕⲁⲧⲁⲟⲩⲟⲓⲕⲟⲛⲟⲙⲓⲁ ⲇⲉ ⲛⲧⲉⲡⲛⲟⲩⲧⲉ ⲁⲡⲙⲟⲩⲓ ⲛⲟⲩϫⲉ ⲉⲃⲟⲗ ⲙⲡϣⲏⲣⲉ ϣⲏⲙ ·
And by the dispensation of God the lion dropped the child from his mouth,
life.eustathius.theopiste.01:205
ⲁϥⲡⲱⲧ ⲁⲛϣⲟⲟⲥ · ϥⲓ ⲙⲡϣⲏⲣⲉ ϣⲏⲙ ⲁⲩⲥⲁⲛⲟⲩϣϥ ⲛⲁⲩ ⲉⲩϣⲏⲣⲉ ϩⲓⲡⲉⲓⲉⲃⲧ ⲙⲡⲓⲉⲣⲟ ·
and fled, and the shepherds picked up the child, and they reared it as a son to them on the east of the river.
life.eustathius.theopiste.01:206
ⲡⲕⲉⲟⲩⲁ ⲇⲉ ⲛⲧⲁⲡⲱⲛϣ ϩⲁⲣⲡⲁⲍⲉ ⲙⲙⲟϥ ·
And as for the other son which the wolf had carried off
life.eustathius.theopiste.01:207
ⲁⲧⲉⲡⲣⲟⲛⲓⲁ ⲙⲡⲛⲟⲩⲧⲉ ⲥⲕⲉⲡⲁⲍⲉ ⲙⲙⲟϥ ⲁϫⲛⲧⲁⲕⲟ ⁛—
the good Providence of God preserved him also unharmed.
life.eustathius.theopiste.01:208
ⲛⲧⲉⲣⲟⲩⲛⲁⲩ ⲇⲉ ⲛϭⲓϩⲉⲛⲣⲱⲙⲉ ⲛⲣⲉϥⲥⲕⲁⲓ ⲁⲩⲡⲱⲧ ⲁⲩϥⲓⲧϥ ⲛⲧⲟⲟⲧϥ ⲙⲡⲱⲛϣ ⲙⲡϥϫⲓⲧϥ ⲛϭⲟⲛⲥ ⲗⲁⲁⲩ ·
For when certain men who were ploughing the land saw him (being carried off) they gave chase to the wolf, and took him from the beast; and the child had received no injury whatsoever.
life.eustathius.theopiste.01:209
ⲛⲣⲉϥⲥⲕⲁⲓ ⲇⲉ ⲙⲛⲛϣⲟⲟⲥ · ⲛⲉⲩϣⲟⲟⲡ ϩⲛⲟⲩⲕⲱⲙⲏ ⲛⲟⲩⲱⲧ ·
And the ploughmen and the shepherds were living together in the same village,

Coptic SCRIPTORIUM, corpus life.eustathius.theopiste (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.