Life Eustathius Theopiste

Coptic literature (Coptic SCRIPTORIUM) · 431 sections

life.eustathius.theopiste.02:101
ⲁϥϩⲱⲗϭ ⲇⲉ ⲉⲣⲟϥ ⲁⲩϯⲡⲏ ⲉⲛⲉⲩⲉⲣⲏⲩ ·
and he embraced him, and they kissed each other.
life.eustathius.theopiste.01:101
ⲁⲙⲟⲩ ϭⲉ ⲧⲉⲛⲟⲩ ϩⲣⲁⲓ ϩⲛⲧⲉⲟⲩϣⲏ · ⲛⲧⲛⲃⲱⲕ ⲛⲧⲛϫⲓⲃⲁⲡⲧⲓⲥⲙⲁ ϩⲓⲧⲛⲛⲁⲣⲭⲏⲉⲣⲉⲩⲥ ⲛⲛⲉⲭⲣⲓⲥⲧⲓⲁⲛⲟⲥ · ⲕⲁⲧⲁⲧϩⲉ ⲛⲧⲁϥϩⲱⲛ ⲉⲧⲟⲟⲧⲕ ·
Therefore come this very night, and let us go and receive baptism from the high priest of the Christians, even as thou wast commanded,
life.eustathius.theopiste.02:102
ⲉⲧⲓ ⲇⲉ ⲉⲥⲥⲱⲧⲙ ⲉⲛⲁⲓ ⲛϭⲓⲧⲉⲩⲙⲁⲁⲩ ⲁⲥⲉⲓⲙⲉ ϫⲉⲛⲉⲥϣⲏⲣⲉ ⲛⲉ ϩⲓⲧⲙⲡⲉⲛⲧⲁⲩϫⲟⲟϥ · ⲉⲧⲃⲉⲡⲉⲥϭⲏⲣ ⲛⲧϩⲁⲗⲗⲁⲥⲁ ϩⲓⲡϫⲟⲉⲓ
And as their mother was listening to these thing's she knew that the two young men were her sons by what they had said about her voyage on the ship.
life.eustathius.theopiste.01:102
ϩⲓⲧⲙⲡⲁⲓ ⲅⲁⲣ ⲉϣⲁⲩⲣⲣⲙⲛⲏⲓ ⲛⲁϥ ⲛϭⲓⲛⲉⲧⲡⲓⲥⲧⲉⲩⲉ ⲉⲣⲟϥ ·
for by this do those who believe in Him become members of his household.'
life.eustathius.theopiste.02:103
ⲁⲩⲱ · ⲛⲉⲥϫⲱ ⲙⲙⲟⲥ ϩⲣⲁⲓ ⲛϩⲏⲧⲥ · ϫⲉⲁⲣⲁ ⲛⲁϣⲏⲣⲉ ⲛⲉ ⲛⲁⲓ ϫⲓⲛⲙⲙⲟⲛ ·
And she said within herself, 'I wonder can these young men be my sons or not?
life.eustathius.theopiste.01:103
ϥⲟⲩⲱϣⲃ ⲛϭⲓⲡⲗⲁⲕⲏⲧⲁⲥ ⲡⲉϫⲁϥ ϫⲉⲡⲁⲓ ⲡⲉ ⲛⲧⲁϥϫⲟⲟϥ ⲛⲁⲓ ⲛϭⲓⲡⲉⲧⲁϥⲟⲩⲱⲛϩ ⲉⲣⲟⲓ ·
And Plaketas answered, saying, 'This is what He Who appeared unto me commanded.'
life.eustathius.theopiste.01:104
ϩⲛⲧⲡⲁϣⲉ ⲇⲉ ⲛⲧⲉⲩϣⲏ ⲁⲩϫⲓ ⲙⲡⲉⲩϣⲏⲣⲉ ⲥⲛⲁⲩ ϩⲛⲟⲩϩⲱⲡ · ⲁⲩⲱ ϩⲉⲛⲕⲟⲩⲓ ⲉⲃⲟⲗ ϩⲛⲛⲉⲩϩⲙϩⲁⲗ ·
And in the middle of that night they took their two sons secretly, and a few of their slaves,
life.eustathius.theopiste.02:104
ⲁⲣⲁⲥⲉⲥⲙⲟⲧ ⲛⲧⲉⲓϩⲉ ⲛϭⲓⲛⲁϣⲏⲣⲉ ·
Can my sons possibly have their forms?'
life.eustathius.theopiste.02:105
ⲡⲗⲏⲛ ⲁⲥⲙⲕⲁϩ · ⲛϩⲏⲧ ⲉⲙⲁⲧⲉ · ⲁⲩⲱ ⲁⲛⲉⲥⲥⲡⲗⲁⲭⲛⲟⲛ ϣⲧⲟⲣⲧⲣ ⲉⲥⲛⲁⲩ ⲉⲛϣⲏⲣⲉ ϣⲏⲙ ⲉⲩϩⲟⲗϭ ⲉⲛⲉⲩⲉⲣⲏⲩ · ⲁⲩⲱ ⲉⲩⲣⲓⲙⲉ
And she was exceedingly sorrowful, and her bowels were greatly moved when she saw the young men embracing each other and weeping.
life.eustathius.theopiste.01:105
ⲁⲩⲃⲱⲕ ⲉⲣⲁⲧϥ ⲙⲡⲁⲣⲭⲓⲉⲣⲉⲩⲥ ⲛⲛⲉⲭⲣⲓⲥⲧⲓⲁⲛⲟⲥ ⲁⲩϫⲱ ⲉⲣⲟϥ ⲙⲡϩⲟⲣⲟⲙⲁ ⲧⲏⲣϥ ·
and they went to the high priest of the Christians, and they told him all the dream,
life.eustathius.theopiste.02:106
ⲁⲥϭⲱ ⲉⲥϭⲱϣⲧ ⲛⲥⲱⲟⲩ · ⲉⲥϫⲱ ⲙⲙⲟⲥ ϫⲉⲁⲣⲁ ⲛⲁϣⲏⲣⲉ ⲛⲉ · ⲙⲁⲗⲓⲥⲧⲁ ϫⲉⲁⲩϫⲟⲟⲥ ϫⲉⲡⲉⲩⲉⲓⲱⲧ ⲟⲩⲥⲧⲣⲁϯⲗⲁⲧⲏⲥ ⲡⲉ · ⲁⲩⲱ ϫⲉⲁⲧⲉⲩⲙⲁⲁⲩ ϭⲱ ϩⲓⲡϫⲟⲉⲓ ·
And she continued to gaze upon them, and she said, 'These assuredly are my sons, more especially because they said that their father was a general, and that their mother remained on the ship.'
life.eustathius.theopiste.01:106
ⲁⲩϩⲟⲙⲟⲗⲟⲅⲉⲓ ⲉⲡⲓⲥⲧⲉⲩⲉ ⲉⲡϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ·
and they confessed their belief in the Lord Jesus the Christ,
life.eustathius.theopiste.01:107
ⲁⲩⲥⲡⲥⲱⲡϥ ⲉϯ ⲛⲁⲩ ⲛⲧⲉⲥⲫⲣⲁⲅⲓⲥ ⲙⲡⲉⲭⲣⲓⲥⲧⲟⲥ ϩⲓⲧⲛⲡⲃⲁⲡⲧⲓⲥⲙⲁ ·
and they entreated him to give them the seal of the Christ by baptism.
life.eustathius.theopiste.02:107
ⲙⲡⲉϥⲣⲁⲥⲧⲉ ⲇⲉ ⲁⲥϯⲡⲉⲥⲟⲩⲟⲓ ⲉⲡⲉⲥⲧⲣⲁϯⲗⲁⲧⲏⲥ · ⲉⲥϫⲱ ⲙⲙⲟⲥ ϫⲉϯⲥⲟⲡⲥⲡ ⲙⲙⲟⲕ ⲡⲁϫⲟⲉⲓⲥ ⲁⲛⲅⲟⲩⲥϩⲓⲙⲉ ϩⲙⲡⲕⲁϩ ⲛⲛⲉϩⲣⲱⲙⲁⲓⲟⲥ · ⲛⲧⲁⲩⲁⲓⲭⲙⲁⲗⲱϯⲍⲉ ⲙⲙⲟⲓ · ⲁⲩⲱ ⲁⲩⲛⲧ ⲉⲡⲉⲓⲙⲁ ·
And on the morrow she went to the general and spake unto him, saying, 'I beseech thee (to hear me), O my lord ; I am a woman from the country of the Romans, and I was carried away captive, and they brought me to this place.
life.eustathius.theopiste.01:108
ⲛⲧⲟϥ ⲇⲉ ⲉϥⲣⲁϣⲉ ⲁⲩⲱ ⲁϥϯⲉⲟⲟⲩ ⲙⲡⲛⲟⲩⲧⲉ ⲡⲁⲓ ⲉⲧⲟⲩⲉϣⲧⲣⲉⲣⲱⲙⲉ ⲛⲓⲙ ⲱⲛϩ ⲁⲩⲱ ⲛⲥⲉⲉⲓ ⲉⲡⲥⲟⲟⲩⲛ ⲛⲧⲙⲉ ·
And the high priest rejoiced, and ascribed glory to God Who wisheth all men to have life, and to come to the knowledge of the truth.
life.eustathius.theopiste.02:108
ϯⲡⲁⲣⲁⲕⲁⲗⲉⲓ ϭⲉ ⲙⲙⲟⲕ ϫⲓⲧ ⲉⲧⲁⲡⲁⲧⲣⲓⲥ ·
I therefore entreat thee to take me back to my native land.'
life.eustathius.theopiste.02:109
ⲉⲧⲓ ⲇⲉ ⲉⲥϫⲱ ⲛⲛⲁⲓ ⲁⲥⲁⲣⲭⲉⲓ ⲛⲥⲟⲩⲱⲛϥ ϫⲉⲡⲉⲥϩⲁⲓ ⲡⲉ · ϩⲓⲧⲛⲙⲙⲁⲉⲓⲛ ⲉⲧⲉⲥⲥⲟⲟⲩⲛ ⲙⲙⲟⲟⲩ ⲛϩⲏⲧϥ · ⲁⲩⲱ ⲛⲧⲉⲣⲉⲥⲥⲟⲩⲱⲛϥ ⲁⲥⲣϩⲟⲧⲉ ⲉϫⲛⲟⲩϥ ·
And whilst she was saying these things she began to recognize in him her husband through the various characteristic marks which she knew to be in him ; and when she had recognized him she was afraid to question him.
life.eustathius.theopiste.01:109
ⲡⲁⲣⲭⲓⲉⲣⲉⲩⲥ ⲇⲉ ⲁϥϫⲓⲧⲟⲩ ⲁϥⲕⲁⲑⲏⲅⲉⲓ ⲙⲙⲟⲟⲩ ⲁϥϯ ⲉⲧⲟⲟⲧⲟⲩ ⲛⲙⲙⲩⲥⲧⲏⲣⲓⲟⲛ ⲉⲧⲟⲩⲁⲁⲃ · ⲛⲧⲉⲧⲡⲓⲥⲧⲓⲥ ⲁⲩⲱ ⲁϥⲃⲁⲡϯⲍⲉ ⲙⲙⲟⲟⲩ ⲉⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
And the high priest took them, and catechized them, and gave into their hands the Holy Mysteries of the Faith, and he baptized them in the Name of the Father, and of the Son, and of the Holy Spirit.
life.eustathius.theopiste.02:110
ⲛⲧⲉⲣⲉⲥⲧⲙⲉϣϭⲙϭⲟⲙ ⲇⲉ ⲛϥⲓ ⲉⲣⲟⲥ · ⲁⲥⲡⲁϩⲧⲥ ⲛⲁϥ ⲉⲥϫⲱ ⲙⲙⲟⲥ ϫⲉϯⲥⲟⲡⲥⲡ ⲙⲙⲟⲕ ⲡⲁϫⲟⲉⲓⲥ · ⲙⲡⲣϭⲱⲛⲧ ⲉⲣⲟⲓ ·
And when she was unable any longer to contain herself she cast herself down (before) him, saying, ' I beseech thee, O my lord, be not angry with me,
life.eustathius.theopiste.01:110
ⲡⲗⲁⲕⲏⲧⲁⲥ ⲇⲉ ⲁϥⲙⲟⲩⲧⲉ ⲉⲣⲟϥ ϫⲉⲉⲩⲥⲧⲁⲑⲓⲟⲥ ⲁⲩⲱ ⲧⲉϥⲥϩⲓⲙⲉ ϫⲉⲑⲉⲟⲡⲓⲥⲧⲏ · ⲁⲩⲱ ⲛⲉϥϣⲏⲣⲉ ⲁϥⲙⲟⲩⲧⲉ ⲉⲡⲛⲟϭ ϫⲉⲁⲅⲁⲡⲓⲟⲥ · ⲁⲩⲱ ⲡⲕⲟⲩⲓ ϫⲉⲑⲉⲟⲡⲓⲥⲧⲟⲥ ·
And to Plaketas he gave the name of Eusthathius, and to his wife Theopiste; his elder son he called Agapius, and the younger Theopistus;
life.eustathius.theopiste.01:111
ⲁϥϯ ⲛⲁⲩ ⲉⲃⲟⲗ ϩⲙⲡⲥⲱⲙⲁ ⲉⲧⲧⲁⲓⲏⲩ ⲙⲛⲡⲉⲥⲛⲟϥ ⲙⲡⲉⲭⲣⲓⲥⲧⲟⲥ ⲁϥⲕⲁⲁⲩ ⲉⲃⲟⲗ ·
and he gave them the Glorious Body and Blood of the Christ, and dismissed them,
life.eustathius.theopiste.02:111
ϯⲟⲩⲱϣ ⲅⲁⲣ ⲉⲧⲣⲉⲕⲧⲁⲙⲟⲓ ⲉⲧⲕⲡⲟⲗⲓϯⲁ ⲛϣⲟⲣⲡ ⲙⲙⲟⲛ
for I wish thee to make known unto me what thy rank in life was formerly.
life.eustathius.theopiste.02:112
ⲁⲛⲟⲕ ϩⲱ ϯⲙⲉⲉⲩⲉ ϫⲉⲛⲧⲟⲕ ⲡⲉ ⲡⲗⲁⲕⲏⲧⲁⲥ ⲡⲉⲥⲧⲣⲁϯⲗⲁⲧⲏⲥ ⲡⲉⲛⲧⲁⲩⲡⲉⲛⲉⲡⲉϥⲣⲁⲛ ⲁⲩⲙⲟⲩⲧⲉ ⲉⲣⲟϥ ϫⲉⲉⲩⲥⲧⲁⲑⲓⲟⲥ ⲛⲧⲉⲣⲟⲩⲃⲁⲡϯⲍⲉ ⲙⲙⲟⲕ ⲉⲡⲣⲁⲛ ⲙⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲡⲁⲓ ⲛⲧⲁϥⲟⲩⲱⲛϩ ⲛⲁⲕ ⲉⲃⲟⲗ ϩⲓⲧⲛⲟⲩⲍⲱⲟⲛ ⲛⲁⲗⲟⲅⲟⲛ ·
Now I think that thou wast Plaketas, the general, who changed his name, and who was called Eustathius, after thou hadst been baptized in the Name of the Christ Jesus, Who did appear unto thee with an animal that was without reasoning power,
life.eustathius.theopiste.01:112
ⲉϥϫⲱ ⲙⲙⲟⲥ ⲛⲁⲩ · ϫⲉⲡⲛⲟⲩⲧⲉ ⲡⲉⲭⲣⲓⲥⲧⲟⲥ ⲉϥⲉϣⲱⲡⲉ ⲛⲙⲙⲏⲏⲧⲛ ·
saying, 'May God, the Christ, be with you,
life.eustathius.theopiste.01:113
ⲁⲩⲱ ⲛϥⲭⲁⲣⲓⲍⲉ ⲛⲏⲧⲛ ⲛⲧⲉϥⲙⲛⲧⲣⲣⲟ ϣⲁⲉⲛⲉϩ ·
and may He graciously grant unto you His kingdom for ever.
life.eustathius.theopiste.02:113
ⲁⲕⲡⲓⲥⲧⲉⲩⲉ ⲉⲣⲟϥ · ⲁⲩⲱ ϩⲙⲡⲧⲣⲉⲕϩⲉ ⲉϩⲣⲁⲓ ⲉⲙⲡⲉⲓⲣⲁⲥⲙⲟⲥ ⲛⲧⲁϥⲥⲏⲙⲁⲛⲉ ⲙⲙⲟⲟⲩ ⲛⲁⲕ ⲛϭⲓⲡϫⲟⲉⲓⲥ ⲁⲕϫⲓ ⲛⲧⲉⲕⲥϩⲓⲙⲉ ⲉⲧⲉⲁⲛⲟⲕ ⲡⲉ ⲙⲛⲡⲉⲕϣⲏⲣⲉ ⲥⲛⲁⲩ · ⲉⲧⲉⲁⲅⲁⲡⲓⲟⲥ ⲡⲉ ⲙⲛⲑⲉⲟⲡⲓⲥⲧⲟⲥ ·
And when thou hadst fallen into the trials which the Lord had previously indicated to thee thou didst take thy wife, that is to say, myself, and thy two sons, that is to say, Agapius and Theopistus,
life.eustathius.theopiste.01:114
ⲉⲓⲙⲉ ⲇⲉ ⲧϭⲓϫ ⲙⲡϫⲟⲉⲓⲥ ϣⲟⲟⲡ ⲛⲙⲙⲏⲏⲧⲛ ·
And know that the hand of the Lord is with you,
life.eustathius.theopiste.02:114
ⲁⲕϯⲡⲉⲕⲟⲩⲟⲓ ⲉⲃⲱⲕ ⲉⲕⲏⲙⲉ · ⲁⲩⲱ ⲛⲧⲉⲣⲛⲃⲱⲕ ⲉϫⲛⲧϩⲁⲗⲗⲁⲥⲁ · ⲁⲛⲁⲗⲉ ⲉⲡϫⲟⲉⲓ · ⲁⲛⲕⲱ ⲉⲃⲟⲗ ⲁⲛⲣϩⲱⲧ ⲁⲛⲕⲱ ⲉⲃⲟⲗ
and didst set out for Egypt. And when we had come to the sea we embarked in a ship, and we set sail, and made our passage, and when we had arrived
life.eustathius.theopiste.01:115
ⲛⲧⲱⲧⲛ ⲇⲉ ϯⲡⲁⲣⲁⲕⲁⲗⲉⲓ ⲙⲙⲱⲧⲛ ϫⲉⲕⲁⲥ ⲉⲧⲉⲧⲛϣⲁⲛϣⲱⲡⲉ ϩⲙⲡⲡⲁⲣⲁⲇⲓⲥⲟⲥ ⲉⲧⲉⲧⲛⲛⲁⲣⲡⲙⲉⲉⲩⲉ ⲛⲧⲉⲯⲩⲭⲏ ⲛⲓⲱϩⲁⲛⲛⲏⲥ · ⲡⲉⲓⲉⲗⲁⲭⲓⲥⲧⲟⲥ ⲛⲉⲃⲓⲏⲛ ·
and I earnestly beseech you that when ye shall be in Paradise ye remember the soul of John, the least of all men and the most miserable.'
life.eustathius.theopiste.02:115
ⲁⲕϯⲟⲥⲉ ⲙⲙⲟⲓ ϩⲓⲧⲙⲡⲛⲁⲩⲕⲗⲏⲣⲟⲥ ⲛⲃⲁⲣⲃⲁⲣⲟⲥ · ⲁϥⲁⲙⲁϩⲧⲉ ⲙⲙⲟⲓ ·
thou didst punish me through the savage captain of the ship,
life.eustathius.theopiste.01:116
ϩⲧⲟⲟⲩⲉ ⲇⲉ ⲛⲧⲉⲣⲉϥϣⲱⲡⲉ · ⲁϥϫⲓ ⲛϭⲓⲉⲩⲥⲧⲁⲑⲓⲟⲥ ⲛϩⲉⲛϩⲧⲱⲱⲣ ·
And when the morning had come Eusthathius took horses,
life.eustathius.theopiste.02:116
ⲁϥϫⲓⲧ ⲉⲧⲉϥⲡⲁⲧⲣⲓⲥ · ⲁⲗⲗⲁ ⲡϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉ ⲡⲁⲙⲛⲧⲣⲉ ϫⲉⲙⲡⲉⲡⲉⲧⲙⲙⲁⲩ ⲟⲩⲇⲉ ⲕⲉⲟⲩⲁ ϫⲱϩⲙ ⲙⲡⲁⲥⲱⲙⲁ ⲁⲗⲗⲁ ⲁⲓϩⲁⲣⲉϩ ⲉⲧⲁⲥⲟⲫⲣⲟⲥⲩⲛⲏ ϣⲁϩⲣⲁⲓ ⲉⲧⲉⲛⲟⲩ ·
who seized me and carried me off to his native land. But, as the Lord Jesus the Christ is my witness, neither that man nor any other hath defiled my body, but have guarded my chastity until this day.
life.eustathius.theopiste.01:117
ⲁϥⲃⲱⲕ ⲉⲡⲧⲟⲟⲩ ⲁϥϩⲱⲛ ⲉϩⲟⲩⲛ ⲉⲡⲙⲁ ⲛⲧⲁϥⲛⲁⲩ ⲉⲧⲟⲡⲧⲁⲥⲓⲁ ⲛϩⲏⲧϥ ·
and he departed to the mountain, and went toward the spot wherein he had seen the vision.
life.eustathius.theopiste.02:117
ⲉϣϫⲉ ⲛⲧⲟⲕ ⲧⲉⲛⲟⲩ · ⲡⲉⲉⲩⲥⲧⲁⲑⲓⲟⲥ ⲕⲁⲧⲁⲧϩⲉ ⲛⲧⲁⲓⲥⲟⲩⲱⲛⲅ ϩⲓⲧⲛⲙⲙⲁⲉⲓⲛ ⲛⲧⲁⲓϫⲟⲟⲩ ⲛⲁⲕ ϯⲛⲁⲣⲕⲟ ⲙⲙⲟⲕ ⲛⲧϭⲟⲙ ⲙⲡⲉⲭⲣⲓⲥⲧⲟⲥ ⲁϫⲓⲥ ⲉⲣⲟⲓ ⲙⲡⲣϩⲡⲗⲁⲁⲩ ·
If now thou art Enstathius, as I know thou must be judging by the marks which I can describe unto thee, I conjure thee by the might of the Christ to declare thyself, and not to hide from me anything whatsoever.'
life.eustathius.theopiste.02:118
ⲛⲧⲉⲣⲉⲉⲩⲥⲧⲁⲑⲓⲟⲥ ⲇⲉ ⲥⲱⲧⲙ ⲉⲛⲁⲓ ⲁϥⲣϣⲡⲏⲣⲉ · ⲉⲙⲁⲧⲉ
And when Eustathius had heard these things he marvelled exceedingly.
life.eustathius.theopiste.01:118
ⲁϥϫⲟⲟⲩ ⲇⲉ ⲛⲙⲙⲁⲧⲟⲓ ⲛⲧⲗⲟⲓϭⲉ ⲛϭⲱⲣϭ ⲉⲛⲍⲱⲟⲛ ·
And he dismissed his soldiers, and sent them away to hunt the wild animals,
life.eustathius.theopiste.01:119
ⲛⲧⲟϥ ⲇⲉ ⲁϥϭⲱ ⲛⲟⲩⲕⲟⲩⲓ ⲙⲁⲩⲁⲁϥ ·
and he remained where he was alone for a short time;
life.eustathius.theopiste.02:119
ⲁϥⲛⲁⲩ ⲉⲡⲉⲥⲭⲁⲣⲁⲕⲧⲏⲣ · ⲁϥⲥⲟⲩⲱⲛⲥ ⲁⲩⲛⲟϭ ⲛⲣⲁϣⲉ ⲧⲁϩⲟϥ
And when he had looked into her face, and recognized her, a mighty joy came upon him.
life.eustathius.theopiste.02:120
ⲁϥⲧⲱⲟⲩⲛ · ⲛⲧⲉⲩⲛⲟⲩ ⲁϥϩⲱⲗϭ ⲉⲣⲟⲥ ⲡⲉϫⲁϥ ⲛⲁⲥ ϫⲉⲁⲛⲟⲕ ⲡⲉ ⲉⲩⲥⲧⲁⲑⲓⲟⲥ ⲡⲉⲧⲣϣⲁϫⲉ ⲉⲣⲟϥ ⲁⲩⲱ ⲁⲩϯⲡⲏ ⲉⲣⲛⲛⲉⲩⲉⲣⲏⲩ ϩⲛⲟⲩϯⲡⲏ ⲙⲡⲛⲉⲩⲙⲁⲧⲓⲕⲟⲛ
And he rose up straightway, and embraced her, and said unto her, 'I am Eustathius of whom thou speakest.' And they kissed each other with a spiritual kiss,
life.eustathius.theopiste.01:120
ⲙⲛⲛⲥⲱⲥ ⲁϥϯⲡⲉϥⲟⲩⲟⲓ ·
then he moved on,
life.eustathius.theopiste.02:121
ⲁⲩϣⲟⲩⲟ ⲉⲡⲉⲥⲏⲧ ⲛϩⲉⲛⲣⲙⲉⲓⲟⲟⲩⲉ ⲉⲩⲟϣ ⲁⲩⲱ ⲁⲩϯⲉⲟⲟⲩ ⲙⲡⲛⲟⲩⲧⲉ ⲡⲣϥⲣⲡⲉⲧⲛⲁⲛⲟⲩϥ ⲛⲟⲩⲟⲉⲓϣ ⲛⲓⲙ ⲙⲛⲛⲉϥϩⲙϩⲁⲗ · ⲁⲩⲱ ⲉϥⲉⲓⲛⲉ ⲙⲙⲟⲟⲩ ⲉⲃⲟⲗ ϩⲛⲛⲉⲩⲑⲗⲓⲯⲓⲥ ⲧⲏⲣⲟⲩ ·
and they shed tears in great abundance, and they glorified God Who at all times doeth good things for His servants, and bringeth them out of all tribulation.
life.eustathius.theopiste.01:121
ⲁϥϩⲛⲧϥ ⲉϩⲟⲩⲛ ⲉⲡⲙⲁ ⲛⲧⲁϥⲛⲁⲩ ⲉⲡⲧⲩⲡⲟⲥ ⲛϣⲟⲣⲡ ⲛϩⲏⲧϥ ·
and went nearer and nearer to the place where he had seen the figure at first.
life.eustathius.theopiste.01:122
ⲁϥⲡⲁϩⲧϥ ⲉϫⲙⲡⲉϥϩⲟ ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲡϫⲟⲉⲓⲥ ⲁⲓⲉⲓⲙⲉ ϫⲉⲛⲧⲟⲕ ⲡⲉ ⲡⲉⲭⲣⲓⲥⲧⲟⲥ ⲡϣⲏⲣⲉ ⲙⲡⲛⲟⲩⲧⲉ ⲉⲧⲟⲛϩ ⲁⲩⲱ ⲁⲓⲡⲓⲥⲧⲉⲩⲉ ⲉⲣⲟⲕ ⲙⲛⲡⲉⲕⲉⲓⲱⲧ ⲛⲁⲅⲁⲑⲟⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
And he cast himself down upon his face, and he cried out, saying, 'Lord, I know that Thou art the Christ, the Son of the living God, and I believe in Thee and in Thy Good Father, and in the Holy Spirit.
life.eustathius.theopiste.02:122
ⲧⲉϥⲥϩⲓⲙⲉ ⲇⲉ ⲡⲉϫⲁⲥ ⲛⲁϥ ϫⲉⲉⲩⲧⲱⲛ ⲛⲁϣⲏⲣⲉ ·
And his wife said unto him, 'Where are my sons?'
life.eustathius.theopiste.01:123
ⲧⲉⲛⲟⲩ ϭⲉ ϯⲥⲟⲡⲥⲡ ⲙⲙⲟⲕ ·
And now I beseech Thee,
life.eustathius.theopiste.02:123
ⲛⲧⲟϥ ⲇⲉ ⲡⲉϫⲁⲥ ⲛⲁⲥ ⲉϥⲣⲓⲙⲉ ϫⲉⲁⲛⲉⲑⲏⲣⲓⲟⲛ ϥⲓⲧⲟⲩ ⲁⲩⲱ ⲁϥϫⲱ ⲉⲣⲟⲥ ⲙⲡⲉⲛⲧⲁϥϣⲱⲡⲉ ⲙⲙⲟⲟⲩ ⲛⲙⲙⲁϥ ·
And he said unto her, and he wept as he said it, 'The wild beasts carried them off'; and he told her what had happened unto them (when they were) with him.
life.eustathius.theopiste.01:124
ⲉϣϫⲉ ⲁⲕⲁⲁⲧ ⲛⲙⲡϣⲁ ⲛⲧⲉⲭⲁⲣⲓⲥ · ⲉⲧⲟⲩⲁⲁⲃ ⲛⲧⲉⲧⲉⲕⲙⲛⲧⲛⲟⲩⲧⲉ · ⲧⲥⲁⲃⲟⲓ ⲉⲛⲉⲛⲧⲁⲕϫⲟⲟⲩ ⲛⲁⲓ ·
if I be worthy of the holy grace of Thy Godhead, declare unto me the things which Thou hast to say unto me.'
life.eustathius.theopiste.02:124
ⲛⲧⲟⲥ ⲇⲉ ⲡⲉϫⲁⲥ ϫⲉⲙⲁⲣⲛⲉⲩⲭⲁⲣⲓⲥⲧⲟⲩ ⲙⲡϫⲟⲉⲓⲥ ⲧⲁⲭⲁ ⲅⲁⲣ ⲛⲧϩⲉ ⲛⲧⲁϥⲭⲁⲣⲓⲍⲉ ⲙⲙⲟⲛ ⲛⲛⲉⲛⲉⲣⲏⲩ ϥⲛⲁⲭⲁⲣⲓⲍⲉ ⲛⲁⲛ ⲟⲛ ⲛⲛⲉⲛϣⲏⲣⲉ ·
And she said unto him, ' Let us give thanks unto the Lord, for even as He hath given us each to the other, so will He speedily give unto us our sons.'
life.eustathius.theopiste.02:125
ⲡⲉϫⲉⲉⲩⲥⲧⲁⲑⲓⲟⲥ ⲛⲁⲥ ϫⲉⲁⲓϫⲟⲟⲥ ⲛⲏ ⲛⲕⲉⲥⲟⲡ ϫⲉⲁⲛⲉⲑⲏⲣⲓⲟⲛ ϥⲓⲧⲟⲩ ·
And Eustathius said unto her, 'I tell thee again that the wild beasts carried them off.'
life.eustathius.theopiste.01:125
ⲛⲧⲉⲩⲛⲟⲩ ⲇⲉ ⲁⲡϫⲟⲉⲓⲥ ⲟⲩⲱϣⲃ ⲡⲉϫⲁϥ ⲛⲁϥ ϫⲉⲛⲁⲓⲁⲧⲕ ⲱ ⲡⲗⲁⲕⲏⲧⲁⲥ ⲛⲧⲟⲕ ϫⲉⲁⲕϣⲱⲡ ⲉⲣⲟⲕ ⲙⲡϫⲱⲕⲙ ⲛⲧⲉⲭⲁⲣⲓⲥ ·
And straightway the Lord answered and said unto him, 'Blessed art thou, O Plaketas, because thou hast received the washing of grace,
life.eustathius.theopiste.01:126
ⲁⲕϯ ϩⲓⲱⲱⲕ ⲛⲧⲙⲛⲧⲁⲧⲧⲁⲕⲟ ⲉⲧⲙⲏⲛ ⲉⲃⲟⲗ ϣⲁⲉⲛⲉϩ ·
and hast arrayed thyself in the indestructible garment which abideth for ever.
life.eustathius.theopiste.02:126
ⲁⲥⲟⲩⲱϣⲃ ⲡⲉϫⲁⲥ ϫⲉⲉⲧⲓ ⲉⲓϩⲙⲟⲟⲥ ϩⲙⲡⲕⲏⲡⲟⲥ ⲛⲥⲁϥ · ⲁⲓⲥⲱⲧⲙ ⲉϩⲣϣⲓⲣⲉ ⲥⲛⲁⲩ ⲉⲩϣⲁϫⲉ ⲙⲛⲛⲉⲩⲉⲣⲏⲩ ⲉⲛⲉϩⲃⲏⲩⲉ ⲛⲧⲉⲩⲙⲛⲧⲕⲟⲩⲓ · ⲁⲩⲱ ⲉⲩⲧⲁⲩⲟ ⲛⲛⲉⲛⲧⲁⲩϣⲱⲡⲉ ⲙⲙⲟⲟⲩ ·
And she answered and said, 'Whilst I was sitting in the garden yesterday I heard two young men talking together about the events which happened in their early childhood, and they related things which concerned their early years.
life.eustathius.theopiste.01:127
ⲧⲉⲛⲟⲩ ϭⲉ ⲁϥⲟⲩⲱⲛϩ ⲉⲃⲟⲗ ⲛϭⲓⲫⲱⲃ ⲛⲧⲉⲕⲡⲓⲥⲧⲓⲥ ·
Now, therefore, do thou make manifest the work of thy faith.
life.eustathius.theopiste.02:127
ⲁⲓⲥⲟⲩⲱⲛⲟⲩ ϫⲉⲛⲉⲛϣⲏⲣⲉ ⲛⲉ · ⲁⲗⲗⲁ ⲛⲥⲉⲥⲟⲟⲩⲛ ⲁⲛ ⲛⲛⲉⲩⲉⲣⲏⲩ ⲛⲥⲁⲃⲏⲗ ϫⲉⲁⲛϣⲁϫⲉ ⲙⲡⲛⲟϭ ⲥⲏⲙⲁⲛⲉ ⲙⲡⲕⲟⲩⲓ ⲉⲧⲣⲉϥ ⲥⲟⲩⲱⲛϥ ⁛—
And I knew that they were my sons, but they would never have recognized one another had it not been that the words which the elder brother spake supplied the clue that enabled the younger brother to recognize him.
life.eustathius.theopiste.01:128
ⲉⲡⲉⲓⲇⲏ ⲡⲇⲓⲁⲃⲟⲗⲟⲥ ⲛⲁⲫⲑⲟⲛⲉⲓ ⲉⲣⲟⲕ ϫⲉⲁⲕⲕⲁⲁϥ ⲛⲥⲱⲕ ·
Since the Devil is envious of thee thou must cast him behind thee;
life.eustathius.theopiste.02:128
ⲗⲟⲓⲡⲟⲛ ⲉϣϫⲉ ⲕⲟ ⲛⲁⲧⲥⲟⲟⲩⲛ ⲉⲡⲁⲓ ϣⲁϩⲟⲩⲛ ⲉⲧⲉⲛⲟⲩ ⲉⲓⲉ ⲉⲓⲙⲉ ⲛⲁⲕ ϫⲉⲁⲧⲙⲛⲧϣⲁⲛϩⲏⲧϥ ⲙⲡⲛⲟⲩⲧⲉ ⲭⲁⲣⲓⲍⲉ ⲙⲙⲟⲛ ⲛⲛⲉⲛⲉⲣⲏⲩ ·
If thou hast not up to the present known this, then know well that it was the loving-kindness of God that hath given us to each other.
life.eustathius.theopiste.02:129
ⲙⲟⲩⲧⲉ ⲉⲣⲟⲟⲩ ϩⲱⲱⲕ ⲛⲅϫⲛⲱⲟⲩ ⲁⲩⲱ ⲥⲉⲛⲁⲧⲁⲙⲟⲕ ·
Do thou thyself call the young men and ask them questions, and let them inform thee.'
life.eustathius.theopiste.01:129
ⲁⲩⲱ ϥⲛⲁⲥⲡⲟⲩⲇⲁⲍⲉ ⲉⲣⲕⲟⲧⲥ ⲛⲓⲙ ⲛϥϯⲟⲩⲃⲏⲕ ·
and he will be zealous in setting snares of every kind for thee, and he will contend against thee.
life.eustathius.theopiste.01:130
ϩⲁⲡⲥ ⲅⲁⲣ ⲉⲧⲣⲉⲕϥⲓ ϩⲁϩⲁϩ ⲙⲡⲉⲓⲣⲁⲥⲙⲟⲥ ·
For thou must of necessity endure manifold temptations.
life.eustathius.theopiste.02:130
ⲁϥⲙⲟⲩⲧⲉ ⲇⲉ ⲉⲡϣⲓⲣⲉ ⲥⲛⲁⲩ ⲛϭⲓⲡⲉⲡⲉⲥⲧⲣⲁϯⲗⲁⲧⲏⲥ ⲁϥϫⲛⲱⲟⲩ ϫⲉⲛⲧⲉⲧⲛ ⲛϣⲏⲣⲉ ⲛⲛⲓⲙ ⲁⲩⲱ ⲟⲩ ⲡⲉⲛⲧⲁϥϣⲱⲡⲉ ⲙⲙⲱⲧⲛ ϩⲛⲧⲉⲧⲛⲙⲛⲧⲕⲟⲩⲓ ·
And the general called the two young men, and asked them, saying, 'Whose sons are ye? And what was it that happened to you in your childhood?'
life.eustathius.theopiste.01:131
ⲉⲕϣⲁⲛϩⲩⲡⲟⲙⲉⲓⲛⲉ ⲉⲣⲟⲟⲩ ⲕⲛⲁϫⲓ ⲙⲡⲉⲕⲗⲟⲙ ⲙⲡⲉϫⲣⲟ ·
If thou endurest them in patience thou shalt receive the crown of victory.
life.eustathius.theopiste.02:131
ⲛⲧⲟⲟⲩ ⲇⲉ ⲟⲛ ⲁⲩϫⲱ ⲉⲣⲟϥ ⲛⲛⲉⲛⲧⲁⲩϣⲱⲡⲉ ⲙⲙⲟⲟⲩ ⲁⲩⲱ · ⲛⲧⲉⲩⲛⲟⲩ ⲁϥⲥⲟⲩⲱⲛⲟⲩ ϫⲉⲛⲉϥϣⲏⲣⲉ ⲛⲉ ϩⲛⲟⲩⲙⲉ ·
And they declared unto him the things which had happened to them, and immediately he recognized that they were in truth his sons,
life.eustathius.theopiste.01:132
ⲉⲓⲥϩⲏⲏⲧⲉ ⲁⲕϫⲓⲥⲉ ⲉⲙⲁⲧⲉ ϩⲛⲛⲉϩⲃⲏⲩⲉ ⲙⲡⲃⲓⲟⲥ ϣⲁϩⲟⲩⲉ ⲧⲉⲛⲟⲩ · ⲙⲛⲧⲙⲛⲧⲣⲙⲙⲁⲟ · ⲙⲡⲣⲟⲥⲟⲩⲟⲉⲓϣ ·
Behold, thou shalt rise very much higher in the works (or, affairs) of (this) life, and in the riches which are temporal.
life.eustathius.theopiste.02:132
ⲁϥϩⲱⲗϭ ⲉⲣⲟⲟⲩ ϩⲛⲟⲩⲙⲉ ⲁϥϯⲡⲏ ⲉⲣⲱⲟⲩ
and he embraced them with fervour, and he kissed them.
life.eustathius.theopiste.02:133
ⲁⲩⲡⲁϩⲧⲟⲩ ⲙⲡⲉⲥⲛⲁⲩ ⲉϫⲙⲡⲙⲁⲕϩ ⲛⲛⲉⲩϣⲏⲣⲉ
And Eustathius and his wife cast themselves on the necks of their sons,
life.eustathius.theopiste.01:133
ⲡⲁⲗⲓⲛ ⲟⲛ ⲛⲅⲣⲣⲙⲙⲁⲟ ϩⲙⲡϫⲓⲥⲉ ⲙⲡⲛⲉⲩⲙⲁⲧⲓⲕⲟⲛ ·
And, moreover, thou shalt become rich in spiritual excellence.
life.eustathius.theopiste.02:134
ⲁⲩⲣⲓⲙⲉ ⲛⲁⲟⲩⲛⲟⲩ ⲁⲩⲱ ⲁⲩϣⲡϩⲙⲟⲧ ⲛⲧⲟⲟⲧϥ ⲙⲡϫⲟⲉⲓⲥ ⲉϫⲛⲧⲉⲩϭⲓⲛϩⲉ ⲉⲛⲉⲩⲉⲣⲏⲩ ⲉⲧⲟ ⲛϣⲡⲏⲣⲉ ·
and they wept long and gave thanks unto God for the marvellous manner in which they had met one another again.
life.eustathius.theopiste.01:134
ⲙⲡⲣⲣϭⲱⲃ ⲧⲉⲛⲟⲩ ⲟⲩⲇⲉ ⲙⲡⲣϭⲱⲧⲡ ⲛⲛⲁϩⲣⲛⲡⲉⲟⲟⲩ ⲙⲡⲉⲓⲕⲟⲥⲙⲟⲥ · ⲡⲁⲓ ⲉⲧϣⲟⲟⲡ ⲛⲁⲕ ⲛϣⲟⲣⲡ ·
Now be not weak, neither be thou overcome by the glory of this world, which thou didst possess originally;
life.eustathius.theopiste.02:135
ⲁⲡⲥⲟⲉⲓⲧ ⲇⲉ ⲛⲛⲉⲛⲧⲁⲩϣⲱⲡⲉ ⲙⲙⲟⲟⲩ ⲧⲁϩⲉⲡⲙⲏⲏϣⲉ ⲧⲏⲣϥ ⲛⲧⲡⲟⲗⲓⲥ ·
And the rumour of that which had befallen them reached all the multitude of the city,
life.eustathius.theopiste.01:135
ⲁⲗⲗⲁ ⲛⲧϩⲉ ⲛⲧⲁⲕⲟⲩⲱⲛϩ ⲉⲃⲟⲗ ⲛϫⲱⲱⲣⲉ ϩⲛⲛⲣⲱⲙⲉ · ⲉⲕⲡⲟⲗⲉⲙⲉⲓ · ⲉⲕⲥⲡⲟⲩⲇⲁⲍⲉ ⲉⲁⲣⲓⲥⲕⲉ ⲛⲟⲩⲣⲣⲟ ⲉϣⲁϥⲙⲟⲩ · ⲥⲡⲟⲩⲇⲁⲍⲉ ⲇⲉ ⲟⲛ ⲕⲁⲧⲁϯϩⲉ ⲛⲅϣⲱⲡⲉ ⲛⲟⲩⲣⲱⲙⲉ ⲛϫⲱⲱⲣⲉ · ⲟⲩⲃⲉⲡⲇⲓⲁⲃⲟⲗⲟⲥ · ⲛⲅϩⲁⲣⲉϩ ⲛⲁⲓ ⲉⲧⲡⲓⲥⲧⲓⲥ ·
but as thou didst shew thyself to be a mighty man among men, and as thou didst wage war, and didst strive zealously to serve a king who is mortal, even so do thou strive zealously to prove thyself to be a mighty man against the Devil, and do thou keep fast hold on the faith for Me,
life.eustathius.theopiste.02:136
ⲁⲩⲥⲱⲟⲩϩ ⲉⲩⲙⲁ ⲛⲟⲩⲱⲧ ⲉⲩⲣϣⲡⲏⲣⲉ ⲉⲩⲧⲉⲗⲏⲗ · ⲉϫⲛⲧⲉⲩϭⲓⲛⲁⲡⲁⲛⲧⲁ ⲉⲛⲉⲩⲉⲣⲏⲩ ·
and all the people gathered together in one place, and they marvelled and rejoiced because Eustathius and his wife and sons had met together once more, but more
life.eustathius.theopiste.01:136
ⲁⲛⲟⲕ ⲡⲉ ⲡⲣⲣⲟ ⲛⲁⲧⲙⲟⲩ ·
for I am the Immortal King.
life.eustathius.theopiste.02:137
ⲙⲁⲗⲗⲟⲛ ⲇⲉ ⲉϫⲙⲡⲉϫⲣⲟ ⲛⲛⲃⲁⲣⲃⲁⲣⲟⲥ · ⲁⲩⲉⲓⲣⲉ ⲇⲉ ⲛⲟⲩⲛⲟϭ ⲛϣⲁ ⲉϫⲛⲧϭⲓⲛⲥⲟⲩⲛⲛⲉⲩⲉⲣⲏⲩ ⲙⲡⲉϩⲟⲟⲩ ⲉⲧⲙⲙⲁⲩ ·
especially for the victory over the Barbarians. And they made a great feast that day because they had met together (again),
life.eustathius.theopiste.01:137
ϩⲁⲡⲥ ⲅⲁⲣ ⲡⲉ ⲉⲧⲣⲉⲕⲉⲓⲱⲃ ⲛⲃⲣⲣⲉ ϣⲱⲡⲉ ϩⲛⲛⲉⲓⲕⲁⲓⲣⲟⲥ · ⲡⲁⲓ ⲉⲧⲛⲁϫⲣⲟ ⲉⲡⲇⲓⲁⲃⲟⲗⲟⲥ · ϩⲙⲡⲡⲉⲓⲣⲁⲥⲙⲟⲥ ⁛
For needs must that thou shouldst become a second Job, in these times, who shall vanquish the Devil in temptation.
life.eustathius.theopiste.02:138
ⲙⲡⲉϥⲣⲁⲥⲧⲉ ⲇⲉ ⲁⲩⲉⲡⲓⲕⲁⲗⲉⲓ ⲙⲡϫⲟⲉⲓⲥ ⲉⲩⲧⲛⲛⲟⲟⲩ ⲉϩⲣⲁⲓ ⲛϩⲉⲛⲥⲙⲏ ⲙⲙⲛⲧⲣⲉϥϣⲡϩⲙⲟⲧ · ⲛⲧⲉϥⲛⲟϭ ⲙⲙⲛⲧⲙⲁⲓⲣⲱⲙⲉ ·
and on the following day they invoked God, and sent forth cries of thanksgiving unto Him for His great lovingkindness to man.
life.eustathius.theopiste.01:138
ϯϩⲧⲏⲕ ⲉⲣⲟⲕ ⲙⲏⲡⲟⲧⲉ ⲛⲧⲉⲟⲩⲗⲟⲅⲓⲥⲙⲟⲥ ⲙⲙⲛⲧⲣϥϫⲓⲟⲩⲁ ⲁⲗⲉ ⲉϩⲣⲁⲓ ⲉϫⲙⲡⲉⲕϩⲏⲧ ·
Take good heed to thyself lest the reasoning of blasphemy ascend in thine heart,
life.eustathius.theopiste.02:139
ϩⲙⲡⲧⲣϥϣⲱⲗ ⲇⲉ ⲙⲡⲕⲱⲧⲉ ⲛⲛⲃⲁⲣⲃⲁⲣⲟⲥ ⲁⲩⲕⲟⲧⲟⲩ ϩⲛⲟⲩⲛⲟϭ ⲛⲣⲁϣⲉ ⲁⲩⲉⲓⲛⲉ ⲛⲙⲙⲁⲩ ⲛϩⲉⲛⲛⲟϭ ⲛϣⲟⲗⲥ ⲉⲛⲁϣⲱⲟⲩ ⲙⲛⲟⲩⲙⲏⲏϣⲉ ⲛⲁⲓⲭⲙⲁⲗⲱⲧⲟⲥ ·
And when they had carried out the spoliation of the Barbarians they returned with great gladness, and brought with them a very large amount of spoil and a multitude of captives.
life.eustathius.theopiste.01:139
ϩⲟⲧⲁⲛ ⲇⲉ ⲉⲕϣⲁⲛⲑⲃⲃⲓⲟ ϯⲛⲏⲩ ϣⲁⲣⲟⲕ ⲛⲧⲁⲁⲡⲟⲕⲁⲑⲓⲥⲧⲁ ⲙⲡⲉⲕⲉⲟⲟⲩ ⲛϣⲟⲣⲡ ·
and when thou shalt be in a state of humility I will come unto thee in order that I may re-establish thee in thy forever glory.'
life.eustathius.theopiste.01:140
ⲁⲩⲱ ⲛⲧⲉⲣⲉⲡϫⲟⲉⲓⲥ ϫⲉⲛⲁⲓ ⲛⲁϥ ·
And when the Lord had said these things unto him
life.eustathius.theopiste.02:140
ϩⲙⲡⲧⲣⲉⲉⲩⲥⲧⲁⲑⲓⲟⲥ ⲇⲉ ⲕⲟⲧϥ ϩⲙⲡⲡⲟⲗⲉⲙⲟⲥ ⲁϥⲙⲟⲩ ⲛϭⲓⲧⲣⲁⲓⲛⲟⲥ ⲡⲣⲣⲟ ·
And it came to pass that when Eustathius was returning from the war the Emperor Trajan died,
life.eustathius.theopiste.01:141
ⲁϥⲃⲱⲕ ⲉϩⲣⲁⲓ ⲉⲙⲡⲏⲩⲉ ·
He departed into heaven,
life.eustathius.theopiste.02:141
ⲁϥⲉⲓ ⲉⲡⲉϥⲙⲁ ⲛϭⲓⲕⲉⲣⲣⲟ ⲉⲡⲉϥⲣⲁⲛ ⲡⲉ ⲁⲇⲣⲓⲁⲛⲟⲥ ⲉⲩⲁⲥⲉⲃⲏⲥ ⲉⲙⲁⲧⲉ ⲡⲉ ⲉϩⲟⲩⲉ ⲛⲣⲣⲱⲟⲩ · ⲧⲏⲣⲟⲩ ⲛⲧⲁⲩϣⲱⲡⲉ ϩⲁⲧⲉϥϩⲏ ·
and there came in his room another Emperor whose name was Adrian (Hadrian), who was an exceedingly irreligious man, and was more wicked than all the other kings who had reigned before him.
life.eustathius.theopiste.02:142
ϩⲙⲡⲧⲣϥⲕⲧⲟϥ ⲇⲉ ⲛϭⲓⲉⲩⲥⲧⲁⲑⲓⲟⲥ ϩⲙⲡⲡⲟⲗⲉⲙⲟⲥ ⲁⲡⲣⲣⲟ ⲉⲓ ⲉⲃⲟⲗ ⲉⲧⲉϥⲁⲡⲁⲛⲧⲏ ⲕⲁⲧⲁⲧⲥⲩⲛⲏⲑⲓⲁ ⲛⲛⲣⲣⲱⲟⲩ ⲛⲛⲉϩⲣⲱⲙⲁⲓⲟⲥ ·
And when Eustathius was returning from the war the Emperor went out to meet him, according to the custom of the Roman Emperors,
life.eustathius.theopiste.01:142
ⲉⲣⲉⲡϫⲟⲉⲓⲥ ϫⲱ ⲙⲙⲟⲥ ⲛⲁϥ · ϫⲉⲉⲩⲥⲧⲁⲑⲓⲟⲥ ϣⲱⲡⲉ ⲉⲣⲟⲕ ⲉϩⲛⲁⲕ ⲙⲡⲡⲉⲓⲣⲁⲥⲙⲟⲥ ⲉⲧⲕⲏ ⲛⲁⲕ ⲉϩⲣⲁⲓ ϩⲛⲛⲉϩⲟⲟⲩ ⲛϩⲁⲏ ·
and the Lord spake unto him, saying, 'Eusthathius, there shall be unto thee as great a temptation as thou canst wish in that which thou shalt have in the last days.'
life.eustathius.theopiste.02:143
ⲁϥⲉⲓⲛⲉ ⲛⲙⲙⲁϥ ⲛⲛⲉϥⲛⲟϭ ⲧⲏⲣⲟⲩ ⲉⲧⲃⲉⲡⲉⲡⲓⲛⲓⲕⲓⲟⲛ ⲛⲙⲙⲁ ⲧⲏⲣⲟⲩ ⲛⲧⲁϥϫⲓⲧⲟⲩ ·
and he brought out with him all his nobles, because of the (long) list of all the places which he (Eustathius) had taken.
life.eustathius.theopiste.01:143
ⲁⲩⲱ ⲡⲉϫⲁϥ ⲛϭⲓⲉⲩⲥⲧⲁⲑⲓⲟⲥ ϫⲉⲉϣϫⲉ ⲧϩⲁⲏ · ⲛⲛⲁϩⲟⲟⲩ ⲧⲉ ⲧⲁⲓ ϯⲥⲟⲡⲥⲡ ⲙⲙⲟⲕ ⲡⲁϫⲟⲉⲓⲥ ⲉϣϫⲉ ⲙⲛϣϭⲟⲙ ⲉⲧⲣⲉⲛⲉⲛⲧⲁⲕϩⲟⲣⲓⲍⲉ ⲙⲙⲟⲟⲩ ⲉϫⲱⲓ ⲧⲉⲛⲟⲩ ⲥⲁⲁⲧ ⲉⲧⲙⲧⲣⲉⲩϣⲱⲡⲉ ⲙⲙⲟⲓ · ⲟⲩⲉϩⲥⲁϩⲛⲉ ⲉϣⲱⲡ ⲉⲣⲟⲕ ⲙⲡⲉⲛⲡⲉⲓⲣⲁⲥⲙⲟⲥ ·
And Eusthathius said unto Him, 'If this be the last of my days, I now beseech Thee, O my Lord, supposing that I am not able to bear the things which Thou hast appointed me, to remoe them, and not to let them come upon me, and command that our temptation return unto Thee.
life.eustathius.theopiste.01:144
ⲁⲗⲗⲁ ⲙⲁϯϭⲟⲙ ⲛⲁⲛ · ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ϫⲉⲛⲧⲟⲕ ⲡⲉ ⲧⲛⲛⲁϩⲧⲉ ⲉⲣⲟⲕ ·
But give us strength, O Lord, Thou God of mighty deeds, for Thou are He in Whom we trust.'
life.eustathius.theopiste.02:144
ⲛⲧⲟϥ ⲇⲉ ⲉⲧⲃⲉⲧⲉϥⲙⲛⲧϫⲱⲱⲣⲉ ⲛⲧⲁϥⲉⲓⲙⲉ ⲉⲣⲟⲥ · ⲁⲩⲱ ⲧⲉϥϭⲓⲛϩⲉ ⲉⲧⲉϥⲥϩⲓⲙⲉ ⲙⲛⲛⲉϥϣⲏⲣⲉ ⲁϥⲧⲁϣⲟ ⲙⲡⲉϥⲟⲩⲣⲟⲧ ⲉⲡⲉϩⲟⲩⲟ ·
And he, because of his valour, whereof he was conscious, and because of his meeting with his wife and sons, was filled to the uttermost with his joy.
life.eustathius.theopiste.01:145
ⲡⲉϫⲉⲡϫⲟⲉⲓⲥ ⲛⲁϥ ϫⲉⲁⲅⲱⲛⲓⲍⲉ ⲱ ⲉⲩⲥⲧⲁⲑⲓⲟⲥ ⲧⲁⲭⲁⲣⲓⲥ ⲉⲥⲉϣⲱⲡⲉ ⲛⲥⲣⲟⲉⲓⲥ ⲛⲉⲧⲛϩⲏⲧ
And the Lord said unto him, 'Fight, O Eusthathius, and My grace shall watch over what is in (thy) heart.'
life.eustathius.theopiste.02:145
ⲁⲩⲱ ⲛⲧⲉⲣϥⲉⲓ ⲉⲧⲡⲟⲗⲓⲥ ⲁϥϯⲡⲉϥⲟⲩⲟⲓ ⲛϭⲓⲡⲣⲣⲟ · ⲁϥⲃⲱⲕ ⲉϩⲟⲩⲛ ⲉⲡⲣⲡⲉ ⲙⲡⲁⲡⲟⲗⲗⲱⲛ ⲙⲡⲉⲉⲩⲥⲧⲁⲑⲓⲟⲥ ⲃⲱⲕ ⲉϩⲟⲩⲛ ⲛⲙⲙⲁϥ ⲁⲗⲗⲁ ⲁϥϭⲱ ϩⲓⲡⲥⲁ ⲛⲃⲟⲗ ·
And when he had come into the city the Emperor went and entered into the temple of Apollo, but Eustathius did not go in with him, and remained outside.
life.eustathius.theopiste.01:146
ⲁϥⲉⲓ ⲇⲉ ⲉⲡⲉⲥⲏⲧ ϩⲓⲡⲧⲟⲟⲩ ⲛϭⲓⲡⲡⲉⲧⲟⲩⲁⲁⲃ ⲉⲩⲥⲧⲁⲑⲓⲟⲥ
And Saint Eusthathius came down from the mountain,
life.eustathius.theopiste.02:146
ⲡⲣⲣⲟ ⲇⲉ ⲁϥⲙⲟⲩⲧⲉ ⲉⲣⲟϥ ⲁϥϫⲛⲟⲩϥ ϫⲉⲉⲧⲃⲉⲟⲩ ⲙⲡⲉⲕⲉⲓ ⲉϩⲟⲩⲛ ⲉⲡⲣⲡⲉ ⲙⲡⲁⲡⲟⲗⲗⲱⲛ · ⲛⲅⲟⲩⲱⲧⲛ ⲉⲃⲟⲗ ⲛⲛⲛⲟⲩⲧⲉ · ϩⲙⲡⲧⲣⲕϫⲣⲟ ⲛⲅⲕⲟⲧⲕ ϩⲙⲡⲡⲟⲗⲉⲙⲟⲥ ⲁⲩⲱ ⲛⲅϫⲟⲟⲩ ⲉϩⲣⲁⲓ ⲛⲁⲩ ⲛϩⲉⲛⲑⲩⲥⲓⲁ ⲙⲙⲛⲧⲣⲉϥϣⲡϩⲙⲟⲧ ⲙⲁⲗⲓⲥⲧⲁ ϫⲉⲁⲕϩⲉ ⲉⲧⲉⲕⲥϩⲓⲙⲉ ⲙⲛⲛⲉⲕϣⲏⲣⲉ ·
And the Emperor called him, and asked him why he did not come into the temple of Apollo, (saying), 'Thou must pour out a libation to the gods in return for thy victory, and because thou hast returned from the war, and thou must offer up sacrifices of thanksgiving to them, especially as thou hast found thy wife and thy sons.'
life.eustathius.theopiste.02:147
ⲉⲩⲥⲧⲁⲑⲓⲟⲥ ⲇⲉ ⲡⲉϫⲁϥ ⲙⲡⲣⲣⲟ · ϫⲉⲉⲓⲛⲁϫⲟⲟⲩ ⲉϩⲣⲁⲓ ⲁⲛⲟⲕ ⲙⲡⲁⲣⲣⲟ ⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲙⲡⲉⲛⲥⲟⲡⲥⲡ ⲙⲛⲡⲉⲛⲧⲱⲃϩ · ⲁⲩⲱ ϩⲉⲛϭⲱⲣϣ ⲉⲛⲁϣⲱⲟⲩ ϫⲉⲁϥⲛⲁ ⲛⲧⲁⲙⲛⲧⲧⲁⲗⲉⲡⲟⲣⲟⲥ ⲁϥⲉⲛⲧⲛ ⲉⲃⲟⲗ ϩⲛⲧⲁⲓⲭⲙⲁⲗⲱⲥⲓⲁ ·
And Eustathius said unto the Emperor, ' I will certainly offer up offerings to my King, the Christ Jesus, together with our supplications and our prayers, and our manifold entreaties, because He hath had pity on our wretched state, and hath brought us out of captivity.
life.eustathius.theopiste.01:147
ⲁϥⲃⲱⲕ ⲉⲡⲉϥⲏⲓ ⲁϥϫⲱ ⲉⲧⲉϥⲥϩⲓⲙⲉ ⲛⲛⲉⲛⲧⲁⲡϫⲟⲉⲓⲥ ϫⲟⲟⲩ ⲛⲁϥ ·
and he went into his house, and told his wife the things which God had said unto him.
life.eustathius.theopiste.01:148
ⲁⲩϭⲱⲗϫ ⲛⲛⲉⲩⲡⲁⲧ ϩⲓⲟⲩⲥⲟⲡ ·
And they knelt down together on their knees,
life.eustathius.theopiste.02:148
ⲁⲩⲱ ⲛⲧⲟϥ ⲡⲉ ⲛⲧⲁϥϯ ⲛⲁⲓ ⲛⲧⲁⲥϩⲓⲙⲉ ⲙⲛⲛⲁϣⲏⲣⲉ · ⲁϥⲃⲟⲏⲑⲉⲓ ⲉⲣⲟⲛ ⲕⲁⲧⲁⲧϩⲉ · ⲛⲧⲁϥϫⲟⲟⲥ ⲛⲁⲓ ⲙⲡⲁⲧⲓϫⲓⲃⲁⲡⲧⲓⲥⲙⲁ ⲉⲡⲉϥⲣⲁⲛ ·
He it is Who hath given to me my wife and my sons, and hath helped me according to what He spake to me before I received baptism in His Name.
life.eustathius.theopiste.02:149
ⲧⲉⲛⲟⲩ ϭⲉ ϯⲥⲟⲟⲩⲛ ⲁⲛ ⲛⲕⲉⲛⲟⲩⲧⲉ ⲛⲃⲗⲗⲁϥ ·
Now, therefore, I know no other god besides Him.
life.eustathius.theopiste.01:149
ⲁⲩϣⲗⲏⲗ ⲉⲩϫⲱ ⲙⲙⲟⲥ ϫⲉⲡϫⲟⲉⲓⲥ ⲙⲁⲣⲉⲡⲉⲕⲟⲩⲱϣ ϣⲱⲡⲉ ⁛—
and they prayed, saying, 'Let Thy will be done.'
life.eustathius.theopiste.02:150
ⲡⲛⲟⲩⲧⲉ ⲅⲁⲣ ⲡⲉⲛⲧⲁϥⲧⲁⲙⲓⲉⲧⲡⲉ ⲙⲛⲡⲕⲁϩ ⲡⲁⲓ ⲉⲧⲉⲓⲣⲉ ⲛⲛⲉⲓⲛⲟϭ ⲛϣⲡⲏⲣⲉ ⲙⲁⲩⲁⲁϥ ·
For He is the God Who hath created the heaven and the earth, and it is He alone Who hath done these great marvels.'
life.eustathius.theopiste.01:150
ⲁⲥϣⲱⲡⲉ ⲇⲉ ⲙⲛⲛⲥⲁϩⲉⲛⲕⲟⲩⲓ ⲛϩⲟⲟⲩ ⲁⲩϣⲱⲛⲉ ⲛⲗⲟⲓⲙⲟⲥ ϣⲱⲡⲉ ϩⲙⲡⲉϥⲏⲓ · ⲁⲩⲙⲟⲩ ⲛϭⲓⲛⲉϥϩⲙϩⲁⲗ ⲧⲏⲣⲟⲩ ·
And it came to pass, after a few days, that a pestilence broke out in the house of Eusthathius, and all his slaves died.

Coptic SCRIPTORIUM, corpus life.eustathius.theopiste (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.