Canons of John the Almsgiver
- johannes.canons.FA241-252:1
ϫⲉⲉⲓⲛⲁϣⲱⲡⲉ ⲛⲧⲉⲕϩⲉ ·
- johannes.canons.FA233-240:1
ⲅⲁⲣ ϫⲉⲟⲩⲣⲉϥϯ ⲉϥⲣⲟⲟⲩⲧ · ⲡⲉⲧⲉⲣⲉⲡⲛⲟⲩⲧⲉ ⲙⲉ ⲙⲙⲟϥ ·
- johannes.canons.FA29-30:1
⸓ ⲛⲣⲙⲙⲁⲟ ⲉⲩⲛⲁϯⲉⲟⲟⲩ ⲙⲡⲣⲙⲙⲁⲟ ϩⲙⲡⲛⲁ · ϩⲙⲡⲧⲣⲉⲩⲥⲟⲟⲩⲧⲛ ⲛⲧⲟⲟⲧⲟⲩ ⲉⲃⲟⲗ ϩⲛⲧⲙⲛⲧⲛⲁ · ⲏ ⲛⲉⲧϣⲁⲁⲧ ⲉⲧⲏⲡ ⲉⲧⲉⲓⲫⲩⲥⲓⲥ ⲛⲟⲩⲱⲧⲛ ⲙⲙⲁⲩ · ⸓
- johannes.canons.FA205-214:1
ⲡⲉⲕⲛⲟⲩⲧⲉ ϩⲙⲡⲉⲕϩⲏⲧ ⲧⲏⲣϥ ⲁⲩⲱ ϩⲛⲧⲉⲕⲯⲩⲭⲏ ⲧⲏⲣⲥ · ⲁⲩⲱ ϩⲛⲧⲉⲕϭⲟⲙ ⲧⲏⲣⲥ · ⲁⲩⲱ ϩⲛⲛⲉⲕⲙⲉⲉⲩⲉ ⲧⲏⲣⲟⲩ
- johannes.canons.FA191-192:1
ϩⲟⲙⲛⲧ ⲁⲩⲱ ⲧⲡⲟⲣⲛⲉⲓⲁ ⲙⲛⲡϫⲓⲟⲩⲉ ⲁⲩⲱ ⲡϭⲟⲗ ⲙⲛⲡⲁⲛⲁϣ ⲛⲛⲟⲩϫ ⲥⲉⲟⲩⲟⲛϩ ⲉⲃⲟⲗ ϩⲙⲡⲣⲱⲙⲉ ⲉⲧⲉⲓⲣⲉ ⲙⲙⲟⲟⲩ ·
- johannes.canons.FA215-224:1
ⲛⲉⲡⲣⲟⲫⲏⲧⲏⲥ ϫⲉⲕⲧⲉⲧⲏⲩⲧⲛ ⲉⲣⲟⲓ ⲧⲁⲣⲉⲧⲉⲧⲛⲱⲛϩ · ⲛⲁ ϫⲓⲛⲁⲣⲏϫϥ ⲙⲡⲕⲁϩ · ⲏ ϫⲉⲕⲧⲉⲧⲏⲩⲧⲛ ⲉⲣⲟⲓ ⲛⲧⲁⲧⲁⲗϭⲟ ⲛⲛⲉⲧⲛⲟⲩⲱϣϥ · ⲏ ϫⲉⲁⲙⲏⲓⲧⲛ ⲉⲃⲟⲗ ϩⲛⲧⲉⲩⲙⲏⲧⲉ · ⲛⲧⲉⲧⲛⲡⲣϫⲧⲏⲩⲧⲛ ⲉⲣⲟⲟⲩ ·
- johannes.canons.FA225-232:1
ϩⲛⲧⲙⲛⲧⲣⲙⲛϩⲏⲧ · ⲁⲩⲱ ⲉⲩⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ · ⲁⲩⲱ ⲟⲛ ⲉⲩϩⲁⲣⲉϩ ⲉⲛⲉⲛⲧⲟⲗⲏ ⲛⲛⲉⲩⲉⲓⲟⲧⲉ ⲉⲛⲧⲛⲥⲱⲧⲙ ⲁⲛ ⲉⲡⲟⲗⲉⲙⲟⲥ ⲛϩⲏⲧⲟⲩ · ⲏ ϩⲣⲟⲟⲩ ⲙⲡⲟⲗⲉⲙⲟⲥ ⲁⲗⲗⲁ ⲉⲩϯⲥⲟⲉⲓⲧ ⲛⲧⲉⲧⲙⲡⲓⲥⲧⲓⲥ ϩⲙⲙⲁ ⲛⲓⲙ · ⲙⲏ ⲉⲩⲟⲩⲏϩ ⲛⲙⲙⲁⲛ · ⲛϭⲓⲛⲉⲧϩⲓⲃⲟⲗ · ϫⲉⲉⲩⲛⲁⲉⲓⲙⲉ ϫⲉⲉⲣⲉⲡⲟⲩⲁ ⲡⲟⲩⲁ ⲙⲙⲟⲛ ·
- johannes.canons.FA203-204:1
ⲧⲙⲛⲧⲣⲉϥϭⲉⲧⲡⲣⲱⲙⲉ ⲉⲃⲟⲗ ⲡⲕⲣⲟϥ ·
- johannes.canons.FA143-158:1
ⲉⲥⲁⲡⲁⲧⲁⲙⲙⲟⲥ ⲙⲁⲩⲁⲁⲥ ⲙⲛϩⲉⲛⲙⲏⲏϣⲉ ⲛⲁⲧϩⲏⲧ ⲛⲧϩⲉ ⲛϩⲉⲛⲧⲃⲛⲟⲟⲩⲉϩ ⲙⲡⲥⲟⲟⲩⲛ ⲛⲛⲉⲅⲣⲁⲫⲏ ·
- johannes.canons.FA253-255:1
ⲁⲛⲟⲛ ϩⲉⲛⲕⲁϩ ⲕⲁⲧⲁⲡⲉⲛⲧⲁⲕϫⲟⲟϥ ϫⲓⲛⲛϣⲟⲣⲡ ⲙⲡϣⲣⲡ ⲛⲣⲱⲙⲉ ⲁⲇⲁⲙ ϫⲉ ⲛⲧⲕⲟⲩⲕⲁϩ ⲉⲕⲛⲁⲕⲟⲧⲕ ⲉⲡⲕⲁϩ · ⲛⲅⲕⲱ ⲛⲁⲛ ⲉⲃⲟⲗ ϫⲉⲁⲛⲟⲛ ⲡⲟⲙⲉ · ⲁⲩⲱ ⲛⲉϩⲃⲏⲩⲉ ⲛⲛⲉⲕϭⲓϫ · ⲛⲅϣⲛϩⲧⲏⲕ ⲉϫⲱⲛ ⲡⲛⲟⲩⲧⲉ ⲛⲛϭⲟⲙ · ⲛⲅⲕⲱ ⲛⲁⲛ ⲉⲃⲟⲗ ϫⲉⲁⲛⲟⲛ ϩⲉⲛⲭⲟⲣⲧⲟⲥ ⲕⲁⲧⲁⲡⲉⲛⲧⲁⲕϫⲟⲟϥ ϩⲛⲧⲉⲕⲧⲁⲡⲣⲟ ⲛⲛⲉⲕⲡⲣⲟⲫⲏⲧⲏⲥ · ϫⲉⲟⲩⲭⲟⲣⲧⲟⲥ · ⲡⲉⲥⲁⲣⲝ ⲛⲓⲙ ·
- johannes.canons.FA65-80:1
ⲉⲧⲃⲉⲙⲡⲉⲧⲛⲁⲛⲟⲩϥ ⲉⲧϥⲉⲓⲣⲉ ⲙⲙⲟⲟⲩ ⲛⲙⲙⲁⲛ · ⲉⲧⲉⲧⲉϥⲛⲟϭ ⲛⲁⲛⲟⲭⲏ ⲧⲉ ⲉⲙⲡϥϥⲟⲧⲛ ⲉⲃⲟⲗ · ⲁⲛ ⲟⲛ ⲛⲉⲧⲉⲓⲣⲉ ⲛⲙⲡⲉⲧϩⲟⲟⲩ ϩⲓϫⲙⲡⲕⲁϩ · ϩⲛⲧⲙⲏⲧⲉ ⲛⲛⲉⲧⲉⲓⲣⲉ ⲙⲡⲡⲉⲧⲛⲁⲛⲟⲩϥ ⲙⲡⲉϥⲙⲧⲟ ⲉⲃⲟⲗ ·
- johannes.canons.FA33-34:1
ⲇⲁⲓⲙⲱⲛ ⲉⲧⲣⲉⲩⲕⲗⲏⲣⲟⲛⲟⲙⲉⲓ ϩⲱⲟⲩ ⲛⲙⲙⲁϥ ⲙⲡⲕⲱϩⲧ ⲙⲛⲡϥⲛⲧ ·
- johannes.canons.FA37-42:1
ⲛⲧϩⲉ ϩⲱⲱϥ ⲛⲧⲁⲛⲉⲓⲙⲉ ⲉⲡⲁⲓ ϩⲓⲧⲛⲛϩⲩⲡⲟⲙⲛⲏⲙⲁ ⲛⲙⲙⲁⲣⲧⲩⲣⲟⲥ ⲉⲧⲟⲩⲁⲁⲃ ϫⲉⲛϥϯⲥⲟ ⲁⲛ ⲉⲗⲁⲁⲩ ϩⲛⲛⲉⲛⲧⲁⲛϫⲟⲟⲩ ·
- johannes.canons.FA47-48:1
ⲕⲁⲧⲁⲡⲉⲛⲧⲁⲡϫⲟⲉⲓⲥ ϫⲟⲟϥ ϩⲙⲡⲉⲩⲁⲅⲅⲉⲗⲓⲟⲛ ϫⲉⲥⲉⲛⲁϣⲱⲡⲉ ⲛⲧϩⲉ ⲛⲛⲁⲅⲅⲉⲗⲟⲥ ⲉⲧϩⲛⲙⲡⲏⲩⲉ ⲛϭⲓⲛⲉⲛⲧⲁⲩϩⲁⲣⲉϩ ⲉⲣⲟⲟⲩ ⲁⲩⲱ ⲉⲁⲩⲕⲁⲡⲁⲓⲱⲛ ⲉⲧⲙⲙⲁⲩ ϩⲁⲉⲓⲁⲧⲟⲩ ⲉⲩϩⲓϫⲙⲡⲕⲁϩ ⲉⲁⲩⲣϩⲱⲃ ⲉⲛⲁⲛⲟⲩϥ ⲕⲁⲧⲁⲡⲉϥⲙⲡϣⲁ ·
- johannes.canons.FA253-255:2
ⲛⲧⲟⲕ ⲡⲉ ⲡⲛⲟⲩⲧⲉ ⲛⲛϭⲟⲙ ⲉϭⲟⲙ ⲛⲓⲙ ϣⲟⲟⲡ ⲉⲃⲟⲗ ϩⲓⲧⲟⲟⲧⲕ ⲛⲧⲟⲕ ⲡⲉⲛⲧⲁⲕⲧⲁⲙⲓⲉⲡⲕⲁϩ · ⲛⲧϩⲉ ⲛⲟⲩⲗⲁⲁⲩ ⲉⲣⲉⲛⲉⲧⲟⲩⲏϩ ⲛϩⲏⲧϥ ⲟ ⲛⲧϩⲉ ⲛϩⲉⲛϣϫⲉ ⲛⲛⲁϩⲣⲁⲕ ·
- johannes.canons.FA225-232:2
ⲟⲛ ⲁϣ ⲛϩⲉ ϩⲛⲛⲉϥⲡⲣⲁⲝⲓⲥ · ⲁⲗⲗⲁ ⲉⲩⲛⲁⲩ ⲉⲧϫⲁⲙⲏ · ⲉⲧⲙⲡⲉⲛⲕⲱⲧⲉ · ⲁⲩⲱ ⲡⲉⲥϯⲛⲟⲩϥⲉ ⲛⲧⲇⲓⲕⲁⲓⲟⲥⲩⲛⲏ ⲛⲛⲉⲛⲉⲓⲟⲧⲉ ⲉⲧⲣⲟⲩⲟⲩⲟⲉⲓⲛ ⲙⲙⲡⲕⲱⲧⲉ ⲛⲧⲉⲛⲥⲩⲛⲁⲅⲱⲅⲏ · ⲉⲥⲣⲟⲩⲟⲉⲓⲛ ⲛϩⲟⲩⲟ ⲉⲡⲣⲏ ⲁⲩⲱ ⲉⲥϣⲉϣⲥϯⲛⲟⲩϥⲉ · ⲛϩⲟⲩⲉⲛϩⲏⲛⲉ ⲧⲏⲣⲟⲩ ϩⲓⲧⲙⲡⲁⲓ ⲉⲩϯⲉⲟⲟⲩ ⲛⲁⲛ ⲛϩⲟⲩⲟ · ⲁⲩⲱ ⲉⲩⲟⲩⲉϩⲡⲣⲟⲥⲑⲩⲕⲏ ⲉϫⲙⲡⲉⲛⲡⲉⲧⲛⲁⲛⲟⲩϥ
- johannes.canons.FA233-240:2
ⲟⲩⲣⲉϥϯ ⲟⲩ ϭⲉ ⲡⲉ · ⲛⲟⲩⲣⲉϥϯⲟⲉⲓⲕ ⲙⲙⲁⲧⲉ ⲁⲛ ϩⲓϩⲃⲥⲱ ⲙⲡⲉⲧϩⲓⲧⲟⲩⲱϥ ⲁⲗⲗⲁ ϩⲱⲃ ⲛⲓⲙ ⲉⲕⲛⲁⲁⲁϥ ϩⲛⲛⲉϩⲃⲏⲩⲉ ⲛⲧⲇⲓⲕⲁⲓⲟⲥⲩⲛⲏ ⲉⲧⲣⲉⲕϫⲟⲕⲟⲩ ⲉⲃⲟⲗ ϩⲛⲟⲩⲟⲩⲣⲟⲧ ⲉⲓⲧⲉ ⲟⲩϣⲗⲏⲗ ⲉⲓⲧⲉ ⲟⲩⲁⲥⲕⲏⲥⲓⲥ ⲉⲓⲧⲉ ⲟⲩⲧⲃⲃⲟ ⲛϩⲏⲧ ⲙⲛⲟⲩⲧⲃⲃⲟ ⲛⲥⲱⲙⲁ ⲉⲧⲣⲉⲕⲁⲁⲩ ⲧⲏⲣⲟⲩ ϩⲛⲟⲩⲟⲩⲣⲟⲧ ⲉⲓⲧⲉ ⲟⲩⲥⲙⲟⲩ ⲉⲡⲛⲟⲩⲧⲉ ⲙⲡⲉϩⲟⲟⲩ ⲙⲛⲧⲉⲩϣⲏ · ⲉⲧⲣⲉⲕⲉⲓⲙⲉ ϫⲉⲉⲕⲉⲓⲣⲉ ⲙⲙⲟⲟⲩ ⲛⲛⲓⲙ ⲁⲩⲱ ⲟⲛ ⲉⲧⲣⲉⲕⲉⲓⲙⲉ ϫⲉⲉⲕⲛⲁϫⲓ ⲡⲉⲩⲃⲉⲕⲉ ⲉⲃⲟⲗ ϩⲓⲧⲛⲛⲓⲙ · ⲉϥⲥⲟⲟⲩⲛ ·
- johannes.canons.FA203-204:2
ⲡⲣⲁϣⲉ ⲉϫⲙⲡⲧⲁⲕⲟ ⲙⲡⲉⲧϩⲓⲧⲟⲩⲱⲕ ⲁⲗⲗⲁ ⲧⲉⲅⲣⲁⲫⲏ ⲙⲡⲛⲟⲩⲧⲉ ϣⲟⲟⲡ ⲟⲩⲃⲏⲥ ·
- johannes.canons.FA37-42:2
ⲛⲧϩⲉ ⲉⲛⲧⲁⲛϩⲉ ⲉⲣⲟⲥ ⲉϥϫⲓⲕⲃⲁ ⲙⲙⲟⲟⲩ ⲧⲏⲣⲟⲩ ⲁⲩⲱ ⲉϥⲕⲁⲧⲁⲕⲣⲓⲛⲉ ⲙⲙⲟⲟⲩ ⲉⲡⲙⲟⲩ ϩⲓⲧⲙⲡⲉⲓⲛⲉ ⲛⲛⲉϥⲡⲣⲟⲥⲧⲁⲅⲙⲁ ⲛⲁⲓ ⲉⲧⲥⲏϩ ϩⲛⲛϩⲩⲡⲟⲙⲛⲏⲙⲁ ⲛⲙⲙⲁⲣⲧⲩⲣⲟⲥ ·
- johannes.canons.FA241-252:2
ϯⲛⲁϫⲡⲓⲟⲕ ⲧⲁⲧⲁϩⲟⲟⲩ ⲉⲣⲁⲧⲟⲩ ⲙⲡⲉⲕⲙⲧⲟ ⲉⲃⲟⲗ · ⲉⲓⲙⲉ ϭⲉ ⲉⲛⲁⲓ ⲛⲉⲧⲣⲡⲱⲃϣ ⲙⲡⲛⲟⲩⲧⲉ ⲡⲉϫⲁϥ ·
- johannes.canons.FA143-158:2
ⲙⲟⲛⲟⲛ ⲉⲧⲃⲉⲧⲙⲛⲧϫⲁⲥⲓϩⲏⲧ · ⲕⲁⲧⲁⲧϩⲉ ⲛⲧⲁⲓⲣϣⲣⲡ ⲛϫⲟⲟⲥ · ⲁⲩⲱ ⲧⲙⲛⲧⲁⲧⲥⲱⲧⲙ ⲉⲣⲉⲛⲉⲓⲙⲏⲏϣⲉ ⲧⲏⲣⲟⲩ ⲃⲏⲕ ⲉⲡⲉⲥⲏⲧ ⲉⲁⲙⲛⲧⲉ ⲉⲓⲧⲉ ϩⲟⲟⲩⲧ ⲉⲓⲧⲉ ⲥϩⲓⲙⲉ ⲕⲁⲓ ⲅⲁⲣ ⲉⲧⲃⲉⲧⲙⲛⲧϫⲁⲥⲓϩⲏⲧ ⲁⲩⲱ ⲧⲙⲛⲧⲁⲧⲥⲱⲧⲙ ⲕⲁⲧⲁⲧϩⲉ ⲛⲧⲁⲛϣⲣⲡϫⲟⲟⲥ · ⲛⲧⲁⲩⲛⲉϫⲡⲇⲓⲁⲃⲟⲗⲟⲥ ⲉⲃⲟⲗ ϩⲛⲙⲡⲏⲩⲉ ϫⲓⲛⲛϣⲟⲣⲡ ·
- johannes.canons.FA47-48:2
ⲁⲩⲱ ⲁⲧⲉⲧⲛϯⲟⲥⲉ ⲱ ⲛⲉⲧⲛϣⲁϫⲉ ⲉⲧⲃⲏⲏⲧⲟⲩ ·
- johannes.canons.FA205-214:2
ⲁⲩⲱ ⲡⲉⲧϩⲓⲧⲟⲩⲱⲕ ⲛⲧⲉⲕϩⲉ ⲉⲁϥⲟⲩⲱϣⲃ ⲛⲁϥ ϫⲉⲕⲁⲗⲱⲥ
- johannes.canons.FA191-192:2
ⲁⲩⲱ ϣⲁⲩⲉⲓⲙⲉ ⲉⲣⲟϥ ⲏ ⲛⲥⲉϩⲉ ⲉⲣⲟϥ ⲛϩⲁϩ ⲛⲥⲟⲡ ⲛϭⲓⲛⲉⲧϩⲓⲧⲟⲩⲱϥ ⲁⲩⲱ ⲛⲉⲧⲟⲩⲏϩ ⲛⲙⲙⲁϥ · ⲡⲉⲧⲙⲟⲥⲧⲉ ϩⲱⲱϥ ⲙⲡⲉⲧϩⲓⲧⲟⲩⲱϥ ·
- johannes.canons.FA33-34:2
ⲉⲩϣⲟⲃⲉ ⲉⲣⲟϥ ⲧⲉⲛⲟⲩ ϩⲛⲟⲩ ⲛϩⲣⲁⲓ ϩⲛⲁⲙⲛⲧⲉ ·
- johannes.canons.FA65-80:2
ⲁⲗⲗⲁ ϥⲛⲏⲩ ⲛϭⲓⲡⲟⲩⲟⲉⲓϣ ⲙⲡⲱϩⲥ ⲉⲧϥⲛⲁⲥⲱⲟⲩϩ ⲉϩⲟⲩⲛ ⲛϩⲏⲧϥ ⲛⲛⲉⲧⲛⲁⲛⲟⲩⲟⲩ ⲉⲡⲉⲩⲙⲁ ⲛⲙⲧⲟⲛ ·
- johannes.canons.FA29-30:2
ⲛϩⲏⲕⲉ ⲉⲩⲛⲁϯⲉⲟⲟⲩ ⲛⲧⲉⲛⲧⲁⲥϫⲡⲟ ⲙⲡⲉⲛⲧⲁϥⲣϩⲏⲕⲉ ⲉϩⲛⲁϥ ⲉⲧⲃⲏⲏⲧⲛ · ϫⲉⲕⲁⲁⲥ ⲉϥⲉⲁⲁⲛ ⲛⲣⲙⲙⲁⲟ ϩⲛϩⲉⲛϩⲃⲏⲩⲉ ⲛⲇⲓⲕⲁⲓⲟⲥⲩⲛⲏ · ⸓
- johannes.canons.FA215-224:2
ⲁⲩⲱ ⲁⲛⲟⲕ ϯⲛⲁϣⲉⲡⲧⲏⲩⲧⲛ ⲉⲣⲟⲓ ϫⲉⲁⲛⲅ ⲟⲩⲛⲁⲏⲧ ⲁⲛⲟⲕ · ⲏ ϫⲉϯⲛⲁϣⲱⲡⲉ ⲛⲏⲧⲛ ⲉⲩⲛⲟⲩⲧⲉ · ⲛⲧⲉⲧⲛϣⲱⲡⲉ ⲛⲁⲓ ⲉⲟⲩⲗⲁⲟⲥ ·
- johannes.canons.FA37-42:3
ⲛⲧϩⲉ ⲉⲧⲥⲏϩ ϩⲓⲧⲛⲛⲉϥⲥϩⲁⲓ ϫⲉⲛⲓⲙ ⲙⲛⲛⲓⲙ ⲛⲛⲟϭ ⲛⲉⲡⲓⲥⲕⲟⲡⲟⲥ ⲛⲧⲉⲧⲉⲭⲱⲣⲁ ⲉⲩϣⲁⲛⲟⲩⲱϣ ⲉⲥⲱⲧⲙ ⲛⲥⲁⲡⲁⲇⲓⲁⲧⲁⲅⲙⲁ ⲉⲛⲧⲁⲓⲧⲟϭϥ ⲉⲃⲟⲗ ·
- johannes.canons.FA191-192:3
ⲏ ⲡⲉⲧⲕⲏϩ ⲉⲡⲉⲧϩⲓⲧⲟⲩⲱϥ ⲉⲩⲛϩⲟⲩⲛ ϩⲛⲡϩⲏⲧ ⲁⲩⲱ ⲛⲥⲉⲟⲩⲟⲛϩ ⲉⲃⲟⲗ ⲁⲛ ⲉⲛⲉⲧϩⲓⲧⲟⲩⲱ ⲟⲩ ⲁⲩⲱ ⲛⲉⲧⲟⲩⲏϩ ⲛⲙⲙⲁⲩ ·
- johannes.canons.FA225-232:3
ⲉϣϫⲉ ⲁⲛⲣⲟⲩⲕⲟⲩⲓ ⲥⲉⲛⲁⲧⲁϣⲉⲟⲉⲓϣ ⲛⲟⲩϩⲟⲩⲟ · ⲁⲩⲱ ⲥⲉⲥⲏⲙⲁⲛⲉ ⲛⲛⲉⲩⲉⲣⲏⲩ ⲛⲟⲩⲙⲏⲏϣⲉ ⲛϩⲱⲃ ⲙⲡⲉⲧⲛⲁⲛⲟⲩϥ ϫⲉⲧⲛⲉⲓⲣⲉ ⲙⲙⲟϥ ·
- johannes.canons.FA215-224:3
ⲁⲩⲱ ϫⲉϯⲛⲁϣⲱⲡⲉ ⲛⲏⲧⲛ ⲉⲩⲉⲓⲱⲧ ⲛⲧⲉⲧⲛϣⲱⲡⲉ ⲛⲁⲓ ⲉϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
- johannes.canons.FA65-80:3
ⲁⲩⲱ ⲛϥⲥⲱⲟⲩϩ ⲟⲛ ⲉϩⲟⲩⲛ ⲛⲛⲉⲧϩⲟⲟⲩ ⲉⲃⲟⲗ ϩⲓⲧⲛⲛⲁⲅⲅⲉⲗⲟⲥ ⲉⲧⲟⲩⲁⲁⲃ ⲉⲧⲣⲉϥⲛⲟϫⲟⲩ ⲉϩⲣⲁⲓ ⲉⲁⲙⲛⲧⲉ ⲉⲡⲕⲱϩⲧ ⲛⲧⲅⲉϩⲉⲛⲛⲁ ⲏ ⲛⲧⲟϥ ⲉⲃⲟⲗ ⲉⲡⲕⲁⲕⲉ ⲉⲧϩⲓⲃⲟⲗ · ⲡⲙⲁ ⲉⲧⲉⲣⲉⲡⲣⲓⲙⲉ ⲛⲁϣⲱⲡⲉ ⲙⲙⲁⲩ · ⲙⲛⲡϫⲁϩϫϩ ⲛⲛⲟⲃϩⲉ ·
- johannes.canons.FA205-214:3
ⲁⲕϫⲟⲟⲥ · ϫⲉⲟⲩⲁ ⲡⲉ ⲡⲛⲟⲩⲧⲉ · ⲁⲩⲱ ⲙⲙⲛϭⲉ ⲛⲃⲗⲗⲁϥ ·
- johannes.canons.FA253-255:3
ⲁⲩⲧⲛⲧⲱⲛⲟⲩ ⲉⲩϫⲓϩ · ⲁⲩⲱ ⲛⲧⲉ ⲛⲟⲩⲧⲗϯⲗⲉ ⲉⲥⲁϣⲉ ⲛⲟⲩⲕⲁⲇⲟⲥ ⲁⲩⲱ ⲛⲧϩⲉ ⲙⲡⲣⲓⲕⲉ ⲛⲟⲩⲙⲁϣⲉ · ⲕⲁⲧⲁⲛϣⲁϫⲉ ⲛⲛⲉⲕⲡⲣⲟⲫⲏⲧⲏⲥ
- johannes.canons.FA143-158:3
ⲛⲓⲙ ϭⲉ ⲡⲉⲧⲛⲁϣϫⲓ ⲏ ⲡⲉϫⲓⲛⲛϣⲟⲣⲡ ⲛⲛⲉⲛⲧⲁⲩⲧⲁⲕⲟ ⲉⲁⲩⲃⲱⲕ ⲉⲡⲉⲥⲏⲧ ⲉⲡϣⲓⲕ ·
- johannes.canons.FA233-240:3
ϫⲉⲉϣϣⲉ ⲅⲁⲣ ⲉⲡⲉⲧⲛⲁϯⲡⲉϥⲟⲩⲟⲉⲓ ⲉⲡⲛⲟⲩⲧⲉ · ⲉⲡⲓⲥⲧⲉⲩⲉ ϫⲉ ϥϣⲟⲟⲡ · ⲁⲩⲱ ϫⲉϥⲛⲁϣⲱⲡⲉ ⲛⲧⲁⲓ ⲃⲉⲕⲉ ⲛⲛⲉⲧϣⲓⲛⲉ ⲛⲥⲱϥ
- johannes.canons.FA33-34:3
ⲛϭⲓⲛⲉⲛⲧⲁⲩⲃⲱⲕ ⲉⲡⲉⲥⲏⲧ ⲉⲣⲟϥ ⲧⲏⲣⲟⲩ ϫⲓⲛⲛϣⲟⲣⲡ ϣⲁϩⲣⲁⲓ ⲉⲧⲉⲛⲟⲩ ⲙⲛⲛⲉⲧⲛⲁⲃⲱⲕ ⲟⲛ ⲉⲡⲉⲥⲏⲧ ⲉⲣⲟϥ ϣⲁϩⲣⲁⲓ ⲉⲧⲥⲩⲛⲧⲉⲗⲉⲓⲁ ⲙⲡⲁⲓⲱⲛ ⲕⲁⲧⲁⲡⲉⲙⲡϣⲁ ⲛⲛⲛⲟⲃⲉ ⲙⲡⲟⲩⲁ ⲡⲟⲩⲁ ·
- johannes.canons.FA47-48:3
ⲉⲧⲉⲧⲛⲥⲟⲟⲩⲛ ⲁⲛⲟⲛ ϫⲉⲛⲓⲙ ⲛⲉ ·
- johannes.canons.FA29-30:3
ⲛϩⲙϩⲁⲗ ⲉⲩⲛⲁϯⲉⲟⲟⲩ ⲛⲧⲉⲛⲧⲁⲥϫⲡⲟ · ⲙⲡⲉⲛⲧⲁϥⲡⲱϩⲧ ⲙⲙⲟϥ ⲉⲃⲟⲗ · ⲉⲁϥϫⲓ ⲛⲟⲩⲙⲟⲣⲫⲏ ⲛϩⲙϩⲁⲗ ⲉⲧⲃⲏⲏⲧⲛ · ϩⲙⲡⲧⲣⲉⲩⲟⲩⲱⲛϩ ⲉⲃⲟⲗ ⲛⲟⲩⲙⲛⲧϩⲙϩⲁⲗ ⲛⲅⲛⲏⲥⲓⲟⲥ ⲉϩⲟⲩⲛ ⲉⲛⲉⲩϫⲓⲥⲟⲟⲩⲉ ⲕⲁⲧⲁⲥⲁⲣⲝ ·
- johannes.canons.FA241-252:3
ⲥⲟⲩⲛⲡⲧⲉⲧⲛⲥⲱϣ ⲧⲉⲛⲟⲩ ⲉⲃⲟⲗ ϩⲛⲛⲁⲓ ⲙⲏⲡⲟⲧⲉ ⲛϥⲧⲱⲣⲡ ⲛϥⲧⲙϣⲱⲡⲉ ⲛϭⲓⲡⲉⲧⲛⲟⲩϩⲙ ·
- johannes.canons.FA203-204:3
ⲁⲩⲱ ⲛⲉⲛⲧⲁⲥϫⲟⲟⲩ ϫⲓⲛⲛϣⲟⲣⲡ ⲉⲧⲃⲉⲛⲉⲧⲉⲓⲣⲉ ⲛⲛⲁⲓ ⲉⲧⲁⲟⲩⲟⲟⲥ ⲉⲡⲉⲥⲏⲧ ⲁⲩⲱ ⲛⲥϣⲁϣⲥ ⲉⲃⲟⲗ · ⲛⲧϩⲉ ⲛⲛⲉⲧⲉⲛⲥⲉϣⲟⲟⲡ ⲁⲛ ϩⲙⲡⲥⲟⲡ · ⲁⲩⲱ ⲡⲛⲁⲩ · ⲉⲧⲥⲛⲁϯ ⲙⲡⲉⲥⲡⲛⲉⲩⲙⲁ ⲉⲛϭⲓϫ ⲙⲡⲉⲧⲙⲟⲥⲧⲉ ⲙⲙⲟⲥ ·
- johannes.canons.FA225-232:4
ⲁⲗⲏⲑⲱⲥ ϣⲁⲛϣⲓⲡⲉ · ⲁⲩⲱ ϣⲁⲛϣⲱⲡⲉ ⲉⲟⲩⲗⲁⲁⲩ · ⲛⲛⲁϩⲣⲛⲛⲉⲧⲟⲩϫⲱ ⲙⲙⲟⲟⲩ ⲛⲥⲱⲛ ϩⲓⲃⲟⲗ
- johannes.canons.FA203-204:4
ⲡⲉⲭⲣⲓⲥⲧⲟⲥ ⲙⲛⲛⲉⲥⲕⲉϩⲃⲏⲩⲉ ⲧⲏⲣⲟⲩ ⲛⲥⲓϣⲉ · ⲕⲁⲧⲁⲡⲉⲧⲥⲏϩ ϫⲉⲡⲉⲧⲛⲁⲣⲁϣⲉ ⲉϫⲙⲡⲉⲧⲛⲁⲧⲁⲕⲟ · ⲛϥⲛⲁⲣⲃⲟⲗ ⲁⲛ ⲉⲡⲉⲧϩⲟⲟⲩ ·
- johannes.canons.FA233-240:4
ⲉⲓⲉ ⲙⲡⲣⲧⲣⲉⲛⲁⲙⲉⲗⲉⲓ ⲟⲩⲛ ⲉⲣⲟⲛ ϩⲙⲡⲕⲁⲓⲣⲟⲥ ⲛϫⲟ ϫⲉⲕⲁⲥ ⲉⲛⲛⲁϩⲉ ⲉⲟⲩⲟⲛ ⲉⲱϩⲥ · ⲏ ⲉⲱⲗ ·
- johannes.canons.FA65-80:4
ⲛⲉⲛⲏⲡ ⲡⲉ ⲉϣⲱⲡⲉ ⲛⲥⲁⲃⲉ ⲛⲧϩⲉ ⲛⲛⲉⲛⲧⲁⲩⲣⲥⲁⲃⲉ ⲧⲏⲣⲟⲩ ϩⲓⲧⲛⲧⲁϣⲏ ⲛⲛϣⲁϫⲉ ⲛⲛⲉⲅⲣⲁⲫⲏ ⲛⲧϩⲉ ⲉⲧⲥⲙⲟⲩⲧⲉ ⲉⲣⲟⲛ ⲉⲩⲙⲉⲧⲁⲛⲟⲓⲁ ϫⲓⲛⲛϣⲟⲣⲡ ·
- johannes.canons.FA37-42:4
ⲁⲩⲱ ⲛⲥⲉⲟⲩⲱϣⲧ ⲛⲛⲛⲟⲩⲧⲉ ·
- johannes.canons.FA29-30:4
ⲛϩⲟⲩⲟ ⲇⲉ ⲉϩⲟⲩⲛ ⲉⲛⲉⲛⲧⲟⲗⲏ ⲙⲡⲉⲛϫⲟⲉⲓⲥ ⲧⲏⲣⲛ ϩⲓⲟⲩⲥⲟⲡ ·
- johannes.canons.FA33-34:4
ⲟⲩ ϭⲉ ⲧⲉⲛⲟⲩ ⲡⲉ ⲡϣⲓⲃⲉ ⲙⲡⲇⲓⲁⲃⲟⲗⲟⲥ ⲙⲛⲛⲉϥⲇⲁⲓⲙⲱⲛ ⲁⲩⲱ ⲓⲟⲩⲇⲁⲥ ⲙⲛⲛⲣⲉϥⲣⲛⲟⲃⲉ ⲧⲏⲣⲟⲩ ⲉⲧⲛⲁⲙⲟⲩ ⲛϩⲣⲁⲓ ϩⲛⲛⲉⲩⲛⲟⲃⲉ ⲉⲙⲡⲟⲩⲙⲉⲧⲁⲛⲟⲉⲓ ⲉⲩϣⲟⲃⲉ ⲉⲛⲉⲩⲉⲣⲏⲩ ϩⲟⲟⲩ ·
- johannes.canons.FA143-158:4
ϫⲉⲁⲩⲙⲟⲟϣⲉ ϩⲛⲧⲉϩⲓⲏ ⲛⲧⲙⲛⲧϫⲁⲥⲓϩⲏⲧ · ⲁⲩⲱ ⲉⲁⲩϣⲱⲡⲉ ϩⲛ ⲟⲩⲙⲛⲧⲁⲧⲥⲱⲧⲙ
- johannes.canons.FA215-224:4
ⲉϣϫⲉ ⲡⲉⲧⲧⲃⲃⲏⲩ ⲅⲁⲣ ⲙⲛⲛⲉⲧⲟⲩⲧⲃⲃⲟ ⲙⲙⲟⲟⲩ · ϩⲉⲛⲉⲃⲟⲗ ϩⲛⲟⲩⲁ ⲧⲏⲣⲟⲩ ⲛⲉⲕⲁⲧⲁⲛⲉⲅⲣⲁⲫⲏ ⲉⲧⲉⲡⲛⲟⲩⲧⲉ ⲡⲉ
- johannes.canons.FA47-48:4
ⲛⲁⲓ ⲛⲧⲁⲩⲙⲟⲩ ϩⲙⲡⲛⲟⲃⲉ ⲉⲙⲡⲁⲧⲟⲩⲉⲓ ⲉⲃⲟⲗ ⲛϩⲏⲧϥ ⲁⲧⲉⲧⲛϯⲟⲥⲉ ⲙⲡⲡⲁⲣⲁⲇⲉⲓⲥⲟⲥ ⲛⲧⲉⲧⲣⲩⲫⲏ ⲙⲡⲛⲟⲩⲧⲉ [..] ⲧⲉⲧⲛⲛⲁ [..] ⲉϥϣⲉϣⲥ ϯ [..] ⲉⲃⲟⲗ ⲙⲛⲡ [...] ⲛⲅ [......] ⲉⲧⲣ [.......] ⲙⲛⲧⲙ [......] ⲁⲩⲱ ⲡⲥⲁ ⲛⲡⲕⲁⲣⲡⲟⲥ ⲙⲛⲡⲉⲩϩⲗⲟϭ ·
- johannes.canons.FA191-192:4
ⲁⲗⲗⲁ ⲛⲧϩⲉ ⲉⲧⲉⲣⲉⲡⲇⲓⲁⲃⲟⲗⲟⲥ ϩⲏⲡ ⲙⲛⲛⲉϥⲇⲁⲓⲙⲱⲛ ⲙⲡⲕⲁⲕⲉ ϩⲛⲛⲉⲧⲉϥⲉⲓⲣⲉ ⲙⲙⲟⲟⲩ ϩⲛⲟⲩ ⲙⲟⲥⲧⲉ ⲙⲡⲅⲉⲛⲟⲥ ⲧⲏⲣϥ ⲛⲛⲣⲱⲙⲉ ⲧⲁⲓ ⲟⲛ ⲧⲉ ⲧϩⲉ ⲙⲡⲉⲧⲕⲏϩ ⲉⲡⲉⲧϩⲓⲧⲟⲩⲱϥ ⲁⲩⲱ ⲉⲧⲙⲟⲥⲧⲉ ⲙⲙⲟϥ ⲉⲣⲉⲛⲉϥϩⲃⲏⲩⲉ ⲙⲡⲟⲛⲏⲣⲟⲛ ϩⲏⲡ ⲙⲡⲉϥϩⲟⲩⲛ ·
- johannes.canons.FA205-214:4
ⲁⲩⲱ ϫⲉⲉⲕⲉⲙⲉⲣⲓⲧϥ ϩⲙⲡⲉⲕϩⲏ ⲧⲏⲣϥ ⲙⲛⲧⲉⲕϭⲟⲙ ⲧⲏⲣⲥ · ⲁⲩⲱ ϩⲛⲧⲉⲕⲙⲛⲧⲣⲙⲛϩⲏⲧ ⲧⲏⲣⲥ ·
- johannes.canons.FA241-252:4
ⲟⲩⲑⲩⲥⲓⲁ ⲛⲥⲙⲟⲩⲧⲉ ϯⲛⲁϯⲉⲟⲟⲩ ⲛⲁⲓ ⲡⲉϫⲁϥ ⲛⲕⲁⲧⲁⲗⲁⲗⲓⲁ ⲁⲛ ⲙⲏ ⲅⲉⲛⲟⲓⲧⲟ ⲧⲉϩⲓⲏ ⲧⲉ ⲧⲁⲓ ⲉϯⲛⲁⲧⲥⲁⲃⲟⲕ ⲉⲣⲟⲥ ⲉⲧⲣⲁⲛⲁⲓ ⲡⲟⲩϫⲁⲓ ⲙⲡⲛⲟⲩⲧⲉ ·
- johannes.canons.FA253-255:4
ⲱ ⲡⲛⲟⲩⲧⲉ ⲛⲛϭⲟⲙ ⲁⲩⲱ ⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ · ⲉⲕⲧⲙϣⲛϩⲧⲏⲕ ϩⲁⲣⲟⲛ · ⲛⲓⲙ ⲡⲉⲧⲛⲁϣⲛϩⲧⲏϥ ϩⲁⲣⲟⲛ · ⲉⲕⲧⲙⲛⲁ ⲛⲁⲛ ⲛⲓⲙ ⲡⲉⲧⲛⲁⲛⲁ ⲛⲁⲛ ·
- johannes.canons.FA225-232:5
ⲧⲉⲛⲟⲩ ϭⲉ ⲛⲉⲥⲛⲏⲩ ⲙⲁⲣⲉⲛϣⲱⲡⲉ ⲉⲛⲟⲣϫ · ⲛⲧϩⲉ ⲛⲟⲩⲡⲟⲗⲓⲥ ⲉⲣⲉⲛⲉⲥⲥⲟⲃⲧ ⲧⲁϫⲣⲏⲩ · ⲁⲩⲱ ⲉⲣⲉⲛⲉⲥⲣⲟ ϣⲟⲧⲙ ·
- johannes.canons.FA65-80:5
ⲡⲧⲃⲛⲏ ⲉⲩϣⲁⲛⲧⲥⲁⲃⲟϥ ⲉⲙⲟⲟϣⲉ ϫⲓⲛⲛⲧⲉϥⲙⲛⲧⲕⲟⲩⲓ ⲙⲉϥϣⲓⲃⲉ ϩⲛⲧⲉϥϭⲓⲛⲙⲟⲟϣⲉ · ⲉⲓⲙⲏⲧⲓ ϩⲛⲟⲩⲙⲛⲧⲁⲧϭⲟⲙ ϣⲁⲧⲉϥⲙⲛⲧϩⲗⲗⲟ ·
- johannes.canons.FA29-30:5
ⲁⲛⲟⲛ ⲛⲟⲩⲏⲏⲃ ⲉⲛⲛⲁϯⲉⲟⲟⲩ ⲛⲧⲉⲛⲧⲁⲥϫⲡⲟ ⲛⲁⲛ ⲙⲡⲟⲩⲏⲏⲃ ϣⲁⲉⲛⲉϩ ⲕⲁⲧⲁⲧⲧⲁⲝⲓⲥ ⲙⲙⲉⲗⲭⲓⲥⲉⲇⲉⲕ ϩⲙⲡⲧⲣⲉⲛⲧⲃⲃⲟⲛ ·
- johannes.canons.FA233-240:5
ⲟⲩⲛϩⲁϩ ⲛⲣⲱⲙⲉ ϣⲡϩⲓⲥⲉ ⲉⲛⲥⲉⲛⲟⲉⲓ ⲁⲛ ⲛⲧϭⲓⲛⲣⲟⲉⲓⲥ ⲉⲣⲟⲟⲩ · ⲉⲣⲉⲡϣⲁϫⲉ ⲉⲧⲥⲏϩ ⲛⲁϫⲱⲕ ⲉⲃⲟⲗ ⲉϩⲣⲁⲓ ⲉϫⲱⲟⲩ ϫⲉⲉⲧⲃⲉⲟⲩ ⲧⲉⲧⲛϩⲟⲥⲉ ·
- johannes.canons.FA253-255:5
ⲛⲧⲟⲕ ⲅⲁⲣ ⲉⲧⲥⲟⲟⲩⲛ ⲉⲧⲉⲛⲙⲛⲧⲁⲧϭⲟⲙ ⲁⲩⲱ ⲧⲉⲛⲙⲛⲧϭⲱⲃ · ⲁⲩⲱ ⲙⲙⲛⲧⲁⲥⲑⲉⲛⲏⲥ ⲙⲡⲉⲛⲥⲱⲙⲁ ϩⲏⲡ ⲉⲣⲟⲕ ⲁⲛ · ⲕⲥⲙⲁⲙⲁⲁⲧ ⲛⲧⲟⲕ ⲡϫⲟⲉⲓⲥ ⲁⲩⲱ ⲕⲟⲩⲁⲁⲃ · ⲁⲩⲱ ϥⲥⲙⲁⲙⲁⲁⲧ ⲛϭⲓⲡⲣⲁⲛ ⲙⲡⲉⲕⲉⲟⲟⲩ ⲉⲧⲟⲩⲁⲁⲃ ϣⲁⲉⲛⲉϩ ⲛⲉⲛⲉϩ: · ❮❮❮❮❮❮❮❮ Ⲻ❮❮❮❮❮❮❮ Ⲻ❮❮❮❮❮❮❮ Ⲻ❮❮❮❮❮❮❮❮ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ
- johannes.canons.FA33-34:5
ⲛϩⲣⲁⲓ ϩⲙⲡⲕⲱϩⲧ ⲛⲧⲅⲉϩⲉⲛⲛⲁ ·
- johannes.canons.FA143-158:5
ⲕⲁⲓ ⲅⲁⲣ ⲙⲛⲛⲥⲁⲛⲉⲛⲧⲁⲡϫⲟⲉⲓⲥ ϫⲟⲟⲩ ⲧⲏⲣⲟⲩ ϫⲓⲛⲛϣⲟⲣⲡ ⲉⲓⲧⲉ ϩⲛϩⲉⲛⲡⲁⲣⲁⲃⲟⲗⲏ · ⲉⲓⲧⲉ ϩⲛⲛⲉⲧⲟⲩⲟⲛϩ ⲉⲃⲟⲗ · ⲧϩⲁⲏ ⲛⲛⲉϥϣⲁϫⲉ ⲧⲏⲣⲟⲩ ⲛⲧⲁϥϫⲟⲟⲥ ·
- johannes.canons.FA203-204:5
ⲕⲁⲓ ⲅⲁⲣ ⲛⲧⲉⲣⲉⲡϫⲟⲉⲓⲥ ⲣⲣⲱⲙⲉ ⲙⲛⲛⲣⲱⲙⲉ · ⲡⲛⲟⲩⲧⲉ ⲁⲩⲱ ⲡϣⲏⲣⲉ ⲙⲡⲛⲟⲩⲧⲉ · ⲡⲉ ⲛⲧⲁϥϯⲛⲟⲙⲟⲥ ⲛⲁⲇⲁⲙ ϩⲙⲡⲡⲁⲣⲁⲇⲓⲥⲟⲥ ⲉⲧⲙⲟⲩⲱⲙ ⲉⲃⲟⲗ ϩⲙⲡϣⲏⲛ ⲡⲉⲛⲧⲁϥϯⲛⲟⲙⲟⲥ ⲛⲁⲃⲣⲁϩⲁⲙ ϩⲛⲟⲩⲥⲃⲃⲉ ⲛⲥⲁⲣⲝ ⲙⲛⲡⲉϥⲏⲓ ⲡⲉⲛⲧⲁϥϣⲁϫⲉ ⲙⲛⲙⲱⲩⲥⲏⲥ ϩⲓⲡⲃⲁⲧⲟⲥ · ⲉⲁϥⲣⲛⲉⲓϭⲟⲙ ⲧⲏⲣⲟⲩ ϩⲣⲁⲓ ϩⲙⲡⲉϥϭⲉⲣⲱⲃ · ⲡⲁⲓ ⲛⲧⲁϥϣⲁϫⲉ ⲙⲛⲙⲱⲩⲥⲏⲥ ⲉⲧⲃⲏⲏⲧϥ ϫⲉϫⲓ ⲛⲁⲕ ⲙⲡⲉⲓϭⲉⲣⲱⲃ ϩⲣⲁⲓ ϩⲛⲧⲉⲕϭⲓϫ ·
- johannes.canons.FA205-214:5
ⲡⲁⲓ ⲥⲟⲧⲡ ⲡⲉϫⲁϥ ⲛϩⲟⲩⲟ ⲉⲛϩⲟⲗⲟⲕⲁⲩⲧⲱⲙⲁ ⲧⲏⲣⲟⲩ ⲙⲛⲛⲉⲑⲩⲥⲓⲁ ·
- johannes.canons.FA241-252:5
ⲱ ϭⲉ ⲡⲉⲧⲛⲁϣⲱⲡⲉ ⲉⲣϣⲁⲛⲛϣⲁϫⲉ ⲛⲧⲉⲅⲣⲁⲫⲏ ⲁϩⲉⲣⲁⲧⲟⲩ ⲉⲣⲟⲛ ϩⲓⲡⲃⲏⲙⲁ ⲙⲡⲉⲭⲣⲓⲥⲧⲟⲥ ⲉⲃⲟⲗ ϫⲉⲧⲁⲓ ⲣⲱ ⲧⲉ ⲧϩⲉ ⲉⲧⲛⲁϣⲱⲡⲉ ·
- johannes.canons.FA191-192:5
ⲉⲣⲉⲡϩⲟⲟⲩ ⲙⲛⲧⲉⲩϣⲏ ⲟⲛ ⲕⲁⲕⲉ ⲛⲁϥ ϩⲛⲛⲧⲁⲙⲉⲓⲟⲛ ⲙⲡⲉϥϩⲏⲧ · ⲉⲧⲃⲉϫⲉⲛⲉϥϩⲃⲏⲩⲉ ⲟⲩⲟⲛϩ ⲉⲃⲟⲗ ⲁⲛ ·
- johannes.canons.FA215-224:5
ⲟⲩⲕ ⲟⲩⲛ ⲡⲉⲧϫⲁϩⲙ ⲟⲛ ⲡⲇⲓⲁⲃⲟⲗⲟⲥ ⲙⲛⲛⲉⲧϫⲱϩⲙ ⲙⲙⲟⲟⲩ · ϩⲉⲛⲉⲃⲟⲗ ϩⲛⲟⲩⲁ ⲧⲏⲣⲟⲩ ⲛⲉ ⲉⲧⲉⲛⲧⲟϥ ⲡⲉ · ⲉⲓⲧⲉ ⲇⲁⲓⲙⲱⲛ · ⲉⲓⲧⲉ ⲛⲉⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲧⲏⲣⲟⲩ ⲙⲡⲗⲁⲛⲟⲥ ⲉⲧⲛⲙⲙⲁϥ · ⲉⲓⲧⲉ ⲛⲉϩⲓⲟⲙⲉ ⲙⲡⲟⲣⲛⲏ ⲁⲩⲱ ⲛϩⲟⲟⲩⲧ ⲉⲧⲟ ⲛⲁⲧϣⲁⲩ ⲕⲁⲧⲁⲥⲙⲟⲧ ⲛⲓⲙ ϩⲉⲛⲉⲃⲟⲗ ⲛϩⲏⲧϥ ⲧⲏⲣⲟⲩ ⲛⲉⲡⲇⲓⲁⲃⲟⲗⲟⲥ · ⲟⲩⲟⲛ ⲛⲓⲙ ⲉⲧⲣⲛⲟⲃⲉ ⲕⲁⲧⲁⲗⲁⲁⲩ ⲛⲥⲙⲟⲧ ·
- johannes.canons.FA37-42:5
ⲉⲩⲛⲁϫⲓ ⲛⲟⲩⲛⲟϭ ⲛⲉⲝⲟⲩⲥⲓⲁ ⲟⲩ ⲙⲟⲛⲟⲛ ϩⲛⲧⲉⲩⲡⲟⲗⲓⲥ ·
- johannes.canons.FA47-48:5
ⲁⲩⲱ ⲉⲧⲣⲉⲧⲉⲧⲛⲧⲱⲡⲉ ⲉⲃⲟⲗ ⲛϩⲏⲧⲟⲩ ⲁⲩⲱ ⲡϣⲏⲛ ⲉⲧϩⲛⲧⲙⲏⲧⲉ ⲙⲡⲡⲁⲣⲁⲇⲉⲓⲥⲟⲥ ⲡⲁⲓ ⲛⲧⲁⲡⲙⲟⲩ ⲉⲓ ⲉϩⲟⲩⲛ ⲉⲡⲕⲟⲥⲙⲟⲥ ⲉⲧⲃⲏⲏⲧϥ ⲉⲙⲛϩⲱⲃ ϭⲉ ⲙⲙⲟⲩ ⲛⲁϣⲱⲡⲉ ⲉⲧⲃⲏⲏⲧϥ ·
- johannes.canons.FA225-232:6
ⲕⲁⲓ ⲅⲁⲣ ⲁⲩϫⲟⲟⲥ ⲛϭⲓⲛⲉⲅⲣⲁⲫⲏ ϫⲉⲛⲧϩⲉ ⲛⲟⲩⲡⲟⲗⲓⲥ ⲉⲣⲉⲛⲉⲥⲥⲟⲃⲧ ϣⲣϣⲱⲣ ·
- johannes.canons.FA65-80:6
ⲁⲛⲟⲛ ⲇⲉ ⲁⲩⲧⲥⲁⲃⲟⲛ ⲉⲛⲉϩⲃⲏⲩⲉ ⲙⲡⲉⲛⲟⲩϫⲁⲓ · ⲏ ⲛⲉϩⲃⲏⲩⲉ ⲉⲧⲛⲁⲟⲩϫⲁⲓ ⲛϩⲏⲧⲟⲩ ·
- johannes.canons.FA205-214:6
ⲁⲩⲱ ⲛⲧⲉⲣⲉⲡϫⲟⲉⲓⲥ ⲙⲡⲉⲟⲟⲩ ⲉⲓⲙⲉ ϫⲉⲁϥⲧⲁⲉⲓⲉⲧⲙⲛⲧⲙⲁⲓⲣⲱⲙⲉ ⲕⲁⲧⲁⲡⲉⲥⲙⲡϣⲁ ⲁϥⲭⲁⲣⲓⲍⲉ ⲛⲁϥ ⲛⲧⲙⲛⲧⲣⲣⲟ ⲛⲙⲡⲏⲩⲉ ⲁϫⲛⲇⲓⲥⲇⲁⲍⲉ ·
- johannes.canons.FA215-224:6
ⲟⲩ ϭⲉ ⲡⲉⲧⲛⲁϣⲱⲡⲉ · ⲙⲛⲛⲥⲁⲧⲣⲉϥⲟⲩⲱ ⲛϭⲓⲡϫⲱⲕ ⲙⲡϩⲁⲡ ⲙⲡⲡⲁⲛⲧⲟⲕⲣⲁⲧⲱⲣ ⲓⲏⲥⲟⲩⲥ ⲁⲩⲱ ⲡϣⲏⲣⲉ ⲙⲡⲡⲁⲛⲧⲟⲕⲣⲁⲧⲱⲣ ⲥⲁⲃⲁⲱⲑ ⲉϥϩⲙⲟⲟⲥ ⲉϩⲣⲁⲓ ⲉϫⲛⲛⲉⲭⲁⲓⲣⲟⲩⲃⲓⲛ · ⲉⲣⲉⲛⲥⲉⲣⲁⲫⲓⲛ ⲛⲟⲩⲟⲉⲓⲛ ⲁϩⲉⲣⲁⲧⲟⲩ ⲉⲣⲟϥ ⲙⲛⲛⲁⲣⲭⲁⲅⲅⲉⲗⲟⲥ ⲉⲧⲟⲩⲁⲁⲃ ⲙⲛⲟⲩⲛⲟϭ ⲛⲉⲟⲟⲩ ⲙⲛⲛⲉϥⲡⲉⲧⲟⲩⲁⲁⲃ ⲧⲏⲣⲟⲩ · ⲕⲁⲧⲁⲡⲉⲧⲥⲏϩ ϫⲉⲛⲉⲧⲟⲩⲁⲁⲃ ⲛⲉⲧⲛⲁⲕⲣⲓⲛⲉ ⲙⲡⲕⲟⲥⲙⲟⲥ ·
- johannes.canons.FA233-240:6
ⲁⲩⲱ ⲡⲉⲧⲛϩⲓⲥⲉ ϣⲟⲟⲡ ⲁⲛ ⲉⲩⲥⲉⲓ ·
- johannes.canons.FA37-42:6
ⲁⲗⲗⲁ ϩⲛⲧⲉⲭⲱⲣⲁ ⲧⲏⲣⲥ ·
- johannes.canons.FA203-204:6
ⲡⲁⲓ ⲉⲧⲕⲛⲁⲣⲛⲉⲓⲙⲁⲉⲓⲛ ⲧⲏⲣⲟⲩ ϩⲣⲁⲓ ⲛϩⲏⲧϥ · ⲉⲁϥⲣϩⲟⲩⲉ ϫⲟⲟⲕⲟⲩ ⲉⲃⲟⲗ ⲙⲡⲉⲙⲧⲟ ⲉⲃⲟⲗ ⲙⲫⲁⲣⲁⲱ ⲙⲛⲛⲣⲙⲛⲕⲏⲙⲉ ⲧⲏⲣⲟⲩ · ϩⲛⲧϭⲟⲙ ⲙⲡⲉϥϭⲃⲟⲓ ⲛⲧϩⲉ ⲉⲧⲥⲏϩ ϫⲉⲡⲉⲛⲧⲁϥⲙⲡⲓⲥⲣⲁⲏⲗ ⲉⲃⲟⲗ ϩⲙⲡⲕⲁϩ ⲛⲕⲏⲙⲉ ϩⲛⲟⲩϭⲓϫ ⲉⲥϫⲟⲟⲣ · ⲁⲩⲱ ϩⲛⲟⲩϭⲃⲟⲓ ⲉϥϫⲟⲥⲉ ·
- johannes.canons.FA253-255:6
ⲓⲱⲁⲛⲛⲟⲩ Ⲻ·⳾⳾⳾⳾Ⲻ⳾⳾⳾⳾Ⲻ ⲉⲝⲏⲅⲏⲥⲓⲥ ⳾Ⲻ⳽ Ⲻ❮❮❮❮❮❮❮❮
- johannes.canons.FA33-34:6
ⲧⲛⲟⲩⲱϣ ⲉⲉⲓⲙⲉ ϫⲉⲛⲥⲉϣⲟⲃⲉ ⲁⲛ ⲉⲛⲉⲩⲉⲣⲏⲩ ⲛϭⲓⲛⲣⲉϥⲣⲛⲟⲃⲉ ⲉⲡⲇⲓⲁⲃⲟⲗⲟⲥ ⲙⲛⲛⲉϥⲇⲁⲓⲙⲱⲛ ⲛϩⲣⲁⲓ ϩⲛⲁⲙⲛⲧⲉ ⲁⲩⲱ ⲛϩⲉⲗⲗⲏⲛ ⲙⲛⲛϩⲁⲓⲣⲉⲧⲓⲕⲟⲥ ⲁⲩⲱ ⲃⲁⲣⲃⲁⲣⲟⲥ ⲙⲛⲛⲓⲟⲩⲇⲁⲓ ⲛⲁⲓ ⲉⲧⲟ ⲛⲁⲧⲛⲁϩⲧⲉ ⲉⲡϫⲟⲉⲓⲥ ⲓⲏⲥⲟⲩⲥ ϫⲉⲡⲓⲉⲓⲛⲉ ⲛⲟⲩⲱⲧ ⲡⲉ ⲛⲛⲉⲩⲉⲣⲏⲩ ⲛϩⲣⲁⲓ ϩⲙⲡⲕⲱϩⲧ ⲙⲛⲡϥⲛⲧ ⲉⲧⲉⲙⲉϥⲛⲕⲟⲧⲕ ·
- johannes.canons.FA29-30:6
ⲕⲁⲧⲁⲧϩⲉ ⲉⲧⲥⲏϩ ϫⲉⲛⲟⲩⲏⲏⲃ ⲉⲧϩⲏⲛ ⲉϩⲟⲩⲛ ⲉⲡⲛⲟⲩⲧⲉ ⲙⲁⲣⲟⲩⲧⲃⲃⲟⲟⲩ ⲙⲏⲡⲟⲧⲉ ⲛⲧⲉⲡϫⲟⲉⲓⲥ ⲧⲁⲕⲉϩⲟⲓⲛⲉ ⲉⲃⲟⲗ ⲛϩⲏⲧⲟⲩ ·
- johannes.canons.FA143-158:6
ϫⲉⲡⲉⲧⲉⲟⲩⲛⲙⲁⲁϫⲉ ⲙⲙⲟϥ ⲉⲥⲱⲧⲙ ⲙⲁⲣⲉϥⲥⲱⲧⲙ ⲙⲏ ⲙⲙⲛⲙⲁⲁϫⲉ ⲛⲣⲱⲙⲉ ⲛⲓⲙ ⲏ ⲁⲣⲱⲙⲉ ϣⲱⲡⲉ ⲉⲛⲉϩ ⲁϫⲛⲙⲁⲁϫⲉ ·
- johannes.canons.FA191-192:6
ⲉⲧⲃⲉⲡⲁⲛⲟⲃⲉ ⲁⲡⲉⲡⲛⲉⲩⲙⲁ ⲉⲧⲟⲩⲁⲁⲃ ϫⲟⲟⲥ ⲉϥⲥⲟⲟⲩⲛ ϫⲉⲟⲩⲛⲟ[.]ⲧⲉⲓⲁⲛⲉ[.] ⲛϩⲟⲩⲟ ⲉⲛⲁⲛⲟⲙⲓⲁ ⲧⲏⲣⲟⲩ ⲉⲧⲃⲉ ⲛⲉⲧⲉⲓⲣⲉ ⲛⲛⲁⲓ ϫⲉⲡⲉⲧϣⲁϫⲉ ⲙⲛⲡⲉⲧϩⲓⲧⲟⲩⲱϥ ⲛϩⲉⲛϣⲁϫⲉ ⲛⲉⲓⲣⲏⲛⲓⲕⲟⲛ · ⲉⲣⲉⲧⲙⲛⲧϫⲁϫⲉ ϩⲙⲡⲉϥϩⲏⲧ ⲙⲛⲡⲕⲱϩ ⲁⲩⲱ ⲡⲙⲟⲥⲧⲉ ·
- johannes.canons.FA241-252:6
ⲛⲅⲥⲟⲟⲩⲛ ⲁⲛ ⲡⲉⲃⲓⲏⲛ ⲛⲧⲁⲗⲁⲓⲡⲱⲣⲟⲥ ⲱ ⲡⲣⲱⲙⲉ · ϫⲉⲡⲉⲧⲕⲛⲁϫⲟϥ · ϥⲛⲁⲣⲱⲧ ⲁⲩⲱ ⲡⲉⲧⲕⲛⲁⲛⲟϫϥ ⲉϩⲣⲁⲓ ⲉⲡⲕⲁϩ ϥⲛⲁⲉⲓ ⲉϩⲣⲁⲓ ·
- johannes.canons.FA47-48:6
ϫⲓⲛⲙⲡⲉⲓⲛⲁⲩ ·
- johannes.canons.FA225-232:7
ⲧⲁⲓ ⲧⲉ ⲧϩⲉ ⲛⲟⲩⲣⲱⲙⲉ ⲉⲛϥⲣϩⲱⲃ ⲁⲛ ϩⲛⲟⲩϣⲟϫⲛⲉ ·
- johannes.canons.FA203-204:7
ⲡⲉⲛⲧⲁϥϯⲛⲟⲙⲟⲥ ⲙⲙⲱⲩⲥⲏⲥ ϩⲓⲧⲉⲣⲏⲙⲟⲥ ⲁⲩⲱ ⲡⲉⲛⲧⲁⲉⲛⲧⲟⲗⲏ ⲛⲓⲙ ϩⲓⲛⲟⲙⲟⲥ ⲛⲓⲙ ϣⲱⲡⲉ ⲉⲃⲟⲗ ϩⲓⲧⲟⲟⲧϥ
- johannes.canons.FA241-252:7
ⲉϣϫⲉ ⲁⲡⲥⲱⲧⲏⲣ ⲛⲁⲅⲁⲑⲟⲥ ϫⲟⲟⲥ ϫⲉⲉⲥⲧⲛⲧⲱⲛ ⲛϭⲓⲧⲙⲛⲧⲣⲣⲟ ⲛⲙⲡⲏⲩⲉ ·
- johannes.canons.FA65-80:7
ⲧⲛⲱⲃϣ ϩⲱⲱϥ ⲙⲙⲟⲛ ⲉⲣⲟⲟⲩ ·
- johannes.canons.FA37-42:7
ⲉϣⲱⲡⲉ ⲇⲉ ⲉⲩⲧⲙⲥⲱⲧⲙ ⲛⲥⲁⲡⲁⲇⲓⲁⲧⲁⲅⲙⲁ ⲡⲉϫⲁϥ ·
- johannes.canons.FA47-48:7
ⲁⲧⲉⲧⲛϯⲟⲥⲉ ⲟⲛ ⲛⲧϭⲓⲛⲛⲁⲩ ⲉⲡϣⲏⲛ ⲙⲡⲱⲛϩ ⲉⲧⲣⲉⲧⲉⲧⲛϫⲓ ⲉⲃⲟⲗ ϩⲙⲡⲉϥⲕⲁⲣⲡⲟⲥ ⲛⲧⲉⲧⲛ [..] ⲛⲧϩⲉ ⲉⲧⲉⲣⲉⲛⲇⲓⲕⲁⲓⲟⲥ ⲙⲛⲛⲉⲧⲟⲩⲁⲁⲃ ⲧⲏⲣⲟⲩ ⲛⲁⲟⲩⲱⲙ ⲉⲃⲟⲗ ϩⲙⲡϣⲏⲛ ⲙⲡⲱⲛϩ ⲩⲥⲡϩ ⲡⲣⲟⲥⲉⲩⲭⲏ ⲙⲡⲛⲟⲩⲧⲉ ⲉⲧ.ⲡⲇⲓⲕⲁⲓⲟⲥ ⲙⲛⲛⲉⲧⲟⲩⲁⲁⲃ ⲧⲏⲣⲟⲩ ·
- johannes.canons.FA143-158:7
ⲛⲛϥⲥⲟⲟⲩⲛ ⲁⲛ ⲛϭⲓⲡⲇⲏⲙⲓⲟⲩⲣⲅⲟⲥ ⲙⲡⲧⲏⲣϥ ⲡⲣⲣⲟ ⲡⲉⲭⲣⲓⲥⲧⲟⲥ ϫⲉⲙⲡϥⲧⲁⲙⲓⲉⲣⲱⲙⲉ ⲉⲛⲉϩ ⲁϫⲛⲙⲙⲛⲙⲁⲁϫⲉ ⲙⲙⲟϥ ·
- johannes.canons.FA253-255:7
ϩⲙⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ · ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲧⲉ ⲧⲣⲓⲁⲥ ⲛϩⲟⲙⲟⲟⲩⲥⲓⲟⲛ · ⲛⲁⲁⲧⲡⲱⲣϫ
- johannes.canons.FA215-224:7
ⲛⲥⲉⲥⲉϩ ⲉⲛⲉⲧϩⲓϩⲃⲟⲩⲣ ⲧⲏⲣⲟⲩ ⲉϩⲣⲁⲓ ⲉⲁⲙⲛⲧⲉ ⲙⲛⲡⲇⲓⲁⲃⲟⲗⲟⲥ ⲛⲥⲉⲧⲱⲱⲃⲉ ⲉⲣⲱϥ ⲛⲙⲙⲁⲩ ⲁⲩⲱ ⲛⲥⲉⲧⲱⲱⲃⲉ ⲉⲣⲱⲟⲩ ⲛⲙⲙⲁϥ ·
- johannes.canons.FA205-214:7
ϫⲉⲛⲧⲟⲕ ϩⲱⲱⲕ ⲟⲛ · ⲛⲅⲟⲩⲏⲩ ⲁⲛ ⲛⲧⲙⲛⲧⲣⲣⲟ ⲛⲙⲡⲏⲩⲉ ·
- johannes.canons.FA233-240:7
ⲧⲁⲓ ⲧⲉ ⲧϩⲉ ⲙⲙⲛⲗⲁⲁⲩ ⲛϩⲱⲃ ⲛⲃⲣⲣⲉ ϩⲁⲣⲟϥ ⲙⲡⲣⲏ ⲛⲉⲛⲧⲁⲩⲇⲟⲕⲓⲙⲁⲍⲉ ⲙⲙⲟⲟⲩ ·
- johannes.canons.FA191-192:7
ϯⲛⲁⲩ ⲕⲁⲧⲁⲛⲉⲩϩⲃⲏⲩⲉ · ⲁⲩⲱ ⲕⲁⲧⲁⲧⲡⲟⲛⲏⲣⲓⲁ ⲛⲛⲉⲩⲙⲉⲉⲩⲉ ·
- johannes.canons.FA33-34:7
ⲁⲛⲁⲩ ⲉⲩⲙⲁ ⲉϥϣⲟⲕϩ ⲉⲙⲁⲧⲉ ⲁⲩⲱ ⲉϥⲟⲩⲟϣⲥ ⲉⲡⲉϩⲟⲩⲟ ⲛⲅϫⲓ ⲉⲃⲟⲗ ϩⲛϣⲉ ⲛⲓⲙ ⲉⲛⲁⲛⲟⲩϥ ·
- johannes.canons.FA29-30:7
ⲉⲛⲣϩⲟⲩⲉ ⲣϩⲟⲧⲉ ⲟⲛ · ϫⲉⲛⲛⲉⲩϭⲛⲧⲛ ⲉⲛϩⲏⲛ ⲉϩⲟⲩⲛ ⲉⲣⲟϥ ⲙⲡⲉⲓⲙⲁ ⲡⲁⲣⲁⲟⲩⲟⲛ ⲛⲓⲙ ·
- johannes.canons.FA215-224:8
ⲁϣ ϭⲉ ⲡⲉ ⲡⲣⲡⲙⲉⲉⲩⲉ ⲛⲛⲁⲓ ϫⲓⲛⲙⲡⲉⲓⲛⲁⲩ ⲛⲛⲁϩⲣⲙⲡⲛⲟⲩⲧⲉ ·
- johannes.canons.FA205-214:8
ⲉϥⲟⲩⲱϣ ⲇⲉ ⲉⲉⲓⲙⲉ ⲉⲡϫⲱⲕ ⲛⲧⲙⲛⲧⲙⲁⲓⲣⲱⲙⲉ · ϫⲉϥⲛⲁϫⲓⲧⲁⲉⲓⲟ ⲛϩⲟⲩⲟ ·
Next → — showing 1–100 of 705
Coptic SCRIPTORIUM, corpus johannes.canons (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC BY-SA 3.0 Unported. Source.