Bohairic Life Shenoute

Coptic literature (Coptic SCRIPTORIUM) · 348 sections

bohairic.life.shenoute_01:67
ⲟⲩⲟϩ ϧⲉⲛⲛⲁⲓ ⲧⲏⲣⲟⲩ ⲛⲁϥϫⲱ ⲙⲙⲟⲥ ϧⲉⲛⲡⲉϥⲣⲱϥ ⲉⲧⲉⲙⲙⲟⲛ ⲙⲉⲑⲛⲟⲩϫ ⲛϧⲏⲧϥ ϫⲉⲙⲡⲓϫⲉⲟⲩⲥⲁϫⲓ ⲉⲃⲟⲗ ϩⲓⲧⲟⲧ ⲙⲙⲁⲩⲁⲧ ⲙⲡⲉⲡⲭⲣⲓⲥⲧⲟⲥ ⲧⲏⲓϥ ⲉϧⲟⲩⲛ ⲉⲣⲱⲓ .
Everything he spoke came from a place of sincerity. As he once said: ‘None of my words are my own; there is nothing I speak that Christ has not given me.’
bohairic.life.shenoute_03:68
ϧⲉⲛⲟⲩⲉⲝⲁⲡⲓⲛⲁ ⲁϥⲟⲩⲱⲛ ⲛⲁϥ ⲁϥϣⲉ ⲉϧⲟⲩⲛ ⲟⲩⲟϩ ⲁϥⲙⲟⲩϯ ⲉⲛⲓⲥⲛⲏⲟⲩ ⲉⲑⲙⲟϣⲓ ⲛⲉⲙⲁϥ ϫⲉⲁⲙⲱⲓⲛⲓ ⲉϧⲟⲩⲛ ⲟⲩⲱⲙ .
bohairic.life.shenoute_01:68
ⲟⲩⲟϩ ⲛⲁϥⲥⲟⲗⲥⲉⲗ ⲙⲡⲉϥⲃⲓⲟⲥ ⲛⲕⲁⲗⲱⲥ ⲡⲉ ϧⲉⲛⲡϫⲱⲕ ⲉⲃⲟⲗ ⲛⲛⲓϩⲃⲏⲟⲩⲓ ⲛⲧⲉϯⲙⲉⲧⲙⲟⲩⲛⲁⲭⲟⲥ ϧⲉⲛϩⲁⲛⲛⲓϣϯ ⲛⲁⲥⲕⲏⲥⲓⲥ ⲛⲉⲙϩⲁⲛⲡⲟⲗⲉⲧⲓⲁ ⲉⲩⲟϣ .
He enhanced his life with exemplary devotion to monastic discipline, rigorous self-denial, and countless practices of ascetic rigor.
bohairic.life.shenoute_02:68
ⲡⲓⲣⲱⲙⲓ ⲇⲉ ⲙⲡⲣⲁⲅⲙⲁⲧⲉⲩⲧⲏⲥ ⲉⲧⲁϥⲫⲟϩ ⲉⲭⲉⲣⲉⲩ ⲉϥⲛⲁ ⲉⲣⲁⲕⲟϯ ⲛϯⲟⲩⲛⲟⲩ ⲉⲧⲁϥⲓ ⲉⲡϣⲱⲓ ϧⲉⲛⲡⲓϫⲟⲓ ⲁϥϫⲓⲙⲓ ⲛⲟⲩⲣⲱⲙⲓ ⲉⲣⲉⲟⲩⲟⲛ ⲟⲩⲧⲣⲁⲡⲉⲍⲁ ⲛϭⲓⲥⲙⲟⲩ ⲛⲧⲟⲧϥ ⲉⲟⲩϩⲁⲧ ⲧⲉ ⲑⲁⲓ ⲁϥⲟⲗⲥ ⲛϭⲓⲟⲩⲓ ⲛϫⲉⲡⲓⲣⲱⲙⲓ ⲉⲛⲁⲥⲛⲧⲟⲧϥ ⲉⲃⲟⲗ ϧⲉⲛⲟⲩⲓ ⲛⲛⲓⲙⲟⲛⲏ ⲛⲧⲉⲡⲉⲛⲉⲓⲱⲧ ⲁⲡⲁ ϣⲉⲛⲟⲩϯ ⲡⲓⲣⲱⲙⲓ ⲉⲧⲉⲛϩⲟⲧ .
bohairic.life.shenoute_03:69
ⲟⲩⲟϩ ⲉⲧⲁⲩϣⲉ ⲉϧⲟⲩⲛ ⲁⲩϫⲓⲙⲓ ⲙⲡⲓⲙⲁ ⲛⲟⲩⲱⲙ ⲉϥⲥⲉⲃⲧⲱⲧ ⲟⲩⲟϩ ϯⲧⲣⲁⲡⲉⲍⲁ ⲉⲥⲭⲏ ⲉϧⲣⲏⲓ ⲙⲡⲥⲙⲟⲧ ⲧⲏⲣϥ ⲙⲡⲟⲩⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲧⲟⲩⲭⲣⲓⲁ ⲧⲏⲣⲥ ⲉⲥⲭⲏ ⲉϧⲣⲏⲓ ⲛⲉⲙⲡⲓⲱⲓⲕ ⲉⲣⲉⲁⲗⲟⲩ ⲃ ⲙⲙⲟⲛⲁⲭⲟⲥ ⲟϩⲓ ⲉⲣⲁⲧⲟⲩ ⲛⲉⲙϩⲁⲛⲕⲟⲩϫⲓ ⲛⲝⲉⲥⲧⲏⲥ ⲉⲩⲥⲉⲃⲧⲱⲧ ⲉⲥⲉⲣⲙⲱⲟⲩ ⲛⲱⲟⲩ ⲛⲉⲙⲡⲕⲉⲥⲉⲉⲡⲓ ⲛϯⲭⲣⲓⲁ .
bohairic.life.shenoute_01:69
ⲛⲁϥϣⲗⲏⲗ ⲅⲁⲣ ⲛⲓⲃ ⲛⲥⲟⲡ ⲙⲡⲓⲉϩⲟⲟⲩ ⲁϥϯ ⲛⲕⲇ ⲙⲙⲉⲧⲁⲛⲟⲓⲁ ⲕⲁⲧⲁⲥⲟⲡ .
He is said to have prayed a dozen times daily, each session involving twenty-four full prostrations.
bohairic.life.shenoute_02:69
ⲟⲩⲟϩ ⲉⲧⲁⲡⲓⲡⲣⲁⲅⲙⲁⲧⲉⲩⲧⲏⲥ ⲛⲁⲩ ⲉϯⲧⲣⲁⲡⲉⲍⲁ ⲡⲉϫⲁϥ ⲛϧⲣⲏⲓ ⲛϧⲏⲧϥ ϫⲉⲁⲓϣⲁⲛϣⲱⲡ ⲛⲧⲁⲓⲧⲣⲁⲡⲉⲍⲁ ⲛϩⲁⲧ ⲛⲧⲁⲟⲗⲥ ⲙⲡⲓⲛⲓϣϯ ⲛⲣⲱⲙⲓ ⲛⲧⲉⲫⲛⲟⲩϯ ⲡⲓϣⲓⲡⲓ ⲛⲁⲭⲁⲧ ⲁⲛ ⲛⲧⲁⲟⲗϩⲗⲓ ⲛⲧⲟⲧϥ ϫⲉⲁϥⲛⲁⲓ ⲛⲏⲓ ⲁϥⲧⲁⲙⲟⲓ ⲉⲛⲁⲥⲕⲉⲩⲟⲥ ⲟⲩⲟϩ ⲁϥⲑⲣⲟⲩⲧⲏⲓⲧⲟⲩ ⲛⲏⲓ ϯⲛⲁϣⲟⲡⲥ ⲁⲛ ⲛⲧⲁⲧⲁⲕⲟ ⲙⲡⲁⲁⲗⲗⲟⲧⲣⲓⲟⲛ ϧⲉⲛⲛⲁϫⲓϫ .
bohairic.life.shenoute_02:70
ⲟⲩⲟϩ ⲉⲧⲁϥϣⲉ ⲉϧⲟⲩⲛ ⲉϯⲡⲟⲗⲓⲥ ⲣⲁⲕⲟϯ ⲁϥⲉⲣⲁⲡⲁⲛⲧⲁⲛ ⲉⲡⲓⲣⲱⲙⲓ ⲟⲛ ⲉⲣⲉϯⲧⲣⲁⲡⲉⲍⲁ ⲛⲧⲟⲧϥ ⲟⲩⲟϩ ⲙⲡⲉϥϣⲟⲡⲥ .
bohairic.life.shenoute_01:70
ϧⲉⲛⲡⲓⲉϫⲱⲣϩ ⲇⲉ ⲙⲡⲁϥⲛⲕⲟⲧ ⲉⲡⲧⲏⲣϥ ϣⲁⲧⲉⲡⲓⲟⲩⲱⲓⲛⲓ ϣⲁⲓ .
Through the night he remained awake until dawn.
bohairic.life.shenoute_03:70
ⲟⲩⲟϩ ⲡⲉϫⲁϥ ⲛⲛⲓⲥⲛⲏⲟⲩ ϫⲉϩⲉⲙⲥⲓ ⲛⲧⲉⲧⲉⲛⲟⲩⲱⲙ . ⲟⲩⲟϩ ⲙⲉⲛⲉⲛⲥⲁⲉⲑⲣⲟⲩⲟⲩⲱⲙ ⲁⲩⲧⲱⲟⲩⲛⲟⲩ ⲁⲩⲓ ⲉⲃⲟⲗ .
bohairic.life.shenoute_02:71
ⲙⲉⲛⲉⲛⲥⲁⲕⲉⲉϩⲟⲟⲩ ⲃ ⲁϥⲉⲣⲁⲡⲁⲛⲧⲁⲛ ⲉⲡⲓⲣⲱⲙⲓ ⲟⲛ ⲉϥⲧⲱⲟⲩⲛ ⲛϯⲧⲣⲁⲡⲉⲍⲁ ⲙⲡⲉⲙⲑⲟ ⲉⲃⲟⲗ ⲛⲟⲩⲟⲛ ⲛⲓⲃⲉⲛ ⲟⲩⲟϩ ⲙⲡⲉϥϣⲟⲡⲥ ⲟⲛ .
bohairic.life.shenoute_01:71
ⲙⲉⲛⲉⲛⲥⲱⲥ ⲛⲧⲉϥϭⲓ ⲛⲟⲩⲕⲟⲩϫⲓ ⲛⲥⲣⲟⲙ ⲉⲑⲃⲉⲡⲓⲥⲱⲙⲁ ϫⲉⲛⲛⲉϥⲙⲟⲩⲛⲕ ⲛⲭⲱⲗⲉⲙ .
Only then would he allow himself minimal rest—just enough to prevent physical collapse.
bohairic.life.shenoute_03:71
ⲡⲉϫⲱⲟⲩ ⲛⲁϥ ϫⲉⲡⲉⲛⲓⲱⲧ ⲛⲓⲙ ⲡⲉ ⲉⲧⲁϥⲥⲉⲃⲧⲱⲧ ⲡⲁⲓⲙⲁ ⲛⲟⲩⲱⲙ ⲓⲉ ⲛⲓⲙ ⲛⲉ ⲡⲁⲓⲥⲟⲛ ⲃ ⲉⲧ ⲉⲣⲇⲓⲁⲕⲟⲛⲓⲛ ⲉⲣⲟⲛ ; ϧⲉⲛⲟⲩⲙⲉⲑⲙⲏⲓ ⲅⲁⲣ ⲙⲟⲅⲓⲥ ⲛⲧⲉⲛϫⲓⲙⲓ ⲛⲧⲉⲛⲭⲣⲓⲁ ⲙⲡⲁⲓⲣⲏϯ ϧⲉⲛⲡⲉⲛⲙⲟⲛⲁⲥⲧⲏⲣⲓⲟⲛ .
bohairic.life.shenoute_03:72
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϧⲉⲛⲟⲩⲡⲁⲣⲏⲥⲓⲁ ϫⲉⲙⲁⲱⲟⲩ ⲙⲫⲛⲟⲩϯ ϫⲉⲫⲏ ⲉⲧⲁϥⲟⲩⲱⲣⲡ ⲙⲡⲁⲣⲓⲥⲧⲟⲛ ⲛⲇⲁⲛⲓⲏⲗ ϧⲉⲛⲫⲗⲁⲕⲕⲟⲥ ⲛⲧⲉⲛⲓⲙⲟⲩⲓ ⲛⲑⲟϥ ⲟⲛ ϯⲛⲟⲩ ⲡⲉ ⲡⲉⲧⲁϥⲥⲉⲃⲧⲉⲡⲁⲓⲙⲁ ⲛⲟⲩⲱⲙ ⲛⲱⲧⲉⲛ ⲙⲫⲟⲟⲩ ⲟⲩⲟϩ ⲡⲁⲓⲥⲟⲛ ⲃ ⲉⲧ ⲉⲧⲉⲣⲇⲓⲁⲕⲟⲛⲓⲛ ⲉⲣⲱⲧⲉⲛ ϩⲁⲛⲁⲅⲅⲉⲗⲟⲥ ⲛⲧⲉⲡϭⲟⲉⲓⲥ ⲛⲉ .
bohairic.life.shenoute_01:72
ⲟⲩⲙⲏϣ ⲅⲁⲣ ⲛⲥⲟⲡ ⲙⲡⲁϥⲟⲩⲱⲙ ⲓⲥϫⲉⲛⲡⲥⲁⲃⲃⲁⲧⲟⲛ ϣⲁⲡⲥⲁⲃⲃⲁⲧⲟⲛ .
On many occasions, he abstained entirely from food for an entire week, from one Saturday to the next.
bohairic.life.shenoute_02:72
ⲉⲧⲁϥϯ ⲇⲉ ⲛⲧⲉϥⲡⲣⲁⲅⲙⲁⲧⲓⲁ ⲉⲃⲟⲗ ⲛϫⲉⲡⲓⲣⲱⲙⲓ ⲙⲡⲣⲁⲅⲙⲁⲧⲉⲩⲧⲏⲥ ⲁϥⲓ ⲉⲃⲟⲗ ⲉϫⲉⲛⲫⲓⲁⲣⲟ ϫⲉⲉϥⲛⲁⲁⲗⲏⲓ ⲉⲡⲓϫⲟⲉⲓ ⲁⲡⲓⲣⲱⲙⲓ ⲓ ⲟⲛ ⲛⲉⲙϯⲧⲣⲁⲡⲉⲍⲁ ⲟⲩⲟϩ ⲙⲡⲉϥϣⲟⲡⲥ ⲟⲛ .
bohairic.life.shenoute_03:73
ⲛⲓⲥⲛⲏⲟⲩ ⲇⲉ ⲁⲩⲉⲣϣⲫⲏⲣⲓ ⲟⲩⲟϩ ⲁⲩϯⲱⲟⲩ ⲙⲫⲛⲟⲩϯ ⲛⲉⲙⲡⲉⲛⲓⲱⲧ .
bohairic.life.shenoute_01:73
ⲟⲩⲟϩ ⲟⲛ ϣⲁϥⲉⲣⲡⲓⲙ ⲛⲉϩⲟⲟⲩ ⲛⲧⲉⲡⲓⲡⲁⲥⲭⲁ ⲉⲑⲟⲩⲁⲃ ⲛⲁⲑⲟⲩⲉⲙⲱⲓⲕ .
During the forty days of Easter, he refrained even from bread.
bohairic.life.shenoute_02:73
ⲟⲩⲁⲓ ⲇⲉ ⲛⲛⲓⲛⲉϥ ⲉⲧϩⲓⲡⲓϫⲟⲉⲓ ⲉⲣⲉⲡⲓⲡⲣⲁⲅⲙⲁⲧⲉⲩⲧⲏⲥ .
bohairic.life.shenoute_02:74
ⲧⲁⲗⲏⲟⲩⲧ ⲉⲣⲟϥ ⲁϥϣⲟⲡⲥ ⲉⲁϥϯⲇ ⲛⲗⲟⲩⲕⲟϫⲓ ϧⲁⲣⲟⲥ .
bohairic.life.shenoute_03:74
ⲁⲥϣⲱⲡⲓ ⲇⲉ ⲟⲛ ⲉⲣⲉⲡⲉⲛⲓⲱⲧ ⲁⲡⲁ ϣⲉⲛⲟⲩϯ ϩⲉⲙⲥⲓ ϧⲁⲧⲉⲛⲡⲟⲩⲣⲟ ⲓⲥ ⲟⲩⲛⲓϣϯ ⲛⲥⲩⲛⲕⲗⲏⲧⲓⲕⲟⲥ ⲛⲧⲉⲡⲟⲩⲣⲟ ⲉϥⲧⲁⲓⲏⲟⲩⲧ ⲛⲧⲟⲧϥ ⲙⲙⲁϣⲱ ⲁϥⲓ ⲉϥⲟⲩⲱϣ ⲉϭⲓⲥⲙⲟⲩ ⲛⲧⲟⲧϥ ⲙⲡⲁⲓⲱⲧ ⲟⲩⲟϩ ⲁϥⲟⲩⲱϣⲧ ⲛⲁϥ ⲁϥⲓ ϫⲉⲉϥⲛⲁⲁⲙⲟⲛⲓ ⲛⲧⲉϥϫⲓϫ ⲛⲧⲉϥⲉⲣⲁⲥⲡⲁⲍⲉⲥⲑⲉ ⲙⲙⲟⲥ . ⲁⲡⲁⲓⲱⲧ ⲥⲟⲕⲧⲉϥϫⲓϫ ⲉⲣⲟϥ ⲙⲡⲉϥⲧⲏⲓⲥ ⲛⲁϥ . ⲡⲉϫⲉⲡⲟⲩⲣⲟ ⲛⲁϥ ϫⲉⲡⲁⲓⲱⲧ ⲉⲑⲟⲩⲁⲃ ⲁⲣⲓϯⲁⲅⲁⲡⲏ ⲛⲧⲉⲕⲥⲙⲟⲩ ⲉⲣⲟϥ ϫⲉⲟⲩⲛⲓϣϯ ⲡⲉ ϧⲉⲛⲡⲓⲡⲁⲗⲁⲧⲓⲟⲛ ⲛⲉⲙϧⲉⲛϯⲥⲩⲛⲕⲗⲏⲧⲟⲥ ⲧⲏⲣⲥ .
bohairic.life.shenoute_01:74
ⲁⲗⲗⲁ ⲧⲉϥⲧⲣⲟⲫⲏ ⲟⲩⲟⲩⲟϯ ⲛⲟⲩⲱⲙ ⲧⲉ ⲛⲉⲙⲟⲩϣⲃⲓⲛ ⲉⲧϩⲟⲣⲡ ϩⲱⲥⲧⲉ ⲡⲁⲓⲣⲏϯ ⲛⲧⲉⲧⲉϥⲥⲁⲣⲝ ⲙⲟⲩⲛⲕ ⲉⲣⲟϥ ⲉⲙⲁϣⲱ
He sustained himself instead on greens and soaked grains. As a consequence, his body was emaciated.
bohairic.life.shenoute_01:75
ⲟⲩⲟϩ ⲁⲡⲓⲣⲓⲙⲓ ϣⲱⲡⲓ ⲉϥϩⲟⲗϫ ⲛⲁϩⲣⲁϥ ⲙⲫⲣⲏϯ ⲛⲟⲩⲉⲃⲓⲱ ϩⲱⲥⲧⲉ ⲟⲩⲛ ⲛⲧⲉⲛⲉϥⲃⲁⲗ ϣⲱⲕ ⲉⲡⲉⲥⲏⲧ ⲙⲫⲣⲏϯ ⲛϩⲁⲛⲭⲟⲗ ⲛⲧⲉϩⲁⲛϫⲟⲓ ⲟⲩⲟϩ ⲛⲥⲉϣⲱⲡⲓ ⲛⲭⲁⲙⲉ ⲉⲙⲁϣⲱ ⲉⲑⲃⲉⲡⲓϩⲟⲩⲟϣⲟⲩⲟ ⲉⲡⲉⲥⲏⲧ ⲛⲧⲉⲛⲓⲉⲣⲙⲱⲟⲩⲓ ⲛⲁⲓ ⲉⲧϧⲁϯ ⲛⲛⲁⲩ ⲛⲓⲃⲉⲛ ϧⲉⲛⲛⲉϥⲃⲁⲗ ⲙⲫⲣⲏϯ ⲛⲟⲩⲙⲱⲟⲩ
He wept so frequently and with such intensity that tears were, for him, a source of sweetness; his eyes sank deeply into his face, resembling holes in a wall, and the constant weeping darkened them to a deep black.
bohairic.life.shenoute_02:75
ⲛⲑⲟϥ ⲇⲉ ⲛⲁϥϫⲱ ⲙⲙⲟⲥ ϫⲉϯⲛⲁⲟⲗⲥ ⲉⲡⲧⲟⲡⲟⲥ ⲛⲁⲡⲁ ϣⲉⲛⲟⲩϯ ⲡⲓⲣⲱⲙⲓ ⲛⲧⲉⲫⲛⲟⲩϯ .
bohairic.life.shenoute_03:75
ⲡⲉⲛⲓⲱⲧ ⲇⲉ ⲡⲉϫⲁϥ ϧⲉⲛⲟⲩϫⲱⲛⲧ ⲛⲉⲙⲟⲩⲙⲕⲁϩ ⲛϩⲏⲧ ϫⲉⲉⲕⲟⲩⲱϣ ⲛⲧⲁϯ ⲛⲧⲁϫⲓϫ ⲛⲟⲩⲣⲱⲙⲓ ⲉϥⲥⲱϥ ⲙⲡⲓⲉⲣⲫⲉⲓ ⲛⲧⲉⲫⲛⲟⲩϯ ϧⲉⲛⲛⲉϥϩⲃⲏⲟⲩⲓ ⲉⲧⲟⲓ ⲛⲃⲟϯ ⲉⲧⲉϥⲓⲣⲓ ⲙⲙⲱⲟⲩ ;
bohairic.life.shenoute_01:76
ⲟⲩⲟϩ ⲛⲁⲣⲉⲫⲛⲟⲩϯ ϣⲟⲡ ⲛⲉⲙⲁϥ ⲡⲉ ϧⲉⲛⲛⲉϥⲉϩⲟⲟⲩ ⲧⲏⲣⲟⲩ .
Throughout his life, the presence of God was unmistakably with him.
bohairic.life.shenoute_03:76
ⲧⲟⲧⲉ ⲁϥⲉⲣϣⲫⲏⲣⲓ ⲛϫⲉⲡⲟⲩⲣⲟ ⲟⲩⲟϩ ⲁϥϯⲱⲟⲩ ⲙⲫⲛⲟⲩϯ ⲛⲉⲙⲡⲉϥⲡⲣⲟⲫⲏⲧⲏⲥ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ .
bohairic.life.shenoute_02:76
ⲉⲧⲁⲩⲫⲟϩ ⲇⲉ ⲉⲧⲟⲩⲡⲟⲗⲓⲥ ⲁⲡⲓⲛⲉϥ ϭⲓ ⲛϯⲧⲣⲁⲡⲉⲍⲁ ⲁϥⲉⲛⲥ ⲉⲡⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲁϥⲧⲏⲓⲥ ⲙⲡⲁⲓⲱⲧ ⲉϥϫⲱ ⲙⲙⲟⲥ ϫⲉⲭⲟⲩⲱϣⲧⲁⲓⲧⲣⲁⲡⲉⲍⲁ ⲛϭⲓⲥⲙⲟⲩ ⲛⲧⲉⲕϣⲟⲡⲥ ⲡⲁⲓⲱⲧ ;
bohairic.life.shenoute_02:77
ⲡⲉϫⲉⲡⲁⲓⲱⲧ ⲛⲁϥ ϫⲉⲥⲉ ⲁⲗⲗⲁ ⲙⲁⲧⲁⲙⲟⲓ ϫⲉⲁⲕϯ ⲟⲩⲏⲣ ϣⲁⲣⲟⲥ ⲡⲁϣⲏⲣⲓ .
bohairic.life.shenoute_01:77
ⲉϥϣⲟⲡ ⲇⲉ ⲟⲛ ϧⲉⲛⲡⲉϥⲙⲟⲛⲁⲥⲧⲏⲣⲓⲟⲛ ⲛⲁϥⲉⲣⲑⲉⲟⲣⲓⲛ ⲛⲟⲩⲙⲏϣ ⲛⲛⲟⲃⲓ ⲉⲧⲟⲩⲓⲣⲓ ⲙⲙⲱⲟⲩ ϧⲉⲛⲡⲓⲕⲟⲥⲙⲟⲥ ⲧⲏⲣϥ
While he remained in the monastery, he would witness a vast number of transgressions occurring across the world.
bohairic.life.shenoute_03:77
ⲁϥⲧⲱⲛϥ ⲟⲛ ⲛⲟⲩⲥⲟⲡ ⲛϫⲉⲡⲉⲛⲓⲱⲧ ⲉⲩⲟⲩⲁⲃ ⲁⲡⲁ ϣⲉⲛⲟⲩϯ ⲁϥϣⲉ ⲉϧⲟⲩⲛ ⲉϣⲙⲓⲛ ϯⲡⲟⲗⲓⲥ ⲉⲑⲣⲉϥⲥⲟϩⲓ ⲛⲟⲩϩⲉⲗⲏⲛⲟⲥ ⲉⲑⲃⲉⲛⲓϭⲓⲛϫⲟⲛⲥ ⲉⲧⲉϥⲓⲣⲓ ⲙⲙⲱⲟⲩ ⲛⲛⲓϩⲏⲕⲓ ⲟⲩⲟϩ ⲛⲧⲉϥϫⲉⲙϥ ⲛⲧⲉϥⲁⲡⲉⲓⲗⲉ ⲉⲣⲟϥ ⲛϩⲁⲛⲡⲉⲧϩⲱⲟⲩ ϩⲱⲥ ⲉⲩⲛⲁⲓ ⲉϫⲱϥ ⲉⲃⲟⲗ ϩⲓⲧⲉⲛⲫⲛⲟⲩϯ .
bohairic.life.shenoute_02:78
ⲡⲉϫⲉⲡⲓⲛⲉϥ ϫⲉⲁⲓϯⲏ ⲛⲗⲟⲩⲕⲟϫⲓ ϧⲁⲣⲟⲥ ⲡⲁⲓⲱⲧ .
bohairic.life.shenoute_01:78
ⲟⲩⲟϩ ⲛⲏ ⲉⲑⲛⲏⲟⲩ ϣⲁⲣⲟϥ ϣⲁϥⲉⲙⲓ ⲉⲛⲟⲩⲙⲟⲕⲙⲉⲕ ⲛⲉⲙⲛⲏ ⲉⲧⲟⲩⲁⲓⲧⲟⲩ ⲧⲏⲣⲟⲩ
He had the remarkable ability to discern the thoughts and actions of all who approached him.
bohairic.life.shenoute_03:78
ⲟⲩⲟϩ ⲉⲧⲁϥϫⲉⲙϥ ⲁϥⲥⲁϫⲓ ⲛⲉⲙⲁϥ ϧⲉⲛⲛⲁⲓ . ⲫⲏ ⲉⲧⲉⲙⲙⲁⲩ ⲇⲉ ϩⲱⲥ ⲁⲑⲛⲟⲩϯ ⲁϥⲥⲟⲩⲧⲱⲛⲧⲉϥϫⲓϫ ⲉⲃⲟⲗ ⲛϣⲟⲩⲥⲟⲗⲡⲥ ⲁϥϯ ⲛⲟⲩϣⲉⲛⲕⲟⲩⲣ ⲉϧⲟⲩⲛ ϧⲉⲛⲡϩⲟ ⲙⲡⲉⲛⲓⲱⲧ ⲁⲡⲁ ϣⲉⲛⲟⲩϯ .
bohairic.life.shenoute_02:79
ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉⲙⲫⲏ ⲡⲁϣⲏⲣⲓ ⲁⲛⲁⲩ ⲙⲡⲣϫⲉⲙⲉⲑⲛⲟⲩϫ ⲁⲛ ⲁⲗⲗⲁ ⲇ ⲛⲗⲟⲩⲕⲟϫⲓ ⲛⲉ ⲉⲧⲁⲕⲧⲏⲓⲧⲟⲩ ϧⲁⲣⲟⲥ .
bohairic.life.shenoute_03:79
ϧⲉⲛϯⲟⲩⲛⲟⲩ ⲉⲧⲁϥϣⲟⲕϩϥ ⲓⲥ ⲟⲩⲁⲓ ⲁϥϯ ⲙⲡⲉϥⲟⲩⲟⲓ ⲉⲡⲓⲁⲑⲛⲟⲩϯ ⲉⲧⲉⲙⲙⲁⲩ ⲉⲁϥⲓ ⲉϩⲣⲏⲓ ϧⲉⲛⲛⲓⲡⲗⲁⲧⲓⲁ ⲛⲧⲉϯⲡⲟⲗⲓⲥ ⲉϥϩⲓϩⲟϯ ⲉⲃⲟⲗ ⲙⲙⲁϣⲱ ϩⲱⲥ ⲟⲩⲛⲓϣϯ ⲛⲧⲉⲡⲟⲩⲣⲟ ⲟⲩⲟϩ ⲁϥⲁⲙⲟⲛⲓ ⲙⲡϥⲱⲓ ⲛⲧⲉⲧⲉϥⲁⲫⲉ ⲁϥϯ ⲛⲁϥ ⲛⲟⲩϣⲉⲛⲕⲟⲩⲣ ⲉϧⲟⲩⲛ ϧⲉⲛⲡⲉϥϩⲟ ⲟⲩⲟϩ ⲁϥⲥⲱⲕ ⲙⲙⲟϥ ϧⲉⲛϯⲡⲟⲗⲓⲥ ⲧⲏⲣⲥ ⲉⲣⲉⲟⲩⲛⲓϣϯ ⲙⲙⲏϣ ⲟⲩⲉϩ ⲛⲥⲱϥ ϣⲁⲧⲉϥϭⲓⲧϥ ⲉⲃⲟⲗ ⲉϫⲉⲛⲫⲓⲁⲣⲟ ⲟⲩⲟϩ ⲁϥⲥⲱⲕ ⲙⲙⲟϥ ⲉⲡⲉⲥⲏⲧ ⲉⲡⲓⲙⲱⲟⲩ ⲟⲩⲟϩ ⲁⲩⲱⲙⲥ ⲙⲡⲃ ⲟⲩⲟϩ ⲙⲡⲟⲩⲕⲟⲧⲟⲩ ⲉⲛⲁⲩ ⲉⲣⲱⲟⲩ ⲛⲕⲉⲥⲟⲡ ϩⲱⲥⲇⲉ ⲛⲧⲉⲟⲩⲟⲛ ⲛⲓⲃⲉⲛ ⲉⲧⲁⲩⲛⲁⲩ ⲉⲣⲱⲟⲩ ⲛⲧⲟⲩϫⲟⲥ ϫⲉⲑⲁⲓ ⲟⲩⲉⲝⲟⲩⲥⲓⲁ ⲛⲧⲉⲫⲛⲟⲩϯ ⲧⲉ ⲉⲧⲁϥⲟⲩⲟⲣⲡⲥ ⲉϭⲓ ⲙⲡϣⲓϣ ⲙⲡⲓⲁⲥⲉⲃⲏⲥ ⲛϩⲉⲗⲏⲛⲟⲥ ⲉⲧⲉⲙⲙⲁⲩ ⲛⲭⲱⲗⲉⲙ ⲉⲑⲃⲉⲡⲁϣⲁⲓ ⲛⲛⲓϭⲓⲛϫⲟⲛⲥ ⲉⲧⲉϥⲓⲣⲓ ⲙⲙⲱⲟⲩ .
bohairic.life.shenoute_01:79
ⲟⲩⲟϩ ⲡⲁⲓⲣⲏϯ ⲛⲁϥⲧⲱⲃϩ ⲉϫⲱⲟⲩ ⲧⲏⲣⲟⲩ ⲉⲑⲣⲟⲩⲟⲩϫⲁⲓ ⲟⲩⲟϩ ⲛⲥⲉϫⲓⲙⲓ ⲛⲟⲩⲛⲁⲓ ϧⲉⲛⲡⲓⲃⲏⲙⲁ ⲛⲧⲉⲡⲭⲣⲓⲥⲧⲟⲥ .
In response, he would intercede in prayer on their behalf, seeking their salvation and hoping they might obtain divine mercy before Christ’s judgment.
bohairic.life.shenoute_02:80
ⲡⲉϫⲁϥ ⲡⲓⲛⲉϥ ⲛⲁϥ ϫⲉⲁϩⲁ ⲛⲁⲓ ⲟⲛⲧⲱⲥ ⲛⲉ ⲛⲉⲧⲁⲓⲧⲏⲓⲧⲟⲩ ϧⲁⲣⲟⲥ ϭⲓⲧⲥ ⲛⲁⲕ ⲱ ⲡⲁⲓⲱⲧ ⲉⲑⲟⲩⲁⲃ .
bohairic.life.shenoute_01:80
ⲁⲥϣⲱⲡⲓ ⲇⲉ ⲟⲛ ⲛⲟⲩⲉϩⲟⲟⲩ ⲁϥⲓ ⲛϫⲉⲟⲩⲣⲱⲙⲓ ϣⲁⲡⲁⲓⲱⲧ ⲙⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲉϥⲏⲡ ⲉⲟⲩϯⲙⲓ ϫⲉⲡⲥⲉⲛϧⲱⲟⲩⲧ ϧⲉⲛⲡⲑⲟϣ ⲡⲥⲟⲓ ϯⲡⲟⲗⲓⲥ .
On one occasion, a man from the village of Psenkhout, near the city of Psoi, came to visit my father, the prophet Apa Shenoute.
bohairic.life.shenoute_03:80
ⲟⲩⲟϩ ⲡⲁⲓⲣⲏϯ ⲛⲁⲩϯⲱⲟⲩ ⲙⲫⲛⲟⲩϯ ⲫⲏ ⲉⲧⲓⲣⲓ ⲛⲛⲓϣⲫⲏⲣⲓ ϧⲉⲛⲛⲉⲛϫⲓϫ ⲛⲛⲉϥⲥⲱⲧⲡ .
bohairic.life.shenoute_01:81
ⲫⲁⲓ ⲟⲩⲛ ⲁϥⲓ ⲉϥϧⲉⲛⲟⲩⲛⲓϣϯ ⲛⲉⲙⲕⲁϩ ⲛϩⲏⲧ ⲉϥⲟϣ ⲟⲩⲟϩ ⲁϥⲟⲩⲱⲣⲡ ⲉϧⲟⲩⲛ ⲙⲡⲁⲓⲱⲧ ⲉϥϫⲱ ⲙⲙⲟⲥ ϫⲉⲉⲓⲟⲩⲱϣ ⲉϭⲓⲥⲙⲟⲩ ⲉⲃⲟⲗ ϩⲓⲧⲟⲟⲧⲕ ⲱ ⲡⲁⲓⲱⲧ ⲉⲑⲟⲩⲁⲃ ⲁⲣⲏⲟⲩ ⲛⲧⲉⲫⲛⲁⲓ ⲙⲫⲛⲟⲩϯ ⲧⲁϩⲟⲓ ⲛⲉⲙⲛⲉⲕϣⲗⲏⲗ ⲉⲑⲟⲩⲁⲃ ϩⲓⲛⲁ ⲛⲧⲉⲫⲛⲟⲩϯ ⲭⲁⲛⲁⲛⲟⲃⲓ ⲛⲏⲓ ⲉⲃⲟⲗ ϫⲉⲥⲉⲟϣ ⲛϩⲟⲩⲟ .
Burdened with deep sorrow, the man sent a message to my father, pleading: ‘O holy father, I seek your blessing. Perhaps through your intercession, God in his mercy will grant me forgiveness, for I carry many sins.’
bohairic.life.shenoute_02:81
ⲡⲉϫⲉⲡⲁⲓⲱⲧ ⲛⲁϥ ϫⲉϭⲓⲉ ⲛⲗⲟⲩⲕⲟϫⲓ ⲛⲁⲕ ϧⲁⲣⲟⲥ ⲡⲁϣⲏⲣⲓ .
bohairic.life.shenoute_03:81
ⲁϥⲧⲱⲛϥ ⲟⲛ ⲛⲟⲩⲥⲏⲟⲩ ⲛϫⲉⲡⲉⲛⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲉⲑⲣⲉϥϣⲉ ⲉⲡⲓϯⲙⲓ ⲡⲗⲉⲩⲓⲧ ϫⲉϩⲓⲛⲁ ⲉϥⲉⲧⲁⲟⲩⲟ ⲉϧⲣⲏⲓ ⲛⲛⲓⲓⲇⲱⲗⲟⲛ ⲉⲧϧⲉⲛⲡⲓⲙⲁ ⲉⲧⲉⲙⲙⲁⲩ .
bohairic.life.shenoute_02:82
ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉϯⲛⲁϭⲓϩⲗⲓ ϧⲁⲣⲟⲥ ⲁⲛ ⲡⲁⲓⲱⲧ ⲁⲣⲓⲡⲁⲙⲉⲩⲓ ϧⲉⲛⲛⲉⲕϣⲗⲏⲗ ⲉⲑⲟⲩⲁⲃ ⲡⲁⲓⲱⲧ .
bohairic.life.shenoute_01:82
ⲟⲩⲟϩ ⲁⲩⲧⲁⲙⲉⲡⲓⲡⲣⲟⲫⲏⲧⲏⲥ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲉⲛⲏ ⲧⲏⲣⲟⲩ ⲉⲧⲁⲡⲓⲣⲱⲙⲓ ϫⲟⲧⲟⲩ .
Apa Shenoute was informed of the man’s words.
bohairic.life.shenoute_03:82
ⲟⲩⲟϩ ϧⲉⲛⲡϫⲓⲛⲑⲣⲟⲩⲉⲙⲓ ⲛϫⲉϩⲉⲗⲏⲛⲟⲥ ⲉⲧⲉⲙⲙⲁⲩ ⲁⲩϣⲉ ⲛⲱⲟⲩ ⲁⲩϣⲱⲕⲓ ϧⲉⲛⲡⲓⲙⲁ ⲛⲙⲟϣⲓ ⲉϧⲟⲩⲛ ⲉⲡⲓϯⲙⲓ ⲁⲩⲑⲱⲙⲥ ⲛϩⲁⲛⲫⲁⲣⲙⲁⲅⲓⲁ ⲕⲁⲧⲁⲛⲟⲩϫⲱⲙ ⲉⲩⲟⲩⲱϣ ⲉϯ ⲛⲟⲩϣⲱϣⲧ ⲙⲡⲓⲙⲱⲓⲧ ⲙⲙⲟϣⲓ .
bohairic.life.shenoute_01:83
ⲡⲁⲓⲱⲧ ⲇⲉ ⲡⲉϫⲁϥ ⲙⲫⲏ ⲉⲧⲥⲁϫⲓ ⲛⲉⲙⲁϥ ϫⲉϩⲱⲗ ⲁϫⲟⲥ ⲙⲡⲓⲣⲱⲙⲓ ⲉⲧⲁϥⲓ ϫⲉⲉϣⲱⲡ ⲭⲛⲁⲥⲱⲧⲉⲙ ⲛⲥⲱⲓ ϧⲉⲛⲫⲏ ⲉϯⲛⲁϫⲟϥ ⲛⲁⲕ ⲓⲉ ⲭⲛⲁⲛⲁⲩ ⲉⲣⲟⲓ ⲉϣⲱⲡ ⲭⲛⲁⲥⲱⲧⲉⲙ ⲛⲥⲱⲓ ⲁⲛ ⲓⲉ ⲭⲛⲁⲛⲁⲩ ⲉⲡⲁϩⲟ ⲁⲛ .
He instructed the messenger to return with this reply: ‘Tell him: if you are willing to follow my instruction, then you will see me. But if you refuse, I shall not reveal myself to you.’
bohairic.life.shenoute_02:83
ⲟⲩⲟϩ ⲡⲁⲓⲣⲏϯ ⲁϥϭⲓⲥⲙⲟⲩ ⲁϥⲓ ⲉⲃⲟⲗ ϩⲓⲧⲟⲧϥ ⲙⲡⲁⲓⲱⲧ ⲁϥϣⲉ ⲛⲁϥ ⲉⲡⲉϥⲏⲓ ⲉϥϯⲱⲟⲩ ⲙⲫⲛⲟⲩϯ .
bohairic.life.shenoute_03:83
ⲡⲉⲛⲓⲱⲧ ⲇⲉ ⲁⲡⲁ ϣⲉⲛⲟⲩϯ ⲁϥⲁⲗⲏⲓ ⲉⲡⲉϥⲓⲱ ⲟⲩⲟϩ ⲉⲧⲁϥⲉⲣϩⲏⲧⲥ ⲙⲙⲟϣⲓ ⲉⲡⲓⲙⲱⲓⲧ ⲉϣⲱⲡ ⲛⲧⲉϥⲫⲟϩ ⲉⲡⲓⲙⲁ ⲉⲧⲁⲩⲑⲱⲙⲥ ⲛⲛⲓⲫⲁⲣⲙⲁⲅⲓⲁ ⲛϧⲏⲧϥ ϣⲁⲣⲉⲡⲓⲱ ⲟϩⲓ ⲉⲣⲁⲧϥ ⲟⲩⲟϩ ⲛⲧⲉϥϣⲱⲕⲓ ⲛⲧⲉϥⲫⲁⲧ . ϧⲉⲛϯⲟⲩⲛⲟⲩ ϣⲁⲩⲟⲩⲱⲛϩ ⲉⲃⲟⲗ ⲛϫⲉⲛⲓⲫⲁⲣⲙⲁⲅⲓⲁ ⲛⲧⲱⲟⲩ ⲟⲩⲟϩ ϣⲁⲣⲉⲡⲁⲓⲱⲧ ⲥⲁϫⲓ ⲛⲉⲙⲡⲓϩⲩⲡⲉⲣⲉⲧⲏⲥ ϫⲉⲥⲟⲕⲟⲩ ⲛⲧⲉⲕⲁϣⲟⲩ ⲉⲡⲟⲩⲙⲟⲩⲧ .
bohairic.life.shenoute_01:84
ⲟⲩⲟϩ ⲡⲉϫⲉⲡⲓⲣⲱⲙⲓ ϫⲉϯⲛⲁⲥⲱⲧⲉⲙ ⲛⲥⲱⲕ ⲡⲁϭⲟⲉⲓⲥ ⲛⲓⲱⲧ ϧⲉⲛϩⲱⲃ ⲛⲓⲃⲉⲛ ⲉⲧⲉⲕⲛⲁⲟⲩⲁϩⲥⲁϩⲛⲓ ⲙⲙⲱⲟⲩ ⲛⲏⲓ .
The man responded, ‘I will do as you say, my master and father, in every matter you command.’
bohairic.life.shenoute_03:84
ⲟⲩⲙⲏϣ ⲛⲥⲟⲡ ϣⲁⲣⲉⲡⲓϩⲩⲡⲉⲣⲉⲧⲏⲥ ⲉⲑⲙⲟϣⲓ ⲛⲉⲙⲁϥ ϩⲓⲟⲩⲓ ⲉⲡⲓⲓⲱ ϫⲉⲙⲟϣⲓ .
bohairic.life.shenoute_02:84
ⲡϫⲱⲕ ⲇⲉ ⲛⲟⲩⲁⲃⲟⲧ ⲛⲉϩⲟⲟⲩ ⲁⲡⲓⲡⲣⲁⲅⲙⲁⲧⲉⲩⲧⲏⲥ ⲉⲧⲉⲙⲙⲁⲩ ⲫⲏ ⲉⲧⲁⲡⲁⲓⲱⲧ ϯ ⲛⲁϥ ⲛⲛⲉϥⲥⲕⲉⲩⲟⲥ ⲉⲧⲁⲩⲕⲟⲗⲡⲟⲩ ⲁϥⲓ ⲉⲡⲓⲙⲟⲛⲁⲥⲧⲏⲣⲓⲟⲛ ⲫⲏ ⲉⲧⲉⲙⲙⲁⲩ ⲡⲉⲧⲁϥϫⲟⲥ ⲛⲁϥ ϫⲉⲡⲓϣⲟⲣⲡ ⲛⲓⲇⲟⲥ ⲉⲕⲛⲁⲉⲣⲁⲡⲁⲛⲧⲁⲛ ⲉⲣⲟϥ ⲉⲩϯ ⲙⲙⲟϥ ⲉⲃⲟⲗ ϣⲟⲡϥ ⲟⲩⲟϩ ⲁⲛⲓⲧϥ ⲛⲏⲓ ⲉⲧⲉⲙⲡⲉϥϣⲟⲡⲥ ⲉⲧⲉⲑⲁⲓ ⲧⲉ ϯⲧⲣⲁⲡⲉⲍⲁ ⲉⲧⲁⲡⲓⲛⲉϥ ϣⲟⲡⲥ ⲙⲡⲁⲓⲱⲧ ⲟⲩⲟϩ ⲡⲉϫⲉⲡⲓⲡⲣⲁⲅⲙⲁⲧⲉⲩⲧⲏⲥ ⲙⲡⲁⲓⲱⲧ ϫⲉⲁⲓⲓ ⲉⲓⲙⲟϣⲓ ⲁⲟⲩⲧⲱⲓⲥ ⲛⲛⲟⲩⲃ ϩⲉⲓ ⲛⲧⲟⲧ ⲟⲩⲟϩ ϯⲉⲙⲓ ⲁⲛ ϫⲉⲉⲧⲁⲥϩⲉⲓ ϧⲉⲛⲁϣ ⲙⲙⲱⲓⲧ .
bohairic.life.shenoute_01:85
ⲡⲉⲑⲟⲩⲁⲃ ⲇⲉ ⲁⲡⲁ ϣⲉⲛⲟⲩϯ ⲡⲉϫⲁϥ ϫⲉⲁⲛⲓⲧϥ ⲛⲏⲓ ⲉϧⲟⲩⲛ .
Then Apa Shenoute said, ‘Bring him to me.’
bohairic.life.shenoute_03:85
ⲡⲁⲓⲱⲧ ⲇⲉ ϣⲁϥⲥⲁϫⲓ ⲛⲉⲙⲁϥ ϫⲉⲭⲁϥ ,
bohairic.life.shenoute_02:85
ⲡⲓⲛⲉϥ ⲇⲉ ⲉⲧⲁϥϣⲱⲡ ⲛϯⲧⲣⲁⲡⲉⲍⲁ ⲛⲑⲟϥ ⲡⲉ ⲉⲧⲁϥϫⲓⲙⲓ ⲛϯⲧⲱⲓⲥ ⲛⲛⲟⲩⲃ ⲉⲧⲁⲥϩⲉⲓ ⲉⲥⲓⲣⲓ ⲛⲝ ⲛⲗⲟⲩⲕⲟϫⲓ .
bohairic.life.shenoute_02:86
ⲡⲓⲡⲣⲁⲅⲙⲁⲧⲉⲩⲧⲏⲥ ⲇⲉ ⲛⲁϥⲉⲙⲓ ⲁⲛ ⲡⲉ ⲁⲗⲗⲁ ⲛⲁϥⲧⲱⲃϩ ⲙⲡⲁⲓⲱⲧ ϧⲉⲛϩⲁⲛⲉⲣⲙⲱⲟⲩⲓ ϫⲉⲙⲁⲣⲉⲡⲉⲕⲛⲁⲓ ⲧⲁϩⲟⲓ .
bohairic.life.shenoute_03:86
ϥⲉⲙⲓ ⲅⲁⲣ ⲉⲫⲏ ⲉⲧⲉϥⲓⲣⲓ ⲙⲙⲟϥ .
bohairic.life.shenoute_01:86
ⲉⲧⲁϥⲓ ⲇⲉ ⲉϧⲟⲩⲛ ϣⲁⲡⲁⲓⲱⲧ ⲁϥϥⲓⲧϥ ⲉϧⲣⲏⲓ ⲁϥⲟⲩⲱϣⲧ ⲙⲙⲟϥ .
When he approached my father, he prostrated himself and offered greetings.
bohairic.life.shenoute_03:87
ⲟⲩⲟϩ ⲟⲛ ⲛⲉϣⲁϥϫⲟⲥ ⲙⲡⲓϩⲩⲡⲉⲣⲉⲧⲏⲥ ϫⲉϭⲓ ⲛⲛⲓⲥⲕⲉⲩⲟⲥ ⲛⲧⲉⲕⲭⲁⲩ ⲛⲧⲟⲧⲕ ϣⲁⲧⲉⲛϣⲉ ⲉϧⲟⲩⲛ ⲉⲡⲓϯⲙⲓ ⲛⲧⲉⲛⲁϣⲟⲩ ⲉⲡⲟⲩⲙⲟⲩⲧ .
bohairic.life.shenoute_02:87
ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉⲡⲓⲑⲱϣ ⲡⲉ ⲫⲁⲓ ⲉⲑⲣⲉϥϣⲱⲡⲓ ⲉⲣⲉⲑⲙⲉⲧⲣⲁⲙⲁⲟ ⲙⲡⲁⲓⲕⲟⲥⲙⲟⲥ ⲫⲁⲓ ⲧⲉⲛⲑⲱⲛⲧ ⲟⲩⲥϩⲓⲙⲓ ⲙⲡⲟⲣⲛⲏ ⲙⲫⲟⲟⲩ ⲥϧⲉ ⲛⲡⲉⲕⲏⲓ ⲣⲁⲥϯ ϩⲱϥ ⲧⲟⲧⲉ ⲥⲙⲟⲛⲧ ⲛⲉⲙⲕⲉⲟⲩⲁⲓ .
bohairic.life.shenoute_01:87
ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉⲁϫⲉⲡⲉⲕⲛⲟⲃⲓ ⲙⲡⲉⲙⲑⲟ ⲉⲃⲟⲗ ⲛⲟⲩⲟⲛ ⲛⲓⲃⲉⲛ ⲉⲑⲣⲉⲕϩⲱⲗ ⲉⲫⲙⲁ ⲉⲧⲉⲕⲛⲁϩⲱⲗ ⲉⲣⲟϥ .
My father, apa Shenoute, addressed him: ‘Confess your wrongdoing openly before us, so that you may be shown where your path leads.’
bohairic.life.shenoute_01:88
ⲡⲉϫⲉⲡⲓⲣⲱⲙⲓ ⲛⲁϥ ϫⲉⲁⲥϣⲱⲡⲓ ⲙⲙⲟⲓ ⲛⲟⲩⲉϩⲟⲟⲩ ⲉⲓϩⲉⲙⲥⲓ ϣⲁⲧⲉⲛⲡⲓϭⲛⲱⲟⲩ ⲛⲧⲉⲡⲁϯⲙⲓ ⲁⲟⲩⲣⲱⲙⲓ ⲥⲓⲛⲓ ⲙⲙⲟⲓ ⲉⲣⲉⲟⲩⲟⲛ ⲟⲩⲁⲥⲟⲩⲓ ϧⲉⲛⲡⲉϥⲙⲟⲩⲧ
The man responded, ‘One day I was sitting near the threshing floor of my village when someone passed by on a mule.
bohairic.life.shenoute_03:88
ⲉⲧⲁϥϣⲉ ⲇⲉ ⲉϧⲟⲩⲛ ⲉⲡⲓϯⲙⲓ ⲁⲛⲓϩⲉⲗⲏⲛⲟⲥ ⲛⲁⲩ ⲉⲣⲟϥ ⲛⲉⲙⲛⲓⲥⲕⲉⲩⲟⲥ ⲛϩⲓⲕ ⲉⲩϧⲉⲛⲛⲉⲛϫⲓϫ ⲙⲡⲓϩⲩⲡⲉⲣⲉⲧⲏⲥ . ϧⲉⲛϯⲟⲩⲛⲟⲩ ⲁⲩⲫⲱⲧ ⲟⲩⲟϩ ⲁⲩⲉⲣⲁⲑⲟⲩⲱⲛϩ ⲉⲃⲟⲗ .
bohairic.life.shenoute_02:88
ϯⲛⲟⲩ ϫⲉⲡⲁϣⲏⲣⲓ ⲫⲏ ⲉⲧⲉⲣⲉⲡϭⲟⲉⲓⲥ ⲟⲩⲱϣ ⲉϯⲛⲓⲛⲟⲩⲃ ⲉⲧⲁⲩⲧⲁⲕⲟ ⲛⲁϥ ⲁϥⲧⲏⲓⲧⲟⲩ ⲟⲩⲟϩ ⲭⲛⲁϫⲉⲙⲟⲩ ⲁⲛ ϫⲉϣⲁⲉⲛⲉϩ .
bohairic.life.shenoute_03:89
ⲡⲁⲓⲱⲧ ⲇⲉ ⲁϥϯ ⲙⲡⲉϥⲟⲩⲟⲓ ⲉϧⲟⲩⲛ ⲉⲡⲓⲉⲣⲫⲉⲓ ⲁϥⲟⲩⲱϫⲡ ⲛⲛⲓⲓⲇⲱⲗⲟⲛ ⲉϫⲉⲛⲛⲟⲩⲉⲣⲏⲟⲩ ⲁϥⲧⲁⲕⲱⲟⲩ .
bohairic.life.shenoute_01:89
ⲟⲩⲟϩ ⲁⲓⲛⲁⲩ ⲉⲡⲓⲇⲱⲣⲟⲥ ⲉϥⲟⲩⲟⲛ ⲉⲃⲟⲗ ϧⲉⲛⲡⲉϥⲙⲟⲩⲧ ⲟⲩⲟϩ ⲡⲓⲣⲱⲙⲓ ⲛⲁϥⲧⲁⲗⲏⲟⲩⲧ ⲉⲡⲉϥⲧⲉⲃⲛⲏ ⲉϥϭⲱⲣⲉ ⲙⲙⲟϥ .
He wore a money pouch tied with a leather strap around his neck.
bohairic.life.shenoute_02:89
ⲟⲩⲟϩ ⲡⲁⲓⲣⲏϯ ⲁϥϣⲉ ⲛⲁϥ ⲛϫⲉⲡⲓⲣⲱⲙⲓ ⲙⲡⲣⲁⲅⲙⲁⲧⲉⲩⲧⲏⲥ ϧⲉⲛⲟⲩⲉⲙⲕⲁϩ ⲛϩⲏⲧ ⲛⲉⲙⲟⲩⲛⲓϣϯ ⲛϣⲓⲡⲓ .
bohairic.life.shenoute_03:90
ⲙⲉⲛⲉⲛⲥⲁⲛⲁⲓ ⲛⲉⲟⲩⲟⲛ ⲟⲩⲙⲟⲩⲓ ⲥⲁⲡⲉⲙⲉⲛⲧ ⲙⲫⲓⲁⲣⲟ ⲉⲣⲉⲟⲩⲟⲛ ϩⲁⲛϭⲱⲙ ⲣⲏⲧ ⲛϧⲏⲧⲥ ⲉϣⲁⲩⲙⲟⲩϯ ⲉⲣⲟⲥ ϫⲉⲑⲙⲟⲩⲓ ⲙⲡⲁⲛⲉϩⲏⲟⲩ ⲉⲥⲭⲏ ⲙⲡⲉⲙⲑⲟ ⲉⲃⲟⲗ ⲛϯⲡⲟⲗⲓⲥ ϣⲙⲓⲛ ⲡⲉ .
bohairic.life.shenoute_02:90
ⲁⲡⲁⲝ ⲁⲡⲗⲱⲥ ϩⲁⲛⲛⲓϣϯ ⲙⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ⲉⲩⲟϣ ⲁⲩϣⲱⲡⲓ ⲉⲃⲟⲗ ϩⲓⲧⲟⲧϥ ⲙⲡⲉⲛⲓⲱⲧ ⲁⲡⲁ ϣⲉⲛⲟⲩϯ ⲡⲓⲡⲣⲟⲫⲏⲧⲏⲥ ⲙⲙⲏⲓ ⲁⲗⲏⲑⲱⲥ ⲟⲩⲟϩ ⲡⲓⲡⲛⲁⲧⲟⲫⲟⲣⲟⲥ ⲛⲁⲓ ⲉⲧⲁⲩⲙⲟϣⲓ ⲉⲃⲟⲗ ϣⲁⲧⲟⲩⲙⲁϩⲡϩⲟ ⲙⲡⲕⲁϩⲓ ⲧⲏⲣϥ ϩⲱⲥⲇⲉ ⲛⲧⲉⲡⲉϥⲥⲱⲓⲧ ⲫⲟϩ ϣⲁⲛⲓⲟⲩⲣⲱⲟⲩ ⲛⲉⲩⲥⲉⲃⲏⲥ ⲟⲩⲟϩ ⲛⲥⲉϫⲟⲥ ⲛⲱⲟⲩ ϫⲉⲟⲩⲟⲛ ⲟⲩⲣⲱⲙⲓ ϧⲉⲛⲫⲙⲁⲣⲏⲥ ⲛⲭⲏⲙⲓ ⲉⲡⲉϥⲣⲁⲛ ⲡⲉ ϣⲉⲛⲟⲩϯ ϩⲱⲃ ⲛⲓⲃⲉⲛ ⲉϣⲁϥϫⲟⲧⲟⲩ ϣⲁⲩϣⲱⲡⲓ ⲙⲙⲉⲑⲙⲏⲓ . ⲟⲩⲟϩ ⲡⲉϫⲉⲡⲟⲩⲣⲟ ϫⲉⲡⲁⲛⲧⲱⲥ ⲟⲩⲣⲱⲙⲓ ⲉϥⲟⲩⲁⲃ ⲡⲉ ⲛⲧⲉⲡϭⲟⲉⲓⲥ .
bohairic.life.shenoute_01:90
ⲁⲛⲟⲕ ⲇⲉ ⲁⲓⲱⲗⲓ ⲛⲧⲁⲥⲏϥⲓ ⲁⲓϭⲟϫⲓ ⲥⲁⲫⲁϩⲟⲩ ⲙⲙⲟϥ ⲁⲓϧⲟⲑⲃϥ ⲟⲩⲟϩ ⲛϯⲟⲩⲛⲟⲩ ⲁⲓⲕⲱϯ ϧⲉⲛϯⲁⲥⲟⲩⲓ ⲉⲧϧⲉⲛⲡⲉϥⲙⲟⲩⲧ ⲉⲓⲙⲉⲩⲓ ϫⲉϯⲛⲁϫⲓⲙⲓ ⲛⲟⲩⲛⲓϣϯ ⲛⲓⲇⲟⲥ ⲛⲛⲟⲩⲃ ⲛϧⲏⲧⲥ ⲛⲧⲁⲟⲗⲟⲩ ⲛⲧⲁⲟⲩⲛⲟϥ ⲙⲙⲟⲓ ⲛϧⲏⲧⲟⲩ ⲛⲟⲩⲙⲏϣ ⲛⲉϩⲟⲟⲩ .
I noticed it and, driven by greed, I grabbed my sword, pursued him, and struck him down. I searched the pouch, expecting to discover a large sum in gold that would allow me to live in ease for years.
bohairic.life.shenoute_01:91
ⲟⲩⲑⲉⲣⲙⲏⲥⲓ ⲛⲟⲩⲱⲧ ⲡⲉ ⲉⲧⲁⲓϫⲉⲙϥ ⲛϧⲏⲧⲥ .
But there was only a single coin inside.
bohairic.life.shenoute_02:91
ⲡⲁⲓⲣⲏϯ ⲙⲡⲉϥⲉⲣⲁⲙⲉⲗⲉⲥ ⲉⲡⲧⲏⲣϥ ⲛϫⲉⲡⲟⲩⲣⲟ ⲙⲙⲁⲓⲛⲟⲩϯ , ⲁⲗⲗⲁ ⲁϥⲥϧⲁⲓ ⲛⲟⲩⲉⲡⲓⲥⲧⲟⲗⲏ ϣⲁⲡⲉⲛⲓⲱⲧ ⲙⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲉⲥⲥϧⲏⲟⲩⲧ ⲙⲡⲁⲓⲧⲩⲡⲟⲥ . ⲁⲛⲟⲕ ⲡⲉ ⲡⲓⲁⲧⲉⲙⲡϣⲁ ⲛⲟⲩⲣⲟ ⲑⲉⲟⲇⲟⲥⲓⲟⲥ ⲡⲓⲕⲟⲩϫⲓ ⲫⲏ ⲉⲧⲁⲫⲛⲏⲃ ⲫⲛⲟⲩϯ ϯ ⲛⲁϥ ⲛϯⲙⲉⲧⲟⲩⲣⲟ ⲡⲁⲣⲁⲡⲁⲉⲙⲡϣⲁ . ⲉⲓⲥϧⲁⲓ ⲉⲣⲁⲧⲕ ⲱ ⲡⲓϩⲁⲅⲓⲟⲥ ⲁⲡⲁ ϣⲉⲛⲟⲩϯ ⲫⲣⲱⲙⲓ ⲙⲫⲛⲟⲩϯ ϧⲉⲛⲟⲩⲙⲉⲑⲙⲏⲓ . ϯⲟⲩⲱϣⲧ ⲙⲙⲟⲕ ⲱ ⲡⲁⲓⲱⲧ ⲉⲑⲟⲩⲁⲃ ⲟⲩⲟϩ ϯϯϩⲟ ⲉⲣⲟⲕ ⲉⲑⲣⲉⲕⲉⲣⲥⲕⲩⲗⲓⲛ ⲙⲙⲟⲕ ⲛⲧⲉⲕⲓ ϣⲁⲣⲟⲛ ⲉⲑⲣⲉⲛⲉⲣⲡⲉⲙⲡϣⲁ ⲙⲡⲉⲕⲥⲙⲟⲩ ⲛⲉⲙⲛⲁⲡⲟⲗⲓⲥ ⲧⲏⲣⲟⲩ ϫⲉϯⲙⲉⲧⲟⲩⲣⲟ ⲛⲉⲙϯⲥⲩⲅⲕⲗⲏⲧⲟⲥ ⲧⲏⲣⲥ ϫⲟⲩϣⲧ ⲉⲃⲟⲗ ϧⲁⲧϩⲏ ⲛⲧⲉⲕⲡⲁⲣⲣⲏⲥⲓⲁ ⲉⲑⲟⲩⲁⲃ ϣⲁⲣⲟⲛ . ⲙⲫⲱⲣ ⲟⲩⲛ ⲡⲉⲛⲓⲱⲧ ⲉⲑⲟⲩⲁⲃ ⲙⲡⲣⲉⲣⲁⲙⲉⲗⲉⲥ ⲉⲓ ϣⲁⲣⲟⲛ . ⲧⲉⲛⲟⲃⲓ ⲅⲁⲣ ⲙⲙⲟⲕ ⲛⲉⲙⲛⲉⲕⲥⲃⲱⲟⲩⲓ ⲉⲑⲟⲩⲁⲃ ⲡⲣⲟⲥⲡⲓⲣⲏϯ ⲉⲧⲁⲛⲏ ⲉⲑⲛⲏⲟⲩ ϣⲁⲣⲟⲛ ϫⲱ ⲉⲣⲟⲛ ⲛⲛⲓϩⲙⲟⲧ ⲉⲧⲁⲫⲛⲟⲩϯ ⲉⲣⲭⲁⲣⲓⲍⲉⲥⲑⲉ ⲙⲙⲱⲟⲩ ⲛⲁⲕ . ⲁⲣⲓⲡⲉⲛⲙⲉⲩⲓ ϧⲉⲛⲛⲉⲕϣⲗⲏⲗ ⲉⲑⲟⲩⲁⲃ . ⲟⲩϫⲁⲓ ϧⲉⲛⲫⲣⲁⲛ ⲛϯⲁⲅⲓⲁ ⲛⲧⲣⲓⲁⲥ .
bohairic.life.shenoute_03:91
ⲛⲓϭⲟⲉⲓⲥ ⲇⲉ ⲛⲧⲉⲛⲓϭⲱⲙ ⲉⲧⲉⲙⲙⲁⲩ ⲛⲉ ϩⲁⲛϩⲉⲗⲏⲛⲟⲥ ⲛⲉ ⲉⲩⲥⲓϯ ⲛⲛⲓⲏⲣⲡ ⲉⲑⲗⲟⲙⲥ ⲛⲧⲉϯⲙⲟⲩⲓ ⲉϫⲉⲛⲛⲓⲟⲩⲓⲏ ⲕⲁⲧⲁⲣⲟⲙⲡⲓ ⲉⲩϣⲓϯ ⲙⲙⲱⲟⲩ ϧⲉⲛⲟⲩϭⲓⲛϫⲟⲛⲥ ⲙⲫⲏ ⲉⲧⲉⲛⲧⲱⲟⲩ ⲁⲛ . ⲛⲓⲟⲩⲓⲏ ⲇⲉ ⲉⲧⲉⲙⲙⲁⲩ ⲁⲩⲧⲱⲟⲩⲛ ⲁⲩⲓ ⲉⲡⲓⲙⲟⲛⲁⲥⲧⲏⲣⲓⲟⲛ ⲁⲩϯϩⲟ ⲉⲡⲁⲓⲱⲧ ⲉⲑⲟⲩⲁⲃ ⲙⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ
bohairic.life.shenoute_02:92
ⲟⲩⲟϩ ⲁϥⲧⲱⲃ ⲛϯⲉⲡⲓⲥⲧⲟⲗⲏ ⲁϥⲧⲏⲓⲥ ⲛⲟⲩⲃⲉⲣⲉⲧⲁⲣⲓⲟⲥ ⲉⲫⲱϥ ⲡⲉ ⲉⲩⲙⲟⲩϯ ⲉⲣⲟϥ ϫⲉⲉⲩⲇⲟⲝⲓⲟⲥ ⲟⲩⲟϩ ⲁϥⲥϧⲁⲓ ⲛⲕⲉⲟⲩⲓ ⲉⲣⲁⲧϥ ⲙⲡⲓⲇⲟⲩⲝ ⲛⲧⲉⲁⲛⲧⲓⲛⲱⲟⲩ ⲟⲩⲟϩ ⲁϥⲓ ⲉⲭⲏⲙⲓ ⲛϫⲉⲡⲓⲃⲉⲣⲉⲧⲁⲣⲓⲟⲥ ⲁϥⲓ ⲉⲣⲏⲥ ⲁϥϣⲉ ⲉϧⲟⲩⲛ ⲉϯⲡⲟⲗⲓⲥ ⲁⲛⲧⲓⲛⲱⲟⲩ ⲁϥϯ ⲛⲛⲓⲥϧⲁⲓ ⲙⲡⲓⲇⲟⲩⲝ ⲟⲩⲟϩ ⲡⲁⲓⲣⲏϯ ⲁⲩⲧⲱⲟⲩⲛⲟⲩ ⲁⲩⲓ ⲉϯⲙⲟⲛⲏ ⲉⲣⲁⲧϥ ⲙⲡⲁⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲟⲩⲟϩ ⲁⲩϭⲓⲥⲙⲟⲩ ⲉⲃⲟⲗ ϩⲓⲧⲟⲧϥ ⲁⲩϩⲉⲙⲥⲓ . ⲙⲉⲛⲉⲛⲥⲱⲥ ⲁⲡⲓⲃⲉⲣⲉⲧⲁⲣⲓⲟⲥ ⲓⲛⲓ ⲉⲃⲟⲗ ⲛⲛⲓⲥϧⲁⲓ ⲛⲧⲉⲡⲟⲩⲣⲟ ⲟⲩⲟϩ ⲁϥⲥⲱⲟⲩⲧⲉⲛ ⲙⲙⲱⲟⲩ ⲙⲡⲁⲓⲱⲧ ⲁⲡⲁ ϣⲉⲛⲟⲩϯ .
bohairic.life.shenoute_01:92
ⲟⲩⲟϩ ⲧⲟⲧⲉ ⲁⲓϣⲱⲕⲓ ϧⲉⲛⲡⲓⲕⲁϩⲓ ⲁⲓⲑⲟⲙⲥϥ ⲁⲓⲓ ϣⲁⲣⲟⲕ ⲉⲡⲁⲓⲙⲁ ⲡⲁⲓⲱⲧ ⲉⲑⲟⲩⲁⲃ .
I buried the body, concealed the deed, and made my way here, holy father.
bohairic.life.shenoute_03:92
ⲟⲩⲟϩ ⲁⲩϫⲱ ⲉⲣⲟϥ ⲛⲛⲓϭⲓⲛϫⲟⲛⲥ ⲉⲧⲉⲣⲉⲛⲓⲣⲱⲙⲓ ⲓⲣⲓ ⲙⲙⲱⲟⲩ ⲛⲱⲟⲩ ⲛⲉⲙⲡⲓϩⲟϫϩⲉϫ ⲉⲧⲟⲩⲛϧⲏⲧϥ .
bohairic.life.shenoute_03:93
ⲡⲁⲓⲱⲧ ⲇⲉ ⲙⲡⲣⲟⲫⲏⲧⲏⲥ ⲡⲉϫⲁϥ ⲛⲱⲟⲩ ϫⲉⲧⲉⲛ ⲑⲏⲛⲟⲩ ⲛⲧⲉⲧⲉⲛϩⲱⲗ ⲟⲩⲟϩ ⲫⲛⲟⲩϯ ⲛⲁⲉⲣⲡⲉⲧⲉⲛϩⲁⲡ .
bohairic.life.shenoute_01:93
ϯⲛⲟⲩ ϫⲉ ⲙⲁⲧⲁⲙⲟⲓ ϫⲉⲉⲕⲟⲩⲱϣ ⲛⲧⲁⲉⲣⲟⲩ ϩⲓⲛⲁ ⲛⲧⲉⲡϭⲟⲉⲓⲥ ϣⲁⲛⲁϩⲑⲏϥ ϧⲁⲣⲟⲓ ⲟⲩⲟϩ ⲛⲧⲉϥⲭⲁⲛⲁⲛⲟⲃⲓ ⲛⲏⲓ ⲉⲃⲟⲗ .
Tell me what I must now do so that the Lord may grant me mercy and pardon my transgressions.’
bohairic.life.shenoute_02:93
ⲛⲑⲟϥ ⲇⲉ ⲉⲧⲁϥϭⲓ ⲛⲛⲓⲥϧⲁⲓ ⲟⲩⲟϩ ⲉⲧⲁϥⲉⲣϩⲏⲧⲥ ⲛⲱϣ ⲙⲙⲱⲟⲩ ⲁϥⲓ ⲉϩⲣⲏⲓ ⲉϫⲉⲛⲡⲓⲥⲁϫⲓ ⲉⲧⲥϧⲏⲟⲩⲧ ϫⲉⲓⲱⲥ ⲙⲙⲟⲕ ⲁⲙⲟⲩ ϣⲁⲣⲟⲛ ⲉⲧⲡⲟⲗⲓⲥ ⲛϯⲙⲉⲧⲟⲩⲣⲟ . ⲧⲟⲧⲉ ⲁϥⲉⲣⲙⲕⲁϩ ⲛϩⲏⲧ ⲙⲙⲁϣⲱ ⲟⲩⲟϩ ⲁϥϩⲟϫϩⲉϫ ⲛϧⲣⲏⲓ ⲛϧⲏⲧϥ ⲡⲉ ⲡⲉϫⲁϥ ⲙⲡⲓⲃⲉⲣⲉⲧⲁⲣⲓⲟⲥ ϫⲉⲟⲩ ⲡⲉ ⲡϩⲱⲃ ⲙⲡⲟⲩⲣⲟ ⲛⲉⲙⲏⲓ ; ⲁⲛⲟⲕ ⲟⲩⲙⲟⲛⲁⲭⲟⲥ ⲉⲓϣⲟⲡ ϧⲉⲛⲡⲁⲓⲙⲟⲛⲁⲥⲧⲏⲣⲓⲟⲛ ⲉⲑⲃⲉⲫⲛⲟⲩϯ ⲉⲓϣⲗⲏⲗ ⲟⲩⲟϩ ⲉⲓϯϩⲟ ⲉϫⲉⲛⲛⲁⲛⲟⲃⲓ . ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲙⲡⲁⲓⲱⲧ ϫⲉⲡⲁϭⲟⲉⲓⲥ ⲛⲓⲱⲧ ⲉⲑⲟⲩⲁⲃ ⲉϥⲟⲩⲱϣ ⲉⲉⲣⲁⲡⲟⲗⲁⲩⲓⲛ ⲙⲡⲉⲕⲥⲙⲟⲩ . ⲡⲉϫⲉⲡⲁⲓⲱⲧ ⲛⲁϥ ϫⲉⲁⲛⲁⲩ ⲁⲣⲏⲟⲩ ⲭⲛⲁϣⲉⲣⲡⲁⲣⲁⲭⲱⲣⲓⲛ ⲛⲏⲓ ϫⲉⲟⲩⲏⲓ ⲁⲓⲉⲣϧⲉⲗⲗⲟ ⲛⲣⲱⲙⲓ . ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲛⲁϥ ϫⲉⲡⲁⲓⲱⲧ ⲉⲑⲟⲩⲁⲃ ⲙⲡⲣⲉⲣⲕⲱⲗⲓⲛ ⲙⲡⲓϩⲱⲃ ϫⲉⲟⲩⲏⲓ ϯⲛⲁϣⲕⲁⲇⲉⲭⲓⲛ ⲁⲛ ⲛⲧⲕⲉⲗⲉⲩⲥⲓⲥ ⲙⲡⲁϭⲟⲉⲓⲥ ⲡⲟⲩⲣⲟ . ⲡⲉϫⲉⲡⲉⲛⲓⲱⲧ ⲙⲡⲣⲟⲫⲏⲧⲏⲥ ⲛⲁϥ ϫⲉϩⲱⲗ ⲧⲉⲱⲥ ⲛⲧⲉⲧⲉⲛⲙⲧⲟⲛ ⲙⲙⲱⲧⲉⲛ ⲛⲉⲙⲛⲓⲣⲱⲙⲓ ⲉⲧⲁⲩⲓ ⲛⲉⲙⲱⲧⲉⲛ ⲟⲩⲟϩ ⲛⲧⲉⲧⲉⲛϭⲓ ⲉⲃⲟⲗ ϧⲉⲛⲛⲓϫⲓⲛⲟⲩⲱⲙ ⲛⲧⲉⲛⲓⲭⲣⲓⲁ ⲛⲧⲉⲛⲓⲥⲛⲏⲟⲩ .
bohairic.life.shenoute_02:94
ⲉⲧⲁⲩⲉⲣⲉϩⲟⲟⲩ ⲇⲉ ⲃ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲁⲡⲓⲃⲉⲣⲉⲧⲁⲣⲓⲟⲥ ϯϩⲟ ⲉⲡⲁⲓⲱⲧ ⲉϥϫⲱ ⲙⲙⲟⲥ ϫⲉⲧⲱⲛⲕ ⲙⲁⲣⲟⲛ ⲡⲁⲓⲱⲧ ϫⲉⲛⲛⲉⲕⲓⲛⲓ ⲉϩⲣⲏⲓ ⲉϫⲱⲓ ⲛⲟⲩⲛⲓϣϯ ⲛⲁⲡⲉⲓⲗⲏ ϧⲁⲧⲉⲛⲡⲁϭⲟⲉⲓⲥ ⲡⲟⲩⲣⲟ . ⲡⲉϫⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲛⲁϥ ϫⲉⲭⲛⲁϣϣⲉⲣⲡⲁⲣⲁⲭⲱⲣⲓⲛ ⲛⲏⲓ ⲁⲛ ⲡⲁϣⲏⲣⲓ ⲛⲧⲉⲕϣⲉ ⲛⲁⲕ ϧⲉⲛⲟⲩϩⲓⲣⲏⲛⲏ ⲟⲩⲟϩ ⲛⲧⲉⲕϫⲟⲥ ⲙⲡⲟⲩⲣⲟ ϫⲉⲁϥⲉⲣϧⲉⲗⲗⲟ ⲛⲣⲱⲙⲓ ⲙⲡⲉϥϣϫⲉⲙϫⲟⲙⲓ ⲛⲉⲙⲏⲓ . ⲡⲉϫⲉⲡⲓⲃⲉⲣⲉⲧⲁⲣⲓⲟⲥ ⲛⲁϥ ϫⲉⲉϣⲱⲡ ⲭⲛⲏⲟⲩ ⲁⲛ ϧⲉⲛⲡⲉⲕⲟⲩⲱϣ ⲓⲉ ⲟⲩⲟⲛ ⲙⲁⲧⲟⲓ ⲙⲡⲁⲓⲙⲁ ⲉⲩⲛⲁⲟⲗⲕ ⲙⲡⲉⲕⲟⲩⲱϣ ⲁⲛ ⲡⲉ . ⲡⲉϫⲉⲡⲁⲓⲱⲧ ⲙⲡⲣⲟⲫⲏⲧⲏⲥ ⲛⲁϥ ϫⲉⲟⲩⲕⲟⲩⲛ ⲭⲁⲫⲟⲟⲩ ⲉⲃⲟⲗ ϣⲁⲣⲁⲥϯ ⲟⲩⲟϩ ⲧⲉⲛⲛⲁⲙⲟϣⲓ ϧⲉⲛⲫⲟⲩⲱϣ ⲙⲫⲛⲟⲩϯ .
bohairic.life.shenoute_03:94
ⲟⲩⲟϩ ⲁϥⲧⲱⲛϥ ⲛϫⲉⲡⲉⲛⲓⲱⲧ ⲙⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ϧⲉⲛⲡⲓⲉϫⲱⲣϩ ⲁϥϣⲉ ⲉⲃⲟⲗ ⲉϯⲙⲟⲩⲓ ⲉⲧⲉⲙⲙⲁⲩ ⲉⲧϩⲓϫⲉⲛⲛⲓⲙⲱⲟⲩ ⲉⲣⲉⲛⲓϭⲱⲙ ⲣⲏⲧ ϩⲓϫⲱⲥ ⲁϥϯ ⲛⲟⲩϣⲉ ⲛⲃⲁⲓ ϧⲉⲛⲡⲓⲕⲁϩⲓ ⲛⲧⲉϯⲙⲟⲩⲓ ⲙⲡⲓⲕⲟⲩϫⲓ ⲛⲃⲁⲓ ⲉⲧϧⲉⲛⲧⲉϥϫⲓϫ ⲟⲩⲟϩ ⲡⲉϫⲁϥ ϫⲉⲉⲓϫⲱ ⲉⲣⲟⲛⲑⲟ ⲱ ϯⲙⲟⲩⲓ ⲛⲧⲉⲡⲁⲛⲉϩⲏⲟⲩ ⲙⲁϣⲉ ⲛⲉ ⲉⲑⲙⲏϯ ⲙⲫⲓⲁⲣⲟ ⲛⲧⲉⲱⲙⲥ ϣⲁⲉⲛⲉϩ ⲛⲥⲉⲕⲏⲛ ⲉⲩϯϧⲓⲥⲓ ⲛⲛⲓϩⲏⲕⲓ ⲉⲑⲃⲏϯ . ϧⲉⲛϯⲟⲩⲛⲟⲩ ⲁϯⲙⲟⲩⲓ ⲛⲉⲙⲛⲓϭⲱⲙ ⲛⲉⲙⲛⲓⲭⲁⲙⲁⲛⲱⲟⲩⲓ ⲟⲩⲱⲧⲉⲃ ⲁⲩϣⲉ ⲉⲑⲙⲏϯ ⲙⲫⲓⲁⲣⲟ ⲟⲩⲟϩ ⲁⲡⲓⲙⲱⲟⲩ ϩⲱⲃⲥ ⲉⲃⲟⲗ ϩⲓϫⲱⲟⲩ ⲙⲡⲁⲧⲉⲡⲓⲟⲩⲱⲓⲛⲓ ⲓ ⲉⲃⲟⲗ ⲟⲩⲟϩ ⲁⲛⲓⲉϫⲏⲟⲩ ⲉⲣϩⲱⲧ ⲉϫⲱⲟⲩ .
bohairic.life.shenoute_01:94
ⲡⲁⲓⲱⲧ ⲇⲉ ⲛⲇⲓⲕⲉⲟⲥ ⲟⲩⲟϩ ⲙⲡⲣⲟⲫⲏⲧⲏⲥ ⲁⲡⲁ ϣⲉⲛⲟⲩϯ ⲡⲉϫⲁϥ ⲛⲁϥ ϫⲉⲙⲡⲣⲟϩⲓ ⲙⲡⲁⲓⲙⲁ , ⲁⲗⲗⲁ ⲧⲱⲛⲕ ϧⲉⲛⲟⲩⲭⲱⲗⲉⲙ ϧⲱⲗ ⲉϧⲟⲩⲛ ⲉϯⲡⲟⲗⲓⲥ ϣⲙⲓⲛ ⲭⲛⲁϫⲉⲙⲡⲓⲇⲟⲩⲝ ⲉⲁϥⲓ ⲉⲣⲏⲥ ⲉⲃⲟⲗ ϧⲉⲛⲫⲓⲁⲣⲟ ⲉⲩϩⲓⲫⲱⲛⲏ ⲉⲃⲟⲗ ϩⲓⲧϩⲏ ⲙⲙⲟϥ ⲟⲩⲟϩ ⲥⲉⲛⲁϯ ⲛⲁϥ ⲛϩⲁⲛⲥⲟⲛⲓ ⲉⲁⲩⲕⲱⲗⲡ ⲛⲟⲩⲛⲓϣϯ ⲛⲣⲱⲙⲓ ⲛⲧⲉϯⲡⲟⲗⲓⲥ ϣⲙⲓⲛ ϥⲛⲁϫⲱⲛⲧ ⲉⲣⲱⲟⲩ ⲉⲙⲁϣⲱ
Then the righteous prophet apa Shenoute instructed him: ‘You cannot remain here. Rise and go swiftly to the city of Šmin.
bohairic.life.shenoute_02:95
ⲟⲩⲟϩ ⲉⲧⲁⲩϭⲓⲥⲙⲟⲩ ⲛϫⲉⲡⲓⲃⲉⲣⲉⲧⲁⲣⲓⲟⲥ ⲛⲉⲙⲡⲓⲇⲟⲩⲝ ⲛⲉⲙⲡⲓⲉⲝⲉⲣⲧⲟⲛ ⲧⲏⲣϥ ⲉⲑⲛⲉⲙⲱⲟⲩ ⲁⲩⲉⲣⲁⲛⲁⲭⲱⲣⲓⲛ ϣⲁϩⲁⲛⲁⲧⲟⲟⲩⲓ . ⲉⲧⲁⲣⲟⲩϩⲓ ⲇⲉ ϣⲱⲡⲓ ⲁⲡⲉⲛⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ϣⲉ ⲛⲁϥ ⲉϧⲟⲩⲛ ⲉⲡⲓⲑⲩⲥⲓⲁⲥⲧⲏⲣⲓⲟⲛ ⲟⲩⲟϩ ⲁϥⲫⲱⲣϣ ⲛⲛⲉϥϫⲓϫ ⲉⲃⲟⲗ ⲁϥϣⲗⲏⲗ ⲉϩⲣⲏⲓ ϩⲁⲫⲛⲟⲩϯ ϫⲉϩⲓⲛⲁ ⲛⲧⲉϥⲧⲁⲙⲟϥ ⲉⲛⲏ ⲉⲧⲉϥⲛⲁⲁⲓⲧⲟⲩ . ⲟⲩⲟϩ ⲉⲧⲁϥϯ ⲙⲡⲓⲁⲙⲏⲛ ⲓⲥ ⲟⲩϭⲏⲡⲓ ⲛⲟⲩⲱⲓⲛⲓ ⲁⲥϩⲟⲗⲙⲉϥ ⲁⲥϩⲱⲗ ⲛⲉⲙⲁϥ ϣⲁⲧⲡⲟⲗⲓⲥ ⲛϯⲙⲉⲧⲟⲩⲣⲟ ⲟⲩⲟϩ ⲁⲥⲭⲁϥ ϧⲉⲛⲑⲙⲏϯ ⲙⲡⲓⲡⲁⲗⲁⲧⲓⲟⲛ ϧⲉⲛⲡⲓⲙⲁ ⲉⲧⲉⲡⲟⲩⲣⲟ ⲛϧⲏⲧϥ ⲟⲩⲟϩ ⲟⲩⲛⲓϣϯ ⲛⲟⲩⲱⲓⲛⲓ ⲁϥϣⲱⲡⲓ ϧⲉⲛⲡⲓⲧ..ⲓ ⲉⲣⲉⲡⲟⲩⲣⲟ ⲛⲕⲟⲧ ⲛϧⲏⲧϥ .
bohairic.life.shenoute_01:95
ⲙⲟϣⲓ ϩⲱⲕ ⲛⲧⲉⲕϣⲉ ⲉϧⲟⲩⲛ ⲉⲛⲓⲥⲟⲛⲓ ⲟⲩⲟϩ ⲥⲉⲛⲁϫⲟⲥ ⲙⲡⲓⲇⲟⲩⲝ ϫⲉⲉϥⲭⲏ ⲙⲙⲁⲩ ⲛⲉⲙⲁⲛ ⲟⲩⲟϩ ⲡⲓⲇⲟⲩⲝ ⲛⲁϣⲉⲛⲕ ϫⲉⲑⲙⲏⲓ ⲧⲉ
There you will find the duke, who has just arrived from upriver and is receiving his people. Some bandits who plundered a prominent citizen of Šmin will be surrendered to him, and his anger will be fierce.
bohairic.life.shenoute_03:95
ⲡⲁⲓⲣⲏϯ ⲁⲫⲣⲁⲛ ⲙⲫⲛⲟⲩϯ ϭⲓⲱⲟⲩ ⲉⲃⲟⲗ ϩⲓⲧⲉⲛⲡⲉⲛⲓⲱⲧ ⲉⲑⲟⲩⲁⲃ ⲁⲡⲁ ϣⲉⲛⲟⲩϯ ⲡⲓⲑⲙⲏⲓ .
bohairic.life.shenoute_01:96
ⲁϫⲟⲥ ⲛⲁϥ ϫⲉⲑⲙⲏⲓ ⲧⲉ ⲟⲩⲟϩ ⲡⲁⲓⲣⲏϯ ϥⲛⲁϧⲟⲑⲃⲕ ⲛⲉⲙⲱⲟⲩ ⲧⲟⲧⲉ ⲭⲛⲁϩⲱⲗ ⲉϧⲟⲩⲛ ⲉⲡⲓⲱⲛϧ ⲛⲉⲛⲉϩ ⲛⲧⲉⲫⲛⲟⲩϯ .
Join them, and when they say to the duke, ‘This man was among us,’ and he questions you, respond, ‘Yes, it is true.’ He will order your death with the others, and in this way, you will enter the everlasting life of God.’
bohairic.life.shenoute_03:96
ⲁⲥϣⲱⲡⲓ ⲇⲉ ⲟⲛ ⲛⲟⲩⲥⲟⲡ ⲁⲟⲩⲉϩⲟⲟⲩ ⲛϣⲁⲓ ϣⲱⲡⲓ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲉⲫⲁⲛⲉⲛⲓⲟϯ ⲡⲉ ⲁϩⲁⲛⲟⲩⲟⲛ ϧⲉⲛⲛⲓⲕⲗⲏⲣⲓⲕⲟⲥ ⲛⲉⲙⲛⲓⲯⲁⲗⲧⲏⲥ ⲓ ⲉϧⲟⲩⲛ ⲉⲡⲓⲙⲟⲛⲁⲥⲧⲏⲣⲓⲟⲛ ⲁⲩϯⲡⲟⲩⲟⲓ ⲉϧⲟⲩⲛ ⲉⲡⲁⲓⲱⲧ ⲁⲡⲁ ϣⲉⲛⲟⲩϯ ⲁⲩⲉⲣⲉⲧⲓⲛ ⲙⲙⲟϥ ⲛⲟⲩⲕⲟⲩϫⲓ ⲛⲏⲣⲡ .
bohairic.life.shenoute_03:97
ⲧⲟⲧⲉ ⲁϥϯⲧⲟⲩⲭⲣⲓⲁ ⲛⲱⲟⲩ .
bohairic.life.shenoute_01:97
ⲟⲩⲟϩ ⲛϯⲟⲩⲛⲟⲩ ⲁϥϣⲉ ⲛⲁϥ ⲛϫⲉⲡⲓⲣⲱⲙⲓ ⲁϥⲓⲣⲓ ⲕⲁⲧⲁⲫⲣⲏϯ ⲉⲧⲁⲫⲏ ⲉⲑⲟⲩⲁⲃ ϫⲟⲥ ⲛⲁϥ ⲟⲩⲟϩ ⲁⲡⲓⲇⲟⲩⲝ ⲱⲗⲓ ⲛⲧⲉϥⲁⲫⲉ ϩⲱϥ ⲛⲉⲙⲛⲓⲥⲟⲛⲓ ⲟⲩⲟϩ ⲡⲁⲓⲣⲏϯ ⲁⲫⲛⲁⲓ ⲙⲫⲛⲟⲩϯ ⲧⲁϩⲟϥ ⲕⲁⲧⲁⲡⲣⲏϯ ⲉⲧⲁⲡⲁⲓⲱⲧ ⲧⲁⲙⲟⲛ ⲙⲙⲟϥ .
The man departed at once, obeying apa Shenoute’s instruction. He joined the captured thieves, and the duke beheaded him along with the rest. In this way, the mercy of God was fulfilled, just as my father had said.
bohairic.life.shenoute_01:98
ⲁⲥϣⲱⲡⲓ ⲇⲉ ⲟⲛ ⲛⲟⲩⲥⲟⲡ ⲁⲡⲓϩⲁⲅⲓⲟⲥ ⲕⲩⲣⲓⲗⲗⲟⲥ ⲟⲩⲱⲣⲡ ⲛⲥⲁⲡⲁⲓⲱⲧ ⲁⲡⲁ ϣⲉⲛⲟⲩϯ ⲡⲓⲡⲣⲟⲫⲏⲧⲏⲥ ⲛⲉⲙⲁⲡⲁ ⲃⲓⲕⲧⲱⲣ ⲡⲓⲁⲣⲭⲏⲙⲁⲛⲇⲣⲓⲧⲏⲥ ⲉⲑⲃⲉⲛⲉⲥⲧⲟⲣⲓⲟⲥ ⲡⲓⲁⲥⲉⲃⲏⲥ
On one occasion, the revered Cyril summoned my spiritual father, Apa Shenoute the prophet, along with Apa Victor the archimandrite, because of matters concerning the heretic Nestorius.
bohairic.life.shenoute_03:98
ⲙⲉⲛⲉⲛⲥⲱⲥ ⲁⲩⲉⲣⲉⲧⲓⲛ ⲙⲙⲟϥ ⲛϩⲁⲛⲕⲉⲭⲱⲟⲩⲛⲓ ⲟⲩⲟϩ ⲁϥⲧⲏⲓⲧⲟⲩ ⲛⲱⲟⲩ ⲉϥⲣⲁϣⲓ .
bohairic.life.shenoute_03:99
ⲟⲙⲟⲓⲱⲥ ⲟⲛ ⲁⲩⲟⲩⲁϩⲉⲙ ⲉⲣⲉⲧⲓⲛ ⲙⲙⲟϥ ϧⲉⲛⲧⲟⲩⲙⲉⲧⲁⲧⲥⲓ
bohairic.life.shenoute_01:99
ⲟⲩⲟϩ ⲉⲧⲁϥϣⲉ ⲉϧⲟⲩⲛ ⲉⲧⲡⲟⲗⲓⲥ ⲛⲧⲉϯⲙⲉⲧⲟⲩⲣⲟ ⲁⲡⲉⲛⲓⲱⲧ ⲛⲇⲓⲕⲁⲓⲟⲥ ⲁⲡⲁ ϣⲉⲛⲟⲩϯ ⲓ ⲉϥⲙⲟϣⲓ ϧⲉⲛⲡⲓⲡⲁⲗⲗⲁⲧⲓⲟⲛ ⲛⲧⲉⲡⲟⲩⲣⲟ ⲁϥϫⲓⲙⲓ ⲛⲟⲩⲛⲁⲫⲣⲓ ⲛⲥⲟⲩⲟ ⲉⲥⲥⲏϯ ⲉⲃⲟⲗ
After they arrived in the imperial capital, Apa Shenoute, our righteous father, was walking within the royal palace and noticed a discarded grain of wheat.
bohairic.life.shenoute_01:100
ⲁϥⲟⲗⲥ ⲁϥⲧⲏⲓⲥ ⲉϯⲑⲏⲃⲓ ⲛⲧⲉⲡⲉϥϣⲁⲣ ϣⲁⲡⲓⲛⲁⲩ ⲉⲧⲁϥⲓ ⲉⲡⲉϥⲙⲟⲛⲁⲥⲧⲏⲣⲓⲟⲛ .
He picked it up and tucked it into the pouch of his goatskin garment, keeping it safe until he was back at his monastery.
bohairic.life.shenoute_03:100
ⲟⲩⲟϩ ⲡⲁⲗⲓⲛ ⲁϥϯ ⲛⲱⲟⲩ ⲙⲫⲙⲁϩⲅ ⲛⲥⲟⲡ . ⲁⲛⲏ ⲉⲧϩⲉⲙⲥⲓ ϧⲁⲧⲟⲧϥ ⲉⲣϣⲫⲏⲣⲓ ⲛⲧⲉϥⲙⲉⲧⲣⲉϥϣⲉⲛϩⲏⲧ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲁⲩϣⲁⲛⲟϩⲓ ⲉⲩⲉⲣⲉⲧⲓⲛ ⲙⲙⲟⲕ ⲭⲛⲁⲟϩⲓ ⲉⲕϯ ⲛⲱⲟⲩ ; ⲡⲉϫⲁϥ ⲛⲱⲟⲩ ϫⲉⲥⲉ .
bohairic.life.shenoute_03:101
ⲁⲗⲗⲁ ⲥⲉⲛⲁⲟⲩⲁϩⲧⲟⲧⲟⲩ ⲉⲥⲱ ⲁⲛ ⲛⲥⲁⲛⲏ ⲉⲧϧⲉⲛⲡⲁⲓⲙⲁ ⲉⲡⲓⲇⲏ ⲙⲙⲟⲛ ⲧⲟⲩϩⲉⲗⲡⲓⲥ ⲙⲙⲁⲩ ϧⲉⲛⲡⲓⲕⲉⲉⲱⲛ .
bohairic.life.shenoute_01:101
ⲁⲥϣⲱⲡⲓ ⲇⲉ ⲉⲧⲁⲡⲟⲩⲣⲟ ⲭⲁⲩ ⲉⲃⲟⲗ ⲉⲑⲣⲟⲩϣⲉ ⲛⲱⲟⲩ ⲉⲛⲟⲩⲧⲟⲡⲟⲥ ⲧⲟⲧⲉ ⲁⲡⲁⲓⲱⲧ ⲁⲡⲁ ϣⲉⲛⲟⲩϯ ⲓ ϫⲉϥⲛⲁⲧⲁⲗⲟϥ ⲉⲡⲓϫⲟⲓ ⲛⲉⲙⲛⲉⲛⲓⲟϯ ⲉⲑⲟⲩⲁⲃ ⲁⲃⲃⲁ ⲕⲩⲣⲓⲗⲗⲟⲥ ⲡⲓⲁⲣⲭⲏⲉⲡⲓⲥⲕⲟⲡⲟⲥ ⲛⲉⲙⲁⲡⲁ ⲃⲓⲕⲧⲱⲣ ⲡⲓⲁⲣⲭⲏⲙⲁⲛⲇⲣⲓⲧⲏⲥ ⲁⲛⲓⲕⲟⲩϫⲓ ⲛⲣⲉϥϣⲉⲙϣⲓ ϫⲟⲥ ⲛⲁϥ ϫⲉⲭⲛⲁϣⲧⲁⲗⲟⲕ ⲁⲛ ⲛⲉⲙⲡⲓⲁⲣⲭⲏⲉⲡⲓⲥⲕⲟⲡⲟⲥ .
Once the king had granted them leave to return to their respective homes, my father, Apa Shenoute, went to board a ship with the holy bishops—Abba Cyril and Apa Victor. However, told him he could not board alongside the archbishop.
bohairic.life.shenoute_03:102
ⲁϥϣⲱⲡⲓ ⲇⲉ ⲟⲛ ⲛⲟⲩⲥⲏⲟⲩ ⲛϫⲉⲟⲩϩⲉⲗⲏⲛⲟⲥ ⲉⲡⲉϥⲣⲁⲛ ⲡⲉ ⲕⲉⲥⲓⲟⲥ ⲫⲁⲓ ⲛⲉⲟⲩⲁⲥⲉⲃⲏⲥ ⲡⲉ ⲙⲡⲓϩⲟⲩⲟ ⲟⲩⲟϩ ⲛⲁϥⲉⲣⲃⲗⲁⲥⲫⲏⲙⲓⲛ ⲉⲡⲭⲣⲓⲥⲧⲟⲥ ⲉϥϫⲉⲟⲩⲁ ⲉⲣⲟϥ ϧⲉⲛⲧⲉϥⲙⲉⲧⲥⲟϫ ⲛⲉⲙⲧⲉϥⲙⲉⲧⲡⲁⲛⲟⲩⲣⲅⲓⲁ ⲉⲧϩⲱⲟⲩ .
bohairic.life.shenoute_01:102
ⲛⲁⲩⲥⲱⲟⲩⲛ ⲅⲁⲣ ⲙⲙⲟϥ ⲁⲛ ⲡⲉ .
For the junior attendants did not recognize him.
bohairic.life.shenoute_01:103
ⲡⲁⲓⲱⲧ ⲇⲉ ⲡⲉϫⲁϥ ⲛⲱⲟⲩ ϫⲉⲓⲥϫⲉ ⲙⲙⲟⲛ ⲙⲁⲣⲉⲫⲟⲩⲱϣ ⲙⲡϭⲟⲉⲓⲥ ϣⲱⲡⲓ .
He replied, ‘If that’s the case, then let the will of the Lord be done!’

Coptic SCRIPTORIUM, corpus bohairic.life.shenoute (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.