Bohairic Life Isaac
- bohairic.life.isaac02:150
ⲟⲩⲟϩ ⲛⲁⲣⲉⲡⲉϥⲛⲟⲩⲥ ⲟⲓ ⲛⲟⲩⲱⲓⲛⲓ ⲙⲡⲕⲱϯ ⲛⲛⲓⲇⲟⲅⲙⲁ ⲉⲑⲟⲩⲁⲃ ⲙⲫⲣⲏϯ ⲙⲡⲓⲛⲓϣϯ ⲁⲑⲁⲛⲁⲥⲓⲟⲥ ⲛⲉⲙⲡⲓⲥⲟⲫⲟⲥ ⲕⲩⲣⲓⲗⲗⲟⲥ ⲛⲁⲓ ⲉⲧⲁϥϣⲱⲡⲓ ⲛⲱⲟⲩ ⲛⲇⲓⲁⲇⲟⲭⲟⲥ .
And his mind was enlightened for the guard of the holy dogmas, after the manner of the great Athanasius and the wise Cyril, whose successor he had become.
- bohairic.life.isaac02:151
ⲟⲩⲟϩ ⲉⲧⲁⲫⲏ ⲉⲑⲟⲩⲁⲃ ⲓⲥⲁⲁⲕ ⲓ ⲉⲃⲟⲗ ϧⲉⲛⲭⲏⲙⲓ ⲁϥⲧⲁⲥⲑⲟ ⲛⲟⲩⲙⲏϣ ⲉⲃⲟⲗ ϧⲉⲛⲛⲟⲩϩⲁⲓⲣⲉⲥⲓⲥ ⲁϥⲉⲛⲟⲩ ⲉϧⲟⲩⲛ ⲉⲡⲓⲛⲁϩϯ ⲉⲧⲥⲟⲩⲧⲱⲛ ⲛⲧⲉⲡⲉⲛϭⲟⲉⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
And when Saint Isaac went out into Egypt, he converted many of them from their heresy, he brought them the orthodox faith of our Lord Jesus the Christ.
- bohairic.life.isaac02:152
ϩⲁⲛⲟⲩⲟⲛ ⲙⲉⲛ ⲁϥϯⲱⲙⲥ ⲛⲱⲟⲩ ϩⲁⲛⲕⲉⲭⲱⲟⲩⲛⲓ ⲇⲉ ⲛⲁϥϣⲟⲡ ⲙⲙⲱⲟⲩ ⲉⲣⲟϥ ϧⲉⲛⲡϫⲓⲛⲑⲣⲟⲩⲉⲣⲁⲛⲁⲑⲉⲙⲁⲧⲓⲍⲉⲓⲛ ⲛⲛⲟⲩϩⲁⲓⲣⲉⲥⲓⲥ ⲙⲓⲛⲙⲙⲱⲟⲩ ⲉⲃⲟⲗ ϩⲓⲧⲉⲛⲡⲓϩⲙⲟⲧ ⲉⲧⲁⲫⲛⲟⲩϯ ⲉⲣⲭⲁⲣⲓⲍⲉⲥⲑⲁⲓ ⲙⲙⲟϥ ⲛⲁϥ ϩⲓⲧⲉⲛⲛⲉϥⲥⲁϫⲓ ⲛⲣⲉϥⲧⲟⲩϫⲉⲯⲩⲭⲏ .
To some he gave baptism, he received others by having them anathematize their own heresies, by the grace that God had granted him and by his words that saved souls.
- bohairic.life.isaac02:153
ⲟⲩⲟϩ ⲉⲧⲁⲫⲛⲟⲩϯ ⲉⲛϥ ⲉϧⲟⲩⲛ ⲉⲟⲩⲧⲓⲙⲓ ⲉⲩⲙⲟⲩϯ ⲉⲣⲟϥ ϫⲉⲡⲥⲁⲛⲁϣⲟ ⲁϥϯⲱⲙⲥ ⲛⲟⲩⲙⲏϣ ϧⲉⲛⲡⲓⲙⲁ ⲉⲧⲉⲙⲙⲁⲩ ⲉⲓⲧⲉ ⲣⲱⲙⲓ ⲉⲓⲧⲉ ⲥϩⲓⲙⲓ ⲉⲓⲧⲉ ⲛⲓϣϯ ⲉⲓⲧⲉ ⲕⲟⲩϫⲓ .
When God had led him to a village called Psanascho, he baptized a multitude there, whether men or women, whether tall or short.
- bohairic.life.isaac02:154
ⲟⲩⲟϩ ⲁⲥϣⲱⲡⲓ ⲙⲫⲛⲁⲩ ⲙⲡⲓⲁⲣⲓⲥⲧⲟⲛ ⲉϥⲣⲟⲧⲉⲃ ⲛⲉⲙⲛⲓⲉⲡⲓⲥⲕⲟⲡⲟⲥ ⲛⲉⲙⲁϥ ⲁⲩⲓⲛⲓ ⲉϧⲟⲩⲛ ⲛⲟⲩⲣⲱⲙⲓ ⲉϥⲧϩⲉⲙⲕⲏⲟⲩⲧ ⲉⲙⲁϣⲱ ⲟⲩⲟϩ ⲉⲣⲉⲛⲉϥⲥⲁϧⲟⲩⲛ ⲟⲓ ⲛϣⲁϩ ϩⲱⲥⲧⲉ ⲁϥϣⲁⲛⲥⲟ ⲛⲟⲩⲗⲁⲕⲕⲟⲥ ⲙⲙⲱⲟⲩ ϣⲁϥⲉⲣⲙⲫⲣⲏϯ ⲓⲥϫⲉⲕ ⲙⲡⲉϥⲥⲱ ⲉⲡⲧⲏⲣϥ ϩⲓⲧⲉⲛⲡⲓⲛⲓϣϯ ⲛϣⲁϩ ⲉⲧⲥⲁϧⲟⲩⲛ ⲙⲙⲟϥ .
And it happened that at mealtime, while he was reclining together with the bishops with him, a very sick man was brought to him; his interior was so inflamed that, if he had drunk a lake of water, he would have been as if he had drunk nothing at all, because of the great inflammation of his interior.
- bohairic.life.isaac02:155
ⲉⲧⲁⲩⲉⲛϥ ⲇⲉ ϩⲁⲣⲟϥ ⲁϥϥⲁⲓ ⲛⲛⲉϥⲃⲁⲗ ⲉⲡϣⲱⲓ ⲉⲧⲫⲉ ⲁϥϥⲓⲁϩⲟⲙ ⲉϥϫⲱ ⲙⲙⲟⲥ ϫⲉⲛⲑⲟⲕ ⲟⲩⲇⲓⲕⲁⲓⲟⲥ ⲡϭⲟⲉⲓⲥ ⲟⲩⲟϩ ⲛⲉⲕϩⲁⲡ ⲧⲏⲣⲟⲩ ⲥⲟⲩⲧⲱⲛ .
When he was brought to him, he raised his eyes to heaven, sighed, and said, “Thou art just, O Lord, and thy judgments are right.”
- bohairic.life.isaac02:156
ⲉⲧⲁⲫⲏ ⲉⲑⲟⲩⲁⲃ ⲙⲡⲁⲧⲣⲓⲁⲣⲭⲏⲥ ϭⲓ ⲛⲟⲩⲁⲫⲟⲧ ⲛⲏⲣⲡ ⲁϥⲉⲣⲥⲫⲣⲁⲅⲓⲍⲉⲓⲛ ⲙⲙⲟϥ ϧⲉⲛⲫⲣⲁⲛ ⲙⲫⲓⲱⲧ ⲛⲉⲙⲡϣⲏⲣⲓ ⲛⲉⲙⲡⲓⲡⲛⲉⲩⲙⲁ ⲉⲑⲟⲩⲁⲃ ⲁϥⲧⲏⲓϥ ⲙⲡⲓⲣⲱⲙⲓ ⲁϥⲥⲟϥ .
And when the holy patriarch had taken a cup of wine, he made the sign of the cross in the name of the Father, of the Son, and of the Holy Ghost, and he gave it to the man who drank it.
- bohairic.life.isaac02:157
ϧⲉⲛϯⲟⲩⲛⲟⲩ ⲁϥⲱϣⲉⲙ ⲛϫⲉⲡⲓⲭⲣⲱⲙ ⲉⲧⲥⲁϧⲟⲩⲛ ⲙⲡⲓⲣⲱⲙⲓ ⲁϥⲙⲧⲟⲛ ⲥⲁⲧⲟⲧϥ ⲁϥϩⲱⲗ ⲉⲡⲉϥⲏⲓ ⲉϥϯⲱⲟⲩ ⲙⲫⲛⲟⲩϯ ⲛⲉⲙⲫⲏ ⲉⲑⲟⲩⲁⲃ
Immediately the fire that was in the man's interior was extinguished, and he was immediately rested, and went to his house to give glory to God and to the saint.
← Previous — showing 401–408 of 408
Coptic SCRIPTORIUM, corpus bohairic.life.isaac (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.