Bohairic Lausiac

Coptic literature (Coptic SCRIPTORIUM) · 159 sections

bohairic.lausiac_02:1
ⲉⲑⲃⲉⲁⲡⲁ ⲡⲁⲙⲱ .
Concerning Abba Pambo.
bohairic.lausiac_03:1
ⲉⲑⲃⲉⲉⲩⲁⲅⲣⲓ ⲡⲓⲇⲓⲁⲕⲱⲛ . ϯⲛⲁⲉⲣϧⲏⲧⲥ ϩⲱϥ ϯⲛⲟⲩ ⲟⲩⲟϩ ⲛⲧⲁⲥⲁϫⲓ ⲉⲑⲃⲉⲁⲡⲁ ⲉⲩⲁⲅⲣⲓ ⲡⲓⲇⲓⲁⲕⲱⲛ ⲛⲧⲉⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ⲫⲏ ⲉⲧⲁⲅⲣⲏⲅⲟⲣⲓⲟⲥ ⲡⲓⲉⲡⲓⲥⲕⲟⲡⲟⲥ ⲭⲁϫⲓϫ ⲉϫⲱϥ ⲕⲉ ⲅⲁⲣ ⲥⲉⲙⲡϣⲁ ⲛⲧⲉⲛⲫⲓⲣⲓ ⲉⲑⲃⲉⲛⲉϥⲁⲣⲉⲧⲏ ⲫⲏ ⲉⲧⲁⲟⲩⲟⲛ ⲛⲓⲃⲉⲛ ϣⲟⲩϣⲟⲩ ⲉϫⲱϥ ⲁϥⲱⲛϧ ⲇⲉ ϧⲉⲛϯϫⲓⲛⲱⲛϧ ⲛⲧⲉⲛⲓⲁⲡⲟⲥⲧⲟⲗⲟⲥ .
Now I shall begin to speak about Apa Evagrius, the deacon of Constantinople, upon whom Gregory the bishop laid his hands. It is fitting to recount the virtues of one to whom all ascribe glory, for he led an apostolic life. For truth itself required that his work be made known as something marvelous.
bohairic.lausiac_01:1
ϯⲉⲡⲓⲥⲧⲟⲗⲏ ⲉⲧⲁⲩⲥϧⲏⲧⲥ ⲛⲗⲁⲩⲥⲓⲟⲥ ⲡⲓⲡⲣⲉⲡⲟⲥⲓⲧⲟⲥ ⲡⲓⲃⲱⲕ ⲛⲧⲉⲡⲭⲣⲓⲥⲧⲟⲥ ϧⲉⲛⲟⲩϩⲓⲣⲏⲛⲏ ⲛⲧⲉⲫⲛⲟⲩϯ ⲁⲙⲏⲛ .
The letter written to Lausus, the servant of Christ. In the peace of God: amen.
bohairic.lausiac_03:2
ⲟⲩϩⲱⲃ ⲅⲁⲣ ⲛⲑⲙⲏⲓ ⲁⲛ ⲡⲉ ⲛⲧⲉⲛⲭⲁⲣⲱⲛ ⲉⲛⲉϥϩⲏⲟⲩ ⲛϣⲉⲛϩⲟ ⲛⲉⲙⲡⲉϥϫⲓⲛⲓ ⲉⲧϩⲏ ⲁⲗⲗⲁ ⲙⲁⲗⲗⲟⲛ ⲥⲉⲙⲡϣⲁ ⲛⲧⲉⲛⲥϧⲏⲧⲟⲩ ⲉⲑⲃⲉⲟⲩⲕⲱⲧ ⲛⲉⲙⲟⲩϩⲏⲟⲩ ⲛⲛⲏ ⲉⲑⲛⲁⲱϣ ⲙⲙⲱⲟⲩ ϫⲉϩⲓⲛⲁ ⲛⲧⲟⲩϯⲱⲟⲩ ⲙⲛⲟⲩϯ ⲡⲉⲛⲥⲱⲧⲏⲣ ⲫⲏ ⲉⲧϯϫⲟⲙ ⲛⲛⲓⲣⲱⲙⲓ ⲉⲑⲣⲟⲩⲉⲣⲛⲁⲓ ⲕⲉ ⲅⲁⲣ ⲛⲑⲟϥ ϩⲱϥ ⲁϥϯⲥⲃⲱ ⲛⲛⲏ ⲉϯϫⲓ ⲛⲱⲛϧ ⲉⲧϧⲉⲛⲡⲭⲣⲓⲥⲧⲟⲥ ⲟⲩⲟϩ ⲛⲑⲟϥ ⲁϥⲑⲣⲓⲕⲁϯ ⲉϯⲅⲣⲁⲫⲏ ⲉⲑⲟⲩⲁⲃ ⲡⲛⲉⲩⲙⲁⲧⲓⲕⲱⲥ ⲟⲩⲟϩ ⲁϥⲧⲁⲙⲟⲓ ⲉⲛⲓϣⲃⲱ ⲛϧⲉⲗⲗⲱ ϫⲉⲟⲩ ⲛⲉ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉϩⲓⲛⲁ ⲛⲧⲉϥⲟⲩⲱⲛϩ ⲉⲃⲟⲗ ⲛϫⲉⲫⲛⲟⲃⲓ ϫⲉⲉϥⲟⲓ ⲛⲣⲉϥⲉⲣⲛⲟⲃⲓ ⲡⲓⲥⲏⲩ ⲅⲁⲣ ⲧⲏⲣϥ ⲉⲧⲁϥⲁⲓϥ ϩⲓⲡⲓⲧⲱⲟⲩ ⲁⲓⲁⲓϥ ϩⲱ ⲉⲓϣⲟⲡ ⲛϧⲏⲧϥ ⲛⲉⲙⲁϥ ⲉⲣⲉⲡⲓⲟⲩⲁⲓ ⲙⲙⲟⲛ ⲟⲣϥ ϧⲁⲣⲓ ϧⲁⲣⲟϥ ϧⲉⲛⲡⲓⲉϫⲱⲣϩ ⲛⲧⲉⲡⲥⲁⲃⲃⲁⲧⲟⲛ ⲛⲉⲙⲡⲓⲉϩⲟⲟⲩ ⲛϯⲕⲩⲣⲓⲁⲕⲏ ϣⲁⲓⲁⲓⲧⲟⲩ ϧⲁⲧⲟⲧϥ .
For it would not be the work of truth if we were to pass over in silence its marvelous deeds and progress. Rather, let those things which are useful for the edification and benefit of those who will read be written, so that praise may be given to God our savior, who grants to humans the power to perform these deeds. For He himself taught me the life that is in Christ, and he himself instructed me in the spiritual understanding of the Scriptures and in the discourses of the elders, as it is written: ‘So that sin might be revealed, for he is a sinner.’ The entire time he remained on the mountain, I too stayed with him, with our solitude shared together: I spent the night of the Sabbath and Sunday entirely with him.
bohairic.lausiac_02:2
ⲁ ⲟⲩⲁⲓ ⲟⲩⲟⲛϩϥ ϧⲉⲛⲡⲓⲧⲱⲟⲩ ⲛⲧⲉⲡⲉⲣⲛⲟⲩϫ ⲉⲩⲙⲟⲩϯ ⲉⲣⲟϥ ϫⲉⲁⲡⲁ ⲡⲁⲙⲱ ⲫⲁⲓ ⲇⲉ ⲁϥⲉⲣⲙⲁ ⲃ ⲛⲁⲃⲃⲁ ⲁⲛⲧⲱⲛⲓ ⲫⲁⲓ ⲟⲩⲛ ⲉⲧⲟⲩⲙⲟⲩϯ ⲉⲣⲟϥ ϫⲉⲁⲡⲁ ⲡⲁⲙⲱ ⲡⲓ ⲁⲗⲏⲑⲏⲛⲟⲥ ⲛⲑⲙⲏⲓ ⲫⲁⲓ ⲉⲧⲁϯⲙⲉⲧⲥⲟⲛ ⲧⲏⲣⲥ ⲉⲣⲙⲉⲑⲣⲉ ⲉⲑⲃⲉⲛⲉϥⲁⲣⲉⲧⲏ .
A certain man was seen on Mount Pernoudj, whom they called apa Pambo. He was second only to Abba Antony, and they call him apa Pamo ἀληθινόν (that is, “the truthful”), of whose virtues all the brothers bear witness.
bohairic.lausiac_01:2
ⲱⲟⲩ ⲛⲓⲁⲧⲥ ⲛⲧⲉⲕⲡⲣⲟϩⲉⲣⲉⲥⲓⲥ
Oh, how blessed is your purpose!
bohairic.lausiac_01:3
ⲥⲉⲙⲡϣⲁ ⲅⲁⲣ ⲛⲧⲁⲉⲣϩⲏⲧⲥ ⲉϯⲉⲡⲓⲥⲧⲟⲗⲏ ⲉⲃⲟⲗ ϩⲓⲧⲉⲛϯⲙⲉⲧⲛⲁⲓⲁⲧⲥ
Indeed, it is fitting that I begin the letter by proclaiming you blessed:
bohairic.lausiac_02:3
ⲫⲁⲓ ⲇⲉ ⲙⲡⲓⲧⲁϩⲟϥ ⲁⲛⲟⲕ ϧⲉⲛⲡⲁⲥⲏⲟⲩ ⲛⲓⲥⲛⲏⲟⲩ ⲇⲉ ⲡⲉ ⲉⲧⲁⲩⲫⲓⲣⲓ ⲛⲉⲙⲏⲓ ⲉⲑⲃⲏⲧϥ ϫⲉⲡⲁⲓⲣⲱⲙⲓ ⲉⲧⲉⲙⲙⲁⲩ ⲛⲧⲉϥϫⲉⲙⲉⲑⲛⲟⲩϫ ⲉⲛⲉϩ ⲟⲩⲇⲉ ⲟⲛ ⲙⲡⲉϥⲉⲣⲛⲟⲃⲓ ϧⲉⲛⲡⲉϥⲗⲁⲥ ⲉⲡⲧⲏⲣϥ ⲓⲥϫⲉⲛ ⲉⲧⲁϥⲉⲣⲙⲟⲛⲁⲭⲟⲥ ⲟⲩⲇⲉ ⲟⲩⲁⲛⲁϣ ⲟⲩⲇⲉ ⲟⲩⲥⲁϩⲟⲩⲓ ⲙⲡⲟⲩⲓ ⲉⲃⲟⲗ ϧⲉⲛⲣⲱϥ ⲟⲩⲇⲉ ⲙⲡⲉϥϫⲉⲟⲩⲥⲁϫⲓ ⲉⲛⲉϩ ⲥⲁⲃⲟⲗ ⲛϯⲭⲣⲓⲁ .
I did not meet him in my time, but the brothers told me that this man had never lied, nor spouted evil from his mouth, nor, since becoming a monk, taken an oath nor cursed, nor had he spoken a word unless it was necessary.
bohairic.lausiac_03:3
ϩⲓⲛⲁ ⲛⲧⲉϣⲧⲉⲙⲟⲩⲁⲓ ⲙⲉⲩⲓ ⲉⲣⲟⲓ ϫⲉⲉⲓϣⲟⲩϣⲟⲩ ⲉϫⲱϥ ⲓⲉ ⲉⲓϯϩⲙⲟⲧ ⲛⲁϥ ϯϯ ⲙⲡⲭⲣⲓⲥⲧⲟⲥ ⲙⲙⲉⲑⲣⲉ ⲉⲣⲟⲓ ϫⲉⲡϩⲟⲩⲟ ⲛⲧⲉⲛⲉϥⲁⲣⲉⲧⲏ ⲁⲓⲛⲁⲩ ⲛⲁⲓ ⲉϯⲛⲁⲥϧⲏⲧⲟⲩ ⲛⲱⲧⲉⲛ ⲉⲟⲩϩⲏⲟⲩ ⲛⲛⲏ ⲉⲑⲛⲁⲱϣ ⲙⲙⲱⲟⲩ ⲛⲉⲙⲛⲏ ⲉⲑⲛⲁⲥⲱⲧⲉ ⲉⲣⲱⲟⲩ ⲛⲥⲉϯⲱⲟⲩ ⲙⲡⲭⲣⲓⲥⲧⲟⲥ ⲫⲏ ⲉⲧϯϫⲟⲙ ⲛⲛⲉϥⲉⲃⲓⲁⲓⲕ ⲉⲑⲣⲟⲩⲓⲣⲓ ⲙⲡⲉⲑⲣⲁⲛⲁϥ ⲁⲛⲟⲕ ϩⲱ ⲛⲧⲁⲉⲣⲡⲉⲙⲡϣⲁ ⲛⲧⲁⲧⲁⲙⲱⲧⲉⲛ ϫⲉⲓⲥϫⲉⲛ ⲧⲉϥⲁⲣⲭⲏ ⲡⲱⲥ ϣⲁⲧⲉϥⲓ ⲉⲛⲁⲓϣⲓ ⲛⲉⲙⲛⲁⲓⲛⲓϣϯ ⲛⲁⲥⲕⲩⲥⲓⲥ ϣⲁⲧⲉϥϫⲉⲕⲝ ⲛⲣⲟⲙⲡⲓ ⲟⲩⲟϩ ⲡⲁⲓⲣⲏϯ ⲁϥⲙⲧⲟⲛ ⲙⲙⲟϥ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉϧⲉⲛⲟⲩⲕⲟⲩϫⲓ ⲛⲥⲏⲟⲩ ϥϫⲱⲕ ⲛⲟⲩⲙⲏϣ ⲛⲣⲟⲙⲡⲓ ⲉⲃⲟⲗ .
But lest anyone should think that I ascribe glory to him or offer him praise, I call Christ as my witness that I saw most of his virtues with my own eyes, and that the miracles he performed were not done for his own glory, but for the benefit of those who will read or hear of them, so that they may praise Christ, who gives power to his servants and fulfills His will in them. Would that I were also worthy to teach you these things—namely, how he progressed from his beginning to this perfection and great asceticism, completing sixty years, and then rested, as it is written, ‘In a short time, he fulfilled many years.’
bohairic.lausiac_01:4
ϫⲉⲟⲩⲏⲓ ⲅⲁⲣ ⲉⲣⲉⲟⲩⲟⲛ ⲛⲓⲃⲉⲛ ⲉⲣⲉⲣⲱⲟⲩ ⲟⲩⲏⲛ ϧⲉⲛⲛⲓⲙⲉⲧⲉⲫⲗⲏⲟⲩ
for the mouths of all are open to vain things
bohairic.lausiac_03:4
ⲡⲁⲓⲣⲱⲙⲓ ⲟⲩⲛ ⲉⲧⲉⲛⲫⲓⲣⲓ ⲉⲣⲟϥ ⲛⲉⲟⲩⲣⲉⲙ ⲡⲟⲛⲧⲟⲥ ⲡⲉ ϧⲉⲛⲡⲉϥϣⲗⲟⲗ ⲁϥⲉⲣϣⲏⲣⲓ ⲛⲟⲩⲡⲣⲉⲥⲃⲩⲧⲉⲣⲟⲥ ⲛⲧⲉϯⲓⲃⲏⲣⲓⲁ ⲫⲁⲓ ⲉⲧⲁⲡⲓⲙⲁⲕⲁⲣⲓⲟⲥ ⲃⲁⲥⲓⲗⲓⲟⲥ ⲡⲓⲉⲡⲓⲥⲕⲟⲡⲟⲥ ⲛⲧⲉⲕⲁⲡⲡⲁⲇⲟⲕⲓⲁ ⲁⲓϥ ⲙⲡⲣⲉⲥⲃⲩⲧⲉⲣⲟⲥ ⲉϯⲉⲕⲕⲗⲏⲥⲓⲁ ⲑⲏ ⲉⲧϧⲉⲛⲛⲓⲁⲣⲅⲁⲓⲟⲥ ⲟⲩⲟϩ ⲙⲉⲛⲉⲛⲥⲁⲑⲣⲉϥⲙⲟⲩ ⲛϫⲉⲡⲓⲁⲅⲓⲟⲥ ⲃⲁⲥⲓⲗⲓⲟⲥ ⲡⲓⲉⲡⲓⲥⲕⲟⲡⲟⲥ ⲛⲉⲡⲉϥⲓⲱⲧ ⲕⲁⲧⲁⲫⲛⲟⲩϯ ⲡⲓⲡⲣⲉⲥⲃⲩⲧⲉⲣⲟⲥ ⲁϥⲓ ⲛϫⲉⲉⲩⲁⲅⲣⲓ ⲉⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ⲉϥϫⲏⲕ ⲛⲥⲃⲱ ⲛⲉⲁϥϣⲱⲡⲓ ⲅⲁⲣ ⲡⲉ ⲉϥⲙⲟϣⲓ ⲛⲥⲁⲛⲓϣⲉ ⲛⲧⲁⲧⲥⲓ ⲛⲧⲉⲡⲓⲁⲅⲓⲟⲥ ⲃⲁⲥⲓⲗⲓⲟⲥ ⲫⲁⲓ ⲇⲉ ⲁϥⲧⲟⲙϥ ⲉⲅⲣⲏⲅⲟⲣⲓⲟⲥ ⲡⲓⲉⲡⲓⲥⲕⲟⲡⲟⲥ ⲛⲧⲉⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ⲟⲩⲟϩ ⲉⲧⲁϥⲛⲁⲩ ⲉⲧⲉϥⲥⲃⲱ ⲛⲉⲙⲡⲉϥⲕⲁϯ ϫⲉⲛⲁⲛⲉϥ ⲁϥⲁⲓϥ ⲛⲇⲓⲁⲕⲱⲛ ϫⲉⲟⲩⲏⲓ ⲅⲁⲣ ⲛⲉ ⲟⲩⲣⲱⲙⲓ ⲡⲉ ⲛⲥⲟⲫⲟⲥ ⲉϥⲁⲙⲟⲛⲓ ⲛⲧⲟⲧϥ ⲥⲁⲃⲟⲗ ⲛⲛⲓⲡⲟⲑⲟⲥ ⲟⲩⲟϩ ⲉϥⲟⲓ ⲛⲇⲓⲁⲕⲱⲛ ⲛⲁⲧⲁⲣⲓⲕⲓ ⲛⲉ ⲁϥⲓ ⲅⲁⲣ ϩⲱϥ ⲡⲉ ⲉⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ⲛⲉⲙⲛⲉⲛⲓⲟϯ ⲛⲉⲡⲓⲥⲕⲟⲡⲟⲥ ϧⲉⲛⲡⲥⲏⲟⲩ ⲛϯⲥⲩⲛⲟⲇⲟⲥ ⲉⲧⲁⲥϣⲱⲡⲓ ϧⲉⲛⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ⲟⲩⲟϩ ⲛⲑⲟϥ ⲁϥϭⲣⲟ ⲉⲛⲓϩⲉⲣⲉⲧⲓⲕⲟⲥ ⲧⲏⲣⲟⲩ .
This man, of whom we speak, was of Pontic descent. He was the son of a presbyter from Iberia, whom Saint Basil, bishop of Cappadocia, ordained as a presbyter over the city near Arkeus. When blessed Basil died, Evagrius went to Constantinople, following his father, who was also a presbyter serving God. Evagrius, full of wisdom, followed in the footsteps of Saint Basil. He attached himself to Gregory, bishop of Constantinople, who, seeing his insight and understanding, which were truly good, ordained him as a deacon. For he was indeed a wise man, abstinent in his passions and an irreproachable deacon. He went to Constantinople along with our holy bishops, at the time when the synod was held in Constantinople. He surpassed all the heretics.
bohairic.lausiac_02:4
ⲛⲉⲟⲩⲟⲛⲧⲉϥ ⲟⲩⲥϩⲓⲙⲓ ⲙⲙⲁⲩ ⲡⲉ ⲛⲉⲙϣⲏⲣⲓ ⲃ ⲛⲁⲓ ⲇⲉ ⲙⲡⲟⲩϯⲙⲁϯ ⲛⲑⲱⲟⲩ ⲉⲑⲣⲟⲩⲉⲣⲙⲟⲛⲁⲭⲟⲥ . ⲉⲧⲁϥⲓ ⲇⲉ ⲉⲛⲓⲥⲛⲏⲟⲩ ⲁϥϣⲉ ⲛⲁϥ ⲁϥⲉⲣⲁⲡⲁⲛⲧⲁⲛ ⲉⲟⲩϧⲉⲗⲗⲟ ⲡⲉϫⲁϥ ⲛⲁϥ ϫⲉⲙⲁⲧⲥⲁⲃⲟⲓ ⲉⲟⲩⲯⲁⲗⲙⲟⲥ . ⲛⲉ ⲟⲩⲁⲧⲥϧⲁⲓ ⲅⲁⲣ ⲡⲉ .
He had a wife and two sons who did not want to become monks. When he had come to the brothers, he approached an elder and said to him: “Teach me a psalm”; for he was illiterate.
bohairic.lausiac_02:5
ⲟⲩⲟϩ ⲡⲓϧⲉⲗⲗⲟ ⲉⲣϩⲏⲧⲥ ⲛϯ ⲉⲧⲟⲧϥ ϧⲉⲛⲡⲁⲓⲯⲁⲗⲙⲟⲥ ϫⲉⲁⲓϫⲟⲥ ϫⲉϯⲛⲁⲁⲣⲉϩ ⲉⲛⲁⲙⲱⲓⲧ ϩⲓⲛⲁ ⲛⲧⲁϣⲧⲉⲙⲉⲣⲛⲟⲃⲓ ϧⲉⲛⲡⲁⲗⲁⲥ . ⲟⲩⲟϩ ⲉⲧⲁ ⲡⲓϧⲉⲗⲗⲟ ϫⲉϯϩⲟⲩⲓϯ ⲛⲗⲉⲝⲓⲥ ⲛⲁϥ ⲛⲁϥⲧⲁϩⲛⲟ ⲙⲙⲟϥ ⲡⲉ ⲉϥϫⲱ ⲙⲙⲟⲥ ϫⲉⲡⲁⲓⲱⲧ ⲉⲃⲏⲗ ⲛⲧⲁϭⲓⲥⲃⲱ ⲉϯϩⲟⲩⲓϯ ⲛⲗⲉⲝⲓⲥ ϯⲛⲁϭⲓ ⲛϯⲙⲁϩⲥⲛⲟⲩϯ ⲁⲛ .
The elder began to teach him this psalm: “I said: I will guard my ways, so that I may not sin with my tongue;” And when the elder had recited the earlier words, he restrained him, saying: “My father, unless I learn the first verse, I will not study the second.”
bohairic.lausiac_01:5
ⲟⲩⲟϩ ⲛⲁⲓ ⲥⲉⲕⲱⲧ ⲛϩⲁⲛⲏⲓ ⲛⲱⲟⲩ ⲛⲏ ⲉⲧⲉⲙⲡⲟⲩϯϩⲏⲟⲩ ⲛⲱⲟⲩ
and building houses for themselves which they do not enjoy.
bohairic.lausiac_03:5
ⲛⲑⲟϥ ⲇⲉ ⲟⲩⲛ ⲡⲁⲓ ⲉⲩⲁⲅⲣⲓ ⲛⲉⲙⲛⲉⲕⲧⲁⲣⲓⲟⲥ ⲡⲓⲉⲡⲓⲥⲕⲟⲡⲟⲥ ⲉⲩϩⲓⲟⲓ ⲛⲉⲙⲛⲟⲩⲉⲣⲏⲟⲩ ⲛϩⲟ ⲟⲩⲃⲉϩⲟ ϫⲉⲟⲩⲏⲓ ⲛⲑⲟϥ ⲛⲁϥⲣⲏⲥ ⲡⲉ ϧⲉⲛⲛⲓⲅⲣⲁⲣⲏ ⲉⲙⲁϣⲱ ⲟⲩⲟϩ ⲛⲁⲣⲉⲡⲉϥⲕⲁϯ ⲥⲉⲃⲧⲱⲧ ⲡⲉ ⲉⲥⲟϩⲓ ⲛⲛⲓϩⲉⲣⲉⲧⲓⲕⲟⲥ ⲧⲏⲣⲟⲩ ϧⲉⲛⲧⲉϥⲥⲟⲫⲓⲁ . ⲁϥϣⲱⲡⲓ ⲟⲩⲛ ⲉϥⲟⲓ ⲛⲥⲟⲩⲓⲛ ϧⲉⲛⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ϫⲉⲁϥϯ ⲟⲩⲃⲉⲛⲓϩⲉⲣⲉⲧⲓⲕⲟⲥ ϧⲉⲛⲟⲩⲙⲉⲧϫⲱⲣⲓ ⲛⲉⲙϩⲁⲛⲥⲁϫⲓ ⲉⲩⲫⲉⲣⲓⲱⲟⲩ ⲉⲣⲉϯⲃⲁⲕⲓ ⲧⲏⲣⲥ ϯⲱⲟⲩ ⲛⲁϥ ⲉⲙⲁϣⲱ ⲙⲉⲛⲉⲛⲥⲁⲧⲁⲓⲥⲃⲱ ⲧⲏⲣⲥ ⲭⲟⲩⲱϣ ⲉⲑⲃⲉϯⲙⲉⲧϭⲁⲥⲓϩⲏⲧ ⲉⲧⲁⲥϣⲱⲡⲓ ⲙⲙⲟϥ ⲁϥϩⲉⲓ ⲉⲧⲟⲧϥ ⲙⲡⲓⲇⲁⲓⲙⲱⲛ ⲛⲧⲉϯⲉⲡⲓⲑⲩⲓⲁ ⲛⲧⲉⲛⲓϩⲓⲟⲓ ϧⲉⲛⲟⲩⲙⲉⲩⲓ ⲕⲁⲧⲁⲫⲣⲏϯ ⲉⲧⲁϥⲧⲁⲙⲟⲛ ⲛⲑⲟϥ ⲉⲫⲁⲓ ⲙⲉⲛⲉⲛⲥⲁⲟⲩⲥⲏⲟⲩ ϩⲟⲧⲉ ⲉⲧⲁϥⲉⲣⲣⲉⲙϩⲉ ⲉⲃⲟⲗ ϩⲁⲡⲓⲡⲁⲑⲟⲥ .
Therefore, Evagrius and Nectarius the bishop disputed face to face with each other, for Evagrius was very vigilant in the Scriptures and prepared by his own wisdom and understanding to refute all heretics. Thus, throughout the entire city of Constantinople, he was renowned for boldly combating the heretics with splendid words, and the entire populace attributed much praise to him. After all this knowledge, however, because of the pride he possessed, the demon of feminine desire ensnared him in thought. But just as he later escaped the passions, he taught us these things.
bohairic.lausiac_03:6
ⲛⲉⲁϯⲕⲉⲥϩⲓⲙⲓ ⲅⲁⲣ ϩⲱⲥ ⲡⲉ ⲙⲉⲛⲣⲓⲧϥ ⲉⲙⲁϣⲱ ⲛⲁϥⲉⲣϩⲟϯ ⲅⲁⲣ ⲡⲉ ⲛϫⲉⲉⲩⲁⲅⲣⲓ ϧⲁⲧϩⲏ ⲙⲫⲛⲟⲩϯ ⲙⲡⲉϥⲉⲣⲛⲟⲃⲓ ⲛⲉⲙⲁⲥ ϫⲉⲟⲩⲏⲓ ⲅⲁⲣ ϯⲥϩⲓⲙⲓ ⲟⲩⲥϩⲓⲙⲓ ϧⲁϩⲁⲓ ⲧⲉ ⲟⲩⲟϩ ⲛⲑⲟϥ ϩⲱϥ ⲁϥⲁⲣⲉϩ ⲉⲧⲉϥⲥⲩⲛⲏⲇⲏⲥⲓⲥ ⲉⲑⲃⲉϫⲉⲛⲉⲫⲁⲟⲩⲛⲓϣϯ ⲛⲅⲉⲛⲟⲥ ⲡⲉ ⲉϥⲧⲁⲓⲏⲟⲩⲧ ⲉⲙⲁϣⲱ ⲟⲩⲟϩ ⲟⲛ ⲁϥⲙⲟⲕⲙⲉⲕ ⲛϧⲣⲏⲓ ⲛϧⲏⲧϥ ⲉⲑⲃⲉⲑⲙⲁⲓⲏ ⲙⲡⲓϣⲓⲡⲓ ⲛⲉⲙⲡⲓⲛⲟⲃⲓ ⲛⲉⲙⲡⲓϩⲁⲡ ⲟⲩⲟϩ ϫⲉⲥⲉⲛⲁⲣⲁϣⲓ ⲙⲙⲟϥ ⲛϫⲉⲛⲓϩⲉⲣⲉⲥⲓⲥ ⲧⲏⲣⲟⲩ ⲉⲧⲁϥⲑⲉⲃⲓⲱⲟⲩ ⲁϥϯϩⲟ ⲇⲉ ⲉⲫⲛⲟⲩϯ ϧⲉⲛⲟⲩϭⲱⲗⲕ ⲉϥⲧⲱⲃϩ ϫⲉⲛⲧⲉϥⲉⲣⲃⲟⲏⲑⲓⲛ ⲉⲣⲟϥ ⲉⲃⲟⲗ ϧⲉⲛⲡⲓⲡⲁⲑⲟⲥ ⲛⲉⲙⲡⲓⲡⲟⲗⲉⲙⲟⲥ ⲉⲧⲭⲏ ϩⲓϫⲱϥ ϫⲉⲟⲩⲏⲓ ⲅⲁⲣ ⲛⲉⲁϯⲥϩⲓⲙⲓ ϣⲱⲡⲓ ⲉⲥⲙⲏⲛ ⲉⲣⲟϥ ⲡⲉ ϧⲉⲛⲡⲉϥⲗⲓⲃⲓ ϣⲁⲧⲉⲥⲉⲣⲥⲣⲟϩ ⲛⲁϥⲟⲩⲱϣ ⲉⲫⲱⲧ ⲛⲧⲟⲧⲥ ⲡⲉ ⲟⲩⲟϩ ⲛⲁϥϫⲓⲛⲓ ⲙⲡⲓⲥⲁⲕ ⲁⲛ ⲡⲉ ϫⲉⲟⲩⲏⲓ ⲛⲁⲣⲉⲛⲉϥⲙⲉⲩⲓ ⲥⲟⲛϩ ⲡⲉ ⲉϯϩⲩⲇⲟⲛⲏ ϩⲱⲥ ⲁⲗⲟⲩ . ⲙⲡⲉϥⲱⲥⲕ ⲇⲉ ⲛϫⲉⲡⲓⲛⲁⲓ ⲛⲧⲉⲫⲛⲟⲩϯ ⲉⲧⲁϩⲟϥ ⲁⲗⲗⲁ ϩⲓⲧⲉⲛⲛⲉϥϯϩⲟ ⲛⲉⲙⲧⲉϥⲧⲱⲃϩ ⲁϥⲓ ϣⲁⲣⲟϥ ⲛⲭⲱⲗⲉⲙ ⲁϥϯⲛⲟⲙϯ ⲛⲁϥ ⲉⲃⲟⲗ ϩⲓⲧⲉⲛⲟⲩϭⲱⲣⲡ ⲉⲃⲟⲗ ⲙⲡⲁⲧⲉϩⲗⲓ ⲙⲡⲉⲧϩⲱⲟⲩ ⲧⲁϩⲟϥ ⲛⲉⲙϯⲥϩⲓⲙⲓ . ⲁⲡⲑⲉⲟⲥ ⲟⲩⲱⲣⲡ ⲛϩⲁⲛⲁⲅⲅⲉⲗⲟⲥ ϣⲁⲣⲟϥ ϧⲉⲛⲟⲩϫⲓⲛⲛⲁⲩ ⲛⲧⲉⲛⲓⲉϫⲱⲣϩ ⲉⲩⲭⲏ ϧⲉⲛϩⲁⲛⲥⲃⲱ ⲉⲩⲫⲉⲣⲓⲱⲟⲩ ⲙⲡⲓⲥⲙⲟⲧ ⲛϩⲁⲛⲙⲁⲧⲟⲓ ⲛⲧⲉⲡⲓⲉⲡⲁⲣⲭⲟⲥ ⲟⲩⲟϩ ⲁⲩⲧⲁϩⲟϥ ⲁⲩϩⲟⲗⲙⲉϥ ⲙⲫⲣⲏϯ ϫⲉⲉⲩⲱⲗⲓ ⲙⲙⲟϥ ⲉⲫⲙⲁ ⲙⲡⲓⲇⲓⲕⲁⲥⲧⲏⲥ ϩⲱⲥ ϫⲉⲁⲩⲥⲟⲛϩϥ ⲛⲉⲙϩⲁⲛⲕⲉⲥⲓⲛⲱⲟⲩⲓ ϧⲉⲛϩⲁⲛⲥⲓⲣⲁ ⲉⲁⲩϯⲕⲟⲗⲗⲁⲣⲓⲟⲛ ⲉϧⲏⲧϥ ⲛⲉⲙϩⲁⲛⲡⲉⲇⲏⲥ ⲉⲩⲟⲓ ⲙⲫⲣⲏϯ ϫⲉⲉⲧⲁⲩⲓ ⲛⲥⲱϥ ⲁⲗⲗⲁ ⲙⲡⲟⲩⲧⲁⲙⲟϥ ⲉϯⲉⲧⲓⲁ ϫⲉⲟⲩⲧⲉ ⲓⲉ ϫⲉⲉⲩⲁⲙⲟⲛⲓ ⲙⲙⲟϥ ⲉⲑⲃⲉⲁϣ ⲛϩⲱⲃ . ⲛⲑⲟϥ ⲇⲉ ⲁϥⲙⲉⲩⲓ ϧⲉⲛⲡⲉϥϩⲏⲧ ϫⲉⲉⲧⲁⲩⲓ ⲛⲥⲱϥ ⲉⲑⲃⲉⲡⲓϩⲱⲃ ⲉⲧⲧⲏ ⲉϥⲙⲉⲩⲓ ϫⲉⲉⲧⲁⲡⲉⲥⲣⲱⲙⲓ ⲥⲉⲙⲓ ⲉⲣⲟϥ ⲉⲡⲓⲉⲡⲁⲣⲭⲟⲥ .
For a certain woman greatly loved him. But since Evagrius truly feared God, he did not sin with her, for the woman was married, and he guarded his own conscience, because the woman's husband was a man of great and most honorable lineage. Evagrius thought about his immunity to disgrace, about sin, judgment, and the joy with which heretics rejoiced after being confounded by him. He therefore prayed to God, ceaselessly imploring Him to aid him in his struggle against his passions in the battle imposed upon him. When the woman’s desire clung to him and persisted until he might succumb, he wished to flee her, but he could not find the strength. For his thoughts, like those of a child, were bound by pleasure. But divine mercy did not delay in seizing him; the grace of his prayers and supplications quickly came to him and gave him strength through a vision. Before anything evil happened with the woman, the Lord sent angels to him in a nighttime vision, dressed in splendid garments like the guards of an eparch. They seized him and dragged him away like one being led to judgment. They bound him, as with thieves, in a prison with other criminals, placing collars and shackles on him, though he knew not why they had taken him or what the cause was. He then realized that this was happening to him because he had considered, even in thought, standing before the eparch—the husband of the woman.
bohairic.lausiac_01:6
ⲛⲑⲟⲕ ⲇⲉ ϯⲛⲟⲩ ⲉⲕⲕⲱϯ ϫⲉⲛⲧⲟⲩϯⲥⲃⲱ ⲛⲁⲕ ϧⲉⲛⲛⲓⲥⲁϫⲓ ⲉⲑⲟⲩⲁⲃ ⲛⲧⲉⲡⲉⲕⲓⲱⲧ ⲛⲧⲁⲫⲙⲏⲓ ϫⲉⲟⲩⲏⲓ ⲙⲙⲟⲛ ϩⲗⲓ ⲉϥⲟⲓ ⲛⲁⲧϭⲓⲥⲃⲱ ⲉⲃⲏⲗ ⲉⲡⲓⲟⲩⲁⲓ ⲙⲙⲁⲩⲁⲧϥ ⲫⲛⲟⲩϯ ⲛⲧⲉⲡⲓⲉⲡⲧⲏⲣϥ ⲉⲧⲉϯⲧⲣⲓⲁⲥ ⲉⲑⲟⲩⲁⲃ ⲛⲟⲙⲟⲟⲩⲥⲓⲟⲥ ⲧⲉ
But you now desire to be taught the truly just words of your holy father. For no one is untaught, except for the one who is the God of all things, that is, the holy and consubstantial Trinity;
bohairic.lausiac_02:6
ⲟⲩⲟϩ ⲉⲧⲁϥϣⲉ ⲛⲁϥ ⲉⲧⲉϥⲣⲓ ⲛϫⲉⲁⲃⲃⲁ ⲡⲁⲙⲱ ⲁϥⲉⲣⲏ ⲛⲣⲟⲙⲡⲓ ⲉϥⲉⲣⲁⲥⲕⲓⲛ ⲉⲡⲓⲥⲁϫⲓ ⲉⲧⲁϥϭⲓⲥⲃⲱ ⲉⲣⲟϥ ⲛⲁϥⲉⲣⲁⲡⲁⲛⲧⲁⲛ ⲅⲁⲣ ⲉⲣⲱⲙⲓ ⲁⲛ ⲡⲉ ⲉϥϫⲱ ⲙⲙⲟⲥ ϫⲉⲉⲃⲏⲗ ⲛⲧⲁϫⲫⲟ ⲙⲡⲁⲗⲁⲥ ⲛϣⲟⲣⲡ ⲛϯⲛⲁⲉⲣⲁⲡⲁⲛⲧⲁⲛ ⲉⲣⲱⲙⲓ ⲁⲛ ⲙⲏⲡⲱⲥ ⲛⲧⲁϩⲉⲓ ϧⲉⲛⲡⲁⲗⲁⲥ .
And when Abba Pamo had returned to his cell, he spent eight years so that he might accomplish through his actions what he had learned in words. For he would not go to anyone, saying: Unless I first master my tongue, I will not approach anyone, lest my tongue should cause me to fall.
bohairic.lausiac_02:7
ⲙⲉⲛⲉⲛⲥⲁⲏ ⲛⲣⲟⲙⲡⲓ ⲁϥϣⲉ ⲛⲁϥ ⲁϥϩⲓⲕⲟⲧ ⲉⲡⲓϧⲉⲗⲗⲟ ⲫⲏ ⲉⲧⲁϥϯ ⲙⲡⲓⲯⲁⲗⲙⲟⲥ ⲉⲧⲟⲧϥ . ⲡⲉϫⲉ ⲡⲓϧⲉⲗⲗⲟ ⲛⲁϥ ϫⲉⲡⲁⲙⲱ ⲉⲑⲃⲉⲟⲩ ϣⲁⲫⲟⲟⲩ ⲙⲡⲉⲛⲛⲁⲩ ⲉⲣⲟⲕ ⲡⲱⲥ ⲙⲡⲉⲕⲓ ⲉϭⲓ ⲙⲡⲓⲯⲁⲗⲟⲥ . ⲡⲉϫⲉ ⲁⲡⲁ ⲡⲁⲙⲱ ⲛⲁϥ ϫⲉⲉⲡⲓⲇⲏ ⲙⲡⲓϯⲥⲃⲱ ⲉⲡⲓϩⲟⲩⲓⲧ ⲛⲥⲧⲩⲭⲟⲥ ⲙⲡⲓⲧⲁⲥⲑⲟⲓ ⲉⲣⲟⲕ ⲉϭⲓ ⲙⲡⲓⲙⲁϩⲃ ⲉⲡⲓⲇⲏ ⲙⲡⲉⲫⲛⲟⲩϯ ϯ ⲙⲡⲓϩⲙⲟⲧ ⲛⲏⲓ ϣⲁϯⲛⲟⲩ ⲉⲑⲣⲓⲥⲁⲃⲟ ⲉⲣⲟϥ ⲟⲩⲟϩ ⲛⲧⲁϣⲧⲉⲙⲉⲣ ⲙⲫⲣⲏϯ ϫⲉⲉⲓⲉⲣⲕⲁⲧⲁⲫⲣⲟⲛⲓⲛ ⲙⲙⲟⲕ ⲁⲓⲓ ϣⲁⲣⲟⲕ ⲡⲁⲓⲱⲧ ⲉϣⲱⲡ ⲅⲁⲣ ⲁⲓϣⲁⲛⲥⲁⲃⲟ ⲉⲡⲓⲥⲧⲩⲭⲟⲥ ⲛϩⲟⲩⲓⲧ ϯⲛⲁⲓ ϩⲁⲣⲟⲕ ⲟⲛ .
After spending eight years, he returned to the elder from whom he had first learned the verse, and the elder said to him: “Pamo, why have I not seen you until now? Have you not yet learned the psalm?” Apa Pamo replied: “Since I have not learned the first verse, I have not come to you to learn the second, for until now God has not granted me to learn it. And so, lest I seem to despise you, father, I have come to you. But when I recite this first verse, I will come to you again.”
bohairic.lausiac_01:7
ⲉⲡⲓⲇⲏ ⲥϣⲟⲡ ⲙⲁⲩⲁⲧⲥ
for it alone exists,
bohairic.lausiac_03:7
ⲗⲟⲓⲡⲟⲛ ⲁϥϣⲱⲡⲓ ⲉϥⲧⲟⲙⲧ ⲉⲃⲟⲗ ⲉⲙⲁϣⲱ ⲡⲓⲁⲅⲅⲉⲗⲟⲥ ⲇⲉ ϩⲱϥ ⲫⲏ ⲉⲧⲁϥⲟⲩⲱⲛϩ ⲉⲣⲟϥ ⲁϥϣⲟⲡⲧϥ ⲉⲭⲉⲣⲉⲃ ⲙⲡⲉϥⲙⲑⲟ ⲉⲁϥⲉⲣ ⲙⲫⲣⲏϯ ⲛⲟⲩⲁⲓ ⲛⲛⲉϥϣⲫⲏⲣ ⲉⲁϥⲓ ⲉϫⲉⲛⲡⲉϥϣⲓⲛⲓ ⲉϯⲛⲟⲙϯ ⲛⲁϥ ⲡⲉϫⲁϥ ⲛⲁϥ ⲉϥⲥⲟⲛϩ ⲛⲉⲙⲛⲓⲥⲓⲛⲱⲟⲩⲓ ϫⲉⲉⲩⲁⲙⲟⲛⲓ ⲙⲙⲟⲕ ⲉⲑⲃⲉⲟⲩ ⲡⲁⲑⲉⲟⲥ ⲡⲓⲇⲓⲁⲕⲱⲛ . ⲡⲉϫⲁϥ ⲛⲁϥ ϫⲉϯⲙⲉⲑⲙⲏⲓ ϯⲉⲙⲓ ⲉⲣⲟⲥ ⲁⲛ ⲡⲁⲙⲉⲩⲓ ⲇⲉ ϫⲱ ⲙⲙⲟⲥ ⲛⲏⲓ ϫⲉⲡⲁⲫⲙⲁⲛ ⲛⲣⲱⲙⲓ ⲁϥⲥⲉⲙⲓ ⲉⲣⲟⲓ ⲙⲏⲡⲱⲥ ⲉⲧⲁⲟⲩⲭⲟϩ ⲙⲙⲉⲧⲁⲧⲕⲁϯ ⲕⲓⲙ ⲉⲣⲟϥ ϯⲉⲣϩⲟϯ ⲟⲩⲛ ⲙⲏⲡⲱⲥ ⲉⲧⲁϥϯ ⲛϩⲁⲛⲭⲣⲏⲙⲁ ⲙⲡⲓⲇⲓⲕⲁⲥⲧⲏⲥ ⲛⲧⲉϥⲧⲁⲕⲟⲓ ⲛⲭⲱⲗⲉⲙ ϧⲉⲛⲟⲩϭⲓ ⲛϫⲟⲛⲥ .
He was utterly astonished by these things. The angel who appeared to him changed his appearance and, in his presence, became like one of his friends who had come to comfort and encourage him. When the angel saw him bound with the criminals, he said to him: ‘Why have you been arrested, my deacon?’ He replied: ‘Truly, I do not know; but my mind tells me that I have accused a certain man, moved by jealousy. Therefore, fear lest he give silver to the judge and I perish here violently.'
bohairic.lausiac_02:8
ⲟⲩⲟϩ ⲉⲧⲁϥϩⲱⲗ ⲟⲛ ⲉⲧⲉϥⲣⲓ ⲁϥⲉⲣⲕⲉⲓ ⲛⲣⲟⲙⲡⲓ ⲙⲡⲉϥⲉⲣ . ⲁⲡⲁⲛⲧⲁⲛ ⲉϩⲗⲓ . ⲁϥϣⲱⲡⲓ ⲟⲩⲛ ϧⲉⲛⲡⲁⲓⲧⲱⲟⲩ ⲛϫⲉⲡⲓⲙⲁⲕⲁⲣⲓⲟⲥ ⲁⲃⲃⲁ ⲡⲁⲙⲱ ⲫⲏ ⲉⲧⲁϥϯⲥⲃⲱ ⲛⲁⲃⲃⲁ ⲇⲓⲟⲥⲕⲟⲣⲟⲥ ⲡⲓⲉⲡⲓⲥⲕⲟⲡⲟⲥ ⲛⲉⲙⲁⲃⲃⲁ ⲁⲙⲱⲛ ⲛⲉⲙⲁⲃⲃⲁ ⲓⲱⲁⲛⲛⲏⲥ ⲡϣⲏⲣⲓ ⲙⲡⲥⲟⲛ ⲛⲁⲃⲃⲁ ⲇⲣⲁⲕⲟⲛϯ ⲡⲓⲉⲡⲓⲥⲕⲟⲡⲟⲥ ⲛⲧⲉⲡⲧⲓⲙⲓ ⲛϩⲱⲣ . ⲡⲁⲓ ⲁⲃⲃⲁ ⲡⲁⲙⲱ ⲇⲉ ⲛⲉ ⲟⲩⲣⲱⲙⲓ ⲡⲉ ⲛϭⲓ ϣⲫⲏⲣⲓ ⲙⲙⲟϥ ⲛⲉϥⲁⲣⲉⲧⲏ ⲅⲁⲣ ⲛⲉⲙⲛⲉϥⲧⲁϩⲟ ⲉⲣⲁⲧⲟⲩ ϩⲁⲛⲛⲓϣϯ ⲛⲉ ⲡϩⲟⲩⲟ ⲇⲉ ⲙⲡⲓϫⲓ ⲛϭⲓ ϣⲫⲏⲣⲓ ⲙⲙⲟϥ ⲛⲧⲁϥ ⲫⲁⲓ ⲡⲉ ⲉϥⲙⲟⲥϯ ⲙⲡⲓⲛⲟⲩⲃ ⲛⲉⲙⲡⲓϩⲁⲧ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ⲉⲑⲃⲏⲧϥ . ⲁⲥⲫⲓⲣⲓ ⲛⲉⲙⲏⲓ ⲛⲟⲩⲥⲟⲡ ⲛϫⲉϯⲙⲁⲕⲁⲣⲓⲁ ⲙⲉⲗⲁⲛⲏ ⲉⲑⲃⲏⲧϥ ϫⲉϧⲉⲛⲧⲁⲣⲭⲏ ⲙⲙⲟⲓ ⲉⲧⲁⲓⲓ ⲉⲣⲁⲕⲟϯ ⲉⲃⲟⲗ ϧⲉⲛⲣⲱⲙⲏ ⲁϥⲥⲁϫⲓ ϧⲁⲧⲟⲧ ⲛϫⲉⲁⲃⲃⲁ ⲓⲥⲓⲇⲱⲣⲟⲥ ⲡⲓⲡⲣⲉⲥⲃⲩⲧⲉⲣⲟⲥ ⲉⲑⲃⲉⲛⲓⲁⲣⲉⲧⲏ ⲛⲧⲉⲁⲃⲃⲁ ⲡⲁⲙⲱ ⲁⲛⲟⲕ ⲇⲉ ⲁⲓϯϩⲟ ⲉⲣⲟϥ ϫⲉⲛⲧⲉϥϭⲓⲙⲱⲓⲧ ϧⲁϫⲱⲓ ⲉϧⲟⲩⲛ ⲉⲛⲓϣⲁϥⲉ ⲉⲫⲙⲁ ⲛⲁⲃⲃⲁ ⲡⲁⲙⲱ ϩⲓⲛⲁ ⲛⲧⲁⲛⲁⲩ ⲉⲣⲟϥ ⲟⲩⲟϩ ⲉⲧⲁϥⲟⲗⲧ ⲉⲡⲓⲧⲱⲟⲩ ⲁϥⲥⲁϫⲓ ⲛⲉⲙⲁϥ ⲁϥⲟⲗⲧ ⲉϧⲟⲩⲛ ⲉⲡⲉϥⲙⲁ . ⲉⲧⲁⲓϩⲓⲧⲧ ⲟⲩⲛ ⲉⲡⲉⲥⲏⲧ ⲁⲓⲟⲩⲱϣⲧ ⲙⲙⲟϥ ⲁϥⲑⲣⲓϩⲉⲙⲥⲓ ⲛⲑⲟϥ ⲇⲉ ⲛⲁϥϩⲉⲙⲥⲓ ⲡⲉ ⲉϥⲉⲣϩⲱⲃ ⲉⲛⲓⲃⲏⲧ .
And when he had returned to his cell, he spent another ten years and did not visit him. Thus, on this mountain, the blessed Abba Pamo instructed Abba Dioscorus to become a bishop, as well as Abba Ammon, Abba John, and the nephew of Abba Dracontius, the bishop in the village of Hor. Therefore, Abba Pamo was a man who inspired admiration, for his virtues and practices were of the highest order. But most admirable of all was that he despised gold and silver, as it is written. Blessed Melania once told me this about him: “When I had first gone from Rome to Alexandria, Abba Isidore, the priest of Abba Pamo, recounted his virtues to me. I, in turn, entreated him with my prayers to show me the way to the desert place where Abba Pamo dwelled, so that I might see him. When he led me to the mountain and brought me to the place of that Abba, I threw myself at his feet and worshiped him. He commanded me to sit, and he himself sat, weaving palms.”
bohairic.lausiac_01:8
ⲙⲙⲟⲛ ϩⲗⲓ ϧⲁϫⲱⲥ ⲛⲧⲁⲓⲙⲉⲑⲛⲟⲩϯ ⲛⲟⲩⲱⲧ ⲧⲁⲓⲙⲉⲧⲟⲩⲣⲱ ⲛⲟⲩⲱⲧ
and nothing is more excellent than this one divinity, this one kingdom.
bohairic.lausiac_03:8
ⲡⲉϫⲉⲡⲁⲅⲅⲉⲗⲟⲥ ⲛⲁϥ ϫⲉⲓⲥϫⲉ ⲭⲛⲁⲥⲱⲧⲉⲙ ⲛⲥⲱⲓ ⲁⲛⲟⲕ ϧⲁⲡⲉⲕϣⲫⲏⲣ ⲓⲉ ⲥⲉⲣⲛⲟϥⲣⲓ ⲛⲁⲕ ⲁⲛ ϫⲉⲉϣⲱⲡⲓ ϧⲉⲛⲧⲁⲓⲃⲁⲕⲓ . ⲡⲉϫⲉⲉⲩⲁⲅⲣⲓ ⲛⲁϥ ϫⲉⲉϣⲱⲡ ⲛⲧⲉⲫⲛⲟⲩϯ ⲥⲟⲧⲧ ⲉⲃⲟⲗ ϧⲉⲛⲧⲁⲓⲁⲛⲁⲅⲕⲏ ⲟⲩⲟϩ ⲛⲧⲉⲕⲛⲁⲩ ⲉⲣⲟⲓ ϧⲉⲛⲧⲁⲓⲃⲁⲕⲓ ⲕⲱⲥⲧⲁⲛⲧⲓⲛⲟⲩⲡⲟⲗⲓⲥ ⲁϫⲟⲥ ϫⲉⲕⲁⲗⲱⲥ ⲁⲕϭⲓ ⲛⲧⲁⲓⲇⲓⲙⲱⲣⲓⲁ ⲑⲁⲓ . ⲡⲉϫⲉⲡⲓⲁⲅⲅⲉⲗⲟⲥ ⲛⲁϥ ⲉϥⲟⲓ ⲙⲫⲣⲏϯ ⲛⲟⲩϣⲫⲏⲣ ⲛⲧⲁϥ ϫⲉϯⲛⲁⲓⲛⲓ ⲛⲁⲕ ⲙⲡⲓⲉⲩⲁⲅⲅⲉⲗⲓⲟⲛ ⲱⲣⲕ ⲛⲏⲓ ϫⲉϯⲛⲁϣⲱⲡⲓ ⲁⲛ ϫⲉϧⲉⲛⲧⲁⲓⲡⲟⲗⲓⲥ ⲟⲩⲟϩ ⲭⲛⲁϥⲓⲣⲱⲟⲩϣ ϧⲁⲡⲟⲩϫⲁⲓ ⲛⲧⲉⲕⲯⲩⲭⲏ ⲁⲛⲟⲕ ϯⲛⲁⲛⲁϩⲙⲉⲕ ⲉⲃⲟⲗ ϧⲉⲛⲧⲁⲓⲁⲅⲁⲡⲏ .
The angel said to him: 'If you listen to me, your friend, surely it is not good for you to remain in this city.’ Evagrius said: ‘If God frees me from this necessity and you see me again in this city of Constantinople, say to me: 'You have deserved this punishment by right.'‘ But the angel, who had taken the form of a friend, said to him: ‘I will bring you the Gospel; swear to me: 'I will not remain in this city.' What is good for your soul, the Lord will provide, and I will free you from this necessity.’
bohairic.lausiac_03:9
ⲟⲩⲟϩ ⲁϥⲱⲣⲕ ⲛⲁϥ ⲙⲡⲁⲓⲣⲏϯ ⲉϫⲛⲡⲓⲉⲩⲁⲅⲅⲉⲗⲓⲟⲛ ϫⲉⲉⲃⲏⲗ ⲉⲟⲩⲗⲁ ⲟⲩⲁⲓ ⲛⲉϩⲟⲟⲩ ⲉϯⲛⲁⲁⲓϥ ϣⲁϯⲁⲗⲟ ⲛⲛⲁϩⲃⲱⲥ ⲉⲡⲓϫⲟⲓ ϯⲛⲁϣⲉ ⲛⲏⲓ ⲉⲃⲟⲗ ⲛϧⲏⲧⲥ . ⲥⲁⲧⲟⲧⲥ ⲇⲉ ⲉⲧⲁϥⲱⲣⲕ ⲁϥⲛⲉϩⲥⲓ ⲉⲡϣⲱⲓ ϧⲉⲛϯϫⲓ ⲛⲛⲁⲩ ⲉⲧⲁϥⲛⲁⲩ ⲉⲣⲟⲥ ϧⲉⲛⲡⲓⲉϫⲱⲣϩ ⲟⲩⲟϩ ⲡⲉϫⲁϥ ϫⲉⲕⲁⲛ ⲉϣⲱⲡ ⲉⲧⲁⲓⲱⲣⲕ ϧⲉⲛⲟⲩⲣⲁⲥⲟⲩⲓ ⲁⲗⲗⲁ ⲧⲉⲱⲥ ⲁⲓⲱⲣⲕ ⲙⲡⲓⲁⲛⲁϣ . ⲁϥⲧⲱⲛϥ ⲇⲉ ⲥⲁⲧⲟⲧϥ ⲁϥⲧⲁⲗⲟ ⲛⲛⲉϥⲥⲕⲉⲩⲟⲥ ⲛⲉⲙⲛⲉϥϩⲃⲱⲥ ⲉⲡⲓϫⲟⲓ ⲟⲩⲟϩ ⲁϥⲉⲣϩⲱⲧ ⲉϩⲓⲉⲣⲟⲩⲥⲁⲗⲏⲙ ⲟⲩⲟϩ ⲁⲥϣⲟⲡϥ ⲉⲣⲟⲥ ⲙⲙⲁⲩ ϧⲉⲛⲟⲩⲣⲁϣⲓ ⲛϫⲉϯⲙⲁⲕⲁⲣⲓⲁ ⲙⲉⲗⲁⲛⲏ ϯⲣⲱⲙⲉⲟⲥ . ⲡⲁⲗⲓⲛ ⲟⲛ ⲁⲡⲓⲇⲓⲁⲃⲟⲗⲟⲥ ϯⲛϣⲟⲧ ⲉⲡⲉϥϩⲏⲧ ⲙⲫⲣⲏϯ ⲙⲫⲁⲣⲁⲱ ⲙⲡⲓⲥⲏⲟⲩ ⲟⲩⲟϩ ⲁⲡⲉϥϩⲏⲧ ϭⲓⲥⲁⲛⲓⲥ ⲟⲩⲟϩ ⲁϥⲉⲣϩⲏⲧ ⲃ ⲟⲩⲟϩ ⲉⲃⲟⲗ ϩⲓⲧⲉⲛϯⲙⲉⲧⲁⲗⲟⲩ ⲉⲥⲃⲉⲣⲃⲉⲣ ⲛⲉⲙⲡⲓϩⲟⲩⲟ ⲛⲥⲃⲱ ⲛⲧⲉⲛⲓⲥⲁϫⲓ ⲛⲉⲙ ⲉⲃⲟⲗ ϧⲉⲛⲡⲓϫⲓ ⲛϣⲓⲃϯ ⲛⲧⲉⲛⲓϩⲃⲱⲥ ⲉⲧⲥⲁⲓⲱⲟⲩ ⲛⲟⲩⲑⲟ ⲛⲣⲏϯ ⲉϥϣⲓⲃϯ ⲛⲥⲟⲡ ⲃ ⲙⲙⲏⲛⲓ ϣⲁⲧⲉϥϩⲉⲓ ⲉϧⲣⲏⲓ ⲉⲟⲩⲙⲉⲧϭⲁⲥⲓϩⲏⲧ ⲛⲉⲙⲟⲩϩⲩⲇⲟⲛⲏ ⲛⲧⲉⲡⲓⲥⲱⲙⲁ ⲁⲗⲗⲁ ⲫⲛⲟⲩϯ ⲫⲏ ⲉⲧϣⲱϣⲧ ⲙⲡⲓⲧⲁⲕⲟ ⲉⲃⲟⲗ ϩⲁⲛⲉϥⲣⲱⲙⲓ ⲛⲥⲏⲟⲩ ⲛⲓⲃⲉⲛ ⲁϥⲓⲛⲓ ⲛⲟⲩϫⲟⲥⲉⲙ ⲛϧⲙⲟⲙ ⲛⲁⲣⲟϣ ⲉϩⲣⲏⲓ ⲉϫⲱϥ ϣⲁⲧⲉϥϭⲓⲟⲩⲛⲓϣϯ ⲛⲓⲁⲃⲓ ϣⲁⲧⲉⲧⲉϥⲥⲁⲣⲝ ϣⲙⲁ ⲙⲫⲣⲏϯ ⲛⲟⲩⲕⲁⲡ ⲑⲁⲓ ⲉⲧⲁⲥϯⲛⲁⲓϧⲓⲥⲓ ⲧⲏⲣⲟⲩ ⲛⲁϥ ϧⲉⲛⲡⲉⲧϩⲏⲡ ⲛⲧⲉⲡⲓⲡⲁⲑⲟⲥ ⲉⲧⲁⲛⲓⲥⲏⲓⲛⲓ ⲉⲣⲉⲛⲕⲁⲕⲓⲛ ⲙⲡⲟⲩϣϫⲉⲙϫⲟⲙ ⲛⲧⲁⲗϭⲟϥ .
Then he swore upon the Gospel, saying: ‘After one day, when I have placed my belongings on a ship, I will leave this city.’ As soon as he swore, he awoke from the vision he had seen during the night and said: ‘Even though I swore in a dream, still I have sworn an oath.’ He immediately rose, loaded his belongings and clothing onto a ship, and sailed to Jerusalem. Blessed Melania the Roman received him with joy. Once again, the devil hardened his heart, just as he had once hardened Pharaoh’s. His heart became wavering and conflicted: his youth luxuriated, as did his pride in words and his delight in the changes of fine clothing. He would change them twice a day, succumbing to pride and the pleasures of the body. But God, who always protects his people from ruin, sent him a fever so severe that he endured a prolonged illness, and his flesh became thin as a thread; yet all these pains afflicted him so secretly that doctors, unaware of his illness, were unable to cure him.
bohairic.lausiac_01:9
ⲛⲓⲕⲉⲭⲱⲟⲩⲛⲓ ⲧⲏⲣⲟⲩ ⲓⲧⲉ ⲛⲁⲧⲫⲉ ⲓⲧⲉ ⲛⲁⲡⲕⲁϩⲓ ϣⲁⲩⲉⲣⲭⲣⲓⲁ ⲛϯⲥⲃⲱ ⲛⲱⲟⲩ ⲉⲡⲓⲇⲏ ϩⲁⲛⲥⲱⲛⲧ ⲛⲉ ⲛⲉⲙϩⲁⲛⲑⲁⲙⲓⲟ ⲛⲧⲉⲫⲛⲟⲩϯ
All other things, whether heavenly or earthly, must necessarily be taught, since they are created things and creatures of God.
bohairic.lausiac_02:9
ⲁⲛⲟⲕ ⲇⲉ ⲁⲓⲥⲱⲟⲩⲧⲉⲛ ⲉⲃⲟⲗ ϧⲉⲛⲛⲁⲥⲕⲉⲩⲟⲥ ⲟⲩⲟϩ ⲁⲓϯ ⲛⲁϥ ⲛⲟⲩⲁⲣⲕⲏⲛⲧⲁⲣⲁ ⲛϩⲁⲧ ⲉⲟⲩⲟⲛ ⲧ ⲛⲗⲩⲧⲣⲁ ⲛϧⲏⲧϥ ⲁⲓϯϩⲟ ⲉⲣⲟϥ ϫⲉϩⲓⲛⲁ ⲛⲧⲉϥϫⲉⲙϯⲡⲓ ϩⲱϥ ⲉⲃⲟⲗ ϧⲉⲛⲡⲉⲧⲉⲛⲧⲏⲓ ⲛⲑⲟϥ ⲇⲉ ⲛⲁϥϩⲉⲙⲥⲓ ⲡⲉ ⲉϥⲛⲟⲩⲃⲧ ⲛϩⲁⲛⲃⲏⲧ ⲉϥϯ ⲛϩⲑⲏϥ ⲉⲡⲉϥϩⲱⲃ ⲛϫⲓϫ ⲟⲩⲇⲉ ⲙⲡⲉϥⲥⲟⲙⲥ ⲉⲣⲟⲓ ⲉⲛⲁⲩ ⲁⲗⲗⲁ ⲡⲉϫⲁϥ ⲛⲏⲓ ϧⲉⲛⲟⲩⲕⲟⲩϫⲓ ⲛⲥⲙⲏ ϫⲉⲡⲑⲉⲟⲥ ⲉϥⲉⲥⲙⲟⲩ ⲉⲣⲟⲕⲁⲧⲁⲡⲓϧⲓⲥⲓ ⲟⲩⲟϩ ⲉϥⲉϯⲃⲉⲭⲉ ⲛⲉ ϧⲉⲛⲧⲫⲉ . ⲟⲩⲟϩ ⲡⲉϫⲁϥ ⲛⲏⲓ ⲟⲛ ϫⲉⲭⲁϥ ϩⲓϫⲉⲛⲡⲁⲓϣⲟⲩϣⲧ .
Then I set before him my vessels and gave him a silver vessel that contained three hundred pounds of silver, praying that he would share in my wealth. But he, seated and weaving palms, intent on the work of his hands, did not lift his eyes to see me, but in a quiet voice said: “May God bless you according to what you have endured, and may He grant you your reward in heaven!” He also said to me: “Put that vessel in the window.”
bohairic.lausiac_02:10
ⲁϥⲙⲟⲩϯ ⲟⲩⲛ ⲉⲑⲉⲟⲇⲱⲣⲟⲥ ⲡⲓⲟⲓⲕⲟⲛⲟⲙⲟⲥ ⲛⲧⲁϥ ⲡⲉϫⲁϥ ⲛⲁϥ ϫⲉⲧⲁⲓⲥϩⲓⲙⲓ ⲁⲥⲓⲛⲓ ⲙⲫⲁⲓ ⲉϯⲟⲓⲕⲟⲛⲟⲙⲓⲁ ⲛⲧⲉⲫⲛⲟⲩϯ ⲁⲗⲓⲧϥ ⲟⲛ ⲙⲁϣⲉ ⲛⲁⲕ ϭⲟϥ ⲉⲃⲟⲗ ⲥⲟⲣϥ ⲉϫⲉⲛⲛⲓϧⲉⲗⲗⲟⲓ ⲛⲧⲉⲛⲓⲣⲓ ⲛⲉ ⲛⲓⲫⲁⲓⲁⲧ ⲛⲉⲙⲛⲓⲥⲛⲏⲟⲩ ⲉⲧϣⲟⲡ ϧⲉⲛⲛⲓⲡⲉⲧⲣⲁ ⲛⲉⲙⲛⲓⲛⲏⲥⲟⲥ ⲛⲓⲙⲟⲛⲏ ⲅⲁⲣ ⲉⲧⲉⲙⲙⲁⲩ ⲥⲉⲟⲓ ⲛϩⲏⲕⲓ ⲡⲁⲣⲁⲟⲩⲟⲛ ⲛⲓⲃⲉⲛ ⲁϥϯϣⲁⲣⲟ ⲇⲉ ⲡⲁϥ ϫⲉⲙⲡⲉⲣϯ ⲉⲃⲟⲗ ⲙⲙⲱⲟⲩ ⲛⲛⲓⲙⲟⲛⲏ ⲛⲧⲉⲭⲏⲙⲓ ϯⲭⲱⲣⲁ ⲅⲁⲣ ⲉⲧⲉⲙⲙⲁⲩ ⲡⲉϫⲁϥ ⲟⲩⲟⲛ ⲭⲣⲓⲁ ⲛⲥⲱⲙⲁⲧⲓⲕⲱⲥ ⲛⲧⲁⲥ ⲉϩⲟⲧⲉ ⲛⲁⲓ ⲁⲛⲟⲕ ⲇⲉ ⲡⲉϫⲁⲥ ⲛⲁⲓⲟϩⲓ ⲉⲣⲁⲧ ⲡⲉ ⲉⲓⲥⲟⲙⲥ ϫⲉⲁⲣⲏⲟⲩ ϥⲛⲁⲧⲁⲓⲟⲓ ⲓⲉ ⲛⲧⲉϥϯⲱⲟⲩ ⲛⲏ ⲓ ⲟⲩⲟϩ ⲙⲡⲓⲥⲱⲧⲉⲙ ⲉϩⲗⲓ ⲛⲥⲁϫⲓ ⲛⲧⲟⲧϥ ⲁⲛⲟⲕ ⲇⲉ ⲡⲉϫⲏⲓ ⲛⲁϥ ϫⲉⲡⲁⲓⲱⲧ ϯⲟⲩⲱϣ ⲉⲧⲁⲙⲟⲕ ϩⲓⲛⲁ ⲛⲧⲉⲕⲉⲙⲓ ϫⲉⲟⲩⲟⲛ ⲧ ⲛⲗⲩⲧⲣⲁ ϧⲉⲛⲛⲓϩⲁⲧ .
Then he called Theodorus, the steward, and said to him: “This woman has brought this for the service of God; therefore, take it, go, distribute this among the elders in the cells of Libya, and dispense it among the brothers who live in caves and islands, for these monasteries are the poorest of all.” But he instructed me: “Do not distribute this to the monasteries of Egypt; for those regions,” he said, “need material goods far less than these do.” And I said, standing there pondering these things: “Perhaps he will bless me or praise me!” I truly heard no word from him. Then I said to him: “My father, so that you may know, I remind you that there are three hundred pounds of silver here.”
bohairic.lausiac_01:10
ϯⲧⲁⲝⲓⲥ ⲛϩⲟⲩⲓϯ ⲉⲧⲉⲛⲓⲁⲅⲅⲉⲗⲟⲥ ⲛⲉ ϣⲁⲩϭⲓⲥⲃⲱ ⲛⲱⲟⲩ ⲉⲃⲟⲗ ϩⲓⲧⲟⲧⲥ ⲛϯⲧⲣⲓⲁⲥ ⲉⲑⲟⲩⲁⲃ ⲟⲩⲟϩ ⲛⲟⲙⲟⲟⲩⲥⲓⲁ
The first order, that is, the angels, are taught by the holy and consubstantial Trinity;
bohairic.lausiac_03:10
ⲡⲉϫⲉϯⲁⲅⲓⲁ ⲙⲉⲗⲁⲛⲏ ⲛⲁϥ ϫⲉⲡⲁϣⲏⲣⲓ ⲉⲩⲁⲅⲣⲓ ϫⲉⲉⲧⲁⲓⲓⲁⲃⲓ ⲉⲧⲟⲥⲕ ⲛⲧⲁⲕ ⲣⲁⲛⲁ ⲙⲙⲟⲓ ⲁⲛ ⲙⲡⲉⲣⲭⲱⲡ ⲙⲡⲉⲕⲙⲉⲩⲓ ⲉⲣⲟⲓ ⲁⲣⲏⲟⲩ ϯⲛⲁϣϫⲉⲙϫⲟⲙ ⲛⲧⲁⲗϭⲟⲕ ⲁϫⲉⲛⲉⲕⲙⲉⲩⲓ ⲛⲏⲓ ϩⲉⲛⲟⲩⲡⲁⲣⲣⲏⲥⲓⲁ ⲙⲙⲟⲛ ϯⲛⲁⲩ ⲉⲣⲟⲕ ϫⲉⲉⲧⲁⲫⲁⲓ ϣⲱⲡⲓ ⲙⲙⲟⲕ ⲁⲛ ⲁϭⲛⲉⲫⲛⲟⲩϯ . ⲧⲟⲧⲉ ⲁϥⲟⲩⲱⲛϩ ⲛⲛⲉϥⲙⲉⲩⲓ ⲧⲏⲣⲟⲩ ⲛⲁⲥ ⲉⲃⲟⲗ . ⲛⲑⲟⲥ ⲇⲉ ⲡⲉϫⲁⲥ ⲛⲁϥ ϫⲉⲙⲁⲣⲱⲕ ⲛⲏⲓ ϫⲉⲭⲛⲁϯ ⲙⲡⲓⲥⲭⲏⲙⲁ ⲛⲧⲉϯⲙⲉⲧⲙⲟⲛⲁⲭⲟⲥ ϩⲓⲱⲧⲕ ⲟⲩⲟϩ ⲕⲁⲛ ⲙⲉⲛ ϫⲉⲁⲛⲟⲕ ⲟⲩⲣⲉϥⲉⲣⲛⲟⲃⲓ ϯⲛⲁⲧⲱⲃϩ ⲙⲡⲁⲛⲟⲩϯ ⲉⲑⲣⲉϥϯ ⲙⲡⲓⲟⲩϫⲁⲓ ⲛⲁⲕ ⲛϩⲙⲟⲧ . ⲛⲑⲟϥ ⲇⲉ ⲁϥϯⲣⲱϥ ⲛⲁⲥ ⲟⲩⲟϩ ⲙⲉⲛⲉⲛⲥⲁϩⲁⲛⲟⲩⲕⲟⲩϫⲓ ⲛⲉϩⲟⲟⲩ ⲁϥⲟⲩϫⲁⲓ ⲁϥⲧⲱⲛϥ ⲁϥϯ ⲙⲡⲓⲥⲭⲏⲙⲁ ⲉϫⲱϥ ⲁϥⲓ ⲉⲃⲟⲗ ⲁϥⲙⲁϣⲓ ⲁϥϣⲉ ⲛⲁϥ ⲉⲡⲓⲧⲱⲟⲩ ⲛⲧⲉⲡⲉⲣⲛⲟⲩϫ ⲫⲏ ⲉⲧⲭⲏ ϧⲉⲛⲭⲏⲙⲓ ⲟⲩⲟϩ ⲁϥϣⲱⲡⲓ ⲙⲙⲁⲩ ⲛⲣⲟⲙⲡⲓ ⲥⲛⲟⲩϯ ⲟⲩⲟϩ ϧⲉⲛϯⲙⲁϩⲅ ϯ ⲛⲣⲟⲙⲡⲓ ⲁϥⲓ ⲉⲃⲟⲗ ⲙⲙⲁⲩ ⲁϥϣⲉ ⲛⲁϥ ⲉⲡⲓϣⲁϥⲉ ⲛⲧⲉⲛⲣⲓ ⲁϥϣⲱⲡⲓ ⲙⲙⲁⲩ ⲙⲓⲉ ⲛⲣⲟⲙⲡⲓ ⲉϥⲉⲣⲡⲟⲗⲓⲧⲉⲩⲉⲥⲑⲉ ⲙⲙⲁⲩ ϧⲉⲛϩⲁⲛ ⲙⲏϣ ⲙⲡⲟⲗⲏⲧⲓⲁ ⲟⲩⲟϩ ⲁϥⲙⲧⲟⲛ ⲙⲙⲁⲩ ⲉϥⲭⲏ ϧⲉⲛⲝ ⲛⲣⲟⲙⲡⲓ ⲙⲡⲉϥⲛⲁⲩ ⲉⲡⲓⲛϣⲁϣⲓ ⲛⲧⲉϯⲙⲉⲧϧⲉⲗⲗⲟ ⲛⲧⲉⲡⲓⲥⲱⲙⲁ ⲟⲩⲟϩ ⲡⲁⲓⲣⲏϯ ⲁϥⲙⲧⲟⲛ ⲙⲙⲟϥ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉϧⲉⲛⲟⲩⲕⲟⲩϫⲓ ⲛⲥⲏⲟⲩ ⲁⲩϫⲱⲕ ⲛⲟⲩⲙⲏϣ ⲛⲣⲟⲙⲡⲓ ⲉⲃⲟⲗ ⲟⲩⲟϩ ⲁⲩϩⲟⲗⲙⲉϥ ϩⲁⲡⲑⲉⲟⲥ ⲛⲭⲱⲗⲉⲙ ϩⲓⲛⲁ ⲛⲧⲉϣⲧⲉⲙϯⲕⲁⲕⲓⲁ ϣⲓⲃϯ ⲙⲡⲉϥⲕⲁϯ .
Saint Melania said to him: ‘My son Evagrius, this illness, which has been long for you, is a lesson for me: do not hide your thoughts from me, and perhaps I will heal you. Speak to me sincerely about your thoughts; otherwise, I see that this has not happened to you without God’s will.’ Then he revealed all his thoughts to her, and she said to him: ‘Promise me that you will take on the monastic habit, and although I am a sinner, I will pray to my God that He may grant you healing freely.’ He gave her the promise, and within a few days he was healed. He rose, put on the monastic habit, departed, and walked to Mount Pernoudj in Egypt. There he lived for two years, and in the third year he left. Then he entered the desert of Cellia, where he lived for sixteen years, practicing many exercises, and there he died at the age of sixty. He did not see the bitterness of old age or the weakness of the body, and so he rested, as it is written: ‘In a short time, he fulfilled many years,’ and he was swiftly carried to the Lord lest his understanding be corrupted by wickedness.
bohairic.lausiac_02:11
ⲛⲑⲟϥ ⲇⲉ ⲙⲡⲉϥϥⲁⲓ ⲛϫⲱϥ ⲉⲡϣⲱⲓ ⲉϥⲉⲣϩⲱⲃ ⲁⲗⲗⲁ ⲡⲉϫⲉϥ ⲛⲏⲓ ϧⲉⲛⲟⲩⲥⲙⲏ ⲉⲥⲥⲉⲙⲛⲏⲟⲩⲧ ϫⲉⲫⲏ ⲉⲧⲁⲣⲉⲧⲏⲓⲧⲟⲩ ⲛⲁϥ ϥⲥⲱⲟⲩⲛⲧⲟⲩⲏⲡⲓ ϥⲉⲣⲛⲭⲣⲓⲁ ⲁⲛ ϩⲓⲛⲁ ⲛⲧⲉⲟⲩⲁⲓ ϣⲓⲧⲟⲩ ⲛⲁϥ ⲫⲏ ⲉⲧⲁϥϣⲓ ⲛⲛⲓⲧⲱⲟⲩ ϧⲉⲛⲟⲩϣⲓ ⲛⲉⲙⲛⲓⲕⲁⲗⲁⲙⲫⲟ ϧⲉⲛⲟⲩⲙⲁ ϣⲓ ϥⲟⲓ ⲛⲁⲧⲉⲙⲓ ⲁⲛ ⲉⲡϣⲓ ⲛⲧⲉⲡⲉϩⲁⲧ . ⲉⲛⲁⲣⲉϯ ⲅⲁⲣ ⲙⲙⲱⲟⲩ ⲛⲏⲓ ⲡⲉ ⲓⲉ ⲕⲁⲗⲱⲥ ⲧⲉⲧⲁⲙⲟ ⲙⲙⲟⲓ ϩⲱⲥ ⲉⲁⲛⲟⲕ ⲟⲩⲣⲱⲙⲓ ⲓⲥϫⲉ ⲟⲩⲛ ⲉⲣⲉϯ ⲙⲙⲱⲟⲩ ⲙⲫⲛⲟⲩϯ ⲓⲉ ⲟⲩⲧⲉ ϯⲭⲣⲓⲁ ϫⲉⲧⲉⲧⲁⲙⲟ ⲙⲙⲟⲓ ⲫⲛⲟⲩϯ ⲫⲏ ⲉⲧⲁϥϣⲱⲡ ⲉⲣⲟϥ ⲛϯⲧⲉⲃⲓ ⲥⲛⲟⲩϯ ⲛⲧⲉϯⲭⲏⲣⲁ ϥⲛⲁϣⲱⲡ ⲉⲣⲟϥ ⲙⲡⲉϣⲟⲩϣⲱⲟⲩϣⲓ ϩⲱⲓ ⲭⲁⲣⲱ ⲛⲑⲟ ⲙⲡⲉⲣϣⲟⲩϣⲟⲩ ⲙⲙⲟ .
But he, not even lifting his head as he wove the palms, said to me in a firm voice: “He to whom you have given this knows its amount; there is no need for anyone to tell him the quantity. For He who weighs mountains and hills with a scale is not ignorant of the quantity of silver. If you had told me this, you would have done well to remind me, for I am a man; but when you have given it to God, what need is there to inform me? For the God who accepted the widow’s two small coins will also accept your offering. But you should be silent, lest you boast.”
bohairic.lausiac_03:11
ⲁϥϣⲉⲛⲡⲉⲛⲓⲱⲧ ⲙⲁⲕⲁⲣⲓ ⲛⲟⲩⲥⲟⲡ ϫⲉⲡⲁⲓⲱⲧ ⲡⲱⲥ ϯⲛⲁϣϫⲉⲙϫⲟⲙ ⲟⲩⲃⲉⲡⲓⲡⲛⲉⲩⲙⲁ ⲛⲧⲉϯⲡⲟⲣⲛⲓⲁ . ⲡⲉϫⲉⲡⲓϧⲉⲗⲗⲟ ⲛⲁϥ ϫⲉⲙⲡⲉⲣⲟⲩⲉⲙϩⲗⲓ ϧⲉⲛⲡⲉϥⲥⲏⲟⲩ ⲟⲩⲇⲉ ⲉⲡⲱⲣⲁ ⲟⲩⲇⲉ ϩⲗⲓ ⲉϥⲫⲟⲥⲓ ϧⲉⲛⲟⲩⲭⲣⲱⲙ . ⲛⲉⲟⲩⲣⲱⲙⲓ ⲇⲉ ⲡⲉ ⲛϭⲓϣⲫⲏⲣⲓ ⲙⲙⲟϥ ⲉⲁϥⲓ ⲉⲃⲟⲗ ϧⲉⲛⲟⲩϫⲓ ⲛⲱⲛϧ ⲉⲥⲙⲉϩ ⲙⲙⲟⲑⲛⲉⲥ ⲛⲉⲙⲟⲩϭⲓⲙⲉ . ⲡϩⲁⲡ ⲇⲉ ⲟⲛ ⲡⲉ ⲉⲑⲣⲉⲛⲫⲓⲣⲓ ⲉⲛⲉϥⲙⲉⲧⲁⲡⲁⲥ ⲛⲧⲉⲡϣⲟⲣⲡ ⲛⲁϥⲓⲣⲓ ⲇⲉ ⲡⲉ ⲛⲣ ⲛⲉⲩⲭⲏ ⲙⲙⲏⲛⲓ ⲉϥⲟⲓ ⲛⲅⲣⲁⲫⲉⲩⲥ ⲛⲧⲉⲭⲛⲓⲧⲏⲥ ⲉⲙⲁϣⲱ ⲉⲧⲁϥϧⲱⲛⲧ ⲉϫⲉⲕϩⲏ ⲛⲣⲟⲙⲡⲓ ⲉⲃⲟⲗ ⲉϥⲭⲏ ϧⲉⲛⲟⲩⲁⲥⲕⲩⲥⲓⲥ ⲉⲥϭⲟⲗⲕ ⲛⲁⲧϩⲗⲓ ⲛⲗⲟⲕⲗⲉⲕ ⲉⲡϧⲁⲉ ⲇⲉ ⲁϥⲙⲁϯ ⲉⲡⲉϥⲥⲁϧⲟⲩⲛ ⲉⲁϥϭⲓⲙⲕⲁϩ ϧⲉⲛⲙⲁ ⲛⲫⲉⲛⲙⲱⲟⲩ ⲉⲃⲟⲗ ⲛϩⲉⲙⲥⲓ ⲉⲩⲟⲓ ⲙⲫⲣⲏϯ ⲛϩⲁⲛⲱⲛⲓ ⲛϫⲉⲛⲉϥϧⲣⲏⲟⲩⲓ . ⲁ ⲛⲓϧⲉⲗⲗⲟⲓ ⲑⲣⲉϥϣⲓⲃϯ ⲛⲧⲉϥⲁⲥⲕⲩⲥⲓⲥ ⲟⲩⲟϩ ⲙⲡⲉϥⲟⲩⲉⲙⲱⲓⲕ ϫⲉϣⲁⲧⲉϥⲙⲟⲩ ⲁⲗⲗⲁ ⲉϥⲟⲩⲱⲙ ⲛⲟⲩⲕⲟⲩϫⲓ ⲛⲟⲩⲟϯ ⲛⲉⲙⲟⲩⲕⲟⲩϫⲓ ⲛⲥⲓⲥⲁⲛⲓ ⲉϥⲫⲟⲥⲓ ⲉⲃⲟⲗ ϧⲉⲛϩⲁⲛ ϧⲣⲏⲟⲩⲓ ⲛⲁⲣⲕⲟⲛ ϣⲁⲧⲉϥϭⲟ ⲙⲡⲉϥⲕⲟⲩϫⲓ ⲛⲥⲏⲟⲩ ⲉⲃⲟⲗ ⲟⲩⲉⲡⲱⲣⲁ ⲇⲉ ⲓⲉ ⲕⲉϩⲗⲓ ⲉϥⲑⲁⲙⲓⲉϩⲩⲇⲟⲛⲏ ⲙⲡⲓⲥⲱⲙⲁ ⲙⲡⲉϥⲟⲩⲟⲙϥ ⲟⲩⲇⲉ ⲙⲡⲉϥⲭⲁⲛⲉϥⲁⲗⲱⲟⲩⲓ ⲉⲟⲩⲱⲙ ⲉⲃⲟⲗ ⲙⲙⲟϥ . ⲑⲁⲓ ⲧⲉ ⲧⲧⲁⲥⲕⲩⲥⲓⲥ ⲙⲡⲉϥϫⲓ ⲛⲟⲩⲱⲙ .
One day, our father Macarius was asked: ‘Father, how can I overcome the spirit of fornication?’ The elder said to him: ‘Do not eat at the appointed times, neither vegetables nor anything cooked with fire.’ That man was admirable, as his life was filled with the delights of peace and quiet. Indeed, it would not be fair to speak of his life without first recounting his old age. He prayed one hundred prayers every day, and he was also an elegant writer. When he had completed eight uninterrupted years of ascetic discipline, his bodily organs became afflicted; even the place where he passed water caused him pain, for his food was like stones in his stomach. The elders urged him to modify his ascetic practice. Until the time of his death, he did not eat bread, but only a few vegetables from among foods until he completed his short span of time. He neither ate fruit nor anything that gave pleasure to the body, and he did not allow his disciples to eat such things. This was the asceticism of his eating.
bohairic.lausiac_01:11
ⲟⲩⲟϩ ⲛⲁϯⲧⲁⲝⲓⲥ ⲙⲙⲁϩⲥⲛⲟⲩϯ ϣⲁⲩϭⲓⲥⲃⲱ ⲉⲃⲟⲗ ϩⲓⲧⲟⲧⲟⲩ ⲛⲛⲓϩⲟⲩⲁϯ
those of the second order are taught by those of the first;
bohairic.lausiac_03:12
ⲡⲓϩⲛⲓⲙ ⲇⲉ ⲛⲁϥⲑⲏϣ ⲛⲁϥ ⲡⲉ ϧⲉⲛⲟⲩϣⲓ ⲉϥⲉⲛⲕⲟⲧ ⲇⲉ ⲡⲓⲣⲉⲅ ⲛⲧⲉⲡⲓⲉϫⲱⲣϩ ϧⲉⲛⲡⲓⲉϩⲟⲟⲩ ⲇⲉ ⲛⲉⲙⲡⲁϥⲛⲕⲟⲧ ⲉⲡⲧⲏⲣϥ ⲡⲉ ⲛⲉⲟⲩⲟⲛ ⲟⲩⲟⲛϩ ⲛⲧⲁϥ ⲡⲉ ⲉϥⲓⲣⲓ ⲛϯⲁⲛⲁⲙⲉⲣⲓ ⲧⲏⲣⲥ ⲉϥⲥⲛⲏⲓⲛⲓ ⲛϧⲏⲧϥ ⲉϥⲃⲟⲣⲃⲉⲣ ⲙⲡⲓϩⲛⲓⲙ ⲉⲃⲟⲗ ϩⲁⲣⲟϥ ⲉϥⲑⲣⲟ ⲙⲡⲉϥⲕⲁϯ ⲉⲙⲟⲩϣⲧ ϧⲉⲛⲛⲓϫⲓⲛⲛⲁⲩ ⲉⲧⲥⲙⲟⲛⲧ ϧⲉⲛⲡⲓⲉϫⲱⲣϧ ⲇⲉ ⲁϥϣⲁⲛⲕⲏⲛ ⲉϥⲉⲛⲕⲟⲧ ⲙⲡⲓⲣⲉⲅ ϣⲁϥϭⲉⲡⲥⲱϫⲛ ⲉⲃⲟⲗ ⲉϥⲙⲟϣⲓ ϧⲉⲛⲡⲓⲟⲛϩ ⲉϥⲉⲣⲙⲉⲗⲉⲧⲏ ⲟⲩⲟϩ ⲉϥϣⲗⲏⲗ ⲉϥⲥⲱⲣ ⲙⲡⲓϩⲛⲓⲙ ⲉⲃⲟⲗ ϩⲁⲣⲟϥ ⲉϥⲑⲣⲟ ⲙⲡⲉϥⲕⲁϯ ⲉⲙⲟⲩϣⲧ ⲛⲛⲓϫⲓⲛⲛⲁⲩ ⲛⲧⲉⲛⲓⲅⲣⲁⲫⲏ ⲁϥϣⲱⲡⲓ ⲉⲣⲉⲡⲉϥⲕⲁϯ ⲧⲟⲩⲃⲏⲟⲩⲧ ⲉⲙⲁϣⲱ ⲟⲩⲟϩ ⲁϥⲉⲣⲡⲉⲙⲡϣⲁ ⲛⲟⲩϩⲙⲟⲧ ⲛⲧⲉⲟⲩⲥⲟⲫⲓⲁ ⲛⲉⲙⲟⲩⲉⲓ ⲛⲉⲙⲟⲩⲇⲓⲁⲕⲣⲏⲥⲓⲥ ⲉϥⲫⲱⲣϫ ⲉⲃⲟⲗ ⲛⲛⲓϩⲃⲏⲟⲩⲓ ⲛⲧⲉⲛⲓⲇⲁⲓⲙⲱⲛ . ⲟⲩⲟϩ ⲛⲁϥⲟⲓ ⲛⲁⲕⲣⲓⲃⲏⲥ ⲡⲉ ϧⲉⲛⲛⲓⲅⲣⲁⲫⲏ ⲉⲑⲟⲩⲁⲃ ⲉⲙⲁϣⲱ ⲛⲉⲙⲛⲓⲡⲁⲣⲁⲇⲟⲥⲓⲥ ⲉⲧⲥⲟⲩⲧⲱⲛ ⲛⲧⲉϯⲕⲁⲑⲟⲗⲓⲕⲏ ⲛⲉⲕⲕⲗⲏⲥⲓⲁ ⲕⲉ ⲅⲁⲣ ⲥⲉⲉⲣⲙⲉⲑⲣⲉ ϧⲁⲧⲉϥⲥⲃⲱ ⲛⲉⲙⲡⲉϥⲉⲙⲓ ⲛⲉⲙⲡⲉϥⲕⲁϯ ⲛⲥⲟⲧⲡ ⲛϫⲉⲛⲓϫⲱⲙ ⲉⲧⲁϥⲥϧⲏⲧⲟⲩ . ⲁϥⲥϧⲉⲅ ⲅⲁⲣ ⲛϫⲱⲙ ⲛⲥⲃⲱ ⲟⲩⲁⲓ ⲉⲑⲃⲉⲛⲓⲙⲟⲛⲁⲭⲟⲥ ⲛⲁⲟⲩⲃⲏⲧ ⲛⲉⲙⲕⲉⲟⲩⲁⲓ ⲉⲑⲃⲉⲛⲓⲙⲟⲛⲁⲭⲟⲥ ⲉⲧϣⲟⲡ ϧⲉⲛⲛⲓⲣⲓ ϧⲉⲛⲡⲉϥϣⲁϥⲉ ⲛⲉⲙⲕⲉⲟⲩⲁⲓ ⲉⲑⲃⲉⲛⲓⲟⲩⲏⲃ ⲛⲧⲉⲫⲛⲟⲩϯ ⲉⲑⲣⲟⲩⲣⲱⲓⲥ ⲉⲣⲱⲟⲩ ϧⲉⲛⲡⲓⲙⲁ ⲉⲑⲟⲩⲁⲃ . ⲉⲣⲉⲡⲓⲅ ϯⲥⲃⲱ ⲛⲟⲩⲟⲛ ⲛⲓⲃⲉⲛ ⲉϯϫⲓ ⲛⲱⲛϧ ⲉⲧⲉⲣⲛⲟϥⲣⲓ ⲛⲉⲙϯϫⲓ ⲛⲕⲁϯ ⲉⲧⲥⲙⲟⲛⲧ ⲛⲉⲙⲡⲓϫⲓⲛ ⲛⲁⲩ ⲉⲧⲥⲟⲩⲧⲱⲛ ⲕⲁⲧⲁⲛⲓⲡⲁⲣⲁⲇⲟⲥⲓⲥ ⲛⲧⲉϯⲉⲕⲕⲗⲏⲥⲓⲁ ⲛⲉ ⲑⲁⲓ ⲅⲁⲣ ⲧⲉ ⲧⲉϥⲥⲩⲛⲏⲑⲓⲁ .
His sleep, however, was measured and divided: he slept for a third of the night, but never during the day. He had a corridor where, throughout the entire half of the day, he walked, weighed down with drowsiness, forcing his mind to contemplate visions that were revealed to him. At night, when he had already slept for a third of the night, he would spend the remaining part of the night walking through the corridor, meditating and praying, driving sleep away from himself, and compelling his mind to focus on the visions of the Scriptures. Thus, he became a man of the purest mind and of wisdom, knowledge, and discernment, and he was regarded as worthy of the grace of discretion, distinguishing the works of demons. In the holy Scriptures and the orthodoxy of the Catholic Church, he was eloquent and learned, for his knowledge and his chosen mind are attested to by the books he wrote. He wrote three books: one about the monks of monasteries, another about the monks who dwelled in the cells of his desert, and another about the presbyters of God, to make them vigilant in their holy place. These three books all taught a good life, ordered understanding, and visions in accordance with the orthodox traditions of the Church. For this was his custom.
bohairic.lausiac_02:12
ⲡⲁⲓⲣⲏϯ ⲟⲩⲛ ⲁ ⲫⲛⲟⲩϯ ϯⲙⲧⲟⲛ ⲛⲏⲓ ⲁⲓⲓ ⲉⲃⲟⲗ ϩⲓⲧⲟⲧϥ . ⲟⲩⲟϩ ⲡⲉϫⲉⲙⲉⲗⲁⲛⲏ ⲛⲏⲓ ϫⲉⲙⲡⲓϫⲉⲙϩⲗⲓ ⲙⲙⲉⲧⲣⲱⲙⲓ ϣⲟⲡ ⲛϧⲏⲧϥ ⲉⲡⲧⲏⲣϥ . ⲟⲩⲟϩ ⲉⲃⲟⲗ ⲙⲙⲁⲩ ⲁⲥϣⲉ ⲛⲁⲥ ⲉϧⲟⲩⲛ ⲉⲡⲓⲛⲓϣϯ ⲛϣⲁϥⲉ ⲛⲧⲉϣⲓⲏⲧ ⲁⲥⲕⲱⲧ ⲛⲟⲩⲉⲕⲕⲗⲏⲥⲓⲁ ⲛⲁⲃⲃⲁ ⲓⲥⲓⲇⲱⲣⲟⲥ ⲡⲓⲡⲣⲉⲥⲃⲩⲧⲉⲣⲟⲥ . ⲙⲉⲛⲉⲛⲥⲁ ϩⲁⲛⲕⲟⲩϫⲓ ⲇⲉ ⲛⲉϩⲟⲟⲩ ⲁϥⲉⲛⲕⲟⲧ ⲛϫⲉⲁⲃⲃⲁ ⲡⲁⲙⲱ ⲡⲓⲣⲱⲙⲓ ⲛⲧⲉⲫⲛⲟⲩϯ ⲉϥⲭⲏ ϧⲉⲛⲟ ⲛⲣⲟⲙⲡⲓ ⲟⲩⲟϩ ⲙⲡⲉϩⲗⲓ ⲉⲙⲓ ϫⲉϥⲛⲁⲙⲟⲩ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲙⲡⲉϥϧⲙⲟⲙ ⲇⲉ ⲛⲑⲟϥ ⲁⲗⲗⲁ ⲛⲁϥϩⲉⲙⲥⲓ ⲡⲉ ⲉϥϣⲟⲗⲕⲃⲓⲣ .
Thus God granted me peace of mind, and I departed from him. Melania said to me: “I have seen nothing of human weakness in him.” Then, from that place, I went to the large desert of Shiet and built a church for Abba Isidore, the presbyter. A few days later, Abba Pamo, a man of God, fell asleep in the Lord at the age of seventy, and no one had foreseen his death, nor did he suffer from fever; instead, he sat weaving a basket.
bohairic.lausiac_01:12
ⲟⲩⲟϩ ⲛⲁϯⲧⲁⲝⲓⲥ ⲙⲙⲁϩⲅ ϣⲁⲩϭⲓⲥⲃⲱ ⲉⲃⲟⲗ ϩⲓⲧⲟⲧⲥ ⲛϯⲙⲁϩⲃϯ
those of the third order receive instruction from the second;
bohairic.lausiac_03:13
ⲛⲁⲣⲉⲛⲓⲥⲛⲏⲟⲩ ⲑⲱⲟⲩϯ ϩⲁⲣⲟϥ ⲙⲡⲥⲁⲃⲃⲁⲧⲟⲛ ⲛⲉⲙⲧⲕⲩⲣⲓⲁⲕⲏ ⲉⲩϩⲓⲟⲓ ⲛⲛⲟⲩⲙⲉⲩⲓ ϧⲁⲧⲟⲧϥ ⲙⲡⲓⲉϫⲱⲣϩ ⲧⲏⲣϥ ⲉⲩⲥⲱⲧⲉⲙ ⲉⲛⲉϥⲥⲁϫⲓ ⲛⲛⲟⲙϯ ϣⲁⲧⲉⲡⲓⲟⲩⲱⲓⲛⲓ ϣⲁⲓ ⲟⲩⲟϩ ⲡⲁⲓⲣⲏϯ ϣⲁⲩϣⲉ ⲛⲱⲟⲩ ϧⲉⲛⲟⲩⲣⲁϣⲓ ⲉⲩϯⲱⲟⲩ ⲙⲫⲛⲟⲩϯ ϫⲉⲟⲩⲏⲓ ⲅⲁⲣ ⲛⲁⲥϩⲟⲗϫ ⲛϫⲉⲧⲉϥⲥⲃⲱ ⲉⲙⲁϣⲱ ⲡⲉ ⲉϣⲱⲡ ⲇⲉ ⲛⲧⲟⲩⲓ ϣⲁⲣⲟϥ ⲛⲉϣⲁϥϯϩⲟ ⲉⲣⲱⲟⲩ ⲉϥϫⲱ ⲙⲙⲟⲥ ⲛⲱⲟⲩ ϫⲉⲛⲁⲥⲛⲏⲟⲩ ⲉϣⲱⲡ ⲟⲩⲟⲛ ⲟⲩⲙⲉⲩⲓ ⲉϥϣⲏⲕ ⲓⲉ ⲉϥϧⲟⲥⲓ ⲛⲧⲉⲛⲟⲩⲁⲓ ⲙⲙⲱⲧⲉⲛ ⲙⲁⲣⲉϥⲭⲁⲣⲱϥ ϣⲁⲧⲉⲛⲓⲥⲛⲏⲟⲩ ⲉⲣⲁⲛⲁⲭⲱⲣⲓⲛ ⲙⲙⲱⲟⲩ ⲟⲩⲟϩ ⲛⲧⲉϥϣⲓⲛⲓ ϧⲉⲛⲟⲩⲥⲁⲕ ⲥⲁⲡⲥⲁ ⲟⲩⲧⲱϥ ⲛⲉⲙⲏⲓ ⲙⲡⲉⲛⲑⲣⲉϥϫⲟⲥ ϧⲁⲧⲉⲛⲛⲓⲥⲛⲏⲟⲩ ⲙⲏⲡⲟⲧⲉ ⲛⲧⲉⲡⲓⲕⲟⲩϫⲓ ⲧⲁⲕⲟ ϧⲉⲛⲡⲉϥⲙⲉⲩⲓ ⲟⲩⲟϩ ⲛⲧⲉⲡⲓⲙⲕⲁϩ ⲛϩⲏⲧ ⲟⲙⲕϥ ⲉⲩⲥⲟⲡ . ⲛⲁϥⲟⲓ ⲇⲉ ⲟⲛ ⲙⲙⲁⲓϣⲉⲙⲙⲟ ⲙⲡⲁⲓⲣⲏϯ ϩⲱⲥ ⲇⲉ ⲛⲧⲉϥϣⲧⲉⲙⲧⲉϥⲣⲓ ⲥⲉⲛⲉ ⲓⲉ ⲋ ⲛϣⲉⲙⲙⲟ ⲉⲃⲟⲗ ⲙⲙⲏⲛⲓ ⲉⲩⲛⲏⲟⲩ ⲉⲃⲟⲗ ϧⲉⲛϯⲭⲱⲣⲁ ⲉⲧⲥⲁⲃⲟⲗ ⲉⲥⲱⲧⲉⲙⲧⲉϥⲥⲃⲱ ⲛⲉⲙⲡⲉϥⲕⲁϯ ⲛⲉⲙⲧⲉϥⲁⲥⲕⲩⲥⲓⲥ ⲉⲡⲓⲇⲏ ⲛⲁⲣⲉⲛⲓⲭⲣⲓⲁ ⲛⲧⲟⲧϥ ⲡⲉ ϫⲉⲟⲩⲏⲓ ⲛⲁⲣⲉⲟⲩⲟⲛ ⲟⲩⲙⲏϣ ⲟⲩⲱⲣⲡ ⲛⲁϥ ⲡⲉ ⲛⲉϣⲁⲕϫⲉⲙϩⲟⲩⲟ ⲥ ⲛⲭⲣⲓⲁ ⲛⲧⲁϥ ⲡⲉ ⲉⲩⲭⲏ ⲛⲧⲟⲧϥ ⲙⲡⲉϥⲟⲓⲕⲟⲛⲟⲙⲟⲥ ⲉⲧϣⲉⲙϣⲓ ϧⲉⲛⲡⲉϥⲏⲓ ⲛⲥⲏⲟⲩ ⲛⲓⲃⲉⲛ . ⲟⲩⲙⲏϣ ⲅⲁⲣ ⲛⲥⲟⲡ ⲁ ⲁⲡⲁ ⲑⲉⲟⲫⲓⲗⲟⲥ ⲡⲓⲁⲣⲭⲏⲉⲡⲓⲥⲕⲟⲡⲟⲥ ⲟⲩⲱϣ ⲉⲧⲁϩⲟϥ ⲛⲧⲉϥⲁⲓϥ ⲛⲉⲡⲓⲥⲕⲟⲡⲟⲥ ⲉⲑⲙⲟⲩⲓ ⲙⲡⲉϥⲑⲱⲧ ⲁⲗⲗⲁ ⲁϥⲫⲱⲧ ⲛⲧⲟⲧϥ ⲉϣⲧⲉⲙⲉⲣⲡⲁⲓϩⲱⲃ .
The brothers would gather with him on the Sabbath and on Sunday. Throughout the entire night, they would share their thoughts with him, listening to his strong words until dawn. When they left him, they gave glory to God, for his teaching was very sweet to them. If they came to him and he noticed any deep or grave thought troubling them, he would beseech them, saying: ‘My brothers, if any one of you is troubled by a deep or serious thought, let him remain silent until the other brothers have gone, and then let him ask me privately, in secret, between the two of us. Let him not speak before his brothers, lest perhaps he lose the little one through his own thoughts and be overcome at the same time by pain of heart.’ He so loved strangers that in his cell he would admit five or six strangers daily who came from distant regions to hear his wisdom, understanding, and ascetic practices. For he possessed spiritual gifts and to him everyone would send offerings such that he had more than two hundred charismata. All of these were managed by the steward, who at all times served in his house. Often Apa Theophilus sought to apprehend him and make him bishop of Thmouis, but he fled so that this would not happen.
bohairic.lausiac_01:13
ⲟⲩⲟϩ ⲡⲁⲓⲣⲏϯ ⲟⲩⲟⲛ ⲥⲁⲟⲩⲟⲛ ⲕⲁⲧⲁⲧⲁⲝⲓⲥ ϣⲁⲧⲉⲕⲓ ⲉⲛⲓϧⲁⲉⲩ .
and in this way all are instructed according to their rank until you reach the last.
bohairic.lausiac_02:13
ⲟⲩⲟϩ ⲉⲧⲁϥϧⲱⲛⲧ ⲉⲡⲉϥϧⲁⲉ ⲛⲛⲓϥⲓ ⲁⲥⲣⲁⲟⲩⲱ ⲙⲙⲁⲩ ϩⲱⲥ ⲛϫⲉⲙⲉⲗⲁⲛⲏ ⲉⲧⲁⲥϩⲓⲟⲩⲕⲟⲧ ⲉⲣⲟϥ ⲛⲕⲉⲥⲟⲡ ⲁϥϭⲱⲣⲉⲙ ⲉⲣⲟⲥ ⲉⲑⲣⲉⲥϧⲱⲛⲧ ⲉϧⲟⲩⲛ ⲉⲣⲟϥ ⲟⲩⲟϩ ⲉⲧⲁⲥⲓ ϧⲁⲧⲟⲧϥ ⲡⲉϫⲁϥ ⲛⲁⲥ ϫⲉⲙⲉ ⲉⲧⲁⲓⲃⲁⲓⲣⲓ ⲉⲃⲟⲗ ϧⲉⲛⲡϧⲓⲥⲓ ⲛⲧⲉⲛⲁϫⲓϫ ϩⲓⲛⲁ ⲛⲧⲉⲉⲣⲡⲁⲙⲉⲩⲓ ϫⲉⲟⲩⲏⲓ ⲙⲙⲟⲛ ϩⲗⲓ ⲛⲧⲏⲓ ⲉⲑⲣⲓⲭⲱ ⲛⲉ ⲟⲩⲟϩ ⲥⲁⲧⲟⲧϥ ⲁϥϯ ⲙⲡⲓⲡⲛⲉⲩⲙⲁ ⲉⲛⲉⲛϫⲓϫ ⲙⲡⲟⲥ ⲛⲑⲟⲥ ⲇⲉ ⲁⲥϯϩⲟ ⲉⲛⲉϥⲙⲁⲑⲏⲧⲏⲥ ϣⲁⲧⲟⲩⲭⲁⲥ ⲛⲧⲉⲥⲕⲟⲥϥ ⲁⲥⲕⲟⲥϥ ⲇⲉ ϧⲉⲛϩⲁⲛ ϩⲃⲱⲥ ⲛⲓⲁⲩ ⲉⲩⲧⲁⲓⲏⲟⲩⲧ ⲁⲥϣⲉ ⲛⲁⲥ ⲉⲃⲟⲗ ϧⲉⲛⲡϣⲁϥⲉ ⲉⲣⲉϯⲃⲁⲓⲣⲓ ⲉⲧⲉⲙⲙⲁⲩ ⲛⲧⲟⲧⲥ ϣⲁⲡⲉϩⲟⲟⲩ ⲙⲡⲉⲥⲥⲙⲟⲩ .
When the hour came for his spirit to depart, Melania came again to see him. Pambo signaled to her: “Take this basket, made by the labor of my hands, as a remembrance of me; for I have nothing else to leave you.” Immediately, he gave his spirit into the hands of God. She then prayed to his disciples that she might be allowed to care for his body. And so she prepared his body with clean and honorable linens, left the desert, and kept that basket in her hands until her final day.
bohairic.lausiac_03:14
ⲁ ⲛⲓⲇⲁⲓⲙⲱⲛ ⲇⲉ ⲓ ϣⲁⲣⲟϥ ⲛⲟⲩⲥⲟⲡ ⲁⲩϯ ⲛϩⲁⲛⲉⲣϧⲟⲧ ⲛⲁϥ ⲁⲛⲥⲱⲧⲉⲙ ⲁⲛⲟⲛ ⲉⲧⲉϥⲥⲙⲏ ⲁⲗⲗⲁ ⲙⲡⲉⲛⲛⲁⲩ ⲉⲣⲱⲟⲩ ⲁⲩϩⲓⲟⲩⲓ ⲉⲣⲟϥ ⲛϫⲱⲣϩ ⲛϩⲁⲛⲧⲁⲩⲣⲉⲁ ⲟⲩⲟϩ ⲁⲛⲛⲁⲩ ⲉⲛⲓⲉⲣϧⲟⲧ ⲛⲛⲉⲛⲃⲁⲗ ⲉⲩⲭⲏ ϧⲉⲛⲡⲉϥⲥⲱⲙⲁ ⲫⲛⲟⲩϯ ⲡⲉⲧⲟⲓ ⲙⲙⲉⲑⲣⲉ . ⲛⲑⲟⲕ ⲇⲉ ⲓⲥϫⲉ ⲭⲟⲩⲱϣ ⲉⲉⲙⲓ ⲉⲛⲓⲡⲓⲣⲁ ⲉⲧⲁϥϭⲓⲧⲟⲩ ⲛⲧⲟⲧⲟⲩ ⲛⲛⲓⲇⲁⲓⲙⲱⲛ ⲱϣ ⲙⲡⲓϫⲱⲙ ⲉⲧⲁϥⲥϧⲏⲧϥ ⲟⲩⲃⲉⲛⲓⲟⲩⲟϩⲉⲙ ⲛⲧⲉⲛⲓⲇⲁⲓⲙⲱⲛ ⲭⲛⲁⲛⲁⲩ ⲉⲧⲉϥϫⲟⲙ ⲧⲏⲣⲥ ⲛⲉⲙⲛⲉϥⲡⲓⲣⲁⲥⲙⲟⲥ ⲉⲧϣⲉⲃⲓⲏⲟⲩⲧ ⲉⲑⲃⲉⲡⲁⲓϩⲱⲃ ⲅⲁⲣ ⲁϥⲥϧⲏⲧⲟⲩ ϩⲓⲛⲁ ⲛⲏ ⲉⲑⲛⲁⲱϣ ⲙⲙⲱⲟⲩ ⲛⲧⲟⲩϫⲉⲙⲛⲟⲙϯ ϫⲉⲛⲑⲱⲟⲩ ⲙⲙⲁⲩⲁⲧⲟⲩ ⲁⲛ ⲡⲉ ⲉⲧⲁⲩⲉⲣⲡⲓⲣⲁⲍⲓⲛ ⲙⲙⲱⲟⲩ ϧⲉⲛⲛⲁⲓ ⲟⲩⲟϩ ⲁϥⲧⲁⲙⲟⲛ ϫⲉⲉⲩϭⲣⲏⲟⲩⲧ ⲉⲁϣ ⲙⲙⲉⲩⲓ ϩⲓⲧⲉⲛⲁϣ ⲛⲣⲏϯ ⲛⲉⲙⲁϣ .
One day, demons came to him and inflicted wounds upon him; we heard his voice, but we saw no one. Throughout the night, they struck him with scourges, and we saw the wounds on his body with our own eyes: God is our witness. If you wish to know about the temptations he endured from demons, read the book he wrote against the demons, and you will see his entire life and the various temptations he suffered. He wrote it for this reason, so that those who read might be strengthened, for they are not the only ones who are tempted; and he taught us how such thoughts and inclinations might be overcome.
bohairic.lausiac_02:14
ⲁϥⲥⲁϫⲓ ϧⲁⲧⲟⲧⲉⲛ ⲛϫⲉⲁⲃⲃⲁ ⲓⲥⲓⲇⲱⲣⲟⲥ ⲡⲓⲡⲣⲉⲥⲃⲩⲧⲉⲣⲟⲥ ⲛⲧⲉϣⲓⲏⲧ ⲉⲑⲃⲉⲛⲓⲁⲣⲉⲧⲏ ⲛⲧⲉⲁⲃⲃⲁ ⲡⲁⲙⲱ ⲁⲓϯϩⲟ ⲉⲣⲟϥ ⲉⲑⲣⲉϥϭⲓⲙⲱⲓⲧ ϧⲁϫⲱⲓ ⲉϧⲟⲩⲛ ⲉⲡϣⲁϥⲉ ⲉⲫⲙⲁ ⲛⲁⲃⲃⲁ ⲡⲁⲙⲱ ϩⲓⲛⲁ ⲛⲧⲁⲛⲁⲩ ⲉⲣⲟϥ ⲟⲩⲟϩ ⲫⲁⲓ ⲛⲉ ⲟⲩⲣⲱⲙⲓ ⲡⲉ ⲛϭⲓϣⲫⲏⲣⲓ ⲙⲙⲟϥ ⲫⲁⲓ ⲉⲧⲉϧⲉⲛϯⲟⲩⲛⲟⲩ ⲛⲧⲉⲡⲉϥϫⲓⲛⲓ ⲉⲃⲟⲗ ϧⲉⲛⲥⲱⲙⲁ ⲛⲁⲩⲟϩⲓ ⲉⲣⲁⲧⲟⲩ ⲥⲁⲡϣⲱⲓ ⲙⲙⲟϥ ⲛϫⲉⲁⲃⲃⲁ ⲙⲁⲕⲁⲣⲓ ⲡⲓⲡⲣⲉⲥⲃⲩⲧⲉⲣⲟⲥ ⲛⲉⲙⲁⲃⲃⲁ ⲁⲙⲙⲱⲛ ⲛⲉⲙⲁⲃⲃⲁ ⲑⲉⲟⲇⲱⲣⲟⲥ ⲛⲉⲙⲕⲉⲙⲏϣ ⲛⲥⲟⲧⲡ ⲉⲃⲟⲗ ϧⲉⲛⲛⲓⲥⲛⲏⲟⲩ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲡⲉⲛⲓⲱⲧ ⲁϫⲉⲟⲩⲥⲁϫⲓ ⲛⲁⲛ ϩⲓⲛⲁ ⲛⲧⲉⲛⲱⲛϧ ⲉⲣⲟϥ . ⲟⲩⲟϩ ⲡⲉϫⲁϥ ⲛⲱⲟⲩ ⲙⲡⲁⲓⲣⲏϯ ⲛϫⲉⲡⲓϧⲉⲗⲗⲟ ϫⲉⲓⲥϫⲉⲛⲡⲓⲉϩⲟⲟⲩ ⲉⲧⲁⲓⲓ ⲉⲡⲁⲓϣⲁϥⲉ ⲙⲙⲟϥ ⲟⲩⲟϩ ⲁⲓⲕⲱⲧ ⲛⲧⲁⲓⲣⲓ ⲁⲓϣⲱⲡⲓ ⲛϧⲏⲧⲥ ⲛϯⲓⲣⲓ ⲙⲫⲙⲉⲩⲓ ⲁⲛ ϫⲉⲁⲓⲟⲩⲱⲙ ⲙⲡⲁϩⲏⲧ ⲉϫⲉⲛⲟⲩⲥⲁϫⲓ ⲉⲁⲓϫⲟϥ ⲛϥⲉⲙⲡϣⲁ ⲉϫⲟϥ ⲁⲛ ⲙⲡⲓⲥⲁϫⲓ ⲅⲁⲣ ⲉⲃⲏⲗ ⲛⲧⲁⲥⲁⲑⲙⲓ ⲉϫⲉⲛⲡⲓⲥⲁϫⲓ ⲛϣⲟⲣⲡ ⲛⲧⲁⲛⲁⲩ ⲉⲣⲟϥ ϫⲉⲁⲛ ⲫⲁⲫⲙⲟⲩ ⲡⲉ ϣⲁⲛ ⲫⲁⲫⲱⲛϧ ⲡⲉ ⲙⲡⲁⲓϫⲟϥ ⲟⲩⲇⲉ ϯⲥⲱⲟⲩⲛ ⲙⲙⲟⲓ ⲁⲛ ⲉⲧⲁⲓⲟⲩⲱⲙ ⲛⲟⲩⲱⲓⲕ ⲛϫⲓⲛϫⲏ ⲉⲃⲏⲗ ⲉⲡϧⲓⲥⲓ ⲛⲧⲉⲛⲁϫⲓϫ ⲟⲩⲟϩ ⲙⲡⲓⲭⲁⲥ ϧⲉⲛⲡⲁϩⲏⲧ ϫⲉⲁⲓⲉⲣⲟⲩⲉϩⲟⲟⲩ ⲙⲙⲟⲛⲁⲭⲟⲥ ϯⲛⲟⲩ ⲟⲛ ϯⲛⲁϣⲉ ⲛⲏⲓ ϯϫⲱ ⲙⲙⲟⲥ ⲁⲛ ϫⲉⲁⲓⲉⲣⲟⲩⲉϩⲟⲟⲩ ⲉⲓⲟⲓ ⲛϣⲁⲙϣⲉⲛⲟⲩϯ ⲁⲗⲗⲁ ϯϫⲉⲙⲁⲣⲓⲕⲓ ⲉⲣⲟⲓ ϫⲉϯⲓⲣⲓ ⲁⲛ ⲙⲫⲟⲩⲱϣ ⲙⲫⲛⲟⲩϯ .
Abba Isidore of Shiet, the presbyter, recounted to us the virtues of Abba Pambo: “I entreated him to show me the way to the desert place where Abba Pamo dwelled so that I might see him. And these are the men who, marveling at him, stood with him when he departed from the body, namely Abba Macarius the presbyter, Abba Ammon, Abba Theodorus, and many others chosen among the brothers.” and they said to him: “Father, give us a word so that we may live by it.” And the old man spoke to them thus: “From the time I entered this desert and built myself a cell and stayed there, I do not remember a single word I have spoken without repentance, for I have never spoken a word unless I first weighed whether it was for death or for life. Nor am I aware that I ever ate bread for free, unless it came from the labor of my own hands. I never brought it into my heart that I had lived a monastic life, but now as I am about to depart from the world, I do not say to you that I have lived a pious life according to God; rather, I bring an accusation against myself, that I have not achieved the will of God.”
bohairic.lausiac_01:14
ⲛⲏ ⲅⲁⲣ ⲉⲧⲟⲓ ⲛⲛⲓϣϯ ϧⲉⲛⲡⲟⲩⲉⲙⲓ ⲛⲉⲙⲧⲟⲩⲁⲣⲉⲧⲏ ⲛⲑⲱⲟⲩ ⲛⲉ ⲉϣⲁⲩϯⲥⲃⲱ ⲛⲛⲏ ⲉⲧⲟⲓ ⲛⲕⲟⲩϫⲓ ϧⲉⲛⲛⲓⲁⲣⲉⲧⲏ ⲛⲉⲙⲡⲓⲉⲙⲓ ⲙⲙⲏⲓ
For those who excel in knowledge and virtue teach those who are inferior in virtues and true knowledge.
bohairic.lausiac_02:15
ⲡⲉϫⲉ ⲛⲓⲥⲛⲏⲟⲩ ⲛⲁϥ ϫⲉⲡⲉⲛⲓⲱⲧ ⲙⲏ ⲕⲧⲁⲩⲣⲏⲟⲩⲧ ⲁⲛ ⲉϫⲉⲛⲡⲉⲕϧⲓⲥⲓ ⲛⲉⲙⲛⲉⲕϩⲱⲃ ϫⲉⲁⲛ ⲫⲁ ⲫⲛⲟⲩϯ ⲡⲉ . ⲛⲉϫⲁϥ ⲛⲱⲟⲩ ϫⲉⲧⲉⲱⲥ ⲁⲓⲉⲣⲧⲁϫⲟⲙ ⲉⲁⲣⲉϩ ⲉⲛⲓⲉⲛⲧⲟⲗⲏ ⲁⲗⲗⲁ ⲉⲓⲉⲙⲓ ⲛⲑⲱⲛ ϫⲉⲟⲩ ⲡⲉ ⲉⲑⲛⲁⲥϣⲱⲡⲓ ⲙⲙⲟⲓ ϧⲉⲛⲡⲓⲛⲁⲩ ⲛⲉⲣⲁⲡⲁⲛⲧⲁⲛ ⲟⲩⲉⲧⲡϩⲁⲡ ⲙⲫⲛⲟⲩϯ ⲟⲩⲉⲧⲫⲁⲛⲓⲣⲱⲙⲓ ⲡⲓⲛⲁⲓ ⲙⲉⲛ ⲫⲱϥ ⲡⲉ ⲁϥϣⲁⲛⲁⲓϥ ⲛⲉⲙⲏⲓ ⲓⲉ ⲉϥⲉⲣϩⲙⲟⲧ ⲙⲙⲟϥ ⲛⲏⲓ ⲛⲁⲅⲁⲡⲏ ⲁϥϣⲁⲛⲟⲩⲱϣ ⲟⲛ ⲉϥⲓⲱⲡ ⲛⲉⲙⲏⲓ ⲛϯⲛⲁϣⲉⲣⲁⲧⲁⲣⲓⲕⲓ ⲁⲛ ⲙⲡⲉϥⲙⲑⲟ ϯⲉⲙⲓ ⲁⲛ ϫⲉϯⲛⲁϫⲉⲙⲡⲁⲣⲣⲏⲥⲓⲁ ⲙⲡⲉϥⲙⲑⲟ .
The brothers then said to him: “Father, do you not think that your labors and your works are of God?” He responded to them: “Up to this point, I have striven with all my strength to fulfill the commandments of God. But how do I know what will happen to me at the hour when I approach God? For the judgment of God is one thing, and the judgment of humans another. His is mercy: if He wishes to treat me kindly, He will grant me grace and love. But if He wishes to reckon accounts with me, I will not be free from blame before Him. I do not know whether I shall obtain pardon from Him beforehand.”
bohairic.lausiac_03:15
ⲡⲁⲓⲣⲱⲙⲓ ⲟⲩⲛ ⲙⲡⲁⲓⲣⲏϯ ⲁϥϣⲱⲡⲓ ϧⲉⲛⲧⲉϥⲁⲣⲭⲏ ⲉϥⲟⲃϣ ⲉⲃⲟⲗ ⲁⲛⲓⲇⲁⲓⲙⲱⲛ ⲧⲁⲛϣ ⲉϯⲡⲟⲣⲛⲉⲓⲁ ⲉϩⲣⲏⲓ ⲉϫⲱϥ ⲛⲟⲩⲥⲟⲡ ϩⲱⲥ ⲇⲉ ⲛⲧⲉϥⲭⲁⲥ ϧⲉⲛⲡⲉϥϩⲏⲧ ϫⲉⲁⲫⲛⲟⲩϯ ⲭⲁⲧ ⲛⲥⲱϥ ⲕⲁⲧⲁⲫⲣⲏϯ ⲉⲧⲁϥⲥⲁϫⲓ ⲙⲙⲟⲥ ϧⲁⲧⲟⲧⲉⲛ ⲟⲩⲟϩ ⲛⲉϣⲁϥⲉⲣⲡⲓⲉϫⲱⲣϩ ⲧⲏⲣϥ ⲡⲉ ⲉϥⲟϩⲓ ⲉⲣⲁⲧϥ ϧⲉⲛϯϣⲱϯ ⲙⲙⲱⲟⲩ ⲉϥⲃⲏϣ ⲉⲃⲟⲗ ϧⲉⲛϯⲫⲣⲱ ⲉϥϣⲗⲏⲗ ϣⲁⲧⲉⲧⲉϥⲥⲁⲣⲝ ⲧⲱⲥ ⲙⲫⲣⲏϯ ⲛⲟⲩⲱⲛⲓ . ⲕⲉⲥⲟⲡ ⲟⲛ ⲁⲡⲓⲡⲛⲉⲩⲙⲁ ⲛⲧⲉⲡⲓϫⲉⲟⲩⲁ ϯϧⲓⲥⲓ ⲛⲁϥ ⲟⲩⲟϩ ⲁϥⲉⲣⲙ ⲛⲉϩⲟⲟⲩ ⲙⲡⲉϥⲓ ⲉϧⲟⲩⲛ ϧⲁⲑⲟⲩⲁϩ ⲥⲟⲓ ⲛⲟⲩⲣⲓ ϣⲁⲧⲉⲡⲉϥⲥⲱⲙⲁ ⲧⲏⲣϥ ⲙⲟϩ ⲉⲃⲟⲗ ϧⲉⲛϩⲁⲛⲥⲓⲡ ⲙⲫⲣⲏϯ ⲛⲟⲩⲧⲉⲃⲛⲏ ⲛⲁⲧⲕⲁϯ ⲟⲩⲟϩ ⲙⲉⲛⲉⲛⲥⲁϩⲁⲛⲕⲟⲩϫⲓ ⲛⲉϩⲟⲟⲩ ⲁϥⲧⲁⲙⲟⲛ ⲉϩⲁⲛϭⲱⲣⲡ ⲉⲃⲟⲗ ⲉⲧⲁϥⲛⲁⲩ ⲉⲣⲱⲟⲩ ⲛⲉⲙⲡⲁϥϩⲉⲡ ⲉⲛⲉϥⲙⲁⲑⲏⲧⲏⲥ ⲉⲛⲉϩ ⲡⲉ . ⲁⲥϣⲱⲡⲓ ⲅⲁⲣ ⲡⲉϫⲁϥ ⲉⲓϩⲉⲙⲥⲓ ϧⲉⲛⲧⲁⲣⲓ ϧⲉⲛⲡⲓⲉϫⲱⲣϩ ⲉⲣⲉⲛⲓϧⲏⲃⲥ ⲙⲟϩ ⲉⲣⲟⲓ ⲉⲓⲉⲣⲙⲉⲗⲉⲧⲁⲛ ⲛⲟⲩⲁⲓ ⲛⲧⲉⲛⲓⲡⲣⲟⲫⲏⲧⲏⲥ ϧⲉⲛⲧⲫⲁϣⲓ ⲙⲡⲓⲉϫⲱⲣϩ ⲁⲓϣⲱⲡⲓ ϧⲉⲛⲟⲩⲧⲱⲙⲧ ⲟⲩⲟϩ ⲁⲓϫⲉⲙⲧ ⲙⲫⲣⲏϯ ϫⲉⲉⲓⲭⲏ ϧⲉⲛⲟⲩⲣⲁⲥⲟⲩⲓ ϧⲉⲛⲡⲓϩⲓⲛⲓⲙ ⲟⲩⲟϩ ⲁⲓⲛⲁⲩ ⲉⲣⲟⲓ ϩⲱⲥ ⲉⲓⲁϣⲓ ϧⲉⲛⲡⲓⲁⲏⲣ ϣⲁⲛⲓϭⲏⲡⲓ ⲟⲩⲟϩ ⲁⲓϫⲟⲩϣⲧ ⲉϧⲣⲏⲓ ⲉϫⲉⲛϯⲟⲓⲕⲟⲩⲙⲉⲛⲏ ⲧⲏⲣⲥ ⲟⲩⲟϩ ⲡⲉϫⲉⲡⲓⲟⲩⲁⲓ ⲉϯⲁϣ ⲛⲧⲟⲧϥ ⲛⲏⲓ ϫⲉⲭⲛⲁⲩ ⲉⲛⲁⲓ ⲧⲏⲣⲟⲩ ⲛⲉⲁϥϭⲁⲥⲧ ⲅⲁⲣ ⲡⲉ ϣⲁⲛⲓϭⲏⲡⲓ ⲉⲓⲛⲁⲩ ⲉⲡⲓⲕⲟⲥⲙⲟⲥ ⲧⲏⲣϥ ⲉⲩⲥⲟⲡ . ⲡⲉϫⲏⲓ ⲛⲁϥ ϫⲉⲥⲉ .
This man was hidden at the beginning. One day, the demons increased fornication against him so much that they placed this thought in his heart: ‘God has forgotten me.’ As he told us, he spent the entire night naked in winter, praying until his flesh became as dry as stone. At another time, the spirit of blasphemy harassed him, and for forty days he did not enter the shelter of his cell. His entire body became inflamed, like an irrational beast filled with swelling. A few days later, he told us the visions he had seen and never concealed them from his disciples. He said: ‘During the night, I was sitting in my cell, burning with lamplight, meditating on one of the prophets. In the middle of the night, I was in a rapture of the mind, and I found myself, as it were, dreaming a dream, seeing myself suspended in the air, gazing at the clouds and the entire earth. And a certain one whose hands I was hanging from said to me: ‘Do you see all these things?’ For he had lifted me up to the clouds, and I was seeing the entire world at once. I said to him: ‘Indeed.’
bohairic.lausiac_01:15
ⲟⲩⲟⲛ ⲅⲁⲣ ⲛⲓⲃⲉⲛ ⲉⲧϫⲱ ⲙⲙⲟⲥ ϫⲉⲧⲉⲛⲉⲣⲭⲣⲓⲁ ⲁⲛ ⲛⲣⲉϥϯⲥⲃⲱ ⲟⲩⲟϩ ⲉⲣⲉⲡⲟⲩϩⲏⲧ ⲑⲏⲧ ⲁⲛ ⲛⲉⲙⲛⲏ ⲉⲧϯⲥⲃⲱ ⲛⲱⲟⲩ ⲛⲁⲓ ⲉⲧⲉⲙⲙⲁⲩ ⲉⲩϣⲱⲛⲓ ϧⲉⲛⲡⲓϣⲱⲛⲓ ⲛϯⲙⲉⲧⲁⲧⲉⲙⲓ ⲉⲧⲉⲧⲙⲁⲩ ⲧⲉ ⲛϯⲙⲉⲧϭⲁⲥⲓϩⲏⲧ ⲑⲏ ⲉⲧⲁⲩⲙⲉⲛⲣⲓⲧⲥ ⲛϫⲉⲛⲏ ⲉⲧⲁⲩⲥⲉⲃⲧⲱⲧⲟⲩ ⲉⲡⲧⲁⲕⲟ ⲓⲥϫⲉⲛ ϣⲟⲣⲡ ⲉⲧⲉⲛⲓⲇⲁⲓⲙⲱⲛ ⲛⲉ ⲛⲏ ⲉⲧⲁⲩⲃⲉⲣⲃⲱⲣⲟⲩ ⲉⲡⲉⲥⲏⲧ ⲉⲃⲟⲗ ϧⲉⲛⲧⲫⲉ ⲛⲁⲓ ⲉⲧⲁⲩⲥⲱⲕ ⲛⲱⲟⲩ ⲛⲟⲩⲙⲉⲧϭⲁⲥⲓϩⲏⲧ ⲙⲡⲟⲩⲟⲩⲱϣ ⲉϭⲛⲉϫⲱⲟⲩ ⲛⲛⲓϫⲟⲙ ⲛⲥⲁⲡϣⲱⲓ ⲁⲗⲗⲁ ⲁⲩⲫⲱⲧ ⲛⲧⲟⲧⲟⲩ ⲛⲛⲓⲣⲉϥϯⲥⲃⲱ ⲉⲧϧⲉⲛⲛⲓⲫⲏⲟⲩⲓ .
All those who say, “We do not need to be taught,” or who do not submit in their hearts to those who teach, suffer from the disease of ignorance, which is the mother of pride. This pride was loved by those who, from the beginning, were prepared for destruction, those who were cast down from heaven, having been led astray by the pride of their own hearts, they did not subject themselves to those superior in virtue, but fled from their heavenly teachers.
bohairic.lausiac_03:16
ⲡⲉϫⲁϥ ⲛⲏⲓ ϯⲛⲁϯ ⲛⲟⲩⲉⲛⲧⲟⲗⲏ ⲉⲧⲟⲧⲕ ⲉϣⲱⲡ ⲁⲕϣⲁⲛⲁⲓⲥ ⲭⲛⲁϣⲱⲡⲓ ⲛⲁⲣⲭⲱⲛ ⲉϫⲉⲛⲛⲁⲓ ⲧⲏⲣⲟⲩ ⲉⲧⲁⲕⲛⲁⲩ ⲉⲣⲱⲟⲩ . ⲡⲉϫⲁϥ ⲛⲏⲓ ⲟⲛ ϫⲉϩⲱⲗ ⲁⲣⲓⲛⲁⲏⲧ ⲛⲑⲉⲃⲓⲉ ⲟⲩⲟϩ ⲭⲁⲡⲉⲕⲙⲉⲩⲓ ⲉϥⲥⲟⲩⲧⲱⲛ ⲉϧⲟⲩⲛ ⲉⲫⲛⲟⲩϯ ⲭⲛⲁⲉⲣⲁⲣⲭⲱⲛ ⲉϩⲣⲏⲓ ⲉϫⲉⲛⲛⲁⲓ ⲧⲏⲣⲟⲩ . ⲟⲩⲟϩ ⲉⲧⲁϥⲕⲏⲛ ⲉϥϫⲱ ⲛⲛⲁⲓ ⲛⲏⲓ ⲁⲓⲛⲁⲩ ⲉⲣⲟⲓ ⲉⲓⲁⲙⲟⲛⲓ ⲙⲡⲓϫⲱⲙ ⲟⲛ ⲉⲣⲉⲡⲓⲥⲟⲗ ⲙⲟϩ ⲟⲩⲟϩ ⲙⲡⲓⲉⲙⲓ ϫⲉⲡⲱⲥ ⲁⲓϭⲓ ϣⲁⲛⲓϭⲏⲡⲓ ⲭⲟⲩⲱϣ ⲉⲓⲭⲏ ϧⲉⲛϯⲥⲁⲣⲝ ϯⲉⲙⲓ ⲁⲛ ⲫⲛⲟⲩϯ ⲡⲉⲧⲥⲱⲟⲩⲛ ⲭⲟⲩⲱϣ ϧⲉⲛⲡⲓⲕⲁϯ ⲡⲉ ϯⲉⲙⲓ ⲁⲛ ⲟⲛ . ⲟⲩⲟϩ ⲡⲁⲓⲣⲏϯ ⲛⲁϥⲉⲣⲁⲅⲱⲛⲓⲍⲉⲥⲑⲉ ⲉϫⲉⲛⲧⲁⲓⲁⲣⲉⲧⲏ ⲥⲛⲟⲩϯ ϩⲱⲥ ⲉϥⲁⲙⲟⲛⲓ ⲛⲛⲓⲁⲣⲉⲧⲏ ⲧⲏⲣⲟⲩ ϣⲁϥϫⲟⲥ ϫⲉⲡⲓⲑⲉⲃⲓⲟ ϣⲁϥϭⲓⲙⲱⲓⲧ ⲙⲡⲓⲕⲁϯ ⲉϧⲟⲩⲛ ⲉⲡⲓⲉⲙⲓ ⲉⲧⲥⲟⲩⲧⲱⲛ ⲉϥⲥⲱⲕ ⲙⲙⲟϥ ⲉⲡϣⲱⲓ . ⲥⲥϧⲏⲟⲩⲧ ⲅⲁⲣ ϫⲉⲉϥⲉⲧⲥⲁⲃⲉⲛⲏ ⲉⲧⲑⲉⲃⲓⲏⲟⲩⲧ ⲉⲛⲉϥⲙⲱⲓⲧ ⲕⲉ ⲅⲁⲣ ⲧⲁⲓⲁⲣⲉⲧⲏ ⲑⲁⲓ ⲑⲁⲛⲓⲁⲅⲅⲉⲗⲟⲥ ⲧⲉ . ⲉⲑⲃⲉⲡⲓⲧⲟⲩⲃⲟ ϫⲉⲛⲧⲉⲛⲓⲥⲱⲙⲁ ⲛⲓⲙⲟⲛⲁⲭⲟⲥ ⲙⲙⲁⲩⲁⲧⲟⲩ ⲁⲛ ⲛⲉⲙⲛⲓⲡⲁⲣⲑⲉⲛⲟⲥ ⲉⲧⲁⲙⲟⲛⲓ ⲙⲙⲟϥ ⲟⲩⲟϩ ⲉⲣⲉⲧⲁⲓⲁⲣⲉⲧⲏ ⲛⲧⲟⲧⲟⲩ ⲁⲗⲗⲁ ⲛⲉⲛⲓⲕⲉⲕⲟⲥⲙⲓⲕⲟⲛ ⲟⲛ ⲟⲩⲟⲛ ⲟⲩⲙⲏϣ ⲛϧⲏⲧⲟⲩ ⲉⲩⲁⲣⲉϩ ⲉⲡⲓⲧⲟⲩⲃⲟ ⲉⲡⲓⲇⲏ ⲅⲁⲣ ⲥⲉⲛⲁⲁⲙⲟⲛⲓ ⲙⲙⲟⲛ ⲧⲏⲣⲟⲩ ⲉⲡⲓⲧⲟⲩⲃⲟ ⲛⲧⲉⲡⲓⲥⲱⲙⲁ ϭⲟϫⲓ ϫⲓ ⲅⲁⲣ ⲡⲉϫⲁϥ ⲛⲥⲁϯϩⲓⲣⲏⲛⲏ ⲛⲉⲟⲩⲟⲛ ⲛⲓⲃⲉⲛ ⲛⲉⲙⲡⲓⲧⲟⲩⲃⲟ ⲫⲏ ⲉⲧⲉⲁϭⲛⲟⲩϥ ⲙⲙⲟⲛ ϩⲗⲓ ⲛⲁⲛⲁⲩ ⲉⲡⲑⲉⲟⲥ ⲟⲩⲙⲉⲧⲁⲧϫⲟⲙ ⲧⲉ ϩⲓⲛⲁ ⲛⲧⲉⲕϫⲉⲙⲟⲩⲥⲁϫⲓ ⲛⲧⲉⲡⲓⲕⲟⲥⲙⲟⲥ ϧⲉⲛⲣⲱϥ ⲛⲁⲡⲁ ⲉⲩⲁⲅⲣⲓ ⲓⲉ ⲟⲩⲥⲁϫⲓ ⲛϣⲉⲣϣⲓ ⲟⲩⲇⲉ ⲙⲡⲁϥⲟⲩⲱϣ ⲉⲥⲟⲑⲙⲉϥ ⲛⲧⲟⲧϥ ⲛⲕⲉⲟⲩⲁⲓ .
He said to me: ‘I will give you a command: if you fulfill it, you will be made ruler over all these things that you see.’ He said to me: ‘Go, be merciful and humble; place your thoughts rightly in the Lord, and you will be ruler over all these things.’ And when he had spoken these words to me, again I saw myself holding the book, with the lamp burning, though I had been somehow caught up to the clouds. I did not know whether I was in the flesh—God knows—or in the spirit, I do not know; God knows. And so he strove for these two virtues (to be attained), as if he had attained all others, saying: ‘Humility leads to correct knowledge, and understanding aspires to the heights.’ For it is written: ‘He will teach the humble his ways.’ And this is the virtue of the angels.’ Concerning purity, he said: ‘Not only monks and virgins possess it, but many laypeople also maintain purity; for not all possess bodily purity.’ He continued: ‘Therefore, seek peace with all, and pursue purity. No one, unless pure, shall see the Lord.’ It was impossible to find a worldly word in the mouth of Apa Evagrius, or even a word of contention; nor would he listen to such from anyone else.
bohairic.lausiac_01:16
ⲙⲁϩⲑⲏⲕ ⲟⲛ ϧⲉⲛⲟⲩⲕⲁϯ ⲉϥⲣⲏⲥ ⲛⲏ ⲉⲧⲓⲥϧⲁⲓ ⲙⲙⲱⲟⲩ ⲛⲁⲓ ϫⲉⲟⲩⲏⲓ ⲛⲓⲗⲉⲝⲓⲥ ⲁⲛ ⲛⲉ ⲛⲓⲥⲃⲱⲟⲩⲓ ⲟⲩⲇⲉ ⲛⲓⲥⲩⲗⲁⲃⲏ ⲛⲁⲓ ⲅⲁⲣ ⲕϫⲓⲙⲓ ⲙⲙⲱⲟⲩ ⲛⲧⲟⲧⲟⲩ ⲛⲛⲓⲕⲉⲥⲁ ⲙⲡⲉⲧϩⲱⲟⲩ ⲛⲣⲱⲙⲓ
Be attentive, with a vigilant mind, to what I write; for these are not mere words or syllables of knowledge, as even the wicked among men possess those.
bohairic.lausiac_02:16
ⲁⲩⲉⲣⲙⲉⲑⲣⲉ ⲛⲁⲛ ⲉⲑⲃⲏⲧϥ ⲛϫⲉⲁⲃⲃⲁ ⲁⲙⲙⲱⲛ ⲛⲉⲙⲁⲃⲃⲁ ⲑⲉⲟⲇⲱⲣⲉ ⲛⲉⲙⲁⲃⲃⲁ ⲓⲁⲕⲱⲃ ϫⲉⲉϣⲱⲡ ⲛⲧⲉⲛϣⲉⲛϥ ⲉⲟⲩⲥⲁϫⲓ ⲛⲧⲉϯⲅⲣⲁⲫⲏ ⲓⲉ ⲕⲉϩⲱⲃ ⲕⲉϩⲱⲃ ⲛⲁϥϯⲁⲡⲟⲗⲟⲅⲓⲁ ⲛⲁⲛ ⲥⲁⲧⲟⲧϥ ⲁⲛ ⲡⲉ ⲁⲗⲗⲁ ⲛⲁϥϫⲱ ⲙⲙⲟⲥ ⲡⲉ ϫⲉⲙⲡⲁϯⲧⲁϩⲉ ⲉϫⲟⲙ ⲙⲡⲓⲥⲁϫⲓ ⲭⲁⲉϩⲟⲟⲩ ⲃ ⲛⲏⲓ ⲓⲉ ⲅ ϣⲁϯⲥⲁⲑⲙⲓ ⲉϫⲉⲛⲡⲓⲥⲁϫⲓ ⲟⲩⲟϩ ϯⲛⲁϯⲁⲡⲟⲗⲟⲅⲓⲁ ⲛⲱⲧⲉⲛ . ϣⲁⲥϣⲱⲡⲓ ⲛⲧⲉϥⲉⲣⲉϩⲟⲟⲩ ⲃ ⲓⲉ ⲅ ⲓⲉ ⲟⲩⲥⲩⲛⲁⲝⲓⲥ ⲧⲏⲣⲥ ⲙⲡⲁⲧⲉϥϯⲁⲡⲟⲗⲟⲅⲓⲁ ⲛⲁⲛ ⲉϥϫⲱ ⲙⲙⲟⲥ ϫⲉⲉϣⲱⲡ ⲁⲓϣⲧⲉⲙⲉⲙⲓ ⲉⲡⲓⲥⲁϫⲓ ϫⲉⲟⲩ ⲡⲉ ⲡⲓⲟⲩⲧⲁϩ ⲉⲧⲉϥⲛⲁⲙⲁⲥϥ ϫⲉⲁⲛ ⲫⲁⲫⲱⲛϧ ⲡⲉ ⲓⲉ ⲁⲛ ⲫⲁⲫⲱⲛϩ ⲡⲉ ϯⲛⲁϫⲟϥ ⲁⲛ . ⲡⲓⲥⲁϫⲓ ⲟⲩⲛ ⲉⲧⲉϥⲛⲁϫⲟϥ ϣⲟⲩϣⲟⲡϥ ⲉⲣⲱⲟⲩ ⲛϫⲉⲛⲓⲥⲛⲏⲟⲩ ϩⲱⲥ ϫⲉⲉⲧⲁϥⲓ ⲉⲃⲟⲗ ϧⲉⲛⲣⲱϥ ⲙⲫⲛⲟⲩϯ . ⲁⲓⲁⲕⲱⲃ ⲡⲉϥⲁⲗⲟⲩ ⲫⲏ ⲉⲧⲁϥϭⲓ ⲙⲡⲉϥⲓⲛⲓ ⲧⲏⲣϥ ⲛⲉⲙⲧⲉϥⲁⲥⲕⲩⲥⲓⲥ ⲉⲃⲏⲗ ⲉⲡⲉϥⲗⲁⲥ ⲙⲙⲁⲩⲁⲧϥ ⲁϥⲉⲣⲙⲉⲑⲣⲉ ⲛⲏⲓ ϫⲉⲁϥⲓ ϩⲁⲣⲟϥ ⲛⲟⲩⲥⲟⲡ ⲛϫⲉⲁⲛⲁⲧⲟⲗⲓⲟⲥ ⲡⲓⲣⲉⲙϯⲥⲡⲁⲛⲓⲁ ⲫⲏ ⲉⲛⲁϥⲟⲓ ⲛⲛⲟⲧⲁⲣⲓⲟⲥ ⲛϣⲟⲣⲡ ⲉⲟⲩⲥⲩⲛⲅⲉⲛⲏⲥ ⲡⲉ ⲛⲧⲉⲁⲗⲃⲓⲛⲉ ⲫⲏ ⲛⲧⲉⲣⲱⲙⲏ ⲟⲩⲟϩ ⲉⲧⲁϥⲉⲣⲁⲡⲟⲧⲁⲍⲉⲥⲑⲉ ⲙⲡⲓⲕⲟⲥⲙⲟⲥ ⲁϥⲙⲟϩ ⲛⲟⲩⲁⲥⲟⲩⲓ ⲛⲛⲟⲩⲃ ⲉⲣⲉⲟⲩⲟⲛ ⲇ ⲛϣⲟ ⲛⲗⲟⲩⲕⲟϫⲓ ⲛϩⲏⲧⲥ ⲁϥⲭⲁⲥ ϧⲁⲣⲁⲧⲟⲩ ⲛⲛⲓϭⲁⲗⲁⲩϫ ⲛⲁⲃⲃⲁ ⲡⲁⲙⲱ ⲉϥⲙⲉⲩⲓ ⲛⲁϥ ⲡⲉ ϫⲉϥⲛⲁϯⲱⲟⲩ ⲛⲁϥ ⲓⲉ ⲛⲧⲉϥϣⲟⲩϣⲟⲩ ⲉϧⲣⲏⲓ ⲉϫⲱϥ ⲓⲉ ⲛⲧⲉϥϭⲁⲥϥ ⲉⲑⲃⲉⲛⲓⲭⲣⲏⲙⲁ . ⲁⲃⲃⲁ ⲡⲁⲙⲱ ⲇⲉ ⲛⲁϥⲓⲣⲓ ⲙⲡⲉϥϩⲱⲃ ⲛϫⲓϫ ⲡⲉ ϧⲉⲛⲟⲩⲭⲁⲣⲱϥ ⲙⲡⲉϥϯϩⲑⲏϥ ⲉⲣⲱⲟⲩ ⲟⲩⲇⲉ ⲙⲡⲉⲡⲉϥϫⲉⲟⲩⲥⲁϫⲓ ⲛⲁϥ ⲟⲩⲟϩ ⲡⲉϫⲉⲁⲛⲁⲧⲟⲗⲓ ⲛⲁϥ ϫⲉⲡⲁⲓⲱⲧ ⲛⲁⲓⲭⲣⲓⲁ ⲁⲓⲉⲛⲟⲩ ⲉⲧⲇⲓⲁⲕⲟⲛⲓⲁ ⲛⲛⲓϩⲏⲕⲓ . ⲡⲉϫⲉⲡⲓϩⲉⲗⲗⲟ ⲛⲁϥ ϫⲉϯⲉⲙⲓ ϩⲱ ⲡⲁϣⲏⲣⲓ . ⲡⲉϫⲉⲁⲛⲁⲧⲟⲗⲓ ⲛⲁϥ ϫⲉⲁⲗⲗⲁ ϩⲓⲛⲁ ⲛⲧⲉⲕⲉⲙⲓ ϫⲉⲟⲩⲟⲛ ⲟⲩⲏⲣ ⲛϧⲛⲧⲟⲩ . ⲡⲉϫⲉⲡⲓϧⲉⲗⲗⲟ ⲛⲁϥ ⲫⲏ ⲉⲧⲁⲕⲧⲏⲓⲧⲟⲩ ⲛⲁϥ ϥⲉⲣ ⲛⲭⲣⲓⲁ ⲁⲛ ⲉⲑⲣⲉⲕⲧⲁⲙⲟϥ ⲉⲧⲟⲩⲏⲡⲓ . ⲉⲧⲁϥⲭⲁⲩ ⲟⲩⲛ ⲉϧⲣⲏⲓ ⲁϥⲓ ⲉⲃⲟⲗ ⲛϫⲉⲁⲛⲁⲧⲟⲗⲓⲟⲥ ⲁϥϫⲟⲥ ⲛⲛⲓⲡⲣⲉⲥⲃⲩⲧⲉⲣⲟⲥ ϫⲉⲙⲡⲉⲧⲁⲯⲩⲭⲏ ϫⲉⲙϩⲏⲟⲩ ⲙⲡⲁϣⲁⲓ ⲛⲛⲓⲭⲣⲏⲙⲁ ⲉⲧⲁⲓⲉⲛⲟⲩ ⲙⲫⲣⲏϯ ⲛϯϩⲉⲝⲓⲥ ⲛⲉ ⲡⲓⲁⲙⲟⲛⲓ ⲛⲧⲟⲧϥ ⲛⲧⲉⲡⲓϧⲉⲗⲗⲟ ⲁϥⲭⲁⲧ ⲛⲧⲟⲧϥ ⲙⲫⲣⲏϯ ϩⲱⲥ ϫⲉⲟⲩⲗⲟⲩⲕⲟⲩϫⲓ ⲛⲟⲩⲱⲧ ⲉⲧⲁⲓⲧⲏⲓⲥ ⲛⲁϥ .
Concerning him, Abba Ammon, Abba Theodorus, and Abba Jacob testified: “If asked him about Scripture or any other matter, he did not answer immediately, but said: ‘Before I grasp the meaning of this word, give me two or three days, so that I may meditate on it and offer you an answer.’” After two or three days had passed, or even an entire week, he did not respond hastily, but said: “Unless I know whether this word produces the fruit of life or of death, I will not speak it.” The words that he did speak were received by the brothers as though they had proceeded from the mouth of God. His disciple Jacob, who modeled his life on Abba Pamo’s image and adopted his entire way of life, testified to one exception concerning him related to speech. He said that a certain Spanish man named Anatolius came to him one day. Anatolius had once been a Roman notary of Albinius, and after leaving the world behind, he filled a purse with gold containing four thousand gold denarii. He placed it at the feet of Abba Pamo, hoping, he said, to receive praise or to be admired and appointed as the steward of wealth. However, Abba Pamo remained silent, working with his hands and not paying any attention to him, nor did he utter a single word. Then Anatolius said: “My father,” he said, “I have brought this for the service of the poor.” The old man replied: “This I know, my son.” Anatolius then said: “I want to know how much is in it.” The old man replied: “He to whom you gave this has no need to know its quantity.”
bohairic.lausiac_02:17
ⲁⲃⲃⲁ ⲡⲁⲙⲱ ⲇⲉ ⲛⲁϥⲟⲓ ⲛϣⲫⲛⲣⲓ ϧⲉⲛϯⲙⲉⲧⲥⲟⲛ ⲧⲏⲣⲥ ⲉⲑⲃⲉⲛⲉϥϩⲃⲏⲟⲩⲓ ⲉⲑⲛⲁⲛⲉⲩ ⲛⲉⲙⲡⲁϣⲁⲓ ⲛⲧⲉⲡⲉϥⲑⲉⲃⲓⲟ . ⲁⲩϫⲟⲥ ⲟⲛ ⲉⲑⲃⲏⲧϥ ϫⲉⲉⲧⲁⲁⲃⲃⲁ ⲁⲑⲁⲛⲁⲥⲓⲟⲥ ⲟⲩⲱⲣⲡ ⲛⲥⲱϥ ⲛⲟⲩⲥⲟⲡ ⲁϥⲟⲗϥ ⲉϧⲟⲩⲛ ⲉⲣⲁⲕⲟϯ . ϧⲉⲛⲡϫⲓⲛⲑⲣⲉϥϩⲱⲗ ⲉϧⲟⲩⲛ ⲉϯⲃⲁⲕⲓ ⲁϥⲛⲁⲩ ⲉⲟⲩⲥϩⲓⲙⲓ ⲛⲧⲉⲡⲓⲑⲉⲁⲧⲣⲟⲛ ⲉⲥⲥⲉⲗⲥⲱⲗ ⲉⲃⲟⲗ . ⲥⲁⲧⲟⲧϥ ⲇⲉ ⲁⲛⲉϥⲃⲁⲗ ϯⲉⲣⲙⲏ ⲉⲧⲁⲩⲛⲁⲩ ⲟⲩⲛ ⲉⲣⲟϥ ⲛϫⲉⲛⲓⲥⲛⲏⲟⲩ ⲉⲑⲛⲉⲙⲁϥ ⲡⲉϫⲱⲟⲩ ⲛⲁϥ ϫⲉⲡⲉⲛⲓⲱⲧ ⲧⲉⲛϯϩⲟ ⲉⲣⲟⲕ ⲙⲁⲧⲁⲙⲟⲛ ⲉⲛⲁⲓⲉⲣⲙⲱⲟⲩⲓ ϫⲉⲛⲁⲟⲩ ⲛϩⲱⲃ ⲛⲉ . ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉϩⲱⲃ ⲃ ⲛⲉ ⲉⲧⲁⲩⲕⲓⲙ ⲉⲣⲟⲓ ϯⲛⲟⲩ ⲡⲓⲟⲩⲁⲓ ⲙⲉⲛ ⲫⲁⲛⲧⲁⲕⲟ ⲛⲧⲁⲓⲯⲩⲭⲏ ⲡⲉ ⲉϯⲛⲁⲩ ⲉⲣⲟⲥ ϯⲛⲟⲩ ⲡⲓⲕⲉⲟⲩⲁⲓ ⲫⲁⲧⲁⲯⲩⲭⲏ ϩⲱ ⲡⲉ ⲉⲧⲟⲓ ⲛⲁⲧϣⲉⲡϩⲙⲟⲧ ϫⲉⲟⲩⲇⲉ ⲥϭⲓ ⲙⲡⲓⲛⲓ ⲛⲉⲙⲡⲥⲟⲗⲥⲉⲗ ⲛⲧⲁⲓⲡⲟⲣⲛⲏ ⲁⲛ ϧⲉⲛⲡⲥⲟⲗⲥⲉⲗ ⲛⲛⲓⲁⲣⲉⲧⲏ ⲛⲉ ϯϫⲓ ⲛⲣⲁⲛⲁϥ ⲙⲡⲑⲉⲟⲥ ⲛⲉ ⲛⲉϥⲁⲅⲅⲉⲗⲟⲥ .
Abba Pambo, because of his good works and the greatness of his humility, was admired by all the brothers. They also recount about him that one day he was summoned to Alexandria by Abba Athanasius. When he entered the city, he saw a woman devoted to theatrical spectacles, magnificently adorned. Immediately, tears flowed from his eyes. When the brothers accompanying him saw this, they said: “Father, we beseech you, tell us why these tears are falling.” He replied: “I am moved for two reasons: first, because of the soul I now see being destroyed; second, because my own ungrateful soul has not taken up such adornment as hers—not the adornment of a harlot, but of virtue. It has not clothed itself in that adornment, nor has it sought to please God and the angels.”
bohairic.lausiac_01:17
ⲁⲗⲗⲁ ⲑⲁⲓ ⲧⲉ ϯⲥⲃⲱ ⲛⲧⲁⲫⲙⲏⲓ ⲡⲓϫⲓⲛⲕⲁϯ ⲛⲉⲙⲡⲓⲧⲁϩⲟ ⲉⲣⲁⲧϥ ⲛⲧⲉⲛⲓⲙⲉⲩⲓ ⲉⲑⲛⲁⲛⲉⲩ ⲛⲉⲙϯⲙⲉⲧⲁⲧⲙⲕⲁϩ ⲛϩⲏⲧ ⲛⲉⲙϯⲙⲉⲧⲁⲧϫⲱⲛⲧ ⲛⲉⲙϯⲙⲉⲧⲁⲧϣⲑⲟⲣⲧⲉⲣ ⲛⲉⲙϯⲙⲉⲧⲁⲑⲙⲉⲩⲓ ⲉⲡⲓⲡⲉⲧϩⲱⲟⲩ ⲛⲉⲙϯⲡⲁⲣⲣⲏⲥⲓⲁ ⲙⲡⲉⲙⲑⲟ ⲙⲫⲛⲟⲩϯ ⲛⲣⲏϯ ⲛⲓⲃⲉⲛ ⲑⲏ ⲉⲧⲙⲓⲥⲓ ⲙⲡⲓⲥⲁϫⲓ ϧⲉⲛⲡⲓϩⲏⲧ ⲑⲏ ⲉⲧⲟⲓ ⲙⲫⲣⲏϯ ⲛⲟⲩϣⲁϩ ⲛⲭⲣⲱⲙ .
Rather, this is true knowledge: to understand and preserve good thoughts and humility, to avoid anger and disturbance, to think no evil, and to fully rejoice in the liberty before God, which brings forth the Word in the heart, like a flashing fire.
bohairic.lausiac_03:17
ⲡⲁⲓⲕⲉⲙⲏⲓⲛⲓ ⲇⲉ ⲟⲛ ⲁⲛⲥⲟⲑⲙⲉϥ ⲉⲑⲃⲏⲧϥ ϫⲉϩⲁⲧⲉⲛ ⲉϥⲫⲏⲧ ⲛⲧⲟⲧϥ ⲛⲁⲡⲁ ⲑⲉⲟⲫⲓⲗⲟⲥ ⲉϥⲟⲩⲱϣ ⲉⲁⲓϥ ⲛⲉⲡⲓⲥⲕⲟⲡⲟⲥ ⲉⲑⲙⲟⲩⲓ ⲁϥⲫⲱⲧ ⲁϥϣⲉ ⲛⲁϥ ⲉϯⲡⲁⲗⲉⲥⲧⲓⲛⲏ ⲟⲩⲟϩ ⲁϥⲣⲁⲟⲩⲱ ⲉⲟⲩⲥϩⲓⲙⲓ ⲛⲧⲉⲟⲩⲧⲣⲓⲃⲟⲩⲛⲟⲥ ⲉⲟⲩⲟⲛ ⲟⲩⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲛⲇⲁⲓⲙⲱⲛ ⲛⲉⲙⲁⲥ ⲟⲩⲟϩ ⲛⲁⲥϫⲉⲙϯⲡⲓ ⲛϩⲗⲓ ⲛⲧⲉⲡⲓⲥⲱⲛⲧ ⲧⲏⲣϥ ⲁⲛ ⲡⲉ ⲟⲩⲟϩ ⲛⲉⲁⲡⲓⲇⲁⲓⲙⲱⲛ ⲅⲁⲣ ⲡⲉ ϯⲡⲁⲓϩⲱⲃ ⲉⲧⲟⲧⲥ ϩⲱⲥ ϫⲉⲫⲁⲓ ⲡⲉ ⲡⲓϫⲓⲛⲱⲛϧ ⲛⲧⲉⲛⲓⲁⲅⲅⲉⲗⲟⲥ ⲟⲩⲇⲉ ⲟⲛ ⲙⲡⲉⲥϩⲱⲗ ⲉⲡⲓⲙⲁⲉⲛⲕⲟⲧ ⲛⲧⲉⲡⲉⲥϩⲁⲓ ⲛⲟⲩⲙⲏϣ ⲛⲣⲟⲙⲡⲓ . ⲉⲧⲁϥϯⲙⲁϯ ⲉⲣⲟⲥ ⲛϫⲉⲁⲡⲁ ⲉⲩⲁⲅⲣⲓ ⲡⲓⲣⲱⲙⲓ ⲛⲧⲉⲫⲛⲟⲩϯ ⲁϥⲧⲁⲥⲑⲟ ⲙⲡϩⲏⲧ ⲛϯⲥϩⲓⲙⲓ ϩⲁⲫⲛⲟⲩϯ ⲉⲃⲟⲗ ϩⲓⲧⲉⲛⲟⲩⲥⲁϫⲓ ⲛⲟⲩⲱⲧ ⲛⲑⲟⲥ ⲛⲉ ⲡⲉⲥⲕⲉϩⲁⲓ ⲉⲩⲥⲟⲛ ⲛⲁⲥⲥⲁϫⲓ ⲅⲁⲣ ⲡⲉ ϧⲉⲛϩⲁⲛⲥⲁϫⲓ ⲙⲫⲓⲗⲟⲥⲟⲫⲟⲥ ⲉⲩⲥⲁⲃⲟⲗ ⲛⲥⲉⲙⲓ ⲁⲛ ϫⲉⲁⲥϫⲱ ⲙⲙⲟⲥ ϫⲉⲟⲩ ⲛⲁⲓ ⲉⲧⲉⲟⲩϣⲫⲏⲣⲓ ⲡⲉ ⲉⲉⲣ ⲛⲕⲉϫⲟⲧⲟⲩ . ⲁϥⲑⲣⲉⲥⲟⲩϫⲁⲓ ϧⲉⲛⲡⲑⲉⲟⲥ ⲟⲩⲟϩ ⲁϥⲑⲣⲉⲥϩⲱⲡⲧ ⲉⲡⲉⲥϩⲁⲓ ϧⲉⲛⲟⲩϩⲓⲣⲏⲛⲏ .
We also heard this miracle about him: when Apa Theophilus sought to make him bishop of Thmouis, he fled and withdrew to Palestine. There, he found a woman possessed by an unclean spirit. Nothing created could satisfy her, for the demon had proposed to her a life resembling that of angels; but for many years, she did not lie with her husband. When Apa Evagrius, the man of God had met him, and with a single word he turned the woman’s heart to God, along with her husband’s. For she had been speaking externally of philosophy, yet unaware of what she was saying, such that it was wondrous for her to speak otherwise. She was saved in the Lord and reconciled with her husband through him.
bohairic.lausiac_02:18
ⲛⲉⲟⲩⲟⲛⲟⲩⲙⲁⲑⲏⲧⲏⲥ ⲛⲧⲁϥ ⲉϥⲉⲛϩⲟⲧ ⲉⲛⲓⲭⲣⲓⲁ ⲉⲙⲁϣⲱ ⲫⲁⲓ ⲉⲧⲁⲩϭⲱⲣⲡ ⲛⲁϥ ⲉⲃⲟⲗ ϩⲓⲧⲉⲛⲫⲛⲟⲩϯ ⲉⲑⲃⲏⲧϥ ϫⲉⲁϥⲙⲉⲛⲣⲉⲡⲓⲥⲁϩⲟⲩⲓ ⲛⲧⲉⲅⲓⲉⲍⲓ ⲡⲓⲁⲗⲟⲩ ⲛⲧⲉⲉⲗⲓⲥⲉⲟⲥ ⲡⲓⲡⲣⲟⲫⲏⲧⲏⲥ . ⲁⲁⲡⲁ ⲡⲁⲙⲱ ϫⲉⲗⲛⲓⲭⲣⲏⲙⲁ ⲛⲧⲉⲁⲛⲁⲧⲟⲗⲓⲟⲥ ⲡⲓⲁⲣⲭⲱⲛ ⲁϥⲧⲏⲓⲧⲟⲩ ⲙⲡⲓⲁⲗⲟⲩ ⲫⲏ ⲉⲧⲁⲩⲙⲟⲩϯ ⲉⲣⲟϥ ϫⲉⲱⲣⲓⲅⲉⲛⲏ ⲫⲁⲓ ⲉⲧⲟⲛϧ ϣⲁϯⲛⲟⲩ ⲉϥⲉⲣϩⲱⲃ ⲉⲧⲁⲓϫⲓⲛⲉⲣϩⲱⲃ ⲉⲧⲁ ⲡⲓϧⲉⲗⲗⲟ ⲧⲏⲓⲥ ⲉⲧⲟⲧϥ ⲛⲧⲉϯⲙⲉⲧⲟⲓⲕⲟⲛⲟⲟⲥ . ⲫⲁⲓ ⲇⲉ ⲁϥϣⲟⲩϣⲟⲩ ⲙⲙⲟϥ ϧⲉⲛⲡⲑⲉⲟⲥ ⲉϥϫⲱ ⲙⲙⲟⲥ ϧⲁⲧⲟⲧⲉⲛ ⲛⲟⲩⲙⲏϣ ⲛⲥⲟⲡ ϫⲉⲟⲩⲇⲉ ⲁⲛⲟⲕ ⲟⲩⲇⲉ ⲛⲁⲁⲗⲱⲟⲩⲓ ⲧⲉⲛⲥⲱⲟⲩⲛ ⲙⲙⲟⲛ ⲁⲛ ⲉⲁⲛⲟⲩⲱⲙ ⲛⲟⲩⲱⲓⲕ ⲛⲁⲗⲗⲟⲧⲣⲓⲟⲛ ⲥⲁⲃⲟⲗ ⲙⲡϩⲱⲃ ⲛⲧⲉⲛⲉⲛϫⲓϫ ⲟⲩⲇⲉ ⲙⲡⲉⲛϯ ⲛⲟⲩϩⲉⲃⲥⲱ ⲉϫⲱⲛ ⲉⲃⲟⲗ ϧⲉⲛϩⲁⲛ ϧⲓⲥⲓ ⲛϣⲉⲙⲙⲟ ⲉⲃⲏⲗ ⲉⲃⲟⲗ ϧⲉⲛⲡⲉⲛϧⲓⲥⲓ .
Regarding a disciple who was very faithful in matters of money, it was revealed that he took pleasure in the curse of Gehazi, the disciple of Elisha the prophet. Then Abba Pambo took the wealth that Anatolius the prefect had brought and gave it to a certain young man named Origenes, who up to that time had lived and dedicated himself to the task assigned to him by the elder, namely, the distribution of goods. He often congratulated himself in the Lord, saying to us: “Neither I nor my sons are aware of having eaten anyone else’s bread: we have used nothing except what we acquired through our own labor.”
bohairic.lausiac_01:18
ⲡⲥⲁϫⲓ ⲅⲁⲣ ⲛⲧⲉⲫⲛⲟⲩϯ ⲟⲩⲭⲣⲱⲙ ⲉϥⲟⲩⲱⲙ ⲡⲉ ⲕⲁⲧⲁⲡⲥⲁϫⲓ ⲙⲡⲁⲩⲗⲟⲥ
For the Word of God is a consuming fire, as Paul says.
bohairic.lausiac_03:18
ⲁϥⲓ ⲇⲉ ϩⲁⲣⲟϥ ⲛϫⲉⲟⲩϧⲉⲗⲗⲟ ⲛⲟⲩⲥⲟⲡ ⲉϥϣⲟⲡ ϩⲓⲡϣⲁϥⲉ ⲟⲩⲟϩ ⲉϥⲫⲏⲧ ϩⲓⲧⲉⲛⲟⲩⲙⲉⲧⲡⲣⲉⲥⲃⲩⲧⲉⲣⲟⲥ ⲉϥⲛⲏⲟⲩ ⲇⲉ ϩⲁⲣⲟϥ ⲉϥⲙⲟϣⲓ ϩⲓⲫⲙⲱⲓⲧ ⲁⲛⲓⲱⲓⲕ ⲕⲏⲛ ⲛⲧⲟⲧϥ ⲟⲩⲟϩ ⲁⲡⲓⲙⲁⲑⲏⲧⲏⲥ ⲛⲧⲁϥ ϧⲱⲛⲧ ⲉϩⲉⲓ ⲉⲑⲃⲉⲡⲓϩⲕⲟ ⲁϥⲭⲁ ⲧⲟⲧϥ ⲉⲃⲟⲗ ϩⲓⲡⲓⲙⲱⲓⲧ ⲟⲩⲟϩ ⲁⲟⲩⲁⲅⲅⲉⲗⲟⲥ ⲓⲛⲓ ⲛⲟⲩⲏⲓ ⲛⲱⲓⲕ ϩⲓⲧϩⲏ ⲙⲙⲟϥ ⲁϥⲭⲁϥ ⲉϧⲣⲏⲓ ϩⲓⲡⲓⲧⲱⲟⲩ . ⲉⲧⲁϥⲓ ⲇⲉ ⲛϫⲉⲛⲓϧⲉⲗⲗⲟ ⲉⲫⲙⲁ ⲛⲁⲡⲁ ⲉⲩⲁⲅⲣⲓ ⲡⲉϫⲁϥ ⲛⲁϥ ϫⲉⲉⲓⲛⲏⲟⲩ ϩⲁⲣⲟⲕ ⲁⲛⲟⲕ ⲛⲉⲙⲡⲁⲁⲗⲟⲩ ⲁⲛϩⲕⲟ ϩⲓⲡⲓⲙⲱⲓⲧ ⲙⲡⲉⲛϫⲉⲙⲱⲓⲕ ⲉⲑⲣⲉⲛⲟⲩⲱⲙ ⲁⲡⲓⲁⲗⲟⲩ ϧⲱⲛⲧ ⲉⲭⲁⲧⲟⲧϥ ⲉⲃⲟⲗ ⲛⲁⲑⲟⲩⲱⲙ ⲟⲩⲟϩ ⲉⲧⲁⲛⲭⲁⲡⲓϣⲁⲣ ⲉϧⲣⲏⲓ ⲁⲛⲕⲉⲗϫⲕⲉⲗⲓ ϩⲟⲥⲟⲛ ⲇⲉ ⲉⲛⲫⲁϧⲧ ⲉⲡⲉⲥⲏⲧ ⲁⲟⲩⲥⲑⲟⲓ ⲛⲧⲉϩⲁⲛⲱⲓⲕ ⲉⲩϧⲏⲙ ⲓ ⲛⲁⲛ ⲟⲩⲟϩ ⲉⲧⲁⲓⲧⲱⲛⲧ ⲁⲓϫⲉⲙⲃ ⲛⲱⲓⲕ ⲉⲩϧⲏⲙ ϩⲓⲧϩⲏ ⲙⲙⲟⲓ ⲟⲩⲟϩ ⲉⲧⲁⲛϭⲓ ⲉⲟⲩⲱⲓⲕ ⲉⲫⲟⲩⲁⲓ ⲁⲛⲟⲩⲟⲙϥ ⲁⲛϫⲉⲙⲛⲟⲙϯ ⲁⲛⲙⲟϣⲓ ⲁⲛⲓ ϩⲁⲣⲟⲕ . ⲁⲛⲟⲕ ⲅⲁⲣ ⲛⲉⲁⲓϯⲙⲁϯ ⲙⲙⲁⲩ ϩⲱ ⲡⲉ ⲉⲓϩⲉⲙⲥⲓ ⲉϥϫⲱ ⲛⲛⲁⲓⲥⲁϫⲓ ⲛⲁⲡⲁ ⲉⲩⲁⲅⲣⲓ ⲛⲉⲙϯϣⲫⲏⲣⲓ ⲉⲧⲁⲥϣⲱⲡⲓ ⲙⲙⲟϥ .
On another occasion, an old man who was fleeing from the priesthood and living in the desert came to him. While traveling, his bread and that of his disciple failed, and the disciple was on the verge of collapsing from hunger on the way. But an angel brought bread before him and placed it on the mountain. When the old man reached the place of Apa Evagrius, he said to him: ‘As I was coming to you, my boy and I, on the road, we were starving and found no bread to eat. The boy nearly fainted from hunger, and when we had stretched out a skin and knelt down, as we fell to the ground, the scent of warm bread reached us. When I rose, I found two warm loaves. And when each of us had taken his share of bread, we ate and were strengthened, we traveled and came to you.’ And I also sat there while he spoke of these things and the wondrous deed that had happened to Apa Evagrius.
bohairic.lausiac_01:19
ⲉⲛⲉ ⲫⲁⲓ ⲅⲁⲣ ⲁⲛ ⲡⲉ ⲡⲓⲥⲁϫⲓ ⲛⲁϥⲛⲁϫⲟⲥ ⲁⲛ ⲡⲉ ⲛϫⲉⲡⲓⲣⲉϥϯⲥⲃⲱ ⲉⲑⲛⲁⲛⲉϥ ⲛⲛⲏ ⲉⲧⲉⲛⲟⲩϥ ⲙⲙⲁⲑⲏⲧⲏⲥ ϫⲉⲁⲣⲓⲉⲙⲓ ⲉⲃⲟⲗ ⲙⲙⲟⲓ ϫⲉⲁⲛⲟⲕ ⲟⲩⲣⲉⲙⲣⲁⲩϣ ⲟⲩⲟϩ ϯⲑⲉⲃⲓⲏⲟⲩⲧ ϧⲉⲛⲡⲁϩⲏⲧ
If the Word had not existed, the Good Master would not have said to His disciples: “Learn from me, for I am meek and humble of heart.”
bohairic.lausiac_02:19
ⲡⲁⲓⲕⲉϩⲱⲃ ⲟⲛ ⲛⲁϥⲓⲣⲓ ⲙⲙⲟϥ ⲡⲉ ⲙⲡⲁϥϯϩⲗⲓ ϧⲉⲛϯⲇⲓⲁⲕⲟⲛⲓⲁ ⲛⲛⲓⲁⲗⲱⲟⲩⲓ ⲛⲣⲱⲙⲓ ⲉⲃⲏⲗ ⲉⲟⲩϧⲉⲗⲗⲟ ⲛϩⲏⲕⲓ ⲛϫⲱⲃ ⲉⲧⲉⲙⲙⲟⲛ ϣϫⲟⲙ ⲙⲙⲟϥ ⲉϫⲫⲟ ⲙⲡⲉϥⲱⲓⲕ ⲛⲓⲣⲉⲙ ⲛⲧⲟⲡⲟⲥ ⲇⲉ ⲟⲛ ⲛⲉⲙⲡⲁϥϯ ⲛⲱⲟⲩ ⲡⲉ ⲉⲡⲧⲏⲣϥ ⲉⲃⲟⲗ ϧⲉⲛⲛⲓⲭⲣⲓⲁ ⲉⲧⲭⲏ ⲛⲧⲟⲧϥ ⲁⲗⲗⲁ ⲁϥⲥⲱⲧⲡ ⲛⲁϥ ⲛⲓ ⲛⲥⲟⲛ ⲉⲩⲉⲛϩⲟⲧ ⲉϥⲟⲩⲱⲣⲡ ⲙⲙⲱⲟⲩ ⲉⲛⲓⲛⲏⲥⲟⲥ ⲛⲉⲙⲛⲓⲫⲁⲓⲁⲧ ⲕⲁⲧⲁⲣⲟⲙⲡⲓ ⲛⲉⲙⲡⲓⲙⲁ ⲛⲧⲉⲛⲓⲕⲉⲗⲁⲫⲟⲥ ⲛⲧⲉⲣⲁⲕⲟϯ ⲉⲩⲱⲡⲧ ⲛⲛⲓϫⲟⲉⲓ ⲛϣⲃⲓⲛ ⲛⲉⲙⲱⲓⲕ ⲉⲩⲥⲱⲣ ⲙⲙⲱⲟⲩ ⲉϫⲉⲛⲛⲏ ⲉⲧⲉⲣⲛⲭⲣⲓⲁ ⲛⲉⲙⲛⲓⲉⲕⲕⲗⲏⲥⲓⲁ ⲛⲧⲉⲛⲓϯⲙⲓ ⲟⲛ ⲉⲧⲉⲣⲛⲭⲣⲓⲁ ⲛⲉⲙⲛⲓⲉⲕⲕⲗⲏⲥⲓⲁ ⲛⲧⲉⲛⲓϣⲁϥⲉⲩ ⲛⲏ ⲉⲧⲥⲁϧⲟⲩⲛ ϧⲉⲛⲡⲓⲃⲁⲣⲃⲁⲣⲓⲕⲟⲛ ϩⲓⲛⲁ ⲛⲧⲉⲧⲉⲛⲉⲙⲓ ϫⲉϥϯϩⲗⲓ ⲛⲛⲓⲣⲉⲙ ⲛⲧⲟⲡⲟⲥ ⲁⲛ . ϣⲓⲛⲓ ⲇⲉ ⲟⲩⲟϩ ⲭⲛⲁⲉⲙⲓ ϫⲉⲁϥⲓⲛⲓ ⲛⲟⲩⲕⲁϩⲥ ⲉϫⲉⲛⲛⲓⲥⲛⲏⲟⲩ ⲉⲧϣⲟⲡ ϧⲉⲛⲛⲓⲙⲁ ⲛⲧⲉⲭⲏⲙⲓ ⲛⲉⲙⲡⲉⲣⲛⲟⲩϫ ϫⲉϩⲓⲛⲁ ⲛⲥⲉϯ ⲛⲟⲩⲉⲣⲧⲟⲃ ⲛⲥⲟⲩⲟ ⲉⲫⲟⲩⲁⲓ ⲫⲟⲩⲁⲓ ⲕⲁⲧⲁⲣⲱⲙⲓ ⲛⲧⲉⲙ ⲣⲟⲙⲡⲓ ⲉⲩϯ ⲙⲙⲱⲟⲩ ⲉϯⲇⲓⲁⲕⲟⲛⲓⲁ ⲉⲑⲃⲉⲛⲏ ⲉⲧⲉⲣⲛⲭⲣⲓⲁ ⲉⲩⲟⲩⲱⲣⲡ ⲙⲙⲱⲟⲩ ⲉⲛⲓⲝⲉⲛⲱⲛ ⲛⲧⲉⲛⲓⲕⲉⲗⲁⲫⲟⲥ ⲛⲉⲙⲛⲓⲭⲏⲣⲁ ⲛⲉⲙⲛⲓⲟⲣⲫⲁⲛⲟⲥ ⲟⲩⲟϩ ⲛⲁⲣⲉⲡⲓⲟⲩⲁⲓ ⲡⲓⲟⲩⲁⲓ ⲛⲧⲉⲛⲓⲙⲟⲛⲁⲭⲟⲥ ϥⲓⲣⲱⲟⲩϣ ⲛⲧⲉⲣⲟⲙⲡⲓ ⲉϥϯ ⲙⲡⲓⲉⲣⲧⲟⲃ ⲛⲥⲟⲩⲟ ⲉⲃⲟⲗ ϧⲉⲛⲡⲉϥϧⲓⲥⲓ ⲛⲁⲅⲁⲡⲏ ⲟⲩⲟϩ ⲁ ⲫⲁⲓ ⲉⲣⲕⲁϩⲥ ⲛⲱⲟⲩ ϣⲁⲉϧⲟⲩⲛ ⲉϯⲛⲟⲩ .
He also acted in this way: he gave nothing from the distributions to younger men, but only to elderly poor and infirm men who could not procure bread for themselves. As for the men of his monastery, he gave them nothing from the wealth in his possession; instead, he chose ten faithful men whom he sent annually to the islands and Libya, and to the places of the κελάφων of Alexandria, where ships were loaded with grain and bread, so that they might distribute it to those in need. He also ensured that the churches of the region, which were in want, and the churches of the interior desert, in the land of the barbarians, received support, so that he would not give anything from his monastery to those living nearby. You will understand, therefore, that he introduced this custom to the brothers who inhabit the regions of Egypt and Mount Pernoudj: Namely, he arranged that every year a certain artaba of wheat would be given to each person, which would be distributed to those in need at the κελάφων and also to widows and orphans. Thus, each monk throughout the year strove to give an artaba of wheat in alms from what was necessary for himself. This custom persists among them to this very day.
bohairic.lausiac_03:19
ⲙⲁⲧⲁⲙⲟⲓ ⲟⲩⲛ ⲡⲉϫⲁϥ ϫⲉⲁⲛ ⲟⲩⲟⲛ ϣϫⲟⲙ ⲛⲟⲩⲇⲁⲓⲙⲱⲛ ⲉⲉⲣⲟⲩϩⲱⲃ ⲙⲡⲁⲓⲣⲏϯ . ⲡⲉϫⲉⲁⲡⲁ ⲉⲩⲁⲅⲣⲓ ⲛⲁϥ ϫⲉⲟⲩϩⲱⲃ ⲙⲡⲁⲓⲣⲏϯ ⲡⲉ ⲉⲧⲁⲛϯⲙⲁϯ ⲉⲣⲟϥ ⲙⲡⲃ ⲁⲛⲟⲕ ⲛⲉⲙⲁⲕ ⲕⲉ ⲅⲁⲣ ϧⲁϫⲉⲛϩⲁⲛⲕⲟⲩϫⲓ ⲛⲉϩⲟⲟⲩ ⲛⲁⲓϩⲏⲗ ϩⲱ ⲡⲉ ⲉϫⲉⲙⲡϣⲓⲛⲓ ⲛⲛⲓⲥⲛⲏⲟⲩ ⲁⲓϫⲓⲙⲓ ⲛⲟⲩⲁⲥⲟⲩⲓ ϩⲓⲡⲓⲙⲱⲓⲧ ⲉⲓⲥⲓⲛⲓ ⲉⲣⲉⲟⲩⲟⲛ ⲅ ϯ ⲛⲗⲟⲩⲕⲟⲩϫⲓ ⲛϧⲏⲧⲥ ⲉⲧⲁⲓⲉⲣⲟⲩⲉϩⲟⲟⲩ ⲉⲓϩⲉⲙⲥⲓ ⲙⲡⲉⲟⲩⲟⲛ ⲓ ⲉϥⲕⲱϯ ⲛⲥⲱⲟⲩ ⲙⲡⲓⲉⲙⲓ ϫⲉⲁⲓⲛⲁⲟⲩⲟⲣⲡⲟⲩ ⲉⲑⲱⲛ ϫⲉⲟⲩⲏⲓ ⲛⲁⲓⲉⲙⲓ ⲁⲛ ⲡⲉ ϫⲉⲛⲁⲛⲓⲙ ⲛⲉ . ⲁⲓⲟⲩⲱⲣⲡ ⲉⲛⲓⲧⲓⲙⲓ ⲉⲧϧⲱⲛⲧ ⲉⲣⲟⲓ ϫⲉⲁⲛ ⲟⲩⲟⲛ ⲧⲁⲕⲉⲁⲥⲟⲩⲉ ϧⲉⲛⲛⲁⲓⲉϩⲟⲟⲩ ⲉⲧⲉⲡⲓϫⲓⲙⲓ ⲁⲓϯ ϣⲁⲣⲟⲥ ⲉⲡⲟⲓⲕⲟⲛⲟⲙⲟⲥ ⲛⲧⲏⲓ ⲉϭⲱⲟⲩ ⲉⲃⲟⲗ ⲉⲛⲓϣⲉⲙⲙⲱⲟⲩ ⲓⲧⲉ ⲟⲩⲛ ⲟⲩⲁⲅⲅⲉⲗⲟⲥ ⲡⲉ ⲓⲧⲉ ⲟⲩⲇⲉⲙⲱⲛ ⲡⲉ ⲁⲛϭⲱⲟⲩ ⲉⲃⲟⲗ ⲉⲛⲓⲭⲏⲣⲁ ⲡⲉ . ⲟⲩⲛ ⲁⲛⲟⲕ ⲓⲧⲉ ⲛⲑⲟⲕ ⲙⲁⲣⲉⲛϯⲱⲟⲩ ⲙⲫⲛⲟⲩϯ ⲛⲁⲓϩⲱⲃ ⲅⲁⲣ ⲙⲡⲁⲓⲣⲏϯ ⲙⲡⲁⲩⲉⲣⲛⲟϥⲣⲓ ⲛϯⲯⲩⲭⲏ ⲛϩⲗⲓ ⲉⲃⲏⲗ ⲉⲡⲉⲥⲧⲟⲩⲃⲟ ⲡⲗⲏⲛ ϯϯⲱⲟⲩ ⲛⲁⲕ ϫⲉⲁⲕϭⲓ ⲛⲟⲩϧⲣⲉ ϩⲓⲧⲉⲛⲟⲩⲁⲅⲅⲉⲗⲟⲥ ⲟⲩⲟⲛ ϣϫⲟⲙ ⲙⲉⲛ ⲛⲛⲓⲕⲉⲇⲁⲓⲙⲱⲛ ⲉⲕⲱⲗⲛ ⲛϩⲁⲛⲱⲓⲕ ⲉⲉⲛⲟⲩ ⲁⲗⲗⲁ ⲥⲉⲟⲓ ⲛϧⲣⲉ ⲙⲡⲓⲥⲱⲙⲁ ⲁⲛ ⲉⲡⲥⲓ ⲛⲁⲛⲓⲇⲁⲓⲙⲱⲛ ⲅⲁⲣ ⲥⲉⲙⲣⲟϣⲧ ⲟⲩⲟϩ ⲉϣⲱⲡ ⲫⲁⲛⲓⲇⲁⲓⲙⲱⲛ ⲡⲉ ϯⲯⲩⲭⲏ ⲑⲉϧⲑⲱϧ ⲁⲥϣⲁⲛⲛⲁⲩ ⲉⲣⲟϥ ⲉϣⲱⲡ ⲇⲉ ⲫⲁⲛⲓⲁⲅⲅⲉⲗⲟⲥ ⲡⲉ ϯⲯⲩⲭⲏ ⲑⲉϧⲑⲱϧ ⲁⲛ ⲁⲗⲗⲁ ⲉⲥⲭⲏ ϧⲉⲛⲟⲩⲥⲉⲙⲛⲏ ⲛⲉⲙⲟⲩϩⲓⲣⲏⲛⲏ ⲙⲡⲓⲛⲁⲩ ⲉⲧⲉⲙⲙⲁⲩ ⲫⲏ ⲟⲩⲛ ⲉⲧⲁϥⲉⲣⲡⲉⲙⲡϣⲁⲛϭⲓϧⲣⲉ ⲛⲧⲟⲧⲟⲩ ⲛⲛⲓⲁⲅⲅⲉⲗⲟⲥ ⲛϣⲟⲣⲡ ⲙⲉⲛ ϣⲁⲣⲉⲟⲩⲇⲓⲁⲕⲣⲓⲥⲓⲥ ϣⲱⲡⲓ ⲛϧⲏⲧϥ ⲉϥⲓⲣⲓ ⲙⲫⲙⲉⲩⲓ ⲙⲡⲓⲥⲁϫⲓ ⲙⲡⲓⲁⲡⲟⲥⲧⲟⲗⲟⲥ ⲉϥϫⲱ ⲙⲙⲟⲥ ϫⲉϯϧⲣⲉ ⲉⲧϫⲟⲣⲑⲁⲛⲓⲧⲉⲗⲓⲟⲥ ⲧⲉ ⲛⲁⲓ ⲉⲑⲃⲉⲧⲟⲩϩⲉⲝⲓⲥ ⲥⲉⲉⲣⲅⲩⲙⲛⲁⲍⲓⲛ ⲛⲛⲟⲩⲉⲥⲑⲏⲧⲏⲣⲓⲟⲛ ⲉⲡϫⲓⲛⲉⲙⲓ ⲉⲡⲓⲡⲉⲧϩⲱⲟⲩ ⲛⲉⲙⲛⲓⲡⲉⲑⲛⲁⲛⲉϥ .
As I sat, he said: ‘Tell me, then, do you think that demons can accomplish these things?’ Apa Evagrius replied: ‘The same thing happened to both of us—you and I are witnesses. A few days ago, I also set out to visit the brothers, and as I walked along the road, I found a purse in which were three gold coins.’ After I sat down for a day, no one came to search for it, and because I did not know who it belonged to, I sent someone to the nearby villages, saying: 'Has anyone lost a purse in recent days?' When no one came forward, I gave an order to my steward and said: 'Distribute it among the pilgrims, whether it comes from angels or from the devil.' And we distributed it accordingly. Therefore, I give thanks to God, for such works do not pertain to the soul unless they lead it to be purified, are useful. However, I congratulate you for having received food from an angel; for demons, too, can bring bread, even steal it and offer it. But this bread does not nourish the body, for the bread of demons stinks, and if bread is from the devil, the soul is disturbed when it sees it. But if the bread is from an angel, the soul is not disturbed but remains in peace and tranquility. At that moment when someone is worthy to receive bread from the hands of angels, reason first provides discernment, if we recall the words of the Apostle, saying: ‘The food of the mature is for those who, because of their perfection, have trained their senses to discern what is good and what is evil.’
bohairic.lausiac_03:20
ⲡⲁⲗⲓⲛ ⲁⲅ ⲛⲇⲁⲓⲙⲱⲛ ⲉⲣⲁⲡⲁⲛⲧⲁⲛ ⲉⲣⲟϥ ⲛⲟⲩⲥⲟⲡ ⲉⲩⲟⲓ ⲙⲡⲥⲙⲟⲧ ⲛϩⲁⲛⲣⲉϥⲫⲱϣⲉⲛ ⲛⲧⲉϯⲉⲕⲕⲗⲏⲥⲓⲁ ϧⲉⲛⲧⲫⲁϣⲓ ⲡⲓⲉϩⲟⲟⲩ ⲛϩⲁⲛⲁⲙⲉⲣⲓ ⲛϯⲕⲁⲩⲙⲁ ⲟⲩⲟϩ ⲡⲁⲓⲣⲏϯ ⲛⲁⲩϯⲥⲁⲕ ⲉⲣⲱⲟⲩ ⲡⲉ ϩⲱⲥⲇⲉ ⲛⲧⲟⲩϣⲧⲉⲙⲭⲁϥ ⲛⲧⲉϥⲉⲓ ⲉⲣⲱⲟⲩ ϫⲉϩⲁⲛⲇⲁⲓⲙⲱⲛ ⲛⲉ . ⲉⲑⲃⲉⲫⲁⲓ ⲙⲉⲛⲉⲛⲥⲁⲑⲣⲟⲩϣⲉ ⲛⲱⲟⲩ ⲟⲩⲟϩ ⲛⲧⲉϥϫⲉⲙⲡⲓⲣⲟ ⲉϥⲧⲁϫⲣⲏⲟⲩⲧ ⲁϥⲉⲙⲓ ϫⲉϩⲁⲛⲇⲁⲓⲙⲱⲛ ⲛⲉ ⲙⲙⲟⲛ ⲙⲡⲉϥⲉⲙⲓ ⲛϣⲟⲣⲡ ⲟⲩⲟϩ ⲁⲩⲉⲣⲙⲫⲣⲏϯ ⲛϩⲁⲛⲟⲩⲟⲛ ⲉⲩϩⲓⲟⲓ ⲛⲉⲙⲁϥ ⲉⲑⲃⲉⲡⲓⲛⲁϩϯ ⲉⲃⲟⲗ ϧⲉⲛⲛⲓⲅⲣⲁⲫⲏ ⲟⲩⲟϩ ⲁⲡⲓⲟⲩⲁⲓ ⲡⲓⲟⲩⲁⲓ ⲥⲁϫⲓ ⲛⲉⲙⲁϥ ⲙⲡⲉϥⲡⲣⲟⲃⲗⲏⲙⲁ ⲟⲩⲟϩ ⲛⲁⲩϫⲱ ⲙⲙⲟⲥ ⲛⲁϥ ⲡⲉ ϫⲉⲁⲛⲥⲱⲧⲉⲙ ⲉⲑⲃⲏⲧⲕ ϫⲉⲕⲥⲁϫⲓ ⲛⲕⲁⲗⲱⲥ ϧⲁⲡⲓⲛⲁϩϯ ⲉⲧⲥⲟⲩⲧⲱⲛ ⲉⲑⲃⲉⲫⲁⲓ ⲁⲛⲓ ϣⲁⲣⲟⲕ ϩⲓⲛⲁ ⲛⲧⲉⲕⲑⲉⲧⲡⲉⲛϩⲏⲧ ϧⲉⲛⲫⲣⲏ ⲉⲧⲉⲛϣⲓⲛⲓ ⲛⲥⲱϥ ⲛⲧⲟⲧⲕ . ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲁϫⲉⲣⲏ ⲉⲧⲉⲧⲉⲛⲟⲩⲁϣϥ . ⲡⲉϫⲉⲡⲓϩⲟⲩⲓⲧ ⲛⲁϥ ϫⲉⲁⲛⲟⲕ ⲟⲩⲉⲩⲙⲉⲛⲓⲟⲥ ⲁⲛⲟⲕ ⲇⲉ ⲉⲧⲁⲓⲓ ϩⲁⲣⲟⲕ ϫⲉϩⲓⲛⲁ ⲛⲧⲉⲕⲧⲁⲙⲟⲓ ϫⲉⲫⲓⲱⲧ ⲟⲩⲅⲉⲛⲉⲧⲟⲥ ⲡⲉ ϣⲁⲛ ⲟⲩⲁⲅⲉⲛⲉⲧⲟⲥ ⲡⲉ . ⲡⲉϫⲉⲁⲡⲁ ⲉⲩⲁⲅⲣⲓ ⲛⲁϥ ϫⲉϯⲛⲁⲉⲣⲟⲩⲱ ⲛⲁⲕ ⲁⲛ ϫⲉⲕⲁⲕⲱⲥ ⲁⲕϣⲓⲛⲓ ϯⲫⲩⲥⲓⲥ ⲅⲁⲣ ⲛⲁⲧⲙⲓⲥⲓ ⲙⲡⲁⲥⲥϣⲉ ⲉⲫⲓⲣⲓ ⲉⲑⲃⲏⲧⲥ ϫⲉⲟⲩⲙⲓⲥⲓ ⲧⲉ ϣⲁⲛ ⲟⲩⲁⲑⲙⲓⲥⲓ ⲧⲉ . ⲉⲧⲁⲡⲓϩⲟⲩⲓⲧ ⲉⲙⲓ ϫⲉⲁϥϭⲣⲟ ⲉⲣⲟϥ ⲁϥⲥⲉⲕⲡⲉϥⲁⲣⲏⲟⲩ ⲉⲧϩⲏ ⲉⲧⲁϥⲓ ⲇⲉ ⲉⲧϩⲏ ⲡⲉϫⲁϥ ⲙⲡⲓϣⲟⲣⲡ ϫⲉⲕⲁⲕⲱⲥ ⲁⲕϣⲓⲛⲓ . ⲡⲉϫⲉⲁⲡⲁ ⲉⲩⲁⲅⲣⲓ ⲛⲁϥ ϫⲉⲛⲑⲟⲕ ⲟⲩ ⲛⲑⲟⲕ . ⲡⲉϫⲁϥ ϫⲉⲟⲩⲁⲣⲓⲁⲛⲟⲥ ⲁⲛⲟⲕ . ⲡⲉϫⲉⲁⲡⲁ ⲉⲩⲁⲅⲣⲓ ⲛⲁϥ ϫⲉⲉⲕⲕⲱϯ ⲛⲥⲁⲟⲩ ⲛⲑⲟⲕ ϩⲱⲕ . ⲡⲉϫⲁϥ ⲛⲁϥ ϫⲉⲉⲓϣⲓⲛⲓ ⲉⲑⲃⲉⲡⲓⲡⲛⲉⲩⲙⲁ ⲛⲁⲅⲓⲟⲛ ⲛⲉ ⲉⲑⲃⲉⲡⲥⲱⲙⲁ ⲙⲡⲭⲣⲓⲥⲧⲟⲥ ϫⲉⲁⲛ ⲛⲑⲟϥ ⲡⲉ ϧⲉⲛⲟⲩⲙⲉⲑⲙⲏⲓ ⲡⲉ ⲫⲏ ⲉⲧⲁⲙⲁⲣⲓⲁ ⲙⲁⲥϥ . ⲡⲉϫⲉⲡⲓϩⲁⲅⲓⲟⲥ ⲉⲩⲁⲅⲣⲓ ⲛⲁϥ ϫⲉⲡⲓⲡⲛⲉⲩⲙⲁ ⲛⲁⲅⲓⲟⲛ ⲟⲩⲇⲉ ⲟⲩⲙⲓⲥⲓ ⲁⲛ ⲡⲉ ⲟⲩⲇⲉ ⲟⲩⲥⲱⲛⲧ ⲁⲛ ⲡⲉ ⲥⲱⲛⲧ ⲛⲓⲃⲉⲛ ⲥⲉⲁⲙⲟⲛⲓ ⲙⲙⲱⲟⲩ ϧⲉⲛⲟⲩⲧⲟⲡⲟⲥ ⲥⲱⲛⲧ ⲛⲓⲃⲉⲛ ϣⲁⲩϣⲓⲃϯ ⲟⲩⲟϩ ⲥⲉⲉⲣⲁⲅⲓⲁⲍⲓⲛ ⲙⲙⲱⲟⲩ ϩⲓⲧⲉⲛⲫⲏ ⲉⲧⲥⲟⲧⲡ ⲉⲣⲱⲟⲩ ⲡⲉϫⲉⲡⲓⲙⲁϩⲅ ϫⲉⲁⲕϭⲣⲟ ⲉⲛⲁⲓ ϫⲉϩⲁⲛ.......... ⲟⲩ ⲡⲉⲧⲉⲕⲟⲩⲱϣ ⲉϫⲟϥ ⲛⲏⲓ ϩⲱ . ⲡⲉϫⲉⲡⲓϧⲉⲗⲗⲟ ⲛⲁϥ ϫⲉⲟⲩ ⲡⲉ ⲉⲧⲉⲕⲕⲱϯ ⲛⲥⲱϥ ⲛⲑⲟⲕ ϫⲉⲁⲕϣⲟⲩϣⲟⲩ ⲙⲙⲟⲕ ϧⲁϫⲉⲛⲡⲓⲁⲅⲱⲛ . ⲡⲉϫⲉⲡⲓⲇⲁⲓⲙⲱⲛ ⲛⲁϥ ϫⲉⲁⲛⲟⲕ ⲙⲉⲛ ϯⲉⲣⲁⲙⲫⲓⲃⲁⲗⲓⲛ ⲁⲛ ϩⲗⲓ ⲁⲗⲗⲁ ⲡⲁϩⲏⲧ ⲑⲏⲧ ⲁⲛ ⲟⲩⲇⲉ ϥⲧⲁϫⲣⲏⲟⲩⲧ ⲁⲛ ϫⲉⲁⲡⲭⲣⲓⲥⲧⲟⲥ ϭⲓⲕⲁϯ ⲛⲣⲱⲙⲓ ⲁⲗⲗⲁ ⲛⲧϣⲉⲃⲓⲱ ⲙⲡⲓⲕⲁϯ ⲛⲑⲟϥ ⲫⲛⲟⲩϯ ⲁϥϣⲱⲡⲓ ⲛϧⲏⲧϥ ⲕⲉ ⲅⲁⲣ ⲙⲙⲟⲛ ϣϫⲟⲙ ⲛⲧⲉⲕⲁϯ ⲛⲣⲱⲙⲓ ϩⲓⲟⲩⲓ ⲉⲃⲟⲗ ⲙⲡⲁⲣⲭⲱⲛ ⲛⲧⲉⲛⲓⲇⲁⲓⲙⲱⲛ ⲉⲃⲟⲗ ϧⲉⲛⲛⲓⲣⲱⲛⲓ ⲟⲩⲟϩ ⲛⲧⲉϥϭⲣⲟ ⲉⲣⲟϥ ⲕⲉ ⲅⲁⲣ ⲙⲡⲁⲣⲉⲕⲁϯ ⲛⲣⲱⲙⲓ ϣⲱⲡⲓ ϧⲉⲛⲡⲓⲥⲱⲙⲁ ⲛⲉⲙⲫⲛⲟⲩϯ .
Another time, three demons approached him at midday, disguised in the form of ministers of the church. By their appearance, they displayed themselves as though they were righteous, and he did not immediately recognize them as demons. After they left and he found the door firmly closed, he knew they were demons, though at first he had not realized it. They showed themselves in such a way as to dispute with men of faith about the Scriptures and each of them presented him with a problem: ‘We have heard of you, that you speak beautifully of the orthodox faith; therefore, we have come to you to persuade our hearts concerning these matters which we question.’ He replied to them: ‘Say what you want.’ The first said: ‘I am a Eunomian, and I have come to you so that you may teach me whether the Father is unbegotten or begotten.’ Apa Evagrius said to him: ‘I will not answer you because you have questioned poorly, for it is not fitting to speak of what is unbegotten by nature as something begotten or unbegotten.’ When the first man knew that he had been defeated, he instructed his companion to proceed. The second man stepped forward and said to the first: ‘You questioned poorly.’ Apa Evagrius said to him: ‘And you, who are you?’ He replied: ‘I am an Arian.’ Apa Evagrius said: ‘And what do you seek?’ He said: ‘Concerning the Holy Spirit and about the truth of the saying that Mary bore God in the flesh.’ Then Saint Evagrius said to them: ‘The Holy Spirit is neither begotten nor created; for every created thing is comprehensible, mutable, and is sanctified by Him who chose to sanctify it.’ The third said: ‘You have defeated these […] The old man replied: ‘What are you seeking, you who boast of yourself before the battle?’ The demon replied: ‘I bring no ambiguity, but my heart is not persuaded, nor am I certain that Christ accepted human understanding. Instead, I believe divine understanding was in Him. For it cannot happen that a human spirit could drive out demons who dominate and overcome them. However, the human spirit does not exist in a body alongside God.’
bohairic.lausiac_01:20
ⲛⲁϥⲥⲟⲗⲥⲉⲗ ⲛⲛⲓⲥⲁϫⲓ ⲁⲛ ϧⲉⲛⲟⲩⲙⲉⲧⲫⲓⲗⲟⲥⲟⲫⲟⲥ ϧⲁⲧⲟⲧⲟⲩ ⲛⲛⲉϥϩⲁⲅⲓⲟⲥ ⲛⲁⲡⲟⲥⲧⲟⲗⲟⲥ ⲁⲗⲗⲁ ϧⲉⲛⲟⲩⲙⲉⲧϣⲁⲙϣⲉⲛⲟⲩϯ ⲛⲉⲙⲟⲩϫⲓⲛⲕⲁϯ ⲉⲥϣⲟⲙ ⲛⲉⲙⲉⲛⲧⲟⲗⲏ ⲛⲓⲃⲉⲛ ⲛⲧⲉϯⲙⲉⲑⲙⲏⲓ ⲉϥⲟⲩⲱϣ ⲁⲛ ⲉϯⲙⲕⲁϩ ⲛϩⲏⲧ ⲛϩⲗⲓ ⲉⲃⲏⲗ ⲉⲛⲏ ⲉⲑⲙⲟⲥϯ ⲙⲡⲓⲥⲁϫⲓ ⲙⲙⲁⲩⲁⲧⲟⲩ ⲛⲉⲙⲛⲏ ⲉⲑⲙⲟⲥϯ ⲛⲛⲓⲣⲉϥϯⲥⲃⲱ .
He did not adorn His words in a philosophical manner for His holy apostles but instructed them in the service of God, sharp understanding, and every precept of truth, wishing to sadden no one except those who hated the Word and despised their teachers.
bohairic.lausiac_02:20
ⲥⲉϫⲱ ⲛⲧⲁⲓⲕⲉϣⲫⲏⲣⲓ ⲛⲧⲁϥ ⲟⲛ ⲛⲑⲟϥ ⲡⲉⲛⲓⲱⲧ ⲉⲑⲟⲩⲁⲃ ⲁⲃⲃⲁ ⲡⲁⲙⲱ ϫⲉⲁⲡⲁ ⲡⲓϩⲱⲣ ⲡⲓⲁⲥⲕⲩⲧⲏⲥ ⲡⲓⲙⲁⲑⲏⲧⲏⲥ ⲛⲧⲉⲁⲃⲃⲁ ⲁⲛⲧⲱⲛⲓⲟⲥ ⲁϥⲟⲩⲱϣ ⲉϩⲓⲟⲩⲕⲟⲧ ⲉⲣⲟϥ ⲛⲟⲩⲥⲟⲡ ⲁϥⲟⲗⲡⲉϥⲱⲓⲕ ⲛⲉⲙⲁϥ ⲛⲉⲙϫⲱⲓⲧ ⲃ ⲉϥⲛⲁϣⲉ ⲉⲙⲁⲩ ϣⲁⲣⲟϥ . ⲡⲉϫⲉⲁⲡⲁ ⲡⲁⲙⲱ ⲛⲁϥ ϫⲉⲟⲩ ⲛⲉ ⲛⲁⲓ ⲡⲓϩⲱⲣ . ⲡⲉϫⲉⲁⲡⲁ ⲡⲓϩⲱⲣ ⲛⲁϥ ϫⲉⲟⲩⲉϩⲟⲟⲩ ⲛⲟⲩⲱⲧ ⲁⲓⲑⲁϣϥ ⲉⲑⲣⲓⲟϩⲓ ϧⲁⲧⲟⲧⲕ ⲉⲑⲃⲉⲫⲁⲓ ⲁⲓⲓⲛⲓ ⲛⲧⲁⲕⲟⲩϫⲓ ⲛⲭⲣⲓⲁ ⲛⲉⲙⲏⲓ . ⲁ ⲡⲓϧⲉⲗⲗⲟ ⲉⲙⲓ ϧⲉⲛⲡⲉϥⲕⲁϯ ϫⲉⲁϥⲙⲟⲣϥ ⲛϫⲉⲡⲓϩⲱⲣ ⲉϣⲧⲉⲙⲟⲩⲱⲙ ⲛⲟⲩⲱⲓⲕ ⲛⲁⲗⲗⲟⲧⲣⲓⲟⲛ ⲟⲩⲟϩ ⲙⲉⲛⲉⲛⲥⲁⲟⲩⲥⲏⲟⲩ ⲟⲩⲛ ⲁⲁⲃⲃⲁ ⲡⲁⲙⲱ ⲟⲩⲱϣ ⲉϯⲥⲃⲱ ⲛⲁϥ ⲉϣⲧⲉⲙⲁⲙⲟⲛⲓ ⲙⲡⲉϥⲟⲩⲱϣ ⲁϥϣⲁⲛϩⲱⲗ ϣⲁⲛⲓϧⲉⲗⲗⲟⲓ . ⲁϥⲧⲱⲛϥ ϩⲱϥ ⲛϫⲉⲁⲡⲁ ⲡⲁⲙⲱ ⲁϥϩⲓⲟⲩⲕⲟⲧ ⲉⲁⲡⲁ ⲡⲓϩⲱⲣ ⲁϥϩⲱⲣⲡ ⲙⲡⲉϥⲱⲓⲕ ⲙⲡⲁⲧⲉϥϩⲱⲗ ϣⲁⲣⲟϥ ⲛⲉⲙⲕⲉⲃⲁⲗⲕⲟⲩ ⲙⲙⲱⲟⲩ ⲉⲧⲁϥϣⲉ ⲇⲉ ⲉϧⲟⲩⲛ ⲡⲉϫⲉⲁⲡⲁ ⲡⲓϩⲱⲣ ⲛⲁϥ ϫⲉⲟⲩ ⲛⲉ ⲛⲁⲓ ⲡⲁⲙⲱ . ⲡⲉϫⲉⲁⲡⲁ ⲡⲁⲙⲱ ⲛⲁϥ ϫⲉⲡⲁⲱⲓⲕ ⲛⲉ ⲛⲉⲙⲡⲁⲙⲱⲟⲩ ϩⲓⲛⲁ ⲛⲧⲁϣⲧⲉⲙϯϧⲓⲥⲓ ⲛⲁⲕ ⲁⲓϩⲱⲣⲡ ⲙⲡⲁⲕⲉⲱⲓⲕ ⲙⲡⲁϯⲓ ϣⲁⲣⲟⲕ . ⲁϥⲉⲣⲡⲁⲓϩⲱⲃ ⲅⲁⲣ ⲛϫⲉⲁⲡⲁ ⲡⲁⲙⲱ ϩⲓⲛⲁ ⲛⲧⲉϥϯⲥⲃⲱ ⲛⲁϥ ϧⲉⲛⲟⲩⲭⲁⲣⲱϥ .
They also tell this remarkable story about our holy father, Abba Pambo. It is said that the ascetic Apa Pihor, a disciple of Abba Antony, once came to him, bringing bread and two olives that he had taken with him to eat. Abba Pambo said to him: “What are these, Pihor?” Apa Pihor replied: “I have decided to remain with you for a day, and I brought these few necessities with me.” The elder understood that Pihor had bound himself by a vow not to eat another man’s bread. After some time, wishing to teach him without acting according to his own will while among the elders, Pamo rose and went to Apa Pihor. Before he reached him, he had moistened his bread and carried two jars of water with him. Apa Pihor said to him: “What are these, Pambo?” Pambo replied: “Behold, I have brought my bread and water with me. To avoid causing you any trouble, I moistened my bread before coming to you.” Thus Apa Pambo did this to teach him silently.
bohairic.lausiac_03:21
ⲡⲉϫⲉⲁⲡⲁ ⲉⲩⲁⲅⲣⲓ ⲛⲁϥ ϫⲉⲉⲛⲉⲙⲡⲉϥϭⲓⲕⲁϯ ⲛⲣⲱⲙⲓ ⲡⲉ ⲛⲁϥⲛⲁϭⲓⲥⲁⲣⲝ ⲛⲣⲱⲙⲓ ⲁⲛ ⲟⲛ ⲡⲉ ⲓⲉ ϫⲉⲟⲩⲛ ⲁϥϭⲓⲥⲁⲣⲝ ⲛⲣⲱⲙⲓ ⲉⲃⲟⲗ ϧⲉⲛⲙⲁⲣⲓⲁ ϯⲡⲁⲣⲑⲉⲛⲟⲥ ⲉⲑⲟⲩⲁⲃ ⲓⲉ ⲁϥⲉⲣⲣⲱⲙⲓ ⲟⲛ ⲛⲉⲙⲯⲩⲭⲏ ⲛⲉⲙⲟⲩⲕⲁϯ ⲉϥϫⲏⲕ ⲉⲃⲟⲗ ϧⲉⲛϩⲱⲃ ⲛⲓⲃⲉⲛ ⲛⲧⲉϯⲙⲉⲧⲣⲱⲙⲓ ϣⲁⲧⲉⲛⲫⲛⲟⲃⲓ ⲙⲙⲁⲩⲁⲧϥ ⲙⲙⲟⲛ ϣϫⲟⲙ ⲅⲁⲣ ⲛⲧⲉⲡⲥⲱⲙⲁ ϣⲱⲡⲓ ....... ⲉⲯⲩⲭⲏ ⲛⲉⲙⲕⲁϯ ⲓⲥϫⲉ ⲇⲉ ⲙⲡⲉϥϭⲓ ⲛⲛⲁⲓ ⲓⲉ ⲉⲩⲙⲟⲩϯ ⲉⲣⲟϥ ⲉⲫⲗⲏⲟⲩ ϫⲉⲛⲭⲣⲓⲥⲧⲟⲥ ⲡⲗⲟⲅⲟⲥ ⲟⲩⲛ ⲛⲁⲧϣⲓⲃϯ ⲡⲓⲙⲟⲛⲟⲅⲉⲛⲏⲥ ⲛϣⲏⲣⲓ ⲛⲧⲉⲫⲓⲱⲧ ⲁϥϭⲓⲥⲱⲙⲁ ⲛⲣⲱⲙⲓ ⲛⲉⲙⲯⲩⲭⲏ ⲛⲉⲙⲕⲁϯ ⲛⲉⲙϩⲱⲃ ⲛⲓⲃⲉⲛ ⲛⲧⲉϯⲙⲉⲧⲣⲱⲙⲓ ⲭⲱⲣⲓⲥ ⲫⲛⲟⲃⲓ .
Apa Evagrius said: ‘If He had not accepted the human spirit, He would not have taken on human flesh; for the Blessed Virgin Mary did not bear one without a human soul. In every human work, free from sin, this was fitting. For it is not possible that there be a body [….] soul and spirit. For unless He had received these, Christ would be called in vain. Therefore, the immutable Word, the Only-Begotten Son of the Father, assumed a human body, as well as a soul, spirit, and all things human, without sin.
bohairic.lausiac_01:21
ϯⲯⲩⲭⲏ ⲅⲁⲣ ⲉⲧⲉⲣⲁⲥⲕⲓⲛ ⲉⲡⲭⲣⲓⲥⲧⲟⲥ ϩⲱϯ ⲉⲣⲟⲥ ⲡⲉ ⲛⲧⲉⲥϭⲓⲥⲃⲱ ϧⲉⲛⲟⲩⲕⲁϯ ⲉⲛⲏ ⲉⲧⲉⲥⲉⲙⲓ ⲉⲣⲱⲟⲩ ⲁⲛ ⲥⲉ ⲛⲧⲉⲥϭⲓⲥⲃⲱ ⲛⲑⲟϥ ⲉⲛⲏ ⲉⲧⲁⲥⲟⲩⲱ ⲉⲙⲓ ⲉⲣⲱⲟⲩ ϧⲉⲛⲟⲩⲧⲁϫⲣⲟ ⲉϣⲱⲡ ⲥⲟⲩⲱϣ ⲁⲛ ⲉⲉⲣⲟⲩⲁⲓ ϧⲉⲛⲡⲁⲓⲃ ⲁⲣⲓⲉⲙⲓ ϫⲉⲉⲥϣⲱⲛⲓ ϧⲉⲛⲟⲩⲗⲓⲃⲓ
For the soul that practices asceticism in Christ and does not know how to be taught with understanding or to teach what it has firmly learned should be understood to be suffering from madness.
bohairic.lausiac_03:22
ⲙⲁⲣⲉⲥⲣⲱϣⲓ ⲙⲙⲟⲛ ⲟⲩⲛ ϯⲛⲟⲩ ⲛϫⲉⲟⲩⲗⲁⲟⲩⲓ ⲙⲙⲉⲧⲙⲉⲑⲣⲉ ⲛⲧⲉⲡⲁⲩⲗⲟⲥ ⲡⲓⲁⲡⲟⲥⲧⲟⲗⲟⲥ ⲉϥϫⲱ ⲙⲙⲟⲥ ⲉϥⲑⲱⲟⲩϯ ⲉϧⲟⲩⲛ ⲛⲁⲛ ⲙⲡⲓⲛⲁϩϯ ⲉⲟⲩⲙⲟⲛⲁⲥ ⲛⲟⲩⲱⲧ ⲛⲉⲙⲟⲩⲙⲉⲑⲛⲟⲩϯ ⲛⲟⲩⲱⲧ ⲛⲉⲙⲟⲩⲙⲉⲧⲟⲩⲣⲟ ⲛⲟⲩⲱⲧ ϫⲉϯⲣⲓⲁⲥ ⲛⲟⲙⲟⲟⲩⲥⲓⲟⲥ ⲟⲩⲁⲧϣⲓⲃϯ ⲧⲉ ϥϫⲱ ⲅⲁⲣ ⲙⲙⲟⲥ ϫⲉⲟⲩⲁⲓ ⲡⲉ ⲫⲛⲟⲩϯ ⲟⲩⲁⲓ ⲡⲉ ⲡⲓⲙⲉⲥⲓⲧⲏⲥ ⲛⲧⲉⲫⲛⲟⲩϯ ⲛⲉⲙⲛⲓⲣⲱⲙⲓ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲓϣⲏⲣⲓ ⲙⲫⲛⲟⲩϯ ⲫⲓⲱⲧ ⲛⲉⲙⲡⲓⲡⲛⲉⲩⲙⲁ ⲛⲁⲅⲓⲟⲛ ⲛⲟⲩⲱⲧ ⲛⲧⲉⲛⲓⲣⲉϥⲙⲱⲟⲩⲧ ϧⲉⲛⲡⲓⲥⲏⲟⲩ ⲛⲧⲉⲡ.... ⲟⲩⲁⲛⲁⲥⲧⲁⲥⲓⲥ ⲛⲟⲩⲱⲧ ⲛⲧⲉⲛⲓⲣⲉϥⲙⲱⲟⲩⲧ ϧⲉⲛⲡⲓⲥⲏⲟⲩ ⲛⲧⲉⲡ.... ⲕⲁⲧⲁϯϧⲉ ⲉⲧⲁⲡⲁⲩⲗⲟⲥ ϫⲟⲥ . .... ⲧⲉⲛ ⲙⲛⲧ..... ⲧⲉⲧⲉⲛϫⲱⲗ ⲉⲃⲟⲗ ⲙⲡⲙⲏⲥⲧⲏⲣⲓⲟⲛ ⲧⲏⲣϥ ⲛⲧⲉϯⲧⲣⲓⲁⲥ ⲉⲑⲟⲩⲁⲃ ⲟⲩⲁⲓ ⲉⲃⲟⲗ ϧⲉⲛⲑⲏⲛⲟⲩ ⲁϥⲉⲣⲡⲗⲟⲅⲟⲥ ⲛⲥⲱⲛⲧ ⲕⲉⲟⲩⲁⲓ ⲁϥⲉⲣⲡⲓⲡⲛⲉⲩⲙⲁ ⲛⲁⲅⲓⲟⲛ ⲛⲥⲱⲛⲧ ⲛⲉⲙⲡⲓⲥⲱⲙⲁ ⲛⲧⲉⲡⲭⲣⲓⲥⲧⲟⲥ ⲡⲕⲉⲟⲩⲁⲓ ⲁϥϧⲱⲧⲉⲃ ⲛϯⲯⲩⲭⲏ ⲛⲉⲙⲛⲓⲥⲱⲙⲁ ⲛⲧⲉⲡⲭⲣⲓⲥⲧⲟⲥ .....
Let us now simply bring forward Paul’s testimony, which says: to unite us into one faith, one divinity, one kingdom, because the Trinity is immutable. For he said: ‘There is one God and one mediator between God and humanity, Jesus Christ, the Son of God the Father, one Holy Spirit, one Catholic Church, one resurrection of the dead in time.’ Thus, Paul said, ‘[…] you have fully grasped the mystery of the Holy Trinity.’ One among you said the Word is a creature; another said the Holy Spirit and the body of Christ are creatures; another, however, killed the soul and body of Christ […].
bohairic.lausiac_01:22
ⲧⲁⲣⲭⲏ ⲅⲁⲣ ⲛϯⲁⲡⲟⲥⲧⲁⲥⲓⲁ ⲉⲃⲟⲗ ϩⲁⲫⲛⲟⲩϯ ⲑⲁⲓ ⲧⲉ ⲟⲩⲣⲱⲙⲓ ⲁϥϣⲁⲛⲙⲁϩϧⲏⲧϥ ⲙⲡⲥⲁϫⲓ ⲛⲫⲛⲟⲩϯ ⲛⲧⲉϥϣⲧⲉⲙⲉⲣⲉⲡⲓⲑⲩⲙⲓⲛ ⲉⲣⲟϥ ⲟⲩⲇⲉ ⲛⲧⲉϥϣⲧⲉⲙⲉⲣϩⲱⲃ ⲉⲣⲟϥ
From God, indeed, comes the beginning of apostasy when a person fills their heart neither desiring nor acting according to the Word of God.
bohairic.lausiac_01:23
ϯⲯⲩⲭⲏ ⲅⲁⲣ ⲛⲧⲉⲡⲓⲙⲁⲓⲛⲟⲩϯ ϩⲟⲕⲉⲣ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲛⲥⲏⲟⲩ ⲛⲓⲃⲉⲛ ϣⲁⲧⲉϥⲛⲓϥⲓ ⲛϧⲁⲉ ϫⲉⲙⲛⲟⲙϯ ⲟⲩⲟϩ ϭⲣⲟ ⲙⲙⲟⲕ ⲟⲩⲟϩ ⲡϭⲟⲉⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲁϯ ⲛⲟⲩϩⲙⲟⲧ ⲛⲁⲕ ϧⲉⲛⲡⲓⲉⲙⲓ ⲉⲑⲛⲁⲛⲉϥ .
However, the mind of one who loves God hungers for the Word at all times until the very end of their spirit. Be strengthened, therefore, and act courageously, and may the Lord Jesus Christ grant you grace in true knowledge.
bohairic.lausiac_01:24
ⲟⲩϫⲁⲓ ϧⲉⲛⲡϭⲟⲉⲓⲥ ⲁⲙⲏⲛ .
Farewell in the Lord: amen.
bohairic.lausiac_01:25
ⲡⲓϫⲓⲛⲱⲛϧ ⲛⲧⲉϩⲁⲛⲣⲱⲙⲓ ⲉⲩⲟⲩⲁⲃ ⲫⲏ ⲉⲧⲟⲩⲥⲁϫⲓ ⲙⲙⲟϥ ⲛⲗⲁⲩⲥⲓⲟⲥ ⲡⲓⲡⲣⲉⲡⲟⲥⲓⲧⲟⲥ ⲡⲓⲃⲱⲕ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ .
The life of holy men, written to Lausus, the servant of Jesus Christ.
bohairic.lausiac_01:26
ⲁⲟⲩⲙⲏϣ ϩⲓⲧⲟⲧⲟⲩ ⲉⲥϧⲉ ϩⲁⲛⲙⲏϣ ⲛⲃⲱⲗ ⲕⲁⲧⲁⲥⲏⲟⲩ ⲟⲩⲟϩ ⲁⲩⲭⲁⲩ ϧⲉⲛⲡⲓⲕⲟⲥⲙⲟⲥ ⲉⲡϫⲓⲛⲧⲟⲩϣⲟⲩϣⲟⲩ ⲉϫⲱⲟⲩ ⲁⲛ ⲁⲗⲗⲁ ϫⲉϩⲓⲛⲁ ⲛⲧⲉⲡⲓⲕⲟⲥⲙⲟⲥ ⲛⲁⲩ ⲙⲃⲟⲗ ⲛϧⲏⲧⲟⲩ .
Many over time have endeavored to write numerous explanations, not to gain glory for themselves, but so that through them the world might see external matters.
bohairic.lausiac_01:27
ϩⲁⲛⲟⲩⲟⲛ ⲙⲉⲛ ⲁⲩⲉⲣⲕⲁⲑⲏⲕⲓⲛ ⲙⲙⲱⲟⲩ ⲉⲃⲟⲗ ϩⲓⲧⲉⲛⲡⲓⲛⲓϥⲓ ⲛⲧⲉⲡⲓϩⲙⲟⲧ ⲉⲧⲥⲁⲡϣⲱⲓ ⲫⲏ ⲉⲧⲁⲫⲛⲟⲩϯ ⲛⲓϥⲓ ⲙⲙⲱⲟⲩ ⲛϧⲏⲧⲟⲩ ⲉⲑⲃⲉⲟⲩⲕⲱⲧ ⲛⲉⲙⲟⲩⲧⲁϫⲣⲟ ⲛⲧⲉϯⲙⲉⲧⲣⲱⲙⲓ ⲛⲏ ⲉⲑⲙⲟϣⲓ ⲛⲥⲁⲛⲓⲉⲛⲧⲟⲗⲏ ⲛⲉⲙⲛⲓⲟⲩⲁϩⲥⲁϩⲛⲓ ⲛⲧⲉⲡⲉⲛⲥⲱⲧⲏⲣ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲡϣⲏⲣⲓ ⲙⲫⲛⲟⲩϯ ⲫⲓⲱⲧ ϧⲉⲛⲟⲩⲛⲁϩϯ ⲛⲁⲧⲙⲉⲧϣⲟⲃⲓ
Some, indeed, by the heavenly inspiration that God granted them, taught and consolidated those things for the edification of humanity, which faithfully fulfills the commands and mandates of our Savior Jesus Christ, the Son of God the Father, with unchanging faith.
bohairic.lausiac_01:28
ϩⲁⲛⲕⲉⲟⲩⲟⲛ ⲇⲉ ⲟⲛ ⲁⲩⲉⲣⲙⲁⲓϩⲩⲗⲏ ⲉⲃⲟⲗϩⲓⲧⲉⲛϯⲙⲉⲧⲣⲁⲛⲁϥ ⲛⲣⲱⲙⲓ ⲉⲧⲧⲁⲕⲏⲟⲩⲧ ⲁⲩⲕⲱ ⲛϩⲁⲛⲥⲁϫⲓ ⲙⲃⲱⲗ ⲉϧⲣⲏⲓ ⲉⲩϯⲛⲟⲙϯ ⲛⲛⲏ ⲉⲑⲗⲟⲃⲓ ⲛⲥⲁϯϩⲩⲇⲟⲛⲏ ⲛⲉⲙⲡⲓϫⲱⲛⲧ ⲉⲩⲟⲓ ⲙⲙⲁⲓⲁⲣⲭⲱⲛ ⲉⲩⲟⲓ ⲙⲙⲁⲓⲣⲁⲙⲁⲟ ⲟⲩⲟϩ ⲙⲁⲓϩⲏⲕⲓ ⲁⲛ ϣⲁⲧⲟⲩⲧⲁⲕⲟ ⲛⲛⲏ ⲉⲧϣⲟⲩϣⲟⲩ ⲙⲙⲱⲟⲩ ϧⲉⲛⲛⲓⲙⲉⲩⲓ ⲉⲣⲉⲡⲟⲩⲕⲁϯ ⲟⲓ ⲙⲃⲉⲗⲗⲉ ϧⲉⲛⲛⲓⲭⲣⲏⲁ ⲉⲧⲉⲛⲓⲥⲭⲓⲥⲙⲁⲧⲓⲕⲟⲥ ⲛϩⲉⲣⲉⲧⲓⲕⲟⲥ ⲧⲏⲣⲟⲩ ⲛⲉ
Others, however, driven by the corrupt intention of pleasing men, loved material gain and left their explanations in words, providing comfort to those who pursue pleasure and anger, who love power, who love riches, but not the poor, until they destroy those who boast of knowledge while their understanding is blind in necessity - which is all of the heretic schismatics.
bohairic.lausiac_01:29
ⲛⲁⲓ ⲉⲧϯ ⲛⲟⲩⲑⲱⲗⲉⲃ ⲛⲥⲁϯⲛⲁⲓⲁⲧⲥ ⲉⲑⲟⲩⲁⲃ ⲛⲕⲁⲑⲟⲗⲓⲕⲏ ⲛⲉⲕⲕⲗⲏⲥⲓⲁ ⲑⲏ ⲉⲧⲟⲓ ⲛⲁⲧⲁϭⲛⲓ ϧⲉⲛⲡⲉⲥϫⲓⲛⲱⲛϧ ⲧⲏⲣϥ ⲉⲩⲥⲓϯ ⲛϩⲁⲛⲥⲁϫⲓ ⲉⲩϩⲱⲟⲩ ⲙⲙⲉⲧⲫⲓⲗⲟⲥⲟⲫⲟⲥ ⲉⲡϩⲏⲧ ⲛⲛⲓⲣⲱⲙⲓ ⲛⲁⲧⲕⲁϯ ϫⲉϩⲓⲛⲁ ⲛⲧⲟⲩⲧⲁⲕⲟ ⲙⲡⲟⲩϫⲓⲛⲱⲛϧ ⲉⲃⲟⲗ ϩⲁϯⲙⲉⲧⲥⲉⲙⲛⲟⲥ .
All those who have stained the happy and catholic Church, which remains free from blemish throughout its entire life, by injecting evil words of philosophy into the hearts of men without understanding, so that their lives might be destroyed far from purity.
bohairic.lausiac_01:30
ⲁⲥⲣⲁⲛⲏⲓ ϩⲱ ⲁⲛⲟⲕ ϧⲁⲡⲓϫⲱⲃ ⲟⲩⲟϩ ⲉⲧⲑⲉⲃⲓⲏⲟⲩⲧ ⲉⲧⲁⲓϣⲫⲓⲧ ϧⲁⲧϩⲏ ⲙⲡⲓⲟⲩⲁϩⲥⲁϩⲛⲓ ⲛⲧⲉⲧⲉⲕⲙⲉⲧⲙⲁⲓⲛⲟⲩϯ ⲟⲩⲟϩ ⲛϣⲁⲙϣⲉⲛⲟⲩϯ ⲛⲉⲙϯⲡⲣⲟⲕⲟⲡⲏ ⲛⲧⲉⲡⲉⲕⲙⲉⲩⲓ ⲉⲧⲁⲙⲟⲕ
It has also pleased me, a poor and humble man, who reveres the command of your piety, your service to God, and the progress of your thoughts, to teach you these things.
bohairic.lausiac_01:31
ϫⲉⲓⲥϫⲉⲛ ⲧⲁⲙⲉⲧⲕⲟⲩϫⲓ ϣⲁϯⲛⲟⲩ ⲁⲓⲉⲣⲗⲅ ⲛⲣⲟⲙⲡⲓ ϧⲉⲛϯⲡⲟⲗⲏⲧⲓⲁ ⲛⲧⲉⲛⲓⲥⲛⲏⲟⲩ ⲉⲓⲟⲓ ⲙⲙⲟⲛⲁⲭⲟⲥ ⲛⲱⲟⲩ ϧⲉⲛϯⲁⲥⲕⲩⲥⲓⲥ
From my youth until this time, spanning thirty-three years, I have confessed to leading the life of brothers, becoming a monk among them in ascetic practices.
bohairic.lausiac_01:32
ⲟⲩⲟϩ ⲓⲥ ⲕⲉⲕ ⲛⲣⲟⲙⲡⲓ ⲁⲓⲁⲓⲧⲟⲩ ϧⲉⲛϯⲙⲉⲧⲉⲡⲓⲥⲕⲟⲡⲟⲥ
And for these past twenty years, I have served in the episcopate.
bohairic.lausiac_01:33
ⲟⲩⲟϩ ϯⲛⲟⲩ ⲓⲥϫⲉ ⲕⲉⲋ ⲛⲣⲟⲙⲡⲓ ϯⲟⲛϧ ⲛϧⲏⲧⲟⲩ ⲉⲓⲉⲣⲉⲡⲓⲑⲩⲙⲓⲛ ⲉⲧⲁⲙⲟⲕ ⲉⲛⲓϩⲃⲏⲟⲩⲓ ⲉⲧⲧⲟⲩⲃⲏⲟⲩⲧ ⲟⲩⲟϩ ⲉⲑⲙⲉϩ ⲛⲱⲟⲩ ⲛⲉⲙⲁⲣⲉⲧⲏ ⲛⲓⲃⲉⲛ ⲛⲧⲉⲛⲓϧⲉⲗⲗⲟⲓ ⲉⲑⲟⲩⲁⲃ ⲛⲏ ⲉⲧⲁⲓⲛⲁⲩ ⲉⲣⲱⲟⲩ ⲛⲉⲙⲛⲏ ⲉⲧⲁⲓⲥⲟⲑⲙⲟⲩ ϧⲉⲛⲛⲁⲙⲁϣϫ ⲉⲃⲟⲗ ϩⲓⲧⲉⲛϩⲁⲛⲓⲟϯ ⲉⲩⲛϩⲟⲧ ϧⲉⲛⲛⲓϣⲁϥⲉⲩ ⲛⲧⲉⲭⲏⲙⲓ ⲛⲉⲙⲛⲓⲫⲁⲓⲁⲧ ⲛⲉⲙⲛⲏ ⲉⲧⲁⲩϣⲱⲡⲓ ϧⲉⲛⲙⲁⲣⲏⲥ ⲛⲉⲙⲥⲟⲩⲁⲛ ⲛⲉⲙⲛⲓⲙⲁ ⲉⲣⲉⲛⲓⲣⲉⲙⲧⲁⲃⲉⲛⲛⲏⲥⲓ ϣⲟⲡ ⲙⲙⲁⲩ ⲛⲉⲙϯⲙⲉⲥⲟⲡⲟⲧⲟⲙⲓⲁ ⲛⲉⲙϯⲥⲩⲣⲓⲁ ⲛⲉⲙϯⲡⲁⲗⲉⲥⲧⲏⲛⲏ ⲛⲉⲙⲛⲓⲙⲁ ⲛϩⲱⲧⲡ ⲣⲱⲙⲏ ⲛⲉⲙⲧⲕⲁⲃⲁⲛⲓⲁ ⲛⲉⲙⲛⲏ ⲉⲧⲥⲁϧⲟⲩⲛ ⲙⲙⲱⲟⲩ .
Now, for these five years, I desire to teach you about pure and glorious works and all the virtues of the elders, which I have seen with my eyes and heard with my ears from faithful Fathers in the desert of Egypt, in Libya, and from those who were in Upper Egypt, in Syene, in the places inhabited by the Tabennesiotes, and in Mesopotamia, Syria, Palestine, and the West, in Rome, in Campania, and in the inland regions.
bohairic.lausiac_01:34
ⲁⲓϥⲓⲣⲱⲟⲩϣ ϧⲉⲛⲟⲩϫⲱϥ ⲛϩⲏⲧ ⲉϯ ⲛϩⲑⲏⲓ ⲉⲑⲣⲓⲥϧⲉⲡⲁⲓϫⲱⲙ ⲛⲁⲕ ⲓⲥϫⲉⲛⲧⲁⲣⲭⲏ ⲛⲛⲓϩⲃⲏⲟⲩⲓ ⲛⲧⲉϯⲙⲉⲧⲙⲟⲛⲁⲭⲟⲥ ⲉⲧⲁⲥϣⲱⲡⲓ ϩⲓⲡϣⲁϥⲉ ϩⲟⲡⲱⲥ ⲛⲧⲉϥϣⲱⲡⲓ ⲛⲁⲕ ⲛⲟⲩⲓⲁⲗ ⲉⲑⲣⲉⲕⲛⲁⲩ ⲉⲡⲉⲕⲥⲙⲟⲧ ⲛϧⲏⲧϥ ⲉⲕⲓⲣⲓ ⲙⲡⲉϥⲙⲉⲩⲓ ⲙⲡⲉϩⲟⲟⲩ ⲛⲉⲙⲡⲓⲉϫⲱⲣϩ ⲉⲩⲛⲟϩⲉⲙ ⲛⲧⲉⲕⲯⲩⲭⲏ
With all the fervor of my heart, I have striven to direct my attention to writing this book for you, from the beginnings of the monastic works that arose in the desert, so that it might be a mirror in which you see your reflection and remember it day and night for the salvation of your soul.
bohairic.lausiac_01:35
ⲉϥⲙⲉϩ ⲛⲱⲟⲩ ⲛⲉⲙⲫⲁϧⲣⲓ ⲛⲛⲟⲩϯ ⲉϥⲧⲁⲗϭⲟ ⲛϯⲉⲃϣⲓ ϫⲉϩⲓⲛⲁ ⲡⲓⲕⲉϩⲛⲓⲙ ⲛⲧⲉϯⲉⲡⲓⲑⲩⲙⲓⲁ ⲛⲧⲉϥϩⲓⲧϥ ⲉⲃⲟⲗ ϩⲁⲣⲟⲕ ⲛⲉⲙϯⲙⲉⲧϩⲏⲧⲃ ⲛⲉⲙⲡⲓⲁⲛⲟⲛⲓ ⲛⲧⲉⲡⲓϩⲟⲩⲟⲭⲣⲓⲁ ⲛⲧⲉⲡⲁⲓⲕⲟⲥⲙⲟⲥ ⲛⲉⲙⲙⲉⲧϭⲉⲛⲛⲉ ⲛⲓⲃⲉⲛ ⲛⲉⲙⲡⲓⲙⲕⲁϩ ⲛϩⲏⲧ ⲛⲉⲙⲡⲓϣⲑⲟⲣⲧⲉⲣ ⲛⲉⲙϯⲙⲉⲧⲕⲟⲩϫⲓ ⲛϩⲏⲧ ⲛⲉⲙⲡⲓϫⲱⲛⲧ ⲛⲁⲧϣⲁⲙⲟⲛⲓ ⲛⲧⲟⲧϥ
For it is so full of glory and divine medicine that it will even cast out the domination of concupiscence from you, as well as the duplicity of the heart, the softness caused by the abundance of the riches of this world, all sloth, all affliction of the heart, all disturbance, faint-heartedness, and unrelenting anger.
bohairic.lausiac_01:36
ⲟⲩⲟϩ ⲛⲧⲉⲕϣⲱⲡⲓ ⲉⲕⲛⲏⲟⲩ ⲉⲧϩⲏ ϧⲉⲛϯⲡⲣⲟⲕⲟⲡⲏ ⲛⲧⲉⲛⲓⲙⲉⲩⲓ ⲛⲧⲉⲫⲛⲟⲩϯ ⲛⲉⲙϯⲙⲉⲧϣⲁⲙϣⲉⲛⲟⲩϯ ⲉⲧⲧⲟⲩⲃⲏⲟⲩⲧ ⲟⲩⲟϩ ⲛⲧⲉⲕϣⲱⲡⲓ ⲉⲕⲟⲓ ⲉϭⲁⲩⲙⲱⲓⲧ ⲛⲁⲕ ⲛⲉⲙⲛⲏ ⲉⲑⲛⲉⲙⲁⲕ ⲛⲉⲙⲛⲏ ⲉⲑⲛⲏⲟⲩ ϩⲁⲣⲟⲕ ⲛⲉⲙⲛⲓϣⲁⲙϣⲉⲛⲟⲩϯ ⲛⲟⲩⲣⲱⲟⲩ
In this way, you will become one who progresses in the thought of God and sincere piety, becoming a guide for yourself and for those who are with you, as well as for those who will come to you, and for pious kings.
bohairic.lausiac_01:37
ⲉⲃⲟⲗ ϩⲓⲧⲉⲛⲛⲁⲓⲥⲃⲱⲟⲩⲓ ⲛⲉⲙⲛⲓⲥⲁϫⲓ ⲛⲧⲉⲛⲁⲓⲁⲥⲕⲏⲧⲏⲥ ⲉⲧⲉⲛϧⲉⲗⲗⲟⲓ ⲉⲑⲟⲩⲁⲃ ⲛⲉ ϩⲓⲛⲁ ⲛⲥⲉⲓⲏⲥ ⲙⲙⲱⲟⲩ ⲛϫⲉⲛⲏ ⲉⲧⲟⲓ ⲙⲙⲁⲓⲭⲣⲓⲥⲧⲟⲥ ⲉⲉⲣⲟⲩⲁⲓ ⲛⲉⲙⲫⲛⲟⲩϯ ⲕⲁⲧⲁⲛⲓⲁⲣⲉⲧⲏ ⲛⲉⲙϯⲁⲅⲁⲡⲏ ⲛⲁⲧⲫⲱⲣϫ ⲉⲩⲥⲟⲡ ⲟⲩⲟϩ ⲉϫⲟⲩϣⲧ ⲉⲃⲟⲗ ⲛⲥⲏⲟⲩ ⲛⲓⲃⲉⲛ ϧⲁⲧϩⲏ ⲙⲡⲓϫⲓⲛⲓ ⲉⲃⲟⲗ ϧⲉⲛⲥⲱⲙⲁ ⲉϣⲱⲡⲓ ⲛⲉⲙⲁϥ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲛⲁⲛⲉⲥ ⲛⲏⲓ ⲉⲃⲱⲗ ⲉⲃⲟⲗ ϧⲉⲛⲧⲁⲓⲥⲁⲣⲝ ⲉϣⲱⲡⲓ ⲛⲉⲙ ⲡⲭⲣⲓⲥⲧⲟⲥ
From the teachings and words of these ascetics, that is, the holy elders, let those who love Christ hasten to unite themselves to God according to virtue and undivided love, expecting at all times the departure of their souls from their bodies, as it is written: “It is better for me to be dissolved from this flesh so that I may be with Christ.”
bohairic.lausiac_01:38
ⲟⲩⲟϩ ⲡⲁⲗⲓⲛ ϫⲉⲥⲉⲃⲧⲉⲛⲉⲧⲉⲛϩⲃⲏⲟⲩⲓ ϧⲉⲛⲡⲉⲧⲉⲛϫⲓⲛⲓ ⲉⲃⲟⲗ ϧⲉⲛⲥⲱⲙⲁ
And again: “Prepare your works for the departure of your soul from the body.”
bohairic.lausiac_01:39
ⲟⲩⲟⲛ ⲛⲓⲃⲉⲛ ⲉⲧⲭⲱ ⲙⲡⲟⲩⲙⲟⲩ ϧⲉⲛⲧ ⲉⲣⲱⲟⲩ ⲛⲛⲁⲩ ⲛⲓⲃⲉⲛ ϩⲱϯ ⲅⲁⲣ ⲡⲉ ⲛⲧⲉϥⲧⲁϩⲟⲛ ⲉⲛⲟⲃϣ ⲕⲁⲛ ⲉϣⲱⲡ ⲧⲉⲛⲟⲩⲱϣ ⲁⲛ ⲫⲁⲓ ⲟⲩⲛ ⲉⲧⲉⲙⲙⲁⲩ ⲉⲣⲉⲛⲉϥⲙⲉⲩⲓ ⲧⲟⲙⲓ ⲉⲫⲛⲟⲩϯ ⲛⲛⲁⲩ ⲛⲓⲃⲉⲛ ϥⲛⲁⲉⲣⲟⲩⲙⲏϣ ⲛⲛⲟⲃⲓ ⲁⲛ
For whoever places their own death before their eyes at all times will not admit many sins.
bohairic.lausiac_01:40
ϥⲛⲁⲱⲃϣ ⲅⲁⲣ ⲁⲛ ⲉⲛⲓϩⲟⲛϩⲉⲛ ⲛⲉⲙⲛⲓⲉⲛⲧⲟⲗⲏ ⲛⲧⲉⲫⲛⲟⲩϯ ⲟⲩⲇⲉ ϥⲛⲁⲉⲣⲕⲁⲧⲁⲫⲣⲟⲛⲓⲛ ⲁⲛ ⲛϯⲙⲉⲧⲕⲟⲩϫⲓ ⲛⲧⲉⲡⲉⲛϫⲓⲛⲥⲁϫⲓ ⲛⲧⲉⲛⲓⲗⲉⲝⲓⲥ ⲛⲏ ⲉⲧⲉⲛⲥⲉϭⲟⲣⲡ ⲉⲃⲟⲗ ⲁⲛ ⲛϩⲟⲩⲟ ⲟⲩⲇⲉ ⲥⲉⲥⲉⲗⲥⲱⲗ ⲁⲛ ϧⲉⲛⲟⲩⲥⲃⲱ ⲙⲙⲉⲧⲫⲓⲗⲟⲥⲟⲫⲟⲥ ⲛⲧⲉⲡⲁⲓⲕⲟⲥⲙⲟⲥ .
For they will not forget the commandments and precepts of God, nor will they disdain our humble prayer, which is neither clear enough nor adorned with the wisdom of this world.
bohairic.lausiac_01:41
ⲁⲛⲟⲛ ⲅⲁⲣ ⲁⲛⲟⲛ ϩⲁⲛⲓⲇⲓⲱⲧⲏⲥ ⲛⲣⲱⲙⲓ ⲙⲡⲉⲛϭⲓⲥⲃⲱ ⲛⲧⲉⲡⲁⲓⲕⲟⲥⲙⲟⲥ ⲟⲩⲇⲉ ⲛⲛⲉⲥϣⲱⲡⲓ ⲙⲙⲟⲛ
For we are simple people and have not received the wisdom of this world (and so much the better for us).
bohairic.lausiac_01:42
ⲟⲩⲇⲉ ⲅⲁⲣ ⲟⲩϩⲱⲃ ⲛⲇⲓⲕⲉⲟⲛ ⲁⲛ ⲡⲉ ⲉⲥⲟⲗⲥⲉⲗ ⲛϯⲥⲃⲱ ⲉⲑⲟⲩⲁⲃ ⲛⲧⲉϯⲙⲉⲑⲛⲟⲩϯ ⲛⲁⲧϣⲧⲁϩⲟⲥ ⲟⲩⲟϩ ⲛⲁⲧϣⲉⲛⲁⲩⲣⲏϫϥ ⲙⲡⲉⲥⲱⲟⲩ ϧⲉⲛⲟⲩⲙⲉⲧⲫⲓⲗⲟⲥⲟⲫⲟⲥ ⲛⲧⲉⲟⲩⲥⲃⲱ ⲛⲧⲉⲡⲁⲓⲕⲟⲥⲙⲟⲥ ⲉⲥϭⲁϧⲉⲙ ⲑⲏ ⲉⲑⲙⲉϩ ⲛϣⲓⲡⲓ ⲛⲉⲙⲡⲉⲧϩⲱⲟⲩ ⲛⲓⲃⲉⲛ
It is not right to adorn the holy knowledge of incomprehensible divinity and infinite glory with the polluted philosophy of the wisdom of this world, which is full of baseness and all evil.
bohairic.lausiac_01:43
ⲁϣ ⲅⲁⲣ ⲛⲇⲓⲕⲉⲟⲛ ⲁⲛ ⲡⲉ ⲉⲥⲟⲗⲥⲉⲗ ⲙⲡⲓⲁⲧⲥⲟⲗⲥⲉⲗ ϩⲓⲧⲉⲛϩⲗⲓ ⲉⲧⲉⲫⲛⲟⲩϯ ⲡⲉ ⲫⲏ ⲉⲧⲥⲟⲗⲥⲉⲗ ⲛⲛⲉϥⲥⲱⲛⲧ ⲧⲏⲣⲟⲩ ⲛⲧⲉⲕⲥⲉⲗⲥⲱⲗϥ ϧⲉⲛⲟⲩⲥⲃⲱ ⲛⲧⲉⲡⲁⲓⲕⲟⲥⲙⲟⲥ
How could it be just to adorn Him who cannot be adorned—that is, God—with the wisdom of this world, when He Himself adorns all His creatures?
bohairic.lausiac_01:44
ⲁⲗⲗⲁ ⲙⲁⲗⲗⲟⲛ ⲙⲁⲣⲉⲛⲑⲉⲧⲡϩⲏⲧ ⲛⲛⲓⲣⲱⲙⲓ ϧⲉⲛϯⲥⲃⲱ ⲉⲑⲟⲩⲁⲃ ⲛⲧⲉⲫⲛⲟⲩϯ ϧⲉⲛⲟⲩϫⲓⲛⲕⲁϯ ⲉⲥϣⲟⲙ ⲉⲡϫⲓⲛⲛⲁⲩ ⲉⲡⲓⲛⲓϥⲓ ⲉⲧϧⲉⲛⲛⲓⲗⲉⲝⲓⲥ ⲛⲧⲉϯⲙⲉⲑⲙⲏⲓ ⲛⲧⲉⲡϭⲟⲉⲓⲥ .
But let us persuade the hearts of people much more toward the knowledge of God, in subtle understanding, so that they may see the Spirit of the Lord, who resides in the words of truth.
bohairic.lausiac_01:45
ⲡⲓⲥϧⲁⲓ ⲅⲁⲣ ϥϧⲱⲧⲉⲃ ⲉϣⲱⲡ ⲧⲉⲛⲕⲁϯ ⲁⲛ
For Scripture, unless it is understood, kills.
bohairic.lausiac_01:46
ⲡⲓⲡⲛⲉⲩⲙⲁ ⲇⲉ ϥⲧⲁⲛϧⲟ ⲁⲕϣⲁⲛⲛⲁⲩ ⲉϯⲗⲉⲝⲓⲥ ⲛⲧⲉⲫⲏ ⲉⲧⲥⲟⲩⲧⲱⲛ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲁⲟⲩⲱⲛ ⲣⲱⲕ ϧⲉⲛⲡⲥⲁϫⲓ ⲙⲫⲛⲟⲩϯ ⲟⲩⲟϩ ⲙⲁⲥⲃⲱ
Ⲃut the Spirit gives life, if you see the words in the right way, as it is written: “Open your mouth to the Word of God, and learn.”
bohairic.lausiac_01:47
ⲟⲩⲟϩ ⲟⲛ ϯⲅⲣⲁⲫⲏ ϫⲱ ⲙⲙⲟⲥ ϫⲉⲙⲡⲉⲣⲉⲣⲁⲑⲛⲁϩϯ ⲉⲛⲓⲥⲁϫⲓ ⲛⲧⲉⲛⲓϧⲉⲗⲗⲟⲓ ϫⲉⲛⲑⲱⲟⲩ ϩⲱⲟⲩ ⲉⲧⲁⲩⲉⲙⲓ ⲉⲃⲟⲗϩⲓⲧⲉⲛⲛⲟⲩⲓⲟϯ ⲉⲧϧⲁϫⲱⲟⲩ
Again, Scripture says: “Do not be incredulous of the words of the elders, for they were taught by the Fathers who lived before them.”
bohairic.lausiac_01:48
ⲁⲛⲟⲕ ϩⲱ ⲱ ⲡⲓⲣⲱⲙⲓ ⲛⲧⲉⲫⲛⲟⲩϯ ⲡⲓⲙⲁⲓⲥⲃⲱ ⲉⲧⲁⲓⲙⲟϣⲓ ⲛⲥⲁⲛⲓϩⲟⲛϩⲉⲛ ⲛⲧⲉⲛⲓϧⲉⲗⲗⲟⲓ ⲁⲓⲉⲣⲁⲡⲁⲛⲧⲁⲛ ⲉⲟⲩⲙⲏϣ ⲛⲧⲉⲛⲏ ⲉⲑⲟⲩⲁⲃ
I too, O man of God, lover of knowledge, walked according to the precepts of the elders, and encountered many elders on my path.
bohairic.lausiac_01:49
ⲛⲉⲧⲁⲓⲓⲣⲓ ⲉⲣⲱⲟⲩ ⲁⲛ ϧⲉⲛⲟⲩⲙⲉⲧⲡⲉⲣⲓⲉⲣⲅⲟⲥ ⲁⲗⲗⲁ ϧⲉⲛⲟⲩϫⲱϥ ⲛϩⲏⲧ .
I did this not out of laziness but from the fervor of my heart.
bohairic.lausiac_01:50
ⲁⲓⲙⲟϣⲓ ⲙⲗ ⲛⲉϩⲟⲟⲩ ⲡⲁⲗⲓⲛ ⲟⲛ ⲁⲓⲕⲟⲡⲟⲩ ⲉⲓⲙⲟϣⲓ ⲛⲛⲁⲫⲁⲧ ϣⲁⲧⲓⲙⲟⲩϣⲧ ⲙⲡⲓⲕⲁϩⲓ ⲧⲏⲣϥ ⲛⲧⲉⲣⲱⲙⲏ
I walked for thirty days, and then I walked again, traveling on foot until I had traversed the entire Roman region.
bohairic.lausiac_01:51
ⲁⲓⲙⲉⲛⲣⲉ ⲡⲓⲧϩⲉⲙⲕⲟ ⲛⲧⲉⲡⲓⲥⲱⲙⲁ ⲛⲉⲙⲡⲓϧⲓⲥⲓ ⲛⲧⲉⲡⲓⲙⲱⲓⲧ ⲙⲙⲟϣⲓ ⲛⲉⲫⲗⲏⲟⲩ ⲇⲉ ⲁⲛ ⲁⲗⲗⲁ ⲉⲑⲃⲉⲡϫⲓⲛⲉⲣⲁⲡⲁⲛⲧⲁⲛ ⲛⲧⲉϩⲁⲛⲣⲱⲙⲓ ⲙⲙⲁⲓⲛⲟⲩϯ ϫⲉⲛⲧⲁϫⲉⲙϩⲏⲟⲩ ⲛϩⲁⲛϩⲱⲃ ⲉⲃⲟⲗ ϩⲓⲧⲉⲛⲟⲩϫⲓⲛⲛⲁⲩ ⲉⲛⲏ ⲉⲛⲁⲩⲉⲛⲧⲟⲧ ⲁⲛ
I loved the hardships of the body and the pains of the journey, not in vain, but to meet pious men and gain from their contemplation what I had not yet attained.
bohairic.lausiac_01:52
ⲓⲥϫⲉ ⲅⲁⲣ ⲫⲏ ⲉⲑⲟⲩⲟⲧ ⲉⲣⲟⲓ ⲛⲁⲟⲩⲏⲣ ⲛⲉⲙϯⲡⲣⲟϩⲉⲣⲉⲥⲓⲥ ⲛⲁⲑⲟⲩⲱⲧⲉⲃ ⲁϥⲙⲟϣⲓ ⲓⲥϫⲉⲛ ⲧⲁⲣⲥⲟⲥ ϣⲁϯⲟⲩⲇⲉⲁ ϣⲁⲧⲉϥⲉⲣⲁⲡⲁⲛⲧⲁⲛ ⲉⲡⲉⲧⲣⲟⲥ ⲛⲉⲙⲓⲁⲕⲱⲃⲟⲥ ⲛⲉⲙ ⲓⲱⲁⲛⲛⲏⲥ ⲟⲩⲟϩ ⲛⲁϥϣⲟⲩϣⲟⲩ ⲙⲙⲟϥ ⲡⲉ ϧⲉⲛⲡⲉϥϧⲓⲥⲓ ⲉϥϯⲭⲟϩ ⲛⲛⲏ ⲧⲏⲣⲟⲩ ⲉⲧϣⲟⲡ ϧⲉⲛⲟⲩⲙⲉⲧⲁⲙⲉⲗⲉⲥ ⲛⲉⲙⲟⲩⲙⲉⲧϭⲉⲛⲛⲉ ⲉϥϫⲱ ⲙⲙⲟⲥ ϫⲉⲁⲓϣⲉ ⲛⲏⲓ ⲉϩⲓⲉⲣⲟⲩⲥⲁⲗⲏⲙ ϣⲁⲧⲓⲛⲁⲩ ⲉⲕⲉⲫⲁⲥ
For if a certain man, far greater than I, whose resolve was unchanging, walked from Tarsus to Judea to meet Peter, James, and John, and gloried in his sufferings, inspiring zeal in all the lazy and slothful, saying, “I went to Jerusalem to see Peter,”—
bohairic.lausiac_01:53
ⲟⲩⲟϩ ⲙⲡⲉⲥⲣⲁϣϥ ⲛϫⲉϯϫⲓⲛⲥⲱⲧⲉⲙ ⲉϯⲁⲣⲉⲧⲏ ⲉⲧⲥⲁⲃⲟⲗ ⲛⲧⲉⲛⲓⲁⲡⲟⲥⲧⲟⲗⲟⲥ ⲁⲗⲗⲁ ⲁϥϭⲓϣϣⲱⲟⲩ ⲉⲑⲣⲉϥⲛⲁⲩ ⲟⲛ ⲉⲧⲟⲩⲕⲉⲙⲟⲣⲫⲏ ⲛⲉⲙⲡⲟⲩⲥⲙⲟⲩ ⲛⲉⲙⲡⲟⲩϫⲓⲛⲱⲛϧ ⲛⲉⲙⲧⲟⲩⲡⲟⲗⲏⲧⲓⲁ .
for he did not merely content himself with hearing about the external virtues of the apostles but desired also to see their appearance, reputation, life, and instruction—
bohairic.lausiac_01:54
ⲉⲑⲃⲉⲫⲁⲓ ⲁϥⲉⲣⲁⲅⲱⲛⲓⲍⲉⲥⲑⲉ ϣⲁⲧⲉϥⲛⲁⲩ ⲉⲡⲉⲧⲣⲟⲥ .
For this reason he strove until he saw Peter.
bohairic.lausiac_01:55
ⲓⲉ ⲁⲟⲩⲏⲣ ⲙⲁⲗⲗⲟⲛ ⲁⲛⲟⲕ ⲫⲁⲫⲏ ⲉⲧⲉⲟⲩⲟⲛ ⲟⲩⲑⲃⲁ ⲛⲥⲁⲑⲉⲣⲓ ⲉⲣⲟϥ ⲟⲩⲁⲛⲁⲅⲕⲉⲟⲛ ⲟⲩⲛ ⲛⲏⲓ ϩⲱ ⲡⲉ ⲉⲑⲣⲓϫⲉⲛⲏ ⲉⲧⲁⲓⲛⲁⲩ ⲉⲣⲱⲟⲩ ⲛⲧⲉⲛⲉⲛⲓⲟϯ ⲉⲑⲟⲩⲁⲃ
How much more must I, who am a debtor of ten thousand talents, find it necessary to narrate what I have seen regarding our holy Fathers?
bohairic.lausiac_01:56
ⲉⲓϫⲱ ⲛⲧⲙⲏⲓ ⲛϯϫⲉⲙⲉⲑⲛⲁⲩϫ ⲁⲛ ⲉⲓⲟⲓ ⲙⲫⲣⲏϯ ⲁⲛ ϫⲉⲉⲓϯϩⲙⲟⲧ ⲛⲛⲓϧⲉⲗⲗⲟⲓ ⲁⲗⲗⲁ ⲉⲓϯϩⲏⲟⲩ ⲛⲧⲁⲯⲩⲭⲏ ⲙⲙⲁⲩⲁⲧ ⲛⲉⲙⲟⲩⲟⲛ ⲛⲓⲃⲉⲛ ⲉⲑⲛⲁⲥⲱⲧⲉⲙ ⲉⲛⲟⲩϧⲓⲥⲓ ⲛⲉⲙⲛⲟⲩⲡⲟⲗⲏⲧⲓⲁ ⲉⲧⲁⲩⲁⲓⲧⲟⲩ
I speak the truth, I do not lie—not as though I am bringing benefit to the Fathers, but for the sole benefit of my soul and anyone who hears of their sufferings and exercises.
bohairic.lausiac_01:57
ⲕⲁⲓ ⲅⲁⲣ ⲛⲏ ⲉⲧⲁⲩⲥϧⲉⲕⲉϫⲱⲙ ⲛⲧⲉⲛⲉⲛⲓⲟϯ ⲉⲧϧⲉⲛⲛⲓⲅⲣⲁⲫⲏ ⲉⲑⲟⲩⲁⲃ ⲓⲥϫⲉⲛ ⲁⲇⲁⲙ ϣⲁⲁⲃⲣⲁⲁⲙ ⲛⲉⲙⲛⲏ ⲉⲧⲁⲩⲓ ⲙⲉⲛⲉⲛⲥⲱⲟⲩ ϣⲁⲉϧⲟⲩⲛ ⲉⲫⲟⲟⲩ ⲉⲧⲁⲩⲥϧⲁⲓ ⲁⲛ ϫⲉϩⲓⲛⲁ ⲛⲧⲟⲩϯⲱⲟⲩ ⲛⲛⲏ ⲉⲧⲁⲩⲥϧⲁⲓ ⲁⲗⲗⲁ ϫⲉⲛⲧⲟⲩϫⲉⲙϩⲏⲟⲩ ⲛϫⲉⲛⲏ ⲉⲑⲛⲁⲱϣ ⲙⲙⲱⲟⲩ ⲁⲩϣⲁⲛⲭⲟϩ ⲉⲡⲟⲩϫⲓⲛⲱⲛϧ
For those who wrote books about our Fathers, from Adam to Abraham, and about those who followed up to the present day as found in the Scriptures, did not write to bring glory to those about whom they wrote but to provide benefit to those who would read, so that they might emulate their lives.
bohairic.lausiac_01:58
ϩⲱⲥ ⲟⲩⲛ ⲉⲕⲉⲙⲓ ⲉⲛⲁⲓ . ⲱ ⲡⲓⲥⲧⲟⲥ ⲟⲩⲟϩ ⲛⲥⲉⲙⲛⲟⲥ ⲟⲩⲟϩ ⲙⲃⲱⲕ ⲛⲧⲉⲡⲭⲣⲓⲥⲧⲟⲥ ⲗⲁⲩⲥⲓⲉ ϣⲱⲡⲓ ⲉⲕϯⲛⲟⲙϯ ⲛⲁⲕ ⲙⲙⲁⲩⲁⲧⲕ ϧⲉⲛϯⲙⲉⲗⲉⲧⲏ ⲛⲛⲓϫⲱⲙ ⲉⲑⲟⲩⲁⲃ ⲟⲩⲟϩ ⲧⲁⲙⲉⲧⲣⲉϥⲉⲣϩⲟⲩⲟⲥⲁϫⲓ ⲉⲧⲁⲥϣⲱⲡⲓ ϩⲁⲣⲟⲕ ⲉⲑⲃⲉⲡⲁⲣⲉϩ ⲉϯⲅⲛⲱⲙⲏ ⲛⲉⲩⲥⲉⲃⲏⲥ ϣⲟⲡⲥ ⲉⲣⲟⲕ
Therefore, knowing these things, O faithful and venerable servant of Christ, Lausus, strengthen yourself in the meditation of the holy books, and receive my verbosity, which is presented before you, so that you may preserve holy thoughts.

Coptic SCRIPTORIUM, corpus bohairic.lausiac (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.