Revelation (Bohairic Coptic)

Coptic New Testament (Bohairic) · 405 sections

6.5
ⲟⲩⲟϩ ⲉⲧⲁϥⲟⲩⲱⲛ ⲛϯⲧⲉⲃⲥ ⲙⲙⲁϩⲅϯ ⲁⲓⲥⲱⲧⲉⲙ ⲉⲡⲓⲙⲁϩⲅ ⲛⲍⲱⲟⲛ ⲉϥϫⲱ ⲙⲙⲟⲥ ϫⲉⲁⲙⲟⲩ ⲟⲩⲟϩ ⲁⲓⲛⲁⲩ ϩⲏⲡⲡⲉ ⲓⲥ ⲟⲩϩⲑⲟ ⲛⲭⲁⲙⲉ ⲟⲩⲟϩ ⲫⲏ ⲉⲧϩⲉⲙⲥⲓ ϩⲓϫⲱϥ ⲉⲟⲩⲟⲛ ⲟⲩⲙⲁϣⲓ ϧⲉⲛⲧⲉϥϫⲓϫ .
When he opened the third seal, I heard the third living creature saying, 'Come and see!' And behold, a black horse, and he who sat on it had a balance in his hand.
6.6
ⲟⲩⲟϩ ⲁⲓⲥⲱⲧⲉⲙ ⲉⲟⲩⲥⲙⲏ ⲉⲥⲛⲁϣⲧ ϧⲉⲛⲧⲙⲏϯ ⲙⲡⲓⲇ ⲛⲍⲱⲟⲛ ⲙⲫⲣⲏϯ ⲛⲧⲥⲙⲏ ⲛⲟⲩⲁϧⲱⲙ ⲉⲥϫⲱ ⲙⲙⲟⲥ ϫⲉⲟⲩϫⲁⲡⲓϫⲓ ⲛⲥⲟⲩⲟ ϧⲁⲟⲩⲥⲁⲑⲉⲣⲓ ⲟⲩⲟϩ ⲅϯ ⲛϫⲁⲡⲓϫⲓ ⲛⲓⲱⲧ ϧⲁⲟⲩⲥⲁⲑⲉⲣⲓ ⲡⲓⲛⲉϩ ⲇⲉ ⲛⲉⲙⲡⲓⲏⲣⲡ ⲙⲡⲉⲣⲉⲣⲁⲇⲓⲕⲓⲛ ⲙⲙⲱⲟⲩ .
I heard a voice in the midst of the four living creatures saying, 'A choenix of wheat for a denarius, and three choenix of barley for a denarius! Don't damage the oil and the wine!'
6.7
ⲟⲩⲟϩ ⲉⲧⲁϥⲟⲩⲱⲛ ⲛϯⲧⲉⲃⲥ ⲙⲙⲁϩⲇ ⲁⲓⲥⲱⲧⲉⲙ ⲉⲡⲓⲙⲁϩⲇ ⲛⲍⲱⲟⲛ ⲉϥϫⲱ ⲙⲙⲟⲥ ϫⲉⲁⲙⲟⲩ .
When he opened the fourth seal, I heard the fourth living creature saying, 'Come and see!'
6.8
ⲟⲩⲟϩ ⲁⲓⲛⲁⲩ ϩⲏⲡⲡⲉ ⲓⲥ ⲟⲩϩⲑⲟ ⲉϥⲟⲩⲉⲧⲟⲩⲱⲧ ⲟⲩⲟϩ ⲫⲏ ⲉⲧϩⲉⲙⲥⲓ ϩⲓϫⲱϥ ⲡⲉϥⲣⲁⲛ ⲡⲉ ⲫⲙⲟⲩ ⲟⲩⲟϩ ⲁⲙⲉⲛϯ ⲧⲏⲣϥ ⲉϥⲥⲱⲕ ⲛⲥⲱϥ ⲟⲩⲟϩ ⲁⲩϯⲉⲣϣⲓϣⲓ ⲛⲁϥ ⲉϫⲉⲛⲡⲓⲣⲉⲇ ⲛⲧⲉⲡⲕⲁϩⲓ ⲉϧⲟⲑⲃⲟⲩ ϧⲉⲛⲧⲥⲏϥⲓ ⲛⲉⲙⲡⲓϩⲕⲟ ⲛⲉⲙⲡⲓϩⲟϫϩⲉϫ ⲛⲉⲙⲛⲓⲑⲏⲣⲓⲟⲛ ⲛⲧⲉⲡⲕⲁϩⲓ .
And behold, a pale horse, and he who sat on it, his name was Death. Hades followed with him. Authority over one fourth of the earth, to kill with the sword, with famine, with death, and by the wild animals of the earth was given to him.
6.9
ⲟⲩⲟϩ ⲉⲧⲁϥⲟⲩⲱⲛ ⲛϯⲧⲉⲃⲥ ⲙⲙⲁϩⲉ ⲁⲓⲛⲁⲩ ⲥⲁⲡⲉⲥⲏⲧ ⲙⲡⲓⲙⲁ ⲛⲉⲣϣⲱⲟⲩϣⲓ ⲉⲛⲓⲯⲩⲭⲏ ⲛⲧⲉⲛⲓⲣⲱⲙⲓ ⲉⲧⲁⲩϧⲉⲗϧⲱⲗⲟⲩ ⲉⲑⲃⲉⲡⲓⲥⲁϫⲓ ⲛⲧⲉⲫⲛⲟⲩϯ ⲛⲉⲙϯⲙⲉⲧⲙⲉⲑⲣⲉ ⲉⲛⲁⲥⲛⲧⲟⲧⲟⲩ .
When he opened the fifth seal, I saw underneath the altar the souls of those who had been killed for the Word of God, and for the testimony of the Lamb which they had.
6.10
ⲟⲩⲟϩ ⲁⲩⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ⲉⲩϫⲱ ⲙⲙⲟⲥ ϫⲉϣⲁⲧⲛⲁⲩ ϫⲉⲡⲉⲛⲛⲏⲃ ⲫⲏ ⲉⲑⲟⲩⲁⲃ ⲡⲓⲑⲙⲏⲓ ⲕϯϩⲁⲡ ⲁⲛ ⲟⲩⲟϩ ⲛⲧⲉⲕϭⲓ ⲙⲡⲉⲙⲡϣⲓϣ ⲙⲡⲉⲛⲥⲛⲟϥ ⲉⲃⲟⲗ ϧⲉⲛⲛⲏ ⲉⲧϣⲟⲡ ϩⲓϫⲉⲛⲡⲕⲁϩⲓ .
They cried with a loud voice, saying, 'How long, Master, the holy and true, until you judge and avenge our blood on those who dwell on the earth?'
6.11
ⲟⲩⲟϩ ⲁⲩϯ ⲙⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲟⲩ ⲛⲟⲩⲥⲧⲟⲗⲏ ⲛⲟⲩⲱⲃϣ ⲟⲩⲟϩ ⲁⲩϫⲟⲥ ⲛⲱⲟⲩ ϩⲓⲛⲁ ⲛⲧⲟⲩⲙⲧⲟⲛ ⲙⲙⲱⲟⲩ ⲛⲕⲉⲕⲟⲩϫⲓ ⲛⲥⲏⲟⲩ ϣⲁⲧⲟⲩϫⲱⲕ ⲉⲃⲟⲗ ⲛϫⲉⲛⲟⲩϣⲫⲏⲣ ⲛⲉⲃⲓⲁⲓⲕ ⲛⲉⲙⲛⲟⲩⲥⲛⲏⲟⲩ ⲛⲏ ⲉⲧⲟⲩⲛⲁϧⲟⲑⲃⲟⲩ ϩⲱⲟⲩ ⲙⲡⲟⲩⲣⲏϯ .
A long white robe was given to each of them. They were told that they should rest yet for a while, until their fellow servants and their brothers, who would also be killed even as they were, should complete their course.
6.12
ⲟⲩⲟϩ ⲁⲓⲛⲁⲩ ϩⲟⲧⲉ ⲉⲧⲁϥⲟⲩⲱⲛ ⲛϯⲙⲁϩ ⲛⲧⲉⲃⲥ ⲟⲩⲛⲓϣϯ ⲙⲙⲟⲛⲙⲉⲛ ⲁϥϣⲱⲡⲓ ⲟⲩⲟϩ ⲫⲣⲏ ⲁϥⲭⲙⲟⲙ ⲙⲫⲣⲏϯ ⲛⲟⲩⲥⲱⲕ ⲙϥⲱⲓ ⲟⲩⲟϩ ⲡⲓⲓⲟϩ ⲧⲏⲣϥ ⲁϥⲉⲣⲥⲛⲟϥ
I saw when he opened the sixth seal, and there was a great earthquake. The sun became black as sackcloth made of hair, and the whole moon became as blood.
6.13
ⲟⲩⲟϩ ⲛⲓⲥⲓⲟⲩ ⲁⲩϥⲟⲣϥⲉⲣ ⲉⲡⲉⲥⲏⲧ ⲉⲃⲟⲗ ϧⲉⲛⲧⲫⲉ ⲉϩⲣⲏⲓ ⲉϫⲉⲛⲡⲓⲕⲁϩⲓ ⲙⲫⲣⲏϯ ⲛⲟⲩⲃⲱ ⲛⲕⲉⲛⲧⲉ ⲁⲟⲩⲛⲓϣϯ ⲛⲑⲏⲟⲩ ϥⲟⲣϥⲉⲣ ⲛⲛⲉⲥⲃⲏϣ
The stars of the sky fell to the earth, like a fig tree dropping its unripe figs when it is shaken by a great wind.
6.14
ⲟⲩⲟϩ ⲧⲫⲉ ⲉⲩⲕⲱⲗ ⲙⲙⲟⲥ ⲙⲫⲣⲏϯ ⲛⲟⲩϫⲱⲙ ⲟⲩⲟϩ ⲧⲱⲟⲩ ⲛⲓⲃⲉⲛ ⲛⲉⲙⲛⲏⲥⲟⲥ ⲛⲓⲃⲉⲛ ⲁⲩⲕⲓⲙ ⲉⲃⲟⲗ ϧⲉⲛⲡⲟⲩⲙⲁ .
The sky was removed like a scroll when it is rolled up. Every mountain and island were moved out of their places.
6.15
ⲟⲩⲟϩ ⲛⲓⲟⲩⲣⲱⲟⲩ ⲧⲏⲣⲟⲩ ⲛⲧⲉⲡⲕⲁϩⲓ ⲛⲉⲙⲛⲓⲭⲓⲗⲓⲁⲣⲭⲟⲥ ⲛⲉⲙⲛⲓⲣⲁⲙⲁⲟⲓ ⲛⲉⲙⲛⲓϫⲱⲣⲓ ⲛⲉⲙⲃⲱⲕ ⲛⲓⲃⲉⲛ ⲛⲉⲙⲛⲓⲣⲉⲙϩⲉⲩ ⲧⲏⲣⲟⲩ ⲁⲩⲭⲟⲡⲟⲩ ϧⲉⲛⲛⲓⲃⲏⲃ ⲛⲉⲙⲛⲓⲭⲟⲗ ⲛⲧⲉⲛⲓⲡⲉⲧⲣⲁ
The kings of the earth, the princes, the commanding officers, the rich, the strong, and every slave and free person, hid themselves in the caves and in the rocks of the mountains.
6.16
ⲟⲩⲟϩ ⲥⲉϫⲱ ⲙⲙⲟⲥ ⲛⲛⲓⲡⲉⲧⲣⲁ ⲛⲉⲙⲛⲓⲧⲱⲟⲩ ϫⲉϩⲉⲓ ⲉϩⲣⲏⲓ ⲉϫⲱⲛ ⲟⲩⲟϩ ⲭⲟⲡⲧⲉⲛ ⲉⲃⲟⲗ ϩⲁⲡϩⲟ ⲙⲫⲏ ⲉⲧϩⲉⲙⲥⲓ ϩⲓϫⲉⲛⲡⲓⲑⲣⲟⲛⲟⲥ ⲛⲉⲙⲉⲃⲟⲗ ϧⲁⲧϩⲏ ⲙⲡⲓϫⲱⲛⲧ ⲛⲧⲉⲡⲓϩⲓⲏⲃ
They told the mountains and the rocks, 'Fall on us, and hide us from the face of him who sits on the throne, and from the wrath of the Lamb,
6.17
ϫⲉⲁϥⲓ ⲛϫⲉⲡⲓⲛⲓϣϯ ⲛⲉϩⲟⲟⲩ ⲛⲧⲉⲡⲉϥϫⲱⲛⲧ ⲛⲓⲙ ⲉⲧⲉⲟⲩⲟⲛ ϣϫⲟⲙ ⲙⲙⲟϥ ⲉⲟϩⲓ ⲉⲣⲁⲧϥ ⲙⲡⲉϥⲙⲑⲟ .
for the great day of his wrath has come; and who is able to stand?'
7.1
ⲙⲉⲛⲉⲛⲥⲁⲛⲁⲓ ⲇⲉ ⲁⲓⲛⲁⲩ ⲉⲇ ⲛⲁⲅⲅⲉⲗⲟⲥ ⲉⲩⲟϩⲓ ⲉⲣⲁⲧⲟⲩϩⲓϫⲉⲛⲡⲓϥⲧⲟⲩ ⲗⲁⲕϩ ⲛⲧⲉⲡⲕⲁϩⲓ ⲉⲩⲁⲙⲟⲛⲓ ⲙⲡⲓϥⲧⲟⲩ ⲑⲏⲟⲩ ϩⲓⲛⲁ ⲛⲧⲟⲩϣⲧⲉⲙⲛⲓϥⲓ ⲛϫⲉⲛⲓⲑⲏⲟⲩ ϩⲓϫⲉⲛⲡⲕⲁϩⲓ ⲟⲩⲇⲉ ϩⲓϫⲉⲛⲫⲓⲟⲙ ⲟⲩⲇⲉ ϩⲓϫⲉⲛⲛⲓⲓⲁⲣⲱⲟⲩ ⲟⲩⲇⲉ ϩⲓϫⲉⲛⲛⲓϣϣⲏⲛ .
After this, I saw four angels standing at the four corners of the earth, holding the four winds of the earth, so that no wind would blow on the earth, or on the sea, or on any tree.
7.2
ⲟⲩⲟϩ ⲁⲓϫⲟⲩϣⲧ ⲁⲓⲛⲁⲩ ⲉⲕⲉⲁⲅⲅⲉⲗⲟⲥ ⲉⲁϥⲓ ⲉⲃⲟⲗ ϧⲉⲛⲛⲓⲙⲁ ⲛϣⲁⲓ ⲛⲧⲉⲫⲣⲏ ⲉⲟⲩⲟⲛ ⲟⲩⲥⲫⲣⲁⲅⲓⲥ ⲛⲧⲟⲧϥ ⲛⲧⲉⲫⲛⲟⲩϯ ⲉⲧⲟⲛϧ ⲟⲩⲟϩ ⲁϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛϧⲣⲱⲟⲩ ⲟⲩⲃⲉ ⲡⲓⲇ ⲛⲁⲅⲅⲉⲗⲟⲥ ⲛⲏ ⲉⲧⲁⲩⲧⲏⲓⲥ ⲛⲱⲟⲩ ⲉⲉⲣⲁⲇⲓⲕⲓⲛ ⲙⲡⲓⲕⲁϩⲓ ⲛⲉⲙⲫⲓⲟⲙ
I saw another angel ascend from the sunrise, having the seal of the living God. He cried with a loud voice to the four angels to whom it was given to harm the earth and the sea,
7.3
ⲉϥϫⲱ ⲙⲙⲟⲥ ⲛⲱⲟⲩ ϫⲉⲙⲡⲉⲣⲉⲣⲁⲇⲓⲕⲓⲛ ⲙⲡⲓⲕⲁϩⲓ ⲛⲉⲙⲫⲓⲟⲙ ⲛⲉⲙⲛⲓϣϣⲏⲛ ϣⲁⲧⲉⲧⲉⲛⲧⲉⲃ ⲛⲓⲉⲃⲓⲁⲓⲕ ⲛⲧⲉⲫⲛⲟⲩϯ ⲉⲧⲟⲩⲧⲉϩⲛⲓ .
saying, 'Don't harm the earth, neither the sea, nor the trees, until we have sealed the bondservants of our God on their foreheads!'
7.4
ⲟⲩⲟϩ ⲁⲓⲥⲱⲧⲉⲙ ⲉⲧⲏⲡⲓ ⲛⲛⲏ ⲉⲧⲁⲩⲧⲟⲃⲟⲩ ⲉⲧⲟⲩⲧⲉϩⲛⲓ ⲣⲙⲇ ⲛϣⲟ ⲛⲏ ⲉⲧⲁⲩⲧⲟⲃⲟⲩ ⲉⲃⲟⲗ ϧⲉⲛⲛⲓⲫⲩⲗⲏ ⲧⲏⲣⲟⲩ ⲛⲧⲉⲛⲉⲛϣⲏⲣⲓ ⲙⲡⲓⲥⲗ
I heard the number of those who were sealed, one hundred forty-four thousand, sealed out of every tribe of the children of Israel:
7.5
ⲉⲃⲟⲗ ϧⲉⲛⲧⲫⲩⲗⲏ ⲛⲓⲟⲩⲇⲁ ⲓⲃ ⲛϣⲟ ⲉⲃⲟⲗ ϧⲉⲛⲧⲫⲩⲗⲏ ⲛⲣⲟⲩⲃⲏⲛ ⲓⲃ ⲛϣⲟ ⲉⲃⲟⲗ ϧⲉⲛⲧⲫⲩⲗⲏ ⲛⲅⲁⲇ ⲓⲃ ⲛϣⲟ
of the tribe of Judah were sealed twelve thousand, of the tribe of Reuben twelve thousand, of the tribe of Gad twelve thousand,
7.6
ⲉⲃⲟⲗ ϧⲉⲛⲧⲫⲩⲗⲏ ⲛⲉⲫⲑⲁⲗⲓⲙ ⲓⲃ ⲛϣⲟ ⲉⲃⲟⲗ ϧⲉⲛⲧⲫⲩⲗⲏ ⲛⲇⲁⲛ ⲓⲃ ⲛϣⲟ
of the tribe of Asher twelve thousand, of the tribe of Naphtali twelve thousand, of the tribe of Manasseh twelve thousand,
7.7
ⲉⲃⲟⲗ ϧⲉⲛⲧⲫⲩⲗⲏ ⲛⲥⲩⲙⲉⲱⲛ ⲓⲃ ⲛϣⲟ ⲉⲃⲟⲗ ϧⲉⲛⲧⲫⲩⲗⲏ ⲛⲗⲉⲩⲓ ⲓⲃ ⲛϣⲟ ⲉⲃⲟⲗ ϧⲉⲛⲧⲫⲩⲗⲏ ⲛⲓⲥⲁⲭⲁⲣ ⲓⲃ ⲛϣⲟ
of the tribe of Simeon twelve thousand, of the tribe of Levi twelve thousand, of the tribe of Issachar twelve thousand,
7.8
ⲉⲃⲟⲗ ϧⲉⲛⲧⲫⲩⲗⲏ ⲛⲍⲁⲃⲟⲩⲗⲱⲛ ⲓⲃ ⲛϣⲟ ⲉⲃⲟⲗ ϧⲉⲛⲧⲫⲩⲗⲏ ⲛⲁⲥⲥⲏⲣ ⲓⲃ ⲛϣⲟ ⲉⲃⲟⲗ ϧⲉⲛⲧⲫⲩⲗⲏ ⲛⲓⲱⲥⲏⲫ ⲓⲃ ⲛϣⲟ ⲉⲃⲟⲗ ϧⲉⲛⲧⲫⲩⲗⲏ ⲙⲃⲉⲛⲓⲁⲙⲓⲛ ⲓⲃ ⲛϣⲟ ⲉⲧⲁⲩⲉⲣⲥⲫⲣⲁⲅⲓⲍⲓⲛ ⲙⲙⲱⲟⲩ .
of the tribe of Zebulun twelve thousand, of the tribe of Joseph twelve thousand, of the tribe of Benjamin were sealed twelve thousand.
7.9
ⲟⲩⲟϩ ⲙⲉⲛⲉⲛⲥⲁⲛⲁⲓ ⲁⲓⲛⲁⲩ ⲉⲟⲩⲛⲓϣϯ ⲙⲙⲏϣ ⲙⲙⲟⲛ ϣϫⲟⲙ ⲛⲧⲉϩⲗⲓ ϭⲓⲏⲡⲓ ⲙⲙⲟϥ ⲉⲃⲟⲗ ϧⲉⲛϣⲗⲟⲗ ⲛⲓⲃⲉⲛ ⲛⲉⲙⲫⲩⲗⲏ ⲛⲓⲃⲉⲛ ⲛⲉⲙⲗⲁⲟⲥ ⲛⲓⲃⲉⲛ ⲛⲉⲙⲗⲁⲥ ⲛⲓⲃⲉⲛ ⲉⲩⲟϩⲓ ⲉⲣⲁⲧⲟⲩⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲛⲉⲙⲡⲉⲙⲑⲟ ⲙⲡⲓϩⲓⲏⲃ ⲉⲩϫⲏⲗ ⲛϩⲁⲛⲥⲧⲟⲗⲏ ⲛⲟⲩⲱⲃϣ ⲉⲣⲉⲟⲩⲟⲛ ϩⲁⲛⲟⲩⲱⲓⲛⲓ ⲛϧⲣⲏⲓ ϧⲉⲛⲛⲟⲩϫⲓϫ
After these things I looked, and behold, a great multitude, which no man could number, out of every nation and of all tribes, peoples, and languages, standing before the throne and before the Lamb, dressed in white robes, with palm branches in their hands.
7.10
ⲉⲩⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ⲉⲩϫⲱ ⲙⲙⲟⲥ ϫⲉⲡⲓⲟⲩϫⲁⲓ ⲫⲁ ⲡⲉⲛⲛⲟⲩϯ ⲡⲉ ⲫⲏ ⲉⲧϩⲉⲙⲥⲓ ϩⲓϫⲉⲛⲡⲓⲑⲣⲟⲛⲟⲥ ⲛⲉⲙⲡⲓϩⲓⲏⲃ .
They cried with a loud voice, saying, 'Salvation be to our God, who sits on the throne, and to the Lamb!'
7.11
ⲟⲩⲟϩ ⲛⲓⲁⲅⲅⲉⲗⲟⲥ ⲧⲏⲣⲟⲩ ⲛⲁⲩⲟϩⲓ ⲉⲣⲁⲧⲟⲩⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲛⲉⲙⲡⲓⲇ ⲛⲍⲱⲟⲛ ⲟⲩⲟϩ ⲁⲩϩⲓⲧⲟⲩ ⲉⲡⲉⲥⲏⲧ ϩⲓϫⲉⲛⲡⲟⲩϩⲟ ⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲟⲩⲟϩ ⲁⲩⲟⲩⲱϣⲧ ⲙⲫⲛⲟⲩϯ
All the angels were standing around the throne, the elders, and the four living creatures; and they fell on their faces before his throne, and worshiped God,
7.12
ⲉⲩϫⲱ ⲙⲙⲟⲥ ϫⲉⲁⲙⲏⲛ ⲡⲓⲥⲙⲟⲩ ⲛⲉⲙⲡⲓⲱⲟⲩ ⲛⲉⲙϯⲥⲟⲫⲓⲁ ⲛⲉⲙⲡⲓϣⲉⲡϩⲙⲟⲧ ⲛⲉⲙⲡⲓⲧⲁⲓⲟ ⲛⲉⲙϯϫⲟⲙ ⲛⲁⲡⲉⲛⲛⲟⲩϯ ⲛⲉϣⲁ ⲉⲛⲉϩ ⲛⲧⲉⲡⲓⲉⲛⲉϩ ⲁⲙⲏⲛ .
saying, 'Amen! Blessing, glory, wisdom, thanksgiving, honor, power, and might, be to our God forever and ever! Amen.'
7.13
ⲟⲩⲟϩ ⲁϥⲉⲣⲟⲩⲱ ⲛϫⲉⲟⲩⲁⲓ ⲉⲃⲟⲗ ϧⲉⲛⲛⲓⲡⲣⲉⲥⲃⲩⲧⲉⲣⲟⲥ ⲡⲉϫⲁϥ ⲛⲏⲓ ϫⲉⲛⲓⲙ ⲛⲉⲛⲁⲓ ⲉⲧⲉⲛⲁⲓϩⲃⲱⲥ ⲛⲟⲩⲱⲃϣ ⲧⲟⲓ ϩⲓⲱⲧⲟⲩ ⲟⲩⲟϩ ⲉⲧⲁⲩⲓ ⲉⲃⲟⲗ ⲑⲱⲛ .
One of the elders answered, saying to me, 'These who are arrayed in white robes, who are they, and from where did they come?'
7.14
ⲡⲉϫⲏⲓ ⲛⲁϥ ϫⲉⲡⲁϭⲟⲓⲥ ⲛⲑⲟⲕ ⲉⲧⲥⲱⲟⲩⲛ ⲙⲙⲱⲟⲩ ⲟⲩⲟϩ ⲡⲉϫⲁϥ ⲛⲏⲓ ϫⲉⲛⲁⲓ ⲛⲉⲛⲏ ⲉⲑⲛⲏⲟⲩ ⲉⲃⲟⲗ ϧⲉⲛⲛⲓⲛⲓϣϯ ⲛϩⲟϫϩⲉϫ ⲟⲩⲟϩ ⲁⲩⲣⲱϧⲓ ⲛⲛⲟⲩⲥⲧⲟⲗⲏ ⲟⲩⲟϩ ⲁⲩⲫⲉⲣⲓⲱⲟⲩ ϧⲉⲛⲡⲓⲥⲛⲟϥ ⲛⲧⲉⲡⲓϩⲓⲏⲃ .
I told him, 'My lord, you know.' He said to me, 'These are those who came out of the great tribulation. They washed their robes, and made them white in the Lamb's blood.
7.15
ⲉⲑⲃⲉⲫⲁⲓ ⲥⲉⲭⲏ ⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲛⲧⲉⲫⲛⲟⲩϯ ⲟⲩⲟϩ ⲥⲉϣⲉⲙϣⲓ ⲙⲙⲟϥ ϧⲉⲛⲡⲉϥⲉⲣⲫⲉⲓ ⲙⲡⲓⲉϩⲟⲟⲩ ⲛⲉⲙⲡⲓⲉϫⲱⲣϩ ⲟⲩⲟϩ ⲫⲏ ⲉⲧϩⲉⲙⲥⲓ ϩⲓϫⲉⲛⲡⲓⲑⲣⲟⲛⲟⲥ ⲉϥⲉⲉⲣϧⲏⲓⲃⲓ ⲉϫⲱⲟⲩ .
Therefore they are before the throne of God, they serve him day and night in his temple. He who sits on the throne will spread his tabernacle over them.
7.16
ⲛⲛⲟⲩϩⲕⲟ ⲟⲩⲇⲉ ⲛⲛⲟⲩⲓⲃⲓ ϫⲉⲟⲩⲇⲉ ⲛⲛⲟⲩϧⲓⲥⲓ ⲟⲩⲇⲉ ⲛⲛⲉ ϧⲏⲓⲃⲓ ⲓⲉϫⲱⲟⲩ ⲟⲩⲇⲉ ⲕⲁⲩⲥⲱⲛ ⲛⲓⲃⲉⲛ
They will never be hungry, neither thirsty any more; neither will the sun beat on them, nor any heat;
7.17
ϫⲉⲡⲓϩⲓⲏⲃ ⲉⲧⲭⲏ ⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲛⲑⲟϥ ⲉϥⲙⲟϣⲓ ⲛⲉⲙⲱⲟⲩ ⲟⲩⲟϩ ⲉϥⲉϭⲓⲙⲱⲓⲧ ⲛⲱⲟⲩ ⲉϫⲉⲛϯⲙⲟⲩⲙⲓ ⲙⲙⲱⲟⲩ ⲛⲱⲛϧ ⲟⲩⲟϩ ⲉⲣⲉⲫⲛⲟⲩϯ ϥⲱϯ ⲛⲉⲣⲙⲏ ⲛⲓⲃⲉⲛ ⲉⲃⲟⲗ ϩⲁⲛⲟⲩⲃⲁⲗ .
for the Lamb who is in the midst of the throne shepherds them, and leads them to springs of waters of life. And God will wipe away every tear from their eyes.'
8.1
ⲟⲩⲟϩ ⲉⲧⲁϥⲟⲩⲱⲛ ⲛϯⲧⲉⲃⲥ ⲙⲙⲁϩⲍ ⲁ ⲟⲩϧⲣⲱⲟⲩ ϣⲱⲡⲓ ϧⲉⲛⲧⲫⲉ ϣⲁⲟⲩⲟⲩⲛⲟⲩ .
When he opened the seventh seal, there was silence in heaven for about half an hour.
8.2
ⲟⲩⲟϩ ⲁⲓⲛⲁⲩ ⲉⲡⲓⲍ ⲛⲁⲅⲅⲉⲗⲟⲥ ⲉⲧⲭⲏ ⲙⲡⲉⲙⲑⲟ ⲙⲫⲛⲟⲩϯ ⲉⲩⲟϩⲓ ⲉⲣⲁⲧⲟⲩⲟⲩⲟϩ ⲁⲩϯ ⲛⲱⲟⲩ ⲛⲍ ⲛⲥⲁⲗⲡⲓⲅⲝ .
I saw the seven angels who stand before God, and seven trumpets were given to them.
8.3
ⲟⲩⲟϩ ⲕⲉⲁⲅⲅⲉⲗⲟⲥ ⲁϥⲓ ⲁϥⲟϩⲓ ⲉⲣⲁⲧϥ ϧⲁⲧⲉⲛⲡⲓⲙⲁⲛⲉⲣϣⲱⲟⲩϣⲓ ⲉⲟⲩⲟⲛ ⲟⲩⲗⲓⲃⲁⲛⲟⲛ ⲛⲛⲟⲩⲃ ⲛⲧⲟⲧϥ ⲟⲩⲟϩ ⲁⲩϯ ⲛⲁϥ ⲛⲟⲩⲙⲏϣ ⲛⲥⲑⲟⲓⲛⲟⲩϥⲓ ϩⲓⲛⲁ ⲛⲧⲉϥⲧⲏⲓⲧⲟⲩ ⲛⲥⲁⲛⲓⲡⲣⲟⲥⲉⲩⲭⲏ ⲛⲧⲉⲛⲓϩⲁⲅⲓⲟⲥ ⲧⲏⲣⲟⲩ ϩⲓϫⲉⲛⲡⲓⲙⲁⲛⲉⲣϣⲱⲟⲩϣⲓ ⲛⲛⲟⲩⲃ ⲫⲏ ⲉⲧⲭⲏ ⲙⲡⲉⲙⲑⲟ ⲙⲡⲓⲑⲣⲟⲛⲟⲥ .
Another angel came and stood over the altar, having a golden censer. Much incense was given to him, that he should add it to the prayers of all the saints on the golden altar which was before the throne.
8.4
ⲟⲩⲟϩ ⲁϥϣⲉ ⲛⲁϥ ⲉⲡϣⲱⲓ ⲛϫⲉⲡⲓⲭⲣⲉⲙⲧⲥ ⲛⲧⲉⲡⲓⲥⲑⲟⲓⲛⲟⲩϥⲓ ⲛⲧⲉⲛⲓⲡⲣⲟⲥⲉⲩⲭⲏ ⲛⲧⲉⲛⲓϩⲁⲅⲓⲟⲥ ⲧⲏⲣⲟⲩ ⲉⲃⲟⲗ ϧⲉⲛⲧϫⲓϫ ⲙⲡⲓⲁⲅⲅⲉⲗⲟⲥ ⲫⲏ ⲉⲧⲭⲏ ⲙⲡⲉⲙⲑⲟ ⲙⲫⲛⲟⲩϯ .
The smoke of the incense, with the prayers of the saints, went up before God out of the angel's hand.
8.5
ⲟⲩⲟϩ ⲡⲓⲁⲅⲅⲉⲗⲟⲥ ⲁϥϭⲓ ⲙⲡⲓⲗⲓⲃⲁⲛⲟⲛ ⲛⲛⲟⲩⲃ ⲁϥⲙⲁϩϥ ⲉⲃⲟⲗ ϧⲉⲛⲡⲓⲭⲣⲱⲙ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲁϥϩⲓⲧϥ ⲉϧⲣⲏⲓ ⲉϫⲉⲛⲡⲓⲕⲁϩⲓ ⲟⲩⲟϩ ⲁⲩϣⲱⲡⲓ ⲛϫⲉϩⲁⲛϧⲁⲣⲁⲃⲁⲓ ⲛⲉⲙϩⲁⲛⲥⲙⲏ ⲛⲉⲙϩⲁⲛⲥⲉⲧⲉⲃⲣⲏϫ ⲛⲉⲙⲟⲩⲙⲟⲛⲙⲉⲛ .
The angel took the censer, and he filled it with the fire of the altar, and threw it on the earth. There followed thunders, sounds, lightnings, and an earthquake.
8.6
ⲟⲩⲟϩ ⲡⲓⲍ ⲛⲁⲅⲅⲉⲗⲟⲥ ⲛⲏ ⲉⲧⲉϯⲍ ⲛⲥⲁⲗⲡⲓⲅⲅⲟⲥ ⲛⲧⲟⲧⲟⲩ ⲁⲩⲥⲉⲃⲧⲱⲧⲟⲩ ϩⲓⲛⲁ ⲛⲥⲉⲉⲣⲥⲁⲗⲡⲓⲍⲓⲛ .
The seven angels who had the seven trumpets prepared themselves to sound.
8.7
ⲟⲩⲟϩ ⲡⲓϩⲟⲩⲓⲧ ⲛⲁⲅⲅⲉⲗⲟⲥ ⲁϥⲉⲣⲥⲁⲗⲡⲓⲍⲓⲛ ⲟⲩⲟϩ ⲁϥϣⲱⲡⲓ ⲛϫⲉⲟⲩⲁⲗ ⲛⲉⲙⲟⲩⲭⲣⲱⲙ ⲉⲩⲙⲟϫⲧ ϧⲉⲛⲡⲓⲥⲛⲟϥ ⲟⲩⲟϩ ⲁⲩϩⲓⲧⲟⲩ ϩⲓϫⲉⲛⲡⲓⲕⲁϩⲓ ⲟⲩⲟϩ ⲁϥⲣⲱⲕϩ ⲛϫⲉⲫⲣⲉⲅ ⲙⲡⲓⲕⲁϩⲓ ⲛⲉⲙⲫⲣⲉⲅ ⲛⲛⲓϣϣⲏⲛ ⲟⲩⲟϩ ⲁϥⲣⲱⲕϩ ⲛⲥⲓⲙ ⲛⲓⲃⲉⲛ ⲉⲧϩⲟⲩⲉⲧⲟⲩⲱⲧ .
The first sounded, and there followed hail and fire, mixed with blood, and they were thrown to the earth. One third of the earth was burnt up, and one third of the trees were burnt up, and all green grass was burnt up.
8.8
ⲟⲩⲟϩ ⲡⲓⲁⲅⲅⲉⲗⲟⲥ ⲙⲙⲁϩⲃ ⲁϥⲉⲣⲥⲁⲗⲡⲓⲍⲓⲛ ⲙⲫⲣⲏϯ ⲛⲟⲩⲛⲓϣϯ ⲛⲧⲱⲟⲩ ⲛⲭⲣⲱⲙ ⲉϥⲙⲟϩ ⲁⲩϩⲓⲧϥ ⲉϧⲣⲏⲓ ⲉⲫⲓⲟⲙ ⲟⲩⲟϩ ⲫⲣⲉⲅ ⲙⲫⲓⲟⲙ ⲁϥⲉⲣⲥⲛⲟϥ
The second angel sounded, and something like a great burning mountain was thrown into the sea. One third of the sea became blood,
8.9
ⲟⲩⲟϩ ⲁⲩⲙⲟⲩ ⲛϫⲉⲫⲣⲉⲅ ⲛⲛⲓⲥⲱⲛⲧ ⲧⲏⲣⲟⲩ ⲉⲧϧⲉⲛⲫⲓⲟⲙ ⲛⲏ ⲉⲧⲉⲟⲩⲟⲛ ⲯⲩⲭⲏ ⲛⲱⲛϧ ⲛϧⲏⲧⲟⲩ ⲟⲩⲟϩ ⲫⲣⲉⲅ ⲛⲛⲓⲉϫⲏⲟⲩ ⲁⲩⲧⲁⲕⲟ .
and one third of the living creatures which were in the sea died. One third of the ships were destroyed.
8.10
ⲟⲩⲟϩ ⲡⲓⲁⲅⲅⲉⲗⲟⲥ ⲙⲙⲁϩⲅ ⲁϥⲉⲣⲥⲁⲗⲡⲓⲍⲓⲛ ⲟⲩⲟϩ ⲁϥϩⲉⲓ ⲉⲡⲉⲥⲏⲧ ⲉⲃⲟⲗ ϧⲉⲛⲧⲫⲉ ⲛϫⲉⲟⲩⲛⲓϣϯ ⲛⲥⲓⲟⲩ ⲉϥⲙⲟϩ ⲙⲫⲣⲏϯ ⲛⲟⲩⲗⲁⲙⲡⲁⲥ ⲛⲭⲣⲱⲙ ⲟⲩⲟϩ ⲁϥϩⲉⲓ ⲉϫⲉⲛⲫⲣⲉⲅ ⲛⲛⲓⲓⲁⲣⲱⲟⲩ ⲛⲉⲙⲛⲓⲙⲟⲩⲙⲓ ⲙⲙⲱⲟⲩ
The third angel sounded, and a great star fell from the sky, burning like a torch, and it fell on one third of the rivers, and on the springs of the waters.
8.11
ⲟⲩⲟϩ ⲫⲣⲁⲛ ⲙⲡⲓⲥⲓⲟⲩ ϫⲉⲁⲯⲓⲛⲑⲓⲟⲛ ⲉⲣⲉⲛϥ ⲟⲩⲟϩ ⲫⲣⲉⲅ ⲛⲛⲓⲙⲱⲟⲩ ⲁⲩⲉⲣⲉⲛϣⲁϣⲓ ⲙⲫⲣⲏϯ ⲛⲟⲩⲁⲗⲗⲟⲏ ⲟⲩⲟϩ ⲟⲩⲙⲏϣ ⲉⲃⲟⲗ ϧⲉⲛⲛⲓⲣⲱⲙⲓ ⲁⲩⲙⲟⲩ ⲉⲃⲟⲗ ϧⲉⲛⲛⲓⲙⲱⲟⲩ ϫⲉⲁⲩⲉⲣⲉⲛϣⲁϣⲓ .
The name of the star is called 'Wormwood.' One third of the waters became wormwood. Many people died from the waters, because they were made bitter.
8.12
ⲟⲩⲟϩ ⲡⲓⲁⲅⲅⲉⲗⲟⲥ ⲙⲙⲁϩⲇ ⲁϥⲉⲣⲥⲁⲗⲡⲓⲍⲓⲛ ⲟⲩⲟϩ ⲫⲣⲉⲅ ⲙⲡⲓⲣⲏ ⲁϥⲙⲓϣⲓ ⲛⲉⲙⲫⲣⲉⲅ ⲙⲡⲓⲓⲟϩ ⲛⲉⲙⲫⲣⲉⲅ ⲛⲛⲓⲥⲓⲟⲩ ϩⲓⲛⲁ ⲛⲧⲟⲩⲉⲣⲭⲁⲕⲓ ⲛⲧⲉϣⲧⲉⲙ ⲡⲟⲩⲣⲉⲅ ⲉⲣⲟⲩⲱⲓⲛⲓ ϧⲉⲛⲡⲓⲉϩⲟⲟⲩ ⲛⲉⲙⲡⲓⲉϫⲱⲣϩ ⲡⲁⲓⲣⲏϯ ⲟⲛ .
The fourth angel sounded, and one third of the sun was struck, and one third of the moon, and one third of the stars; so that one third of them would be darkened, and the day wouldn't shine for one third of it, and the night in the same way.
8.13
ⲟⲩⲟϩ ⲁⲓⲛⲁⲩ ⲟⲩⲟϩ ⲁⲓⲥⲱⲧⲉⲙ ⲉⲟⲩⲁϧⲱⲙ ϧⲉⲛⲧⲙⲏϯ ⲛⲧⲫⲉ ⲉϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ⲉϥϫⲱ ⲙⲙⲟⲥ ϫⲉⲟⲩⲟⲓ ⲟⲩⲟⲓ ⲟⲩⲟⲓ ⲛⲛⲏ ⲉⲧϣⲟⲡ ϩⲓϫⲉⲛⲡⲓⲕⲁϩⲓ ⲉⲃⲟⲗ ϧⲉⲛⲡⲥⲉⲡⲓ ⲛⲧⲉⲛⲓⲥⲙⲏ ⲛⲧⲉⲡⲓⲅ ⲛⲁⲅⲅⲉⲗⲟⲥ ⲛⲏ ⲉⲑⲛⲁⲉⲣⲥⲁⲗⲡⲓⲍⲓⲛ .
I saw, and I heard an eagle, flying in mid heaven, saying with a loud voice, 'Woe! Woe! Woe for those who dwell on the earth, because of the other voices of the trumpets of the three angels, who are yet to sound!'
9.1
ⲟⲩⲟϩ ⲡⲓⲙⲁϩⲉ ⲛⲁⲅⲅⲉⲗⲟⲥ ⲁϥⲉⲣⲥⲁⲗⲡⲓⲍⲓⲛ ⲟⲩⲟϩ ⲁⲓⲛⲁⲩ ⲉⲟⲩⲥⲓⲟⲩ ⲉⲁϥϩⲉⲓ ⲉⲃⲟⲗ ϧⲉⲛⲧⲫⲉ ϩⲓϫⲉⲛⲡⲓⲕⲁϩⲓ ⲟⲩⲟϩ ⲁⲩϯ ⲛⲁϥ ⲛⲛⲓϣⲟϣⲧ ⲛⲧⲉϯϣⲱϯ ⲙⲫⲛⲟⲩⲛ
The fifth angel sounded, and I saw a star from the sky which had fallen to the earth. The key to the pit of the abyss was given to him.
9.2
ⲟⲩⲟϩ ⲁϥϣⲉ ⲉⲡϣⲱⲓ ⲛϫⲉⲡⲓⲭⲣⲉⲙⲧⲥ ⲛⲧⲉϯϣⲱϯ ⲙⲫⲣⲏϯ ⲛⲧⲭⲣⲉⲙⲧⲥ ⲛⲟⲩⲛⲓϣϯ ⲛϩⲣⲱ ⲟⲩⲟϩ ⲁϥⲉⲣⲭⲁⲕⲓ ⲛϫⲉⲡⲣⲏ ⲛⲉⲙⲡⲓⲁⲏⲣ ⲉⲃⲟⲗ ϧⲉⲛⲡⲓⲭⲣⲉⲙⲧⲥ ⲛⲧⲉϯϣⲱϯ .
He opened the pit of the abyss, and smoke went up out of the pit, like the smoke from a burning furnace. The sun and the air were darkened because of the smoke from the pit.
9.3
ⲟⲩⲟϩ ⲁⲩⲓ ⲛϫⲉϩⲁⲛϣϫⲏⲟⲩ ⲉϩⲣⲏⲓ ⲉϫⲉⲛⲡⲓⲕⲁϩⲓ ⲉⲃⲟⲗ ϧⲉⲛⲡⲓⲭⲣⲉⲙⲧⲥ ⲟⲩⲟϩ ⲁⲩϯⲉⲣϣⲓϣⲓ ⲛⲱⲟⲩ ⲙⲫⲣⲏϯ ⲛⲛⲓϭⲗⲏ ⲉⲧⲉⲟⲩⲟⲛⲧⲟⲩ ⲉⲣϣⲓϣⲓ ⲙⲙⲁⲩ ϩⲓϫⲉⲛⲡⲕⲁϩⲓ .
Then out of the smoke came forth locusts on the earth, and power was given to them, as the scorpions of the earth have power.
9.4
ⲟⲩⲟϩ ⲁⲩϫⲟⲥ ⲛⲱⲟⲩ ⲉϣⲧⲉⲙⲉⲣⲁⲇⲓⲕⲓⲛ ⲛⲛⲓⲥⲙⲉϩ ⲛⲧⲉⲡⲕⲁϩⲓ ⲟⲩⲇⲉ ϣϣⲏⲛ ⲛⲓⲃⲉⲛ ⲟⲩⲇⲉ ⲉⲛⲭⲁⲓ ⲛⲓⲃⲉⲛ ⲉⲧϩⲟⲩⲉⲧⲟⲩⲱⲧ ⲉⲃⲏⲗ ⲉⲛⲓⲣⲱⲙⲓ ⲛⲏ ⲉⲧⲉϯⲥⲫⲣⲁⲅⲓⲥ ⲛⲧⲉⲫⲛⲟⲩϯ ϩⲓⲧⲟⲩⲧⲉϩⲛⲓ ⲁⲛ .
They were told that they should not hurt the grass of the earth, neither any green thing, neither any tree, but only those people who don't have God's seal on their foreheads.
9.5
ⲟⲩⲟϩ ⲁⲩⲧⲏⲓⲥ ⲛⲱⲟⲩ ϩⲓⲛⲁ ⲛⲧⲟⲩϣⲧⲉⲙϧⲟⲑⲃⲟⲩ ⲁⲗⲗⲁ ϩⲓⲛⲁ ⲛⲥⲉϯⲙⲕⲁϩ ⲛⲱⲟⲩ ⲛⲉⲛⲁⲃⲟⲧ ⲟⲩⲟϩ ⲡⲓⲙⲕⲁϩ ⲛⲧⲉⲡⲟⲩⲧϩⲉⲙⲕⲟ ⲉϥⲉϣⲱⲡⲓ ⲉϥⲙⲟⲕϩ ⲙⲫⲣⲏϯ ⲙⲡⲓⲧϩⲉⲙⲕⲟ ⲛⲧⲉϩⲁⲛϭⲗⲏ ⲉϣⲱⲡ ⲁⲩϣⲁⲛϫⲉⲕϩ ⲟⲩⲣⲱⲙⲓ .
They were given power not to kill them, but to torment them for five months. Their torment was like the torment of a scorpion, when it strikes a person.
9.6
ⲟⲩⲟϩ ⲛϩⲣⲏⲓ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ ⲉⲣⲉⲛⲓⲣⲱⲙⲓ ⲉⲩⲉⲕⲱϯ ⲛⲥⲁⲫⲙⲟⲩ ⲟⲩⲟϩ ⲛⲛⲟⲩϫⲉⲙϥ ⲉⲩⲉⲉⲣⲉⲡⲓⲑⲩⲙⲓⲛ ⲉⲫⲙⲟⲩ ⲟⲩⲟϩ ⲫⲙⲟⲩ ⲉϥⲉϥⲱⲧ ⲉⲃⲟⲗ ϩⲁⲣⲱⲟⲩ .
In those days people will seek death, and will in no way find it. They will desire to die, and death will flee from them.
9.7
ⲟⲩⲟϩ ⲡⲥⲙⲟⲧ ⲛⲧⲉⲛⲓϣϫⲏⲟⲩ ⲉⲧⲉⲙⲙⲁⲩ ⲉⲩⲟⲛⲓ ⲛⲛⲓϩⲑⲱⲣ ⲉⲧⲥⲉⲃⲧⲱⲧ ⲉⲡⲡⲟⲗⲉⲙⲟⲥ ⲉⲟⲩⲟⲛ ⲟⲩⲭⲗⲟⲙ ⲉϥⲧⲟⲓ ⲉϫⲉⲛⲧⲁⲫⲉ ⲙⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲟⲩ ⲉⲩⲟⲓ ⲛⲁⲟⲩⲁⲛ ⲛⲛⲟⲩⲃ ⲟⲩⲟϩ ⲡⲟⲩϩⲟ ⲉϥⲟⲛⲓ ⲙⲡϩⲟ ⲛϩⲁⲛⲣⲱⲙⲓ ⲟⲩⲟϩ ⲛⲟⲩⲛⲁϫϩⲓ ⲉⲩⲟⲛⲓ ⲙⲫⲣⲏϯ ⲛⲛⲁ ⲛⲓⲙⲟⲩⲓ
The shapes of the locusts were like horses prepared for war. On their heads were something like golden crowns, and their faces were like people's faces.
9.8
ⲟⲩⲟϩ ⲉⲣⲉⲡⲟⲩϥⲱⲓ ⲟⲛⲓ ⲙⲫⲁ ⲛⲓϩⲓⲟⲙⲓ
They had hair like women's hair, and their teeth were like those of lions.
9.9
ⲟⲩⲟϩ ⲛⲟⲩⲧⲉⲛϩ ⲙⲫⲣⲏϯ ⲛϩⲁⲛϧⲉⲗⲓⲃϣ ⲙⲃⲉⲛⲓⲡⲓ ⲟⲩⲟϩ ϯⲥⲙⲏ ⲛⲧⲉⲛⲟⲩⲧⲉⲛϩ ⲙⲫⲣⲏϯ ⲛⲧⲥⲙⲏ ⲛⲧⲉϩⲁⲛϩⲁⲣⲙⲁ ⲛⲧⲉϩⲁⲛϩⲑⲱⲣ ⲉⲩⲥⲉⲃⲧⲱⲧ ⲉⲡⲡⲟⲗⲉⲙⲟⲥ
They had breastplates, like breastplates of iron. The sound of their wings was like the sound of chariots, or of many horses rushing to war.
9.10
ⲟⲩⲟϩ ⲟⲩⲟⲛ ⲥⲏⲧ ⲉⲣⲱⲟⲩ ⲙⲫⲣⲏϯ ⲛⲛⲓϭⲗⲏ ⲛⲉⲙϩⲁⲛⲥⲟⲩⲣⲓ ⲟⲩⲟϩ ⲉⲣⲉⲡⲟⲩⲉⲣϣⲓϣⲓ ⲛϩⲣⲏⲓ ϧⲉⲛⲡⲟⲩⲥⲏⲧ ⲉⲉⲣⲁⲇⲓⲕⲓⲛ ⲛⲛⲓⲣⲱⲙⲓ ⲛⲉⲛⲁⲃⲟⲧ
They have tails like those of scorpions, and stings. In their tails they have power to harm men for five months.
9.11
ⲉϥⲭⲏ ϩⲓϫⲱⲟⲩ ⲛϫⲉⲡⲟⲩⲣⲟ ⲡⲓⲁⲅⲅⲉⲗⲟⲥ ⲛⲧⲉⲫⲛⲟⲩⲛ ⲫⲏ ⲉⲧⲉⲡⲉϥⲣⲁⲛ ⲙⲙⲉⲧⲉⲃⲣⲉⲟⲥ ⲡⲉ ⲙⲁⲅⲉⲇⲱⲛ ⲉϣⲁⲩⲟⲩⲁϩⲙⲉϥ ⲙⲙⲉⲧⲟⲩⲉⲓⲛⲓⲛ ϫⲉⲫⲏ ⲉⲧⲧⲁⲕⲟ .
They have over them as king the angel of the abyss. His name in Hebrew is 'Abaddon,'
9.12
ⲡⲓϩⲟⲩⲓⲧ ⲛⲟⲩⲟⲓ ⲁϥⲥⲓⲛⲓ ⲓⲥ ϩⲏⲡⲡⲉ ⲉϥⲛⲏⲟⲩ ⲛϫⲉⲡⲓⲙⲁϩⲃ ⲛⲟⲩⲟⲓ ⲙⲉⲛⲉⲛⲥⲁⲛⲁⲓ .
The first woe is past. Behold, there are still two woes coming after this.
9.13
ⲁⲡⲓⲙⲁϩ ⲛⲁⲅⲅⲉⲗⲟⲥ ⲁϥⲉⲣⲥⲁⲗⲡⲓⲍⲓⲛ ⲟⲩⲟϩ ⲁⲓⲥⲱⲧⲉⲙ ⲉⲟⲩⲥⲙⲏ ⲉⲃⲟⲗ ϧⲉⲛⲛⲓⲧⲁⲡ ⲛⲧⲉⲡⲓⲙⲁ ⲛⲉⲣϣⲱⲟⲩϣⲓ ⲛⲛⲟⲩⲃ ⲫⲏ ⲉⲧⲭⲏ ⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲛⲧⲉⲫⲛⲟⲩϯ
The sixth angel sounded. I heard a voice from the horns of the golden altar which is before God,
9.14
ⲉϥϫⲱ ⲙⲙⲟⲥ ⲙⲡⲓⲙⲁϩ ⲛⲁⲅⲅⲉⲗⲟⲥ ⲫⲏ ⲉⲧⲉϯⲥⲁⲗⲡⲓⲅⲝ ⲛⲧⲟⲧϥ ϫⲉⲃⲉⲗ ⲡⲓⲇ ⲛⲁⲅⲅⲉⲗⲟⲥ ⲉⲃⲟⲗ .
saying to the sixth angel who had one trumpet, 'Free the four angels who are bound at the great river Euphrates!'
9.15
ⲟⲩⲟϩ ⲁⲩⲃⲟⲗⲟⲩ ⲙⲡⲓⲇ ⲛⲁⲅⲅⲉⲗⲟⲥ ⲉⲃⲟⲗ ⲛⲏ ⲉⲧⲁⲩⲥⲟⲛϩⲟⲩ ⲉⲟⲩⲛⲓϣϯ ⲛⲓⲁⲣⲟ ⲉⲩⲫⲣⲁⲧⲏⲥ ⲛⲏ ⲉⲧⲥⲉⲃⲧⲱⲧ ⲉϯⲟⲩⲛⲟⲩ ⲛⲉⲙⲡⲓⲉϩⲟⲟⲩ ⲛⲉⲙⲡⲓⲁⲃⲟⲧ ⲛⲉⲙϯⲣⲟⲙⲡⲓ ϩⲓⲛⲁ ⲛⲥⲉϧⲱⲧⲉⲃ ⲙⲫⲣⲉⲅ ⲛⲛⲓⲣⲱⲙⲓ .
The four angels were freed who had been prepared for that hour and day and month and year, so that they might kill one third of mankind.
9.16
ⲟⲩⲟϩ ⲧⲏⲡⲓ ⲙⲡⲓⲥⲧⲁⲧⲉⲩⲙⲁ ⲛⲧⲉⲡⲓϩⲩⲡⲡⲓⲕⲟⲛ ⲑⲃⲁ ⲃⲛϩⲁⲛⲑⲃⲁ ⲛⲉⲁⲓⲥⲱⲧⲉⲙ ⲉⲧⲟⲩⲏⲡⲓ .
The number of the armies of the horsemen was two hundred million. I heard the number of them.
9.17
ⲙⲡⲁⲓⲣⲏϯ ⲟⲩⲟϩ ⲁⲓⲛⲁⲩ ⲉⲛⲓϩⲑⲟⲣ ϧⲉⲛϯϩⲟⲣⲁⲥⲓⲥ ⲛⲉⲙⲛⲏ ⲉⲧϩⲉⲙⲥⲓ ϩⲓϫⲱⲟⲩ ⲉⲟⲩⲟⲛ ϩⲁⲛϧⲉⲗⲓⲃϣ ⲛⲭⲣⲱⲙ ⲧⲟⲓ ϩⲓⲱⲧⲟⲩ ⲛⲉⲙⲟⲩϩⲩⲁⲕⲓⲛⲑⲓⲛⲟⲛ ⲛⲉⲙϩⲁⲛⲑⲏⲛ ⲟⲩⲟϩ ⲧⲁⲫⲉ ⲛⲛⲓϩⲑⲱⲣ ⲙⲫⲣⲏϯ ⲛⲧⲁⲫⲉ ⲛϩⲁⲛⲙⲟⲩⲓ ⲉⲩⲛⲏⲟⲩ ⲇⲉ ⲉⲃⲟⲗ ϧⲉⲛⲣⲱⲟⲩ ⲛϫⲉⲟⲩⲭⲣⲱⲙ ⲛⲉⲙⲟⲩⲭⲣⲉⲙⲧⲥ ⲛⲉⲙⲟⲩⲑⲏⲛ .
Thus I saw the horses in the vision, and those who sat on them, having breastplates of fiery red, hyacinth blue, and sulfur yellow; and the heads of lions. Out of their mouths proceed fire, smoke, and sulfur.
9.18
ⲟⲩⲟϩ ⲉⲃⲟⲗ ϧⲉⲛⲡⲁⲓⲅ ⲛⲉⲣϧⲟⲧ ⲁⲩⲙⲟⲩ ⲛϫⲉⲫⲣⲉⲅ ⲛⲛⲓⲣⲱⲙⲓ ⲉⲃⲟⲗ ϧⲉⲛⲡⲓⲭⲣⲱⲙ ⲛⲉⲙϯⲭⲣⲉⲙⲧⲥ ⲛⲉⲙⲡⲓⲑⲏⲛ ⲛⲏ ⲉⲑⲛⲏⲟⲩ ⲉⲃⲟⲗ ϧⲉⲛⲣⲱⲟⲩ .
By these three plagues were one third of mankind killed: by the fire, the smoke, and the sulfur, which proceeded out of their mouths.
9.19
ⲡⲉⲣϣⲓϣⲓ ⲅⲁⲣ ⲛⲧⲉⲛⲓϩⲑⲱⲣ ⲛⲁϥⲭⲏ ϧⲉⲛⲣⲱⲟⲩ ⲡⲉ ⲛⲉⲙⲡⲟⲩⲥⲏⲧ ⲡⲟⲩⲥⲏⲧ ⲅⲁⲣ ⲛⲁϥⲟⲛⲓ ⲡⲉ ⲛϩⲁⲛϩϥⲱ ⲉⲟⲩⲟⲛ ϩⲁⲛⲁⲫⲉ ⲉⲣⲱⲟⲩ ⲟⲩⲟϩ ⲛϩⲣⲏⲓ ϧⲉⲛⲫⲁⲓ ⲛⲁⲩⲉⲣⲁⲇⲓⲕⲓⲛ ⲡⲉ ⲛⲛⲓⲣⲱⲙⲓ ⲛⲉⲛⲁⲃⲟⲧ .
For the power of the horses is in their mouths, and in their tails. For their tails are like serpents, and have heads, and with them they harm.
9.20
ⲟⲩⲟϩ ⲡⲥⲉⲡⲓ ⲛⲛⲓⲣⲱⲙⲓ ⲙⲡⲟⲩⲙⲟⲩ ϧⲉⲛⲛⲁⲓⲉⲣϧⲱⲧ ⲟⲩⲇⲉ ⲙⲡⲟⲩⲉⲣⲙⲉⲧⲁⲛⲟⲓⲛ ⲉⲃⲟⲗ ϧⲉⲛⲛⲓϩⲃⲏⲟⲩⲓ ⲛⲧⲉⲛⲟⲩϫⲓϫ ϩⲓⲛⲁ ⲛⲧⲟⲩϣⲧⲉⲙⲟⲩⲱϣⲧ ⲛⲛⲓⲓϧ ⲛⲉⲙⲛⲓⲓⲇⲱⲗⲟⲛ ⲛⲓⲛⲟⲩⲃ ⲛⲉⲙⲛⲓϩⲁⲧ ⲛⲉⲙⲛⲓϩⲟⲙⲧ ⲛⲉⲙⲛⲓϣⲉ ⲛⲉⲙⲛⲓⲱⲛⲓ ⲛⲏ ⲉⲧⲉⲙⲙⲟⲛ ϣϫⲟⲙ ⲙⲙⲱⲟⲩ ⲉⲛⲁⲩ ⲙⲃⲟⲗ ⲟⲩⲇⲉ ⲉⲥⲱⲧⲉⲙ ⲟⲩⲇⲉ ⲉⲙⲟϣⲓ
The rest of mankind, who were not killed with these plagues, didn't repent of the works of their hands, that they wouldn't worship demons, and the idols of gold, and of silver, and of brass, and of stone, and of wood; which can neither see, nor hear, nor walk.
9.21
ⲟⲩⲟϩ ⲙⲡⲟⲩⲉⲣⲙⲉⲧⲁⲛⲟⲓⲛ ⲉⲃⲟⲗ ϧⲉⲛⲛⲟⲩϧⲱⲧⲉⲃ ⲟⲩⲇⲉ ⲉⲃⲟⲗ ϧⲉⲛⲛⲟⲩⲫⲁϧⲣⲓ ⲛϩⲓⲕ ⲟⲩⲇⲉ ⲉⲃⲟⲗ ϧⲉⲛⲛⲟⲩⲡⲟⲣⲛⲉⲓⲁ ⲛⲉⲙⲛⲟⲩⲥⲱϥ ⲟⲩⲇⲉ ⲉⲃⲟⲗ ϧⲉⲛⲛⲟⲩϭⲓⲟⲩⲓ .
They didn't repent of their murders, nor of their sorceries, nor of their sexual immorality, nor of their thefts.
10.1
ⲟⲩⲟϩ ⲁⲓⲛⲁⲩ ⲉⲕⲉⲁⲅⲅⲉⲗⲟⲥ ⲉϥϫⲟⲣ ⲉⲁϥⲓ ⲉⲃⲟⲗ ϧⲉⲛⲧⲫⲉ ⲉⲟⲩⲟⲛ ⲟⲩϭⲏⲡⲓ ⲧⲟⲓ ϩⲓⲱⲧϥ ⲟⲩⲟϩ ϯⲓⲣⲓⲥ ⲉⲥⲭⲏ ϩⲓϫⲉⲛⲧⲉϥⲁⲫⲉ ⲟⲩⲟϩ ⲡⲉϥϩⲟ ⲉϥⲟⲓ ⲙⲫⲣⲏϯ ⲙⲫⲣⲏ ⲟⲩⲟϩ ⲛⲉϥϭⲁⲗⲁⲩϫ ⲉⲩⲟⲓ ⲙⲫⲣⲏϯ ⲛϩⲁⲛⲥⲧⲩⲗⲗⲟⲥ ⲛⲭⲣⲱⲙ
I saw a mighty angel coming down out of the sky, clothed with a cloud. A rainbow was on his head. His face was like the sun, and his feet like pillars of fire.
10.2
ⲟⲩⲟϩ ⲟⲩⲟⲛ ⲟⲩϫⲱⲙ ⲛϧⲣⲏⲓ ϧⲉⲛⲧⲉϥϫⲓϫ ⲟⲩⲟϩ ⲁϥⲭⲱ ⲛⲧⲉϥϭⲁⲗⲟϫ ⲛⲟⲩⲓⲛⲁⲙ ϩⲓϫⲉⲛⲫⲓⲟⲙ ⲧⲉϥϫⲁϭⲏ ϩⲓϫⲉⲛⲡⲓⲕⲁϩⲓ
He had in his hand a little open book. He set his right foot on the sea, and his left on the land.
10.3
ⲟⲩⲟϩ ⲁϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ⲙⲫⲣⲏϯ ⲛⲟⲩⲙⲟⲩⲓ ⲉϥϩⲉⲙϩⲉⲙ ⲟⲩⲟϩ ⲉⲧⲁϥⲱϣ ⲉⲃⲟⲗ ⲁϯⲍ ⲛϧⲁⲣⲁⲃⲁⲓ ⲁⲩϯ ⲛⲧⲟⲩⲥⲙⲏ .
He cried with a loud voice, as a lion roars. When he cried, the seven thunders uttered their voices.
10.4
ⲟⲩⲟϩ ⲁⲓⲥⲱⲧⲉⲙ ⲉⲛⲏ ⲉⲧⲁⲩϫⲟⲧⲟⲩ ⲛϫⲉϯⲍ ⲛϧⲁⲣⲁⲃⲁⲓ ⲛⲁⲓⲛⲁⲥϧⲏⲧⲟⲩ ⲟⲛ ⲡⲉ ⲟⲩⲟϩ ⲁⲓⲥⲱⲧⲉⲙ ⲉⲟⲩⲥⲙⲏ ⲉⲃⲟⲗ ϧⲉⲛⲧⲫⲉ ⲉⲥϫⲱ ⲙⲙⲟⲥ ⲛⲏⲓ ϫⲉⲧⲟⲃⲟⲩ ⲙⲡⲉⲣⲥϧⲉ ⲛⲏ ⲉⲧⲁⲩⲥⲁϫⲓ ⲙⲙⲱⲟⲩ ⲛϫⲉϯⲍ ⲛϧⲁⲣⲁⲃⲁⲓ .
When the seven thunders sounded, I was about to write; but I heard a voice from the sky saying, 'Seal up the things which the seven thunders said, and don't write them.'
10.5
ⲟⲩⲟϩ ⲡⲓⲁⲅⲅⲉⲗⲟⲥ ⲉⲧⲁⲓⲛⲁⲩ ⲉⲣⲟϥ ⲉϥⲟϩⲓ ⲉⲣⲁⲧϥ ϩⲓϫⲉⲛⲫⲓⲟⲙ ⲛⲉⲙϩⲓϫⲉⲛⲡⲓⲕⲁϩⲓ ⲁϥⲥⲱⲟⲩⲧⲉⲛ ⲛⲧⲉϥⲟⲩⲓⲛⲁⲙ ⲉⲡϣⲱⲓ ⲉⲧⲫⲉ
The angel who I saw standing on the sea and on the land lifted up his right hand to the sky,
10.6
ⲟⲩⲟϩ ⲁϥⲱⲣⲕ ⲙⲫⲏ ⲉⲧⲟⲛϧ ϣⲁⲉⲛⲉϩ ⲛⲧⲉⲡⲓⲉⲛⲉϩ ⲫⲏ ⲉⲧⲁϥⲥⲱⲛⲧ ⲛⲧⲫⲉ ⲛⲉⲙⲡⲓⲕⲁϩⲓ ⲛⲉⲙⲫⲓⲟⲙ ⲛⲉⲙⲛⲏ ⲉⲧϣⲟⲡ ⲧⲏⲣⲟⲩ ϫⲉⲛⲛⲉ ⲥⲛⲟⲩ ϣⲱⲡⲓ ϫⲉϧⲉⲛⲡⲓⲉϩⲟⲟⲩ
and swore by him who lives forever and ever, who created heaven and the things that are in it, the earth and the things that are in it, and the sea and the things that are in it, that there will no longer be delay,
10.7
ⲛⲧⲉϯⲥⲙⲏ ⲛⲧⲉⲡⲓⲙⲁϩⲍ ⲛⲁⲅⲅⲉⲗⲟⲥ ⲁϥϣⲁⲛⲉⲣⲥⲁⲗⲡⲓⲍⲓⲛ ⲁϥϫⲱⲕ ⲅⲁⲣ ⲉⲃⲟⲗ ⲛϫⲉⲡⲓⲙⲩⲥⲧⲏⲣⲓⲟⲛ ⲛⲧⲉⲫⲛⲟⲩϯ ⲙⲫⲣⲏϯ ⲉⲧⲁϥϩⲓⲱⲓϣ ⲉⲃⲟⲗ ϩⲓⲧⲉⲛⲛⲉϥⲉⲃⲓⲁⲓⲕ ⲛⲓⲡⲣⲟⲫⲏⲧⲏⲥ .
but in the days of the voice of the seventh angel, when he is about to sound, then the mystery of God is finished, as he declared to his servants, the prophets.
10.8
ⲟⲩⲟϩ ϯⲥⲙⲏ ⲉⲧⲁⲓⲥⲟⲑⲙⲉⲥ ⲉⲃⲟⲗ ϧⲉⲛⲧⲫⲉ ⲛⲁⲥⲥⲁϫⲓ ⲛⲉⲙⲏⲓ ⲡⲉ ⲉⲥϫⲱ ⲙⲙⲟⲥ ϫⲉⲙⲁϣⲉ ⲛⲁⲕ ϭⲓ ⲙⲡⲓϫⲱⲙ ⲉⲑⲟⲩⲏⲛ ⲫⲏ ⲉⲧϧⲉⲛⲧϫⲓϫ ⲙⲡⲓⲁⲅⲅⲉⲗⲟⲥ ⲫⲏ ⲉⲧⲟϩⲓ ⲉⲣⲁⲧϥ ϩⲓϫⲉⲛⲫⲓⲟⲙ ⲛⲉⲙϩⲓϫⲉⲛⲡⲓⲕⲁϩⲓ
The voice which I heard from heaven, again speaking with me, said, 'Go, take the book which is open in the hand of the angel who stands on the sea and on the land.'
10.9
ⲟⲩⲟϩ ⲁⲓϣⲉ ⲛⲏⲓ ϩⲁⲡⲓⲁⲅⲅⲉⲗⲟⲥ ⲡⲉϫⲏⲓ ⲛⲁϥ ϫⲉⲙⲁ ⲡⲓϫⲱⲙ ⲛⲏⲓ ⲟⲩⲟϩ ⲡⲉϫⲁϥ ⲛⲏⲓ ϫⲉϭⲓⲧϥ ⲛⲁⲕ ⲟⲩⲟϩ ⲉϥⲉⲧⲣⲉ ⲧⲉⲕⲛⲉϫⲓ ⲉⲣϣⲁϣⲓ ⲟⲩⲟϩ ⲉϥⲉϣⲱⲡⲓ ⲉϥϩⲟⲗϫ ϧⲉⲛⲣⲱⲕ ⲙⲫⲣⲏϯ ⲛⲟⲩⲉⲃⲓⲱ .
I went to the angel, telling him to give me the little book. He said to me, 'Take it, and eat it up. It will make your stomach bitter, but in your mouth it will be as sweet as honey.'
10.10
ⲟⲩⲟϩ ⲁⲓϭⲓ ⲙⲡⲓϫⲱⲙ ⲉⲃⲟⲗ ϧⲉⲛⲧϫⲓϫ ⲙⲡⲓⲁⲅⲅⲉⲗⲟⲥ ⲟⲩⲟϩ ⲁϥϣⲱⲡⲓ ⲉϥϩⲟⲗϫ ϧⲉⲛⲣⲱⲓ ⲙⲫⲣⲏϯ ⲛⲟⲩⲉⲃⲓⲱ ⲟⲩⲟϩ ⲉⲧⲁⲓⲟⲩⲟⲙϥ ⲁⲧⲁⲛⲉϫⲓ ⲉⲣϣⲁϣⲓ .
I took the little book out of the angel's hand, and ate it up. It was as sweet as honey in my mouth. When I had eaten it, my stomach was made bitter.
10.11
ⲟⲩⲟϩ ⲡⲉϫⲱⲟⲩ ⲛⲏⲓ ϫⲉϩⲱϯ ⲉⲣⲟⲕ ⲟⲛ ⲡⲉ ⲛⲧⲉⲕⲉⲣⲡⲣⲟⲫⲏⲧⲉⲩⲓⲛ ⲉϫⲉⲛϩⲁⲛⲗⲁⲟⲥ ⲛⲉⲙϩⲁⲛϣⲗⲟⲗ ⲛⲉⲙϩⲁⲛⲗⲁⲥ ⲛⲉⲙⲟⲩⲙⲏϣ ⲛⲟⲩⲣⲟ .
They told me, 'You must prophesy again over many peoples, nations, languages, and kings.'
11.1
ⲟⲩⲟϩ ⲁⲩϯ ⲛⲟⲩⲕⲁϣ ⲛⲛⲟⲩⲃ ⲛⲏⲓ ⲉϥⲟⲓ ⲛⲟⲩϣⲃⲱⲧ ⲉⲩϫⲱ ⲙⲙⲟⲥ ⲛⲏⲓ ϫⲉⲧⲱⲛⲕ ϣⲓ ⲙⲡⲓⲉⲣⲫⲉⲓ ⲛⲧⲉⲫⲛⲟⲩϯ ⲛⲉⲙⲡⲓⲙⲁⲛⲉⲣϣⲱⲟⲩϣⲓ ⲛⲉⲙⲛⲏ ⲉⲧⲟⲩⲱϣⲧ ⲛϧⲏⲧϥ .
A reed like a rod was given to me. Someone said, 'Rise, and measure God's temple, and the altar, and those who worship in it.
11.2
ⲛⲉⲙϯⲁⲩⲗⲏ ⲉⲧⲥⲁⲃⲟⲗ ⲙⲡⲓⲉⲣⲫⲉⲓ ϩⲓⲧⲥ ⲉⲃⲟⲗ ⲙⲡⲉⲣϣⲓⲧⲥ ϫⲉⲁⲩⲧⲏⲓⲥ ⲛⲛⲓⲉⲑⲛⲟⲥ ⲛⲉⲙϯⲃⲁⲕⲓ ⲉⲑⲟⲩⲁⲃ ⲉⲩⲉϩⲱⲙⲓ ⲛϧⲏⲧⲥ ⲛⲙⲃ ⲛⲁⲃⲟⲧ .
Leave out the court which is outside of the temple, and don't measure it, for it has been given to the nations. They will tread the holy city under foot for forty-two months.
11.3
ⲟⲩⲟϩ ⲉⲓⲉϯ ⲙⲡⲁⲙⲉⲑⲣⲉ ⲃⲉⲩⲉⲉⲣⲡⲣⲟⲫⲏ ⲧⲉⲩⲓⲛ ⲛⲟⲩϣⲟ ⲛⲥ ⲛⲉⲙⲝⲛⲉϩⲟⲟⲩ ⲉⲟⲩⲟⲛ ϩⲁⲛⲥⲟⲕ ⲧⲟⲓ ϩⲓⲱⲧⲟⲩ .
I will give power to my two witnesses, and they will prophesy one thousand two hundred sixty days, clothed in sackcloth.'
11.4
ⲑⲁⲓ ⲧⲉ ϯⲃⲱ ⲥⲛⲟⲩϯ ⲛϫⲱⲓⲧ ⲛⲉⲙϯⲗⲩⲭⲛⲓⲁ ⲥⲛⲟⲩϯ ⲉⲧⲭⲏ ⲉⲩⲟϩⲓ ⲉⲣⲁⲧⲟⲩⲙⲡⲉⲙⲑⲟ ⲙⲡϭⲟⲓⲥ .
These are the two olive trees and the two lampstands, standing before the Lord of the earth.
11.5
ⲟⲩⲟϩ ⲫⲏ ⲉⲧⲟⲩⲟⲩⲁϣϥ ⲛⲑⲱⲟⲩ ⲉⲩⲉⲁⲓϥ ⲟⲩⲭⲣⲱⲙ ⲉϥⲉⲓ ⲉⲃⲟⲗ ϧⲉⲛⲣⲱⲟⲩ ⲉϥⲉⲟⲩⲱⲙ ⲛⲥⲁⲛⲟⲩϫⲁϫⲓ ⲟⲩⲟϩ ⲫⲏ ⲉⲑⲟⲩⲱϣ ⲉⲉⲣⲁⲇⲓⲕⲓⲛ ⲙⲙⲱⲟⲩ ⲡⲁⲓⲣⲏϯ ⲥⲉⲛⲁϧⲟⲑⲃⲟⲩ .
If anyone desires to harm them, fire proceeds out of their mouth and devours their enemies. If anyone desires to harm them, he must be killed in this way.
11.6
ϫⲉⲟⲩⲟⲛⲧⲟⲩ ⲉⲣϣⲓϣⲓ ⲙⲙⲁⲩ ⲉϣⲑⲁⲙ ⲛⲧⲫⲉ ϩⲓⲛⲁ ⲛⲧⲉϣⲧⲉⲙ ⲙⲟⲩⲛϩⲱⲟⲩ ⲓⲉϩⲣⲏⲓ ⲉϫⲉⲛⲡⲓⲕⲁϩⲓ ⲛⲛⲓⲉϩⲟⲟⲩ ⲧⲏⲣⲟⲩ ⲛⲧⲉⲧⲟⲩⲡⲣⲟⲫⲏ ⲧⲓⲁ ⲟⲩⲟϩ ⲟⲩⲟⲛⲧⲟⲩ ⲉⲣϣⲓϣⲓ ⲣⲱ ⲟⲛ ϩⲓϫⲉⲛⲛⲓⲙⲱⲟⲩ ⲉⲑⲣⲟⲩⲫⲟⲛϩⲟⲩ ⲛⲥⲉⲉⲣⲥⲛⲟϥ ⲟⲩⲟϩ ⲉϣⲁⲣⲓ ⲉⲡⲕⲁϩⲓ ϧⲉⲛⲉⲣϧⲟⲧ ⲛⲓⲃⲉⲛ ⲉⲧⲟⲩⲟⲩⲁϣϥ ⲛⲑⲱⲟⲩ .
These have the power to shut up the sky, that it may not rain during the days of their prophecy. They have power over the waters, to turn them into blood, and to strike the earth with every plague, as often as they desire.
11.7
ⲟⲩⲟϩ ⲉϣⲱⲡ ⲁⲩϣⲁⲛϫⲱⲕ ⲛϯⲙⲉⲧⲙⲉⲑⲣⲉ ⲛⲧⲉⲧⲟⲩⲡⲣⲟⲫⲏⲧⲓⲁ ⲡⲓⲑⲏⲣⲓⲟⲛ ⲇⲉ ⲉⲑⲛⲏⲟⲩ ⲉⲡϣⲱⲓ ⲉⲃⲟⲗ ϧⲉⲛⲫⲛⲟⲩⲛ ⲉϥⲉⲓⲣⲓ ⲛⲟⲩⲃⲱⲧⲥ ⲛⲉⲙⲱⲟⲩ ⲟⲩⲟϩ ⲉϥⲉϭⲣⲟ ⲉⲣⲱⲟⲩ ⲉϥⲉϧⲟⲑⲃⲟⲩ .
When they have finished their testimony, the beast that comes up out of the abyss will make war with them, and overcome them, and kill them.
11.8
ⲟⲩⲟϩ ⲉⲣⲉⲡⲟⲩⲥⲱⲙⲁ ⲉϥⲉϣⲱⲡⲓ ϩⲓⲡⲓϣⲑⲏϩ ⲛⲧⲉϯⲛⲓϣϯ ⲙⲃⲁⲕⲓ ⲑⲏ ⲉⲧⲟⲩⲙⲟⲩϯ ⲉⲣⲟⲥ ⲙⲡⲛⲉⲩⲙⲁⲧⲓⲕⲟⲥ ϫⲉⲥⲟⲇⲟⲙⲁ ⲛⲧⲉⲭⲏⲙⲓ ⲡⲓⲙⲁ ⲉⲧⲁⲩⲉϣ ⲡⲟⲩϭⲟⲓⲥ ⲙⲙⲟϥ .
Their dead bodies will be in the street of the great city, which spiritually is called Sodom and Egypt, where also their Lord was crucified.
11.9
ⲟⲩⲟϩ ⲉⲩⲉⲛⲁⲩ ⲉⲡⲟⲩⲥⲱⲙⲁ ⲉⲃⲟⲗ ϧⲉⲛⲫⲩⲗⲏ ⲛⲓⲃⲉⲛ ⲛⲉⲙⲗⲁⲟⲥ ⲛⲓⲃⲉⲛ ⲛⲉⲙⲗⲁⲥ ⲛⲓⲃⲉⲛ ⲛⲉⲙϣⲗⲟⲗ ⲛⲓⲃⲉⲛ ⲉⲩⲉϫⲟⲩϣⲧ ⲉϫⲉⲛⲛⲟⲩⲥⲱⲙⲁ ⲛⲅ ⲛⲉϩⲟⲟⲩ ⲛⲉⲙⲟⲩⲫⲁϣⲓ ⲟⲩⲟϩ ⲛⲛⲟⲩⲭⲁ ϩⲗⲓ ⲉⲭⲁ ⲛⲟⲩⲥⲱⲙⲁ ϧⲉⲛⲡⲓⲙϩⲁⲩ .
From among the peoples, tribes, languages, and nations people will look at their dead bodies for three and a half days, and will not allow their dead bodies to be laid in a tomb.
11.10
ⲟⲩⲟϩ ⲉⲩⲉⲣⲁϣⲓ ⲧⲏⲣⲟⲩ ⲛϫⲉⲛⲏ ⲉⲧϣⲟⲡ ϩⲓϫⲉⲛⲡⲓⲕⲁϩⲓ ⲉϩⲣⲏⲓ ⲉϫⲱⲟⲩ ⲟⲩⲟϩ ⲉⲩⲉⲟⲩⲛⲟϥ ⲟⲩⲟϩ ⲉⲩⲉⲟⲩⲱⲣⲡ ⲛϩⲁⲛⲇⲱⲣⲟⲛ ⲛⲛⲟⲩⲉⲣⲏⲟⲩ ⲉⲩϫⲱ ⲙⲙⲟⲥ ϫⲉⲛⲁⲓ ⲛⲉⲛⲓⲡⲣⲟⲫⲏ ⲧⲏⲥ ⲃⲛⲏ ⲉⲧⲁⲩⲉⲣⲃⲁⲥⲁⲛⲓⲍⲓⲛ ⲛⲛⲏ ⲉⲧϣⲟⲡ ϩⲓϫⲉⲛⲡⲓⲕⲁϩⲓ .
Those who dwell on the earth rejoice over them, and they will be glad. They will give gifts to one another, because these two prophets tormented those who dwell on the earth.
11.11
ⲟⲩⲟϩ ⲉⲥⲉϣⲱⲡⲓ ⲙⲉⲛⲉⲛⲥⲁⲅⲛⲉϩⲟⲟⲩ ⲛⲉⲙⲟⲩⲫⲁϣⲓ ⲟⲩⲟϩ ⲟⲩⲡⲛⲉⲩⲙⲁⲛⲧⲉⲫⲛⲟⲩϯ ⲉϥⲉϣⲉ ⲉϧⲟⲩⲛ ⲉⲣⲱⲟⲩ ⲟⲩⲟϩ ⲉⲩⲉⲟϩⲓ ⲉⲣⲁⲧⲟⲩϩⲓϫⲉⲛⲛⲟⲩϭⲁⲗⲁⲩϫ ⲟⲩⲟϩ ⲟⲩⲛⲓϣϯ ⲛϩⲟϯ ⲉⲥⲉⲓ ⲉϧⲣⲏⲓ ⲉϫⲉⲛⲛⲏ ⲉⲛⲁⲩ ⲉⲣⲱⲟⲩ .
After the three and a half days, the breath of life from God entered into them, and they stood on their feet. Great fear fell on those who saw them.
11.12
ⲟⲩⲟϩ ⲁⲓⲥⲱⲧⲉⲙ ⲉⲟⲩⲛⲓϣϯ ⲛⲥⲙⲏ ⲉⲃⲟⲗ ϧⲉⲛⲧⲫⲉ ⲉⲥϫⲱ ⲙⲙⲟⲥ ⲛⲱⲟⲩ ϫⲉⲁⲙⲱⲓⲛⲓ ⲉⲡϣⲱⲓ ⲉⲙⲛⲁⲓ ⲟⲩⲟϩ ⲁⲩϣⲉ ⲛⲱⲟⲩ ⲉⲡϣⲱⲓ ⲉⲧⲫⲉ ϧⲉⲛⲟⲩϭⲏⲡⲓ ⲟⲩⲟϩ ⲉⲩⲉⲛⲁⲩ ⲉⲣⲱⲟⲩ ⲛϫⲉⲛⲟⲩϫⲁϫⲓ .
I heard a loud voice from heaven saying to them, 'Come up here!' They went up into heaven in the cloud, and their enemies saw them.
11.13
ⲟⲩⲟϩ ⲛϧⲣⲏⲓ ϧⲉⲛϯⲟⲩⲛⲟⲩ ⲉⲧⲉⲙⲙⲁⲩ ⲉⲣⲉⲟⲩⲛⲓϣϯ ⲙⲙⲟⲛⲙⲉⲛ ϣⲱⲡⲓ ⲟⲩⲟϩ ⲫⲣⲉⲅ ⲛϯⲃⲁⲕⲓ ⲁϥϩⲉⲓ ⲟⲩⲟϩ ⲁⲩⲙⲟⲩ ⲛϧⲣⲏⲓ ϧⲉⲛⲡⲓⲙⲟⲛⲙⲉⲛ ⲛϫⲉⲍⲛϣⲟ ⲛⲣⲁⲛ ⲛⲣⲱⲙⲓ ⲟⲩⲟϩ ⲡⲥⲉⲡⲓ ⲁⲩⲙⲟϩ ⲛϩⲟϯ ⲟⲩⲟϩ ⲁⲩϯⲱⲟⲩ ⲙⲫⲛⲟⲩϯ ⲛⲧⲉⲧⲫⲉ .
In that day there was a great earthquake, and a tenth of the city fell. Seven thousand people were killed in the earthquake, and the rest were terrified, and gave glory to the God of heaven.
11.14
ⲡⲓⲟⲩⲟⲓ ⲙⲙⲁϩⲃ ⲁϥⲥⲓⲛⲓ ⲟⲩⲟϩ ϩⲏⲡⲡⲉ ⲓⲥ ⲡⲓⲟⲩⲟⲓ ⲙⲙⲁϩⲅ ϥⲛⲏⲟⲩ ⲛⲭⲱⲗⲉⲙ .
The second woe is past. Behold, the third woe comes quickly.
11.15
ⲟⲩⲟϩ ⲡⲓⲙⲁϩⲍ ⲛⲁⲅⲅⲉⲗⲟⲥ ⲁϥⲉⲣⲥⲁⲗⲡⲓⲍⲓⲛ ⲟⲩⲟϩ ⲁⲩϣⲱⲡⲓ ⲛϫⲉϩⲁⲛⲛⲓϣϯ ⲛⲥⲙⲏ ⲉⲃⲟⲗ ϧⲉⲛⲧⲫⲉ ⲉⲩϫⲱ ⲙⲙⲟⲥ ϫⲉⲧⲙⲉⲧⲟⲩⲣⲟ ⲙⲡⲓⲕⲟⲥⲙⲟⲥ ⲁⲥϣⲱⲡⲓ ⲙⲡϭⲟⲓⲥ ⲡⲉⲛⲛⲟⲩϯ ⲛⲉⲙⲡⲉϥⲭⲣⲓⲥⲧⲟⲥ ⲟⲩⲟϩ ⲉϥⲉⲉⲣⲟⲩⲣⲟ ϣⲁⲉⲛⲉϩ ⲛⲧⲉⲡⲓⲉⲛⲉϩ .
The seventh angel sounded, and great voices in heaven followed, saying, 'The kingdom of the world has become the Kingdom of our Lord, and of his Christ. He will reign forever and ever!'
11.16
ⲟⲩⲟϩ ⲕⲇ ⲙⲡⲣⲉⲥⲃⲩⲧⲉⲣⲟⲥ ⲉⲧⲭⲏ ⲙⲡⲉⲙⲑⲟ ⲙⲫⲛⲟⲩϯ ⲉⲩϩⲉⲙⲥⲓ ϩⲓϫⲉⲛⲛⲓⲑⲣⲟⲛⲟⲥ ⲁⲩϩⲓⲧⲟⲩ ⲉϫⲉⲛⲡⲟⲩϩⲟ ⲁⲩⲟⲩⲱϣⲧ ⲙⲫⲛⲟⲩϯ
The twenty-four elders, who sit on their thrones before God's throne, fell on their faces and worshiped God,
11.17
ⲉⲩϫⲱ ⲙⲙⲟⲥ ϫⲉⲧⲉⲛϣⲉⲡϩⲙⲟⲧ ⲛⲧⲟⲧⲕ ⲡϭⲟⲓⲥ ⲫⲛⲟⲩϯ ⲡⲓⲡⲁⲛⲧⲟⲕⲣⲁⲧⲱⲣ ⲫⲏ ⲉⲧϣⲟⲡ ⲟⲩⲟϩ ⲫⲏ ⲉⲛⲁϥϣⲟⲡ ⲟⲩⲟϩ ⲭⲛⲏⲟⲩ ϫⲉⲁⲕϭⲓ ⲛϯϫⲟⲙ ⲟⲩⲟϩ ⲁⲕⲉⲣⲟⲩⲣⲟ .
saying: 'We give you thanks, Lord God, the Almighty, the one who is and who was; because you have taken your great power, and reigned.
11.18
ⲟⲩⲟϩ ⲛⲓⲉⲑⲛⲟⲥ ⲁⲩϫⲱⲛⲧ ϫⲉⲁϥⲓ ⲛϫⲉⲡⲉⲕϫⲱⲛⲧ ⲛⲉⲙⲡⲥⲏⲟⲩ ⲛⲧⲉϯⲕⲣⲏⲥⲓⲥ ⲉϯϩⲁⲡ ⲉⲛⲓⲣⲉϥⲙⲱⲟⲩⲧ ⲟⲩⲟϩ ⲉϯ ⲙⲫⲃⲉⲭⲉ ⲛⲧⲉⲛⲉⲕⲉⲃⲓⲁⲓⲕ ⲛⲱⲟⲩ ⲛⲓⲡⲣⲟⲫⲏⲧⲏⲥ ⲛⲉⲙⲛⲓϩⲁⲅⲓⲟⲥ ⲛⲉⲙⲛⲏ ⲧⲏⲣⲟⲩ ⲉⲧⲉⲣϩⲟϯ ϧⲁⲧϩⲏ ⲙⲡⲉⲕⲣⲁⲛ ⲛⲓⲕⲟⲩϫⲓ ⲛⲉⲙⲛⲓⲛⲓϣϯ ⲉⲕⲉⲧⲁⲕⲟ ⲛⲛⲏ ⲉⲧⲧⲁⲕⲟ ⲙⲡⲓⲕⲁϩⲓ .
The nations were angry, and your wrath came, as did the time for the dead to be judged, and to give your bondservants the prophets, their reward, as well as to the saints, and those who fear your name, to the small and the great; and to destroy those who destroy the earth.'
11.19
ⲟⲩⲟϩ ⲁϥⲟⲩⲱⲛ ⲛϫⲉⲡⲓⲉⲣⲫⲉⲓ ⲛⲧⲉⲫⲛⲟⲩϯ ⲛϩⲣⲏⲓ ϧⲉⲛⲧⲫⲉ ⲟⲩⲟϩ ⲁⲥⲟⲩⲱⲛϩ ⲉⲃⲟⲗ ⲛϫⲉϯⲕⲩⲃⲱⲧⲟⲥ ⲛⲧⲉϯⲇⲓⲁⲑⲏⲕⲏ ϧⲉⲛⲡⲓⲉⲣⲫⲉⲓ ⲟⲩⲟϩ ⲁⲩϣⲱⲡⲓ ⲛϫⲉϩⲁⲛⲥⲉⲧⲉⲃⲣⲏϫ ⲛⲉⲙϩⲁⲛϧⲁⲣⲁⲃⲁⲓ ⲛⲉⲙϩⲁⲛⲥⲙⲏ ⲛⲉⲙϩⲁⲛⲙⲟⲛⲙⲉⲛ ⲛⲉⲙϩⲁⲛⲁⲗ ⲙⲫⲉ .
God's temple that is in heaven was opened, and the ark of the Lord's covenant was seen in his temple. Lightnings, sounds, thunders, an earthquake, and great hail followed.
12.1
ⲟⲩⲟϩ ⲓⲥ ϩⲏⲡⲡⲉ ⲁⲟⲩⲛⲓϣϯ ⲙⲙⲏⲓⲛⲓ ⲁϥⲟⲩⲟⲛϩϥ ⲉⲃⲟⲗ ϧⲉⲛⲧⲫⲉ ⲟⲩⲥϩⲓⲙⲓ ⲉⲥϫⲟⲗϩ ⲙⲫⲣⲏ ⲟⲩⲟϩ ⲡⲓⲓⲟϩ ⲥⲁⲡⲉⲥⲏⲧ ⲛⲛⲉⲥϭⲁⲗⲁⲩϫ ⲟⲩⲭⲗⲟⲙ ⲉϥⲧⲟⲓ ⲉϫⲉⲛⲧⲉⲥⲁⲫⲉ ⲙⲓⲃ ⲛⲥⲓⲟⲩ
A great sign was seen in heaven: a woman clothed with the sun, and the moon under her feet, and on her head a crown of twelve stars.
12.2
ⲟⲩⲟϩ ⲉⲥⲙⲃⲟⲕⲓ ⲉⲥⲱϣ ⲉⲃⲟⲗ ⲉⲥϯⲛⲁⲕϩⲓ ⲉⲥⲙⲟⲕϩ ⲉⲥⲛⲁⲙⲓⲥⲓ .
She was with child. She cried out in pain, laboring to give birth.
12.3
ⲟⲩⲟϩ ⲕⲉⲙⲏⲓⲛⲓ ⲁϥⲟⲩⲟⲛϩϥ ϧⲉⲛⲧⲫⲉ ⲟⲩⲟϩ ⲓⲥ ⲟⲩⲇⲣⲁⲕⲱⲛ ⲛⲁⲟⲩⲁⲛ ⲛⲭⲣⲱⲙ ⲟⲩⲛⲓϣϯ ⲡⲉ ⲉⲙⲁϣⲱ ⲉⲟⲩⲟⲛ ⲍⲛⲁⲫⲉ ⲉⲣⲟϥ ⲛⲉⲙⲓⲛⲧⲁⲡ ⲉⲟⲩⲟⲛ ⲍⲛⲭⲗⲟⲙ ϩⲓϫⲉⲛⲛⲉϥⲁⲫⲏⲟⲩⲓ
Another sign was seen in heaven. Behold, a great red dragon, having seven heads and ten horns, and on his heads seven crowns.
12.4
ⲟⲩⲟϩ ⲡⲉϥⲥⲁⲧ ⲁϥⲱϣϯ ⲙⲫⲣⲉⲅ ⲛⲛⲓⲥⲓⲟⲩ ⲛⲧⲉⲧⲫⲉ ⲟⲩⲟϩ ⲁϥϩⲓⲧⲟⲩ ⲉⲡⲉⲥⲏⲧ ϩⲓϫⲉⲛⲡⲕⲁϩⲓ ⲟⲩⲟϩ ⲡⲓⲇⲣⲁⲕⲱⲛ ⲁϥⲟϩⲓ ⲉⲣⲁⲧϥ ⲙⲡⲉⲙⲑⲟ ⲛϯⲥϩⲓⲙⲓ ϩⲓⲛⲁ ⲉϣⲱⲡ ⲁⲥϣⲁⲛⲙⲓⲥⲓ ⲙⲡⲓϣⲏⲣⲓ ⲛⲧⲉϥⲟⲙⲕϥ ⲛϫⲉⲡⲓⲇⲣⲁⲕⲱⲛ .
His tail drew one third of the stars of the sky, and threw them to the earth. The dragon stood before the woman who was about to give birth, so that when she gave birth he might devour her child.
12.5
ⲟⲩⲟϩ ⲁⲥⲙⲓⲥⲓ ⲙⲡⲓϣⲏⲣⲓ ⲛϩⲱⲟⲩⲧ ⲫⲁⲓ ⲡⲉ ⲫⲏ ⲉⲑⲛⲁⲁⲙⲟⲛⲓ ⲛⲛⲓⲉⲑⲛⲟⲥ ϧⲉⲛⲟⲩϣⲃⲱⲧ ⲙⲃⲉⲛⲓⲡⲓ ⲟⲩⲟϩ ⲁⲩϩⲱⲗⲉⲙ ⲙⲡⲓϣⲏⲣⲓ ⲉⲡϣⲱⲓ ϩⲁⲫⲛⲟⲩϯ ⲛⲉⲙϩⲁⲡⲉϥⲑⲣⲟⲛⲟⲥ .
She gave birth to a son, a male child, who is to rule all the nations with a rod of iron. Her child was caught up to God, and to his throne.
12.6
ⲟⲩⲟϩ ϯⲥϩⲓⲙⲓ ⲁⲥⲫⲱⲧ ⲉⲡϣⲁϥⲉ ⲉⲡⲓⲙⲁ ⲉⲧⲁ ⲫⲛⲟⲩϯ ⲥⲉⲃⲧⲱⲧϥ ⲛⲁⲥ ϩⲓⲛⲁ ⲛⲥⲉϣⲁⲛⲟⲩϣⲥ ⲙⲙⲁⲩ ⲛⲟⲩϣⲟ ⲛⲉⲙⲥⲛϥ ⲛⲉϩⲟⲟⲩ .
The woman fled into the wilderness, where she has a place prepared by God, that there they may nourish her one thousand two hundred sixty days.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.