Revelation (Bohairic Coptic)

Coptic New Testament (Bohairic) · 405 sections

1.1
ϯⲁⲡⲟⲅⲁⲗⲩⲙⲯⲓⲥ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲑⲏ ⲉⲧⲁ ⲫⲛⲟⲩϯ ⲧⲏⲓⲥ ⲛⲁϥ ⲉⲧⲁⲙⲉ ⲛⲉϥⲉⲃⲓⲁⲓⲕ ⲉⲛⲏ ⲉⲧⲥⲉⲙⲡϣⲁ ⲛⲧⲟⲩϣⲱⲡⲓ ⲛⲭⲱⲗⲉⲙ ⲟⲩⲟϩ ⲁϥϯⲙⲏⲓⲛⲓ ⲉⲣⲱⲟⲩ ⲉⲁϥⲧⲁⲟⲩⲱⲟⲩ ⲉⲃⲟⲗ ϩⲓⲧⲟⲧϥ ⲙⲡⲉϥⲁⲅⲅⲉⲗⲟⲥ ⲙⲡⲉϥⲃⲱⲕ ⲓⲱⲁⲛⲛⲏⲥ
This is the Revelation of Jesus Christ, which God gave him to show to his servants the things which must happen soon, which he sent and made known by his angel to his servant, John,
1.2
ⲫⲏ ⲉⲧⲁϥⲉⲣⲙⲉⲑⲣⲉ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲛⲉⲙϯⲙⲉⲧⲙⲉⲑⲣⲉ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲛⲏ ⲉⲧⲁϥⲛⲁⲩ ⲉⲣⲱⲟⲩ
who testified to God's word, and of the testimony of Jesus Christ, about everything that he saw.
1.3
ⲟⲱⲩⲛⲓⲁⲧⲟⲩ ⲛⲛⲏ ⲉⲧⲱϣ ⲛⲉⲙⲛⲏ ⲉⲧⲥⲱⲧⲉⲙ ⲉⲛⲓⲥⲁϫⲓ ⲛⲧⲉⲧⲁⲓⲡⲣⲟⲫⲏⲧⲓⲁ ⲟⲩⲟϩ ⲉⲧⲁⲣⲉϩ ⲉⲛⲏ ⲉⲧⲥϧⲏⲟⲩⲧ ϩⲓⲱⲧⲥ ⲡⲓⲥⲏⲟⲩ ⲅⲁⲣ ⲁϥϧⲱⲛⲧ
Blessed is he who reads and those who hear the words of the prophecy, and keep the things that are written in it, for the time is at hand.
1.4
ⲓⲱⲁⲛⲛⲏⲥ ⲛϯⲍ ⲛⲉⲕⲕⲗⲏⲥⲓⲁ ⲛⲏ ⲉⲧⲭⲏ ϧⲉⲛϯⲁⲥⲓⲁ ⲡϩⲙⲟⲧ ⲛⲱⲧⲉⲛ ⲛⲉⲙϯϩⲓⲣⲏⲛⲏ ⲉⲃⲟⲗ ϩⲓⲧⲟⲧϥ ⲙⲫⲏ ⲉⲧϣⲟⲡ ⲛⲉⲙⲫⲏ ⲉⲛⲁϥϣⲟⲡ ⲛⲉⲙⲡⲉⲑⲛⲏⲟⲩ ⲛⲉⲙⲉⲃⲟⲗ ϩⲓⲧⲉⲛⲡⲓⲍ ⲙⲡⲛⲉⲩⲙⲁⲛⲏ ⲉⲧⲭⲏ ⲙⲡⲉⲙⲑⲟ ⲙⲡⲓⲑⲣⲟⲛⲟⲥ
John, to the seven assemblies that are in Asia: Grace to you and peace, from God, who is and who was and who is to come; and from the seven Spirits who are before his throne;
1.5
ⲛⲉⲙⲉⲃⲟⲗ ϩⲓⲧⲉⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲓⲙⲁⲣⲧⲩⲣⲟⲥ ⲡⲓⲡⲓⲥⲧⲟⲥ ⲡⲓϣⲁⲙⲓⲥⲓ ⲛⲧⲉⲛⲓⲣⲉϥⲙⲱⲟⲩⲧ ⲟⲩⲟϩ ⲡⲁⲣⲭⲱⲛ ⲛⲛⲓⲟⲩⲣⲱⲟⲩ ⲧⲏⲣⲟⲩ ⲛⲧⲉⲡⲕⲁϩⲓ ⲫⲏ ⲉⲧⲁϥⲙⲉⲛⲣⲓⲧⲉⲛ ⲟⲩⲟϩ ⲁϥϫⲟⲕⲙⲉⲛ ⲉⲃⲟⲗ ϧⲉⲛⲛⲉⲛⲛⲟⲃⲓ ⲛϧⲣⲏⲓ ϧⲉⲛⲡⲉϥⲥⲛⲟϥ
and from Jesus Christ, the faithful witness, the firstborn of the dead, and the ruler of the kings of the earth. To him who loves us, and washed us from our sins by his blood;
1.6
ⲟⲩⲟϩ ⲁϥⲑⲁⲙⲓⲟⲛ ⲛⲟⲩⲙⲉⲧⲟⲩⲣⲟ ⲙⲙⲉⲧⲟⲩⲏⲃ ⲙⲫⲛⲟⲩϯ ⲡⲉϥⲉⲓⲱⲧ ⲫⲏ ⲉⲧⲉⲫⲱϥ ⲡⲉ ⲡⲓⲱⲟⲩ ⲛⲉⲙⲡⲓⲁⲙⲁϩⲓ ϣⲁⲉⲛⲉϩ ⲁⲙⲏⲛ
and he made us to be a Kingdom, priests to his God and Father; to him be the glory and the dominion forever and ever. Amen.
1.7
ϩⲏⲡⲡⲉ ⲛⲑⲟϥ ⲡⲉⲑⲛⲏⲟⲩ ⲛⲉⲙⲛⲓϭⲏⲡⲓ ⲟⲩⲟϩ ⲉⲩⲉⲛⲁⲩ ⲉⲣⲟϥ ⲧⲏⲣⲟⲩ ⲛϫⲉⲃⲁⲗ ⲛⲓⲃⲉⲛ ⲛⲉⲙⲛⲏ ⲉⲧⲁⲩⲑⲟⲕⲥϥ ⲟⲩⲟϩ ⲉⲩⲉⲛⲁⲩ ⲉⲣⲟϥ ⲧⲏⲣⲟⲩ ⲛϫⲉⲛⲓⲫⲩⲗⲏ ⲛⲧⲉⲡⲕⲁϩⲓ ⲁⲙⲏⲛ
Behold, he is coming with the clouds, and every eye will see him, including those who pierced him. All the tribes of the earth will mourn over him. Even so, Amen.
1.8
ⲁⲛⲟⲕ ⲡⲉ ⲡⲓⲁⲗⲫⲁ ⲛⲉⲙⲡⲓⲱ ϯⲁⲣⲭⲏ ⲛⲉⲙⲡⲓϫⲱⲕ ⲉⲃⲟⲗ ϥϫⲱ ⲙⲙⲟⲥ ⲛϫⲉⲡϭⲟⲓⲥ ⲫⲛⲟⲩϯ ⲫⲏ ⲉⲧϣⲟⲡ ⲫⲏ ⲉⲛⲁϥϣⲟⲡ ⲛⲉⲙⲫⲏ ⲉⲑⲛⲏⲟⲩ ⲡⲓⲡⲁⲛⲧⲟⲕⲣⲁⲧⲱⲣ .
'I am the Alpha and the Omega, 'who is and who was and who is to come, the Almighty.'
1.9
ⲁⲛⲟⲕ ⲡⲉ ⲓⲱⲁⲛⲛⲏⲥ ⲡⲉⲧⲉⲛⲥⲟⲛ ⲟⲩⲟϩ ⲡⲉⲧⲉⲛϣⲫⲏⲣ ϧⲉⲛⲛⲓϩⲟϫϩⲉϫ ϫⲉϯⲙⲉⲧⲟⲩⲣⲟ ⲛⲉⲙⲡⲓⲁⲙⲟⲛⲓ ⲛⲧⲟⲧϥ ⲁⲩϧⲉⲛ ⲓⲏⲥⲟⲩⲥ ⲁⲓϣⲱⲡⲓ ϧⲉⲛϯⲛⲏⲥⲟⲥ ⲑⲏ ⲉⲧⲟⲩⲙⲟⲩϯ ⲉⲣⲟⲥ ϫⲉⲡⲁⲑⲙⲱ ⲉⲑⲃⲉⲡⲓⲥⲁϫⲓ ⲛⲧⲉⲫⲛⲟⲩϯ ⲛⲉⲙϯⲙⲉⲧⲙⲉⲑⲣⲉ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ .
I John, your brother and partner with you in oppression, Kingdom, and perseverance in Christ Jesus, was on the isle that is called Patmos because of God's Word and the testimony of Jesus Christ.
1.10
ⲁⲓϣⲱⲡⲓ ϧⲉⲛⲟⲩⲡⲛⲉⲩⲙⲁϧⲉⲛⲡⲓⲉϩⲟⲟⲩ ⲛⲧⲉϯⲕⲩⲣⲓⲁⲕⲏ ⲟⲩⲟϩ ⲁⲓⲥⲱⲧⲉⲙ ⲛⲥⲁⲙⲉⲛϩⲏⲓ ⲉⲟⲩⲛⲓϣϯ ⲛⲥⲙⲏ ⲙⲫⲣⲏϯ ⲛⲟⲩⲥⲁⲗⲡⲓⲅⲝ ⲉⲥϫⲱ ⲙⲙⲟⲥ ⲛⲏⲓ
I was in the Spirit on the Lord's day, and I heard behind me a loud voice, like a trumpet
1.11
ϫⲉⲛⲏ ⲉⲧⲉⲕⲛⲁⲥⲟⲑⲙⲟⲩ ⲥϧⲏⲧⲟⲩ ϩⲓⲟⲩϫⲱⲙ ⲟⲩⲟⲣⲡⲟⲩ ⲛϯⲍ ⲛⲉⲕⲕⲗⲏⲥⲓⲁ ⲉⲧϧⲉⲛϯⲁⲥⲓⲁ ⲉⲧⲉⲉⲫⲉⲥⲟⲥ ⲧⲉ ⲛⲉⲙⲥⲙⲩⲣⲛⲁ ⲛⲉⲙⲡⲉⲣⲅⲁⲙⲱⲛ ⲛⲉⲙⲑⲩⲁⲧⲏⲣⲁ ⲛⲉⲙⲥⲁⲣⲇⲓⲥ ⲛⲉⲙⲫⲓⲗⲁⲇⲉⲗⲫⲓⲁ ⲛⲉⲙⲗⲁⲟⲇⲓⲕⲓⲁ .
saying, ': to Ephesus, Smyrna, Pergamum, Thyatira, Sardis, Philadelphia, and to Laodicea.'
1.12
ⲟⲩⲟϩ ⲁⲓⲫⲟⲛϩⲧ ⲁⲓⲛⲁⲩ ⲉϯⲥⲙⲏ ⲑⲏ ⲉⲛⲁⲥⲥⲁϫⲓ ⲛⲉⲙⲏⲓ ⲟⲩⲟϩ ⲉⲧⲁⲓⲫⲟⲛϩⲧ ⲁⲓⲛⲁⲩ ⲉⲍ ⲛⲗⲩⲭⲛⲓⲁ ⲛⲛⲟⲩⲃ
I turned to see the voice that spoke with me. Having turned, I saw seven golden lampstands.
1.13
ⲟⲩⲟϩ ϧⲉⲛⲧⲙⲏϯ ⲛⲛⲓⲗⲩⲭⲛⲓⲁ ⲟⲩⲓⲛⲓ ⲛⲧⲉⲟⲩϣⲏⲣⲓ ⲛⲣⲱⲙⲓ ⲉⲟⲩⲟⲛ ⲟⲩⲡⲟⲧⲏⲣⲓⲟⲛ ⲧⲟⲓ ϩⲓⲱⲧϥ ⲟⲩⲟϩ ⲉϥⲙⲏⲣ ⲉϫⲉⲛⲛⲉϥⲙⲟϯ ⲛⲟⲩⲙⲟϫϧ ⲛⲛⲟⲩⲃ .
And among the lampstands was one like a son of man, clothed with a robe reaching down to his feet, and with a golden sash around his chest.
1.14
ⲧⲉϥⲁⲫⲉ ⲇⲉ ⲛⲉⲙⲡⲉϥϥⲱⲓ ⲉⲩⲟⲩⲟⲃϣ ⲙⲫⲣⲏϯ ⲛⲟⲩⲥⲟⲣⲧ ⲛⲟⲩⲟⲃϣ ⲛⲉⲙⲟⲩⲭⲓⲱⲛ ⲟⲩⲟϩ ⲛⲉϥⲃⲁⲗ ⲥⲉⲟⲓ ⲙⲫⲣⲏϯ ⲛⲟⲩϣⲁϩ ⲛⲭⲣⲱⲙ
His head and his hair were white as white wool, like snow. His eyes were like a flame of fire.
1.15
ⲟⲩⲟϩ ⲛⲉϥϭⲁⲗⲁⲩϫ ⲙⲫⲣⲏϯ ⲛⲟⲩⲭⲁⲗⲕⲟⲗⲓⲃⲁⲛⲟⲥ ⲉϥⲫⲟⲥⲓ ϧⲉⲛⲟⲩⲭⲣⲱⲙ ⲟⲩⲟϩ ⲧⲉϥⲥⲙⲏ ⲙⲫⲣⲏϯ ⲛⲧⲥⲙⲏ ⲛϩⲁⲛⲙⲏϣ ⲙⲙⲱⲟⲩ
His feet were like burnished brass, as if it had been refined in a furnace. His voice was like the voice of many waters.
1.16
ⲉⲟⲩⲟⲛ ⲍⲛⲥⲓⲟⲩ ϧⲉⲛⲧⲉϥϫⲓϫ ⲛⲟⲩⲓⲛⲁⲙ ⲟⲩⲟϩ ⲟⲩⲥⲏϥⲓ ⲉⲥϩⲓⲟⲩⲓ ⲛⲣⲟ ⲃ ⲉⲥⲛⲏⲟⲩ ⲉⲃⲟⲗ ϧⲉⲛⲣⲱϥ ⲟⲩⲟϩ ⲡⲉϥϩⲟ ⲉϥⲉⲣⲟⲩⲱⲓⲛⲓ ⲙⲫⲣⲏϯ ⲙⲫⲣⲏ ϧⲉⲛⲧⲉϥϫⲟⲙ .
He had seven stars in his right hand. Out of his mouth proceeded a sharp two-edged sword. His face was like the sun shining at its brightest.
1.17
ⲟⲩⲟϩ ϩⲟⲧⲉ ⲉⲧⲁⲓⲛⲁⲩ ⲉⲣⲟϥ ⲁⲓϩⲓⲧⲧ ⲉⲡⲉⲥⲏⲧ ϧⲁⲣⲁⲧⲟⲩ ⲛⲛⲉϥϭⲁⲗⲁⲩϫ ⲟⲩⲟϩ ⲁⲓⲉⲣⲙⲫⲣⲏϯ ⲛⲟⲩⲣⲉϥⲙⲱⲟⲩⲧ ⲟⲩⲟϩ ⲁϥⲧⲁⲗⲉ ⲧⲉϥϫⲓϫ ⲛⲟⲩⲓⲛⲁⲙ ⲉϫⲱⲓ ⲉϥϫⲱ ⲙⲙⲟⲥ ϫⲉⲙⲡⲉⲣⲉⲣϩⲟϯ ⲁⲛⲟⲕ ⲡⲉ ⲡⲓϩⲟⲩⲓⲧ ⲛⲉⲙⲡⲓϧⲁⲉ
When I saw him, I fell at his feet like a dead man. He laid his right hand on me, saying, 'Don't be afraid. I am the first and the last,
1.18
ⲫⲏ ⲉⲧⲟⲛϧ ⲟⲩⲟϩ ⲁⲓⲙⲟⲩ ⲟⲩⲟϩ ϩⲏⲡⲡⲉ ϯⲱⲛϧ ϣⲁⲉⲛⲉϩ ⲛⲧⲉⲡⲓⲉⲛⲉϩ ⲟⲩⲟϩ ⲛⲓϣⲟϣⲧ ⲛⲧⲉⲫⲙⲟⲩ ⲛⲁⲩⲭⲏ ⲛⲧⲟⲧⲛⲉⲙⲁⲙⲉⲛϯ .
and the Living one. I was dead, and behold, I am alive forevermore. Amen. I have the keys of Death and of Hades.
1.19
ⲥϧⲁⲓ ⲟⲩⲛ ⲛⲛⲏ ⲉⲧⲉⲕⲛⲁⲛⲁⲩ ⲉⲣⲱⲟⲩ ⲛⲑⲱⲟⲩ ⲉⲑⲛⲁϣⲱⲡⲓ ⲙⲉⲛⲉⲛⲥⲁⲛⲁⲓ .
Write therefore the things which you have seen, and the things which are, and the things which will happen hereafter;
1.20
ⲡⲓⲙⲩⲥⲧⲏⲣⲓⲟⲛ ⲛⲧⲉⲡⲓⲍ ⲛⲥⲓⲟⲩ ⲛⲏ ⲉⲧⲁⲕⲛⲁⲩ ⲉⲣⲱⲟⲩ ϩⲓⲧⲁϫⲓϫ ⲛⲟⲩⲓⲛⲁⲙ ⲛⲉⲙϯⲍ ⲛⲗⲩⲭⲛⲓⲁ ⲛⲛⲟⲩⲃ ⲡⲓⲍ ⲛⲥⲓⲟⲩ ⲡⲓⲍ ⲛⲁⲅⲅⲉⲗⲟⲥ ⲛⲧⲉϯⲍ ⲛⲉⲕⲕⲗⲏⲥⲓⲁ ⲟⲩⲟϩ ϯⲍ ⲛⲗⲩⲭⲛⲓⲁ ⲉⲧⲁⲕⲛⲁⲩ ⲉⲣⲱⲟⲩ ⲍⲛⲉⲕⲕⲗⲏⲥⲓⲁ ⲛⲉ .
the mystery of the seven stars which you saw in my right hand, and the seven golden lampstands. The seven stars are the angels of the seven assemblies. The seven lampstands are seven assemblies.
2.1
ⲥϧⲁⲓ ⲙⲡⲓⲁⲅⲅⲉⲗⲟⲥ ⲛⲧⲉϯⲉⲕⲕⲗⲏⲥⲓⲁ ⲛⲧⲉⲉⲫⲉⲥⲟⲥ ϫⲉⲛⲁⲓ ⲛⲉⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲫⲏ ⲉⲧⲉⲡⲓⲍ ⲛⲥⲓⲟⲩ ϧⲉⲛⲧⲉϥϫⲓϫ ⲛⲟⲩⲓⲛⲁⲙ ⲫⲏ ⲉⲑⲙⲟϣⲓ ϧⲉⲛⲧⲙⲏϯ ⲛϯⲍ ⲛⲗⲩⲭⲛⲓⲁ ⲛⲛⲟⲩⲃ
'To the angel of the assembly in Ephesus write: 'He who holds the seven stars in his right hand, he who walks among the seven golden lampstands says these things:
2.2
ϫⲉϯⲥⲱⲟⲩⲛ ⲛⲛⲉⲕϩⲃⲏⲟⲩⲓ ⲛⲉⲙⲛⲉⲕϧⲓⲥⲓ ⲛⲉⲙⲡⲉⲕⲁⲙⲟⲛⲓ ⲛⲧⲟⲧⲕ ϫⲉⲙⲙⲟⲛ ϣϫⲟⲙ ⲙⲙⲟⲕ ⲉϥⲁⲓ ϧⲁⲟⲩⲡⲉⲧϩⲱⲟⲩ ⲟⲩⲟϩ ⲁⲕⲉⲣⲡⲓⲣⲁⲍⲓⲛ ⲛϩⲁⲛⲟⲩⲟⲛ ⲛⲏ ⲉⲧϫⲱ ⲙⲙⲟⲥ ⲉⲣⲱⲟⲩ ϫⲉϩⲁⲛⲁⲡⲟⲥⲧⲟⲗⲟⲥ ⲛⲉⲟⲩⲟϩ ⲉϩⲁⲛⲟⲩⲟⲛ ⲁⲛ ⲛⲉⲟⲩⲟϩ ⲁⲩϫⲉⲙⲟⲩ ⲉϩⲁⲛⲁⲡⲟⲥⲧⲟⲗⲟⲥ ⲛⲛⲟⲩϫ ⲛⲉ
'I know your works, and your toil and perseverance, and that you can't tolerate evil men, and have tested those who call themselves apostles, and they are not, and found them false.
2.3
ⲟⲩⲟϩ ⲟⲩⲟⲛ ⲟⲩⲁⲙⲟⲛⲓ ⲛⲧⲟⲧⲕ ⲙⲙⲁⲩ ⲟⲩⲟϩ ⲁⲕϥⲁⲓ ⲛⲛⲁⲓ ⲉⲑⲃⲉⲡⲁⲣⲁⲛ ⲟⲩⲟϩ ⲙⲡⲉⲕϧⲓⲥⲓ .
You have perseverance and have endured for my name's sake, and have not grown weary.
2.4
ⲁⲗⲗⲁ ⲟⲩⲟⲛⲧⲏⲓ ϩⲁⲣⲟⲕ ϫⲉϯⲁⲅⲁⲡⲏ ⲛⲧⲉϣⲟⲣⲡ ⲁⲕⲭⲁⲥ ⲛⲥⲱⲕ .
But I have this against you, that you left your first love.
2.5
ⲁⲣⲓⲫⲙⲉⲩⲓ ⲟⲩⲛ ϫⲉⲡⲱⲥ ⲁⲕϩⲉⲓ ⲟⲩⲟϩ ⲁⲣⲓⲙⲉⲧⲁⲛⲟⲉⲓⲛ ⲙⲙⲟⲛ ϯⲛⲏⲟⲩ ⲛⲁⲕ ⲟⲩⲟϩ ⲛⲧⲁⲕⲓⲙ ⲉⲧⲉⲕⲗⲩⲭⲛⲓⲁ ⲉⲃⲟⲗ ϧⲉⲛⲡⲉⲥⲙⲁ ⲉϣⲱⲡ ⲁⲕϣⲧⲉⲙⲉⲣⲙⲉⲧⲁⲛⲟⲓⲛ .
Remember therefore from where you have fallen, and repent and do the first works; or else I am coming to you swiftly, and will move your lampstand out of its place, unless you repent.
2.6
ⲁⲗⲗⲁ ⲫⲁⲓ ⲉⲧⲉⲛⲧⲟⲧⲕ ϫⲉⲁⲕⲙⲟⲥϯ ⲛⲛⲓϩⲃⲏⲟⲩⲓ ⲛⲧⲉⲛⲓⲕⲟⲗⲁⲓⲧⲏⲥ ⲛⲏ ϩⲱ ⲉϯⲙⲟⲥϯ ⲙⲙⲱⲟⲩ .
But this you have, that you hate the works of the Nicolaitans, which I also hate.
2.7
ⲫⲏ ⲉⲧⲉⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ ϫⲉⲟⲩ ⲡⲉ ⲉⲧⲉⲡⲓⲡⲛⲉⲩⲙⲁϫⲱ ⲙⲙⲟϥ ⲛⲛⲓⲉⲕⲕⲗⲏⲥⲓⲁ ⲫⲏ ⲉⲑⲛⲁϭⲣⲟ ⲉⲓⲉϯ ⲛⲁϥ ⲛⲧⲉϥⲟⲩⲱⲙ ⲉⲃⲟⲗ ϧⲉⲛⲡⲓϣϣⲏⲛ ⲛⲧⲉⲡⲱⲛϧ ⲫⲏ ⲉⲧϧⲉⲛⲧⲙⲏϯ ⲙⲡⲓⲡⲁⲣⲁⲇⲓⲥⲟⲥ ⲛⲧⲉⲡⲁⲛⲟⲩϯ
He who has an ear, let him hear what the Spirit says to the assemblies. To him who overcomes I will give to eat of the tree of life, which is in the Paradise of my God.
2.8
ⲥϧⲁⲓ ⲙⲡⲓⲁⲅⲅⲉⲗⲟⲥ ⲛⲧⲉϯⲉⲕⲕⲗⲏⲥⲓⲁ ⲛⲧⲉⲥⲙⲩⲣⲛⲁ ϫⲉⲛⲁⲓ ⲛⲉⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡⲓϩⲟⲩⲓⲧ ⲛⲉⲙⲡⲓϧⲁⲉ ⲫⲏ ⲉⲧⲁϥⲙⲟⲩ ⲟⲩⲟϩ ⲁϥⲱⲛϧ
'To the angel of the assembly in Smyrna write: 'The first and the last, who was dead, and has come to life says these things:
2.9
ϫⲉϯⲥⲱⲟⲩⲛ ⲙⲡⲉⲕϩⲟϫϩⲉϫ ⲛⲉⲙⲧⲉⲕⲙⲉⲧϩⲏ ⲕⲓ ⲁⲗⲗⲁ ⲛⲑⲟⲕ ⲟⲩⲣⲁⲙⲁⲟ ⲟⲩⲟϩ ⲙⲡⲓϫⲉⲙ ⲟⲩⲁⲓ ⲉⲃⲟⲗ ϧⲉⲛⲛⲏ ⲉⲧϫⲱ ⲙⲙⲟⲥ ⲉⲣⲱⲟⲩ ϫⲉϩⲁⲛⲓⲟⲩⲇⲁⲓ ⲛⲉⲉϩⲁⲛⲟⲩⲟⲛ ⲁⲛ ⲛⲉⲁⲗⲗⲁ ⲟⲩⲥⲩⲛⲁⲅⲱⲅⲏ ⲛⲧⲉⲡⲥⲁⲧⲁⲛⲁⲥ ⲧⲉ .
'I know your works, oppression, and your poverty (but you are rich), and the blasphemy of those who say they are Jews, and they are not, but are a synagogue of Satan.
2.10
ⲙⲡⲉⲣⲉϥϩⲟϯ ϧⲁⲧϩⲏ ⲛⲛⲓⲙⲕⲁⲩϩ ⲉⲧⲉⲕⲛⲁϭ ⲓⲧⲟⲩ ϩⲏⲡⲡⲉ ⲓⲥ ⲡⲓⲇⲓⲁⲃⲟⲗⲟⲥ ϥⲛⲁϩⲓⲟⲩⲓ ⲛϩⲁⲛⲟⲩⲟⲛ ⲉⲃⲟⲗ ϧⲉⲛⲑⲏⲛⲟⲩ ⲉⲡⲓϣⲧⲉⲕⲟ ϩⲓⲛⲁ ⲛⲥⲉⲉⲣⲡⲓⲣⲁⲍⲓⲛ ⲙⲙⲱⲧⲉⲙ ⲟⲩⲟϩ ⲛⲥⲉϩⲉϫϩⲉϫ ⲑⲏⲛⲟⲩ ⲙⲓ ⲛⲉϩⲟⲟⲩ ϣⲱⲡⲓ ⲉⲕⲉⲛϩⲟⲧ ϣⲁⲉϧⲣⲏⲓ ⲉⲫⲙⲟⲩ ⲟⲩⲟϩ ϯⲛⲁϯ ⲛⲁⲕ ⲙⲡⲓⲭⲗⲟⲙ ⲛⲧⲉⲡⲱⲛϧ .
Don't be afraid of the things which you are about to suffer. Behold, the devil is about to throw some of you into prison, that you may be tested; and you will have oppression for ten days. Be faithful to death, and I will give you the crown of life.
2.11
ⲫⲏ ⲉⲧⲉⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ ϫⲉⲟⲩ ⲡⲉ ⲉⲧⲉⲡⲓⲡⲛⲉⲩⲙⲁϫⲱ ⲙⲙⲟϥ ⲛⲛⲓⲉⲕⲕⲗⲏⲥⲓⲁ ⲫⲏ ⲅⲁⲣ ⲉⲑⲛⲁϭⲣⲟ ⲛⲛⲟⲩϭⲓⲧϥ ⲛϫⲟⲛⲥ ⲛϫⲉⲡⲓⲙⲟⲩ ⲙⲙⲁϩⲃ .
He who has an ear, let him hear what the Spirit says to the assemblies. He who overcomes won't be harmed by the second death.
2.12
ⲥϧⲁⲓ ⲙⲡⲓⲁⲅⲅⲉⲗⲟⲥ ⲛⲧⲉϯⲉⲕⲕⲗⲏⲥⲓⲁ ⲛⲧⲉⲡⲉⲣⲅⲁⲙⲱⲥ ϫⲉⲛⲁⲓ ⲛⲉⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲫⲏ ⲉⲧⲉϯⲥⲏϥⲓ ⲛⲧⲟⲧϥ ⲑⲏ ⲉⲧϩⲓⲟⲩⲓ ⲛⲣⲟⲃ
'To the angel of the assembly in Pergamum write: 'He who has the sharp two-edged sword says these things:
2.13
ϫⲉϯⲥⲱⲟⲩⲛ ϫⲉⲁⲕϣⲟⲡ ⲑⲱⲛ ⲡⲓⲙⲁ ⲉⲧⲉⲡⲓⲑⲣⲟⲛⲟⲥ ⲙⲡⲥⲁⲧⲁⲛⲁⲥ ⲭⲏ ⲙⲙⲟϥ ⲟⲩⲟϩ ⲁⲕⲁⲙⲟⲛⲓ ⲙⲡⲁⲣⲁⲛ ⲟⲩⲟϩ ⲙⲡⲉⲕϫⲉⲗ ⲡⲁⲛⲁϩϯ ⲉⲃⲟⲗ ⲟⲩⲟϩ ϧⲉⲛⲛⲓⲉϩⲟⲟⲩ ⲁⲕϯ ⲉϧⲟⲩⲛ ⲉϩⲣⲉⲛⲡⲓⲙⲁⲣⲧⲩⲣⲟⲥ ⲡⲓⲡⲓⲥⲧⲟⲥ ⲫⲏ ⲉⲧⲁⲩϧⲟⲑⲃϥ ϧⲁⲧⲉⲛⲑⲏⲛⲟⲩ ⲡⲙⲁ ⲉⲧⲉⲡⲥⲁⲧⲁⲛⲁⲥ ϣⲟⲡ ⲙⲙⲟϥ .
'I know your works and where you dwell, where Satan's throne is. You hold firmly to my name, and didn't deny my faith in the days of Antipas my witness, my faithful one, who was killed among you, where Satan dwells.
2.14
ⲁⲗⲗⲁ ⲟⲩⲟⲛ ⲛⲧⲏⲓ ⲛϩⲁⲛⲕⲉⲕⲟⲩϫⲓ ⲛⲣⲁⲛ ϩⲁⲣⲟⲕ ⲉⲩⲁⲙⲟⲛⲓ ⲛⲧⲥⲃⲱ ⲙⲃⲁⲗⲁⲁⲙ ⲫⲏ ⲉⲧⲁϥϯⲥⲃⲱ ⲙⲃⲁⲗⲁⲕ ⲉϩⲓⲟⲩⲓ ⲛⲟⲩⲥⲕⲁⲛⲇⲁⲗⲟⲛ ⲙⲡⲉⲙⲑⲟ ⲛⲛⲉⲛϣⲏⲣⲓ ⲙⲡⲓⲥⲗ ⲉⲟⲩⲱⲙ ϣⲱⲧ ⲛⲓⲇⲱⲗⲟⲛ ⲟⲩⲟϩ ⲉⲉⲣⲡⲟⲣⲛⲉⲩⲓⲛ .
But I have a few things against you, because you have there some who hold the teaching of Balaam, who taught Balak to throw a stumbling block before the children of Israel, to eat things sacrificed to idols, and to commit sexual immorality.
2.15
ⲡⲁⲓⲣⲏϯ ϩⲱⲕ ⲟⲩⲟⲛ ⲛⲧⲁⲕ ⲙⲙⲁⲩ ⲉϥⲁⲙⲟⲛⲓ ⲛⲧⲥⲃⲱ ⲛⲛⲓⲕⲟⲗⲁⲓⲧⲱⲛ .
So you also have some who hold to the teaching of the Nicolaitans likewise.
2.16
ⲁⲣⲓⲙⲉⲧⲁⲛⲟⲉⲓⲛ ⲟⲩⲛ ⲟⲩⲟϩ ϯⲛⲏⲟⲩ ⲛⲁⲕ ⲛⲭⲱⲗⲉⲙ ⲟⲩⲟϩ ⲛⲧⲁⲃⲱⲧⲥ ⲛⲉⲙⲱⲟⲩ ϧⲉⲛϯⲥⲏϥⲓ ⲛⲧⲉⲣⲱⲓ .
Repent therefore, or else I am coming to you quickly, and I will make war against them with the sword of my mouth.
2.17
ⲫⲏ ⲉⲧⲉⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ ϫⲉⲟⲩ ⲡⲉ ⲉⲧⲉⲡⲓⲡⲛⲉⲩⲙⲁϫⲱ ⲙⲙⲟϥ ⲛⲛⲓⲉⲕⲕⲗⲏⲥⲓⲁ ⲫⲏ ⲅⲁⲣ ⲉⲑⲛⲁϭⲣⲟ ⲉⲓⲉϯ ⲛⲁϥ ⲉⲃⲟⲗ ϧⲉⲛⲡⲓⲙⲁⲛⲛⲁ ⲉⲧϩⲏⲡ ⲟⲩⲟϩ ⲉⲓⲉϯ ⲛⲁϥ ⲛⲟⲩⲁⲗ ⲛⲟⲩⲱⲃϣ ⲟⲩⲟϩ ⲛϩⲣⲏⲓ ϧⲉⲛⲡⲓⲁⲗ ⲉⲟⲩⲟⲛ ⲟⲩⲣⲁⲛ ⲙⲃⲉⲣⲓ ⲥϧⲏⲟⲩⲧ ϩⲓⲱⲧϥ ⲙⲡⲉ ϩⲗⲓ ⲛⲁⲩ ⲉⲣⲟϥ ⲉⲃⲏⲗ ⲉⲫⲏ ⲉⲧⲁϥϭⲓⲧϥ .
He who has an ear, let him hear what the Spirit says to the assemblies. To him who overcomes, to him I will give of the hidden manna, and I will give him a white stone, and on the stone a new name written, which no one knows but he who receives it.
2.18
ⲥϧⲁⲓ ⲙⲡⲓⲁⲅⲅⲉⲗⲟⲥ ⲛⲧⲉϯⲉⲕⲕⲗⲏⲥⲓⲁ ⲛⲧⲉⲑⲩⲁⲧⲏⲣⲁ ϫⲉⲛⲁⲓ ⲛⲉⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡϣⲏⲣⲓ ⲙⲫⲛⲟⲩϯ ⲫⲏ ⲉⲧⲉⲛⲉϥⲃⲁⲗ ⲟⲓ ⲙⲫⲣⲏϯ ⲛⲟⲩϣⲁϩ ⲛⲭⲣⲱⲙ ⲟⲩⲟϩ ⲛⲉϥϭⲁⲗⲁⲩϫ ⲙⲫⲣⲏϯ ⲛⲟⲩⲭⲁⲗⲕⲟⲗⲓⲃⲁⲛⲟⲥ
'To the angel of the assembly in Thyatira write: 'The Son of God, who has his eyes like a flame of fire, and his feet are like burnished brass, says these things:
2.19
ϫⲉϯⲥⲱⲟⲩⲛ ⲛⲛⲉⲕϩⲃⲏⲟⲩⲓ ⲛⲉⲙⲧⲉⲕⲁⲅⲁⲡⲏ ⲛⲉⲙⲡⲉⲕⲛⲁϩϯ ⲛⲉⲙⲡⲉⲕϣⲉⲙϣⲓ ⲛⲉⲙⲧⲉⲕϩⲩⲡⲟⲙⲟⲛⲏ ⲛⲉⲙⲛⲉⲕϩⲃⲏⲟⲩⲓ ⲛϧⲁⲉⲩ ⲉⲑⲛⲁⲁⲩ ⲉⲛⲓϩⲟⲩⲁϯ .
'I know your works, your love, faith, service, patient endurance, and that your last works are more than the first.
2.20
ⲁⲗⲗⲁ ⲟⲩⲟⲛ ⲛⲧⲏⲓ ϩⲁⲣⲟⲕ ϫⲉⲁⲕⲭⲱ ⲛϯⲥϩⲓⲙⲓ ϫⲉⲓⲉⲍⲁⲃⲉⲗ ⲑⲏ ⲉⲧϫⲱ ⲙⲙⲟⲥ ϫⲉⲁⲛⲟⲕ ⲟⲩⲡⲣⲟⲫⲏⲧⲏⲥ ⲟⲩⲟϩ ⲛⲣⲉϥϯⲥⲃⲱ ⲟⲩⲟϩ ⲉⲥⲥⲱⲣⲉⲙ ⲛⲛⲁⲉⲃⲓⲁⲓⲕ ⲉⲉⲣⲡⲟⲣⲛⲉⲩⲓⲛ ⲟⲩⲟϩ ⲉⲟⲩⲱⲙ ⲉⲃⲟⲗ ϧⲉⲛⲛⲓϣⲱⲧ ⲛⲓⲇⲱⲗⲟⲛ .
But I have this against you, that you tolerate your woman, Jezebel, who calls herself a prophetess. She teaches and seduces my servants to commit sexual immorality, and to eat things sacrificed to idols.
2.21
ⲟⲩⲟϩ ⲁⲓϯ ⲛⲟⲩⲭⲣⲟⲛⲟⲥ ⲛⲁⲥ ϩⲓⲛⲁ ⲛⲧⲉⲥⲉⲣⲙⲉⲧⲁⲛⲟⲓⲛ ⲟⲩⲟϩ ⲥⲟⲩⲱϣ ⲁⲛ ⲉⲉⲣⲙⲉⲧⲁⲛⲟⲓⲛ ⲉⲃⲟⲗ ϧⲉⲛⲧⲉⲥⲡⲟⲣⲛⲉⲓⲁ .
I gave her time to repent, but she refuses to repent of her sexual immorality.
2.22
ϩⲏⲡⲡⲉ ϯⲛⲁⲧⲏⲓⲥ ⲉⲡϭⲗⲟϫ ⲛⲉⲙⲛⲏ ⲉⲧⲁⲩⲉⲣⲛⲱⲓⲕ ⲛⲉⲙⲁⲥ ⲉⲟⲩⲛⲓϣϯ ⲛϩⲟϫϩⲉϫ ⲉϣⲱⲡ ⲁⲥϣⲧⲉⲙⲉⲣⲙⲉⲧⲁⲛⲟⲓⲛ
Behold, I will throw her into a bed, and those who commit adultery with her into great oppression, unless they repent of her works.
2.23
ⲛⲉⲥϣⲏⲣⲓ ϯⲛⲁϧⲟⲑⲃⲟⲩ ϧⲉⲛⲫⲙⲟⲩ ⲟⲩⲟϩ ⲉⲩⲉⲉⲙⲓ ⲛϫⲉⲛⲓⲉⲕⲕⲗⲏⲥⲓⲁ ⲧⲏⲣⲟⲩ ϫⲉⲁⲛⲟⲕ ⲡⲉ ⲫⲏ ⲉⲧϧⲟⲧϧⲉⲧ ⲛⲛⲓϩⲏⲧ ⲛⲉⲙⲛⲓϭⲗⲱⲧ ⲟⲩⲟϩ ⲉⲓϯ ⲙⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁⲛⲉϥϩⲃⲏⲟⲩⲓ .
I will kill her children with Death, and all the assemblies will know that I am he who searches the minds and hearts. I will give to each one of you according to your deeds.
2.24
ⲛⲑⲱⲧⲉⲙ ⲇⲉ ϯϫⲱ ⲙⲙⲟⲥ ⲛⲱⲧⲉⲛ ϧⲁⲡⲥⲉⲡⲓ ⲛⲛⲏ ⲉⲧϧⲉⲛⲑⲩⲁⲧⲏⲣⲁ ⲛⲏ ⲉⲧⲉⲧⲁⲓⲥⲃⲱ ⲛⲧⲟⲧⲟⲩ ⲁⲛ ⲛⲏ ⲉⲧⲉⲙⲡⲟⲩⲉⲙⲓ ⲉⲡϣⲱⲕ ⲙⲡⲥⲁⲧⲁⲛⲁⲥ ⲙⲫⲣⲏϯ ⲉⲧⲟⲩϫⲱ ⲙⲙⲟⲥ ⲛϯⲛⲁϩⲓⲟⲩⲓ ⲛⲕⲉⲃⲁⲣⲟⲥ ⲁⲛ ⲉϫⲉⲛⲑⲏⲛⲟⲩ
But to you I say, to the rest who are in Thyatira, as many as don't have this teaching, who don't know what some call 'the deep things of Satan,' to you I say, I am not putting any other burden on you.
2.25
ⲡⲗⲏⲛ ⲫⲏ ⲉⲧⲉⲧⲉⲛ ⲑⲏⲛⲟⲩ ⲁⲙⲟⲛⲓ ⲙⲙⲟϥ ϣⲁϯⲓ .
Nevertheless, hold that which you have firmly until I come.
2.26
ⲟⲩⲟϩ ⲫⲏ ⲉⲑⲛⲁϭⲣⲟ ⲟⲩⲟϩ ⲉⲑⲛⲁⲁⲣⲉϩ ⲉⲛⲁϩⲃⲏⲟⲩⲓ ϣⲁⲉⲃⲟⲗ ⲉⲓⲉϯ ⲛⲁϥ ⲛⲟⲩⲉⲣϣⲓϣⲓ ⲉϫⲉⲛⲛⲓⲉⲑⲛⲟⲥ
He who overcomes, and he who keeps my works to the end, to him I will give authority over the nations.
2.27
ⲟⲩⲟϩ ⲉϥⲉⲁⲙⲟⲛⲓ ⲙⲙⲱⲟⲩ ϧⲉⲛⲟⲩϣⲃⲱⲧ ⲙⲃⲉⲛⲓⲡⲓ ⲙⲫⲣⲏϯ ⲛⲟⲩⲥⲕⲉⲩⲟⲥ ⲛⲕⲉⲣⲁⲙⲉⲩⲥ ⲉϥⲉϧⲉⲙϧⲱⲙⲟⲩ ⲙⲫⲣⲏϯ ϩⲱ ⲉⲧⲁⲓϭⲓ ⲛⲧⲟⲧϥ ⲙⲡⲁⲓⲱϯ
He will rule them with a rod of iron, shattering them like clay pots; as I also have received of my Father:
2.28
ⲟⲩⲟϩ ⲉⲓⲉϯ ⲛⲁϥ ⲙⲡⲓⲥⲓⲟⲩ ⲉϣⲁϥϣⲁⲓ ⲛⲧⲟⲟⲩⲓ .
and I will give him the morning star.
2.29
ⲫⲏ ⲉⲧⲉⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ ϫⲉⲟⲩ ⲡⲉ ⲉⲧⲉⲡⲓⲡⲛⲉⲩⲙⲁϫⲱ ⲙⲙⲟϥ ⲛⲛⲓⲉⲕⲕⲗⲏⲥⲓⲁ .
He who has an ear, let him hear what the Spirit says to the assemblies.
3.1
ⲥϧⲁⲓ ⲙⲡⲓⲁⲅⲅⲉⲗⲟⲥ ⲛⲧⲉϯⲉⲕⲕⲗⲏⲥⲓⲁ ⲛⲧⲉⲥⲁⲣⲇⲓⲥ ϫⲉⲛⲁⲓ ⲛⲉⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲫⲏ ⲉⲧⲉⲡⲓⲍ ⲙⲡⲛⲉⲩⲙⲁⲛⲧⲉⲫⲛⲟⲩϯ ⲭⲏ ⲛⲧⲟⲧϥ ⲛⲉⲙⲡⲓⲍ ⲛⲥⲓⲟⲩ ϫⲉϯⲥⲱⲟⲩⲛ ⲛⲛⲉⲕϩⲃⲏⲟⲩⲓ ϫⲉⲟⲩⲟⲛ ⲛⲧⲁⲕ ⲛⲟⲩⲣⲁⲛ ⲙⲙⲁⲩ ⲙⲡⲓⲟⲩϫⲁⲓ ϫⲉⲕⲟⲛϧ ⲟⲩⲟϩ ⲕⲙⲱⲟⲩⲧ .
'And to the angel of the assembly in Sardis write: 'He who has the seven Spirits of God, and the seven stars says these things: 'I know your works, that you have a reputation of being alive, but you are dead.
3.2
ϣⲱⲡⲓ ⲟⲩⲛ ⲉⲕⲣⲏⲥ ⲉⲃⲟⲗ ⲟⲩⲟϩ ⲙⲁⲧⲁϫⲣⲉ ⲡⲥⲉⲡⲓ ⲙⲙⲟⲛ ⲭⲛⲁⲙⲟⲩ ϫⲉⲟⲩⲏⲓ ⲅⲁⲣ ⲙⲡⲓϫⲉⲙ ⲛⲉⲕϩⲃⲏⲟⲩⲓ ⲉⲩϫⲏⲕ ⲉⲃⲟⲗ ϧⲁⲧⲉⲛⲡⲁⲛⲟⲩϯ .
Wake up, and keep the things that remain, which you were about to throw away, for I have found no works of yours perfected before my God.
3.3
ⲁⲣⲓⲫⲙⲉⲩⲓ ⲟⲩⲛ ϫⲉⲡⲱⲥ ⲁⲕϭⲓ ⲟⲩⲟϩ ⲁⲕⲥⲱⲧⲉⲙ ⲟⲩⲟϩ ⲁⲣⲉϩ ⲟⲩⲟϩ ⲁⲣⲓⲙⲉⲧⲁⲛⲟⲉⲓⲛ ⲉϣⲱⲡ ⲟⲩⲟⲛ ⲁⲕϣⲧⲉⲙⲉⲣⲙⲉⲧⲁⲛⲟⲓⲛ ⲟⲩⲟϩ ⲛⲧⲉⲕϣⲧⲉⲙⲣⲱⲓⲥ ϯⲛⲁⲓ ⲙⲫⲣⲏϯ ⲛⲟⲩⲣⲉϥϭⲓⲟⲩⲓ ⲟⲩⲟϩ ⲭⲛⲁⲉⲙⲓ ⲁⲛ ⲉϯⲟⲩⲛⲟⲩ ⲉϯⲛⲏⲟⲩ ⲉϫⲱⲕ ⲙⲙⲟⲥ .
Remember therefore how you have received and heard. Keep it, and repent. If therefore you won't watch, I will come as a thief, and you won't know what hour I will come upon you.
3.4
ⲁⲗⲗⲁ ⲟⲩⲟⲛ ϩⲁⲛⲕⲟⲩϫⲓ ⲛⲣⲁⲛ ⲛⲧⲏⲓ ϧⲉⲛⲥⲁⲣⲇⲓⲥ ⲛⲁⲓ ⲉⲧⲉⲙⲡⲟⲩⲑⲱⲗⲉⲃ ⲛⲛⲟⲩϩⲃⲱⲥ ⲛⲉⲙⲥϩⲓⲙⲓ ⲟⲩⲟϩ ⲉⲩⲉⲙⲟϣⲓ ⲛⲉⲙⲏⲓ ϧⲉⲛϩⲁⲛϩⲃⲱⲥ ⲛⲟⲩⲱⲃϣ ϫⲉⲥⲉⲙⲡϣⲁ ⲅⲁⲣ .
Nevertheless you have a few names in Sardis that did not defile their garments. They will walk with me in white, for they are worthy.
3.5
ⲫⲏ ⲉⲑⲛⲁϭⲣⲟ ⲙⲡⲁⲓⲣⲏϯ ⲉⲩⲉϯ ϩⲓⲱⲧϥ ⲛϩⲁⲛϭⲓϩⲃⲱⲥ ⲛⲟⲩⲱⲃϣ ⲟⲩⲟϩ ⲛⲛⲟⲩⲥⲉⲗϫ ⲡⲟⲩⲣⲁⲛ ⲉⲃⲟⲗ ϩⲓⲡⲓϫⲱⲙ ⲛⲧⲉⲡⲱⲛϧ ⲉⲓⲉⲟⲩⲱⲛϩ ⲙⲡⲟⲩⲣⲁⲛ ⲉⲃⲟⲗ ⲙⲡⲉⲙⲑⲟ ⲙⲡⲁⲓⲱⲧ ⲛⲉⲙⲡⲉⲙⲑⲟ ⲛⲛⲉϥⲁⲅⲅⲉⲗⲟⲥ .
He who overcomes will be arrayed in white garments, and I will in no way blot his name out of the book of life, and I will confess his name before my Father, and before his angels.
3.6
ⲫⲏ ⲉⲧⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ ϫⲉⲟⲩ ⲡⲉ ⲉⲧⲉⲡⲓⲡⲛⲉⲩⲙⲁϫⲱ ⲙⲙⲟϥ ⲛⲛⲓⲉⲕⲕⲗⲏⲥⲓⲁ .
He who has an ear, let him hear what the Spirit says to the assemblies.
3.7
ⲥϧⲁⲓ ⲙⲡⲓⲁⲅⲅⲉⲗⲟⲥ ⲛⲧⲉϯⲉⲕⲕⲗⲏⲥⲓⲁ ⲛⲧⲉⲫⲓⲗⲁⲇⲉⲗⲫⲓⲁ ϫⲉⲛⲁⲓ ⲛⲉⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡⲉⲑⲟⲩⲁⲃ ⲡⲓⲑⲙⲏⲓ ⲫⲏ ⲉⲧⲉⲛⲓϣⲟϣⲧ ⲛⲧⲉⲡⲏⲓ ⲛⲇⲁⲩⲓⲇ ⲛⲧⲟⲧϥ ⲫⲏ ⲉⲑⲛⲁⲟⲩⲱⲛ ⲙⲙⲟⲛ ϩⲗⲓ ⲛⲁϣⲑⲁⲙ ⲟⲩⲟϩ ⲁϥϣⲁⲛϣⲑⲁⲙ ⲙⲙⲟⲛ ϩⲗⲓ ⲛⲁⲟⲩⲱⲛ
'To the angel of the assembly in Philadelphia write: 'He who is holy, he who is true, he who has the key of David, he who opens and no one can shut, and who shuts and no one opens, says these things:
3.8
ϯⲥⲱⲟⲩⲛ ⲛⲛⲉⲕϩⲃⲏⲟⲩⲓ ⲛⲉⲙⲡⲉⲕⲛⲁϩϯ ϩⲏⲡⲡⲉ ⲓⲥ ⲁⲓϯ ⲙⲡⲉⲕⲙⲑⲟ ⲛⲟⲩⲣⲟ ⲉϥⲉⲟⲩⲏⲛ ⲙⲙⲟⲛ ϣϫⲟⲙ ⲛⲧⲉϩⲗⲓ ϣⲑⲁⲙ ⲙⲙⲟϥ ϫⲉⲟⲩⲟⲛ ⲛⲧⲁⲕ ⲛⲟⲩⲕⲟⲩϫⲓ ⲛϫⲟⲙ ⲙⲙⲁⲩ ⲟⲩⲟϩ ⲁⲕⲁⲣⲉϩ ⲉⲡⲁⲥⲁϫⲓ ⲟⲩⲟϩ ⲙⲡⲉⲕϫⲉⲗ ⲡⲁⲣⲁⲛ ⲉⲃⲟⲗ .
'I know your works (behold, I have set before you an open door, which no one can shut), that you have a little power, and kept my word, and didn't deny my name.
3.9
ϩⲏⲡⲡⲉ ϯⲛⲁϯ ⲛⲁⲕ ⲉⲃⲟⲗ ϧⲉⲛϯⲥⲩⲛⲁⲅⲱⲅⲏ ⲛⲧⲉⲡⲥⲁⲧⲁⲛⲁⲥ ⲛⲏ ⲉⲧϫⲱ ⲙⲙⲟⲥ ϫⲉϩⲁⲛⲓⲟⲩⲇⲁⲓ ⲛⲉⲟⲩⲟϩ ϩⲁⲛⲟⲩⲟⲛ ⲁⲛ ⲛⲉⲁⲗⲗⲁ ⲥⲉϫⲉⲙⲉⲑⲛⲟⲩϫ ϩⲏⲡⲡⲉ ⲉⲓⲉⲑⲣⲟⲩⲓ ⲟⲩⲟϩ ⲉⲓⲉⲑⲣⲟⲩⲟⲩⲱϣⲧ ⲙⲙⲟⲕ ⲟⲩⲟϩ ⲉⲩⲉϩⲓⲧⲟⲩ ⲉⲡⲉⲥⲏⲧ ⲙⲡⲉⲙⲑⲟ ⲛⲛⲉⲕϭⲁⲗⲁⲩϫ ⲟⲩⲟϩ ⲉⲩⲉⲉⲙⲓ ⲧⲏⲣⲟⲩ ϫⲉⲁⲛⲟⲕ ⲡⲉ ⲉⲧⲁⲓⲙⲉⲛⲣⲓⲧⲕ .
Behold, I give of the synagogue of Satan, of those who say they are Jews, and they are not, but lie. Behold, I will make them to come and worship before your feet, and to know that I have loved you.
3.10
ϫⲉⲁⲕⲁⲣⲉϩ ⲉⲡⲁⲥⲁϫⲓ ⲛⲉⲙⲧⲁϩⲩⲡⲟⲙⲟⲛⲏ ⲉⲑⲃⲉⲫⲁⲓ ⲁⲛⲟⲕ ϩⲱ ⲁⲓⲁⲣⲉϩ ⲉⲣⲟⲕ ⲉⲃⲟⲗ ϩⲁⲡⲓⲡⲓⲣⲁⲥⲙⲟⲥ ⲫⲏ ⲉⲑⲛⲁⲓ ⲉϧⲣⲏⲓ ⲉϫⲉⲛⲡⲓⲑⲟ ⲧⲏⲣϥ ⲉⲉⲣⲡⲓⲣⲁⲍⲓⲛ ⲛⲟⲩⲟⲛ ⲛⲓⲃⲉⲛ ⲉⲧϩⲓϫⲉⲛ ⲡⲕⲁϩⲓ .
Because you kept my command to endure, I also will keep you from the hour of testing, which is to come on the whole world, to test those who dwell on the earth.
3.11
ϯⲛⲏⲟⲩ ⲛⲭⲱⲗⲉⲙ ⲁⲙⲟⲛⲓ ⲙⲫⲏ ⲉⲧⲉⲛⲧⲟⲧⲕ ϩⲓⲛⲁ ⲛⲧⲉϣⲧⲉⲙ ϩⲗⲓ ϭⲓ ⲙⲡⲉⲕⲭⲗⲟⲙ .
I am coming quickly! Hold firmly that which you have, so that no one takes your crown.
3.12
ⲫⲏ ⲉⲑⲛⲁϭⲣⲟ ⲉⲓⲉⲁⲓϥ ⲛⲥⲧⲩⲗⲗⲟⲥ ϧⲉⲛⲡⲏⲓ ⲛⲧⲉⲡⲁⲛⲟⲩϯ ⲟⲩⲟϩ ⲛⲛⲉϥⲓ ⲉⲃⲟⲗ ϫⲉⲟⲩⲟϩ ⲉⲓⲉⲥϧⲉ ⲫⲣⲁⲛ ⲙⲡⲁⲛⲟⲩϯ ϩⲓⲱⲧϥ ⲛⲉⲙⲫⲣⲁⲛ ⲛϯⲃⲁⲕⲓ ⲙⲃⲉⲣⲓ ⲛⲧⲉⲡⲁⲓⲱⲧ ⲓⲉⲣⲟⲥⲁⲗⲏⲙ ⲑⲏ ⲉⲑⲛⲏⲟⲩ ⲉⲡⲉⲥⲏⲧ ⲉⲃⲟⲗ ϧⲉⲛⲧⲫⲉ ⲉⲃⲟⲗ ϩⲓⲧⲉⲛⲡⲁⲛⲟⲩϯ ⲛⲉⲙⲡⲁⲣⲁⲛ ⲙⲃⲉⲣⲓ .
He who overcomes, I will make him a pillar in the temple of my God, and he will go out from there no more. I will write on him the name of my God, and the name of the city of my God, the new Jerusalem, which comes down out of heaven from my God, and my own new name.
3.13
ⲫⲏ ⲉⲧⲉⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ ϫⲉⲟⲩ ⲡⲉ ⲉⲧⲉⲡⲓⲡⲛⲉⲩⲙⲁϫⲱ ⲙⲙⲟϥ ⲛⲛⲓⲉⲕⲕⲗⲏⲥⲓⲁ .
He who has an ear, let him hear what the Spirit says to the assemblies.
3.14
ⲥϧⲁⲓ ⲙⲡⲓⲁⲅⲅⲉⲗⲟⲥ ⲛⲧⲉϯⲉⲕⲕⲗⲏⲥⲓⲁ ⲛⲧⲉⲗⲁⲟⲇⲓⲕⲓⲁ ϫⲉⲛⲁⲓ ⲛⲉⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡⲓⲁⲙⲏⲛ ⲡⲓⲙⲁⲣⲧⲩⲣⲟⲥ ⲡⲓⲡⲓⲥⲧⲟⲥ ⲟⲩⲟϩ ⲡⲓⲁⲗⲏⲑⲓⲛⲟⲥ ⲧⲁⲣⲭⲏ ⲙⲡⲓⲥⲱⲛⲧ ⲛⲧⲉⲫⲛⲟⲩϯ
'To the angel of the assembly in Laodicea write: 'The Amen, the Faithful and True Witness, the Head of God's creation, says these things:
3.15
ϯⲥⲱⲟⲩⲛ ⲛⲛⲉⲕϩⲃⲏⲟⲩⲓ ϫⲉⲟⲩⲇⲉ ⲕϩⲟⲣϣ ⲁⲛ ⲟⲩⲇⲉ ⲕϧⲏⲙ ⲁⲛ ⲁⲙⲟⲓ ⲛⲁⲕⲟⲓ ⲙⲙⲟⲩϩⲱϫ ⲡⲉ ⲓⲉ ⲛⲁⲕⲃⲉⲣⲃⲉⲣ
'I know your works, that you are neither cold nor hot. I wish you were cold or hot.
3.16
ϫⲉⲡⲁⲓⲣⲏϯ ⲕⲟⲓ ⲙⲙⲟⲩⲥⲉⲗϩⲟ ⲟⲩⲇⲉ ⲕⲟⲓ ⲙⲙⲟⲩϧⲉⲙⲓ ⲁⲛ ⲟⲩⲇⲉ ⲕⲟⲓ ⲙⲙⲟⲩϩⲱϫ ⲁⲛ ⲙⲙⲟⲛ ϯⲛⲁϣⲁⲧⲕ ⲛϩⲣⲏⲓ ϧⲉⲛϩⲑⲏⲓ .
So, because you are lukewarm, and neither hot nor cold, I will vomit you out of my mouth.
3.17
ϫⲉⲕϫⲱ ⲙⲙⲟⲥ ϫⲉⲟⲩⲣⲁⲙⲁⲟ ⲟⲩⲟϩ ϯⲉⲣⲭⲣⲓⲁ ⲛϩⲗⲓ ⲟⲩⲟϩ ⲕⲉⲙⲓ ⲁⲛ ϫⲉⲛⲑⲟⲕ ⲟⲩϫⲱⲃ ⲛⲧⲁⲗⲉⲡⲱⲣⲟⲥ ⲟⲩⲟϩ ⲛⲑⲟⲕ ⲟⲩϣⲁⲧⲙⲉⲑⲛⲁⲓ ⲛϩⲏⲕⲓ ⲟⲩⲟϩ ⲙⲃⲉⲗⲗⲉ ⲉⲕⲃⲏϣ
Because you say, 'I am rich, and have gotten riches, and have need of nothing;' and don't know that you are the wretched one, miserable, poor, blind, and naked;
3.18
ϯⲉⲣⲥⲩⲙⲃⲟⲩⲗⲉⲩⲓⲛ ⲛⲁⲕ ⲟⲩⲛ ⲉϣⲉⲡ ⲟⲩⲛⲟⲩⲃ ⲛⲧⲟⲧⲉϥⲫⲟⲥⲓ ⲛϩⲣⲏⲓ ϧⲉⲛⲟⲩⲭⲣⲱⲙ ϩⲓⲛⲁ ⲛⲧⲉⲕⲉⲣⲣⲁⲙⲁⲟ ⲟⲩⲟϩ ϩⲁⲛϩⲃⲱⲥ ⲉⲩⲫⲟⲣⲉⲓ ⲙⲏⲓⲧⲟⲩ ϩⲓⲱⲧⲕ ϩⲓⲛⲁ ⲛⲧⲉϥϣⲧⲉⲙⲟⲩⲱⲛϩ ⲉⲃⲟⲗ ⲛϫⲉⲡϣⲓⲡⲓ ⲛⲧⲉⲡⲉⲕⲃⲱϣ ⲟⲩⲟϩ ⲟⲩⲕⲟⲩⲗⲁⲟⲩⲣⲓⲟⲛ ⲙⲏⲓϥ ⲉⲛⲉⲕⲃⲁⲗ ϩⲓⲛⲁ ⲛⲧⲉⲕⲛⲁⲩ ⲙⲃⲟⲗ .
I counsel you to buy from me gold refined by fire, that you may become rich; and white garments, that you may clothe yourself, and that the shame of your nakedness may not be revealed; and eye salve to anoint your eyes, that you may see.
3.19
ⲁⲛⲟⲕ ⲅⲁⲣ ⲛⲏ ⲉϣⲁⲓⲙⲉⲛⲣⲓⲧⲟⲩ ϣⲁⲓⲥⲁϩⲱⲟⲩ ϣⲁⲓϯⲥⲃⲱ ⲛⲱⲟⲩ ⲭⲟϩ ⲟⲩⲛ ⲉⲡⲓⲡⲉⲑⲛⲁⲛⲉϥ ⲟⲩⲟϩ ⲁⲣⲓⲙⲉⲧⲁⲛⲟⲉⲓⲛ .
As many as I love, I reprove and chasten. Be zealous therefore, and repent.
3.20
ϩⲏⲡⲡⲉ ⲅⲁⲣ ⲧ ⲉⲣⲁⲧϩⲓⲣⲉⲛⲡⲓⲣⲟ ⲟⲩⲟϩ ϯⲕⲱⲗϩ ⲫⲏ ⲉⲑⲛⲁⲥⲱⲧⲉⲙ ⲟⲩⲟϩ ⲛⲧⲉϥⲟⲩⲱⲛ ⲙⲡⲓⲣⲟ ⲛⲏⲓ ϯⲛⲁϣⲉ ⲉϧⲟⲩⲛ ⲛⲉⲙⲁϥ ⲟⲩⲟϩ ⲛⲧⲁⲟⲩⲱⲙ ⲛⲉⲙⲁϥ ⲟⲩⲟϩ ⲛⲑⲟϥ ⲛⲉⲙⲏⲓ .
Behold, I stand at the door and knock. If anyone hears my voice and opens the door, then I will come in to him, and will dine with him, and he with me.
3.21
ⲫⲏ ⲅⲁⲣ ⲉⲑⲛⲁϭⲣⲟ ϯⲛⲁⲧⲏⲓⲥ ⲛⲁϥ ⲉⲑⲣⲉϥϩⲉⲙⲥⲓ ⲛⲉⲙⲏⲓ ϩⲓⲡⲁⲑⲣⲟⲛⲟⲥ ⲙⲡⲓⲣⲏϯ ⲉⲧⲁⲓϭⲣⲟ ⲟⲩⲟϩ ⲁⲓϩⲉⲙⲥⲓ ⲛⲉⲙⲡⲁⲓⲱⲧ ϩⲓⲡⲉϥⲑⲣⲟⲛⲟⲥ .
He who overcomes, I will give to him to sit down with me on my throne, as I also overcame, and sat down with my Father on his throne.
3.22
ⲫⲏ ⲉⲧⲉⲟⲩⲟⲛ ⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ ϫⲉⲟⲩ ⲡⲉ ⲉⲧⲉⲡⲓⲡⲛⲉⲩⲙⲁϫⲱ ⲙⲙⲟϥ ⲛⲛⲓⲉⲕⲕⲗⲏⲥⲓⲁ .
He who has an ear, let him hear what the Spirit says to the assemblies.'
4.1
ⲙⲉⲛⲉⲛⲥⲁⲛⲁⲓ ⲇⲉ ⲁⲓⲛⲁⲩ ϩⲏⲡⲡⲉ ⲓⲥ ⲟⲩⲣⲟ ⲉϥⲟⲩⲏⲛ ϧⲉⲛⲧⲫⲉ ⲟⲩⲟϩ ϯⲥⲙⲏ ⲛϩⲟⲩⲓϯ ⲉⲛⲁⲥⲥⲁϫⲓ ⲛⲉⲙⲏⲓ ⲑⲏ ⲉⲧⲁⲓⲥⲟⲑⲙⲉⲥ ⲙⲫⲣⲏϯ ⲛⲧⲥⲙⲏ ⲛⲟⲩⲥⲁⲗⲡⲓⲅⲝ ⲉⲥⲥⲁϫⲓ ⲛⲉⲙⲏⲓ ⲉⲥϫⲱ ⲙⲙⲟⲥ ϫⲉⲁⲙⲟⲩ ⲉⲡϣⲱⲓ ⲙⲛⲁⲓ ⲟⲩⲟϩ ⲛⲧⲁⲧⲁⲙⲟⲕ ⲉⲛⲏ ⲉⲑⲛⲁϣⲱⲡⲓ ⲙⲉⲛⲉⲛⲥⲁⲛⲁⲓ .
After these things I looked and saw a door opened in heaven, and the first voice that I heard, like a trumpet speaking with me, was one saying, 'Come up here, and I will show you the things which must happen after this.'
4.2
ⲟⲩⲟϩ ⲁⲓϣⲱⲡⲓ ϧⲉⲛⲡⲓⲡⲛⲉⲩⲙⲁⲟⲩⲟϩ ⲁⲓⲛⲁⲩ ϩⲏⲡⲡⲉ ⲓⲥ ⲟⲩⲑⲣⲟⲛⲟⲥ ⲉϥϧⲉⲛ ⲧⲫⲉ
Immediately I was in the Spirit. Behold, there was a throne set in heaven, and one sitting on the throne
4.3
ⲟⲩⲟϩ ⲫⲏ ⲉⲧϩⲉⲙⲥⲓ ϩⲓⲡⲑⲣⲟⲛⲟⲥ ⲛⲁϥⲟⲓ ⲛⲟⲩⲱⲓⲛⲓ ⲡⲉ ⲛⲓⲁⲥⲡⲓⲥ ⲛⲉⲙⲟⲩⲥⲁⲣⲇⲓⲛⲟⲥ ⲟⲩⲟϩ ϯⲓⲣⲓⲥ ⲉⲥⲕⲱϯ ⲉⲡⲓⲑⲣⲟⲛⲟⲥ ⲉϥⲟⲓ ⲛⲟⲩⲱⲓⲛⲓ ⲛⲥⲙⲁⲣⲁⲕⲇⲟⲥ .
that looked like a jasper stone and a sardius. There was a rainbow around the throne, like an emerald to look at.
4.4
ⲟⲩⲟϩ ⲉⲟⲩⲟⲛ ⲕⲇ ⲛⲑⲣⲟⲛⲟⲥ ⲉⲩⲭⲏ ⲙⲡⲕⲱϯ ⲙⲡⲓⲑⲣⲟⲛⲟⲥ ⲟⲩⲟϩ ⲕⲇ ⲙⲡⲣⲉⲥⲃⲩⲧⲉⲣⲟⲥ ⲉⲩϩⲉⲙⲥⲓ ϩⲓϫⲉⲛⲛⲓⲑⲣⲟⲛⲟⲥ ⲉⲩⲕⲧⲏⲟⲩⲧ ϧⲉⲛϩⲁⲛϭⲓϩⲃⲱⲥ ⲛⲟⲩⲱⲃϣ ⲛⲉⲙϩⲁⲛⲭⲗⲟⲙ ⲛⲛⲟⲩⲃ ⲉⲩⲧⲟⲓ ⲉⲛⲟⲩⲁⲫⲏⲟⲩⲓ .
Around the throne were twenty-four thrones. On the thrones were twenty-four elders sitting, dressed in white garments, with crowns of gold on their heads.
4.5
ⲟⲩⲟϩ ⲛⲁⲩⲛⲏⲟⲩ ⲉⲃⲟⲗ ϩⲁⲡⲓⲑⲣⲟⲛⲟⲥ ⲛϫⲉϩⲁⲛⲥⲉⲧⲉⲃⲣⲏϫ ⲛⲉⲙϩⲁⲛⲥⲙⲏ ⲛⲉⲙϩⲁⲛϧⲁⲣⲁⲃⲁⲓ ⲟⲩⲟϩ ⲍⲛⲗⲁⲙⲡⲁⲥ ⲛⲭⲣⲱⲙ ⲉⲩⲕⲱϯ ⲉⲡⲓⲑⲣⲟⲛⲟⲥ ⲉⲧⲉⲡⲓⲍ ⲙⲡⲛⲉⲩⲙⲁⲛⲧⲉⲫⲛⲟⲩϯ ⲛⲉ
Out of the throne proceed lightnings, sounds, and thunders. There were seven lamps of fire burning before his throne, which are the seven Spirits of God.
4.6
ⲟⲩⲟϩ ⲉϥⲭⲏ ⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲙⲫⲣⲏϯ ⲛⲟⲩⲓⲟⲙ ⲙⲃⲁϫⲏⲓⲛⲓ ⲉϥⲟⲛⲓ ⲛⲟⲩⲭⲣⲓⲥⲧⲁⲗⲟⲥ ⲟⲩⲟϩ ϧⲉⲛⲧⲙⲏϯ ⲙⲡⲓⲑⲣⲟⲛⲟⲥ ⲉⲟⲩⲟⲛ ⲇⲛⲍⲱⲟⲛ ⲉⲩⲙⲉϩ ⲙⲃⲁⲗ ϩⲓⲧϩⲏ ⲛⲉⲙϩⲓⲫⲁϩⲟⲩ .
Before the throne was something like a sea of glass, similar to crystal. In the midst of the throne, and around the throne were four living creatures full of eyes before and behind.
4.7
ⲟⲩⲟϩ ⲡⲓⲍⲱⲟⲛ ⲛϩⲟⲩⲓⲧ ⲉϥⲟⲛⲓ ⲛⲟⲩⲙⲟⲩⲓ ⲟⲩⲟϩ ⲡⲓⲍⲱⲟⲛ ⲙⲙⲁϩⲃ ⲉϥⲟⲛⲓ ⲛⲟⲩⲙⲁⲥⲓ ⲟⲩⲟϩ ⲡⲓⲍⲱⲟⲛ ⲙⲙⲁϩⲅ ⲉϥⲟⲛⲓ ⲙⲡϩⲟ ⲛⲟⲩϣⲏ ⲣⲓ ⲛⲣⲱⲙⲓ ⲟⲩⲟϩ ⲡⲓⲍⲱⲟⲛ ⲙⲙⲁϩⲇ ⲉϥⲟⲛⲓ ⲛⲟⲩⲁϧⲱⲙ ⲉϥϩⲏⲗ .
The first creature was like a lion, and the second creature like a calf, and the third creature had a face like a man, and the fourth was like a flying eagle.
4.8
ⲟⲩⲟϩ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲟⲩ ⲉⲩⲕⲱϯ ⲉⲣⲱⲟⲩ ⲓⲥϫⲉⲛ ⲛⲟⲩⲓⲉⲃ ⲥⲁϧⲟⲩⲛ ⲙⲙⲱⲟⲩ ⲉⲩⲙⲉϩ ⲙⲃⲁⲗ ⲟⲩⲟϩ ⲛⲁⲩⲙⲟⲧⲉⲛ ⲙⲙⲱⲟⲩ ⲁⲛ ⲛⲉⲙⲡⲓⲉϩⲟⲟⲩ ⲛⲉⲙⲡⲓⲉϫⲱⲣϩ ⲉⲩϫⲱ ⲙⲙⲟⲥ ϫⲉϥⲟⲩⲁⲃ ϥⲟⲩⲁⲃ ϥⲟⲩⲁⲃ ⲛϫⲉⲡϭⲟⲓⲥ ⲫⲛⲟⲩϯ ⲡⲓⲡⲁⲛⲧⲟⲕⲣⲁⲧⲱⲣ ⲫⲏ ⲉⲧϣⲟⲡ ⲟⲩⲟϩ ⲫⲏ ⲉⲛⲁϥϣⲟⲡ ⲟⲩⲟϩ ⲫⲏ ⲉⲑⲛⲏⲟⲩ .
The four living creatures, each one of them having six wings, are full of eyes around and within. They have no rest day and night, saying, 'Holy, holy, holy is the Lord God, the Almighty, who was and who is and who is to come!'
4.9
ⲟⲩⲟϩ ⲉϣⲱⲡ ⲁⲣⲉϣⲁⲛ ⲡⲓⲇ ⲛⲍⲱⲟⲛ ⲙⲡⲁⲓⲱⲟⲩ ⲛⲉⲙⲡⲁⲓⲧⲁⲓⲟ ⲛⲉⲙⲡⲁⲓϣⲉⲡϩⲙⲟⲧ ⲙⲫⲏ ⲉⲧϩⲉⲙⲥⲓ ϩⲓϫⲉⲛⲡⲓⲑⲣⲟⲛⲟⲥ ⲫⲏ ⲉⲧⲟⲛϧ ϣⲁⲉⲛⲉϩ ⲛⲧⲉⲡⲓⲉⲛⲉϩ
When the living creatures give glory, honor, and thanks to him who sits on the throne, to him who lives forever and ever,
4.10
ϣⲁⲩϩⲓⲧⲟⲩ ⲉⲡⲉⲥⲏⲧ ⲉϫⲉⲛⲡⲟⲩϩⲟ ⲛϫⲉⲛⲓⲕⲇ ⲙⲡⲣⲉⲥⲃⲩⲧⲉⲣⲟⲥ ⲟⲩⲟϩ ϣⲁⲩⲟⲩⲱϣⲧ ⲙⲡⲉⲙⲑⲟ ⲙⲫⲏ ⲉⲧⲟⲛϧ ϣⲁⲉⲛⲉϩ ⲛⲧⲉⲡⲓⲉⲛⲉϩ ⲟⲩⲟϩ ϣⲁⲩⲭⲱ ⲛⲛⲟⲩⲭⲗⲟⲙ ⲉϧⲣⲏⲓ ⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲉⲩϫⲱ ⲙⲙⲟⲥ
the twenty-four elders fall down before him who sits on the throne, and worship him who lives forever and ever, and throw their crowns before the throne, saying,
4.11
ϫⲉⲛⲑⲟⲕ ⲉⲧⲉⲙⲡϣⲁ ⲡϭⲟⲓⲥ ⲡⲉⲛⲛⲟⲩϯ ⲉϭⲓ ⲙⲡⲓⲱⲟⲩ ⲛⲉⲙⲡⲓⲧⲁⲓⲟ ⲛⲉⲙϯϫⲟⲙ ϫⲉⲛⲑⲟⲕ ⲁⲕⲥⲱⲛⲧ ⲛϩⲱⲃ ⲛⲓⲃⲉⲛ ⲟⲩⲟϩ ⲡⲉⲧⲉϩⲛⲁⲕ ⲁϥϣⲱⲡⲓ ⲟⲩⲟϩ ⲁⲩⲥⲱⲛⲧ .
'Worthy are you, our Lord and God, the Holy One, to receive the glory, the honor, and the power, for you created all things, and because of your desire they existed, and were created!'
5.1
ⲟⲩⲟϩ ⲁⲓⲛⲁⲩ ⲥⲁⲟⲩⲓⲛⲁⲙ ⲙⲫⲏ ⲉⲧϩⲉⲙⲥⲓ ϩⲓϫⲉⲛⲡⲓⲑⲣⲟⲛⲟⲥ ⲉⲟⲩϫⲱⲙ ⲉϥⲥϧⲏⲟⲩⲧ ⲥⲁϧⲟⲩⲛ ⲛⲉⲙⲥⲁⲃⲟⲗ ⲟⲩⲟϩ ⲉϥⲧⲟⲃ ⲛⲍ ⲛⲧⲉⲃⲥ .
I saw, in the right hand of him who sat on the throne, a book written inside and outside, sealed shut with seven seals.
5.2
ⲟⲩⲟϩ ⲁⲓⲛⲁⲩ ⲉⲟⲩⲁⲅⲅⲉⲗⲟⲥ ⲉϥϫⲟⲣ ⲉϥϩⲓⲱⲓϣ ϧⲉⲛⲟⲩⲛⲓϣϯ ⲛⲥⲙⲏ ϫⲉⲛⲓⲙ ⲉⲧⲉⲙⲡϣⲁ ⲉⲟⲩⲱⲛ ⲙⲡⲁⲓϫⲱⲙ ⲟⲩⲟϩ ⲛⲧⲉϥⲟⲩⲱⲛ ⲛⲛⲉϥⲧⲉⲃⲥ .
I saw a mighty angel proclaiming with a loud voice, 'Who is worthy to open the book, and to break its seals?'
5.3
ⲟⲩⲟϩ ⲙⲡⲉ ϩⲗⲓ ϣϫⲉⲙϫⲟⲙ ϧⲉⲛⲧⲫⲉ ⲟⲩⲇⲉ ϩⲓϫⲉⲛⲡⲕⲁϩⲓ ⲟⲩⲇⲉ ⲥⲁⲡⲉⲥⲏⲧ ⲙⲡⲕⲁϩⲓ ⲉⲁⲟⲩⲱⲛ ⲙⲡⲓϫⲱⲙ ⲟⲩⲇⲉ ⲉⲛⲁⲩ ⲉⲣⲟϥ .
No one in heaven above, or on the earth, or under the earth, was able to open the book, or to look in it.
5.4
ⲟⲩⲟϩ ⲛⲁⲩⲣⲓⲙⲓ ⲧⲏⲣⲟⲩ ⲡⲉ ϫⲉⲙⲡⲉ ϩⲗⲓ ⲉⲙⲡϣⲁ ⲉⲟⲩⲱⲛ ⲙⲡⲓϫⲱⲙ ⲟⲩⲇⲉ ⲉⲛⲁⲩ ⲉⲣⲟϥ .
And I wept much, because no one was found worthy to open the book, or to look in it.
5.5
ⲟⲩⲟϩ ⲁⲟⲩⲁⲓ ⲉⲃⲟⲗ ϧⲉⲛⲛⲓⲡⲣⲉⲥⲃⲩⲧⲉⲣⲟⲥ ⲁϥⲓ ϩⲁⲣⲟⲓ ⲡⲉϫⲁϥ ⲛⲏⲓ ϫⲉⲙⲡⲉⲣⲣⲓⲙⲓ ϩⲏⲡⲡⲉ ⲁϥϭⲣⲟ ⲛϫⲉⲡⲓⲙⲟⲩⲓ ⲉⲃⲟⲗ ϧⲉⲛⲧⲫⲩⲗⲏ ⲛⲓⲟⲩⲇⲁ ⲉⲃⲟⲗ ϧⲉⲛⲧⲛⲟⲩⲛⲓ ⲛⲇⲁⲩⲓⲇ ⲉⲁⲟⲩⲱⲛ ⲙⲡⲓϫⲱⲙ ⲛⲉⲙⲛⲉϥⲧⲉⲃⲥ .
One of the elders said to me, 'Don't weep. Behold, the Lion who is of the tribe of Judah, the Root of David, has overcome; he who opens the book and its seven seals.'
5.6
ⲟⲩⲟϩ ⲁⲓⲛⲁⲩ ϧⲉⲛⲧⲙⲏϯ ⲙⲡⲓⲑⲣⲟⲛⲟⲥ ⲛⲉⲙⲡⲓⲇ ⲛⲍⲱⲟⲛ ⲛⲉⲙϧⲉⲛⲑⲙⲏϯ ⲛⲛⲓⲡⲣⲉⲥⲃⲩⲧⲉⲣⲟⲥ ⲉⲟⲩϩⲓⲏⲃ ⲉϥⲟϩⲓ ⲉⲣⲁⲧϥ ⲉϥϧⲉⲗϧⲱⲗ ⲉⲟⲩⲟⲛ ⲍⲛⲧⲁⲡ ⲉⲣⲟϥ ⲉⲩⲭⲏ ϩⲓϫⲱϥ ⲛⲉⲙⲍⲙⲃⲁⲗ ⲉⲧⲉⲡⲓⲍ ⲙⲡⲛⲉⲩⲙⲁⲛⲧⲉⲫⲛⲟⲩϯ ⲛⲉⲛⲏ ⲉⲧⲁⲩⲧⲁⲟⲩⲱⲟⲩ ⲉϧⲣⲏⲓ ⲉϫⲉⲛⲡⲓⲕⲁϩⲓ ⲧⲏⲣϥ .
I saw in the midst of the throne and of the four living creatures, and in the midst of the elders, a Lamb standing, as though it had been slain, having seven horns, and seven eyes, which are the seven Spirits of God, sent out into all the earth.
5.7
ⲟⲩⲟϩ ⲁϥⲓ ⲁϥⲱⲗⲓ ⲙⲡⲓϫⲱⲙ ⲉⲃⲟⲗ ϧⲉⲛⲑⲟⲩⲓⲛⲁⲙ ⲙⲫⲏ ⲉⲧϩⲉⲙⲥⲓ ϩⲓϫⲉⲛⲡⲓⲑⲣⲟⲛⲟⲥ .
Then he came, and he took it out of the right hand of him who sat on the throne.
5.8
ⲟⲩⲟϩ ⲉⲧⲁϥϭⲓ ⲙⲡⲓϫⲱⲙ ⲁⲡⲓⲇ ⲛⲍⲱⲟⲛ ⲛⲉⲙⲡⲓⲕⲇ ⲙⲡⲣⲉⲥⲃⲩⲧⲉⲣⲟⲥ ⲁⲩϩⲓⲧⲟⲩ ⲉⲡⲉⲥⲏⲧ ⲙⲡⲉⲙⲑⲟ ⲙⲡⲓϩⲓⲏⲃ ⲉⲟⲩⲟⲛ ⲟⲩⲕⲩⲑⲁⲣⲁ ⲛⲧⲉⲛⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲟⲩ ⲛⲉⲙϩⲁⲛⲫⲩⲁⲗⲏ ⲛⲛⲟⲩⲃ ⲉⲩⲙⲉϩ ⲛⲥⲑⲟⲓⲛⲟⲩϥⲓ ⲉⲧⲉⲛⲓⲡⲣⲟⲥⲉⲩⲭⲏ ⲛⲧⲉⲛⲓϩⲁⲅⲓⲟⲥ
Now when he had taken the book, the four living creatures and the twenty-four elders fell down before the Lamb, each one having a harp, and golden bowls full of incense, which are the prayers of the saints.
5.9
ⲟⲩⲟϩ ⲛⲁⲩϩⲱⲥ ϧⲉⲛⲟⲩϩⲱⲇⲏ ⲙⲃⲉⲣⲓ ⲉⲩϫⲱ ⲙⲙⲟⲥ ϫⲉⲕⲉⲙⲡϣⲁ ⲉϭⲓ ⲙⲡⲓϫⲱⲙ ⲟⲩⲟϩ ⲉⲁⲟⲩⲱⲛ ⲛⲛⲉϥⲧⲉⲃⲥ ϫⲉⲁⲩϧⲉⲗϧⲱⲗⲕ ⲟⲩⲟϩ ⲁⲕϣⲟⲡⲧⲉⲛ ⲙⲫⲛⲟⲩϯ ⲛϩⲣⲏⲓ ϧⲉⲛⲡⲉⲕⲥⲛⲟϥ ⲉⲃⲟⲗ ϧⲉⲛⲫⲩⲗⲏ ⲛⲓⲃⲉⲛ ⲛⲉⲙⲗⲁⲥ ⲛⲓⲃⲉⲛ ⲛⲉⲙϣⲗⲟⲗ ⲛⲓⲃⲉⲛ ⲛⲉⲙⲗⲁⲟⲥ ⲛⲓⲃⲉⲛ
They sang a new song, saying, 'You are worthy to take the book, and to open its seals: for you were killed, and bought us for God with your blood, out of every tribe, language, people, and nation,
5.10
ⲟⲩⲟϩ ⲁⲕⲑⲁⲙⲓⲱⲟⲩ ⲙⲡⲉⲛⲛⲟⲩϯ ⲛⲟⲩⲙⲉⲧⲟⲩⲣⲟ ⲛⲉⲙϩⲁⲛⲟⲩⲏⲃ ⲟⲩⲟϩ ⲉⲩⲉⲉⲣⲟⲩⲣⲟ ϩⲓϫⲉⲛⲡⲓⲕⲁϩⲓ .
and made us kings and priests to our God, and we will reign on earth.'
5.11
ⲟⲩⲟϩ ⲁⲓⲛⲁⲩ ⲟⲩⲟϩ ⲁⲓⲥⲱⲧⲉⲙ ⲉⲧⲥⲙⲏ ⲛⲟⲩⲙⲏϣ ⲛⲁⲅⲅⲉⲗⲟⲥ ⲙⲡⲕⲱϯ ⲙⲡⲓⲑⲣⲟⲛⲟⲥ ⲛⲉⲙⲛⲓⲍⲱⲟⲛ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲟⲩⲟϩ ⲛⲉⲧⲟⲩⲏⲡⲓ ⲛⲉϩⲁⲛⲑⲃⲁ ⲛϩⲁⲛⲑⲃⲁ ⲛⲉⲛⲉⲙ ϩⲁⲛⲁⲛϣⲟ ⲛϩⲁⲛⲁⲛϣⲟ
I saw, and I heard something like a voice of many angels around the throne, the living creatures, and the elders; and the number of them was ten thousands of ten thousands, and thousands of thousands;
5.12
ⲉⲩϫⲱ ⲙⲙⲟⲥ ϧⲉⲛⲟⲩⲛⲓϣϯ ⲛϧⲣⲱⲟⲩ ϫⲉϥⲉⲙⲡϣⲁ ⲛϫⲉⲡⲓϩⲓⲏⲃ ⲉⲧϧⲉⲗϧⲱⲗ ⲉϭⲓ ⲛϯϫⲟⲙ ⲛⲉⲙϯⲙⲉⲧⲟⲩⲣⲟ ⲛⲉⲙϯⲥⲟⲫⲓⲁ ⲛⲉⲙⲡⲓⲧⲁⲓⲟ ⲛⲉⲙⲡⲓⲱⲟⲩ ⲛⲉⲙⲡⲓⲥⲙⲟⲩ .
saying with a loud voice, 'Worthy is the Lamb who has been killed to receive the power, wealth, wisdom, strength, honor, glory, and blessing!'
5.13
ⲟⲩⲟϩ ⲥⲱⲛⲧ ⲛⲓⲃⲉⲛ ⲉⲧϧⲉⲛⲧⲫⲉ ⲛⲉⲙϩⲓϫⲉⲛⲡⲕⲁϩⲓ ⲛⲉⲙⲛⲏ ⲉⲧϣⲟⲡ ϧⲉⲛⲡⲓⲟⲙ ⲛⲉⲙⲛⲏ ⲧⲏⲣⲟⲩ ⲉⲧⲉⲛϧⲣⲏⲓ ⲛϧⲏⲧⲟⲩ ⲟⲩⲟϩ ⲁⲓⲥⲱⲧⲉⲙ ⲉⲣⲱⲟⲩ ⲉⲩϫⲱ ⲙⲙⲟⲥ ⲙⲫⲏ ⲉⲧϩⲉⲙⲥⲓ ϩⲓϫⲉⲛⲡⲓⲑⲣⲟⲛⲟⲥ ϫⲉⲡⲓⲥⲙⲟⲩ ⲫⲱⲕ ⲡⲉ ⲛⲉⲙⲡⲓⲱⲟⲩ ⲛⲉⲙⲡⲓⲧⲁⲓⲟ ⲛⲉⲙⲡⲓⲁⲙⲁϩⲓ ϣⲁⲉⲛⲉϩ ⲛⲧⲉⲛⲓⲉⲛⲉϩ .
I heard every created thing which is in heaven, on the earth, under the earth, on the sea, and everything in them, saying, 'To him who sits on the throne, and to the Lamb be the blessing, the honor, the glory, and the dominion, forever and ever! Amen!'
5.14
ⲟⲩⲟϩ ⲡⲓⲇ ⲛⲍⲱⲟⲛ ⲉⲩϫⲱ ⲙⲙⲟⲥ ϫⲉⲁⲙⲏⲛ ⲟⲩⲟϩ ⲛⲓⲡⲣⲉⲥⲃⲩⲧⲉⲣⲟⲥ ⲁⲩϩⲓⲧⲟⲩ ⲉϫⲉⲛⲡⲟⲩϩⲟ ⲁⲩⲟⲩⲱϣⲧ .
The four living creatures said, 'Amen!' The
6.1
ⲙⲉⲛⲁⲛⲥⲁ ⲛⲁⲓ ⲁⲓⲛⲁⲩ ϩⲟⲧⲉ ⲉⲧⲁϥⲟⲩⲱⲛ ⲛϫⲉⲡⲓϩⲓⲏⲃ ⲛⲟⲩⲓ ⲛⲛⲓⲧⲉⲃⲥ ⲁⲓⲥⲱⲧⲉⲙ ⲉⲟⲩⲁⲓ ⲙⲡⲓⲇ ⲛⲍⲱⲟⲛ ⲉϥϫⲱ ⲙⲙⲟⲥ ⲙⲫⲣⲏϯ ⲛⲧⲥⲙⲏ ⲛⲟⲩϧⲁⲣⲁⲃⲁⲓ ϫⲉⲁⲙⲟⲩ .
I saw that the Lamb opened one of the seven seals, and I heard one of the four living creatures saying, as with a voice of thunder, 'Come and see!'
6.2
ⲟⲩⲟϩ ⲁⲓⲛⲁⲩ ϩⲏⲡⲡⲉ ⲓⲥ ⲟⲩϩⲑⲟ ⲉϥⲟⲩⲱⲃϣ ⲟⲩⲟϩ ⲫⲏ ⲉⲧϩⲉⲙⲥⲓ ϩⲓϫⲱϥ ⲉⲟⲩⲟⲛ ⲟⲩⲫⲓϯ ⲛⲧⲟⲧϥ ⲟⲩⲟϩ ⲁⲩϯ ⲛⲁϥ ⲛⲟⲩⲭⲗⲟⲙ ⲁϥⲓ ⲉⲃⲟⲗ ⲉϥϭⲣⲏⲟⲩⲧ ⲟⲩⲟϩ ⲁϥϭⲣⲟ .
And behold, a white horse, and he who sat on it had a bow. A crown was given to him, and he came forth conquering, and to conquer.
6.3
ⲉⲧⲁϥⲟⲩⲱⲛ ⲇⲉ ⲛϯⲧⲉⲃⲥ ⲙⲙⲁϩⲥⲛⲟⲩϯ ⲁⲓⲥⲱⲧⲉⲙ ⲉⲡⲓⲍⲱⲟⲛ ⲙⲙⲁϩⲃ ⲉϥϫⲱ ⲙⲙⲟⲥ ϫⲉⲁⲙⲟⲩ .
When he opened the second seal, I heard the second living creature saying, 'Come!'
6.4
ⲟⲩⲟϩ ⲁⲓⲛⲁⲩ ⲁϥⲓ ⲉⲃⲟⲗ ⲛϫⲉⲟⲩϩⲑⲟ ⲛⲁⲟⲩⲁⲛ ⲛⲭⲣⲱⲙ ⲧⲏⲣϥ ⲟⲩⲟϩ ⲫⲏ ⲉⲧϩⲉⲙⲥⲓ ϩⲓϫⲱϥ ⲁⲩϯ ⲛⲁϥ ⲉⲱⲗⲓ ⲛϯϩⲓⲣⲏⲛⲏ ⲉⲃⲟⲗ ϩⲓϫⲉⲛⲡⲕⲁϩⲓ ⲧⲏⲣϥ ϩⲓⲛⲁ ⲛⲥⲉϧⲟⲗϧⲉⲗ ⲛⲛⲟⲩⲉⲣⲏ ⲟⲩ ⲟⲩⲟϩ ⲁⲩϯ ⲛⲟⲩⲛⲓϣϯ ⲛⲥⲏϥⲓ ⲛⲁϥ .
Another came forth, a red horse. To him who sat on it was given power to take peace from the earth, and that they should kill one another. There was given to him a great sword.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.