Galatians (Bohairic Coptic)

Coptic New Testament (Bohairic) · 149 sections

4.27
ⲥⲥϧⲏⲟⲩⲧ ⲅⲁⲣ ϫⲉⲟⲩⲛⲟϥ ⲙⲙⲟ ϯⲁϭⲣⲏⲛ ⲑⲏ ⲉⲧⲉⲙⲡⲁⲥⲙⲓⲥⲓ ⲫⲱϫⲓ ⲟⲩⲟϩ ⲱϣ ⲉⲃⲟⲗ ⲑⲏ ⲉⲧⲉⲙⲡⲁⲥϯⲛⲁⲕϩⲓ ϫⲉⲛⲁϣⲉ ⲛⲓϣⲏ ⲣⲓ ⲛⲧⲉϯϣⲁϥⲏ ⲙⲁⲗⲗⲟⲛ ⲉϩⲟⲧⲉ ⲑⲏ ⲉⲧⲉⲟⲩⲟⲛⲧⲁⲥ ⲙⲡⲓϩⲁⲓ ⲙⲙⲁⲩ .
For it is written, 'Rejoice, you barren who don't bear. Break forth and shout, you that don't travail. For more are the children of the desolate than of her who has a husband.'
4.28
ⲁⲛⲟⲛ ⲇⲉ ⲛⲉⲛⲥⲛⲏⲟⲩ ⲕⲁⲧⲁⲓⲥⲁⲁⲕ ⲁⲛⲟⲛ ϩⲁⲛϣⲏⲣⲓ ⲛⲧⲉϯⲉⲡⲁⲅⲅⲉⲗⲓⲁ
Now we, brothers, as Isaac was, are children of promise.
4.29
ⲁⲗⲗⲁ ⲙⲫⲣⲏϯ ⲙⲡⲓⲥⲏⲟⲩ ⲉⲧⲧⲏ ⲛⲁⲣⲉⲡⲓⲙⲓⲥⲓ ⲕⲁⲧⲁⲥⲁⲣⲝ ϭⲟϫⲓ ⲛⲥⲁⲡⲓⲙⲓⲥⲓ ⲕⲁⲧⲁⲡⲓⲡⲛⲉⲩⲙⲁⲡⲁⲓⲣⲏϯ ⲟⲛ ϯⲛⲟⲩ .
But as then, he who was born according to the flesh persecuted him who was born according to the Spirit, so also it is now.
4.30
ⲁⲗⲗⲁ ⲟⲩ ⲡⲉ ⲉⲧⲉϯⲅⲣⲁⲫⲏ ϫⲱ ⲙⲙⲟϥ ϩⲓⲟⲩⲓ ⲛⲧⲁⲓⲃⲱⲕⲓ ⲉⲃⲟⲗ ⲛⲉⲙⲡⲉⲥϣⲏ ⲣⲓ ⲛⲛⲉ ⲡϣⲏⲣⲓ ⲅⲁⲣ ⲛϯⲃⲱⲕⲓ ⲉⲣⲕⲗⲏ ⲣⲟⲛⲟⲙⲓⲛ ⲛⲉⲙⲡϣⲏⲣⲓ ⲛϯⲣⲉⲙϩⲉ .
However what does the Scripture say? 'Throw out the handmaid and her son, for the son of the handmaid will not inherit with the son of the free woman.'
4.31
ⲁⲛⲟⲛ ⲇⲉ ⲛⲉⲛⲥⲛⲏⲟⲩ ⲁⲛⲟⲛ ⲛⲉⲛϣⲏⲣⲓ ⲛϯⲃⲱⲕⲓ ⲁⲛ ⲁⲗⲗⲁ ϯⲣⲉⲙϩⲉ
So then, brothers, we are not children of a handmaid, but of the free woman.
5.1
ⲛϩⲣⲏⲓ ⲅⲁⲣ ϧⲉⲛϯⲙⲉⲧⲣⲉⲙϩⲉ ⲁⲡⲭⲣⲓⲥⲧⲟⲥ ⲁⲓⲧⲉⲛ ⲛⲣⲉⲙϩⲉ ⲟϩⲓ ⲟⲩⲛ ⲉⲣⲁⲧⲉⲛ ⲑⲏⲛⲟⲩ ⲟⲩⲟϩ ⲙⲡⲉⲣϯ ⲑⲏⲛⲟⲩ ϧⲁⲟⲩⲛⲁϩⲃⲉϥ ⲙⲙⲉⲧⲃⲱⲕ .
Stand firm therefore in the liberty by which Christ has made us free, and don't be entangled again with a yoke of bondage.
5.2
ⲓⲥ ϩⲏⲡⲡⲉ ⲁⲛⲟⲕ ⲡⲁⲩⲗⲟⲥ ϯϫⲱ ⲙⲙⲟⲥ ⲛⲱⲧⲉⲛ ϫⲉⲉϣⲱⲡ ⲁⲣⲉⲧⲉⲛϣⲁⲛ ⲥⲟⲩⲃⲉ ⲑⲏⲛⲟⲩ ⲡⲭⲣⲓⲥⲧⲟⲥ ⲛⲁϯϩⲏⲟⲩ ⲛⲱⲧⲉⲛ ⲁⲛ ⲛϩⲗⲓ .
Behold, I, Paul, tell you that if you receive circumcision, Christ will profit you nothing.
5.3
ϯⲉⲣⲙⲉⲑⲣⲉ ⲇⲉ ⲟⲛ ⲛⲣⲱⲙⲓ ⲛⲓⲃⲉⲛ ⲉⲧⲥⲉⲃⲓ ⲙⲙⲟϥ ϫⲉⲥⲉⲣⲟϥ ⲉⲉⲣ ⲫⲛⲟⲙⲟⲥ ⲧⲏⲣϥ .
Yes, I testify again to every man who receives circumcision, that he is a debtor to do the whole law.
5.4
ⲁⲧⲉⲧⲉⲛⲕⲱⲣϥ ⲉⲃⲟⲗ ϩⲁⲡⲭⲣⲓⲥⲧⲟⲥ ⲛⲏ ⲉⲧⲑⲙⲁⲓⲟ ⲙⲙⲱⲟⲩ ϧⲉⲛⲡⲓⲛⲟⲙⲟⲥ ⲁⲧⲉⲧⲉⲛϩⲉⲓ ⲉⲃⲟⲗ ϧⲉⲛⲡⲓϩⲙⲟⲧ .
You are alienated from Christ, you who desire to be justified by the law. You have fallen away from grace.
5.5
ⲁⲛⲟⲛ ⲅⲁⲣ ϧⲉⲛⲡⲓⲡⲛⲉⲩⲙⲁⲉⲃⲟⲗ ϧⲉⲛⲟⲩⲛⲁϩϯ ⲟⲩϩⲉⲗⲡⲓⲥ ⲛⲧⲉⲟⲩⲙⲉⲑⲙⲏⲓ ⲉⲧⲉⲛϫⲟⲩϣⲧ ⲉⲃⲟⲗ ϧⲁϫⲱⲥ .
For we, through the Spirit, by faith wait for the hope of righteousness.
5.6
ⲛϩⲣⲏⲓ ⲅⲁⲣ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲟⲩⲇⲉ ⲡⲥⲉⲃⲓ ⲙⲙⲟⲛ ϣϫⲟⲙ ⲙⲙⲟϥ ⲟⲩⲇⲉ ϯⲙⲉⲧⲁⲧⲥⲉⲃⲓ ⲁⲗⲗⲁ ⲟⲩⲛⲁϩϯ ⲉⲩⲉⲣϩⲱⲃ ⲉⲣⲟϥ ⲉⲃⲟⲗ ϩⲓⲧⲉⲛϯⲁⲅⲁⲡⲏ .
For in Christ Jesus neither circumcision amounts to anything, nor uncircumcision, but faith working through love.
5.7
ⲛⲁⲣⲉⲧⲉⲛϭⲟϫⲓ ⲇⲉ ⲛⲕⲁⲗⲱⲥ ⲛⲓⲙ ⲡⲉⲧⲁϥⲧⲁϩⲛⲟ ⲙⲙⲱⲧⲉⲛ ⲉϣⲧⲉⲙⲧⲣⲉ ⲡⲉⲧⲉⲛϩⲏⲧ ⲑⲱⲧ ⲛⲉⲙⲧⲙⲏⲓ .
You were running well! Who interfered with you that you should not obey the truth?
5.8
ⲡⲁⲓⲑⲱⲧ ⲛϩⲏⲧ ⲛⲟⲩⲉⲃⲟⲗ ϧⲉⲛⲡⲉⲧⲑⲱϩⲉⲙ ⲙⲙⲱⲧⲉⲛ ⲁⲛ ⲡⲉ .
This persuasion is not from him who calls you.
5.9
ⲟⲩⲕⲟⲩϫⲓ ⲛϣⲉⲙⲏⲣ ϣⲁϥⲑⲣⲉ ⲡⲓⲱϣⲉⲙ ⲧⲏⲣϥ ϭⲓϣⲉⲙⲏⲣ .
A little yeast grows through the whole lump.
5.10
ⲁⲛⲟⲕ ⲅⲁⲣ ⲡⲁϩⲏⲧ ⲑⲏⲧ ⲉϫⲉⲛⲑⲏⲛⲟⲩ ϧⲉⲛⲡϭⲟⲓⲥ ϫⲉⲧⲉⲧⲉⲛⲛⲁⲙⲉⲩⲓ ⲁⲛ ⲉⲕⲉϩⲱⲃ ⲫⲏ ⲇⲉ ⲉⲧϣⲑⲟⲣⲧⲉⲣ ⲙⲙⲱⲧⲉⲛ ⲉϥϥⲁⲓ ϧⲁⲡⲓϩⲁⲡ ⲫⲏ ⲉⲧⲉⲛⲑⲟϥ ⲡⲉ .
I have confidence toward you in the Lord that you will think no other way. But he who troubles you will bear his judgment, whoever he is.
5.11
ⲁⲛⲟⲕ ⲇⲉ ⲛⲁⲥⲛⲏⲟⲩ ⲓⲥϫⲉ ⲟⲩⲥⲉⲃⲓ ⲟⲛ ⲡⲉϯϩⲓⲱⲓϣ ⲙⲙⲟϥ ⲓⲉ ⲉⲑⲃⲉⲟⲩ ⲥⲉϭⲟϫⲓ ⲛⲥⲱⲓ ϩⲁⲣⲁ ⲁϥⲕⲱⲣϥ ⲛϫⲉⲡⲓⲥⲕⲁⲛⲇⲁⲗⲟⲛ ⲛⲧⲉⲡⲓⲥⲧⲁⲩⲣⲟⲥ ⲛⲧⲉⲡⲭⲣⲓⲥⲧⲟⲥ .
But I, brothers, if I still preach circumcision, why am I still persecuted? Then the stumbling block of the cross has been removed.
5.12
ⲁⲙⲟⲓ ⲛⲥⲉϫⲱϫⲓ ⲉⲃⲟⲗ ⲛϫⲉⲛⲏ ⲉⲧϣⲑⲟⲣⲧⲉⲣ ⲙⲙⲱⲧⲉⲛ .
I wish that those who disturb you would cut themselves off.
5.13
ⲛⲑⲱⲧⲉⲛ ⲅⲁⲣ ⲛⲁⲥⲛⲏⲟⲩ ⲁⲩⲑⲁϩⲉⲙ ⲑⲏⲛⲟⲩ ⲉⲩⲙⲉⲧⲣⲉⲙϩⲉ ⲙⲟⲛⲟⲛ ⲙⲡⲉⲣⲓⲛⲓ ⲛϯⲙⲉⲧⲣⲉⲙϩⲉ ⲉϧⲟⲩⲛ ϧⲉⲛⲟⲩⲗⲱⲓϫⲓ ⲛⲧⲉϯⲥⲁⲣⲝ ⲁⲗⲗⲁ ⲉⲃⲟⲗ ϩⲓⲧⲉⲛϯⲁⲅⲁⲡⲏ ⲁⲣⲓⲃⲱⲕ ⲛⲛⲉⲧⲉⲛⲉⲣⲏⲟⲩ .
For you, brothers, were called for freedom. Only don't use your freedom for gain to the flesh, but through love be servants to one another.
5.14
ⲡⲓⲛⲟⲙⲟⲥ ⲅⲁⲣ ⲧⲏⲣϥ ⲁϥϫⲏⲕ ⲉⲃⲟⲗ ϧⲉⲛⲟⲩⲥⲁϫⲓ ⲛⲟⲩⲱⲧ ϧⲉⲛⲫⲙⲉⲛⲣⲉ ⲡⲉⲕϣⲫⲏ ⲣⲙⲡⲉⲕⲣⲏϯ .
For the whole law is fulfilled in one word, in this: 'You shall love your neighbor as yourself.'
5.15
ⲓⲥϫⲉ ⲇⲉ ⲧⲉⲧⲉⲛϭⲓⲗⲁⲡⲥⲓ ⲉⲛⲉⲧⲉⲛⲉⲣⲏ ⲟⲩ ⲟⲩⲟϩ ⲧⲉⲧⲉⲛⲟⲩⲱⲙ ⲁⲛⲁⲩ ⲙⲏⲡⲱⲥ ⲛⲧⲉⲧⲉⲛⲙⲟⲩⲛⲕ ⲉⲃⲟⲗ ϩⲓⲧⲉⲛⲛⲉⲧⲉⲛⲉⲣⲏⲟⲩ .
But if you bite and devour one another, be careful that you don't consume one another.
5.16
ϯϫⲱ ⲇⲉ ⲙⲙⲟⲥ ϫⲉⲙⲟϣⲓ ϧⲉⲛⲡⲓⲡⲛⲉⲩⲙⲁⲟⲩⲟϩ ϯⲉⲡⲓⲑⲩⲙⲓⲁ ⲛⲛⲉⲧⲉⲛⲥⲁⲣⲝ ⲛⲛⲉⲧⲉⲛϫⲟⲕⲥ ⲉⲃⲟⲗ .
But I say, walk by the Spirit, and you won't fulfill the lust of the flesh.
5.17
ϯⲥⲁⲣⲝ ⲅⲁⲣ ⲥⲉⲣⲉⲡⲓⲑⲩⲙⲓⲛ ⲟⲩⲃⲉ ⲡⲓⲡⲛⲉⲩⲙⲁⲡⲓⲡⲛⲉⲩⲙⲁⲇⲉ ⲟⲩⲃⲉ ϯⲥⲁⲣⲝ ⲛⲁⲓ ⲅⲁⲣ ⲥⲉϯ ⲉϧⲟⲩⲛ ⲉϩⲣⲉⲛⲛⲟⲩⲉⲣⲏⲟⲩ ϩⲓⲛⲁ ⲛⲏ ⲉⲧⲉⲧⲉⲛⲟⲩⲁϣⲟⲩ ⲛⲁⲓ ⲛⲧⲉⲧⲉⲛϣⲧⲉⲙⲁⲓⲧⲟⲩ .
For the flesh lusts against the Spirit, and the Spirit against the flesh; and these are contrary to one another, that you may not do the things that you desire.
5.18
ⲓⲥϫⲉ ⲇⲉ ⲁⲣⲉⲧⲉⲛⲙⲟϣⲓ ϧⲉⲛⲡⲓⲡⲛⲉⲩⲙⲁⲓⲉ ⲁⲣⲉⲧⲉⲛⲭⲏ ϧⲁⲫⲛⲟⲙⲟⲥ ⲁⲛ ϫⲉ .
But if you are led by the Spirit, you are not under the law.
5.19
ⲥⲉⲟⲩⲱⲛϩ ⲇⲉ ⲉⲃⲟⲗ ⲛϫⲉⲛⲓϩⲃⲏⲟⲩⲓ ⲛⲧⲉϯⲥⲁⲣⲝ ⲉⲧⲉⲛⲁⲓ ⲛⲉϯⲡⲟⲣⲛⲉⲓⲁ ⲡⲓϭⲱϧⲉⲙ ⲡⲓⲥⲱϥ .
Now the works of the flesh are obvious, which are: adultery, sexual immorality, uncleanness, lustfulness,
5.20
ϯⲙⲉⲧϣⲁⲙϣⲉ ⲓⲇⲱⲗⲟⲛ ϯⲙⲉⲧⲣⲉϥϯⲫⲁϧⲣⲓ ⲛⲓⲙⲉⲧϫⲁϫⲓ ⲛⲓϣϭⲛⲏⲛ ⲛⲓⲭⲟϩ ⲛⲓⲙⲃⲟⲛ ⲛⲓϫⲉⲣϫⲉⲣ ⲛⲓⲫⲱⲣϫ ⲛⲓⲙⲉⲧϩⲉⲣⲉⲥⲓⲥ .
idolatry, sorcery, hatred, strife, jealousies, outbursts of anger, rivalries, divisions, heresies,
5.21
ⲛⲓⲫⲑⲟⲛⲟⲥ ⲛⲓϧⲱⲧⲉⲃ ⲛⲓⲑⲓϧⲓ ⲛⲓϣⲉⲣϣⲓ ⲛⲉⲙⲛⲏ ⲉⲧⲟⲛⲓ ⲛⲛⲁⲓ ⲛⲁⲓ ⲉϯⲉⲣϣⲟⲣⲡ ⲛϫⲱ ⲙⲙⲱⲟⲩ ⲛⲱⲧⲉⲛ ⲕⲁⲧⲁⲫⲣⲏϯ ⲟⲛ ⲉⲧⲁⲓⲉⲣϣⲟⲣⲡ ⲛϫⲟⲥ ϫⲉⲛⲏ ⲉⲧⲓⲣⲓ ⲛⲛⲁⲓ ⲙⲡⲁⲓⲣⲏϯ ϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲥⲉⲛⲁⲉⲣⲕⲗⲏⲣⲟⲛⲟⲙⲓⲛ ⲙⲙⲟⲥ ⲁⲛ .
envyings, murders, drunkenness, orgies, and things like these; of which I forewarn you, even as I also forewarned you, that those who practice such things will not inherit the Kingdom of God.
5.22
ⲡⲟⲩⲧⲁϩ ⲇⲉ ⲛⲧⲉⲡⲓⲡⲛⲉⲩⲙⲁⲫⲁⲓ ⲡⲉ ⲟⲩⲁⲅⲁⲡⲏ ⲟⲩⲣⲁϣⲓ ⲟⲩϩⲓⲣⲏⲛⲏ ⲟⲩⲙⲉⲧⲣⲉϥⲱⲟⲩ ⲛϩⲏⲧ ⲟⲩⲙⲉⲧⲭⲣⲓⲥⲧⲟⲥ ⲟⲩⲙⲉⲧⲁⲅⲁⲑⲟⲥ ⲟⲩⲛⲁϩϯ .
But the fruit of the Spirit is love, joy, peace, patience, kindness, goodness, faith,
5.23
ⲟⲩⲙⲉⲧⲣⲉⲙⲣⲁⲩϣ ⲟⲩⲉⲅⲕⲣⲁⲧⲓⲁ ⲛⲁⲓ ⲙⲡⲁⲓⲣⲏϯ ⲙⲙⲟⲛ ⲛⲟⲙⲟⲥ ϯⲟⲩⲃⲏⲟⲩ .
gentleness, and self-control. Against such things there is no law.
5.24
ⲛⲏ ⲇⲉ ⲛⲧⲉⲡⲭⲣⲓⲥⲧⲟⲥ ⲓⲏⲥⲟⲩⲥ ⲁⲩⲓϣⲓ ⲛⲧⲟⲩⲥⲁⲣⲝ ⲛⲉⲙⲛⲉⲥⲡⲁⲑⲟⲥ ⲛⲉⲙⲛⲉⲥⲉⲡⲓⲑⲩⲙⲓⲁ .
Those who belong to Christ have crucified the flesh with its passions and lusts.
5.25
ⲓⲥϫⲉ ⲇⲉ ⲧⲉⲛⲱⲛϧ ϧⲉⲛⲡⲓⲡⲛⲉⲩⲙⲁⲓⲉ ⲙⲁⲣⲉⲛϯⲙⲁϯ ⲟⲛ ⲛⲉⲙⲡⲓⲡⲛⲉⲩⲙⲁ .
If we live by the Spirit, let's also walk by the Spirit.
5.26
ⲙⲡⲉⲛⲑⲣⲉⲛϣⲱⲡⲓ ϧⲉⲛⲟⲩⲙⲉⲧⲙⲁⲓⲱⲟⲩ ⲉϥϣⲟⲩⲓⲧ ⲉⲛⲥⲱⲕ ⲛⲛⲉⲛⲉⲣⲏⲟⲩ ⲉⲡϯ ⲉⲛⲉⲣⲫⲑⲟⲛⲟⲥ ⲛⲛⲉⲛⲉⲣⲏⲟⲩ .
Let's not become conceited, provoking one another, and envying one another.
6.1
ⲛⲁⲥⲛⲏⲟⲩ ⲉϣⲱⲡ ⲁⲣⲉϣⲁⲛ ⲧⲟⲧϥ ⲛⲟⲩⲣⲱⲙⲓ ϣⲉ ϧⲉⲛⲡⲁⲣⲁⲡⲧⲱⲙⲁ ⲛⲑⲱⲧⲉⲛ ϧⲁⲛⲓⲡⲛⲉⲩⲙⲁⲧⲓⲕⲟⲥ ⲥⲉⲃⲧⲉ ⲫⲁⲓ ⲙⲡⲁⲓⲣⲏϯ ϧⲉⲛⲟⲩⲡⲛⲉⲩⲙⲁⲙⲙⲉⲧⲣⲉⲙⲣⲁⲩϣ ⲉⲕⲙⲟⲩϣⲧ ⲙⲙⲟⲕ ϩⲱⲕ ⲙⲏⲡⲱⲥ ⲛⲥⲉⲉⲣⲡⲓⲣⲁⲍⲓⲛ ⲙⲙⲟⲕ .
Brothers, even if a man is caught in some fault, you who are spiritual must restore such a one in a spirit of gentleness; looking to yourself so that you also aren't tempted.
6.2
ϥⲁⲓ ϧⲁⲛⲓⲃⲁⲣⲟⲥ ⲛⲛⲉⲧⲉⲛⲉⲣⲏⲟⲩ ⲡⲁⲓⲣⲏϯ ⲧⲉⲧⲉⲛⲛⲁϫⲏⲕ ⲡⲓⲛⲟⲙⲟⲥ ⲛⲧⲉⲡⲭⲣⲓⲥⲧⲟⲥ ⲉⲃⲟⲗ .
Bear one another's burdens, and so fulfill the law of Christ.
6.3
ⲓⲥϫⲉ ⲇⲉ ⲟⲩⲟⲛ ⲟⲩⲁⲓ ⲙⲉⲩⲓ ϫⲉⲁⲛⲟⲕ ⲡⲉ ϩⲗⲓ ⲁⲛ ⲡⲉ ⲁϥⲉⲣϩⲁⲗ ⲙⲙⲟϥ ⲙⲙⲁⲩⲁⲧϥ .
For if a man thinks himself to be something when he is nothing, he deceives himself.
6.4
ⲡⲓⲟⲩⲁⲓ ⲡⲓⲟⲩⲁⲓ ⲙⲁⲣⲉϥⲉⲣⲇⲟⲕⲓⲙⲁⲍⲓⲛ ⲙⲡⲉϥϩⲱⲃ ⲟⲩⲟϩ ⲧⲟⲧⲉ ⲉⲣⲉⲡⲉϥϣⲟⲩϣⲟⲩ ϣⲱⲡⲓ ⲛⲁϥ ⲙⲙⲁⲩⲁⲧϥ ⲟⲩⲟϩ ⲙⲡⲉϥϣⲫⲏⲣ ⲁⲛ .
But let each man test his own work, and then he will take pride in himself and not in his neighbor.
6.5
ⲡⲓⲟⲩⲁⲓ ⲅⲁⲣ ⲡⲓⲟⲩⲁⲓ ⲉϥⲉⲧⲱⲟⲩⲛ ϧⲁⲧⲉϥⲉⲧⲫⲱ ⲙⲙⲓⲛⲙⲙⲟϥ .
For each man will bear his own burden.
6.6
ⲙⲁⲣⲉ ⲡⲓⲕⲁⲑⲏⲭⲟⲩⲙⲉⲛⲟⲥ ⲉⲣϣⲫⲏⲣ ⲉⲫⲏ ⲉⲧⲉⲣⲕⲁⲑⲏⲭⲓⲛ ⲙⲙⲟϥ ⲙⲡⲓⲥⲁϫⲓ ϧⲉⲛⲡⲉⲑⲛⲁⲛⲉϥ ⲛⲓⲃⲉⲛ .
But let him who is taught in the word share all good things with him who teaches.
6.7
ⲙⲡⲉⲣⲥⲱⲣⲉⲙ ⲫⲛⲟⲩϯ ⲥⲉⲛⲁⲉⲗⲕϣⲁⲓ ⲛⲥⲱϥ ⲁⲛ ⲫⲏ ⲅⲁⲣ ⲉⲧⲉⲡⲓⲣⲱⲙⲓ ⲛⲁⲥⲁⲧϥ ⲫⲁⲓ ⲟⲛ ⲡⲉⲧⲉϥⲛⲁⲟⲥϧϥ .
Don't be deceived. God is not mocked, for whatever a man sows, that he will also reap.
6.8
ϫⲉⲫⲏ ⲉⲑⲛⲁⲥⲓϯ ⲉⲧⲉϥⲥⲁⲣⲝ ϥⲛⲁⲱⲥϧ ⲟⲛ ⲛⲧⲉϥⲥⲁⲣⲝ ⲛⲟⲩⲧⲁⲕⲟ ⲫⲏ ⲇⲉ ⲉⲧⲁϥⲥⲓϯ ⲙⲡⲓⲡⲛⲉⲩⲙⲁϥⲛⲁⲱⲥϧ ⲟⲛ ⲉⲃⲟⲗ ϧⲉⲛⲡⲓⲡⲛⲉⲩⲙⲁⲛⲟⲩⲱⲛϧ ⲛⲉⲛⲉϩ .
For he who sows to his own flesh will from the flesh reap corruption. But he who sows to the Spirit will from the Spirit reap eternal life.
6.9
ⲡⲓⲡⲉⲑⲛⲁⲛⲉϥ ⲇⲉ ⲉⲛⲓⲣⲓ ⲙⲙⲟϥ ⲙⲡⲉⲛⲑⲣⲉⲛⲉⲣⲛⲕⲁⲕⲓⲛ ϧⲉⲛⲟⲩⲥⲏⲟⲩ ⲅⲁⲣ ⲉⲫⲱⲛ ⲡⲉⲧⲉⲛⲛⲁⲱⲥϧ ⲛⲧⲉⲛⲥⲟⲣⲉⲙ ⲛϩⲏⲧ ⲁⲛ .
Let us not be weary in doing good, for we will reap in due season, if we don't give up.
6.10
ϩⲁⲣⲁ ⲟⲩⲛ ϩⲟⲥⲟⲛ ⲉⲟⲩⲟⲛ ⲟⲩⲥⲏⲟⲩ ⲛⲧⲟⲧⲉⲛ ⲙⲁⲣⲉⲛⲉⲣϩⲱⲃ ⲉⲡⲓⲡⲉⲑⲛⲁⲛⲉϥ ⲛⲉⲙⲟⲩⲟⲛ ⲛⲓⲃⲉⲛ ⲙⲁⲗⲓⲥⲧⲁ ⲇⲉ ⲛϩⲟⲩⲟ ⲛⲉⲙⲛⲓⲣⲉⲙⲛⲏⲓ ⲛⲧⲉⲫⲛⲁϩϯ .
So then, as we have opportunity, let's do what is good toward all men, and especially toward those who are of the household of the faith.
6.11
ⲁⲛⲁⲩ ϫⲉⲉⲧⲁⲓⲥϧⲁⲓ ⲛⲱⲧⲉⲛ ϧⲉⲛϩⲁⲛⲥϧⲁⲓ ⲙⲙⲁⲓⲏ ϧⲉⲛⲧⲁϫⲓϫ
See with what large letters I write to you with my own hand.
6.12
ⲛⲏ ⲉⲑⲟⲩⲱϣ ⲉϭⲓⲥⲕⲉⲛ ϩⲟ ϧⲉⲛⲧⲥⲁⲣⲝ ⲛⲁⲓ ⲉⲧⲉⲣⲁⲛⲁⲅⲕⲁⲍⲓⲛ ⲙⲙⲱⲧⲉⲛ ⲉⲥⲟⲩⲃⲉ ⲑⲏⲛⲟⲩ ⲙⲟⲛⲟⲛ ϩⲓⲛⲁ ⲛⲥⲉϣⲧⲉⲙϭⲟϫⲓ ⲛⲥⲱⲟⲩ ϧⲉⲛⲡⲓⲥⲧⲁⲩⲣⲟⲥ ⲛⲧⲉⲡⲭⲣⲓⲥⲧⲟⲥ .
As many as desire to look good in the flesh, they compel you to be circumcised; only that they may not be persecuted for the cross of Christ.
6.13
ⲟⲩⲇⲉ ⲅⲁⲣ ⲛⲑⲱⲟⲩ ϩⲱⲟⲩ ⲛⲏ ⲉⲧⲁⲩⲥⲟⲩⲃⲏ ⲧⲟⲩ ⲛⲥⲉⲁⲣⲉϩ ⲉⲡⲓⲛⲟⲙⲟⲥ ⲁⲛ ⲁⲗⲗⲁ ⲁⲩⲟⲩⲱϣ ⲉⲑⲣⲉⲧⲉⲛⲥⲟⲩⲃⲉ ⲑⲏⲛⲟⲩ ϩⲓⲛⲁ ⲛⲥⲉϣⲟⲩϣⲟⲩ ⲙⲙⲱⲟⲩ ϧⲉⲛⲧⲉⲧⲉⲛⲥⲁⲣⲝ .
For even they who receive circumcision don't keep the law themselves, but they desire to have you circumcised, that they may boast in your flesh.
6.14
ⲁⲛⲟⲕ ⲇⲉ ⲛⲛⲉⲥϣⲱⲡⲓ ⲛⲏⲓ ⲛⲧⲁϣⲟⲩϣⲟⲩ ⲙⲙⲟⲓ ⲉⲃⲏⲗ ϧⲉⲛⲡⲓⲥⲧⲁⲩⲣⲟⲥ ⲛⲧⲉⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲫⲁⲓ ⲉⲧⲉⲉⲃⲟⲗ ϩⲓⲧⲟⲧϥ ⲁⲩⲓϣⲓ ⲙⲡⲓⲕⲟⲥⲙⲟⲥ ⲛⲏⲓ ⲟⲩⲟϩ ⲁⲛⲟⲕ ϩⲱ ⲁⲩⲁϣⲧ ⲙⲡⲓⲕⲟⲥⲙⲟⲥ .
But far be it from me to boast, except in the cross of our Lord Jesus Christ, through which the world has been crucified to me, and I to the world.
6.15
ⲛϩⲣⲏⲓ ⲅⲁⲣ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲟⲩⲇⲉ ⲡⲥⲉⲃⲓ ϩⲗⲓ ⲡⲉ ⲟⲩⲇⲉ ϯⲙⲉⲧⲁⲧⲥⲉⲃⲓ ⲁⲗⲗⲁ ⲟⲩⲥⲱⲛⲧ ⲙⲃⲉⲣⲓ ⲡⲉ .
For in Christ Jesus neither is circumcision anything, nor uncircumcision, but a new creation.
6.16
ⲟⲩⲟⲛ ⲛⲓⲃⲉⲛ ⲉⲧϯⲙⲁϯ ϧⲉⲛⲡⲁⲓⲕⲁⲛⲱⲛ ⲧϩⲓⲣⲏⲛⲏ ⲉϩⲣⲏⲓ ⲉϫⲱⲟⲩ ⲛⲉⲙⲡⲓⲛⲁⲓ ⲛⲉⲙⲉϫⲉⲛⲡⲓⲥⲗ ⲛⲧⲉⲫⲛⲟⲩϯ .
As many as walk by this rule, peace and mercy be on them, and on God's Israel.
6.17
ⲡⲥⲉⲡⲓ ⲇⲉ ⲛⲛⲁⲓ ⲙⲡⲉⲛⲑⲣⲉ ϩⲗⲓ ⲟⲩⲁϩϧⲓⲥⲓ ⲉⲣⲟⲓ ⲁⲛⲟⲕ ⲅⲁⲣ ⲛⲓϣⲱⲗϩ ⲛⲧⲉⲡⲭⲣⲓⲥⲧⲟⲥ ϯϥⲁⲓ ϧⲁⲣⲱⲟⲩ ϧⲉⲛⲡⲁⲥⲱⲙⲁ .
From now on, let no one cause me any trouble, for I bear the marks of the Lord Jesus branded on my body.
6.18
ⲡϩⲙⲟⲧ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲉⲙⲡⲉⲧⲉⲛⲡⲛⲉⲩⲙⲁⲛⲁⲥⲛⲏⲟⲩ ⲁⲙⲏⲛ
The grace of our Lord Jesus Christ be with your spirit, brothers. Amen.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.