Ephesians (Bohairic Coptic)

Coptic New Testament (Bohairic) · 155 sections

5.3
ϯⲡⲟⲣⲛⲉⲓⲁ ⲇⲉ ⲛⲉⲙϭⲱϧⲉⲙ ⲛⲓⲃⲉⲛ ⲓⲉ ⲟⲩⲙⲉⲧⲣⲉϥϭⲓⲛϫⲟⲛⲥ ⲙⲡⲉⲛⲑⲣⲟⲩϫⲉ ⲡⲉⲥⲣⲁⲛ ϧⲉⲛⲑⲏⲛⲟⲩ ⲕⲁⲧⲁⲫⲣⲏϯ ⲉⲧⲥⲉⲙⲡϣⲁ ⲛⲛⲓϩⲁⲅⲓⲟⲥ .
But sexual immorality, and all uncleanness, or covetousness, let it not even be mentioned among you, as becomes saints;
5.4
ⲛⲓⲥⲁϫⲓ ⲉⲧϣⲟⲩⲓⲧ ⲛⲉⲙⲛⲓⲥⲁϫⲓ ⲙⲙⲉⲧⲥⲟϫ ⲓⲉ ϯⲙⲉⲧⲉⲩⲧⲣⲁⲡⲉⲗⲟⲥ ⲛⲁⲓ ⲉⲧⲥⲉⲙⲡϣⲁ ⲛⲁⲓⲧⲟⲩ ⲁⲛ ⲁⲗⲗⲁ ⲙⲁⲗⲗⲟⲛ ⲟⲩϣⲉⲡϩⲙⲟⲧ .
nor filthiness, nor foolish talking, nor jesting, which are not appropriate; but rather giving of thanks.
5.5
ⲫⲁⲓ ⲅⲁⲣ ⲉⲣⲉⲧⲉⲛⲉⲙⲓ ⲉⲣⲟϥ ⲟⲩⲟϩ ⲉⲣⲉⲧⲉⲛⲥⲱⲟⲩⲛ ⲙⲙⲟϥ ϫⲉⲡⲟⲣⲛⲟⲥ ⲛⲓⲃⲉⲛ ⲓⲉ ⲁⲕⲁⲑⲁⲣⲧⲟⲥ ⲛⲓⲃⲉⲛ ⲓⲉ ⲣⲉϥϭⲓⲛϫⲟⲛⲥ ⲛⲓⲃⲉⲛ ⲉⲧⲉϯⲙⲉⲧϣⲁⲙϣⲉ ⲓⲇⲱⲗⲟⲛ ⲧⲉ ⲙⲙⲟⲛⲧⲉϥ ⲕⲗⲏ ⲣⲟⲛⲟⲙⲓⲁ ⲙⲙⲁⲩ ϧⲉⲛϯⲙⲉⲧⲟⲩⲣⲟ ⲛⲧⲉⲡⲭⲣⲓⲥⲧⲟⲥ ⲛⲉⲙⲫⲛⲟⲩϯ .
Know this for sure, that no sexually immoral person, nor unclean person, nor covetous man, who is an idolater, has any inheritance in the Kingdom of Christ and God.
5.6
ⲙⲡⲉⲛⲑⲣⲉ ϩⲗⲓ ⲉⲣϩⲁⲗ ⲙⲙⲱⲧⲉⲛ ϧⲉⲛϩⲁⲛⲥⲁϫⲓ ⲉⲩϣⲟⲩⲓⲧ ⲉⲑⲃⲉⲛⲁⲓ ⲅⲁⲣ ϥⲛⲏⲟⲩ ⲛϫⲉⲡⲓϫⲱⲛⲧ ⲛⲧⲉⲫⲛⲟⲩϯ ⲉϩⲣⲏⲓ ⲉϫⲉⲛⲛⲓϣⲏⲣⲓ ⲛⲧⲉϯⲙⲉⲧⲁⲧⲑⲱⲧ ⲛϩⲏⲧ .
Let no one deceive you with empty words. For because of these things, the wrath of God comes on the children of disobedience.
5.7
ⲙⲡⲉⲣϣⲱⲡⲓ ⲟⲩⲛ ⲉⲣⲉⲧⲉⲛⲟⲓ ⲛϣⲫⲏⲣ ⲉⲣⲱⲟⲩ .
Therefore don't be partakers with them.
5.8
ⲛⲁⲣⲉⲧⲉⲛⲟⲓ ⲅⲁⲣ ⲛⲭⲁⲕⲓ ⲛⲟⲩⲥⲏⲟⲩ ϯⲛⲟⲩ ⲇⲉ ⲟⲩⲟⲩⲱⲓⲛⲓ ϧⲉⲛⲡϭⲟⲓⲥ ⲙⲟϣⲓ ϩⲱⲥ ϩⲁⲛϣⲏⲣⲓ ⲛⲧⲉⲡⲓⲟⲩⲱⲓⲛⲓ .
For you were once darkness, but are now light in the Lord. Walk as children of light,
5.9
ⲡⲟⲩⲧⲁϩ ⲅⲁⲣ ⲛⲧⲉⲡⲓⲟⲩⲱⲓⲛⲓ ⲁϥⲛϩⲣⲏⲓ ϧⲉⲛⲡⲉⲑⲛⲁⲛⲉϥ ⲛⲓⲃⲉⲛ ⲛⲉⲙⲟⲩⲇⲓⲕⲉⲟⲥⲩⲛⲏ ⲛⲉⲙⲟⲩⲙⲉⲑⲙⲏⲓ .
for the fruit of the Spirit is in all goodness and righteousness and truth,
5.10
ⲉⲣⲉⲧⲉⲛⲉⲣⲇⲟⲕⲓⲙⲁⲍⲓⲛ ϫⲉⲟⲩ ⲡⲉⲑⲣⲁⲛⲁϥ ⲙⲡϭⲟⲓⲥ .
proving what is well pleasing to the Lord.
5.11
ⲟⲩⲟϩ ⲙⲡⲉⲣⲉⲣϣⲫⲏⲣ ⲉⲛⲓϩⲃⲏⲟⲩⲓ ⲛⲁⲧⲟⲩⲧⲁϩ ⲛⲧⲉⲡⲭⲁⲕⲓ ⲙⲁⲗⲗⲟⲛ ⲇⲉ ⲟⲩⲟϩ ⲥⲟϩⲓ .
Have no fellowship with the unfruitful works of darkness, but rather even reprove them.
5.12
ⲛⲉⲧⲟⲩⲣⲁ ⲙⲙⲱⲟⲩ ⲅⲁⲣ ⲛⲭⲱⲡ ⲟⲩϣⲓⲡⲓ ⲡⲉ ⲉⲉⲣⲡⲕⲉϫⲟⲧⲟⲩ .
For the things which are done by them in secret, it is a shame even to speak of.
5.13
ϩⲱⲃ ⲛⲓⲃⲉⲛ ⲉϣⲁⲣⲉ ⲡⲓⲟⲩⲱⲓⲛⲓ ⲥⲁϩⲱⲟⲩ ϣⲁⲩⲟⲩⲱⲛϩ ⲉⲃⲟⲗ ϩⲱⲃ ⲅⲁⲣ ⲛⲓⲃⲉⲛ ⲉⲑⲟⲩⲟⲛϩ ⲉⲃⲟⲗ ⲟⲩⲟⲩⲱⲓⲛⲓ ⲡⲉ .
But all things, when they are reproved, are revealed by the light, for everything that reveals is light.
5.14
ⲉⲑⲃⲉⲫⲁⲓ ϥϫⲱ ⲙⲙⲟⲥ ϫⲉⲧⲱⲛⲕ ⲫⲏ ⲉⲧⲉⲛⲕⲟⲧ ⲟⲩⲟϩ ⲟϩⲓ ⲉⲣⲁⲧⲕ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲟⲩⲟϩ ⲉⲣⲉⲡⲭⲣⲓⲥⲧⲟⲥ ⲉⲣⲟⲩⲱⲓⲛⲓ ⲉⲣⲟⲕ .
Therefore he says, 'Awake, you who sleep, and arise from the dead, and Christ will shine on you.'
5.15
ⲁⲛⲁⲩ ⲟⲩⲛ ⲁⲕⲣⲓⲃⲱⲥ ⲛⲁⲥⲛⲏⲟⲩ ϫⲉⲉⲣⲉⲧⲉⲛⲙⲟϣⲓ ⲛⲁϣ ⲛⲣⲏϯ ⲙⲫⲣⲏϯ ⲁⲛ ⲛϩⲁⲛⲁⲧⲥⲃⲱ ⲁⲗⲗⲁ ⲙⲫⲣⲏϯ ⲛϩⲁⲛⲥⲁⲃⲉⲩ .
Therefore watch carefully how you walk, not as unwise, but as wise;
5.16
ⲉⲣⲉⲧⲉⲛϣⲱⲡ ⲙⲡⲓⲥⲏⲟⲩ ϫⲉⲛⲓⲉϩⲟⲟⲩ ⲥⲉϩⲱⲟⲩ .
redeeming the time, because the days are evil.
5.17
ⲉⲑⲃⲉⲫⲁⲓ ⲙⲡⲉⲣϣⲱⲡⲓ ⲉⲣⲉⲧⲉⲛⲟⲓ ⲛⲁⲧϩⲏ ⲧⲁⲗⲗⲁ ⲕⲁϯ ϫⲉⲟⲩ ⲡⲉ ⲫⲟⲩⲱϣ ⲙⲫⲛⲟⲩϯ .
Therefore don't be foolish, but understand what the will of the Lord is.
5.18
ⲟⲩⲟϩ ⲙⲡⲉⲣⲑⲓϧⲓ ϧⲉⲛⲡⲏⲣⲡ ⲫⲏ ⲉⲧⲉⲟⲩⲟⲛ ⲟⲩⲙⲉⲧⲁⲧⲟⲩϫⲁⲓ ϣⲟⲡ ⲛϧⲏⲧϥ ⲁⲗⲗⲁ ϣⲱⲡⲓ ⲉⲣⲉⲧⲉⲛϫⲏⲕ ⲉⲃⲟⲗ ϧⲉⲛⲡⲓⲡⲛⲉⲩⲙⲁ .
Don't be drunken with wine, in which is dissipation, but be filled with the Spirit,
5.19
ⲉⲣⲉⲧⲉⲛⲥⲁϫⲓ ϧⲉⲛⲑⲏⲛⲟⲩ ⲛϩⲁⲛⲯⲁⲗⲙⲟⲥ ⲛⲉⲙϩⲁⲛⲥⲙⲟⲩ ⲛⲉⲙϩⲁⲛϩⲱⲇⲏ ⲙⲡⲛⲉⲩⲙⲁⲧⲓⲕⲟⲛ ⲉⲣⲉⲧⲉⲛϩⲱⲥ ⲟⲩⲟϩ ⲉⲣⲉⲧⲉⲛⲉⲣⲯⲁⲗⲓⲛ ⲙⲡϭⲟⲓⲥ ϧⲉⲛⲛⲉⲧⲛϩⲏⲧ .
speaking to one another in psalms, hymns, and spiritual songs; singing, and singing praises in your heart to the Lord;
5.20
ⲉⲣⲉⲧⲉⲛϣⲉⲡϩⲙⲟⲧ ⲛⲥⲏⲟⲩ ⲛⲓⲃⲉⲛ ⲉϩⲣⲏⲓ ⲉϫⲉⲛⲟⲩⲟⲛ ⲛⲓⲃⲉⲛ ϧⲉⲛⲫⲣⲁⲛ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲉⲙⲫⲛⲟⲩϯ ⲫⲓⲱⲧ
giving thanks always concerning all things in the name of our Lord Jesus Christ, to God, even the Father;
5.21
ⲉⲣⲉⲧⲉⲛϭⲛⲟ ⲛϫⲱⲧⲉⲛ ⲛⲛⲉⲧⲉⲛⲉⲣⲏⲟⲩ ϧⲉⲛϯϩⲟϯ ⲛⲧⲉⲡⲭⲣⲓⲥⲧⲟⲥ .
subjecting yourselves one to another in the fear of Christ.
5.22
ⲛⲓϩⲓⲟⲙⲓ ⲙⲁⲣⲟⲩϭⲛⲉϫⲱⲟⲩ ⲛⲛⲟⲩϩⲁⲓ ⲙⲫⲣⲏϯ ⲙⲡϭⲟⲓⲥ .
Wives, be subject to your own husbands, as to the Lord.
5.23
ϫⲉⲡⲓⲣⲱⲙⲓ ⲧⲁⲫⲉ ⲛϯⲥϩⲓⲙⲓ ⲡⲉ ⲙⲫⲣⲏϯ ⲙⲡⲭⲣⲓⲥⲧⲟⲥ ⲉⲧⲉⲧⲁⲫⲉ ⲛϯⲉⲕⲕⲗⲏⲥⲓⲁ ⲧⲉ ⲛⲑⲟϥ ⲡⲉ ⲡⲥⲱⲧⲏⲣ ⲙⲡⲓⲥⲱⲙⲁ .
For the husband is the head of the wife, and Christ also is the head of the assembly, being himself the savior of the body.
5.24
ⲁⲗⲗⲁ ⲙⲫⲣⲏϯ ⲉϯⲉⲕⲕⲗⲏⲥⲓⲁ ϭⲛⲟ ⲛϫⲱⲥ ⲙⲡⲭⲣⲓⲥⲧⲟⲥ ⲡⲁⲓⲣⲏϯ ϩⲱⲟⲩ ⲛⲓϩⲓⲟⲙⲓ ⲙⲁⲣⲟⲩϭ ⲛⲉϫⲱⲟⲩ ⲛⲛⲟⲩϩⲁⲓ ϧⲉⲛϩⲱⲃ ⲛⲓⲃⲉⲛ .
But as the assembly is subject to Christ, so let the wives also be to their own husbands in everything.
5.25
ⲛⲓⲣⲱⲙⲓ ⲁⲣⲓⲁⲅⲁⲡⲁⲛ ⲛⲛⲉⲧⲉⲛϩⲓⲟⲙⲓ ⲕⲁⲧⲁⲫⲣⲏϯ ⲉⲧⲁ ⲡⲭⲣⲓⲥⲧⲟⲥ ⲉⲣⲁⲅⲁⲡⲁⲛ ⲛϯⲉⲕⲕⲗⲏ ⲥⲓⲁ ⲟⲩⲟϩ ⲁϥⲧⲏⲓϥ ⲉϩⲣⲏⲓ ⲉϫⲱⲥ
Husbands, love your wives, even as Christ also loved the assembly, and gave himself up for it;
5.26
ϩⲓⲛⲁ ⲛⲧⲉϥⲧⲟⲩⲃⲟⲥ ⲉⲁϥⲧⲟⲩⲃⲟⲥ ϧⲉⲛⲡⲓⲱⲙⲥ ⲛⲧⲉⲡⲓⲙⲱⲟⲩ ⲛϩⲣⲏⲓ ϧⲉⲛⲡⲥⲁϫⲓ .
that he might sanctify it, having cleansed it by the washing of water with the word,
5.27
ϩⲓⲛⲁ ⲛⲧⲉϥⲧⲁϩⲉ ϯⲉⲕⲕⲗⲏⲥⲓⲁ ⲛⲁϥ ⲉⲣⲁⲧⲥ ⲉⲥϧⲉⲛ ⲟⲩⲱⲟⲩ ⲙⲙⲟⲛ ⲁϭⲛⲓ ⲛϧⲏⲧⲥ ⲓⲉ ⲑⲱⲗⲉⲃ ⲓⲉ ⲛⲭⲁⲓ ⲙⲫⲣⲏϯ ⲛⲛⲁⲓ ⲁⲗⲗⲁ ϩⲓⲛⲁ ⲛⲧⲉⲥϣⲱⲡⲓ ⲉⲥⲟⲩⲁⲃ ⲟⲩⲟϩ ⲉⲥⲟⲓ ⲛⲁⲧⲑⲱⲗⲉⲃ .
that he might present the assembly to himself gloriously, not having spot or wrinkle or any such thing; but that it should be holy and without blemish.
5.28
ⲡⲁⲓⲣⲏϯ ϩⲱⲟⲩ ⲛⲓⲣⲱⲙⲓ ⲥⲉⲙⲡϣⲁ ⲛⲧⲟⲩⲉⲣⲁⲅⲁⲡⲁⲛ ⲛⲛⲟⲩϩⲓⲟⲙⲓ ⲙⲫⲣⲏϯ ⲛⲛⲟⲩⲥⲱⲙⲁ ⲫⲏ ⲅⲁⲣ ⲉⲧⲉⲣⲁⲅⲁⲡⲁⲛ ⲛⲧⲉϥⲥϩⲓⲙⲓ ⲁϥⲉⲣⲁⲅⲁⲡⲁⲛ ⲙⲙⲟϥ ⲙⲙⲁⲩⲁⲧϥ .
Even so husbands also ought to love their own wives as their own bodies. He who loves his own wife loves himself.
5.29
ⲙⲡⲉ ϩⲗⲓ ⲅⲁⲣ ⲙⲉⲥⲧⲉ ⲧⲉϥⲥⲁⲣⲝ ⲉⲛⲉϩ ⲁⲗⲗⲁ ϣⲁϥϣⲁⲛⲟⲩϣⲥ ⲟⲩⲟϩ ϣⲁϥⲉⲣⲑⲁⲗⲡⲓⲛ ⲙⲙⲟⲥ ⲕⲁⲧⲁⲫⲣⲏϯ ϩⲱϥ ⲙⲡⲭⲣⲓⲥⲧⲟⲥ ⲉⲧⲁϥⲓⲣⲓ ⲛϯⲉⲕⲕⲗⲏⲥⲓⲁ .
For no man ever hated his own flesh; but nourishes and cherishes it, even as the Lord also does the assembly;
5.30
ϫⲉⲁⲛⲟⲛ ϩⲁⲛⲙⲉⲗⲟⲥ ⲛⲧⲉⲡⲉϥⲥⲱⲙⲁ .
because we are members of his body, of his flesh and bones.
5.31
ⲉⲑⲃⲉⲫⲁⲓ ⲉⲣⲉⲡⲓⲣⲱⲙⲓ ⲭⲁ ⲡⲉϥⲉⲓⲱⲧ ⲛⲉⲙⲧⲉϥⲙⲁⲩ ⲛⲥⲱϥ ⲟⲩⲟϩ ⲉϥⲉⲧⲟⲙϥ ⲉⲧⲉϥⲥϩⲓⲙⲓ ⲉⲩⲉϣⲱⲡⲓ ⲙⲡⲃ ⲉⲩⲥⲁⲣⲝ ⲛⲟⲩⲱⲧ
'For this cause a man will leave his father and mother, and will be joined to his wife. The two will become one flesh.'
5.32
ⲡⲁⲓⲙⲩⲥⲧⲏⲣⲓⲟⲛ ⲟⲩⲛⲓϣϯ ⲡⲉ ⲁⲛⲟⲕ ⲇⲉ ϯϫⲱ ⲙⲙⲟⲥ ⲉⲡⲭⲣⲓⲥⲧⲟⲥ ⲛⲉⲙϯⲉⲕⲕⲗⲏⲥⲓⲁ .
This mystery is great, but I speak concerning Christ and of the assembly.
5.33
ⲡⲗⲏⲛ ⲛⲑⲱⲧⲉⲛ ϩⲱⲧⲉⲛ ⲕⲁⲧⲁⲫⲟⲩⲁⲓ ⲫⲟⲩⲁⲓ ⲙⲙⲱⲧⲉⲛ ⲙⲁⲣⲉϥⲉⲣⲁⲅⲁⲡⲁⲛ ⲛⲧⲉϥⲥϩⲓⲙⲓ ⲙⲡⲉϥⲣⲏϯ ϯⲥϩⲓⲙⲓ ⲇⲉ ϩⲱⲥ ϩⲓⲛⲁ ⲛⲧⲉⲥⲉⲣϩⲟϯ ϧⲁⲧϩⲏ ⲙⲡⲉⲥϩⲁⲓ .
Nevertheless each of you must also love his own wife even as himself; and let the wife see that she respects her husband.
6.1
ⲛⲓϣⲏⲣⲓ ⲥⲱⲧⲉⲙ ⲛⲥⲁⲛⲉⲧⲉⲛⲓⲟϯ ϧⲉⲛⲡϭⲟⲓⲥ ⲫⲁⲓ ⲅⲁⲣ ⲟⲩϩⲱⲃ ⲙⲙⲏⲓ ⲡⲉ .
Children, obey your parents in the Lord, for this is right.
6.2
ⲙⲁⲧⲁⲓⲉ ⲡⲉⲕⲓⲱⲧ ⲛⲉⲙⲧⲉⲕⲙⲁⲩ ⲉⲧⲉⲑⲁⲓ ⲧⲉ ϯⲉⲛⲧⲟⲗⲏ ⲛϩⲟⲩⲓϯ ⲉⲧϧⲉⲛⲡⲓⲱϣ
'Honor your father and mother,' which is the first commandment with a promise:
6.3
ϩⲓⲛⲁ ⲛⲧⲉⲡⲓⲡⲉⲑⲛⲁⲛⲉϥ ϣⲱⲡⲓ ⲛⲁⲕ ⲟⲩⲟϩ ⲛⲧⲉⲕⲉⲣ ⲟⲩⲛⲓϣϯ ⲛⲭⲣⲟⲛⲟⲥ ϩⲓϫⲉⲛⲡⲓⲕⲁϩⲓ .
'that it may be well with you, and you may live long on the earth.'
6.4
ⲛⲓⲓⲟϯ ⲙⲡⲉⲣϯϫⲱⲛⲧ ⲛⲛⲉⲧⲉⲛϣⲏⲣⲓ ⲁⲗⲗⲁ ϣⲁⲛⲟⲩϣⲟⲩ ϧⲉⲛⲟⲩⲥⲃⲱ ⲛⲉⲙⲟⲩⲕⲁϯ ⲛⲧⲉⲡϭⲟⲓⲥ .
You fathers, don't provoke your children to wrath, but nurture them in the discipline and instruction of the Lord.
6.5
ⲛⲓⲉⲃⲓⲁⲓⲕ ⲥⲱⲧⲉⲙ ⲛⲥⲁⲛⲉⲧⲉⲛϭⲓⲥⲉⲩ ⲕⲁⲧⲁⲥⲁⲣⲝ ϧⲉⲛⲟⲩϩⲟϯ ⲛⲉⲙⲟⲩⲥⲑⲉⲣⲧⲉⲣ ϧⲉⲛⲟⲩⲙⲉⲧⲁⲡⲗⲟⲩⲥ ⲛⲧⲉⲡⲉⲧⲉⲛϩⲏⲧ ϩⲱⲥ ⲉⲣⲉⲧⲉⲛⲥⲱⲧⲉⲙ ⲛⲥⲁⲡϭⲟⲓⲥ .
Servants, be obedient to those who according to the flesh are your masters, with fear and trembling, in singleness of your heart, as to Christ;
6.6
ϧⲉⲛⲟⲩⲙⲉⲧⲃⲁⲗ ⲙⲃⲱⲕ ⲁⲛ ⲙⲫⲣⲏϯ ⲛϩⲁⲛⲣⲉϥⲣⲁⲛⲱⲟⲩ ⲛⲛⲓⲣⲱⲙⲓ ⲁⲗⲗⲁ ⲙⲫⲣⲏϯ ⲛϩⲁⲛⲉⲃⲓⲁⲓⲕ ⲛⲧⲉⲡⲭⲣⲓⲥⲧⲟⲥ ⲉⲣⲉⲧⲉⲛⲓⲣⲓ ⲙⲡⲉⲧⲉϩⲛⲉ ⲫⲛⲟⲩϯ ⲉⲃⲟⲗ ϧⲉⲛⲛⲉⲧⲉⲛⲯⲩⲭⲏ
not in the way of service only when eyes are on you, as men pleasers; but as servants of Christ, doing the will of God from the heart;
6.7
ⲛⲉⲙⲟⲩⲙⲉⲩⲓ ⲉⲛⲁⲛⲉϥ ϩⲱⲥ ⲉⲣⲉⲧⲉⲛⲟⲓ ⲙⲃⲱⲕ ⲙⲡϭⲟⲓⲥ ⲟⲩⲟϩ ⲣⲱⲙⲓ ⲁⲛ .
with good will doing service, as to the Lord, and not to men;
6.8
ⲉⲣⲉⲧⲉⲛⲉⲙⲓ ϫⲉⲡⲓⲟⲩⲁⲓ ⲡⲓⲟⲩⲁⲓ ⲫⲏ ⲉⲧⲉϥⲛⲁⲁⲓϥ ⲙⲡⲉⲑⲛⲁⲛⲉϥ ⲫⲁⲓ ϥⲛⲁϭⲓⲧϥ ⲛⲧⲉⲛⲡϭⲟⲓⲥ ⲓⲧⲉ ⲃⲱⲕ ⲓⲧⲉ ⲣⲉⲙϩⲉ .
knowing that whatever good thing each one does, he will receive the same again from the Lord, whether he is bound or free.
6.9
ⲟⲩⲟϩ ⲛⲑⲱⲧⲉⲛ ϩⲱⲧⲉⲛ ϧⲁⲛⲓϭⲓⲥⲉⲩ ⲁⲣⲓⲟⲩⲓ ⲛⲱⲟⲩ ⲙⲡⲁⲓⲣⲏϯ ⲉⲣⲉⲧⲉⲛⲭⲱ ⲉⲃⲟⲗ ⲙⲡⲓϫⲱⲛⲧ ⲉⲣⲉⲧⲉⲛⲉⲙⲓ ϫⲉⲛⲑⲱⲟⲩ ⲛⲉⲙⲱⲧⲉⲛ ⲡⲉⲧⲉⲛϭⲟⲓⲥ ϣⲟⲡ ϧⲉⲛⲛⲓⲫⲏⲟⲩⲓ ⲟⲩⲟϩ ⲙⲙⲟⲛ ϫⲟⲩϣⲧ ⲉϩⲟ ⲛⲁϩⲣⲁϥ .
You masters, do the same things to them, and give up threatening, knowing that he who is both their Master and yours is in heaven, and there is no partiality with him.
6.10
ⲡⲥⲉⲡⲓ ⲇⲉ ⲛⲛⲁⲓ ⲛⲁⲥⲛⲏⲟⲩ ϫⲉⲙⲛⲟⲙϯ ϧⲉⲛⲡϭⲟⲓⲥ ⲛⲉⲙϧⲉⲛⲡⲁⲙⲁϩⲓ ⲛⲧⲉⲧⲉϥϫⲟⲙ .
Finally, be strong in the Lord, and in the strength of his might.
6.11
ⲟⲩⲟϩ ⲙⲟⲓ ϩⲓⲑⲏⲛⲟⲩ ⲙⲡⲓϧⲱⲕ ⲧⲏⲣϥ ⲛⲧⲉⲫⲛⲟⲩϯ ϩⲓⲛⲁ ⲛⲧⲉⲧⲉⲛϣϫⲉⲙϫⲟⲙ ⲛⲟϩⲓ ⲉⲣⲁⲧⲉⲛ ⲑⲏⲛⲟⲩ ⲟⲩⲃⲉ ⲛⲓⲕⲟⲧⲥ ⲛⲧⲉⲡⲓⲇⲓⲁⲃⲟⲗⲟⲥ .
Put on the whole armor of God, that you may be able to stand against the wiles of the devil.
6.12
ϫⲉⲛⲁⲣⲉⲡⲉⲛϯ ϣⲟⲡ ⲛⲁⲛ ⲁⲛ ⲟⲩⲃⲉ ⲥⲁⲣⲝ ϩⲓⲥⲛⲟϥ ⲁⲗⲗⲁ ⲟⲩⲃⲉ ⲛⲓⲁⲣⲭⲏ ⲟⲩⲃⲉ ⲛⲓⲉⲝⲟⲩⲥⲓⲁ ⲟⲩⲃⲉ ⲛⲓⲕⲟⲥⲙⲟⲕⲣⲁⲧⲱⲣ ⲛⲧⲉⲡⲁⲓⲭⲁⲕⲓ ⲟⲩⲃⲉ ⲛⲓⲡⲛⲁⲧⲓⲕⲟⲛ ⲛⲧⲉⲡⲓⲡⲉⲧϩⲱⲟⲩ ⲛϩⲣⲏⲓ ϧⲉⲛⲛⲁ ⲛⲓⲫⲏⲟⲩⲓ .
For our wrestling is not against flesh and blood, but against the principalities, against the powers, against the world's rulers of the darkness of this age, and against the spiritual forces of wickedness in the heavenly places.
6.13
ⲉⲑⲃⲉⲫⲁⲓ ϭⲓ ⲛⲱⲧⲉⲛ ⲙⲡⲓϧⲱⲕ ⲧⲏⲣϥ ⲛⲧⲉⲫⲛⲟⲩϯ ϩⲓⲛⲁ ⲛⲧⲉⲧⲉⲛϣϫⲉⲙϫⲟⲙ ⲛⲟϩⲓ ⲉⲣⲁⲧⲉⲛ ⲑⲏⲛⲟⲩ ϧⲉⲛⲡⲓⲉϩⲟⲟⲩ ⲉⲧϩⲱⲟⲩ ⲉⲁⲣⲉⲧⲉⲛⲉⲣϩⲱⲃ ⲛⲓⲃⲉⲛ ⲟϩⲓ ⲉⲣⲁⲧⲉⲛ ⲑⲏⲛⲟⲩ .
Therefore, put on the whole armor of God, that you may be able to withstand in the evil day, and, having done all, to stand.
6.14
ⲟϩⲓ ⲟⲩⲛ ⲉⲣⲁⲧⲉⲛ ⲑⲏⲛⲟⲩ ⲉⲣⲉⲧⲉⲛϧⲏⲕ ⲉϫⲉⲛⲛⲉⲧⲉⲛϯⲡⲓ ϧⲉⲛⲟⲩⲙⲉⲑⲙⲏⲓ ⲟⲩⲟϩ ⲙⲟⲓ ϩⲓⲑⲏⲛⲟⲩ ⲛϯϧⲉⲗⲓⲃϣ ⲛⲧⲉϯⲇⲓⲕⲉⲟⲥⲩⲛⲏ .
Stand therefore, having the utility belt of truth buckled around your waist, and having put on the breastplate of righteousness,
6.15
ⲙⲁ ⲡⲓⲑⲱⲟⲩⲓ ⲉⲣⲁⲧⲉⲛ ⲑⲏⲛⲟⲩ ϧⲉⲛⲡⲥⲟⲃϯ ⲙⲡⲓⲉⲩⲁⲅⲅⲉⲗⲓⲟⲛ ⲛⲧⲉϯϩⲓⲣⲏⲛⲏ
and having fitted your feet with the preparation of the Good News of peace;
6.16
ⲟⲩⲟϩ ϧⲉⲛϩⲱⲃ ⲛⲓⲃⲉⲛ ϭⲓ ⲛⲱⲧⲉⲛ ⲙⲡⲓϣⲉⲃϣⲓ ⲛⲧⲉⲡⲓⲛⲁϩϯ ⲫⲁⲓ ⲉⲧⲉⲧⲉⲛⲛⲁϣϫⲉⲙϫⲟⲙ ⲛϧⲏⲧϥ ⲉⲱϣⲉⲙ ⲛⲛⲓⲥⲟⲑⲛⲉϥ ⲧⲏⲣⲟⲩ ⲉⲑⲙⲉϩ ⲛⲭⲣⲱⲙ ⲛⲧⲉⲡⲓⲡⲉⲧϩⲱⲟⲩ .
above all, taking up the shield of faith, with which you will be able to quench all the fiery darts of the evil one.
6.17
ⲟⲩⲟϩ ϭⲓ ⲛⲱⲧⲉⲛ ⲛϯⲡⲉⲣⲓⲕⲉⲫⲁⲗⲉⲁ ⲛⲧⲉⲡⲓⲛⲟϩⲉⲙ ⲛⲉⲙϯⲥⲏϥⲓ ⲛⲧⲉⲡⲓⲡⲛⲉⲩⲙⲁⲉⲧⲉ ⲡⲓⲥⲁϫⲓ ⲛⲧⲉⲫⲛⲟⲩϯ ⲡⲉ .
And take the helmet of salvation, and the sword of the Spirit, which is the spoken word of God;
6.18
ⲉⲃⲟⲗ ϩⲓⲧⲉⲛⲡⲣⲟⲥⲉⲩⲭⲏ ⲛⲓⲃⲉⲛ ⲛⲉⲙⲧⲱⲃϩ ⲉⲣⲉⲧⲉⲛⲧⲱⲃϩ ⲛⲥⲏⲟⲩ ⲛⲓⲃⲉⲛ ϧⲉⲛⲡⲓⲡⲛⲉⲩⲙⲁⲟⲩⲟϩ ⲉⲣⲉⲧⲉⲛⲟⲓ ⲛϣⲣⲱⲓⲥ ⲉⲫⲁⲓ ϧⲉⲛⲙⲟⲩⲛ ⲛⲓⲃⲉⲛ ⲛⲉⲙⲧⲱⲃϩ ⲛⲓⲃⲉⲛ ⲉϩⲣⲏⲓ ⲉϫⲉⲛⲛⲏ ⲉⲑⲟⲩⲁⲃ ⲧⲏⲣⲟⲩ .
with all prayer and requests, praying at all times in the Spirit, and being watchful to this end in all perseverance and requests for all the saints:
6.19
ⲛⲉⲙⲉϩⲣⲏⲓ ⲉϫⲱⲓ ϩⲱ ϩⲓⲛⲁ ⲛⲥⲉϯ ⲛⲏⲓ ⲛⲟⲩⲥⲁϫⲓ ϧⲉⲛⲫⲟⲩⲱⲛ ⲛⲣⲱⲓ ϧⲉⲛⲟⲩ ⲡⲁⲣⲣⲏⲥⲓⲁ ⲉⲟⲩⲱⲛϩ ⲉⲃⲟⲗ ⲙⲡⲓⲙⲩⲥⲧⲏⲣⲓⲟⲛ ⲛⲧⲉⲡⲓⲉⲩⲁⲅⲅⲉⲗⲓⲟⲛ .
on my behalf, that utterance may be given to me in opening my mouth, to make known with boldness the mystery of the Good News,
6.20
ⲫⲁⲓ ⲉϯⲉⲣⲡⲣⲉⲥⲃⲉⲩⲓⲛ ⲉϩⲣⲏⲓ ⲉϫⲱϥ ϧⲉⲛⲟⲩϩⲁⲗⲩⲥⲓⲥ ϩⲓⲛⲁ ⲛⲧⲁⲟⲩⲟⲛϩⲧ ⲉⲃⲟⲗ ⲛϧⲏⲧϥ ⲕⲁⲧⲁⲫⲣⲏϯ ⲉⲧⲥⲉⲙⲡϣⲁ ⲛⲏⲓ ⲛⲧⲁⲥⲁϫⲓ .
for which I am an ambassador in chains; that in it I may speak boldly, as I ought to speak.
6.21
ϩⲓⲛⲁ ⲇⲉ ⲛⲧⲉⲧⲉⲛⲉⲙⲓ ϩⲱⲧⲉⲛ ⲉⲑⲃⲏⲧϫⲉⲟⲩ ⲡⲉϯⲣⲁ ⲙⲙⲟϥ ⲉϥⲉⲧⲁⲙⲱⲧⲉⲛ ⲛϩⲱⲃ ⲛⲓⲃⲉⲛ ⲛϫⲉⲧⲓⲭⲓⲕⲟⲥ ⲙⲡⲓⲁⲅⲁⲡⲏⲧⲟⲥ ⲛⲥⲟⲛ ⲟⲩⲟϩ ⲙⲡⲓⲥⲧⲟⲥ ⲛⲇⲓⲁⲕⲱⲛ ϧⲉⲛⲡϭⲟⲓⲥ .
But that you also may know my affairs, how I am doing, Tychicus, the beloved brother and faithful servant in the Lord, will make known to you all things;
6.22
ⲫⲁⲓ ⲉⲧⲁⲓⲟⲩⲟⲣⲡϥ ϩⲁⲣⲱⲧⲉⲛ ⲉⲡⲁⲓϩⲱⲃ ϩⲓⲛⲁ ⲛⲧⲉⲧⲉⲛⲉⲙⲓ ⲉⲛⲏ ⲉⲧϣⲟⲡ ⲙⲙⲟⲓ ⲟⲩⲟϩ ⲛⲧⲉϥϯⲛⲟⲙϯ ⲛⲛⲉⲧⲉⲛϩⲏⲧ .
whom I have sent to you for this very purpose, that you may know our state, and that he may comfort your hearts.
6.23
ϯϩⲓⲣⲏⲛⲏ ⲛⲛⲓⲥⲛⲏⲟⲩ ⲛⲉⲙⲟⲩⲁⲅⲁⲡⲏ ⲛⲉⲙⲟⲩⲛⲁϩϯ ⲉⲃⲟⲗ ϩⲓⲧⲉⲛⲫⲛⲟⲩϯ ⲫⲓⲱⲧ ⲛⲉⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
Peace be to the brothers, and love with faith, from God the Father and the Lord Jesus Christ.
6.24
ⲡϩⲙⲟⲧ ⲛⲉⲙⲟⲩⲟⲛ ⲛⲓⲃⲉⲛ ⲉⲑⲙⲉⲓ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ϧⲉⲛⲟⲩⲙⲉⲧⲁⲧⲧⲁⲕⲟ
Grace be with all those who love our Lord Jesus Christ with incorruptible love. Amen.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.