Ephesians (Bohairic Coptic)

Coptic New Testament (Bohairic) · 155 sections

1.1
ⲡⲁⲩⲗⲟⲥ ⲡⲁⲡⲟⲥⲧⲟⲗⲟⲥ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲉⲃⲟⲗ ϩⲓⲧⲉⲛⲡⲉⲧⲉϩⲛⲁϥ ⲙⲫⲛⲟⲩϯ ⲛⲛⲓϩⲁⲅⲓⲟⲥ ⲧⲏⲣⲟⲩ ⲉⲧϣⲟⲡ ϧⲉⲛⲉⲫⲉⲥⲟⲥ ⲟⲩⲟϩ ⲙⲡⲓⲥⲧⲟⲥ ⲉⲧϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
Paul, an apostle of Christ Jesus through the will of God, to the saints who are at Ephesus, and the faithful in Christ Jesus:
1.2
ⲡϩⲙⲟⲧ ⲛⲱⲧⲉⲛ ⲛⲉⲙⲧϩⲓⲣⲏⲛⲏ ⲉⲃⲟⲗ ϩⲓⲧⲉⲛⲫⲛⲟⲩϯ ⲡⲉⲛⲓⲱⲧ ⲛⲉⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
Grace to you and peace from God our Father and the Lord Jesus Christ.
1.3
ϥⲥⲙⲁⲙⲁⲧ ⲫⲛⲟⲩϯ ⲟⲩⲟϩ ⲫⲓⲱⲧ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲫⲏ ⲉⲧⲁϥⲥⲙⲟⲩ ⲉⲣⲟⲛ ϧⲉⲛⲥⲙⲟⲩ ⲛⲓⲃⲉⲛ ⲙⲡⲛⲉⲩⲙⲁⲧⲓⲕⲟⲛ ϧⲉⲛⲛⲁ ⲛⲓⲫⲏⲟⲩⲓ ϧⲉⲛⲡⲭⲣⲓⲥⲧⲟⲥ .
Blessed be the God and Father of our Lord Jesus Christ, who has blessed us with every spiritual blessing in the heavenly places in Christ;
1.4
ⲕⲁⲧⲁⲫⲣⲏϯ ⲉⲧⲁϥⲥⲟⲧⲡⲉⲛ ⲛϧⲏⲧϥ ϧⲁϫⲉⲛ ⲧⲕⲁⲧⲁⲃⲟⲗⲏ ⲙⲡⲓⲕⲟⲥⲙⲟⲥ ϫⲉⲛⲧⲉⲛϣⲱⲡⲓ ⲉⲛⲟⲩⲁⲃ ⲉⲛⲟⲓ ⲛⲁⲧⲑⲱⲗⲉⲃ ⲙⲡⲉϥⲙⲑⲟ ϧⲉⲛⲟⲩⲁⲅⲁⲡⲏ .
even as he chose us in him before the foundation of the world, that we would be holy and without blemish before him in love;
1.5
ⲉⲁϥⲉⲣϣⲟⲣⲡ ⲛⲑⲁϣⲧⲉⲛ ⲉⲟⲩⲙⲉⲧϣⲏⲣⲓ ⲉⲃⲟⲗ ϩⲓⲧⲉⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲉϧⲟⲩⲛ ⲉⲣⲟϥ ⲕⲁⲧⲁⲡⲓϯⲙⲁϯ ⲛⲧⲉⲡⲉⲧⲉϩⲛⲁϥ .
having predestined us for adoption as children through Jesus Christ to himself, according to the good pleasure of his desire,
1.6
ⲉⲩϣⲟⲩϣⲟⲩ ⲛⲧⲉⲡⲱⲟⲩ ⲛⲧⲉⲡⲉϥϩⲙⲟⲧ ⲫⲁⲓ ⲉⲧⲁϥⲧⲏⲓϥ ⲛⲁⲛ ⲛϩⲙⲟⲧ ϧⲉⲛⲡⲉϥⲙⲉⲛⲣⲓⲧ .
to the praise of the glory of his grace, by which he freely bestowed favor on us in the Beloved,
1.7
ⲫⲏ ⲉⲧⲁⲛϭⲓ ⲙⲡⲓⲥⲱϯ ⲉⲃⲟⲗ ϩⲓⲧⲉⲛⲡⲉϥⲥⲛⲟϥ ⲡⲓⲭⲱ ⲉⲃⲟⲗ ⲛⲧⲉⲛⲉⲛⲡⲁⲣⲁⲡⲧⲱⲙⲁ ⲕⲁⲧⲁϯⲙⲉⲧⲣⲁⲙⲁⲟ ⲛⲧⲉⲧⲉϥⲙⲉⲧⲭⲣⲓⲥⲧⲟⲥ .
in whom we have our redemption through his blood, the forgiveness of our trespasses, according to the riches of his grace,
1.8
ⲑⲁⲓ ⲉⲧⲁⲥⲉⲣϩⲟⲩⲟ ⲉϧⲟⲩⲛ ⲉⲣⲟⲛ ϧⲉⲛⲥⲟⲫⲓⲁ ⲛⲓⲃⲉⲛ ⲛⲉⲙⲕⲁϯ ⲛⲓⲃⲉⲛ .
which he made to abound toward us in all wisdom and prudence,
1.9
ⲉⲁϥⲧⲁⲙⲟⲛ ⲉⲡⲓⲙⲩⲥⲧⲏⲣⲓⲟⲛ ⲛⲧⲉⲡⲉⲧⲉϩⲛⲁϥ ⲕⲁⲧⲁⲡⲉϥϯⲙⲁϯ ⲫⲁⲓ ⲉⲧⲁϥⲉⲣϣⲟⲣⲡ ⲛⲥⲉⲙⲛⲏⲧϥ ⲛϧⲏⲧϥ .
making known to us the mystery of his will, according to his good pleasure which he purposed in him
1.10
ⲉⲩⲟⲓⲕⲟⲛⲟⲙⲓⲁ ⲛⲧⲉⲡϫⲱⲕ ⲉⲃⲟⲗ ⲛⲧⲉⲛⲓⲥⲏⲟⲩ ⲉϫⲉⲕ ϩⲱⲃ ⲛⲓⲃⲉⲛ ⲉⲃⲟⲗ ϧⲉⲛⲡⲭⲣⲓⲥⲧⲟⲥ ⲛⲏ ⲉⲧϧⲉⲛⲛⲓⲫⲏⲟⲩⲓ ⲛⲉⲙⲛⲏ ⲉⲧϩⲓϫⲉⲛ ⲡⲓⲕⲁϩⲓ ⲛϧⲣⲏⲓ ⲛϧⲏⲧϥ .
to an administration of the fullness of the times, to sum up all things in Christ, the things in the heavens, and the things on the earth, in him;
1.11
ⲫⲁⲓ ⲉⲧⲁⲛϭⲓ ⲙⲡⲓⲕⲗⲏⲣⲟⲥ ⲛϧⲏⲧϥ ⲉⲁϥⲑⲁϣⲧⲉⲛ ⲓⲥϫⲉⲛ ϣⲟⲣⲡ ⲕⲁⲧⲁⲡⲓϣⲟⲣⲡ ⲛⲥⲉⲙⲛⲓ ⲛⲧⲉⲫⲏ ⲉⲧⲉⲣϩⲱⲃ ϧⲉⲛϩⲱⲃ ⲛⲓⲃⲉⲛ ⲕⲁⲧⲁⲡⲓⲥⲟϭⲛⲓ ⲛⲧⲉⲡⲉⲧⲉϩⲛⲁϥ
in whom also we were assigned an inheritance, having been foreordained according to the purpose of him who works all things after the counsel of his will;
1.12
ϫⲉⲛⲧⲉⲛϣⲱⲡⲓ ⲉⲩϣⲟⲩϣⲟⲩ ⲛⲧⲉⲡⲉϥⲱⲟⲩ ϧⲁⲛⲏ ⲉⲧⲁⲩⲉⲣϣⲟⲣⲡ ⲛⲉⲣϩⲉⲗⲡⲓⲥ ϧⲉⲛⲡⲭⲣⲓⲥⲧⲟⲥ .
to the end that we should be to the praise of his glory, we who had before hoped in Christ:
1.13
ⲫⲁⲓ ⲉⲧⲉⲛϧⲣⲏⲓ ⲛϧⲏⲧϥ ⲛⲑⲱⲧⲉⲛ ϩⲱⲧⲉⲛ ⲁⲧⲉⲧⲉⲛⲥⲱⲧⲉⲙ ⲉⲡⲥⲁϫⲓ ⲛⲧⲉϯⲙⲉⲑⲙⲏⲓ ⲡⲓⲉⲩⲁⲅⲅⲉⲗⲓⲟⲛ ⲛⲧⲉⲡⲉⲛⲟⲩϫⲁⲓ ⲫⲁⲓ ⲉⲧⲁⲣⲉⲧⲉⲛⲛⲁϩϯ ⲛϧⲏⲧϥ ⲁⲩⲉⲣⲥⲫⲣⲁⲅⲓⲍⲓⲛ ⲙⲙⲱⲧⲉⲛ ϧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲛⲧⲉϯⲉⲡⲁⲅⲅⲉⲗⲓⲁ .
in whom you also, having heard the word of the truth, the Good News of your salvation,--in whom, having also believed, you were sealed with the Holy Spirit of promise,
1.14
ⲉⲧⲉⲡⲁⲣⲏⲃ ⲡⲉ ⲛⲧⲉϯⲕⲗⲏⲣⲟⲛⲟⲙⲓⲁ ⲉⲩⲥⲱϯ ⲛⲧⲉⲡⲓⲧⲁⲛϧⲟ ⲉⲩϣⲟⲩϣⲟⲩ ⲛⲧⲉⲡⲉϥⲱⲟⲩ .
who is a pledge of our inheritance, to the redemption of God's own possession, to the praise of his glory.
1.15
ⲉⲑⲃⲉⲫⲁⲓ ⲁⲛⲟⲕ ϩⲱ ⲉⲧⲁⲓⲥⲱⲧⲉⲙ ⲉⲡⲓⲛⲁϩϯ ⲉⲧϧⲉⲛⲑⲏⲛⲟⲩ ⲛⲧⲉⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲉⲙⲛⲏ ⲉⲑⲟⲩⲁⲃ ⲧⲏⲣⲟⲩ .
For this cause I also, having heard of the faith in the Lord Jesus which is among you, and the love which you have toward all the saints,
1.16
ⲛϯⲭⲱ ⲛⲧⲟⲧⲉⲃⲟⲗ ⲁⲛ ⲉⲓϣⲉⲡϩⲙⲟⲧ ⲉϩⲣⲏⲓ ⲉϫⲉⲛⲑⲏⲛⲟⲩ ⲉⲓⲓⲣⲓ ⲙⲡⲉⲧⲉⲛⲙⲉⲩⲓ ϧⲉⲛⲛⲁⲡⲣⲟⲥⲉⲩⲭⲏ .
don't cease to give thanks for you, making mention of you in my prayers,
1.17
ϩⲓⲛⲁ ⲛⲧⲉⲫⲛⲟⲩϯ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲫⲓⲱⲧ ⲛⲧⲉⲡⲱⲟⲩ ⲛⲧⲉϥϯ ⲛⲱⲧⲉⲛ ⲛⲟⲩⲡⲛⲉⲩⲙⲁⲛⲥⲟⲫⲓⲁ ⲛⲉⲙⲟⲩϭⲱⲣⲡ ⲉⲃⲟⲗ ϧⲉⲛⲡⲉϥⲉⲙⲓ
that the God of our Lord Jesus Christ, the Father of glory, may give to you a spirit of wisdom and revelation in the knowledge of him;
1.18
ⲉⲑⲣⲟⲩⲉⲣⲟⲩⲱⲓⲛⲓ ⲛϫⲉⲛⲓⲃⲁⲗ ⲛⲧⲉⲡⲉⲧⲉⲛϩⲏⲧ ϫⲉⲛⲧⲉⲧⲉⲛⲉⲙⲓ ϫⲉⲁϣ ⲧⲉ ϯϩⲉⲗⲡⲓⲥ ⲛⲧⲉⲡⲉϥⲑⲱϩⲉⲙ ⲟⲩⲟϩ ϫⲉⲁϣ ⲧⲉ ϯⲙⲉⲧⲣⲁⲙⲁⲟ ⲛⲧⲉⲡⲱⲟⲩ ⲛⲧⲉⲧⲉϥⲕⲗⲏⲣⲟⲛⲟⲙⲓⲁ ϧⲉⲛⲛⲓϩⲁⲅⲓⲟⲥ .
having the eyes of your hearts enlightened, that you may know what is the hope of his calling, and what are the riches of the glory of his inheritance in the saints,
1.19
ⲟⲩⲟϩ ϫⲉⲟⲩ ⲡⲉ ⲡⲓϩⲟⲩⲟ ⲛⲧⲉϯⲙⲉⲧⲛⲓϣϯ ⲛⲧⲉⲧⲉϥϫⲟⲙ ⲉϧⲟⲩⲛ ⲉⲣⲟⲛ ϧⲁⲛⲏ ⲉⲑⲛⲁϩϯ ⲕⲁⲧⲁⲡⲓⲉⲣϩⲱⲃ ⲛⲧⲉⲡⲁⲙⲁϩⲓ ⲛⲧⲉⲧⲉϥϫⲟⲙ .
and what is the exceeding greatness of his power toward us who believe, according to that working of the strength of his might
1.20
ⲑⲏ ⲉⲧⲁϥⲉⲣϩⲱⲃ ⲉⲣⲟⲥ ϧⲉⲛⲡⲭⲣⲓⲥⲧⲟⲥ ⲉⲁϥⲧⲟⲩⲛⲟⲥϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲟⲩⲟϩ ⲁϥⲧϩⲉⲙⲥⲟϥ ⲥⲁⲟⲩⲓⲛⲁⲙ ⲙⲙⲟϥ ϧⲉⲛⲛⲁ ⲛⲓⲫⲏⲟⲩⲓ .
which he worked in Christ, when he raised him from the dead, and made him to sit at his right hand in the heavenly places,
1.21
ⲥⲁⲡϣⲱⲓ ⲛⲁⲣⲭⲏ ⲛⲓⲃⲉⲛ ⲛⲉⲙⲉⲝⲟⲩⲥⲓⲁ ⲛⲓⲃⲉⲛ ⲛⲉⲙϫⲟⲙ ⲛⲓⲃⲉⲛ ⲛⲉⲙⲧⲙⲉⲧϭⲟⲓⲥ ⲛⲓⲃⲉⲛ ⲛⲉⲙⲣⲁⲛ ⲛⲓⲃⲉⲛ ⲉⲧⲟⲩϯⲣⲁⲛ ⲉⲣⲱⲟⲩ ⲟⲩ ⲙⲟⲛⲟⲛ ϧⲉⲛⲡⲁⲓⲉⲛⲉϩ ⲁⲗⲗⲁ ⲛⲉⲙϧⲉⲛⲡⲉⲑⲛⲏⲟⲩ .
far above all rule, and authority, and power, and dominion, and every name that is named, not only in this age, but also in that which is to come.
1.22
ⲟⲩⲟϩ ⲁϥⲑⲣⲉ ϩⲱⲃ ⲛⲓⲃⲉⲛ ϭⲛⲉϫⲱⲟⲩ ⲥⲁⲡⲉⲥⲏⲧ ⲛⲛⲉϥϭⲁⲗⲁⲩϫ ⲟⲩⲟϩ ⲁϥⲧⲏⲓϥ ⲛⲁⲫⲉ ⲛϯⲉⲕⲕⲗⲏⲥⲓⲁ ⲉϩⲟⲧⲉⲣⲱⲟⲩ ⲧⲏⲣⲟⲩ
He put all things in subjection under his feet, and gave him to be head over all things for the assembly,
1.23
ⲉⲧⲉⲡⲉϥⲥⲱⲙⲁ ⲡⲉ ⲡⲓⲙⲟϩ ⲛⲧⲉⲫⲁ ⲉⲛⲭⲁⲓ ⲛⲓⲃⲉⲛ ⲉϥⲙⲉϩ ϧⲉⲛϩⲱⲃ ⲛⲓⲃⲉⲛ .
which is his body, the fullness of him who fills all in all.
2.1
ⲟⲩⲟϩ ⲛⲑⲱⲧⲉⲛ ϩⲱⲧⲉⲛ ⲉⲣⲉⲧⲉⲛⲙⲱⲟⲩⲧ ϧⲉⲛⲛⲉⲧⲉⲛⲡⲁⲣⲁⲡⲧⲱⲙⲁ ⲛⲉⲙⲛⲉⲧⲉⲛⲛⲟⲃⲓ .
You were made alive when you were dead in transgressions and sins,
2.2
ⲛⲏ ⲉⲛⲁⲣⲉⲧⲉⲛⲙⲟϣⲓ ⲛϧⲣⲏⲓ ⲛϧⲏⲧⲟⲩ ⲙⲡⲓⲥⲏⲟⲩ ⲕⲁⲧⲁⲡⲉⲛⲉϩ ⲛⲧⲉⲡⲁⲓⲕⲟⲥⲙⲟⲥ ⲕⲁⲧⲁⲡⲁⲣⲭⲱⲛ ⲙⲡⲉⲣϣⲓϣⲓ ⲙⲡⲓⲁⲏⲣ ⲛⲧⲉⲡⲓⲡⲛⲉⲩⲙⲁⲫⲁⲓ ⲉⲧⲉⲣϩⲱⲃ ϯⲛⲟⲩ ϧⲉⲛⲛⲓϣⲏⲣⲓ ⲛⲧⲉϯⲙⲉⲧⲁⲧⲑⲱⲧ ⲛϩⲏⲧ .
in which you once walked according to the course of this world, according to the prince of the power of the air, the spirit who now works in the children of disobedience;
2.3
ⲛⲏ ⲉⲧⲉⲁⲛⲟⲛ ⲧⲏⲣⲟⲩ ⲛⲁⲛⲙⲟϣⲓ ⲛϧⲣⲏⲓ ⲛϧⲏⲧⲟⲩ ⲛⲟⲩⲥⲏⲟⲩ ϧⲉⲛⲛⲓⲉⲡⲓⲑⲩⲙⲓⲁ ⲛⲧⲉⲧⲥⲁⲣⲝ ⲉⲛⲓⲣⲓ ⲛⲛⲓⲟⲩⲱϣ ⲛⲧⲉϯⲥⲁⲣⲝ ⲛⲉⲙⲛⲓⲙⲉⲩⲓ ⲛϩⲏⲧ ⲟⲩⲟϩ ⲛⲁⲛⲟⲓ ⲫⲩⲥⲓⲥ ⲛϣⲏⲣⲓ ⲛⲧⲉⲡϫⲱⲛⲧ ⲙⲫⲣⲏϯ ⲙⲡⲕⲉⲥⲉⲡⲓ .
among whom we also all once lived in the lust of our flesh, doing the desires of the flesh and of the mind, and were by nature children of wrath, even as the rest.
2.4
ⲫⲛⲟⲩϯ ⲇⲉ ⲟⲩⲣⲁⲙⲁⲟ ⲡⲉ ϧⲉⲛⲫⲛⲁⲓ ⲉⲑⲃⲉⲧⲉϥⲛⲓϣϯ ⲛⲁⲅⲁⲡⲏ ⲑⲁⲓ ⲉⲧⲁϥⲙⲉⲛⲣⲓⲧⲉⲛ ⲛϧⲏⲧⲥ .
But God, being rich in mercy, for his great love with which he loved us,
2.5
ⲟⲩⲟϩ ⲉⲛⲙⲱⲟⲩⲧ ϧⲉⲛⲛⲉⲛⲡⲁⲣⲁⲡⲧⲱⲙⲁ ⲁϥⲧⲁⲛϧⲟⲛ ϧⲉⲛⲡⲭⲣⲓⲥⲧⲟⲥ ϧⲉⲛⲟⲩϩⲙⲟⲧ ⲟⲩⲛ ⲁⲧⲉⲧⲉⲛⲛⲟϩⲉⲙ
even when we were dead through our trespasses, made us alive together with Christ (by grace you have been saved),
2.6
ⲟⲩⲟϩ ⲁϥⲧⲟⲩⲛⲟⲥⲉⲛ ⲛⲉⲙⲁϥ ⲟⲩⲟϩ ⲁϥⲧϩⲉⲙⲥⲟⲛ ⲛⲉⲙⲁϥ ϧⲉⲛⲛⲁ ⲛⲓⲫⲏⲟⲩⲓ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
and raised us up with him, and made us to sit with him in the heavenly places in Christ Jesus,
2.7
ϩⲓⲛⲁ ⲛⲧⲉϥⲟⲩⲱⲛϩ ⲉⲃⲟⲗ ϧⲉⲛⲛⲓⲉⲛⲉϩ ⲉⲑⲛⲏⲟⲩ ⲛϯⲙⲉⲧⲣⲁⲙⲁⲟ ⲉⲧⲉⲣϩⲟⲩⲟ ⲛⲧⲉⲡⲉϥϩⲙⲟⲧ ϧⲉⲛⲟⲩⲙⲉⲧⲭⲣⲓⲥⲧⲟⲥ ⲉϩⲣⲏⲓ ⲉϫⲱⲛ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
that in the ages to come he might show the exceeding riches of his grace in kindness toward us in Christ Jesus;
2.8
ϧⲉⲛⲟⲩϩⲙⲟⲧ ⲅⲁⲣ ⲁⲧⲉⲧⲉⲛⲛⲟϩⲉⲙ ⲉⲃⲟⲗ ϩⲓⲧⲉⲛⲟⲩⲛⲁϩϯ ⲟⲩⲟϩ ⲫⲁⲓ ⲛⲟⲩⲉⲃⲟⲗ ⲙⲙⲱⲧⲉⲛ ⲁⲛ ⲡⲉ ⲡⲓⲧⲁⲓⲟ ⲫⲁ ⲫⲛⲟⲩϯ ⲡⲉ
for by grace you have been saved through faith, and that not of yourselves; it is the gift of God,
2.9
ⲛⲉ ⲉⲃⲟⲗ ϧⲉⲛϩⲁⲛϩⲃⲏⲟⲩⲓ ⲁⲛ ϩⲓⲛⲁ ⲛⲧⲉϣⲧⲉⲙ ⲟⲩⲁⲓ ϣⲟⲩϣⲟⲩ ⲙⲙⲟϥ .
not of works, that no one would boast.
2.10
ⲉⲁⲛⲟⲛ ⲟⲩⲑⲁⲙⲓⲟ ⲅⲁⲣ ⲛⲧⲁϥ ⲉⲁϥⲥⲟⲛⲧⲉⲛ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲉϩⲣⲏⲓ ⲉϫⲉⲛϩⲁⲛϩⲃⲏⲟⲩⲓ ⲉⲛⲁⲛⲉⲩ ⲛⲏ ⲉⲧⲁϥⲉⲣϣⲟⲣⲡ ⲛⲥⲉⲃⲧⲱⲧⲟⲩ ⲛϫⲉⲫⲛⲟⲩϯ ϩⲓⲛⲁ ⲛⲧⲉⲛⲙⲟϣⲓ ⲛϧⲣⲏⲓ ⲛϧⲏⲧⲟⲩ .
For we are his workmanship, created in Christ Jesus for good works, which God prepared before that we would walk in them.
2.11
ⲉⲑⲃⲉⲫⲁⲓ ⲁⲣⲓⲫⲙⲉⲩⲓ ϫⲉⲛⲑⲱⲧⲉⲛ ϧⲁⲛⲓⲉⲑⲛⲟⲥ ⲛⲟⲩⲥⲏⲟⲩ ϧⲉⲛⲧⲥⲁⲣⲝ ⲛⲏ ⲉⲧⲟⲩⲙⲟⲩϯ ⲉⲣⲱⲟⲩ ϫⲉϯⲙⲉⲧⲁⲧⲥⲉⲃⲓ ⲉⲃⲟⲗ ϩⲓⲧⲉⲛⲡⲉⲧⲟⲩⲙⲟⲩϯ ⲉⲣⲟϥ ϫⲉⲡⲥⲉⲃⲓ ϧⲉⲛⲧⲥⲁⲣⲝ ⲛⲑⲁⲙⲓⲟ ⲛϫⲓϫ .
Therefore remember that once you, the Gentiles in the flesh, who are called 'uncircumcision' by that which is called 'circumcision,' (in the flesh, made by hands);
2.12
ϫⲉⲛⲁⲣⲉⲧⲉⲛⲭⲏ ⲙⲡⲓⲥⲏⲟⲩ ⲉⲧⲉⲙⲙⲁⲩ ⲥⲁⲃⲟⲗ ⲙⲡⲭⲣⲓⲥⲧⲟⲥ ⲉⲣⲉⲧⲉⲛⲟⲓ ⲛϣⲉⲙⲙⲟ ⲉϯⲡⲟⲗⲓⲧⲓⲁ ⲛⲧⲉⲡⲓⲥⲗ ⲟⲩⲟϩ ⲛϣⲉⲙⲙⲟ ⲛⲛⲓⲇⲓⲁⲑⲏ ⲕⲏ ⲛⲧⲉϯⲉⲡⲁⲅⲅⲉⲗⲓⲁ ⲙⲙⲟⲛⲧⲉⲧⲉⲛ ϩⲉⲗⲡⲓⲥ ⲙⲙⲁⲩ ⲟⲩⲟϩ ⲉⲣⲉⲧⲉⲛⲟⲓ ⲛⲁⲧⲛⲟⲩϯ ϧⲉⲛⲡⲓⲕⲟⲥⲙⲟⲥ .
that you were at that time separate from Christ, alienated from the commonwealth of Israel, and strangers from the covenants of the promise, having no hope and without God in the world.
2.13
ϯⲛⲟⲩ ⲇⲉ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲛⲑⲱⲧⲉⲛ ϧⲁⲛⲏ ⲉⲑⲟⲩⲏⲟⲩ ⲙⲡⲓⲥⲏⲟⲩ ⲁⲧⲉⲧⲉⲛϧⲱⲛⲧ ϧⲉⲛⲡⲥⲛⲟϥ ⲙⲡⲭⲣⲓⲥⲧⲟⲥ .
But now in Christ Jesus you who once were far off are made near in the blood of Christ.
2.14
ⲛⲑⲟϥ ⲅⲁⲣ ⲡⲉⲧⲉⲛϩⲓⲣⲏⲛⲏ ⲫⲏ ⲉⲧⲁϥⲉⲣ ⲡⲓⲃ ⲛⲟⲩⲁⲓ ⲟⲩⲟϩ ϯϫⲓⲛⲑⲙⲏϯ ⲛⲧⲉⲡⲓⲑⲱⲙ ⲁϥⲃⲟⲗⲥ ⲉⲃⲟⲗ ⲉⲁϥⲃⲉⲗ ϯⲙⲉⲧϫⲁϫⲓ ⲉⲃⲟⲗ ϧⲉⲛⲧⲉϥⲥⲁⲣⲝ .
For he is our peace, who made both one, and broke down the middle wall of partition,
2.15
ⲫⲛⲟⲙⲟⲥ ⲛⲧⲉⲛⲓⲉⲛⲧⲟⲗⲏ ϧⲉⲛⲛⲓⲇⲟⲅⲙⲁ ⲁϥⲕⲟⲣϥϥ ϩⲓⲛⲁ ⲛⲧⲉϥⲥⲱⲛⲧ ⲙⲡⲓⲃ ⲛϧⲣⲏⲓ ⲛϧⲏⲧϥ ⲛⲟⲩⲣⲱⲙⲓ ⲛⲟⲩⲱⲧ ⲙⲃⲉⲣⲓ ⲉϥⲓⲣⲓ ⲛⲟⲩϩⲓⲣⲏⲛⲏ .
having abolished in the flesh the hostility, the law of commandments contained in ordinances, that he might create in himself one new man of the two, making peace;
2.16
ⲟⲩⲟϩ ⲛⲧⲉϥϩⲱⲧⲡ ⲙⲡⲓⲃ ϧⲉⲛⲟⲩⲥⲱⲙⲁ ⲛⲟⲩⲱⲧ ⲙⲫⲛⲟⲩϯ ⲉⲃⲟⲗ ϩⲓⲧⲉⲛⲡⲓⲥⲧⲁⲩⲣⲟⲥ ⲉⲁϥϧⲱⲧⲉⲃ ⲛϯⲙⲉⲧϫⲁϫⲓ ⲛϧⲣⲏⲓ ⲛϧⲏⲧϥ .
and might reconcile them both in one body to God through the cross, having killed the hostility thereby.
2.17
ⲟⲩⲟϩ ⲁϥⲓ ⲁϥϩⲓϣⲉⲛⲛⲟⲩϥⲓ ⲛⲱⲧⲉⲛ ⲛⲟⲩϩⲓⲣⲏ ⲛⲏ ϧⲁⲛⲏ ⲉⲑⲟⲩⲏⲟⲩ ⲛⲉⲙⲟⲩϩⲓⲣⲏⲛⲏ ⲛⲛⲏ ⲉⲧϧⲉⲛⲧ .
He came and preached peace to you who were far off and to those who were near.
2.18
ϫⲉⲉⲃⲟⲗ ϩⲓⲧⲟⲧϥ ⲟⲩⲟⲛⲧⲁⲛ ⲙⲙⲁⲩ ⲙⲡⲓϫⲓⲛⲓ ⲉϧⲟⲩⲛ ϧⲁⲡⲓⲃ ⲉⲩⲥⲟⲡ ϧⲉⲛⲟⲩⲡⲛⲉⲩⲙⲁⲛⲟⲩⲱⲧ ϩⲁⲫⲓⲱⲧ .
For through him we both have our access in one Spirit to the Father.
2.19
ϩⲁⲣⲁ ⲟⲩⲛ ⲛⲑⲱⲧⲉⲛ ϩⲁⲛϣⲉⲙⲙⲱⲟⲩ ⲁⲛ ϫⲉⲛⲉⲙϩⲁⲛⲣⲉⲙⲛϫⲱⲓⲗⲓ ⲁⲗⲗⲁ ϩⲁⲛϣⲫⲏ ⲣⲛⲣⲉⲙⲙⲃⲁⲕⲓ ⲛⲧⲉⲛⲓϩⲁⲅⲓⲟⲥ ⲛⲉⲙϩⲁⲛⲣⲉⲙⲛⲏ ⲓⲛⲧⲉ ⲫⲛⲟⲩϯ .
So then you are no longer strangers and foreigners, but you are fellow citizens with the saints, and of the household of God,
2.20
ⲉⲁⲩⲕⲉⲧ ⲑⲏⲛⲟⲩ ⲉϫⲉⲛϯⲥⲉⲛϯ ⲛⲧⲉⲛⲓⲁⲡⲟⲥⲧⲟⲗⲟⲥ ⲛⲉⲙⲛⲓⲡⲣⲟⲫⲏⲧⲏⲥ ⲉϥⲟⲓ ⲛϫⲱϫ ⲛⲗⲁⲕϩ ⲉⲣⲟⲥ ⲛϫⲉⲡⲭⲣⲓⲥⲧⲟⲥ ⲓⲏⲥⲟⲩⲥ
being built on the foundation of the apostles and prophets, Christ Jesus himself being the chief cornerstone;
2.21
ⲫⲁⲓ ⲉⲧⲉⲡⲓⲕⲱⲧ ⲧⲏⲣϥ ϫⲫⲏⲟⲩⲧ ⲛϧⲣⲏ ⲓⲛϧⲏⲧϥ ϥⲛⲁⲁⲓⲁⲓ ⲉⲩⲉⲣⲫⲉⲓ ⲉϥⲟⲩⲁⲃ ϧⲉⲛⲡϭⲟⲓⲥ .
in whom the whole building, fitted together, grows into a holy temple in the Lord;
2.22
ⲫⲁⲓ ⲉⲧⲉⲧⲉⲛⲟⲓ ⲛϣⲫⲏⲣ ⲛⲕⲱⲧ ϩⲱⲧⲉⲛ ⲛϧⲏⲧϥ ⲉⲩⲙⲁⲛϣⲱⲡⲓ ⲙⲫⲛⲟⲩϯ ϧⲉⲛⲡⲓⲡⲛⲉⲩⲙⲁ .
in whom you also are built together for a habitation of God in the Spirit.
3.1
ⲉⲑⲃⲉⲫⲁⲓ ⲁⲛⲟⲕ ⲡⲁⲩⲗⲟⲥ ⲡⲉⲧⲥⲟⲛϩ ⲛⲧⲉⲡⲭⲣⲓⲥⲧⲟⲥ ⲓⲏⲥⲟⲩⲥ ⲉϫⲉⲛⲑⲏⲛⲟⲩ ϧⲁⲛⲓⲉⲑⲛⲟⲥ .
For this cause I, Paul, am the prisoner of Christ Jesus on behalf of you Gentiles,
3.2
ⲓⲥϫⲉ ⲁⲧⲉⲧⲉⲛⲥⲱⲧⲉⲙ ⲉϯⲟⲓⲕⲟⲛⲟⲙⲓⲁ ⲛⲧⲉⲡⲓϩⲙⲟⲧ ⲛⲧⲉⲫⲛⲟⲩϯ ⲉⲧⲧⲟⲓ ⲛⲏⲓ ⲉⲣⲱⲧⲉⲛ .
if it is so that you have heard of the administration of that grace of God which was given me toward you;
3.3
ϫⲉⲕⲁⲧⲁⲟⲩϭⲱⲣⲡ ⲉⲃⲟⲗ ⲁⲩⲧⲁⲙⲟⲓ ⲉⲡⲓⲙⲩⲥⲧⲏⲣⲓⲟⲛ ⲕⲁⲧⲁⲫⲣⲏϯ ⲉⲧⲁⲓⲉⲣϣⲟⲣⲡ ⲛⲥϧⲁⲓ ⲛⲱⲧⲉⲛ ϧⲉⲛϩⲁⲛⲕⲟⲩϫⲓ
how that by revelation the mystery was made known to me, as I wrote before in few words,
3.4
ⲕⲁⲧⲁⲡⲉⲧⲉⲟⲩⲟⲛ ϣϫⲟⲙ ⲙⲙⲱⲧⲉⲛ ⲉⲣⲉⲧⲉⲛⲟⲩⲱϣ ⲉⲉⲙⲓ ⲉⲡⲁⲕⲁϯ ϧⲉⲛⲡⲓⲙⲩⲥⲧⲏ ⲣⲓⲟⲛ ⲛⲧⲉⲡⲭⲣⲓⲥⲧⲟⲥ .
by which, when you read, you can perceive my understanding in the mystery of Christ;
3.5
ⲫⲁⲓ ⲉⲧⲉⲙⲡⲉϥⲟⲩⲱⲛϩ ⲉϩⲁⲛⲅⲉⲛⲉⲁ ⲛⲧⲉⲛⲉⲛϣⲏⲣⲓ ⲛⲛⲓⲣⲱⲙⲓ ⲙⲫⲣⲏϯ ϯⲛⲟⲩ ⲉⲧⲁϥϭ ⲱⲣⲡ ⲉⲃⲟⲗ ⲛⲛⲉϥϩⲁⲅⲓⲟⲥ ⲛⲁⲡⲟⲥⲧⲟⲗⲟⲥ ⲛⲉⲙⲛⲉϥⲡⲣⲟⲫⲏⲧⲏⲥ ϧⲉⲛⲡⲓⲡⲛⲉⲩⲙⲁ .
which in other generations was not made known to the children of men, as it has now been revealed to his holy apostles and prophets in the Spirit;
3.6
ⲉⲧⲣⲉ ⲛⲓⲉⲑⲛⲟⲥ ϣⲱⲡⲓ ⲉⲩⲟⲓ ⲛϣⲫⲏⲣ ⲛⲕⲗⲏ ⲣⲟⲛⲟⲙⲟⲥ ⲛⲉⲙϣⲫⲏⲣ ⲛⲥⲱⲙⲁ ⲉⲩⲟⲓ ⲛϣⲫⲏ ⲣⲉⲡⲓⲱϣ ⲉⲧϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲉⲃⲟⲗ ϩⲓⲧⲟⲧϥ ⲙⲡⲓⲉⲩⲁⲅⲅⲉⲗⲓⲟⲛ .
that the Gentiles are fellow heirs, and fellow members of the body, and fellow partakers of his promise in Christ Jesus through the Good News,
3.7
ⲫⲁⲓ ⲉⲧⲁⲓϣⲱⲡⲓ ⲛⲁϥ ⲛⲇⲓⲁⲕⲱⲛ ⲕⲁⲧⲁϯⲇⲱⲣⲉⲁ ⲛⲧⲉⲡⲓϩⲙⲟⲧ ⲛⲧⲉⲫⲛⲟⲩϯ ⲉⲧⲧⲟⲓ ⲛⲏⲓ ⲕⲁⲧⲁⲡⲓⲉⲣϩⲱⲃ ⲛⲧⲉⲧⲉϥϫⲟⲙ .
of which I was made a servant, according to the gift of that grace of God which was given me according to the working of his power.
3.8
ⲁⲛⲟⲕ ⲡⲉ ⲫⲏ ⲉⲧⲥⲃⲟⲕ ⲉⲛⲓϩⲁⲅⲓⲟⲥ ⲧⲏⲣⲟⲩ ⲁⲩϯ ⲙⲡⲁⲓϩⲙⲟⲧ ⲛⲏⲓ ⲉϩⲓϣⲉⲛⲛⲟⲩϥⲓ ⲛⲛⲓⲉⲑⲛⲟⲥ ⲛϯⲙⲉⲧⲣⲁⲙⲁⲟ ⲛⲧⲉⲡⲭⲣⲓⲥⲧⲟⲥ ⲉⲧⲉⲙⲙⲟⲛ ⲁⲩⲣⲏϫⲥ .
To me, the very least of all saints, was this grace given, to preach to the Gentiles the unsearchable riches of Christ,
3.9
ⲟⲩⲟϩ ⲉϯ ⲙⲫⲟⲩⲱⲓⲛⲓ ⲛⲟⲩⲟⲛ ⲛⲓⲃⲉⲛ ϫⲉⲁϣ ⲧⲉ ϯⲟⲓⲕⲟⲛⲟⲙⲓⲁ ⲛⲧⲉⲡⲓⲙⲩⲥⲧⲏⲣⲓⲟⲛ ⲫⲁⲓ ⲉⲧϩⲏⲡ ⲓⲥϫⲉⲛ ⲛⲓⲉⲛⲉϩ ϧⲉⲛⲫⲛⲟⲩϯ ⲫⲁⲓ ⲉⲧⲁϥⲥⲱⲛⲧ ⲛϩⲱⲃ ⲛⲓⲃⲉⲛ .
and to make all men see what is the administration of the mystery which for ages has been hidden in God, who created all things through Jesus Christ;
3.10
ϩⲓⲛⲁ ⲛⲧⲉϥⲟⲩⲱⲛϩ ⲉⲃⲟⲗ ϯⲛⲟⲩ ⲛⲛⲓⲁⲣⲭⲏ ⲛⲉⲙⲛⲓⲉⲝⲟⲩⲥⲓⲁ ϧⲉⲛⲛⲁ ⲛⲓⲫⲏⲟⲩⲓ ⲉⲃⲟⲗ ϩⲓⲧⲉⲛϯⲉⲕⲕⲗⲏⲥⲓⲁ ϯⲥⲟⲫⲓⲁ ⲛⲧⲉⲫⲛⲟⲩϯ ⲉⲧⲟⲓ ⲛⲟⲩⲑⲟ ⲛⲣⲏϯ .
to the intent that now through the assembly the manifold wisdom of God might be made known to the principalities and the powers in the heavenly places,
3.11
ⲕⲁⲧⲁⲡⲓⲑⲟϣ ⲛⲧⲉⲓⲥϫⲉⲛ ϣⲟⲣⲡ ⲛⲧⲉⲛⲓⲉⲛⲉϩ ⲫⲁⲓ ⲉⲧⲁϥⲁⲓϥ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲡⲉⲛϭⲥ
according to the eternal purpose which he purposed in Christ Jesus our Lord;
3.12
ⲫⲁⲓ ⲉⲧⲉⲛϧⲣⲏⲓ ⲛϧⲏⲧϥ ⲁⲛϭⲓ ⲙⲡⲓⲟⲩⲱⲛϩ ⲉⲃⲟⲗ ⲛⲉⲙϯϫⲓⲛⲓ ⲉϧⲟⲩⲛ ϧⲉⲛⲟⲩⲑⲱⲧ ⲛϩⲏⲧ ⲉⲃⲟⲗ ϩⲓⲧⲉⲛⲡⲉϥⲛⲁϩϯ .
in whom we have boldness and access in confidence through our faith in him.
3.13
ⲉⲑⲃⲉⲫⲁⲓ ϯⲉⲣⲉⲧⲓⲛ ⲉϣⲧⲉⲙⲉⲣⲛⲕⲁⲕⲓⲛ ϧⲉⲛⲛⲓϩⲟϫϩⲉϫ ⲉϩⲣⲏⲓ ⲉϫⲉⲛⲑⲏⲛⲟⲩ ⲉⲧⲉⲡⲉⲧⲉⲛⲱⲟⲩ ⲡⲉ .
Therefore I ask that you may not lose heart at my troubles for you, which are your glory.
3.14
ⲉⲑⲃⲉⲫⲁⲓ ϯⲕⲱⲗϫ ⲛⲛⲁⲕⲉⲗⲓ ϩⲁⲫⲓⲱⲧ
For this cause, I bow my knees to the Father of our Lord Jesus Christ,
3.15
ⲫⲏ ⲉⲧⲉⲉⲃⲟⲗ ⲙⲙⲟϥ ⲥⲉϫⲱ ⲙⲫⲣⲁⲛ ⲛⲛⲓⲙⲉⲧⲓⲱⲧ ⲧⲏⲣⲟⲩ ⲛϩⲣⲏⲓ ϧⲉⲛⲛⲓⲫⲏⲟⲩⲓ ⲛⲉⲙϩⲓϫⲉⲛⲡⲓⲕⲁϩⲓ .
from whom every family in heaven and on earth is named,
3.16
ϩⲓⲛⲁ ⲛⲧⲉϥϯ ⲛⲱⲧⲉⲛ ⲕⲁⲧⲁⲧⲙⲉⲧⲣⲁⲙⲁⲟ ⲛⲧⲉⲡⲉϥⲱⲟⲩ ⲉⲑⲣⲉⲧⲉⲛⲁⲙⲁϩⲓ ϧⲉⲛⲟⲩϫⲟⲙ ⲉⲃⲟⲗ ϩⲓⲧⲉⲛⲡⲉϥⲡⲛⲉⲩⲙⲁ .
that he would grant you, according to the riches of his glory, that you may be strengthened with power through his Spirit in the inward man;
3.17
ⲉⲧⲣⲉ ⲡⲭⲣⲓⲥⲧⲟⲥ ϣⲱⲡⲓ ϧⲉⲛⲡⲓⲣⲱⲙⲓ ⲉⲧⲥⲁϧⲟⲩⲛ ⲉⲃⲟⲗ ϩⲓⲧⲉⲛⲡⲓⲛⲁϩϯ ⲛϧⲣⲏⲓ ϧⲉⲛⲛⲉⲧⲛϩⲏⲧ ⲉⲣⲉⲧⲉⲛϭⲉⲛⲟⲩⲛⲓ ⲉⲃⲟⲗ ϧⲉⲛⲟⲩⲁⲅⲁⲡⲏ ⲉⲣⲉⲧⲉⲛⲧⲁϫⲣⲏⲟⲩⲧ ⲛⲥⲉⲛϯ .
that Christ may dwell in your hearts through faith; to the end that you, being rooted and grounded in love,
3.18
ϩⲓⲛⲁ ⲛⲧⲉⲧⲉⲛϣϫⲉⲙϫⲟⲙ ⲛⲧⲁϩⲟ ⲛⲉⲙⲛⲓϩⲁⲅⲓⲟⲥ ⲧⲏⲣⲟⲩ ϫⲉⲟⲩ ⲧⲉ ϯⲟⲩⲏϣⲥⲓ ⲛⲉⲙϯϣⲓⲏ ⲛⲉⲙⲡⲓϭⲓⲥⲓ ⲛⲉⲙⲡⲓϣⲱⲕ .
may be strengthened to comprehend with all the saints what is the breadth and length and height and depth,
3.19
ⲉⲉⲙⲓ ⲉϯⲁⲅⲁⲡⲏ ⲉⲧⲉⲣϩⲟⲩⲟ ⲛⲧⲉⲡⲉⲙⲓ ⲙⲡⲭⲣⲓⲥⲧⲟⲥ ϩⲓⲛⲁ ⲛⲧⲉⲧⲉⲛϫⲱⲕ ⲉⲃⲟⲗ ϧⲉⲛⲡⲓϫⲱⲕ ⲧⲏⲣϥ ⲛⲧⲉⲫⲛⲟⲩϯ .
and to know Christ's love which surpasses knowledge, that you may be filled with all the fullness of God.
3.20
ⲫⲏ ⲉⲧⲉⲟⲩⲟⲛ ϣϫⲟⲙ ⲙⲙⲟϥ ⲉⲓⲣⲓ ⲉϩⲟⲧⲉ ϩⲱⲃ ⲛⲓⲃⲉⲛ ϧⲉⲛⲟⲩⲙⲉⲧϩⲟⲩⲟ ⲉⲛⲏ ⲉⲧⲉⲛⲉⲣⲉⲧⲓⲛ ⲙⲙⲱⲟⲩ ⲓⲉ ⲛⲏ ⲉⲧⲉⲛⲕⲁϯ ⲉⲣⲱⲟⲩ ⲕⲁⲧⲁϯϫⲟⲙ ⲉⲧⲉⲣϩⲱⲃ ⲛϧⲣⲏⲓ ⲛϧⲏⲧⲉⲛ .
Now to him who is able to do exceedingly abundantly above all that we ask or think, according to the power that works in us,
3.21
ⲫⲱϥ ⲡⲉ ⲡⲓⲱⲟⲩ ϧⲉⲛϯⲉⲕⲕⲗⲏⲥⲓⲁ ⲛⲉⲙϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ϣⲁⲛⲓⲅⲉⲛⲉⲁ ⲧⲏⲣⲟⲩ ⲛⲧⲉⲡⲉⲛⲉϩ ⲛⲧⲉⲛⲓⲉⲛⲉϩ ⲁⲙⲏⲛ .
to him be the glory in the assembly and in Christ Jesus to all generations forever and ever. Amen.
4.1
ϯϯϩⲟ ⲟⲩⲛ ⲉⲣⲱⲧⲉⲛ ⲁⲛⲟⲕ ⲡⲉⲧⲥⲟⲛϩ ϧⲉⲛⲡϭⲟⲓⲥ ⲉⲙⲟϣⲓ ⲕⲁⲧⲁⲡⲉⲙⲡϣⲁ ⲛⲧⲉⲡⲓⲑⲱϩⲉⲙ ⲫⲏ ⲉⲧⲁⲩⲑⲁϩⲉⲙ ⲑⲏⲛⲟⲩ ⲉⲣⲟϥ
I therefore, the prisoner in the Lord, beg you to walk worthily of the calling with which you were called,
4.2
ϧⲉⲛⲑⲉⲃⲓⲟ ⲛϩⲏⲧ ⲛⲓⲃⲉⲛ ⲛⲉⲙⲟⲩⲙⲉⲧⲣⲉⲙⲣⲁⲩϣ ⲛⲉⲙⲟⲩⲙⲉⲧⲣⲉϥⲱⲟⲩ ⲛϩⲏⲧ ⲉⲣⲉⲧⲉⲛⲉⲣⲁⲛⲉⲭ ⲉⲥⲑⲉ ⲛⲛⲉⲧⲉⲛⲉⲣⲏⲟⲩ ϧⲉⲛⲟⲩⲁⲅⲁⲡⲏ .
with all lowliness and humility, with patience, bearing with one another in love;
4.3
ⲉⲣⲉⲧⲉⲛⲓⲏⲥⲟⲩⲥ ⲉⲁⲣⲉϩ ⲉϯⲙⲉⲧⲟⲩⲁⲓ ⲛⲧⲉⲡⲓⲡⲛⲉⲩⲙⲁⲛⲉⲙ ⲡⲓⲙⲟⲩⲣ ⲉⲧϫⲏⲕ ⲉⲃⲟⲗ ⲛⲧⲉϯϩⲓⲣⲏⲛⲏ
being eager to keep the unity of the Spirit in the bond of peace.
4.4
ⲟⲩⲥⲱⲙⲁ ⲛⲟⲩⲱⲧ ⲛⲉⲙⲟⲩⲡⲛⲉⲩⲙⲁⲛⲟⲩⲱⲧ ⲕⲁⲧⲁⲫⲣⲏϯ ⲉⲧⲁⲩⲑⲁϩⲉⲙ ⲑⲏⲛⲟⲩ ϧⲉⲛⲟⲩϩⲉⲗⲡⲓⲥ ⲛⲟⲩⲱⲧ ⲛⲧⲉⲡⲉⲧⲉⲛⲑⲱϩⲉⲙ .
There is one body, and one Spirit, even as you also were called in one hope of your calling;
4.5
ⲟⲩϭⲟⲓⲥ ⲛⲟⲩⲱⲧ ⲟⲩⲛⲁϩϯ ⲛⲟⲩⲱⲧ ⲟⲩⲱⲙⲥ ⲛⲟⲩⲱⲧ .
one Lord, one faith, one baptism,
4.6
ⲟⲩⲁⲓ ⲡⲉ ⲫⲛⲟⲩϯ ⲫⲓⲱⲧ ⲛⲧⲉⲟⲩⲟⲛ ⲛⲓⲃⲉⲛ ⲫⲏ ⲉⲧⲭⲏ ϩⲓϫⲉⲛⲟⲩⲟⲛ ⲛⲓⲃⲉⲛ ⲟⲩⲟϩ ⲉⲃⲟⲗ ϩⲓⲧⲉⲛⲟⲩⲟⲛ ⲛⲓⲃⲉⲛ ⲟⲩⲟϩ ⲛϧⲣⲏⲓ ϧⲉⲛⲟⲩⲟⲛ ⲛⲓⲃⲉⲛ .
one God and Father of all, who is over all, and through all, and in us all.
4.7
ⲡⲓⲟⲩⲁⲓ ⲇⲉ ⲡⲓⲟⲩⲁⲓ ⲙⲙⲟⲛ ⲁⲩϯ ⲛⲁϥ ⲛⲟⲩϩⲙⲟⲧ ⲕⲁⲧⲁⲡϣⲓ ⲛϯⲇⲱⲣⲉⲁ ⲛⲧⲉⲡⲭⲣⲓⲥⲧⲟⲥ .
But to each one of us was the grace given according to the measure of the gift of Christ.
4.8
ⲉⲑⲃⲉⲫⲁⲓ ϥϫⲱ ⲙⲙⲟⲥ ϫⲉⲁϥϣⲉ ⲛⲁϥ ⲉⲡϭⲓⲥⲓ ⲁϥⲉⲣⲉⲭⲙⲁⲗⲱⲧⲉⲩⲓⲛ ⲛⲟⲩⲉⲭⲙⲁⲗⲱⲥⲓⲁ ⲁϥϯ ⲛϩⲁⲛⲧⲁⲓⲟ ⲛⲛⲓⲣⲱⲙⲓ .
Therefore he says, 'When he ascended on high, he led captivity captive, and gave gifts to men.'
4.9
ⲡⲓϣⲉ ⲇⲉ ⲉⲡϣⲱⲓ ⲟⲩ ⲡⲉ ⲉⲃⲏⲗ ϫⲉⲁϥϣⲉ ⲛⲁϥ ⲟⲛ ⲉⲛⲓⲥⲁ ⲉⲧⲥⲁⲡⲉⲥⲏⲧ ⲙⲡⲕⲁϩⲓ
Now this, 'He ascended,' what is it but that he also first descended into the lower parts of the earth?
4.10
ⲫⲏ ⲉⲧⲁϥϣⲉ ⲉⲡⲉⲥⲏⲧ ⲛⲑⲟϥ ⲟⲛ ⲡⲉ ⲉⲧⲁϥϣⲉ ⲉⲡϣⲱⲓ ⲛⲛⲓⲫⲏⲟⲩⲓ ⲧⲏⲣⲟⲩ ϩⲓⲛⲁ ⲛⲧⲉϥϫⲱⲕ ⲉⲃⲟⲗ ⲛϩⲱⲃ ⲛⲓⲃⲉⲛ .
He who descended is the one who also ascended far above all the heavens, that he might fill all things.
4.11
ⲟⲩⲟϩ ⲛⲑⲟϥ ⲁϥϯ ⲙⲉⲛ ⲛϩⲁⲛⲁⲡⲟⲥⲧⲟⲗⲟⲥ ϩⲁⲛⲟⲩⲟⲛ ⲇⲉ ⲙⲡⲣⲟⲫⲏⲧⲏⲥ ϩⲁⲛⲕⲉⲟⲩⲟⲛ ⲇⲉ ⲛⲣⲉϥϩⲓϣⲉⲛⲛⲟⲩϥⲓ ϩⲁⲛⲕⲉⲟⲩⲟⲛ ⲇⲉ ⲙⲙⲁⲛⲉⲥⲱⲟⲩ ⲛⲉⲙϩⲁⲛⲣⲉϥϯⲥⲃⲱ .
He gave some to be apostles; and some, prophets; and some, evangelists; and some, shepherds and teachers;
4.12
ⲡⲣⲟⲥ ⲥⲟⲃϯ ⲛⲧⲉⲛⲓϩⲁⲅⲓⲟⲥ ⲉⲩϩⲱⲃ ⲛϯⲇⲓⲁⲕⲟⲛⲓⲁ ⲉⲩⲕⲱⲧ ⲛⲧⲉⲡⲥⲱⲙⲁ ⲙⲡⲭⲣⲓⲥⲧⲟⲥ .
for the perfecting of the saints, to the work of serving, to the building up of the body of Christ;
4.13
ϣⲁⲛⲧⲉⲛⲉⲣⲕⲁⲧⲁⲛⲧⲁⲛ ⲧⲏⲣⲉⲛ ⲉϯⲙⲉⲧⲟⲩⲁⲓ ⲛⲧⲉⲡⲓⲛⲁϩϯ ⲛⲉⲙⲡⲉⲙⲓ ⲛⲧⲉⲡϣⲏⲣⲓ ⲙⲫⲛⲟⲩϯ ⲉⲩⲣⲱⲙⲓ ⲛⲧⲉⲗⲓⲟⲥ ⲉⲩϣⲓ ⲛⲧⲉϯⲙⲁⲓⲏ ⲛⲧⲉⲫⲙⲟϩ ⲙⲡⲭⲣⲓⲥⲧⲟⲥ .
until we all attain to the unity of the faith, and of the knowledge of the Son of God, to a full grown man, to the measure of the stature of the fullness of Christ;
4.14
ϩⲓⲛⲁ ⲛⲧⲉⲛϣⲧⲉⲙϣⲱⲡⲓ ⲉⲛⲟⲓ ⲛⲕⲟⲩϫⲓ ⲛⲁⲗⲟⲩ ⲉⲣⲉⲡϩⲱⲓⲙⲓ ϩⲓⲟⲩⲓ ⲙⲙⲟⲛ ⲉⲩⲟⲩⲱⲧⲉⲃ ⲙⲙⲟⲛ ⲉⲃⲟⲗ ϧⲉⲛⲑⲏⲟⲩ ⲛⲓⲃⲉⲛ ⲛⲧⲉϯⲙⲉⲧⲣⲉϥϯⲥⲃⲱ ϧⲉⲛϯⲕⲩⲃⲓⲁ ⲛⲧⲉⲛⲓⲣⲱⲙⲓ ϧⲉⲛⲟⲩⲙⲉⲧⲥⲉⲃ ⲡⲣⲟⲥ ⲛⲓⲕⲟⲧⲥ ⲛⲧⲉϯⲡⲗⲁⲛⲏ .
that we may no longer be children, tossed back and forth and carried about with every wind of doctrine, by the trickery of men, in craftiness, after the wiles of error;
4.15
ⲉⲛⲓⲣⲓ ⲇⲉ ⲛⲧⲙⲏⲓ ϧⲉⲛⲟⲩⲁⲅⲁⲡⲏ ⲙⲁⲣⲉⲛϯⲁⲓⲁⲓ ⲛϩⲱⲃ ⲛⲓⲃⲉⲛ ⲉϧⲟⲩⲛ ⲉⲣⲟϥ ⲉⲧⲉⲛⲑⲟϥ ⲡⲉ ϯⲁⲫⲉ ⲡⲭⲣⲓⲥⲧⲟⲥ .
but speaking truth in love, we may grow up in all things into him, who is the head, Christ;
4.16
ⲫⲁⲓ ⲉⲧⲉⲡⲓⲥⲱⲙⲁ ⲧⲏⲣϥ ϩⲱⲧⲡ ⲉⲣⲟϥ ⲟⲩⲟϩ ⲁϥϯⲙⲁϯ ϧⲉⲛⲟⲩϩⲓⲟⲓ ⲉⲃⲟⲗ ϩⲓⲧⲉⲛⲛⲓⲙⲟⲩⲧ ⲛⲓⲃⲉⲛ ⲛⲧⲉⲛⲓⲥⲁϩⲛⲓ ⲕⲁⲧⲁⲡⲓⲉⲣϩⲱⲃ ϧⲉⲛⲟⲩϣⲓ ⲛⲧⲉⲫⲟⲩⲁⲓ ⲫⲟⲩⲁⲓ ⲛⲛⲓⲙⲉⲗⲟⲥ ϥⲓⲣⲓ ⲙⲡⲓⲁⲓⲁⲓ ⲛⲧⲉⲡⲓⲥⲱⲙⲁ ⲉⲩⲕⲱⲧ ⲛⲁϥ ϧⲉⲛⲟⲩⲁⲅⲁⲡⲏ .
from whom all the body, being fitted and knit together through that which every joint supplies, according to the working in measure of each individual part, makes the body increase to the building up of itself in love.
4.17
ⲫⲁⲓ ⲇⲉ ϯϫⲱ ⲙⲙⲟϥ ⲟⲩⲟϩ ϯⲉⲣⲙⲉⲑⲣⲉ ϧⲉⲛⲡϭⲟⲓⲥ ⲉϣⲧⲉⲙⲑⲣⲉⲧⲉⲛⲙⲟϣⲓ ϫⲉⲙⲫⲣⲏϯ ⲉⲧⲉⲛⲓⲉⲑⲛⲟⲥ ⲙⲟϣⲓ ⲙⲙⲟϥ ϧⲉⲛⲟⲩⲙⲉⲧⲉⲫⲗⲏⲟⲩ ⲛⲧⲉⲡⲟⲩϩⲏⲧ .
This I say therefore, and testify in the Lord, that you no longer walk as the rest of the Gentiles also walk, in the futility of their mind,
4.18
ⲉⲩⲟⲓ ⲛⲭⲁⲕⲓ ϧⲉⲛⲡⲟⲩⲙⲉⲩⲓ ⲉⲩⲟⲓ ⲛϣⲉⲙⲙⲟ ⲙⲡⲓⲱⲛϧ ⲛⲧⲉⲫⲛⲟⲩϯ ⲉⲑⲃⲉϯⲙⲉⲧⲁⲧⲉⲙⲓ ⲉⲧϣⲟⲡ ⲛϧⲏⲧⲟⲩ ⲉⲑⲃⲉⲡⲓⲑⲱⲙ ⲛⲧⲉⲡⲟⲩϩⲏⲧ
being darkened in their understanding, alienated from the life of God, because of the ignorance that is in them, because of the hardening of their hearts;
4.19
ⲛⲁⲓ ⲉⲧⲁⲩⲉⲣⲁⲧⲙⲕⲁϩ ⲁⲩⲧⲏⲓⲧⲟⲩ ⲙⲙⲁⲩⲁⲩⲧⲟⲩ ⲉϧⲣⲏⲓ ⲉⲩⲥⲱϥ ⲉⲩϩⲱⲃ ⲛⲧⲉϭⲱϧⲉⲙ ⲛⲓⲃⲉⲛ ϧⲉⲛⲟⲩⲙⲉⲧϭⲓⲛϫⲟⲛⲥ .
who having become callous gave themselves up to lust, to work all uncleanness with greediness.
4.20
ⲛⲑⲱⲧⲉⲛ ⲇⲉ ⲛⲏ ⲉⲧⲁⲩⲧⲥⲁⲃⲉ ⲑⲏⲛⲟⲩ ⲁⲛ ⲙⲡⲁⲓⲣⲏϯ ⲉⲡⲭⲣⲓⲥⲧⲟⲥ .
But you did not learn Christ that way;
4.21
ⲓⲥϫⲉ ⲁⲧⲉⲧⲉⲛⲥⲟⲑⲙⲉϥ ⲟⲩⲟϩ ⲁⲩⲧⲥⲁⲃⲉ ⲑⲏⲛⲟⲩ ⲛϧⲏⲧϥ ⲕⲁⲧⲁⲫⲣⲏϯ ⲉⲧⲉⲟⲩⲙⲉⲑⲙⲏⲓ ⲉⲧⲭⲏ ϧⲉⲛⲓⲏⲥⲟⲩⲥ .
if indeed you heard him, and were taught in him, even as truth is in Jesus:
4.22
ⲛⲧⲉⲧⲉⲛⲭⲱ ⲉϧⲣⲏⲓ ϩⲱⲧⲉⲛ ⲙⲡⲉⲧⲉⲛϫⲓⲛⲙⲟϣⲓ ⲛⲧⲉϣⲟⲣⲡ ⲡⲓⲣⲱⲙⲓ ⲛⲁⲡⲁⲥ ⲫⲏ ⲉⲑⲛⲁⲧⲁⲕⲟ ⲕⲁⲧⲁⲛⲓⲉⲡⲓⲑⲩⲙⲓⲁ ⲛⲧⲉϯⲁⲡⲁⲧⲏ .
that you put away, as concerning your former way of life, the old man, that grows corrupt after the lusts of deceit;
4.23
ⲛⲧⲉⲧⲉⲛⲉⲣⲃⲉⲣⲓ ⲇⲉ ϧⲉⲛⲡⲓⲡⲛⲉⲩⲙⲁⲛⲧⲉⲡⲉⲧⲉⲛϩⲏⲧ .
and that you be renewed in the spirit of your mind,
4.24
ⲟⲩⲟϩ ⲛⲧⲉⲧⲉⲛϯ ϩⲓⲑⲏⲛⲟⲩ ⲙⲡⲓⲣⲱⲙⲓ ⲙⲃⲉⲣⲓ ⲫⲏ ⲉⲧⲁⲩⲥⲟⲛⲧϥ ⲕⲁⲧⲁⲫⲛⲟⲩϯ ϧⲉⲛⲟⲩⲙⲉⲑⲙⲏⲓ ⲛⲉⲙⲟⲩⲧⲟⲩⲃⲟ ⲛⲧⲉⲑⲙⲏⲓ .
and put on the new man, who in the likeness of God has been created in righteousness and holiness of truth.
4.25
ⲉⲑⲃⲉⲫⲁⲓ ⲭⲱ ⲉϧⲣⲏⲓ ⲛϯⲙⲉⲑⲛⲟⲩϫ ⲥⲁϫⲓ ⲛⲧⲙⲏⲓ ⲡⲓⲟⲩⲁⲓ ⲡⲓⲟⲩⲁⲓ ⲛⲉⲙⲡⲉϥϣⲫⲏⲣ ϫⲉⲁⲛⲟⲛ ϩⲁⲛⲙⲉⲗⲟⲥ ⲛⲛⲉⲧⲉⲛⲉⲣⲏⲟⲩ .
Therefore, putting away falsehood, speak truth each one with his neighbor. For we are members of one another.
4.26
ϫⲱⲛⲧ ⲟⲩⲟϩ ⲙⲡⲉⲣⲉⲣⲛⲟⲃⲓ ⲙⲡⲉⲛⲑⲣⲉ ⲫⲣⲏ ϩⲱⲧⲡ ⲉϫⲉⲛⲡⲉⲧⲉⲛⲙⲃⲟⲛ .
'Be angry, and don't sin.' Don't let the sun go down on your wrath,
4.27
ⲟⲩⲇⲉ ⲙⲡⲉⲣϯ ⲙⲁ ⲙⲡⲓⲇⲓⲁⲃⲟⲗⲟⲥ .
neither give place to the devil.
4.28
ⲡⲉⲧϭⲓⲟⲩⲓ ⲙⲡⲉⲛⲑⲣⲉϥϭⲓⲟⲩⲓ ϫⲉⲙⲁⲗⲗⲟⲛ ⲇⲉ ⲙⲁⲣⲉϥϧⲓⲥⲓ ⲉϥⲉⲣϩⲱⲃ ⲛⲛⲉϥϫⲓϫ ⲉⲡⲓⲡⲉⲑⲛⲁⲛⲉϥ ϩⲓⲛⲁ ⲛⲧⲉϥϫⲓⲙⲓ ⲉϯ ⲙⲫⲏ ⲉⲧⲉⲣϧⲁⲉ .
Let him who stole steal no more; but rather let him labor, working with his hands the thing that is good, that he may have something to give to him who has need.
4.29
ⲥⲁϫⲓ ⲛⲓⲃⲉⲛ ⲉⲧϩⲱⲟⲩ ⲙⲡⲉⲛⲑⲣⲟⲩⲓ ⲉⲃⲟⲗ ϧⲉⲛⲣⲱⲧⲉⲛ ⲁⲗⲗⲁ ⲡⲓⲡⲉⲑⲛⲁⲛⲉϥ ⲉⲩⲕⲱⲧ ⲛⲧⲉϯⲭⲣⲓⲁ ϩⲓⲛⲁ ⲛⲧⲉϥϯ ⲛⲟⲩϩⲙⲟⲧ ⲛⲛⲏ ⲉⲧⲥⲱⲧⲉⲙ .
Let no corrupt speech proceed out of your mouth, but such as is good for building up as the need may be, that it may give grace to those who hear.
4.30
ⲟⲩⲟϩ ⲙⲡⲉⲣϯⲙⲕⲁϩ ⲛϩⲏⲧ ⲙⲡⲓⲡⲛⲉⲩⲙⲁⲉⲑⲟⲩⲁⲃ ⲛⲧⲉⲫⲛⲟⲩϯ ⲫⲏ ⲉⲧⲁⲩⲉⲣⲥⲫⲣⲁⲅⲓⲍⲓⲛ ⲙⲙⲱⲧⲉⲛ ⲛϧⲏⲧϥ ⲉⲡⲓⲉϩⲟⲟⲩ ⲛⲧⲉⲡⲓⲥⲱϯ .
Don't grieve the Holy Spirit of God, in whom you were sealed for the day of redemption.
4.31
ϣⲁϣⲓ ⲛⲓⲃⲉⲛ ⲛⲉⲙⲙⲃⲟⲛ ⲛⲓⲃⲉⲛ ⲛⲉⲙϫⲱⲛⲧ ⲛⲓⲃⲉⲛ ⲛⲉⲙⲱϣ ⲉⲃⲟⲗ ⲛⲓⲃⲉⲛ ⲛⲉⲙϫⲉⲟⲩⲁ ⲛⲓⲃⲉⲛ ⲁⲗⲓⲧⲟⲩ ⲉⲃⲟⲗ ϩⲁⲣⲱⲧⲉⲛ ⲛⲉⲙⲕⲁⲕⲓⲁ ⲛⲓⲃⲉⲛ .
Let all bitterness, wrath, anger, outcry, and slander, be put away from you, with all malice.
4.32
ϣⲱⲡⲓ ⲉⲣⲉⲧⲉⲛⲟⲓ ⲛⲭⲣⲓⲥⲧⲟⲥ ⲉⲛⲉⲧⲉⲛⲉⲣⲏⲟⲩ ⲛⲣⲉϥϣⲉⲛϩⲏⲧ ⲉⲣⲉⲧⲉⲛⲭⲱ ⲉⲃⲟⲗ ⲛⲛⲉⲧⲉⲛⲉⲣⲏⲟⲩ ⲕⲁⲧⲁⲫⲣⲏϯ ⲉⲧⲁ ⲫⲛⲟⲩϯ ⲭⲱ ⲛⲱⲧⲉⲛ ⲉⲃⲟⲗ ϧⲉⲛⲡⲭⲣⲓⲥⲧⲟⲥ .
And be kind to one another, tenderhearted, forgiving each other, just as God also in Christ forgave you.
5.1
ϣⲱⲡⲓ ⲟⲩⲛ ⲉⲣⲉⲧⲉⲛⲟⲛⲓ ⲙⲫⲛⲟⲩϯ ⲙⲫⲣⲏϯ ⲛϩⲁⲛϣⲏⲣⲓ ⲙⲙⲉⲛⲣⲓⲧ .
Be therefore imitators of God, as beloved children.
5.2
ⲟⲩⲟϩ ⲙⲟϣⲓ ϧⲉⲛⲟⲩⲁⲅⲁⲡⲏ ⲕⲁⲧⲁⲫⲣⲏϯ ⲟⲛ ⲉⲧⲁ ⲡⲭⲣⲓⲥⲧⲟⲥ ⲉⲣⲁⲅⲁⲡⲁⲛ ⲙⲙⲱⲧⲉⲛ ⲟⲩⲟϩ ⲁϥⲧⲏⲓϥ ⲉϩⲣⲏⲓ ⲉϫⲉⲛⲑⲏⲛⲟⲩ ⲛⲟⲩⲡⲣⲟⲥⲫⲟⲣⲁ ⲛⲉⲙⲟⲩϣⲟⲩϣⲱⲟⲩϣⲓ ⲙⲫⲛⲟⲩϯ ⲉⲩⲥⲑⲟⲓ ⲛⲥⲑⲟⲓⲛⲟⲩϥⲓ .
Walk in love, even as Christ also loved you, and gave himself up for us, an offering and a sacrifice to God for a sweet-smelling fragrance.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.