Acts (Bohairic Coptic)

Coptic New Testament (Bohairic) · 1,006 sections

11.17
ⲓⲥϫⲉ ⲟⲩⲛ ⲁⲫⲛⲟⲩϯ ⲁϥϯ ⲛⲱⲟⲩ ⲛϯϩⲩⲥⲟⲥ ⲛϯⲇⲱⲣⲉⲁ ⲉⲧⲁⲩⲛⲁϩϯ ⲉⲡϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲙⲡⲉⲛⲣⲏϯ ϩⲱⲛ ⲁⲛⲟⲕ ⲛⲓⲙ ⲇⲉ ⲉⲧⲁϩⲛⲟ ⲙⲫⲛⲟⲩϯ .
If then God gave to them the same gift as us, when we believed in the Lord Jesus Christ, who was I, that I could withstand God?'
11.18
ⲉⲧⲁⲩⲥⲱⲧⲉⲙ ⲇⲉ ⲉⲛⲁⲓ ⲁⲩⲭⲁⲣⲱⲟⲩ ⲟⲩⲟϩ ⲁⲩϯⲱⲟⲩ ⲙⲫⲛⲟⲩϯ ⲉⲩϫⲱ ⲙⲙⲟⲥ ϫⲉϩⲁⲣⲁ ⲁⲫⲛⲟⲩϯ ⲁϥϯ ⲛϯⲙⲉⲧⲁⲛⲟⲓⲁ ⲛⲛⲓⲕⲉⲉⲑⲛⲟⲥ ⲉⲡⲱⲛϧ .
When they heard these things, they held their peace, and glorified God, saying, 'Then God has also granted to the Gentiles repentance to life!'
11.19
ⲛⲏ ⲙⲉⲛ ⲟⲩⲛ ⲉⲧⲁⲩⲥⲱⲣ ⲉⲃⲟⲗ ⲓⲥϫⲉⲛ ⲡⲓϩⲟϫϩⲉϫ ⲉⲧⲁϥϣⲱⲡⲓ ϩⲓⲥⲧⲉⲫⲁⲛⲟⲥ ⲁⲩⲓ ϣⲁⲉϩⲣⲏⲓ ⲉϯⲫⲟⲓⲛⲓⲕⲏ ⲛⲉⲙⲕⲩⲡⲣⲟⲥ ⲛⲉⲙⲧⲁⲛϯⲟⲭⲓⲁ ⲛⲥⲉⲥⲁϫⲓ ⲛⲉⲙϩⲗⲓ ⲁⲛ ⲙⲡⲓⲥⲁϫⲓ ⲉⲃⲏⲗ ⲉⲛⲓⲓⲟⲩⲇⲁⲓ ⲙⲙⲁⲩⲁⲧⲟⲩ .
They therefore who were scattered abroad by the oppression that arose about Stephen traveled as far as Phoenicia, Cyprus, and Antioch, speaking the word to no one except to Jews only.
11.20
ⲛⲉ ⲟⲩⲟⲛ ϩⲁⲛⲟⲩⲟⲛ ⲇⲉ ⲉⲃⲟⲗ ⲛϧⲏⲧⲟⲩ ϩⲁⲛⲣⲱⲙⲓ ⲛⲕⲩⲡⲣⲓⲟⲥ ⲛⲉⲙϩⲁⲛⲕⲩⲣⲓⲛⲛⲉⲟⲥ ⲛⲁⲓ ⲉⲧⲁⲩⲓ ⲉⲧⲁⲛⲧⲓⲟⲭⲓⲁ ⲛⲁⲩⲥⲁϫⲓ ⲛⲉⲙⲛⲓⲟⲩⲉⲓⲛⲓⲛ ⲉⲩϩⲓⲱⲓϣ ⲙⲡϭⲟⲓⲥ ⲓⲏⲥⲟⲩⲥ .
But there were some of them, men of Cyprus and Cyrene, who, when they had come to Antioch, spoke to the Hellenists, preaching the Lord Jesus.
11.21
ⲟⲩⲟϩ ⲛⲁⲣⲉⲧϫⲓϫ ⲙⲡϭⲟⲓⲥ ⲭⲏ ⲛⲉⲙⲱⲟⲩ ⲟⲩⲛⲓϣϯ ⲇⲉ ⲙⲙⲏϣ ⲁⲩⲛⲁϩϯ ⲟⲩⲟϩ ⲁⲩⲕⲟⲧⲟⲩ ⲉⲡϭⲟⲓⲥ .
The hand of the Lord was with them, and a great number believed and turned to the Lord.
11.22
ⲁⲡⲓⲥⲁϫⲓ ⲇⲉ ϣⲉ ϣⲁⲛⲉⲛⲙⲁϣϫ ⲛϯⲉⲕⲕⲗⲏⲥⲓⲁ ⲉⲧϧⲉⲛⲓⲉⲣⲟⲥⲁⲗⲏⲙ ⲉⲑⲃⲏⲧⲟⲩ ⲟⲩⲟϩ ⲁⲩⲟⲩⲱⲣⲡ ⲙⲃⲁⲣⲛⲁⲃⲁⲥ ϣⲁⲧⲁⲛⲧⲓⲟⲭⲓⲁ .
The report concerning them came to the ears of the assembly which was in Jerusalem. They sent out Barnabas to go as far as Antioch,
11.23
ⲫⲁⲓ ⲉⲧⲁϥⲓ ⲟⲩⲟϩ ⲉⲧⲁϥⲛⲁⲩ ⲉⲡⲓϩⲙⲟⲧ ⲛⲧⲉⲫⲛⲟⲩϯ ⲁϥⲣⲁϣⲓ ⲟⲩⲟϩ ⲛⲁϥϯⲛⲟⲙϯ ⲛⲟⲩⲟⲛ ⲛⲓⲃⲉⲛ ϧⲉⲛⲡⲓⲑⲱⲧ ⲛϩⲏⲧ ⲉⲑⲣⲟⲩⲟϩⲓ ϧⲉⲛⲡϭⲟⲓⲥ .
who, when he had come, and had seen the grace of God, was glad. He exhorted them all, that with purpose of heart they should remain near to the Lord.
11.24
ϫⲉⲛⲉⲟⲩⲣⲱⲙⲓ ⲛⲁⲅⲁⲑⲟⲥ ⲡⲉ ⲉϥⲙⲉϩ ⲉⲃⲟⲗ ϧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲛⲉⲙⲫⲛⲁϩϯ ⲟⲩⲟϩ ⲁϥⲟⲩⲁϩϥ ⲛⲥⲁⲡϭⲟⲓⲥ ⲛϫⲉⲟⲩⲛⲓϣϯ ⲙⲙⲏϣ .
For he was a good man, and full of the Holy Spirit and of faith, and many people were added to the Lord.
11.25
ⲉⲧⲁϥⲓ ⲇⲉ ⲉⲑⲁⲣⲥⲟⲥ ⲉϥⲕⲱϯ ⲛⲥⲁⲥⲁⲩⲗⲟⲥ .
Barnabas went out to Tarsus to look for Saul.
11.26
ⲟⲩⲟϩ ⲉⲧⲁϥϫⲉⲙϥ ⲁϥⲉⲛϥ ⲉϩⲣⲏⲓ ⲉⲧⲁⲛⲧⲓⲟⲭⲓⲁ ⲁⲥϣⲱⲡⲓ ⲇⲉ ⲉⲧⲁⲩⲉⲣ ⲟⲩⲣⲟⲙⲡⲓ ⲧⲏⲣⲥ ⲉⲩⲑⲟⲩⲏⲧ ϧⲉⲛϯⲉⲕⲕⲗⲏⲥⲓⲁ ⲁⲩϯⲥⲃⲱ ⲛⲟⲩⲛⲓϣϯ ⲙⲙⲏϣ ⲁⲩϯⲣⲉⲛ ⲛⲓⲙⲁⲑⲏⲧⲏⲥ ⲇⲉ ⲉⲧϧⲉⲛⲧⲁⲛⲧⲓⲟⲭⲓⲁ ⲛϣⲟⲣⲡ ϫⲉⲛⲓⲭⲣⲏⲥⲧⲓⲁⲛⲟⲥ .
When he had found him, he brought him to Antioch. It happened, that for a whole year they were gathered together with the assembly, and taught many people. The disciples were first called Christians in Antioch.
11.27
ⲛϩⲣⲏⲓ ⲇⲉ ϧⲉⲛⲛⲁⲓⲉϩⲟⲟⲩ ⲉⲧⲉⲙⲙⲁⲩ ⲁⲩⲓ ⲛϫⲉϩⲁⲛⲡⲣⲟⲫⲏⲧⲏⲥ ⲉⲃⲟⲗ ϧⲉⲛⲓⲉⲣⲟⲥⲁⲗⲏⲙ ⲉⲧⲁⲛⲧⲓⲟⲭⲓⲁ .
Now in these days, prophets came down from Jerusalem to Antioch.
11.28
ⲁϥⲧⲱⲛϥ ⲇⲉ ⲛϫⲉⲟⲩⲁⲓ ⲉⲃⲟⲗ ⲛϧⲏⲧⲟⲩ ⲉⲡⲉϥⲣⲁⲛ ⲡⲉ ⲁⲅⲁⲃⲟⲥ ⲁϥϯⲙⲏⲓⲛⲓ ⲉⲃⲟⲗ ϩⲓⲧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲉⲟⲩⲛⲓϣϯ ⲛϩⲃⲱⲛ ⲉϥⲛⲁϣⲱⲡⲓ ⲉϫⲉⲛϯⲟⲓⲕⲟⲩⲙⲉⲛⲏ ⲧⲏⲣⲥ ⲉⲧⲉⲫⲏ ⲡⲉ ⲉⲧⲁϥϣⲱⲡⲓ ϩⲓⲕⲗⲁⲩⲇⲓⲟⲥ .
One of them named Agabus stood up, and indicated by the Spirit that there should be a great famine all over the world, which also happened in the days of Claudius.
11.29
ⲛⲓⲙⲁⲑⲏⲧⲏⲥ ⲇⲉ ⲕⲁⲧⲁⲫⲣⲏϯ ⲉⲛⲁⲣⲉⲡⲓⲟⲩⲁⲓ ⲡⲓⲟⲩⲁⲓ ⲙⲉϩ ⲙⲙⲟϥ ⲁϥⲑⲱϣ ⲛϫⲉⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ ⲉⲟⲩⲇⲓⲁⲕⲱⲛⲓⲁ ⲉⲟⲩⲱⲣⲡ ⲛⲛⲓⲥⲛⲏⲟⲩ ⲉⲧϣⲟⲡ ϧⲉⲛϯⲓⲟⲩⲇⲉⲁ .
As any of the disciples had plenty, each determined to send relief to the brothers who lived in Judea;
11.30
ⲫⲁⲓ ⲉⲧⲁⲩⲁⲓϥ ⲉⲟⲩⲱⲣⲡ ⲛϩⲁⲛⲡⲣⲉⲥⲃⲩⲧⲉⲣⲟⲥ ⲉⲃⲟⲗ ϩⲓⲧⲟⲧϥ ⲙⲃⲁⲣⲛⲁⲃⲁⲥ ⲛⲉⲙⲥⲁⲩⲗⲟⲥ .
which they also did, sending it to the elders by the hands of Barnabas and Saul.
12.1
ⲛϩⲣⲏⲓ ⲇⲉ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲁ ⲏⲣⲱⲇⲏⲥ ⲡⲟⲩⲣⲟ ⲁϥⲓⲛⲓ ⲛⲧⲉϥϫⲓϫ ⲉϩⲣⲏⲓ ⲉϫⲉⲛϩⲁⲛⲟⲩⲟⲛ ⲉⲃⲟⲗ ϧⲉⲛϯⲉⲕⲕⲗⲏⲥⲓⲁ ⲉϯⲙⲕⲁϩ ⲛⲱⲟⲩ .
Now about that time, Herod the king stretched out his hands to oppress some of the assembly.
12.2
ⲟⲩⲟϩ ⲁϥϧⲱⲧⲉⲃ ⲛⲓⲁⲕⲱⲃⲟⲥ ⲡⲥⲟⲛ ⲛⲓⲱⲁⲛⲛⲏⲥ ⲛⲧⲥⲏϥⲓ .
He killed James, the brother of John, with the sword.
12.3
ⲉⲧⲁϥⲛⲁⲩ ⲇⲉ ϫⲉⲡⲓϩⲱⲃ ⲣⲁⲛⲱⲟⲩ ⲛⲛⲓⲓⲟⲩⲇⲁⲓ ⲁϥⲟⲩⲁϩⲧⲟⲧϥ ⲉϭⲱⲡⲓ ⲙⲡⲕⲉⲡⲉⲧⲣⲟⲥ ⲛⲉⲛⲓⲉϩⲟⲟⲩ ⲇⲉ ⲛⲉⲛⲧⲉⲛⲓⲁⲧⲕⲱⲃ .
When he saw that it pleased the Jews, he proceeded to seize Peter also. This was during the days of unleavened bread.
12.4
ⲫⲁⲓ ⲉⲧⲁϥϭⲟⲡϥ ⲁϥⲭⲁϥ ϧⲉⲛⲡⲓϣⲧⲉⲕⲟ ⲉⲁϥⲧⲏⲓϥ ⲉⲧⲟⲧⲟⲩ ⲛⲇ ⲛϣⲱⲡ ⲙⲙⲁⲧⲟⲓ ⲉⲑⲣⲟⲩⲁⲣⲉϩ ⲉⲣⲟϥ ⲉϥⲙⲉⲩⲓ ⲉⲉⲛϥ ⲉϩⲣⲏⲓ ⲙⲡⲓⲗⲁⲟⲥ ⲙⲉⲛⲉⲛⲥⲁⲡⲓⲡⲁⲥⲭⲁ .
When he had arrested him, he put him in prison, and delivered him to four squads of four soldiers each to guard him, intending to bring him out to the people after the Passover.
12.5
ⲡⲉⲧⲣⲟⲥ ⲙⲉⲛ ⲟⲩⲛ ⲛⲁⲩⲁⲣⲉϩ ⲉⲣⲟϥ ϧⲉⲛⲡⲓϣⲧⲉⲕⲟ ⲛⲁⲥⲉⲣⲡⲣⲟⲥⲉⲩⲭⲉⲥⲑⲉ ⲇⲉ ⲉⲑⲃⲏⲧϥ ⲉⲙⲁϣⲱ ϩⲁⲫⲛⲟⲩϯ ⲛϫⲉϯⲉⲕⲕⲗⲏⲥⲓⲁ .
Peter therefore was kept in the prison, but constant prayer was made by the assembly to God for him.
12.6
ϩⲟⲧⲉ ⲇⲉ ⲉϥⲛⲁⲉⲛϥ ⲉϩⲣⲏⲓ ⲛϫⲉⲏⲣⲱⲇⲏⲥ ϧⲉⲛⲡⲓⲉϫⲱⲣϩ ⲉⲧⲉⲙⲙⲁⲩ ⲛⲁϥⲉⲛⲕⲟⲧ ⲛϫⲉⲡⲉⲧⲣⲟⲥ ⲟⲩⲧⲉ ⲙⲁⲧⲟⲓ ⲃⲉϥⲙⲏⲣ ⲛϩⲁⲗⲩⲥⲓⲥ ⲃϯ ⲛⲉⲟⲩⲟⲛ ⲛϩⲁⲛⲁⲣⲉϩ ⲇⲉ ϩⲓⲣⲉⲛⲛⲓⲣⲱⲟⲩ ⲉⲩⲁⲣⲉϩ ⲉⲡⲓϣⲧⲉⲕⲟ .
The same night when Herod was about to bring him out, Peter was sleeping between two soldiers, bound with two chains. Guards in front of the door kept the prison.
12.7
ⲟⲩⲟϩ ϩⲏⲡⲡⲉ ⲓⲥ ⲟⲩⲁⲅⲅⲉⲗⲟⲥ ⲛⲧⲉⲡϭⲟⲓⲥ ⲁϥⲓ ⲟⲩⲟϩ ⲟⲩⲟⲩⲱⲓⲛⲓ ⲁϥⲉⲣⲟⲩⲱⲓⲛⲓ ϧⲉⲛⲡⲓⲏⲓ ⲉⲧⲁϥⲕⲓⲙ ⲇⲉ ⲉⲡⲥⲫⲓⲣ ⲙⲡⲉⲧⲣⲟⲥ ⲁϥⲧⲟⲩⲛⲟⲥϥ ⲉϥϫⲱ ⲙⲙⲟⲥ ϫⲉⲧⲱⲛⲕ ⲛⲭⲱⲗⲉⲙ ⲟⲩⲟϩ ⲁⲩϩⲉⲓ ⲛϫⲉⲛⲓϩⲁⲗⲩⲥⲓⲥ ⲉⲃⲟⲗ ϧⲉⲛⲛⲉϥϫⲓϫ .
And behold, an angel of the Lord stood by him, and a light shone in the cell. He struck Peter on the side, and woke him up, saying, 'Stand up quickly!' His chains fell off from his hands.
12.8
ⲡⲉϫⲉ ⲡⲓⲁⲅⲅⲉⲗⲟⲥ ⲇⲉ ⲛⲁϥ ϫⲉⲙⲟⲣⲕ ⲟⲩⲟϩ ⲙⲁ ⲡⲉⲕⲥⲩⲛⲇⲁⲗⲓⲟⲛ ⲉⲣⲁⲧⲕ ⲁϥⲓⲣⲓ ⲇⲉ ⲙⲡⲁⲓⲣⲏϯ ⲟⲩⲟϩ ⲡⲉϫⲁϥ ϫⲉϫⲟⲗϩⲕ ⲙⲡⲉⲕϩⲃⲱⲥ ⲟⲩⲟϩ ⲙⲟϣⲓ ⲛⲥⲱⲓ .
The angel said to him, 'Get dressed and put on your sandals.' He did so. He said to him, 'Put on your cloak, and follow me.'
12.9
ⲟⲩⲟϩ ⲉⲧⲁϥⲓ ⲉⲃⲟⲗ ⲛⲁϥⲙⲟϣⲓ ⲛⲥⲱϥ ⲟⲩⲟϩ ⲛⲁϥⲉⲙⲓ ⲁⲛ ϫⲉⲟⲩⲙⲏⲓ ⲡⲉⲧⲉ ⲛⲁϥϣⲟⲡ ⲉⲃⲟⲗ ϩⲓⲧⲉⲛⲡⲓⲁⲅⲅⲉⲗⲟⲥ ⲛⲁϥⲙⲉⲩⲓ ⲇⲉ ϫⲉⲟⲩϩⲟⲣⲁⲙⲁ ⲡⲉⲧⲁϥⲛⲁⲩ ⲉⲣⲟϥ .
And he went out and followed him. He didn't know that what was being done by the angel was real, but thought he saw a vision.
12.10
ⲉⲧⲁⲩⲥⲓⲛⲓ ⲇⲉ ⲉⲃⲟⲗ ϧⲉⲛⲡⲓⲙⲁ ⲛⲁⲣⲉϩ ⲛϩⲟⲩⲓⲧ ⲛⲉⲙⲡⲓⲙⲁϩⲃ ⲁⲩⲓ ⲉϯⲡⲩⲗⲏ ⲙⲃⲉⲛⲓⲡⲓ ⲑⲏ ⲉⲑⲛⲏⲟⲩ ⲉⲃⲟⲗ ⲉϯⲡⲟⲗⲓⲥ ⲑⲁⲓ ⲁⲥⲟⲩⲱⲛ ⲛⲱⲟⲩ ⲛⲟⲩⲁⲧⲥ ⲉⲧⲁⲩⲓ ⲇⲉ ⲉⲃⲟⲗ ⲁⲩⲥⲉⲛ ⲟⲩⲁⲓ ⲛⲛⲓϧⲓⲣ ⲟⲩⲟϩ ⲥⲁⲧⲟⲧϥ ⲁϥϣⲉ ⲛⲁϥ ⲛϫⲉⲡⲓⲁⲅⲅⲉⲗⲟⲥ ⲉⲃⲟⲗ ϩⲁⲣⲟϥ .
When they were past the first and the second guard, they came to the iron gate that leads into the city, which opened to them by itself. They went out, and went down one street, and immediately the angel departed from him.
12.11
ⲡⲉⲧⲣⲟⲥ ⲇⲉ ⲉⲧⲁ ⲡⲉϥϩⲏⲧ ⲓⲉⲣⲟϥ ⲡⲉϫⲁϥ ϫⲉϯⲛⲟⲩ ⲁⲓⲉⲙⲓ ⲧⲁⲫⲙⲏ ϫⲉⲁⲡϭⲟⲓⲥ ⲟⲩⲱⲣⲡ ⲙⲡⲉϥⲁⲅⲅⲉⲗⲟⲥ ⲟⲩⲟϩ ⲁϥⲛⲁϩⲙⲉⲧ ⲉⲃⲟⲗ ϧⲉⲛⲧϫⲓϫ ⲛⲏⲣⲱⲇⲏⲥ ⲛⲉⲙⲡⲥⲟⲙⲥ ⲉⲃⲟⲗ ⲧⲏⲣϥ ⲙⲡⲓⲗⲁⲟⲥ ⲛⲧⲉⲛⲓⲓⲟⲩⲇⲁⲓ .
When Peter had come to himself, he said, 'Now I truly know that the Lord has sent out his angel and delivered me out of the hand of Herod, and from everything the Jewish people were expecting.'
12.12
ⲉⲧⲁϥⲛⲁⲩ ⲇⲉ ⲁϥⲓ ⲉⲡⲏⲓ ⲙⲙⲁⲣⲓⲁ ⲧⲙⲁⲩ ⲛⲓⲱⲁⲛⲛⲏⲥ ⲫⲏ ⲉⲧⲟⲩⲙⲟⲩϯ ⲉⲣⲟϥ ϫⲉⲙⲁⲣⲕⲟⲥ ⲡⲓⲙⲁ ⲉⲛⲁⲩⲑⲟⲩⲏⲧ ⲙⲙⲟϥ ⲛϫⲉⲟⲩⲙⲏ ϣⲉⲩⲉⲣⲡⲣⲟⲥⲉⲩⲭⲉⲥⲑⲉ .
Thinking about that, he came to the house of Mary, the mother of John whose surname was Mark, where many were gathered together and were praying.
12.13
ⲉⲧⲁϥⲕⲱⲗϩ ⲇⲉ ϩⲓⲣⲉⲛⲫⲣⲟ ⲙⲡⲓⲡⲩⲗⲱⲛ ⲛϫⲉⲡⲉⲧⲣⲟⲥ ⲁⲥⲓ ⲉⲃⲟⲗ ⲛϫⲉⲟⲩⲁⲗⲟⲩ ⲙⲃⲱⲕⲓ ⲉⲉⲣⲟⲩⲱ ⲛⲁϥ ⲉⲡⲉⲥⲣⲁⲛ ⲡⲉ ⲣⲱⲇⲏ .
When Peter knocked at the door of the gate, a maid named Rhoda came to answer.
12.14
ⲟⲩⲟϩ ⲉⲧⲁⲥⲥⲟⲩⲉⲛ ⲧⲥⲙⲏ ⲙⲡⲉⲧⲣⲟⲥ ⲉⲃⲟⲗ ϧⲉⲛⲡⲓⲣⲁϣⲓ ⲙⲡⲉⲥⲟⲩⲱⲛ ⲙⲡⲓϣⲑⲱⲙ ⲉⲧⲁⲥϭⲟϫⲓ ⲇⲉ ⲉϧⲟⲩⲛ ⲁⲥⲧⲁⲙⲱⲟⲩ ϫⲉⲡⲉⲧⲣⲟⲥ ⲟϩⲓ ⲉⲣⲁⲧϥ ϩⲓⲣⲉⲛⲡⲓⲡⲩⲗⲱⲛ .
When she recognized Peter's voice, she didn't open the gate for joy, but ran in, and reported that Peter was standing in front of the gate.
12.15
ⲛⲑⲱⲟⲩ ⲇⲉ ⲡⲉϫⲱⲟⲩ ⲛⲁⲥ ϫⲉⲁⲣⲉⲗⲟⲃⲓ ⲛⲑⲟⲥ ⲇⲉ ⲛⲁⲥⲧⲁϫⲣⲟ ⲛⲧⲟⲧⲥ ⲡⲉ ϫⲉⲡⲁⲓⲣⲏϯ ⲡⲉⲧϣⲟⲡ ⲛⲑⲱⲟⲩ ⲇⲉ ⲡⲉϫⲱⲟⲩ ϫⲉⲡⲉϥⲁⲅⲅⲉⲗⲟⲥ ⲡⲉ .
They said to her, 'You are crazy!' But she insisted that it was so. They said, 'It is his angel.'
12.16
ⲡⲉⲧⲣⲟⲥ ⲇⲉ ⲛⲁϥⲙⲏⲛ ⲉϥⲕⲱⲗϩ ⲡⲉ ⲉⲧⲁⲩⲟⲩⲱⲛ ⲇⲉ ⲟⲩⲟϩ ⲉⲧⲁⲩⲛⲁⲩ ⲉⲣⲟϥ ⲁⲩⲧⲱⲙⲧ .
But Peter continued knocking. When they had opened, they saw him, and were amazed.
12.17
ⲁϥϭⲱⲣⲉⲙ ⲇⲉ ⲉⲣⲱⲟⲩ ⲛⲧⲉϥϫⲓϫ ϫⲉⲭⲁⲣⲱⲧⲉⲛ ⲟⲩⲟϩ ⲁϥⲥⲁϫⲓ ϧⲁⲧⲟⲧⲟⲩ ϫⲉⲛⲁϣ ⲛⲣⲏϯ ⲁⲡϭⲟⲓⲥ ⲉⲛϥ ⲉⲃⲟⲗ ϧⲉⲛⲡⲓϣⲧⲉⲕⲟ ⲡⲉϫⲁϥ ⲇⲉ ⲛⲱⲟⲩ ϫⲉⲙⲁⲧⲁⲙⲉ ⲓⲁⲕⲱⲃⲟⲥ ⲛⲉⲙⲛⲓⲥⲛⲏⲟⲩ ⲉⲛⲁⲓ ⲟⲩⲟϩ ⲉⲧⲁϥⲓ ⲉⲃⲟⲗ ⲁϥϣⲉ ⲉⲕⲉⲙⲁ .
But he, beckoning to them with his hand to be silent, declared to them how the Lord had brought him out of the prison. He said, 'Tell these things to James, and to the brothers.' Then he departed, and went to another place.
12.18
ⲉⲧⲁ ⲡⲓⲉϩⲟⲟⲩ ⲇⲉ ϣⲱⲡⲓ ⲁϥϣⲱⲡⲓ ⲛϫⲉⲟⲩϣⲑⲟⲣⲧⲉⲣ ⲛⲟⲩⲕⲟⲩϫⲓ ⲁⲛ ϧⲉⲛⲛⲓⲙⲁⲧⲟⲓ ϫⲉⲟⲩ ϩⲁⲣⲁ ⲡⲉⲧⲁϥϣⲱⲡⲓ ⲙⲡⲉⲧⲣⲟⲥ .
Now as soon as it was day, there was no small stir among the soldiers about what had become of Peter.
12.19
ⲏⲣⲱⲇⲏⲥ ⲉⲧⲁϥⲕⲱϯ ⲛⲥⲱϥ ⲟⲩⲟϩ ⲉⲧⲉⲙⲡⲉϥϫⲉⲙϥ ⲁϥϯⲙⲕⲁϩ ⲛⲛⲓⲣⲉϥⲁⲣⲉϩ ⲁϥⲟⲩⲁϩⲥⲁϩⲛⲓ ⲉϧⲟⲑⲃⲟⲩ ⲟⲩⲟϩ ⲉⲧⲁϥⲓ ⲉⲃⲟⲗ ϧⲉⲛϯⲓⲟⲩⲇⲉⲁ ⲉϩⲣⲏⲓ ⲉⲕⲉⲥⲁⲣⲓⲁ ⲁϥϣⲱⲡⲓ ⲙⲙⲁⲩ .
When Herod had sought for him, and didn't find him, he examined the guards, and commanded that they should be put to death. He went down from Judea to Caesarea, and stayed there.
12.20
ⲛⲁϥϣⲟⲡ ⲇⲉ ϧⲉⲛⲟⲩⲙⲃⲟⲛ ⲉϥϯ ⲟⲩⲃⲉ ⲛⲁⲧⲩⲣⲟⲥ ⲛⲉⲙⲧⲥⲓⲇⲱⲛ ⲁⲩⲓ ⲇⲉ ⲉⲩⲥⲟⲡ ϣⲁⲣⲟϥ ⲟⲩⲟϩ ⲉⲧⲁⲩⲑⲉⲧ ⲡϩⲏⲧ ⲙⲡⲗⲁⲥⲧⲟⲥ ⲫⲏ ⲉⲧⲭⲏ ϩⲓϫⲉⲛⲡⲓⲕⲟⲓⲧⲱⲛ ⲛⲧⲉⲡⲟⲩⲣⲟ ⲛⲁⲩⲉⲣⲉⲧⲓⲛ ⲛⲟⲩϩⲓⲣⲏⲛⲏ ⲉⲑⲃⲉϫⲉⲛⲁⲩϣⲁⲛϣ ⲛⲧⲟⲩⲭⲱⲣⲁ ⲉⲃⲟⲗ ϩⲓⲧⲟⲧⲥ ⲛⲧⲉϥⲙⲉⲧⲟⲩⲣⲟ .
Now Herod was very angry with the people of Tyre and Sidon. They came with one accord to him, and, having made Blastus, the king's personal aide, their friend, they asked for peace, because their country depended on the king's country for food.
12.21
ⲛϩⲣⲏⲓ ⲇⲉ ϧⲉⲛⲟⲩⲉϩⲟⲟⲩ ⲉϥⲑⲏϣ ⲁ ⲏⲣⲱⲇⲏⲥ ϯϩⲓⲱⲧϥ ⲛⲟⲩϩⲉⲃⲥⲱ ⲛⲟⲩⲣⲟ ⲟⲩⲟϩ ⲉⲧⲁϥϩⲉⲙⲥⲓ ϩⲓϫⲉⲛⲡⲓⲃⲏⲙⲁ ⲛⲁϥⲥⲁϫⲓ ⲛⲉⲙⲱⲟⲩ .
On an appointed day, Herod dressed himself in royal clothing, sat on the throne, and gave a speech to them.
12.22
ⲡⲓⲙⲏϣ ⲇⲉ ⲛⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲟⲩⲥⲙⲏ ⲛⲛⲟⲩϯ ⲧⲉ ⲑⲁⲓ ⲟⲩⲟϩ ⲑⲁ ⲣⲱⲙⲓ ⲁⲛ ⲧⲉ .
The people shouted, 'The voice of a god, and not of a man!'
12.23
ⲥⲁⲧⲟⲧϥ ⲇⲉ ⲁⲟⲩⲁⲅⲅⲉⲗⲟⲥ ⲛⲧⲉⲡϭⲟⲓⲥ ⲁϥϣⲁⲣⲓ ⲉⲣⲟϥ ⲉⲫⲙⲁ ϫⲉⲙⲡⲉϥϯⲱⲟⲩ ⲙⲫⲛⲟⲩϯ ⲟⲩⲟϩ ⲉⲧⲁϥⲉⲣϭⲓϥⲉⲛⲧ ⲁϥⲙⲟⲩ .
Immediately an angel of the Lord struck him, because he didn't give God the glory, and he was eaten by worms and died.
12.24
ⲡⲓⲥⲁϫⲓ ⲇⲉ ⲛⲧⲉⲫⲛⲟⲩϯ ⲁϥⲁⲓⲁⲓ ⲟⲩⲟϩ ⲛⲁϥⲛⲏⲟⲩ ⲛⲁϣⲁⲓ .
But the word of God grew and multiplied.
12.25
ⲃⲁⲣⲛⲁⲃⲁⲥ ⲇⲉ ⲛⲉⲙⲥⲁⲩⲗⲟⲥ ⲁⲩⲕⲟⲧⲟⲩ ⲉⲃⲟⲗ ϧⲉⲛⲓⲉⲣⲟⲥⲁⲗⲏⲙ ⲛϯⲇⲓⲁⲕⲟⲛⲓⲁ ⲉⲃⲟⲗ ⲉⲁⲩⲓⲛⲓ ⲙⲡⲕⲉⲓⲱⲁⲛⲛⲏⲥ ⲫⲏ ⲉⲧⲁⲩϯⲣⲉⲛϥ ϫⲉⲙⲁⲣⲕⲟⲥ .
Barnabas and Saul returned to Jerusalem, when they had fulfilled their service, also taking with them John whose surname was Mark.
13.1
ⲛⲉ ⲟⲩⲟⲛ ϩⲁⲛⲡⲣⲟⲫⲏⲧⲏⲥ ⲇⲉ ⲛⲉⲙϩⲁⲛⲣⲉϥϯⲥⲃⲱ ϧⲉⲛϯⲉⲕⲕⲗⲏⲥⲓⲁ ⲛⲧⲉⲧⲁⲛϯⲟⲭⲓⲁ ⲃⲁⲣⲛⲁⲃⲁⲥ ⲛⲉⲙⲥⲓⲙⲱⲛ ⲫⲏ ⲉⲧⲟⲩⲙⲟⲩϯ ⲉⲣⲟϥ ϫⲉⲛⲓⲕⲉⲣ ⲛⲉⲙⲗⲟⲩⲕⲓⲟⲥ ⲡⲓⲕⲩⲣⲓⲛⲛⲉⲟⲥ ⲛⲉⲙⲙⲁⲛⲁⲏ ⲡⲓϣⲫⲏⲣ ⲛϣⲁⲛϣ ⲛⲧⲉⲏⲣⲱⲇⲏⲥ ⲡⲓⲧⲉⲧⲣⲁⲁⲣⲭⲏⲥ ⲛⲉⲙⲥⲁⲩⲗⲟⲥ
Now in the assembly that was at Antioch there were some prophets and teachers: Barnabas, Simeon who was called Niger, Lucius of Cyrene, Manaen the foster brother of Herod the tetrarch, and Saul.
13.2
ⲉⲩϣⲉⲙϣⲓ ⲇⲉ ⲙⲡϭⲟⲓⲥ ⲉⲩⲉⲣⲛⲏⲥⲧⲉⲩⲓⲛ ⲡⲉϫⲉ ⲡⲓⲡⲛⲉⲩⲙⲁⲉⲑⲟⲩⲁⲃ ϫⲉⲫⲱⲣϫ ⲛⲏⲓ ⲉⲃⲟⲗ ⲙⲃⲁⲣⲛⲁⲃⲁⲥ ⲛⲉⲙⲥⲁⲩⲗⲟⲥ ⲉⲡⲓϩⲱⲃ ⲉⲧⲁⲓⲑⲁϩⲙⲟⲩ ⲉⲣⲟϥ .
As they served the Lord and fasted, the Holy Spirit said, 'Separate Barnabas and Saul for me, for the work to which I have called them.'
13.3
ⲧⲟⲧⲉ ⲉⲧⲁⲩⲉⲣⲛⲏⲥⲧⲉⲩⲓⲛ ⲟⲩⲟϩ ⲉⲧⲁⲩⲧⲱⲃϩ ⲁⲩⲭⲁϫⲓϫ ⲉϫⲱⲟⲩ ⲟⲩⲟϩ ⲁⲩⲭⲁⲩ ⲉⲃⲟⲗ .
Then, when they had fasted and prayed and laid their hands on them, they sent them away.
13.4
ⲛⲑⲱⲟⲩ ⲙⲉⲛ ⲟⲩⲛ ⲉⲧⲁⲩⲟⲩⲟⲣⲡⲟⲩ ⲉⲃⲟⲗ ϩⲓⲧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲁⲩⲓ ⲉϩⲣⲏⲓ ⲉⲥⲉⲗⲉⲩⲕⲓⲁ ⲉⲃⲟⲗ ⲙⲙⲁⲩ ⲁⲩⲉⲣϩⲱⲧ ⲉⲕⲩⲡⲣⲟⲥ .
So, being sent out by the Holy Spirit, they went down to Seleucia. From there they sailed to Cyprus.
13.5
ⲟⲩⲟϩ ⲉⲧⲁⲩⲓ ⲉⲥⲁⲗⲁⲙⲓⲛⲏ ⲛⲁⲩϩⲓⲱⲓϣ ⲙⲡⲓⲥⲁϫⲓ ⲛⲧⲉⲫⲛⲟⲩϯ ϧⲉⲛⲛⲓⲥⲩⲛⲁⲅⲱⲅⲏ ⲛⲧⲉⲛⲓⲓⲟⲩⲇⲁⲓ ⲛⲁⲣⲉⲡⲕⲉⲓⲱⲁⲛⲛⲏⲥ ⲇⲉ ⲛⲉⲙⲱⲟⲩ ⲉϥⲟⲓ ⲛⲣⲉϥϣⲉⲙϣⲓ .
When they were at Salamis, they proclaimed the word of God in the Jewish synagogues. They had also John as their attendant.
13.6
ⲉⲧⲁⲩⲥⲉⲛ ϯⲛⲏⲥⲟⲥ ⲇⲉ ⲧⲏⲣⲥ ϣⲁⲉϩⲣⲏⲓ ⲉⲡⲁⲫⲟⲩ ⲁⲩϫⲓⲙⲓ ⲛⲟⲩⲣⲱⲙⲓ ⲛⲁⲭⲱ ⲙⲯⲉⲇⲟⲡⲣⲟⲫⲏⲧⲏⲥ ⲛⲓⲟⲩⲇⲁⲓ ⲉⲡⲉϥⲣⲁⲛ ⲡⲉ ⲃⲁⲣⲓⲏⲥⲟⲩ .
When they had gone through the island to Paphos, they found a certain sorcerer, a false prophet, a Jew, whose name was Bar Jesus,
13.7
ⲫⲁⲓ ⲉⲛⲁϥⲭⲏ ⲛⲉⲙⲡⲓⲁⲛⲑⲩⲡⲁⲧⲟⲥ ⲥⲉⲣⲅⲓⲟⲥ ⲡⲁⲩⲗⲟⲥ ⲟⲩⲣⲱⲙⲓ ⲛⲕⲁⲧϩⲏⲧ ⲫⲁⲓ ⲇⲉ ⲁϥⲙⲟⲩϯ ⲉⲃⲁⲣⲛⲁⲃⲁⲥ ⲛⲉⲙⲥⲁⲩⲗⲟⲥ ⲛⲁϥⲕⲱϯ ⲉⲥⲱⲧⲉⲙ ⲉⲡⲓⲥⲁϫⲓ ⲛⲧⲉⲫⲛⲟⲩϯ .
who was with the proconsul, Sergius Paulus, a man of understanding. This man summoned Barnabas and Saul, and sought to hear the word of God.
13.8
ⲛⲁϥϯ ⲇⲉ ⲉϧⲟⲩⲛ ⲉϩⲣⲁⲩ ⲛϫⲉⲉⲗⲩⲙⲁⲥ ⲡⲓⲁⲭⲱ ⲉϣⲁⲩⲟⲩⲁϩⲉⲙ ⲡⲉϥⲣⲁⲛ ⲅⲁⲣ ⲙⲡⲁⲓⲣⲏϯ ⲉϥⲕⲱϯ ⲛⲥⲁⲫⲉⲛϩ ⲡⲓⲁⲛⲑⲩⲡⲁⲧⲟⲥ ⲉⲃⲟⲗ ϧⲉⲛⲫⲛⲁϩϯ .
But Elymas the sorcerer (for so is his name by interpretation) withstood them, seeking to turn aside the proconsul from the faith.
13.9
ⲥⲁⲩⲗⲟⲥ ⲇⲉ ⲉⲧⲉⲡⲁⲩⲗⲟⲥ ⲡⲉ ⲉⲧⲁϥⲙⲟϩ ⲉⲃⲟⲗ ϧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ
But Saul, who is also called Paul, filled with the Holy Spirit, fastened his eyes on him,
13.10
ⲡⲉϫⲁϥ ⲱⲫⲏ ⲉⲑⲙⲉϩ ⲛⲭⲣⲟϥ ⲛⲓⲃⲉⲛ ⲛⲉⲙⲡⲉⲧϩⲱⲟⲩ ⲛⲓⲃⲉⲛ ⲡϣⲏⲣⲓ ⲛⲧⲉⲡⲓⲇⲓⲁⲃⲟⲗⲟⲥ ⲡⲓϫⲁϫⲓ ⲛⲧⲉⲑⲙⲏⲓ ⲛⲓⲃⲉⲛ ⲛⲕⲭⲱ ⲛⲧⲟⲧⲕ ⲉⲃⲟⲗ ⲁⲛ ⲉⲕⲫⲱⲛϩ ⲛⲛⲓⲙⲱⲓⲧ ⲉⲧⲥⲟⲩⲧⲱⲛ ⲛⲧⲉⲡϭⲟⲓⲥ .
and said, 'Full of all deceit and all cunning, you son of the devil, you enemy of all righteousness, will you not cease to pervert the right ways of the Lord?
13.11
ⲟⲩⲟϩ ϯⲛⲟⲩ ϩⲏⲡⲡⲉ ⲓⲥ ⲧϫⲓϫ ⲙⲡϭⲟⲓⲥ ⲉⲥⲉⲓ ⲉϩⲣⲏⲓ ⲉϫⲱⲕ ⲟⲩⲟϩ ⲉⲕⲉϣⲱⲡⲓ ⲉⲕⲟⲓ ⲙⲃⲉⲗⲗⲉ ⲛⲭⲛⲁⲩ ⲙⲫⲣⲏ ⲁⲛ ϣⲁⲟⲩⲥⲏⲟⲩ ⲟⲩⲟϩ ⲥⲁⲧⲟⲧϥ ⲁϥⲓ ⲉϩⲣⲏⲓ ⲉϫⲱϥ ⲛϫⲉⲟⲩϩⲗⲟⲗ ⲛⲉⲙⲟⲩⲭⲁⲕⲓ ⲛⲁϥⲕⲱϯ ⲉϥϣⲓⲛⲓ ⲛⲥⲁⲫⲏ ⲉⲑⲛⲁϯⲧⲟⲧϥ .
Now, behold, the hand of the Lord is on you, and you will be blind, not seeing the sun for a season!' Immediately a mist and darkness fell on him. He went around seeking someone to lead him by the hand.
13.12
ⲧⲟⲧⲉ ⲉⲧⲁϥⲛⲁⲩ ⲛϫⲉⲡⲓⲁⲛⲑⲩⲡⲁⲧⲟⲥ ⲉⲫⲏ ⲉⲧⲁϥϣⲱⲡⲓ ⲁϥⲛⲁϩϯ ⲁϥⲉⲣϣⲫⲏⲣⲓ ⲉϫⲉⲛϯⲥⲃⲱ ⲛⲧⲉⲡϭⲟⲓⲥ .
Then the proconsul, when he saw what was done, believed, being astonished at the teaching of the Lord.
13.13
ⲉⲧⲁⲩⲓ ⲇⲉ ⲉⲃⲟⲗ ϧⲉⲛⲡⲁⲫⲟⲩ ⲛϫⲉⲛⲁ ⲡⲁⲩⲗⲟⲥ ⲛⲉⲙⲡⲁⲣⲛⲁⲃⲁⲥ ⲁⲩⲓ ⲉⲡⲉⲣⲅⲏ ⲛⲧⲉϯⲡⲁⲙⲫⲓⲗⲓⲁ ⲓⲱⲁⲛⲛⲏⲥ ⲇⲉ ⲁϥⲫⲱⲣϫ ⲉⲃⲟⲗ ⲙⲙⲱⲟⲩ ⲁϥⲕⲟⲧϥ ⲉϩⲣⲏⲓ ⲉⲓⲉⲣⲟⲥⲁⲗⲏⲙ .
Now Paul and his company set sail from Paphos, and came to Perga in Pamphylia. John departed from them and returned to Jerusalem.
13.14
ⲛⲑⲱⲟⲩ ⲇⲉ ⲉⲧⲁⲩⲓ ⲉⲃⲟⲗ ϧⲉⲛⲡⲉⲣⲅⲏ ⲁⲩⲓ ⲉⲧⲁⲛϯⲟⲭⲓⲁ ⲛⲧⲉϯⲡⲓⲥⲓⲇⲓⲁ ⲟⲩⲟϩ ⲉⲧⲁⲩⲓ ⲉϯⲥⲩⲛⲁⲅⲱⲅⲏ ⲙⲡⲓⲉϩⲟⲟⲩ ⲛⲧⲉⲛⲓⲥⲁⲃⲃⲁⲧⲟⲛ ⲁⲩϩⲉⲙⲥⲓ
But they, passing on from Perga, came to Antioch of Pisidia. They went into the synagogue on the Sabbath day, and sat down.
13.15
ⲙⲉⲛⲉⲛⲥⲁⲡⲓⲱϣ ⲇⲉ ⲛⲧⲉⲡⲓⲛⲟⲙⲟⲥ ⲛⲉⲙⲛⲓⲡⲣⲟⲫⲏⲧⲏⲥ ⲁⲩⲟⲩⲱⲣⲡ ⲛϫⲉⲛⲓⲁⲣⲭⲏⲥⲩⲛⲁⲅⲱⲅⲟⲥ ϩⲁⲣⲱⲟⲩ ⲉⲩϫⲱ ⲙⲙⲟⲥ ⲛⲓⲣⲱⲙⲓ ⲛⲉⲛⲥⲛⲏⲟⲩ ⲫⲏ ⲉⲧⲉⲟⲩⲟⲛ ⲟⲩⲥⲁϫⲓ ⲛⲛⲟⲙϯ ⲡⲉ ϧⲉⲛⲑⲏⲛⲟⲩ ϣⲁⲡⲓⲗⲁⲟⲥ ⲁϫⲟϥ .
After the reading of the law and the prophets, the rulers of the synagogue sent to them, saying, 'Brothers, if you have any word of exhortation for the people, speak.'
13.16
ⲉⲧⲁϥⲧⲱⲛϥ ⲇⲉ ⲛϫⲉⲡⲁⲩⲗⲟⲥ ⲟⲩⲟϩ ⲉⲧⲁϥϭⲱⲣⲉⲙ ⲛⲧⲉϥϫⲓϫ ⲡⲉϫⲁϥ ⲛⲓⲣⲱⲙⲓ ⲛⲓⲥⲣⲁⲏⲗⲓⲧⲏⲥ ⲛⲉⲙⲛⲏ ⲉⲧⲉⲣϩⲟϯ ϧⲉⲛⲑⲏⲛⲟⲩ ϧⲁⲧϩⲏ ⲙⲫⲛⲟⲩϯ ⲥⲱⲧⲉⲙ .
Paul stood up, and beckoning with his hand said, 'Men of Israel, and you who fear God, listen.
13.17
ⲫⲛⲟⲩϯ ⲛⲧⲉⲡⲓⲗⲁⲟⲥ ⲡⲓⲥⲗ ⲁϥⲥⲱⲧⲡ ⲛⲛⲉⲛⲓⲟϯ ⲟⲩⲟϩ ⲁϥϭⲓⲥⲓ ⲙⲡⲓⲗⲁⲟⲥ ϧⲉⲛϯⲡⲁⲣⲟⲓⲕⲓⲁ ϧⲉⲛⲡⲕⲁϩⲓ ⲛⲭⲏⲙⲓ ⲟⲩⲟϩ ϧⲉⲛⲟⲩϣⲱⲃϣ ⲉϥϭⲟⲥⲓ ⲁϥⲉⲛⲟⲩ ⲉⲃⲟⲗ ⲛϧⲏⲧϥ .
The God of this people chose our fathers, and exalted the people when they stayed as aliens in the land of Egypt, and with an uplifted arm, he led them out of it.
13.18
ⲟⲩⲟϩ ⲁϥϣⲁⲛⲟⲩϣⲟⲩ ⲛⲙⲛⲣⲟⲙⲡⲓ ⲛⲥⲏⲟⲩ ϩⲓⲡϣⲁϥⲉ .
For a period of about forty years he put up with them in the wilderness.
13.19
ⲟⲩⲟϩ ⲉⲧⲁϥⲣⲱϧⲧ ⲛⲍ ⲛϣⲗⲱⲗ ϧⲉⲛⲡⲕⲁϩⲓ ⲛⲭⲁⲛⲁⲁⲛ ⲁϥⲑⲣⲟⲩⲉⲣⲕⲗⲏⲣⲟⲛⲟⲙⲓⲛ ⲙⲡⲟⲩⲕⲁϩⲓ
When he had destroyed seven nations in the land of Canaan, he gave them their land for an inheritance, for about four hundred fifty years.
13.20
ⲛⲩ ⲛⲣⲟⲙⲡⲓ ⲟⲩⲟϩ ⲙⲉⲛⲉⲛⲥⲁⲛⲁⲓ ⲁϥϯ ⲛϩⲁⲛⲕⲣⲓⲧⲏⲥ ϣⲁⲥⲁⲙⲟⲩⲏⲗ ⲡⲓⲡⲣⲟⲫⲏⲧⲏⲥ .
After these things he gave them judges until Samuel the prophet.
13.21
ⲟⲩⲟϩ ⲉⲃⲟⲗ ⲙⲙⲁⲩ ⲁⲩⲉⲣⲉⲧⲓⲛ ⲛⲟⲩⲟⲩⲣⲟ ⲟⲩⲟϩ ⲁϥϯ ⲛⲱⲟⲩ ⲛϫⲉⲫⲛⲟⲩϯ ⲛⲥⲁⲟⲩⲗ ⲡϣⲏⲣⲓ ⲛⲕⲓⲥ ⲟⲩⲣⲱⲙⲓ ⲉⲃⲟⲗ ϧⲉⲛⲧⲫⲩⲗⲏ ⲙⲃⲉⲛⲓⲁⲙⲓⲛ ⲛⲙⲛⲣⲟⲙⲡⲓ .
Afterward they asked for a king, and God gave to them Saul the son of Kish, a man of the tribe of Benjamin, for forty years.
13.22
ⲟⲩⲟϩ ⲉⲧⲁϥⲟⲩⲟⲑⲃⲉϥ ⲉⲃⲟⲗ ⲁϥⲧⲟⲩⲛⲟⲥ ⲇⲁⲩⲓⲇ ⲛⲱⲟⲩ ⲛⲟⲩⲣⲟ ⲫⲁⲓ ⲉⲧⲁϥⲉⲣⲙⲉⲑⲣⲉ ⲉⲑⲃⲏⲧϥ ⲉⲁϥϫⲟⲥ ϫⲉⲁⲓϫⲓⲙⲓ ⲛⲇⲁⲩⲓⲇ ⲡϣⲏⲣⲓ ⲛⲓⲉⲥⲥⲉ ⲟⲩⲣⲱⲙⲓ ⲕⲁⲧⲁⲡⲁϩⲏⲧ ⲫⲁⲓ ⲉⲑⲛⲁⲓⲣⲓ ⲛϩⲱⲃ ⲛⲓⲃⲉⲛ ⲉⲧⲉϩⲛⲏⲓ .
When he had removed him, he raised up David to be their king, to whom he also testified, 'I have found David the son of Jesse, a man after my heart, who will do all my will.'
13.23
ⲟⲩⲟϩ ⲉⲃⲟⲗ ϧⲉⲛⲡϫⲣⲟϫ ⲙⲫⲁⲓ ⲁ ⲫⲛⲟⲩϯ ⲕⲁⲧⲁⲟⲩⲱϣ ⲁϥⲓⲛⲓ ⲙⲡⲓⲥⲗ ⲛⲟⲩⲥⲱⲧⲏⲣ ⲓⲏⲥⲟⲩⲥ .
From this man's seed, God has brought salvation to Israel according to his promise,
13.24
ⲉⲁϥⲉⲣϣⲟⲣⲡ ⲛϩⲓⲱⲓϣ ϧⲁϫⲉⲛ ⲡⲉϥⲙⲱⲓⲧ ⲉϧⲟⲩⲛ ⲛϫⲉⲓⲱⲁⲛⲛⲏⲥ ⲛⲟⲩⲱⲙⲥ ⲙⲙⲉⲧⲁⲛⲟⲓⲁ ⲙⲡⲓⲗⲁⲟⲥ ⲧⲏⲣϥ ⲛⲧⲉⲡⲓⲥⲗ .
before his coming, when John had first preached the baptism of repentance to Israel.
13.25
ⲉⲧⲁ ⲓⲱⲁⲛⲛⲏⲥ ⲇⲉ ϫⲱⲕ ⲙⲡⲉϥⲇⲣⲟⲙⲟⲥ ⲉⲃⲟⲗ ⲛⲁϥⲭⲱ ⲙⲙⲟⲥ ϫⲉⲁⲣⲉⲧⲉⲛⲙⲉⲩⲓ ϫⲉⲁⲛⲟⲕ ⲛⲓⲙ ⲁⲛⲟⲕ ⲅⲁⲣ ⲁⲛ ⲡⲉ ⲁⲗⲗⲁ ϩⲏⲡⲡⲉ ⲉϥⲛⲏⲟⲩ ⲙⲉⲛⲉⲛⲥⲱⲓ ⲛϫⲉⲫⲏ ⲉⲧⲉⲛϯⲙⲡϣⲁ ⲁⲛ ⲉϯⲟⲩⲱ ⲙⲡⲓⲑⲱⲟⲩⲓ ⲛⲧⲉⲛⲉϥϭⲁⲗⲁⲩϫ .
As John was fulfilling his course, he said, 'What do you suppose that I am? I am not he. But behold, one comes after me the sandals of whose feet I am not worthy to untie.'
13.26
ⲛⲓⲣⲱⲙⲓ ⲛⲉⲛⲥⲛⲏⲟⲩ ⲛⲓϣⲏⲣⲓ ⲛⲧⲉⲡⲅⲉⲛⲟⲥ ⲛⲁⲃⲣⲁⲁⲙ ⲟⲩⲟϩ ⲛⲏ ⲉⲧⲉⲣϩⲟϯ ϧⲉⲛⲑⲏⲛⲟⲩ ϧⲁⲧϩⲏ ⲙⲫⲛⲟⲩϯ ⲉⲧⲁⲩⲟⲩⲱⲣⲡ ⲛⲱⲧⲉⲛ ⲙⲡⲓⲥⲁϫⲓ ⲛⲧⲉⲡⲁⲓⲟⲩϫⲁⲓ ⲫⲁⲓ .
Brothers, children of the stock of Abraham, and those among you who fear God, the word of this salvation is sent out to you.
13.27
ⲛⲏ ⲅⲁⲣ ⲉⲧϣⲟⲡ ϧⲉⲛⲓⲉⲣⲟⲥⲁⲗⲏⲙ ⲛⲉⲙⲛⲟⲩⲕⲉⲁⲣⲭⲱⲛ ⲫⲁⲓ ⲁⲩⲉⲣⲁⲧⲉⲙⲓ ⲉⲣⲟϥ ⲛⲉⲙⲛⲓⲕⲉⲥⲙⲏ ⲛⲧⲉⲛⲓⲡⲣⲟⲫⲏⲧⲏⲥ ⲛⲁⲓ ⲉⲧⲟⲩⲱϣ ⲙⲙⲱⲟⲩ ⲕⲁⲧⲁⲥⲁⲃⲃⲁⲧⲟⲛ ⲛⲓⲃⲉⲛ ⲉⲁⲩϯϩⲁⲡ ⲉⲁⲩϫⲟⲕⲟⲩ ⲉⲃⲟⲗ .
For those who dwell in Jerusalem, and their rulers, because they didn't know him, nor the voices of the prophets which are read every Sabbath, fulfilled them by condemning him.
13.28
ⲟⲩⲟϩ ⲉⲧⲉⲙⲡⲟⲩϫⲉⲙ ϩⲗⲓ ⲛⲗⲱⲓϫⲓ ⲛⲧⲉⲫⲙⲟⲩ ⲛϧⲏⲧϥ ⲁⲩⲉⲣⲉⲧⲓⲛ ⲙⲡⲓⲗⲁⲧⲟⲥ ⲉϧⲟⲑⲃϥ .
Though they found no cause for death, they still asked Pilate to have him killed.
13.29
ⲉⲧⲁⲩϫⲱⲕ ⲇⲉ ⲉⲃⲟⲗ ⲛϩⲱⲃ ⲛⲓⲃⲉⲛ ⲉⲧⲥϧⲏⲟⲩⲧ ⲉⲑⲃⲏⲧϥ ⲁⲩⲭⲁϥ ⲉⲡⲉⲥⲏⲧ ⲉⲃⲟⲗ ϩⲓϫⲉⲛⲡⲓϣⲉ ⲁⲩⲭⲁϥ ⲛϧⲟⲩⲛ ϧⲉⲛⲟⲩⲙϩⲁⲩ .
When they had fulfilled all things that were written about him, they took him down from the tree, and laid him in a tomb.
13.30
ⲫⲛⲟⲩϯ ⲇⲉ ⲁϥⲧⲟⲩⲛⲟⲥϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ .
But God raised him from the dead,
13.31
ⲫⲁⲓ ⲉⲧⲁϥⲟⲩⲟⲛϩϥ ⲉⲃⲟⲗ ⲛⲟⲩⲙⲏϣ ⲛⲉϩⲟⲟⲩ ⲛⲛⲏ ⲉⲧⲁⲩⲓ ⲛⲉⲙⲁϥ ⲉⲃⲟⲗ ϧⲉⲛϯⲅⲁⲗⲓⲗⲉⲁ ⲉϩⲣⲏⲓ ⲉⲓⲉⲣⲟⲥⲁⲗⲏⲙ ⲛⲁⲓ ϯⲛⲟⲩ ⲉⲧⲟⲓ ⲙⲙⲉⲑⲣⲉ ⲛⲁϥ ϣⲁⲡⲓⲗⲁⲟⲥ .
and he was seen for many days by those who came up with him from Galilee to Jerusalem, who are his witnesses to the people.
13.32
ⲟⲩⲟϩ ⲁⲛⲟⲛ ⲧⲉⲛϩⲓϣⲉⲛⲛⲟⲩϥⲓ ⲛⲱⲧⲉⲛ ⲙⲡⲓⲱϣ ⲉⲧⲁϥϣⲱⲡⲓ ϧⲉⲛⲛⲓⲓⲟϯ .
We bring you good news of the promise made to the fathers,
13.33
ϫⲉⲫⲁⲓ ⲁⲫⲛⲟⲩϯ ϫⲟⲕϥ ⲉⲃⲟⲗ ⲛⲛⲓϣⲏⲣⲓ ⲉⲧⲁϥⲧⲟⲩⲛⲟⲥ ⲓⲏⲥⲟⲩⲥ ⲙⲫⲣⲏϯ ⲉⲧⲥϧⲏ ⲟⲩⲧ ϧⲉⲛⲡⲓⲙⲁϩⲃ ⲙⲯⲁⲗⲙⲟⲥ ϫⲉⲛⲑⲟⲕ ⲡⲉ ⲡⲁϣⲏⲣⲓ ⲁⲛⲟⲕ ⲁⲓϫⲫⲟⲕ ⲙⲫⲟⲟⲩ .
that God has fulfilled the same to us, their children, in that he raised up Jesus. As it is also written in the second psalm, 'You are my Son. Today I have become your father.'
13.34
ⲟⲧⲓ ⲇⲉ ϫⲉⲁϥⲧⲟⲩⲛⲟⲥϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ϥⲛⲁⲧⲁⲥⲑⲟ ⲁⲛ ϫⲉⲉⲡⲧⲁⲕⲟ ⲁϥϫⲟⲥ ⲙⲡⲁⲓⲣⲏϯ ϫⲉⲉⲓⲉϯ ⲛⲱⲧⲉⲛ ⲛⲛⲏ ⲉⲑⲟⲩⲁⲃ ⲛⲧⲉⲇⲁⲩⲓⲇ ⲉⲧⲉⲛϩⲟⲧ .
'Concerning that he raised him up from the dead, now no more to return to corruption, he has spoken thus: 'I will give you the holy and sure blessings of David.'
13.35
ⲉⲑⲃⲉⲫⲁⲓ ⲟⲛ ϥϫⲱ ⲙⲙⲟⲥ ϧⲉⲛⲕⲉⲙⲁ ϫⲉⲛⲛⲉⲕϯ ⲙⲡⲉⲑⲟⲩⲁⲃ ⲛⲧⲁⲕ ⲉⲛⲁⲩ ⲉⲡⲧⲁⲕⲟ .
Therefore he says also in another psalm, 'You will not allow your Holy One to see decay.'
13.36
ⲇⲁⲩⲓⲇ ⲙⲉⲛ ⲅⲁⲣ ⲛϧⲣⲏⲓ ϧⲉⲛⲧⲉϥⲅⲉⲛⲉⲁ ⲛⲁϥϣⲉⲙϣⲓ ⲙⲡⲓⲥⲟϭⲛⲓ ⲛⲧⲉⲫⲛⲟⲩϯ ⲁϥⲉⲛⲕⲟⲧ ⲟⲩⲟϩ ⲁⲩⲭⲁϥ ϧⲁⲧⲉⲛⲛⲉϥⲓⲟϯ ⲟⲩⲟϩ ⲁϥⲛⲁⲩ ⲉⲡⲧⲁⲕⲟ .
For David, after he had in his own generation served the counsel of God, fell asleep, and was laid with his fathers, and saw decay.
13.37
ⲫⲏ ⲇⲉ ⲉⲧⲁ ⲫⲛⲟⲩϯ ⲧⲟⲩⲛⲟⲥϥ ⲙⲡⲉϥⲛⲁⲩ ⲉⲡⲧⲁⲕⲟ .
But he whom God raised up saw no decay.
13.38
ⲙⲁⲣⲉ ⲡⲓϩⲱⲃ ⲟⲩⲛ ⲟⲩⲱⲛϩ ⲉⲣⲱⲧⲉⲛ ⲛⲓⲣⲱⲙⲓ ⲛⲉⲛⲥⲛⲏⲟⲩ ϫⲉⲉⲃⲟⲗ ϩⲓⲧⲉⲛⲫⲁⲓ ⲥⲉϩⲓⲱⲓϣ ⲛⲱⲧⲉⲛ ⲙⲡⲭⲱ ⲉⲃⲟⲗ ⲛⲧⲉⲛⲉⲧⲉⲛⲛⲟⲃⲓ ⲛⲉⲙⲉⲃⲟⲗ ϩⲁⲛⲏ ⲧⲏⲣⲟⲩ ⲉⲧⲉⲙⲡⲉⲧⲉⲛϣϫⲉⲙϫⲟⲙ ⲉⲑⲁⲙⲓⲟ ⲛϧⲏⲧⲟⲩ ϧⲉⲛⲫⲛⲟⲙⲟⲥ ⲙⲙⲱⲩⲥⲏⲥ .
Be it known to you therefore, brothers, that through this man is proclaimed to you remission of sins,
13.39
ϧⲉⲛⲫⲁⲓ ⲇⲉ ⲛⲑⲟϥ ⲟⲩⲟⲛ ⲛⲓⲃⲉⲛ ⲉⲑⲛⲁϩϯ ⲥⲉⲛⲁⲑⲙⲁⲓⲟϥ .
and by him everyone who believes is justified from all things, from which you could not be justified by the law of Moses.
13.40
ⲁⲛⲁⲩ ⲟⲩⲛ ⲙⲏⲡⲱⲥ ⲛⲧⲉϥⲓ ⲉϫⲉⲛⲑⲏⲛⲟⲩ ⲛϫⲉⲫⲏ ⲉⲧⲁϥϫⲟϥ ϧⲉⲛⲛⲓⲡⲣⲟⲫⲏⲧⲏⲥ .
Beware therefore, lest that come on you which is spoken in the prophets:
13.41
ϫⲉⲁⲛⲁⲩ ⲛⲓⲕⲁⲧⲁⲫⲣⲟⲛⲓⲧⲏⲥ ⲟⲩⲟϩ ⲁⲣⲓϣⲫⲏⲣⲓ ⲟⲩⲟϩ ⲙⲁⲕⲉⲧ ⲑⲏⲛⲟⲩ ϫⲉϯⲛⲁⲓⲣⲓ ⲛⲟⲩϩⲱⲃ ϧⲉⲛⲛⲉⲧⲉⲛⲉϩⲟⲟⲩ ⲟⲩϩⲱⲃ ⲛⲧⲉⲧⲉⲛⲛⲁϩϯ ⲉⲣⲟϥ ⲁⲛ ⲉϣⲱⲡ ⲁⲣⲉϣⲁⲛ ⲟⲩⲁⲓ ⲫⲓⲣⲓ ϧⲁⲧⲉⲛⲑⲏⲛⲟⲩ .
'Behold, you scoffers, and wonder, and perish; for I work a work in your days, a work which you will in no way believe, if one declares it to you.''
13.42
ⲉⲩⲛⲏⲟⲩ ⲇⲉ ⲉⲃⲟⲗ ⲛⲁⲩⲉⲣⲁⲝⲓⲟⲓⲛ ϩⲓⲛⲁ ⲛⲥⲉⲥⲁϫⲓ ϧⲉⲛⲡⲓⲕⲉⲥⲁⲃⲃⲁⲧⲟⲛ ⲉⲑⲛⲏⲟⲩ .
So when the Jews went out of the synagogue, the Gentiles begged that these words might be preached to them the next Sabbath.
13.43
ⲉⲧⲁⲥⲃⲱⲗ ⲇⲉ ⲉⲃⲟⲗ ⲛϫⲉϯⲥⲩⲛⲁⲅⲱⲅⲏ ⲁⲩⲙⲟϣⲓ ⲛⲥⲁⲡⲁⲩⲗⲟⲥ ⲛⲉⲙⲃⲁⲣⲛⲁⲃⲁⲥ ⲛϫⲉⲟⲩⲙⲏϣ ⲛⲧⲉⲛⲓⲓⲟⲩⲇⲁⲓ ⲛⲉⲙⲛⲏ ⲉⲧⲉⲣⲥⲉⲃⲉⲥⲑⲉ ϧⲉⲛⲛⲓϣⲉⲙⲙⲱⲟⲩ ⲉⲩⲑⲱⲧ ⲙⲡⲟⲩϩⲏⲧ ⲉⲑⲣⲟⲩϣⲱⲡⲓ ϧⲉⲛⲡⲓϩⲙⲟⲧ ⲛⲧⲉⲫⲛⲟⲩϯ .
Now when the synagogue broke up, many of the Jews and of the devout proselytes followed Paul and Barnabas; who, speaking to them, urged them to continue in the grace of God.
13.44
ⲛϧⲣⲏⲓ ⲇⲉ ϧⲉⲛⲡⲓⲕⲉⲥⲁⲃⲃⲁⲧⲟⲛ ⲉⲑⲛⲏⲟⲩ ⲥⲭⲉⲇⲟⲛ ⲁϯⲡⲟⲗⲓⲥ ⲧⲏⲣⲥ ⲑⲱⲟⲩϯ ⲉⲥⲱⲧⲉⲙ ⲉⲡⲓⲥⲁϫⲓ ⲛⲧⲉⲫⲛⲟⲩϯ .
The next Sabbath almost the whole city was gathered together to hear the word of God.
13.45
ⲉⲧⲁⲩⲛⲁⲩ ⲇⲉ ⲛϫⲉⲛⲓⲓⲟⲩⲇⲁⲓ ⲉⲛⲓⲙⲏ ϣⲁⲩⲙⲟϩ ⲛⲭⲟϩ ⲟⲩⲟϩ ⲛⲁⲩϯ ⲉϧⲟⲩⲛ ⲉϩⲣⲉⲛⲛⲏ ⲉⲛⲁⲣⲉⲡⲁⲩⲗⲟⲥ ϫⲱ ⲙⲙⲱⲟⲩ ⲉⲩϫⲉⲟⲩⲁ .
But when the Jews saw the multitudes, they were filled with jealousy, and contradicted the things which were spoken by Paul, and blasphemed.
13.46
ⲉⲧⲁⲩⲟⲩⲟⲛϩⲟⲩ ⲇⲉ ⲉⲃⲟⲗ ⲛϫⲉⲡⲁⲩⲗⲟⲥ ⲛⲉⲙⲃⲁⲣⲛⲁⲃⲁⲥ ⲡⲉϫⲱⲟⲩ ϫⲉⲛⲉⲟⲩⲁⲛⲁⲅⲕⲉⲟⲛ ⲡⲉ ⲉⲥⲁϫⲓ ⲛⲉⲙⲱⲧⲉⲛ ⲛϣⲟⲣⲡ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲉⲡⲓⲇⲏ ⲧⲉⲧⲉⲛϩⲓⲟⲩⲓ ⲙⲙⲟϥ ⲥⲁⲃⲟⲗ ⲙⲙⲱⲧⲉⲛ ⲟⲩⲟϩ ⲧⲉⲧⲉⲛⲱⲡ ⲙⲙⲱⲧⲉⲛ ⲁⲛ ⲉⲉⲣⲡⲉⲙⲡϣⲁ ⲙⲡⲓⲱⲛϧ ⲛⲉⲛⲉϩ ϩⲏⲡⲡⲉ ⲧⲉⲛⲛⲁⲕⲟⲧⲧⲉⲛ ⲉⲛⲓⲉⲑⲛⲟⲥ .
Paul and Barnabas spoke out boldly, and said, 'It was necessary that God's word should be spoken to you first. Since indeed you thrust it from you, and judge yourselves unworthy of eternal life, behold, we turn to the Gentiles.
13.47
ⲫⲁⲓ ⲅⲁⲣ ⲡⲉ ⲙⲫⲣⲏϯ ⲉⲧⲁϥϩⲟⲛϩⲉⲛ ⲉⲧⲟⲧⲉⲛ ⲛϫⲉⲡϭⲟⲓⲥ ϫⲉⲁⲓⲭⲁⲕ ⲉⲩⲟⲩⲱⲓⲛⲓ ⲛⲧⲉⲛⲓⲉⲑⲛⲟⲥ ⲉⲑⲣⲉⲕϣⲱⲡⲓ ⲉⲩⲟⲩϫⲁⲓ ϣⲁⲁⲩⲣⲏϫϥ ⲙⲡⲕⲁϩⲓ .
For so has the Lord commanded us, saying, 'I have set you as a light for the Gentiles, that you should bring salvation to the uttermost parts of the earth.''
13.48
ⲉⲧⲁⲩⲥⲱⲧⲉⲙ ⲇⲉ ⲛϫⲉⲛⲓⲉⲑⲛⲟⲥ ⲁⲩⲣⲁϣⲓ ⲟⲩⲟϩ ⲛⲁⲩϯⲱⲟⲩ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲟⲩⲟϩ ⲁⲩⲛⲁϩϯ ⲛϫⲉⲛⲏ ⲧⲏⲣⲟⲩ ⲉⲧⲑⲏϣ ⲉⲡⲓⲱⲛϧ ⲛⲉⲛⲉϩ .
As the Gentiles heard this, they were glad, and glorified the word of God. As many as were appointed to eternal life believed.
13.49
ⲛⲁⲩⲕⲱϯ ⲇⲉ ⲛⲉⲙⲡⲓⲥⲁϫⲓ ⲛⲧⲉⲡϭⲟⲓⲥ ϧⲉⲛϯⲭⲱⲣⲁ ⲧⲏⲣⲥ .
The Lord's word was spread abroad throughout all the region.
13.50
ⲛⲓⲓⲟⲩⲇⲁⲓ ⲇⲉ ⲛⲁⲩϣⲟⲡϣⲉⲡ ⲛⲛⲓϩⲓⲟⲙⲓ ⲉⲧⲉⲣⲥⲉⲃⲉⲥⲑⲉ ⲛⲉⲙⲛⲓⲉⲩⲥⲭⲏⲙⲱⲛ ⲛⲉⲙⲛⲓϩⲟⲩⲁϯ ⲛⲧⲉϯⲡⲟⲗⲓⲥ ⲟⲩⲟϩ ⲁⲩⲧⲟⲩⲛⲟⲥ ⲟⲩⲇⲓⲱⲅⲙⲟⲥ ⲉϩⲣⲏⲓ ⲉϫⲉⲛⲡⲁⲩⲗⲟⲥ ⲛⲉⲙⲃⲁⲣⲛⲁⲃⲁⲥ ⲟⲩⲟϩ ⲁⲩϩⲓⲧⲟⲩ ⲥⲁⲃⲟⲗ ⲛⲛⲟⲩⲑⲱϣ .
But the Jews stirred up the devout and prominent women and the chief men of the city, and stirred up a persecution against Paul and Barnabas, and threw them out of their borders.
13.51
ⲛⲑⲱⲟⲩ ⲇⲉ ⲁⲩⲛⲉϩ ⲡϣⲱⲓϣ ⲛⲛⲟⲩϭⲁⲗⲁⲩϫ ⲉⲃⲟⲗ ⲉϩⲣⲏⲓ ⲉϫⲱⲟⲩ ⲁⲩⲓ ⲉϩⲣⲏⲓ ⲉⲓⲕⲟⲛⲓⲟⲛ .
But they shook off the dust of their feet against them, and came to Iconium.
13.52
ⲛⲓⲙⲁⲑⲏⲧⲏⲥ ⲇⲉ ⲛⲁⲩⲙⲉϩ ⲛⲣⲁϣⲓ ⲛⲉⲙⲡⲓⲡⲛⲉⲩⲙⲁⲉⲑⲟⲩⲁⲃ .
The disciples were filled with joy with the Holy Spirit.
14.1
ⲁⲥϣⲱⲡⲓ ⲇⲉ ϧⲉⲛⲓⲕⲟⲛⲓⲟⲛ ⲕⲁⲧⲁⲡⲁⲓⲣⲏϯ ⲣⲱ ⲉⲑⲣⲟⲩϣⲉ ⲉϧⲟⲩⲛ ⲉϯⲥⲩⲛⲁⲅⲱⲅⲏ ⲛⲧⲉⲛⲓⲓⲟⲩⲇⲁⲓ ⲟⲩⲟϩ ⲛⲥⲉⲥⲁϫⲓ ⲙⲡⲁⲓⲣⲏϯ ϩⲱⲥⲇⲉ ⲛⲥⲉⲛⲁϩϯ ⲛϫⲉⲟⲩⲛⲓϣϯ ⲙⲙⲏϣ ⲛⲧⲉⲛⲓⲓⲟⲩⲇⲁⲓ ⲛⲉⲙⲛⲓⲟⲩⲉⲓⲛⲓⲛ .
It happened in Iconium that they entered together into the synagogue of the Jews, and so spoke that a great multitude both of Jews and of Greeks believed.
14.2
ⲛⲓⲓⲟⲩⲇⲁⲓ ⲇⲉ ⲉⲧⲁⲩⲉⲣⲁⲧⲑⲱⲧ ⲛϩⲏⲧ ⲁⲩⲧⲱⲟⲩⲛⲟⲩ ⲟⲩⲟϩ ⲁⲩϯⲙⲕⲁϩ ⲛⲛⲓⲯⲩⲭⲏ ⲛⲧⲉⲛⲓⲉⲑⲛⲟⲥ ⲉⲑⲃⲉⲛⲓⲥⲛⲏⲟⲩ .
But the disbelieving Jews stirred up and embittered the souls of the Gentiles against the brothers.
14.3
ⲁⲩⲉⲣ ⲟⲩⲛⲓϣϯ ⲙⲉⲛ ⲟⲩⲛ ⲛⲭⲣⲟⲛⲟⲥ ⲙⲙⲁⲩ ⲉⲩⲟⲩⲟⲛϩ ⲙⲙⲱⲟⲩ ⲉⲃⲟⲗ ϧⲉⲛⲫⲣⲁⲛ ⲙⲡϭⲟⲓⲥ ⲫⲁⲓ ⲉⲧⲉⲣⲙⲉⲑⲣⲉ ⲉϩⲣⲏⲓ ⲉϫⲉⲛⲡⲥⲁϫⲓ ⲛⲧⲉⲡⲉϥϩⲙⲟⲧ ⲉϥϯ ⲛϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏ ⲣⲓ ⲉⲑⲣⲟⲩϣⲱⲡⲓ ⲉⲃⲟⲗ ϩⲓⲧⲉⲛⲛⲟⲩϫⲓϫ .
Therefore they stayed there a long time, speaking boldly in the Lord, who testified to the word of his grace, granting signs and wonders to be done by their hands.
14.4
ⲁϥⲫⲱⲣϫ ⲇⲉ ⲛϫⲉⲡⲓⲙⲏϣ ⲛⲧⲉϯⲡⲟⲗⲓⲥ ϩⲁⲛⲟⲩⲟⲛ ⲙⲉⲛ ⲛⲁⲩⲭⲏ ⲛⲉⲙⲛⲓⲓⲟⲩⲇⲁⲓ ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩⲭⲏ ⲛⲉⲙⲛⲓⲁⲡⲟⲥⲧⲟⲗⲟⲥ .
But the multitude of the city was divided. Part sided with the Jews, and part with the apostles.
14.5
ⲉⲧⲁⲩϭⲟϫⲓ ⲇⲉ ⲛϫⲉⲛⲓⲉⲑⲛⲟⲥ ⲛⲉⲙⲛⲓⲓⲟⲩⲇⲁⲓ ⲛⲉⲙⲛⲟⲩⲕⲉⲁⲣⲭⲱⲛ ⲉϣⲟϣⲟⲩ ⲟⲩⲟϩ ⲉⲥⲉⲧⲱⲛⲓ ⲉϫⲱⲟⲩ .
When some of both the Gentiles and the Jews, with their rulers, made a violent attempt to mistreat and stone them,
14.6
ⲉⲧⲁⲩⲛⲁⲩ ⲁⲩⲫⲱⲧ ⲉϩⲣⲏⲓ ⲉⲛⲓⲡⲟⲗⲓⲥ ⲛⲧⲉⲗⲩⲕⲁⲟⲛⲓⲁ ⲗⲩⲥⲧⲣⲁ ⲛⲉⲙⲧⲉⲣⲃⲏ ⲛⲉⲙϯⲡⲉⲣⲓⲭⲱⲣⲟⲥ
they became aware of it, and fled to the cities of Lycaonia, Lystra, Derbe, and the surrounding region.
14.7
ⲛⲁⲩϩⲓϣⲉⲛⲛⲟⲩϥⲓ ⲙⲙⲁⲩ ⲡⲉ
There they preached the Good News.
14.8
ⲟⲩⲟϩ ⲛⲉⲟⲩⲟⲛ ⲟⲩⲣⲱⲙⲓ ⲛⲁⲧϫⲟⲙ ϧⲉⲛⲛⲉϥϭⲁⲗⲁⲩϫ ϧⲉⲛⲗⲩⲥⲧⲣⲁ ⲛⲁϥϩⲉⲙⲥⲓ ⲉϥⲟⲓ ⲛϭⲁⲗⲉ ⲓⲥϫⲉⲛ ⲉϥϧⲉⲛ ⲧⲛⲉϫⲓ ⲛⲧⲉⲧⲉϥⲙⲁⲩ ⲙⲡⲉϥⲙⲟϣⲓ ⲉⲛⲉϩ .
At Lystra a certain man sat, impotent in his feet, a cripple from his mother's womb, who never had walked.
14.9
ⲟⲩⲟϩ ⲫⲁⲓ ⲁϥⲥⲱⲧⲉⲙ ⲉⲡⲁⲩⲗⲟⲥ ⲉϥⲥⲁϫⲓ ⲛⲑⲟϥ ⲇⲉ ⲉⲧⲁϥⲥⲟⲙⲥ ⲉⲣⲟϥ ⲟⲩⲟϩ ⲉⲧⲁϥⲉⲙⲓ ϫⲉⲟⲩⲟⲛ ⲛⲁϩϯ ⲛϧⲏⲧϥ ⲉⲛⲟϩⲉⲙ .
He was listening to Paul speaking, who, fastening eyes on him, and seeing that he had faith to be made whole,

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.