Besa, Letters and Sermons

Coptic literature (Coptic SCRIPTORIUM) · 156 sections

to_thieving_nuns:26
ⲉⲁⲧⲉⲧⲛⲙⲉⲣⲉⲡⲕⲁⲕⲉ ⲉϩⲟⲩⲉ ⲉⲡⲟⲩⲟⲉⲓⲛ ·
on_vigilance:26
ⲉⲡϫⲓⲛϫⲏ ⲛⲁⲩ ⲟⲛ ⲧⲉ ⲧⲉⲩϩⲩⲡⲟⲙⲟⲛⲏ ·
to_aphthonia:27
ⲛⲧϩⲉ ⲉⲧⲥⲏϩ ϫⲉⲡⲉⲓⲗⲁⲟⲥ ⲧⲁⲓⲟ ⲙⲙⲟⲓ ϩⲛⲛⲉⲩⲥⲡⲟⲧⲟⲩ · ⲡⲉⲩϩⲏⲧ ⲇⲉ ⲟⲩⲏⲩ ⲛⲥⲁⲛⲃⲟⲗ ⲙⲙⲟⲓ ·
on_vigilance:27
ⲕⲁⲧⲁⲡⲉⲛⲧⲁⲩϫⲟⲟϥ ϫⲉⲟⲩⲕⲛⲁⲁⲩ ⲉϥⲙⲉϩ ⲁⲛ ⲡⲉ , ⲉⲧⲣⲉϥⲣⲛⲟⲉⲓⲧ .
to_thieving_nuns:27
ⲉⲁⲧⲉⲧⲛⲉⲡⲡⲉⲧⲥⲁϣⲉ ⲇⲉ ⲟⲛ ϫⲉϥϩⲟⲗϭ · ⲁⲩⲱ ⲡⲉⲧϩⲟⲗϭ ϫⲉϥⲥⲁϣⲉ ·
to_thieving_nuns:28
ⲉⲧⲃⲉⲡⲁⲓ ⲟⲩⲟⲓ ⲛⲏⲧⲛ ⲙⲡⲟⲛⲏⲣⲟⲥ ϫⲉⲙⲡⲉⲧⲛⲣⲡⲙⲉⲉⲩⲉ ⲙⲡϩⲓⲥⲉ ⲧⲏⲣϥ ⲉⲛⲧⲁⲡⲉⲛⲉⲓⲱⲧ ϣⲟⲡϥ ⲛⲙⲙⲏⲧⲛ ⲧⲏⲣⲧⲛ ·
to_aphthonia:28
ⲉⲛⲉⲙⲡⲉⲡⲟⲩϩⲏⲧ ⲅⲁⲣ ⲛⲁⲧⲥⲃⲱ ⲣⲕⲁⲕⲉ ⲉⲣⲟ . ⲛⲉⲣⲁⲕⲁⲧⲁⲫⲣⲟⲛⲉⲓ ⲡⲉ ⲛⲛⲟⲩⲉⲓⲟⲧⲉ ⲉⲧϩⲛⲧⲥⲩⲛⲁⲅⲱⲅⲏ ⲛⲙⲙⲉ · ⲏ ⲛⲉⲣⲁⲥⲱϣ ⲛⲛⲉⲥⲛⲏⲩ , ⲉⲧⲉⲣⲉⲟⲩⲏϩ ⲛⲙⲙⲁⲩ ϩⲛⲧⲟⲩⲙⲛⲧϫⲁⲥⲓϩⲏⲧ · ⲙⲛⲧⲟⲩⲙⲛⲧⲃⲁⲃⲉⲣⲱⲙⲉ ·
on_vigilance:28
ϩⲙⲡⲁⲓ ⲟⲛ ⲉⲛⲧⲁⲩϫⲟⲟⲥ ϫⲉϫⲟ ⲛϩⲉⲛⲥⲟⲩⲟ · ⲛⲧⲉⲧⲛⲱϩⲥ ⲛϩⲉⲛϣⲟⲛⲧⲉ ·
to_aphthonia:29
ⲏ ⲉⲛⲉⲙⲡⲉⲕⲱ ⲛⲥⲱ ⲛⲧⲉⲥⲃⲱ ⲙⲛⲧⲙⲛⲧⲣⲙⲛϩⲏⲧ . ⲁⲩⲱ ⲛⲧⲉⲙⲉⲣⲉⲡⲡⲉⲧϩⲟⲟⲩ , ⲉϩⲟⲩⲉⲡⲡⲉⲧⲛⲁⲛⲟⲩϥ . ⲛⲉⲣⲁⲙⲉⲗⲉⲧⲁ ⲡⲉ ⲛϩⲉⲛϣⲁϫⲉ ⲉⲩⲃⲟⲟⲛⲉ . ⲛⲧⲉϫⲟⲟⲥ ϩⲛⲧⲟⲩⲧⲁⲡⲣⲟ ⲉⲧⲙⲉϩ ⲛⲥⲁϩⲟⲩ ϩⲓⲥⲓϣⲉ , ϫⲉϯⲛⲁⲃⲱⲕ ⲉⲕⲉϩⲉⲛⲉⲉⲧⲏ .
on_vigilance:29
ⲛⲉⲩⲕⲗⲏⲣⲟⲥ ⲛⲥⲉⲛⲁϯϩⲏⲩ ⲛⲁⲩ ⲁⲛ ·
to_thieving_nuns:29
ⲉⲁⲧⲉⲧⲛⲕⲱ ⲛⲥⲱⲧⲛ ⲛⲛⲉϥⲥⲃⲟⲟⲩⲉ ⲛⲱⲛϩ ⲙⲛⲛⲁⲛⲥⲙⲙⲉ ⲛⲛⲉⲧⲛⲉⲓⲟⲧⲉ :
to_thieving_nuns:30
ⲡⲗⲏⲛ ⲉⲓⲥⲛϩⲗⲗⲟ ⲉⲓ ⲙⲛⲛⲉⲛⲥⲛⲏⲩ ⲁⲩⲉⲓ ϣⲁⲣⲱⲧⲛ ⲛⲕⲉⲥⲟⲡ ·
on_vigilance:30
ⲉⲧⲃⲉⲡⲁⲓ ϭⲉ ⲣⲟⲉⲓⲥ ⲙⲡⲣⲕⲁ ⲡϫⲁϫⲉ ⲉⲧⲁⲕⲟ ⲙⲡⲉⲛⲡⲉⲧⲛⲁⲛⲟⲩϥ ⲉⲧⲛⲉⲓⲣⲉ ⲙⲙⲟϥ .
to_aphthonia:30
ⲛⲧⲁⲡⲉⲓⲙⲁ ϫⲓⲧⲉ ⲛϭⲟⲛⲥ ϩⲛⲟⲩ ·
to_aphthonia:31
ⲏ ⲟⲩ ⲡⲉ ⲡⲃⲁⲣⲟⲥ ⲉⲛⲧⲁⲩⲟⲩⲁϩϥ ⲉϫⲱ · ⲛⲥⲁⲃⲏⲗ ϫⲉⲁⲩϫⲟⲟⲥ ⲛⲉ ϫⲉⲙⲡⲣⲡⲁⲣⲁⲃⲁ ⲛⲧⲉⲛⲧⲟⲗⲏ ⲙⲡⲛⲟⲩⲧⲉ · ⲉⲃⲟⲗ ϫⲉⲁⲣϯϣⲟⲟⲩ , ⲁⲩⲱ ⲙⲉⲥⲟⲩⲁⲫⲓ ⲛⲟⲩⲗⲉⲗⲟⲩ ⲉⲥϩⲙⲡⲏⲓ ⲛⲙⲙⲉ ϫⲉⲕⲁⲥ ⲉⲧⲉⲧⲛⲛⲁϣⲱⲡⲉ ⲛϫⲣⲟⲡ ⲁⲩⲱ ⲛⲥⲕⲁⲛⲇⲁⲗⲟⲛ ⲛⲛⲉⲧⲛⲉⲣⲏⲩ ·
to_thieving_nuns:31
ⲉⲛⲟⲛϩ ϩⲛⲟⲩⲛⲟϭ ⲛⲗⲩⲡⲏ ⲙⲛⲟⲩⲙⲕⲁϩ ⲛϩⲏⲧ ⲉⲛⲁϣⲱϥ ·
on_vigilance:31
ⲁⲗⲗⲁ ϩⲛϩⲁⲣⲉϩ ⲛⲓⲙ ϩⲁⲣⲉϩ ⲉⲡⲉⲛϩⲏⲧ ⲉⲃⲟⲗ ϩⲛⲙⲉⲉⲩⲉ ⲛⲓⲙ ⲉϥϫⲁϩⲙ ⲛⲧⲉⲡⲇⲓⲁⲃⲟⲗⲟⲥ · ϫⲉⲕⲁⲥ ⲉⲛⲛⲁⲣⲙⲡϣⲁ ⲛⲥⲱⲧⲙ ⲉⲡⲁⲓ ϩⲛⲟⲩⲧⲱⲧ ⲛϩⲏⲧ ϫⲉⲛⲥⲉⲛⲁⲣϩⲱⲃ ⲁⲛ ⲛϣⲙⲙⲟ ϫⲓⲛⲙⲡⲓⲛⲁⲩ ·
on_vigilance:32
ⲁⲗⲗⲁ ⲉⲩⲛⲁⲣϩⲱⲃ ⲙⲡϫⲟⲉⲓⲥ ⲡⲉⲩⲛⲟⲩⲧⲉ ·
to_aphthonia:32
ⲉⲧⲃⲉⲡⲁⲓ ϯϩⲟⲙⲟⲗⲟⲅⲉⲓ ⲛⲉ ϫⲉⲉϣⲱⲡⲉ ⲉⲣⲉⲧⲙⲕⲁⲉⲡⲓⲥⲧⲏⲙⲏ ⲙⲙⲟ ⲁⲩⲱ ⲛⲧⲉϥⲓ ⲧⲉⲓⲙⲛⲧⲁⲧⲥⲱⲧⲙ ⲉⲃⲟⲗ ⲙⲙⲟ ⲙⲛⲛⲓϯⲧⲱⲛ ⲉⲡϫⲓⲛϫⲏ . ϯⲛⲁⲧⲣⲉⲡⲟⲩϩⲏⲧ ⲙⲕⲁϩ . ⲁⲩⲱ ϯⲛⲁⲧⲣⲉⲩⲉⲓⲣⲉ ⲛⲉ ⲕⲁⲧⲁⲡⲉⲛⲧⲁϥⲉⲓ ⲉⲃⲟⲗ ϩⲛⲧⲟⲩⲧⲁⲡⲣⲟ ·
to_thieving_nuns:32
ⲉⲧⲣⲉⲩⲉⲓⲣⲉ ⲛⲧⲟⲩⲉⲓ ⲧⲟⲩⲉⲓ ⲙⲙⲱⲧⲛ ⲕⲁⲧⲁⲡⲉⲥⲙⲡϣⲁ ·
on_vigilance:33
ⲕⲁⲓ ⲅⲁⲣ ⲉϣⲁⲣⲉⲛⲗⲏⲥⲧⲏⲥ ϭⲱⲧϩ ⲁⲛ ⲉⲟⲩⲏⲓ , ⲏ ⲟⲩⲙⲁ ⲉⲙⲛⲭⲣⲏⲙⲁ ⲛϩⲏⲧϥ · ⲁⲗⲗⲁ ⲉϣⲁⲩϭⲱⲧϩ ⲉⲡⲙⲁ ⲉⲧⲟⲩⲛⲁϭⲛⲭⲣⲏⲙⲁ ⲙⲙⲁⲩ ·
to_aphthonia:33
ⲛⲁⲙⲉ ϯⲙⲟⲕϩ ⲛϩⲏⲧ ⲛⲁⲓ , ⲛⲙⲙⲉ , ⲏ ⲛⲙⲙⲏⲧⲛ ·
to_thieving_nuns:33
ⲉⲃⲟⲗ ϫⲉⲁⲧⲉⲧⲛⲕⲱ ⲛⲥⲱⲧⲛ ⲛⲧⲡⲏⲅⲏ ⲙⲙⲟⲟⲩ ⲛⲱⲛϩ ·
on_vigilance:34
ⲟⲩⲧⲉ ⲉϣⲁⲩϭⲱⲧϩ ⲁⲛ ⲉⲡⲙⲁ ⲉⲧⲟⲩⲣⲟⲉⲓⲥ ⲛϩⲏⲧϥ ⲉⲧⲣⲉⲩϣⲱⲗ · ⲁⲗⲗⲁ ⲡⲙⲁ ⲉⲧⲟⲩⲥⲟⲟⲩⲛ ϫⲉ ⲛⲥⲉⲣⲟⲉⲓⲥ ⲁⲛ ⲛϩⲏⲧϥ ⲁⲩⲱ ⲥⲉⲟⲃϣ .
to_thieving_nuns:34
ⲉⲁⲧⲉⲧⲛϣⲓⲕⲉ ⲛⲏⲧⲛ ⲛϩⲉⲛϣⲏⲓ ⲉⲩⲟⲩⲟϭⲡ ϩⲙⲡⲧⲣⲉⲡⲉⲧⲛϩⲏⲧ ⲛⲁⲧⲥⲃⲱ ⲣⲕⲁⲕⲉ ⲉⲣⲱⲧⲛ ·
to_aphthonia:34
ⲉⲓⲣϩⲟⲧⲉ ϫⲉⲙⲏⲡⲟⲧⲉ ⲛⲧϩⲉ ⲉⲛⲧⲁⲡϩⲟϥ ⲉⲝⲁⲡⲁⲧⲁ ⲛⲉⲩϩⲁ ϩⲛⲧⲉϥⲡⲁⲛⲟⲩⲣⲅⲓⲁ ⲛⲥⲉⲧⲁⲕⲟ ⲛϭⲓⲛⲉⲧⲛϩⲏⲧ ⲉⲃⲟⲗ ϩⲛⲧⲙⲛⲧϩⲁⲡⲗⲟⲩⲥ ⲙⲛⲡⲧⲃⲃⲟ ⲉⲧϫⲓ ⲉϩⲟⲩⲛ ⲉⲡⲉⲭⲣⲓⲥⲧⲟⲥ :
to_aphthonia:35
ⲉϣϫⲉ ⲧⲉⲧⲙⲙⲁⲩ ⲙⲡϥⲕⲁⲁⲥ ϩⲙⲡⲡⲁⲣⲁⲇⲉⲓⲥⲟⲥ ⲉϥⲛⲁϯⲥⲟ ⲉⲣⲟ . ⲏ ⲉⲣⲱⲧⲛ ϩⲙⲡⲧⲣⲉⲧⲛⲕⲁⲙⲁ ⲛⲁϥ ⲛϩⲏⲧⲧⲏⲩⲧⲛ · ⲁⲩⲱ ⲛⲧⲉⲧⲛϣⲱⲡ ⲉⲣⲱⲧⲛ ⲛⲛⲉϥϣⲟϫⲛⲉ ⲛⲕⲣⲟϥ ⲙⲛⲛⲉϥϩⲃⲏⲩⲉ ⲙⲡⲟⲛⲏⲣⲟⲛ ·
to_thieving_nuns:35
ⲉⲧⲉⲧⲛϫⲱ ⲙⲙⲟⲥ ϫⲉⲁⲛⲟⲛ ϩⲉⲛⲥⲁⲃⲉ · ⲁⲧⲉⲧⲛⲣⲥⲟϭ ·
on_vigilance:35
ⲛⲧⲟⲟⲩ ⲛⲉⲧⲉϣⲁⲩϭⲱⲧϩ ⲉⲣⲟⲟⲩ ⲛⲥⲉⲧⲱⲣⲡ ⲙⲡⲉⲧⲟⲩⲛⲁϭⲛⲧϥ ·
to_aphthonia:36
ⲛϥⲛⲁϣϭⲙϭⲟⲙ ⲅⲁⲣ ⲁⲛ ⲉⲛⲉⲧⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ . ⲛⲁⲓ ⲉⲧⲉⲣⲉⲡⲉⲭⲣⲓⲥⲧⲟⲥ ϣⲟⲟⲡ ⲛⲁⲩ ⲛⲃⲟⲏⲑⲟⲥ ⲁⲩⲱ ⲛⲥⲕⲉⲡⲁⲥⲧⲏⲥ ·
to_thieving_nuns:36
ⲉⲁⲧⲉⲧⲛϣⲓⲃⲉ ⲙⲡⲉⲟⲟⲩ ⲙⲡⲛⲟⲩⲧⲉ ϩⲛϩⲉⲛϩⲃⲏⲩⲉ ⲉⲙⲉϣϣⲉ .
on_vigilance:36
ⲛⲧⲉⲓ ϩⲉ ⲟⲛ ⲉϣⲁⲣⲉⲡⲇⲓⲁⲃⲟⲗⲟⲥ ⲧⲱⲣⲡ ⲁⲛ ⲙⲡⲉⲧⲣⲟⲉⲓⲥ ⲁⲩⲱ ⲉⲧϩⲁⲣⲉϩ ⲉⲡⲉϥϩⲓⲥⲉ ⲛⲁϥ . ⲁⲗⲗⲁ ⲡⲉⲧϥⲛⲁϭⲛⲧϥ ⲉϥⲣⲟⲉⲓⲥ ⲁⲛ · ⲟⲩⲧⲉ ⲛϥⲣϩⲟⲧⲉ ⲁⲛ ϩⲏⲧϥ ⲙⲡⲛⲟⲩⲧⲉ · ⲟⲩⲧⲉ ⲛϥⲉⲓⲣⲉ ⲁⲛ ⲙⲡⲙⲉⲉⲩⲉ ϫⲉⲉϥⲛⲏⲩ ⲉϩⲣⲁⲓ ⲉⲛϭⲓϫ ⲙⲡⲛⲟⲩⲧⲉ ⲛⲁϣ ⲛϩⲉ · ⲁⲗⲗⲁ ⲉϥϣⲉⲉⲓ ⲙⲛⲧⲏⲩ ⲛⲓⲙ ·
on_vigilance:37
ⲛⲧⲟϥ ⲡⲉⲧⲉϣⲁϥⲧⲱⲣⲡ ⲙⲡⲉϥⲡⲉⲧⲛⲁⲛⲟⲩϥ ⲉⲧϥⲉⲓⲣⲉ ⲙⲙⲟϥ ⲁϫⲛϯⲥⲟ ·
to_aphthonia:37
ⲛⲧϩⲉ ⲉⲧⲥⲏϩ ϫⲉⲡⲉⲧⲙⲓϣⲉ ⲉϫⲱⲕ ⲡⲉ ⲡⲉⲕⲃⲟⲏⲑⲟⲥ , ⲁⲩⲱ ⲧⲥⲏϥⲉ ⲡⲉ ⲙⲡⲉⲕϣⲟⲩϣⲟⲩ ⲁⲩⲱ ⲡⲉⲟⲟⲩ ⲙⲡⲉⲥⲧⲉⲣⲉⲱⲙⲁ ·
to_thieving_nuns:37
ⲉⲧⲃⲉⲡⲁⲓ ⲁⲡⲛⲟⲩⲧⲉ ϯⲧⲏⲩⲧⲛ ⲉϩⲣⲁⲓ ⲉϩⲉⲛⲡⲁⲑⲟⲥ ⲉⲩⲥⲏϣ ⲉⲧⲉⲡϫⲓⲟⲩⲉ ⲡⲉ ⲙⲛⲡϫⲱϩⲙ ⲙⲛⲡⲟⲛⲏⲣⲟⲛ ⲛⲓⲙ ·
to_aphthonia:38
ⲡⲉⲧⲛⲁⲙⲉⲣⲉⲡⲡⲉⲧϩⲟⲟⲩ , ⲛⲧⲟϥ ⲡⲉⲧⲛⲁⲧⲁⲕⲟ ·
on_vigilance:38
ⲉⲧⲃⲉⲡⲁⲓ ϭⲉ ⲛⲉⲥⲛⲏⲩ ⲟⲩⲟⲛ ⲛⲓⲙ ⲉⲧⲟ ⲛⲟⲩϩⲏⲧ ⲛⲟⲩⲱⲧ ⲙⲛⲡⲛⲟⲩⲧⲉ ⲁⲩⲱ ⲙⲛⲛⲉⲛⲉⲓⲟⲧⲉ , ⲁⲩⲱ ⲛⲙⲙⲁⲛ ϩⲱⲱⲛ ⲟⲛ, ⲉⲓⲧⲉ ϩⲟⲟⲩⲧ ⲉⲓⲧⲉ ⲥϩⲓⲙⲉ . ⲉⲓⲧⲉ ⲛⲟϭ ⲉⲓⲧⲉ ⲕⲟⲩⲓ · ϩⲁⲧⲏⲛ , ⲁⲩⲱ ϩⲁⲧⲉⲧⲏⲩⲧⲛ ⲧⲱⲕ ⲛϩⲏⲧ ⲁⲩⲱ ⲣⲟⲉⲓⲥ ⲙⲡⲣϯϩⲓⲛⲏⲃ ⲛⲛⲉⲛⲃⲁⲗ · ⲟⲩⲧⲉ ⲣⲉⲕⲣⲓⲕⲉ ⲛⲛⲉⲛⲃⲟⲩϩⲉ · ϣⲁⲛⲧⲉⲡϫⲟⲉⲓⲥ ⲛⲁϩⲙⲛ ⲉⲡⲉⲓⲣⲁⲥⲙⲟⲥ ⲛⲓⲙ ⲛⲧⲉⲡϫⲁϫⲉ ·
to_thieving_nuns:38
ⲛⲁⲓ ⲉⲧⲉⲣⲉⲧⲓⲙⲱⲣⲓⲁ ⲛⲓⲙ ϣⲟⲟⲡ ⲛⲛⲉⲧⲉⲓⲣⲉ ⲙⲙⲟⲟⲩ · ⲟⲩ ⲙⲟⲛⲟⲛ ϩⲙⲡⲉⲓⲁⲓⲱⲛ · ⲁⲗⲗⲁ ϩⲙⲡⲕⲉⲟⲩⲁ :
on_vigilance:39
ⲛⲁϣⲉⲛⲉⲧⲫⲑⲟⲛⲉⲓ ⲅⲁⲣ ⲉⲣⲟⲛ ·
to_aphthonia:39
ⲁⲩⲱ ⲛⲧⲟϥ ⲡⲉⲧⲉⲣⲉⲡⲇⲓⲁⲃⲟⲗⲟⲥ ⲛⲁϭⲙϭⲟⲙ ⲉⲣⲟϥ ϩⲛⲛⲉϥϩⲃⲏⲩⲉ ⲙⲙⲛⲧⲣⲉϥϩⲉⲧⲃⲯⲩⲭⲏ ·
on_vigilance:40
ⲁⲩⲱ ⲙⲡⲣⲛⲁⲩ ⲉϩⲉⲛⲥⲛⲏⲩ ⲉⲩϣⲧⲣⲧⲱⲣ ⲛϩⲁϩ ⲛⲥⲟⲡ ϩⲙⲡⲙⲓϣⲉ ⲙⲛⲡϯⲧⲱⲛ ⲁⲩⲱ ⲉⲩⲁⲣⲛⲁ ⲛⲧⲉⲩϩⲩⲡⲟⲙⲟⲛⲏ · ⲛⲥⲉⲥⲕⲁⲛⲇⲁⲗⲓⲍⲉ ⲙⲙⲱⲧⲛ ·
to_aphthonia:40
ⲡⲥⲟⲫⲟⲥ ⲇⲉ ⲛⲧⲟϥ ⲉⲧⲙⲉ ⲛⲧⲉⲥⲃⲱ . ϥⲛⲁϣⲱⲡ ⲉⲣⲟϥ ⲛⲧⲉⲛⲧⲟⲗⲏ ·
to_aphthonia:41
ⲁⲩⲱ ⲡⲣⲙⲛϩⲏⲧ ⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ · ⲛⲁϫⲡⲟ ⲛⲁϥ ⲛⲟⲩⲣϩⲙⲙⲉ ·
on_vigilance:41
ⲁⲗⲗⲁ ⲛⲛⲉⲡⲛⲟⲩⲧⲉ ϫⲟⲟϥ ⲉⲧⲣⲉⲩⲥⲕⲁⲛⲇⲁⲗⲓⲍⲉ ⲛⲙⲙⲁⲓⲛⲟⲩⲧⲉ ⲉⲛⲉϩ . ⲛⲁⲓ ⲉⲧⲉⲟⲩⲛⲧⲁⲩ ⲙⲙⲁⲩ ⲛⲧⲉⲩⲡⲓⲥⲧⲓⲥ ⲉⲥϫⲏⲕ ⲉⲃⲟⲗ ⲉϩⲟⲩⲛ ⲉⲡⲉⲭⲣⲓⲥⲧⲟⲥ · ⲁⲩⲱ ⲉⲧⲁϩⲉ ⲉⲡⲉⲡⲛⲉⲩⲙⲁ ⲙⲡⲛⲟⲩⲧⲉ ·
to_aphthonia:42
ⲡⲗⲏⲛ ⲙⲁⲣⲓⲥⲱⲧⲙ ϫⲉⲁⲣϯⲙⲧⲟⲛ ⲛⲛⲟⲩⲉⲓⲟⲧⲉ ⲉⲧϩⲙⲡⲙⲁ ⲛⲙⲙⲉ . ⲁⲩⲱ ⲛⲧⲉⲥⲱⲧⲙ ⲛⲥⲱⲟⲩ ϩⲛϩⲱⲃ ⲛⲓⲙ ·
on_vigilance:42
ⲛⲧⲱⲧⲛ ⲇⲉ ⲛⲉⲧⲣⲛⲟⲃⲉ ⲁⲩⲱ ⲉⲧⲁⲣⲛⲁ ⲛⲧⲉⲩϩⲩⲡⲟⲙⲟⲛⲏ ⲁⲩⲱ ⲉⲧϣⲧⲟⲣⲧⲣ ⲛⲛⲥⲩⲛⲁⲅⲱⲅⲏ ϩⲛⲧⲙⲛⲧϩⲏⲧ ϣⲏⲙ · ⲙⲛⲡⲕⲱϩ · ⲙⲛⲡⲙⲟⲥⲧⲉ · ⲙⲛⲡⲙⲓϣⲉ · ⲙⲛⲡϯⲧⲱⲛ · ⲙⲛⲡⲉⲕⲣⲟϥ · ⲟⲩⲟⲉⲓ ⲛⲏⲧⲛ .
to_aphthonia:43
ⲧⲁⲣⲉⲡⲉⲛϩⲏⲧ ⲙⲧⲟⲛ ·
on_vigilance:43
ⲉⲧⲉⲧⲛⲁⲣⲟⲩ ϩⲙⲡⲉϩⲟⲟⲩ ⲙⲡⲉⲧⲛϭⲙⲡϣⲓⲛⲉ ·
on_vigilance:44
ⲧⲉⲧⲛⲑⲗⲓⲯⲓⲥ ⲅⲁⲣ ⲛⲏⲩ ⲙⲡⲟⲩⲉ ·
to_aphthonia:44
ⲁⲩⲱ ⲛⲧⲟ ϩⲱⲱⲧⲉ ⲛⲧⲉⲥⲉⲓ ⲙⲡⲟⲩⲧⲱⲧ ⲛϩⲏⲧ ·
on_vigilance:45
ⲏ ⲟⲩⲕⲣⲓⲙⲁ ⲛⲁⲛ ⲁⲛ ⲡⲉ ⲙⲛⲛⲥⲁⲧⲣⲉⲛⲁⲡⲟⲧⲁⲥⲥⲉ ⲙⲡⲉⲛⲧⲁⲛⲁⲡⲟⲧⲁⲥⲥⲉ ⲙⲙⲟϥ . ⲁⲩⲱ ⲛⲧⲛⲥⲙⲛⲧⲟⲟⲧⲛ ⲙⲛⲡⲉⲛⲧⲁⲛⲥⲙⲛⲧⲟⲟⲧⲛ ⲛⲙⲙⲁϥ ϩⲛⲟⲩⲇⲓⲁⲑⲏⲕⲏ ⲉⲛϩⲟⲙⲟⲗⲟⲅⲉⲓ ϫⲉⲛⲛⲉⲛϫⲓⲟⲩⲉ · ⲛⲛⲉⲛϫⲓϭⲟⲗ · ⲛⲛⲉⲛϫⲉϩⲙⲡⲉⲛⲥⲱⲙⲁ ⲕⲁⲧⲁⲗⲁⲁⲩ ⲛⲥⲙⲟⲧ · ⲛⲛⲉⲛⲣⲙⲛⲧⲣⲉ ⲛⲛⲟⲩϫ · ⲛⲛⲉⲛⲣⲗⲁⲁⲩ ⲛⲕⲣⲟϥ ϩⲛⲟⲩϩⲱⲡ · ⲙⲛⲛⲕⲉϣⲁϫⲉ ⲉⲧⲛⲏⲩ ⲙⲛⲛⲥⲁⲛⲁⲓ · ⲡⲁⲗⲓⲛ ⲛⲧⲛⲕⲧⲟⲛ ⲛⲧⲛⲁⲁⲩ ⲛⲕⲉⲥⲟⲡ ·
to_aphthonia:45
ⲉϣⲱⲡⲉ ⲇⲉ ⲟⲛ · ⲉⲟⲩⲛⲧⲉ ⲟⲩϣⲁϫⲉ ⲉϫⲟⲟϥ . ⲉⲓⲥ ⲛϩⲗⲗⲟⲓ ⲛⲉⲛⲉⲓⲟⲧⲉ ⲁⲩⲱ ⲛⲉⲛⲥⲛⲏⲩ ⲁⲩⲉⲓ ϣⲁⲣⲱⲧⲛ ·
to_aphthonia:46
ⲧⲁⲩⲟⲩⲟϥ ⲉⲣⲟⲟⲩ · ⲁⲩⲱ ⲛⲧⲱⲧⲛ ⲧⲏⲣⲧⲛ ·
to_aphthonia:47
ⲡⲉ ⲟⲩⲛⲧⲏⲧⲛ ϣⲁϫⲉ ⲙⲙⲁⲩ ⲏ ⲗⲁⲁⲩ ⲛϩⲱⲃ · ϩⲙⲡⲉⲧⲛⲙⲁ ·
to_aphthonia:48
ⲙⲡⲣϭⲱ ⲛⲟⲩⲉϣ ⲛⲧⲁⲙⲟⲟⲩ ⲛⲧⲉⲧⲛⲧⲙϩⲉⲡⲗⲁⲁⲩ ⲛϩⲱⲃ ⲉⲣⲟⲟⲩ · ϫⲉⲕⲁⲥ ⲉⲣⲉⲡⲉⲛϩⲏⲧ ⲛⲁⲙⲧⲟⲛ ⲧⲏⲣⲛ ϩⲓⲟⲩⲥⲟⲡ ⲁⲛⲟⲛ ⲁⲩⲱ ⲛⲧⲱⲧⲛ ·
to_aphthonia:49
ⲁⲩⲱ ⲟⲛ ⲛⲧⲉⲡϫⲟⲉⲓⲥ ⲧⲱⲧ ⲛϩⲏⲧ ⲉϫⲱⲛ :

Coptic SCRIPTORIUM, corpus besa.letters (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.