Besa, Letters and Sermons

Coptic literature (Coptic SCRIPTORIUM) · 156 sections

to_thieving_nuns:1
ⲱ ⲧⲉⲧⲛⲣⲱϣⲉ ⲛⲧⲱⲧⲛ ⲛⲉⲧⲕⲁⲙⲁ ⲙⲡⲥⲁⲧⲁⲛⲁⲥ ⲉⲧⲣⲉϥⲉⲓ ⲉϩⲟⲩⲛ ⲛϥϫⲱϩⲙ ⲛⲙⲙⲁ ⲉⲧⲟⲩⲁⲁⲃ ⲙⲡⲛⲟⲩⲧⲉ ·
exhortations:1
ⲕⲟⲥⲙⲟⲥ ⲉⲛⲙⲟⲟϣⲉ ϩⲛⲛϫⲱϩⲙ ⲙⲛⲛϯϩⲉ · ⲙⲛⲛϫⲏⲣ · ⲙⲛⲛⲥⲱ · ⲙⲛⲙⲙⲛⲧⲣⲉϥϣⲙϣⲉⲉⲓⲇⲱⲗⲟⲛ ⲉⲧϫⲁϩⲙ ·
world, as we walk in defilement and drunkenness and reveling and drinking and defiled idol worship. (1 Pet 4:3)
to_aphthonia:1
ⲁⲣϯⲉⲟⲟⲩ ⲙⲡⲛⲟⲩⲧⲉ ⲧⲱⲛⲉ .
on_lack_of_food:1
ⲉⲧⲉⲧⲛϣⲡϩⲓⲥⲉ ⲙⲛⲛⲉⲧⲙⲏⲣ ⲉⲧⲉⲛⲉⲧⲙⲟⲕϩ ⲛⲉ ·
It is by those who are bound and suffering that you are troubled,
on_vigilance:1
ⲧⲛⲇⲟⲅⲙⲁⲧⲓⲍⲉ ϩⲙⲡⲕⲟⲥⲙⲟⲥ ⲛⲧϩⲉ ⲛⲛⲉⲧⲟⲛϩ ·
on_vigilance:2
ⲙⲡⲣϫⲱϩ ⲟⲩⲧⲉ ⲙⲡⲣϫⲓϯⲡⲉ . ⲟⲩⲧⲉ ⲙⲡⲣϩⲱⲛ ⲉϩⲟⲩⲛ · ⲉⲧⲉⲡⲁⲓ ⲡⲉ ϫⲉⲁⲛⲉⲓ ⲉⲃⲟⲗ ϩⲛⲛⲛⲟⲃⲉ ⲙⲡⲕⲟⲥⲙⲟⲥ ⲉⲁⲛⲕⲁⲁⲩ ⲛⲥⲱⲛ ·
to_aphthonia:2
ⲉⲓϣⲁϫⲉ ⲉⲣⲟ ⲛⲧⲟ ⲁⲫⲑⲟⲛⲓⲁ ⲧϣⲉⲉⲣⲉ ⲙⲡⲕⲟⲙⲉⲥ ⲁⲗⲉⲝⲁⲛⲇⲣⲟⲥ ·
exhortations:2
ⲉⲛⲙⲟⲟϣⲉ ϩⲛⲟⲩⲕⲁⲕⲓⲁ ⲙⲛⲟⲩⲫⲑⲟⲛⲟⲥ · ⲉⲛⲟ ⲙⲙⲉⲥⲧⲉ ⲉⲛⲙⲟⲥⲧⲉ ⲛⲛⲉⲛⲉⲣⲏⲩ ·
As we walk in wickedness and envy, becoming hated as we hate each other.
to_thieving_nuns:2
ⲁⲩⲱ ⲛⲧⲉⲧⲛⲥⲱⲱϥ ⲙⲡⲉϥⲣⲡⲉ ⲉⲧⲉⲛⲧⲱⲧⲛ ⲡⲉ ⲙⲙⲓⲛⲙⲙⲱⲧⲛ ·
on_lack_of_food:2
ⲛⲧϩⲉ ⲉⲧⲉⲩⲟⲛϩ ⲉⲡⲟⲩⲟⲧⲟⲩⲉⲧ ⲛⲧⲥⲱϣⲉ ϫⲉⲙⲡⲟⲩϭⲛⲡⲉⲧⲟⲩⲛⲁⲟⲩⲟⲙϥ ·
in the manner that they live on the herb of the field, because they did not find what they shall eat,
exhortations:3
ⲉⲛⲟ ⲛⲁⲧⲥⲱⲧⲙ · ⲉⲛⲡⲗⲁⲛⲁ ·
As we become disobedient and stray. (Titus 3:3)
on_lack_of_food:3
ⲛⲧϩⲉ ⲉⲧⲉⲧⲛⲥⲱⲧⲙ ·
and in the manner that we hear
on_vigilance:3
ⲁϩⲣⲟⲛ ⲟⲛ ⲉⲛⲕⲧⲟ ⲙⲙⲟⲛ ⲉⲛϭⲗⲟⲙⲗⲙ ϩⲣⲁⲓ ⲛϩⲏⲧⲟⲩ ·
to_aphthonia:3
ⲏ ⲁⲣⲧⲁⲓⲉⲡⲙⲁ ⲉⲛⲧⲁⲩⲥⲁⲛⲟⲩϣⲉ ⲛϩⲏⲧϥ ⲕⲁⲧⲁⲡⲛⲟⲩⲧⲉ ⲁⲩⲱ ⲕⲁⲧⲁⲡⲕⲟⲥⲙⲟⲥ , ϩⲛⲛⲟⲩϣⲁϫⲉ ⲙⲛⲛⲟⲩϩⲃⲏⲩⲉ ·
to_thieving_nuns:3
ⲙⲡⲉⲧⲛⲣⲡⲙⲉⲉⲩⲉ ⲛⲧⲁⲡⲟⲫⲁⲥⲓⲥ ⲙⲡⲁⲡⲟⲥⲧⲟⲗⲟⲥ , ϫⲉⲡⲉⲧⲛⲁⲥⲱⲱϥ ⲙⲡⲉⲣⲡⲉ ⲙⲡⲛⲟⲩⲧⲉ . ⲡⲁⲓ ⲡⲛⲟⲩⲧⲉ ⲛⲁⲧⲁⲕⲟϥ :
on_lack_of_food:4
ⲁⲩⲱ ⲉⲣⲉⲛⲉⲧⲛⲁⲩ ϩⲟⲙⲟⲗⲟⲅⲉⲓ ⲙⲡⲉⲩϩⲓⲥⲉ ·
and those who see agree about their difficulty.
exhortations:4
ⲉⲛⲙⲟⲟϣⲉ ϩⲙⲡⲡⲉⲧϣⲟⲩⲉⲓⲧ ⲙⲡⲉⲛϩⲏⲧ · ⲉⲛⲟ ⲛⲕⲁⲕⲉ ϩⲛⲛⲉⲛⲙⲉⲉⲩⲉ ·
As we walk in the vanity of our heart and become dark in our thoughts.
to_thieving_nuns:4
ⲟⲩⲧⲉ ⲟⲛ ⲙⲡⲉⲧⲛⲣⲡⲙⲉⲉⲩⲉ ⲛⲛⲥⲁϩⲟⲩ ⲧⲏⲣⲟⲩ ⲉⲛⲧⲁⲡⲉⲛⲉⲓⲱⲧ ϫⲟⲟⲩ ⲉϥϯ ⲙⲙⲟⲛ ⲧⲏⲣⲛ ⲉⲧⲟⲟⲧϥ ⲙⲡⲛⲟⲩⲧⲉ ⲉϥϫⲱ ⲙⲙⲟⲥ , ϫⲉϥⲥϩⲟⲩⲟⲣⲧ ⲛϭⲓⲡⲉⲧⲛⲁϫⲱϩⲙ ⲙⲡⲉϥⲥⲱⲙⲁ ⲕⲁⲧⲁⲗⲁⲁⲩ ⲛⲥⲙⲟⲧ · ⲏ ⲛϥϫⲓⲟⲩⲉ ϩⲛⲗⲁⲁⲩ ⲛϩⲛⲟ · ϫⲓⲛⲟⲩϩⲱⲥ ⲙⲛⲟⲩⲙⲟⲩⲥ ·
on_vigilance:4
ϩⲙⲡⲁⲓ ⲟⲛ ⲉⲛⲧⲁϥϫⲟⲟⲥ ϫⲉⲙⲡⲓⲟⲩⲟⲉⲓϣ ⲅⲁⲣ ⲛⲉⲧⲉⲧⲛⲟ ⲛⲕⲁⲕⲉ ⲡⲉ · ⲧⲉⲛⲟⲩ ⲇⲉ ⲛⲟⲩⲟⲉⲓⲛ ϩⲙⲡϫⲟⲉⲓⲥ ·
to_aphthonia:4
ⲉⲛⲉⲙⲡⲉⲡⲟⲩϩⲏⲧ ⲧⲁⲕⲟ . ⲛⲉⲣⲁⲥⲱϣⲡⲙⲁ ⲁⲛ ⲉⲧⲉⲛϩⲏⲧϥ .
on_vigilance:5
ⲙⲟⲟϣⲉ ϩⲱⲥ ϣⲏⲣⲉ ⲙⲡⲟⲩⲟⲉⲓⲛ ·
exhortations:5
ⲉⲛⲟ ⲛⲁⲗⲗⲟⲧⲣⲓⲟⲥ ⲉⲡⲱⲛϩ ⲙⲡⲛⲟⲩⲧⲉ , ⲉⲧⲃⲉⲧⲙⲛⲧⲁⲧⲥⲟⲟⲩⲛ ⲉⲧϣⲟⲟⲡ ⲛϩⲏⲧⲛ ⲉⲧⲃⲉⲡⲉⲛⲧⲱⲛ ⲛϩⲏⲧ ·
As we become alienated from the life of God because of the ignorance that is inside us because of our obstinacy.
on_lack_of_food:5
ⲉⲧⲃⲉⲡⲁⲓ ⲙⲁⲣⲛϣⲗⲏⲗ ⲧⲏⲣⲛ ⲟⲩⲟⲛ ⲛⲓⲙ ⲉⲧⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ ⲉⲧⲣⲉⲡⲉⲭⲣⲓⲥⲧⲟⲥ ⲕⲁⲡⲉϥⲥⲙⲟⲩ ⲉϥⲙⲏⲛ ⲉⲃⲟⲗ ϩⲣⲁⲓ ϩⲛⲛⲉϥⲥⲩⲛⲁⲅⲱⲅⲏ ·
Hence, let us all pray, everyone who fears God, that Christ may put his blessing and that it may remain in his congregations
to_thieving_nuns:5
ⲙⲁⲗⲓⲥⲧⲁ ϩⲟⲉⲓⲧⲉ ϩⲓⲡⲣⲏϣ ϩⲓⲕⲗⲁϥⲧ ·
to_aphthonia:5
ⲏ ⲛⲉⲣⲁⲧϭⲁⲓⲉⲛⲉⲥⲛⲏⲩ ⲉⲧϩⲙⲡⲙⲁ ⲛⲙⲙⲉ ·
to_thieving_nuns:6
ⲁⲩⲱ ϣⲁϩⲣⲁⲓ ⲉⲟⲩⲉⲗⲁⲭⲓⲥⲧⲟⲛ ⲛϩⲛⲟ ⲛⲟⲩⲱⲙ ·
on_lack_of_food:6
ⲁⲩⲱ ⲛϥⲧⲙⲕⲁⲛⲉϥⲧⲟⲡⲟⲥ ⲉϣⲱⲱⲧ ⲛⲗⲁⲁⲩ :
and that he may not let his monasteries (lit. places) lack anything.
on_vigilance:6
ⲉⲣⲉⲡⲕⲁⲣⲡⲟⲥ ⲅⲁⲣ ⲙⲡⲟⲩⲟⲉⲓⲛ ϩⲙⲡⲉⲧⲛⲁⲛⲟⲩϥ ⲛⲓⲙ ⲙⲛⲧⲇⲓⲕⲁⲓⲟⲥⲩⲛⲏ ⲙⲛⲧⲙⲉ ·
exhortations:6
ⲉⲁⲛⲧⲁⲁⲛ ⲙⲙⲓⲛⲙⲙⲟⲛ ⲙⲡϫⲱϩⲙ ⲙⲛⲡⲣϩⲱⲃ ⲉⲁⲕⲁⲑⲁⲣⲥⲓⲁ ⲛⲓⲙ ·
As we have given over to defilement and doing every impure thing.
to_aphthonia:6
ⲥⲉⲙⲟⲩⲧⲉ ⲙⲉⲛ ⲉⲣⲟ ϩⲙⲡⲟⲩⲣⲁⲛ ϫⲉⲁⲫⲑⲟⲛⲓⲁ ·
on_vigilance:7
ⲉⲧⲉⲧⲛⲇⲟⲕⲓⲙⲁⲍⲉ ϫⲉⲟⲩ ⲡⲉⲉⲧⲣⲁⲛⲁϥ ⲙⲡϫⲟⲉⲓⲥ · ⲁⲩⲱ ⲙⲡⲣⲕⲟⲓⲛⲱⲛⲉⲓ ⲉⲛⲉϩⲃⲏⲩⲉ ⲙⲡⲕⲁⲕⲉ ⲉⲧⲉⲙⲙⲛⲧⲟⲩ ⲕⲁⲣⲡⲟⲥ · ⲛⲧⲉⲧⲛϫⲡⲓⲟⲟⲩ ⲇⲉ ⲛⲧⲟϥ ⲛϩⲟⲩⲟ ·
exhortations:7
ⲧⲉⲛⲟⲩ ⲇⲉ ⲛⲧⲁⲩⲧⲥⲁⲃⲟⲛ ⲁⲛ ⲛⲧⲉⲓϩⲉ ·
But now it is not in this way that we were taught. (Eph 4:17-20)
to_thieving_nuns:7
ⲉⲓⲧⲉ ⲉⲃⲟⲗ ϩⲛⲛⲉϩⲛⲁⲁⲩ ⲛⲧⲇⲓⲁⲕⲟⲛⲓⲁ ⲙⲡⲛⲟⲩⲧⲉ ·
to_aphthonia:7
ⲧⲉⲫⲑⲟⲛⲉⲓ ⲇⲉ ⲉⲣⲟ ⲙⲁⲩⲁⲁⲧⲉ ·
to_thieving_nuns:8
ⲉⲓⲧⲉ ⲉⲃⲟⲗ ϩⲛⲛⲧⲟ ⲛⲛⲉⲧϩⲓⲧⲟⲩⲱⲟⲩ ·
on_vigilance:8
ⲛⲉⲧⲟⲩⲉⲓⲣⲉ ⲅⲁⲣ ⲙⲙⲟⲟⲩ ⲛϫⲓⲟⲩⲉ , ϩⲉⲛϣⲗⲟϥ ⲛⲉ ⲉⲣⲡⲕⲉ ⲉϫⲟⲟⲩ ·
to_aphthonia:8
ⲁⲩⲱ ⲧⲉⲟ ⲛⲃⲁⲥⲕⲁⲛⲟⲥ ⲉⲣⲟ ⲙⲙⲓⲛⲙⲙⲟ ·
exhortations:8
ⲁⲗⲗⲁ ⲉⲛⲧⲁⲩϯⲥⲃⲱ ⲛⲁⲛ ϫⲉϩⲛⲟⲩϩⲟⲧⲉ ⲙⲛⲟⲩⲥⲧⲱⲧ ⲁⲣⲓϩⲱⲃ ⲉⲡⲉⲧⲛⲟⲩϫⲁⲓ .
But rather what was taught to us is to do something for our salvation in fear and trembling.
on_vigilance:9
ϣⲁⲣⲉϩⲱⲃ ⲇⲉ ⲛⲓⲙ ⲟⲩⲱⲛϩ ⲉⲃⲟⲗ ⲉⲧⲟⲩϫⲡⲓⲟ ⲙⲙⲟⲟⲩ ϩⲓⲧⲙⲡⲟⲩⲟⲉⲓⲛ ·
to_thieving_nuns:9
ⲛⲉⲓⲙⲉⲉⲩⲉ ⲙⲉⲛ ⲡⲉ ⲉⲉⲓ ϣⲁⲣⲱⲧⲛ ϩⲛⲟⲩⲧⲱⲧ ⲛϩⲏⲧ ·
to_aphthonia:9
ⲉⲣⲟⲩⲱϣ ⲉⲧⲁⲕⲉⲧⲟⲩⲯⲩⲭⲏ ⲉⲧⲉⲙⲡⲕⲟⲥⲙⲟⲥ ⲧⲏⲣϥ ⲙⲡϣⲁ ⲙⲙⲟⲥ ⲁⲛ · ⲁⲩⲱ ⲉⲥⲱⲣⲙ ⲛⲛⲟⲩϩⲓⲥⲉ ⲉⲡϫⲓⲛϫⲏ ·
exhortations:9
ⲡⲛⲟⲩⲧⲉ ⲅⲁⲣ ⲡⲉⲧⲉⲛⲉⲣⲅⲉⲓ ⲛϩⲏⲧⲧⲏⲩⲧⲛ ⲙⲡⲟⲩⲱϣ ⲙⲛⲡϫⲱⲕ ⲉⲃⲟⲗ ⲙⲡⲟⲩⲱϣ ·
For God is the one who enacts the will and the fulfillment of the will. (Phil 2:12-13)
on_vigilance:10
ϩⲱⲃ ⲅⲁⲣ ⲛⲓⲙ ⲉⲧⲟⲩⲟⲛϩ ⲉⲃⲟⲗ ϩⲉⲛⲟⲩⲟⲉⲓⲛ ⲛⲉ ·
to_thieving_nuns:10
ⲁⲗⲗⲁ ⲡⲉⲙⲕⲁϩ ⲛϩⲏⲧ ⲛⲛⲉⲛⲧⲁⲩϯϭⲱⲛⲧ ⲙⲡⲛⲟⲩⲧⲉ ⲁⲩⲱ ⲁⲩⲗⲩⲡⲉⲓ ⲙⲡⲉϥⲡⲛⲉⲩⲙⲁ ⲉⲧⲟⲩⲁⲁⲃ · ⲡⲉⲛⲧⲁϥⲕⲱⲗⲩⲉ ⲙⲡⲉⲛⲟⲩⲣⲟⲧ ·
to_aphthonia:10
ⲉⲃⲟⲗ ϫⲉⲁⲣⲕⲁⲡⲙⲁ ⲙⲡⲥⲁⲧⲁⲛⲁⲥ ⲉϩⲟⲩⲛ ⲉⲣⲟ ⲉⲧⲣⲉϥⲡⲱⲱⲛⲉ ⲙⲡⲟⲩϩⲏⲧ · ⲁⲩⲱ ⲛϥⲥⲣⲙⲣⲱⲙⲉ ⲛⲧϩⲉ ⲛⲛⲓⲉⲥⲟⲟⲩ ⲉⲧⲟ ⲛϩⲟⲟⲗⲉ ·
exhortations:10
ⲕⲁⲓ ⲅⲁⲣ ⲛϣⲏⲣⲉ ⲙⲡⲓⲥⲣⲁⲏⲗ ⲙⲡⲓⲟⲩⲟⲉⲓϣ ⲁⲙⲱⲩⲥⲏⲥ ⲛⲁⲩ ⲉⲣⲟⲟⲩ ⲛⲧϩⲉ ⲉⲧⲟⲩϭⲉⲡⲏ ⲉⲣⲡⲱⲃϣ ⲛⲛⲉⲛⲧⲟⲗⲏ ⲙⲡⲛⲟⲩⲧⲉ
And indeed the children of Israel, Moses saw them at that time in the way that they hastened to forget the commandments of God.
on_vigilance:11
ⲉⲧⲃⲉⲡⲁⲓ ϩⲱⲱⲛ ⲙⲁⲣⲛϫⲡⲓⲟ ⲛⲛⲉⲛⲙⲛⲧⲥⲟϭ ϩⲣⲁⲓ ⲛϩⲏⲧⲛ ⲙⲛⲙⲙⲉⲉⲩⲉ ⲧⲏⲣⲟⲩ ⲙⲡⲇⲓⲁⲃⲟⲗⲟⲥ ⲉⲧϥⲛⲟⲩϫⲉ ⲙⲙⲟⲟⲩ ⲉϩⲟⲩⲛ ⲉⲣⲟⲛ · ⲙⲛⲙⲙⲛⲧⲁⲧⲛⲁϩⲧⲉ · ⲙⲛⲙⲙⲟⲥⲧⲉ · ⲛⲧϩⲉ ⲉϣⲁⲩⲧⲣⲉⲛⲙⲉⲉⲩⲉ ⲉⲡⲡⲉⲧϩⲟⲟⲩ ⲉϩⲟⲩⲛ ⲉⲛⲉⲛⲉⲣⲏⲩ ⲉⲛⲧⲛϩⲁⲧⲛⲛⲉⲛⲉⲣⲏⲩ ⲁⲛ ⲉⲡⲧⲏⲣϥ ·
to_thieving_nuns:11
ϯⲥⲟⲟⲩⲛ ⲙⲉⲛ ϫⲉⲡⲁⲙⲡϣⲁ ⲡⲉ ⲙⲕⲁϩ ⲛϩⲏⲧ ⲛⲓⲙ ·
to_aphthonia:11
ⲧⲁⲑⲏⲧ ⲁⲩⲱ ⲧⲁⲧⲥⲃⲱ ⲉⲧⲉⲙⲛⲥⲃⲱ ⲙⲙⲟⲥ ·
exhortations:11
ⲁϥⲟⲩⲉϩⲥⲁϩⲛⲉ ⲛⲁⲩ ⲉⲧⲣⲉⲩⲧⲁⲙⲓⲟ ⲛϩⲉⲛⲧⲱⲱⲧⲉ ⲉϫⲛⲛⲧⲛϩ ⲛⲛⲉⲩϩⲟⲉⲓⲧⲉ , ϫⲉⲕⲁⲥ ⲉⲩⲛⲁⲛⲁⲩ ⲉⲣⲟⲟⲩ ⲛⲥⲉⲣⲡⲙⲉⲉⲩⲉ ⲛⲛⲉⲛⲧⲟⲗⲏ ⲙⲡⲛⲟⲩⲧⲉ ⲛⲥⲉⲧⲙⲣⲡⲉⲩⲱⲃϣ :
He commanded them to make fringes at the wings of their garments so that they might see them and think of the commandments of God and not forget them. (cf. Num 15:38-39)
exhortations:12
ⲁⲛⲟⲛ ⲇⲉ ϩⲱⲱⲛ ⲙⲁⲣⲛⲕⲱ ⲛⲁⲛ ⲛⲧϩⲟⲧⲉ ⲙⲡⲛⲟⲩⲧⲉ ϩⲙⲡⲉⲛϩⲏⲧ ⲉⲡⲙⲁ ⲛⲛⲧⲱⲧⲉ . ϫⲉⲕⲁⲥ ⲛⲛⲉⲛⲣⲡⲱⲃϣ ⲛⲛⲉⲛⲧⲟⲗⲏ ⲉⲛⲧⲁⲛⲉⲛⲉⲓⲟⲧⲉ ⲧⲁⲁⲩ ⲉⲧⲟⲟⲧⲛ :
Now let us too place the fear of God in our heart instead of the fringes, so that we do not forget the commandments that our fathers entrusted to us.
to_aphthonia:12
ⲉⲛⲉⲟⲩⲛⲉⲡⲓⲥⲧⲏⲙⲏ ⲅⲁⲣ ⲙⲙⲟ . ⲕⲁⲛ ⲁⲩⲙⲓϣⲉ ⲛⲙⲙⲉ ⲛⲁⲙⲉ ⲧⲉⲏⲡ ⲉⲕⲁⲣⲱⲙⲉ ⲉⲉⲓⲙⲉ ϫⲉⲉⲧⲉⲧⲛⲟ ⲛⲁϣ ⲛϩⲉ ⲛϩⲟⲩⲛ ⲙⲡⲉⲧⲛⲙⲁ ·
to_thieving_nuns:12
ⲁⲗⲗⲁ ⲉⲣϣⲁⲛⲡⲛⲟⲩⲧⲉ ⲙⲛⲡⲉⲛϫⲟⲉⲓⲥ ⲓⲏⲥⲟⲩⲥ ⲣϩⲛⲁϥ · ϯⲛⲏⲩ ϣⲁⲣⲱⲧⲛ ϩⲛⲟⲩϭⲱⲛⲧ ·
on_vigilance:12
ⲁⲩⲱ ⲉⲛϭⲛⲁⲣⲓⲕⲉ ⲉⲛⲉⲛⲉⲣⲏⲩ . ⲁⲩⲱ ⲉⲣⲟⲛ ⲁⲛ ⲙⲙⲓⲛⲙⲙⲟⲛ · ϩⲱⲥ ⲉⲣⲉⲡⲉⲛⲙⲓϣⲉ ϣⲟⲟⲡ ⲉϩⲟⲩⲛ ⲉⲛⲉⲛⲉⲣⲏⲩ · ⲁⲩⲱ ⲉϥϣⲟⲟⲡ ⲁⲛ ⲟⲩⲃⲉⲛⲁⲣⲭⲏ ⲙⲛⲛⲉⲝⲟⲩⲥⲓⲁ · ⲟⲩⲃⲉⲛⲕⲟⲥⲙⲟⲕⲣⲁⲧⲱⲣ ⲙⲡⲕⲁⲕⲉ · ⲟⲩⲃⲉⲛⲉⲡⲛⲉⲩⲙⲁⲧⲓⲕⲟⲛ ⲛⲧⲡⲟⲛⲏⲣⲓⲁ ⲉⲧϩⲁⲙⲡⲏⲩⲉ · ⲁⲩⲱ ⲟⲩⲃⲉⲥⲛⲟϥ ⲁⲛ ϩⲓⲥⲁⲣⲝ ·
to_aphthonia:13
ⲙⲁⲗⲓⲥⲧⲁ ⲉⲁⲣϫⲟⲟⲩ ⲙⲡⲟⲩⲉⲓⲱⲧ ⲙⲛⲧⲟⲩⲙⲁⲁⲩ , ϫⲉⲁⲩⲙⲓϣⲉ ⲛⲙⲙⲁⲓ · ⲏ ϫⲉⲁⲩϩⲟⲟⲩϣ ⲉⲣⲟⲓ ·
exhortations:13
ⲉⲧⲃⲉⲡⲁⲓ ϭⲉ ⲛⲉⲥⲛⲏⲩ ⲙⲁⲣⲛⲕⲧⲟⲛ ⲛⲧⲛⲙⲉⲧⲁⲛⲟⲉⲓ ⲉⲙⲡⲁⲧⲉⲡⲕⲁⲓⲣⲟⲥ ⲱϫⲛ ⲛⲧⲟⲟⲧⲛ . ⲁⲩⲱ ϩⲱⲥ ⲉⲣⲉⲡⲟⲩⲟⲉⲓⲛ ϣⲟⲟⲡ ⲛⲙⲙⲁⲛ ⲉⲧⲉⲛⲉⲥⲃⲟⲟⲩⲉ ⲛⲉ ⲛⲛⲉⲛⲉⲓⲟⲧⲉ .
Therefore brothers let us turn around and repent while the opportunity is not yet lost for us, and while the light is still with us, which is the teachings of our fathers.
on_vigilance:13
ⲛⲧϩⲉ ⲉⲛⲧⲁⲡⲁⲡⲟⲥⲧⲟⲗⲟⲥ ϫⲟⲟⲥ ϫⲉϫⲓ ⲛⲏⲧⲛ ⲛⲧⲡⲁⲛϩⲟⲡⲗⲓⲁ ⲙⲡⲛⲟⲩⲧⲉ ϫⲉⲉⲧⲉⲧⲛⲛⲁϣϭⲙϭⲟⲙ ⲉⲁϩⲉⲣⲁⲧⲧⲏⲩⲧⲛ ⲛⲛⲁϩⲣⲛⲛⲕⲟⲧⲥ ⲙⲡⲇⲓⲁⲃⲟⲗⲟⲥ · ϫⲉⲉⲣⲉⲡⲉⲛⲙⲓϣⲉ ϣⲟⲟⲡ ⲛⲁⲛ ⲁⲛ ⲟⲩⲃⲉⲥⲛⲟϥ ϩⲓⲥⲁⲣⲝ ·
to_thieving_nuns:13
ⲛⲧⲁⲉⲓⲣⲉ ⲛⲛⲓⲁⲧⲥⲃⲱ ⲁⲩⲱ ⲛⲓⲡⲁⲣⲑⲉⲛⲟⲥ ⲛⲥⲟϭ , ⲉⲧⲉⲙⲛⲛⲉϩ ϩⲛⲛⲉⲩⲁⲅⲅⲓⲟⲛ ⲛⲛⲉⲧϩⲙⲡⲁϩⲏⲧ ⲧⲏⲣⲟⲩ ·
on_vigilance:14
ⲉⲧⲃⲉⲡⲁⲓ ϭⲉ ⲣⲟⲉⲓⲥ ⲁⲩⲱ ⲛⲧⲛⲁⲙⲁϩⲧⲉ ⲙⲡⲡⲉⲧⲛⲁⲛⲟⲩϥ · ⲉⲃⲟⲗ ϫⲉⲟⲩⲛϩⲁϩ ⲉⲩϩⲁⲧⲛⲛⲉⲩⲉⲣⲏⲩ ϩⲙⲡⲥⲱⲙⲁ · ⲉⲩⲟⲩⲏⲩ ⲇⲉ ⲉⲃⲟⲗ ⲛⲛⲉⲩⲉⲣⲏⲩ ϩⲙⲡϩⲏⲧ ⲁⲩⲱ ⲧⲁⲅⲁⲡⲏ ·
to_aphthonia:14
ⲉⲣϫⲓϭⲟⲗ ⲉⲙⲡⲟⲩⲙⲓϣⲉ ⲛⲙⲙⲉ ⲟⲩⲧⲉ ⲙⲡⲟⲩϩⲟⲟⲩϣ ⲉⲣⲟ ·
exhortations:14
ⲛⲧϩⲉ ⲉⲛⲧⲁⲡϫⲟⲉⲓⲥ ϫⲟⲟⲥ ϫⲉⲙⲟⲟϣⲉ ϩⲟⲥⲟⲛ ⲉⲟⲩⲛⲧⲏⲧⲛ ⲡⲟⲩⲟⲉⲓⲛ · ϫⲉⲛⲛⲉⲡⲕⲁⲕⲉ ⲧⲁϩⲉⲧⲏⲩⲧⲛ · :
In the way that the Lord said: 'Walk as long as you have the light so that the darkness does not overtake you.' (Jn 12:35)
to_thieving_nuns:14
ϫⲉⲡⲁⲗⲓⲛ ⲟⲛ ⲛⲧⲉⲧⲛⲕⲉⲧⲧⲏⲩⲧⲛ ⲉⲡⲁϩⲟⲩ ϩⲓⲛⲓⲙⲛⲧⲣⲉϥϯϭⲱⲛⲧ ⲙⲡⲛⲟⲩⲧⲉ ⲛⲧⲉⲧⲛϩⲉ ⲉϩⲣⲁⲓ ⲉⲧⲟⲟⲧⲥ ⲛⲧⲥⲏϥⲉ ⲙⲡⲡⲟⲛⲏⲣⲟⲥ ⲡⲉⲛⲧⲁϥⲧⲁⲕⲟ ⲛⲧⲟⲓⲕⲟⲩⲙⲉⲛⲏ ⲧⲏⲣⲥ ϩⲛⲛⲉϥⲛⲟⲃⲉ ⲙⲛⲛⲉϥⲁⲛⲟⲙⲓⲁ ·
to_aphthonia:15
ⲛⲧⲁⲩⲙⲓϣⲉ ⲛⲙⲙⲉ ϫⲉⲁⲩϯ ⲛⲉ ⲟⲩⲉⲡⲓⲥⲧⲏⲙⲏ ϩⲙⲡⲧⲣⲉⲡⲁⲣⲁⲃⲁ ⲛⲧⲉⲛⲧⲟⲗⲏ ⲛⲧⲉϫⲓϩⲛⲟ ⲛⲧⲟⲟⲧⲟⲩ ⲛⲛⲟⲩⲉⲓⲟⲧⲉ ⲟⲩⲉϣ ⲛϣⲓⲛⲉ ·
on_vigilance:15
ⲟⲩⲛϩⲁϩ ⲇⲉ ⲟⲛ ⲉⲩϩⲁⲧⲛⲛⲉⲩⲉⲣⲏⲩ ⲁⲛ ϩⲙⲡⲥⲱⲙⲁ · ⲉⲩϩⲁⲧⲛⲛⲉⲩⲉⲣⲏⲩ ⲛⲛⲁⲩ ⲛⲓⲙ ϩⲛⲧⲁⲅⲁⲡⲏ ⲙⲡⲉⲭⲣⲓⲥⲧⲟⲥ ⲙⲛⲧⲁⲅⲁⲡⲏ ⲙⲡⲉⲡⲛⲉⲩⲙⲁ ⲁⲩⲱ ⲡⲟⲩⲱϣ ⲛⲓⲏⲥⲟⲩⲥ :
exhortations:15
ⲁⲩⲱ ϫⲉϩⲱⲥ ⲉⲛϩⲙⲡⲉϩⲟⲟⲩ , ⲙⲁⲣⲛⲙⲟⲟϣⲉ ⲉⲛⲧⲥⲁⲛⲏⲩ ·
And: 'As we are in the day, let us walk while we are in propriety.' (Rom 13:13)
to_thieving_nuns:15
ⲉⲃⲟⲗ ϫⲉⲁⲧⲉⲧⲛⲙⲉⲣⲉⲡϫⲱϩⲙ · ⲉϩⲟⲩⲉⲡⲧⲃⲃⲟ ·
to_aphthonia:16
ⲛⲧⲁⲣϣⲓⲛⲉ ⲛⲥⲁⲟⲩ ⲉⲣⲉⲣⲭⲣⲉⲓⲁ ⲛⲁϥ · ⲁⲩⲧⲥⲧⲟ ⲉⲃⲟⲗ · ⲏ ⲉⲙⲡⲟⲩⲧⲁⲁϥ ⲛⲉ ·
to_thieving_nuns:16
ⲁⲩⲱ ⲁⲧⲉⲧⲛⲥⲱⲧⲡ ⲛⲏⲧⲛ ⲙⲡⲙⲟⲩ · ⲉϩⲟⲩⲉⲡⲱⲛϩ ·
exhortations:16
ⲁⲩⲱ ϫⲉⲛⲉⲧⲛⲕⲟⲧⲕ ⲅⲁⲣ . ⲉⲩⲛⲕⲟⲧⲕ ⲛⲧⲉⲩϣⲏ ·
And: 'Those that sleep, it's at night that they sleep.
on_vigilance:16
ⲛⲧⲱⲧⲛ ⲇⲉ ⲛⲉⲥⲛⲏⲩ ϩⲁⲣⲉϩ ⲁⲩⲱ ⲙⲟⲩⲛ ⲉⲃⲟⲗ ϩⲛⲛⲉⲛⲧⲁⲛⲧⲥⲁⲃⲟ ⲉⲣⲟⲟⲩ ·
on_vigilance:17
ⲁⲩⲱ ⲟⲩⲛϩⲁϩ ⲛⲁϫⲓⲥⲃⲱ ⲁⲩⲱ ⲛⲥⲉϯϩⲏⲩ ⲉⲃⲟⲗ ⲙⲙⲱⲧⲛ · ⲛⲧϩⲉ ⲉⲛⲧⲁϥϫⲟⲟⲥ ϫⲉⲙⲁⲣⲟⲩⲛⲁⲩ ⲉⲛⲉⲧⲛϩⲃⲏⲩⲉ ⲉⲧⲛⲁⲛⲟⲩⲟⲩ ⲛⲥⲉϯⲉⲟⲟⲩ ⲙⲡⲉⲧⲛⲉⲓⲱⲧ ⲉⲧϩⲛⲙⲡⲏⲩⲉ ·
to_aphthonia:17
ⲉⲣϣⲁⲛϫⲟⲟⲥ ⲙⲡⲟⲩⲉⲓⲱⲧ ⲙⲛⲧⲟⲩⲙⲁⲁⲩ · ⲉⲛⲣϩⲟⲧⲉ ·
exhortations:17
ⲁⲩⲱ ⲛⲉⲧⲧⲁϩⲉ . ⲉⲩⲧⲁϩⲉ ⲛⲧⲉⲩϣⲏ ·
And those that are drunk, it is at night that they are drunk.
to_thieving_nuns:17
ⲁⲧⲉⲧⲛϯⲛⲟⲩϭⲥ ⲅⲁⲣ ⲙⲡⲉⲛⲧⲁϥⲧⲁⲙⲓⲉⲧⲏⲩⲧⲛ · ⲁⲩⲱ ⲁϥⲥⲁⲛϣⲧⲏⲩⲧⲛ ⲡⲛⲟⲩⲧⲉ ⲡϣⲁⲉⲛⲉϩ ·
to_thieving_nuns:18
ⲁⲧⲉⲧⲛϯⲙⲕⲁϩ ⲛϩⲏⲧ ⲇⲉ ⲟⲛ ⲛⲧⲉⲛⲧⲁⲥϣⲉⲡϣⲡⲧⲏⲩⲧⲛ ⲧϩⲓⲉⲣⲟⲩⲥⲁⲗⲏⲙ ⲉⲧⲉⲧⲥⲩⲛⲁⲅⲱⲅⲏ ⲧⲉ ·
exhortations:18
ⲁⲛⲟⲛ ⲇⲉ ⲁⲛⲟⲛ ⲛⲁⲡⲉϩⲟⲟⲩ ⲙⲁⲣⲛⲛⲏⲫⲉ · ⲉⲁⲛϯ ϩⲓⲱⲱⲛ ⲙⲡϩⲱⲕ ⲛⲧⲡⲓⲥⲧⲓⲥ
But we are of the day, let us be sober as we don the armor of faith.' (1 Thess 5:7-8)
on_vigilance:18
ⲛⲧϩⲉ ⲅⲁⲣ ⲉⲛⲧⲁⲧⲉⲧⲛⲟⲩⲉϩⲧⲏⲩⲧⲛ ⲛⲥⲁⲛⲉⲧⲟⲩⲁⲁⲃ ⲧⲏⲣⲟⲩ ϩⲛⲛⲉⲧⲛⲡⲣⲁⲝⲓⲥ · ⲛⲧϩⲉ ⲉⲛⲧⲁϥϫⲟⲟⲥ ϫⲉⲛⲧⲟⲕ ⲇⲉ ⲁⲕⲟⲩⲁϩⲕ ⲛⲥⲁⲧⲁⲥⲃⲱ . ⲡⲁⲥⲙⲟⲧ ⲡⲁⲧⲱϣ ⲧⲁⲡⲓⲥⲧⲓⲥ · ⲧⲁⲙⲛⲧϩⲁⲣϣϩⲏⲧ · ⲧⲁⲁⲅⲁⲡⲏ · ⲧⲁϩⲩⲡⲟⲙⲟⲛⲏ · ⲛⲁⲇⲓⲱⲅⲙⲟⲥ · ⲛⲁϩⲓⲥⲉ · ⲟⲩⲉϩ ⲧⲏⲩⲧⲛ ⲟⲛ ⲛⲥⲱⲟⲩ ϩⲙⲡϩⲁⲣⲉϩ ⲉⲛⲉⲧⲛϩⲓⲥⲉ ⲛⲏⲧⲛ ·
to_aphthonia:18
ⲙⲁⲗⲓⲥⲧⲁ ⲉⲣϫⲓϭⲟⲗ ·
to_aphthonia:19
ⲟⲩⲕⲟⲩⲛ ⲧⲉⲟⲩⲱϣ ⲉⲧⲣⲉⲛⲧⲁⲙⲟⲟⲩ ⲉⲛⲟⲩϩⲃⲏⲩⲉ ⲙⲙⲛⲧⲥⲟϭ ⲉⲧⲉⲉⲓⲣⲉ ⲙⲙⲟⲟⲩ · ⲙⲛⲛⲟⲩϫⲓⲟⲩⲉ ⲙⲛⲛⲟⲩϯⲧⲱⲛ ·
on_vigilance:19
ⲛⲉⲧⲉⲟⲩⲛⲧⲁⲩ ⲅⲁⲣ ⲙⲙⲁⲩ ⲛⲧⲙⲛⲧⲣⲙⲙⲁⲟ ⲛⲁⲧⲧⲁⲕⲟ ϩⲙⲡⲉⲭⲣⲓⲥⲧⲟⲥ . ⲛⲧⲟⲟⲩ ⲟⲛ ⲛⲉⲧⲏⲡ ⲉⲣⲟⲉⲓⲥ ⲉⲣⲟⲥ ⲛⲁⲩ ·
to_thieving_nuns:19
ⲁⲩⲱ ⲁⲧⲉⲧⲛϩⲉ ⲙⲙⲉⲉⲣⲉ ⲛⲧϩⲉ ⲛⲛⲉⲧϩⲛⲧⲡⲁϣⲉ ⲛⲧⲉⲩϣⲏ ·
to_aphthonia:20
ⲧⲃⲗⲗⲏ ⲛⲁⲙⲉ ⲉⲧϫⲟⲡϫⲡ ⲙⲙⲉⲉⲣⲉ ⲛⲧϩⲉ ⲛⲛⲉⲧϩⲛⲧⲡⲁϣⲉ ⲛⲧⲉⲩϣⲏ · ⲁⲩⲱ ⲛⲧϩⲉ ⲛⲛⲓⲃⲗⲗⲉ , ⲉⲧⲉⲙⲛⲃⲁⲗ ⲙⲙⲟⲟⲩ ·
on_vigilance:20
ⲉϣϫⲉ ⲛⲉⲧⲉⲟⲩⲛⲧⲁⲩ ⲙⲙⲁⲩ ⲛⲟⲩⲭⲣⲏⲙⲁ · ⲟⲩⲛⲟⲩⲃ ⲙⲛⲟⲩϩⲁⲧ ⲙⲛϩⲉⲛϩⲩⲡⲁⲣⲭⲟⲛⲧⲁ · ϣⲁⲩⲣⲟⲉⲓⲥ ϫⲉⲛⲛⲉⲛⲗⲏⲥⲧⲏⲥ ϥⲓⲧⲟⲩ ⲛϫⲓⲟⲩⲉ ⲉⲓⲉ ϣϣⲉ ⲉⲣⲟⲛ ⲛⲟⲩⲏⲣ ⲉⲣⲟⲉⲓⲥ ϫⲉⲛⲛⲉⲡϫⲁϫⲉ ϥⲓ ⲛϫⲓⲟⲩⲉ ⲙⲡⲉⲛⲡⲉⲧⲛⲁⲛⲟⲩϥ ⲉⲧⲛⲉⲓⲣⲉ ⲙⲙⲟϥ · : ⲛⲉⲛϣⲗⲏⲗ · ⲙⲛⲛⲉⲛⲛⲏⲥⲧⲉⲓⲁ · ⲙⲛⲡⲉⲛⲧⲃⲃⲟ · ⲁⲩⲱ ⲧⲉⲛϩⲩⲡⲟⲙⲟⲛⲏ ·
to_thieving_nuns:20
ⲛⲧϩⲉ ⲉⲧⲥⲏϩ ϫⲉⲁⲥⲥⲗⲁⲁⲧⲉ ⲁⲥϩⲉ ⲛϭⲓⲧⲡⲁⲣⲑⲉⲛⲟⲥ ⲙⲡⲓⲥⲣⲁⲏⲗ ⲛⲥⲛⲁⲟⲩⲱϩ ϭⲉ ⲁⲛ ⲉⲧⲟⲟⲧⲥ ⲉⲧⲱⲟⲩⲛ ·
to_aphthonia:21
ⲉⲃⲟⲗ ⲧⲱⲛ ϫⲉⲉⲣⲉⲛⲟⲩⲉⲓⲟⲧⲉ ⲛⲃⲟⲗ ϩⲙⲡⲕⲟⲥⲙⲟⲥ ⲛⲁⲥⲱⲧⲙ ⲉⲡⲟⲩϣⲁϫⲉ ⲛϩⲟⲩⲛ ϩⲙⲡⲉⲓⲙⲁ · ⲛⲧⲛⲧⲙⲉⲓⲙⲉ ⲁⲛⲟⲛ ϩⲛⲧϩⲉⲛⲉⲉⲧⲏ ·
to_thieving_nuns:21
ⲛⲉⲧⲛⲕⲟⲧⲕ ⲅⲁⲣ ⲡⲉϫⲁϥ · ⲉⲩⲛⲕⲟⲧⲕ ⲛⲧⲉⲩϣⲏ ·
on_vigilance:21
ⲙⲡⲓϣⲱϣ ⲅⲁⲣ ⲁⲛ ⲛⲟⲩⲱⲧ ⲡⲉ ⲡϫⲓⲟⲩⲉ ⲛⲟⲩϩⲁⲧ ⲙⲛⲟⲩⲛⲟⲩⲃ · ⲁⲗⲗⲁ ⲛⲧϩⲉ ⲉⲧⲉⲣⲉⲧⲙⲛⲧⲡⲁⲣⲑⲉⲛⲟⲥ ⲁⲩⲱ ⲧⲙⲛⲧⲙⲟⲛⲁⲭⲟⲥ ⲧⲁⲓⲏⲩ ⲙⲙⲟⲥ · ⲛⲧⲉⲓϩⲉ ⲟⲛ ϥⲥⲡⲟⲩⲇⲁⲍⲉ ⲉϥⲓⲧⲟⲩ ⲛϫⲓⲟⲩⲉ ⲛϭⲓⲡϫⲁϫⲉ ·
on_vigilance:22
ⲡⲉⲛⲧⲁϥϫⲡⲟ ⲇⲉ ⲛⲁϥ ⲛϩⲉⲛⲙⲁⲣⲅⲁⲣⲓⲧⲏⲥ . ⲏ ⲟⲩⲛⲟⲩⲃ . ϣⲁϥⲣⲟⲩϣⲏ ⲛⲣⲟⲉⲓⲥ ·
to_thieving_nuns:22
ⲁⲩⲱ ⲛⲉⲧⲧⲁϩⲉ . ⲉⲩⲧⲁϩⲉ ⲛⲧⲉⲩϣⲏ ·
to_aphthonia:22
ⲡⲉ ⲁⲩϫⲓⲧⲉ ⲛϭⲟⲛⲥ ⲛⲁⲙⲉ ⲏ ⲁⲩⲑⲙⲕⲟ ⲏ ⲁⲩⲗⲩⲡⲉⲓ ⲙⲙⲟ ·
to_thieving_nuns:23
ⲛⲧⲱⲧⲛ ⲇⲉ ⲁⲧⲉⲧⲛϯϩⲉ ⲙⲙⲉⲉⲣⲉ ⲛⲧϩⲉ ⲛⲛⲉⲛⲧⲁⲩϫⲟⲟⲥ ⲉⲧⲃⲏⲏⲧⲟⲩ · ϫⲉⲛⲉⲧⲧⲁϩⲉ ⲁϫⲛⲏⲣⲡ ·
on_vigilance:23
ⲉϣϫⲉ ϣⲁⲣⲉⲡϫⲁϫⲉ ⲣⲟⲩϣⲏ ⲛⲣⲟ ⲉⲧⲃⲉⲟⲩⲡⲟⲛⲏⲣⲓⲁ · ⲉⲓⲉ ϥⲛⲁⲣⲟⲉⲓⲥ ⲛⲟⲩⲏⲣ ⲛϭⲓⲡⲉⲧⲉⲟⲩⲛⲧϥ ⲛⲉⲭⲣⲏⲙⲁ · ϫⲉⲛⲛⲉⲩⲉⲡⲓⲃⲟⲩⲗⲉⲩⲉ ⲉⲣⲟⲟⲩ ·
to_aphthonia:23
ⲛⲉⲣⲉⲏⲡ ⲡⲉ ⲉⲧⲁⲙⲟⲛ ⲉⲡⲟⲩⲙⲕⲁϩ ·
to_aphthonia:24
ⲧⲁⲣⲛⲉⲓⲙⲉ ϫⲉⲉⲣⲉϫⲉⲙⲉ · ϫⲛ ⲙⲙⲟⲛ ·
to_thieving_nuns:24
ⲁⲩⲱ ⲁⲧⲉⲧⲛϩⲱⲣⲡ ⲙⲙⲉⲉⲣⲉ ⲛⲧϩⲉ ⲛⲛⲉⲧⲛⲕⲟⲧⲕ ⲛⲧⲉⲩϣⲏ ·
on_vigilance:24
ⲙⲁⲣⲛⲣⲡⲙⲉⲉⲩⲉ ⲛⲛⲉⲛⲧⲁⲡⲉⲛⲉⲓⲱⲧ ϫⲟⲟⲩ ϫⲉϩⲉⲛⲥⲛⲏⲩ ⲕⲁⲧⲁⲡⲉⲛⲃⲓⲟⲥ , ⲉⲩⲛⲏⲥⲧⲉⲩⲉ ⲉⲩϣⲗⲏⲗ ⲇⲉ ⲟⲛ · ⲉⲩⲟ ⲛⲟⲩϣⲏ ⲛⲣⲟⲉⲓⲥ · ⲉⲩϫⲓϭⲟⲗ ⲇⲉ ⲟⲛ · ⲉⲩⲙⲓϣⲉ · ⲉⲩϯⲧⲱⲛ · ⲉⲩⲕⲣⲙⲣⲙ ⲁⲩⲱ ⲉⲩⲕⲁⲧⲁⲗⲁⲗⲉⲓ · ⲉⲩⲙⲟⲥⲧⲉ · ⲉⲩⲙⲟⲟϣⲉ ϩⲛⲟⲩϩⲏⲧ ⲙⲙⲛⲧϣⲙⲙⲟ · ⲉⲩϫⲱϩⲙ ⲙⲙⲟⲟⲩ · ⲁⲩⲱ ⲉⲩⲟ ⲛⲕⲣⲟϥ . ⲉⲩⲉⲓⲣⲉ ⲛϩⲱⲃ ⲛⲓⲙ ⲉϥϩⲟⲟⲩ ·
to_aphthonia:25
ⲏ ⲛⲧⲉⲧⲁⲙⲉⲧⲟⲩⲙⲁⲁⲩ ⲉⲧϩⲙⲡⲙⲁ ϩⲁⲧⲏ . ⲉϣⲱⲡⲉ ⲉⲣⲉⲙⲟⲩⲧⲉ ⲉⲣⲟⲥ ⲁⲛ ⲙⲙⲁⲧⲉ ϩⲛⲧⲟⲩⲧⲁⲡⲣⲟ ϫⲉⲙⲁⲁⲩ .
on_vigilance:25
ⲛⲁⲓ ⲛⲧⲉⲓⲙⲓⲛⲉ ⲉⲩϣⲡϩⲓⲥⲉ ⲉⲡϫⲓⲛϫⲏ · ⲁⲩⲱ ⲙⲙⲛⲗⲁⲁⲩ ⲛⲛⲟϥⲣⲉ ⲛⲁϣⲱⲡⲉ ⲛⲁⲩ ·
to_thieving_nuns:25
ⲉⲃⲟⲗ ϫⲉⲁⲧⲉⲧⲛⲕⲱ ⲛⲥⲱⲧⲛ ⲛⲧϩⲟⲧⲉ ⲙⲡⲛⲟⲩⲧⲉ ·
to_aphthonia:26
ⲉⲣⲉⲡⲟⲩϩⲏⲧ ⲇⲉ ⲟⲩⲏⲩ ⲛⲥⲁⲃⲟⲗ ⲙⲙⲟⲥ .

Coptic SCRIPTORIUM, corpus besa.letters (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.