ABC 7

i 1 [šanat(mu) 1(?).kám ^mnabû(^dpa)-naʾid(i) šarru(lugal) . . .]

i 2 [. . .]-šú iš-ši šarru(lugal) ^(erasure)

i 3 [. . .] ma-ti-šú-nu ana bābili(e^ki) ú-bil-lu

i 4 [. . .]-ti

i 5 [. . .] x is-ḫu-ḫu-ma ul iš-ši

i 6 [. . . t]i(?) kimat(im.ri.a)-su-nu ma-la bašû(gál-ú)

i 7 [. . .] šarru(lugal) ummān(érin)-šú id-ke-ma ana ḫu-me-e

i 8 [. . .]-kit

----

i 9 [šanat(mu) 2(?).kám . . .] ina ṭebēti(^itiab) ina ^kurḫa-ma-a-tú kūṣu(šed₇)

i 10 [. . .]

----

i 11 [šanat(mu) 3(?).kám . . . a]bu(^it]ⁱne) ana ^kuram-ma-na-nu šá-di-i

i 12 [il-lik-ma . . .] x ⌈^giš⌉ṣip-pa-a-tú inbu(gurun) ma-la ba-šu-ú

i 13 [. . .] ina lìb-bi-ši-na ana qí-rib bābili(e^ki)

i 14 [ú(?)-bil(?) (. . .) šarru(lugal) imr]uṣ(gi]g)-ma ibluṭ(tin-uṭ) ina kissilîmi(^itigan) šarru(lugal) ummān(érin)-šú

i 15 [id-ke-ma . . .] x-tì u ana nabû(^dag)-tat(!)-tan-uṣur(ùri)

i 16 [. . .] x-mu šá amurri(^kurmar.tu) a-na

i 17 [. . . ina muḫḫi(ugu) ^uruú ]-du-um-mu it-ta-du-ú

i 18 [. . .] x-ma ummānū(érin^meš) ma-du-tu

i 19 [. . . a]bul(k]á.gal) ^urušin-ṭi-ni

i 20 [. . .] x idūk(gaz)-šú

i 21 [. . .] x-qu

i 22 [. . . umm]ānū(ér]in^meš)

(Lacuna)

ii 0 [šanat(mu) 6.kám . . . ^miš-tu-me-gu ummān(érin)-šú]

ii 1 [id]-ke-e-ma ana muḫḫi(ugu) ^mku-raš šar(lugal) an-šá-an ana ka-š[á-di i]l-lik-ma [. . .]

ii 2 ^miš-tu-me-gu ummān(érin)-šú ibbalkit(bala)-šu-ma ina qātē(šuⁱⁱ) ṣa-bít a-na ^mku-raš id-d[in]

ii 3 ^mku-raš a-na ^kura-gam-ta-nu āl(uru) šarrūtu(lugal-ú-tu) <il-lik-ma> kaspu(kù.babbar) ḫurāṣu(kù.gi) būšu(níg.šu) makkūru(níg.ga) [. . .]

ii 4 šá ^kura-gam-ta-nu iš-lul-ú-ma a-na ^kuran-šá-an il-qí būšu(níg.šu) makkūru(níg.ga) šá ummānī(érin^me[^š]) [. . .]

----

ii 5 šanat(mu) 7.kám šarru(lugal) ina ^urute-ma-a mār(dumu)-šarri(lugal) rabûtu(^lúgal^meš)-šú ummānū(érin^meš)-šú ina akkadî(^kururi^ki) [šarru(lugal) ana nisanni(^itibár)]

ii 6 a-na bābili(e^ki) úl illiku(gin-ku) nabû(^dag) ana bābili(ká.dingir.ra^ki) úl illiku(gin-ku) bēl(^den) úl ūṣâ(è-a) isi[nnu(ez[en) a-ki-tú ba-ṭil]

ii 7 nīqū(sískur) ina é-sag-gíl u é-zi-da ilāni(dingir^meš) ša bābili(tin.tir^ki) u bár-sipa^ki k[i šal-mu]

ii 8 nadnū(sum-nu) šešgallu(šeš.gal) is-ruq-ma bītu(é) ip-qid

----

ii 9 šanat(mu) 8.kám

----

ii 10 šanat(mu) 9.kám ^mnabû(^dpa)-naʾid(i) šarru(lugal) <ina> ^urute-ma-a mār(dumu)-šarri(lugal) rabûti(^lúgal^meš) u ummāni(érin-ni) ina akkadî(^kururi^ki) šarru(lugal) ana nisanni(^itibár) ana bābili(tin.tir^ki)

ii 11 úl illiku(gin-ku) nabû(^dag) ana bābili(ká.dingir.ra^ki) úl illiku(gin-ku) bēl(^den) úl ūṣâ(è-a) i-sin-nu a-ki-tú ba-ṭil

ii 12 nīqū(sískur^meš) ina é-sag-gíl u é-zi-da ilāni(dingir^meš) ša <bābili(tin.tir^ki)> u bar-sip^ki ki šal-mu nadnā(sum-na)

ii 13 nisannu(^itibár) ūm(u₄) 5.kám ummi(ama) šarri(lugal) ina dūr(bàd)-ka-ra-šú šá aḫ(gú) puratti(^ídburanun) e-la-nu sip-par^ki

ii 14 im-tu-ut mār(dumu)-šarri(lugal) u ummānū(érin^meš)-šú 3 u₄-mu šu-du-ru bikītu(ér) šaknat(gar-at) ina simāni(^itisig₄) ina akkadî(^kururi^ki)

ii 15 bi-ki-tú ina muḫḫi(ugu) ummi(ama) šarri(lugal) šaknat(gar-at) ina nisanni(^itibár) ^mku-raš šàr ^kurpar-su ummān(érin)-šú id-ke-e-ma

ii 16 šap-la-an ^uruar-ba-ʾ-il ^ídidiqlat(idigna) i-bir-ma ina ayyāri(^itigu₄) ana ^kurlu-⌈ú⌉-[du ill]ik(gi]n) 

ii 17 šarrru(lugal)-šú idūk(gaz) bu-šá-a-šú il-qí šu-lit šá ram-ni-šú ina libbi(šà! text: LU) ú-še-li [(x)]

ii 18 arki(egir) šu-lit-su ù <bīt(é)> šar-ri ina libbi(šà) ibašši(gál-ši)

​​​​​​​----

ii 19 šanat(mu) 10.kám šarru(lugal) ina ^urute-ma mār(dumu)-šarri(lugal) rabûti(^lúgal^meš) u ummānī(érin-ni)-šú ina akkadî(^kururi^ki) šarru(lugal) ana [nisanni(^itibár) ana bābili(tin.tir^ki) úl illiku(gin-ku)]

ii 20 nabû(^dag) ana bābili(e^ki) úl illiku(gin-ku) bēl(^den) úl ūṣâ(è-a) isinnu(ezen) a-ki-tú ba-ṭil nīqū(sískur) ina é-[sag-gíl u é-zi-da]

ii 21 ilāni(dingir^meš) ša bābili(tin.tir^ki) u bar-sip^ki ki šal-m[u n]adnā(s]um-na) ina simāni(^itisig₄) ūm(u₄) 21.ká[m. . .]

ii 22 šá ^kure-lam-mi-ia ina akkadî(^kururi^ki) [. . .] šakin(^lúgar) māti(kur) ina uruk(unug^k[ⁱ])      [. . .]

​​​​​​​----

ii 23 šanat(mu) 11.kám šarru(lugal) ina ^urute-ma-a mār(dumu)-šarri(lugal) rabûti(^lúgal^meš) u ummān(érin)-šú ina akka[dî(^kurur[i^ki) šarru(lugal) ana nisanni(^itibár) ana bābili(tin.tir^ki) úl illiku(gin-ku)]

ii 24 [nabû(^dag) ana] bābili(e^ki) úl illiku(gin-ku) bēl(^den) úl ūṣâ(è-a) isinnu(ezen) a-ki-tú ba-ṭil nī[qū(sí[skur) ina é-sag-gíl u é-zi-da]

ii 25 [ilāni(dingir^meš) ša bāb]ili(tin].tir^ki) u ⌈bar-sip⌉[^ki ki šal-mu] nadnā(sum-na) [. . .]

(Lacuna)

iii 1' [. . .] idūk(gaz) idi[qlat(^ídidi[gna) . . .]

iii 2' [. . .] addaru([^iti]še) ištar(^dinanna) uruk(unug^ki) [. . .]

iii 3' [. . . ummān]ū(érin]^meš) šá ^kurpa[r-su . . .]

iii 4' [. . . ummān]ū(érin]^meš) ni [. . .]

​​​​​​​----

iii 5' [šanat(mu) 17(?).kám ina nisanni(^itibár)] nabû([^d]ag) ultu(ta) bar-sip^ki ana aṣê(è-e) [bēl(^den) illiku(gin-ku) bēl(^den) ūṣâ(è-a)]

iii 6' [ina] ṭebēti([^iti]ab) šarru(lugal) ana é-tùr-kalam-ma īrub(ku₄) ina bīt(é) [. . .]

iii 7' [. . .]-ut-tì maqqītu(bala-tu₄) karānu(geštin) iqqi(bala-qí) tum x x x [. . .]

iii 8' [. . . bē]l(^de]n) ūṣâ(è-a) isinnu(ezen) a-ki-tú ki šal-mu īpušū(dù-šú) ina ^iti[. . .]

iii 9' [u il]ānu([dingir]^meš) šá marad-da^{ki d}za-ba₄-ba₄ u ilānu(dingir^meš) šá kiš^{ki d}nin-líl [u ilānu(dingir^meš)]

iii 10' [šá] ḫur-sag-kalam-ma ana bābili(tin.tir^ki) īrubūni(ku₄^meš-ni) adi(en) qīt(til) ulūli(^itikin) ilānu(dingir^meš) šá akkadî(^kururi^ki) [. . .]

iii 11' šá elān(ugu) karkara(im) u šaplān(ki.ta) karkara(im) ana bābili(e^ki) īrubūni(ku₄^meš-ni) ilānu(dingir^meš) šá bar-sip^ki kūtû(gú.du₈.a[^ki])

iii 12' u sip-par^ki úl īrubūni(ku₄^meš-ni) ina tašrīti(^itidu₆) ^mku-raš ṣal-tu₄ ina upê(úḫ^ki) ina muḫḫi(ugu) [aḫ(gú)]

iii 13' ^ídì-diq-lat ana libbi(šà) ummānī(érin-ni) akkadî(^kururi^ki) ki īpušu(dù) nišū(un^meš) akkadî(^kururi^ki) {ki īpušu(dù-šú) nišū(un^meš) akkadî(^kururi^ki)}

iii 14' ibbalkitū(bala.ki) ḫubta(sar) iḫbut(sar) nišī(un^meš) idūk(gaz) ūm(u₄) 14 sippar(zimbir^ki) ba-la ṣal-tu₄ ṣa-bit

iii 15' ^mnabû(^dag)-naʾid(i) iḫliq(záḫ) ūm(u₄) 16 ^m⌈ug⌉-ba-ru pīḫat(^lúnam) ^kurgu-ti-um u ummānū(érin^meš) ^mku-raš ba-la ṣal-tu₄

iii 16' ana bābili(e^ki) īrub(ku₄) arki(egir) ^mnabû(^dag)-naʾid(i) ki iḫḫisa(lá-sa) ina bābili(e^ki) ṣa-bit adi(en) qīt(til) arḫi(iti) ^kuštuk-šu^me

iii 17' šá ^kurgu-ti-um bābāti(ká^meš) šá é-sag-gíl ilmû(nigin) baṭ-la šá mim-ma ina é-sag-gíl u ekurrāti(é.kur^meš) {diš}

iii 18' ul iš-šá-kin ù si-ma-nu ul innitiq(dib-iq) araḫsamnu(^itiapin) ūm(u₄) 3.kám ^mku-raš ana bābili(e^ki) īrub(ku₄)

iii 19' ḫa-ri-né-e ina pāni(igi)-šú umallû(diri^meš) šu-lum ana āli(uru) šá-kin ^mku-raš šu-lum ana bābili(tin.tir^ki)

iii 20'  gab-bi-šú iq-bi ^mgu-ba-ru pīḫat(^lúnam)-šú pīḫatāti(^lúnam^meš) ina bābili(e^ki) ip-te-qid

iii 21' ultu(ta) kissilīmi(^itigan) adi(en) addari(^itiše) ilānu(dingir^meš) šá akkadî(^kururi^ki) šá ^mnabû(^dag)-naʾid(i) ana bābili(e^ki) ú-še-ri-du-[ni]

iii 22' a-na ma-ḫa-zi-šú-nu itūrū(gur^me) araḫsamnu(^itiapin) mūš(gi₆) ūm(u₄) 11.kám ^mug-ba-ru mīt(ug₇) ina ^it[ⁱ . . .]

iii 23' ⌈aššat(dam)⌉ šarri(lugal) mītat(ug₇-at) ultu(ta) 27 šá addari(^itiše) adi(en) ūm(u₄) 3 šá nisanni(^itibar) bi-ki-tu₄ ina akkadî(uri[^ki]) [šaknat(gar-at)]

iii 24' nišū(un^meš) gab-bi qaqqad(sag.du)-su-nu ipaṭṭarū(du₈^meš) ūm(u₄) 4.kám ^mkám-bu-zi-ia māru(dumu) šá ^mk[u-raš] 

iii 25' a-na é-níg-gidar-kalam-ma-sum-mu ki illiku(gin) ša₁₁(lú)-bīt(é)-ḫaṭṭi(pa) nabû(^dag) ḫaṭṭi(níg.pa) m[āti(k[ur) iddinaššu(?) ^mku-raš(?) . . .]

iii 26' ⌈ki⌉ illiku(gin-ku) ina ^túglu-bu-uš-tu₄!(text: BI) elamti(elam.ma^ki) qātī(šuⁱⁱ) nabû(^dag) ⌈iṣ⌉-[bat x] x [. . .]

iii 27' [^gišaz-m]a-re-e u ^kušiš-pat^meš iš[ši(í[l)-ma(?) it]ti(k]i) mār(dumu)-šarri(lugal) ana kisalli(kisal) [ūrida(e₁₁-da)(?)]

iii 28' [ultu(ta) lìb-bi(?) . . .] ⌈bīt(é)⌉ nabû(^dag) ana é-sag-gíl isḫur(nigin-ur) kurunnu(kaš.tin) ina maḫar(igi) bēl(^den) u mār(dumu) bē[l(^de[n) iqqi(?). . .]​​​​​​​

(Lacuna)

iv 1' [. . .] x en

iv 2' [. . .] bābili(e^ki) mû(a^meš)

iv 3' [. . .]^meš iq-ta-tur

iv 4' [. . .] ka gan arḫi(iti) bābu(ká) na-pi-il

iv 5' [. . .] é-an-na šá EZEN×KAS^ki

iv 6' [. . . bīt(é)]-mu-um-mu ūṣâ(è)

iv 7' [. . .] zi

iv 8' [. . .] ina bābili(e^ki) x ḫi

iv 9' [. . .] bābili(tin.tir^ki) iṣ-rim-ma