Etana OB II

Morgan tablet col. i

1       ra-bu-tum ^dA-nun-na ša-i-mu ši-im-tim

2       uš-bu im-li-ku mi-li-ik-ša ma-a-ta-am

3       ba-nu ki-ib-ra-tim ša-ki-nu ši-ki-it-tim

4       ṣi-ru a-na ni-ši i-lu I-gi₄-gu

5       i-sí-nam a-na ni-ši i-ši-mu

6       šar-ra-am la iš-ku-nu ka-lu ni-ši e-pí-a-tim

7       i-na ši-à-tim la ka-aṣ-ra-at ku-ub-šum me-a-nu

8       ù ḫa-aṭ-ṭù-um uq-ni-a-am la ṣa-ap-ra-at

9       la ba-nu-ú iš-te₉-ni-iš pa-ra-ak-ku

10     se-bé-ta ba-bu ud-du-lu e-lu da-ap-nim

11     ha-aṭ-ṭù-um me-a-nu-um ku-ub-šum ù ši-bi-ir-ru

12     qú-ud-mi-iš A-ni-im i-na ša-ma-i ša-ak-nu

13     ú-ul i-ba-aš-ši mi-it-lu-ku ni-ši-ša

14     [ša]r-[r]u-tum i-na ša-ma-i ur-da-am

15     [... ... ...] x ⌈Ištar?⌉(⌈U.DAR⌉?) ⌈šar⌉-r[a-am] ⌈i⌉-ši-⌈i⌉

 

Morgan tablet col. ii

1       li-ki-x [...]

2       mar-ḫi-is-[su ...]

3       la-aḫ-b[u- ...]

4       BU ŠU [...]

5       ù a-n[a ...]

6       LU ḪU [...]

7       il-LUM? [ ...]

8       wa-aš-[...]

9       i-na [...]

10     i-na [...]

11     i-[...]

12     il-x [...]

13     ù? [...]

Rest fragmentary

 

Susa tablet obv.

1'       li-iḫ-li-iq-šu ⌈ṭu⌉-ú-du a-ia ú-ta ḫarrānam(KASKAL)

2'       li-ik-la-šu ne-re-eb-ta-šu šà-du-ú

3'       ka-ak-ku-um mu-úr-ta-ap-pi-du e-li-šu li-še-er

4'       ma-mi-ta-am ut-ta-ma-am-mu-ú

5'       na-ap-ḫa-ar i-ru-ú na-ap-[ḫa]-ar ul-du

6'       i-na ṣíl-lí ṣé-er-bé-tim ⌈ú⌉-[l]i-id ṣerrum(MUŠ)

7'       e-ru-ú it-ta-la-ad i-na ṣe-ri-šu

8'       ri-ma šà-ap-pa-ra ṣerrum(MUŠ) i-ba-ra-am-ma

9'       e-ru-ú i-ku-ul i-ku-lu ma-ru-šu

10'     ni-im-ra-am mi-in-de-am ṣerrum(MUŠ) i-ba-ra-am-⌈ma⌉

11'     ⌈e⌉-ru-ú i-ku-ul i-ku-lu ma-ru-šu

12'     [i]š-tu ma-ru-šu ir-bu-ú [i-ši-ḫu]

13'     [g]a-ap-pi ⌈IŠ?⌉ [x x] IR ⌈R⌉[U? ...]

14'     ⌈e⌉-[ru-ú i-n]a li-ib-bi-šu [le-mu-ut-ta-(am) ik-pu-ud]

15'     ma-ru-ú-a-mi [...]

16'     it-ta-al-ku i-še-ú [...]

17'     i-še-ú-ni šà-am-ma [...]

18'     ⌈ù⌉ ma-ru ṣerrim(MUŠ) lu-ku-[ul a-na-ku]

19'     e-te-el-li-ma i-n[a šà-ma-i?...]

20'     uš-šà-am-ma [...]

21'     ma-an-nu-um šà [...]

22'     at-mu-um [...]

23'     a-na e-[ri-i a-bi-šu ...]

24'     [l]a t[a-ka-al a-bi ...]

ca. 4 lines missing?

 

Susa tablet rev.

1'       [m]a-ru ṣe[rrim(MUŠ) ...]

2'       li-la-tu [...]

3'       ṣerrum(MUŠ) i-ku-šà x [...]

4'       ši-i-ra š[à ...]

5'       ṣerrum(MUŠ) it-ta-di ma-ḫa-ar [...]

6'       ip-pa-li-is-ma la-aš-šu-ú [...]

7'       ṣú-up-ra-nu-uš-šu qa-qa-ra-a[m ...]

8'       ⌈x x x x⌉ šà-ma-a-a [...]

9'       [...] ⌈x⌉ -ru-uš i-ba-a[k-ki ...]

10'     [... i]l-la-ka di-[ma-a]-šu

11'     at-ka-la-ak-ku-um-ma ^dŠamaš(UTU) qú-ra-du

12'     a-na e-ri-i ⌈šul?⌉-ma-ni a-na-ku aš-ru-⌈uk?⌉

13'     a-du-ur-ma ⌈re⌉-eš₁₅-ka ú-ka-ab-bi-it

14'     le-mu-ut-ta ú-ul ú-ki-il a-na ib-ri-ia

15'     šu-ú qí-in-na-šu šà-li-im-ma sà-pi-iḫ qí-in-ni?

16'     qí-in-ni ṣerrim(MUŠ) da-ma-mi-iš i-we

17'     šà-al-mu at-mu-šu la-aš-šu-ú ma-ru-ú-a

18'     úr-da-am-ma i-ta-ka-al li-da-ni-ia

19'     lum-na il-li-ka ^dŠamaš(UTU) lu ti-de

20'     še-et-ka qé-er-bé-tu ra-pa-[aš-tu]

21'     gi-iš-pi-ir-ra-ka [šà-ma-ú ru-qú-]tu

22'     i-na še-ti-ka a-a [ú-ṣi] e-ru-ú

23'     e-pi-iš le-mu-[ut-ti ù a]n-zi-il-li

24'     mu-ki-il l[e-mu-ut-t]i a-na ib-ri-šu

 

Morgan tablet col. v

1'       x?[...]

2'       lu-ta-[...]

3'       da-ap-[...]

4'       ṣe-ru p[a-a-šu ...]

5'       ma-a ú-wa-[aš-ša-ar-ka-ma ...]

6'       še₂₀-re-et-k[a ...]

7'       ut-ta-ṣi(-)[...]

8'       ib-qú-un-šu-m[a id-di-šu ...]

9'       a-ša-ar mu-ú [...]

10'     pa-ʾa₄-ṣí-iš e-r[i-i ...]

11'     iš-pi-il ŠI[D? ...]

12'     U₄-mi-ša-am-ma [...]

13'     Ša-am-šu qá-ti ṣa-b[a-at]

14'     ia-ti-i[-ma e-ra-am bu-ul-li-iṭ]

15'     ^dŠamaš(UTU) pi-šu i-p[u-ša-am-ma ...]

16'     le-em-né-ti-i[a ...]

17'     an-zi-lam ša i-[li ...]

 

Morgan tablet col. vi

1'       [q]á-as-sú iṣ-ba-ta-am se-bé-e-⌈et⌉ I[TI?^meš?]

2'       [s]a-am-na-am wa-ar-ḫa-am ú-še₂₀-te-qá šu-ut-ta-as-su

3'       e-ru-ú ma-ḫi-ir ú-ku-ul-ta-am ki-ma né-ši-im na-e-ri

4'       e-mu-qá-am i-šu

5'       e-ru-um ⌈pa-a⌉-šu i-pu-ša-am-ma a-na E-ta-na-ma is-sà-qá-ar-šu

6'       ib-ri lu-ú it-ba-ra-nu a-na ù at-ta

7'       qí-bi-a-am-ma ša te-e-er-re-ša-an-ni lu-ud-di-ik-ku

8'       E-ta-na ⌈pa-a⌉-šu i-pu-ša-am-ma a-na e-ri-im-ma is-sà-qá-ar-šu

9'       i-ni-ma ⌈ṣillum⌉(⌈GIŠ⌉.GI₆) p[i-t]é ka-ti-im-ti