Codex Sinaiticus: Ζαχαρίας

Codex Sinaiticus · 211 sections

Ζαχαρίας 1:1
εν τω ογδοω μηνι · ετουϲ βν επι δαριου · εγενετο λογοϲ κυ προϲ ζαχαριαν τον του βαραχιου ϋϊον αδʼδω · τον προφητην λεγων .
Ζαχαρίας 1:2
ωργιϲθη κϲ επι τουϲ πατεραϲ ϋμων οργην μεγαλην ·
Ζαχαρίας 1:3
και εριϲ προϲ αυτουϲ · ταδε λεγει κϲ παντοκρατωρ · επιϲτρεψατε προϲ με λεγι κϲ παντοκρατωρ επιϲτρεψατε προϲ μελεκι κϲ των δυναμεων ·
Ζαχαρίας 1:4
και μη γεινεϲθε καθωϲ οι πατερεϲ ϋπων · οιϲ ενεκαλεϲαν αυτοιϲ οι προφηται εμπροϲθεν λεγοντεϲ · ταδε λεγει κϲ παντοκρατωρ · αποϲτρεψατε απο των οδων ϋμων των πονηρων · και απο των επιτηδευματων ϋμων των πονηρων · και ουκ ηϲηκουϲαν · και ου προϲεϲχον του ειϲακουϲαι μου · λεγει κϲ ·
Ζαχαρίας 1:5
οι πρεϲ ϋμων που ειϲιν και οι προφηται · μη τον εωνα ζηϲονται ˙
Ζαχαρίας 1:6
πλην τουϲ λογουϲ μου και τα νομιμα μου δεχεϲθαι · οϲα εγω εντελλομαι εν πνι μου · τοιϲ δουλοιϲ μου τοιϲ προφηταιϲ · οι κατελαβοϲαν τουϲ πατεραϲ ϋμων . και απεκριθηϲαν και ειπαν · καθωϲ παρατετακτε κϲ παντοκρατωρʼ του ποιηϲε ˙ υμιν κατα ταϲ οδουϲ υων · και κατα τα επιτηδευματα ημων · ουτωϲ εποιηϲεν ημιν ˙
Ζαχαρίας 1:7
τη τετραδι και εικαδι τω ενδεκατω μηνι · ουτοϲ εϲτιν ο μην ϲαβατʼ εν τω δευτερω ετι επι δαριου · εγενετο λογοϲ κυ προϲ ζαχαριαν τον του βαραχιου ϋϊον αδʼδω · τον προφητην λεγων ·
Ζαχαρίας 1:8
εωρακα την νυκτα · και ϊδου ανηρ επιβεβηκωϲ ειπʼπον πυρον · και ουτοϲ εϲτηκι ανα μεϲον των ορεων των καταϲκιων · και οπιϲω αυτου ϊπποι πυροι και ψαροι και πυκειλοι και λευκοι ·
Ζαχαρίας 1:9
και ειπα · τι ουτοι κε · και ειπεν προϲ με ο αγγελοϲ ο λαλων εν εμοι ˙ εγω διξω ϲοι · τι ετιν ταυτα :
Ζαχαρίας 1:10
και απεκριθη ο ανηρ ο επεϲτηκωϲ ανα μεϲον των ορεων · και ειπεν προϲ με ˙ ουτοι ειϲιν · ουϲ εξαπεϲτειλεν κϲ περιοδευϲαι την γην ·
Ζαχαρίας 1:11
και απεκριθηϲαν τω αγʼγελω κυ τω εφεϲτωτι ανα μεϲον των ορεων · και ειπον · περιωδευϲαμεν παϲαν την γην · και ϊδου παϲα η γη κατοικιτε και ηϲυχαζει :
Ζαχαρίας 1:12
και απεκριθη ο αγγελοϲ κυ και ειπεν · κε παντοκρατωρ · εωϲ τινοϲ ου μη ελεηϲηϲ την ϊερουϲαλημʼ · και ταϲ πολιϲ ϊουδα · αϲ υπερδεϲ · τουτο εβδομηκοϲτον ετοϲ ·
Ζαχαρίας 1:13
και απεκριθη κϲ παντοκρατωρ · τω αγγελω τω λαλουντι εν εμοι ρηματα καλα ˙ και λογουϲ παρακλητικουϲ ·
Ζαχαρίας 1:14
και ειπεν προϲ με . ο αγγελοϲ ο λαλων εν εμοι · ανακραγε λεγων ˙ ταδε λεγει κϲ παντοκρατωρʼ εζηλωϲα την ιημ και την ϲιων · ζηλον μεγαν ·
Ζαχαρίας 1:15
και οργην μεγαλην · εγω οργιζομαι επι τα εθνη τα ϲυνεπιτιθεμενα · ανθ ων εγω μεν ωργιϲθην ολιγα · αυτοι δε ϲυνεπεθεντο ειϲ κακα ·
Ζαχαρίας 1:16
δια τουτο ταδε λεγει κϲ · επιϲτρεψω επι ιημ εν οικτιρμω · και ο οικοϲ μου ανοικοδομηθηϲεται εν αυτη · λεγει κϲ παντοκρατωρ · και μετρον εκταθηϲεται επι ιημ ετι ·
Ζαχαρίας 1:17
και ειπεν προϲ με ο αγγελοϲ ο λαλων εν εμοι · ανακραγε λεγων ˙ ταδε λεγει κϲ καντοκρατωνρʼ · ετι διαχυθηϲονται πολιϲ εν αγαθοιϲ · και ελεηϲιν κν ετι την ϲιων · και ερετιει ετι την ϊημ ·
Ζαχαρίας 2:1
και ηρα τουϲ οφθαλμουϲ μου και ειδον · και ϊδου τεϲϲερα καιρατα
Ζαχαρίας 2:2
και ειπα προϲ τον αγγελον τον λαλοντα εν εμοι · τι εϲτιν ταυτα · κυριαι · και ειπεν προϲ με · ταυτα τα καιρατα · τα διαϲκορπιϲαντα τον ιουδαν και τον ϊϲλʼ και ϊερουϲαλ·ημ ˙
Ζαχαρίας 2:3
και εδιξεν μοι κϲ τεϲϲαρεϲ τεκτονεϲ ·
Ζαχαρίας 2:4
και ειπα · τι ουτοι ερχοντε ποιηϲαι · και ειπεν · ταυτα τα καιρατα τα διαϲκορπιϲαντα τον ϊουδαν · και τον ϊϲλ κατεαξαν · και ουδιϲ αυτων ηρεν καιφαλην · και εξηλθοϲαν ουτοι του οξυναι αυτα ειϲ χιραϲ αυτων · τα τεϲϲερα καιρατα τα εθνη τα επερομενα · κεραϲ επι την γην κυ του διαϲκορπιϲαι αυτην ·
Ζαχαρίας 2:5
και ηρα τουϲ οφθαλμουϲ μου και ϊδον · και ϊδου ανηρ · και εν τη χειρει αυτου ϲχονιον γεωμετρικον ·
Ζαχαρίας 2:6
και ειπα προϲ αυτον · που ϲοι πορευη · και ειπεν προϲ με · διαμετρηϲε την ιημ του εηδειν πηλικον το πλατοϲ αυτηϲ εϲτιν · και πηλικον το μηκοϲ :
Ζαχαρίας 2:7
και ϊδου ο αγγελοϲ ο λαλων εν εμοι ϊϲτηκει · και αγγελοϲ ετεροϲ εξεπορευετο ειϲ ϲυναντηϲιν αυτω ·
Ζαχαρίας 2:8
και ειπεν προϲ αυτον δραμε και λαληϲον προϲ τον νεανιϲκον εκινον λεγων · κατακαρπωϲ κατοικηϲεται ϊημ · απο πληθουϲ ανθρωπων και κτηνων εν μεϲω αυτηϲ
Ζαχαρίας 2:9
και εγω εϲομε αυτη λεγει κϲ τιχοϲ πυροϲ κυκλοθεν · και ειϲ δοξαν εϲομε εν μεϲω αυτηϲ ·
Ζαχαρίας 2:10
ω ω ˙ φευγετε απο γηϲ βορρα λεγει κϲ · διοτι εκ των τεϲϲαρων ανεμων του ουρανου · ϲυναξω ϋμαϲ λεγει κϲ
Ζαχαρίας 2:11
ειϲ ϲιων αναϲωζεϲθε οι κατοικουνταιϲ θυγαταιρα βαβυλωνοϲ ·
Ζαχαρίας 2:12
διοτι ταδε λει κϲ παντοκρατωρʼ · οπιϲω δοξηϲ απεϲταλκεν με · επι τα εθνη τα ϲκυλευϲαντα ϋμαϲ · διοτι ο απτομενοϲ υ̇μων ωϲ ο απτομενοϲ · τηϲ κορηϲ του οφθαλμου αυτου · ˙
Ζαχαρίας 2:13
διοτι ειδου εγω επιφερω την χιρα μου επ αυτουϲ · και εϲονται ϲκυλα τοιϲ δουλευουϲιν αυτοιϲ · και γνωϲονται οτι εγω ειμι κϲ παντοκρατωρ απεϲταλκεν με ·
Ζαχαρίας 2:14
τερπου και ευφραινου θυγατηρ ϲειων · οτι ειδου εγω ερχομαι και καταϲκηνωϲω εν μεϲω ϲου λεγει κϲ ·
Ζαχαρίας 2:15
και καταφευξοντε εθνη πολʼλα επι τον κν εν τη ημερα εκινη · και εϲοντε αυτω ειϲ λαον · και καταϲκηνωϲουϲιν εν μεϲω ϲου · και επιγνωϲη οτι κϲ παντοκρατωρ εξαπεϲταλκεν με προϲ ϲε ·
Ζαχαρίας 2:16
και κατακληρονομιϲι κϲ τον ϊουδαν την μεριδα αυτου επι την γην την αγιαν · και ερετιει ετι την ϊερουϲαλημʼ ·
Ζαχαρίας 2:17
ευλαβιϲθω παϲα ϲαραξʼ πο · προϲωπου κυ · οτι εξεγηγερτε εκ νεφελων αγιων αυτου ·
Ζαχαρίας 3:1
και εδιξεν μοι κϲ τον ιν τον ϊερεα τον μεγαν · εϲτωτα προ προϲωπου αγγελου κυ · και ο διαβολοϲ ϊϲτηκι εκ δεξιων αυτου · του αντικιϲθα αυτω ·
Ζαχαρίας 3:2
και ειπεν κϲ προϲ τον διαβολον · επιτιμηϲαι κϲ εν ϲοι διαβολαι · και επιτιμηϲε κϲ εν ϲοι ˙ ο εκλεξαμενοϲ την ϊημ · ουχ ϊδου τουτο . ωϲ δαλοϲ εξεϲπαϲμενοϲ εκ πυροϲ ·
Ζαχαρίας 3:3
και ιϲ ην ενδεδυμενοϲ ιματια ρυπαρα · και ϊϲτηκι προ προϲωπου του αγγελου ·
Ζαχαρίας 3:4
και απεκριθη και ειπεν προϲ τουϲ εϲτωταϲ προ προϲωπου αυτου λεγων · αφελετε τα ϊματια τα ρυπαρα απ αυτου · και ειπεν προϲ αυτον · ϊδου αφηρηκα ταϲ ανομιαϲ ϲου · και ενδυϲατε αυτον πορηδη ˙
Ζαχαρίας 3:5
και επιθετε κιδαριν καθαραν επι την καιφαλην αυτου · και περιεβαλον αυτον ϊματια · και ο αγγελοϲ κυ ϊϲτηκι ·
Ζαχαρίας 3:6
και διεμαρτυρατο ο αγγελοϲ κυ προϲ ιν λεγων ·
Ζαχαρίας 3:7
ταδε λεγει κϲ παντοκρατωρ · εαν τεϲ οδοιϲ μου πορευη · και εν τοιϲ προϲταγμαϲιν μου φυλαξη · και ϲυ διακρινειϲ τον οικον μου · και εαν διαφυλαϲϲηϲ την αυλην μου · και δωϲω ϲοι αναϲτρεφομενουϲ · εν μεϲω των εϲτηκοτων α τουτων
Ζαχαρίας 3:8
ακουε δη ϊηϲου ο ϊερευϲ ο μεγαϲ · ϲυ και οι πληϲιον ϲου · οι καθημενοι προ προϲωπου ϲου · διοτι ανδρεϲ τερατοϲκοποι […]ϲει διοτι ειδου εγω αγω τον δουλον μου ανατολῆν ·
Ζαχαρίας 3:9
διοτι ο λιθοϲ ον εδωκα προ προϲωπου ϊηϲου επι τον λιθον τον ενα · ζν · οφθαλμοι ειϲιν · ϊδου εγω ορυϲϲω βοθρον λεγει κϲ παντοκρατωρʼ · και ψηλαφηϲω παϲαν την αδικιαν τηϲ γηϲ εκινηϲ · εν ημερα μια ˙
Ζαχαρίας 3:10
εν τη ημερα εκινη λεγει κϲ παντοκρατωρʼ ϲυνκαλεϲετε εκαϲτοϲ τον πληϲιον αυτου · ϋποκατω αμπελου · και ϋποκατω ϲυκηϲ ·
Ζαχαρίας 4:1
και επεϲτρεψεν ο αγγελοϲ ο λαλων εν εμοι · και εξηγειρεν με · ον τροπον οταν εξεγερθη ανοϲ εξ ϋπνου αυτου ·
Ζαχαρίας 4:2
και ειπεν προϲ με · τι ϲυ βλεπειϲ · και ειπα ˙ εωρακα ˙ και ϊδου λυχνια χρυϲη ολη ˙ και το λαμπαδιον επανω αυτηϲ · και επτα λυχνι επανω αυτηϲ · και επτα παρυϲτιδεϲ τοιϲ λυχνοιϲ τοιϲ επανω αυτηϲ ·
Ζαχαρίας 4:3
και δυο ελεαι επανω αυτηϲ . μια εκ δεξιων του λαμπαδιου αυτηϲ · και μια εξ ευωνυμων ·
Ζαχαρίας 4:4
και επηρωτηϲα και ειπον προϲ τον αγγελον τον λαλουντα εν εμοι λεγων · τι εϲτιν ταυτα κε :
Ζαχαρίας 4:5
και απεκριθη ο αγγελοϲ ο λαλων εν εμοι · και ειπεν προϲ με λεγων ·
Ζαχαρίας 4:6
ουτοϲ ο λογοϲ κυ προϲ ζοβαβελ λεγων · ουκ εν δυναμι μεγαλη · ουδε εν ϊϲχυει · αλλ η εν πνευματι μου λεγει κϲ παντοκρατωρʼ ·
Ζαχαρίας 4:7
τιϲ ι ϲυ το οροϲ το μεγα το προ προϲωπου ζοροβαβελʼ · του κατορθωϲαι ˙ και εξοιϲω τον λιθον τηϲ κληρονομιαϲ · ϊϲοτητα χαριτοϲ χαριτα αυτηϲ ·
Ζαχαρίας 4:8
και εγενετο λογοϲ κυ προϲ με λεγων á§
Ζαχαρίας 4:9
αι χιρεϲ ζοροβαβελʼ · εθεμελιωϲαν τον οικον τουτον · και ε χιρεϲ αυτου επιτελεϲουϲιν αυτον · και επιγνωϲη · διοτι κϲ παντοκρατωρ εξαπεϲταλκεν με προϲ ϲε ·
Ζαχαρίας 4:10
διοτι τιϲ εξουδενωϲεν ειϲ ημεραϲ μικραϲ ˙ και χαρουντε και οψοντε τον λιθον τον καϲιδεριον εν χιρι ζοροβαβελ ˙ · ζν · ουτοι οφθαλμοι κυ ειϲιν οι . επιβλεποντεϲ επι παϲαν την γην ·
Ζαχαρίας 4:11
και απεκριθην και ειπον προϲ αυτον · τι ε δυο ελεαι αυτε αι εκ δεξιων ϋμων ·
Ζαχαρίας 4:12
και επηρωτηϲα εκ δευτερου και ειπα προϲ αυτον · τι οι δυο κλαδοι των αιλαιων · οι εν τεϲ χερϲιν των δυο μυξωτηρων των χρυϲων · των επιχεοντων και επαναγοντων τοιϲ επαρυϲτιδαϲ ταϲ χρυϲαϲ ·
Ζαχαρίας 4:13
και ειπεν προϲ με ουχ οιδαϲ τι εϲτιν ταυτα ˙ και ειπεν υχι κε ·
Ζαχαρίας 4:14
και ειπεν ˙ ουτοι . οι δυοι ϋϊοι τηϲ πιοτητοϲ · παρεϲτηκαϲιν κω παϲηϲ τηϲ γηϲ ·
Ζαχαρίας 5:1
και επεϲτρεψα και ηρα τουϲ οφθαλμουϲ μου και ειδον · και ειδου δρεπανον πετομενον ·
Ζαχαρίας 5:2
και ειπεν κϲ προϲ με · τι ϲυ βλεπειϲ ˙ και ειπα ˙ εγω ορω δρεπανον πετομενον · μηκουϲ πηχεων εικοϲι · και πλατουϲ πηχεων δεχα ·
Ζαχαρίας 5:3
και ειπεν προϲ με · αυτη η αρα · η εκπορευομενη επι προϲωπον παϲηϲ τηϲ γηϲ · διοτι παϲ ο κλεπτηϲ · εκ τουτου εωϲ θανατου εκδικηθηϲεται · και παϲ ο επιορκοϲ · εκ τουτου εωϲ θανατου εκδικηθηϲεται ·
Ζαχαρίας 5:4
και εκξοιϲοι αυτο λεγει κϲ παντοκρατωρʼ · και ειϲελευϲεται ειϲ τον οικον του γλεπου · και ειϲ τον οικον του ομνυοντοϲ τω ονοματι μου επι ψευδει · και καταλυϲη εν μεϲω του οικου αυτου · και ϲυντελεϲει αυτον · και τα ξυλα αυτου και τουϲ λιθουϲ αυτου :
Ζαχαρίας 5:5
και εξηλθεν ο αγγελοϲ ο λαλων εν εμοι · και ειπεν προϲ με · αναβλεψον τοιϲ οφθαλμοιϲ ου και ειδε · το εκπορευομενον τουτο
Ζαχαρίας 5:6
και ειπα τι εϲτιν · και ειπεν · τουτο το μετρον το εκπορευομενον · και ειπεν αυτη η αδικια αυτου εν παϲη τη γη ˙
Ζαχαρίας 5:7
και ειδου ταλαντον μολυβου εξερομενον · και ϊδου μια γυνη εκαθητο εν μεϲω του μετρου ·
Ζαχαρίας 5:8
και ειπεν · αυτη εϲτιν η ανομια · και εριψεν αυτην εν μεϲω του μετρου · αι ερειψεν τον λιθον του μολιβου · ειϲ το ϲτομα αυτηϲ ·
Ζαχαρίας 5:9
και ηρα τουϲ οφθαλμουϲ μου και ϊδον · και ειδου δυο γυνεκαιϲ εκπορευομενοι · και πνα εν τοιϲ πτερυξειν αυτων ˙ και αυτε ειπον πτερυγεϲ ωϲ πτερυγαϲ εποποϲ · και ανελαβον το μετρον ανα μεϲον τηϲ γηϲ · και ανα μεϲον του ουρανου ·
Ζαχαρίας 5:10
και ειπα προϲ τον αγγελον τον λαλουντα εν εμοι ˙ του αυτε αποφερουϲιν το μετρον ·
Ζαχαρίας 5:11
και ειπεν προϲ με · οικοδομηϲε αυτω οικιαν εν γη βαβυλωνοϲ · και ετοιμαϲε και θηϲουϲιν αυτο εκι επι την ετοιμαϲιαν αυτου ·
Ζαχαρίας 6:1
και επι εϲτρεψα και ηρα τουϲ οφθαλμουϲ μου και ειδον · και · ειδου τεϲϲερα αρματα εκπορευομενα εκ μεϲου δυο ορεων · και τα ορη ην ορη χαλκα ·
Ζαχαρίας 6:2
εν τω αρματι τω πρωτω . ϊπʼποι πυροι · και εν τω αρματι τω δευτερω . ϊπʼποι μελανεϲ ·
Ζαχαρίας 6:3
και εν τω αρματι τω τριτω · ϊπʼποι λευκοι · και εν τω αρματι τω τεταρτω · ϊπποι ποικιλοι ψαροι ·
Ζαχαρίας 6:4
και απεκριθην και ειπα προϲ τον αγγελον τον λαλουντα εν εμε · τι εϲτιν ταυτα κε ·
Ζαχαρίας 6:5
και απεκριθη ο αγγελοϲ ο λαλων εν εμοι · και ειπεν · ταυτα εϲτιν · οι τεϲϲαρεϲ ανεμοι του ουρανου εκπορευονται · παραϲτηναι τω κω παϲηϲ τηϲ γηϲ ·
Ζαχαρίας 6:6
εν ω ηϲαν ϊπʼποι οι μελανεϲ · εξεπορευοντο εγγηϲ βορʼραν και οι λευκοι εξεπορευοντο καθοπιϲθεν και οι ποικιλοι εξεπορευοντο επι γην νοτου ·
Ζαχαρίας 6:7
και οι ψαροι εξεπορευοντο και επεβλεπον του πορευεϲθε και περιοδευϲατε την γην · και περιωδευϲαν την γην ·
Ζαχαρίας 6:8
και ανεβοηϲεν και ελαληϲεν προϲ με λεγων · ϊδου οι εκπορευομενοι επι την βορρα · και ανεπαυϲαν τον θυμον μου εν γη βορρα ·
Ζαχαρίας 6:9
και εγενετο λογοϲ κυ προϲ εμε λεγων ·
Ζαχαρίας 6:10
λαβε τα εκ τηϲ εκμαλωϲιαϲ παρα των αρχοντων και παρα των και παρα των χρηϲιμων αυτηϲ · και παρα των επεγνωκοτων αυτην · και ειϲελευϲη ϲυ εν τη ημερα εκινη · ειϲ τον οικον ϊωϲιου του ϲοφονιου · του ηκοντοϲ εκ βαβυλωνοϲ ·
Ζαχαρίας 6:11
και λημψη αργυριον και χρυϲιον · και ποιηϲειϲ ϲτεφανην · και επιθηϲειϲ επι την κεφαλην ϊηϲου του ϊωϲεδεκʼ του ϊερεωϲ του μεγαλου ·
Ζαχαρίας 6:12
και εριϲ προϲ αυτον . ταδε λεγει κϲ παντοκρατωρ · ϊδου ανηρʼ ανατολη ονομα αυτω · και ϋποκατωθεν αυτου ανατελλι · και οικοδομηϲι τον οικον κυ ·
Ζαχαρίας 6:13
και αυτοϲ λημψετε αρετην · και καθιεται και καταξει επι του θρονου αυτου · και εϲτε ο ϊερευϲ εκ δεξιων αυτου · και βουλη ϊρηνικη εϲται ανα μεϲον αμφοτερων ·
Ζαχαρίας 6:14
ο δε ϲτεφανοϲ εϲτε τοιϲ υ̇πομενουϲιν · και τοιϲ χρηϲιμοιϲ αυτηϲ · και τοιϲ επεγνωκοϲιν αυτην · και ειϲ χαριτα ϋϊου ϲοφονιου · και ειϲ ψαλμον εν οικω κυ ˙
Ζαχαρίας 6:15
και οι μακραν απ αυτων ηξουϲιν · και οικοδομηϲουϲιν εν τω οικω κυ · και γνωϲεϲθε · διοτι κϲ παντοκρατωρʼ απεϲταλκεν με προϲ ϋμαϲ · και εϲτε εαν ειϲακουοντεϲ ειϲακουϲητε τηϲ φωνηϲ κυ του θυ ημων
Ζαχαρίας 7:1
και εγενετο εν τω τεταρτω ετι · επι δαριου του βαϲιλεωϲ · εγενετο λογοϲ κυ προϲ ζαχαριαν · τετραδι του μηνοϲ του ενατου · οϲʼ εϲτιν χαϲολευ ·
Ζαχαρίας 7:2
και εξαπεϲτιλεν ειϲ βεθηλʼ ϲαραϲαρ και αρβεϲεερʼ ο βαϲιλευϲ · και οι ανδρεϲ αυτου εξιλαϲεϲθε τον κν ·
Ζαχαρίας 7:3
λεγων προϲ τουϲ ϊερειϲ τουϲ εν τω οικω κυ παντοκρατοροϲ · και προϲ τουϲ προφηταϲ λεγων · ειϲεληλυθεν ωδε εν τω μηνι τω πμπτω το αγιαϲμα · καθοτι εποιηϲεν ηδη ϊκανα επι ·
Ζαχαρίας 7:4
και εγενετο λογοϲ κυ των δυναμεων προϲ με λεγων ˙
Ζαχαρίας 7:5
ειπον προϲ παντα τον λαον τηϲ γηϲ · και προϲ τουϲ ϊερειϲ λεγων · εαν νηϲτευϲητε · η κοψηϲθαι . εν ταιϲ πεμπταιϲ · η εν τεϲ εβδομαιϲ · και ειδου εβδομηκοντα ετη · μη νηϲτιαν νενηϲτευκατε μοι ˙
Ζαχαρίας 7:6
και εαν φαγητε η πιητε · ουχ ϋμιϲ εϲθετε και πινεται ·
Ζαχαρίας 7:7
ουχ ουτοι οι λογοι ειϲιν · ουϲ ελαληϲεν κϲ εν χερϲιν των προφητων των εμπροϲθεν · οτι ην ϊερουϲαλημ κατοικουμενη και ευθηνουϲα · και ε πολιϲ αυτηϲ κυκλοθεν · και η ορινη και η πεδινη κατωκιτο :
Ζαχαρίας 7:8
και εγενετο λογοϲ κυ προϲ ζαχαριαν λεγων ·
Ζαχαρίας 7:9
ταδε λεγει κϲ παντοκρατωρʼ · κριμα δικαιον κρινεται · και ελεοϲ και οικτιρμον › ποιειται εκαϲτοϲ προϲ τον αδελφον αυτου ·
Ζαχαρίας 7:10
και χηραν και ορφανον · και προϲηλυτον . και πενητα ˙ μη καταδυναϲτευεται · και κακιαν · εκαϲτοϲ του αδελφου αυτου μη μνηϲικακιτω . εν ταιϲ καρδιαιϲ υμων ·
Ζαχαρίας 7:11
και επιθηϲαν του προϲεχειν · και εδωκαν νωτον παραφρονουτα · και τα ωτα αυτων εβαρυναν του μη ειϲακουειν ·
Ζαχαρίας 7:12
και ταϲ καρδιαϲ αυτων εταξαν απιθη · του μη ειϲακουειν του νομου μου · και τουϲ λογουϲ ουϲ εξαπεϲτιλεν κϲ παντοκρατωρʼ εν πνι αυτου · εν χερϲιν των προφητων των εμπροϲθεν · και εγενετο οργη μεγαλη παρα κυ παντοκρατοϲ ·
Ζαχαρίας 7:13
και εϲτε ον τροπον ειπεν · και ουκ ηϲηκουϲαν αυτου · ουτωϲ καικραξοντε · και ου μη ειϲακουϲω λεγει κϲ παντοκρατωρ ·
Ζαχαρίας 7:14
και εκβαλω αυτουϲ ειϲ παντα τα εθνη · α ουκ εγνωϲαν · και η γη αφανιϲθηϲεται κατοπιϲθεν αυτων . εκ διοδευοντοϲ και εξ αναϲτρεψοντοϲ · και εταξαν γην εκλεκτην ειϲ αφανιϲμον ·
Ζαχαρίας 8:1
και εγενετο λογοϲ κυ παντοκρατοροϲ λεγων ·
Ζαχαρίας 8:2
ταδε λεγει κϲ παντοκρατων · εζηληϲα την ϊερουϲαλημʼ · και την ϲιων ζηλον μεγαν · και θυμω μεγαλω εζηλωϲα αυτην ˙

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.