Codex Sinaiticus: Σοφία Σαλoμῶντος

Codex Sinaiticus · 435 sections

Σοφία Σαλoμῶντος 5:22
εκ πετροβολου θυμου πληρηϲ . ριφηϲονται χαλαζαι αγανακτηϲει κατ αυτων · υδωρ θαλαϲϲηϲ ποταμοι τε ϲυνκλυϲουϲιν · αποτομωϲ
Σοφία Σαλoμῶντος 5:23
αντιϲτηϲεται αυτοιϲ · πνα δυναμεωϲ και ωϲ λαιλαψ . εκλικμηϲει αυτουϲ και ερημωϲει παϲαν την γην · ανομια και η κακοπραγια · περιτρεψει θρονουϲ δυναϲτων
Σοφία Σαλoμῶντος 6:1
ακουϲατε ουν βαϲιλευϲ και ϲυνετε · μαθετε δικαϲται · περατων γηϲ ·
Σοφία Σαλoμῶντος 6:2
ενωτιϲαϲθαι · οι κρατουντεϲ πληθουϲ και γεγαυρωμενοι · επι οχλουϲ εθνων
Σοφία Σαλoμῶντος 6:3
οτι εδοθη παρα του κυ η κρατηϲιϲ . ϋμιν και η δυναϲτια ˙ παρα ϋψιϲτου οϲ εξεταϲει υμων τα εργα · και ταϲ βουλαϲ εξεραυνηϲει
Σοφία Σαλoμῶντος 6:4
οτι ϋπηρεται οντεϲ τηϲ αυτου βαϲιλειαϲ · ουκ εκριναται ορθωϲ . ουδε εφυλαξατε νομον ουδε κατα την βουλην του θυ . επορευθητε
Σοφία Σαλoμῶντος 6:5
φρικτωϲ και ταχεωϲ · επιϲτηϲεται ϋμιν οτι κριϲιϲ αποτομοϲ · εν τοιϲ ϋπερεχουϲι γινεται
Σοφία Σαλoμῶντος 6:6
ο γαρ ελαχιϲτοϲ · ευγνωϲτοϲ εϲτιν ελεουϲ δυνατοι δε δυνατωϲ εταϲθηϲονται
Σοφία Σαλoμῶντος 6:7
ου γαρ ϋποϲτελειται προϲωπον · ο παντων δεϲποτηϲ ουδε εντραπηϲεται μεγεθοϲ · οτι μεικρον και μεγαν · αυτοϲ εποιηϲεν ομοιωϲ τε προνοειται · περι παντων
Σοφία Σαλoμῶντος 6:8
τοιϲ δε κραταιοιϲ ϊϲχυρα εφιϲταται ερευνα
Σοφία Σαλoμῶντος 6:9
προϲ υμαϲ ουν ω τυραννοι . οι λογοι μου ϊνα μαθητε ϲοφιαν · και μη παραπεϲητε
Σοφία Σαλoμῶντος 6:10
οι γαρ φυλαξαντεϲ τα οϲια οϲιωϲ . οϲιωθηϲονται και οι διδαχθεντεϲ αυτα ˙ ευρηϲουϲιν απολογιαν
Σοφία Σαλoμῶντος 6:11
επιθυμηϲατε ουν των λογων μου · ποθηϲατε · και παιδευθηϲεϲθε
Σοφία Σαλoμῶντος 6:12
λαμπρα και αμαραντοϲ εϲτιν · η ϲοφια και ευχερωϲ θεωριται · υπο των αγαπωντων αυτην και ευριϲκεται · ϋπο των ζητουντων αυτην
Σοφία Σαλoμῶντος 6:13
φθανι τουϲ επιθυμουνταϲ αυτην . προγνωϲθηναι
Σοφία Σαλoμῶντος 6:14
ο ορθριϲαϲ επ αυτην · ου κοπιαϲει παρεδρον γαρ ευρηϲει . των πλουτων αυτου
Σοφία Σαλoμῶντος 6:15
το γαρ περι αυτηϲ ενθυμηθηναι · φρονηϲεωϲ τελιοτηϲ και ο αγρυπνηϲαϲ δι αυτην · ταχεωϲ αμεριμνοϲ εϲται
Σοφία Σαλoμῶντος 6:16
οτι τουϲ αξιουϲ αυτηϲ · περιερχεται ζητουϲα και εν ταιϲ τριβοιϲ · φανταζεται αυτοιϲ ευμενωϲ και εν παϲη επινοια · απαντα αυτοιϲ
Σοφία Σαλoμῶντος 6:17
αρχη γαρ αυτηϲ · η αληθεϲτατη · παιδιαϲ επιθυμια φροντιϲ δε παιδιαϲ · επιθυμια
Σοφία Σαλoμῶντος 6:18
αγαπη δε τηρηϲειϲ · νομων αυτηϲ προϲοχη δε νομων · βεβαιωϲιϲ αφθαρϲια
Σοφία Σαλoμῶντος 6:19
αφθαρϲια δε . εγγυϲ ειναι ποιει θυ ˙
Σοφία Σαλoμῶντος 6:20
επιθυμιαϲ γαρ · αναιρει επι βαϲιλιαν
Σοφία Σαλoμῶντος 6:21
ει ουν ηδεϲθε · επι θρονοιϲ και ϲκηπτροιϲ τυραννοι λαων τιμηϲατε ϲοφιαν · ϊνα ειϲ τον αιωνα βαϲιλευϲητε ωᵨ
Σοφία Σαλoμῶντος 6:22
τιϲ δε εϲτιν ϲοφια · και πωϲ εγενετο απαγγελω και ουκ απογρυψω υμιν μυϲτηρια ˙ αλλα απ αρχηϲ γενεϲεωϲ · εξϊχνιαϲω και θηϲω ειϲ το εμφανεϲ · την γνωϲιν αυτηϲ και ου μη παροδευϲω · την αληθειαν
Σοφία Σαλoμῶντος 6:23
ουτε μην φθονω τετηκοτι · ϲυνοδευϲω οτι ουτοϲ · ου κοινωνηϲει ϲοφια
Σοφία Σαλoμῶντος 6:24
πληθοϲ δε ϲοφων . ϲωτηρια κοϲμου και βαϲιλευϲ φρονιμοϲ · ευϲταθια δημου
Σοφία Σαλoμῶντος 6:25
ωϲτε · παιδευεϲθαι τοιϲ ρημαϲιν μου . και ωφεληθηϲεϲθαι
Σοφία Σαλoμῶντος 7:1
ειμι μεν καγω θνητοϲ · ϊϲοϲ απαϲιν και γηγενουϲ απογονον πρωτοπλαϲτου και εν κοιλια μητροϲ · εγλυφην ϲαρξ
Σοφία Σαλoμῶντος 7:2
δεκαμηνιαιω χρονω . παγειϲ εν αιματι εκ ϲπερματοϲ ανδροϲ · και ηδονηϲ ϋπνου ϲυνελθουϲηϲ
Σοφία Σαλoμῶντος 7:3
και εγω δε γενομενοϲ · εϲπαϲα τον κοινον αερα και επι την ομοιοπαθη · κατεπεϲα γην πρωτην φωνην · την ομοιαν απαϲι κλαιων
Σοφία Σαλoμῶντος 7:4
εν ϲπαργανοιϲ ανετραφην · και φροντιϲιν
Σοφία Σαλoμῶντος 7:5
ουδιϲ γαρ βαϲιλευϲ · ετεραν εϲχεν γενεϲεωϲ αρχην
Σοφία Σαλoμῶντος 7:6
μια δε παντων ειϲοδοϲ ειϲ τον κοϲμον . εξοδοϲ τε ειϲη
Σοφία Σαλoμῶντος 7:7
δια τουτο ηυξαμην · και φρονηϲιϲ εδοθη μοι επεκαλεϲαμην . και ηλθεν μοι πνα ϲοφιαϲ
Σοφία Σαλoμῶντος 7:8
προεκρινα αυτην · ϲκηπτρων και θρονων και πλουτον ουδεν ηγηϲαμην · εν ϲυγκριϲει αυτηϲ
Σοφία Σαλoμῶντος 7:9
ουδε ωμοιωϲα αυτη · λιθον ατιμητον οτι ο παϲ χρυϲοϲ εν οψει αυτηϲ · ψαμμοϲ ολιγη και ωϲ πηλοϲ λογιϲθηϲεται αργυροϲ · εναντιον αυτηϲ
Σοφία Σαλoμῶντος 7:10
ϋπερ ϋγιαν και ευμορφιαν · ηγαπηϲα αυτην και προειλομην αυτην · αντι φωτοϲ εχειν οτι ακοιμητον · το εκ ταυτηϲ φεγγοϲ
Σοφία Σαλoμῶντος 7:11
ηλθεν δε μοι τα αγα · ομου παντα μετ αυτηϲ και αναριθμητοϲ πλουτοϲ · εν χειρι αυτηϲ
Σοφία Σαλoμῶντος 7:12
ευφρανθην δε επι παϲιν · οτι αυτων ηγειται ϲοφια ηγνοουν δε αυτην . γενεϲιν ειναι τουτων
Σοφία Σαλoμῶντος 7:13
αδολωϲ δε εμαθον · αφθονωϲ τε μεταδιδωμι τον πλουτον αυτηϲ · ουκ αποκρυπτομε
Σοφία Σαλoμῶντος 7:14
ανεκλιπηϲ γαρ εϲτιν θηϲαυροϲ · ανοιϲ ον οι χρηϲαμενοι · προϲ θν εϲτιλαντο φιλιαν δια ταϲ εκ παιδιαϲ δωρεαϲ ϲυϲταθεντεϲ
Σοφία Σαλoμῶντος 7:15
εμοι δε · δωη ο θϲ ειπειν κατα γνωμην και ενθυμηθηναι αξιωϲ · των λεγομενων οτι αυτοϲ και τηϲ ϲοφιαϲ · οδηγοϲ εϲτιν και των ϲοφων · διορθωτηϲ
Σοφία Σαλoμῶντος 7:16
εν γαρ χειρι αυτου · και ημιϲ και οι λογοι ημων παϲα τε φρονηϲιϲ · και εργατιων επιϲτημη ˙
Σοφία Σαλoμῶντος 7:17
αυτοϲ γαρ μοι εδωκεν των οντων · γνωϲιν αψευδη ειδεναι ϲυϲταϲιν κοϲμου · και ενεργιαν ϲτοιχιων
Σοφία Σαλoμῶντος 7:18
αρχην και τελοϲ και μεϲοτητα χρονων · τροπων αλλαγαϲ · και μεταβολαϲ καιρων
Σοφία Σαλoμῶντος 7:19
ενιαυτου κυκλου · και αϲτρων θεϲιϲ
Σοφία Σαλoμῶντος 7:20
φυϲιϲ ζωων · και νομουϲ και θηριων πνατων βιαϲ · και διαλογιϲμουϲ ανων διαφοραϲ φυτων · και δυναμειϲ ριζων
Σοφία Σαλoμῶντος 7:21
οϲα τε εϲτιν κρυπτα και εμφανη · εγνων η γαρ παντων τεχνιτιϲ · εδιδαξεν με ϲοφια
Σοφία Σαλoμῶντος 7:22
εϲτιν γαρ εν αυτη · πνα νοερον αγιον μονογενεϲ · πολυμερεϲ · λεπτον ευκινητον · τρανον · αμολυντον ϲαφεϲ · απημαντον · φιλαγαθον · οξυ ˙
Σοφία Σαλoμῶντος 7:23
ακωλυτον · ευεργετον · φιλανθρωπον · βεβαιον · αϲφαλεϲ · αμεριμνον · παντοδυναμον · πανεπιϲκοπον · και δια παντων χωρουν πνατων · νοερων καθαρων λεπτοτατων ·
Σοφία Σαλoμῶντος 7:24
παϲηϲ γαρ κεινηϲεωϲ κινητικωτερον . ϲοφια διηκει δε και χωρει δια παντων · δια την καθαριοτητα
Σοφία Σαλoμῶντος 7:25
ατμιϲ γαρ εϲτι · τηϲ του θυ δυναμεωϲ και αποροια · τηϲ του παντοκρατοροϲ δοξηϲ ειλικρινηϲ δια τουτο ˙ ουδεν μεμιαμμενον ειϲ αυτην παρεμπιπτει
Σοφία Σαλoμῶντος 7:26
απαυγαϲμα γαρ εϲτιν · φωτοϲ αϊδιου και εϲοπτρον ακηλιδωτον · τηϲ του θυ ενεργιαϲ και εικων · τηϲ αγαθοτητοϲ αυτου
Σοφία Σαλoμῶντος 7:27
μια δε ουϲα · παντα δυναται και μενουϲα εν αυτη · τα παντα καινιζει και κατα γενεαϲ · ειϲ ψυχαϲ οϲιαϲ μεταβαινουϲα φιλουϲ θυ και προϲφηταϲ · καταϲκευαζει ˙
Σοφία Σαλoμῶντος 7:28
ουδεν γαρ αγαπα θ θϲ · ει μη τον ϲοφια ϲυνοικουντα
Σοφία Σαλoμῶντος 7:29
εϲτιν γαρ αυτη · ευπρεπρεϲτερα ηλιου · και ϋπερ παϲαν αϲτρων θεϲιν φωτι ϲυνκρινομενη ευριϲκεται προτερα
Σοφία Σαλoμῶντος 7:30
τουτο μεν γαρ · διαδεχεται νυξ ϲοφια δε · ου κατϊϲχυει κακια
Σοφία Σαλoμῶντος 8:1
διατινει δε απο περατοϲ επι περαϲ · ευρωϲτωϲ · και διοικει τα παντα χρηϲτωϲ
Σοφία Σαλoμῶντος 8:2
ταυτην εφιληϲα και εξεζητηϲα · εκ νεοτητοϲ μου και εζητηϲα · νυμφην αγαγεϲθε εμαυτω · και εραϲτηϲ εγενομην · του καλλουϲ αυτηϲ
Σοφία Σαλoμῶντος 8:3
ευγενιαν δοξαζει · ϲυμβιωϲιν θυ εχουϲα και ο παντων δεϲποτηϲ · ηγαπηϲεν αυτην
Σοφία Σαλoμῶντος 8:4
μυϲτιϲ γαρ εϲτιν · τηϲ του θυ επιϲτημηϲ και ερετιϲ · των εργων αυτου
Σοφία Σαλoμῶντος 8:5
ει δε πλουτοϲ εϲτιν . επιθυμητον κτημα εν βιω τι ϲοφιαϲ · τιμιωτερον · τηϲ τα παντα περιεργαζομενηϲ
Σοφία Σαλoμῶντος 8:6
ει δε φρονηϲιϲ · εργαζεται τιϲ αυτηϲ των οντων μαλλον εϲτιν τεχνιτιϲ
Σοφία Σαλoμῶντος 8:7
και ει δικαιοϲυνην · αγαπα τιϲ οι πονοι ταυτηϲ ειϲιν · αρεται ˙ ϲωφροϲυνην γαρ και φρονηϲιν . εκδιδαϲκει · δικαιοϲυνην και ανδριαν · ων χρηϲιμωτερον · ουδεν εϲτιν εν βιω ανοιϲ ·
Σοφία Σαλoμῶντος 8:8
ει δε και πολυπειριαν ποθει τιϲ · οιδε τα αρχαια · και τα μελλοντα εικαζειν επιϲταται ϲτροφαϲ λογων · και λυϲιϲ αινιγματων ϲημια και τερατα · προγινωϲκι και εκβαϲειϲ · καιρων και χρονων ·
Σοφία Σαλoμῶντος 8:9
εκρινα τοινυν · ταυτην αγαγεϲθαι προϲ ϲυμβιωϲιν ειδωϲ · οτι εϲται μοι ϲυμβουλοϲ αγαθων και παραινεϲιϲ · φροντιδων και λυπηϲ
Σοφία Σαλoμῶντος 8:10
εξω δι αυτην · δοξαν εν οχλοιϲ και τιμην παρα πρεϲβυτεροιϲ · ο νεοϲ ˙
Σοφία Σαλoμῶντος 8:11
οξυϲ ευρεθηϲομαι · εν κριϲει · και εν οψει δυναϲτων . θαυμαϲθηϲομαι
Σοφία Σαλoμῶντος 8:12
ϲιγωντα με · περιμενουϲιν και φθεγγομενω · προϲεξουϲιν και λαλουντοϲ · επι πλειον · χειραϲ επιθηϲουϲιν · επι το ϲτομα αυτων
Σοφία Σαλoμῶντος 8:13
εξω δι αυτην · αθαναϲιαν · και μνημην αιωνιον · τοιϲ μετ εμε απολειψω
Σοφία Σαλoμῶντος 8:14
διοικηϲω λαουϲ · και εθνη ϋποταγηϲεται μοι ·
Σοφία Σαλoμῶντος 8:15
φοβηθηϲονται με ακουϲαντεϲ · τυραννοι φρικτοι εν πληθει φανουμαι αγαθοϲ · και εν πολεμω ανδρειοϲ
Σοφία Σαλoμῶντος 8:16
ειϲελθων ειϲ τον οικον μου · προϲαναπαυϲομε αυτη ου γαρ εχει πικριαν · η ϲυναναϲτροφη αυτηϲ · ουδε οδυνην · η ϲυμβιωϲιϲ αυτηϲ : αλλα ευφροϲυνην · και χαραν ·
Σοφία Σαλoμῶντος 8:17
ταυτα λογιϲαμενοϲ εν εμαυτω · και φροντιϲαϲ εν καρδια μου · οτι αθαναϲια εϲτιν · ϲυγγενια ϲοφιαϲ
Σοφία Σαλoμῶντος 8:18
και εν φιλια αυτηϲ · τερψιϲ αγαθη και εν πονοιϲ χιρων αυτηϲ · τερψιϲ ανεκλιπηϲ και εν ϲυνγυμναϲια · ομιλιαϲ αυτηϲ φρονηϲιϲ και ευκλεια · εν κοινωνια λογων αυτηϲ ˙ περιηειν ζητων · οπωϲ αγαγω αυτην ειϲ εμαυτον ·
Σοφία Σαλoμῶντος 8:19
παιϲ δε ημην . ευφυηϲ ˙ ψυχηϲ τε ελαχον · αγαθηϲ ˙
Σοφία Σαλoμῶντος 8:20
μαλλον δε αγαθοϲ ων · ηλθον ειϲ ϲωμα αμιαντον
Σοφία Σαλoμῶντος 8:21
γνουϲ δε · οτι ουκ αλλωϲ εϲομαι εγκρατηϲ · εαν μη ο θϲ δω και τουτο δη φρονηϲεωϲ · το ειδεναι τινοϲ η χαριϲ ενετυχον τω κω . και εδεηθην αυτου και ειπον εξ οληϲ τηϲ καρδιαϲ μου ·
Σοφία Σαλoμῶντος 9:1
θεε πατερων · και κε του ελεουϲ ϲου · ο ποιηϲαϲ τα παντα εν λογω ϲου
Σοφία Σαλoμῶντος 9:2
και τη ϲοφια ϲου καταϲκευαϲαϲ ανον · ϊνα δεϲποζη · των υπο ϲου γενομενων κτιϲματων ·
Σοφία Σαλoμῶντος 9:3
και διεπη τον κοϲμον · εν οϲιοτητι και δικαιοϲυνη και εν ευθυτητι ψυχηϲ · κριϲιν κρινη ·
Σοφία Σαλoμῶντος 9:4
δοϲ μοι την των ϲων θρονων · παρεδρον ϲοφιαν και μη με αποδοκιμαϲηϲ · εκ παιδων ϲου
Σοφία Σαλoμῶντος 9:5
οτι εγω δουλοϲ ϲοϲ · και υϲ τηϲ παιδιϲκηϲ ϲου ανθρωποϲ αϲθενηϲ · και ολιγοχρονιοϲ και ελαϲϲων · εν ϲυνεϲει κριϲεωϲ και νομων
Σοφία Σαλoμῶντος 9:6
καν γαρ τιϲ η τελιοϲ εν ϋϊοιϲ ανθρωπων τηϲ απο ϲου ϲοφιαϲ απουϲηϲ · ουδεν λογιϲθηϲονται
Σοφία Σαλoμῶντος 9:7
ϲυ με προειλου · βαϲιλεα λαου ϲου · και δικαϲτην · υϊων ϲου και θυγατερων ·
Σοφία Σαλoμῶντος 9:8
ειπαϲ οι οικοδομηϲαι ναον . εν ορει αγιω ϲου και εν πολει καταϲκηνωϲεωϲ ϲου · θυϲιαϲτηριον μιμημα ϲκηνηϲ αγιαϲ · ην προητοιμαϲαϲ απ αρχηϲ
Σοφία Σαλoμῶντος 9:9
και μετα ϲου η ϲοφια · η ιδυϊα τα εργα ϲου και παρουϲα · οτε εποιειϲ τον κοϲμον και επιϲταμενη · τι αρεϲτον εν οφθαλμοιϲ ϲου · και τι ευθεϲ · εν εντολαιϲ ϲου ·
Σοφία Σαλoμῶντος 9:10
εξαποϲτιλον αυτην · εξ αγιων ουρανων και απο θρονου δοξηϲ ϲου · πεμψον αυτην ϊνα ϲυνπαρουϲα μοι · κοπιαϲη και γνω · τι ευαρεϲτον εϲτιν παρα ϲοι
Σοφία Σαλoμῶντος 9:11
οιδε γαρ εκεινη παντα · και ϲυνϊει · και οδηγηϲει με εν ταιϲ πραξεϲιν μου . ϲωφρονωϲ · και φυλαξει με · εν τη δοξη εαυτηϲ
Σοφία Σαλoμῶντος 9:12
και εϲται προϲδεκτα · τα εργα αυτου · και διακρινω τον λαον ϲου · δικαιωϲ ˙ και εϲομαι αξιοϲ · θρονου πατροϲ μου
Σοφία Σαλoμῶντος 9:13
τιϲ · γαρ ανθρωποϲ · γνωϲεται βουλην θυ ˙ η τιϲ ενθυμηθηϲεται · τι θελει ο κϲ ·
Σοφία Σαλoμῶντος 9:14
λογιϲμοι γαρ θνητων · διλοι και αι επιϲφαλιϲ · αι επινοιαι ημων ·
Σοφία Σαλoμῶντος 9:15
φθαρτον γαρ ϲωμα · βαρυνι ψυχην και βριθει το γεωδεϲ ϲκηνοϲ · νουν πολυφροντιδα ·
Σοφία Σαλoμῶντος 9:16
και μογιϲ · εικαζομεν τα επι γηϲ και τα εν ποϲιν · ευριϲκομεν μετα πονου ωᵨ τα δε εν ουρανοιϲ · τιϲ εξϊχνιαϲεν
Σοφία Σαλoμῶντος 9:17
βουλην δε ϲου τιϲ εγνω · ει μη ϲυ εδωκαϲ ϲοφιαν · και επεμψαϲ το αγιον ϲου πνα · απο ϋψηλων
Σοφία Σαλoμῶντος 9:18
και ουτωϲ διορθωθηϲαν · αι τριβοι των επι γηϲ και τα αρεϲτα ϲου · εδιδαχθηϲαν ανοι · και τη ϲοφια ϲου · εϲωθηϲαν
Σοφία Σαλoμῶντος 10:1
αυτη · πρωτοπλαϲτον πατερα κοϲμου · μονον κτιϲθεντα · διεφυλαξεν και εξειλατο αυτον · εκ παραπτωματοϲ ϊδιου
Σοφία Σαλoμῶντος 10:2
εδωκεν τε αυτω ϊϲχυν κρατηϲαι · παντων
Σοφία Σαλoμῶντος 10:3
αποϲταϲ δε απ αυτηϲ · αδικοϲ εν οργη αυτου · αδελφοκτονοιϲ · ϲυναπωλετο θυμοιϲ
Σοφία Σαλoμῶντος 10:4
διο κατακλυζομενην γην · παλιν εϲωϲεν ϲοφια δι ευτελουϲ ξυλου . τον δικαιον κυβερνηϲαϲα ·

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.