Codex Sinaiticus: Σοφία Σειράχ
- Σοφία Σειράχ 18:33
μη γεινου πτωχοϲ · ϲυμβολοκοπων εκ δανιϲμου · και ουδεν ϲοι εϲτιν . εν μαρϲιππιω
- Σοφία Σειράχ 19:1
εργατηϲ μεθυϲ · ου πλουτιϲθηϲεται · ο εξουθενων τα ολιγα ˙ κατα μικρον πεϲειται +
- Σοφία Σειράχ 19:2
οινοϲ και γυναικεϲ · αποϲτηϲουϲιν ϲυνετουϲ ˙ και ο κολλωμενοϲ πορναιϲ · τολμηροϲ εϲται ·
- Σοφία Σειράχ 19:3
ϲηπεϲ και ϲκωληκεϲ · κληρονομηϲουϲιν την γην και ψυχη τολμηρα · ϲ εξαρθηϲεται ·
- Σοφία Σειράχ 19:4
ταχυ εμπιϲτευων · κουφοϲ καρδια ˙ και ο αμαρτανων . ειϲ ψυχην αυτου πλημμελει ·
- Σοφία Σειράχ 19:5
ο ευφραινομενοϲ πονηρα καταγνωϲθηϲεται ·
- Σοφία Σειράχ 19:6
και ο μιϲων λαλιαν · ελαττουται κακια ˙
- Σοφία Σειράχ 19:7
μηποτε δευτερωϲηϲ λογον . και ουθεν ϲοι · ου μη ελαττονωθη ·
- Σοφία Σειράχ 19:8
εν φιλω και εχθρω . μη διηγου · + και ει μη εϲτιν ϲοι αμαρτια · μη αποκαλυπτε ·
- Σοφία Σειράχ 19:9
ακηκοα εν γαρ ϲου · και εφυλαξατο ϲε · και εν καιρω . μιϲηϲι ϲε ·
- Σοφία Σειράχ 19:10
ακηκοαϲ λεγων . ϲυναποθανετω ϲοι ˙ θαρϲει . ου μη ϲε ρηξει ·
- Σοφία Σειράχ 19:11
απο προϲωπου λογου · ωδινηϲει μωροϲ · ωϲ απο προϲωπου βρεφουϲ · η τικτουϲα
- Σοφία Σειράχ 19:12
βελοϲ πεπηγωϲ · εν μηρω ϲαρκοϲ · ουτωϲ λογοϲ · εν κοιλια μωρου ·
- Σοφία Σειράχ 19:13
ελεγξον φιλον · μηποτε ουκ εποιηϲεν · και ει τι εποιηϲεν · ϊνα μη προϲθη ·
- Σοφία Σειράχ 19:14
ελεγξον τον πληϲιον · μηποτε ουκ ειπεν · και η ειρηκεν · ϊνα μη δευτερωϲη ˙
- Σοφία Σειράχ 19:15
ελεγξον φιλον · πολλακιϲ γαρ γεινεται διαβολη + και μη παντι λογω . πιϲτευε ·
- Σοφία Σειράχ 19:16
εϲτιν ολιϲθανων · και ουκ απο ψυχηϲ ˙ και τιϲ ουκ ημαρτηϲεν . εν τη γλωϲϲη αυτου ·
- Σοφία Σειράχ 19:17
ελεγξον τον πληϲιον · πριν η απιληϲαι · και δοϲ τοπον · νομω ϋψιϲτου ·
- Σοφία Σειράχ 19:20
παϲα ϲοφια · φοβοϲ κυ · και εν παϲη · ϲοφια ˙ ποιηϲιϲ νομου ˙
- Σοφία Σειράχ 19:22
και ουκ εϲτιν ϲοφια · πονηριαϲ επιϲτημη · και ουκ εϲτιν βουλη αμαρτωλων . φρονηϲιϲ ·
- Σοφία Σειράχ 19:23
εϲτιν πονηρια · και αυτη βδελυγμα ˙ και εϲτιν αφρων . ελαττουμενοϲ ϲοφια ˙
- Σοφία Σειράχ 19:24
κριττων ηττωμενοϲ εν ϲυνεϲει + εμφοβοϲ ˙ η περιϲϲευων εν φρονηϲει . και παραβαινων νομον ·
- Σοφία Σειράχ 19:25
εϲτιν πανουργια ακριβηϲ · και αυτη αδικοϲ · και εϲτιν διαϲτρεφων · χαριν του εκφαναι κριμα ·
- Σοφία Σειράχ 19:26
εϲτιν πονηρευομενοϲ · ϲυνκεκυφωϲ μελανια ˙ και τα εντοϲ αυτου · πληρη δολου
- Σοφία Σειράχ 19:27
ϲυνκυφων προϲωπον · και ετεροκωφων ˙ οπου ουκ επεγνωϲθη · προφθαϲει ϲε ·
- Σοφία Σειράχ 19:28
εαν ϋπο ελαττωματοϲ ϊϲχυοϲ . κωλυθηϲ αμαρτιν εαν ευρη καιρον · κακοποιηϲει ˙
- Σοφία Σειράχ 19:29
απο οραϲεωϲ · επιγνωϲθηϲεται νοημων · + και απο απαντηϲεωϲ προϲωπου · επιγνωϲθηϲεται νοημων ˙
- Σοφία Σειράχ 19:30
ϲτολιϲμοϲ ανδροϲ · και γελωϲ οδοντων + και βηματα ανου · αναγγελει τα περι αυτου ·
- Σοφία Σειράχ 20:1
εϲτιν ελεγχοϲ · οϲ ουκ εϲτιν ωραιοϲ · και εϲτιν ϲιωπων . και αυτοϲ φρονιμοϲ ˙
- Σοφία Σειράχ 20:2
ωϲ καλον ελεγξαι . η θυμουϲθαι ˙
- Σοφία Σειράχ 20:3
και ο ανθομολογουμενοϲ · απο ελαττωϲεωϲ κωλυθηϲεται ˙ +
- Σοφία Σειράχ 20:4
επιθυμια ευνουχου · αποπαρθενωϲαι νεανιδα ˙ ουτωϲ ο ποιων βια κριματα ˙
- Σοφία Σειράχ 20:5
εϲτιν ϲιωπων · ευριϲκομενοϲ ϲοφοϲ · και εϲτιν μιϲητοϲ · απο πολληϲ λαλιαϲ ˙ +
- Σοφία Σειράχ 20:6
εϲτιν ϲιωπων . ου γαρ εχει αποκριϲιν ˙ εϲτιν ϲιωπων . ειδωϲ καιρον ·
- Σοφία Σειράχ 20:7
ανοϲ ϲοφοϲ · ϲιωπηϲει εωϲ καιρου · ο δε λαπιϲτηϲ και αφρων · υπερβηϲεται καιρω +
- Σοφία Σειράχ 20:8
ο πλεοναζων λογω . βδελυχθηϲεται ˙ και ο ενεξουϲιαζομενοϲ · μειϲηθηϲεται ˙
- Σοφία Σειράχ 20:9
εϲτιν ευοδια · εν κακοιϲ ανδρι ˙ και εϲτιν ευρεμα ˙ ειϲ ελαττωϲιν ˙
- Σοφία Σειράχ 20:10
εϲτιν δοϲιϲ · η ου λυϲιτεληϲει ϲοι ˙ και εϲτιν δοϲιϲ · ηϲ το ανταποδομα διπλουν ·
- Σοφία Σειράχ 20:11
εϲτιν ελαττωϲιϲ · ενεκεν δοξηϲ ˙ και εϲτιν . οϲ απο ταπινωϲεωϲ · ηρεν κεφαλην ˙
- Σοφία Σειράχ 20:12
εϲτιν αγοραζων πολλα · ολιγου ˙ και αποτιννυων αυτα · επταπλαϲια ˙
- Σοφία Σειράχ 20:13
ο ϲοφοϲ εν λογοιϲ · εαυτον προϲφιλη ποιηϲει · χαριτεϲ δε μωρων . εκχυθηϲονται · +
- Σοφία Σειράχ 20:14
δοϲιϲ αφρονοϲ · ου λυϲιτεληϲει ϲοι · οι γαρ οφθαλμοι αυτου · ανθ ενοϲ πολλοι ·
- Σοφία Σειράχ 20:15
ολιγα δωϲει · και πολλα ονιδιϲει ˙ και ανοιξει το ϲτομα αυτου · ωϲ κηρυξ ˙ ϲημερον δανιει · και αυριον απαιτηϲει ˙ μιϲητοϲ ανοϲ · ο τοιουτοϲ ˙
- Σοφία Σειράχ 20:16
μωροϲ ερει · ουχ υπαρχει μοι φιλοϲ ˙ και ουκ εϲτιν χαριϲ · τοιϲ αγαθοιϲ αυτου ˙
- Σοφία Σειράχ 20:17
οι εϲθοντεϲ τον αρτον μου · φαυλοι γλωϲϲηϲ ˙ ποϲακιϲ και οϲοι · καταγελαϲονται αυτου +
- Σοφία Σειράχ 20:18
ολιϲθημα απο εδαφουϲ μαλλον · η απο γλωϲϲηϲ ˙ ουτωϲ πτωϲιϲ κακων · κατα ϲπουδην ηξει ˙ +
- Σοφία Σειράχ 20:19
ανοϲ αχαριϲ · μυθοϲ ακαιροϲ · εν ϲτοματι απαιδευτου · ενδελεχιϲθηϲεται
- Σοφία Σειράχ 20:20
απο ϲτοματοϲ μωρου · αποδοκιμαϲθηϲεται παραβολη ˙ ου γαρ μη ειπη αυτην . εν καιρω αυτηϲ ·
- Σοφία Σειράχ 20:21
εϲτιν κωλυομενοϲ αμαρτανιν . απο ενδειαϲ ˙ και εν τη αναπαυϲει αυτου . ου κατανυγηϲεται ˙
- Σοφία Σειράχ 20:22
εϲτιν απολλυων την ψυχην αυτου · δι αιϲχυνην και απο αφρονοϲ προϲωπου · απολει αυτην ·
- Σοφία Σειράχ 20:23
εϲτιν χαριν αιϲχυνηϲ · επαγγελλομενοϲ φιλω και εκτηϲατο αυτον εχθρον δωρεαν ˙
- Σοφία Σειράχ 20:24
μωμοϲ πονηροϲ εν ανω . ψευδοϲ εν ϲτοματι απαιδευτων . ενδελεχιϲθηϲεται ˙
- Σοφία Σειράχ 20:25
αιρετον κλεπτηϲ · η ο ενδελεχιζων ψευδει ˙ αμφοτεροι δε · απωλιαν κληρονομηϲουϲιν ·
- Σοφία Σειράχ 20:26
ηθοϲ ανου ψευδουϲ · ατιμια ˙ και η αιϲχυνη αυτου · μετ αυτου ‾̷‾ ενδελεχωϲ ˙ λογοι παραβολων
- Σοφία Σειράχ 20:27
ο ϲοφοϲ εν λογοιϲ · προαξει εαυτον ˙ και ανοϲ φρονιμοϲ · αρεϲκει μεγιϲταϲιν ˙
- Σοφία Σειράχ 20:28
ο εργαζομενοϲ γην · ανϋψωϲει θιμωνιαν αυτου · και ο αρεϲκων μεγιϲταϲιν . εξιλαϲεται αδικιαν ·
- Σοφία Σειράχ 20:29
ξενια και δωρα · αποτυφλοι οφθαλμουϲ ϲοφων · και ωϲ φειμοϲ εν ϲτοματι · αποτρεπει ελεγμουϲ ˙
- Σοφία Σειράχ 20:30
ϲοφια κεκρυμμενη · και θηϲαυροϲ αφανηϲ ˙ τιϲ ωφελια εν αμφοτεροιϲ ·
- Σοφία Σειράχ 20:31
κριττων ανοϲ · αποκρυπτων την μωριαν αυτου η ανοϲ αποκαλυπτων . την ϲοφιαν αυτου ·
- Σοφία Σειράχ 21:1
τεκνον ημαρτεϲ · μη προϲθηϲ μηκετι ˙ και περι των προτερων ϲου · δεηθητι ˙
- Σοφία Σειράχ 21:2
ωϲ απο προϲωπου οφεωϲ · φευγε απο αμαρτιαϲ · εαν γαρ προϲελθηϲ · δηξεται ϲε ˙ οδοντεϲ λεοντεϲ · οι οδοντεϲ αυτηϲ ˙ αναιρουντεϲ · ψυχαϲ ανων ˙
- Σοφία Σειράχ 21:3
ωϲ ρομφαια διϲτομοϲ · παϲα ανομια ˙ τη πληγη αυτηϲ · ουκ εϲτιν ϊαϲιϲ ˙
- Σοφία Σειράχ 21:4
καταπληγμοϲ και υβριϲ · ερημωϲουϲιν πλουτον ˙ ουτωϲ οικοϲ υπερηφανου . ερημωθηϲεται ·
- Σοφία Σειράχ 21:5
δεηϲιϲ πτωχου εκ ϲτοματοϲ · εωϲ ωτιων αυτου · και το κριμα αυτου · κατα ϲπουδην ερχεται ˙
- Σοφία Σειράχ 21:6
μιϲων ελεγμον · εν ϊχνει αμαρτωλου και ο φοβουμενοϲ κν . επιϲτρεψει εν καρδια ˙
- Σοφία Σειράχ 21:7
γνωϲτοϲ μακροθεν ο δυνατοϲ · εν γλωϲϲη ˙ ο δε νοημων οιδεν . εν τω ολιϲθανειν αυτον ·
- Σοφία Σειράχ 21:8
ο οικοδομων την οικιαν αυτου · εν χρημαϲιν αλλοτριοιϲ ˙ ωϲ ο ϲυναγων τουϲ λιθουϲ αυτου · ειϲ χιμωνα ·
- Σοφία Σειράχ 21:9
ϲτιππυον ϲυνηγμενον . ϲυναγωγη ανομων ˙ και η ϲυντελεια αυτων . φλοξ πυροϲ ˙
- Σοφία Σειράχ 21:10
οδοϲ αμαρτωλων . ωμαλιϲμενη εκ λιθων · και επ εϲχατου αυτηϲ · βοθροϲ αδου ˙
- Σοφία Σειράχ 21:11
ο φυλαϲϲων νομον . κατακρατηϲει και ϲυντελια του φοβου κυ . ϲοφια ·
- Σοφία Σειράχ 21:12
ου παιδευθηϲεται . οϲ ουκ εϲτιν πανουργοϲ ˙ εϲτιν δε πανουργια · πληθυνουϲα πικριαν ·
- Σοφία Σειράχ 21:13
γνωϲιϲ ϲοφου . ωϲ κατακλυϲμοϲ . πληθυνθηϲεται · και η βουλη αυτου . ωϲ πηγη ζωηϲ ·
- Σοφία Σειράχ 21:14
εγκατα μωρου . ωϲ αγγιον ϲυντετριμμενον · και παϲαν γνωϲιν . ου κρατηϲει ˙
- Σοφία Σειράχ 21:15
λογον ϲοφον εαν ακουϲη επιϲτημων · αινεϲει αυτον · και επ αυτον προϲθηϲει · ηκουϲεν ο ϲπαταλων · και απηρεϲεν αυτω · και απεϲτρεψεν αυτον . οπιϲω του νωτου αυτου · +
- Σοφία Σειράχ 21:16
εξηγηϲιϲ μωρου · εν οδω φορτιον ˙ επι δε χιλουϲ ϲυνετου · ευρεθηϲεται χαριϲ +
- Σοφία Σειράχ 21:17
ϲτομα δε φρονιμου · ζητηθηϲεται εν εκκληϲια · και τουϲ λογουϲ αυτου · διανοηθηϲονται εν καρδια +
- Σοφία Σειράχ 21:18
ωϲ οικοϲ ηφανιϲμενοϲ · ουτωϲ μωρω ϲοφια · και γνωϲιϲ ϲυνετου · αδιεξεταϲτοι λογοι ·
- Σοφία Σειράχ 21:19
πεδαι εν ποϲιν · ανοητου παιδια · και χειροπεδαι . επι χειροϲ δεξιαϲ · +
- Σοφία Σειράχ 21:20
μωροϲ εν γελωτι · ανϋψοι την φωνην αυτου · ανηρ δε πανουργοϲ · μολιϲ ηϲυχῆ μηδιαϲει ·
- Σοφία Σειράχ 21:21
ωϲ κοϲμοϲ χρυϲουϲ · φρονιμω παιδια · και ωϲ χλειδων . επι βραχειονι δεξιω · +
- Σοφία Σειράχ 21:22
πουϲ μωρου · ταχυϲ ειϲ οικιαν · ανοϲ δε πολυπιροϲ · αιϲχυνθηϲεται απο προϲωπου +
- Σοφία Σειράχ 21:23
αφρων · απο θυραϲ παρακυπτει ειϲ οικιαν · ανηρ δε πεπεδευμενοϲ · εξω ϲτηϲεται ·
- Σοφία Σειράχ 21:24
απαιδευϲια ανου · ακροαϲαϲθαι παρα θυραν · ο δε φρονιμοϲ · βαρυνθηϲεται ατιμιαν ·
- Σοφία Σειράχ 21:25
χειλη αλλοτριων · εν ταυτοιϲ διηγηϲονται · λογοι δε φρονιμων . εν ζυγω ϲταθηϲονται
- Σοφία Σειράχ 21:26
εν ϲτοματι μωρων · η καρδια αυτων · καρδια δε ϲοφων . ϲτομα αυτων ˙
- Σοφία Σειράχ 21:27
εν τω καταραϲθαι τον αϲεβη . τον ϲαταναν αυτοϲ καταραται · την εαυτου ψυχην ·
- Σοφία Σειράχ 21:28
μολυνι την εαυτου ψυχην . ο ψιθυριζων · και εν παροικηϲει . μιϲηθηϲεται ˙
- Σοφία Σειράχ 22:1
λιθω ηρδαλωμενω ϲυνεβληθη οκνηροϲ και παϲ εκϲυριει . επι τη ατιμια αυτου ˙
- Σοφία Σειράχ 22:2
βολβιτω · κοπριω . ϲυνεβληθη οκνηροϲ παϲ ο αναιρουμενοϲ αυτον . εκτιναξει χιρα +
- Σοφία Σειράχ 22:3
αιϲχυνη πατροϲ · εν γεννηϲει απαιδευτου ˙ θυγατηρ δε · επ ελαττωϲει γινεται ˙
- Σοφία Σειράχ 22:4
θυγατηρ φρονιμη · κληρονομηϲει ανδρα εαυτηϲ ˙ και η καταιϲχυνουϲα · ειϲ λυπην εν γεννηϲαντοϲ ·
- Σοφία Σειράχ 22:5
πατερα και ανδρα · καταιϲχυνει η θραϲια · και υπο αμφοτερων · ατιμαϲθηϲεται ˙
- Σοφία Σειράχ 22:6
μουϲικα εν πενθει · ακαιροϲ διηγηϲιϲ · μαϲτιγεϲ δε και παιδια · εν παντι καιρω ϲοφια ·
- Σοφία Σειράχ 22:9
ϲυνκολλων οϲτρακων · ο διδαϲκων μωρον · εξεγειρων καθευδοντα · εκ βαθεοϲ υπνου ˙
- Σοφία Σειράχ 22:10
διηγουμενοϲ νυϲταζοντι . ο διηγουμενοϲ μωρω ˙ + και επι ϲυντελια ερει · τι εϲτιν ˙
- Σοφία Σειράχ 22:11
επι νεκρω κλαυϲον . εξελιπεν γαρ φωϲ · και επι μωρω κλαυϲον . εξελιπεν γαρ ϲυνεϲιν · ηδειον κλαυϲον επι νεκρω . οτι ανεπαυϲατο ˙ του γαρ μωρου υπερ θανατον . η ζωη πονηρα ·
- Σοφία Σειράχ 22:12
πενθοϲ νεκρου . επτα ημεραι ˙ μωρου δε και αϲεβουϲ · παϲαι αι ημεραι τηϲ ζωηϲ αυτου · +
- Σοφία Σειράχ 22:13
μετα αφρονοϲ · μη πληθυνηϲ λογον · και προϲ αϲυνετον · μη πορευου · φυλαξαι απ αυτου . ϊνα μη κοπον εχηϲ · και ου μη μολυνθηϲ · εν τω εντιναγμω αυτου + εκκλινον απ αυτου · και ευρηϲειϲ αναπαυϲιν ˙ και ου μη ακηδιαϲειϲ · εν τη απονοια αυτου ˙
- Σοφία Σειράχ 22:14
ϋπερ μολιβον . τι βαρυνθηϲεται ˙ και τι ονομα αυτω · αλλ η μωροϲ ˙
- Σοφία Σειράχ 22:15
αμμον και αλα και βωλον ϲιδηρουν ευκοπον υπενεγκειν . η ανον αϲυνετον ·
← Previous · Next → — showing 501–600 of 1,401
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.