Codex Sinaiticus: Πρὸς Ρωμαίους
- Πρὸς Ρωμαίους 11:22
ϊδε ουν χρηϲτοτητα και αποτομιαν θυ · επι μεν τουϲ πεϲονταϲ αποτομια επι δε ϲε χρηϲτοτητοϲ θυ ˙ εαν επιμενηϲ τη χρηϲτοτητι ˙ επει και ϲυ εκκοπηϲη ·
- Πρὸς Ρωμαίους 11:23
κακεινοι δε ˙ εαν μη επιμενωϲιν τη απιϲτια ενκεντριϲθηϲονται · δυνατοϲ γαρ εϲτιν ο θϲ παλιν ενκεντριϲαι αυτουϲ ·
- Πρὸς Ρωμαίους 11:24
ει γαρ ϲυ εκ τηϲ κατα φυϲιν εξεκοπηϲ αγριελαι̇ου και παρα φυϲιν ενεκεντριϲθηϲ ειϲ καλλιελαιον · ποϲω μαλλον ουτοι οι κατα φυϲιν · ενκεντριϲθηϲονται τη ϊδια ελαια ⁖
- Πρὸς Ρωμαίους 11:25
ου θελω γαρ ϋμαϲ αγνοειν αδελφοι · το μυϲτηριον τουτο ˙ ϊνα μη ητε παρ εαυτοιϲ φρονιμοι · οτι πωρωϲιϲ απο μερουϲ τω ιηλ γεγονεν · αχριϲ ου το πληρωμα των εθνων ειϲελθη ·
- Πρὸς Ρωμαίους 11:26
και ουτω παϲ ιηλ ϲωθηϲεται · καθωϲ γεγραπται · ηξει εκ ϲιων ο ρυομενοϲ · αποϲτρεψει αϲεβιαϲ απο ιακωβ ·
- Πρὸς Ρωμαίους 11:27
και αυτη αυτοιϲ · η παρ εμου διαθηκη ˙ οταν αφελωμαι ταϲ αμαρτιαϲ αυτων ·
- Πρὸς Ρωμαίους 11:28
κατα μεν το ευαγγελιον εχθροι δι υμαϲ · κατα δε την εκλογην αγαπητοι δια τουϲ πρϲ
- Πρὸς Ρωμαίους 11:29
αμεταμελητα γαρ τα χαριϲματα · και η κληϲιϲ του θυ ·
- Πρὸς Ρωμαίους 11:31
ουτωϲ και ουτοι νυν ˙ ηπιθηϲαν τω υμετερω ελεει · ϊνα και νυν ελεηθωϲιν ˙
- Πρὸς Ρωμαίους 11:32
ϲυνεκλιϲεν γαρ ο θϲ τουϲ πανταϲ ειϲ απιθιαν · ϊνα τουϲ πανταϲ ελεηϲη ·
- Πρὸς Ρωμαίους 11:33
ω βαθοϲ πλουτου και ϲοφιαϲ · και γνωϲεωϲ θυ ˙ ωϲ ανεξεραυνητα τα κριματα αυτου · και ανεξιχνιαϲτοι αι οδοι αυτου ·
- Πρὸς Ρωμαίους 11:34
τιϲ γαρ εγνω νουν κυ ˙ η τιϲ ϲυμβουλοϲ αυτου εγενετο ˙
- Πρὸς Ρωμαίους 11:35
η τιϲ προεδωκεν αυτω ˙ και ανταποδοθηϲετε αυτω ˙
- Πρὸς Ρωμαίους 11:36
οτι εξ αυτου και δι αυτου · και ειϲ αυτον τα παντα · αυτω η δοξα ειϲ τουϲ αιωναϲ αμην ⁖
- Πρὸς Ρωμαίους 12:1
παρακαλω ουν υμαϲ αδελφοι δια των οικτιρμων του θυ ˙ παραϲτηϲαι τα ϲωματα ϋμων θυϲιαν ζωϲαν αγιαν ˙ τω θω ˙ ευαρεϲτον την λογικην λατριαν ϋμων ·
- Πρὸς Ρωμαίους 12:2
και μη ϲυνϲχηματιζεϲθε τω αιωνι τουτω ˙ αλλα μεταμορφουϲθαι τη ανακαινωϲει του νοοϲ ϋμων ˙ ειϲ το δοκιμαζειν υμαϲ τι το θελημα του θυ · το αγαθον και ευαρεϲτον ˙ και τελειον ·
- Πρὸς Ρωμαίους 12:3
λεγω γαρ δια τηϲ χαριτοϲ τηϲ δοθιϲηϲ μοι ˙ παντι τω οντι εν υμιν ˙ μη ϋπερφρονιν παρ ο δει φρονιν ˙ αλλα φρονιν ειϲ το ϲωφρονιν ˙ εκαϲτω ωϲ ο θϲ εμεριϲεν μετρον πιϲτεωϲ ⁖
- Πρὸς Ρωμαίους 12:4
καθαπερ γαρ εν ενι ϲωματι ˙ πολλα μελη εχομεν · τα δε μελη παντα ˙ ου την αυτην εχει πραξιν ˙
- Πρὸς Ρωμαίους 12:5
ουτωϲ οι πολλοι εν ϲωμα εϲμεν εν χω : το δε καθ ιϲ · αλληλων μελη ⁖
- Πρὸς Ρωμαίους 12:6
εχοντεϲ δε χαριϲματα ˙ κατα την χαριν την δοθιϲαν ημιν · διαφορα ˙ ειτε προφητιαν κατα την αναλογιαν τηϲ πιϲτεωϲ ˙
- Πρὸς Ρωμαίους 12:7
ειτε διακονιαν ˙ εν τη διακονια · ειτε ο διδαϲκων εν τη διδαϲκαλια ·
- Πρὸς Ρωμαίους 12:8
ειτε ο παρακαλων εν τη παρακληϲει · ο μεταδιδουϲ εν απλοτητι · ο προϊϲτανομενοϲ εν ϲπουδη · ο ελαιων εν ιλαροτητι ·
- Πρὸς Ρωμαίους 12:9
η αγαπη ανυποκριτοϲ ˙ αποϲτυγουντεϲ το πονηρον · κολλωμενοι τω αγαθω ·
- Πρὸς Ρωμαίους 12:10
τη φιλαδελφια ˙ ειϲ αλληλουϲ · φιλοϲτοργοι · τη τιμη · αλληλουϲ προηγουμενοι ·
- Πρὸς Ρωμαίους 12:11
τη ϲπουδη μη οκνηροι · τω πνι ζεοντεϲ · τω κω δουλευοντεϲ ·
- Πρὸς Ρωμαίους 12:12
τη ελπιδι χαιροντεϲ · τη θλιψι ϋπομενονντεϲ · τη προϲευχη προϲκαρτερουντεϲ ·
- Πρὸς Ρωμαίους 12:13
ταιϲ χριαιϲ των αγιων κοινωνουντεϲ · την φιλοξενιαν διωκοντεϲ ·
- Πρὸς Ρωμαίους 12:14
ευλογειτε τουϲ διωκονταϲ ϋμαϲ · ευλογειτε και μη καταραϲθε ⁖
- Πρὸς Ρωμαίους 12:15
χαιρειν μετα χαιροντων · κλαιειν μετα κλαιοντων ·
- Πρὸς Ρωμαίους 12:16
το αυτο ειϲ αλληλουϲ φρονουντεϲ · μη τα υψηλα φρονουντεϲ · αλλα τοιϲ ταπινοιϲ ϲυναπαγομενοι · μη γινεϲθαι φρονιμοι παρ εαυτοιϲ ·
- Πρὸς Ρωμαίους 12:17
μηδενι κακον αντι κακου αποδιδοντεϲ προνοουμενοι καλα ˙ ενωπιον παντων ανθρωπων ·
- Πρὸς Ρωμαίους 12:18
ει δυνατον το εξ υμων ˙ μετα παντων ανθρωπων ειρηνευοντεϲ ·
- Πρὸς Ρωμαίους 12:19
μη εαυτουϲ εκδικουντεϲ αγαπητοι · αλλα δοτε τοπον τη οργη ˙ γεγραπται γαρ ˙ εμοι εκδικηϲειϲ · εγω ανταποδωϲω λεγει κϲ ·
- Πρὸς Ρωμαίους 12:20
αλλ εαν πινα ο εχθροϲ ϲου , ψωμιζε αυτον · εαν διψα ποτιζε αυτον · τουτο γαρ ποιων · ανθρακαϲ πυροϲ ϲωρευϲειϲ επι την κεφαλην αυτου ·
- Πρὸς Ρωμαίους 12:21
μη νικω ϋπο του κακου ˙ αλλα νικα εν τω αγαθω το κακον ⁖
- Πρὸς Ρωμαίους 13:1
παϲα ψυχη εξουϲιαιϲ υπερεχουϲαιϲ ϋποταϲϲεϲθω ˙ ου γαρ εϲτιν εξουϲια ει μη ϋπο θυ · αι δε ουϲαι ϋπο θυ τεταγμεναι ειϲιν ·
- Πρὸς Ρωμαίους 13:2
ωϲτε ο αντιταϲϲομενοϲ τη εξουϲια ˙ τη του θυ διαταγη ανθεϲτηκεν · οι δε ανθεϲτηκοτεϲ εαυτοιϲ κριμα λημψονται ·
- Πρὸς Ρωμαίους 13:3
οι γαρ αρχοντεϲ ουκ ειϲιν φοβοϲ τω αγαθω εργω αλλα τω κακω ˙ θελειϲ δε μη φοβειϲθε την εξουϲιαν το αγαθον ποιει ˙ και εξιϲ επαινον εξ αυτηϲ ·
- Πρὸς Ρωμαίους 13:4
θυ γαρ διακονοϲ εϲτιν ϲοι ειϲ το αγαθον · εαν δε το κακον ποιηϲ φοβου ˙ ου γαρ εικη την μαχαιραν φορει ˙ θυ γαρ διακονοϲ εϲτιν ειϲ οργην εκδικοϲ · τω το κακον πραϲϲοντι ·
- Πρὸς Ρωμαίους 13:5
διο αναγκη ϋποταϲϲεϲθαι ˙ ου μονον δια την οργην ˙ αλλα και δια την ϲυνιδηϲιν ·
- Πρὸς Ρωμαίους 13:6
δια τουτο γαρ και φορουϲ τελειτε ˙ λιτουργοι γαρ θυ ειϲιν ˙ ειϲ αυτο τουτο προϲκαρτερουντεϲ ·
- Πρὸς Ρωμαίους 13:7
αποδοτε παϲι ταϲ οφιλαϲ · τω τον φορον τον φορον · τω το τελοϲ το τελοϲ · τω τον φοβον τον φοβον · τω την τιμην την τιμην ·
- Πρὸς Ρωμαίους 13:8
μηδενι μηδεν οφιλοντεϲ ει μη το αλληλουϲ αγαπαν · ο γαρ αγαπων τον ετερον ˙ νομον πεπληρωκεν ·
- Πρὸς Ρωμαίους 13:9
το γαρ ου μοιχευϲιϲ · ου φονευϲειϲ · ου κλεψειϲ · ου ψευδομαρτυρηϲιϲ · ουκ επιθυμηϲειϲ · και ει τιϲ ετερα εϲτιν εντολη ˙ εν τω λογω τουτω ανακεφαλαιουται ˙ εν τω αγαπηϲιϲ τον πληϲιον ϲου ωϲ ϲεαυτον ·
- Πρὸς Ρωμαίους 13:10
η αγαπη τω πληϲιον κακον ουκ εργαζεται · πληρωμα ουν νομου η αγαπη ·
- Πρὸς Ρωμαίους 13:11
και τουτο ειδοτεϲ · τον καιρον ˙ οτι ωρα ˙ ηδη ϋμαϲ εξ υπνου εγερθηναι · νυν γαρ · εγγυτερον ημων η ϲωτηρια · η οτε επιϲτευϲαμεν ˙
- Πρὸς Ρωμαίους 13:12
η νυξ προεκοψεν η δε ημερα ηγγικεν · αποθωμεθα ουν τα εργα του ϲκοτουϲ ενδυϲωμεθα τα οπλα του φωτοϲ ·
- Πρὸς Ρωμαίους 13:13
ωϲ εν ημερα ευϲχημονωϲ περιπατηϲωμεν · ‾‾ μη κωμοιϲ · και μεθαιϲ · ‾‾ μη κοιταιϲ · και αϲελγιαιϲ · ‾‾ μη εριδι και ζηλω · ‾‾
- Πρὸς Ρωμαίους 13:14
αλλ ενδυϲαϲθε τον κν ιν χν · και τηϲ ϲαρκοϲ προνοιαν μη ποιειϲθαι ειϲ επιθυμιαϲ ·
- Πρὸς Ρωμαίους 14:1
τον δε αϲθενουντα τη πιϲτι προϲλαμβανεϲθε μη ειϲ διακριϲειϲ διαλογιϲμων ˙
- Πρὸς Ρωμαίους 14:2
οϲ μεν πιϲτευει φαγιν παντα ˙ ο δε αϲθενων λαχανα εϲθιει ·
- Πρὸς Ρωμαίους 14:3
ο εϲθιων ˙ τον μη εϲθιοντα μη εξουθενιτω · ο δε μη εϲθιων · τον εϲθιοντα · μη κρινετω · ο θϲ γαρ αυτον προϲελαβετο ˙
- Πρὸς Ρωμαίους 14:4
ϲυ τιϲ ει · ο κρινων αλλοτριον οικετην τω ϊδιω κω ϲτηκει ˙ η πιπτει · ϲταθηϲεται δε ˙ δυνατι γαρ ο κϲ ϲτηϲαι αυτον ·
- Πρὸς Ρωμαίους 14:5
οϲ μεν γαρ κρινει ημεραν παρ ημεραν · οϲ δε κρινει παϲαν ημεραν · εκαϲτοϲ εν τω ϊδιω νοει πληροφοριϲθω ⁖
- Πρὸς Ρωμαίους 14:6
ο φρονων την ημεραν κω φρονει · και ο εϲθιων · κω εϲθιει ˙ ευχαριϲτι γαρ τω θω · και ο μη εϲθιων · κω ουκ εϲθιει · και ευχαριϲτι τω θω ·
- Πρὸς Ρωμαίους 14:7
ουδιϲ γαρ ημων εαυτω ζη ˙ και ουδιϲ εαυτω αποθνηϲκι ·
- Πρὸς Ρωμαίους 14:8
εαν τε γαρ ζωμεν · τω κω ζωμεν · εαν τε αποθνηϲκωμεν , τω κω αποθνηϲκωμεν · εαν τε ουν ζωμεν · εαν τε αποθνηϲκωμεν · του κυ εϲμεν ˙
- Πρὸς Ρωμαίους 14:9
ειϲ τουτο γαρ χϲ · απεθανεν και εζηϲεν · ϊνα και νεκρων ˙ και ζωντων κυριευϲη ⁖
- Πρὸς Ρωμαίους 14:10
ϲυ δε τι κρινειϲ τον αδελφον ϲου · η και ϲυ τι εξουθενιϲ τον αδελφον ˙ ϲου ˙ παντεϲ γαρ παραϲτηϲομεθα τω βηματι του θυ ·
- Πρὸς Ρωμαίους 14:11
γεγραπται γαρ · ζω εγω λεγει κϲ · οτι εμοι καμψει παν γονυ · και παϲα γλωϲϲα εξομολογηϲεται τω θω ˙
- Πρὸς Ρωμαίους 14:12
αρα ουν εκαϲτοϲ ημων περι εαυτου λογον δωϲει τω θω ·
- Πρὸς Ρωμαίους 14:13
μηκετι ουν αλληλουϲ κρινωμεν · αλλα τουτο κρινατε μαλλον · το μη τιθεναι προϲκομμα · τω αδελφω η ϲκανδαλον ·
- Πρὸς Ρωμαίους 14:14
οιδα και πεπιϲμαι · εν κω ιυν ˙ οτι ουδεν κοινον ˙ δι εαυτου · ει μη τω λογιζομενω τι κοινον ˙ ειναι εκεινω κοινον ·
- Πρὸς Ρωμαίους 14:15
ει γαρ δια βρωμα ο αδελφοϲ ϲου λυπειται ˙ ουκετι κατα αγαπην περιπατειϲ · μη τω βρωματι ϲου εκεινον απολλυε · ϋπερ ου χϲ απεθανεν ˙
- Πρὸς Ρωμαίους 14:16
μη βλαϲφημιϲθω ουν υμων το αγαθον ·
- Πρὸς Ρωμαίους 14:17
ου γαρ εϲτιν η βαϲιλεια του θυ βρωϲιϲ και ποϲιϲ · αλλα δικαιοϲυνη · και ειρηνη · και χαρα εν πνι αγιω ˙
- Πρὸς Ρωμαίους 14:18
ο γαρ εν τουτω δουλευων · τω χω ευαρεϲτοϲ · τω θω και δοκιμοϲ τοιϲ ανθρωποιϲ ·
- Πρὸς Ρωμαίους 14:19
αρα ουν τα τηϲ ειρηνηϲ διωκομεν · και τα τηϲ οικοδομηϲ τηϲ ειϲ αλληλουϲ ·
- Πρὸς Ρωμαίους 14:20
μη ενεκεν βρωματοϲ απολλυε το εργον του θυ ˙ παντα μεν καθαρα αλλα κακον τω ανθρωπω ˙ τω δια προϲκομματοϲ εϲθιοντι ˙
- Πρὸς Ρωμαίους 14:21
καλον το μη φαγειν κρεα ˙ μηδε πιειν οινον · μηδε εν ω ο αδελφοϲ ϲου λυπειται ·
- Πρὸς Ρωμαίους 14:22
ϲυ πιϲτιν ην εχειϲ · κατα ϲεαυτον εχε μακαριοϲ ο μη κρινων εαυτον ˙ εν ω δοκιμαζει ˙
- Πρὸς Ρωμαίους 14:23
ο δε διακρινομενοϲ εαν φαγη κατακεκριται ˙ οτι ουκ εκ πιϲτεωϲ αμαρτια εϲτιν ·
- Πρὸς Ρωμαίους 15:1
οφιλομεν δε ημιϲ οι δυνατοι · τα αϲθενηματα των αδυνατων βαϲταζειν · και μη εαυτοιϲ αρεϲκιν ˙
- Πρὸς Ρωμαίους 15:2
εκαϲτοϲ ημων τω πληϲιον αρεϲκετω προϲ οικοδομην ·
- Πρὸς Ρωμαίους 15:3
και γαρ ο χϲ ουχ εαυτω ηρεϲεν · αλλα καθωϲ γεγραπται ˙ οι ονιδιϲμοι των ονιδειζοντων ϲε ˙ επεπεϲαν επ εμε ·
- Πρὸς Ρωμαίους 15:4
οϲα γαρ προεγραφη · ειϲ την ημετεραν διδαϲκαλιαν εγραφη ˙ ϊνα δια τηϲ ϋπομονηϲ · και δια τηϲ παρακληϲεωϲ · των γραφων την ελπιδα εχωμεν ·
- Πρὸς Ρωμαίους 15:5
ο δε θϲ τηϲ ϋπομονηϲ · και τηϲ παρακληϲεωϲ · δωη ϋμιν · το αυτο φρονιν εν αλληλοιϲ · κατα ιν χν .
- Πρὸς Ρωμαίους 15:6
ϊνα ομοθυμαδον · εν ενι ϲτοματι δοξαζητε τον θν ˙ και πρα του κυ ημων ιυ χυ ·
- Πρὸς Ρωμαίους 15:7
διο προϲλαμβανεϲθαι αλληλουϲ καθωϲ και ο χϲ προϲελαβετο ϋμαϲ ειϲ δοξαν του θυ
- Πρὸς Ρωμαίους 15:8
λεγω γαρ χν διακονον γεγενηϲθαι περιτομηϲ ϋπερ αληθιαϲ θυ ειϲ το βεβαιωϲαι ταϲ επαγγελιαϲ των πατερων
- Πρὸς Ρωμαίους 15:9
τα δε εθνη ϋπερ ελεουϲ δοξαϲαι τον θν καθωϲ γεγραπται ˙ δια του προφητου εξομολογηϲομαι ϲοι εν εθνεϲιν και τω ονοματι ϲου ψαλω
- Πρὸς Ρωμαίους 15:10
και παλιν λεγει ευφρανθητε εθνη μετα του λαου αυτου
- Πρὸς Ρωμαίους 15:11
και παλιν αινειται παντα τα εθνη τον κν και επαινεϲατωϲαν αυτον παντεϲ οι λαοι
- Πρὸς Ρωμαίους 15:12
και παλιν λεγει ηϲαϊαϲ εϲται η ριζα του ϊεϲϲαι και ο ανιϲτανομενοϲ αρχειν εθνων επ αυτω εθνη ελπιουϲιν .
- Πρὸς Ρωμαίους 15:13
ο δε θϲ τηϲ ελπιδοϲ πληρωϲαι ϋμαϲ παϲηϲ χαραϲ και ειρηνηϲ εν τω πιϲτευειν ειϲ το περιϲϲευειν ϋμαϲ εν τη ελπιδι εν δυναμι πνϲ αγιου
- Πρὸς Ρωμαίους 15:14
πεπιϲμαι δε αδελφοι μου και αυτοϲ εγω περι ϋμων οτι και αυτοι μεϲτοι εϲτε αγαθωϲυνηϲ πεπληρωμενοι παϲηϲ τηϲ γνωϲεωϲ δυναμενοι και αλληλουϲ νουθετειν
- Πρὸς Ρωμαίους 15:15
τολμηροτερον δε εγραψα υμιν απο μερουϲ ωϲ επαναμιμνηϲκων . ϋμαϲ δια την χαριν την δοθιϲαν μοι . απο του θυ
- Πρὸς Ρωμαίους 15:16
ειϲ το ειναι με λιτουργον χυν ιυ ειϲ τα εθνη ϊερουργουντα το ευαγγελιον του θυ ϊνα γενηται η προϲφορα των εθνων ευπροϲδεκτοϲ ηγιαϲμενη εν πνι αγιω
- Πρὸς Ρωμαίους 15:17
εχω ουν καυχηϲιν εν χω ιυ τα προϲ τον θν ·
- Πρὸς Ρωμαίους 15:18
ου γαρ τολμηϲω τι λαλιν ων ου κατειργαϲατο χϲ δι εμου ειϲ ϋπακοην εθνων λογω και εργω
- Πρὸς Ρωμαίους 15:19
εν δυναμει ϲημειων και τερατων εν δυναμει πνϲ θυ ωϲτε με απο ιηλμ και κυκλω μεχρι του ιλλυρικου πεπληρωκεναι το ευαγγελιον του χυ ·
- Πρὸς Ρωμαίους 15:20
ουτωϲ δε φιλοτιμουμενον ευαγγελιζεϲθαι ουχ οπου ωνομαϲθη χϲ ινα μη επ αλλοτριον θεμελιον οικοδομω
- Πρὸς Ρωμαίους 15:21
αλλα καθωϲ γεγραπται οιϲ ουκ ανηγγελλη περι αυτου οψονται και οι ουκ ακηκοαϲιν ϲυνηϲουϲιν
- Πρὸς Ρωμαίους 15:22
διο και ενεκοπτομην τα πολλα του ελθιν προϲ υμαϲ
- Πρὸς Ρωμαίους 15:23
νυνϊ δε μηκετι τοπον εχων εν τοιϲ κλιμαϲι τουτοιϲ επιποθιαν δε εχων του ελθιν προϲ υμαϲ απο πολλων ετων
- Πρὸς Ρωμαίους 15:24
ωϲ αν πορευωμαι ειϲ την ϲπανιαν ελπιζω γαρ διαπορευομενοϲ θεαϲαϲθαι υμαϲ και ϋφ υμων προπεμφθηναι εκει εαν ϋμων πρωτον απο μερουϲ εμπληϲθω
- Πρὸς Ρωμαίους 15:25
νυνϊ δε πορευομαι ειϲ ιηλμ διακονηϲων τοιϲ αγιοιϲ
- Πρὸς Ρωμαίους 15:26
ηϋδοκηϲαν γαρ μακαιδονια και αχαϊα κοινωνιαν τινα ποιηϲαϲθαι ειϲ τουϲ πτωχουϲ · των αγιων των εν ιηλμ
- Πρὸς Ρωμαίους 15:27
ηϋδοκηϲαν γαρ και οφιλεται ειϲιν αυτων ει γαρ τοιϲ πνικοιϲ αυτων εκοινωνηϲαν τα εθνη οφιλουϲιν και εν τοιϲ ϲαρκικοιϲ λιτουργηϲαι αυτοιϲ
- Πρὸς Ρωμαίους 15:28
τουτο ουν επιτελεϲαϲ και ϲφραγιϲαμενοιϲ αυτοιϲ τον καρπον τουτον απελευϲομαι δι υμων ειϲ ϲπανιαν
← Previous · Next → — showing 301–400 of 431
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.