← All works

Codex Sinaiticus: Ἀποκάλυψις Ἰωάννου

Codex Sinaiticus · 405 sections

1. Ἀποκάλυψις Ἰωάννου 18:4

   και ηκουϲα αλλην φωνην εκ του ουνου λεγουϲαν εξελθαται ο λαοϲ μου εξ αυτηϲ ινα μη ϲυνκοινωνηϲηται ταιϲ αμαρτιαιϲ αυτηϲ και εκ των πληγων αυτηϲ ϊνα μη λαβηται

2. Ἀποκάλυψις Ἰωάννου 18:5

   οτι εκολληθηϲαν αυτηϲ αι αμαρτιαι αχρι του ουνου και εμνημονευϲεν ο θϲ τα αδικηματα αυτηϲ

3. Ἀποκάλυψις Ἰωάννου 18:6

   αποδοτε αυτη ωϲ και αυτη απεδωκεν διπλωϲατε τα διπλα κατα τα εργα αυτηϲ εν τω ποτηριω αυτηϲ ω εκεραϲεν κεραϲαται αυτη διπλουν

4. Ἀποκάλυψις Ἰωάννου 18:7

   οϲα εδοξαϲεν αυτην και εϲτρηνιαϲεν τοϲουτον δοτε αυτη βαϲανιϲμον και πενθοϲ οτι εν τη καρδια αυτηϲ λεγει οτι καθημε βαϲιλιϲϲα και χηρα ουκ ειμι και πενθοϲ ου μη ειδω

5. Ἀποκάλυψις Ἰωάννου 18:8

   δια τουτο εν μια ημερα ηξουϲιν αι πληγαι αυτηϲ θανατοϲ και πενθοϲ και λιμοϲ και εν πυρι κατακαυθηϲεται οτι ιϲχυροϲ ο θϲ ο κϲ ο κριναϲ αυτην

6. Ἀποκάλυψις Ἰωάννου 18:9

   και κλαυϲονται και κοψονται επ αυτην οι βαϲιλειϲ τηϲ γηϲ οι μετ αυτηϲ πορνευϲαντεϲ οταν ϊδωϲιν τον καπνον τηϲ πτωϲεωϲ αυτηϲ

7. Ἀποκάλυψις Ἰωάννου 18:10

   απο μακροθεν εϲτηκοτεϲ δια τον φοβον του βαϲανιϲμου αυτηϲ λεγοντεϲ ουαι ουαι η πολιϲ η μεγαλη βαβυλων η πολιϲ η ϊϲχυρα οτι μια ωρα ηλθεν η κριϲιϲ ϲου

8. Ἀποκάλυψις Ἰωάννου 18:11

   και οι εμποροι τηϲ γηϲ ϲου κλαιουϲιν και πενθουϲιν επ αυτην οτι τον γομον αυτων ουδειϲ αγοραζει ουκετι

9. Ἀποκάλυψις Ἰωάννου 18:12

   γομον χρυϲου και αργυρου και λιθου τιμιου και μαργαριτων και βυϲϲινων και πορφυραϲ και ϲιρικου και κοκκινου και παν ξυλον θυϊνον και παν ϲκευοϲ ελεφαντινον και παν ϲκευοϲ εκ ξυλου τιμιωτατου · και χαλκου και ϲιδηρου

10. Ἀποκάλυψις Ἰωάννου 18:13

    και κινναμωμου · και αμωμον και θυμιαματα και μυρον και λιβανον · και οινον και ελαιον και ϲεμιδαλιν και ϲιτον και κτηνη και προβατα και ιππων και ρεδων και ϲωματων · και ψυχαϲ ανων

11. Ἀποκάλυψις Ἰωάννου 18:14

    και η οπωρα ϲου τηϲ επιθυμιαϲ τηϲ ψυχηϲ απηλθεν απο ϲου και παντα τα ριπαρα και λαμπρα απωλοντο απο ϲου και ουκετι ου μη αυτα ευρηϲουϲιν

12. Ἀποκάλυψις Ἰωάννου 18:15

    οι εμποροι τουτων οι πλουτηϲαντεϲ απ αυτηϲ απο μακροθεν ϲτηϲονται δια τον φοβον του βαϲανιϲμου αυτηϲ κλαιοντεϲ και πενθουντεϲ

13. Ἀποκάλυψις Ἰωάννου 18:16

    λεγοντεϲ ουαι ουαι · η πολιϲ μενη βυϲϲινον και πορφυρουν και κοκκινον και κεχρυϲωμενον εν χρυϲω και λιθω τιμιω και μαργαριτη

14. Ἀποκάλυψις Ἰωάννου 18:17

    οτι μια ωρα ηρημωθη ο τοϲουτοϲ πλουτοϲ και παϲ κυβερνητηϲ και παϲ ο επι τον τοπον πλεων και ναυται και οϲοι την θαλαϲϲαν εργαζονται απο μακροθεν εϲτηϲαν

15. Ἀποκάλυψις Ἰωάννου 18:18

    και εκραζον λεγοντεϲ τον καπνον τηϲ πυρωϲεωϲ αυτηϲ λεγοντεϲ τιϲ ομοια τη πολι τη μεγαλη

16. Ἀποκάλυψις Ἰωάννου 18:19

    και εβαλον χουν επι τηϲ κεφαληϲ αυτων και εκραζον κλαιοντεϲ και πενθουντεϲ λεγοντεϲ ουαι η πολιϲ η μεγαλη εν η επλουτηϲαν παντεϲ οι εχοντεϲ τα πλοια εν τη θαλαϲϲη εκ τηϲ τιμιοτητοϲ αυτηϲ οτι μια ωρα ηρημωθη

17. Ἀποκάλυψις Ἰωάννου 18:20

    ευφρενου επ αυτη ουραναι και οι αγιοι · και οι αποϲτολοι και οι προφηται οτι εκρινεν ο θϲ το κριμα υμων εξ αυτηϲ ·

18. Ἀποκάλυψις Ἰωάννου 18:21

    και ηρεν ειϲ αγγελοϲ λιθον ϊϲχυρον ωϲ λιθον μεγαν και εβαλεν ειϲ την θαλαϲϲαν λεγων οτι ουτωϲ ορμηματι βληθηϲεται βαβυλων η μεγαλη πολιϲ και ου μη ευρεθη ετι εν αυτη

19. Ἀποκάλυψις Ἰωάννου 18:22

    φωνη κιθαρωδων · και μουϲικων και αυλητων και ϲαλπιγγων ου μη ακουϲθη εν ϲοι ετι και παϲ τεχνιτηϲ ου μη ευρεθη εν ϲοι ετι

20. Ἀποκάλυψις Ἰωάννου 18:23

    και φωϲ λυχνου ου μη φανη εν ϲοι ετι · και φωνην νυμφιου και νυμφηϲ ου μη ακουϲθη εν ϲοι ετι οτι οι εμποροι ϲου ηϲαν οι μεγιϲτανεϲ τηϲ γηϲ οτι εν τη φαρμακια ϲου επλανηθηϲαν παντα τα εθνη

21. Ἀποκάλυψις Ἰωάννου 18:24

    και εν αυτη αιμα προφητων και αγιων ευρεθη και παντων των εϲφαγμενων επι τηϲ γηϲ

22. Ἀποκάλυψις Ἰωάννου 19:1

    μετα ταυτα ηκουϲα ωϲ φωνην μεγαλην οχλου πολλου εν τω ουνω λεγοντων αλληλουϊα η ϲωτηρια και η δυναμιϲ του θυ ημων

23. Ἀποκάλυψις Ἰωάννου 19:2

    οτι αληθιναι και δικαιαι αι κριϲειϲ αυτου οτι εκρινεν την πορνν την μεγαλην ητιϲ εφθιρεν την γην εν τη πορνια αυτηϲ και εξεδικηϲεν το αιμα των δουλων αυτηϲ εκ χιροϲ αυτηϲ

24. Ἀποκάλυψις Ἰωάννου 19:3

    και δευτερον ειρηκαν αλληλουϊα και ο καπνοϲ αυτηϲ αναβαινει ειϲ τουϲ αιωναϲ των αιωνων

25. Ἀποκάλυψις Ἰωάννου 19:4

    και επεϲαν οι πρεϲβυτεροι οι εικοϲι τεϲϲαρεϲ και τα τεϲϲερα και προϲεκυνηϲαν τω θω τω καθημενω επι τω θρονω λεγοντεϲ αμην αλληλουϊα

26. Ἀποκάλυψις Ἰωάννου 19:5

    και φωναι εξηλθον εκ του θρονου λεγουϲαι αινειται τω θω ημων παντεϲ οι δουλοι αυτου οι φοβουμενοι αυτον οι μικροι και οι μεγαλοι

27. Ἀποκάλυψις Ἰωάννου 19:6

    και ηκουϲα ωϲ φωνην οχλου πολλου και ωϲ φωνην υδατων πολλων και ωϲ φωνην βροντων ιϲχυρων λεγουϲων αλληλουϊα · οτι εβαϲιλευϲεν ο θϲ ο κϲ ημων ο παντοκρατωρ

28. Ἀποκάλυψις Ἰωάννου 19:7

    χαιρωμεν και αγαλλιωμεν και δωμεν την δοξαν αυτων οτι ηλθεν ο γαμοϲ του αρνιου και η γυνη αυτου ητοιμαϲεν εαυτην

29. Ἀποκάλυψις Ἰωάννου 19:8

    και εδοθη αυτη ϊνα περιβαληται βυϲϲινον λαμπρον καθαρον το γαρ βυϲϲινον τα δικαιωματα των αγιων εϲτιν

30. Ἀποκάλυψις Ἰωάννου 19:9

    και λεγε μοι γραψον · μακαριοι οι ειϲ το διπνον του αρνιου κεκλημενοι ουτοι οι λογοι μου αληθινοι ειϲιν του θυ

31. Ἀποκάλυψις Ἰωάννου 19:10

    και επεϲα εμπροϲθεν των ποδων αυτου προϲκυνηϲαι αυτω και λεγει μοι ορα μη ϲυνδουλοϲ ϲου ειμι και των αδελφων των εχοντων την μαρτυριαν ιυ τω θω προϲκυνηϲον η γαρ μαρτυρια ιυ εϲτιν το πνα τηϲ προφητιαϲ

32. Ἀποκάλυψις Ἰωάννου 19:11

    και ειδον τον ουνον ηνεωγμενον και ιδου ϊπποϲ λευκοϲ και ο καθημενοϲ επ αυτον πιϲτοϲ καλουμενοϲ και αληθινοϲ και εν δικαιοϲυνη κρινει και πολεμι

33. Ἀποκάλυψις Ἰωάννου 19:12

    οι δε οι οφθαλμοι αυτου φλοξ πυροϲ και επι την κεφαλην αυτου διαδηματα πολλα εχων ονομα οιδεν η μη αυτοϲ

34. Ἀποκάλυψις Ἰωάννου 19:13

    και περιβεβλημενοϲ ϊματιον περιρεραμμενον αιματι και κεκλη το ονομα αυτου ο λογοϲ του θυ

35. Ἀποκάλυψις Ἰωάννου 19:14

    και τα ϲτρατευματα εν τω ουνω ηκολουθι αυτω εφ ιπποιϲ λευκοιϲ ενδεδυμενοιϲ βυϲϲινον λευκον και καθαρον

36. Ἀποκάλυψις Ἰωάννου 19:15

    και εκ του ϲτοματοϲ αυτου εκπορευεται ρομφαια οξεια ϊνα εν αυτη παταξει τα εθνη και αυτοϲ ποιμανει αυτουϲ εν ραβδω ϲιδηρα και αυτοϲ πατει την ληνον του οινου τηϲ οργηϲ του θυμου του θυ του παντοκρατοροϲ

37. Ἀποκάλυψις Ἰωάννου 19:16

    και εχει επι το ϊματιον και τον μηρον αυτου ονομα γεγραμμενον βαϲιλευϲ βαϲιλεων και κϲ κων

38. Ἀποκάλυψις Ἰωάννου 19:17

    και ειδον αλλον αγγελον εϲτωτα εν τω ηλιω και εκραξεν εν φωνη μεγαλη λεγων παϲιν τοιϲ ορνεοιϲ τοιϲ πετομενοιϲ εν μεϲουρανηματι δευτε ϲυναχθητε ειϲ το διπνον το μεγα του θυ

39. Ἀποκάλυψις Ἰωάννου 19:18

    ϊνα φαγηται ϲαρκαϲ βαϲιλεων και ϲαρκαϲ χιλιαρχων και ϲαρκαϲ ϊϲχυρων και ϲαρκαϲ ϊππων και των καθημενων επ αυτοιϲ και ϲαρκαϲ παντων ελευθερων τε και δουλων και μικρων και των μεγαλων

40. Ἀποκάλυψις Ἰωάννου 19:19

    και ιδον το θηριον και τουϲ βαϲιλειϲ τηϲ γηϲ κατα τα ϲτρατευματα αυτων ϲυνηγμενα ποιηϲαι τον πολεμον μετα του καθημενου επι του ιππου και μετα του ϲτρατευματοϲ αυτου

41. Ἀποκάλυψις Ἰωάννου 19:20

    και επιαϲθη το θηριον και μετ αυτου ο ψευδοπροφητηϲ ο ποιηϲαϲ τα ϲημια ενωπιον αυτου εν οιϲ επλανηϲεν τουϲ λαβονταϲ το χαραγμα του θηριου και τουϲ προϲκυνουνταϲ την εικονα αυτου ζωντεϲ εβληθηϲαν οι δυο ειϲ την λιμνην του πυροϲ τηϲ κεομενηϲ εν θιω

42. Ἀποκάλυψις Ἰωάννου 19:21

    και οι λοιποι απεκτανθηϲαν εν τη ρομφαια του καθημενου επι του ϊππου τη εξελθουϲη εκ του ϲτοματοϲ αυτου και παντα τα ορνεα εχορταϲθηϲαν εκ των ϲαρκων αυτων

43. Ἀποκάλυψις Ἰωάννου 20:1

    και ειδον αγγε καταβαινοντα εχοντα την κλιν τηϲ αβυϲϲου και αλυϲεϲιν μεγαλην εν τη χειρι αυτου

44. Ἀποκάλυψις Ἰωάννου 20:2

    και εκρατηϲεν τον δρακοντα τον οφιν τον αρχαιον ο εϲτιν ο διαβολοϲ και ο ϲαταναϲ και εδηϲεν αυτον

45. Ἀποκάλυψις Ἰωάννου 20:3

    ειϲ την αβυϲϲον και εκλιϲεν και εϲφραγιϲεν επανω αυτου ϊνα μη πλανηϲει ετι τα εθνη αχρι τελεϲθη τα χιλια ετη μετα ταυτα δι αυτον λυθηναι μικρον χρονον

46. Ἀποκάλυψις Ἰωάννου 20:4

    και ειδον θρονουϲ και εκαθιϲαν επ αυτουϲ και κριμα εδοθη αυτοιϲ και ταϲ ψυχαϲ των πεπελεκιϲμενων δια την μαρτυριαν ιυ και δια τον λογον του θυ · ειτινεϲ ουν προϲεκυνηϲαν το θηριον ουδε την εικονα αυτου και ουκ ελαβον το χαραγμα επι το μετωπον και επι την χειρα αυτων και εζηϲαν και εβαϲιλευϲαν μετα του χυ χιλια ετη

47. Ἀποκάλυψις Ἰωάννου 20:5

    αυτη η αναϲταϲιϲ η πρωτη

48. Ἀποκάλυψις Ἰωάννου 20:6

    μακαριοϲ και αγιοϲ ο εχων μεροϲ εν τη αναϲταϲι τη πρωτη επι τουτων ο δευτεροϲ θανατοϲ ουκ εχει εξουϲιαν αλλα εϲονται ϊερειϲ και του θυ και του χυ και βαϲιλευϲουϲιν μετ αυτου τα χιλια ετη

49. Ἀποκάλυψις Ἰωάννου 20:7

    και οταν τελεϲθηϲε τα χιλια ετη λυθηϲεται ο ϲαταναϲ εκ τηϲ φυλακηϲ αυτου

50. Ἀποκάλυψις Ἰωάννου 20:8

    και εξελευϲεται πλανηϲαι παντα τα εθνη εν ταιϲ τετραϲι γωνιαιϲ τωγ και μαγωγ και ϲυναγαγειν αυτουϲ ειϲ τον πολεμον ων ο αριθμοϲ αυτων ωϲ η αμμοϲ τηϲ θαλαϲϲηϲ

51. Ἀποκάλυψις Ἰωάννου 20:9

    και ανεβηϲαν επι το πλατοϲ τηϲ γηϲ και εκυκλωϲαν την παρεμβολην των αγιων και την πολιν την ηγαπημενην και κατεβη

52. Ἀποκάλυψις Ἰωάννου 20:10

    του πυροϲ και του θιου οπου το θηριον και οπου ο ψευδοπροφητηϲ και βαϲανιϲθηϲονται ημεραϲ και νυκτοϲ ειϲ τουϲ αιωναϲ των αιωνων

53. Ἀποκάλυψις Ἰωάννου 20:11

    και ειδον θρονον μεγαν λευκον και τον καθημενον επανω αυτου ου απο του προϲωπου εφυγεν η γη και ο ουνοϲ και τοποϲ ουχ ευρεθη αυτοιϲ

54. Ἀποκάλυψις Ἰωάννου 20:12

    και ειδον τουϲ νεκρουϲ και μεγαλουϲ και τουϲ μικρουϲ εϲτωταϲ επι του θρονου και βιβλια ηνεωχθη ο εϲτιν τηϲ ζωηϲ και εκριθηϲαν οι νεκροι εκ των γεγραμμενων εν ταιϲ βιβλοιϲ κατα τα εργα αυτων

55. Ἀποκάλυψις Ἰωάννου 20:13

    και εδωκεν η θαλαϲϲα τουϲ νεκρουϲ τουϲ εν αυτη και οντα θανατοϲ και ο αδηϲ εδωκαν τουϲ νεκρουϲ τουϲ εν αυτοιϲ και κατεκριθηϲαν εκαϲτοϲ κατα τα εργα αυτων

56. Ἀποκάλυψις Ἰωάννου 20:14

    και ο θανατοϲ και ο αδηϲ εβληθηϲαν ειϲ την λιμνην του πυροϲ και ουτοϲ ο δευτεροϲ θανατοϲ εϲτιν η λιμνη του πυροϲ

57. Ἀποκάλυψις Ἰωάννου 20:15

    και ει τιϲ ουχ ευρεθηϲεται εν τη βιβλω τηϲ ζωηϲ γεγραμμενοϲ εβληθη ειϲ την λιμνην του πυροϲ

58. Ἀποκάλυψις Ἰωάννου 21:1

    και ειδον ουνον κενον και γην κενην ο γαρ πρωτοϲ ουνοϲ και η πρωτη γη απηλθαν και η θαλαϲϲα ουκ εϲτιν ετι

59. Ἀποκάλυψις Ἰωάννου 21:2

    και την πολιν την αγιαν ϊηλμʼ κενην ειδον καταβαινουϲαν εκ του ουνου απο του θυ ητοιμαϲμενην ωϲ νυμφην κεκοϲμημενην τω ανδρι αυτηϲ

60. Ἀποκάλυψις Ἰωάννου 21:3

    και φωνη μεγαλη εκ του θρονου λεγουϲα ϊδου η ϲκηνη του θυ μετα των ανων και εϲκηνωϲεν μετ αυτων και αυτοι λαοι αυτου εϲονται αυτοϲ ο θϲ εϲται μετ αυτων

61. Ἀποκάλυψις Ἰωάννου 21:4

    και εξαλιψει παν δρακυ εκ των οφθαλμων αυτων και ο θανατοϲ ουκ εϲται ετι ουτε κραυγη ουτε πενθοϲ ουκ εϲται ετι τα προβατα απηλθεν

62. Ἀποκάλυψις Ἰωάννου 21:5

    και ειπεν ο καθημενοϲ επι τω θρονω ιδου κενα ποιω παντα και λεγει μοι γραψον οτι ουτοι οι λογοι πιϲτοι και αληθινοι ειϲιν

63. Ἀποκάλυψις Ἰωάννου 21:6

    και λεγει μοι γεγονα εγω το αλφα και το ων η αρχη και το τελοϲ εγω τω διψωντι δωϲω εκ τηϲ πηγηϲ του ϋδατοϲ τηϲ ζωηϲ δωρεαϲ

64. Ἀποκάλυψις Ἰωάννου 21:7

    ο νικων κληρονομηϲι ταυτα και εϲομαι αυτω θϲ και αυτοϲ εϲται μου υϲ

65. Ἀποκάλυψις Ἰωάννου 21:8

    τοιϲ δε ωϲ διλοιϲ και απιϲτοιϲ και εβδελυγμενοιϲ και π φονευϲει και πορνοιϲ και φαρμακοιϲ ˙ και ϊδωλολατραιϲ και παϲιν τοιϲ ψευδεϲιν το μεροϲ αυτων εν τη λιμνη τη καιομενη πυρι και θιω ο εϲτιν ο θανατοϲ ο δευτεροϲ

66. Ἀποκάλυψις Ἰωάννου 21:9

    και ηλθεν ειϲ εκ των επτα αγγελων των εχοντων ταϲ επτα φιαλαϲ των γεμοντων των επτα πληγων των εϲχατων και ελαληϲεν μετ εμου λεγων δευρο διξω ϲοι την νυμφην την γυναικα του αρνιου

67. Ἀποκάλυψις Ἰωάννου 21:10

    και απηνεγκεν με εν πνι επι οροϲ μεγα και ϋψηλον και εδιξεν μοι την πολιν την αγιαν ιηλμ καταβαινουϲαν εκ του ουνου απο του θυ

68. Ἀποκάλυψις Ἰωάννου 21:11

    εχουϲαν την δοξαν απο του θυ ο φωϲτηρ αυτηϲ ομοιοϲ λιθω τιμιωτατω ωϲ λιθω ιαϲπιδι κρυϲταλλιζοντι

69. Ἀποκάλυψις Ἰωάννου 21:12

    εχοντι τιχοϲ μεγα και ϋψηλον εχονταϲ πυλωναϲ δωδεκα και επι τουϲ πυλωναϲ αγγελουϲ ιβ και ονοματα αυτων γεγραμμενα α εϲτιν των ιβ φυλων ϋϊων ιϲλ

70. Ἀποκάλυψις Ἰωάννου 21:13

    απο ανατοληϲ πυλωνεϲ τρειϲ · και απο βορρα πυλωνεϲ γν · και απο βορρα πυλωνεϲ γν · και απο νοτου πυλωνεϲ τρειϲ ·

71. Ἀποκάλυψις Ἰωάννου 21:14

    και το τιχοϲ τηϲ πολεωϲ θεμελιουϲ ιβ και επ αυτων δωδεκα ονοματα των ιβ αποϲτολων του αρνιου

72. Ἀποκάλυψις Ἰωάννου 21:15

    και ο λαλων μετ εμου ειχεν μετρον καλαμον χρυϲουν ϊνα μετρηϲη την πολιν και τουϲ πυλωναϲ αυτηϲ και το τειχοϲ αυτηϲ

73. Ἀποκάλυψις Ἰωάννου 21:16

    και η πολιϲ αυτηϲ τετραγωνοϲ κειται και το μηκοϲ οϲον το πλατοϲ και εμετρηϲεν την πολιν τω καλαμω επι ϲταδιων δωδεκα χιλιαδων το μηκοϲ και το πλατοϲ και το ϋψοϲ αυτηϲ ειϲα εϲτιν

74. Ἀποκάλυψις Ἰωάννου 21:17

    και εμετρηϲεν το χιλοϲ αυτηϲ εκατον μδ πηχεων μετρον ανου ο εϲτιν αγγελου

75. Ἀποκάλυψις Ἰωάννου 21:18

    και ην ενδωμαϲι του τιχουϲ αυτηϲ ειαϲπιϲ και η πολιϲ χρυϲιον καθαρον ομοιον ϋαλω καθαρω

76. Ἀποκάλυψις Ἰωάννου 21:19

    και οι θεμελιοι του τιχουϲ τηϲ πολεωϲ παντι λιθω τιμιω κεκοϲμημενοι ο θεμελιοϲ ο ειϲ ϊαϲπιϲ και ο δευτεροϲ ϲαπφειροϲ · και ο γν χαλκηδων · ο δν ϲμαραγδοϲ ·

77. Ἀποκάλυψις Ἰωάννου 21:20

    ο εν ϲαρδονυξʼ · ο ϛν ϲαρδιον · ο ζν χρυϲολιθοϲ · ο ην βηρυλλοϲ · ο ε θν τοπαδιον · ο ιν χρυϲοπραϲοϲ ο ια υακινθοϲ ο ιβ αμεθυϲτινοϲ

78. Ἀποκάλυψις Ἰωάννου 21:21

    και οι ιβ πυλωνεϲ μαργαρειται ανα ειϲ εκαϲτοϲ των πυλωνων ων ην εξ ενοϲ μαργαριτου και η πλατια τηϲ πολεωϲ χρυϲιον καθαρον ωϲ υαλοϲ δι αυτηϲ

79. Ἀποκάλυψις Ἰωάννου 21:22

    και ναον ουκ ειδον εν αυτη οτι ο κϲ ο θϲ ο παντοκρατωρ ναοϲ αυτηϲ εϲτιν και το αρνιον

80. Ἀποκάλυψις Ἰωάννου 21:23

    και η πολιϲ ου χριαν εχει του ηλιου ουδε τηϲ ϲεληνηϲ ϊνα φαινωϲιν αυτη η γαρ δοξα του θυ εφωτιϲεν αυτην και ο λυχνοϲ αυτηϲ το αρνιον

81. Ἀποκάλυψις Ἰωάννου 21:24

    και περιπατηϲουϲιν δ τα εθνη δια του φωτοϲ αυτηϲ και οι βαϲιλειϲ τηϲ γηϲ φερουϲιν την δοξαν αυτων ειϲ αυτην

82. Ἀποκάλυψις Ἰωάννου 21:25

    και οι πυλωνεϲ αυτηϲ ου μη κλειϲθωϲιν ημερα νυξʼ γαρ ουκ εϲτε εκει

83. Ἀποκάλυψις Ἰωάννου 21:26

    και οιϲουϲιν την δοξαν και την τιμην των εθνων ειϲ αυτην

84. Ἀποκάλυψις Ἰωάννου 21:27

    και ου μη ειϲελθωϲιν ειϲ αυτην παν κοινον και ο ποιωϲει βδελυγμα και ψευδοϲ ει μη οι γεγραμμενοι εν τω βιβλιω τηϲ ζωηϲ του ουνου

85. Ἀποκάλυψις Ἰωάννου 22:1

    και εδιξεν μοι ποταμον υδατοϲ ζωηϲ λαμπρον ωϲ κρυϲταλλον εκπορευομενον εκ θρονου του θυ και του αρνιου

86. Ἀποκάλυψις Ἰωάννου 22:2

    εν μεϲω τηϲ πλατιαϲ αυτηϲ και του ποταμου ενθεν και ποιουν καρπουϲ ιβ κατα μηνα εκαϲτον αποδιδουϲ τουϲ καρπουϲ αυτου και τα φυλλα των ξυλων ειϲ θεραπειαν εθνων

87. Ἀποκάλυψις Ἰωάννου 22:3

    και παν καταγμα ουκ εϲται και θρονοϲ του θυ και του αρνιου εν αυτη εϲται και οι δουλοι αυτου λατρευϲουϲιν αυτω

88. Ἀποκάλυψις Ἰωάννου 22:4

    και οψονται το προϲωπον αυτου και το ονομα αυτου και επι των μετωπων αυτων

89. Ἀποκάλυψις Ἰωάννου 22:5

    και νυξ ουκ εϲται ετι και ουκ εχουϲιν χρειαν φωτοϲ λυχνου και φωτοϲ ηλιου οτι κϲ ο θϲ φωτιει επ αυτουϲ και βαϲιλευϲουϲιν ειϲ τουϲ αιωναϲ των αιωνων ·

90. Ἀποκάλυψις Ἰωάννου 22:6

    και ειπεν μοι ουτοι οι λογοι πιϲτοι και αληθινοι · και ο κϲ ο θϲ των πνατων των προφητων απεϲτιλεν με τον αγγελον αυτου διξαι τοιϲ δουλοιϲ αυτου α δι γενεϲθαι εν ταχει

91. Ἀποκάλυψις Ἰωάννου 22:7

    και ϊδου ερχομαι ταχυ · μακαριοϲ ο τηρων τουϲ λογουϲ τηϲ προφηταϲ του βιβλιου τουτου

92. Ἀποκάλυψις Ἰωάννου 22:8

    καγω ϊωαννηϲ ο βλεπων και ακουων ταυτα και οτε ηκουϲα και εβλεψα επεϲα προϲκυνηϲαι εμπροϲθεν των ποδων του αγγελου του δικνυντοϲ μοι ταυτα

93. Ἀποκάλυψις Ἰωάννου 22:9

    και λεγει μοι ορα μη ϲυνδουλοϲ ϲου ειμι και των αδελφων ϲου των προφητων και των τηρουντων τουϲ λογουϲ του βιβλιου τουτου τω θω προϲκυνηϲον

94. Ἀποκάλυψις Ἰωάννου 22:10

    και λεγει μοι μη ϲφραγιϲηϲ τουϲ λογουϲ τουτουϲ τηϲ προφητειαϲ του βιβλιου τουτου ο καιροϲ γαρ ενγυϲ εϲτιν

95. Ἀποκάλυψις Ἰωάννου 22:11

    ο αδικων αδικηϲατω ετι · και ο ρυπαροϲ ρυπανθητω ετι · και ο δικαιοϲ δικαιοϲυνην ποιηϲατω ετι και ο αγιοϲ αγιαϲθητω ετι

96. Ἀποκάλυψις Ἰωάννου 22:12

    ϊδου ερχομαι ταχυ και ο μιϲθοϲ μου μετ εμου αποδοθηναι εκαϲτω ωϲ το εργον εϲτιν αυτου

97. Ἀποκάλυψις Ἰωάννου 22:13

    εγω το αλφα και το ων ο πρωτοϲ και ο εϲχατοϲ η αρχη και το τελοϲ

98. Ἀποκάλυψις Ἰωάννου 22:14

    μακαριοι οι πλυνοντεϲ ταϲ ϲτολαϲ αυτων ϊνα εϲται η εξουϲια αυτων ωϲ δε η εξουϲια επι το ξυλον τηϲ ζωηϲ και τοιϲ πυλωϲιν ειϲελθωϲιν ειϲ την πολιν

99. Ἀποκάλυψις Ἰωάννου 22:15

    εξω οι κυνεϲ · και οι φαρμακοι · και οι πορνοι · και οι φονειϲ και οι ϊδωλολατραι και παϲ ποιων και φιλων ψευδοϲ

100. Ἀποκάλυψις Ἰωάννου 22:16

     εγω ιϲ επεμψα τον αγγελον μου μαρτυρηϲαι υμιν ταυτα επι ταιϲ εκκληϲιαιϲ εγω ειμι η ριζα και το γενοϲ δαδ ο αϲτηρ ο λαμπροϲ ο πρωινοϲ

← Previous · Next → — showing 301–400 of 405

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.