← All works

Codex Sinaiticus: Ψαλμοί

Codex Sinaiticus · 2,530 sections

1. Ψαλμοί 21:24

   οι φοβουμενοι κν αινεϲατε αυτον απαν το ϲπερμα ϊακωβ δοξαϲατε αυτον φοβηθητωϲαν αυτον απαν το ϲπερμα ϊϲραηλ

2. Ψαλμοί 21:25

   οτι ουκ εξουδενωϲεν ουδε προϲωχθιϲεν τη δεηϲει του πτωχου ουδε απεϲτρεψεν το προϲωπον αυτου απ εμου και εν τω κεκραγεναι με προϲ αυτον ειϲηκουϲεν μου

3. Ψαλμοί 21:26

   παρα ϲου ο επαινοϲ μου εν εκκληϲια μεγαλη ταϲ ευχαϲ μου αποδωϲω ενωπιον των φοβουμενων αυτον

4. Ψαλμοί 21:27

   φαγονται πενητεϲ και εμπληϲθηϲονται και αινεϲουϲιν κν οι εκζητουντεϲ αυτον ζηϲονται αι καρδιαι αυτων ειϲ αιωνα αιωνοϲ

5. Ψαλμοί 21:28

   μνηϲθηϲονται και επιϲτραφηϲονται προϲ κν παντα τα περατα τηϲ γηϲ και προϲκυνηϲουϲιν ενωπιον αυτου παϲαι αι πατριαι των εθνων

6. Ψαλμοί 21:29

   οτι του κυ η βαϲιλεια και αυτοϲ δεϲποζει των εθνων

7. Ψαλμοί 21:30

   εφαγον και προϲεκυνηϲαν παντεϲ οι πιονεϲ τηϲ γηϲ ενωπιον αυτου προπεϲουνται παντεϲ οι καταβαινοντεϲ ειϲ την γην και η ψυχη μου αυτω ζη

8. Ψαλμοί 21:31

   και το ϲπερμα μου δουλευϲει αυτω αναγγεληϲεται τω κω γενεα η ερχομενη

9. Ψαλμοί 21:32

   και αναγγελουϲιν την δικαιοϲυνην ‾̷‾ αυτου λαω τω τεχθηϲομενω ον εποιηϲεν κϲ

10. Ψαλμοί 22:1

    ψαλμοϲ τω δαυειδʼ κϲ ποιμανει με και ουδεν με ου μη υϲτερηϲη

11. Ψαλμοί 22:2

    ειϲ τοπον χλοηϲ εκει με κατεϲκηνωϲεν επι υδατοϲ αναπαυϲεωϲ εξεθρεψεν με

12. Ψαλμοί 22:3

    την ψυχην μου επεϲτρεψεν ωδηγηϲεν με επι τριβουϲ δικαιοϲυνηϲ ενεκεν του ονοματοϲ αυτου

13. Ψαλμοί 22:4

    εαν γαρ και πορευθω εν μεϲω ϲκιαϲ θανατου ου φοβηθηϲομαι κακα οτι ϲυ μετ εμου ει η ραβδοϲ ϲου και η βακτηρια ϲου αυται με παρεκαλεϲαν

14. Ψαλμοί 22:5

    ητοιμαϲαϲ ενωπιον μου τραπεζαν εξ εναντιαϲ των θλιβοντων με ελιπαναϲ εν ελαιω την κεφαλην μου και το ποτηριον ϲου μεθυϲκον ωϲ κρατιϲτον

15. Ψαλμοί 22:6

    και το ελεοϲ ϲου καταδιωξεται με παϲαϲ ταϲ ημεραϲ τηϲ ζωηϲ μου και το κατοικειν με εν οικω κυ ειϲ ‾̷‾ μακροτητα ημερων

16. Ψαλμοί 23:1

    ψαλμοϲ τω δαυειδʼ του κυ η γη και το πληρωμα αυτηϲ η οικουμενη και παντεϲ οι κατοικουντεϲ εν αυτη

17. Ψαλμοί 23:2

    αυτοϲ επι θαλαϲϲων εθεμελιωϲεν αυτην και επι ποταμων ητοιμαϲεν αυτην

18. Ψαλμοί 23:3

    τιϲ αναβηϲεται ειϲ το οροϲ του κυ και τιϲ ϲτηϲεται εν τοπω αγιω αυτου

19. Ψαλμοί 23:4

    αθωοϲ χερϲιν και καθαροϲ τη καρδια οϲ ουκ ελαβεν επι ματαιω την ψυχην αυτου και ουκ ωμοϲεν επι δολω τω πληϲιον

20. Ψαλμοί 23:5

    ουτοϲ λημψεται ευλογιαν παρα κυ και ελεημοϲυνην παρα θυ ϲωτηροϲ αυτου

21. Ψαλμοί 23:6

    αυτη η γενεα ζητουντων αυτον ζητουντων το προϲωπον του θυ ιακωβʼ διαψαλμα

22. Ψαλμοί 23:7

    αρατε πυλαϲ οι αρχοντεϲ ϋμων και επαρθητε πυλαι αιωνιοι και ειϲελευϲεται ο βαϲιλευϲ τηϲ δοξηϲ

23. Ψαλμοί 23:8

    τιϲ εϲτιν ουτοϲ ο βαϲιλευϲ τηϲ δοξηϲ κϲ κραταιοϲ και δυνατοϲ κϲ δυνατοϲ εν πολεμω

24. Ψαλμοί 23:9

    αρατε πυλαϲ οι αρχοντεϲ υμων και επαρθητε πυλαι αιωνιοι και ειϲελευϲεται ο βαϲιλευϲ τηϲ δοξηϲ

25. Ψαλμοί 23:10

    τιϲ εϲτιν ουτοϲ ο βαϲιλευϲ τηϲ δοξηϲ κϲ των δυναμεων αυτοϲ εϲτιν ου‾̷‾τοϲ ο βαϲιλευϲ τηϲ δοξηϲ

26. Ψαλμοί 24:1

    ψαλμοϲ τω δαυειδʼ προϲ ϲε κε ηρα την ψυχην μου ο θϲ μου

27. Ψαλμοί 24:2

    επι ϲοι πεποιθα μη καταιϲχυνθειην μηδε καταγελαϲατωϲαν μου οι εχθροι μου

28. Ψαλμοί 24:3

    και γαρ παντεϲ οι ϋπομενοντεϲ ϲε ου μη καταιϲχυνθωϲιν αιϲχυνθητωϲαν οι ανομουντεϲ δια κενηϲ

29. Ψαλμοί 24:4

    ταϲ οδουϲ ϲου κε γνωριϲον μοι και ταϲ τριβουϲ ϲου διδαξον με

30. Ψαλμοί 24:5

    οδηγηϲον με εν τη αληθεια ϲου και διδαξον με οτι ϲυ ει ο θϲ ο ϲωρ μου και ϲε ϋπεμεινα ολην την ημεραν

31. Ψαλμοί 24:6

    μνηϲθητι των οικτειρμων ϲου κε και τα ελεη ϲου οτι απο του αιωνοϲ ειϲιν

32. Ψαλμοί 24:7

    αμαρτιαϲ νεοτητοϲ μου και ταϲ αγνοιαϲ μη μνηϲθηϲ κατα το ελεοϲ ϲου μνηϲθητι μου ενεκα τηϲ χρηϲτοτητοϲ ϲου κε

33. Ψαλμοί 24:8

    χρηϲτοϲ και ευθηϲ ο κϲ δια τουτο νομοθετηϲει αμαρτα›νονταϲ εν οδω

34. Ψαλμοί 24:9

    οδηγηϲει πραειϲ εν κριϲει διδαξει πραειϲ οδουϲ αυτου

35. Ψαλμοί 24:10

    παϲαι αι οδοι κυ ελεοϲ και αληθεια τοιϲ εκζητουϲιν την διαθηκην αυτου και τα μαρτυρια αυτου

36. Ψαλμοί 24:11

    ενεκα του ονοματοϲ ϲου κε και ειλαϲη τη αμαρτια μου πολλη γαρ εϲτιν

37. Ψαλμοί 24:12

    τιϲ εϲτιν ανοϲ ο φοβουμενοϲ τον κν νομοθετηϲει αυτω εν οδω η ηρετιϲατο

38. Ψαλμοί 24:13

    η ψυχη αυτου εν αγαθοιϲ αυλιϲθηϲεται και το ϲπερμα αυτου κληρονομηϲει γην

39. Ψαλμοί 24:14

    κραταιωμα κϲ των φοβουμενων αυτον και η διαθηκη αυτου του δηλωϲαι αυτοιϲ

40. Ψαλμοί 24:15

    οι οφθαλμοι μου δια παντοϲ προϲ τον κν οτι αυτοϲ εκϲπαϲει εκ πακιδοϲ τουϲ ποδαϲ μου

41. Ψαλμοί 24:16

    επιβλεψον επ εμε και ελεηϲον με οτι μονογενηϲ και πτωχοϲ ειμι εγω

42. Ψαλμοί 24:17

    αι θλιψειϲ τηϲ καρδιαϲ μου επληθυνθηϲαν εκ των αναγκων μου εξαγαγε με

43. Ψαλμοί 24:18

    ϊδε την ταπινωϲιν μου και τον κοπον μου και αφεϲ παϲαϲ ταϲ αμαρτιαϲ μου

44. Ψαλμοί 24:19

    ιδε τουϲ εχθρουϲ μου οτι επληθυνθηϲαν και μειϲοϲ αδικον εμειϲηϲαν με

45. Ψαλμοί 24:20

    φυλαξον την ψυχην μου και ρυϲαι με μη καταιϲχυνθειην οτι ηλπιϲα επι ϲε

46. Ψαλμοί 24:21

    ακακοι και ευθειϲ εκολλωντο μοι οτι ϋπεμεινα ϲε

47. Ψαλμοί 24:22

    λυτρωϲαι ο θϲ τον ιϲλ εκ παϲων των ‾̷‾ θλιψεων αυτου

48. Ψαλμοί 25:1

    του δαυειδʼ κρεινον με κε οτι εγω εν ακακια μου επορευθην και επι τω κω ελπιζων ου μη αϲθενηϲω

49. Ψαλμοί 25:2

    πυρωϲον τουϲ νεφρουϲ μου και την καρδιαν μου

50. Ψαλμοί 25:3

    οτι το ελεοϲ ϲου κατεναντι των οφθαλμων μου εϲτιν και ευηρεϲτηϲα εν τη αληθεια ϲου

51. Ψαλμοί 25:4

    ουκ εκαθιϲα μετα ϲυνεδριου ματαιοτητοϲ και μετα παρανομουντων ου μη ειϲελθω

52. Ψαλμοί 25:5

    εμειϲηϲα εκκληϲιαν πονηρευομενων και μετα αϲεβων ου μη καθιϲω

53. Ψαλμοί 25:6

    νιψομαι εν αθωοιϲ ταϲ χειραϲ μου και κυκλωϲω το θυϲιαϲτηριον ϲου κε

54. Ψαλμοί 25:7

    του ακουϲαι φωνην αινεϲεωϲ και διηγηϲαϲθαι παντα τα θαυμαϲια ϲου

55. Ψαλμοί 25:8

    κε ηγαπηϲα ευπρεπιαν οικου ϲου και τοπον ϲκηνωματοϲ δοξηϲ ϲου

56. Ψαλμοί 25:9

    μη ϲυναπολεϲηϲ μετα αϲεβων την ψυχην μου και μετα ανδρων αιματων την ζωην μου

57. Ψαλμοί 25:10

    ων εν χερϲιν ανομια η δεξια αυτων επληϲθη δωρων

58. Ψαλμοί 25:11

    εγω δε εν ακακια μου επορευθην λυτρωϲαι με και ελεηϲον με

59. Ψαλμοί 25:12

    ο γαρ πουϲ μου εϲτη εν ευθυτητι εν εκκληϲιαιϲ ευλογηϲω ϲε κε ‾̷‾

60. Ψαλμοί 26:1

    του δαυειδʼ προ του χριϲθη › κϲ φωτιϲμοϲ μου και ϲωτηρ μου τινα φοβηθηϲομαι κϲ υπεραϲπιϲτηϲ τηϲ ζωηϲ μου απο τινοϲ διλιαϲω

61. Ψαλμοί 26:2

    εν τω εγγιζειν επ εμε κακουνταϲ του φαγειν ταϲ ϲαρκαϲ μου οι θλιβοντεϲ με και οι εχθροι μου αυτοι ηϲθενηϲαν και επεϲαν

62. Ψαλμοί 26:3

    εαν παραταξηται επ εμε παρεμβολη ου φοβηθηϲεται η καρδια μου εαν επαναϲτη επ εμε πολεμοϲ εν ταυτη εγω ελπιζω

63. Ψαλμοί 26:4

    μιαν ητηϲαμην παρα κυ ταυτην εκζητηϲω το κατοικειν με εν οικω κυ παϲαϲ ταϲ ημεραϲ τηϲ ζωηϲ μου του θεωρειν με την τερπνοτητα του κυ και επιϲκεπτεϲθαι τον λαον αυτου

64. Ψαλμοί 26:5

    οτι εκρυψεν με εν ϲκηνη εν ημερα κακων μου εϲκεπαϲεν με εν αποκρυφω τηϲ ϲκηνηϲ αυτου εν πετρα ϋψωϲεν με

65. Ψαλμοί 26:6

    και νυν ϊδου ϋψωϲεν την κεφαλην μου επ εχθρουϲ μου εκυκλωϲα και εθυϲα εν τη ϲκηνη αυτου θυϲιαν αλαλαγμου αϲω και ψαλω τω κω

66. Ψαλμοί 26:7

    ειϲακουϲον κε τηϲ φωνηϲ μου ηϲ εκεκραξα ελεηϲον με και ειϲακουϲον μου

67. Ψαλμοί 26:8

    ϲοι ειπεν η καρδια μου εζητηϲεν το προϲωπον μου το προϲωπον ϲου κε ζητηϲω

68. Ψαλμοί 26:9

    μη αποϲτρεψηϲ το προϲωπον ϲου απ εμου μη εκκλεινηϲ εν οργη απο του δουλου ϲου βοηθοϲ μου γενου μη εγκαταλιπηϲ με και μη υπεριδηϲ με ο θϲ ο ϲωτηρ μου

69. Ψαλμοί 26:10

    οτι ο πηρ μου και η μηρ μου εγκατελιπον με ο δε κϲ προϲελαβετο με

70. Ψαλμοί 26:11

    νομοθετηϲον με κε τη οδω ϲου και οδηγηϲον με εν τριβω ευθεια ενεκα των εχθρων μου

71. Ψαλμοί 26:12

    μη παραδωϲ με ειϲ ψυχαϲ θλιβοντων με οτι επανεϲτηϲαν μοι μαρτυρεϲ αδικοι και εψευϲατο η αδικια εαυτη

72. Ψαλμοί 26:13

    πιϲτευϲω του ϊδειν τα αγαθα κυ εν γη ζωντων

73. Ψαλμοί 26:14

    ϋπομεινον τον κν ανδριζου και κραταιουϲθω η καρδια ‾̷‾ ϲου και ϋπομεινον τον κν

74. Ψαλμοί 27:1

    του δαυειδʼ προϲ ϲε κε κεκραξομαι ο θϲ μου μη παραϲιωπηϲηϲ απ εμου μηποτε παραϲιωπηϲηϲ απ εμου και ομοιωθηϲομαι τοιϲ καταβαινουϲιν ειϲ λακκον

75. Ψαλμοί 27:2

    ειϲακουϲον τηϲ φωνηϲ τηϲ δεηϲεωϲ μου εν τω δεεϲθαι με προϲ ϲε εν τω αιρειν χειραϲ μου ειϲ ναον αγιον ϲου

76. Ψαλμοί 27:3

    μη ϲυνελκυϲηϲ με μετα αμαρτωλων και μετα ανδρων εργαζομενων την ανομιαν μη ϲυναπολεϲηϲ με των λαλουντων ειρηνην μετα των πληϲιον αυτων κακα δε εν ταιϲ καρδιαιϲ αυτων

77. Ψαλμοί 27:4

    δοϲ αυτοιϲ κατα τα εργα αυτων και κατα την πονηριαν των επιτηδευματων αυτων κατα τα εργα των χειρων αυτων δοϲ αυτοιϲ αποδοϲ το ανταποδομα αυτων αυτοιϲ

78. Ψαλμοί 27:5

    οτι ου ϲυνηκαν ειϲ τα εργα κυ και ειϲ τα εργα των χειρων αυτου καθελειϲ αυτουϲ και ου μη οικοδομηϲειϲ αυτουϲ

79. Ψαλμοί 27:6

    ευλογητοϲ κϲ οτι ειϲηκουϲεν τηϲ φωνηϲ τηϲ δεηϲεωϲ μου

80. Ψαλμοί 27:7

    κϲ βοηθοϲ μου και ϋπεραϲπιϲτηϲ μου επ αυτω ηλπιϲεν η καρδια μου και εβοηθηθην και ανεθαλεν η ϲαρξ μου και εκ θεληματοϲ μου εξομολογηϲομαι αυτω

81. Ψαλμοί 27:8

    κϲ κραταιωμα του λαου αυτου και ϋπεραϲπιϲτηϲ των ϲωτηριων του χυ αυτου εϲτιν

82. Ψαλμοί 27:9

    ϲωϲον τον λαον ϲου και ευλογηϲον την κληρονομιαν ϲου και ποιμανον αυτουϲ και επαρον αυ‾̷‾τουϲ εωϲ αιωνοϲ

83. Ψαλμοί 28:1

    ψαλμοϲ τω δαυειδ εξοδιου ϲκηνηϲ ενεγκατε τω κω υιοι θυ ενεγκατε τω κω υιουϲ κρειων ενεγκατε τω κω δοξαν και τιμην

84. Ψαλμοί 28:2

    ενεγκατε τω κω δοξαν ονοματι αυτου προϲκυνηϲατε τω κω εν αυλη αγια αυτου

85. Ψαλμοί 28:3

    φωνη κυ επι των ϋδατων ο θϲ τηϲ δοξηϲ εβροντηϲεν κϲ επι ϋδατων πολλων

86. Ψαλμοί 28:4

    φωνη κυ εν ϊϲχυει φωνη κυ εν μεγαλοπρεπεια

87. Ψαλμοί 28:5

    φωνη κυ ϲυντριβοντοϲ κεδρουϲ ϲυντριψει κϲ ταϲ κεδρουϲ του λιβανου

88. Ψαλμοί 28:6

    και λεπτυνει αυταϲ ωϲ τον μοϲχον τον λιβανον και ο ηγαπημενοϲ ωϲ υιοϲ μονοκερωτων

89. Ψαλμοί 28:7

    φωνη κυ διακοπτοντοϲ φλογα πυροϲ

90. Ψαλμοί 28:8

    φωνη κυ ϲυνϲειοντοϲ ερημον και ϲυνϲιϲει κϲ την ερημον καδηϲ

91. Ψαλμοί 28:9

    φωνη κυ καταρτιζομενου ελαφουϲ και αποκαλυψει δρυμουϲ και εν τω ναω αυτου παϲ τιϲ λεγει δοξαν

92. Ψαλμοί 28:10

    κϲ τον κατακλυϲμον κατοικιει και καθιεται κϲ βαϲιλευϲ ειϲ τον αιωνα

93. Ψαλμοί 28:11

    κϲ ιϲχυν τω λαω αυτου δωϲει κϲ ευλογηϲει τον λαον αυτου εν ‾̷‾ ειρηνη

94. Ψαλμοί 29:1

    ψαλμοϲ τωδηϲ του εγʼκαινιϲμου του οικου τω δαυειδʼ

95. Ψαλμοί 29:2

    υψωϲω ϲε κε οτι ϋπελαβεϲ με και ουκ ευφραναϲ τουϲ εχθρουϲ μου επ εμοι

96. Ψαλμοί 29:3

    κε ο θϲ μου εκεκραξα προϲ ϲε και ϊαϲω με

97. Ψαλμοί 29:4

    κε ανηγαγεϲ εξ αδου την ψυχην μου εϲωϲαϲ με εκ των καταβαινοντων ειϲ λακκον

98. Ψαλμοί 29:5

    ψαλατε τω κω οι οϲιοι αυτου και εξομολογειϲθε τη μνημη τηϲ αγιωϲυνηϲ αυτου

99. Ψαλμοί 29:6

    οτι οργη εν τω θυμω αυτου και ζωη εν τω θεληματι αυτου το εϲπεραϲ αυλιϲθηϲεται κλαυθμοϲ και ειϲ το πρωϊ αγαλλιαϲιϲ

100. Ψαλμοί 29:7

     εγω δε ειπα εν τη ευθηνια μου ου μη ϲαλευθω ειϲ τον αιωνα

← Previous · Next → — showing 301–400 of 2,530

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.