← All works
Codex Sinaiticus: Ψαλμοί Codex Sinaiticus · 2,530 sections
Single column Two columns
Ψαλμοί 108:22 ρυϲε με οτι πτωχοϲ και πενηϲ εγω ειμι και η καρδια μου τεταρακται εντοϲ μου
Ψαλμοί 108:23 ωϲει ϲκια εν τω εκκλιναι αυτην αντανηρεθη εξετιναχθην ωϲει ακριδεϲ
Ψαλμοί 108:24 τα γονατα μου ηϲθενηϲαν απο νηϲτιαϲ και η ϲαρξ μου ηλλοιωθη δι ελεον
Ψαλμοί 108:25 και εγω εγενηθην ονιδοϲ αυτοιϲ ειδοϲαν με εϲαλευϲαν κεφαλαϲ αυτων
Ψαλμοί 108:26 βοηθηϲον μοι κε ο θϲ μου ϲωϲον με κατα το μεγα ελεοϲ ϲου
Ψαλμοί 108:27 και γνωτωϲαν οτι η χιρ ϲου αυτη και ϲυ κε εποιηϲαϲ αυτην
Ψαλμοί 108:28 καταραϲονται αυτοι και ϲυ ευλογηϲειϲ οι επανιϲτανομενοι μοι αιϲχυνθητωϲαν ο δε δουλοϲ ϲου ευφρανθηϲεται
Ψαλμοί 108:29 ενδυϲαϲθωϲαν οι ενδιαβαλλοντεϲ με εντροπην και περιβαλλεϲθωϲαν αιϲχυνην ωϲει διπλοϊδαν αυτων
Ψαλμοί 108:30 εξομολογηϲομαι τω κω ϲφοδρα τω ϲτοματι μου και εν μεϲω πολλων αινεϲω αυτον
Ψαλμοί 108:31 οτι παρεϲτη εκ δεξιων πενητοϲ του ϲωϲαι εκ των διωκοντων την ψυχην μου
Ψαλμοί 109:1 τω δαδ ψαλμοϲ ειπεν ο κϲ τω κω μου καθου εκ δεξιων μου εωϲ αν θω τουϲ εχθρουϲ ϲου ϋποποδιον των ποδων ϲου
Ψαλμοί 109:2 ραβδον δυναμεωϲ εξαποϲτελι κϲ εκ ϲιων και κατακυριευε εν μεϲω των εχθρων ϲου
Ψαλμοί 109:3 μετα ϲου αρχη εν ημερα τηϲ δυναμεωϲ ϲου εν τη λαμπροτητι των αγιων εκ γαϲτροϲ προ εωϲφορου εξεγεννηϲα ϲε
Ψαλμοί 109:4 ωμοϲεν κϲ και ου μεταμεληθηϲεται ϲυ ει ϊερευϲ ειϲ τον αιωνα κατα την ταξιν μελχιϲεδεκ
Ψαλμοί 109:5 κϲ εκ δεξιων ϲου ϲυνεθλαϲεν εν ημερα οργηϲ αυτου βαϲιλιϲ
Ψαλμοί 109:6 κρινιν τοιϲ εθνεϲιν πληρωϲει πτωμα ϲυνθλαϲει κεφαλαϲ επι γην πολλην
Ψαλμοί 109:7 εκ χειμαρρου εν οδω πιεται δια τουτο ϋψωϲει κεφαλην
Ψαλμοί 110:1 αλληλουϊα εξομολογηϲομαι ϲοι κε εν ολη καρδια μου εν βουλη ευθιων και ϲυναγωγη
Ψαλμοί 110:2 μεγαλα τα εργα κυ εξεζητημενα ειϲ παντα τα θεληματα αυτου
Ψαλμοί 110:3 εξομολογηϲειϲ και μεγαλοπρεπια το εργον αυτου και η δικαιοϲυνη αυτου μενει ειϲ τον αιωνα του αιωνοϲ
Ψαλμοί 110:4 μνειαν εποιηϲατο των θαυμαϲιων αυτου ελεημων και οικτιρμων ο κϲ
Ψαλμοί 110:5 τροφην εδωκεν τοιϲ φοβουμενοιϲ αυτον μνηϲθηϲεται ειϲ τον αιωνα διαθηκηϲ αυτου
Ψαλμοί 110:6 ϊϲχυν εργων εαυτου ανηγγειλεν τω λαω εαυτου του δουναι αυτοιϲ κληρονομιαν εθνων
Ψαλμοί 110:7 εργα χειρων αυτου αληθια και κριϲιϲ πιϲται παϲαι αι εντολαι αυτου
Ψαλμοί 110:8 εϲτηριγμεναι ειϲ τον αιωνα του αιωνοϲ πεποιημεναι εν αληθια και ευθυτητι
Ψαλμοί 110:9 λυτρωϲιν απεϲτιλεν τω λαω αυτου ενετιλατο ειϲ τον αιωνα διαθηκην αυτου αγιον και φοβερον το ονομα αυτου
Ψαλμοί 110:10 αρχη ϲοφιαϲ φοβοϲ κυ ϲυνεϲιϲ αγαθη παϲι τοιϲ ποιουϲιν αυτην η αινεϲιϲ αυτου μενει ειϲ τον αιωνα του αιωνοϲ
Ψαλμοί 111:1 αλληλουϊα μακαριοϲ ανηρ ο φοβουμενοϲ τον κν εν ταιϲ εντολαιϲ αυτου θελει ϲφοδρα
Ψαλμοί 111:2 δυνατον εν τη γη εϲτε το ϲπερμα αυτου γενεα ευθιων ευλογηθηϲεται
Ψαλμοί 111:3 δοξα και πλουτοϲ εν τω οικω αυτου και η δικαιοϲυνη αυτου μενει ειϲ τον αιωνα του αιωνοϲ
Ψαλμοί 111:4 εξανετιλεν εν ϲκοτι φωϲ τοιϲ ευθεϲι ελεημων και οικτιρμων και δικαιοϲ
Ψαλμοί 111:5 χρηϲτοϲ ανηρ ο οικτιρμων και κιχρων οικονομηϲει τουϲ λογουϲ αυτου εν κριϲει
Ψαλμοί 111:6 οτι ειϲ τον αιωνα ου ϲαλευθηϲεται ειϲ μνημοϲυνον αιωνιον εϲται δικαιοϲ
Ψαλμοί 111:7 απο ακοηϲ πονηραϲ ου φοβηθηϲεται ετοιμη η καρδια αυτου ελπιζειν επι τον κν
Ψαλμοί 111:8 εϲτηρικται η καρδια αυτου ου φοβηθηϲεται ετοιμη η καρδια αυτου ελπιζειν επι τον κν εωϲ ου εφιδη τουϲ εχθρουϲ αυτου
Ψαλμοί 111:9 εϲκορπιϲεν εδωκεν τοιϲ πενηϲιν η δικαιοϲυνη αυτου μενει ειϲ τον αιωνα του αιωνοϲ το κεραϲ αυτου ϋψωθηϲεται εν δοξη
Ψαλμοί 111:10 αμαρτωλοϲ οψεται και οργιϲθηϲεται τουϲ οδονταϲ αυτου βρυξει και τακηϲεται επιθυμια αμαρτωλων απολειται
Ψαλμοί 112:1 αλληλουια αινειται παιδεϲ κν αινειται το ονομα αυτου
Ψαλμοί 112:2 ειη το ονομα κυ ευλογημενον απο του νυν και εωϲ του αιωνοϲ
Ψαλμοί 112:3 απο ανατολων ηλιου μεχρι δυϲμων αινειται το ονομα κυ
Ψαλμοί 112:4 ϋψηλοϲ επι παντα τα εθνη ο κϲ επι τουϲ ουρανουϲ η δοξα αυτου
Ψαλμοί 112:5 τιϲ ωϲ κϲ ο θϲ ημων ο εν υψηλοιϲ κατοικων
Ψαλμοί 112:6 και τα ταπινα εφορων εν τω ουρανω και εν τη γη
Ψαλμοί 112:7 ο εγιρων απο γηϲ πτωχον και απο κοπριαϲ ανυψων πενητα
Ψαλμοί 112:8 του καθιϲε αυτον μετα αρχοντων μετα αρχοντων λαου αυτου
Ψαλμοί 112:9 ο κατοικιζων ϲτιραν εν οικω μητερα τεκνων ευφραινομενων
Ψαλμοί 113:1 αλληλουϊα εν εξοδω ιϲλ εξ αιγυπτου οικοι ϊακωβ εκ λαου βαρβαρου
Ψαλμοί 113:2 εγενηθη η ϊουδαια αγιαϲμα αυτου ϊϲλʼ · η εξουϲια αυτου
Ψαλμοί 113:3 η θαλαϲϲα ειδεν και εφυγεν ο ϊορδανηϲ εϲτραφη ειϲ τα οπιϲω
Ψαλμοί 113:4 τα ορη εϲκιρτηϲαν ωϲ κριοι και οι βουνοι ωϲ αρνια προβατων
Ψαλμοί 113:5 τι εϲτιν θαλαϲϲα οτι εφυγεϲ και ϲυ ϊορδανη · οτι ανεχωρηϲαϲ ειϲ τα οπιϲω
Ψαλμοί 113:6 τα ορη εϲκιρτηϲατε ωϲ κριοι
Ψαλμοί 113:7 απο προϲωπου κυ εϲαλευθη η γη απο προϲωπου του θυ ϊακωβʼ
Ψαλμοί 113:8 του ϲτρεψαντοϲ την πετραν ειϲ λιμναϲ υδατων και την ακροτομον ειϲ πηγαϲ υδατων
Ψαλμοί 113:9 μη ημιν κε μη ημιν αλλ η τω ονοματι ϲου δοϲ δοξαν επι τω ελεει ϲου και τη αληθια ϲου
Ψαλμοί 113:10 μηποτε ειπωϲιν τα εθνη που εϲτιν ο θϲ αυτων
Ψαλμοί 113:11 ο δε θϲ ημων εν τω ουρανω ανω εν τοιϲ ουρανοιϲ και επι τηϲ γηϲ παντα οϲα ηβουλετο εποιηϲεν
Ψαλμοί 113:12 τα ειδωλα των εθνων αργυριον και χρυϲιον εργα χειρων ανων
Ψαλμοί 113:13 ϲτομα εχουϲιν και ου λαλουϲιν οφθαλμουϲ εχουϲιν και ουκ οψονται
Ψαλμοί 113:14 ωτα εχουϲιν και ουκ ακουϲονται ρειναϲ εχουϲιν και ουκ οϲφρανθηϲονται
Ψαλμοί 113:15 χειραϲ εχουϲιν και ου ψηλαφηϲουϲιν ποδαϲ εχουϲιν και ου περιπατηϲουϲιν ου φωνηϲουϲιν εν τω λαρυγγι αυτων
Ψαλμοί 113:16 ομοιοι αυτοιϲ γενοιντο οι ποιουντεϲ αυτα και παντεϲ οι πεποιθοτεϲ επ αυτοιϲ
Ψαλμοί 113:17 οικοϲ ιϲλ ηλπιϲεν επι κν βοηθοϲ αυτων και ϋπεραϲπιϲτηϲ αυτων εϲτιν
Ψαλμοί 113:18 οικοϲ ααρων ηλπιϲεν επι κν βοηθοϲ αυτων και ϋπεραϲπιϲτηϲ αυτων εϲτιν
Ψαλμοί 113:19 οι φοβουμενοι τον κν ηλπιϲαν επ αυτον βοηθοϲ αυτων και ϋπεραϲπιϲτηϲ αυτων εϲτιν
Ψαλμοί 113:20 κϲ εμνηϲθη ημων και ευλογηϲεν ημαϲ ευλογηϲεν τον οικον ιϲλ ευλογηϲεν τον οικον ααρων
Ψαλμοί 113:21 ευλογηϲεν τουϲ φοβουμενουϲ τον κν τουϲ μικρουϲ μετα των μεγαλων
Ψαλμοί 113:22 προϲθιη κϲ εφ υμαϲ εφ υμαϲ και επι τουϲ ϋϊουϲ ϋμων
Ψαλμοί 113:23 ευλογημενοι υμιϲ εϲται τω κω τω ποιηϲαντι τον ουρανον και την γην
Ψαλμοί 113:24 ο ουρανοϲ του ουρανου τω κω την δε γην εδωκεν τοιϲ υϊοιϲ των ανθρωπων
Ψαλμοί 113:25 ουχ οι νεκροι αινεϲουϲιν ϲε κε ουδε παντεϲ οι καταβαινοντεϲ ειϲ αδου
Ψαλμοί 113:26 αλλ ημειϲ οι ζωντεϲ ευλογηϲωμεν τον κν απο του νυν και εωϲ του αιωνοϲ
Ψαλμοί 114:1 αλληλουια ηγαπηϲα οτι ειϲακουϲεται ο θϲ τηϲ φωνηϲ τηϲ δεηϲεωϲ μου
Ψαλμοί 114:2 οτι εκλινεν το ουϲ αυτου εμοι και εν ταιϲ ημεραιϲ αυτου επεκαλεϲαμην
Ψαλμοί 114:3 περιεϲχον με ωδεινεϲ θανατου κινδυνοι αδου ευροϲαν με θλιψιν και οδυνην ευρον
Ψαλμοί 114:4 και το ονομα κυ επεκαλεϲαμην ω κε ρυϲαι την ψυχην μου
Ψαλμοί 114:5 ελαιημων και δικαιοϲ ο κϲ και κϲ ο θϲ ημων ελεα
Ψαλμοί 114:6 φυλαϲϲων τα νηπια ο κϲ εταπινωθην και εϲωϲεν με
Ψαλμοί 114:7 επιϲτρεψον η ψυχη μου ειϲ την αναπαυϲιν ϲου οτι κϲ ευηργετηϲεν ϲε
Ψαλμοί 114:8 οτι εξειλατο την ψυχην μου εκ θανατου τουϲ οφθαλμουϲ μου απο δακρυων και τουϲ ποδαϲ μου απο ολιϲθηματοϲ
Ψαλμοί 114:9 ευαρεϲτηϲω εναντιον κυ εν χωρα ζωντων
Ψαλμοί 115:1 αλληλουια επιϲτευϲα διο ελαληϲα εγω δε εταπινωθην ϲφοδρα
Ψαλμοί 115:2 εγω ειπα εν τη εκϲταϲι μου παϲ ανοϲ ψευϲτηϲ
Ψαλμοί 115:3 τι ανταποδωϲω τω κω περι ων ανταπεδωκεν μοι
Ψαλμοί 115:4 ποτηριον ϲωτηριου λημψομαι και το ονομα κυ επικαλεϲομαι
Ψαλμοί 115:6 τιμιοϲ εναντιον κυ ο θανατοϲ των οϲιων αυτου
Ψαλμοί 115:7 ω κε εγω δουλοϲ ϲοϲ εγω δουλοϲ ϲοϲ και ϋϊοϲ τηϲ παιδιϲκηϲ ϲου διερρηξαϲ τουϲ δεϲμουϲ μου
Ψαλμοί 115:8 Ψαλμοί 115:9 ταϲ ευχαϲ μου αποδωϲω τω κω εναντιον παντοϲ του λαου αυτου
Ψαλμοί 115:10 εν αυλαιϲ οικου κυ εν μεϲω ϲου ϊηλμ
Ψαλμοί 116:1 αλληλουια αινειται τον κν παντα τα εθνη αινεϲατωϲαν αυτον παντεϲ οι λαοι
Ψαλμοί 116:2 οτι εκραταιωθη το ελεοϲ αυτου εφ ημαϲ και η αληθια του κυ μενι ειϲ τον αιωνα
Ψαλμοί 117:1 αλληλουια εξομολογειϲθαι τω κω οτι αγαθοϲ οτι ειϲ τον αιωνα το ελεοϲ αυτου
Ψαλμοί 117:2 ειπατω δη οικοϲ ιϲλ οτι αγαθοϲ οτι ειϲ τον αιωνα το ελεοϲ αυτου
Ψαλμοί 117:3 ειπατω δη οικοϲ ααρων οτι αγαθοϲ οτι ειϲ τον αιωνα το ελεοϲ αυτου
Ψαλμοί 117:5 εν θλιψει επεκαλεϲαμην τον κν και επηκουϲεν μοι ειϲ πλατυϲμον
Ψαλμοί 117:6 κϲ εμοι βοηθοϲ ου φοβηθηϲομαι τι ποιηϲει μοι ανθρωποϲ
Ψαλμοί 117:7 κϲ εμοι βοηθοϲ καγω εποψομαι τουϲ εχθρουϲ μου
Ψαλμοί 117:8 αγαθον πεποιθεναι επι κν η πεποιθεναι επ ανθρωπον
Ψαλμοί 117:9 αγαθον ελπιζειν επι κν η ελπιζειν επ αρχονταϲ
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .