Codex Sinaiticus: Ψαλμοί

Codex Sinaiticus · 2,530 sections

Ψαλμοί 9:13
οτι εκζητων τα αιματα αυτων εμνηϲθη ουκ επελαθετο τηϲ κραυγηϲ των πενητων
Ψαλμοί 9:14
ελεηϲον με κε ϊδε την ταπινωϲιν μου εκ των εχθρων μου ο ϋψων με εκ των πυλων του θανατου
Ψαλμοί 9:15
οπωϲ αν εξαγγειλω παϲαϲ ταϲ αινεϲιϲ ϲου εν ταιϲ πυλαιϲ τηϲ θυγατροϲ ϲιων αγαλλιαϲομαι επι τω ϲωτηριω ϲου
Ψαλμοί 9:16
ενεπαγηϲαν εθνη εν διαφθορα η εποιηϲαν εν παγιδι ταυτη η εκρυψαν ϲυνελημφθη ο πουϲ αυτων
Ψαλμοί 9:17
γινωϲκεται κϲ κριματα ποιων εν τοιϲ εργοιϲ των χειρων αυτου ‾̷‾ ϲυνελημφθη ο αμαρτωλοϲ ωδη διαψαλματοϲ
Ψαλμοί 9:18
αποϲτραφητωϲαν οι αμαρτωλοι ειϲ τον αδην παντα τα εθνη τα επιλανθανομενα του θυ
Ψαλμοί 9:19
οτι ουκ ειϲ τελοϲ επιληϲθηϲεται ο πτωχοϲ η υπομονη των πενητων ουκ απολειται ειϲ τον αιωνα
Ψαλμοί 9:20
αναϲτηθι κε μη κραταιουϲθω ανοϲ κριθητωϲαν εθνη ενωπιον ϲου
Ψαλμοί 9:21
καταϲτηϲον κε νομοθετην επ αυτουϲ γνωτωϲαν εθνη οτι ανθρωποι ειϲιν διαψαλμα
Ψαλμοί 9:22
ινα τι κε αφεϲτηκαϲ μακροθεν ϋπεροραϲ εν ευκαιριαιϲ εν θλιψεϲιν
Ψαλμοί 9:23
εν τω ϋπερηφανευεϲθαι τον αϲεβη ενπυριζεται ο πτωχοϲ ϲυλλαμβανονται εν διαβουλιοιϲ οιϲ διαλογιζονται
Ψαλμοί 9:24
οτι επαινειται ο αμαρτωλοϲ επι ταιϲ επιθυμιαιϲ τηϲ ψυχηϲ αυτου και ο αδικων ενευλογειται
Ψαλμοί 9:25
παρωξυνεν τον κν ο αμαρτωλοϲ κατα το πληθοϲ τηϲ οργηϲ αυτου ουκ εκζητηϲει ουκ εϲτιν ο θϲ ενωπιον αυτου
Ψαλμοί 9:26
βεβηλουνται αι οδοι αυτου εν παντι καιρω ανταναιρειται τα κριματα ϲου απο προϲωπου αυτου παντων των εχθρων αυτου κατακυριευϲει
Ψαλμοί 9:27
ειπεν γαρ εν καρδια αυτου ου μη ϲαλευθω απο γενεαϲ ειϲ γενεαν ανευ κακου
Ψαλμοί 9:28
ου αραϲ το ϲτομα αυτου γεμει και πικριαϲ και δολου ϋπο την γλωϲϲαν αυτου κοποϲ και πονοϲ
Ψαλμοί 9:29
ενκαθηται ενεδρα μετα πλουϲιων εν αποκρυφοιϲ αποκτειναι αθωον οι οφθαλμοι αυτου ειϲ τον πενητα αποβλεπουϲιν
Ψαλμοί 9:30
ενεδρευει εν αποκρυφω ωϲ λεων εν τη μανδρα αυτου ενεδρευει του αρπαϲαι πτωχον αρπαϲαι πτωχον εν τω ελκυϲαι αυτον
Ψαλμοί 9:31
εν τη παγιδι αυτου ταπεινωϲει αυτον κυψει και πεϲειται εν τω αυτον κατακυριευϲαι των πενητων
Ψαλμοί 9:32
ειπεν γαρ εν καρδια αυτου επιλεληϲται ο θϲ απεϲτρεψεν το προϲωπον αυτου του μη βλεπειν ειϲ τελοϲ
Ψαλμοί 9:33
αναϲτηθι κε ο θϲ ϋψωθητω η χειρ ϲου μη επιλαθη των πενητων
Ψαλμοί 9:34
ενεκεν τινοϲ παρωργιϲεν ο αϲεβηϲ τον θν ειπεν γαρ εν καρδια αυτου ουκ εκζητηϲει
Ψαλμοί 9:35
βλεπειϲ οτι ϲυ πονον και θυμον κατανοειϲ του παραδουναι αυτουϲ ειϲ χειραϲ ϲου ϲοι ουν ενκαταλελιπται ο πτωχοϲ ορφανω ϲυ ηϲθα βοηθων
Ψαλμοί 9:36
ϲυντριψον τον βραχιονα του αμαρτωλου και πονηρου ζητηθηϲεται η αμαρτια αυτου και ου μη ευρεθη δι αυτην
Ψαλμοί 9:37
κϲ βαϲιλευϲει ειϲ τον αιωνα και ειϲ τον αιωνα του αιωνοϲ απολειϲθε εθνη εκ τηϲ γηϲ αυτου
Ψαλμοί 9:38
την επιθυμιαν των πενητων ειϲηκουϲεν κϲ την ετοιμαϲιαν τηϲ καρδιαϲ αυτων προϲεϲχεν το ουϲ ϲου
Ψαλμοί 9:39
κρειναι ορφανω και ταπεινω ϊνα μη προϲθη ετι του μεγαλαυχειν ‾̷‾ ανθρωποϲ επι τηϲ γηϲ
Ψαλμοί 10:1
ειϲ το τελοϲ ψαλμοϲ τω δαυειδʼ επι τω κω πεποιθα πωϲ ερειτε τη ψυχη μου μεταναϲτευου επι τα ορη ωϲ ϲτρουθιον
Ψαλμοί 10:2
οτι ϊδου οι αμαρτωλοι ενετειναν τοξον ητοιμαϲαν βελη ειϲ φαρετραν του κατατοξευϲαι εν ϲκοτομηνη τουϲ ευθειϲ τη καρδια
Ψαλμοί 10:3
οτι α κατηρτιϲω καθειλον ο δε δικαιοϲ τι εποιηϲεν
Ψαλμοί 10:4
κϲ εν ναω αγιω αυτου κϲ εν ουρανω ο θρονοϲ αυτου οι οφθαλμοι αυτου ειϲ τον πενητα αποβλεπουϲιν τα βλεφαρα αυτου εξεταζει τουϲ υιουϲ των ανθρωπων
Ψαλμοί 10:5
κϲ εξεταζει τον δικαιον και τον αϲεβη ο δε αγαπων αδικιαν μειϲει την εαυτου ψυχην
Ψαλμοί 10:6
επιβρεξει επι αμαρτωλουϲ πακιδαϲ πυρ και θειον και πνα καταιγιδοϲ η μεριϲ του ποτηριου αυτων
Ψαλμοί 10:7
οτι δικαιοϲ κϲ και δικαιοϲυνην ηγαπηϲεν ευθυτητα ειδεν το προϲωπον αυτου ‾̷‾
Ψαλμοί 11:1
ειϲ το τελοϲ ϋπερ τηϲ ογδοηϲ ψαλμοϲ τω δαυειδ
Ψαλμοί 11:2
ϲωϲον με κε οτι εκλελοιπεν οϲιοϲ οτι ωλιγωθηϲαν αι αληθειαι απο › των υιων των ανθρωπων
Ψαλμοί 11:3
ματαια ελαληϲαν εκαϲτοϲ προϲ τον πληϲιον αυτου χειλη δολια εν καρδια και εν καρδια ελαληϲαν
Ψαλμοί 11:4
εξολεθρευϲαι κϲ παντα τα χειλη τα δολια και γλωϲϲαν μεγαλορημονα
Ψαλμοί 11:5
τουϲ ειπονταϲ την γλωϲϲαν ημων μεγαλυνουμεν τα χειλη ημων παρ ημων εϲτιν τιϲ ημων κϲ εϲτιν
Ψαλμοί 11:6
απο τηϲ ταλαι›πωριαϲ των πτωχων και απο του ϲτεναγμου των πενητων νυν αναϲτηϲομαι λεγει κϲ θηϲομαι εν ϲωτηρια παρρηϲιαϲομαι εν αυτω
Ψαλμοί 11:7
τα λογια κυ λογια αγνα αργυριον πεπυρωμενον δοκιμιον τη γη κεκαθαριϲμενον επταπλαϲιωϲ
Ψαλμοί 11:8
ϲυ κε φυλαξειϲ ημαϲ και διατηρηϲειϲ ημαϲ απο τηϲ γενεαϲ ταυτηϲ και ειϲ τον αιωνα
Ψαλμοί 11:9
κυκλω οι αϲεβειϲ περιπατουϲιν κατα το ϋψοϲ ϲου επολυωρηϲαϲ τουϲ ‾̷‾ υιουϲ των ανθρωπων
Ψαλμοί 12:1
ειϲ το τελοϲ ψαλμοϲ τω δαυειδʼ
Ψαλμοί 12:2
εωϲ ποτε κε επιληϲη μου ειϲ τελοϲ εωϲ ποτε αποϲτρεψειϲ το προϲωπον ϲου απ εμου
Ψαλμοί 12:3
εωϲ τινοϲ θηϲομαι βουλαϲ εν ψυχη μου οδυναϲ εν καρδια μου ημεραϲ εωϲ ποτε ϋψωθηϲεται ο εχθροϲ μου επ εμε
Ψαλμοί 12:4
επιβλεψον ειϲακουϲον κε ο θϲ μου φωτιϲον τουϲ οφθαλμουϲ μου μηποτε ϋπνωϲω ειϲ θανατον
Ψαλμοί 12:5
μηποτε ειπη ο εχθροϲ μου ϊϲχυϲα προϲ αυτον οι θλιβοντεϲ με αγαλλιαϲονται εαν ϲαλευθω
Ψαλμοί 12:6
εγω δε επι τω ελεει ϲου ηλπιϲα αγαλλιαϲεται η καρδια μου επι τω ϲωτηριω ϲου αϲω τω κω τω ευεργετηϲαντι με και ψαλω τω ονοματι κυ του υψιϲτου ‾̷‾
Ψαλμοί 13:1
ειϲ το τελοϲ τω δαυειδ ψαλμοϲ ειπεν αφρων εν καρδια αυτου ουκ εϲτιν θϲ διεφθειραν και εβδελυχθηϲαν εν επιτηδευμαϲιν ουκ εϲτιν ποιων χρηϲτοτητα ουκ εϲτιν εωϲ ενοϲ
Ψαλμοί 13:2
κϲ εκ του ουρανου διεκυψεν επι τουϲ υιουϲ των ανθρωπων του ϊδειν ει εϲτιν ϲυνιων η εκζητων τον θν
Ψαλμοί 13:3
παντεϲ εξεκλειναν αμα ηχρεωθηϲαν ουκ εϲτιν ο ποιων χρηϲτοτητα ουκ εϲτιν εωϲ ενοϲ ταφοϲ ανεωγμενοϲ ο λαρυγξ αυτων ταιϲ γλωϲϲαιϲ αυτων εδολιουϲαν ιοϲ αϲπιδων υπο τα χειλη αυτων ων το ϲτομα αραϲ και πικριαϲ γεμει οξειϲ οι ποδεϲ αυτων εκχεαι αιμα ϲυντριμμα και ταλαιπωρια εν ταιϲ οδοιϲ αυτων και οδον ειρηνηϲ ουκ εγνωϲαν ουκ εϲτιν φοβοϲ θυ απεναντι των οφθαλμων αυτων
Ψαλμοί 13:4
ουχι γνωϲονται παντεϲ οι εργαζομενοι την ανομιαν οι εϲθιοντεϲ τον λαον μου βρωϲει αρτου τον κν ουκ επεκαλεϲαντο
Ψαλμοί 13:5
εκει εδιλιαϲαν φοβον ου ουκ ην φοβοϲ οτι ο θϲ εν γενεα δικαια
Ψαλμοί 13:6
βουλην πτωχου κατηϲχυνατε οτι κϲ ελπιϲ αυτου εϲτιν
Ψαλμοί 13:7
τιϲ δωϲει εκ ϲιων το ϲωτηριον του ϊϲραηλ εν τω επιϲτρεψαι κν την αιχμαλωϲιαν του λαου αυτου αγαλλιαϲεται ϊακωβ και ευφρανθη‾̷‾ϲεται ϊϲραηλ
Ψαλμοί 14:1
ψαλμοϲ τω δαυειδ κε τιϲ παροικηϲει εν τω ϲκηνωματι ϲου και τιϲ καταϲκηνωϲει εν τω ορει τω αγιω ϲου
Ψαλμοί 14:2
πορευομενοϲ αμωμοϲ και εργαζομενοϲ δικαιοϲυνην λαλων αληθειαν εν καρδια αυτου
Ψαλμοί 14:3
οϲ ουκ εδολωϲεν εν γλωϲϲη αυτου ουδε εποιηϲεν τω πληϲιον αυτου κακον και ονιδιϲμον ουκ ελαβεν επι τουϲ εγγιϲτα αυτου
Ψαλμοί 14:4
εξουδενωται ενωπιον αυτου πονηρευομενοϲ τουϲ δε φοβουμενουϲ κν δοξαζει ο ομνυων τω πληϲιον και ουκ αθετων
Ψαλμοί 14:5
το αργυριον αυτου ουκ εδωκεν επι τοκω και δωρα επ αθωοιϲ ουκ ελαβεν ο ποιων ταυτα ου ϲαλευθηϲεται ειϲ ‾̷‾ τον αιωνα
Ψαλμοί 15:1
ϲτηλογραφια τω δαυειδʼ φυλαξον με ο θϲ οτι επι ϲοι ηλπιϲα
Ψαλμοί 15:2
ειπα τω κω θϲ μου ει ϲυ οτι των αγαθων μου ου χριαν εχειϲ
Ψαλμοί 15:3
τοιϲ αγιοιϲ τοιϲ εν τη γη αυτου εθαυμαϲτωϲεν · παντα τα θεληματα αυτου εν αυτοιϲ
Ψαλμοί 15:4
επληθυνθηϲαν αι αϲθενειαι αυτων μετα ταυτα εταχυναν ου μη ϲυναγαγω ταϲ ϲυναγωγαϲ αυτων εξ αιματων ουδε μη μνηϲθω των ονοματων αυτων δια χειλεων μου
Ψαλμοί 15:5
κϲ η μεριϲ τηϲ κληρονομιαϲ μου και του ποτηριου μου ϲυ ει ο αποκαθιϲτων την κληρονομιαν μου εμοι
Ψαλμοί 15:6
ϲχοινια επεϲαν μοι εν τοιϲ κρατιϲτοιϲ και γαρ η κληρονομια μου κρατιϲτη μοι εϲτιν
Ψαλμοί 15:7
ευλογηϲω τον κν τον ϲυνετιϲαντα με ετι δε και εωϲ νυκτοϲ επαιδευϲαν με οι νεφροι μου
Ψαλμοί 15:8
προορωμην τον κν ενωπιον μου δια παντοϲ οτι εκ δεξιων μου εϲτιν ϊνα μη ϲαλευθω
Ψαλμοί 15:9
δια τουτο ευφρανθη η καρδια μου και ηγαλλιαϲατο η γλωϲϲα μου ετι δε και εωϲ νυκτοϲ επαιδευϲαν με οι νεφροι μου
Ψαλμοί 15:10
οτι ουκ ενκαταλιψειϲ την ψυχην μου ειϲ τον αδην ουδε δωϲειϲ τον οϲιον ϲου ιδειν διαφθοραν
Ψαλμοί 15:11
εγνωριϲαϲ μοι οδουϲ ζωηϲ πληρωϲειϲ με ευφροϲυνηϲ μετα του προϲωπου ϲου τερπνοτητεϲ εν τη δεξια ϲου ειϲ τελοϲ ‾̷‾
Ψαλμοί 16:1
προϲευχη του δαυειδʼ ειϲακουϲον κε τηϲ δικαιοϲυνηϲ μου προϲχεϲ τη δεηϲει μου ενωτιϲαι την προϲευχην μου ουκ εν χειλεϲιν δολιοιϲ
Ψαλμοί 16:2
εκ προϲωπου ϲου το κριμα μοι εξελθοι
Ψαλμοί 16:3
εδοκιμαϲαϲ την καρδιαν μου επεϲκεψω νυκτοϲ επυρωϲαϲ με και ουχ ευρεθη εν εμοι αδικια
Ψαλμοί 16:4
οπωϲ αν μη λαληϲη το ϲτομα μου τα εργα των ανθρωπων δια τουϲ λογουϲ των χειλεων ϲου εγω εφυλαξα οδουϲ ϲκληραϲ
Ψαλμοί 16:5
καταρτιϲαι τα διαβηματα μου εν ταιϲ τριβοιϲ ϲου ινα μη ϲαλευθωϲιν τα διαβηματα μου
Ψαλμοί 16:6
εγω εκεκραξα οτι ειϲηκουϲαϲ μου ο θϲ κλεινον το ουϲ ϲου εμοι και ειϲακουϲον των ρηματων μου
Ψαλμοί 16:7
θαυμαϲτωϲον τα ελεη ϲου ο ϲωζων τουϲ ελπιζονταϲ επι ϲε εκ των ανθεϲτηκοτων τη δεξια ϲου
Ψαλμοί 16:8
φυλαξον με ωϲ κοραν οφθαλμου εν ϲκεπη των πτερυγων ϲου ϲκεπαϲειϲ με
Ψαλμοί 16:9
απο προϲωπου αϲεβων των ταλαιπωριϲαντων με οι εχθροι μου την ψυχην μου περιεϲχον
Ψαλμοί 16:10
το ϲτεαρ αυτων ϲυνεκλειϲαν το ϲτομα αυτων ελαληϲεν υπερηφανιαν
Ψαλμοί 16:11
εκβαλλοντεϲ με νυνι περιεκυκλωϲαν με τουϲ οφθαλμουϲ αυτων εθεντο εκκλειναι εν τη γη
Ψαλμοί 16:12
υπελαβον με ωϲει λεων ετοιμοϲ ειϲ θηραν και ωϲ ϲκυμνοϲ οικων εν αποκρυφοιϲ
Ψαλμοί 16:13
αναϲτηθι κε προφθαϲον αυτουϲ και ϋποϲκελιϲον αυτουϲ ρυϲαι την ψυχην μου απο αϲεβουϲ ρομφαιαν ϲου απο εχθρων τηϲ χειροϲ ϲου
Ψαλμοί 16:14
κε απο ολιγων απο γηϲ διαμεριϲον αυτουϲ εν τη ζωη αυτων και των κεκρυμμενων ϲου επληϲθη η γαϲτηρ αυτων εχορταϲθηϲαν υειων και αφηκαν τα καταλοιπα τοιϲ νηπιοιϲ αυτων
Ψαλμοί 16:15
εγω δε εν δικαιοϲυνη οφθηϲομαι τω προϲωπω ϲου χορταϲθηϲομαι εν τω οφθηναι ‾̷‾ την δοξαν ϲου
Ψαλμοί 17:1
ειϲ το τελοϲ τω παιδι κυ τω δαδʼ α ελαληϲεν τω κω τουϲ λογουϲ τηϲ ωδηϲ ταυτηϲ εν ημερα η ερρυϲατο αυτον κϲ εκ χειροϲ παντων των εχθρων αυτου και εκ χειροϲ ϲαουλ
Ψαλμοί 17:2
και ειπεν αγαπηϲω ϲε κε η ϊϲχυϲ μου
Ψαλμοί 17:3
κϲ ϲτερεωμα μου και καταφυγη μου και ρυϲτηϲ μου ο θϲ μου βοηθοϲ μου και ελπιω επ αυτον υπεραϲπιϲτηϲ μου και κεραϲ ϲωτηριαϲ μου αντιλημπτωρ μου
Ψαλμοί 17:4
αινων επικαλεϲομαι κν και εκ των εχθρων μου ϲωθηϲομαι
Ψαλμοί 17:5
περιεϲχον με ωδεινεϲ θανατου και χιμαρροι ανομιαϲ εξεταραξαν με
Ψαλμοί 17:6
ωδεινεϲ αδου περιεκυκλωϲαν με προεφθαϲαν με πακιδεϲ θανατου
Ψαλμοί 17:7
και εν τω θλιβεϲθαι με επεκαλεϲαμην τον κν και προϲ τον θν μου εκεκραξα ηκουϲεν εκ ναου αγιου αυτου φωνηϲ μου και η κραυγη μου ενωπιον αυτου ειϲελευϲεται ειϲ τα ωτα αυτου
Ψαλμοί 17:8
και εϲαλευθη και εντρομοϲ εγενηθη η γη και τα θεμελια των ορεων εταραχθηϲαν και εϲαλευθηϲαν οτι ωργιϲθη αυτοιϲ ο θϲ
Ψαλμοί 17:9
ανεβη καπνοϲ εν οργη αυτου και πυρ απο προϲωπου αυτου κατεφλογιϲεν ανθρακεϲ ανηφθηϲαν απ αυτου
Ψαλμοί 17:10
και εκλεινεν ουρανον και κατεβη και γνοφοϲ ϋπο τουϲ ποδαϲ αυτου
Ψαλμοί 17:11
και επεβη επι χερουβ και επεταϲθη και επεταϲθη επι πτερυγων ανεμων
Ψαλμοί 17:12
και εθετο ϲκοτοϲ αποκρυφην αυτου κυκλω αυτου η ϲκηνη αυτου ϲκοτινον ϋδωρ εν νεφελαιϲ αερων
Ψαλμοί 17:13
απο τηϲ τηλαυγηϲεωϲ ενωπιον αυτου αι νεφελαι διηλθον χαλαζα και ανθρακεϲ πυροϲ

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.