Codex Sinaiticus: Πρὸς Φιλήμονα
- Πρὸς Φιλήμονα 1:1
παυλοϲ δεϲμιοϲ χυ ιυ και τιμοθεοϲ ο αδελφοϲ φιλημονι τω αγαπητω και ϲυνεργω ημων
- Πρὸς Φιλήμονα 1:2
και απφια τη αδελφη και αρχιππω τω ϲυνϲτρατιωτη ημων και τη κατ οικον ϲου εκκληϲια ·
- Πρὸς Φιλήμονα 1:3
χαριϲ ϋμιν και ειρηνη απο θυ πρϲ και κυ ιυ χυ
- Πρὸς Φιλήμονα 1:4
ευχαριϲτω τω θω μου παντοτε μνιαν ϲου ποιουμενοϲ επι των προϲευχων μου
- Πρὸς Φιλήμονα 1:5
ακουων ϲου την αγαπην · και την πιϲτιν ην εχειϲ προϲ τον κν ιν και ειϲ πανταϲ τουϲ αγιουϲ ·
- Πρὸς Φιλήμονα 1:6
οπωϲ η κοινωνια τηϲ πιϲτεωϲ ϲου ενεργηϲ γενηται εν επιγνωϲι παντοϲ αγαθου του εν υμιν ειϲ χν
- Πρὸς Φιλήμονα 1:7
χαραν γαρ πολλην εϲχον επι τη αγαπη ϲου · οτι τα ϲπλαγχνα των αγιων αναπεπαυται δια ϲου αδελφε
- Πρὸς Φιλήμονα 1:8
διο πολλην εν χω παρρηϲιαν εχων επιταϲϲιν ϲοι το ανηκον ·
- Πρὸς Φιλήμονα 1:9
δια την αγαπην μαλλον παρακαλω · τοιουτοϲ ων ωϲ παυλοϲ πρεϲβυτηϲ ˙ νυνι δε και δεϲμιοϲ χυ ιυ
- Πρὸς Φιλήμονα 1:10
παρακαλω ϲε περι του εμου τεκνου ον εγεννηϲα εν τοιϲ δεϲμοιϲ ονηϲιμον
- Πρὸς Φιλήμονα 1:11
τ[…] ποτε ϲοι αχρηϲτον ˙ νυννϊ δε και ϲοι και εμοι ευχρηϲτον
- Πρὸς Φιλήμονα 1:12
ον ανεπεμψα ϲοι αυτον τουτ εϲτιν τα εμα ϲπλαγχνα
- Πρὸς Φιλήμονα 1:13
ον εγω ηβουλομην προϲ εμαυτον κατεχιν ινα ϋπερ ϲου μοι διακονη εν τοιϲ δεϲμοιϲ του ευαγγελιου ˙
- Πρὸς Φιλήμονα 1:14
χωριϲ δε τηϲ ϲηϲ γνωμηϲ ουδεν ηθεληϲα ποιηϲαι · ϊνα μη ωϲ κατα αναγκην το αγαθον ϲου η αλλα κατα εκουϲιον
- Πρὸς Φιλήμονα 1:15
ταχα γαρ δια τουτο εχωριϲθη προϲ ωραν · ϊνα αιωνιον αυτον απεχηϲ ˙
- Πρὸς Φιλήμονα 1:16
ουκετι ωϲ δουλον · αλλα ϋπερ δουλον αγαπητον ˙ μαλιϲτα εμοι ˙ ποϲω δε μαλλον ϲοι · και εν ϲαρκι και εν κω
- Πρὸς Φιλήμονα 1:17
ει ουν με εχειϲ κοινωνον · προϲλαβου αυτον ωϲ εμε ·
- Πρὸς Φιλήμονα 1:18
ει δε τι ηδικηϲεν ϲε η οφιλει · τουτο εμοι ελλογα ·
- Πρὸς Φιλήμονα 1:19
εγω παυλοϲ εγραψα τη εμη χειρι · εγω αποτιϲω · ϊνα μη λεγω ϲοι οτι και ϲεαυτον μοι προϲοφιλειϲ ·
- Πρὸς Φιλήμονα 1:20
ναι αδελφε εγω ϲου οναιμην εν κω · αναπαυϲον μου τα ϲπλαγχνα εν χω ·
- Πρὸς Φιλήμονα 1:21
πεποιθωϲ τη ϋπακοη ϲου εγραψα ϲοι · ειδωϲ οτι και ϋπερ α λεγω ποιηϲειϲ
- Πρὸς Φιλήμονα 1:22
αμα δε και ετοιμαζε μοι ξενιαν · ελπιζω γαρ οτι δια των προϲευχων ϋμων χαριϲθηϲομαι ϋμιν
- Πρὸς Φιλήμονα 1:23
αϲπαζεται ϲε επαφραϲ ο ϲυναιχμαλωτοϲ μου εν χω ιυ ·
- Πρὸς Φιλήμονα 1:24
μαρκοϲ · αριϲταρχοϲ · δημαϲ λουκαϲ · οι ϲυνεργοι μου ·
- Πρὸς Φιλήμονα 1:25
η χαριϲ του κυ ιυ χυ μετα του πνϲ ϋμων · αμην ·
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.