← All works
Codex Sinaiticus: Κατὰ Μαθθαῖον Codex Sinaiticus · 1,065 sections
Single column Two columns
Κατὰ Μαθθαῖον 27:22 λεγι αυτοιϲ ο πιλατοϲ τι ουν ποιηϲω ιν τον λεγομενον χν λεγουϲιν παντεϲ ϲταυρωθητω
Κατὰ Μαθθαῖον 27:23 ο δε εφη τι γαρ κακον εποιηϲεν οι δε περιϲϲω εκραζον λεγοντεϲ ϲταυρωθητω
Κατὰ Μαθθαῖον 27:24 ϊδων δε ο πιλατοϲ οτι ουδεν ωφελι αλλα μαλλον θορυβοϲ γεινεται λαβων ϋδωρ απενιψατο ταϲ χιραϲ απεναντι του οχλου λεγων · αθωοϲ ειμι απο του αιματοϲ του δικαιου τουτου υμειϲ δε οψεϲθαι
Κατὰ Μαθθαῖον 27:25 και αποκριθιϲ παϲ ο λαοϲ ειπεν το αιμα αυτου εφ ημαϲ και επι τα τεκνα ημων ·
Κατὰ Μαθθαῖον 27:26 τοτε απελυϲεν αυτοιϲ τον βαραββαν τον δε ιν φραγελλωϲαϲ παρεδωκεν ϊνα ϲταυρωθη
Κατὰ Μαθθαῖον 27:27 τοτε οι ϲτρατιωται του ηγεμονοϲ παραλαβοντεϲ τον ιν ειϲ το πραιτωριον ϲυνηγαγον επ αυτον ολην την ϲπιραν
Κατὰ Μαθθαῖον 27:28 και εκδυϲαντεϲ αυτον · χλαμυδα κοκκινην περιεθηκαν αυτω ˙
Κατὰ Μαθθαῖον 27:29 και πλεξαντεϲ ϲτεφανον εξ ακανθων επεθηκαν επι τηϲ κεφαληϲ αυτου · και καλαμον εν τη δεξια αυτου · και γονυπετηϲαντεϲ εμπροϲθεν αυτου ενεπεξαν αυτω λεγοντεϲ χαιρε ο βαϲιλευϲ των ϊουδαιων :
Κατὰ Μαθθαῖον 27:30 και εμπτυϲαντεϲ ειϲ αυτον ελαβον τον καλαμον και ετυπτον ειϲ την κεφαλην αυτου
Κατὰ Μαθθαῖον 27:31 και οτε ενεπεξαν αυτω · εκδυϲαντεϲ αυτον την χλαμυδα ενεδυϲαν αυτον τα ϊματια αυτου και απηγαγον αυτον ειϲ το ϲταυρωϲαι
Κατὰ Μαθθαῖον 27:32 εξερχομενοι δε ευρον ανον κυρηνεον ονοματι ϲιμωνα τουτον ηγγαρευϲαν ϊνα αρη τον ϲταυρον αυτου
Κατὰ Μαθθαῖον 27:33 και ελθοντεϲ ειϲ τοπον γολγοθα ο εϲτιν κρανιου τοποϲ λεγομενοϲ
Κατὰ Μαθθαῖον 27:34 εδωκαν αυτω πιν οινον μετα χοληϲ μεμιγμενον και γευϲαμενοϲ ουκ ηθεληϲεν πιν
Κατὰ Μαθθαῖον 27:35 ϲταυρωϲαντεϲ δε αυτον διεμεριϲαντο τα ιματια αυτου βαλοντεϲ κληρον
Κατὰ Μαθθαῖον 27:36 και καθημενοι ετηρουν αυτον εκει
Κατὰ Μαθθαῖον 27:37 και επεθηκαν επανω τηϲ κεφαληϲ αυτου την αιτιαν αυτου γεγραμμενην ουτοϲ εϲτιν ιϲ ο βαϲιλευϲ των ϊουδεων
Κατὰ Μαθθαῖον 27:38 τοτε ϲταυρουνται ϲυν αυτω δυο ληϲτε ειϲ εκ δεξιων και ειϲ εξ ευωνυμων
Κατὰ Μαθθαῖον 27:39 οι δε παραπορευομενοι εβλαϲφημουν αυτον κινουντεϲ ταϲ κεφαλαϲ αυτων
Κατὰ Μαθθαῖον 27:40 και λεγοντεϲ ο καταλυων τον ναον και εν τριϲιν ημεραιϲ οικοδομων ϲωϲον ϲεαυτον ˙ ει υϊοϲ ει του θυ και καταβηθι απο του ϲταυρου :
Κατὰ Μαθθαῖον 27:41 ομοιωϲ οι αρχϊεριϲ εμπεζοντεϲ μετα των πρεϲβυτερων και γραμματαιων ελεγον
Κατὰ Μαθθαῖον 27:42 αλλουϲ εϲωϲεν εαυτον ου δυναται ϲωϲαι · βαϲιλευϲ ιηλ εϲτιν · καταβατω νυν απο του ϲταυρου και πιϲτευϲωμεν επ αυτον ·
Κατὰ Μαθθαῖον 27:43 πεποιθεν επι τον θν · ρυϲαϲθω νυν · ει θελι αυτον ˙ ειπεν γαρ οτι θεου ειμι υϲ
Κατὰ Μαθθαῖον 27:44 το δʼ αυτο και οι ληϲται οι ϲυνϲταυρωθεντεϲ ϲυν αυτω ωνειδιζον αυτον
Κατὰ Μαθθαῖον 27:45 απο δε εκτηϲ ωραϲ ϲκοτοϲ εγενετο εωϲ ωραϲ ενατηϲ
Κατὰ Μαθθαῖον 27:46 περι δε την ενατην ωραν ανεβοηϲεν ο ιϲ φωνη μεγαλη λεγων ελωϊ ελωϊ λεμα ϲαβαχθανει τουτ εϲτιν θε μου θε μου · ϊνατι με εγκατελιπεϲ
Κατὰ Μαθθαῖον 27:47 τινεϲ δε των εκει εϲτηκοτων ακουϲαντεϲ ελεγον ηλιαν φωνι ουτοϲ ·
Κατὰ Μαθθαῖον 27:48 και ευθεωϲ δραμων ειϲ · και λαβων ϲπογγον πληϲαϲ τε οξουϲ και περιθειϲ καλαμω . εποτιζον αυτον
Κατὰ Μαθθαῖον 27:49 οι δε λοιποι ελεγον αφεϲ ϊδωμεν ει ερχεται ηλιαϲ ϲωϲαι αυτον αλλοϲ δε λαβων λογχην ενυξεν αυτου την πλευραν και εξηλθεν ϋδωρ και αιμα
Κατὰ Μαθθαῖον 27:50 ο δε ιϲ παλιν κραξαϲ φωνη μεγαλη αφηκεν το πνα ·
Κατὰ Μαθθαῖον 27:51 και ϊδου το καταπεταϲμα του ναου εϲχιϲθη ειϲ δυο ανωθεν εωϲ κατω · και η γη εϲιϲθη και αι πετραι εϲχιϲθηϲαν
Κατὰ Μαθθαῖον 27:52 και πολλα ϲωματα των κεκοιμημενων αγιων ηγερθηϲαν ·
Κατὰ Μαθθαῖον 27:53 και εξελθοντεϲ εκ των μνημιων μετα την εγερϲιν αυτου ειϲ την αγιαν πολιν ενεφανιϲθηϲαν πολλοιϲ
Κατὰ Μαθθαῖον 27:54 ο δε εκατονταρχηϲ και οι μετ αυτου τηρουντεϲ τον ιν ϊδοντεϲ τον ϲιϲμον και τα γενομενα εφοβηθηϲαν ϲφοδρα λεγοντεϲ αληθωϲ υϲ ην του θυ ουτοϲ
Κατὰ Μαθθαῖον 27:55 ηϲαν δε κακει γυναικεϲ πολλαι απο μακροθεν θεωρουϲαι αιτινεϲ ηκολουθηϲαν τω ιυ απο τηϲ γαλιλαιαϲ διακονουϲαι αυτω
Κατὰ Μαθθαῖον 27:56 εν αιϲ ην μαρια η του ϊακωβου και η μαρια η ιωϲηφ και η μαρια η των ϋϊων ζεβεδεου
Κατὰ Μαθθαῖον 27:57 οψιαϲ δε γενομενηϲ ηλθεν ανοϲ πλουϲιοϲ απο αριμαθαιαϲ τουνομα ϊωϲηφʼ οϲ και αυτοϲ εμαθητευθη τω ιυ
Κατὰ Μαθθαῖον 27:58 ουτοϲ προϲελθων τω πιλατω ητηϲατο το ϲωμα του ιυ τοτε ο πιλατοϲ εκελευϲεν αποδοθηνε
Κατὰ Μαθθαῖον 27:59 και λαβων το ϲωμα ο ϊωϲηφʼ ενετυλιξεν αυτο ϲινδονι καθαρα
Κατὰ Μαθθαῖον 27:60 και εθηκεν εν τω καινω αυτου μνημιω ο ελατομηϲεν εν τη πετρα και προϲκυλιϲαϲ λιθον μεγαν τη θυρα του μνημιου απηλθεν
Κατὰ Μαθθαῖον 27:61 ην δε εκει μαριαμʼ η μαγδαληνη και η αλλη μαρια καθημενε απεναντι του ταφου ˙
Κατὰ Μαθθαῖον 27:62 τη δε επαυριον ητιϲ εϲτιν μετα την παραϲκευην ϲυνηχθηϲαν οι αρχϊερειϲ και οι φαριϲαιοι προϲ πιλατον
Κατὰ Μαθθαῖον 27:63 λεγοντεϲ · κε εμνηϲθημεν οτι εκινοϲ ο πλανοϲ ειπεν ετι ζων μετα τριϲ ημεραϲ εγιρομαι
Κατὰ Μαθθαῖον 27:64 κελευϲον ουν αϲφαλιϲθηναι τον ταφον εωϲ τηϲ τριτηϲ ημεραϲ μηποτε ελθοντεϲ οι μαθηται κλεψουϲιν αυτον και ειπωϲιν τω λαω ηγερθη απο των νεκρων και εϲται η εϲχατη πλανη χειρον τηϲ πρωτηϲ
Κατὰ Μαθθαῖον 27:65 εφη δε αυτοιϲ ο πιλατοϲ εχετε κουϲτωδιαν · ϋπαγετε αϲφαλιϲαϲθαι ωϲ οιδατε
Κατὰ Μαθθαῖον 27:66 οι δε πορευθεντεϲ ηϲφαλιϲαντο τον ταφον ϲφραγιϲαντεϲ τον λιθον μετα τηϲ κουϲτωδιαϲ
Κατὰ Μαθθαῖον 28:1 οψε δε ϲαββατων τη επιφωϲκουϲη ειϲ μιαν ϲαββατων ηλθεν μαριαμʼ η μαγδαληνη · και η αλλη μαρια · θεωρηϲαι τον ταφον
Κατὰ Μαθθαῖον 28:2 και ϊδου ϲιϲμοϲ εγενετο μεγαϲ · αγγελοϲ γαρ κυ καταβαϲ εξ ουνου και προϲελθων απεκυλιϲε τον λιθον και εκαθητο επανω αυτου
Κατὰ Μαθθαῖον 28:3 ωϲ αϲτραπη και το ενδυμα αυτου λευκον ωϲ χιων :
Κατὰ Μαθθαῖον 28:4 απο δε του φοβου αυτου εϲιϲθηϲαν οι τηρουντεϲ και εγενηθηϲαν ωϲ νεκροι
Κατὰ Μαθθαῖον 28:5 αποκριθειϲ δε ο αγγελοϲ ειπεν μη φοβηθηται ϋμιϲ · οιδα γαρ οτι ιν τον εϲταυρωμενον ζητειτε ˙
Κατὰ Μαθθαῖον 28:6 ουκ εϲτιν ωδε · ηγερθη γαρ καθωϲ ειπεν δευτε ειδετε τον τοπον οπου εκειτο ·
Κατὰ Μαθθαῖον 28:7 και ταχυ πορευθιϲαι ειπατε τοιϲ μαθηταιϲ αυτου οτι ηγερθη απο των νεκρων και ϊδου προαγει ϋμαϲ ειϲ την γαλιλαιαν εκει αυτον οψεϲθαι · ϊδου ειπα υμιν
Κατὰ Μαθθαῖον 28:8 και απελθουϲαι ταχυ απο του μνημιου μετα φοβου και χαραϲ μεγαληϲ εδραμον απαγγιλαι τοιϲ μαθηταιϲ αυτου
Κατὰ Μαθθαῖον 28:9 και ϊδου ιϲ υπηντηϲεν αυταιϲ λεγων χαιρετε αι δε προϲελθουϲαι εκρατηϲαν αυτου τουϲ ποδαϲ και προϲεκυνηϲαν αυτω ·
Κατὰ Μαθθαῖον 28:10 τοτε λεγει αυταιϲ ο ιϲ μη φοβειϲθε ϋπαγεται απαγγιλατε τοιϲ αδελφοιϲ ϊνα ελθωϲιν ειϲ την γαλιλαιαν και εκει με οψονται
Κατὰ Μαθθαῖον 28:11 πορευομενων δε αυτων ϊδου τινεϲ τηϲ κουϲτωδιαϲ ελθοντεϲ ειϲ την πολιν ανηγγιλαν τοιϲ αρχϊερευϲιν απαντα τα γενομενα
Κατὰ Μαθθαῖον 28:12 και ϲυναχθεντεϲ μετα των πρεϲβυτερων ϲυμβουλιον τε εποιηϲαν αργυρια ϊκανα εδωκαν τοιϲ ϲτρατιωταιϲ
Κατὰ Μαθθαῖον 28:13 λεγοντεϲ οτι ειπατε οι μαθηται αυτου νυκτοϲ ελθοντεϲ εκλεψαν αυτον ημων κοιμωμενων ˙
Κατὰ Μαθθαῖον 28:14 και εαν ακουϲθη τουτο επι του ηγεμονοϲ ημειϲ πειϲομεν και ϋμαϲ αμεριμνουϲ ποιηϲωμεν
Κατὰ Μαθθαῖον 28:15 οι δε λαβοντεϲ αργυρια εποιηϲαν ωϲ εδιδαχθηϲαν και εφημιϲθη ο λογοϲ ουτοϲ παρα ϊουδαιοιϲ εωϲ τηϲ ϲημερον
Κατὰ Μαθθαῖον 28:16 οι δε ενδεκα μαθηται επορευθηϲαν ειϲ την γαλιλαιαν ειϲ το οροϲ ου εταξατο αυτοιϲ ο ιϲ
Κατὰ Μαθθαῖον 28:17 και ϊδοντεϲ αυτον προϲεκυνηϲαν οι δε εδιϲταϲαν ·
Κατὰ Μαθθαῖον 28:18 και προϲελθων ο ιϲ ελαληϲεν λεγων εδοθη μοι παϲα εξουϲια εν ουρανω και επι γηϲ ·
Κατὰ Μαθθαῖον 28:19 πορευθεντεϲ μαθητευϲατε παντα τα εθνη βαπτιζοντεϲ αυτουϲ · ειϲ το ονομα του πρϲ και του ϋϊου και του αγιου πνϲ ˙
Κατὰ Μαθθαῖον 28:20 διδαϲκοντεϲ αυτουϲ τηριν παντα οϲα ενετιλαμην ϋμιν και ϊδου εγω ειμι μεθ υμων παϲαϲ ταϲ ημεραϲ εωϲ τηϲ ϲυντελειαϲ του αιωνοϲ ⁘
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .