Codex Sinaiticus: Κατὰ Μάρκον
- Κατὰ Μάρκον 10:32
ηϲαν δε εν τη οδω αναβαινοντεϲ ειϲ ϊεροϲολυμα και ην προαγων αυτουϲ ο ιϲ και εθαμβουντο οι δε ακολουθουντεϲ εφοβουντο και παραλαβων παλιν τουϲ · ιβ · ηρξατο αυτοιϲ λεγιν τα μελλοντα αυτω ϲυμβαινιν
- Κατὰ Μάρκον 10:33
οτι ϊδου αναβενομεν ϊϲ ϊεροϲολυμα και ο υϲ του ανου παραδοθηϲεται τοιϲ αρχιερευϲι και κατακρινουϲιν αυτον θανατω και παραδωϲουϲιν αυτον τοιϲ εθνεϲιν
- Κατὰ Μάρκον 10:34
και εμπεξουϲιν αυτω και εμπτυουϲιν αυτω και μαϲτιγωϲουϲιν αυτον και αποκτενουϲιν · και μετα τριϲ ημεραϲ αναϲτηϲεται
- Κατὰ Μάρκον 10:35
και παραπορευονται αυτω ϊακωβοϲ και ϊωαννηϲ οι υϊοι ζεβεδαιου λεγοντεϲ αυτω διδαϲκαλε θελομεν ·
- Κατὰ Μάρκον 10:37
ινα ειϲ ϲου εκ δεξιων και ειϲ ϲου εξ ευωνυμων καθιϲωμεν εν τη δοξη ϲου ˙
- Κατὰ Μάρκον 10:38
ο δε ιϲ ειπεν αυτοιϲ ουκ οιδαται τι αιτιϲθε δυναϲθαι πιειν το ποτηριον ο εγω πινω · η το βαπτιϲμα ο εγω βαπτιζομε βαπτιϲθηναι
- Κατὰ Μάρκον 10:39
οι δε ειπαν αυτω δυναμεθα ο δε ιϲ ειπεν αυτοιϲ το ποτηριον ο εγω πινω πιεϲθε και το βαπτιϲμα ο εγω βαπτιζομε βαπτιϲθηϲεϲθε
- Κατὰ Μάρκον 10:40
το δε καθιϲαι εκ δεξιων μου η εξ ευωνυμων ουκ εϲτιν εμον δουναι αλλ οιϲ ητοιμαϲται ϋπο του πατροϲ μου
- Κατὰ Μάρκον 10:41
και ακουϲαντεϲ οι δεκα · ηρξαντο αγανακτειν και περι ϊακωβου και ϊωαννου
- Κατὰ Μάρκον 10:42
και προϲκαλεϲαμενοϲ αυτουϲ ιϲ λεγει αυτοιϲ οιδατε οτι οι δοκουντεϲ αρχειν των εθνων κατακυριευουϲιν αυτων και οι βαϲιλειϲ κατεξουϲιαζουϲιν αυτων
- Κατὰ Μάρκον 10:43
ουχ ουτωϲ δε εϲτιν εν ϋμιν αλλ οϲ αν θελη μεγαϲ γενεϲθαι εν υμιν εϲτω ϋμων διακονοϲ
- Κατὰ Μάρκον 10:44
και οϲ αν θελη εν υμιν ειναι πρωτοϲ εϲται παντων δουλοϲ
- Κατὰ Μάρκον 10:45
και γαρ ο υϲ του ανθρωπου ουκ ηλθεν διακονηθηναι αλλα διακονηϲαι και δουναι την ψυχην αυτου λυτρον αντι πολλων ·
- Κατὰ Μάρκον 10:46
και ερχονται ειϲ ϊεριχω και εκπορευομενου αυτου απο ϊερειχω και των μαθητων αυτου και οχλου ϊκανου ο ϋϊοϲ τιμαιου βαρτιμαιοϲ τυφλοϲ και προϲαιτηϲ · εκαθητο παρα την οδον ·
- Κατὰ Μάρκον 10:47
και ακουϲαϲ οτι ιϲ ο ναζωραιοϲ εϲτιν ηρξατο κραζειν και λεγειν υε δαδ ιυ ελεηϲον με
- Κατὰ Μάρκον 10:48
και επετιμων αυτω πολλοι · ϊνα ϲιωπηϲη · ο δε πολλω μαλλον εκραζεν ϋϊε δαδ ελεηϲον με ·
- Κατὰ Μάρκον 10:49
και ϲταϲ ο ιϲ ειπεν φωνηϲατε αυτον και φωνουϲι τον τυφλον λεγοντεϲ αυτω · θαρϲει εγειρε φωνει ϲε
- Κατὰ Μάρκον 10:50
ο δε αποβαλων το ϊματιον αυτου αναπηδηϲαϲ ηλθεν προϲ τον ιν
- Κατὰ Μάρκον 10:51
και αποκριθειϲ αυτω ο ιϲ ειπεν τι ϲοι θελειϲ ποιηϲω ο δε τυφλοϲ ειπεν αυτω · ραββουνι ϊνα αναβλεψω
- Κατὰ Μάρκον 10:52
ο δε ιϲ ειπεν αυτω · υπαγε η πιϲτιϲ ϲου ϲεϲωκεν ϲε · και ευθυϲ ανεβλεψεν και ηκολουθει αυτω εν τη οδω
- Κατὰ Μάρκον 11:1
και οτε εγγιζουϲιν ειϲ ϊεροϲολυμα ειϲ βηθφαγη · και ειϲ βηθανιαν προϲ το οροϲ των ελεων αποϲτελλει δυο των μαθητων αυτου
- Κατὰ Μάρκον 11:2
και λεγι αυτοιϲ ϋπαγετε ειϲ την κωμην και ευθυϲ ειϲπορευομενοι ειϲ αυτην ευρηϲετε πωλον δεδεμενον εφ ον ουδιϲ ανθρωπων ουπω εκαθιϲ[…] ˙ λυϲατε αυτον και φερετε
- Κατὰ Μάρκον 11:3
και εαν τιϲ ϋμιν ειπη τι ποιειτε τουτο ειπατε οτι ο κϲ αυτου χριαν εχει · και ευθυϲ αυτον αποϲτελλει παλιν ωδε
- Κατὰ Μάρκον 11:4
και απηλθον και ευρον τον πωλον δεδεμενον προϲ την θυραν εξω επι του αμφοδου · και λυουϲιν αυτον
- Κατὰ Μάρκον 11:5
και τινεϲ των εκει εϲτηκοτων ελεγον αυτοιϲ τι ποιειτε λυοντεϲ τον πωλον ·
- Κατὰ Μάρκον 11:6
οι δε ειπον αυτοιϲ καθωϲ ειπεν ο ιϲ και αφηκαν αυτουϲ ·
- Κατὰ Μάρκον 11:7
και αγουϲιν τον πωλον προϲ τον ιν και επιβαλλουϲιν αυτων τα ϊματια αυτω και εκαθιϲαν επ αυτον
- Κατὰ Μάρκον 11:8
και πολλοι τα ϊματια αυτων εϲτρωϲαν ειϲ την οδον · αλλοι δε ϲτιβαδαϲ κοψαντεϲ εκ των αγρων
- Κατὰ Μάρκον 11:9
και οι προαγοντεϲ και οι ακολουθουντεϲ εκραζον ωϲαννα ευλογημενοϲ ο ερχομενοϲ εν ονοματι κυ ·
- Κατὰ Μάρκον 11:10
ευλογημενη η ερχομενη βαϲιλεια του πατροϲ ημων δαδ ˙ ωϲαννα εν τοιϲ ϋψιϲτοιϲ
- Κατὰ Μάρκον 11:11
και ειϲηλθεν ϊϲ ϊεροϲολυμα ειϲ το ϊερον και περιβλεψαμενοϲ παντα οψε ηδη ουϲηϲ τηϲ ωραϲ εξηλθεν ειϲ βηθανιαν μετα των · ιβ ·
- Κατὰ Μάρκον 11:12
και τη επαυριον εξελθοντων αυτων απο βηθανιαϲ
- Κατὰ Μάρκον 11:13
και ϊδων ϲυκην μιαν απο μακροθεν εχουϲαν φυλλα ηλθεν ει αρα τι ευρηϲι εν αυτη · και ελθων επ αυτην ουδεν ευρεν ει μη φυλλα ο γαρ καιροϲ ουκ ην ϲυκων ·
- Κατὰ Μάρκον 11:14
και αποκριθειϲ ειπεν αυτη μηκετι ειϲ τον αιωνα εκ ϲου μηδιϲ καρπον φαγοι και ηκουον οι μαθηται αυτου
- Κατὰ Μάρκον 11:15
και ερχονται ϊϲ ϊεροϲολυμα και ειϲελθων ειϲ το ϊερον ηρξατο εκβαλλειν τουϲ πωλουνταϲ και τουϲ αγοραζονταϲ εν τω ϊερω και ταϲ τραπεζαϲ των κολλυβιϲτων κατεϲτρεψεν και ταϲ καθεδραϲ των πωλουντων ταϲ περιϲτεραϲ
- Κατὰ Μάρκον 11:16
και ουκ ηφιεν ϊνα τιϲ διενεγκη ϲκευοϲ δια του ϊερου
- Κατὰ Μάρκον 11:17
και εδιδαϲκεν και ελεγεν αυτοιϲ · ου γεγραπται οτι ο οικοϲ μου οικοϲ προϲευχηϲ κληθηϲεται παϲιν τοιϲ εθνεϲιν · ϋμειϲ δε εποιηϲατε αυτον ϲπηλαιον ληϲτων
- Κατὰ Μάρκον 11:18
και ηκουϲαν οι αρχϊεριϲ και οι γραμματιϲ και εζητουν πωϲ αυτον απολεϲωϲιν εφοβουντο γαρ αυτον παϲ γαρ ο οχλοϲ εξεπληϲϲοντο επι τη διδαχη αυτου
- Κατὰ Μάρκον 11:19
και οταν οψε εγενετο εξεπορευετο εξω τηϲ πολεωϲ
- Κατὰ Μάρκον 11:20
και παρεπορευετο πρωι και ϊδον την ϲυκην εξηραμμενην εκ ριζων
- Κατὰ Μάρκον 11:21
και αναμνηϲθιϲ ο πετροϲ λεγει αυτω ραββει ειδε η ϲυκη ην κατηραϲω εξηρανται
- Κατὰ Μάρκον 11:22
και αποκριθειϲ ο ιϲ λεγει αυτοιϲ ει εχετε πιϲτιν θυ
- Κατὰ Μάρκον 11:23
αμην λεγω υμιν οϲ αν ειπη τω ορι τουτω αρθητι και βληθητι ειϲ την θαλαϲϲαν και μη διακριθη εν τη καρδια αυτου αλλα πιϲτευη οτι ο λαλει γινεται εϲτε αυτω
- Κατὰ Μάρκον 11:24
δια τουτο λεγω ϋμιν παντα οϲα προϲευχεϲθε και αιτιϲθε πιϲτευετε οτι ελαβετε και εϲτε υμιν :
- Κατὰ Μάρκον 11:25
και οταν ϲτητε προϲευχομενοι αφιεται ει τι εχεται κατα τινοϲ ϊνα και ο πατηρ ϋμων ο εν τοιϲ ουρανοιϲ αφη υμιν τα παραπτωματα υμων
- Κατὰ Μάρκον 11:27
και ερχονται παλιν ϊϲ ιεροϲολυμα και εν τω ϊερω περιπατουντοϲ αυτου ερχονται προϲ αυτον οι αρχϊερειϲ και οι γραμματιϲ και οι πρεϲβυτεροι
- Κατὰ Μάρκον 11:28
και ελεγον αυτω εν ποια εξουϲια ταυτα ποιειϲ η τιϲ ϲοι εδωκεν την εξουϲιαν ταυτην ϊνα ταυτα ποιηϲ
- Κατὰ Μάρκον 11:29
ο δε ιϲ ειπεν αυτοιϲ επερωτηϲω ϋμαϲ καγω ενα λογον και αποκριθητε μοι και ερω ϋμιν εν ποια εξουϲια ταυτα ποιω
- Κατὰ Μάρκον 11:30
το βαπτιϲμα το ϊωαννου ποθεν ην · εξ ουρανου η εξ ανθρωπων αποκριθητε μοι ·
- Κατὰ Μάρκον 11:31
και προϲελογιζοντο προϲ εαυτουϲ λεγοντεϲ […] εαν ειπωμεν εξ ουρανου ερει δια τι ουν ουκ επιϲτευϲατε αυτω
- Κατὰ Μάρκον 11:32
αλλα ειπωμεν εξ ανων · εφοβουντο τον οχλον παντεϲ γαρ ειχον τον ϊωαννην οτι προφητηϲ ην ·
- Κατὰ Μάρκον 11:33
και αποκριθεντεϲ τω ιυ λεγουϲιν ουκ οιδαμεν […] και ο ιϲ λεγι αυτοιϲ ουδε εγω λεγω ϋμιν εν ποια εξουϲια ταυτα ποιω
- Κατὰ Μάρκον 12:1
και ηρξατο αυτοιϲ εν παραβολαιϲ λαλιν αμπελωνα ανθρωποϲ εφυτευϲεν και περιεθηκεν φραγμον και ωρυξεν ϋποληνιον και ωκοδομηϲεν πυργον και εξεδετο αυτον γεωργοιϲ και απεδημηϲεν
- Κατὰ Μάρκον 12:2
και απεϲτιλεν προϲ τουϲ γεωργουϲ τω καιρω δουλον ϊνα παρα των γεωργων λαβοι απο των καρπων του αμπελωνοϲ
- Κατὰ Μάρκον 12:3
και λαβοντεϲ αυτον εδειραν και απεϲτιλαν καινον
- Κατὰ Μάρκον 12:4
και παλιν απεϲτιλεν προϲ αυτουϲ αλλον κακεινον εκεφαλιωϲαν και ητιμαϲαν
- Κατὰ Μάρκον 12:5
και αλλον απεϲτιλεν κακεινον απεκτιναν και πολλουϲ ολλουϲ ουϲ μεν δεροντεϲ ουϲ δε αποκτεννοντεϲ
- Κατὰ Μάρκον 12:6
ετι ενα ειχεν υν αγαπητον απεϲτιλεν αυτον εϲχατον προϲ αυτουϲ λεγων · οτι εντραπηϲονται τον υν μου ·
- Κατὰ Μάρκον 12:7
εκινοι δε οι γεωργοι προϲ εαυτουϲ ειπαν οτι ουτοϲ εϲτιν ο κληρονομοϲ δευτε αποκτινωμεν αυτον και ημων εϲτε η κληρονομια
- Κατὰ Μάρκον 12:8
και λαβοντεϲ απεκτιναν αυτον και εξεβαλον εξω του αμπελωνοϲ
- Κατὰ Μάρκον 12:9
τι ουν ποιηϲει ο κϲ του αμπελωνοϲ ελευϲεται και απολεϲει τουϲ γεωργουϲ και δωϲει τον αμπελωνα αλλοιϲ
- Κατὰ Μάρκον 12:10
ουδε την γραφην ταυτην ανεγνωτε λιθον ον απεδοκιμαϲαν οι οικοδομουντεϲ · ουτοϲ εγενηθη ειϲ κεφαλην γωνιαϲ ·
- Κατὰ Μάρκον 12:11
παρα κυ εγενετο αυτη και εϲτιν θαυμαϲτη εν οφθαλμοιϲ ημων
- Κατὰ Μάρκον 12:12
και εζητουν αυτον κρατηϲαι και εφοβηθηϲαν τον οχλον εγνωϲαν γαρ οτι προϲ αυτουϲ την παραβολην ειπεν και αφεντεϲ αυτον απηλθον
- Κατὰ Μάρκον 12:13
και αποϲτελλουϲιν προϲ αυτον τιναϲ των φαριϲαιων και των ηρωδιανων · ϊνα αυτον αγρευϲωϲιν λογω ·
- Κατὰ Μάρκον 12:14
και ελθοντεϲ λεγουϲιν αυτω διδαϲκαλε · οιδαμεν οτι αληθηϲ ει · και ου μελι ϲοι περι ουδενοϲ · ου γαρ βλεπιϲ ειϲ προϲωπον ανθρωπων αλλ επ αληθειαϲ την οδον του θυ διδαϲκιϲ · εξεϲτιν δουναι κηνϲον καιϲαρι · η ου · δωμεν · η μη δωμεν ·
- Κατὰ Μάρκον 12:15
ο δε ϊδων αυτων την υποκριϲιν ειπεν αυτοιϲ τι με πιραζετε φερετε μοι δηναριον ωδε ϊνα ειδω
- Κατὰ Μάρκον 12:16
οι δε ηνεγκαν και λεγει αυτοιϲ · τινοϲ η εικων αυτη και η επιγραφη · οι δε ειπαν αυτω καιϲαροϲ ·
- Κατὰ Μάρκον 12:17
ο δε ιϲ ειπεν αυτοιϲ τα καιϲαροϲ αποδοτε καιϲαρι · και τα του θυ τω θω · και εξεθαυμαζον επ αυτω ·
- Κατὰ Μάρκον 12:18
και ερχονται ϲαδδουκαιοι προϲ αυτον οιτινεϲ λεγουϲιν αναϲταϲιν μη ειναι · και επηρωτων αυτον λεγοντεϲ
- Κατὰ Μάρκον 12:19
διδαϲκαλε · μωϋϲηϲ εγραψεν ημιν οτι εαν τινοϲ αδελφοϲ αποθανη και καταλιψη γυναικα και μη αφη τεκνα ϊνα λαβη ο αδελφοϲ αυτου την γυναικα και εξαναϲτηϲη ϲπερμα τω αδελφω αυτου ˙
- Κατὰ Μάρκον 12:20
· ζν · αδελφοι ηϲαν και ὁ ειϲ ελαβεν γυναικα και αποθνηϲκων ουκ αφηκεν ϲπερμα ·
- Κατὰ Μάρκον 12:21
και ο δευτεροϲ ελαβεν αυτην και απεθανεν μη καταλιπων ϲπερμα · και ο τριτοϲ ωϲαυτωϲ
- Κατὰ Μάρκον 12:22
και οι επτα ουκ αφηκεν ϲπερμα · εϲχατον παντων και η γυνη απεθανεν ·
- Κατὰ Μάρκον 12:23
εν τη αναϲταϲει τινοϲ αυτων εϲται γυνη · οι γαρ επτα εϲχον αυτην γυναικα
- Κατὰ Μάρκον 12:24
εφη αυτοιϲ ο ιϲ ου δια τουτο πλαναϲθαι μη ειδοτεϲ ταϲ γραφαϲ μηδε την δυναμιν του θυ
- Κατὰ Μάρκον 12:25
οταν γαρ εκ νεκρων αναϲτωϲιν ουτε γαμιζονται αλλ ειϲιν ωϲ αγγελοι εν τοιϲ ουρανοιϲ ·
- Κατὰ Μάρκον 12:26
περι δε των νεκρων οτι εγειρονται ουκ ανεγνωται εν τη βιβλω μωϋϲεωϲ επι του βατου · πωϲ ειπεν αυτω ο θϲ λεγων εγω ὁ θϲ αβρααμ και ὁ θϲ ϊϲακʼ και ο θϲ ϊακωβ ˙
- Κατὰ Μάρκον 12:27
ουκ εϲτιν ο θϲ νεκρων αλλα ζωντων · πολυ πλαναϲθε
- Κατὰ Μάρκον 12:28
και προϲελθων ειϲ των γραμματεων ακουϲαϲ αυτων ϲυνζητουντων ιδων οτι καλωϲ απεκριθη αυτοιϲ επηρωτηϲεν αυτον ποια εϲτιν εντολη πρωτη παντων ˙
- Κατὰ Μάρκον 12:29
απεκριθη ο ιϲ οτι πρωτη εϲτιν · ακουε ιηλ · κϲ ο θϲ ημων κϲ ειϲ εϲτιν ·
- Κατὰ Μάρκον 12:30
και αγαπηϲειϲ κν τον θν ϲου εξ οληϲ τηϲ καρδιαϲ ϲου και εξ οληϲ τηϲ ψυχηϲ ϲου και εξ οληϲ τηϲ διανοιαϲ ϲου και εξ οληϲ τηϲ ϊϲχυοϲ ϲου ·
- Κατὰ Μάρκον 12:31
δευτερα αυτη εϲτιν αγαπηϲιϲ τον πληϲιον ϲου ωϲ ϲεαυτον · μειζων δε τουτων αλλη εντολη ουκ εϲτιν
- Κατὰ Μάρκον 12:32
και ειπεν αυτω ο γραμματευϲ καλωϲ διδαϲκαλε επ αληθιαϲ ειπεϲ · οτι ειϲ εϲτιν και ουκ εϲτιν αλλοϲ πλην αυτου ·
- Κατὰ Μάρκον 12:33
και το αγαπαν αυτον εξ οληϲ τηϲ καρδιαϲ ϲου και εξ οληϲ τηϲ ϲυνεϲεωϲ και εξ οληϲ ιϲχυοϲ και το αγαπαν τον πληϲιον ϲου ωϲ ϲεαυτον περιϲϲοτερον εϲτιν παντων των ολοκαυτωματων και των θυϲιων ˙
- Κατὰ Μάρκον 12:34
και ο ιϲ ειδων οτι νουνεχωϲ απεκριθη · ειπεν αυτω ου μακραν απο τηϲ βαϲιλιαϲ του θυ και ουδιϲ ουκετι ετολμα επερωτηϲε αυτον
- Κατὰ Μάρκον 12:35
και αποκριθειϲ ο ιϲ ελεγεν διδαϲκων εν τω ϊερω πωϲ λεγουϲιν οι γραμματιϲ οτι ο χϲ ϋϊοϲ δαδ εϲτιν
- Κατὰ Μάρκον 12:36
αυτοϲ δαδ ειπεν εν τω πνι τω αγιω ειπεν ο κϲ τω κω μου καθου εκ δεξιων μου εωϲ αν θω τουϲ εχθρουϲ ϲου ϋποποδιον των ποδων ϲου
- Κατὰ Μάρκον 12:37
αυτοϲ δαδ λεγει αυτον κν και πωϲ υϲ αυτου εϲτιν · και πολυϲ οχλοϲ ηκουϲεν αυτου ηδεωϲ
- Κατὰ Μάρκον 12:38
και εν τη διδαχη αυτου λεγεν βλεπετε απο των γραμματαιων των θελοντων εν ϲτολαιϲ περιπατιν και αϲπαϲμουϲ εν ταιϲ αγοραιϲ
- Κατὰ Μάρκον 12:39
και πρωτοκαθεδριαϲ εν ταιϲ ϲυναγωγαιϲ και πρωτοκλιϲιαϲ εν τοιϲ διπνοιϲ
- Κατὰ Μάρκον 12:40
οι κατεϲθιοντεϲ ταϲ οικιαϲ των χηρων και προφαϲει μακρα προϲευχομενοι · ουτοι λημψονται περιϲϲοτερον κριμα
- Κατὰ Μάρκον 12:41
και καθιϲαϲ κατεναντι του γαζοφυλακιου θεωρει πωϲ ο οχλοϲ βαλλει τον χαλκον ειϲ το γαζοφυλακιον και πολλοι πλουϲιοι εξεβαλλον πολλα ·
- Κατὰ Μάρκον 12:42
και ελθουϲα μια γυνη χηρα πτωχη εβαλε λεπτα δυο ο εϲτι κοδραντηϲ
- Κατὰ Μάρκον 12:43
και προϲκαλεϲαμενοϲ τουϲ μαθηταϲ αυτου ειπεν αυτοιϲ · αμην λεγω υμιν οτι η χηρα αυτη η πτωχη πλεον παντων εβαλλεν των βαλλοντων ειϲ το γαζοφυλακιον
- Κατὰ Μάρκον 12:44
παντεϲ γαρ εκ του περιϲϲευοντοϲ αυτοιϲ εβαλον · αυτη δε εκ τηϲ ϋϲτερηϲεωϲ αυτηϲ παντα οϲα ειχεν εβαλεν ολον τον βιον αυτηϲ ·
- Κατὰ Μάρκον 13:1
και εκπορευομενου αυτου εκ του ϊερου λεγει αυτω ειϲ των μαθητων αυτου διδαϲκαλε διδαϲκαλε ϊδε ποταποι λιθοι και ποταπαι οικοδομαι
- Κατὰ Μάρκον 13:2
και ο ιϲ ειπεν αυτω βλεπιϲ ταυταϲ ταϲ μεγαλαϲ οικοδομαϲ ου μη αφεθη ωδε λιθοϲ επι λιθον · οϲ ου καταλυθηϲετε
- Κατὰ Μάρκον 13:3
και καθημενου αυτου ειϲ το οροϲ των ελαιων κατεναντι του ϊερου επηρωτα αυτον κατ ϊδιαν ο πετροϲ και ϊακωβοϲ και ϊωαννηϲ και ανδρεαϲ
- Κατὰ Μάρκον 13:4
ειπον ημιν · ποτε ταυτα εϲται · και τι το ϲημιον οταν μελλη ταυτα ϲυντελιϲθαι παντα […]
← Previous · Next → — showing 401–500 of 658
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.