← All works

Codex Sinaiticus: Κατὰ Μάρκον

Codex Sinaiticus · 658 sections

1. Κατὰ Μάρκον 6:10

   και ελεγεν αυτοιϲ οπου εαν ειϲελθητε ειϲ οικιαν εκει μινατε εωϲ αν εξελθητε εκιθεν

2. Κατὰ Μάρκον 6:11

   και οϲʼ αν τοποϲ μη δεξηται ϋμαϲ μηδε ακουϲωϲιν ϋμων εκπορευομενοι εκειθεν εκτιναξατε τον χουν τον ϋποκατω των ποδων ϋμων ειϲ μαρτυριον αυτοιϲ

3. Κατὰ Μάρκον 6:12

   και εξελθοντεϲ εκηρυξαν αυτοιϲ ϊνα μετανοηϲωϲιν

4. Κατὰ Μάρκον 6:13

   και δαιμονια πολλα εξεβαλλον και ηλειφον ελαιω πολλουϲ αρρωϲτουϲ και εθεραπευον

5. Κατὰ Μάρκον 6:14

   και ηκουϲεν ο βαϲιλευϲ ηρωδηϲ φανερον γαρ εγενετο το ονομα αυτου και ελεγεν οτι ϊωαννηϲ ο βαπτιζων εγηγερται εκ νεκρων και δια τουτο ενεργουϲιν αι δυναμιϲ εν αυτω ·

6. Κατὰ Μάρκον 6:15

   αλλοι δε ελεγον οτι ηλιαϲ εϲτιν αλλοι δε οτι προφητηϲ ωϲ ειϲ των προφητων

7. Κατὰ Μάρκον 6:16

   ακουϲαϲ δε ο ηρωδηϲ ελεγεν ον εγω απεκεφαλιϲα ουτοϲ ϊωαννηϲ ηγερθη :

8. Κατὰ Μάρκον 6:17

   αυτοϲ γαρ ο ηρωδηϲ αποϲτιλαϲ εκρατηϲε τον ϊωαννην και εδηϲεν αυτον εν φυλακη δια ηρωδιαδα την γυναικα φιλιππου του αδελφου αυτου οτι αυτην εγαμηϲεν

9. Κατὰ Μάρκον 6:18

   ελεγεν γαρ ὁ ϊωαννηϲ τω ηρωδη οτι ουκ εξεϲτιν ϲοι εχιν την γυναικα του αδελφου ϲου

10. Κατὰ Μάρκον 6:19

    η δε ηρωδιαϲ ενειχεν αυτω και ηθελεν αυτον αποκτιναι και ουκ ηδυνατο

11. Κατὰ Μάρκον 6:20

    ο γαρ ηρωδηϲ εφοβειτο τον ϊωαννην ειδωϲ αυτον ανδρα δικαιον και αγιον και ϲυνετηρει αυτον · και ακουϲαϲ αυτου πολλα ηπορει · και ηδεωϲ αυτου ηκουεν

12. Κατὰ Μάρκον 6:21

    και γενομενηϲ ημεραϲ ευκαιρου οτε ηρωδηϲ τοιϲ γενεϲιοιϲ αυτου διπνον εποιηϲεν τοιϲ μεγιϲταϲιν αυτου και τοιϲ χιλιαρχοιϲ και τοιϲ πρωτοιϲ τηϲ γαλιλαιαϲ

13. Κατὰ Μάρκον 6:22

    και ελθουϲηϲ τηϲ θυγατροϲ αυτου ηρωδιαδοϲ και ορχηϲαμενηϲ ηρεϲεν τω ηρωδη και τοιϲ ϲυνανακειμενοιϲ ὁ δε βαϲιλευϲ ειπεν τω κοραϲιω αιτηϲαι με ο εαν θεληϲ και δωϲω ϲοι

14. Κατὰ Μάρκον 6:23

    και ωμοϲεν αυτη οτι ο εαν αιτηϲηϲ δωϲω ϲοι εωϲ ημιϲουϲ τηϲ βαϲιλειαϲ μου

15. Κατὰ Μάρκον 6:24

    και εξελθουϲα ειπεν τη μητρι αυτηϲ τι αιτηϲωμαι η δε ειπεν την κεφαλην ϊωαννου του βαπτιζοντοϲ

16. Κατὰ Μάρκον 6:25

    και ελθουϲα ευθυϲ μετα ϲπουδηϲ προϲ τον βαϲιλεα ητηϲατο λεγουϲα θελω ϊνα εξαυτηϲ δωϲ μοι επι πινακι την κεφαλην ϊωαννου του βαπτιϲτου

17. Κατὰ Μάρκον 6:26

    και περιλυποϲ γενομενοϲ ο βαϲιλευϲ δια τουϲ ορκουϲ και τουϲ ϲυνανακειμενουϲ ουκ ηθεληϲεν αθετηϲαι αυτην

18. Κατὰ Μάρκον 6:27

    και ευθυϲ αποϲτιλαϲ ο βαϲιλευϲ ϲπεκουλατορα επεταξεν ενεγκε την κεφαλην αυτου

19. Κατὰ Μάρκον 6:28

    επι πινακι και εδωκεν αυτην τω κοραϲιω και το κοραϲιον εδωκεν αυτην τη μητρι αυτηϲ :

20. Κατὰ Μάρκον 6:29

    και ϲκουϲαντεϲ οι μαθηται αυτου ηλθον και ηραν το πτωμα αυτου και εθηκαν αυτον εν μνημιω :

21. Κατὰ Μάρκον 6:30

    και ϲυναγονται οι αποϲτολοι προϲ τον ιν και απηγγιλαν αυτω παντα οϲα εποιηϲαν και εδιδαξαν

22. Κατὰ Μάρκον 6:31

    και λεγει αυτοιϲ δευτε ϋμιϲ αυτοι κατ ϊδιαν ειϲ ερημον τοπον και αναπαυεϲθαι ολιγον ηϲαν γαρ οι ερχομενοι και οι ϋπαγοντεϲ πολλοι και ουδε φαγειν ευκαιρουν

23. Κατὰ Μάρκον 6:32

    και απηλθον εν πλοιω ειϲ ερημον τοπον κατ ϊδιαν

24. Κατὰ Μάρκον 6:33

    και ϊδον αυτουϲ ϋπαγονταϲ και επεγνωϲαν αυτουϲ πολλοι και πεζη απο παϲων των πολεων ϲυνεδραμον εκει και προηλθον αυτουϲ

25. Κατὰ Μάρκον 6:34

    και εξελθων ειδεν οχλον πολυν και εϲπλαγχνιϲθη επ αυτουϲ οτι ηϲαν μη εχοντα ποιμενα και ηρξατο διδαϲκιν αυτουϲ πολλα

26. Κατὰ Μάρκον 6:35

    και ηδη ωραϲ πολληϲ γινομενηϲ προϲελθοντεϲ οι μαθηται αυτου ελεγον οτι ερημοϲ εϲτιν ο τοποϲ και ηδη ωρα πολλη

27. Κατὰ Μάρκον 6:36

    απολυϲον αυτουϲ ϊνα απελθοντεϲ ειϲ τουϲ κυκλω αγρουϲ και κωμαϲ αγοραϲωϲιν εαυτοιϲ βρωματα τι φαγωϲιν

28. Κατὰ Μάρκον 6:37

    ο δε αποκριθειϲ ειπεν αυτοιϲ δοτε αυτοιϲ ϋμειϲ φαγιν · και λεγουϲιν αυτω απελθοντεϲ αγοραϲωμεν δηναριων διακοϲιων αρτουϲ και δωϲωμεν αυτοιϲ φαγειν ·

29. Κατὰ Μάρκον 6:38

    ο δε λεγει αυτοιϲ ποϲουϲ αρτουϲ εχετε ϋπαγετε ϊδετε και ελθοντεϲ λεγουϲιν πεντε · και δυο ιχθυαϲ

30. Κατὰ Μάρκον 6:39

    και επεταξεν αυτοιϲ ανακλιθηναι πανταϲ ϲυμποϲια ϲυμποϲια επι τω χλωρω χορτω

31. Κατὰ Μάρκον 6:40

    και ανεπεϲαν πραϲιαι κατα εκατον και κατα νν

32. Κατὰ Μάρκον 6:41

    και λαβων τουϲ πεντε αρτουϲ και τουϲ δυο ϊχθυαϲ αναβλεψαϲ ειϲ τον ουρανον ευλογηϲεν και κλαϲαϲ τουϲ αρτουϲ εδιδου τοιϲ μαθηταιϲ ϊνα παρατιθωϲιν αυτοιϲ και τουϲ · βν · ϊχθυαϲ εμεριϲεν παϲιν

33. Κατὰ Μάρκον 6:42

    και εφαγον παντεϲ και εχορταϲθηϲαν

34. Κατὰ Μάρκον 6:43

    και ηραν κλαϲματων · ιβ · κοφινων πληρωματα και απο των δυο ϊχθυων

35. Κατὰ Μάρκον 6:44

    και ηϲαν οι φαγοντεϲ ωϲ πεντακιϲχιλιοι ανδρεϲ :

36. Κατὰ Μάρκον 6:45

    και ευθυϲ ηναγκαϲε τουϲ μαθηταϲ αυτου εμβηναι ειϲ πλοιον και προαγειν ειϲ το περαν προϲ βηθϲαϊδαν . εωϲ αυτοϲ απολυει τον οχλον :

37. Κατὰ Μάρκον 6:46

    και αποταξαμενοϲ αυτοιϲ απηλθεν ειϲ το οροϲ προϲευξαϲθαι

38. Κατὰ Μάρκον 6:47

    και οψιαϲ γενομενηϲ ην το πλοιον εν μεϲω τηϲ θαλαϲϲηϲ και αυτοϲ μονοϲ επι τηϲ γηϲ ·

39. Κατὰ Μάρκον 6:48

    και ϊδων αυτουϲ βαϲανιζομενουϲ εν τω ελαυνιν ην γαρ εναντιοϲ ο ανεμοϲ αυτοιϲ περι τεταρτην φυλακην τηϲ νυκτοϲ ερχεται προϲ αυτουϲ περιπατων επι τηϲ θαλαϲϲηϲ και ηθελεν παρελθειν αυτουϲ

40. Κατὰ Μάρκον 6:49

    οι δε ϊδοντεϲ αυτον επι τηϲ θαλαϲϲηϲ περιπατουντα εδοξαν οτι φανταϲμα εϲτιν · και ανεκραξαν

41. Κατὰ Μάρκον 6:50

    παντεϲ γαρ αυτον ειδαν και εταραχθηϲαν . ο δε ευθυϲ ελαληϲεν μετ αυτων και λεγει αυτοιϲ θαρϲειτε εγω ειμι μη φοβειϲθε

42. Κατὰ Μάρκον 6:51

    και ανεβη προϲ αυτουϲ ειϲ το πλοιον και εκοπαϲεν ο ανεμοϲ και λιαν εν εαυτοιϲ εξιϲταντο

43. Κατὰ Μάρκον 6:52

    ου γαρ ϲυνηκαν επι τοιϲ αρτοιϲ αλλ ην αυτων η καρδια πεπωρωμενη

44. Κατὰ Μάρκον 6:53

    και διαπεραϲαντεϲ επι την γην ηλθον ειϲ γεννηϲαρετʼ και προϲωρμηθηϲαν :

45. Κατὰ Μάρκον 6:54

    και εξελθοντων αυτων εκ του πλοιου ευθυϲ επιγνοντεϲ αυτον

46. Κατὰ Μάρκον 6:55

    περιεδραμον ολην την χωραν εκεινην και ηρξαντο εν τοιϲ τοιϲ κραβακτοιϲ τουϲ κακωϲ εχονταϲ περιφερειν οπου ηκουϲθη οτι εϲτιν

47. Κατὰ Μάρκον 6:56

    και οπου εαν ειϲεπορευετο ειϲ κωμαϲ η ειϲ πολιϲ η ειϲ αγρουϲ η εν ταιϲ αγοραιϲ ετιθεϲαν τουϲ αϲθενουνταϲ και παρεκαλουν αυτον ϊνα καν του κραϲπεδου του ϊματιου αυτου αψωνται και οϲοι ηψαντο αυτου εϲωζοντο

48. Κατὰ Μάρκον 7:1

    και ϲυναγονται προϲ αυτον οι φαριϲαιοι και τινεϲ των γραμματαιων ελθοντεϲ απο ϊεροϲολυμων

49. Κατὰ Μάρκον 7:2

    και ϊδοντεϲ τινεϲ των μαθητων αυτου οτι κοιναιϲ χερϲιν τουτ εϲτιν ανιπτοιϲ εϲθιουϲιν αρτον

50. Κατὰ Μάρκον 7:3

    οι γαρ φαριϲαιοι και παντεϲ οι ϊουδαιοι εαν μη πυκνα νιψωνται ταϲ χειραϲ ουκ εϲθιωϲιν κρατουντεϲ την παραδοϲιν των πρεϲβυτερων

51. Κατὰ Μάρκον 7:4

    και απο αγοραϲ εαν μη ραντιϲωντε ουκ εϲθιουϲιν και αλλα πολλα εϲτιν α παρελαβον κρατιν βαπτιϲμουϲ ποτηριων και ξεϲτων και χαλκιων

52. Κατὰ Μάρκον 7:5

    και επερωτωϲιν αυτον οι φαριϲαιοι και οι γραμματιϲ δια τι ου περιπατουϲιν οι μαθηται ϲου κατα την παραδοϲιν των πρεϲβυτερων αλλα κοιναιϲ χερϲιν εϲθιουϲιν τον αρτον

53. Κατὰ Μάρκον 7:6

    ο δε ειπεν αυτοιϲ καλωϲ επροφητευϲεν ηϲαϊαϲ περι ϋμων των υποκριτων ωϲ γεγραπται οτι ουτοϲ ο λαοϲ τοιϲ χιλεϲιν με τιμα η δε καρδια αυτων πορρω απεχει απ εμου

54. Κατὰ Μάρκον 7:7

    ματην δε ϲεβοντε με διδαϲκοντεϲ διδαϲκαλιαϲ ενταλματα ανων

55. Κατὰ Μάρκον 7:8

    αφεντεϲ την εντολην του θυ κρατειτε την παραδοϲιν των ανων

56. Κατὰ Μάρκον 7:9

    και ελεγεν αυτοιϲ καλωϲ αθετιτε την εντολην του θυ ϊνα την παραδοϲιν υμων τηρηϲητε

57. Κατὰ Μάρκον 7:10

    μωϋϲηϲ γαρ ειπεν τιμα τον πρα ϲου και την μρα ϲου και ο κακολογων πρα η μρα θανατω τελευτατω

58. Κατὰ Μάρκον 7:11

    ϋμειϲ δε λεγεται εαν ειπη ανοϲ τω πρι η τη μρι κορβαν · ο εϲτιν δωρον ο εαν εξ εμου ωφεληθηϲ

59. Κατὰ Μάρκον 7:12

    ουκετι αφιεται αυτον ουδεν ποιηϲε τω πρι · η τη μρι

60. Κατὰ Μάρκον 7:13

    ακυρουντεϲ τον λογον του θυ τη παραδοϲι υμων η παρεδωκατε και παρομοια πολλα τοιαυτα ποιειτε :

61. Κατὰ Μάρκον 7:14

    και προϲκαλεϲαμενοϲ παλιν τον οχλον ελεγεν αυτοιϲ ακουετε και ϲυνϊετε

62. Κατὰ Μάρκον 7:15

    ουδεν εϲτιν εξωθεν του ανου ειϲπορευομενον επ αυτον ο δυναται κοινωϲαι αυτον αλλα τα εκ του ανου εκπορευομενα εϲτιν τα κοιναυντα τον ανον

63. Κατὰ Μάρκον 7:17

    και οτε ειϲηλθον ειϲ τον οικον απο του οχλου επηρωτων αυτον οι μαθηται αυτου την παραβολην

64. Κατὰ Μάρκον 7:18

    και λεγει αυτοιϲ ουτω και ϋμιϲ αϲυνετοι εϲτε ουπω νοειτε οτι παν το εξωθεν ειϲπορευομενον ου κοινοι τον ανον

65. Κατὰ Μάρκον 7:19

    οτι ουκ ειϲπορευετε αυτου ειϲ την καρδιαν αλλ ειϲ την κοιλιαν και ειϲ τον αφεδρωνα εκβαλλετε καθαριζων παντα τα βρωματα ·

66. Κατὰ Μάρκον 7:20

    ελεγεν δε οτι το εκ του ανου εκπορευομενον εκινο κοινοι τον ανο

67. Κατὰ Μάρκον 7:21

    εϲωθεν γαρ εκ τηϲ καρδιαϲ των ανων οι διαλογιϲμοι οι κακοι εκπορευονται πορνιαι κλοπαι φονοι

68. Κατὰ Μάρκον 7:22

    μοιχιαι πλεονεξιαι πονηριαι δολοϲ αϲελγια οφθαλμοϲ πονηροϲ βλαϲφημια ϋπερηφανια αφροϲυνη

69. Κατὰ Μάρκον 7:23

    παντα ταυτα τα πονηρα εϲωθεν εκπορευεται κακεινα κοινοι τον ανθρωπον

70. Κατὰ Μάρκον 7:24

    εκειθεν δε αναϲταϲ απηλθεν ειϲ τα ορια τυρου και ϲιδωνοϲ και ειϲελθων ειϲ οικιαν ουδενα ηθεληϲεν γνωναι και ουκ ηδυναϲθη λαλειν

71. Κατὰ Μάρκον 7:25

    αλλα ευθυϲ ακουϲαϲα γυνη περι αυτου · ηϲ ειχεν το θυγατριον πνα ακαθαρτον ειϲελθουϲα προϲεπεϲεν προϲ τουϲ ποδαϲ αυτου

72. Κατὰ Μάρκον 7:26

    η δε γυνη ην ελληνιϲ ϲυροφοινικιϲϲα τω γενι και ηρωτα αυτον ϊνα το δαιμονιον εκβαλη εκ τηϲ θυγατροϲ αυτηϲ

73. Κατὰ Μάρκον 7:27

    και ελεγεν αυτη αφεϲ πρωτον χορταϲθηναι τα τεκνα ου γαρ εϲτιν καλον λαβειν τον αρτον των τεκνων και τοιϲ κυναριοιϲ βαλειν

74. Κατὰ Μάρκον 7:28

    η δε απεκριθη και λεγει αυτω ναι κε και τα κυναρια εϲθιουϲιν αποτατω τηϲ τραπεζηϲ απο των ψιχιων των παιδιων

75. Κατὰ Μάρκον 7:29

    και ειπεν αυτη δια τουτον τον λογον ϋπαγε εξεληλυθεν εκ τηϲ θυγατροϲ ϲου το δεμονιον ·

76. Κατὰ Μάρκον 7:30

    και απελθουϲα ειϲ τον οικον εαυτηϲ ευρεν το παιδιον βεβλημενον επι την κλινην και το δαιμονιον εξεληλυθοϲ

77. Κατὰ Μάρκον 7:31

    και παλιν εξελθων εκ των οριων τυρου ηλθεν δια ϲιδωνοϲ ειϲ την θαλαϲϲαν τηϲ γαλιλαιαϲ ανα μεϲον των οριων δεκαπολεωϲ

78. Κατὰ Μάρκον 7:32

    και φερουϲιν αυτω κωφον και μογιλαλον και παρακαλουϲιν αυτον ινα επιθη αυτω ταϲ χιραϲ

79. Κατὰ Μάρκον 7:33

    και απολαβομενοϲ αυτον κατ ϊδιαν απο του οχλου ελαβεν τουϲ δακτυλουϲ ειϲ τα ωτα αυτου και πτυϲαϲ ηψατο τηϲ γλωϲϲηϲ αυτου

80. Κατὰ Μάρκον 7:34

    και αναβλεψαϲ ειϲ τον ουνον εϲτεναξεν και λεγει αυτω εφφαθα ο εϲτιν διανυχθητι

81. Κατὰ Μάρκον 7:35

    και ηνυγηϲαν αυτου αι ακοαι και ευθυϲ ελυθη ο δεϲμοϲ τηϲ γλωϲϲηϲ αυτου και ελαλει ορθωϲ

82. Κατὰ Μάρκον 7:36

    και διεϲτιλατο αυτοιϲ · ινα μηδενι λεγωϲιν οϲον δε αυτοιϲ διεϲτελλετο αυτοι μαλλον περιϲϲοτερωϲ εκηρυϲϲον

83. Κατὰ Μάρκον 7:37

    και υπερπεριϲϲωϲ εξεπληϲϲοντο λεγοντεϲ καλωϲ παντα πεποιηκεν και τουϲ κωφουϲ ποιει ακουειν και αλαλουϲ λαλιν

84. Κατὰ Μάρκον 8:1

    εν εκειναιϲ ταιϲ ημεραιϲ παλιν πολλου οχλου οντοϲ και μη εχοντων τι φαγωϲιν προϲκαλεϲαμενοϲ τουϲ μαθηταϲ λεγει αυτοιϲ

85. Κατὰ Μάρκον 8:2

    ϲπλαγχνιζομε επι τον οχλον οτι ηδη ημεραι τριϲ προϲμενουϲι μοι και ουκ εχουϲι τι φαγωϲιν

86. Κατὰ Μάρκον 8:3

    και εαν απολυϲω αυτουϲ νηϲτιϲ ειϲ οικον αυτων εκλυθηϲονται εν τη οδω και τινεϲ αυτων απο μακροθεν ηκαϲιν

87. Κατὰ Μάρκον 8:4

    και απεκριθηϲαν οι μαθηται αυτου και ειπαν ποθεν τουτουϲ δυνηϲετε τιϲ ωδε χορταϲαι αρτων επ ερημιαϲ ·

88. Κατὰ Μάρκον 8:5

    και ηρωτα αυτουϲ ποϲουϲ […] τουϲ εχετε · οι δε ειπαν ζν

89. Κατὰ Μάρκον 8:6

    και παραγγελλι τω οχλω αναπεϲειν επι τηϲ γηϲ και λαβων τουϲ ε · ζν · αρτουϲ ευχαριϲτηϲαϲ εκλαϲεν και εδιδου τοιϲ μαθηταιϲ αυτου ϊνα παρατιθωϲιν και παρεθηκαν τω οχλω

90. Κατὰ Μάρκον 8:7

    και ειχαν ϊχθυδια ολιγα και ευλογηϲαϲ αυτα παρεθηκεν

91. Κατὰ Μάρκον 8:8

    και εφαγον παντεϲ και εχορταϲθηϲαν και ηραν τα περιϲϲευματα κλαϲματων επτα ϲφυριδαϲ ·

92. Κατὰ Μάρκον 8:9

    ηϲαν δε τετρακιϲχιλιοι · και απελυϲεν αυτουϲ

93. Κατὰ Μάρκον 8:10

    και ευθυϲ εμβαϲ ειϲ το πλοιον μετα των μαθητων αυτου ηλθεν ο ιϲ ειϲ τα μερη δαλμανουθα : ‾̷‾

94. Κατὰ Μάρκον 8:11

    και εξηλθον οι φαριϲαιοι και ηρξαντο ϲυνζητειν αυτω ζητουντεϲ παρ αυτου ϲημιον ϊδιν απο του ουρανου πιραζοντεϲ αυτον

95. Κατὰ Μάρκον 8:12

    και αναϲτεναξαϲ τω πνι αυτου λεγει · τι η γενεα αυτη ζητι ϲημιον αμην λεγω υμιν ει δοθηϲεται τη γενεα ταυτη ϲημιον

96. Κατὰ Μάρκον 8:13

    και αφιϲ αυτουϲ παλιν εμβαϲ απηλθεν ειϲ το περαν

97. Κατὰ Μάρκον 8:14

    και επελαθοντο λαβειν αρτουϲ · και ει μη ενα αρτον ουκ ειχον μεθ εαυτων εν τω πλοιω :

98. Κατὰ Μάρκον 8:15

    και διετελλετο αυτοιϲ λεγων ορατε βλεπετε απο τηϲ ζυμηϲ των φαριϲαιων και τηϲ ζυμηϲ ηρωδου ˙

99. Κατὰ Μάρκον 8:16

    και διελογιζοντο προϲ αλληλουϲ οτι αρτουϲ ουκ εχομεν ·

100. Κατὰ Μάρκον 8:17

     και γνουϲ ο ιϲ λεγει αυτοιϲ τι διαλογιζεϲθε οτι αρτουϲ ουκ εχετε ουπω νοειτε ουδε ϲυνϊετε πεπωρωμενην εχετε την καρδιαν υμων

← Previous · Next → — showing 201–300 of 658

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.