Codex Sinaiticus: Μαλαχίας

Codex Sinaiticus · 55 sections

Μαλαχίας 1:1
λημμα λογου κυ επι τον ϊϲλ εν χιρι αγγελου αυτου · θεϲθε δη επι ταϲ καρδιαϲ ϋμων ·
Μαλαχίας 1:2
ηγαπηϲα ϋμαϲ λεγει κϲ · και ειπατε εν τινι ηγαπηϲαϲ υμαϲ · ουκ αδελφοϲ ηνʼ ηϲαυʼ του ϊακωβʼ λεγει κϲ · και ηγαπηϲα τον ϊακωβ λεγει κϲ ·
Μαλαχίας 1:3
τον δε ηϲαυʼ εμιϲηϲα · και εταξα τα ορια αυτου ειϲ αφανιϲμον . και την κληρονομιαν αυτου · ειϲ δοματα ερημου ·
Μαλαχίας 1:4
διοτι ερι η ϊδουμεα κατεϲτραπται · και επιϲτρεψωμεν και ανοικοδομηϲωμεν τα ερημουϲ ταδε λεγει κϲ παντοκρατωρ · αυτοι οικοδομηϲουϲιν . και εγω καταϲτρεψω · και επικληθηϲεται αυτοιϲ ορια ανομιαϲ · και λαοϲ εφ ον παρατετακται κϲ · εωϲʼ αιωνοϲ ·
Μαλαχίας 1:5
και οι οφθαλμοι ϋμων οψονται · και ϋμιϲ εριται . εμεγαλυνθη κϲ ϋπερανω τεν ˙ οριων του ϊϲλ ·
Μαλαχίας 1:6
ϋϊοϲ δοξαζι πατερα · και δουλοϲ τον κυριον αυτου · και ει πηρ ειμι εγω · που εϲτιν η δοξα μου · και ει κϲ ειμι εγω που εϲτιν ο φοβοϲ μου λεγι κϲ παντοκρατωρ : ϋμιϲ οι ϊερειϲ οι φαυλιζονταιϲ το ονομα μου · και ειπατε εν τινι εφαυλιϲαμεν το ονομα ϲου ·
Μαλαχίας 1:7
προϲαγοντεϲ προϲ το θυϲιαϲτηριον μου · αρτουϲ ηλιϲγημενουϲ · και ειπατε εν τινι ηλιϲγηϲαμεν αυτουϲ · εν τω λεγιν ϋμαϲ τραπεζα κυ ηλιϲγημενη εϲτιν και τα επιτιθενα εξουδενωϲατε ·
Μαλαχίας 1:8
διοτι εαν προϲαγαγητε τυφλον ειϲ θυϲιαν ου κακον · και εαν προϲαγαγητε χωλον η αρρωϲτον ου κακον · προϲαγαγετε δη αυτο τω ηγουμενω ϲου · ει προϲδεξεται ϲε ει λημψετε προϲωπον ϲου · λεγει κϲ παντοκρατωρ ·
Μαλαχίας 1:9
και νυν εξϊλαϲκεϲθαι το προϲωπον του θυ ϋμων · και δεηθηται αυτου · εν χερϲιν ϋμων γεγονεν ταυτα ˙ ει λημψοντε εξ ϋμων προϲωπα ϋμων λεγει κϲ παντοκρατωρ ·
Μαλαχίας 1:10
διοτι και εν ϋμιν ϲυνκλιϲθηϲονται θυραι · και ουκ αναιψεται το θυϲιαϲτηριον μου δωρεαν · ουκ εϲτιν μου θελημα εν ϋμιν λεγει κϲ παντοκρατωρ · και θυϲιαν ου προϲδεξομαι εκ των χιρων ϋμων .
Μαλαχίας 1:11
διοτι απ ανατολων ηλιου και εωϲ δυϲμων · το ονομα μου δεδοξαϲται εν τοιϲ εθνεϲιν . και εν παντι τοπω θυμιαμα προϲαγεται τω ονοματι μου · και θυϲια καθαρα ˙ διοτι μεγα το ονομα μου εν τοιϲ εθνεϲιν . λεγει κϲ παντοκρατωρ ·
Μαλαχίας 1:12
ϋμιϲ δε βεβηλουτε αυτο εν τω λεγειν ϋμαϲ · τραπεζα κυ ηλιϲγημενη εϲτιν · και τα επιτιθεμενα εξουδενωνται βρωματα αυτου ·
Μαλαχίας 1:13
και ειπατε ταυτα εκ κακοπαθιαϲ εϲτιν · και εξεφυϲηϲατε αυτα λεγει κϲ παντοκρατωρ · και ειϲεφερεται αρπαγματα · και τα χωλα και τα ενοχλουμενα · και εαν φερητε την θυϲιαν · ει προϲδεξομε αυτα εκ των χιρων ϋμων λεγει κϲ παντοκρατωρ ·
Μαλαχίας 1:14
και επικαταρατοϲ · οϲ ην δυνατοϲ και ϋπηρχεν εν τω ποιμνιω αυτου αρϲεν · και ευχη αυτου επ αυτω · και θυϲι διεφθαρμενον τω κω · διοτι βαϲιλευϲ μεγαϲ εγω ειμι · λεγει κϲ παντοκρατωρ : και το ονομα μου επιφανεϲ εν τοιϲ εθνεϲειν ·
Μαλαχίας 2:1
και νυν η εντολη αυτη προϲ ϋμαϲ · οι ϊερειϲ ·
Μαλαχίας 2:2
εαν μη ακουϲηται και εαν μη θηϲθε ειϲ την καρδιαν ϋμων του δουνε δοξαν τω ονοματι μου . λεγει κϲ παντοκρατωρ · και εξαποϲτελλω εφ ϋμαϲ την καταραν και επικαταραϲομαι την ευλογειαν ϋμων · και καταραϲομαι αυτην : και διαϲκεδαϲω την ευλογειαν ϋμων και ουκ εϲτε εν ϋμιν · οτι ϋμιϲ ου τιθεϲθε ειϲ την καρδιαν ϋμων ·
Μαλαχίας 2:3
ϊδου εγω αφοριζω ϋμιν τον ωμον · και ϲκορπιω ενϋϲτρον εορτων ϋμων και λημψομαι ϋμαϲ ειϲ το αυτο ·
Μαλαχίας 2:4
και γνωϲεϲθε · διοτι εγω εξαπεϲταλκα προϲ ϋμαϲ την εντολην ταυτην του εινε την διαθηκην μου προϲ τουϲ λευειταϲ λεγει κϲ παντοκρατωρ ·
Μαλαχίας 2:5
η διαθηκη μου ην μετ αυτου · τηϲ ζωηϲ και τηϲ ϊρηνηϲ · και εδωκα αυτω εν φοβω φοβειϲθαι με · και απο προϲωπου ονοματοϲ μου ϲτελλεϲθαι αυτον .
Μαλαχίας 2:6
νομοϲ αληθιαϲ ην εν τω ϲτοματι αυτου · και αδικια ουχ ευρεθη εν χιλεϲιν αυτου · εν ϊρηνι κατευθυμων επορευθη μετ εμου · και πολλουϲ επεϲτρεψεν απο αδικιαϲ ·
Μαλαχίας 2:7
οτι χιλη ϊερεωϲ φυλαξετε γνωϲιν · και νομον εκζητηϲουϲιν εκ ϲτοματοϲ αυτου · διοτι αγγελοϲ κυ παντοκρατοροϲ εϲτιν ˙
Μαλαχίας 2:8
ϋμειϲ δε εξεκλιναται εκ τηϲ οδου · και ηϲθενηϲατε πολλουϲ · εν νομω διεφθειρατε την διαθηκην του λευει · λεγει κϲ παντοκρατωρ ·
Μαλαχίας 2:9
καγω δεδωκα ϋμαϲ εξουνενωμενουϲ και απεριμμενουϲ ειϲ παντα τα εθνη · ανθ ων ϋμειϲ ου φυλαϲϲεϲθαι ταϲ οδουϲ μου · αλλα ελαμβανεται προϲωπα εν νομω
Μαλαχίας 2:10
ουχι θϲ ειϲ · εκτιϲεν ϋμαϲ · ουχι πηρ ειϲ · παντων ϋμων : τι οτι ενκατελιπετε εκαϲτοϲ τον αδελφον αυτου · του βεβηλωϲε την διαθηκην των πατερων ϋμων ˙
Μαλαχίας 2:11
ενκατελιφθη ϊουδαϲ ˙ και βδελυγμα εγενετο εν τω ιϲλ και εν ϊημ · διοτι εβεβηλωϲεν ϊουδαϲ τα αγια κυ · εν οιϲ ηγαπηϲεν · και επετηδευϲεν ειϲ θεουϲ αλλοτριουϲ ·
Μαλαχίας 2:12
εξολεθρευϲει κϲ τον ανον τον ποιουντα ταυτα ˙ εωϲ και ταπινωθη εξ ϲκηνωματων ϊακωβ · και εκ προϲαγοντων θυϲιαν τω κω παντοκρατορι ·
Μαλαχίας 2:13
και ταυτα · α εμιϲων εποιειται · εκαλυπτετε δακρυϲιν το θυϲιαϲτηριον κυ · και κλαυθμω και ϲτεναγμω εκ κοπτων ˙ ετι αξιον επιβλεψε ειϲ θυϲιαν · η λαβιν δεκτον εκ των χιρων ϋμων ·
Μαλαχίας 2:14
και ειπατε · ενεκεν τινοϲ · οτι κϲ διεμαρτυρατο ανα μεϲον ϲου · και ανα μεϲον γυνεκοϲ νεοτητοϲ ϲου · ην ενκατελιπεϲ · και αυτη κοινωνοϲ ϲου · και γυνη διαθηκηϲ ϲου ·
Μαλαχίας 2:15
και ου καλον εποιηϲεν · και ϋπολιμʼμα πνϲ αυτου · και ειπα τι αλλο ˙ η ϲπερμα ζητι ο θϲ · και φυλαξεϲθε εν τω πνι ϋμων · και γυνεκα νεοτητοϲ ϲου μη ενκαταλιπηϲ ·
Μαλαχίας 2:16
αλλ εαν μιϲηϲαϲ εξαποϲτιληϲ λεγει κϲ ο θϲ του ιϲλ · και καλυψι αϲεβια επι τα ενθυμηματα ϲου λεγει κϲ παντοκρατωρ · και φυλαξαϲθε εν τω πνι ϋμων · και ου μη ενκαταλιπηται ·
Μαλαχίας 2:17
οι παροξυνοντεϲ τον θν εν τοιϲ λογοιϲ ϋμων · και ειπατε εν τινι παροξυναμεν αυτον ˙ εν τω λεγειν ϋμαϲ · παϲ ποιων πονηρον · καλον ενωπιον κυ · και εν αυτοιϲ αυτοϲ ευδοκηϲεν · και που εϲτιν ο θϲ τηϲ δικαιοϲυνηϲ ·
Μαλαχίας 3:1
ϊδου εξαποϲτελλω τον αγγελον μου επιβλεψετε οδον προ προϲωπου μου · και εξεφνηϲ ηξει ειϲ τον ναον εαυτου κϲ · ον ϋμιϲ ζητιτε · και ο αγγελοϲ τηϲ διαθηκηϲ · ον ϋμειϲ θελεται · ϊδου ερχετε λεγει κϲ παντοκρατωρ :
Μαλαχίας 3:2
και τιϲ ϋπομενι ημεραν ειϲοδου αυτου · η τιϲ ϋποϲτηϲεται εν τη οπταϲια αυτου · διοτι αυτοϲ ειϲπορευετε ωϲ πυρʼ χωνευτηριου · και ωϲ πλοια πλυνοντων .
Μαλαχίας 3:3
και καθιειτε χωνευων και καθαριειτε ωϲ το αργυριον και το χρυϲιον · και καθαριει τουϲ ϋϊουϲ λειει · και χεει αυτουϲ ωϲπερ το χρυϲιον και το αργυριον · και εϲονται τω κω προϲαγοντεϲ θυϲιαϲ εν δικαιοϲυνη ·
Μαλαχίας 3:4
και αρεϲτωϲ κων θυϲια ϊουδα και ϊερουϲαλημ · καθωϲ αι ημεραι του αιωνοϲ · και καθωϲ τα ετη τα εμπροϲθεν :
Μαλαχίας 3:5
και προϲαξω προϲ ϋμαϲ εν κριϲει · και εϲομαι μαρτυϲ ταχυϲ επι ταϲ φαρμακουϲ · και επι ταϲ μοιχαλιδαϲ ˙ και επι τουϲ ομνυονταϲ τω ονοματι μου επι ψευδει · και επι τουϲ αποϲτερουνταϲ μιϲθον μιϲθώτου · και τουϲ καταδυναϲτευονταϲ χηραν ˙ και τουϲ κονδυλιζονταϲ ορφανουϲ · και τουϲ εκκλινονταϲ κριϲειν προϲηλυτου · και τουϲ μη φοβουμενουϲ με λεγει κϲ παντοκρατωρ ·
Μαλαχίας 3:6
διοτι εγω κϲ ο θϲ ϋμων . και ουκ ηλλοιωμε : και ϋμειϲ ϋϊοι ϊακωβʼ · ουκʼ απεχεϲθε
Μαλαχίας 3:7
απο των αδικιων των πατερων ϋμων · εξεκλινατε νομιμα μου · και ουκ αιφυλαξαϲθε : επιϲτρεψατε προϲ με · και επιϲτραφηϲομαι προϲ ϋμαϲ λεγει κϲ παντοκρατωρ · και ειπατε · εν τινι επιϲτρεψωμαι ·
Μαλαχίας 3:8
μητι πτερνιει ανοϲ θν · διοτι ϋμιϲ πτερνιζεται με και εριτε εν τινι επερνιϲαμεν ϲε · οτι τα επιδεκατα και ε αρχαι μεθ υμων ειϲιν ·
Μαλαχίας 3:9
και αποβλεποντεϲ ϋμειϲ αποβλεπετα · και εμε ϋμειϲ πτερνιζεται · το εθνοϲ ϲυνετελεϲθη ·
Μαλαχίας 3:10
και ειϲηνεγκατε παντα τα εκφορια ειϲ τουϲ θηϲαυρουϲ · και εϲτε η διαρπαγη αυτου εν τω οικω αυτου επιϲκεψαϲθε δη εν τουτω λεγει κϲ παντοκρατωρ · εαν μη ανυξω ϋμιν τουϲ καταρακταϲ του ουρανου · και εκχεω υμιν την ευλογειαν μου εωϲ του ϊκανωθηναι ·
Μαλαχίας 3:11
και διαϲτελω ϋμιν ειϲ βρωϲιν · και ου μη διαφθιρω ϋμων τον καρπον τηϲ γηϲ · και ου μη αϲθενηϲη ϋμων η αμπελοϲ η εν τω αγρω : λεγει κϲ παντοκρατωρ ·
Μαλαχίας 3:12
και μακαριουϲιν ϋμαϲ παντα τα εθνη · διοτι εϲεϲθαι ϋμιϲ · γη θελητη λεγει κϲ παντοκρατωρ ·
Μαλαχίας 3:13
εβαρυνατε επ εμε τουϲ λογουϲ ϋμων λεγει κϲ · και ειπατε εν τινι κατελαληϲαμεν κατα ϲου ·
Μαλαχίας 3:14
ειπατε μετεοϲ ο δουλευων θω · και τι πλιον · οτι εφυλαξαμεν τα φυλαγματαʼ αυτου · και διοτι επορευθημεν ϊκετε προ προϲωπου κυ παντοκρατοροϲ
Μαλαχίας 3:15
και νυν ημιϲ μακαριζομεν αλλοτριουϲ και ανοικοδομουντε παντεϲ ποιουντεϲ ανομα · και αντεϲτηϲαν θω και εϲωθηϲαν ·
Μαλαχίας 3:16
ταυτα κατελαληϲαν οι φοβουμενοι τοι τον κν εκαϲτοϲ προϲ τον πληϲιον αυτου · και προϲεϲχεν κϲ και ειϲηκουϲεν και εγραψεν βιβλιον · μνημοϲυνου ενωπιον αυτου τοιϲ φοβουμενοιϲ τον · και ευλαβουμενοιϲ το ονομα αυτου ·
Μαλαχίας 3:17
και εϲοντε μου λεγει κϲ παντοκρατωρʼ ειϲ ημαιραν · ην εγω ποιω ειϲ περιποιηϲιν · και ερετιω αυτουϲ · ον τροπον ερετιζει ανθρωποϲ τον ϋϊον αυτου τον δουλευοντα αυτω .
Μαλαχίας 3:18
επιϲτραφηϲεϲθε και οψεϲθαι ανα μεϲον δικαιου · και ανα μεϲον ανομου · και ανα μεϲον του δουλευοντοϲ θω · και του μη δουλευοντοϲ
Μαλαχίας 3:19
διοτι ϊδου ημερα ερχεται καιομενηʼ ωϲ κλιβανοϲ · και φλεξει αυτουϲ · και εϲοντε παντεϲ οι αλλογενειϲ · και παντεϲ οι ποιουντεϲ ανομα καλαμη · και αναψι αυτουϲ η ημερα η ερχομενη λεγει κϲ παντοκρατωρʼ και ου μη ϋπολιφθη εξ αυτων ριζα · ουδε κλημα :
Μαλαχίας 3:20
και ανατελι ϋμιν τοιϲ φοβουμενοιϲ το ονομα μου · ηλιοϲ δικαιοϲυνηϲ · και ϊαϲιϲ εν τεϲ πτερυξιν αυτου · και εξελευϲεϲθαι και ϲκιρτηϲεται ωϲ μοϲχαρια εκ δεϲμων ανειμενα ·
Μαλαχίας 3:21
και καταπατηϲεται ανομουϲ · διοτι εϲοντε ϲποδοϲ ϋποκατω των ποδων ϋμων · εν τη ημερα ˙ η εγω ποιω λεγει κϲ παντοκρατωρ ·
Μαλαχίας 3:22
και ϊδου εγω αποϲτελλω ϋμιν ηλιαν τον θεϲβιτην πριν ελθειν ημεραν κυ την μεγαλην και επιφανη ·
Μαλαχίας 3:23
οϲ αποκαταϲτηϲει καρδιαν πρϲ προϲ υ̇ϊον · και καρδιαν ανθρωπου προϲ τον πληϲιον αυτου · μη ελθω και παταξω την γην αρδην :
Μαλαχίας 3:24
μνηϲθητε νομου μωϲη του δουλου μου · καθοτι ενετιλαμην αυτω εν χωρηβʼ προϲ παντα τον ϊϲλ ˙ προϲταγματα και δικαιωματα :

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.