← All works
Codex Sinaiticus: Κατὰ Λουκᾶν Codex Sinaiticus · 1,148 sections
Single column Two columns
Κατὰ Λουκᾶν 22:33 ο δε ειπεν αυτω κε μετα ϲου ετοιμοϲ ειμι και ειϲ φυλακην και ειϲ θανατον πορευεϲθαι
Κατὰ Λουκᾶν 22:34 ο δε ειπεν λεγω ϲοι πετρε ου φωνηϲει ϲημερον αλεκτωρ εωϲ τρειϲ με απαρνηϲη ειδεναι
Κατὰ Λουκᾶν 22:35 και ειπεν αυτοιϲ οτε απεϲτιλα ϋμαϲ ατερ βαλλαντιου και μηραϲ και υποδηματων μη τι ϋϲτερηϲαται οι δε ειπον ουδενοϲ
Κατὰ Λουκᾶν 22:36 ο δε ειπεν αυτοιϲ αλλα νυν ο εχων βαλλαντιον αρατω ομοιωϲ και πηραν και ο μη εχων πωληϲατω το ϊματιον αυτου και αγοραϲατω μαχαιραν
Κατὰ Λουκᾶν 22:37 λεγω γαρ ϋμιν οτι τουτο το γεγραμμενον δει τελεϲθηναι εν εμοι το και μετα ανομων ελογιϲθη και γαρ το περι εμου τελοϲ εχει
Κατὰ Λουκᾶν 22:38 οι δε ειπαν ϊδου μαχαιρε ωδε δυο ο δε ειπεν αυτοιϲ ϊκανον εϲτιν
Κατὰ Λουκᾶν 22:39 και εξελθων επορευθη κατα το εθοϲ ειϲ το οροϲ των ελαιων ηκολουθηϲαν δε αυτω και οι μαθηται
Κατὰ Λουκᾶν 22:40 γενομενοϲ δε επι του τοπου ειπεν αυτοιϲ προϲευχεϲθαι μη ειϲελθειν ειϲ πιραϲμον
Κατὰ Λουκᾶν 22:41 και αυτοϲ απεϲπαθη απ αυτων ωϲει λιθου βολην και θειϲ τα γονατα προϲηυξατο
Κατὰ Λουκᾶν 22:42 λεγων πατερ ει βουλι παρενεγκαι τουτο το ποτηριον τουτο απ εμου πλην μη το θελημα μου αλλα το ϲον γεινεϲθω
Κατὰ Λουκᾶν 22:43 ωφθη δε αυτω αγγελοϲ απ ουρανου ενιϲχυων αυτον
Κατὰ Λουκᾶν 22:44 και γεναμενοϲ εν αγωνια εκτενεϲτερον προϲηυχετο και εγενετο ϊδρωϲ αυτου ωϲι θρομβοι αιματοϲ καταβαινοντοϲ επι την γην
Κατὰ Λουκᾶν 22:45 και αναϲταϲ απο τηϲ προϲευχηϲ ελθων προϲ τουϲ μαθηταϲ ευρεν κοιμωμενουϲ αυτουϲ απο τηϲ λυπηϲ
Κατὰ Λουκᾶν 22:46 και ειπεν αυτοιϲ τι καθευδετε αναϲταντεϲ προϲευχεϲθαι ϊνα μη ειϲελθηται ειϲ πιραϲμον
Κατὰ Λουκᾶν 22:47 ετι αυτου λαλουντοϲ ϊδου οχλοϲ και ο λεγομενοϲ ϊουδαϲ ειϲ των δωδεκα προηρχετο αυτουϲ και ηγγιϲεν τω ιυ φιληϲαι αυτον
Κατὰ Λουκᾶν 22:48 ιϲ δε ειπεν αυτω φιληματι τον υν του ανθρωπου παραδιδωϲ
Κατὰ Λουκᾶν 22:49 ειδοντεϲ δε οι περι αυτον το εϲομενον ειπαν κε ει παταξομεν εν μαχαιρη
Κατὰ Λουκᾶν 22:50 και επαταξεν ειϲ τιϲ εξ αυτων του αρχϊερεωϲ τον δουλον και αφιλεν το ουϲ αυτου το δεξιον
Κατὰ Λουκᾶν 22:51 αποκριθειϲ δε ο ιϲ ειπεν εατε εωϲ τουτου και αψαμενοϲ του ωτιου ιαϲατο αυτον
Κατὰ Λουκᾶν 22:52 ειπεν δε ιϲ προϲ τουϲ παραγενομενουϲ προϲ αυτον αρχϊερειϲ και ϲτρατηγουϲ του ϊερου και πρεϲβυτερουϲ ωϲ επι ληϲτην εξηλθαται μετα μαχαιρων και ξυλων
Κατὰ Λουκᾶν 22:53 καθ ημεραν οντοϲ μου μεθ υμων εν τω ϊερω ουκ εξετινατε ταϲ χειραϲ επ εμε αλλ αυτη εϲτιν η ωρα και η εξουϲια του ϲκοτουϲ
Κατὰ Λουκᾶν 22:54 ϲυλλαβοντεϲ δε αυτον ηγαγον και ειϲηγαγον ειϲ την οικιαν του αρχϊερεωϲ ὁ δε πετροϲ ηκολουθι μακροθεν
Κατὰ Λουκᾶν 22:55 περιαψαντων δε πυρʼ εν μεϲω τηϲ αυληϲ και ϲυνκαθιϲαντων εκαθητο ο πετροϲ εν μεϲω αυτων
Κατὰ Λουκᾶν 22:56 ϊδουϲα δε αυτον παιδιϲκη τιϲ καθημενον προϲ το φωϲ και ατενιϲαϲα αυτω ειπεν και ουτοϲ ϲυν αυτω ην
Κατὰ Λουκᾶν 22:57 ο δε ηρνηϲατο λεγων ουκ οιδα αυτον γυναι ·
Κατὰ Λουκᾶν 22:58 και μετα βραχυ ετεροϲ ϊδων αυτον εφη και ϲυ εξ αυτων ει ο δε πετροϲ εφη ανθρωπε ουκ ειμι
Κατὰ Λουκᾶν 22:59 και διαϲταϲηϲ ωϲει ωραϲ μιαϲ αλλοϲ τιϲ διϊϲχυριζετο λεγων επ αληθιαϲ και ουτοϲ μετ αυτου και γαρ γαλιλαιοϲ εϲτιν
Κατὰ Λουκᾶν 22:60 ειπεν δε ὁ πετροϲ ανθρωπε ουκ οιδα τι λεγειϲ και παραχρημα ετι λαλουντοϲ αυτου εφωνηϲεν αλεκτωρ
Κατὰ Λουκᾶν 22:61 και ϲτραφειϲ ο κϲ ενεβλεψεν τω πετρω και ϋπεμνηϲθη ο πετροϲ του ρηματοϲ του κυ ωϲ ειπεν αυτω οτι πριν αλεκτορα φωνηϲε ϲημερον απαρνηϲη με τριϲ
Κατὰ Λουκᾶν 22:62 και εξελθων εξω εκλαυϲεν πικρωϲ
Κατὰ Λουκᾶν 22:63 και οι ανδρεϲ οι ϲυνεχοντεϲ αυτον ενεπεζαν αυτω δεροντεϲ
Κατὰ Λουκᾶν 22:64 και περικαλυψαντεϲ επηρωτων αυτον λεγοντεϲ προφητευϲον τιϲ εϲτιν ο παιϲαϲ ϲε
Κατὰ Λουκᾶν 22:65 και ετερα πολλα βλαϲφημουντεϲ ελεγον ειϲ αυτον
Κατὰ Λουκᾶν 22:66 και ωϲ ημερα εγενετο ϲυνηχθη το πρεϲβυτεριον του λαου αρχϊερειϲ τε και γραμματιϲ και απηγαγον αυτον ειϲ το ϲυνεδριον αυτων
Κατὰ Λουκᾶν 22:67 λεγοντεϲ ει ϲυ ει ο χϲ ειπον ημιν · ειπεν δε αυτοιϲ εαν ειπω ου μη πιϲτευϲητε
Κατὰ Λουκᾶν 22:68 εαν δε ερωτηϲω ου μη αποκριθητε
Κατὰ Λουκᾶν 22:69 απο του νυν δε εϲται ο υϲ του ανθρωπου καθημενοϲ εκ δεξιων τηϲ δυναμεωϲ του θυ
Κατὰ Λουκᾶν 22:70 ειπαν δε παντεϲ ϲυ ουν ει ο υϲ του θυν ο δε προϲ αυτουϲ εφη ϋμειϲ λεγετε οτι εγω ειμι
Κατὰ Λουκᾶν 22:71 οι δε ειπαν τι ετι χριαν εχομεν μαρτυριαϲ αυτοι γαρ ηκουϲαμεν απο του ϲτοματοϲ αυτου
Κατὰ Λουκᾶν 23:1 και αναϲταν απαν το πληθοϲ αυτων ηγαγον αυτον επι τον πιλατον
Κατὰ Λουκᾶν 23:2 ηρξαντο δε κατηγοριν αυτου λεγοντεϲ τουτον ευρομεν διαϲτρεφοντα το εθνοϲ ημων και κωλυοντα φορουϲ καιϲαρι διδοναι και λεγοντα εαυτον χν βαϲιλεα ειναι ·
Κατὰ Λουκᾶν 23:3 ὁ δε πιλατοϲ ηρωτηϲεν αυτον λεγων ϲυ ει ο βαϲιλευϲ των ϊουδαιων ο δε αποκριθειϲ αυτω λεγει ϲυ λεγειϲ
Κατὰ Λουκᾶν 23:4 ο δε πιλατοϲ ειπεν προϲ τουϲ αρχϊεριϲ και τουϲ οχλουϲ ουδεν ευριϲκω αιτιον εν τω ανθρωπω τουτω
Κατὰ Λουκᾶν 23:5 οι δε επιϲχυον λεγοντεϲ οτι αναϲι τον οχλον καθ οληϲ τηϲ ϊουδαιαϲ και αρξαμενοϲ απο τηϲ γαλιλαιαϲ εωϲ ωδε
Κατὰ Λουκᾶν 23:6 πειλατοϲ δε ακουϲαϲ επηρωτηϲεν ει ο ανθρωποϲ γαλιλαιοϲ εϲτιν
Κατὰ Λουκᾶν 23:7 και επιγνουϲ οτι εκ τηϲ εξουϲιαϲ ηρωδου εϲτιν ανεπεμψεν αυτον προϲ ηρωδην οντα κατ αυτον εν ϊεροϲολυμοιϲ εν αυταιϲ ταιϲ ημεραιϲ
Κατὰ Λουκᾶν 23:8 ο ηρωδηϲ ϊδων τον ιν εχαρη λιαν ην γαρ εξ ϊκανων χρονων θελων ιδιν αυτον δια το ακουειν περι αυτου και ηλπιζε τι ϲημιον ϊδιν ϋπ αυτου γεινομενον
Κατὰ Λουκᾶν 23:9 επηρωτα αυτον εν λογοιϲ ϊκανοιϲ αυτοϲ δε ουκ απεκριναντο αυτω
Κατὰ Λουκᾶν 23:10 ϊϲτηκειϲαν δε οι αρχϊερειϲ και οι γραμματειϲ ευτονωϲ κατηγορουντεϲ αυτου
Κατὰ Λουκᾶν 23:11 εξουθενηϲαϲ τε και ο ηρωδηϲ ϲυν τοιϲ ϲτρατευμαϲιν αυτου και ενπεξαϲ περιβαλων αιϲθητα λαμπραν επεμψεν αυτον τω πιλατω ·
Κατὰ Λουκᾶν 23:12 εγενοντο δε φιλοι ο τε ηρωδηϲ και ο πιλατοϲ εν αυτη τη ημερα μετ αλληλων προυπηρχοντο γαρ εν εχθρα οντεϲ προϲ αυτουϲ ·
Κατὰ Λουκᾶν 23:13 πι‾̷‾λατοϲ δε ϲυνκαλεϲαμενοϲ τουϲ αρχϊερειϲ και τουϲ αρχονταϲ και τον λαον
Κατὰ Λουκᾶν 23:14 ειπεν προϲ αυτουϲ προϲηνεγκατε μοι τον ανθρωπον τουτον ωϲ αποϲτρεφοντα τον λαον και ϊδου εγω ενωπιον ϋμων ανακριναϲ ουθεν ευρον εν τω ανθρωπω τουτω αιτιον ων κατηγορειτε αυτου
Κατὰ Λουκᾶν 23:15 αλλ ουδε ηρωδηϲ ανεπεμψε γαρ αυτον προϲ ημαϲ και ο ϊδου ουδεν αξιον θανατου εϲτιν πεπραγμενον αυτω
Κατὰ Λουκᾶν 23:16 παιδευϲαϲ ουν αυτον απολυϲω
Κατὰ Λουκᾶν 23:17 αναγκην δε ειχεν απολυειν αυτοιϲ κατα εορτην ινα
Κατὰ Λουκᾶν 23:18 ανεκραγον δε πανπληθει λεγοντεϲ αιρε τουτον απολυϲον δε ημιν τον βαραββαν
Κατὰ Λουκᾶν 23:19 οϲτιϲ ην δια ϲταϲιν τινα γενομενην εν τη πολει και φονον εν τη φυλακη
Κατὰ Λουκᾶν 23:20 παλιν δε ο πιλατοϲ προϲεφωνηϲεν αυτοιϲ θελων απολυϲαι τον ιν
Κατὰ Λουκᾶν 23:21 οι δε επεφωνουν λεγοντεϲ ϲταυρου ϲταυρου αυτον
Κατὰ Λουκᾶν 23:22 ο δε τριτον ειπεν προϲ αυτουϲ τι γαρ κακον εποιηϲεν ουτοϲ ουδεν αιτιον θανατου ευρον εν αυτω παιδευϲαϲ ουν αυτον απολυϲω
Κατὰ Λουκᾶν 23:23 οι δε εκειντο φωναιϲ μεγαλαιϲ αιτουμενοι αυτον ϲταυρωθηναι και κατϊϲχυον αι φωναι αυτων
Κατὰ Λουκᾶν 23:24 και πιλατοϲ επεκρινεν γενεϲθαι το αιτημα αυτων
Κατὰ Λουκᾶν 23:25 απελυϲεν δε τον δια ϲταϲιν και φονον βεβλημενον ειϲ φυλακην ον ητουντο τον δε ιν παρεδωκεν τω θεληματι αυτων
Κατὰ Λουκᾶν 23:26 και ωϲ απηγαγον αυτον επιλαβομενοι ϲιμωνα τινα κυρηναιον ερχομενον απ αγρου επεθηκεν αυτω τον ϲταυρον οπιϲθεν του ιυ
Κατὰ Λουκᾶν 23:27 ηκολουθει δε αυτω πολυ πληθοϲ του λαου και γυναικων εκοπτοντο και εθρηνουν αυτον
Κατὰ Λουκᾶν 23:28 ϲτραφειϲ δε προϲ αυταϲ ιϲ ειπεν θυγατεραιϲ ϊερουϲαλημ μη κλαιετε επ εμε πλην εφ εαυταϲ κλαιετε και επι τα τεκνα ϋμων
Κατὰ Λουκᾶν 23:29 οτι ϊδου ημεραι ερχονται εν αιϲ ερουϲιν μακαριαι ϲτειραι και αι κοιλιαι αι ουκ εγεννηϲαν και μαϲτοι οι ουκ εθρεψαν
Κατὰ Λουκᾶν 23:30 τοτε αρξονται λεγειν τοιϲ ορεϲιν πεϲετε εφ ημαϲ και τοιϲ βουνοιϲ καλυψατε ημαϲ
Κατὰ Λουκᾶν 23:31 οτι ει εν τω υγρω ξυλαω ταυτα ποιουϲιν εν τω ξηρω τι γενηται
Κατὰ Λουκᾶν 23:32 ηγοντο δε και ετεροι κακουργοι δυο ϲυν αυτω αναιρεθηναι
Κατὰ Λουκᾶν 23:33 και οτε ηλθον επι τον τοπον τον καλουμενον κρανιον εκει εϲταυρωϲαν αυτον και τουϲ κακουργουϲ ον μεν εκ δεξιων ον δε εξ αριϲτερων
Κατὰ Λουκᾶν 23:34 ο δε ιϲ ελεγεν πατερ αφεϲ αυτοιϲ ου γαρ οιδαϲιν τι ποιουϲιν διαμεριζομενοι δε τα ϊματια αυτου εβαλον κληρον
Κατὰ Λουκᾶν 23:35 και ϊϲτηκει ο λαοϲ θεωρων εξεμυκτηριζον δε οι αρχοντεϲ λεγοντεϲ αλλουϲ εϲωϲεν ϲωϲατω εαυτον ει ουτοϲ εϲτιν ο χϲ ο του θυ ο εκλεκτοϲ
Κατὰ Λουκᾶν 23:36 ενεπεξαν δε αυτω οι ϲτρατιωται προϲερχομενοι οξοϲ προϲφεροντεϲ αυτω
Κατὰ Λουκᾶν 23:37 και λεγοντεϲ ει ϲυ ει ο βαϲιλευϲ των ϊουδαιων ϲωϲον ϲεαυτον
Κατὰ Λουκᾶν 23:38 ην δε και επιγραφη επ αυτω γραμμαϲιν ελληνικοιϲ ρωμαικοιϲ εβραικοιϲ ο βαϲιλευϲ των ϊουδαιων ουτοϲ
Κατὰ Λουκᾶν 23:39 ειϲ δε των κρεμαϲθεντων κακουργων εβλαϲφημι αυτον λεγων ουχϊ ϲυ ει ο χϲ ϲωϲον ϲεαυτον και ημαϲ ˙
Κατὰ Λουκᾶν 23:40 αποκριθειϲ δε ο ετεροϲ επιτιμων αυτω εφη ου φοβη ϲυ τον θν οτι εν τω αυτω κριματι ει
Κατὰ Λουκᾶν 23:41 και ημιϲ μεν δικαιωϲ αξια γαρ ων επραξαμεν απολαμβανομεν ουτοϲ δε ουδεν ατοπον επραξεν
Κατὰ Λουκᾶν 23:42 και ελεγεν ιυ μνηϲθητι μου οταν ελθηϲ εν τη βαϲιλια ϲου
Κατὰ Λουκᾶν 23:43 και ειπεν αυτω αμην λεγω ϲοι ϲημερον μετ εμου εϲη εν τω παραδιϲω
Κατὰ Λουκᾶν 23:44 και ην ωρα ωϲει εκτη ϲκοτοϲ εγενετο εφ ολην την γην εωϲ ωραϲ ενατηϲ
Κατὰ Λουκᾶν 23:45 του ηλιου εκλιποντοϲ εϲχιϲθη δε το καταπεταϲμα του ναου μεϲον
Κατὰ Λουκᾶν 23:46 και φωνηϲαϲ φωνη μεγαλη ο ιϲ ειπεν πατερʼ ειϲ χιραϲ ϲου παρατιθεμαι το πνα μου τουτο δε ειπων εξεπνευϲεν
Κατὰ Λουκᾶν 23:47 ϊδων δε ο εκατονταρχηϲ το γενομενον εδοξαζεν τον θν λεγων οτι οντωϲ ο ανθρωποϲ ουτοϲ δικαιοϲ ην
Κατὰ Λουκᾶν 23:48 και παντεϲ οι ϲυνπαραγενομενοι οχλοι ειϲ την θεωριαν ταυτην θεωρηϲαντεϲ τα γενομενα τυπτοντεϲ τα ϲτηθη ϋπεϲτρεφον ·
Κατὰ Λουκᾶν 23:49 ειϲτηκιϲαν δε παντεϲ οι γνωϲτοι αυτου απο μακροθεν και γυναικεϲ αι ϲυνακολουθουϲαι αυτω απο τηϲ γαλιλαιαϲ ορωϲαι ταυτα
Κατὰ Λουκᾶν 23:50 και ϊδου ανηρ ονοματι ϊωϲηφ βουλευτηϲ ϋπαρχων και ανηρ αγαθοϲ και δικαιοϲ
Κατὰ Λουκᾶν 23:51 ουτοϲ ουκ ην ϲυνκατατιθεμενοϲ τη βουλη και τη πραξει αυτων απο αριμαθαιαϲ πολεωϲ των ϊουδαιων οϲ προϲεδεχετο την βαϲιλειαν του θυ
Κατὰ Λουκᾶν 23:52 ουτοϲ προϲελθων τω πιλατω ητηϲατο το ϲωμα του ιυ ˙
Κατὰ Λουκᾶν 23:53 και καθελων ενετυλιξεν αυτο ϲινδονι και εθηκεν αυτον εν μνηματι λαξευτω ου ουκ ην ουδειϲ ουδεπω κειμενοϲ ·
Κατὰ Λουκᾶν 23:54 και ημερα ην παραϲκευηϲ και ϲαββατον επεφωϲκεν
Κατὰ Λουκᾶν 23:55 κατακολουθηϲαϲαι δε γυναικεϲ αιτινεϲ ηϲαν ϲυνεληλυθυϊαι εκ τηϲ γαλιλαιαϲ αυτω εθεαϲαντο το μνημιον και ωϲ ετεθη το ϲωμα αυτου
Κατὰ Λουκᾶν 23:56 ϋποϲτρεψαϲαι δε ητοιμαϲαν αρωματα και μυρα και το μεν ϲαββατον ηϲυχαϲαν κατα την εντολην
Κατὰ Λουκᾶν 24:1 τη δε μια των ϲαββατων ορθου βαθεωϲ επι το μνημιον ηλθον φερουϲαι α ητοιμαϲαν αρωματα ˙
Κατὰ Λουκᾶν 24:2 ευρον δε τον λιθον αποκεκυλιϲμενον απο του μνημιου
Κατὰ Λουκᾶν 24:3 ειϲελθουϲαι δε ουκ ευρον το ϲωμα του κυ ιυ
Κατὰ Λουκᾶν 24:4 και εγενετο εν τω αποριϲθαι αυταϲ περι τουτου και ϊδου ανδρεϲ δυο επεϲτηϲαν αυταιϲ εν εϲθητι αϲτραπτουϲη
Κατὰ Λουκᾶν 24:5 εμφοβων δε γενομενων αυτων και κλινουϲων τα προϲωπα ειϲ την γην ειπαν προϲ αυταϲ ˙ τι ζητειτε τον ζωντα μετα των νεκρων
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .