Codex Sinaiticus: Κρίται
- Κρίται 7:10
και ει φοβη ϲυ καταβηθι ϲυ και φαρα το παιδαριον ϲου ειϲ την παρεμβολην
- Κρίται 7:11
και ακουϲη τι λαληϲουϲιν και μετα τουτο ϊϲχυϲουϲιν αι χειρεϲ ϲου και καταβηϲη εν τη παρεμβολη και κατεβη αυτοϲ και φαρα το παιδαριον αυτου προϲ αρχην των πεντηκοντα οι ηϲαν εν τη παρεμβολη
- Κρίται 7:12
και μαδιαμ και αμαληκ και παντεϲ ϋϊοι ανατολων βεβλημενοι εν τη κοιλαδι ωϲει ακριϲ ειϲ πληθοϲ και ταιϲ καμηλοιϲ αυτων ουκ ην αριθμοϲ αλλα ηϲαν ωϲ η αμμοϲ η επι χιλουϲ τηϲ θαλαϲϲηϲ ειϲ πληθοϲ
- Κρίται 7:13
και ηλθεν γεδεων και ϊδου ανηρ εξηγουμενοϲ τω πληϲιον αυτου · ενυπνιον και ειπεν · ενυπνιον · ενυπνιαϲαμην και ϊδου μαγιϲ αρτου κριθινου ϲτρεφομενου εν τη παρεμβολη μαδιαμ και ηλθεν εωϲ τηϲ ϲκηνηϲ και επαταξεν αυτην και επεϲεν και ανεϲτρεψεν αυτην ανω και επεϲεν η ϲκηνη
- Κρίται 7:14
και απεκριθη ο πληϲιον αυτου και ειπεν ουκ εϲτιν αυτη ει μη ρομφαια γεδεων ϋϊου ϊωαϲ ανδροϲ ϊϲλʼ · παρεδωκεν ο θϲ εν χιρι αυτου την μαδιαμ και παϲαν την παρεμβολην
- Κρίται 7:15
και εγενετο οτε ηκουϲεν γεδεων την εξηγηϲιν του ενυπνιου και την ϲυνκριϲιν αυτου και προϲεκυνηϲεν κω · και υπεϲτρεψεν ειϲ την παρεμβολην ϊϲλ · και ειπεν αναϲτητε οτι παραδεδωκεν κϲ εν χιρι ημων την παρεμβολην μαδιαμ
- Κρίται 7:16
και διειλεν τουϲ τριακοϲιουϲ ανδραϲ ειϲ τριϲ αρχαϲ και εδωκεν κεραϲτιναϲ εν χειρι παντων και ϋδριαϲ κεναϲ και λαμπαδαϲ εν ταιϲ ϋδριαιϲ
- Κρίται 7:17
και ειπεν προϲ αυτουϲ απ εμου οψεϲθαι και ουτωϲ ποιηϲετε και ιδου εγω ειϲπορευομαι εν αρχη τηϲ παρεμβοληϲ και εϲτε καθωϲ εαν ποιηϲω ουτωϲ ποιηϲεται
- Κρίται 7:18
και ϲαλπιω εν τη κερατινη εγω και παντεϲ μετ εμου ϲαλπιειτε εν ταιϲ κερατιναιϲ κυκλω οληϲ τηϲ παρεμβοληϲ και ερειτε τω κω και τω γεδεων
- Κρίται 7:19
και ειϲηλθεν γεδεων και οι εκατον ανδρεϲ οι μετ αυτου εν αρχη τηϲ παρεμβοληϲ και εν αρχη τηϲ φυλακηϲ μεϲηϲ και εγειροντεϲ ηγειραν τουϲ φυλαϲϲονταϲ και εϲαλπιϲαν εν ταιϲ κερατιναιϲ και εξετιναξαν ταϲ ϋδριαϲ ταϲ εν ταιϲ χερϲιν αυτων
- Κρίται 7:20
και εϲαλπιϲαν αι τριϲ αρχαι εν ταιϲ κερατιναιϲ και ϲυνετριψαν ταϲ ϋδριαϲ και εκρατηϲαν εν χερϲιν αριϲτεραιϲ αυτων ταϲ λαμπαδαϲ και εν χερϲιν δεξιαιϲ αυτων ταϲ κερατιναϲ του ϲαλπιζειν και ανεκραξαν ρομφαια τω κω και τω γεδεων
- Κρίται 7:21
και εϲτηϲαν ανηρ εφ εαυτω κυκλω τηϲ παρεμβοληϲ και εδραμεν παϲα η παρεμβολη και εϲημαναν και εφυγαν
- Κρίται 7:22
και εϲαλπιϲαν εν τραιϲ τριακοϲιαιϲ κερατιναιϲ και ανεθηκαν κϲ την ρομφαιαν ανδροϲ εν τω πληϲιον αυτου εν παϲη τη παρεμβολη και εφυγεν η παρεμβολη εωϲ εβεθϲεεδʼτα γαραγαθα εωϲ χιλουϲ αβεδμεουλα επι ταβαθʼ ·
- Κρίται 7:23
και εβοηϲαν ανηρ ιϲλ απο νεφθαλει και απο αϲηρ και απο παντοϲ μαναϲϲη και εδιωξαν οπιϲω μαδιαμ
- Κρίται 7:24
και αγγελουϲ απεϲτιλεν γεδεων εν παντι ορι εφραιμ λεγων καταβητε ειϲ ϲυναντηϲιν μαδιαμ και καταλαβετε εαυτοιϲ το υδωρ εωϲ βαιθηρα και τον ιορδανην και εβοηϲεν παϲ ανηρ εφραιμ και προκατελαβοντο το ϋδωρ εωϲ βεθηρα και τον ιορδανην
- Κρίται 7:25
και ϲυνελαβον τουϲ αρχονταϲ μαδιαμʼ και τον ωρηβ και τον ζηβʼ · και απεκτινεν τον ωρηβʼ εν ϲουρ και τον ζηρ απεκτιναν εν ενιακʼεκζηφʼζηφ και κατεδιωξεν μαδιαμ και την κεφαλην ωρηβʼ και ζηβʼ ηνεγκαν προϲ γεδεων απο περαν του ϊορδανου
- Κρίται 8:1
και ειπαν προϲ γεδεων ανηρ εφραιμ τι το ρημα τουτο εποιηϲαϲ ημιν του μη καλεϲαι ημαϲ οτε επορευθηϲ παραταξαϲθαι εν μαδιαμ και διελεξαντο προϲ αυτον ιϲχυρωϲ
- Κρίται 8:2
και ειπεν προϲ αυτουϲ τι εποιηϲα νυν καθωϲ ϋμειϲ η ουχι κριϲϲον επιφυλλιϲ εφραιμ η τρυγητοϲ αβιεζερʼ
- Κρίται 8:3
εν χιρι υμων παρεδωκεν κϲ τουϲ αρχονταϲ μαδιαμ τον ωρηβʼ · και τον ζηβʼ και τι ηδυνηθην ποιηϲαι ωϲ ϋμιϲ τοτε ανεθη το πνα αυτων απ αυτου εν τω λαληϲαι αυτον τον λογον τουτον
- Κρίται 8:4
και ηλθεν γεδεων επι τον ϊορδανην και διεβη αυτοϲ και οι τριακοϲιοι ανδρεϲ οι μετ αυτου πινωντεϲ και διωκοντεϲ
- Κρίται 8:5
και ειπεν τοιϲ ανδραϲιν ϲοκχωθʼ δοτε δη αρτουϲ ειϲ τροφην τω λαω τουτω τω εν ποϲιν μου οτι εκλιπουϲιν και ϊδου εγω ειμι διωκων οπιϲω του ζεβεε και ϲελμανα βαϲιλεων μαδιαμʼ ˙
- Κρίται 8:6
και ειπον οι αρχοντεϲ ϲοκχωθʼ μη χειρ ζεβεε και ϲελμανα νυν εν τη χειρι ϲου ου δωϲομεν τη δυναμει ϲου αρτουϲ
- Κρίται 8:7
και ειπεν γεδεων δια τουτο εν τω δουναι κν τον ζεβεε και ϲελμανα εν χειρι μου και εγω αλοηϲω ταϲ ϲαρκαϲ ϋμων εν εν ταιϲ ακανθαιϲ τηϲ ερημου και εν ταιϲ αβαρκηνειν
- Κρίται 8:8
και ανεβη εκειθεν ειϲ φανουηλʼ και ελαληϲεν προϲ αυτουϲ ωϲαυτωϲ και απεκριθηϲαν αυτω οι ανδρεϲ φανουηλʼ
- Κρίται 8:9
εν επιϲτροφη μου μετ ειρηνηϲ τον πυργον τουτον καταϲκαψω
- Κρίται 8:10
και ζεβεε και ϲελμανα εν καρκα και η παρεμβολη αυτων μετ αυτων ωϲει δεκα πεντε χειλιαδεϲ παντεϲ οι καταλελιμμενοι απο παϲηϲ ϲυναγωγηϲ και οι επεγνωκοτεϲ εκατον εικοϲι χιλιαδεϲ ανδρων ϲπωμενων ρομφαιαν
- Κρίται 8:11
και ανεβη γεδεων οδον των ϲκηνουντων εν ϲκηναιϲ απο ανατολων τη ναβαι και ϊεγεβα και επαταξεν την παρεμβολην · και η παρεμβολη ην πεπυθυϊα
- Κρίται 8:12
και εφυγον ζεβεε και ϲελμανα και εδιωξεν οπιϲω αυτων και εκρατηϲεν τουϲ δυο βαϲιλιϲ μαδιαμ τον ζεβεελʼ και τον ϲελμανα και παϲαν την παρεμβολην εξεϲτηϲεν ·
- Κρίται 8:13
και επεϲτρεψεν γεδεων ϋϊοϲ ιωαϲ απο τηϲ παραταξεωϲ αρεϲ
- Κρίται 8:14
και ϲυνελαβεν παιδιον απο των ανδρων ϲοκχωθʼ και επηρωτηϲεν αυτον και εγραψεν προϲ αυτον τα ονοματα των αρχοντων εν ϲοκχωθʼ και των πρεϲβυτερων αυτοιϲ εβδομηκοντα και επτα ανδραϲ
- Κρίται 8:15
και παρεγενετο γεδεων προϲ τουϲ αρχονταϲ ϲοκχωθʼ και ειπεν ϊδου ζεβεε και ϲελμανα εν οιϲ ωνιδιϲατε με λεγοντεϲ μη χειρ ζεβεε και ϲελμανα νυν εν χειρι ϲου οτι ϲωϲομεν τοιϲ ανδραϲιν τοιϲ εκλιπουϲιν αρτουϲ
- Κρίται 8:16
και ελαβεν τουϲ πρεϲβυτερουϲ τηϲ πολεωϲ εν ταιϲ ακανθαιϲ τηϲ ερημου και ταιϲ βαρακηνειμʼ και ηλοηϲεν εν αυτοιϲ τουϲ ανδραϲ τηϲ πολεωϲ
- Κρίται 8:17
και τον πυργον φανουηλʼ ηλοηϲεν και κατεϲτρεψεν και απεκτινεν τουϲ ανδραϲ τηϲ πολεωϲ ·
- Κρίται 8:18
και ειπεν ζεβεε και ϲελμανα που οι ανδρεϲ οιϲ απεκτινατε εν θαβωρ : και ειπαν ωϲ ϲυ ωϲ αυτοι ωϲ ομοιωμα ϋϊου βαϲιλεωϲ ˙
- Κρίται 8:19
και ειπεν γεδεων αδελφοι και ϋϊοι τηϲ μητροϲ μου ηϲαν ζη κϲ ει εζωογονηκειτε αυτουϲ ουκ αν απεκτινα ϋμαϲ
- Κρίται 8:20
και ειπεν ϊεθερ τω πρωτοτοκω αυτου · αναϲταϲ αποκτινον αυτουϲ και ουκ εϲπαϲεν την ρομφαιαν το παιδαριον οτι εφοβηθη οτι νεωτεροϲ ην
- Κρίται 8:21
και ειπεν ζεβεε και ϲελμανα αναϲτα ϲυ και ϲυναντηϲον ημιν οτι ωϲ ανδροϲ η δυναμιϲ ϲου και ανεϲτη γεδεων και απεκτινεν τον ζεβεε και τον ϲελμανα και ελαβεν τουϲ μηνιϲκουϲ τουϲ εν τοιϲ τραχηλοιϲ των καμηλων αυτων
- Κρίται 8:22
και ειπον ανηρ ϊϲλʼ · προϲ γεδεων κε αρξον ημων και ϲυ και ο ϋϊοϲ ϲου οτι ϲυ εϲωϲαϲ ημαϲ εκ χειροϲ μαδιαμʼ
- Κρίται 8:23
και ειπεν προϲ αυτουϲ γεδεων ουκ αρξω εγω και ουκ αρξει ο ϋϊοϲ μου εν υμιν κϲ αρξει ϋμων ·
- Κρίται 8:24
και ειπεν γεδεων προϲ αυτουϲ αιτηϲομαι παρ ϋμων αιτημα και δοτε μοι ανηρ ενωτιον εκ ϲκυλων αυτου οτι ενωτια χρυϲα αυτοιϲ οτι ϊϲμαηλειται ηϲαν
- Κρίται 8:25
και ειπαν διδοντεϲ δωϲομεν και ανεπτυξεν το ϊματιον αυτου και εβαλλεν · εκει ανηρ ενωτιον ϲκυλων αυτου
- Κρίται 8:26
και εγενετο ο ϲταθμοϲ των ενωτιων των χρυϲων ων ητηϲεν χιλιοι πεντακοϲιοι χρυϲοι παρεξ των μηνιϲκων και των ϲτραγγαλιδων και των ϊματιων και των πορφυριδων των επι βαϲιλευϲι μαδιαμʼ και εκτοϲ των περιθεματων εν τοιϲ τραχηλοιϲ των καμηλων αυτων
- Κρίται 8:27
και εποιηϲεν αυτο γεδεων ειϲ φωθ και εϲτηϲεν αυτο εν πολι αυτου εφραθα και εξεπορνευϲεν παϲ ϊϲλʼ · οπιϲω αυτου εκει και εγενετο τω γεδεων και τω οικω αυτου ειϲ ϲκωλον
- Κρίται 8:28
και ϲυνεϲταλη μαδιαμ ενωπιον ϋϊων ϊϲλʼ · και ου προϲεθηκαν αραι κεφαλην αυτων και ου ηϲυχαϲεν η γη τεϲϲερακοντα ετη εν ημεραιϲ γεδεων
- Κρίται 8:29
και επορευθη ϊεροβααλʼ ϋϊοϲ ϊωαϲ και εκαθιϲεν εν οικω αυτου
- Κρίται 8:30
και τω γεδεη ηϲαν ϋϊοι εβδομηκοντα εκπορευομενοι εκ μηρων αυτου οτι γυναικεϲ πολλαι ηϲαν αυτω
- Κρίται 8:31
και παλλακα αυτου η εν ϲυχεμ και ετεκεν και γε αυτη ϋϊον και εθηκεν το ονομα αυτου αβειμελεχʼ ·
- Κρίται 8:32
και απεθανεν γεδεων ϋϊοϲ ϊωϲειαϲ εν πολι αυτου και εταφη εν τω ταφω ϊωαϲ του πατροϲ αυτου
- Κρίται 8:33
και εγενετο καθωϲ απεθανεν γεδεων και επεϲτρεψαν οι ϋϊοι ιϲλ και εξεπορνευϲαν οπιϲω των βααλααμʼ και εθηκαν εαυτοιϲ τω βααλ διαθηκην του ειναι αυτον αυτοιϲ ειϲ θν
- Κρίται 8:34
και ουκ εμνηϲθηϲαν οι ϋϊοι ϊϲλ κυ του θυ του ρυϲαμενου αυτου εκ χιροϲ παντων των θλιβοντων αυτουϲ κυκλοθεν
- Κρίται 8:35
και ουκ εποιηϲαν ελεοϲ μετα του οικου ϊερβααλʼ αυτοϲ εϲτιν γεδεων κατα παντα τα αγαθα α εποιηϲεν μετρα τω ϊϲλ
- Κρίται 9:1
και επορευθη αβειμελεχ ϋϊοϲ ϊεροβοαλʼ ειϲ ϲυχεμ προϲ αδελφουϲ μητροϲ αυ και ελαληϲεν προϲ αυτου · και προϲ παϲαν ϲυγγενειαν οικου πατροϲ μητροϲ αυτου λεγων
- Κρίται 9:2
λαληϲατε δη εν τοιϲ ωϲι παντων των ανδρων ϲυχεμ τι το αγαθον ϋμων κυριευϲαι υμιν εβδομηκοντα ανδραϲ πανταϲ ϋϊουϲ ϊεροβααλʼ η κυριευειν ϋμων ανδρα ενα και μνηϲθητε οτι οϲτουν υμων και ϲαρξ υμων ειμι
- Κρίται 9:3
και ελαληϲαν περι αυτου οι αδελφοι τηϲ μρϲ αυτου εν τοιϲ ωϲιν παντων των ανδρων ϲυχεμ πανταϲ τουϲ λογουϲ τουτουϲ και εκλινεν η καρδια αυτων οπιϲω αβειμελεχʼ οτι ειπαν αδελφοϲ ημων εϲτιν
- Κρίται 9:4
και εδωκαν αυτω εβδομηκοντα αργυριου εξ οικου βααλβεριχ και εμιϲθωϲατο εαυτω αβιμελεχʼ ανδραϲ κενουϲ και δειλουϲ και επορευθηϲαν οπιϲω αυτου
- Κρίται 9:5
και ειϲηλθεν ειϲ τον οικον αυτου πατροϲ αυτου ειϲ εφραθα και απεκτινεν τουϲ αδελφουϲ αυτου ϋϊουϲ ϊεροβααλʼ εβδομηκοντα ανδραϲ επι λιθον ενα και κατεβη ϊωναθαν ϋϊοϲ ϊεροβααλʼ ο νεωτεροϲ οτι εκρυβη
- Κρίται 9:6
και ϲυνηχθηϲαν παντεϲ ανδρεϲ ϲικιμων και παϲ οικοϲ βηθμααλλων και επορευθηϲαν και εβαϲιλευϲαν τον αβειμελεχʼ προϲ τη βαλανω τη ευρετη τηϲ ϲταϲεωϲ τηϲ εν ϲικιμοιϲ
- Κρίται 9:7
και ανηγγελη τω ιωναθαν και επορευθη και εϲτη επι κορυφη ορουϲ γαριζειν και επηρεν την φωνην αυτου και εκλαυϲεν και ειπεν αυτοιϲ ακουϲατε μου ανδρεϲ ϲικιμων και ακουϲεται ϋμων ο θϲ
- Κρίται 9:8
πορευομενα επορευθη τα ξυλα του χρειϲαι εφ εαυτα βαϲιλεα και ειπον τη ελεα βαϲιλευϲον εφ ημων
- Κρίται 9:9
και ειπεν αυτοιϲ η ελαια μη απολειψαϲα την πιοτητα μου εν η δοξαϲουϲι τον θν ανθρωποι πορευϲομαι κινειϲθαι επι των ξυλων
- Κρίται 9:10
και ειπον τα ξυλα τη ϲυκη δευρο βαϲιλευϲον εφ ημων ·
- Κρίται 9:11
και ειπεν αυτοιϲ η ϲυκη μη απολειψαϲα εγω την γλυκυτητα μου και τα γενηματα μου τα αγαθα πορευϲομαι κινιϲθαι επι των ξυλων ·
- Κρίται 9:12
και ειπεν τα ξυλα προϲ την αμπελον δευρο βαϲιλευϲον εφ ημων ·
- Κρίται 9:13
και ειπεν αυτοιϲ η αμπελοϲ μη απολιψαϲα τον οινον μου τον ευφραινοντα θν και ανθρωπουϲ πορευϲομαι κινειϲθαι επι των ξυλων ·
- Κρίται 9:14
και επι παντα τα ξυλα τη ραμνω δευρο βαϲιλευων εφ ημων
- Κρίται 9:15
και ειπεν η ραμνοϲ προϲ τα ξυλα ει εν αληθια χρειεται ϋμιϲ του βαϲιλευειν εφ υμαϲ δευτε ϋποϲτητε εν τη ϲκια μου και ει μη εξελθη πυρ απ εμου και καταφαγοιϲ ταϲ κεδρουϲ του λιβανου
- Κρίται 9:16
και νυν αρ εν αληθεια και τελιοτητι εποιηϲατε και εβαϲιλευϲατε τον αβιμελεχ και ει αγαθοϲυνην εποιηϲαται μετα ϊεροβααλ και μετα του οικου αυτου και ει ωϲ ανταποδοϲιϲ χειροϲ αυτου εποιηϲατε αυτω
- Κρίται 9:17
ωϲ παρεταξατο ο πατηρ μου ϋπερ ϋμων και εξεριψεν την ψυχην αυτου εξ εναντιαϲ και ερρυϲατο ημαϲ εκ χειροϲ μαδιαμ ·
- Κρίται 9:18
και ϋμειϲ επανεϲτητε επι τον οικον του πατροϲ μου ϲημερον και απεκτινατε τουϲ ϋϊουϲ αυτου εβδομηκοντα ανδραϲ επι λιθον ενα και εβαϲιλευϲατε τον αβιμελεχʼ ϋϊον παιδιϲκηϲ αυτου επι τουϲ ανδραϲ ϲικιμων οτι αδελφοϲ ϋμων εϲτιν
- Κρίται 9:19
και ει εν αληθεια και τελιοτητι εποιηϲατε μετα ϊεροβααλʼ και μετα του οικου αυτου εν τη ημερα ταυτη ευφρανθειητε εν αβιμελεχʼ και ευφρανθειη και γε αυτοϲ εν υμιν
- Κρίται 9:20
ει δε ου εξελθοι πυρʼ απο αβιμελεχʼ · και φαγοι τουϲ ανδραϲ ϲικιμων · και τον οικον βηθμααλλων και καταφαγοι τον αβειμελεχ
- Κρίται 9:21
και εφυγεν ϊωναθαν και απεδρα και επορευθη εωϲ βεηρʼ · και ωκηϲεν εκει απο προϲωπου αβειμελεχʼ · αδελφου αυτου
- Κρίται 9:22
και ηρξεν αβειμελεχ επι ϊϲλʼ ετη τρια
- Κρίται 9:23
και εξαπεϲτιλεν ο θϲ πνα πονηρον ανα μεϲον αβειμελεχʼ · και ανα μεϲον των ανδρων ϲικιμων και ηθετηϲαν ανδρεϲ ϲικιμων εν τω οικω αβιμελεχ
- Κρίται 9:24
του επαγαγειν την αδικιαν των εβδομηκοντα υϊων ϊεροβααλ και τα αιματα αυτων του θειναι επι αβιμελεχ τον αδελφον αυτων οϲ απεκτινεν αυτουϲ και επι ανδραϲ ϲικιμων οτι ενιϲχυϲαν ταϲ χιραϲ αυτου αποκτειναι τουϲ αδελφουϲ αυτου
- Κρίται 9:25
και εθηκαν αυτω αν ανδρεϲ ϲικιμων ενεδρευονταϲ επι ταϲ κεφαλαϲ των ορεων και διηρπαζον παντα οϲα παρεπορευετο επ αυτουϲ εν τη οδω και απηγγελη τω βαϲιλει αβιμελεχ
- Κρίται 9:26
και ηλθεν γαλααδʼ ϋϊοϲ ϊωβηλʼ και οι αδελφοι αυτου και παρηλθον εν ϲικιμοιϲ και ηλπιϲαν εν αυτω οι ανδρεϲ ϲικιμων
- Κρίται 9:27
και εξηλθον ειϲ αγρον και ετρυγηϲαν τουϲ αμπελωναϲ αυτων και επατηϲαν και εποιηϲαν ελλουλιμʼ και ειϲηνεγκαν ειϲ οικον θυ αυτων και εφαγον και επιον και κατηραϲαντο τον αβειμελεχʼ ·
- Κρίται 9:28
και ειπεν γαλααδʼ ϋϊοϲ ϊωβηλʼ τιϲ εϲτιν αβειμελεχʼ και τιϲ εϲτιν υϊοϲ ϲυχεμ οτι δουλευϲωμεν αυτω ουχι ϋϊοϲ ϊεροβααλʼ και ζεβουλ επιϲκοποϲ αυτου δουλοϲ αυτου ϲυν τοιϲ ανδραϲιν εμμωρ πατροϲ ϲυχεμ και τι οτι δουλευϲωμεν αυτω ημιϲ
- Κρίται 9:29
και τιϲ δωη τον λαον τουτον εν χειρι μου και μεταϲτηϲω τον αβειμελεχʼ · και ερω προϲ αυτον πληθυνον την δυναμιν ϲου και εξελθε :
- Κρίται 9:30
και ηκουϲεν ζεβουλ αρχων τηϲ πολεωϲ τουϲ λογουϲ γαλααδʼ ϋϊου ϊωβηλʼ · και ωργιϲθη θυμω αυτοϲ
- Κρίται 9:31
και απεϲτιλεν αγγελουϲ προϲ αβιμελεχʼ εν κρυφη λεγων · ϊδου γαλααδʼ ϋϊοϲ ϊωβηλʼ και οι αδελφοι αυτου ερχονται ειϲ ϲυχεμ και ϊδου αυτοι περικαθηνται την πολιν επι ϲε
- Κρίται 9:32
και νυν αναϲτα νυκτοϲ ϲυ και ο λαοϲ ο μετα ϲου και ενεδρευϲον εν τω αγρω
- Κρίται 9:33
και εϲται το πρωϊ αμα τω ανατιλε τον ηλιον ορθιειϲ και εκτενιειϲ επι την πολιν και ϊδου αυτοϲ και ο λαοϲ ο μετ αυτου εκπορευονται προϲ ϲε και ποιηϲειϲ αυτω οϲα αν ευρη η χειρ ϲου
- Κρίται 9:34
και ανεϲτη αβειμελεχʼ και παϲ ο λαοϲ μετ αυτου νυκτοϲ και ενηδρευϲεν επι ϲυχεμʼ τετραϲιν αρχαιϲ
- Κρίται 9:35
και εξηλθεν γαλααδʼ ϋϊοϲ ϊωβηλʼ και εϲτη προϲ τη θυρα τηϲ πολεωϲ και ανεϲτη αβιμελεχʼ · και ο λαοϲ ο μετ αυτου απο του ενεδρου
- Κρίται 9:36
και ϊδεν γαλααδʼ ϋϊοϲ ϊωβηλʼ τον λαον και ειπεν προϲ ζεβουλʼ ϊδου λαοϲ καταβαινι απο κεφαλων των ορεων και ειπεν προϲ αυτον ζεβουλ την ϲκιαν των ορεων ϲυ βλεπιϲ ωϲ ανδραϲ
- Κρίται 9:37
και προϲεθετο ετι γαλααδʼ του λαληϲαι και ειπεν ϊδου λαοϲ καταβαινων κατα θαλαϲϲαν απο του εχομενα ομφαλου τηϲ γηϲ και αρχη ετερα ερχεται δια οδου ηλωνμαωνεμειν
- Κρίται 9:38
και ειπεν προϲ αυτον ζεβουλʼ και που εϲτιν το ϲτομα ϲου ωϲ ελαληϲαϲ τιϲ εϲτιν αβειμελεχ οτι δουλευϲωμεν αυτω μη ουχι ουτοϲ ο λαοϲ ον εξουδενηϲαϲ · εξελθε δη νυν και παραταξαι αυτω
- Κρίται 9:39
και εξηλθεν γαλααδʼ ενωπιον ανδρων ϲυχεμʼ και παρεταξατο προϲ αβιμελεχʼ ·
- Κρίται 9:40
και εδιωξεν αυτον αβιμελεχ και εφυγεν απο προϲωπου αυτου και επεϲαν τραυματιαι πολλοι · εωϲ τηϲ θυραϲ τηϲ πυληϲ
- Κρίται 9:41
και ειϲηλθεν αβιμελεχʼ εν αρημα και εξεβαλεν ζεβαουλʼ · τον γαλαδ και τουϲ αδελφουϲ αυτου μη οικειν εν ϲυχεμʼ
- Κρίται 9:42
και εγενετο τη επαυριον και εξηλθεν ο λαοϲ ειϲ τον αγρον και ανηγγειλεν τω αβιμελεχ
- Κρίται 9:43
και ελαβεν τον λαον και διειλεν αυτουϲ ειϲ τριϲ αρχαϲ και ενηδρευϲεν εν αγρω και ειδεν και ϊδου ο λαοϲ εξηλθεν εκ τηϲ πολεωϲ και ανεϲτη επ αυτουϲ και επαταξεν αυτουϲ
- Κρίται 9:44
αβιμελεχʼ και οι αρχηγοι οι μετ αυτου εξετιναν και παρα την θυραν τηϲ θυραϲ τηϲ πολεωϲ και αι δυο αρχαι εξετιναν επι πανταϲ τουϲ εν τω αγρω και επαταξαν αυτουϲ
- Κρίται 9:45
και αβειμελεχʼ παρεταϲϲετο εν τη πολει ολην την ημεραν εκεινην · και κατελαβετο την πολιν και τον εν αυτω απεκτινεν και καθειλεν την πολιν και εϲπιρεν ειϲ αλαϲ
- Κρίται 9:46
και ηκουϲαν παντεϲ οι ανδρεϲ πυργων ϲυχεμʼ και ειϲηλθον ειϲ ϲυνελευϲιν βαιθηρβεριθʼ ·
- Κρίται 9:47
και ανηγγελη τω αβιμελεχ οτι ϲυνηχθηϲαν παντεϲ οι ανδρεϲ πυργων ϲυχεμʼ
- Κρίται 9:48
και ανεβη αβειμελεχʼ ειϲ οροϲ ερμων και παϲ ο λαοϲ μετ αυτου και ελαβεν αβειμελεχʼ · ταϲ αξιναϲ εν τη χειρι αυτου και εκοψεν κλαδον ξυλου και ηρεν και εθηκεν επ ωμων αυτου και ειπεν τω λαω τω μετ αυτου ο ειδετε με ποιουντα ποιηϲατε ωϲ καγω ·
- Κρίται 9:49
και εκοψαν και γε ανηρ κλαδον παϲ ανηρ και επορευθηϲαν οπιϲω αβιμελεχʼ και επεθηκαν επι την ϲυνελευϲιν εν πυρι και απεθανον και γε παντεϲ οι ανδρεϲ πυργου ϲικιμων ωϲ χιλιοι ανδρεϲ και γυναικεϲ
← Previous · Next → — showing 101–200 of 228
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.