Codex Sinaiticus: Ἠϲαΐαϲ
- Ἠϲαΐαϲ 1:1
οραϲιϲ ην ειδεν ηϲαιαϲ υιοϲ αμωϲ ην ειδεν κατα τηϲ ϊουδαιαϲ · και κατα ϊερουϲαλημ εν βαϲιλια οζειου · και ϊωαθαμ · και αχαζʼ και εζεκιου · οι εβαϲιλευϲαν τηϲ ϊουδαιαϲ ·
- Ἠϲαΐαϲ 1:2
ακουε ουρανε · και ενωτιζου γη ˙ οτι κϲ ελαληϲεν · ϋϊουϲ εγεννηϲα και υψωϲα · αυτοι δε με ηθετηϲαν
- Ἠϲαΐαϲ 1:3
εγνω βουϲ τον κτηϲαμενον · και ονοϲ την φατνην του κυ αυτου : ιϲραηλʼ δε με εγνω · και ο λαοϲ με ου ϲυνηκεν :
- Ἠϲαΐαϲ 1:4
ουαι εθνοϲ αμαρτωλον λαοϲ πληρηϲ αμαρτιων · ϲπερμα πονηρον υιοι ανομοι · ενκατελιπατε τον κν και παρωργιϲατε τον αγιον ϊϲραηλ
- Ἠϲαΐαϲ 1:5
τι ετι πληγηται προϲτιθεντεϲ ανομιαϲ παϲα κεφαλη ειϲ πονον · και παϲα καρδια ειϲ λυπην
- Ἠϲαΐαϲ 1:6
απο ποδων εωϲ καιφαληϲ · ουτε τραυμα · ουτε μωλωψ ουτε πληγη φλαιγμενουϲα · ουκ εϲτιν μαλαγμα επιθειναι · ουτε ελαιον ουτε καταδεϲμουϲ :
- Ἠϲαΐαϲ 1:7
η γη ϋμων ερημοϲ · αι πολιϲ ϋμων πυρικαυτοι · την χωραν υ̇μων ενωπιον ϋμων αλλοτριοι κατεϲθιουϲιν αυτην και ηρημωται κατεϲτραμʼμενη ϋπο λαων αλʼλοτριων ˙
- Ἠϲαΐαϲ 1:8
ενκαταλιφθηϲεται η θυγατηρʼ · ϲειων ωϲ ϲκηνη εν αμπελωϲιν · και ωϲ οπωροφυλακιον εν ϲυκυηρατω . ωϲ πολιϲ πολιορκουμενη
- Ἠϲαΐαϲ 1:9
και ει μη κϲ ϲαβαωθ ενκατελιπεν ημιν ϲπερμα · ωϲ ϲοδομαʼ αν εγενηθημεν · και ωϲ γομορραʼ αν ωμοιωθη›μεν ·
- Ἠϲαΐαϲ 1:10
ακουϲατε λογον κυ αρχοντεϲ ϲοδομων . προϲεχεται λογον θυ λαον γομορραϲ
- Ἠϲαΐαϲ 1:11
τι μοι πληθοϲ των θυϲιων ϋμων λεγει κϲ πληρηϲ ειμι ολοκαυτωματων κρειων · και ϲτεαρʼ αρνων · και αιμα ταυρων και τραγων · ου βουλομαι
- Ἠϲαΐαϲ 1:12
ουδʼ εαν ερχηϲθαι οφθηνε μοι · τιϲ γαρ εξεζητηϲεν ταυτα · εκ των χειρων υμων πατειν την αυλην μου
- Ἠϲαΐαϲ 1:13
ου προϲθηϲεϲθαι εαν φερηται ϲεμιδαλιν · ματεον θυμιαμα · βδελυγμα μοι εϲτιν · ταϲ νουμινιαϲ ϋμων και τα ϲαββατα · και ημεραν μεγαλην · ουκ ανεχομαι · νηϲτιαν και αργιαν ·
- Ἠϲαΐαϲ 1:14
και ταϲ εορταϲ ϋμων μιϲι η ψυχη μου ˙ εγενηθηται μου ειϲ πληϲμονην · ουκαιτι ανηϲω ταϲ αμαρτιαϲ υμων
- Ἠϲαΐαϲ 1:15
οταν ταϲ χιραϲ εκτινηται προϲ με αποϲτρεψω τουϲ οφθαλμουϲ μου αφ υμων · και εαν πληθυνηται την δεηϲιν ουκ ειϲακουϲομαι ϋμων αι γαρ χειρεϲ ϋμων αιματοϲ πληρειϲ
- Ἠϲαΐαϲ 1:16
λουϲαϲθε καθαροι γενεϲθε · αφελεται ταϲ πονηρειαϲ απο των ψυχων ϋμων · απεναντι των οφθαλμων μου παυϲαϲθε απο των πονηριων υμων
- Ἠϲαΐαϲ 1:17
μαθετε καλον ποιειν · εκζητηϲατε κριϲειν · ρυϲαϲθαι αδικουμενον · κριναται ορφανω · και δικαιωϲατε χηραν ·
- Ἠϲαΐαϲ 1:18
και δευτε και διελεγχθωμεν λεγει κϲ · και εαν ωϲειν αι αμαρτιαι ϋμων ωϲ φυνικουν · ωϲ χιονα λευκανω · εαν δε ωϲειν ωϲ κοκκινον . ων εριον λευκανω
- Ἠϲαΐαϲ 1:19
και εαν θεληται και ειϲακουϲητε μου · τα αγαθα τηϲ γηϲ φαγεϲθαι
- Ἠϲαΐαϲ 1:20
εαν δε μη θεληται μηδε ειϲακουϲηται μου μαχερα υμαϲ κατεδεται το γαρ ϲτομα κυ ελαληϲεν ταυτα ·
- Ἠϲαΐαϲ 1:21
πωϲ εγενετο πορνη · πολιϲ πιϲτη ϲειων πληρηϲ κριϲεωϲ και αληθιαϲ · εν η δικαιοϲυνη εκοιμηθη εν αυτη νυν δε φονευτε ˙
- Ἠϲαΐαϲ 1:22
το αργυριον υμων αδοκιμον · οι καπηλοι ϲου μιϲγουϲιν τον οινον ϋδατι
- Ἠϲαΐαϲ 1:23
οι αρχοντεϲ ϲου απιθουϲιν . κοινωνοι κλεπτων · αγαπωντεϲ δωρα · διωκοντεϲ αντα·ποδομα · ορφανοιϲ ου κρινοντεϲ · και κριϲιν χηραϲ ου προϲεχοντεϲ ·
- Ἠϲαΐαϲ 1:24
δια τουτο ταδε λεγει ο δεϲποτηϲ κϲ ϲαβαωθʼ · ουαι οι ϊϲχυοντεϲ ϊηλ ˙ ου παυϲεται γαρ μου ο θυμοϲ εν τοιϲ ϋπεναντιοιϲ · και κριϲειν εκ των εχθρων μου ποιηϲω ·
- Ἠϲαΐαϲ 1:25
και επαξω την χιρα μου επι ϲε · και πυρωϲω ϲε ειϲ καθαρον · τουϲ δε απιθουνταϲ απολεϲω και αφελω πανταϲ ανομουϲ απο ϲου και πανταϲ υπερηφανουϲ
- Ἠϲαΐαϲ 1:26
και επιϲτηϲω τουϲ κριταϲ ϲου ωϲ το προτερον και τουϲ ϲυμβουλουϲ ϲου . ωϲ το απ αρχηϲ · και μετα ταυτα κληθηϲη πολιϲ δικαιοϲυνηϲ · μητροπολιϲ πιϲτη ϲιων
- Ἠϲαΐαϲ 1:27
μετα γαρ κριματοϲ ϲωθηϲεται η εχμαλωϲιαʼ αυτηϲ και η αποϲτροφη αυτηϲ μετα ελεημοϲυνηϲ :
- Ἠϲαΐαϲ 1:28
και ϲυντριβηϲονται οι ανομοι και οι αμαρτωλοι αμα : και οι ενκαταλιποντεϲ τον κν ϲυντελεϲθηϲονται ·
- Ἠϲαΐαϲ 1:29
διοτι αιϲχυνθηϲονται επι τοιϲ ειδωλοιϲ αυτων ἁ αυτοι ηβουλοντο · και επεϲχυνθηϲαν επι τοιϲ κηποιϲ ἁ αυτοι επεθυμηϲαν ·
- Ἠϲαΐαϲ 1:30
εϲονται γαρ · ωϲ τερεβινθοϲ αποβεβληκυϊα τα φυλʼλα και ωϲ παραδιϲοϲ υδωρ μη εχων ·
- Ἠϲαΐαϲ 1:31
και εϲται η ιϲχυϲ αυτων ωϲ καλαμη ϲτιππυου · και ε εργαϲιαι αυτων . ω ϲπινθηραιϲ πυροϲ · και κατακαυθηϲονται οι ανομοι και οι αμαρτωλοι αμα · και ουκ αιϲτε ο ϲβεϲων :
- Ἠϲαΐαϲ 2:1
ο λογοϲ ο γενομενοϲ παρα κυ προϲ ηϲαϊαν ϋϊον αμωϲ περι τηϲ ϊουδεαϲ και περι ιημ
- Ἠϲαΐαϲ 2:2
οτι εϲτε εν ταιϲ εϲχαταιϲ ημαιρεϲ εμφανεϲ το οροϲ κυ · και ο οικοϲ του θυ επ ακρων των ορεων · και ϋψωθηϲεται ϋπερανω των βουνων · και ηξουϲιν επ αυτον παντα τα εθνη
- Ἠϲαΐαϲ 2:3
και πορευϲονται εθνη πολλα και ερουϲιν · δευτε και αναβωμεν ειϲ το οροϲ κυ · και ειϲ τον οικον του θυ ϊακωβʼ και αναγʼγελι ημιν την οδον αυτου και πορευϲωμεθα εν αυτη ˙ εκ γαρ ϲιων + εκξελευϲεται νομοϲ · και λογοϲ κυ εξ ϊιλμ ·
- Ἠϲαΐαϲ 2:4
και κρινει ανα μεϲον εθνων πολλων · και ελεξι λαον πολυν · και ϲυνκοψουϲιν ταϲ μαχαιραϲ αυτων ειϲ αροτρα · και ταϲ ζιβυναϲ αυτων ειϲ δρεπανα · και ου μη λημψεται εθνοϲ επ εθνοϲ μαχεραν · και ου μη μαθωϲιν ετι πολεμιν ·
- Ἠϲαΐαϲ 2:5
και νυν οικοϲ του ϊακωβʼ δευτε και πορευθωμεν τω φωτι κυ ·
- Ἠϲαΐαϲ 2:6
ανηκεν γαρ τον λαον αυτου τον οικον του ιηλ · οτι ενεπληϲθη ωϲ το απ αρχηϲ η χωρα αυτων κληδονιϲμων ωϲ η των αλλοφυλων · και τεκνα πολʼλαʼ αλʼλοφυλα εγενηθη αυτοιϲ ·
- Ἠϲαΐαϲ 2:7
ενεπληϲθη γαρ η χωρα αυτων αργυριου και χρυϲιου και ουκ ην ο αριθμοϲ των θηϲαυρων αυτων · και ενεπληϲθη η γη ϊππων και ουκ ην ο αριθμοϲ των αρματων αυτων ·
- Ἠϲαΐαϲ 2:8
και ενεπληϲθη η γη βδελυγματων των εργων των χιρων αυτων · και προϲεκυνηϲαν α εποιηϲαν οι δακτυλοι αυτων ·
- Ἠϲαΐαϲ 2:9
και εκυψεν ανοϲ και εταπινωθη ανηρ · και ου μη ανηϲω αυτοιϲ
- Ἠϲαΐαϲ 2:10
και νυν ειϲελθατε ειϲ ταϲ πετραϲ · και κρυπτεϲθαι ειϲ την γην απο προϲωπου του φοβου κυ · και απο τηϲ δοξηϲ τηϲ ϊϲχυοϲ αυτου · οταν αναϲτη θαυϲε την γην ·
- Ἠϲαΐαϲ 2:11
οι γαρ οφθαλμοι κυ ϋψηλοι · ο δε ανοϲ ταπινοϲ · και ταπινωθηϲεται το ϋψοϲ των ανθρωπων · και ϋψωθηϲεται κϲ μονοϲ · εν τη ημερα εκινη ·
- Ἠϲαΐαϲ 2:12
ημερα γαρ κυ ϲαβαωθ επι παντα ϋβριϲτην και ϋπερηφανον και επι παντα ϋψηλον και μετεωρον · και ταπινωθηϲονται ·
- Ἠϲαΐαϲ 2:13
και επι παϲαν κεδρον του λιβανου των ϋψηλων και μετεωρων · και επι παν δενδρον βαλανου βαϲαν ·
- Ἠϲαΐαϲ 2:14
και επι παν οροϲ ϋψηλον · και επι παντα βουνον ϋψηλον ·
- Ἠϲαΐαϲ 2:15
και επι παντα πυργον ϋψηλον · και επι παντα τιχοϲ ϋψηλον ·
- Ἠϲαΐαϲ 2:16
και επι παν πλοιον θαλαϲϲηϲ · και επι παϲαν θεαν πλοιων καλλουϲ ·
- Ἠϲαΐαϲ 2:17
και ταπινωθηϲεται παϲ ανοϲ · και πεϲιται ϋψοϲ ανων · και ϋψωθηϲεται κϲ μονοϲ · εν τη ημερα εκινη ·
- Ἠϲαΐαϲ 2:18
˜ και τα χιροποιητα παντα κατακρυψουϲιν
- Ἠϲαΐαϲ 2:19
ειϲενηγκανταιϲ ειϲ τα ϲπηλεα · και ειϲ τα ϲχιϲμαϲ των πετρων · και ειϲ ταϲ τρωγλαϲ τηϲ γηϲ · απο προϲωπου του φοβου κυ · και απο τηϲ δοξηϲ τηϲ ϊϲχυοϲ αυτου · οταν αναϲτη θαυϲε την γην ·
- Ἠϲαΐαϲ 2:20
τη γαρ ημερα εκινη · εκβαλει ανοϲ τα βδελυγματα αυτου τα αργυρα και τα χρυϲα · α εποιηϲαν προϲκυνειν τοιϲ ματεοιϲ · και ταιϲ νυκτεριϲιν
- Ἠϲαΐαϲ 2:21
του ειϲελθιν ειϲ ταϲ τρωγλαϲ τηϲ ϲτερεαϲ πετραϲ και ειϲ ταϲ ϲχιϲμαϲ των πετρων απο προϲωπου του φοβου κυ · και απο τηϲ δοξηϲ τηϲ ϊϲχυοϲ αυτου · οταν αναϲτη θραυϲε την γην
- Ἠϲαΐαϲ 3:1
ϊδου δη ο δεϲποτηϲ κϲ ϲαβαωθʼ αφελι απο τηϲ ϊουδεαϲ και απο ιλμ · ιϲχυοντα και ϊϲχυουϲαν · ϊϲχυν αρτου · κα ιϲχυν ϋδατοϲ
- Ἠϲαΐαϲ 3:2
γειγαντα και ανον πολεμιϲτην και δικαϲτην · και προφητην και ϲτοχαϲτην · και πρεϲβυτερον ·
- Ἠϲαΐαϲ 3:3
και πεντηκονταρχον · και θαυμαϲτον ϲυμβουλον · και ϲοφον αρχιτεκτοναν και ϲυνετον ακροατην ·
- Ἠϲαΐαϲ 3:4
και επιϲτηϲω νεανιϲκουϲ αρχονταϲ αυτων · και εμπεκται κυριευϲουϲιν αυτων ·
- Ἠϲαΐαϲ 3:5
και ϲυμπεϲιται ο λαοϲ · ανθρωποϲ προϲ ανθρωπον · και αννονϲ προϲ τον πληϲιον αυτου προϲκοψει · το πεδιον προϲ τον πρεϲβυτην ˙ ο ατιμοϲ προϲ τον εντιμον
- Ἠϲαΐαϲ 3:6
οτι επιλημψεται ανοϲ του αδελφου αυτου · η του οικιου του προϲ αυτου λεγων · ϊματιον εχιϲ · αρχηγοϲ ημων γενου · και το βρωμα το εμον ϋπο ϲε εϲτω ·
- Ἠϲαΐαϲ 3:7
και αποκριθειϲ · ερι εν τη ημερα εκινη · ουκ αιϲομε ϲου αρχηγοϲ · ου γαρ εϲτιν εν τω οικω μου αρτοϲ · ουδε ϊματιον · ουκ εϲομαι αρχηγοϲ του λαου τουτου ·
- Ἠϲαΐαϲ 3:8
οτι ανειται ϊλμ · και ϊουδαια ϲυμπεπτωκεν · και ε γλωϲϲε αυτων μετα ανομιαϲ τα προϲ κν απιθουνταιϲ : διοτι νυν εταπινωθη η δοξα αυτων ·
- Ἠϲαΐαϲ 3:9
και η αιϲχυνη του προϲωπου αυτων αντεϲτη αυτοιϲ ˙ την δε αμαρτιαν αυτων . ωϲ ϲοδομων ανηγγειλαν και ενεφανιϲαν · ουαι τη ψυχη αυτων . διοτι βεβουλευνται βουλην πονηραν καθ εαυτων
- Ἠϲαΐαϲ 3:10
ειποντεϲ · δηϲωμεν τον δικαιον οτι δυϲχρηϲτοϲ ημιν εϲτιν · τοινυν · τα γενηματα των εργων αυτων φαγονται :
- Ἠϲαΐαϲ 3:11
ουαι τω ανομω ˙ πονηρα κατα τα εργα των χιρων αυτου ϲυμβηϲεται αυτω :
- Ἠϲαΐαϲ 3:12
λαοϲ μου . οι πρακτορεϲ ϋμων καλαμωντε ϋμαϲ · και οι απετουνταιϲ κυριευϲουϲιν ϋμων : λαοϲ μου · οι μακαριζονταιϲ ϋμαϲ · πλανωϲιν ϋμαϲ · και την τριβον των ποδων ϋμων ταραϲϲουϲιν ·
- Ἠϲαΐαϲ 3:13
αλʼλα νυν καταϲτηϲεται ειϲ κριϲιν κϲ · και ϲτηϲει ειϲ κριϲιν τον λαον αυτου ·
- Ἠϲαΐαϲ 3:14
αυτοϲ κϲ ειϲ κριϲειν ηξει · μετα των πρεϲβυ+τερων του λαου ϋμειϲ δε τι ενεπυριϲατε τον αμπελωνα μου · και η αρπαγη του πτωχου εν τοιϲ οικοιϲ ϋμων ·
- Ἠϲαΐαϲ 3:15
τι ϋμιϲ αδικειται τον λαον μου · και το προϲωπον τω πτωχων · κατεϲχυνεται ›
- Ἠϲαΐαϲ 3:16
ταδε λεγε κϲ · ανθ ων ϋψωθηϲαν αι θυγατερεϲ ϲειων · και επορευθηϲαν ϋψηλω τραχηλω . και νευμαϲιν οφθαλμων · και τη πορια των ποδων αμα ϲυρουϲαι τουϲ κιτωναϲ · και τοιϲ ποϲιν αμα πεζουϲαι ·
- Ἠϲαΐαϲ 3:17
και ταπινωϲει ο θϲ αρχουϲαϲ θυγατεραϲ ϲειων · και κϲ ανακαλυψι το ϲχημαʼ αυτων .
- Ἠϲαΐαϲ 3:18
εν τη ημερα εκινη · και αφελι κϲ την δοξαν του ϊματιϲμου αυτων · και τουϲ κοϲμουϲ αυτων · και τα εμπλοκιαʼ αυτων · και τουϲ κοϲυμβουϲ αυτων · και τουϲ μηνιϲκουϲ ·
- Ἠϲαΐαϲ 3:19
και το καθεμα · και τον κοϲμον του προϲωπου αυτων ·
- Ἠϲαΐαϲ 3:20
και την ϲυνθεϲιν του κοϲμου τηϲ δοξηϲ αυτων · και τουϲ κλιδωναϲ και τα ενωτια ·
- Ἠϲαΐαϲ 3:21
και τα περιπορφυρα · και τα μεϲοπορφυρα ·
- Ἠϲαΐαϲ 3:22
και τα επιβληματα τα κατα την οικιαν · και τα διαφανη · λακωνικα
- Ἠϲαΐαϲ 3:23
και τα βυϲϲινα · και τα ϋακινθινα · και τα κοκκινα · και την βυϲϲον · ϲυν χρυϲιω ˙ και ϋακινθω ϲυνκατϋφαϲμενα και θεριϲτρα και τα κατακλιϲτρα ·
- Ἠϲαΐαϲ 3:24
και εϲτε αντι οϲμηϲ ηδῖαʼϲ κονιορτοϲ · και αντι ζωνηϲ ϲχοινιον ζωϲη · και αντι του κοϲμου τηϲ καιφαληϲ του χρυϲιου φαλακρωμα εξειϲ δια τα εργα ϲου · και αντι του κιτωνοϲ του μεϲοπορφυρου · περιζωϲη ϲακκοι ·
- Ἠϲαΐαϲ 3:25
και ο ϋϊοϲ ϲου ο καλλιϲτοϲ · ονʼ αγαπαϲ · μαχερα πεϲιται · και οι ϊϲχυονταιϲ ϋμων · μαχερα πεϲουνται ·
- Ἠϲαΐαϲ 3:26
και ταπινωθηϲονται και πενθηϲουϲιν αι θηκαι του κοϲμου ϋμων και καταλιφθηϲη μονη · και ειϲ την γην εδαφιϲθηϲη ·
- Ἠϲαΐαϲ 4:1
και επιλημψονται επτα γυναικεϲ ανθρωπου ενοϲ λεγουϲαι · τον αρτον ημων φαγομεθα · και τα ϊματια ημων περιβαλουμεθα · πλην το ονομα το ϲον κεκληϲθω εφ ημαϲ · αφελε τον ονιδιϲμον ημων ·
- Ἠϲαΐαϲ 4:2
τη δε ημερα εκινη · επιλαμψι ο θϲ εν βουλη μετα δοξηϲ επι τηϲ γηϲ · του ϋψωϲε και δοξαϲε το καταλιφθεν του ιηλ ·
- Ἠϲαΐαϲ 4:3
και εϲτε το υπολιφθεν εν ϲιων · και το καταλιφθεν εν ιελμ αγιοι κληθηϲονται παντεϲ οι γραφεντεϲ ειϲ ζωην εν ιλμ :
- Ἠϲαΐαϲ 4:4
˜ οτι εκπλυνι κϲ τον ρυπον των ϋϊων και των θυγατερων ϲιων · και το αιμα ιλμ εκκαθαριει εκ μεϲου αυτων . εν πνι κριϲεωϲ · και εν πνι καυϲεωϲ ·
- Ἠϲαΐαϲ 4:5
και ηξει · και εϲται παϲ τοποϲ του ορουϲ ϲιων · και παντα τα περικυκλω αυτηϲ · ϲκιαϲι νεφελη ημεραϲ · και ωϲ καπνου και ωϲ φωτοϲ πυροϲ καιομενου νυκτοϲ · παϲη τη δοξη ϲκεπαϲθηϲεται ·
- Ἠϲαΐαϲ 4:6
και εϲτε ειϲ ϲκιαν απο καυματοϲ · και εν ϲκεπη και εν αποκρυφω . απο ϲκληροτητοϲ και υ̇ετου :
- Ἠϲαΐαϲ 5:1
αϲω δη τω ηγαπημενω αϲμα του αγαπητου τω αμπελωνι μου · αμπελων εγενηθη τω ηγαπημενω εν κερατι εν τοπω πιονι ·
- Ἠϲαΐαϲ 5:2
και φραγμον περιεθηκα · και εχαρακωϲα · και εφυτευϲα αμπελον ϲωρηχʼ και ωκοδομηϲα πυργον εν μεϲω αυτου · και προληνιον ωρυξα εν αυτω · και εμινα του ποιηϲε ϲταφυλην ˙ εποιηϲεν δε ακανθαϲ :
- Ἠϲαΐαϲ 5:3
και νυν ανθρωποϲ του ιουδα · και οι ενοικουνταιϲ εν ϊερουϲαλημʼ · κρινατε εν εμοι · και ανα μεϲον του αμʼπελωνοϲ μου ·
- Ἠϲαΐαϲ 5:4
τι ποιηϲω τω αμπελωνι μου ετι · και ουκ αιποιηϲα αυτω · διοτι εμινα του ποιηϲε ϲταφυλην . εποιηϲεν δε ακανθαϲ ·
- Ἠϲαΐαϲ 5:5
νυν δε αναγγελω ϋμιν τι ποιηϲω τω αμπελωνι μου · αφελω τον φραγμον αυτου · και ερϲτε ειϲ διαρπαγην · και καθελω τον τοιχον αυτου · και εϲτε ειϲ καταπατημα ·
- Ἠϲαΐαϲ 5:6
και ανηϲω τον αμπελωνα μου · και ου μη τμηθη . ουδ ου μη ϲκαφη ετει και αβαβηϲεται ειϲ αυτον ωϲ ειϲ χερϲον ακανθαι · και τεϲ νεφελαιϲ εντελουμαι του μη βρεξαι ειϲ αυτον ϋετον ·
- Ἠϲαΐαϲ 5:7
ο γαρ αμπελων κυ ϲαβαωθʼ οικοϲ του ιηλ εϲτιν · και ανθρωποϲ του ϊουδα νεοφυτον ῆγαπημενον + εμινα του ποιηϲε κριϲιν · εποιηϲεν δε ανομιαν και ου δικαιοϲυνην · αλʼλα κραυην ·
- Ἠϲαΐαϲ 5:8
ουαι ο̃ι ϲυναπτοντεϲ οικιαν προϲ οικιαν · και αγρον προϲ αγρον εγγειζονταιϲ ινα του πληϲιον αφελονται τι · μη οικηϲηται μονοι επι τηϲ γηϲ ·
- Ἠϲαΐαϲ 5:9
ηκουϲθη γαρ ειϲ τα ωτα κυ ϲαβαωθʼ ταυτα ˙ εαν γαρ γενωνται οικιαι πολλαι ειϲ ερημον εϲονται · μεγαλε και καλαι · και ουκ εϲονται οι ενοικουνταιϲ εν αυταιϲ ·
- Ἠϲαΐαϲ 5:10
ο̃υ γαρ εργωνται δεκα ζευη βοων · ποιηϲε κεραμιον εν · και ο ϲπιρων αρταβαϲ εξʼ · ποιηϲει μετρα τρια ·
- Ἠϲαΐαϲ 5:11
ουαι οι εγειρομενοι το πρωϊ · και το ϲικερα διωκονταιϲ · οι μενονταιϲ το οψαι : ο γαρ οινοϲ αυτουϲ ϲυνκαυϲει ·
- Ἠϲαΐαϲ 5:12
μετα γαρ κιθαραϲ και ψαλτηριου · και τυμπανων · και χορων και αυλων · τον οινον πινουϲιν · τα δε εργα του θυ ουκ εμʼβλεψουϲιν · και τα εργα των χιρων αυτου ου κατανοηϲουϲιν
- Ἠϲαΐαϲ 5:13
τοινυν · αιχμαλωτοϲ ο λαοϲ μου εγενηθη · δια το μη ειδενε αυτουϲ τον κν · και πληθοϲ εγενηθη νεκρων δια λιμον · και διψαν ϋδατοϲ ·
- Ἠϲαΐαϲ 5:14
και επλατυνεν ο αδηϲ την ψυχην αυτου · και διηνυξεν το ϲτομα αυτου του μη διαλιπιν · και καταβηϲονται οι ενδοξοι και οι μεγαλοι · και οι πλουϲιοι · και οι λοιμοι αυτηϲ ·
- Ἠϲαΐαϲ 5:15
και ταπινωθηϲεται ανθρωποϲ · και ατιμαϲθηϲεται ανηρ · και οι οφθαλμοι οι μετεωροι . ταπινωθηϲονται
- Ἠϲαΐαϲ 5:16
και ϋψωθηϲεται κϲ ϲαβαωθʼ εν κριματι · και ο θϲ ο αγιοϲ δοξαϲθηϲεται εν δικαιοϲυνη +
Next → — showing 1–100 of 1,289
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.