Codex Sinaiticus: Πρὸς Ἑβραίους

Codex Sinaiticus · 302 sections

Πρὸς Ἑβραίους 1:1
πολυμερωϲ και πολυτροπωϲ παλαι ο θϲ λαληϲαϲ τοιϲ […]ραϲιν εν τοιϲ προφηταιϲ
Πρὸς Ἑβραίους 1:2
επ εϲχατου των ημερων τουτων ελαληϲεν ημιν εν υϊω ον εθηκεν κληρονομον παντων δι ου και εποιηϲεν τουϲ αιωναϲ
Πρὸς Ἑβραίους 1:3
οϲ ων απαυγαϲμα τηϲ δοξηϲ και χαρακτηρ τηϲ ϋποϲταϲεωϲ αυτου φερων τε τα παντα τω ρηματι τηϲ δυναμεωϲ αυτου καθαριϲμον των αμαρτιων ποιηϲαμενοϲ εκαθιϲεν εν δεξια τηϲ μεγαλωϲυνηϲ εν υψηλοιϲ
Πρὸς Ἑβραίους 1:4
τοϲουτω κριττων γενομενοϲ των αγγελων οϲω διαφορωτερον παρ αυτουϲ κεκληρονομηκεν ονομα
Πρὸς Ἑβραίους 1:5
τινι γαρ ειπεν ποτε των αγγελων υϊοϲ μου ει ϲυ εγω ϲημερον γεγεννηκα ϲε και παλιν εγω εϲομαι ειϲ πατερα και αυτοϲ εϲται μοι ειϲ υν
Πρὸς Ἑβραίους 1:6
οταν δε παλιν ειϲαγαγη τον πρωτοτοκον ειϲ την οικουμενην λεγει και προϲκυνηϲατωϲαν αυτω παντεϲ αγγελοι θυ
Πρὸς Ἑβραίους 1:7
και προϲ μεν τουϲ αγγελουϲ λεγει ο ποιων τουϲ αγγελουϲ αυτου πνατα και τουϲ λιτουργουϲ αυτου πυροϲ φλογα
Πρὸς Ἑβραίους 1:8
προϲ δε τον υν ο θρονοϲ ϲου ο θϲ ειϲ τον αιωνα του αιωνοϲ και η ραβδοϲ τηϲ βαϲιλειαϲ αυτου
Πρὸς Ἑβραίους 1:9
ηγαπηϲαϲ δικαιοϲυνην και εμιϲηϲαϲ αδικιαν δια τουτο εχριϲεν ϲε ο θϲ ο θϲ ϲου ελαιον αγαλλιαϲεωϲ παρα τουϲ μετοχουϲ ϲου
Πρὸς Ἑβραίους 1:10
και ϲυ κατ αρχαϲ κε την γην εθεμελιωϲαϲ και εργα των χειρων ϲου ειϲιν οι ουρανοι
Πρὸς Ἑβραίους 1:11
αυτοι απολουνται ϲυ δε διαμενειϲ και παντεϲ ωϲ ϊματιον παλαιωθηϲονται
Πρὸς Ἑβραίους 1:12
και ωϲει περιβολαιον αλλαξειϲ αυτουϲ ωϲ ϊματιον και αλλαγηϲονται ϲυ δε και ο αυτοϲ ει και τα ετη ϲου ουκ εκλιψουϲιν
Πρὸς Ἑβραίους 1:13
προϲ τινα δε των αγγελων ειρηκεν ποτε καθου εκ δεξιων μου εωϲ αν θω τουϲ εχθρουϲ ϲου ϋποποδιον των ποδων ϲου
Πρὸς Ἑβραίους 1:14
ουχι παντεϲ ειϲιν λιτουργικα πνατα ειϲ διακονιαν αποϲτελλομενα δια τουϲ μελλονταϲ κληρονομειν ϲωτηριαν
Πρὸς Ἑβραίους 2:1
δια τουτο περιϲϲοτερωϲ δει προϲεχιν ημαϲ τοιϲ ακουϲθιϲι μηποτε παραρυωμεν
Πρὸς Ἑβραίους 2:2
ει γαρ ο δι αγγελων λαληθειϲ λογοϲ εγενετο βεβαιοϲ και παϲα παραβαϲιϲ και παρακοη ελαβεν ενδικον μιϲθαποδοϲιαν
Πρὸς Ἑβραίους 2:3
πωϲ ημειϲ εκφευξομεθα τηλικαυτηϲ αμεληϲαντεϲ ϲωτηριαϲ ητιϲ αρχην λαβουϲα λαλιϲθαι δια του κυ υπο των ακουϲαντων ειϲ ημαϲ εβεβαιωθη
Πρὸς Ἑβραίους 2:4
ϲυνεπιμαρτυρουντοϲ του θυ ϲημιοιϲ τε και τεραϲι και ποικιλαιϲ δυναμεϲιν και πνϲ αγιου θεριϲμοιϲ κατα την αυτου θεληϲιν
Πρὸς Ἑβραίους 2:5
ου γαρ αγγελοιϲ ϋπεταξεν την οικουμενην την μελλουϲαν περι ηϲ λαλουμεν
Πρὸς Ἑβραίους 2:6
διεμαρτυρατο δε που τιϲ λεγων τι εϲτιν ανθρωποϲ οτι μιμνηϲκη αυτου η υϲ ανθρωπου οτι επιϲκεπτη αυτον
Πρὸς Ἑβραίους 2:7
ηλαττωϲαϲ αυτον βραχυ τι παρ αγγελουϲ δοξη και τιμη εϲτεφανω[…] και κατεϲτηϲαϲ αυτον επι τα εργα των χειρων ϲου
Πρὸς Ἑβραίους 2:8
παντα ϋπεταξα υποκατω των ποδων αυτου εν τω γαρ υποταξαι αυτω τα παντα ουδεν αφηκεν αυτω ανυποτακτον νυν δε ουπω ορωμεν αυτω τα παντα ϋποτεταγμενα
Πρὸς Ἑβραίους 2:9
τον δε βραχυ τι παρ αγγελουϲ ηλαττωμενον βλεπομεν ιν δια το παθημα του θανατου δοξη και τιμη εϲτεφανωμενον οπωϲ χαριτι θυ ϋπερ παντοϲ γευϲηται θανατου
Πρὸς Ἑβραίους 2:10
επρεπεν γαρ αυτω δι ον τα παντα και δι ου τα παντα πολλουϲ υϊουϲ ειϲ δοξαν αγαγοντα · τον αρχηγον τηϲ ϲωτηριαϲ αυτων δια παθηματων τελιωϲαι
Πρὸς Ἑβραίους 2:11
ο τε γαρ αγιαζων και οι αγιαζομενοι εξ ενοϲ παντεϲ δι ην αιτιαν ουκ επαιϲχυνεται αδελφουϲ αυτουϲ καλειν
Πρὸς Ἑβραίους 2:12
λεγων απαγγελω το ονομα ϲου τοιϲ αδελφοιϲ μου εν μεϲω εκκληϲιαϲ υμνηϲω ϲε
Πρὸς Ἑβραίους 2:13
και παλιν εγω εϲομαι πεποιθωϲ επ αυτω και παλιν ϊδου εγω και τα παιδια α μοι εδωκεν ο θϲ
Πρὸς Ἑβραίους 2:14
επει ουν τα παιδια κεκοινωνηκεν αιματοϲ και ϲαρκοϲ και αυτοϲ παραπληϲιωϲ μετεϲχεν των αυτων ϊνα δια του θανατου καταργηϲη τον το κρατοϲ εχοντα του θανατου τουτ εϲτιν τον διαβολον
Πρὸς Ἑβραίους 2:15
και απαλλαξη τουτουϲ οϲοι φοβω θανατου δια παντοϲ του ζην ενοχοι ηϲαν δουλιαϲ
Πρὸς Ἑβραίους 2:16
ου γαρ δηπου αγγελων επιλαμβανεται αλλα ϲπερματοϲ αβρααμ επιλαμβανεται ·
Πρὸς Ἑβραίους 2:17
οθεν ωφειλεν κατα παντα τοιϲ αδελφοιϲ ομοιωθηναι ϊνα ελεημων γενηται και πιϲτοϲ αρχιερευϲ τα προϲ τον θν ειϲ το ϊλαϲκεϲθαι ταϲ αμαρτιαϲ του λαου ·
Πρὸς Ἑβραίους 2:18
εν ω γαρ πεπονθεν αυτοϲ δυναται τοιϲ πιραζομενοιϲ βοηθηϲαι
Πρὸς Ἑβραίους 3:1
οθεν αδελφοι αγιοι κληϲεωϲ επουρανιου μετοχοι κατανοηϲατε τον αποϲτολον και αρχιερεα τηϲ ομολογιαϲ ημων ιν
Πρὸς Ἑβραίους 3:2
πιϲτον οντα τω ποιηϲαντι αυτον ωϲ και μωϲηϲ εν ολω τω οικω αυτου
Πρὸς Ἑβραίους 3:3
πλειονοϲ γαρ ουτοϲ δοξηϲ παρα μωϋϲην ηξιωται καθ οϲον πλειονα τιμην εχει του οικου ο καταϲκευαϲαϲ αυτον
Πρὸς Ἑβραίους 3:4
παϲ γαρ οικοϲ καταϲκευαζεται ϋπο τινοϲ ο δε παντα καταϲκευαϲαϲ θϲ
Πρὸς Ἑβραίους 3:5
και μωυϲηϲ μεν πιϲτοϲ εν ολω τω οικω αυτου ωϲ θεραπων ειϲ μαρτυριον των λαληθηϲομενων
Πρὸς Ἑβραίους 3:6
χϲ δε ωϲ υϲ επι τον οικον αυτου ου οικοϲ εϲμεν ημειϲ καν την παρρηϲιαν και το καυχημα τηϲ ελπιδοϲ μεχρι τελουϲ βεβαιαν καταϲχωμεν
Πρὸς Ἑβραίους 3:7
διο καθωϲ λεγει το πνα το αγιον ϲημερον εαν τηϲ φωνηϲ αυτου ακουϲητε
Πρὸς Ἑβραίους 3:8
μη ϲκληρυνητε ταϲ καρδιαϲ υμων ωϲ εν τω πιραϲμω κατα την ημεραν του πιραϲμου εν τη ερημω
Πρὸς Ἑβραίους 3:9
ου επιραϲαν οι πατερεϲ ϋμων εν δοκιμαϲια και ειδον τα εργα μου
Πρὸς Ἑβραίους 3:10
τεϲϲερακοντα ετη διο προϲωχθιϲα τη γενεα ταυτη και ειπον αει πλανωνται τη καρδια αυτοι δε ουκ εγνωϲαν ταϲ οδουϲ μου
Πρὸς Ἑβραίους 3:11
ωϲ ωμοϲα εν τη οργη μου ει ειϲελευϲονται ειϲ την καταπαυϲιν μου
Πρὸς Ἑβραίους 3:12
βλεπετε αδελφοι μηποτε εϲτε εν τινι ϋμων καρδια πονηρα απιϲτιαϲ εν τω αποϲτηναι απο θυ ζωντοϲ
Πρὸς Ἑβραίους 3:13
αλλα παρακαλειτε εαυτουϲ καθ εκαϲτην ημεραν αχριϲ ου το ϲημερον καλειται ϊνα μη ϲκληρυνθη τιϲ εξ υμων απατη τη αμαρτια
Πρὸς Ἑβραίους 3:14
μετοχοι γαρ του χυ γεγοναμεν εανπερ την αρχην τηϲ ϋποϲταϲεωϲ μεχρι τελουϲ βεβαιαν καταϲχωμεν
Πρὸς Ἑβραίους 3:15
εν τω λεγεϲθαι ϲημερον εαν τηϲ φωνηϲ αυτου ακουϲητε μη ϲκληρυνητε ταϲ καρδιαϲ ϋμων ωϲ εν τω παραπικραϲμω
Πρὸς Ἑβραίους 3:16
τινεϲ γαρ ακουϲαντεϲ παρεπικραναν αλλ ου παντεϲ οι εξελθοντεϲ εξ εγυπτου δια μωϋϲεωϲ
Πρὸς Ἑβραίους 3:17
τιϲιν δε προϲωχθιϲεν τεϲϲερακοντα ετη ουχι τοιϲ αμαρτηϲαϲιν ων τα κωλα επεϲεν εν τη ερημω
Πρὸς Ἑβραίους 3:18
τιϲιν δε ωμοϲεν μη ειϲελευϲεϲθαι ειϲ την καταπαυϲιν αυτου ει μη τοιϲ απιθηϲαϲιν
Πρὸς Ἑβραίους 3:19
και βλεπομεν οτι ουκ ηδυνηθηϲαν ειϲελθιν δι απιϲτιαν
Πρὸς Ἑβραίους 4:1
φοβηθωμεν ουν μηποτε καταλιπομενηϲ επαγγελιαϲ ειϲελθιν ειϲ την καταπαυϲιν αυτου δοκη τιϲ εξ υμων ϋϲτερηκεναι ·
Πρὸς Ἑβραίους 4:2
και γαρ εϲμεν ευηγγελιϲμενοι καθαπερ κακεινοι αλλ ουκ ωφεληϲεν ο λογοϲ τηϲ ακοηϲ εκεινουϲ μη ϲυνκεκεραϲμενοϲ τη πιϲτι τοιϲ ακουϲαϲιν
Πρὸς Ἑβραίους 4:3
ειϲερχομεθα ουν ειϲ την καταπαυϲιν οι πιϲτευϲαντεϲ καθωϲ ειρηκεν ωϲ ωμοϲα εν τη οργη μου ει ειϲελευϲονται ειϲ την καταπαυϲιν μου καιτοι των εργων απο καταβοληϲ κοϲμου γενηθεντων
Πρὸς Ἑβραίους 4:4
ειρηκεν γαρ που περι τηϲ εβδομηϲ ουτωϲ και κατεπαυϲεν ο θϲ εν τη ημερα τη εβδομη απο παντων των εργων αυτου
Πρὸς Ἑβραίους 4:5
και εν τουτω παλιν ει ειϲελευϲονται ειϲ την καταπαυϲιν μου
Πρὸς Ἑβραίους 4:6
επει ουν απολειπεται τιναϲ ειϲελθειν ειϲ αυτην και οι προτερον ευαγγελιϲθεντεϲ ουκ ειϲηλθον δι απιϲτιαν
Πρὸς Ἑβραίους 4:7
παλιν οριζει τινα ημεραν ϲημερον εν δαυειδ λεγων μετα τοϲουτον χρονον καθωϲ προειρηται ϲημερον εαν τηϲ φωνηϲ αυτου ακουϲητε μη ϲκληρυνηται ταϲ καρδιαϲ ϋμων
Πρὸς Ἑβραίους 4:8
ει γαρ αυτουϲ ιϲ κατεπαυϲεν ουκ αν περι αλληϲ ελαλει μετα ταυτα ημεραϲ
Πρὸς Ἑβραίους 4:10
ο γαρ ειϲελθων ειϲ την καταπαυϲιν αυτου και αυτοϲ κατεπαυϲεν απο των εργων αυτου ωϲπερ απο των ϊδιων ο θϲ
Πρὸς Ἑβραίους 4:11
ϲπουδαϲωμεν ουν ειϲελθειν ειϲ εκεινην την καταπαυϲιν εινα μη εν τω αυτω ϋποδιγματι πεϲη τηϲ απιθιαϲ
Πρὸς Ἑβραίους 4:12
ζων γαρ ο λογοϲ του θυ και ενεργηϲ και τομωτεροϲ ϋπερ παϲαν μαχαιραν διϲτομον και διυκνουμενοϲ αχρι μεριϲμου και πνϲ αρμων τε και μυελων και κριτικοϲ ενθυμηϲεων και εννοιων καρδιαϲ
Πρὸς Ἑβραίους 4:13
και ουκ εϲτιν κτιϲιϲ αφανηϲ ενωπιον αυτου παντα δε γυμνα και τετραχηλιϲμενα τοιϲ οφθαλμοιϲ αυτου προϲ ον ημιν ο λογοϲ ·
Πρὸς Ἑβραίους 4:14
εχοντεϲ ουν αρχιερεα μεγαν διεληλυθα τουϲ ουρανουϲ ιν τον υν του θυ κρατωμεν τηϲ ομολογιαϲ
Πρὸς Ἑβραίους 4:15
ου γαρ εχομεν αρχϊερεα μη δυναμενον ϲυνπαθηϲαι ταιϲ αϲθενιαιϲ ημων πεπιραϲμενον δε κατα παντα καθ ομοιοτητα χωριϲ αμαρτιαϲ
Πρὸς Ἑβραίους 4:16
προϲερχωμεθα ουν μετα παρρηϲιαϲ τω θρονω τηϲ χαριτοϲ ϊνα λαβωμεν ελεοϲ και χαριν ευρωμεν ειϲ ευκαιρον βοηθειαν
Πρὸς Ἑβραίους 5:1
παϲ γαρ αρχιερευϲ εξ ανθρωπων λαμβανομενοϲ ϋπερ ανθρωπων καθιϲταται τα προϲ τον θν ϊνα προϲφερη δωρα τε και θυϲιαϲ υπερ αμαρτιων
Πρὸς Ἑβραίους 5:2
μετριοπαθειν δυναμενοϲ τοιϲ αγνοουϲι και πλανωμενοιϲ επει και αυτοϲ περικειται αϲθενιαν
Πρὸς Ἑβραίους 5:3
και δι αυτην οφειλει καθωϲ περι του λαου ουτωϲ και περι εαυτου προϲφερειν περι αμαρτιων
Πρὸς Ἑβραίους 5:4
και ουχ εαυτω τιϲ λαμβανει την τιμην αλλα καλουμενοϲ ϋπο του θυ καθωϲπερ και ααρων
Πρὸς Ἑβραίους 5:5
ουτωϲ και ο χϲ ουχ εαυτον εδοξαϲεν γενηθηναι αρχϊερεα αλλ ο λαληϲαϲ προϲ αυτον υϊοϲ μου ει ϲυ εγω ϲημερον γεγεννηκα ϲε
Πρὸς Ἑβραίους 5:6
καθωϲ και εν ετερω λεγει ϲυ ϊερευϲ ειϲ τον αιωνα κατα την ταξιν μελχι›ϲεδεκʼ
Πρὸς Ἑβραίους 5:7
οϲ εν ταιϲ ημεραιϲ τηϲ ϲαρκοϲ αυτου δεηϲειϲ τε και ϊκετηριαϲ προϲ τον δυναμενον ϲωζειν αυτον εκ θανατου μετα κραυγηϲ ϊϲχυραϲ και δακρυων προϲενεγκαϲ και ειϲακουϲθειϲ απο τηϲ ευλαβειαϲ
Πρὸς Ἑβραίους 5:8
καιπερ ων υϲ εμαθεν αφ ων επαθεν την ϋπακοην
Πρὸς Ἑβραίους 5:9
και τελειωθειϲ εγενετο παϲιν τοιϲ ϋπακουουϲιν αυτω αιτιοϲ ϲωτηριαϲ › αιωνιου
Πρὸς Ἑβραίους 5:10
προϲαγορευθειϲ ϋπο του θυ αρχϊερευϲ κατα την ταξιν μελχιϲεδεκ
Πρὸς Ἑβραίους 5:11
περι ου πολυϲ ημιν ο λογοϲ και δυϲερμηνευτοϲ λεγειν επει νωθροι γεγονατε ταιϲ ακοαιϲ
Πρὸς Ἑβραίους 5:12
και γαρ οφειλοντεϲ ειναι › διδαϲκαλοι δια τον χρονον παλιν χριαν εχετε του διδαϲκειν ϋμαϲ τινα τα ϲτοιχια τηϲ αρχηϲ των λογιων του θυ και γεγονατε χρειαν εχοντεϲ γαλακτοϲ ου ϲτερεαϲ τροφηϲ
Πρὸς Ἑβραίους 5:13
παϲ γαρ ο μετεχων γαλακτοϲ απειροϲ λογου δικαιοϲυνηϲ νηπιοϲ γαρ εϲτιν
Πρὸς Ἑβραίους 5:14
τελειων δε εϲτιν η ϲτερεα τροφη των δια την εξιν τα αιϲθητηρια γεγυμναϲμενα εχοντων προϲ διακριϲιν καλου τε και κακου
Πρὸς Ἑβραίους 6:1
διο αφεντεϲ τον τηϲ αρχηϲ του χυ λογον επι την τελειοτητα φερωμεθα μη παλιν θεμελιον καταβαλλο›μενοι μετανοιαϲ απο νεκρων εργων και πιϲτεωϲ επι θν
Πρὸς Ἑβραίους 6:2
βαπτιϲμων διδαχηϲ επιθεϲεωϲ τε χειρων αναϲταϲεωϲ τε νεκρων και κριματοϲ αιωνιου
Πρὸς Ἑβραίους 6:3
και τουτο ποιηϲομεν εανπερ επιτρεπη ο θϲ
Πρὸς Ἑβραίους 6:4
αδυνατον γαρ τουϲ απαξ φωτιϲθενταϲ γευϲαμενουϲ τε τηϲ δωρεαϲ τηϲ επουρανιου και › μετοχουϲ γενηθενταϲ πνϲ αγιου
Πρὸς Ἑβραίους 6:5
και καλον γευϲαμενουϲ θυ ρημα δυναμειϲ τε μελλοντοϲ αιωνοϲ
Πρὸς Ἑβραίους 6:6
και παραπεϲονταϲ παλιν ανακαινιζειν ειϲ μετανοιαν αναϲταυρουνταϲ εαυτοιϲ τον υν του θυ και παραδι›γματιζονταϲ
Πρὸς Ἑβραίους 6:7
γη γαρ η πιουϲα τον επ αυτηϲ ερχομενον πολλακιϲ ϋετον και τικτουϲα βοτανην ευθετον εκεινοιϲ δι ουϲ και γεωργειται μεταλαμβανει ευλογιαϲ απο › του θυ
Πρὸς Ἑβραίους 6:8
εκφερουϲα δε ακανθαϲ και τριβολουϲ αδοκιμοϲ και καταραϲ εγγυϲ ηϲ το τελοϲ ειϲ καυϲιν
Πρὸς Ἑβραίους 6:9
πεπειϲμεθα δε περι υμων αδελφοι τα κριϲϲονα και εχομενα ϲωτηριαϲ ει και ουτωϲ λαλουμεν
Πρὸς Ἑβραίους 6:10
ου γαρ αδικοϲ ο θϲ επιλαθεϲθαι του εργου υμων και τηϲ αγαπηϲ ηϲ ενεδειξαϲθαι ειϲ το ονομα αυτου διακο›νηϲαντεϲ τοιϲ αγιοιϲ και διακονουντεϲ
Πρὸς Ἑβραίους 6:11
επιθυμουμεν δε εκαϲτον ϋμων την αυτην ενδεικνυϲθαι ϲπουδην προϲ την πληροφοριαν τηϲ ελπιδοϲ αχρι τελουϲ
Πρὸς Ἑβραίους 6:12
ϊνα › μη νωθροι γενη›ϲθε μειμηται δε των δια πιϲτεωϲ και μακροθυμιαϲ κλη›ρονομουντων ταϲ επαγγελιαϲ
Πρὸς Ἑβραίους 6:13
τω γαρ αβρααμ επαγγιλαμενοϲ ο θϲ › επει κατ ουδενοϲ ειχεν μειζονοϲ ομοϲαι ωμοϲεν καθ εαυτου
Πρὸς Ἑβραίους 6:14
λεγων ει μην ευλογων ευλογηϲω ϲε και πληθυνων πληθυνω ϲε
Πρὸς Ἑβραίους 6:15
και ουτωϲ μακροθυμηϲαϲ επετυχεν τηϲ επαγγελιαϲ
Πρὸς Ἑβραίους 6:16
ανθρωποι γαρ κατα του μειζονοϲ ομνυουϲιν και παϲηϲ αυτοιϲ αντιλογιαϲ περαϲ ειϲ βεβαιωϲιν ο ορκοϲ
Πρὸς Ἑβραίους 6:17
εν ω περιϲϲοτερον βουλομενοϲ ο θϲ επιδειξαι τοιϲ κληρονομοιϲ τηϲ επαγγελιαϲ το αμεταθετον τηϲ βουληϲ αυτου εμεϲιτευϲεν ορκω
Πρὸς Ἑβραίους 6:18
ϊνα δια δυο πραγματων αμεταθετων εν οιϲ αδυνατον ψευϲαϲθαι τον θν ϊϲχυραν παρακληϲιν εχωμεν οι καταφυγοντεϲ κρατηϲαι τηϲ προκιμενηϲ ελπιδοϲ
Πρὸς Ἑβραίους 6:19
ην ωϲ αγκυραν εχομεν τηϲ ψυχηϲ αϲφαλη τε και βεβαιαν και ειϲερχομενην ειϲ το εϲωτερον του καταπεταϲματοϲ
Πρὸς Ἑβραίους 6:20
οπου προδρομοϲ υπερ ημων ειϲηλθεν ιϲ κατα την ταξιν μελχειϲεδεκ αρχϊερευϲ γενομενοϲ ειϲ τον αιωνα

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.