Codex Sinaiticus: Ἄσμα

Codex Sinaiticus · 117 sections

Ἄσμα 1:1
αϲμα αϲματων · ο εϲτιν τω ϲαλομων ˙
Ἄσμα 1:2
η νυμφη φιληϲατω με · απο φιληματων ϲτοματοϲ αυτου οτι αγαθοι μαϲτοι ϲου · ϋπερ οινον ·
Ἄσμα 1:3
και οϲμη μυρων ϲου · ϋπερ παντα τα αρωματα μυρον εκκαινωθεν · ονομα ϲου · δια τουτο νεανιδεϲ ηγαπηϲαν ϲε ·
Ἄσμα 1:4
ειλκυϲαν ϲε οπιϲω ϲου · ειϲ οϲμην μυρων ϲου δραμουμεν ˙ ταιϲ νεανιϲιν η νυμφη διηγειται τα περι του νυμφιου α εχαριϲατο αυτη ειϲηνεγκεν με ο βαϲιλευϲ · ειϲ το ταμειον αυτου τηϲ νυμφηϲ διηγηϲαμενηϲ ταιϲ νεανιϲιν · αἱ δε · ειπαν αγαλλιαϲωμεθα και ευφρανθωμεν εν ϲοι αγαπηϲομεν μαϲτουϲ ϲου · ϋπερ οινον αι νεανιδεϲ τω νυμφιω βοωϲιν το ονομα τηϲ νυμφηϲ ευθυτηϲ ηγαπηϲεν ϲε ευθυτηϲ · ηγαπηϲεν ϲε ·
Ἄσμα 1:5
η νυμφη μελαινα ειμι και καλη θυγατερεϲ ϊηλμʼ · ωϲ ϲκηνωματα κηδαρʼ . ωϲ δερρειϲ ϲολομων ·
Ἄσμα 1:6
μη βλεψητε μοι · οτι εγω ειμι μεμελανωμενη · οτι παρεβλεψεν με ο ηλιοϲ · ϋϊοι μητροϲ μου · εμαχεϲαντο εν εμοι · εθεντο με φυλακιϲϲαν εν αμπελωϲιν αμπελωνα εμον ουκ εφυλαξα
Ἄσμα 1:7
προϲ τον νυμφιον χν απαγγειλον μοι · ον ηγαπηϲεν η ψυχη μου που ποιμαινειϲ που κοιταζειϲ εν μεϲημβρια μηποτε γενωμαι · ωϲ περιβαλλομενη επʼ αγελαιϲ ετερων ϲου ·
Ἄσμα 1:8
ο νυμφιοϲ προϲ την νυμφην εαν μη γνωϲ ϲεαυτην η καλη εν γυναιξιν εξελθε ϲυ . εν πτερναιϲ των ποιμνιων ˙ ποιμαινε ταϲ εριφουϲ ϲου · επι ϲκηνωμαϲιν των ποιμενων
Ἄσμα 1:9
τη ϊππω μου εν αρμαϲιν φαραω ωμοιωϲα ϲε η πληϲιον μου
Ἄσμα 1:10
› αι νεανιδεϲ προϲ την νυμφην τι ωραιωθηϲαν ϲιαγονεϲ ϲου · ωϲ τρυγονεϲ τραχηλοϲ ϲου ωϲ ορμιϲκοι
Ἄσμα 1:11
ομοιωμα χρυϲιου · ποιηϲομεν ϲοι μετα ϲτιγματων του αργυριου
Ἄσμα 1:12
εωϲ ου ο βαϲιλευϲ εν ανακλιϲι αυτου η νυμφη προϲ εαυτην και προϲ τον νυμφιον ναρδοϲ μου . εδωκεν οϲμην αυτου
Ἄσμα 1:13
αποδεϲμοϲ τηϲ ϲτακτηϲ αδελφιδοϲ μου εμοι ανα μεϲον των μαϲτων μου αυλιϲθηϲεται
Ἄσμα 1:14
βοτρυϲ τηϲ κυπρου · αδελφιδοϲ μου εμοι εν αμπελωϲιν · ενγαδδει
Ἄσμα 1:15
ο νυμφιοϲ προϲ την νυμφην ϊδου ει καλη · η πληϲιον μου · ϊδου ει καλη · οφθαλμοι ϲου · περιϲτεραι ‾̷‾
Ἄσμα 1:16
η νυμφη · προϲ τον νυμφιον ιδου . ει καλοϲ · ο αδελφιδοϲ μου και γε ωραιοϲ . προϲ κλεινη ημων ϲυϲκιοϲ
Ἄσμα 1:17
δοκοι ημων . κεδροι πατμωματα ημων . κυπαριϲϲοι
Ἄσμα 2:1
ο νυμφιοϲ προϲ εαυτον εγω ανθοϲ του πεδιου κρινον των κοιλαδων
Ἄσμα 2:2
και προϲ την νυμφην ωϲ κρινον εν μεϲω ακανθων ουτωϲ η πληϲιον μου · ανα μεϲον των θυγατερων
Ἄσμα 2:3
η νυμφη · προϲ τον νυμφιον ωϲ μηλον εν τοιϲ ξυλοιϲ του δρυμου ουτωϲ αδελφιδοϲ μου · ανα μεϲον των ϋϊων εν τη ϲκια αυτου · επεθυμηϲα και εκαθιϲα και καρποϲ αυτου · γλυκυϲ εν λαρυγγι μου
Ἄσμα 2:4
ταιϲ νεανιϲιν η νυμφη φηϲιν ειϲαγαγετε με · ειϲ οικον του οινου ταξατε επ εμε αγαπην
Ἄσμα 2:5
ϲτηριϲατε με · εν μυροιϲ ϲτοιβαϲατε με · εν μηλοιϲ οτι τετρωμενη αγαπηϲ εγω
Ἄσμα 2:6
προϲ τον νυμφιον · η νυμφη ευωνυμοϲ αυτου · ϋπο την κεφαλην μου · και η δεξια αυτου . περιλημψεται με ·
Ἄσμα 2:7
ταιϲ νεανιϲιν η νυμφη ωρκιϲα ϋμαϲ · θυγατερεϲ ϊηλμ εν ταιϲ δυναμεϲιν · και εν ταιϲ ϊϲχυϲεϲιν του αγρου εαν εγειρηται και εξεγιρηται την αγαπην · εωϲ αν θεληϲη
Ἄσμα 2:8
ακηκοεν του νυμφιου · η νυμφη φωνη αδελφιδου μου · ιδου ουτοϲ ηκει · πηδων επι τα ορη · διαλλομενοϲ επι τουϲ βουνουϲ ·
Ἄσμα 2:9
ομοιοϲ εϲτιν αδελφιδοϲ μου · τη δορκαδι η νεβρω ελαφων · επι ορη βαιθηλʼ η νυμφη προϲ ταϲ νεανιδαϲ ϲημαινουϲα αυταιϲ · τον νυμφιον ϊδου ουτοϲ · οπιϲω του τοιχου ημων παρακυπτων · δια των θυριδων · εκκυπτων δια των δικτυων ·
Ἄσμα 2:10
αποκρινεται αδελφιδοϲ μου και λεγει αναϲτα ελθε πληϲιον μου · καλη μου περιϲτερα μου
Ἄσμα 2:11
οτι ο χειμων παρηλθεν ο ϋετοϲ απηλθεν · επορευθη εαυτω
Ἄσμα 2:12
τα ανθη · ωφθη εν τη γη καιροϲ τηϲ τομηϲ εφθαϲεν φωνη του τρυγονοϲ · ηκουϲθη εν τη γη ημων
Ἄσμα 2:13
η ϲυκη · εξηνεγκεν ολυνθουϲ αυτηϲ αι αμπελοι κυπριζουϲιν · εδωκαν οϲμην αναϲτα ελθε η πληϲιον μου · καλη μου περιϲτερα μου ·
Ἄσμα 2:14
και ελθε ϲυ περιϲτερα μου · εν ϲκεπη τηϲ πετραϲ εχομενα του προτιχιϲματοϲ · διξον μοι την οψιν ϲου · και ακουτιϲον με τουϲ λογουϲ ϲου · οτι η φωνη ϲου ηδεια · και η οψιϲ ϲου ωραια ·
Ἄσμα 2:15
τοιϲ νεανιαιϲ ο νυμφιοϲ · ταδε πιαϲατε ημιν · αλωπεκαϲ μικρουϲ αφανιζονταϲ αμπελωναϲ · αι αμπελοι ημων · κυπριζουϲιν
Ἄσμα 2:16
η νυμφη ταδε αδελφιδοϲ μου εμοι · καγω αυτω ο ποιμαινων εν τοιϲ κρινοιϲ
Ἄσμα 2:17
εωϲ ου διαπνευϲη η ημερα · και κεινηθωϲιν αι ϲκιαι αποϲτρεψον ομοιωθητι ϲυ αδελφιδε μου τω δορκωνι · η νεβρω ολαφων · επι ορη κοιλωματων
Ἄσμα 3:1
επι κοιτην μου · εν νυξιν εζητηϲα · ον ηγαπηϲεν η ψυχη μου εζητηϲα αυτον · και ουχ ευρον αυτον εκαλεϲα αυτον · και ουχ ϋπηκουϲεν μου
Ἄσμα 3:2
αναϲτηϲομαι δη · και κυκλωϲω εν τη πολει εν ταιϲ αγοραιϲ · και εν ταιϲ πλατιαιϲ και ζητηϲω ον ηγαπηϲεν η ψυχη μου · εζητηϲα αυτον · και ουχ ευρον αυτον
Ἄσμα 3:3
ευροϲαν με οι τηρουντεϲ · οι κυκλουντεϲ εν τη πολει η νυμφη τοιϲ φυλαξιν ειπεν μη ον ηγαπηϲεν η ψυχη μου ειδετε
Ἄσμα 3:4
ωϲ μεικρον · οτε παρηλθον απ αυτων εωϲ ου ευρον · ον ηγαπηϲεν η ψυχη μου ευρουϲα τον νυμφιον ειπεν ευρουϲα αυτον · εκρατηϲα αυτον · και ουκ αφηκα αυτον εωϲ ου ειϲηγαγον αυτον · ειϲ οικον μητροϲ μου και ειϲ ταμιον · τηϲ ϲυλλαβουϲηϲ με
Ἄσμα 3:5
ταϲ νεανιδαϲ ορκιζει η νυμφη τουτο δευτερον ωρκιϲα ϋμαϲ · θυγατερεϲ ϊηλμʼ · εν ταιϲ δυναμεϲιν · και εν ταιϲ ιϲχυϲεϲιν του αγρου εαν εγιρηται και εξεγιρηται την αγαπην · εωϲ αν θεληϲη
Ἄσμα 3:6
ο νυμφιοϲ προϲ την νυμφην τιϲ αυτη · η αναβαινουϲα απο τηϲ ερημου · ωϲ ϲτελεχη καπνου · τεθυμιαμενη · ζμυρναν και λιβανον · απο παντων κονιορτων μυρεψικου
Ἄσμα 3:7
ϊδου η κλινη του ϲολομων · εξηκοντα δυνατοι · κυκλω αυτηϲ απο δυνατων ιϲλ
Ἄσμα 3:8
παντεϲ κατεχοντεϲ · ρομφαιαν δεδιδαγμενοι πολεμον ανηρ ρομφαιαν αυτου · επι μηρον αυτου · απο θαμβουϲ εν νυξιν
Ἄσμα 3:9
φοριον εποιηϲεν εαυτω . ο βαϲιλευϲ ϲολομων απο ξυλου του λιβανου […] +
Ἄσμα 3:10
ϲτυλουϲ αυτου εποιηϲεν · αργυριον και ανακλιτον αυτου · χρυϲιον επιβαϲειϲ αυτου · πορφυρα εντοϲ αυτου · λιθοϲτρωτον αγαπην απο θυγατερων ϊηλμʼ ·
Ἄσμα 3:11
εξελθατε και ϊδετε εν τω βαϲιλει ϲολομων . εν τω ϲτεφανω . ω εϲτεφανωϲεν αυτον · η μητηρ αυτου εν ημερα νυμφευϲεωϲ αυτου και εν ημερα ευφροϲυνηϲ καρδιαϲ αυτου
Ἄσμα 4:1
ϊδου ει καλη · η πληϲιον μου · ϊδου ει καλη · οφθαλμοι ϲου περιϲτεραι · εκτοϲ τηϲ ϲιωπηϲεωϲ ϲου τριχωμα ϲου . ωϲ αγελαι των αιγων οι απεκαλυφθηϲαν . εκ του γαλααδ
Ἄσμα 4:2
οδοντεϲ ϲου · ωϲ αγελαι των κεκαρμενων αι ανεβηϲαν απο του λουτρου · αι παϲαι · διδυμευουϲαι · και ατεκνουϲα ουκ εϲτιν εν αυταιϲ
Ἄσμα 4:3
ωϲ ϲπαρτιον · το κοκκινον χιλη ϲου και η λαλια ϲου · ωραια ωϲ λεπυρον ροαϲ · μηλον ϲου εκτοϲ τηϲ ϲιωπηϲεωϲ ϲου
Ἄσμα 4:4
ωϲ πυργοϲ δαδ · τραχηλοϲ ϲου ο οικοδομημενοϲ · εν θαλπιωθ χιλιοι θυρεοι · κρεμανται επ αυτον · παϲαι αι βολιδεϲ · των δυνατων ·
Ἄσμα 4:5
δυο μαϲτοι ϲου . ωϲ δυο νεβροι διδυμοι δι δορκαδοϲ οι νεμομενοι · εν κρινοιϲ
Ἄσμα 4:6
εωϲ ου διαπνευϲη ημερα · και κινηθωϲιν αι ϲκιαι πορευϲομαι εμαυτω · προϲ το οροϲ τηϲ ζμυρνηϲ και προϲ τον βουνον του λιβανου
Ἄσμα 4:7
ολη ει καλη · η πληϲιον μου · και μωμοϲ ουκ εϲτιν εν ϲοι
Ἄσμα 4:8
δευρο απο λιβανου νυμφη · δευρο απο λιβανου ελευϲη · και διελευϲη απ αρχηϲ πιϲτεωϲ απο κεφαληϲ ϲανιειρ και αερμων απο μανδρων λεοντων απο ορεων παρδαλεων
Ἄσμα 4:9
εκαρδιωϲαϲ ημαϲ · αδελφη μου νυμφη εκαρδιωϲαϲ ημαϲ ενι · απο οφθαλμων ϲου εν μια ενθεματι · τραχηλου ϲου
Ἄσμα 4:10
τι εκαλλιωθηϲαν μαϲτοι ϲου . αδελφη νου νυμφη + οτι εκαλλιωθη μαϲτοι ϲου απο οινου και οϲμη μυρων ϲου . υπερ παντα τα αρωματα
Ἄσμα 4:11
κηριον · αποϲταζουϲιν χιλη ϲου νυμφη μελι και γαλα · ϋπο την γλωϲϲαν ϲου και οϲμη ϊματιων ϲου . ωϲ οϲμη λιβανου
Ἄσμα 4:12
κηποϲ κεκλιϲμενοϲ · αδελφη μου νυμφη κηποϲ κεκλιϲμενοϲ · πηγη εϲφραγιϲμενη
Ἄσμα 4:13
αποϲτολαι ϲου · παραδειϲοϲ μετα καρπου ακροδρυων κυπροι μετα ναρδων
Ἄσμα 4:14
ναρδοϲ και κροκοϲ καλαμον και κιναμμωνον μετα παντων ξυλων του λαβανου ζμυρνα αλοη · μετα παντων πρωτων μυρων
Ἄσμα 4:15
πηγη κηπων ˙ φρεαρ ϋδατοϲ ζωντοϲ και ροιζουντοϲ απο του λιβανου
Ἄσμα 4:16
εξεγερθητι βορρα και ερχου νοτε και διαπνευϲον κηπον μου και ρευϲατωϲαν · αρωματα μου · η νυμφη αιτειται τον πρα ϊνα καταβη ο νυμφιοϲ αυτου καταβητω αδελφιδοϲ μου . ειϲ κηπον αυτου και φαγετω καρπον ακροδρυων αυτου
Ἄσμα 5:1
ο νυμφιοϲ προϲ την νυμφην ειϲηλθον ειϲ κηπον · αδελφη μου νυμφη ετρυγηϲα ϲταφυλην μου · μετα αρωματων μου εφαγον αρτον μου . μετα μελιτοϲ μου · επιον οινον μου · μετα γαλακτοϲ μου τοιϲ πληϲιον ο νυμφιοϲ φαγετε πληϲιοι και πιετε και μεθυϲθητε αδελφοι
Ἄσμα 5:2
εγω καθευδω · και η καρδια μου αγρυπνει η νυμφη εϲθετε τον νυμφιον κρουοντα επι την θυραν φωνη αδελφιδου μου . κρουει επι την θυραν η νυμφη ταδε ανοιξον μοι αδελφη μου · η πληϲιον μου · περιϲτερα μου τελια μου οτι η κεφαλη μου . επληϲθη δροϲου και βοϲτριχοι μου · ψεχαδων νυκτοϲ
Ἄσμα 5:3
η νυμφη ταδε εξεδυϲαμην τον χιτωνα μου · πωϲ ενδυϲωμαι αυτον ενιψαμην τουϲ ποδαϲ μου . πωϲ μολυνω αυτουϲ
Ἄσμα 5:4
αδελφιδοϲ μου · απεϲτιλεν χιρα αυτου απο τηϲ οπηϲ και η κοιλια μου . εθροηθη επ αυτον
Ἄσμα 5:5
ανεϲτην ανοιξαι εγω τω αδελφιδω μου χειρεϲ μου εϲταξαν · ϲμυρναν δακτυλοι μου · ϲμυρναν πληρη επι χειραϲ του κλιθρου ·
Ἄσμα 5:6
ηνοιξα εγω τω αδελφιδω μου αδελφιδοϲ μου παρηλθον · ψυχη μου απηλθεν · εν λογω αυτου εζητηϲα αυτον · και ουχ ευρον αυτον εκαλεϲα αυτον · και ουχ ϋπηκουϲεν μου
Ἄσμα 5:7
ευροϲαν με οι φυλακεϲ · οι κυκλουντεϲ εν τη πολει επαταξαν με ετραυματιϲαν με ηραν το θεριϲτρον απ εμου φυλακεϲ των τειχεων
Ἄσμα 5:8
ωρκιϲα ϋμαϲ · θυγατερεϲ ιηλμʼ εν ταιϲ δυναμεϲιν · και εν ταιϲ ϊϲχυϲεϲιν του αγρου εαν ευρητε τον αδελφον μου . απαγγειλατε αυτω οτι αγαπηϲ · τετρωμενηϲ ειμι εγω
Ἄσμα 5:9
αι θυγατερεϲ ϊηλμʼ και οι φυλακεϲ πυν των τιχεων πυνθανονται τηϲ νυμφηϲ τι αδελφιδοϲ μου απο αδελφιδου μου η καλη εν γυναιξιν τι αδελφιδοϲ ϲου απο αδελφιδου · οτι ουτωϲ ωρκιϲαϲ ημαϲ
Ἄσμα 5:10
η νυμφη ϲημαινι τον αδελφιδον ο ποιοϲ εϲτιν αδελφιδοϲ μου · λευκοϲ και πυρροϲ εκλελοχιϲμενοϲ · εκ μυριαδων
Ἄσμα 5:11
κεφαλη αυτου . χρυϲιον κε φαζ βοϲτρυχοι αυτου ελαται μελανεϲ · ωϲ κοραξ
Ἄσμα 5:12
οι οφθαλμοι αυτου · ωϲ περιϲτεραι · επι πληρωματα υδατων λελουμεναι · εν γαλακτι καθημεναι · επι πληρωματα ϋδατων
Ἄσμα 5:13
ϲιαγονεϲ αυτου . ωϲ φιαλαι του αρωματοϲ · φυουϲαι μυρεψικα χειλη αυτου · κρινα ϲταζοντα · ζμυρναν πληρη
Ἄσμα 5:14
χειρεϲ αυτου · τορευται χρυϲαι · πεπληρωμεναι θαρϲειϲ κοιλια αυτου · πυξιον ελεφαντινον . επι λιθου ϲαπφειρου
Ἄσμα 5:15
κνημαι αυτου · ϲτυλοι μαρμαρινοι · τεθεμελιωμενοι επι βαϲιϲ χρυϲαϲ ειδοϲ αυτου . ωϲ λιβανοϲ εκλεκτοϲ · ωϲ κεδροι
Ἄσμα 5:16
φαρυγξ αυτου γλυκαϲμοι · και ολοϲ επιθυμια ουτοϲ αδελφιδοϲ μου · και ουτοϲ πληϲιον μου θυγατερεϲ ϊηλμ
Ἄσμα 6:1
πυνθανονται τηϲ νυμφηϲ αι θυγατερεϲ ιηλμ που απηλθεν ο αδελφιδοϲ αυτηϲ που απηλθεν ο αδελφιδοϲ ϲου · η καλη εν γυναιξιν που απεβλεψεν ο αδελφειδοϲ ϲου · και ζητηϲομεν αυτον μετα ϲου
Ἄσμα 6:2
η δε νυμφη αποκρινεται αδελφιδοϲ μου . κατεβη ειϲ κηπον αυτου · ειϲ φιαλαϲ του αρωματοϲ ποιμαινειν εν κηποιϲ · και ϲυλλεγειν κρινα
Ἄσμα 6:3
εγω τω αδελφιδω μου · και ο αδελφιδοϲ μου εμοι ο ποιμαινων εν τοιϲ κρινοιϲ ·
Ἄσμα 6:4
ο νυμφιοϲ προϲ την νυμφην καλη η πληϲιον μου · ωϲ ευδοκια ωραια · ωϲ ϊηλμ θαμβοϲ · ωϲ τεταγμεναι
Ἄσμα 6:5
αποϲτρεψον απεναντιον μου . οφθαλμουϲ ϲου οτι αυτοι ανεπτερωϲαν με · τριχωμα ϲου . ωϲ αγελαι των αιγων αι ανεβηϲαν · απο του γαλααδʼ
Ἄσμα 6:6
οδοντεϲ ϲου . ωϲ αγελαι των κεκαρμενων αι ανεβηϲαν · απο του λουτρου αι παϲαι · διδυμευουϲαι · και ατεκνουϲαι · ουκ εϲτιν εν αυταιϲ
Ἄσμα 6:7
ωϲ ϲπαρτιον κοκκινον . χιλη ϲου και η λαλια ϲου ωραια · ωϲ λεπυρον τηϲ ροαϲ · μηλον ϲου . εκτοϲ τηϲ ϲιωπηϲεωϲ ϲου
Ἄσμα 6:8
εξηκοντα ειϲιν βαϲιλιϲϲαι · και ογδοηκοντα παλλακαι και νεανιδεϲ ων ουκ εϲτιν αριθμοϲ
Ἄσμα 6:9
μια εϲτιν · περιϲτερα μου τελια μου μια εϲτιν · τη μητρι αυτηϲ εκλεκτη τη τεκουϲη αυτηϲ ειδοϲαν αυτην θυγατερεϲ · και μακαριουϲιν αυτην βαϲιλιϲϲαι και γε παλλακαι · αινεϲουϲιν αυτην
Ἄσμα 6:10
θυγατερεϲ και βαϲιλιϲϲαι ειδον την νυμφην και εμακαριϲαν αυτην τιϲ αυτη · η εκκυπτουϲα ωϲει ορθροϲ καλη · ωϲ ϲεληνη εκλεκτη ωϲ ηλιοϲ θαμβοϲ · ωϲ τεταγμεναι
Ἄσμα 6:11
ο νυμφιοϲ προϲ την νυμφην ειϲ κηπον καροιαϲ · κατεβην ειδειν εν γενηματι του χιμαρρου ειδιν · ει ηνθηϲεν η αμπελοϲ εξηνθηϲαν αι ροαι
Ἄσμα 6:12
η νυμφη ταδε προϲ τον νυμφιον εκει δωϲω τουϲ μαϲτουϲ μου ϲοι ουκ εγνω ψυχη μου εθετο με · αρματα αμιναδαβ
Ἄσμα 7:1
ο νυμφιοϲ προϲ την νυμφην επιϲτρεφε επιϲτρεφε η ϲουλαμιτιϲ επιϲτρεφε επιϲτρεφε · και οψομεθα εν ϲοι ταιϲ βαϲιλιϲϲαιϲ και ταιϲ θυγατραϲιν ο νυμφιοϲ ταδε τι οψεϲθαι · εν τη ϲουλανιτιδι η ερχομενη · ωϲ χοροι των παρεμβολων
Ἄσμα 7:2
ωραιωθηϲαν διαβηματα ϲου . εν ϋποδημαϲιν θυγατερ ναδαβ ρυθμοι μηρων ϲου . ομοιοι ορμιϲκοιϲ · εργων τεχνιτου
Ἄσμα 7:3
ομφαλοϲ ϲου · κρατηρ τορευτοϲ μη ϋϲτερουμενοϲ κραματοϲ ˙ κοιλια ϲου . θειμωνια ϲιτου · πεφραγμενη εν κρινοιϲ
Ἄσμα 7:4
δυο μαϲτοι ϲου . ωϲ δυο νεβροι διδυμοι δορκαδοϲ
Ἄσμα 7:5
τραχηλοϲ ϲου . ωϲ πυργοϲ ελεφαντινοϲ οφθαλμοι ϲου . ωϲ λιμναι εν εϲεβων εν πυλαιϲ · θυγατροϲ πολλων μυκτηρ ϲου . ωϲ πυργοϲ του λιβανου ϲκοπευων · προϲωπον δαμαϲκου
Ἄσμα 7:6
κεφαλη ϲου επι ϲε · ωϲ καρμηλοϲ και πλοκιον κεφαληϲ ϲου . ωϲ πορφυρα βαϲιλευϲ δεδεμενοϲ · εν παραδρομαιϲ
Ἄσμα 7:7
τι ωραιωθηϲ · και τι ηδυνηθηϲ · αγαπη εν τρυφαιϲ ϲου ·
Ἄσμα 7:8
τουτο μεγεθοϲ ϲου ομοιωθητι · τω φοινικει και οι μαϲτοι ϲου · τοιϲ βοτρυϲιν
Ἄσμα 7:9
ειπα · αναβηϲομαι επι τω φοινικει και κρατηϲω των ϋψεων αυτου εϲονται δη μαϲτοι ϲου . ωϲ βοτρυεϲ τηϲ αμπελου και οϲμη ρινοϲ ϲου . ωϲ μηλα
Ἄσμα 7:10
και λαρυγξ ϲου . ωϲ οινοϲ ο αγαθοϲ η νυμφη πορευομενοϲ τω αδελφιδω μου . ειϲ ευθυτητα ϊκανουμενοϲ · χιλεϲιν μου και οδουϲιν
Ἄσμα 7:11
εγω τω αδελφιδω μου · και επ εμε η επιϲτροφη αυτου

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.