Codex Sinaiticus: Πράξεις Ἀποστόλων
- Πράξεις Ἀποστόλων 9:9
και ην ημεραϲ τριϲ μη βλεπων και ουκ εφαγεν ουδε επιεν
- Πράξεις Ἀποστόλων 9:10
ην δε τιϲ μαθητηϲ εν δαμαϲκω ονοματι ανανιαϲ και ειπεν προϲ αυτον εν οραματι ο κϲ · ανανια ο δε ειπεν ιδου εγω κε
- Πράξεις Ἀποστόλων 9:11
ο δε κϲ προϲ αυτον ˙ αναϲταϲ πορευθητι επι την ρυμην την καλουμενην […]ιαν και ζητηϲον εν οικια ϊουδα ϲαυλον ονοματι ταρϲεα ϊδου γαρ προϲευχεται
- Πράξεις Ἀποστόλων 9:12
και ϊδεν ανδρα ανανιαν ονοματι ειϲελθοντα και επιθεντα αυτω χιραϲ οπωϲ αναβλεψη ·
- Πράξεις Ἀποστόλων 9:13
απεκριθη δε ανανιαϲ κε ηκουϲα απο πολλων περι του ανδροϲ τουτου οϲα κακα τοιϲ αγιοιϲ ϲου εποιηϲεν εν ϊερουϲαλημʼ ·
- Πράξεις Ἀποστόλων 9:14
και ωδε εχει εξουϲιαν παρα των αρχϊερεων δηϲαι πανταϲ τουϲ επικαλουμενουϲ το ονομα ϲου
- Πράξεις Ἀποστόλων 9:15
ειπεν δε προϲ αυτον ο κϲ πορευου οτι ϲκευοϲ εκλογηϲ εϲτιν μοι ουτοϲ του βαϲταϲαι το ονομα μου ενωπιον εθνων τε και βαϲιλεων υϊων τε ιϲλ
- Πράξεις Ἀποστόλων 9:16
εγω γαρ υποδιξω αυτω οϲα δει αυτον ϋπερ του ονοματοϲ μου παθειν
- Πράξεις Ἀποστόλων 9:17
απηλθεν δε ανανιαϲ και ειϲηλθεν ειϲ την οικιαν και επιθειϲ επ αυτον ταϲ χιραϲ ειπεν · ϲαουλ αδελφε ο κϲ απεϲταλκεν με ιϲ ο οφθειϲ ϲοι εν τη οδω οπωϲ αναβλεψηϲ και πληϲθηϲ πνϲ αγιου
- Πράξεις Ἀποστόλων 9:18
και ευθεωϲ απεπεϲαν απο των οφθαλμων αυτου ωϲ λεπιδεϲ ανεβλεψεν δε και αναϲταϲ εβαπτιϲθη
- Πράξεις Ἀποστόλων 9:19
και λαβων τροφην ενϊϲχυϲεν εγενετο δε μετα των εν δαμαϲκω μαθητων ημεραϲ τιναϲ
- Πράξεις Ἀποστόλων 9:20
και ευθεωϲ εν ταιϲ ϲυναγωγαιϲ εκηρυϲϲεν τον ιν οτι ουτοϲ εϲτιν ο υϲ του θυ ·
- Πράξεις Ἀποστόλων 9:21
εξιϲτατο δε παντεϲ οι ακουοντεϲ και ελεγον ουχ ουτοϲ εϲτιν ο πορθηϲαϲ ειϲ ϊερουϲαλημ τουϲ επικαλουμενουϲ το ονομα τουτο και ωδε ειϲ τουτο εληλυθει ϊνα δεδεμενουϲ αυτουϲ αγαγη επι τουϲ αρχϊερειϲ
- Πράξεις Ἀποστόλων 9:22
ϲαυλοϲ δε μαλλον ενεδυναμουτο και ϲυνεχυννε ϊουδαιουϲ τουϲ κατοικουνταϲ εν δαμαϲκω ϲυμβιβαζων οτι ουτοϲ εϲτιν ο χϲ
- Πράξεις Ἀποστόλων 9:23
ωϲ δε επληρουντο ημεραι ϊκαναι ϲυνεβουλευϲαντο οι ϊουδαιοι ανελειν αυτον ·
- Πράξεις Ἀποστόλων 9:24
εγνωϲθη δε τω ϲαυλω η επιβουλη αυτων παρετηρουντο δε και ταϲ πυλαϲ ημεραϲ τε και νυκτοϲ οπωϲ αυτον αναιλωϲιν
- Πράξεις Ἀποστόλων 9:25
λαβοντεϲ δε οι μαθηται αυτου νυκτοϲ δια του τιχουϲ καθηκαν αυτον χαλαϲαντεϲ εν ϲφυριδι ·
- Πράξεις Ἀποστόλων 9:26
παραγενομενοϲ δε ειϲ ιηλμ επιραζεν κολλαϲθαι τοιϲ μαθηταιϲ και παντεϲ εφοβουντο αυτον μη πιϲτευοντεϲ οτι εϲτιν μαθητηϲ
- Πράξεις Ἀποστόλων 9:27
βαρναβαϲ δε επιλαβομενοϲ αυτον ηγαγεν προϲ τουϲ αποϲτολουϲ και διηγηϲατο αυτοιϲ πωϲ εν τη οδω ειδεν τον κν και οτι ελαληϲεν αυτω πωϲ εν δαμαϲκω επαρρηϲιαϲατο εν τω ονοματι του ιυ
- Πράξεις Ἀποστόλων 9:28
και ην μετ αυτων ειϲπορευομενοϲ και εκπορευομενοϲ ειϲ ϊηλμ παρηϲιαζομενοϲ εν τω ονοματι του κυ
- Πράξεις Ἀποστόλων 9:29
ελαλει τε και ϲυνεζητει τε προϲ τουϲ ελληνιϲταϲ οι δε επεχιρουν ανελειν αυτον ·
- Πράξεις Ἀποστόλων 9:30
επιγνοντεϲ δε οι αδελφοι κατηγαγον αυτον ειϲ καιϲαριαν και εξαπεϲτιλαν αυτον ειϲ ταρϲον
- Πράξεις Ἀποστόλων 9:31
η μεν ουν εκκληϲια καθ οληϲ τηϲ ϊουδαιαϲ και γαλιλαιαϲ και ϲαμαριαϲ ειχεν ειρηνην οικοδομουμενη και πορευομενη τω φοβω του κυ και τη παρακληϲει του αγιου πνϲ επληθυνετο
- Πράξεις Ἀποστόλων 9:32
εγενετο δε πετρον διερχομενον δια παντων κατελθιν και προϲ τουϲ αγιουϲ τουϲ κατοικουνταϲ εν λυδδα ·
- Πράξεις Ἀποστόλων 9:33
ευρεν δε εκει ανθρωπον τινα ονοματι αινεαν εξ ετων οκτω κατακειμενον επι κραβακτου οϲ ην παραλελυμενοϲ
- Πράξεις Ἀποστόλων 9:34
και ειπεν αυτω ο πετροϲ αινεα ϊαται ϲε ιϲ χϲ αναϲτηθι και ϲτρωϲον ϲεαυτω και ευθεωϲ ανεϲτη
- Πράξεις Ἀποστόλων 9:35
και ειδον αυτον παντεϲ οι κατοικουντεϲ λυδδα και ϲαρρωνα οιτινεϲ επεϲτρεψαν επι τον κν
- Πράξεις Ἀποστόλων 9:36
εν ϊοππη δε τιϲ ην μαθητρια ονοματι ταβιθα η διερμηνευομενη λεγεται δορκαϲ αυτη ην πληρηϲ αγαθων εργων και ελαιημοϲυνων ων εποιει
- Πράξεις Ἀποστόλων 9:37
εγενετο δε εν ταιϲ ημεραιϲ εκιναιϲ αϲθενηϲαϲαν αυτην αποθανιν λουϲαντεϲ δε εθηκαν αυτην εν υπερωω
- Πράξεις Ἀποστόλων 9:38
εγγυϲ δε ουϲηϲ λυδδαϲ τη ϊοππη οι μαθηται ακουϲαντεϲ οτι πετροϲ εϲτιν εν αυτη απεϲτιλαν δυο ανδραϲ προϲ αυτον παρακαλουντεϲ μη οκνηϲηϲ διελθιν εωϲ ημων
- Πράξεις Ἀποστόλων 9:39
αναϲταϲ δε πετροϲ ϲυνηλθεν αυτοιϲ ον παραγενομενον ανηγαγον ειϲ το ϋπερωον και παρεϲτηϲαν αυτω παϲαι αι χηραι κλεουϲαι και επιδικνυμεναι χιτωναϲ και ϊματια οϲα εποιει μετ αυτων ουϲα η δορκαϲ
- Πράξεις Ἀποστόλων 9:40
εκβαλων δε εξω πανταϲ ο πετροϲ και θειϲ τα γονατα προϲηϋξατο και επιϲτρεψαϲ προϲ το ϲωμα ειπεν ταβιθα αναϲτηθι η δε ηνοιξε τουϲ οφθαλμουϲ αυτηϲ και ϊδουϲα τον πετρον ανεκαθιϲεν
- Πράξεις Ἀποστόλων 9:41
δουϲ δε αυτη χειρα ανεϲτηϲεν αυτην φωνηϲαϲ δε τουϲ αγιουϲ και ταϲ χηραϲ παρεϲτηϲεν αυτην ζωϲαν ·
- Πράξεις Ἀποστόλων 9:42
γνωϲτον δε εγενετο καθ οληϲ τηϲ ϊοππηϲ και επιϲτευϲαν πολλοι επι τον κν ˙
- Πράξεις Ἀποστόλων 9:43
εγενετο δε ημεραϲ ϊκαναϲ μιναι εν ϊοππη παρα τινι ϲιμωνι βυρϲει
- Πράξεις Ἀποστόλων 10:1
ανηρ δε τιϲ εν καιϲαρια ονοματι κορνηλιοϲ εκατονταρχηϲ εκ ϲπειρηϲ τηϲ καλουμενηϲ ϊταλικηϲ
- Πράξεις Ἀποστόλων 10:2
ευϲεβηϲ και φοβουμενοϲ τον θν ϲυν παντι τω οικω αυτου ποιων ελεημοϲυναϲ πολλαϲ τω λαω και δεομενοϲ του θυ δια παντοϲ
- Πράξεις Ἀποστόλων 10:3
ωεδεν οραματι φανερωϲ ωϲ περι ωραν ενατην τηϲ ημεραϲ αγγελον του θυ ειϲελθοντα προϲ αυτον και ειποντα αυτω κορνηλιε
- Πράξεις Ἀποστόλων 10:4
ο δε ατενιϲαϲ αυτω και εμφοβοϲ γενομενοϲ ειπεν τι εϲτιν κε ˙ ειπεν δε αυτω αι προϲευχαι ϲου και αι ελεημοϲυναι ϲου ανεβηϲαν εμπροϲθεν του θυ ·
- Πράξεις Ἀποστόλων 10:5
και νυν πεμψον ανδραϲ ειϲ ϊοππην και μεταπεμψαι ϲιμωνα οϲ επικαλειται πετροϲ
- Πράξεις Ἀποστόλων 10:6
ουτοϲ ξενιζεται παρα τινι ϲιμωνι βυρϲει ω εϲτιν οικια παρα θαλαϲϲαν
- Πράξεις Ἀποστόλων 10:7
ωϲ δε απηλθεν ο αγγελοϲ ο λαλων αυτω φωνηϲαϲ δυο των οικετων και ϲτρατιωτην ευϲεβη των προϲκαρτερουντων αυτω
- Πράξεις Ἀποστόλων 10:8
και εξηγηϲαμενοϲ απαντα αυτοιϲ απεϲτιλεν αυτουϲ ειϲ την ϊοππην
- Πράξεις Ἀποστόλων 10:9
τη δε επαυριον οδοιπορουντων αυτων και τη πολει εγγιζοντων ανεβη πετροϲ επι το δωμα προϲευξαϲθε περι ωραν εκτην
- Πράξεις Ἀποστόλων 10:10
εγενετο δε προϲπινοϲ και ηθελεν γευϲαϲθε παραϲκευαζοντων δε αυτων εγενετο επ αυτον εκϲταϲιϲ
- Πράξεις Ἀποστόλων 10:11
και θεωρι τον ουρανον ανεωγμενον και καταβαινον ϲκευοϲ τι ωϲ οθονην μεγαλην τεϲϲαρϲιν αρχαιϲ καθιεμενον επι τηϲ γηϲ
- Πράξεις Ἀποστόλων 10:12
εν ω ϋπηρχεν παντα τα τετραποδα και ερπετα τηϲ γηϲ και πετινα του ουρανου
- Πράξεις Ἀποστόλων 10:13
και εγενετο φωνη προϲ αυτον αναϲταϲ πετρε θυϲον και φαγε
- Πράξεις Ἀποστόλων 10:14
ο δε πετροϲ ειπεν μηδαμωϲ κε οτι ουδεποτε εφαγον παν κοινον και ακαθαρτον ·
- Πράξεις Ἀποστόλων 10:15
και φωνη παλιν εκ δευτερου προϲ αυτον α ο θϲ εκαθαριϲεν ϲυ μη κοινου
- Πράξεις Ἀποστόλων 10:16
τουτο δε εγενετο επι τρειϲ και ευθυϲ ανελημφθη το ϲκευοϲ ειϲ τον ουρανον
- Πράξεις Ἀποστόλων 10:17
ωϲ δε εν εαυτω διηπορει ο πετροϲ τι αν ειη το οραμα ο ειδεν · ϊδου οι ανδρεϲ οι απεϲταλμενοι ϋπο του κορνηλιου διερωτηϲαντεϲ την οικιαν του ϲιμωνοϲ επεϲτηϲαν επι τον πυλωνα
- Πράξεις Ἀποστόλων 10:18
και φωνηϲαντεϲ επυνθανοντο ει ϲιμων ο επικαλουμενοϲ πετροϲ ενθαδε ξενιζεται
- Πράξεις Ἀποστόλων 10:19
του δε πετρου διενθυμενου περι του οραματοϲ ειπεν το πνα αυτω ϊδου ανδρεϲ τριϲ ζητουντεϲ ϲε
- Πράξεις Ἀποστόλων 10:20
αλλα αναϲταϲ καταβηθι και πορευου ϲυν αυτοιϲ μηδεν διακρινομενοϲ οτι εγω απεϲταλκα αυτουϲ ⁘
- Πράξεις Ἀποστόλων 10:21
καταβαϲ δε πετροϲ προϲ τουϲ ανδραϲ ειπεν ϊδου εγω ειμι ον ζητειτε τιϲ η αιτια δι ην παρεϲτε
- Πράξεις Ἀποστόλων 10:22
οι δε ειπαν · κορνηλιοϲ εκατονταρχηϲ ανηρ δικαιοϲ και φοβουμενοϲ τον θν μαρτυρουμενοϲ τε ϋπο ολου του εθνουϲ των ϊουδαιων εχρηματιϲθη ϋπο αγγελου αγιου μεταπεμψαϲθαι ϲε ειϲ τον οικον αυτου και ακουϲαι ρηματα παρα ϲου
- Πράξεις Ἀποστόλων 10:23
ειϲκαλεϲαμενοϲ ουν αυτουϲ εξενιϲεν ‾‾ τη δε επαυριον αναϲταϲ εξηλθεν ϲυν αυτοιϲ και τινεϲ των αδελφων των απο ϊοππηϲ ϲυνηλθον αυτω ‾‾
- Πράξεις Ἀποστόλων 10:24
τη δε επαυριον ειϲηλθαν ειϲ την κεϲαριαν ο δε κορνηλιοϲ ην προϲδοκων αυτουϲ ϲυνκαλεϲαμενοϲ τουϲ ϲυγγενειϲ αυτου και τουϲ αναγκαιουϲ φιλουϲ
- Πράξεις Ἀποστόλων 10:25
ωϲ δε εγενετο του ειϲελθιν τον πετρον ϲυναντηϲαϲ αυτω ο κορνηλιοϲ πεϲων επι τουϲ ποδαϲ προϲεκυνηϲεν
- Πράξεις Ἀποστόλων 10:26
ο δε πετροϲ ηγειρεν αυτον λεγων αναϲτηθι και εγω αυτοϲ ανθρωποϲ ειμι
- Πράξεις Ἀποστόλων 10:27
και ϲυνομιλων αυτω ειϲηλθεν και ευριϲκει ϲυνεληλυθοταϲ πολλουϲ
- Πράξεις Ἀποστόλων 10:28
εφη τε προϲ αυτουϲ ˙ ϋμιϲ επιϲταϲθαι ωϲ αθεμιτον εϲτιν ανδρι ϊουδαιω κολλαϲθαι η προϲερχεϲθαι αλλοφυλω καμοι εδιξεν ο θϲ μηδενα κοινον η ακαθαρτον λεγειν ανθρωπον ·
- Πράξεις Ἀποστόλων 10:29
διο και αναντιρρητωϲ ηλθον μεταπεμφθειϲ πυνθανομε ουν τινι λογω μετεπεμψαϲθαι με ·
- Πράξεις Ἀποστόλων 10:30
και ο κορνηλιοϲ εφη απο τεταρτηϲ ημεραϲ μεχρι ταυτηϲ τηϲ ωραϲ ημην την ενατην προϲευχομενοϲ εν τω οικω μου και ιδου ανηρ εϲτη ενωπιον εμου εν εϲθητι λαμπρα
- Πράξεις Ἀποστόλων 10:31
και φηϲιν κορνηλιε ειϲηκουϲθη ϲου η προϲευχη και αι ελεημοϲυναι ϲου εμνηϲθηϲαν ενωπιον του θυ ·
- Πράξεις Ἀποστόλων 10:32
πεμψον ουν ειϲ ϊοππην και μετακαλεϲαι ϲιμωνα οϲ επικαλειται πετροϲ ουτοϲ ξενιζεται εν οικια ϲιμωνοϲ βυρϲεωϲ παρα θαλαϲϲαν
- Πράξεις Ἀποστόλων 10:33
εξαυτηϲ ουν επεμψα προϲ ϲε ϲυ τε καλωϲ εποιηϲαϲ παραγενομενοϲ νυν ουν παντεϲ ημειϲ ενωπιον του θυ παρεϲμεν ακουϲαι παντα τα προϲτεταγμενα ϲοι υπο του κυ + ⁘
- Πράξεις Ἀποστόλων 10:34
ανοιξαϲ δε πετροϲ το ϲτομα ειπεν επ αληθειαϲ καταλαμβανομαι οτι ουκ εϲτιν προϲωπολημπτηϲ ο θϲ
- Πράξεις Ἀποστόλων 10:35
αλλ εν παντι εθνι ο φοβουμενοϲ αυτον και εργαζομενοϲ δικαιοϲυνην δεκτοϲ αυτω εϲτιν ·
- Πράξεις Ἀποστόλων 10:36
τον λογον ον απεϲτιλεν τοιϲ ϋϊοιϲ ιϲηλ ευαγγελιζομενοϲ ειρηνην δια ιυ χυ ουτοϲ εϲτιν παντων κϲ
- Πράξεις Ἀποστόλων 10:37
ϋμειϲ οιδατε το γενομενον ρημα καθ οληϲ τηϲ ϊουδαιαϲ αρξαμενοϲ απο τηϲ γαλιλαιαϲ μετα το βαπτιϲμα ο εκηρυξεν ϊωαννηϲ
- Πράξεις Ἀποστόλων 10:38
ιν τον απο ναζαρεθʼ ωϲ εχριϲεν αυτον ο θϲ πνι αγιω και δυναμει ωϲ διηλθεν ευεργετων και ϊωμενοϲ πανταϲ τουϲ καταδυναϲτευομενουϲ ϋπο του διαβολου οτι ο θϲ ην μετ αυτου
- Πράξεις Ἀποστόλων 10:39
και ημιϲ μαρτυρεϲ παντων ων εποιηϲεν εν τε τη χωρα των ϊουδαιων και εν ϊερουϲαλημʼ ον και ανιλαν κρεμαϲαντεϲ επι ξυλου
- Πράξεις Ἀποστόλων 10:40
τουτον ο θϲ ηγειρεν εν τη τριτη ημερα και εδωκεν αυτον εμφανη γενεϲθαι
- Πράξεις Ἀποστόλων 10:41
ου παντι τω λαω αλλα μαρτυϲι τοιϲ προκεχιροτονημενοιϲ ϋπο του θυ ημιν οιτινεϲ ϲυνεφαγομεν και ϲυνεπιομεν αυτω μετα το αναϲτηναι αυτον εκ νεκρων
- Πράξεις Ἀποστόλων 10:42
και παρηγγιλεν ημιν κηρυξαι τω λαω και διαμαρτυραϲθαι οτι αυτοϲ εϲτιν ο ωριϲμενοϲ ϋπο του θυ κριτηϲ ζωντων και νεκρων
- Πράξεις Ἀποστόλων 10:43
τουτω παντεϲ οι προφηται μαρτυρουϲιν αφεϲιν αμαρτιων λαβιν δια του ονοματοϲ αυτου παντα τον πιϲτευοντα ειϲ αυτον +
- Πράξεις Ἀποστόλων 10:44
ετι λαλουντοϲ του πετρου τα ρηματα ταυτα επεπεϲε το πνα το αγιον επι πανταϲ τουϲ ακουονταϲ τον λογον
- Πράξεις Ἀποστόλων 10:45
και εξεϲτηϲαν οι εκ περιτομηϲ πιϲτοι οϲοι ϲυνηλθαν τω πετρω οτι και επι τα εθνη η δωρεα του αγιου πνϲ εκκεχυται ·
- Πράξεις Ἀποστόλων 10:46
ηκουον γαρ αυτων λαλουντων γλωϲϲαιϲ και μεγαλυνοντων τον θν · […] τοτε απεκριθη πετροϲ
- Πράξεις Ἀποστόλων 10:47
μητι το ϋδωρ δυναται κωλυϲαι τιϲ του μη βαπτιϲθηναι τουτουϲ οιτινεϲ το πνα το αγιον ελαβον ωϲ και ημειϲ
- Πράξεις Ἀποστόλων 10:48
προϲεταξεν δε αυτοιϲ εν τω ονοματι ιυ χυ βαπτιϲθηναι · τοτε ηρωτηϲαν αυτον επιμειναι ημεραϲ τιναϲ
- Πράξεις Ἀποστόλων 11:1
ηκουϲαν δε οι αποϲτολοι και οι αδελφοι οι οντεϲ κατα την ϊουδαιαν οτι και τα εθνη εδεξαντο τον λογον του θυ
- Πράξεις Ἀποστόλων 11:2
οτε δε ανεβη πετροϲ ειϲ ϊηλμ διεκρινοντο προϲ αυτον οι εκ περιτομηϲ
- Πράξεις Ἀποστόλων 11:3
λεγοντεϲ οτι ειϲηλθεϲ προϲ ανδραϲ ακροβυϲτιαν εχονταϲ και ϲυνεφαγεϲ αυτοιϲ
- Πράξεις Ἀποστόλων 11:4
αρξαμενοϲ δε πετροϲ εξετιθετο αυτοιϲ καθεξηϲ λεγων
- Πράξεις Ἀποστόλων 11:5
εγω ημην εν πολι ιοππη και ειδον εν εκϲταϲι οραμα καταβαινον ϲκευοϲ τι ωϲ οθονην μεγαλην τεϲϲαρϲιν αρχαιϲ καθιεμενην εκ του ουρανου και ηλθεν αχρι εμου
- Πράξεις Ἀποστόλων 11:6
ειϲ ην ατενιϲαϲ κατενοουν και ειδον τα τετραποδα τηϲ γηϲ και τα θηρια και τα πετα και τα πετινα του ουρανου ·
- Πράξεις Ἀποστόλων 11:7
ηκουϲα δε και φωνηϲ λεγουϲηϲ μοι · αναϲταϲ πετρε θυϲον και φαγε ·
- Πράξεις Ἀποστόλων 11:8
ειπον δε μηδαμωϲ κε οτι […] ουδεποτε ειϲηλθεν ειϲ το ϲτομα μου ·
- Πράξεις Ἀποστόλων 11:9
απεκριθη δε φωνη εκ δευτερου εκ του ουρανου · α ο θϲ εκαθαριϲεν ϲυ μη κοινου
- Πράξεις Ἀποστόλων 11:10
τουτο δε εγενετο επι τριϲ και ανεϲπαϲθη παλιν απαντα ειϲ τον ουρανον +
- Πράξεις Ἀποστόλων 11:11
και + ϊδου εξαυτηϲ τριϲ ανδρεϲ επεϲτηϲαν επι την οικιαν εν η ημεν · απεϲταλμενοι απο καιϲαριαϲ προϲ εμε ·
- Πράξεις Ἀποστόλων 11:12
ειπεν δε το πνα μοι ϲυνελθιν αυτοιϲ μηδεν διακρινοντα ηλθον δε ϲυν εμοι και οι εξ αδελφοι ουτοι και ειϲηλθομεν ειϲ τον οικον του ανδροϲ
- Πράξεις Ἀποστόλων 11:13
απηγγειλεν δε ημιν πωϲ ειδεν τον αγγελον εν τω οικω αυτου ϲταθεντα και ειποντα αποϲτιλον ειϲ ϊοππην και μεταπεμψαι ϲιμωνα τον επικαλουμενον πετρον
- Πράξεις Ἀποστόλων 11:14
οϲ λαληϲι ρηματα προϲ ϲε εν οιϲ ϲωθηϲη ϲυ και παϲ ο οικοϲ ϲου ·
- Πράξεις Ἀποστόλων 11:15
εν δε τω αρξαϲθαι με λαλιν επεπεϲε το πνα το αγιον επ αυτουϲ ωϲπερ και εφ ημαϲ εν αρχη
- Πράξεις Ἀποστόλων 11:16
εμνηϲθην δε του ρηματοϲ του κυ ωϲ ελεγεν · ϊωαννηϲ μεν εβαπτιϲεν ϋδατι ϋμειϲ δε βαπτιϲθηϲεϲθαι εν πνι αγιω ·
- Πράξεις Ἀποστόλων 11:17
ει ουν την ϊϲην δωρεαν δεδωκεν αυτοιϲ ο θϲ ωϲ και ημιν πιϲτευϲαϲιν επι τον κν ιν χν εγω τιϲ ημην δυνατοϲ κωλυϲαι τον θν
← Previous · Next → — showing 301–400 of 1,002
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.