Codex Sinaiticus: Μακκαβαίων Δ
- Μακκαβαίων Δ 11:20
ο δε βαϲανιζομενοϲ ω ϊεροπρεπουϲ αγωνοϲ ελεγον εφ ον δια την ευϲεβιαν ειϲ γυμναϲιαν πονων αδελφοι τοϲουτοι κληθεντεϲ ουκ ενικημεν ·
- Μακκαβαίων Δ 11:21
ανικητοϲ γαρ εϲτιν τυραννε η ευϲεβηϲ επιϲτημη
- Μακκαβαίων Δ 11:22
καλοκαγαθια καθωπλιϲμενοϲ τεθνηξομαι καγω μετα των αδελφων μου ·
- Μακκαβαίων Δ 11:23
μεγαν ϲοι και αυτοϲ προϲβαλλων αλαϲτορα καινουργε των βαϲανων και πολεμιε των αληθωϲ ευϲεβουντων
- Μακκαβαίων Δ 11:24
εξ μιρακια καταλελυκαμεν ϲου την τυραννιδα
- Μακκαβαίων Δ 11:25
το γαρ μη δυνηθηναι ϲε μεταπειϲαι τον λογιϲμον ημων μητε βιαϲαϲθαι προϲ την μιαιροφαγιαν ου καταλυϲειϲ · εϲτιν ϲου
- Μακκαβαίων Δ 11:26
το πυρ ϲου ψυχρον ημιν και απονοι οι καταπελται και αδυνατοιϲ η βια ϲου ·
- Μακκαβαίων Δ 11:27
ου γαρ τυραννου αλλα θειου νομου προεϲτηκαϲιν ημων οι δορυφοροι δια τουτο ανεικητον εχομεν τον λογιϲμον
- Μακκαβαίων Δ 12:1
ωϲ δε και αυτοϲ μακαριωϲ απεθανεν καταβληθειϲ ειϲ λεβητα · ο εβδομοϲ παρεγινετο παντων νεωτεροϲ ·
- Μακκαβαίων Δ 12:2
ον κατοικτιραϲ ο τυραννοϲ καιπερ δινωϲ ϋπο των αδελφων αυτου κακιϲθειϲ ορων ηδη τα δεϲμα περικειμενον πληϲιετερον αυτον μετεπεμψατο και παρηγορειν επειρατο λεγων
- Μακκαβαίων Δ 12:3
τηϲ μεν των αδελφων ϲου απονοιαϲ τελοϲ οραϲ ˙ δια γαρ απιϲτιαν ϲτρεβλωθεντεϲ τεθνεαϲιν
- Μακκαβαίων Δ 12:4
ϲυ δε ει μεν μη πιϲθειϲ ταλαϲ βαϲανιϲθειϲ και αυτοϲ τεθνηξη προ οραϲ ·
- Μακκαβαίων Δ 12:5
πιϲθειϲ δε φιλοϲ εϲη και των επι τηϲ βαϲιλιαϲ αφηγηϲη πραγματων ·
- Μακκαβαίων Δ 12:6
και ταυτα παρακαλων την μητερα του παιδοϲ μετεπεμψατο οπωϲ αυτην ελεηϲαϲα τοϲουτων υϊων ϲτερηθειαν παρορμηϲειεν επι την ϲωτηριον ευπιθιαν τον περιλιπομενον ˙
- Μακκαβαίων Δ 12:7
ο δε τηϲ μρϲ τη εβραϊδι φωνη προτρεψαμενηϲ αυτον ωϲ ερουμεν μετα μικρον ϋϲτερον
- Μακκαβαίων Δ 12:8
λυϲατε με φηϲιν ειπω τω βαϲιλει και τοιϲ ϲυν αυτω φιλοιϲ παϲιν ˙
- Μακκαβαίων Δ 12:9
οι δε χαρεντεϲ μαλιϲτα επι τη επαγγελια του παιδοϲ · ταχεωϲ ελυϲαν αυτον
- Μακκαβαίων Δ 12:10
και δραμων επι πληϲιον των τηγανων ·
- Μακκαβαίων Δ 12:11
ανοϲιε φηϲιν και παντων αϲεβεϲτατε πονηρων · ουκ ηδεϲθηϲ παρα του θυ λαβων τα αγαθα και την βαϲιλιαν τουϲ θεραπονταϲ αυτου κατακτειναι και τουϲ ευϲεβειαϲ αϲκηταϲ ϲτρεβλωϲαι
- Μακκαβαίων Δ 12:12
ανθ ων ταμιευϲεται η δικη πυκνοτερω και αιωνιω πυρι και βαϲανοιϲ ειϲ ολον τον αιωνα ουκ ανηϲουϲιν ϲε
- Μακκαβαίων Δ 12:13
ουκ ηδεϲθηϲ ανθρωποϲ ων θηριωδεϲτατε τουϲ ομοιοπαθειϲ και εκ των αυτων γεγονοταϲ ϲτοιχιων γλωττοτομηϲαι και τουτον κατακαυϲαϲ τον τροπον βαϲανιζει
- Μακκαβαίων Δ 12:14
αλλ οι μεν ευγενωϲ αποθανοντεϲ επληρωϲαν την ειϲ τον θν ευϲεβιαν ˙ ϲυ δε κακωϲ οιμωξειϲ τουϲ τηϲ αρετηϲ αγωνιϲταϲ αναιτιωϲ αποκτιναϲ ·
- Μακκαβαίων Δ 12:15
οθεν και αυτοϲ αποθνηϲκειν μελλων εφη ·
- Μακκαβαίων Δ 12:16
ουκ απαυτομολωʼ τηϲ των παιδων αριϲτιαϲ ·
- Μακκαβαίων Δ 12:17
επικαλουμαι δε τον πατρωον θν οπωϲ ιλεωϲ γενηται τω εθνι ημων ·
- Μακκαβαίων Δ 12:18
ϲε δε και εν τω νυν βιω και θανοντα τιμωρηϲετε ·
- Μακκαβαίων Δ 12:19
και ταυτα κατευξαμενοϲ · εαυτον ερειψε κατα των τηγανων και ουτωϲ απεδωκεν
- Μακκαβαίων Δ 13:1
ει δε τοινυν των μεχρι θανατου πονων ϲϋπερεφροϲαν οι επτα αδελφοι ˙ ϲυνομολογειται πανταχοθεν οτι αυτοδεϲποτοϲ εϲτιν των παθων ο ευϲεβηϲ λογιϲμοϲ
- Μακκαβαίων Δ 13:2
ει γαρ τοιϲ παθεϲι δουλωθεντεϲ εμιεροφαγηϲαν ελεγαμεν αν τουτοιϲ αυτουϲ νενικηϲθαι ·
- Μακκαβαίων Δ 13:3
νυνει δε ουχ ουτωϲ · αλλα τω επαινουμενω παρα θυ λογιϲμω περιεγενοντο των παθων ·
- Μακκαβαίων Δ 13:4
ων ουκ εϲτιν παρειδιν την ηγεμονιαν τηϲ διανοιαϲ : επεκρατηϲαν γαρ και παθουϲ και πονων
- Μακκαβαίων Δ 13:5
πωϲ ουν ουκ εϲτιν τουτοιϲ την τηϲ ευλογιϲτιαϲ πανθοκρατιαν ομολογειν · οι των μεν γαρ δια πυροϲ αλγηδονων ουκ απεϲτραφηϲαν :
- Μακκαβαίων Δ 13:6
καθαπερ γαρ προβληταιϲ λιμενων πυργοι ταϲ των κυματων απειλαϲʼ ανακοπτοντεϲ γαληνον παρεχουϲι τοιϲ ειϲπλεουϲι τον ορμον ·
- Μακκαβαίων Δ 13:7
ουτωϲ η επταπυργοϲ των νεανιϲκων ευλογιϲτια τον τηϲ ευϲεβιαϲ οχυρωϲαϲα λιμενα · την των παθων ενεικηϲε κολαϲιν ·
- Μακκαβαίων Δ 13:8
ϊερον γαρ ευϲεβιαϲ ϲτηϲαντεϲ χορον παρεθαρϲυνον αλληλουϲ λεγοντεϲ ·
- Μακκαβαίων Δ 13:9
αδελφικωϲ αποθανωμεν αδελφοι περι του νομου · μιμηϲωμεθα τουϲ τριϲ τουϲ επι τηϲ αϲϲυριαϲ νεανιϲκουϲ · οι τηϲ ϊϲοπολιτιδου καιομενηϲ κατεφρονηϲαν :
- Μακκαβαίων Δ 13:10
μη διλανδρηϲωμεν προϲ την τηϲ ευϲεβιαϲ επιδιξιν ·
- Μακκαβαίων Δ 13:11
και ο μεν θαρρι αδελφε ελεγεν · ο δε ευγενωϲ καρτερηϲον ·
- Μακκαβαίων Δ 13:12
ο δε καταμνηϲθειϲ ελεγεν · ποθεν εϲται η τινοϲ πατροϲ χειρι ϲφαγιαϲθηναι δια την ευϲεβιαν ϋπεμινεν ϊϲακʼ ·
- Μακκαβαίων Δ 13:13
ειϲ δε εκαϲτοϲ αλληλουϲ ομου παντεϲ εφορωντεϲ φεδροι και μαλα θαρραλεοι · εαυτουϲ ελεγον τω θω αφιερωϲωμεν · εξ οληϲ τηϲ καρδιαϲ τω δοντι ταϲ ψυχαϲ και χρηϲωμεν τη περι τον νομον φυλακη τα ϲωματα ·
- Μακκαβαίων Δ 13:14
μη φοβηθωμεν τον δοκουντα αποκτεννειν ·
- Μακκαβαίων Δ 13:15
μεγαϲ γαρ ψυχηϲ αγων και κινδυνοϲ εν αιωνι βαϲανω κειμενοϲ τοιϲ παραβαϲι την εντολην του θυ
- Μακκαβαίων Δ 13:16
καθοπλιϲωμεθα τοιγαρουν την του θιου λογιϲμου παθοκρατιαν ˙
- Μακκαβαίων Δ 13:17
ουτω γαρ θανονταϲ ημαϲ αβρααμʼ · και ϊϲακ και ιακωβʼ υποδεξονται · και παντεϲ οι πατερεϲ επαινεϲουϲιν
- Μακκαβαίων Δ 13:18
και ενι εκαϲτω των αποϲπωμενων αυτω αδελφων . ελεγον οι περιλειπομενοι · μη καταιϲχυνηϲ ημαϲ αδελφε · μηδε ψευϲη τουϲ προαποθανονταϲ ημων αδελφουϲ ·
- Μακκαβαίων Δ 13:19
ουκ αγνοειται δε τα τηϲ αδελφοτητοϲ φιλτρα · απερʼ η θεια και πανϲοπφοϲ προνοια δια πατερων τοιϲ γεννωμενοιϲ εμεριϲεν · και δια τηϲ μητρωαϲ φυτευϲαϲα αγαϲτροϲ ·
- Μακκαβαίων Δ 13:20
εν η τον ϊϲον αδελφοι κατοικηϲαντεϲ χρονον · και εν τω αυτω χρονω πλαϲθεντεϲ και απο του αυτου αιματοϲ αυξηθεντεϲ · και δια τηϲ αυτηϲ ψυχηϲ τελεϲφορηθεντεϲ ·
- Μακκαβαίων Δ 13:21
και δια των ϊϲων αποτεχθεντεϲ χρονων · και απο των αυτων γαλακτοτροφουντεϲ πηγων · αφ ων ϲυνϲτρεφονται εναγκαλιϲματων φιλαδελφων ψυχαι
- Μακκαβαίων Δ 13:22
και αυξονται ϲφοδροτερον δια ϲυντροφιαν και τηϲ καθ ημεραν ϲυνηθιαϲ και τηϲ αλληϲ παιδιαϲ και τηϲ ημετεραϲ εν νομω θυ αϲκηϲεωϲ :
- Μακκαβαίων Δ 13:23
ουτωϲ δη τοινυν καθεϲτηκυιηϲ ϲυνπαθουϲ τηϲ φιλαδελφιαϲ · οι επτα αδελφοι ϲυνπαθεϲτερον εϲχον προϲ αλληλουϲ ·
- Μακκαβαίων Δ 13:24
νομω γαρ τω αυτω παιδευθεντεϲ · και ταϲ αυταϲ εξαϲκηϲαντεϲ αρεταϲ · και τω δικαιω ϲυϲτραφεντεϲ βιω · μαλλον εαυτουϲ ηγαπων ˙
- Μακκαβαίων Δ 13:25
η γαρ ομοζηλια τηϲ καλοκαγαθιαϲ επετινεν αυτω την προϲ αλληλουϲ ευνοιαν και ομονοιαν :
- Μακκαβαίων Δ 13:26
ϲυν γαρ τη ευϲεβεια την ποθινοτεραν αυτοιϲ κατεϲκευαζον την φιλαδελφιαν ·
- Μακκαβαίων Δ 13:27
αλλ ομωϲ καιπερ τηϲ φυϲεωϲ και τηϲ ϲυνηθιαϲ και των τηϲ αρετηϲ ηθων · τα τηϲ αδελφοτητοϲ αυτοιϲ φιλτρα ϲυναυξαντων ανεϲχοντο δια την ευϲεβιαν τουϲ αδελφουϲ · οι υπολιπομενοι τουϲ κατοικτιζομενουϲ ορωντεϲ μεχρι θανατου βαϲανιζομενουϲ ·
- Μακκαβαίων Δ 14:1
προϲετι και επι τον αικιϲμον εποτρυνοντεϲ · ωϲ μη μονον των αλγηδονων περιφρονηϲαι αυτουϲ · αλλα και τηϲ των αδελφων φιλαδελφιαϲ παθων κρατηϲαι :
- Μακκαβαίων Δ 14:2
ω βαϲιλεων βαϲι λογιϲμοι βαϲιλικωτεροι · και ελευθερων ελευθερωτεροι :
- Μακκαβαίων Δ 14:3
ω ϊεραϲ και ευαρμοϲτου περι τηϲ ϊεραϲ των επτα αδελφων ϲυμφωνιαϲ
- Μακκαβαίων Δ 14:4
ουδειϲ εκ των επτα μιρακιων εδιλιαϲεν · ουδε προϲ τον θανατον ωκνηϲεν ·
- Μακκαβαίων Δ 14:5
αλλα παντεϲ ωϲπερ επ αθαναϲιαϲ οδον τρεχοντεϲ · επι τον δια των βαϲανων θανατον εϲπευδον ·
- Μακκαβαίων Δ 14:6
καθαπερʼ αι χειρεϲ και οι ποδεϲ ϲυμφωνωϲ τοιϲ τηϲ ψυχηϲ αφηγημαϲιν κινουνται . ουτωϲ οι ϊεροι μιρακεϲ εκεινοι · ωϲ υπο ψυχηϲ αθανατου τηϲ ευϲεβιαϲ προϲ τον υπερ αυτηϲ ϲυνεφωνηϲαν θανατον ˙
- Μακκαβαίων Δ 14:7
ω πανʼαγιε ϲυμφωνων αδελφων εβδομαδαϲ · καθαπερ γαρ επτα τηϲ κοϲμοποιιαϲ ημεραι περι την ευϲεβιαν ·
- Μακκαβαίων Δ 14:8
ουτω περι την εβδομαδαν χορευοντεϲ οι μιρακεϲ εκυκλουν · τον των βαϲανων φοβον καταλυοντεϲ ·
- Μακκαβαίων Δ 14:9
νυν ημιϲ ακουοντεϲ την θλιψιν των νεανιων εκινων φριττομεν ˙ οι δε ου μονον ορωντεϲ · αλλ ουδε μονον ακουοντεϲ τον παραχρημα απειληϲ λογον ˙ αλλα και παϲχοντεϲ ενεκαρτερουν και τουτο ταιϲ του πυροϲ οδυναιϲ ˙
- Μακκαβαίων Δ 14:10
ωνʼ τι γενοιτο επανγελτερον ˙ οξεια γαρ και ϲυντομοϲ ουϲα η του πυροϲ δυναμιϲ ταχεωϲ διελυεν τα ϲωματα :
- Μακκαβαίων Δ 14:11
και μη θαυμαϲτον ηγειϲθαι · ει ο λογιϲμοϲ περιεκρατηϲε των ανδρων εκεινων εν τοιϲ βαϲανοιϲ οπου γε και γυναικοϲ νουϲ πολυτροπωτερων · υπερεφρονηϲεν αλγηδονων ˙
- Μακκαβαίων Δ 14:12
η μητηρ γαρ των επτα νεανιϲκων ϋφηνεγκεν ταϲ εφ ενι εκαϲτω των τεκνων ϲτρεβλαϲ ˙
- Μακκαβαίων Δ 14:13
θεωρειτε δε πωϲ πολυπλοκοϲ εϲτιν η τηϲ φιλοτεκνιαϲ ϲτοργη · ελκουϲα παντα προϲ την των ϲπλαγχνων ϲυνπαθιαν
- Μακκαβαίων Δ 14:14
ομπου γε και τα αλογα ζωα ομοιαν ειϲ τα εξ αυτων γεννωμενα ϲυμπαθιαν και ϲτοργην εχει τοιϲ ανθρωποιϲ
- Μακκαβαίων Δ 14:15
και γαρ των πετηνων τα μεν ημερα · κατα ταϲ οικιαϲ οροφυτουντα · προϲαϲπιζει των νεοττων ·
- Μακκαβαίων Δ 14:16
τα δε κατα κορυφαϲ ορεων και φαραγγων · απορρωγαϲ και δενδρων οπαϲ και ταϲ τουτων ακραϲ εννοϲϲοποιηϲομενα αποτικτι · και τον προϲιοντα κωλυει ·
- Μακκαβαίων Δ 14:17
δε και μη δυναιτο κωλυειν περιπταμενα κυκλοθεν αυτων αργουντα τη ϲτοργη ανακαλουμενα τη ϊδια φωνη καθ ο δυνανται · βοηθι τοιϲ τεκνοιϲ
- Μακκαβαίων Δ 14:18
και τι δι δια την των αλογων ζωων επιδικνυναι την προϲ τα τεκνα ϲυμπαθιαν
- Μακκαβαίων Δ 14:19
οπου γε και μελιϲϲαι περι τον τηϲ κηρογονιαϲ καιρον επαμυνονται τουϲ προϲϊονταϲ · και καθαπερ ϲιδηρω τω κεντρω πληϲϲουϲι τουϲ προϲιονταϲ τη νοϲϲια αυτων · και απαμυνουϲιν εωϲ θανατου
- Μακκαβαίων Δ 14:20
αλλ ουχι τη αβρααμʼ ομοψυχον των νεανιϲκων μητερα μετεκινηϲεν ϲυμπαθια τεκνων
- Μακκαβαίων Δ 15:1
ω λογιϲμε τεκνων παθων τυραννε και ευϲεβια μητρι τεκνων ποθεινοτερα
- Μακκαβαίων Δ 15:2
μητηρ · δυειν προκειμενων ˙ ευϲεβιαϲ και τηϲ επτα ϋϊων ϲωτηριαϲ προκαιρου · κατα την του τυραννου προϲχεϲιν
- Μακκαβαίων Δ 15:3
την ευϲεμιαν μαλλον ηγαπηϲαϲ την ζωϲαν ειϲ αιωνιαν ζωην κατα θν :
- Μακκαβαίων Δ 15:4
ω τινα τροπον ηθολογηϲαιμι φιλοτεκνα γονεων παθη ψυχηϲ τε και ορ[…]ηϲακ ομοιοτητα ειϲ μικρον παιδοϲ χαρακτηρα θαυμαϲιον εναποϲφραγιζομεν μαλιϲτα δια το των παθων τοιϲ γεννηθιϲιν ταϲ μητεραϲ των παθων καθεϲταναι ϲυμπαθεϲτεραϲ ·
- Μακκαβαίων Δ 15:5
οϲω γαρ και αϲθενεϲτεραν και πολυγονωτεραι ϋπαρχουϲιν αι μητερεϲ τοϲουτω μαλλον ειϲιν φιλοτεκνωτεραι
- Μακκαβαίων Δ 15:6
ητιϲ επτα κυοφοριαιϲ την προϲ αυτουϲ επιφερομενην φιλοϲτοργιαν ·
- Μακκαβαίων Δ 15:7
και δια πολλαϲ ταϲ καθ εκαϲτον αυτων ωδιναϲ · ηναγκαϲμενη την ειϲ αυτουϲ εχειν ϲυμπαθιαν
- Μακκαβαίων Δ 15:8
δια τον προϲ τον θν φοβον · ϋπερειδεν την των τεκνων προϲκαιρον ϲωτηριαν
- Μακκαβαίων Δ 15:9
ου μην δε αλλα δια την καλοκαγαθιαν των υ̇ϊων και την προϲ τον νομον αυτων ευπιθιαν μιζον εν αυτοιϲ εϲχεν φιλοϲτοργιαν ·
- Μακκαβαίων Δ 15:10
και οι τε γαρ ηϲαν και ϲωφρονεϲ και ανδριοι · και μεγαλοψυχοι · και φιλαδελφοι και φιλομητορεϲ ουτωϲ · ωϲτε και μεχρι θανατου τα νομιμα φυλαϲϲοντεϲ πιθεϲθαι αυτη ·
- Μακκαβαίων Δ 15:11
αλλ ομωϲ καιπερ τοϲουτων οντων των περι την φιλοτεκνιαν ειϲ ϲυμπαθιαν ελκοντων την μητερα ˙ εφ ουδενοϲ αυτων τον λογιϲμον αυϲτηϲ · αι πανποικιλοι βαϲανοι ιϲχυϲαν μετατρεψαι ·
- Μακκαβαίων Δ 15:12
αλλα και καθ ενα παιδα και ομου πανταϲ η μητηρ . επι τον τηϲ ευϲεβιαϲ προετρεπετο θανατον ·
- Μακκαβαίων Δ 15:13
ω φυϲιϲ ϊερα και φιλτρα γονεων · και γεννημαϲι φιλοϲτοργε και τροφεια και μητερων αδαμαϲτη παθη
- Μακκαβαίων Δ 15:14
καθενα ϲτρεβλουμενον και φλεγομενον ορωϲα · μητηρʼ ου μετεβαλλετο δια την ευϲεβιαν ·
- Μακκαβαίων Δ 15:15
ταϲ ϲαρκαϲ των τεκνων εωρα περι το πυρ τηκομεναϲ · και τουϲ των ποδων και χειρων δακτυλουϲ επι γηϲ περονταϲ · και ταϲ των κεφαλων μεχρι των περι τα γενια ϲαρκαϲ ωϲπερ προϲωτια προκειμεναϲ ·
- Μακκαβαίων Δ 15:16
ω πικροτερων νυν πονων πιραθιϲα μητηρʼ ηπερ των επ αυτοιϲ ωδινων :
- Μακκαβαίων Δ 15:17
ω μονη γυναι την ευϲεβιαν ολοκληρον αποκυηϲαϲα ·
- Μακκαβαίων Δ 15:18
ου μετετρεψεν ϲε ο πρωτοτοκοϲ ουδε δευτεροϲ ειϲ ϲε οικτρον βλεπων εν βαϲανοιϲ ου τριτοϲ αποψυχων ˙
- Μακκαβαίων Δ 15:19
ουδε τουϲ οφθαλμουϲ ενοϲ εκαϲτου θεωρουϲα ταυρηδον επι των βαϲανων ορωνταϲ τον αυτον αικιϲμον και τουϲ μυκτηραϲ προϲημιουμενουϲ τον θανατον αυτων · ουκ εκλαυϲαϲ
- Μακκαβαίων Δ 15:20
επι ϲαρξιν τεκνων εωρακαϲ ϲαρκαϲ τεκνων αποκεκομμεναϲ και επι χερϲιν χειραϲ αποτεμνομεναϲ · και επι κεφαλαιϲ κεφαλαϲ αποδιροτομουμεναϲ · και επι νεκρουϲ νεκρουϲ πιπτονταϲ · και πολυανδριον ορωϲα των τεκνων χοριον δια των βαϲανων ουκ εδακρυϲαϲ ˙
- Μακκαβαίων Δ 15:21
ουχ ουτωϲ ειρηνιοι μελωδιοι · ουδε κυκνιοι προϲ φιληκοϊαν φωναι · τουϲ ακουονταϲ εφελκονται · ωϲ τεκνων φωναι μετα βαϲανων μητερα φωνουντων ·
- Μακκαβαίων Δ 15:22
πηλικαιϲ και ποϲαιϲ τοτε η μητηρʼ των υ̇ϊων βαϲανιζομενων τροχοιϲ και καυτηριαιϲ εβαϲανιζετο βαϲανοιϲ ·
- Μακκαβαίων Δ 15:23
αλλα τα ϲπλαγχνα αυτηϲ ο ευϲεβηϲ λογιϲμοϲ εν αυτοιϲ τοιϲ παθεϲιν ανδριωϲαϲ · επετεινεν την προϲκαιρον φιλοτεκνιαν παρϊδιν ·
- Μακκαβαίων Δ 15:24
καιπερ επτα τεκνων ορωϲα απωλιαν · και την των τεκνων ϲτρεβλων πολυτροπον ποικιλιαν αϲ απαϲαϲ η γεννεα μητηρ εξελυϲεν δια την προϲ τον θν πιϲτιν ˙
- Μακκαβαίων Δ 15:25
καθαπερ εν βουλευτηριω τηϲ αυτηϲ ψυχηϲ δινουϲ ορωϲα ϲυμβουλουϲ φαϲιν τε και γενεϲιν · και φιλοτεκνιαν και τεκνων ϲτρεβλαϲ ·
- Μακκαβαίων Δ 15:26
δυο ψηφουϲ κρατουϲα μητηρ θανατηφορον τε και ϲωτηριον
← Previous · Next → — showing 301–400 of 478
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.