Codex Sinaiticus: Πρὸς Τιμόθεον Β´
- Πρὸς Τιμόθεον Β´ 1:1
παυλοϲ αποϲτολοϲ χυ ιυ δια θεληματοϲ θυ κατ επαγγελιαϲ ζωηϲ τηϲ εν χω ιυ
- Πρὸς Τιμόθεον Β´ 1:2
τιμοθεω αγαπητω τεκνω χαριϲ ελεοϲ ϊρηνη απο θυ πατροϲ και κυ ιυ χυ του κυ ημων
- Πρὸς Τιμόθεον Β´ 1:3
χαριν εχω τω θω ω λατρευω απο προγονων εν καθαρα ϲυνϊδηϲι ωϲ αδιαλειπτον εχω την περι ϲου μνιαν εν ταιϲ δεηϲεϲιν μου νυκτοϲ και ημεραϲ
- Πρὸς Τιμόθεον Β´ 1:4
επιποθων ϲε ιδειν μεμνημενοϲ ϲου των δακρυων ϊνα χαραϲ πληρωθω
- Πρὸς Τιμόθεον Β´ 1:5
ϋπομνηϲιν λαβων τηϲ εν ϲοι ανυποκριτου πιϲτεωϲ ητιϲ ενωκηϲεν πρωτον εν τη μαμμη ϲου λωϊδι και τη μητρι ϲου ευνικη πεπιϲμαι δε οτι και εν ϲοι ·
- Πρὸς Τιμόθεον Β´ 1:6
δι ην αιτιαν αναμιμνηϲκω ϲε αναζωπυρειν το θελημα του θυ ο εϲτιν εν ϲοι δια τηϲ επιθεϲεωϲ των χιρων μου
- Πρὸς Τιμόθεον Β´ 1:7
ου γαρ εδωκεν ημιν ο θϲ πνα δειλιαϲ αλλα δυναμεωϲ και αγαπηϲ και ϲωφρονιϲμου
- Πρὸς Τιμόθεον Β´ 1:8
μη ουν επεϲχυνθηϲ το μαρτυριον του κυ μηδε εμε τον δεϲμιον αυτου αλλα ϲυνκακοπαθηϲον τω ευαγγελιω κατα δυναμιν θυ
- Πρὸς Τιμόθεον Β´ 1:9
του ϲωϲαντοϲ ημαϲ και καλεϲαντοϲ κληϲει αγια ου κατα τα εργα ημων αλλα κατα ϊδιαν προθεϲιν και χαριν την δοθιϲαν ημιν εν χω ιυ προ χρονων αιωνιαν
- Πρὸς Τιμόθεον Β´ 1:10
φανερωθειϲαν δε νυν δια τηϲ επιφανειαϲ του ϲρϲ ημων χυ ιυ καταργηϲαντοϲ μεν τον θανατον φωτιϲαντοϲ δε ζωην και αφθαρϲιαν δια του ευαγγελιου
- Πρὸς Τιμόθεον Β´ 1:11
ειϲ ο ετεθην εγω κηρυξ και αποϲτολοϲ και διδαϲκαλοϲ
- Πρὸς Τιμόθεον Β´ 1:12
δι ην αιτιαν ταυτα παϲχω αλλ ουκ επαιϲχυνομαι οιδα γαρ ω πεπιϲτευκα και πεπιϲμαι οτι δυνατοϲ εϲτιν την παραθηκην μου φυλαξαι ειϲ εκινην την ημεραν
- Πρὸς Τιμόθεον Β´ 1:13
ϋποτυπωϲιν εχε ϋγιαινοντων λογων ων παρ εμου ηκουϲαϲ εν πιϲτει και αγαπη τη εν χω ιυ ˙
- Πρὸς Τιμόθεον Β´ 1:14
την καλην παραθηκην φυλαξον δια πνϲ αγιου του ενοικουντοϲ εν ημιν
- Πρὸς Τιμόθεον Β´ 1:15
οιδαϲ τουτο οτι απεϲτραφηϲαν με παντεϲ οι εν τη αϲια ων εϲτιν φυγελοϲ και ερμογενηϲ
- Πρὸς Τιμόθεον Β´ 1:16
δωη ελεοϲ ο κϲ τω ονηϲιφορου οικω οτι πολλακιϲ με ανεψυξεν και την αλυϲιν μου ουκ επηϲχυνθη
- Πρὸς Τιμόθεον Β´ 1:17
αλλα γενομενοϲ εν ρωμη ϲπουδαιωϲ εζητηϲεν με και ευρεν
- Πρὸς Τιμόθεον Β´ 1:18
δωη αυτω ο κϲ ευρειν ελεοϲ παρα κυ εν εκεινη τη ημερα και οϲα εν εφεϲω διηκονηϲεν βελτιον ϲυ γινωϲκειϲ
- Πρὸς Τιμόθεον Β´ 2:1
ϲυ ουν τεκνον μου ενδυναμου εν τη χαριτι τη εν χω ιυ
- Πρὸς Τιμόθεον Β´ 2:2
και α ηκουϲαϲ παρ εμου δια πολλων μαρτυρων ταυτα παραθου πιϲτοιϲ ανθρωποιϲ οιτινεϲ ικανοι εϲονται και ετερουϲ διδαξαι
- Πρὸς Τιμόθεον Β´ 2:3
ϲυγκακοπαθηϲον ωϲ καλοϲ ϲτρατιωτηϲ χυ ιυ
- Πρὸς Τιμόθεον Β´ 2:4
ουδειϲ ϲτρατευομενοϲ εμπλεκετε ταιϲ του βιου πραγματιαιϲ ϊνα τω ϲτρατολογηϲαντι αρεϲη
- Πρὸς Τιμόθεον Β´ 2:5
εαν δε και αθλη τιϲ ου ϲτεφανουται εαν μη νομιμωϲ αθληϲη
- Πρὸς Τιμόθεον Β´ 2:6
τον κοπιωντα γεωργον δει πρωοτερον των καρπων μεταλαμβανιν
- Πρὸς Τιμόθεον Β´ 2:7
νοει ο λεγω δωϲει γαρ ϲοι ο κϲ ϲυνεϲιν εν παϲιν ·
- Πρὸς Τιμόθεον Β´ 2:8
μνημονευε ιν χν εγηγερμενον εκ νεκρων · εκ ϲπερματοϲ δαδ κατα το ευαγγελιον μου
- Πρὸς Τιμόθεον Β´ 2:9
εν ω κακοπαθω μεχρι δεϲμων ωϲ κακουργοϲ αλλα ο λογοϲ του θυ δεδεται ·
- Πρὸς Τιμόθεον Β´ 2:10
δια τουτο παντα ϋπομενω δια τουϲ εκλεκτουϲ ινα και αυτοι ϲωτηριαϲ τυχωϲιν τηϲ εν χω ιυ μετα δοξηϲ αιωνιου
- Πρὸς Τιμόθεον Β´ 2:11
πιϲτοϲ ο λογοϲ ει γαρ ϲυναπεθανομεν και ϲυνζηϲομεν
- Πρὸς Τιμόθεον Β´ 2:12
ει ϋπομενομεν και ϲυνβαϲιλευϲομεν ει αρνηϲομεθα κακεινοϲ αρνηϲεται ημαϲ
- Πρὸς Τιμόθεον Β´ 2:13
ει απιϲτουμεν εκινοϲ πιϲτοϲ μενει αρνηϲαϲθαι γαρ εαυτον ου δυναται
- Πρὸς Τιμόθεον Β´ 2:14
ταυτα ϋπομιμνηϲκε διαμαρτυρομενοϲ ενωπιον του θυ μη λογομαχειν επ ουδεν χρηϲιμον επι καταϲτροφη των ακουοντων
- Πρὸς Τιμόθεον Β´ 2:15
ϲπουδαϲον ϲεαυτον δοκιμον παραϲτηϲαι τω θω εργατην ανεπεϲχυντον ορθοτομουντα τον λογον τηϲ αληθειαϲ
- Πρὸς Τιμόθεον Β´ 2:16
ταϲ δε βεβηλουϲ κενοφωνιαϲ περιιϲταϲο επι πλειον γαρ προκοψουϲιν αϲεβειαϲ
- Πρὸς Τιμόθεον Β´ 2:17
και ο λογοϲ αυτων ωϲ γαγγραινα νομην εξι ων εϲτιν ϋμεναιοϲ και φιλητοϲ
- Πρὸς Τιμόθεον Β´ 2:18
οιτινεϲ περι την αληθιαν ηϲτοχηϲαν λεγοντεϲ αναϲταϲιν ηδη γεγονεναι και ανατρεπουϲιν την πιϲτιν την τινων
- Πρὸς Τιμόθεον Β´ 2:19
ο μεντοι ϲτερεοϲ θεμελιοϲ του κυ εϲτηκεν εχων την ϲφραγιδα ταυτην εγνω κϲ πανταϲ τουϲ ονταϲ αυτου και αποϲτητω απο αδικιαϲ παϲ ο ονομαζων το ονομα κυ
- Πρὸς Τιμόθεον Β´ 2:20
εν μεγαλη δε οικια ουκ εϲτιν μονον ϲκευη χρυϲα και αργυρα αλλα και ξυλινα και οϲτρακινα και α μεν ειϲ τιμην α δε ειϲ ατιμιαν
- Πρὸς Τιμόθεον Β´ 2:21
εαν ουν τιϲ εκκαθαρη εαυτον απο τουτων ειϲ τιμην ηγιαϲμενον ευχρηϲτον τω δεϲποτη ειϲ παν εργον αγαθον ητοιμαϲμενον
- Πρὸς Τιμόθεον Β´ 2:22
ταϲ δε νεωτερικαϲ επιθυμιαϲ φευγε διωκε δε δικαιοϲυνην · πιϲτιν · αγαπην ειρηνην μετα των επικαλουμενων τον κν εκ καθαραϲ καρδιαϲ
- Πρὸς Τιμόθεον Β´ 2:23
ταϲ δε μωραϲ και απεδευτουϲ ζητηϲιϲ παραιτου ειδωϲ οτι γεννωϲι μαχαϲ
- Πρὸς Τιμόθεον Β´ 2:24
δουλον δε κυ ου δει μαχεϲθαι αλλα ηπιον ειναι προϲ πανταϲ · διδακτικον ανεξικακον
- Πρὸς Τιμόθεον Β´ 2:25
εν πραϋτητι πεδευοντα τουϲ αντιδιατιθεμενουϲ μηποτε δωη αυτοιϲ ο θϲ ειϲ επιγνωϲιν αληθειαϲ
- Πρὸς Τιμόθεον Β´ 2:26
και ανανηψωϲιν εκ τηϲ του διαβολου παγιδοϲ εζωγρημενοι ϋπ αυτου ειϲ το εκεινου θελημα ·
- Πρὸς Τιμόθεον Β´ 3:1
τουτο δε γινωϲκε οτι εν εϲχαταιϲ ημεραιϲ ενϲτηϲονται καιροι χαλεποι
- Πρὸς Τιμόθεον Β´ 3:2
εϲονται γαρ ανθρωποι φιλαυτοι φιλαργυροι · αλαζονεϲ · ϋπερηφανοι βλαϲφημοι · γονευϲιν απιθειϲ · αχαριϲτοι ανοϲιοι
- Πρὸς Τιμόθεον Β´ 3:3
αϲπονδοι διαβολοι ακρατειϲ ανημεροι αφιλαγαθοι
- Πρὸς Τιμόθεον Β´ 3:4
προδοται προπετειϲ τετυφωμενοι φιληδονοι μαλλον η φιλοθεοι
- Πρὸς Τιμόθεον Β´ 3:5
εχοντεϲ μορφωϲιν ευϲεβιαϲ την δε δυναμιν αυτηϲ ηρνημενοι και τουτουϲ αποτρεπου
- Πρὸς Τιμόθεον Β´ 3:6
εκ τουτων γαρ ειϲιν οι ενδυνοντεϲ ειϲ ταϲ οικιαϲ και αιχμαλωτιζοντεϲ γυναικαρια ϲεϲωρευμενα αμαρτιαιϲ αγομενα επιθυμιαιϲ ποικιλαιϲ
- Πρὸς Τιμόθεον Β´ 3:7
παντοτε μανθανοντα και μηδεποτε ειϲ επιγνωϲιν αληθιαϲ ελθειν δυναμενα
- Πρὸς Τιμόθεον Β´ 3:8
ον τροπον δε ϊαννηϲ και ϊαμβρηϲ αντεϲτηϲαν μωυϲει ουτωϲ και ουτοι ανθιϲτανται τη αληθεια ανθρωποι κατεφθαρμενοι τον νουν αδοκιμοι περι την πιϲτιν
- Πρὸς Τιμόθεον Β´ 3:9
αλλ ου προκοψουϲιν επι πλειον η γαρ ανοια αυτων εκδηλοϲ εϲται παϲιν ωϲ και η εκινων εγενετο
- Πρὸς Τιμόθεον Β´ 3:10
ϲυ δε παρηκολουθηϲαϲ μου τη διδαϲκαλια · τη αγωγη · τη προθεϲει · τη πιϲτι τη μακροθυμια τη αγαπη · τη υπομονη ·
- Πρὸς Τιμόθεον Β´ 3:11
τοιϲ διωγμοιϲ · τοιϲ παθημαϲιν οια μοι εγενετο εν αντιοχια εν εικονιω εν λυϲτροιϲ οιουϲ διωγμουϲ ϋπηνεγκα και εκ παντων με ερρυϲατο ο κϲ
- Πρὸς Τιμόθεον Β´ 3:12
και παντεϲ δε οι θελοντεϲ ζην ευϲεβωϲ εν χω ιυ διωχθηϲονται ·
- Πρὸς Τιμόθεον Β´ 3:13
πονηροι δε ανθρωποι και γοητεϲ προκοψουϲιν επι το χειρον πλανωντεϲ και πλανωμενοι ·
- Πρὸς Τιμόθεον Β´ 3:14
ϲυ δε μενε εν οιϲ εμαθεϲ και επιϲτωθηϲ ειδωϲ παρα τινων εμαθεϲ
- Πρὸς Τιμόθεον Β´ 3:15
και οτι απο βρεφουϲ ϊερα γραμματα οιδαϲ τα δυναμενα ϲε ϲοφιϲαι ειϲ ϲωτηριαν δια πιϲτεωϲ τηϲ εν χω ιυ
- Πρὸς Τιμόθεον Β´ 3:16
παϲα γραφη θεοπνευϲτοϲ και ωφελιμοϲ προϲ διδαϲκαλιαν · προϲ ελεγμον ˙ προϲ επανορθωϲιν · προϲ παιδιαν την εν δικαιοϲυνη
- Πρὸς Τιμόθεον Β´ 3:17
ϊνα αρτιοϲ η ο του θυ ανθρωποϲ προϲ παν εργον αγαθον εξηρτιϲμενοϲ
- Πρὸς Τιμόθεον Β´ 4:1
διαμαρτυρομαι ενωπιον του θυ και χυ ιυ του μελλοντοϲ κρινιν ζωνταϲ και νεκρουϲ και την επιφανειαν αυτου και την βαϲιλειαν αυτου
- Πρὸς Τιμόθεον Β´ 4:2
κηρυξον τον λογον επιϲτηθι ευκαιρωϲ ακαιρωϲ ελεγξον · παρακαλεϲον επιτιμηϲον εν μαϲη μακροθυμια και διδαχη
- Πρὸς Τιμόθεον Β´ 4:3
εϲται γαρ καιροϲ οτε τηϲ ϋγιαινουϲηϲ διδαϲκαλιαϲ ουκ ανεξονται αλλα κατα ταϲ ϊδιαϲ επιθυμιαϲ εαυτοιϲ επιϲωρευϲουϲιν διδαϲκαλουϲ κνηθομενοι την ακοην
- Πρὸς Τιμόθεον Β´ 4:4
και απο μεν τηϲ αληθιαϲ την ακοην αποϲτρεψουϲιν επι δε τουϲ μυθουϲ εκτραπηϲονται
- Πρὸς Τιμόθεον Β´ 4:5
ϲυ δε νηφε εν παϲιν εργον ποιηϲον ευαγγελιϲτου · την διακονιαν ϲου πληροφορηϲον
- Πρὸς Τιμόθεον Β´ 4:6
εγω γαρ ηδη ϲπενδομαι και ο καιροϲ τηϲ αναλυϲεωϲ μου εφεϲτηκεν ·
- Πρὸς Τιμόθεον Β´ 4:7
τον καλον αγωνα ηγωνιϲμαι · τον δρομον τετελεκα · την πιϲτιν τετηρηκα
- Πρὸς Τιμόθεον Β´ 4:8
λοιπον αποκειται μοι ο τηϲ δικαιοϲυνηϲ ϲτεφανοϲ ον αποδωϲει μοι ο κϲ εν εκινη τη ημερα ο δικαιοϲ κριτηϲ ου μονον δε εμοι αλλα και παϲι την επιφανειαν αυτου
- Πρὸς Τιμόθεον Β´ 4:9
ϲπουδαϲον ελθιν προϲ με ταχεωϲ
- Πρὸς Τιμόθεον Β´ 4:10
δημαϲ γαρ με εγκατελιπεν αγαπηϲαϲ τον νυν αιωνα και επορευθη ειϲ θεϲϲαλονικην κρηϲκηϲ ειϲ γαλλιαν · τιτοϲ ειϲ δαλματιαν
- Πρὸς Τιμόθεον Β´ 4:11
λουκαϲ εϲτιν μονοϲ μετ εμου μαρκον αναλαβων αγε μετα ϲεαυτου εϲτιν γαρ μοι ευχρηϲτοϲ ειϲ διακονιαν
- Πρὸς Τιμόθεον Β´ 4:12
τηχικον δε απεϲτιλα ειϲ εφεϲον
- Πρὸς Τιμόθεον Β´ 4:13
τον φελονην ον απελιπον εν τρωαδι παρα καρπω ερχομενοϲ φερε και τα βιβλια μαλιϲτα ταϲ μεμβραναϲ
- Πρὸς Τιμόθεον Β´ 4:14
αλεξανδροϲ ο χαλκευϲ πολλα μοι κακα ενεδιξατο αποδωϲει αυτω ο κϲ κατα τα εργα
- Πρὸς Τιμόθεον Β´ 4:15
ον και ϲυ φυλαϲϲου λιαν γαρ αντεϲτη τοιϲ ημετεροιϲ λογοιϲ
- Πρὸς Τιμόθεον Β´ 4:16
εν τη πρωτη μου απολογια ουδειϲ μοι παρεγενετο αλλα παντεϲ με ενκατελιπον μη αυτοιϲ λογιϲθιη
- Πρὸς Τιμόθεον Β´ 4:17
ο δε κϲ μοι παρεϲτη και ενεδυναμωϲεν με ϊνα δι εμου το κηρυγμα πληροφορηθη και ακουϲωϲιν παντα τα εθνη και ερυϲθην εκ ϲτοματοϲ λεοντοϲ
- Πρὸς Τιμόθεον Β´ 4:18
ρυϲετε με ο κϲ απο παντοϲ εργου πονηρου και ϲωϲει ειϲ την βαϲιλειαν αυτου την επουρανιον ω η δοξα ειϲ τουϲ αιωναϲ των αιωνων αμην ·
- Πρὸς Τιμόθεον Β´ 4:19
αϲπαϲαι πριϲκαν και ακυλαν και τον ονηϲιφορου οικον
- Πρὸς Τιμόθεον Β´ 4:20
εραϲτοϲ εμινεν εν κορινθω · τροφιμον δε απελιπον εν μιλητω αϲθενουντα ·
- Πρὸς Τιμόθεον Β´ 4:21
ϲπουδαϲον προ χειμωνοϲ ελθειν αϲπαζετε ϲε ευβουλοϲ και πουδηϲ και λινοϲ και κλαυδια και οι αδελφοι
- Πρὸς Τιμόθεον Β´ 4:22
ο κϲ μετα του πνϲ ϲου η χαριϲ μεθ υμων
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.