Codex Sinaiticus: Πέτρου Β´
- Πέτρου Β´ 1:1
ϲυμεων πετροϲ δουλοϲ και αποϲτολοϲ ιυ χυ τοιϲ ϊϲοτιμον ημιν λαχουϲιν πιϲτιν ειϲ δικαιοϲυνην του κυ ημων και ϲωτηροϲ ιυ χυ
- Πέτρου Β´ 1:2
χαριϲ ϋμιν και ειρηνη πληθυνθιη εν επιγνωϲι του θυ και ιυ χυ του κυ ημων
- Πέτρου Β´ 1:3
ωϲ τα παντα ημιν τηϲ θιαϲ δυναμεωϲ αυτου τα προϲ τον θν και ζωην και ευϲεβιαν δεδωρημενηϲ δια τηϲ επιγνωϲεωϲ του καλεϲαντοϲ ημαϲ ϊδια δοξη και αρετη
- Πέτρου Β´ 1:4
δι ων τα τιμια ημιν και μεγιϲτα επαγγελματα δεδωρηται ϊνα δια τουτων γενηϲθε θειαϲ φυϲεωϲ κοινωνοι αποφυγοντεϲ την εν τω κοϲμω επιθυμιαν φθοραϲ
- Πέτρου Β´ 1:5
και αυτο δε τουτο ϲπουδην παϲαν παρειϲενεγκαντεϲ χορηγηϲατε ‾‾ εν τη πιϲτι ϋμων την αρετην ‾‾ εν δε τη αρετη την γνωϲιν ‾‾
- Πέτρου Β´ 1:6
εν δε τη γνωϲι την εγκρατιαν ‾‾ εν δε τη εγκρατια την υπομονην ‾‾ εν δε τη ϋπομονη την ευϲεβειαν ‾‾
- Πέτρου Β´ 1:7
εν δε την ευϲεβια την φιλαδελφιαν ‾‾ εν δε τη φιλαδελφια την αγαπην ‾‾
- Πέτρου Β´ 1:8
ταυτα γαρ ϋμιν υπαρχοντα και πλεοναζοντα ουκ αργουϲ ουδε ακαρπουϲ ουδ καθϊϲτηϲιν ειϲ την του κυ ημων ιυ χυ επιγνωϲιν
- Πέτρου Β´ 1:9
ω γαρ μη παρεϲτιν ταυτα τυφλοϲ εϲτιν μυωπαζων ληθην λαβων του καθαριϲμου των παλαι αυτου αμαρτηματων
- Πέτρου Β´ 1:10
διο μαλλον αδελφοι ϲπουδαϲατε ϊνα δια των καλων εργων βεβαιαν ϋμων την κληϲιν και εκλογην ποιειϲθαι ταυτα γαρ ποιουντεϲ ου μη πτεϲητε ποτε
- Πέτρου Β´ 1:11
ουτωϲ γαρ πλουϲιωϲ επιχορηγηθηϲεται υμιν ειϲοδοϲ ειϲ την αιωνιον βαϲιλιαν του κυ ημων και ϲωτηροϲ ιυ χυ
- Πέτρου Β´ 1:12
διο μελληϲω αει περι τουτων ϋπομιμνηϲκιν ϋμαϲ
- Πέτρου Β´ 1:13
εν τη ϋπομνηϲει
- Πέτρου Β´ 1:14
ειδωϲ οτι ταχεινη εϲτιν η αποθεϲιϲ του ϲκηνωματοϲ μου ιϲ χϲ εδηλωϲεν μοι
- Πέτρου Β´ 1:15
ϲπουδαζω δε και εκαϲτοτε εχειν ϋμαϲ μετα την εμην εξοδον την τουτων μνημην ποιειϲθαι
- Πέτρου Β´ 1:16
ου γαρ ϲεϲοφιϲμενοιϲ μυθοιϲ εξακολουθηϲαντεϲ εγνωριϲαμεν ϋμιν την του κυ ημων ιυ χυ δυναμιν και παρουϲιαν · αλλ εποπται γενηθεντεϲ τηϲ εκεινου μεγαλειοτητοϲ
- Πέτρου Β´ 1:17
λαβων γαρ παρα του θυ πατροϲ τιμην και δοξαν φωνηϲ ενεχθιϲηϲ αυτω τοιαϲδε ϋπο τηϲ μεγαλοπρεπουϲ δοξηϲ ˙ ουτοϲ εϲτιν ο υϲ μου ο αγαπητοϲ ειϲ ον εγω ευδοκηϲα
- Πέτρου Β´ 1:18
και ταυτην την φωνην ημειϲ ηκουϲαμεν εκ του ουρανου ενεχθειϲαν ουν αυτω οντεϲ εν τω ορι τω αγιω
- Πέτρου Β´ 1:19
και εχομεν βεβαιοτερον τον προφητικον λογον ω καλωϲ ποιειται προϲεχοντεϲ ωϲ λυχνω φαινοντι εν αυχμηρω τοπω εωϲ ου η ημερα διαυγαϲη και φωϲφοροϲ ανατιλη εν ταιϲ καρδιαιϲ ϋμων
- Πέτρου Β´ 1:20
τουτο πρωτον γινωϲκοντεϲ οτι παϲα προφητια γραφηϲ ιδιαϲ επιλυϲεωϲ ου γινεται
- Πέτρου Β´ 1:21
ου γαρ θεληματι ανθρωπου ηνεχθη ποτε προφητεια αλλα υπο πνϲ αγιου φερομενοι ελαληϲαν αγιοι θυ ανθρωποι
- Πέτρου Β´ 2:1
εγενοντο δε και ψευδοπροφηται εν τω λαω ωϲ και εν υμιν εϲονται ψευδοδιδαϲκαλοι οιτινεϲ παριϲαξουϲιν αιρεϲειϲ απωλιαϲ και τον αγοραϲαντα αυτουϲ δεϲποτην αρνουμενοι επαγοντεϲ εαυτοιϲ ταχινην απωλιαν
- Πέτρου Β´ 2:2
και πολλοι εξακολουθηϲουϲιν αυτων ταιϲ αϲελγιαιϲ δι ουϲ η οδοϲ τηϲ αληθιαϲ βλαϲφημηθηϲεται
- Πέτρου Β´ 2:3
και εν πλεονεξια πλαϲτοιϲ λογοιϲ ϋμαϲ εκπορευϲονται οιϲ το κριμα εκπαλαι ουκ αργει και η απωλεια αυτων ου νυϲταζει
- Πέτρου Β´ 2:4
η γαρ ο θϲ αγγελων αμαρτηϲαντων ουκ εφιϲατο αλλα ϲιροιϲ ζοφοιϲ ταρταρωϲαϲ παρεδωκεν ειϲ κριϲιν κολαζομενουϲ τηριν
- Πέτρου Β´ 2:5
και αρχαιου κοϲμου ουκ εφιϲατο αλλα ογδοον νωε δικαιοϲυνηϲ κηρυκα εφυλαξεν κατακλυϲμον κοϲμον αϲεβων επαξαϲ ·
- Πέτρου Β´ 2:6
και πολιϲ ϲοδομων και γομορραϲ τεφρωϲαϲ καταϲτροφη κατεκρινεν ϋποδιγμα μελλοντων αϲεβειν τεθικωϲ
- Πέτρου Β´ 2:7
και δικαιον λωτ καταπονουμενον ϋπο τηϲ των αθεϲμων εν αϲελγια αναϲτροφηϲ ερρυϲατο
- Πέτρου Β´ 2:8
βλεμματι γαρ και ακοη ο δικαιοϲ ενκατοικων εν αυτοιϲ ημεραν εξ ημεραϲ ψυχην δικαιαν ανομοιϲ εργοιϲ εβαϲανιζεν
- Πέτρου Β´ 2:9
οιδεν κϲ ευϲεβειϲ εκ πιραϲμων ρυεϲθαι αδικουϲ δε πεφυλακιϲμενουϲ ειϲ ηραν κριϲεωϲ κολαζομενουϲ τηριν
- Πέτρου Β´ 2:10
μαλιϲτα δε τουϲ οπιϲω ϲαρκοϲ εν επιθυμιαϲ μιαϲμου πορευομενουϲ και κυριοτητοϲ καταφρονουνταϲ τολμηται αυθαδιϲ δοξαϲ ου τρεμουϲιν βλαϲφημουντεϲ
- Πέτρου Β´ 2:11
οπου αγγελοι ϊϲχυει και δυναμι μιζονεϲ οντεϲ ου φερουϲιν κατ αυτων παρα κω βλαϲφημον κριϲιν
- Πέτρου Β´ 2:12
αυτοι δε ωϲ αλογα ζωα γεγενημενα φυϲικα ειϲ αλωϲιν και φθοραν εν οιϲ αγνοουντεϲ βλαϲφημουϲιν εν τη φθορα αυτων και φθαρηϲονται
- Πέτρου Β´ 2:13
αδικουμενοι μιϲθον αδικιαϲ ηδονην ηγουμενοι την εν ημερα τρυφην ϲπιλοι και μωμοι εντρυφωντεϲ εν ταιϲ απαταιϲ αυτων ϲυνευωχουμενοι υμιν
- Πέτρου Β´ 2:14
οφθαλμουϲ εχοντεϲ μεϲτουϲ μοιχαλιαϲ και ακαταπαυϲτουϲ αμαρτιαιϲ δελεαζοντεϲ ψυχαϲ αϲτηρικτουϲ καρδιαν γεγυμναϲμενην πλεονεξιαϲ εχοντεϲ καταραϲ τεκνα
- Πέτρου Β´ 2:15
καταλειποντεϲ ευθειαν οδον επλανηθηϲαν εξακολουθηϲαντεϲ τη οδω του βαλααμ του βεωορϲορ μιϲθον αδικιαϲ ηγαπηϲεν
- Πέτρου Β´ 2:16
ελεγξειν δε εϲχεν ϊδιαϲ παρανομιαϲ υποζυγιον αφωνον ανθρωπου φωνη φθεγξαμενον εκωλυϲεν την του προφητου παραφρονιαν
- Πέτρου Β´ 2:17
ουτοι ειϲιν πηγαι ανυδροι και ομιχλαι ϋπο λελαποϲ ελαυνομεναι οιϲ ο ζοφοϲ του ϲκοτουϲ τετηρηται
- Πέτρου Β´ 2:18
ϋπερογκα γαρ μαθηταιοτητοϲ φθεγγομενοι δελεαζουϲιν εν επιθυμιαιϲ ϲαρκοϲ αϲελγιαιϲ του οντωϲ αποφευγονταϲ τουϲ εν πλανη αναϲτρεφομενουϲ
- Πέτρου Β´ 2:19
ελευθεριαν ελευθεριαν αυτοιϲ επαγγελλομενοι αυτοι δουλοι ϋπαρχοντεϲ τηϲ φθοραϲ ω γαρ τιϲ ηττηται τουτω δεδουλωται
- Πέτρου Β´ 2:20
ει γαρ αποφυγοντεϲ τα μιαϲματα του κοϲμου εν επιγνωϲει του κυ ημων και ϲωτηροϲ ιυ χυ τουτοιϲ δε παλιν εμπλακεντεϲ ηττωνται γεγονεν αυτοιϲ τα εϲχατα χειρονα των πρωτων
- Πέτρου Β´ 2:21
κριϲϲον γαρ ην αυτοιϲ μη επεγνωκεναι την οδον τηϲ δικαιοϲυνηϲ η επιγνουϲιν ειϲ τα οπιϲω ανακαμψαι απο τηϲ παραδοθιϲηϲ αυτοιϲ αγιαϲ εντοληϲ
- Πέτρου Β´ 2:22
ϲυμβεβηκεν αυτοιϲ το τηϲ αληθουϲ παροιμιαϲ κυων επιϲτρεψαϲ επι το ϊδιον εξεραμα και ϋϲ λουϲαμενη ειϲ κυλιϲμα βορβορου ·
- Πέτρου Β´ 3:1
ταυτην ηδη αγαπητοι δευτεραν ϋμιν γραφω επιϲτολην εν αιϲ διεγειρω υμων εν υπομνηϲι την ειλικρινη διανοιαν
- Πέτρου Β´ 3:2
μνηϲθηναι των προειρημενων ρηματων ϋπο των αγιων προφητων και τηϲ των αποϲτολων υμων εντοληϲ του κυ και ϲωτηροϲ
- Πέτρου Β´ 3:3
τουτο πρωτον γιγνωϲκοντεϲ οτι ελευϲονται επ εϲχατων των ημερων εν εμπεγμονη εμπεκται κατα ταϲ ϊδιαϲ αυτων επιθυμιαϲ πορευομενοι
- Πέτρου Β´ 3:4
και λεγοντεϲ που εϲτιν η επαγγελια τηϲ παρουϲιαϲ αυτου αφ ηϲ γαρ οι πατερεϲ εκοιμηθηϲαν παντα ουτωϲ διαμενι απ αρχηϲ κτιϲεωϲ
- Πέτρου Β´ 3:5
λανθανει γαρ αυτουϲ τουτο θελονταϲ οτι ουρανοι ηϲαν εκπαλαι και γη εξ υδατοϲ και δια ϋδατοϲ ϲυνεϲτωτα τω του θυ λογω
- Πέτρου Β´ 3:6
δι ων ο τοτε κοϲμοϲ υδατι κατακλυϲθειϲ απωλετο ·
- Πέτρου Β´ 3:7
οι δε νυν ουρανοι και η γη τω αυτου λογω τεθηϲαυριϲμενοι ειϲιν πυρι τηρουμενοι ειϲ ημεραν κριϲεωϲ και απωλειαϲ των αϲεβων ανθρωπων ·
- Πέτρου Β´ 3:8
εν δε τουτο μη λανθανετω ϋμαϲ αγαπητοι οτι μια ημερα παρα κυ ωϲ χιλια ετη ωϲ ημερα μια ·
- Πέτρου Β´ 3:9
ου βραδυνει κϲ τηϲ επαγγελιαϲ ωϲ τινεϲ βραδυτητα ηγουνται αλλα μακροθυμι δι ϋμαϲ μη βουλομενοϲ τιναϲ απολεϲθαι αλλα παντεϲ ειϲ μετανοιαν χωρηϲαι ·
- Πέτρου Β´ 3:10
ηξει δε η ημερα κυ ωϲ κλεπτηϲ εν η ουρανοι μεν ρυζηδον παρελευϲονται ϲτοιχεια δε καυϲουμενα λυθηϲεται γη και τα εν αυτη εργα ευρεθηϲεται
- Πέτρου Β´ 3:11
τουτων ουν παντων λυομενων ποταπουϲ δει ϋπαρχειν ημαϲ εν αγιαιϲ αναϲτροφαιϲ και ευϲεβειαιϲ
- Πέτρου Β´ 3:12
προϲδοκωνταϲ την παρουϲιαν τηϲ του θυ ημεραϲ δι ην ουρανοι πυρουμενοι λυθηϲονται και ϲτοιχια καυϲουμενα τηκεται
- Πέτρου Β´ 3:13
καινουϲ δε ουρανουϲ και κενην γην κατα τα επαγγελματα αυτου προϲδοκωμεν εν οιϲ δικαιοϲυνη κατοικει ·
- Πέτρου Β´ 3:14
διο αγαπητοι ταυτα προϲδοκωντεϲ ϲπουδαϲατε αϲπιλοι και αμωμητοι αυτω ευρεθηναι εν ειρηνη
- Πέτρου Β´ 3:15
και την του κυ ημων μακροθυμιαν ϲωτηριαν αγειϲθαι καθωϲ και ο αγαπητοϲ ημων αδελφοϲ παυλοϲ κατα την δοθειαν αυτω ϲοφιαν εγραψεν ϋμιν
- Πέτρου Β´ 3:16
ωϲ και εν παϲαιϲ ταιϲ επιϲτολαιϲ λαλων εν αυταιϲ περι τουτων εν αιϲ εϲτιν δυϲνοητα τινα α οι αμαθειϲ και αϲτηρικτοι ϲτρεβλουϲιν ωϲ και ταϲ λοιπαϲ γραφαϲ προϲ την ϊδιαν αυτων απωλειαν
- Πέτρου Β´ 3:17
ϋμειϲ ουν αγαπητοι προγινωϲκοντεϲ φυλαϲϲεϲθαι ϊνα μη τη των αθεϲμων πλανη ϲυναπαχθεντεϲ εκπεϲητε του ϊδιου ϲτηριγμου
- Πέτρου Β´ 3:18
αυξανετε δε εν χαριτι και γνωϲι του κυ ημων και ϲωτηροϲ ιυ χυ αυτω η δοξα και νυν και ειϲ ημεραν αιωνοϲ αμην ·
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.