← Library

9 Dhammayamaka — 9.2 Pavattivāra — 9.2.3. Uppādanirodhavāra

Early Buddhist texts (SuttaCentral): Abhidhamma · abhidhamma · 305 sections

1. ya9.2.3:0.1

   9 Dhammayamaka

2. ya9.2.3:0.2

   9.2 Pavattivāra

3. ya9.2.3:0.3

   9.2.3. Uppādanirodhavāra

4. ya9.2.3:1.0.1

   9.2.3.1. Paccuppannavāra

5. ya9.2.3:1.0.2

   9.2.3.1.1. Anulomapuggala

6. ya9.2.3:1.1

   Yassa kusalā dhammā uppajjanti tassa akusalā dhammā nirujjhantīti? No.

7. ya9.2.3:2.1

   Yassa vā pana akusalā dhammā nirujjhanti tassa kusalā dhammā uppajjantīti? No.

8. ya9.2.3:3.1

   Yassa kusalā dhammā uppajjanti tassa abyākatā dhammā nirujjhantīti? No.

9. ya9.2.3:4.1

   Yassa vā pana abyākatā dhammā nirujjhanti tassa kusalā dhammā uppajjantīti? No.

10. ya9.2.3:5.1

    Yassa akusalā dhammā uppajjanti tassa abyākatā dhammā nirujjhantīti? No.

11. ya9.2.3:6.1

    Yassa vā pana abyākatā dhammā nirujjhanti tassa akusalā dhammā uppajjantīti? No.

12. ya9.2.3:7.0

    9.2.3.1.2. Anulomaokāsa

13. ya9.2.3:7.1

    Yattha kusalā dhammā uppajjanti tattha akusalā dhammā nirujjhantīti? Āmantā.

14. ya9.2.3:8.1

    Yattha vā pana akusalā dhammā nirujjhanti tattha kusalā dhammā uppajjantīti? Āmantā.

15. ya9.2.3:9.1

    Yattha kusalā dhammā uppajjanti tattha abyākatā dhammā nirujjhantīti? Āmantā.

16. ya9.2.3:10.1

    Yattha vā pana abyākatā dhammā nirujjhanti tattha kusalā dhammā uppajjantīti?

17. ya9.2.3:11.1

    Asaññasatte tattha abyākatā dhammā nirujjhanti, no ca tattha kusalā dhammā uppajjanti. Catuvokāre pañcavokāre tattha abyākatā ca dhammā nirujjhanti kusalā ca dhammā uppajjanti.

18. ya9.2.3:12.1

    Yattha akusalā dhammā uppajjanti tattha abyākatā dhammā nirujjhantīti? Āmantā.

19. ya9.2.3:13.1

    Yattha vā pana abyākatā dhammā nirujjhanti tattha akusalā dhammā uppajjantīti?

20. ya9.2.3:14.1

    Asaññasatte tattha abyākatā dhammā nirujjhanti, no ca tattha akusalā dhammā uppajjanti. Catuvokāre pañcavokāre tattha abyākatā ca dhammā nirujjhanti akusalā ca dhammā uppajjanti.

21. ya9.2.3:15.0

    9.2.3.1.3. Anulomapuggalokāsa

22. ya9.2.3:15.1

    Yassa yattha kusalā dhammā uppajjanti tassa tattha akusalā dhammā nirujjhantīti? No.

23. ya9.2.3:16.1

    Yassa vā pana yattha akusalā dhammā nirujjhanti tassa tattha kusalā dhammā uppajjantīti? No.

24. ya9.2.3:17.1

    Yassa yattha kusalā dhammā uppajjanti tassa tattha abyākatā dhammā nirujjhantīti? No.

25. ya9.2.3:18.1

    Yassa vā pana yattha abyākatā dhammā nirujjhanti tassa tattha kusalā dhammā uppajjantīti? No.

26. ya9.2.3:19.1

    Yassa yattha akusalā dhammā uppajjanti tassa tattha abyākatā dhammā nirujjhantīti? No.

27. ya9.2.3:20.1

    Yassa vā pana yattha abyākatā dhammā nirujjhanti tassa tattha akusalā dhammā uppajjantīti? No.

28. ya9.2.3:21.0

    9.2.3.1.4. Paccanīkapuggala

29. ya9.2.3:21.1

    Yassa kusalā dhammā na uppajjanti tassa akusalā dhammā na nirujjhantīti?

30. ya9.2.3:22.1

    Akusalānaṁ bhaṅgakkhaṇe tesaṁ kusalā dhammā na uppajjanti, no ca tesaṁ akusalā dhammā na nirujjhanti. Kusalavippayuttacittassa uppādakkhaṇe akusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ kusalā ca dhammā na uppajjanti akusalā ca dhammā na nirujjhanti.

31. ya9.2.3:23.1

    Yassa vā pana akusalā dhammā na nirujjhanti tassa kusalā dhammā na uppajjantīti?

32. ya9.2.3:24.1

    Kusalānaṁ uppādakkhaṇe tesaṁ akusalā dhammā na nirujjhanti, no ca tesaṁ kusalā dhammā na uppajjanti. Akusalavippayuttacittassa bhaṅgakkhaṇe kusalavippayuttacittassa uppādakkhaṇe nirodhasamāpannānaṁ asaññasattānaṁ tesaṁ akusalā ca dhammā na nirujjhanti kusalā ca dhammā na uppajjanti.

33. ya9.2.3:25.1

    Yassa kusalā dhammā na uppajjanti tassa abyākatā dhammā na nirujjhantīti?

34. ya9.2.3:26.1

    Sabbesaṁ cavantānaṁ pavatte cittassa bhaṅgakkhaṇe tesaṁ kusalā dhammā na uppajjanti, no ca tesaṁ abyākatā dhammā na nirujjhanti. Sabbesaṁ upapajjantānaṁ pavatte kusalavippayuttacittassa uppādakkhaṇe arūpe kusalākusalānaṁ bhaṅgakkhaṇe tesaṁ kusalā ca dhammā na uppajjanti abyākatā ca dhammā na nirujjhanti.

35. ya9.2.3:27.1

    Yassa vā pana abyākatā dhammā na nirujjhanti tassa kusalā dhammā na uppajjantīti?

36. ya9.2.3:28.1

    Kusalānaṁ uppādakkhaṇe tesaṁ abyākatā dhammā na nirujjhanti, no ca tesaṁ kusalā dhammā na uppajjanti. Sabbesaṁ upapajjantānaṁ pavatte kusalavippayuttacittassa uppādakkhaṇe arūpe kusalākusalānaṁ bhaṅgakkhaṇe tesaṁ abyākatā ca dhammā na nirujjhanti kusalā ca dhammā na uppajjanti.

37. ya9.2.3:29.1

    Yassa akusalā dhammā na uppajjanti tassa abyākatā dhammā na nirujjhantīti?

38. ya9.2.3:30.1

    Sabbesaṁ cavantānaṁ pavatte cittassa bhaṅgakkhaṇe tesaṁ akusalā dhammā na uppajjanti, no ca tesaṁ abyākatā dhammā na nirujjhanti. Sabbesaṁ upapajjantānaṁ pavatte akusalavippayuttacittassa uppādakkhaṇe arūpe kusalākusalānaṁ bhaṅgakkhaṇe tesaṁ akusalā ca dhammā na uppajjanti abyākatā ca dhammā na nirujjhanti.

39. ya9.2.3:31.1

    Yassa vā pana abyākatā dhammā na nirujjhanti tassa akusalā dhammā na uppajjantīti?

40. ya9.2.3:32.1

    Akusalānaṁ uppādakkhaṇe tesaṁ abyākatā dhammā na nirujjhanti, no ca tesaṁ akusalā dhammā na uppajjanti. Sabbesaṁ upapajjantānaṁ pavatte akusalavippayuttacittassa uppādakkhaṇe arūpe kusalākusalānaṁ bhaṅgakkhaṇe tesaṁ abyākatā ca dhammā na nirujjhanti akusalā ca dhammā na uppajjanti.

41. ya9.2.3:33.0

    9.2.3.1.5. Paccanīkaokāsa

42. ya9.2.3:33.1

    Yattha kusalā dhammā na uppajjanti tattha akusalā dhammā na nirujjhantīti? Āmantā.

43. ya9.2.3:34.1

    Yattha vā pana akusalā dhammā na nirujjhanti tattha kusalā dhammā na uppajjantīti? Āmantā.

44. ya9.2.3:35.1

    Yattha kusalā dhammā na uppajjanti tattha abyākatā dhammā na nirujjhantīti? Nirujjhanti.

45. ya9.2.3:36.1

    Yattha vā pana abyākatā dhammā na nirujjhanti tattha kusalā dhammā na uppajjantīti? Natthi.

46. ya9.2.3:37.1

    Yattha akusalā dhammā na uppajjanti tattha abyākatā dhammā na nirujjhantīti? Nirujjhanti.

47. ya9.2.3:38.1

    Yattha vā pana abyākatā dhammā na nirujjhanti tattha akusalā dhammā na uppajjantīti? Natthi.

48. ya9.2.3:39.0

    9.2.3.1.6. Paccanīkapuggalokāsa

49. ya9.2.3:39.1

    Yassa yattha kusalā dhammā na uppajjanti tassa tattha akusalā dhammā na nirujjhantīti?

50. ya9.2.3:40.1

    Akusalānaṁ bhaṅgakkhaṇe tesaṁ tattha kusalā dhammā na uppajjanti, no ca tesaṁ tattha akusalā dhammā na nirujjhanti. Kusalavippayuttacittassa uppādakkhaṇe akusalavippayuttacittassa bhaṅgakkhaṇe asaññasattānaṁ tesaṁ tattha kusalā ca dhammā na uppajjanti akusalā ca dhammā na nirujjhanti.

51. ya9.2.3:41.1

    Yassa vā pana yattha akusalā dhammā na nirujjhanti tassa tattha kusalā dhammā na uppajjantīti?

52. ya9.2.3:42.1

    Kusalānaṁ uppādakkhaṇe tesaṁ tattha akusalā dhammā na nirujjhanti, no ca tesaṁ tattha kusalā dhammā na uppajjanti. Akusalavippayuttacittassa bhaṅgakkhaṇe kusalavippayuttacittassa uppādakkhaṇe asaññasattānaṁ tesaṁ tattha akusalā ca dhammā na nirujjhanti kusalā ca dhammā na uppajjanti.

53. ya9.2.3:43.1

    Yassa yattha kusalā dhammā na uppajjanti tassa tattha abyākatā dhammā na nirujjhantīti?

54. ya9.2.3:44.1

    Sabbesaṁ cavantānaṁ pavatte cittassa bhaṅgakkhaṇe tesaṁ tattha kusalā dhammā na uppajjanti, no ca tesaṁ tattha abyākatā dhammā na nirujjhanti. Sabbesaṁ upapajjantānaṁ pavatte kusalavippayuttacittassa uppādakkhaṇe arūpe kusalākusalānaṁ bhaṅgakkhaṇe tesaṁ tattha kusalā ca dhammā na uppajjanti abyākatā ca dhammā na nirujjhanti.

55. ya9.2.3:45.1

    Yassa vā pana yattha abyākatā dhammā na nirujjhanti tassa tattha kusalā dhammā na uppajjantīti?

56. ya9.2.3:46.1

    Kusalānaṁ uppādakkhaṇe tesaṁ tattha abyākatā dhammā na nirujjhanti, no ca tesaṁ tattha kusalā dhammā na uppajjanti. Sabbesaṁ upapajjantānaṁ pavatte kusalavippayuttacittassa uppādakkhaṇe arūpe kusalākusalānaṁ bhaṅgakkhaṇe tesaṁ tattha abyākatā ca dhammā na nirujjhanti kusalā ca dhammā na uppajjanti.

57. ya9.2.3:47.1

    Yassa yattha akusalā dhammā na uppajjanti tassa tattha abyākatā dhammā na nirujjhantīti?

58. ya9.2.3:48.1

    Sabbesaṁ cavantānaṁ pavatte cittassa bhaṅgakkhaṇe tesaṁ tattha akusalā dhammā na uppajjanti, no ca tesaṁ tattha abyākatā dhammā na nirujjhanti. Sabbesaṁ upapajjantānaṁ pavatte akusalavippayuttacittassa uppādakkhaṇe arūpe kusalākusalānaṁ bhaṅgakkhaṇe tesaṁ tattha akusalā ca dhammā na uppajjanti abyākatā ca dhammā na nirujjhanti.

59. ya9.2.3:49.1

    Yassa vā pana yattha abyākatā dhammā na nirujjhanti tassa tattha akusalā dhammā na uppajjantīti?

60. ya9.2.3:50.1

    Akusalānaṁ uppādakkhaṇe tesaṁ tattha abyākatā dhammā na nirujjhanti, no ca tesaṁ tattha akusalā dhammā na uppajjanti. Sabbesaṁ upapajjantānaṁ pavatte akusalavippayuttacittassa uppādakkhaṇe arūpe kusalākusalānaṁ bhaṅgakkhaṇe tesaṁ tattha abyākatā ca dhammā na nirujjhanti akusalā ca dhammā na uppajjanti.

61. ya9.2.3:51.0.1

    9.2.3.2. Atītavāra

62. ya9.2.3:51.0.2

    9.2.3.2.1. Anulomapuggala

63. ya9.2.3:51.1

    Yassa kusalā dhammā uppajjittha tassa akusalā dhammā nirujjhitthāti? Āmantā.

64. ya9.2.3:52.1

    Yassa vā pana akusalā dhammā nirujjhittha tassa kusalā dhammā uppajjitthāti? Āmantā.

65. ya9.2.3:53.1

    Yassa kusalā dhammā uppajjittha tassa abyākatā dhammā nirujjhitthāti? Āmantā.

66. ya9.2.3:54.1

    Yassa vā pana abyākatā dhammā nirujjhittha tassa kusalā dhammā uppajjitthāti? Āmantā.

67. ya9.2.3:55.1

    Yassa akusalā dhammā uppajjittha tassa abyākatā dhammā nirujjhitthāti? Āmantā.

68. ya9.2.3:56.1

    Yassa vā pana abyākatā dhammā nirujjhittha tassa akusalā dhammā uppajjitthāti? Āmantā.

69. ya9.2.3:57.0

    9.2.3.2.2. Anulomaokāsa

70. ya9.2.3:57.1

    Yattha kusalā dhammā uppajjittha tattha akusalā dhammā nirujjhitthāti? Āmantā.

71. ya9.2.3:58.1

    Yattha vā pana akusalā dhammā nirujjhittha tattha kusalā dhammā uppajjitthāti? Āmantā.

72. ya9.2.3:59.1

    Yattha kusalā dhammā uppajjittha tattha abyākatā dhammā nirujjhitthāti? Āmantā.

73. ya9.2.3:60.1

    Yattha vā pana abyākatā dhammā nirujjhittha tattha kusalā dhammā uppajjitthāti?

74. ya9.2.3:61.1

    Asaññasatte tattha abyākatā dhammā nirujjhittha, no ca tattha kusalā dhammā uppajjittha. Catuvokāre pañcavokāre tattha abyākatā ca dhammā nirujjhittha kusalā ca dhammā uppajjittha.

75. ya9.2.3:62.1

    Yattha akusalā dhammā uppajjittha tattha abyākatā dhammā nirujjhitthāti? Āmantā.

76. ya9.2.3:63.1

    Yattha vā pana abyākatā dhammā nirujjhittha tattha akusalā dhammā uppajjitthāti?

77. ya9.2.3:64.1

    Asaññasatte tattha abyākatā dhammā nirujjhittha, no ca tattha akusalā dhammā uppajjittha. Catuvokāre pañcavokāre tattha abyākatā ca dhammā nirujjhittha akusalā ca dhammā uppajjittha.

78. ya9.2.3:65.0

    9.2.3.2.3. Anulomapuggalokāsa

79. ya9.2.3:65.1

    Yassa yattha kusalā dhammā uppajjittha tassa tattha akusalā dhammā nirujjhitthāti? Āmantā.

80. ya9.2.3:66.1

    Yassa vā pana yattha akusalā dhammā nirujjhittha tassa tattha kusalā dhammā uppajjitthāti?

81. ya9.2.3:67.1

    Suddhāvāsānaṁ dutiye akusale citte vattamāne tesaṁ tattha akusalā dhammā nirujjhittha, no ca tesaṁ tattha kusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha akusalā ca dhammā nirujjhittha kusalā ca dhammā uppajjittha.

82. ya9.2.3:68.1

    Yassa yattha kusalā dhammā uppajjittha tassa tattha abyākatā dhammā nirujjhitthāti? Āmantā.

83. ya9.2.3:69.1

    Yassa vā pana yattha abyākatā dhammā nirujjhittha tassa tattha kusalā dhammā uppajjitthāti?

84. ya9.2.3:70.1

    Suddhāvāsānaṁ dutiye citte vattamāne asaññasattānaṁ tesaṁ tattha abyākatā dhammā nirujjhittha, no ca tesaṁ tattha kusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā nirujjhittha kusalā ca dhammā uppajjittha.

85. ya9.2.3:71.1

    Yassa yattha akusalā dhammā uppajjittha tassa tattha abyākatā dhammā nirujjhitthāti? Āmantā.

86. ya9.2.3:72.1

    Yassa vā pana yattha abyākatā dhammā nirujjhittha tassa tattha akusalā dhammā uppajjitthāti?

87. ya9.2.3:73.1

    Suddhāvāsānaṁ dutiye citte vattamāne asaññasattānaṁ tesaṁ tattha abyākatā dhammā nirujjhittha, no ca tesaṁ tattha akusalā dhammā uppajjittha. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā nirujjhittha akusalā ca dhammā uppajjittha.

88. ya9.2.3:74.0

    9.2.3.2.4. Paccanīkapuggala

89. ya9.2.3:74.1

    Yassa kusalā dhammā na uppajjittha tassa akusalā dhammā na nirujjhitthāti? Natthi.

90. ya9.2.3:75.1

    Yassa vā pana akusalā dhammā na nirujjhittha tassa kusalā dhammā na uppajjitthāti? Natthi.

91. ya9.2.3:76.1

    Yassa kusalā dhammā na uppajjittha tassa abyākatā dhammā na nirujjhitthāti? Natthi.

92. ya9.2.3:77.1

    Yassa vā pana abyākatā dhammā na nirujjhittha tassa kusalā dhammā na uppajjitthāti? Natthi.

93. ya9.2.3:78.1

    Yassa akusalā dhammā na uppajjittha tassa abyākatā dhammā na nirujjhitthāti? Natthi.

94. ya9.2.3:79.1

    Yassa vā pana abyākatā dhammā na nirujjhittha tassa akusalā dhammā na uppajjitthāti? Natthi.

95. ya9.2.3:80.0

    9.2.3.2.5. Paccanīkaokāsa

96. ya9.2.3:80.1

    Yattha kusalā dhammā na uppajjittha tattha akusalā dhammā na nirujjhitthāti? Āmantā.

97. ya9.2.3:81.1

    Yattha vā pana akusalā dhammā na nirujjhittha tattha kusalā dhammā na uppajjitthāti? Āmantā.

98. ya9.2.3:82.1

    Yattha kusalā dhammā na uppajjittha tattha abyākatā dhammā na nirujjhitthāti? Nirujjhittha.

99. ya9.2.3:83.1

    Yattha vā pana abyākatā dhammā na nirujjhittha tattha kusalā dhammā na uppajjitthāti? Natthi.

100. ya9.2.3:84.1

     Yattha akusalā dhammā na uppajjittha tattha abyākatā dhammā na nirujjhitthāti? Nirujjhittha.

Next → — showing 1–100 of 305

SuttaCentral (suttacentral.net), from the bilara-data and sc-data repositories. Licence: Public Domain. Source.