← Library

8 Cittayamaka — 8.2 Niddesa — 8.2.1. Suddhacittasāmañña

Early Buddhist texts (SuttaCentral): Abhidhamma · abhidhamma · 335 sections

1. ya8.2.1:263.1

   Atītaṁ cittaṁ na uppajjati, no ca tassa taṁ cittaṁ na uppajjittha. Bhaṅgakkhaṇe anāgatañca cittaṁ na ceva uppajjati na ca uppajjittha.

2. ya8.2.1:264.1

   Yassa vā pana yaṁ cittaṁ na uppajjittha tassa taṁ cittaṁ na uppajjatīti?

3. ya8.2.1:265.1

   Uppādakkhaṇe cittaṁ na uppajjittha, no ca tassa taṁ cittaṁ na uppajjati. Bhaṅgakkhaṇe anāgatañca cittaṁ na ceva uppajjittha na ca uppajjati.

4. ya8.2.1:266.1

   Yassa yaṁ cittaṁ uppajjati tassa taṁ cittaṁ uppajjissatīti? No.

5. ya8.2.1:267.1

   Yassa vā pana yaṁ cittaṁ uppajjissati tassa taṁ cittaṁ uppajjatīti? No.

6. ya8.2.1:268.1

   Yassa yaṁ cittaṁ na uppajjati tassa taṁ cittaṁ na uppajjissatīti?

7. ya8.2.1:269.1

   Anāgataṁ cittaṁ na uppajjati, no ca tassa taṁ cittaṁ na uppajjissati. Bhaṅgakkhaṇe atītañca cittaṁ na ceva uppajjati na ca uppajjissati.

8. ya8.2.1:270.1

   Yassa vā pana yaṁ cittaṁ na uppajjissati tassa taṁ cittaṁ na uppajjatīti?

9. ya8.2.1:271.1

   Uppādakkhaṇe cittaṁ na uppajjissati, no ca tassa taṁ cittaṁ na uppajjati. Bhaṅgakkhaṇe atītañca cittaṁ na ceva uppajjissati na ca uppajjati.

10. ya8.2.1:272.1

    Yassa yaṁ cittaṁ uppajjittha tassa taṁ cittaṁ uppajjissatīti? No.

11. ya8.2.1:273.1

    Yassa vā pana yaṁ cittaṁ uppajjissati tassa taṁ cittaṁ uppajjitthāti? No.

12. ya8.2.1:274.1

    Yassa yaṁ cittaṁ na uppajjittha tassa taṁ cittaṁ na uppajjissatīti?

13. ya8.2.1:275.1

    Anāgataṁ cittaṁ na uppajjittha, no ca tassa taṁ cittaṁ na uppajjissati. Paccuppannaṁ cittaṁ na ceva uppajjittha na ca uppajjissati.

14. ya8.2.1:276.1

    Yassa vā pana yaṁ cittaṁ na uppajjissati tassa taṁ cittaṁ na uppajjitthāti?

15. ya8.2.1:277.1

    Atītaṁ cittaṁ na uppajjissati, no ca tassa taṁ cittaṁ na uppajjittha. Paccuppannaṁ cittaṁ na ceva uppajjissati na ca uppajjittha.

16. ya8.2.1:278.0

    8.2.1.3.5. Nirodhavāra

17. ya8.2.1:278.1

    Yassa yaṁ cittaṁ nirujjhati tassa taṁ cittaṁ nirujjhitthāti? No.

18. ya8.2.1:279.1

    Yassa vā pana yaṁ cittaṁ nirujjhittha tassa taṁ cittaṁ nirujjhatīti? No.

19. ya8.2.1:280.1

    Yassa yaṁ cittaṁ na nirujjhati tassa taṁ cittaṁ na nirujjhitthāti?

20. ya8.2.1:281.1

    Atītaṁ cittaṁ na nirujjhati, no ca tassa taṁ cittaṁ na nirujjhittha. Uppādakkhaṇe anāgatañca cittaṁ na ceva nirujjhati na ca nirujjhittha.

21. ya8.2.1:282.1

    Yassa vā pana yaṁ cittaṁ na nirujjhittha tassa taṁ cittaṁ na nirujjhatīti?

22. ya8.2.1:283.1

    Bhaṅgakkhaṇe cittaṁ na nirujjhittha, no ca tassa taṁ cittaṁ na nirujjhati. Uppādakkhaṇe anāgatañca cittaṁ na ceva nirujjhittha na ca nirujjhati.

23. ya8.2.1:284.1

    Yassa yaṁ cittaṁ nirujjhati tassa taṁ cittaṁ nirujjhissatīti? No.

24. ya8.2.1:285.1

    Yassa vā pana yaṁ cittaṁ nirujjhissati tassa taṁ cittaṁ nirujjhatīti? No.

25. ya8.2.1:286.1

    Yassa yaṁ cittaṁ na nirujjhati tassa taṁ cittaṁ na nirujjhissatīti?

26. ya8.2.1:287.1

    Uppādakkhaṇe anāgatañca cittaṁ na nirujjhati, no ca tassa taṁ cittaṁ na nirujjhissati. Atītaṁ cittaṁ na ceva nirujjhati na ca nirujjhissati.

27. ya8.2.1:288.1

    Yassa vā pana yaṁ cittaṁ na nirujjhissati tassa taṁ cittaṁ na nirujjhatīti?

28. ya8.2.1:289.1

    Bhaṅgakkhaṇe cittaṁ na nirujjhissati, no ca tassa taṁ cittaṁ na nirujjhati. Atītaṁ cittaṁ na ceva nirujjhissati na ca nirujjhati.

29. ya8.2.1:290.1

    Yassa yaṁ cittaṁ nirujjhittha tassa taṁ cittaṁ nirujjhissatīti? No.

30. ya8.2.1:291.1

    Yassa vā pana yaṁ cittaṁ nirujjhissati tassa taṁ cittaṁ nirujjhitthāti? No.

31. ya8.2.1:292.1

    Yassa yaṁ cittaṁ na nirujjhittha tassa taṁ cittaṁ na nirujjhissatīti?

32. ya8.2.1:293.1

    Uppādakkhaṇe anāgatañca cittaṁ na nirujjhittha, no ca tassa taṁ cittaṁ na nirujjhissati. Bhaṅgakkhaṇe cittaṁ na ceva nirujjhittha na ca nirujjhissati.

33. ya8.2.1:294.1

    Yassa vā pana yaṁ cittaṁ na nirujjhissati tassa taṁ cittaṁ na nirujjhitthāti?

34. ya8.2.1:295.1

    Atītaṁ cittaṁ na nirujjhissati, no ca tassa taṁ cittaṁ na nirujjhittha. Bhaṅgakkhaṇe cittaṁ na ceva nirujjhissati na ca nirujjhittha.

35. ya8.2.1:296.1

    (Yassa cittake sakabhāvena niddiṭṭhe, yaṁ cittake ca yassa yaṁ cittake ca ekattena niddiṭṭhe.)

← Previous — showing 301–335 of 335

SuttaCentral (suttacentral.net), from the bilara-data and sc-data repositories. Licence: Public Domain. Source.