← Library

7 Anusayayamaka — 7.2 Mahāvāra — 7.2.6. Uppajjanavāra

Early Buddhist texts (SuttaCentral): Abhidhamma · abhidhamma · 14 sections

1. ya7.2.6:0.1

   7 Anusayayamaka

2. ya7.2.6:0.2

   7.2 Mahāvāra

3. ya7.2.6:0.3

   7.2.6. Uppajjanavāra

4. ya7.2.6:1.1

   Yassa kāmarāgānusayo uppajjati tassa paṭighānusayo uppajjatīti? Āmantā.

5. ya7.2.6:2.1

   Yassa vā pana paṭighānusayo uppajjati tassa kāmarāgānusayo uppajjatīti? Āmantā.

6. ya7.2.6:3.1

   Yassa kāmarāgānusayo uppajjati tassa mānānusayo uppajjatīti? Āmantā.

7. ya7.2.6:4.1

   Yassa vā pana mānānusayo uppajjati tassa kāmarāgānusayo uppajjatīti?

8. ya7.2.6:5.1

   Anāgāmissa mānānusayo uppajjati, no ca tassa kāmarāgānusayo uppajjati. Tiṇṇaṁ puggalānaṁ mānānusayo ca uppajjati kāmarāgānusayo ca uppajjati (vitthāretabbaṁ.)

9. ya7.2.6:6.1

   Yassa kāmarāgānusayo nuppajjati tassa paṭighānusayo nuppajjatīti? Āmantā.

10. ya7.2.6:7.1

    Yassa vā pana paṭighānusayo nuppajjati tassa kāmarāgānusayo nuppajjatīti? Āmantā.

11. ya7.2.6:8.1

    Yassa kāmarāgānusayo nuppajjati tassa mānānusayo nuppajjatīti?

12. ya7.2.6:9.1

    Anāgāmissa kāmarāgānusayo nuppajjati, no ca tassa mānānusayo nuppajjati. Arahato kāmarāgānusayo ca nuppajjati mānānusayo ca nuppajjati.

13. ya7.2.6:10.1

    Yassa vā pana mānānusayo nuppajjati tassa kāmarāgānusayo nuppajjatīti? Āmantā. (Vitthāretabbaṁ.)

14. ya7.2.6:11.1

    Uppajjanavāro.

SuttaCentral (suttacentral.net), from the bilara-data and sc-data repositories. Licence: Public Domain. Source.