← Library

7 Anusayayamaka — 7.2 Mahāvāra — 7.2.5. Pahīnavāra

Early Buddhist texts (SuttaCentral): Abhidhamma · abhidhamma · 463 sections

1. ya7.2.5:0.1

   7 Anusayayamaka

2. ya7.2.5:0.2

   7.2 Mahāvāra

3. ya7.2.5:0.3

   7.2.5. Pahīnavāra

4. ya7.2.5:1.0

   7.2.5.1. Anulomapuggala

5. ya7.2.5:1.1

   Yassa kāmarāgānusayo pahīno tassa paṭighānusayo pahīnoti? Āmantā.

6. ya7.2.5:2.1

   Yassa vā pana paṭighānusayo pahīno tassa kāmarāgānusayo pahīnoti? Āmantā.

7. ya7.2.5:3.1

   Yassa kāmarāgānusayo pahīno tassa mānānusayo pahīnoti?

8. ya7.2.5:4.1

   Anāgāmissa kāmarāgānusayo pahīno, no ca tassa mānānusayo pahīno. Arahato kāmarāgānusayo ca pahīno mānānusayo ca pahīno.

9. ya7.2.5:5.1

   Yassa vā pana mānānusayo pahīno tassa kāmarāgānusayo pahīnoti? Āmantā.

10. ya7.2.5:6.1

    Yassa kāmarāgānusayo pahīno tassa diṭṭhānusayo …pe… vicikicchānusayo pahīnoti? Āmantā.

11. ya7.2.5:7.1

    Yassa vā pana vicikicchānusayo pahīno tassa kāmarāgānusayo pahīnoti?

12. ya7.2.5:8.1

    Dvinnaṁ puggalānaṁ vicikicchānusayo pahīno, no ca tesaṁ kāmarāgānusayo pahīno. Dvinnaṁ puggalānaṁ vicikicchānusayo ca pahīno kāmarāgānusayo ca pahīno.

13. ya7.2.5:9.1

    Yassa kāmarāgānusayo pahīno tassa bhavarāgānusayo …pe… avijjānusayo pahīnoti?

14. ya7.2.5:10.1

    Anāgāmissa kāmarāgānusayo pahīno, no ca tassa avijjānusayo pahīno. Arahato kāmarāgānusayo ca pahīno avijjānusayo ca pahīno.

15. ya7.2.5:11.1

    Yassa vā pana avijjānusayo pahīno tassa kāmarāgānusayo pahīnoti? Āmantā.

16. ya7.2.5:12.1

    Yassa paṭighānusayo pahīno tassa mānānusayo pahīnoti?

17. ya7.2.5:13.1

    Anāgāmissa paṭighānusayo pahīno, no ca tassa mānānusayo pahīno. Arahato paṭighānusayo ca pahīno mānānusayo ca pahīno.

18. ya7.2.5:14.1

    Yassa vā pana mānānusayo pahīno tassa paṭighānusayo pahīnoti? Āmantā.

19. ya7.2.5:15.1

    Yassa paṭighānusayo pahīno tassa diṭṭhānusayo …pe… vicikicchānusayo pahīnoti? Āmantā.

20. ya7.2.5:16.1

    Yassa vā pana vicikicchānusayo pahīno tassa paṭighānusayo pahīnoti?

21. ya7.2.5:17.1

    Dvinnaṁ puggalānaṁ vicikicchānusayo pahīno, no ca tesaṁ paṭighānusayo pahīno. Dvinnaṁ puggalānaṁ vicikicchānusayo ca pahīno paṭighānusayo ca pahīno.

22. ya7.2.5:18.1

    Yassa paṭighānusayo pahīno tassa bhavarāgānusayo …pe… avijjānusayo pahīnoti?

23. ya7.2.5:19.1

    Anāgāmissa paṭighānusayo pahīno, no ca tassa avijjānusayo pahīno. Arahato paṭighānusayo ca pahīno avijjānusayo ca pahīno.

24. ya7.2.5:20.1

    Yassa vā pana avijjānusayo pahīno tassa paṭighānusayo pahīnoti? Āmantā.

25. ya7.2.5:21.1

    Yassa mānānusayo pahīno tassa diṭṭhānusayo …pe… vicikicchānusayo pahīnoti? Āmantā.

26. ya7.2.5:22.1

    Yassa vā pana vicikicchānusayo pahīno tassa mānānusayo pahīnoti?

27. ya7.2.5:23.1

    Tiṇṇaṁ puggalānaṁ vicikicchānusayo pahīno, no ca tesaṁ mānānusayo pahīno. Arahato vicikicchānusayo ca pahīno mānānusayo ca pahīno.

28. ya7.2.5:24.1

    Yassa mānānusayo pahīno tassa bhavarāgānusayo …pe… avijjānusayo pahīnoti? Āmantā.

29. ya7.2.5:25.1

    Yassa vā pana avijjānusayo pahīno tassa mānānusayo pahīnoti? Āmantā.

30. ya7.2.5:26.1

    Yassa diṭṭhānusayo pahīno tassa vicikicchānusayo pahīnoti? Āmantā.

31. ya7.2.5:27.1

    Yassa vā pana vicikicchānusayo pahīno tassa diṭṭhānusayo pahīnoti? Āmantā …pe….

32. ya7.2.5:28.1

    Yassa vicikicchānusayo pahīno tassa bhavarāgānusayo …pe… avijjānusayo pahīnoti?

33. ya7.2.5:29.1

    Tiṇṇaṁ puggalānaṁ vicikicchānusayo pahīno, no ca tesaṁ avijjānusayo pahīno. Arahato vicikicchānusayo ca pahīno avijjānusayo ca pahīno.

34. ya7.2.5:30.1

    Yassa vā pana avijjānusayo pahīno tassa vicikicchānusayo pahīnoti? Āmantā.

35. ya7.2.5:31.1

    Yassa bhavarāgānusayo pahīno tassa avijjānusayo pahīnoti? Āmantā.

36. ya7.2.5:32.1

    Yassa vā pana avijjānusayo pahīno tassa bhavarāgānusayo pahīnoti? Āmantā. (Ekamūlakaṁ.)

37. ya7.2.5:33.1

    Yassa kāmarāgānusayo ca paṭighānusayo ca pahīnā tassa mānānusayo pahīnoti?

38. ya7.2.5:34.1

    Anāgāmissa kāmarāgānusayo ca paṭighānusayo ca pahīnā, no ca tassa mānānusayo pahīno. Arahato kāmarāgānusayo ca paṭighānusayo ca pahīnā mānānusayo ca pahīno.

39. ya7.2.5:35.1

    Yassa vā pana mānānusayo pahīno tassa kāmarāgānusayo ca paṭighānusayo ca pahīnāti? Āmantā.

40. ya7.2.5:36.1

    Yassa kāmarāgānusayo ca paṭighānusayo ca pahīnā tassa diṭṭhānusayo …pe… vicikicchānusayo pahīnoti? Āmantā.

41. ya7.2.5:37.1

    Yassa vā pana vicikicchānusayo pahīno tassa kāmarāgānusayo ca paṭighānusayo ca pahīnāti?

42. ya7.2.5:38.1

    Dvinnaṁ puggalānaṁ vicikicchānusayo pahīno, no ca tesaṁ kāmarāgānusayo ca paṭighānusayo ca pahīnā. Dvinnaṁ puggalānaṁ vicikicchānusayo ca pahīno kāmarāgānusayo ca paṭighānusayo ca pahīnā.

43. ya7.2.5:39.1

    Yassa kāmarāgānusayo ca paṭighānusayo ca pahīnā tassa bhavarāgānusayo …pe… avijjānusayo pahīnoti?

44. ya7.2.5:40.1

    Anāgāmissa kāmarāgānusayo ca paṭighānusayo ca pahīnā, no ca tassa avijjānusayo pahīno. Arahato kāmarāgānusayo ca paṭighānusayo ca pahīnā avijjānusayo ca pahīno.

45. ya7.2.5:41.1

    Yassa vā pana avijjānusayo pahīno tassa kāmarāgānusayo ca paṭighānusayo ca pahīnāti? Āmantā. (Dukamūlakaṁ.)

46. ya7.2.5:42.1

    Yassa kāmarāgānusayo ca paṭighānusayo ca mānānusayo ca pahīnā tassa diṭṭhānusayo …pe… vicikicchānusayo pahīnoti? Āmantā.

47. ya7.2.5:43.1

    Yassa vā pana vicikicchānusayo pahīno tassa kāmarāgānusayo ca paṭighānusayo ca mānānusayo ca pahīnāti?

48. ya7.2.5:44.1

    Dvinnaṁ puggalānaṁ vicikicchānusayo pahīno, no ca tesaṁ kāmarāgānusayo ca paṭighānusayo ca mānānusayo ca pahīnā. Anāgāmissa vicikicchānusayo ca kāmarāgānusayo ca paṭighānusayo ca pahīnā, no ca tassa mānānusayo pahīno. Arahato vicikicchānusayo ca pahīno kāmarāgānusayo ca paṭighānusayo ca mānānusayo ca pahīnā.

49. ya7.2.5:45.1

    Yassa kāmarāgānusayo ca paṭighānusayo ca mānānusayo ca pahīnā tassa bhavarāgānusayo …pe… avijjānusayo pahīnoti? Āmantā.

50. ya7.2.5:46.1

    Yassa vā pana avijjānusayo pahīno tassa kāmarāgānusayo ca paṭighānusayo ca mānānusayo ca pahīnāti? Āmantā. (Tikamūlakaṁ.)

51. ya7.2.5:47.1

    Yassa kāmarāgānusayo ca paṭighānusayo ca mānānusayo ca diṭṭhānusayo ca pahīnā tassa vicikicchānusayo pahīnoti? Āmantā.

52. ya7.2.5:48.1

    Yassa vā pana vicikicchānusayo pahīno tassa kāmarāgānusayo ca paṭighānusayo ca mānānusayo ca diṭṭhānusayo ca pahīnāti?

53. ya7.2.5:49.1

    Dvinnaṁ puggalānaṁ vicikicchānusayo ca diṭṭhānusayo ca pahīnā, no ca tesaṁ kāmarāgānusayo ca paṭighānusayo ca mānānusayo ca pahīnā. Anāgāmissa vicikicchānusayo ca kāmarāgānusayo ca paṭighānusayo ca diṭṭhānusayo ca pahīnā, no ca tassa mānānusayo pahīno. Arahato vicikicchānusayo ca pahīno kāmarāgānusayo ca paṭighānusayo ca mānānusayo ca diṭṭhānusayo ca pahīnā …pe…. (Catukkamūlakaṁ.)

54. ya7.2.5:50.1

    Yassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca pahīnā tassa bhavarāgānusayo …pe… avijjānusayo pahīnoti? Āmantā.

55. ya7.2.5:51.1

    Yassa vā pana avijjānusayo pahīno tassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca pahīnāti? Āmantā. (Pañcakamūlakaṁ.)

56. ya7.2.5:52.1

    Yassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca pahīnā tassa avijjānusayo pahīnoti? Āmantā.

57. ya7.2.5:53.1

    Yassa vā pana avijjānusayo pahīno tassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca pahīnāti? Āmantā. (Chakkamūlakaṁ.)

58. ya7.2.5:54.0

    7.2.5.2. Anulomaokāsa

59. ya7.2.5:54.1

    Yattha kāmarāgānusayo pahīno tattha paṭighānusayo pahīnoti?

60. ya7.2.5:55.1

    Na vattabbo “pahīno”ti vā “appahīno”ti vā.

61. ya7.2.5:56.1

    Yattha vā pana paṭighānusayo pahīno tattha kāmarāgānusayo pahīnoti?

62. ya7.2.5:57.1

    Na vattabbo “pahīno”ti vā “appahīno”ti vā.

63. ya7.2.5:58.1

    Yattha kāmarāgānusayo pahīno tattha mānānusayo pahīnoti? Āmantā.

64. ya7.2.5:59.1

    Yattha vā pana mānānusayo pahīno tattha kāmarāgānusayo pahīnoti?

65. ya7.2.5:60.1

    Rūpadhātuyā arūpadhātuyā ettha mānānusayo pahīno; kāmarāgānusayo na vattabbo “pahīno”ti vā “appahīno”ti vā. Kāmadhātuyā dvīsu vedanāsu ettha mānānusayo ca pahīno kāmarāgānusayo ca pahīno.

66. ya7.2.5:61.1

    Yattha kāmarāgānusayo pahīno tattha diṭṭhānusayo …pe… vicikicchānusayo pahīnoti? Āmantā.

67. ya7.2.5:62.1

    Yattha vā pana vicikicchānusayo pahīno tattha kāmarāgānusayo pahīnoti?

68. ya7.2.5:63.1

    Dukkhāya vedanāya rūpadhātuyā arūpadhātuyā ettha vicikicchānusayo pahīno; kāmarāgānusayo na vattabbo “pahīno”ti vā “appahīno”ti vā. Kāmadhātuyā dvīsu vedanāsu ettha vicikicchānusayo ca pahīno kāmarāgānusayo ca pahīno.

69. ya7.2.5:64.1

    Yattha kāmarāgānusayo pahīno tattha bhavarāgānusayo pahīnoti?

70. ya7.2.5:65.1

    Na vattabbo “pahīno”ti vā “appahīno”ti vā.

71. ya7.2.5:66.1

    Yattha vā pana bhavarāgānusayo pahīno tattha kāmarāgānusayo pahīnoti?

72. ya7.2.5:67.1

    Na vattabbo “pahīno”ti vā “appahīno”ti vā.

73. ya7.2.5:68.1

    Yattha kāmarāgānusayo pahīno tattha avijjānusayo pahīnoti? Āmantā.

74. ya7.2.5:69.1

    Yattha vā pana avijjānusayo pahīno tattha kāmarāgānusayo pahīnoti?

75. ya7.2.5:70.1

    Dukkhāya vedanāya rūpadhātuyā arūpadhātuyā ettha avijjānusayo pahīno; kāmarāgānusayo na vattabbo “pahīno”ti vā “appahīno”ti vā. Kāmadhātuyā dvīsu vedanāsu ettha avijjānusayo ca pahīno kāmarāgānusayo ca pahīno.

76. ya7.2.5:71.1

    Yattha paṭighānusayo pahīno tattha mānānusayo pahīnoti?

77. ya7.2.5:72.1

    Na vattabbo “pahīno”ti vā “appahīno”ti vā.

78. ya7.2.5:73.1

    Yattha vā pana mānānusayo pahīno tattha paṭighānusayo pahīnoti?

79. ya7.2.5:74.1

    Na vattabbo “pahīno”ti vā “appahīno”ti vā.

80. ya7.2.5:75.1

    Yattha paṭighānusayo pahīno tattha diṭṭhānusayo …pe… vicikicchānusayo pahīnoti? Āmantā.

81. ya7.2.5:76.1

    Yattha vā pana vicikicchānusayo pahīno tattha paṭighānusayo pahīnoti?

82. ya7.2.5:77.1

    Kāmadhātuyā dvīsu vedanāsu rūpadhātuyā arūpadhātuyā ettha vicikicchānusayo pahīno; paṭighānusayo na vattabbo “pahīno”ti vā “appahīno”ti vā. Dukkhāya vedanāya ettha vicikicchānusayo ca pahīno paṭighānusayo ca pahīno.

83. ya7.2.5:78.1

    Yattha paṭighānusayo pahīno tattha bhavarāgānusayo pahīnoti?

84. ya7.2.5:79.1

    Na vattabbo “pahīno”ti vā “appahīno”ti vā.

85. ya7.2.5:80.1

    Yattha vā pana bhavarāgānusayo pahīno tattha paṭighānusayo pahīnoti?

86. ya7.2.5:81.1

    Na vattabbo “pahīno”ti vā “appahīno”ti vā.

87. ya7.2.5:82.1

    Yattha paṭighānusayo pahīno tattha avijjānusayo pahīnoti? Āmantā.

88. ya7.2.5:83.1

    Yattha vā pana avijjānusayo pahīno tattha paṭighānusayo pahīnoti?

89. ya7.2.5:84.1

    Kāmadhātuyā dvīsu vedanāsu rūpadhātuyā arūpadhātuyā ettha avijjānusayo pahīno; paṭighānusayo na vattabbo “pahīno”ti vā “appahīno”ti vā. Dukkhāya vedanāya ettha avijjānusayo ca pahīno paṭighānusayo ca pahīno.

90. ya7.2.5:85.1

    Yattha mānānusayo pahīno tattha diṭṭhānusayo …pe… vicikicchānusayo pahīnoti? Āmantā.

91. ya7.2.5:86.1

    Yattha vā pana vicikicchānusayo pahīno tattha mānānusayo pahīnoti?

92. ya7.2.5:87.1

    Dukkhāya vedanāya ettha vicikicchānusayo pahīno; mānānusayo na vattabbo “pahīno”ti vā “appahīno”ti vā. Kāmadhātuyā dvīsu vedanāsu rūpadhātuyā arūpadhātuyā ettha vicikicchānusayo ca pahīno mānānusayo ca pahīno.

93. ya7.2.5:88.1

    Yattha mānānusayo pahīno tattha bhavarāgānusayo pahīnoti?

94. ya7.2.5:89.1

    Kāmadhātuyā dvīsu vedanāsu ettha mānānusayo pahīno; bhavarāgānusayo na vattabbo “pahīno”ti vā “appahīno”ti vā. Rūpadhātuyā arūpadhātuyā ettha mānānusayo ca pahīno bhavarāgānusayo ca pahīno.

95. ya7.2.5:90.1

    Yattha vā pana bhavarāgānusayo pahīno tattha mānānusayo pahīnoti? Āmantā.

96. ya7.2.5:91.1

    Yattha mānānusayo pahīno tattha avijjānusayo pahīnoti? Āmantā.

97. ya7.2.5:92.1

    Yattha vā pana avijjānusayo pahīno tattha mānānusayo pahīnoti?

98. ya7.2.5:93.1

    Dukkhāya vedanāya ettha avijjānusayo pahīno; mānānusayo na vattabbo “pahīno”ti vā “appahīno”ti vā. Kāmadhātuyā dvīsu vedanāsu rūpadhātuyā arūpadhātuyā ettha avijjānusayo ca pahīno mānānusayo ca pahīno.

99. ya7.2.5:94.1

    Yattha diṭṭhānusayo pahīno tattha vicikicchānusayo pahīnoti? Āmantā.

100. ya7.2.5:95.1

     Yattha vā pana vicikicchānusayo pahīno tattha diṭṭhānusayo pahīnoti? Āmantā …pe….

Next → — showing 1–100 of 463

SuttaCentral (suttacentral.net), from the bilara-data and sc-data repositories. Licence: Public Domain. Source.