← Library

7 Anusayayamaka — 7.2 Mahāvāra — 7.2.2. Sānusayavāra

Early Buddhist texts (SuttaCentral): Abhidhamma · abhidhamma · 446 sections

1. ya7.2.2:0.1

   7 Anusayayamaka

2. ya7.2.2:0.2

   7.2 Mahāvāra

3. ya7.2.2:0.3

   7.2.2. Sānusayavāra

4. ya7.2.2:1.0

   7.2.2.1. Anulomapuggala

5. ya7.2.2:1.1

   Yo kāmarāgānusayena sānusayo so paṭighānusayena sānusayoti? Āmantā.

6. ya7.2.2:2.1

   Yo vā pana paṭighānusayena sānusayo so kāmarāgānusayena sānusayoti? Āmantā.

7. ya7.2.2:3.1

   Yo kāmarāgānusayena sānusayo so mānānusayena sānusayoti? Āmantā.

8. ya7.2.2:4.1

   Yo vā pana mānānusayena sānusayo so kāmarāgānusayena sānusayoti?

9. ya7.2.2:5.1

   Anāgāmī mānānusayena sānusayo, no ca kāmarāgānusayena sānusayo. Tayo puggalā mānānusayena ca sānusayā kāmarāgānusayena ca sānusayā.

10. ya7.2.2:6.1

    Yo kāmarāgānusayena sānusayo so diṭṭhānusayena …pe… vicikicchānusayena sānusayoti?

11. ya7.2.2:7.1

    Dve puggalā kāmarāgānusayena sānusayā, no ca vicikicchānusayena sānusayā. Puthujjano kāmarāgānusayena ca sānusayo vicikicchānusayena ca sānusayo.

12. ya7.2.2:8.1

    Yo vā pana vicikicchānusayena sānusayo so kāmarāgānusayena sānusayoti? Āmantā.

13. ya7.2.2:9.1

    Yo kāmarāgānusayena sānusayo so bhavarāgānusayena …pe… avijjānusayena sānusayoti? Āmantā.

14. ya7.2.2:10.1

    Yo vā pana avijjānusayena sānusayo so kāmarāgānusayena sānusayoti?

15. ya7.2.2:11.1

    Anāgāmī avijjānusayena sānusayo, no ca kāmarāgānusayena sānusayo. Tayo puggalā avijjānusayena ca sānusayā kāmarāgānusayena ca sānusayā.

16. ya7.2.2:12.1

    Yo paṭighānusayena sānusayo so mānānusayena sānusayoti? Āmantā.

17. ya7.2.2:13.1

    Yo vā pana mānānusayena sānusayo so paṭighānusayena sānusayoti?

18. ya7.2.2:14.1

    Anāgāmī mānānusayena sānusayo, no ca paṭighānusayena sānusayo. Tayo puggalā mānānusayena ca sānusayā paṭighānusayena ca sānusayā.

19. ya7.2.2:15.1

    Yo paṭighānusayena sānusayo so diṭṭhānusayena …pe… vicikicchānusayena sānusayoti?

20. ya7.2.2:16.1

    Dve puggalā paṭighānusayena sānusayā, no ca vicikicchānusayena sānusayā. Puthujjano paṭighānusayena ca sānusayo vicikicchānusayena ca sānusayo.

21. ya7.2.2:17.1

    Yo vā pana vicikicchānusayena sānusayo so paṭighānusayena sānusayoti? Āmantā.

22. ya7.2.2:18.1

    Yo paṭighānusayena sānusayo so bhavarāgānusayena …pe… avijjānusayena sānusayoti? Āmantā.

23. ya7.2.2:19.1

    Yo vā pana avijjānusayena sānusayo so paṭighānusayena sānusayoti?

24. ya7.2.2:20.1

    Anāgāmī avijjānusayena sānusayo, no ca paṭighānusayena sānusayo. Tayo puggalā avijjānusayena ca sānusayā paṭighānusayena ca sānusayā.

25. ya7.2.2:21.1

    Yo mānānusayena sānusayo so diṭṭhānusayena …pe… vicikicchānusayena sānusayoti?

26. ya7.2.2:22.1

    Tayo puggalā mānānusayena sānusayā, no ca vicikicchānusayena sānusayā. Puthujjano mānānusayena ca sānusayo vicikicchānusayena ca sānusayo.

27. ya7.2.2:23.1

    Yo vā pana vicikicchānusayena sānusayo so mānānusayena sānusayoti? Āmantā.

28. ya7.2.2:24.1

    Yo mānānusayena sānusayo so bhavarāgānusayena …pe… avijjānusayena sānusayoti? Āmantā.

29. ya7.2.2:25.1

    Yo vā pana avijjānusayena sānusayo so mānānusayena sānusayoti? Āmantā.

30. ya7.2.2:26.1

    Yo diṭṭhānusayena sānusayo so vicikicchānusayena sānusayoti? Āmantā.

31. ya7.2.2:27.1

    Yo vā pana vicikicchānusayena sānusayo so diṭṭhānusayena sānusayoti? Āmantā …pe….

32. ya7.2.2:28.1

    Yo vicikicchānusayena sānusayo so bhavarāgānusayena …pe… avijjānusayena sānusayoti? Āmantā.

33. ya7.2.2:29.1

    Yo vā pana avijjānusayena sānusayo so vicikicchānusayena sānusayoti?

34. ya7.2.2:30.1

    Tayo puggalā avijjānusayena sānusayā, no ca vicikicchānusayena sānusayā. Puthujjano avijjānusayena ca sānusayo vicikicchānusayena ca sānusayo.

35. ya7.2.2:31.1

    Yo bhavarāgānusayena sānusayo so avijjānusayena sānusayoti? Āmantā.

36. ya7.2.2:32.1

    Yo vā pana avijjānusayena sānusayo so bhavarāgānusayena sānusayoti? Āmantā. (Ekamūlakaṁ.)

37. ya7.2.2:33.1

    Yo kāmarāgānusayena ca paṭighānusayena ca sānusayo so mānānusayena sānusayoti? Āmantā.

38. ya7.2.2:34.1

    Yo vā pana mānānusayena sānusayo so kāmarāgānusayena ca paṭighānusayena ca sānusayoti?

39. ya7.2.2:35.1

    Anāgāmī mānānusayena sānusayo, no ca kāmarāgānusayena ca paṭighānusayena ca sānusayo. Tayo puggalā mānānusayena ca sānusayā kāmarāgānusayena ca paṭighānusayena ca sānusayā.

40. ya7.2.2:36.1

    Yo kāmarāgānusayena ca paṭighānusayena ca sānusayo so diṭṭhānusayena …pe… vicikicchānusayena sānusayoti?

41. ya7.2.2:37.1

    Dve puggalā kāmarāgānusayena ca paṭighānusayena ca sānusayā, no ca vicikicchānusayena sānusayā. Puthujjano kāmarāgānusayena ca paṭighānusayena ca sānusayo vicikicchānusayena ca sānusayo.

42. ya7.2.2:38.1

    Yo vā pana vicikicchānusayena sānusayo so kāmarāgānusayena ca paṭighānusayena ca sānusayoti? Āmantā.

43. ya7.2.2:39.1

    Yo kāmarāgānusayena ca paṭighānusayena ca sānusayo so bhavarāgānusayena …pe… avijjānusayena sānusayoti? Āmantā.

44. ya7.2.2:40.1

    Yo vā pana avijjānusayena sānusayo so kāmarāgānusayena ca paṭighānusayena ca sānusayoti?

45. ya7.2.2:41.1

    Anāgāmī avijjānusayena sānusayo, no ca kāmarāgānusayena ca paṭighānusayena ca sānusayo. Tayo puggalā avijjānusayena ca sānusayā kāmarāgānusayena ca paṭighānusayena ca sānusayā. (Dukamūlakaṁ.)

46. ya7.2.2:42.1

    Yo kāmarāgānusayena ca paṭighānusayena ca mānānusayena ca sānusayo so diṭṭhānusayena …pe… vicikicchānusayena sānusayoti?

47. ya7.2.2:43.1

    Dve puggalā kāmarāgānusayena ca paṭighānusayena ca mānānusayena ca sānusayā, no ca vicikicchānusayena sānusayā. Puthujjano kāmarāgānusayena ca paṭighānusayena ca mānānusayena ca sānusayo vicikicchānusayena ca sānusayo.

48. ya7.2.2:44.1

    Yo vā pana vicikicchānusayena sānusayo so kāmarāgānusayena ca paṭighānusayena ca mānānusayena ca sānusayoti? Āmantā.

49. ya7.2.2:45.1

    Yo kāmarāgānusayena ca paṭighānusayena ca mānānusayena ca sānusayo so bhavarāgānusayena …pe… avijjānusayena sānusayoti? Āmantā.

50. ya7.2.2:46.1

    Yo vā pana avijjānusayena sānusayo so kāmarāgānusayena ca paṭighānusayena ca mānānusayena ca sānusayoti?

51. ya7.2.2:47.1

    Anāgāmī avijjānusayena ca mānānusayena ca sānusayo, no ca kāmarāgānusayena ca paṭighānusayena ca sānusayo. Tayo puggalā avijjānusayena ca sānusayā kāmarāgānusayena ca paṭighānusayena ca mānānusayena ca sānusayā. (Tikamūlakaṁ.)

52. ya7.2.2:48.1

    Yo kāmarāgānusayena ca paṭighānusayena ca mānānusayena ca diṭṭhānusayena ca sānusayo so vicikicchānusayena sānusayoti? Āmantā.

53. ya7.2.2:49.1

    Yo vā pana vicikicchānusayena sānusayo so kāmarāgānusayena ca paṭighānusayena ca mānānusayena ca diṭṭhānusayena ca sānusayoti? Āmantā …pe…. (Catukkamūlakaṁ.)

54. ya7.2.2:50.1

    Yo kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca sānusayo so bhavarāgānusayena …pe… avijjānusayena sānusayoti? Āmantā.

55. ya7.2.2:51.1

    Yo vā pana avijjānusayena sānusayo so kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca sānusayoti?

56. ya7.2.2:52.1

    Anāgāmī avijjānusayena ca mānānusayena ca sānusayo, no ca kāmarāgānusayena ca paṭighānusayena ca diṭṭhānusayena ca vicikicchānusayena ca sānusayo. Dve puggalā avijjānusayena ca kāmarāgānusayena ca paṭighānusayena ca mānānusayena ca sānusayā, no ca diṭṭhānusayena ca vicikicchānusayena ca sānusayā. Puthujjano avijjānusayena ca sānusayo kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca sānusayo. (Pañcakamūlakaṁ.)

57. ya7.2.2:53.1

    Yo kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca sānusayo so avijjānusayena sānusayoti? Āmantā.

58. ya7.2.2:54.1

    Yo vā pana avijjānusayena sānusayo so kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca sānusayoti?

59. ya7.2.2:55.1

    Anāgāmī avijjānusayena ca mānānusayena ca bhavarāgānusayena ca sānusayo, no ca kāmarāgānusayena ca paṭighānusayena ca diṭṭhānusayena ca vicikicchānusayena ca sānusayo. Dve puggalā avijjānusayena ca kāmarāgānusayena ca paṭighānusayena ca mānānusayena ca bhavarāgānusayena ca sānusayā, no ca diṭṭhānusayena ca vicikicchānusayena ca sānusayā. Puthujjano avijjānusayena ca sānusayo kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca sānusayo. (Chakkamūlakaṁ.)

60. ya7.2.2:56.0

    7.2.2.2. Anulomaokāsa

61. ya7.2.2:56.1

    Yato kāmarāgānusayena sānusayo tato paṭighānusayena sānusayoti? No.

62. ya7.2.2:57.1

    Yato vā pana paṭighānusayena sānusayo tato kāmarāgānusayena sānusayoti? No.

63. ya7.2.2:58.1

    Yato kāmarāgānusayena sānusayo tato mānānusayena sānusayoti? Āmantā.

64. ya7.2.2:59.1

    Yato vā pana mānānusayena sānusayo tato kāmarāgānusayena sānusayoti?

65. ya7.2.2:60.1

    Rūpadhātuyā arūpadhātuyā tato mānānusayena sānusayo, no ca tato kāmarāgānusayena sānusayo. Kāmadhātuyā dvīsu vedanāsu tato mānānusayena ca sānusayo kāmarāgānusayena ca sānusayo.

66. ya7.2.2:61.1

    Yato kāmarāgānusayena sānusayo tato diṭṭhānusayena …pe… vicikicchānusayena sānusayoti? Āmantā.

67. ya7.2.2:62.1

    Yato vā pana vicikicchānusayena sānusayo tato kāmarāgānusayena sānusayoti?

68. ya7.2.2:63.1

    Dukkhāya vedanāya rūpadhātuyā arūpadhātuyā tato vicikicchānusayena sānusayo, no ca tato kāmarāgānusayena sānusayo. Kāmadhātuyā dvīsu vedanāsu tato vicikicchānusayena ca sānusayo kāmarāgānusayena ca sānusayo.

69. ya7.2.2:64.1

    Yato kāmarāgānusayena sānusayo tato bhavarāgānusayena sānusayoti? No.

70. ya7.2.2:65.1

    Yato vā pana bhavarāgānusayena sānusayo tato kāmarāgānusayena sānusayoti? No.

71. ya7.2.2:66.1

    Yato kāmarāgānusayena sānusayo tato avijjānusayena sānusayoti? Āmantā.

72. ya7.2.2:67.1

    Yato vā pana avijjānusayena sānusayo tato kāmarāgānusayena sānusayoti?

73. ya7.2.2:68.1

    Dukkhāya vedanāya rūpadhātuyā arūpadhātuyā tato avijjānusayena sānusayo, no ca tato kāmarāgānusayena sānusayo. Kāmadhātuyā dvīsu vedanāsu tato avijjānusayena ca sānusayo kāmarāgānusayena ca sānusayo.

74. ya7.2.2:69.1

    Yato paṭighānusayena sānusayo tato mānānusayena sānusayoti? No.

75. ya7.2.2:70.1

    Yato vā pana mānānusayena sānusayo tato paṭighānusayena sānusayoti? No.

76. ya7.2.2:71.1

    Yato paṭighānusayena sānusayo tato diṭṭhānusayena …pe… vicikicchānusayena sānusayoti? Āmantā.

77. ya7.2.2:72.1

    Yato vā pana vicikicchānusayena sānusayo tato paṭighānusayena sānusayoti?

78. ya7.2.2:73.1

    Kāmadhātuyā dvīsu vedanāsu rūpadhātuyā arūpadhātuyā tato vicikicchānusayena sānusayo, no ca tato paṭighānusayena sānusayo. Dukkhāya vedanāya tato vicikicchānusayena ca sānusayo paṭighānusayena ca sānusayo.

79. ya7.2.2:74.1

    Yato paṭighānusayena sānusayo tato bhavarāgānusayena sānusayoti? No.

80. ya7.2.2:75.1

    Yato vā pana bhavarāgānusayena sānusayo tato paṭighānusayena sānusayoti? No.

81. ya7.2.2:76.1

    Yato paṭighānusayena sānusayo tato avijjānusayena sānusayoti? Āmantā.

82. ya7.2.2:77.1

    Yato vā pana avijjānusayena sānusayo tato paṭighānusayena sānusayoti?

83. ya7.2.2:78.1

    Kāmadhātuyā dvīsu vedanāsu rūpadhātuyā arūpadhātuyā tato avijjānusayena sānusayo, no ca tato paṭighānusayena sānusayo. Dukkhāya vedanāya tato avijjānusayena ca sānusayo paṭighānusayena ca sānusayo.

84. ya7.2.2:79.1

    Yato mānānusayena sānusayo tato diṭṭhānusayena …pe… vicikicchānusayena sānusayoti? Āmantā.

85. ya7.2.2:80.1

    Yato vā pana vicikicchānusayena sānusayo tato mānānusayena sānusayoti?

86. ya7.2.2:81.1

    Dukkhāya vedanāya tato vicikicchānusayena sānusayo, no ca tato mānānusayena sānusayo. Kāmadhātuyā dvīsu vedanāsu rūpadhātuyā arūpadhātuyā tato vicikicchānusayena ca sānusayo mānānusayena ca sānusayo.

87. ya7.2.2:82.1

    Yato mānānusayena sānusayo tato bhavarāgānusayena sānusayoti?

88. ya7.2.2:83.1

    Kāmadhātuyā dvīsu vedanāsu tato mānānusayena sānusayo, no ca tato bhavarāgānusayena sānusayo. Rūpadhātuyā arūpadhātuyā tato mānānusayena ca sānusayo bhavarāgānusayena ca sānusayo.

89. ya7.2.2:84.1

    Yato vā pana bhavarāgānusayena sānusayo tato mānānusayena sānusayoti? Āmantā.

90. ya7.2.2:85.1

    Yato mānānusayena sānusayo tato avijjānusayena sānusayoti? Āmantā.

91. ya7.2.2:86.1

    Yato vā pana avijjānusayena sānusayo tato mānānusayena sānusayoti?

92. ya7.2.2:87.1

    Dukkhāya vedanāya tato avijjānusayena sānusayo, no ca tato mānānusayena sānusayo. Kāmadhātuyā dvīsu vedanāsu rūpadhātuyā arūpadhātuyā tato avijjānusayena ca sānusayo mānānusayena ca sānusayo.

93. ya7.2.2:88.1

    Yato diṭṭhānusayena sānusayo tato vicikicchānusayena sānusayoti? Āmantā.

94. ya7.2.2:89.1

    Yato vā pana vicikicchānusayena sānusayo tato diṭṭhānusayena sānusayoti? Āmantā …pe….

95. ya7.2.2:90.1

    Yato vicikicchānusayena sānusayo tato bhavarāgānusayena sānusayoti?

96. ya7.2.2:91.1

    Kāmadhātuyā tīsu vedanāsu tato vicikicchānusayena sānusayo, no ca tato bhavarāgānusayena sānusayo. Rūpadhātuyā arūpadhātuyā tato vicikicchānusayena ca sānusayo bhavarāgānusayena ca sānusayo.

97. ya7.2.2:92.1

    Yato vā pana bhavarāgānusayena sānusayo tato vicikicchānusayena sānusayoti? Āmantā.

98. ya7.2.2:93.1

    Yato bhavarāgānusayena sānusayo tato avijjānusayena sānusayoti? Āmantā.

99. ya7.2.2:94.1

    Yato vā pana avijjānusayena sānusayo tato bhavarāgānusayena sānusayoti?

100. ya7.2.2:95.1

     Kāmadhātuyā tīsu vedanāsu tato avijjānusayena sānusayo, no ca tato bhavarāgānusayena sānusayo. Rūpadhātuyā arūpadhātuyā tato avijjānusayena ca sānusayo bhavarāgānusayena ca sānusayo. (Ekamūlakaṁ.)

Next → — showing 1–100 of 446

SuttaCentral (suttacentral.net), from the bilara-data and sc-data repositories. Licence: Public Domain. Source.