← Library

5 Saccayamaka — 5.3 Pariññāvāra — 5.3.5. Paccuppannānāgatavāra

Early Buddhist texts (SuttaCentral): Abhidhamma · abhidhamma · 9 sections

1. ya5.3.5:0.1

   5 Saccayamaka

2. ya5.3.5:0.2

   5.3 Pariññāvāra

3. ya5.3.5:0.3

   5.3.5. Paccuppannānāgatavāra

4. ya5.3.5:1.1

   Yo dukkhasaccaṁ parijānāti so samudayasaccaṁ pajahissatīti? No.

5. ya5.3.5:2.1

   Yo vā pana samudayasaccaṁ pajahissati so dukkhasaccaṁ parijānātīti? No.

6. ya5.3.5:3.1

   Yo dukkhasaccaṁ na parijānāti so samudayasaccaṁ nappajahissatīti?

7. ya5.3.5:4.1

   Ye maggaṁ paṭilabhissanti te dukkhasaccaṁ na parijānanti, no ca samudayasaccaṁ nappajahissanti. Arahā ye ca puthujjanā maggaṁ na paṭilabhissanti te dukkhasaccañca na parijānanti samudayasaccañca nappajahissanti.

8. ya5.3.5:5.1

   Yo vā pana samudayasaccaṁ nappajahissati so dukkhasaccaṁ na parijānātīti?

9. ya5.3.5:6.1

   Aggamaggasamaṅgī samudayasaccaṁ nappajahissati, no ca dukkhasaccaṁ na parijānāti. Arahā ye ca puthujjanā maggaṁ na paṭilabhissanti te samudayasaccañca nappajahissanti dukkhasaccañca na parijānanti.

SuttaCentral (suttacentral.net), from the bilara-data and sc-data repositories. Licence: Public Domain. Source.